مسـاء الخير حبايبي
نارة
_______________________
نمت وغطيت بالنوم گعدت من النوم لگيتهه السـاعه تقريبـا بال١٠ونص
غسلت مريت ع غرفه البنات رند لسـه نايمه الولد كلمن بشغله وبدوامـه اني ضل گلبي يمهم خاف السيد يحجي وي علي خصوص سيـاره علي البارحه بليل مدري شصارلهه كاله السيد اني اخذك و اوديك
غسق تباوعلي بنضـرات غريبـه مادري شنوهيه وليش هيج تباوع بس ك انو مغتاضه منـي
سويـت جاي و كعدت احجي وي بيبي ونتريگ سوه شويه وكتلهه
بيبي دويه بيبي دويه
دويه
آ والوجع اي ولله شني هاي ولج صايره نفس زويد تكولين دويه متستحين
اييي بيبي حبيبتي اسفـه بس بيبي اريد اكلج شي
دويه
اي حبوبه احجي
بيبي عمو و سلام شصاير بينهم ليش هيج مايحجون وي بعـض
دويه
يحبوبه القصه طويله
احجيلياهه بيبي حبابه
دويه
هاي مره من المرات بوكت ما امـج ي بيبي لمن حركت روحها عمج قبل بساع جان رايدها لامج بس ابوج اخذه وهي صارت مشركل بينهم حيل بعدهي خطيه عمج تلوع بس جان يموت عليج انتي وعلاوي بـس ابوج جان ابد مايحبـه وعمج خطيه بشبابه ضل على حب امـج وما استهدى بالرحمن وحتى مازوج شاف ابوج مو زين وي امج جان مايرضى وجان بودة انو يطلكون وهوه يزوجـهه
بعدهي يايمـه الي عرفنا بعدين عمج هوه الگايل لامـج ابوج مزوج وبسببه حارگه روحهه ابوج نهه علاقته ويـا نهائيـا
وبوقتهه علاوي صـار يموت من عده ولا يطيق عمه ولايريدة ويكول هوه السبب
وبعدهه يمـه عمج ازوج وصار عنده ويلاد(ولد) كروري و حسين ابن عمـج ذوله واحد يموت من الثـاني مانعرف شنو بينهم ولا نعرف الي يدور بيناتهم
بس زويد شويـه علاقته زينه ب ولد عمـه
بيبي تره عمـو جان صغير نفس ماكلتي ماعتقد اكو داعي لكل هل مشاكل يعني خالده مو تعتبر هم نفس الشـي وهي الي دمرت حياتنا لعد ليش علي يحجي وياهه
دويه
بيبي علي يموت من هل خويلده هاي بـس يحجي وياهه لچن ام اخوانه علاوي يعرف يصـرف يمه وعمج هم ماكاطع ويا فردور يسلم عليه اذا شافه بس هوه يكول كلبي مايطيني احاجي مع انو عمج هواي حاول ويـا بس علاوي حيل يحب امه الله يرحمهه
تنهدت وكتلهه الله يرحمـهه وكمت
طبيت للمطبخ داطبخ اجتي غسـق بس جان مبين اكو بحلگهه حجي شويه وگالتلي
غسق
اكلج نارة
ها
غسق
احجي بكل بصراحه انتي تحبين السيد
درت وجهي وباوعتلهه وگتلهه
ها
غسق
ش ها داسالچ جاوبيني تره ماعتقد اكو شي
شنو مناسبه هل سوال
غسق
هه اي اي ادري بيج كلش زين تحبينه وبينكم علاقه لسه استحي شويه ماعندج شرف حاطه عينج ع رجال مزوج
سكتت ماحجيت شي بس اني احس نارر شبت بداخلي شگول وشحچي مـادري احس القهـر اكلني صافنه ع روحي شجاي اسوي بنفسي اني صدك جذب ياربي اني وكعت روحي بتهلكه
هيه خلت وراحـت شويه ندگت الباب طبوا علي و السيد ضليت اسوي بالغـده اني والبقيه كاعدين شويه وجوي زيـد و غيـد
الـي صايرين هاي الفتره واحد مايطيق الثاني نهائيـا ومحد يحجي وي الثـاني احاول اصلح الي بينهم بس ماگدر ومرات اكول اذا اصلحه راح يتعاركون ف خليهم هيجي
