#منطقة_خطر🚷
#Yarinya
#الرابعة_عشر
كان عليك سحبي من بؤسي..وليس انسحابك مني💔
طلع خنجر من حجرة حنان
حاس نفسه مضايق بس شن هو السبب مش معروف
في باله اوسمة ومشغول عليها بكل بس كان يتجاهل في الشي هذا
الخوف من الماضي وتكرار الاخطاء داير لخنجر عائق كبير
متشتت مش قادر ايدير اي رد فعل لحياته
مش قادر يتشبت في شي
لآن خايف في النهاية يخسر كل شي💔
سيف:/خنجر عطي نفسك فرصه
خنجر:/ فرصة شن الي تحكي عنها
سيف:/ راني اكثر واحد نعرفك وانت من طلعت هالبنت وانت دماغك مش معاك
خنجر:/ انت عارف في شن انفكر وماقعد شي
سيف:/ يعني بعدها خلاص حتنهي كل شي؟
خنجر:/ سكت
سيف:/ مشكلتك اتكابر وماتسمع في داخلك
خنجر:/ اساساً مافي شي انكابر علي شانه مهمتي وشارفت انها تنتهي حنحاول ان انآمنلهم حياتهم والباقي هم ايكملوه ونفتك من كل شي ومعاش يربطني بيهم حاجه
سيف:/ هههه عيونك ايقولوا العكس
خنجر:/ قرن حواجبه
لو كان تسكت ايكون احسن😒
سيف:/😂
__________
اوسمة:/ مش قادره نوصف الي داخلي ليش انفكر فيه ليش فاقده وجوده مش عارفه شن الي صايرلي 😣💔
سالم:/ راك ما بتلقي نسيب كيفه الي آمن وتحمل مسؤولية بناتك من رايي عطيه فرصه خلي اول مانروحوا ويبدا حالك باهي اعلني زواجهم رسمي وني الي حنديره العرس غير ما تفرطي فيه بس
حنان:/ مش عارفه اني مش قادره نستوعب ان اوسمة تتزوج بالطريقة هذي
اني طول عمري انشجع فيها انها تقرا وتكمل ما نبي نربطها بحد الظروف تغيرت وكل شي تغير💔💔
سالم:/ الله غالب هذي الدنيا بس كيف ماقتلك ماتفرطي فيه
حنان:/ اني من ناحيته ماعندي عليه اي مشكلة بس بنتي صغيره وزيدها ان الراجل مرات ما يبيها مرات خاطب كاين او متزوج شن عرفك هو غرضه ان ايساعدنا ف طبيعي ايكون ما يبيها
سالم:/نروحوا ساهل وني نعرف نتفاهم معاه والواضح انه يبيها لآن لمحتله ان ايسيبها ويمشي واني نتكفل بالباقي تنرفز وحسيته ماعجبه الكلام وقالي لا ع طول
حنان:/ ان شاء الله خير
_________
سوسن:/ تنهدت وناضت خشت المربوعة
شافت مراد الي كان انسان ثاني
ضاعف وشاحب والهم في عيونه
سوسن وجعها قلبها والدموع في عيونها
مراد:/ عندك الحق تكرهيني تسبيني اديري الي بديريه بس ماتبعدي عني
سوسن اني نحبك وانتي الحب الوحيد الصافي في قلبي الي بعدك كان عابر
ماتحرميني منك ولا من بناتي اني نادم عارف روحي غلطت
سامحيني مش حامل بعدك
وشد ايديها ونزل راسه وبدي يبكي
سوسن:/ ما قدرت تتحمل وانهارت تبكي
💔
___\\\\____\\\\
ربيعة:/ خيرك مش ع بعضك صايرشي
عمر:/ لالا مافي شي
ربيعة:/ عمر نعرفك مزبوط ياخوي شن في صاير
عمر:/ تعبت من هالفرخ فاضحني في كل مكان محشم بيا الكل اخرتها اني ما عرفت نربي
ربيعه:/ هذي بالك توا يتعدل ادعيله بالهداية بس
عمر:/ تنهد ربي يهديه
ربيعه:/.....