صبيتلهم غـده اني ماگعدت گلتلهم ماشتهي كعدت بالمطبخ وحايره بهمومي شسوي مادري من جهه اكول خاف ادمر حياتهم من جهه اكول هوه الي ومن حقي ومن جهه اكول اريده بس الي شي بيه يكولي شون تاخذين رجال مزوج مادري شكولن وشحجي افكـار هواي ببالي
فززني من صفنتي السيد وهوه يگلي
السيـد
وين صافن الحلو
باوعتله وگتله مصافنه هيج
السيد
ليش متكومين تاكلين اضعف من النت البلعراق انتي
احسن من هايشات العراق شتريدني لعد
ضحگ وگال
السيد
اكلج راح احجي وي علاوي تره اني اليوم انشاءالله بموضوعنه
شنو كرار شتحجي
السيد
شنو هوه شجاي احجي والله عربي جاي اكلج اليوم احجي وي علاوي بموضوعنه
بس كرار
السيد
بـدون بس اني تعبت من وضعيتي وماجاي امنع روحي منج وبنفس الوقت اريدج بالحلال يمي انتي جاي تستوعبين الي جاي احجي لو عقلج على كدج يابه؟
جاب احس بشعـور كلش مقرف ديتغلب ع شعوري الحلو
السـيد
ارتباطج بيه صار مقرف بالنسبه الج نارة ؟
لا كرار موهيج بـس احس جاي اخذ رجال مزوج من مرته
السيـد
انتي تهتمين بمشاعر غسـق ؟
زين غسق ما اهتمت بمشاعرج؟ هي تدري انو اني احبج الج اني اكثر من مره كايل الها اني عقلي وكلبي ل نـارة و اني احب نارة وتجي وتكولي انت سويت عليه جميـل وهايهيه شوف حياتك ليش لسـه خايفه !
انـي مو مزوجهه ومعتبرهه زوجه الي وتجين وتكولين اني بكت رجـال من الي يحبهه كلبه !
تره انـي كلبي ولا فد يوم حب غيرج جاي تفهميني
اذا عشت ويـاهه شنو يعني كل ضنج ارتاح وعيشهه سعيده
لا ولله اصلا اطلگهه وكره كل النسـوان
اني غسق خالهه هنانه بالبيت مجاملـه لا اكثر ولا اقل
وهي تدري بهذا الشي كلـه كايله الها انـي هذا الحجي من اول يوم انـي
مادري مادري كرار كلشي ما ادري
السـيد
لا ولله ينارة شو انتي مسويه السالفـه مدري شنيـه خاف انتي ماترديني انتي بعد نفسج مو بيه كليلي ولله كليلي اعوف السالفه كلهه وطلك غسـق وهايهيه ان الله يحب المحسنين
شبيك كرار غسق شدخلها بينه شعليها
السـيد
ماطيقهه تره غسـق مجرد بنيه عاديه بوجهه نضري وانتي حبي الاول والاخير اذا ما اخذج يعني اطلك غسـق واعيش وحدي هيج ابردلي راس وخليني اتعذب بحبج
نتبهت ع وجود غسق بالمطبخ تباوعلنه بحقد بس عيونهه مليانه بالدموع للحضه كرهت نفسي غمضت عيوني ودرت وجهي واحس الخجل استولاني
غسق
اي اي جاي تتمعشگ فوگ مرتك مو
السيد
اشش حجايه ماريد مادخلج ب اي شي كتلج البارحه وتفقنا كتلج تردين اطلكج كلتي لا حتلو اني اريدك بعد شنو ابد ما الج حق تدخلين ، حجايه ماريد
اباوعلهه نزلن دموعهه وخلت وطبت لغرفتهه باوعت لسيد وگتله سيد شوفهه واللله مادريي احس
السيد
كافي نارة كافي مادخلج ب اي شخص وخاف مسمعتج حجايه مالج دخل بيهه ايد خوش يلا رايح انام شويه حتـه منا لليل احجي ويا لان هسه هوه هم تعبـان وماله خلگ
اجه علي وهوه يصرفن ب اديه ويكول
علي
ها منوه التعبان وشتكله ماجيتوا اكلتوا
السيد
سلامتك عندي حجي وياك جاي اكول لنارة
علي
خو ما كوشي
السيد
لابسيطه رايح انام اني
راح السيد باوعلي علي وگال شكو گتله مادري غسلت ماعيـن ورفل جتي وياي تغسسلهن وشـي المهم كملت وصعدت اخذت علاجي وضليت افكر بالي ديصير والي حيصير حدما نمت
كعدت لعصـر محد بالبيَت من الولَد غسق اصلا ماطلعت من غرفتهه اجوي بليل سوه والسيد جايب علي ويا
هماتين تعشوا وشي السيد گال
السيد
رند و غيد و نارة گومن منانه شويه عندي حجي اريد احجي وياهم
كلبي نغزني گلت يجوز يحجي ع هذا الموضوع وصدگ گمنـه رحنه للمطبخ گتلهن ولا صوت اريد اسمع حطيت اذني يم الصاله اريد اسمع بس شنووو اني خاااايفه حيلل سمعت صوت السيد وهوه يحجي وكل كلمه يحجيهه كلبي يكوم يدك حيل وتور يزيد ويزيد
السيد
عندي حجي وياكم يابه علي وبنسبه ل زيد انت تدري وبنسبه الك يابه يجوز مايهمك بس اني حجي وي علي اكثر شي
علي
احجي خوفتني تره اكو شي ليش طلعت البنات ليش تريد تحجي بي
السيد
كتلك كل الخير اسمعوني قـبل ماتعرفون انو نارة تكون من هذا البيت يعني اختك يا علي و يا زيد بس اكيد مو اختي هيه
علي
ماكو داعي لهل حجي تره احنه كل احنه اخوان شنو هاي التفرقه واذا ع تدخلك بنارة ف انت اخوهه
السيد
علاوي تره رند بت ابوك يعني اختك اما نارة مو بت ابوي عود بت رجل امي يعني هوه هذا الحق غير
علي
هاي شبيك سيد شنو ماخذ شي مصخن ليش جاي تحجي بهيج مواضيع
سلام
عدكم شي لو اكوم اني
السيد
تره جاي احجي يابه اصبرر
علي جاي احجي شرع الله اني المهم خلوني اكمل قبل لا تعرفون بسالفه نارة
جانت نارة تشتغل يمي بالشَركه جانت تعتبر زيد اخوهه وانـي هم جانت بس احنه تثق بينه وتأمن بينه مضت الايام و انـي
علي
احجي بسرعه شكووو سيددد
السيد
الحب مووو عيب ياااا علي ولا عار حته نطمه وننسا
ولا تنسه انت عشگت شذى واخذتهه وانـي احب نارة وكلهه جانت شاهدهه ومنهم زيد كلهه تدريي وبسبب الي صاررر نارة ابتعدت عني كل ضنهه اني اخوهه ماتدري بيه اني مو اخوكم الي يربطني بيكم بـس امي وتربط زيد و احمد ورند مو انت ولا نارة ومن سوت هيج اني رحت وزوجت غسق لاسباب هواي ماريد اطب وتعمق بيهن
وهسـه اني اريد اريد نارة ع سنه الله ورسوله
علي
شنووو انت شجااااي تحجييي سيد شجاي تمخرطط
السيد
علاوي ماكو داعي للعصبيه جاي احجي وياك
خالده
ولك مووو مزوج يمهه شنووو هايي ام السحورررة سحرتك وهيجج صرت مستحيل كرار حلم عمرك تكون مثل هاي بت المسيحيه الك
السيد
اخر شخص يحجي هوه انتي
علاوي احجي وياككك اني مامسووي شييي غلطط وجاي اكلكم كبالكم بويه اني غريب احسبوني وجايي اخطب بتكم اني من عشيره ....... وانتو من عشيره ...... اني كرار ال احمد وانتم ال شاهين ف بعد شنو شنووو الي يعارض
علي
انت تخبلت موو تخبلت
سيد من كل وعقلك جاي تحجي فرمت بالك سيد وهذا الحجي امحي من بالك لا تصير غير شي هاي شي وشي ثاني انت بمكان اخوهه ورجال مزوج ومستحيل يصير هذا الشي مستحيل انت رجال مزوج اتقي ربك
السيد
استغفرالله استغفرالله علي لاتكليي مزوج لاتكلي اني متفق ويي غسق وهيه ماعندهه اعتراض واني ان جان عدهه او لاااا ميهمنيي وثاني شي اني موو اخوههه مو اخوهه افهمني
يحجووون ويعيطون وكلبي يدك بسررعه وخايفه دموعي متكومه بعيوني ومادري شسوي بس حيل خايفه جنت