__________
كلمت حنان بناتها فيديو
ومانحكيلكم ع منظرها لما شافتهم ايقطع القلب بكو مع بعضهم وهدرزو وارتاحت حنان لما شافتهن مبسوطات
تمت الزيارة واوسمة في عالم ثاني وكلهم لاحظوها
روحت مع خالها وابراهيم
ابراهيم:/ جايب اكل من برا
طق طق طق
اوسمة:/ فتحت الباب
ابراهيم:/ جبتلك اكل عارفك من الصبح مش واكلة حاجه❤️
اوسمة:/ مانيتي ابراهيم صحيت
ابراهيم:/ تي شن مانيتك لازم تاكلي تو ايجيك هبوط
اوسمة:/ بجد مانيتي تو لما نجوع ناكل عن اذنك بنرقد
وسكرت الباب
ابراهيم:/ تنرفز وفات
تسريع للآحداث
فاتوا اربعة ايام واوسمة نفسيتها تعبانه وتفكر في خنجر تراقب في ظهوره ع الوتس وهكي تتطمن عليه💔
خنجر من يوم طلعت معاش دورها بالرغم من ان ايكابر
كان مشغول وماعنداش حتى وقت ايرد ع هله
سيف لاهي هو وخنجر ومش معروف في شن لاهيين
ابراهيم:/انغيرو جو ع السريع
اوسمة:/وافقت كانت محتاجه تطلع تشم هواه شوية
رفعها ابراهيم لحديقة قريبه من المصحة جابلها عصير وشكلاطه وقعمز بجنبها
اوسمة:/ما كانت متقبله ابراهيم نهائياً
ابراهيم:/اوسمة شن امضايقك
اوسمة:/شن هالسؤال ؟
اتشوف في امي في المستشفى خواتي في جيها طبيعي بنضايق
ابراهيم:/ لالا امك وخواتك ما ليهن دخل انتي من لما طلعتي من حوشه قالبه وجهك😒
اوسمة:/ شافت فيه بدون ماترد
ابراهيم:/ اوسمة راهو الي كيفه ينخاف منهم هذا خنجر محمد معروف سفاح وقاتل وعنده عرم سوابق اني ما بيت نحكي الشي هذا قدام بوي ولا عمتي لكن من ما يعرفه
اوسمة:/ شافت في ابراهيم بنظرات صدمة
ابراهيم:/ الواضح انك ما تعرفي عنه شي
هذا قبل متهمينه بجريمة قتل انحبس فترة وبعدها طلع ايقولوا ان بريء بس الي زيه عندهم معارف واجد ايطلعوه عادي لا براءة لا شي
اوسمة:/ وانت من وين جايب هالكلام😨
ابراهيم:/ صدفة سآلت عنه واحد وحكالي قصته فلهذا قوليله ايطلقك من اليوووم 😒
اوسمة مصدومة ومش قادره ترد تسترجع في كلام خنجر
لما كان سكران وكان يحكي عن القتل
قاطع شرودها صوت تلافونها
والمتصل كان خنجر
اوسمة اتشوف للآسم ومش مصدقه ناضت بعدت عن ابراهيم
الي مجرد ما شافها ناضت تنرفز وحس ان خنجر
اوسمة:/ فتحت الخط وماقدرت ترد وكآنها كانت محتاجه لصوته
خنجر:/ ايوا
اوسمة:/ اهلا
خنجر:/ كيف حالك
اوسمة:/ بخير وانت
خنجر:/ بخير في البيت ولا المصحة؟
اوسمة:/ لالا في الحديقة الي مقابلة المصحة
خنجر:/ بروحك؟
اوسمة:/معاي ابراهيم
خنجر:/ خدي نفس والنار تلهلب داخله
دقايق ونكون عندك
وسكر الخط
اوسمة خافت حست ان صاير شي
ابراهيم:/ خيرك
اوسمة:/ شي
وقعمزت ع الكرسي
ودقايق ووصل خنجر
نزل وجايها
اوسمة ناضت قدمتله
ابراهيم النار والعه فيه
اوسمة:/ شن في 😨
خنجر:/ عيونه ع ابراهيم
هذا شن ايدير هنا؟
اوسمة:/ القاني مضايقه قالي نطلعوا الحديقة
خنجر:/ كويس بكل
ابراهيم:/ هييي انت شن جايبك هنااا !؟
خنجر:/ نزل نظارته حيد عن طريقي خيرلك
ابراهيم:/ ههههه معلوم كان ما حدت احتمال تقتلني عادي ماهو خديت عليه
خنجر:/ برزو عروقة والشرار في عيونه ضرب ابراهيم ع وجها لوين طاح ع الارض
والكل يتفرجوا مصدومين
اوسمة تعيط ومش معدلين عليها
ابراهيم:/ يا سافل يا@&(& اتمد يدك عليا 😡
وناض بيضرب خنجر
خنجر:/ دفه وجابه مره ثانية ع الارض وجاي بيضربه
اوسمة:/ خلااااص خنجررر خلاص انت وياه وشاده خنجر وتبعد فيه عن ابراهيم
خنجر:/مزال داير قدر لباتك وشاد خيري وشري اقسم بالله انشوف ظلك امخطم من يالاي ما تلوم كان نفسك
ابراهيم:/ ناض يمسح في الدم من فمه وايسب
خنجر فات بعد بعيد
والتفت شاف في اوسمة بنظرات كلها رعب
خنجر:/تعرفي الراجل هذا 😒
وطلع تلافونه وحط ع الصوره ومده لآوسمة
اوسمة:/ بإستغراب عمي عمران!
خنجر:/يعني تزبطيه؟
اوسمة:/هذا صاحب بوي الله يرحمه راس من وين تعرفه؟
خنجر:/ وهذا؟
اوسمة:/ عمي رياض😨
خنجر:/ حالياً وين قاعد !؟
اوسمة:/ ليش تسآل؟
خنجر:/ جاوبي ع السؤال
اوسمة:/ ليش تبي تعرف؟
خنجر:/ هي كلمة وحده جاوبي علي قد السؤال
اوسمة:/ قاعد في منطقة...