علي
نارة ناررة تعايي
دوية
ولكم حبوبه انعلو الشيطان ولكم كافي صايح ولكم لا تخلون الشيطان يصير بنصكم ولو انتو عايشين بنص شياطين شون ماتصيرون هيج
خالده
اخذي بنت ابنج وروحي منانه من يوم الي شفتكم ماشفت طعم الراحه نوب جايتني هاي تريد تاخذ رجال من مرة مزوجه
السـيد
ااااااي ع اساس انتي ماخذتي ابوي من امهم نارة اني احبهه احبههه من زمان قبل لا حته اخذ غسق واني مستعد اطلك غسق واخذهه
علي
لك لا تخبلني لا تخبلني ولك صدك تحجي تطلك بنت الناس لو نارة تنزل على غسق والله العب بيهه جوله ولا اخليها تدمر حياه ثنين ناررررره اني مو جاي اصيحلجج
من گال ناره مره ثانيه حيلي كله ننننهد احس نفسي ماگدر بعد اوگف گلبي يدك بسرعه وخايفه رند وغيد يكللي روحي وني خايفه وهمه يصيحووون طبيت للصاله بالگوة واني ارجف عيوني مابيه اشيلهم وشوفهم مدنكه وفرك باديه اجاني صوت علي العصـبي
علي
سمعتي الحجي الي گالة السيد لو اعيدددة الج
هزيت راسي وجسمي كله يرجف
علي
نارة لا لف ولا دوران ولاشي اريدج تكليلي صدك انت تحبين السيد
من كال هيج كالهه بصوت اقوه جسمي برد احسه وكمت ارجففف بشكل مسموع ومعروف ععاد السوووال علية وهوه يگلي
علي
تحبيييي لووووو للا
باوعتله وكتله اي واني احس من الخوف اريد اموت
علي
وبعـد مازوج يعني هسه تحبينه لووو لا كليلي !!!
باوعت ل سيد وهوه يباوعلي بملامح انتضار باوعت ل علي وهزيت راسي والدمعه نزلت مني
تقدم الي بعصبيه غمضت عيونيي راساا حسيت السيد صار گبالي
السيد
امشششي روووحي نارة
علي
وخرر كرار وخر ولج شلووون تحبين واحد مزوج شلون تسوين هيج شلون لج شلوون
تقبليهه ع روحج كليلي شلون لا تضلين ساكته لا تخبليني شوووفي هايي الي تبجي الي راكضه وره السيد وهوه راكض وراج جاي احسهه نفسسس معانااااه امج نفسهه ضاع كلياا بسبب تهور ابوجججج و ..
خالده
لااا تجيبني ل هاي اختك ال كحب... اني احب ابوك كبل و امككك اخذته مننيي وبعدين رجعلي بنهايه كل طير يرجججع لعشة
السيد
يمه كافي كافي روحي روحي انتي
احس كلمات علي ينبتن بكلبي من القهر دموعي كامن ينزلن قارنت ماكو اي مقارنه اني غير اني غير خالده طبت للغرفه وني ابجي صرت احجي وي علي وابجي مادري منين اجتني القوة وشلون صارت مادري
ليششش تقارني بيهه ليش اني جنت غيررر اني مننن شفتت السيد اتزووج ابتعدت واللله بتعدت بسس موبيدييي موبيدي تررررره غسق حته تعرف بكلشي بينه شگد حاولت انسه بس ماگدر صدگني ماگدررر
ماحس اله علي دافع السيد حيل عني وضربني راشدددي وگعني بالگاع نرگع راسي بالگاع حيل ودموعي تجريي وعلي يصيحح عليه
علي
بنت الكلب تحجيهه بكل صلافه تحجيهه كبالي وتكلي احب رجال مزوج ولج شنوو انتي شنوو
اجه السيد وهوه يريد يكومني وخر ايده حسـام و اخذ ايدي وكومني بسرعه وخلاني ورا
بيبي صاحتني وكالتلي تعاي يمي اريد اهد ايدي من علي ماگدر بيبي صاحت علي هدني رحت يمهه حضنتني وضليت ابجي بحضنهه
علي
نارة تحلم تزوجه مووو تضحك عليهه بشكم حجايه بسسب ولدنتكم تخرررببون حياااه ٣ اشخاص
نارة مستحيل تصير الك خليهه ابالك سيد هل حجي مايصرفن عندي ومن المستحيل يصيرر
السيد
خلي هل حجي الك علي والله اخذههه اخذهههه لوووو يكووون اخرررر يوم بحياتي اني اخذههه خوششش
علي
سيددددددد
زيـد
كلشي ينحل بالتفاهم شبيكم بس تصيحون شبيكم
علي
لا يراويني وجهه لا يراوينيا احس اريد
باوعلي وكالي
علي
اريد اموتج بيدي احس اريد اموتججج شلوووون شلوووون تحبين واحد مزوج لج شاااايفه شجاي احس تجاهج جاي احسسس بالقرف بالقررررف تجاهج
دويـة
ومت وجع وخفه لهل صوت هذا اسكت لا اكوم هسه بالعوجيه مالتي وانسه انت شكبرك ماعليج يحبوبه بي لا تبجين يبعد روحي
السيد
رايحح رايحح بس راجلعكم والله كوومي حضررري ملابسج غسق بسررعه و دير بالك تسوي ل نـارة شي
من ناحيه عليكم غفور رحيم وعلينه شديد العقاب والله ايش مزوج
علي
لك سيد انت شجاي تحجي والقران احس راح يصـير بيه سكر من وراكم لك كرار كرار انت جاي تستوعب الي جاي تحجي تروح رنـد تحبلهه واحد مزوج وتاخذه من مرته نرضه انت ترضه كلي ترضه
السـيد
لا تقارن مقارنه ما الهه اي صله اني احب نارة من زمان وزواجي هذا جان مجـرد
غسق
كافي سيد كافي الله يخليك
علي
الموت تستحقونه انتم ،الموت تستحقونه والله العضيم تخربون حياه بنيـه بسبب طيشكم والله اموت ولا ارضه اموت نارة واموتك احسن مما تموت بنيه وانتم ترتاحون
السـيد
انت ماعرف شنو من تفكيررررر تفكيرككككك ماعررررررف
انتيي يله شكتلج اني امشي حضري ملاسنه بسرعه
جنت ابجي وحاضنه بيبي وگلبي رايح نصدمت من كال كومي حضررري ملابسج وي غسق شفته راح لغرفتـه بسرعه و راَحت ورا غسـق دار وجهه النـه علي و اجه
زيد
كافي علي بعدين احجي وياهه خل تصعد
دويه
ولله اكسر اديك اذا تجيسهه ابن المطي امشي ولي
علي
اصعدي اصعدي حسابج بعدين وحق الله انـي اعلمج
بيبي دويه تهمسلي وتكلي
دويـه
كد ما محروك گلبه ي يمه يعرف الوجع الي توجعته امه
زيد كالي بسرعه اصعدي خليت وصعـدت ورند وغيد صعدوا ورايه اني صرت بس ابجي واشهگ مادري شسويي حته بس گلبي طفحان
ضليتت بس ابجي وهنه يهـئن بيه غيد نزلت وصعدت كالت السيد و غيق طلعوا بره البيت و وياهم جنط اني من سمعت هيج متتت ضليتتت ابجي بزايـد واگول عافني وراااح وين عافني وين
شويـه صعد علي وهوه يلهث من العصبيه ويحجي
علي
شوووفي لجج قسما بالقرران اذا تتقربين لحياه
السـيد و غسق بالقران اذبحج ع قبله محمد تردين تخريين بيوووت ولججج تردين تصيرين كح*ة ديربالجج يا نارة ديربالج هوه هسه يحبج يومين ثلاثه يسناج ويلتهي ب مرته واطفاله ف انتي توخرين هالشي من بالج خوش
ماحجيت شي و اني بس ابجي حجههه بصوت عالي وگال
مفهموووم
زيد
كافي كافي علي انزل كافي خرعت البنات
علي
اطيني موبايلج اطينياااا
اطيته موبايلي من جيبي خله ونـزل زيد گالي
زيد
شسويتووو بورحكم انتي والسيد كله بسب غبائج وتسرعه هيج صارر شوفي شجاي يصيـر بسببج يانارة
كافي زيد كافي مو انت ضليت عليه
خله ونزل وانـي كلبي نارر ضليت طووول اليل ابجي البنات خطيه راحن نامن نسيت موبايل غيد وموبايل رند ضليت ابجي واگول ليش هيج سوه ليش راح معقوله هوه بعد مايريدني معقولهه ضليت كاعده ل١ ابجي اتخيل يكعدون هوه وغسق يضحكون اموووت واذكر حجي علي واموت ازيد غفيت ع روحي وني مادري
كعدت من نوم واني اشم ريحـة السيد باوعت للسيد نايم يمي ويدخن وحاضني حيل باوعتله وگتله كرار شدسوي ضمني لحضنه وهوه يكلي اشش نامي حضنته وغطيت بنوم
كعدت واني ماشوف السيد ذكرت الي صار فركت وجهي ونعلت الشيطان داحلـم اني
شفت ساعه ب١٠ مابيه انزل رجعت ع فراشي واني ابجي حدما نمت كعدتني رند كالتلي يكول علي خل تكوم تاكل كلتلها ماريد حرمصتلي كتلها ماريد
شفت ساعه ب٢ تقـريبا ضليت افكر ب السيد صعدت رند سالتهه عليه اشرتلي انو ماهَوة كتله ماراسلج اشرتلي موبايلي عطلان صدك ذكرت موبايلهه بتصليح لان وكع ونكسر وبعد مافتح ابد كالتلي لنو تريد جديد وشي والسيد مواعدهه بموبايل جديد هيه تحجي وياي وتاشرلي وني بالي يم السيد
ضل بالي حيل وتعجبت ليش سوه هيج وينه وشچاه وشنو معنه هل حركه هاي
ضليت بفراشي تقريبا ل٤ حسيت نفسي جعت كلت خل انزل ساعه اكول علي ماموجود خل انزل اكول لا علي مايطلع هسه بعد وقت ضليت متحيره شويه اسمع سيـارات صفن يم باب بيتنه قريبات يعني فتحت شباك لكيت كووومه سيارات وناس نزلت كولهه جانت معگله والي قاط واكثرررر من ١٤ سياره
تعجبتت شكووو كلت يجوز مو النه للي كبالنه شويه ماحس اله الجرص ندگ تعجبت معقولهه همه نزلت بـسرعه كلت ل رفل شكو كالتلي مادري جانت خالده موبالبيت اسمع علي يكول تفضلوا تفضلوا
جام المطبخ مضلل نشوفهم بس محد يكدر يشوفنه اباوع للناس كوووومه مع انوو استقبالنا جبير كلش بس كلت معقوله يكفون شويه وماحس الـة السيد طب وياهم طخت ببالي الشغله وغيد راساا كالت
غيد
هلا جايببب مشية وجااااي الاخ
ضحگن هيه ورند ورفل واني گلبيي يدگ بسسررعه وفرحاننه كلش للحضه حسيته بعد ولايجي ولهاي بس الحمدلله وشكر حسيت روحي اطمنت شويه رفل ضلت تكلي شوفي شون مشتريج وني احس وردات توردن بگلبي اجه زيد يضحگ ويباوعلي
ديد
بشرفج بال٥٠ رجال هسه من ارد اجيب حبيبات ام ٥٠٠ دينار ببيش اذا فوك ال١٠ الاف انتحر والله يا الله ابتليت صرت يمكم
رفل
ولك يا عشره اكثر اكثر اكثر
زيد
صخام الصخمك كرار المن جايب ذوله كلهم لو كايلي انـي احاجي علي وينتهي الموضوع اصلا راسا يقبل اني ادري بـدون ضحگ واستهزاء رجاءا
ضحگنه ويا گال حضرلي گلاصات و ماعين بسرعه صدگ والله حضرناله وفتحنه ٤ درازن ماعين و كلاصات وحضرن ماي يجي علي ياخذه
اجه علي وهوه مامقتنع ابد باوعلي وكال
علي
مساع ع الاكل ماجيتي هسه اجيتي تركضين
سكتت ماحجيت شي يحجي بينه وبين نفسه
علي
والله لو شيصير لا تتأمليـن ابد
شويه واچه زيد جايب علاگتين ببسي شكدهن شلت وحده منه بسرعه نشگت ردت اوكع اني وياهه من ثكلهه
كلبي يركض من الفرح حضرناهَن و گل اجيب كيك واجي من سياره جابلنه الكيك گصات جايب حطيناهم بالماعين واجه علي ويا ياخذوهن نضرات علي تزعجني حيل تقريبا ربع ساعه واجه السيد طب باوعلنه وابتسم
غيد
لك عيني هاي شمسوي مو ادينه راحت
ضحك واشرلي اجي
السيد
لتخافين شويه ويبدون يحجون بالموضوع ونشالله خير ليش ماتردين عليه
لموبايل عد علي
السـيد
خرب و رند
عاطل
السيد
كلي ل زيد يجي ياخذلهه واحد واراسلج منهه خوش
خاف اذا لا كالهه الله وماتنحل سالفتنه
كال هيج وتنهد مزامحه متعوبه صدك نقهرت كتله الله كريم
شويه وجانه صوت زيد
ديد
ديلا عيني بده الببسي ع بنطرونه حته يجي يحجي وياج يله اغسل وتعال فشله ناس كاعده
السيد
جاي ولك فضحتنه
ضحگ وكال نتبهي نفسج وراح ضحكت ع حركته الي مسويهه شفته غسل وراح طب للاستقبال هوه وزيد
كلبي ع ناررر جان ضليت اقره ايه الكرسي وخايفه ماكو خمس دقايق وكلهه طلعتت بس احس الوجوه مو وجوه فررح والسيد عيوووونه بگصته وجهه احممر وحيلل مغتاض مبين
عرفت كلشي اني وعرفت رد علي دمعن عيوني راسا
طلعو كلهم طب علي وفل كالتله ها شصار كلهه اكيد رفض خله وطب لغرفته بدل وطلع باوعلي وگال
علي
تنسين هالشي ديربالج تتاملين لو جابلي الدنيا كلهه ما ابني سعادتج ع تعاسه غيرج مستحيل صدگيني
دوية
روح احكم نسوانك وماعليك ب نويرة امشي يلـه اطلع
علي
بيبي لا تنطيهاا مجال ابددد لا تنطيها امل
دوية
ولك الولد يحبها وهيه تحبه انت شجاي تحجي امشي ولي من يمي شنو نسيـت من شذيوه تريد تنخطب وكلت لا لا واني اخطبها وخليتنه نروح نخطبها
علي
بيبي شبيجج هاي وين و هاي وين شجاي تحجين خصم المرضوع كرار وناره عله موتي ينجمعون
دوية
هم صايره عنده ريشات عود ويحجي
خله وطلع اني حيل ضجت زيد راح يجيب موبايل لرند لان كالتله واني خليت وصعدت جنت ضاااايجه كلش من الوضع
مانزلت تعشيت ولاشي بس غيد حرمصتلي اكل
اكلت بليل حاجيت السيد من رد ضل يكلي لاتخافين يرفض هاي ويجوز يرفض غيرها حدما يجزززع ويمل لاتخافين ضل يطمن بيه اني هم مالي خلك ابد انو احجي
اليوم الثاني نفس الشي ضليت بغرفتي ومانازله ابد علي ضل يصيح ويكلي شنو معنه الدسوي وني اكله مالي خلك وبس وهوه يحجي حجيه السم يخليني اموت واضل بس ابجي من يحجي هيج
المهم خالده عارفه انو السـيد ابيته احد فالتهه يمهه السيد مكايللهه اني عندي بيت لان يعرفهه تعيش بي نوب وتعال سجله ب اسمي وبعد شغلات هوه يعرفهم راحَت هيه وسلام يمهه بس الي عرفته من زيد انو كايلهه البيت مستاجري مو هيج
جان السيد يجيني من يروح علي للشغَل ويحاجييني طول لوقت ذبلت هواي بدونه ورجع عندي فقر دم ضل يحجي عليه لان من صوتي مبين تعبانه
جابلي علاكتين متروسات اشكال والوان ونطه ل غيد ورند هم ووصاني ع نفسي ضليت اكل بمالاته ومانزل وعلي متخبل من هالشي يكول شعدها ضاربه الاكل
مر ٤ ايام كال ح جيب عمامي السـاده و اقاربهم كلهه وفعلا جوووي وجانوو اكبررا وكلهه لابسه الغتر الخضره ومبينين ناس وجهاء حيل علي متفشل وكايللهم طوني مجال مكادر يرفضهم بس هوه من طلعو ضل يصيح ويكول لوشيصير ماقبـل جنت اكول ل سيد مستحيل يوافق وهوه يكلي عندي امل
رايح علي و حاجي وي السيد وكايله وين تريد توصـل وهوه مصر انو اريد ازوج ناره و علي مصر اكثر مانطيكياهه ابد
زيد شكد حجه ويا وهوه ولايهمه وصدگ والله انطاهم الرفض بنفس اليوم
بيومهه متعاركك وي السيد ويا وهوه ولا كانه يكلي ابددد ماريد ادمر حياه عائله
اني هنـا نهاريت مرات اكول صح حجي علي وهايهيه اعوف كلشي ومرات اكول ماكدر وماتحمل
السيد جان يهديني بس ع اعصابه وهوه جان اتعس مني زهگان گال ما امل وجيب ناس بعد فتره يكدرون ياثرون عليه ويمل
محاجي شذى وشذى هم تحرمصله وهوه ابـد ولا أهتَز
بيوم جنت حيل تعبانه ومالي خلك والفقر مسببلي دوخه صعد علي وضل يحجي ويايه ويكلي مانريد نهدم حياتهم وخطيه ونتي لاسوين هيج بنفسج جنت ابد ما اخذ بحجيه واني كلبـي ينبض بحبه ل سـيد وماقتنع ب اي شي يحجي
صدگ ذبلت وتعبتت جان فراگ السيد مو هَين ابد جنت بليل يادوب احجي ويا المهم مر اكثر من شهر
اني مليتت بس السيد ضل ومصر شكد حجه ويا شكد دز ناس وهوه ابد حيل ضجنه وحيل تعبنه ثنينه
بيبي تحاجي علي تريـد منه وهوه رافض رفض تام
جانت خالده دكل ل رند خل تعوفه وغسق ورجلهه متونسين جنت اموووت واعوف حته السيد بس هوه جان يكلي كبري عقلج اني الروحي مالي خلگ
بديت اقره شويه وكملَت اكثر من ماده ذبيت نفسي عليهن اني ماره عليه لان لؤي جنت دائما اني اقري و غيد هماتين واني معلوماتي واسعـه مَرن هوواي ايام شذى رجعت للبيت وصرت مرتاحه شويه لان اني حيللل احب شذى
مر تقريبا ٥ اشهر جانت معاناه بيهه حيل جبيره ما ضل واحد ما حجه وي علي حته احمد ادخل بسالفه حته سلام ضل يحجي ويـا وهوه يصيح ابدد و ابدد
شذى صـارت بشهر لل٧ طبعا طلعت حامل بتوم ولَد وعلي وهيه حيلل فرحوا جانت رفـل بس تتحسر وتباوعلهم حيل تقهرني مَرات جانت تگل لشذى اني اخَذ ولد منج اربي وثاني الج
جانت شـذى ضوج احسهه بَس مره گاعدين كالت اني حلمت حلم لن اني كاعده وبيدي ثنين اطفال اجتي رفل اخذت طفل مني وگال طينيا ارضعه وگعدنه ثنينه سوه گالت شذى وهيه مقتنعه تماما انو تنطي الطفل الصغير الثاني ل رفل خطيه رفل جانتتت حيل فرحانه بس علي جان يكللهه انتي متاكده من قرارج لو لا يعنـي اذا انطيتي بعد ماكو رجعه وهيه تگله اي متاكده من قراري
اتفقو انو حته يسجلو ب اسم رفل
رفل صارت تداري شذئ واحنه جنه نخـاف عليهه كلشش وهيه حمَلها حيل حيل صعَب جان
شذئ حجت وي علي ورجعلي الموبايل بس جان ينبهني ماحجي وي السيد
مـرت ٦ اشهر واحنه ع حالتنه حته خالده صارت ماتجي للبيت ابـد وكرار بده حتـه مايحجي وياي هواي اني هم مالي خلك وبالي حيـل متشوش وهوه مـل خصوصا من اخر عركه تعاركت بي ويـاهه وكتله حجي علي صـح واني ماريد اخرب حيـاتكم بساعتها هوه انهار وضل يصيح ويكلي تفشليني انتي وكلساع الج قرار .. مرات اصفن ع نفسي واكول صدك هوه اني بنفسي ماعندي قرار ومشاعري ملخبطه
يوم من الايام گاعده اني ندزتلي رساله ماكو مبروك وصوره باوعت رقم غسق الجديد
الصوره جانت دتحمل بس ميين شي ابيض كلبي كام يدك سريع خايفه متوتره ماعرف شنووو شويه وحمملت الصوره وجان انصدم ب.. توقعاتكم حبـايبي ؟
تفاعلكم حبـايبي !
____________