خنجر:/ متآكده
اوسمة:/ لا في مشاكل بيناتنا من لما توفا بوي كلهم تغيرو
خنجر:/ هز براسه
اوسمة:/ خيرك تسآل عنهم وكيف عرفتهم اصلاً ؟؟
خنجر:/ ايكون في علمك ني في الاستخبارات ما يخفى عليا شي
اوسمة:/ باهي شن الغرض من سؤالك شن هو الي تبي تعرفه
خنجر:: شي
ولبس نظارته وفاتها ووقف في نص الطريق
خنجر:/ مانوصيك خليك ديما مضايقه بيش ايفرهد بيك باهي😒
اوسمة:/ حقير ندل😡💔
ابراهيم:/ قرب منها اقسم بالله مابيت اندير مصيبه هنا كان هذا خربتله وجهاا ووريته اللعب كيف شكللله انتي مزال رابطك بيييه و ..
اوسمة:/ ابراهيم يحكي وهي عيونها ع خنجر لوين اختفي عن انظارها
تسريع للآحداث فاتوا يومين وكتبوا لحنان خروج والكل فرحانين جهزو ارواحهم وبيسقدو
حنان:/ الله يرضى عليك دنيا واخره وايناولك مرادك ياولدي جميلك كبير بكل
خنجر:/ابتسم امين يارب مافي جميل هذا واجبي
والتفت شاف لآوسمة برفعت حاجب
اوسمة./ لا ارادياً ضحكت لخنجر بدون ماتحس بروحها فاقت بروحها وتحشمت
خنجر:/ داب في ضحكتها ورد ابتسملها
ابراهيم ايراقب بحقدد🔥
ركبن حنان واوسمة مع سالم وابراهيم
وخنجر وسيف قدامهم
فاتت الطريق وكانت طويلة
الكل مبسوط بالرجعة ما عدا اوسمة الي كانت عارفه ان بمجرد وصولها حينتهي كل شي💔
كانت الطريق طويله ع الكل الا اوسمة الي حستها قصيرة بكل
جود واميرة ورُباً يرجوا ع نار
درس خنجر قدام حوشهم ووراه سالم
نزلوا وكان عمر ووليد وكريم يرجوا فيهم رحبوا بسالم وابراهيم
خشت حنان واوسمة
البنات مجرد ما شافهن امهم جن يجرن ضمنها ويبكن
منظر ايقطع القلب حنان ضامه بناتها وتبكي
الكل يبكوا معاهم 😭
رحبت ربيعة بحنان وقعمزوا ايهدرزو والبنات مكرشات في امهن
اما اوسمة ف كانت ع اعصابها الكل يحكي ويضحكوا اما هي فكانت مش ع بعضها داخلها مش مرتاح بكل
ليلى:/ يما خنجر بيسلم عليك
طلعت ربيعة تجري
اوسمة:/💔
جود:/ ماما استاحشناك😭😭
اميرة:/ وااجد😭😭😭😭
حنان:/ والله اني اكثر😭😭😭
رُبا:/ معاش تخلينا😭😭
ربيعة:/ الحمد الله ع سلامتك ضي عيني
خنجر:/ الله ايسلمك ياغالية
ليلى:/ ليك وحشه 🥺❤️
خنجر:/ والله ليكم اكثر
وقعدوا ايهدرزو والكل نسي الهم الي فيه
سيف ايساير واينسي في روحه
ليلى تضحك بيش ماتبين الوجع الي داخلها
حنان:/ بجد بارك الله فيكم مهما انقول ومهما نحكي مش حنوفي جميلكم
ربيعة:/ مافي جميل بكلل وقفتك مع ولدي في عز ظروفه وحمايتك ليه هي الي عمرنا ماننسوها ليك انتي الي بارك الله فيك
اوسمة وجود شافن في بعضهن
حنان:/ اي وقفه ؟
ربيعة:/ولدي الي قريب قتلوه واحتمي عندكم وعالجتوه وحميتوه ماننساها ليكم طول عمري
حنان:/ سيناريوا خشة خنجر
ومنظر بيتهم وهو ينحرق
الكلام الي انقاللهم
طلوعهم في الشارع
كله في لحظات مر بيها
حنان// وقفت ق قصدك ولدك 😨😨
هوووو
الي حرق بيتي وشردني اني وبناتي 😨
هووووو
اوسمة:/ م ماما😨
ربيعة:/😨😨
وطلعت حنان تجري برا القت المربوعة وخشت
حنان:/ انتتت صححح
خنجر ايشوف فيها بصدمة
جت ربيعة واوسمة وليلى والبنات يجرن
سالم وعمر والكل ايشوفوا في حنان
حنان بهتسيرية ::/انت السبب في كللللللل شيي
بسببك انتتتت تشردت في الشارع ني وبناتييي
انت السبب في الذلللل الي عشته
هههههه واني انقووول معقووله حد ايساعد هكي في وقتنا هذاا حاااااس بتآنيبببب الضمييير صححح
عرفتتت انككك دمرتتتتتت عيلة صح
براااا حسبي الله ونعم الوكيل فيك مش مسامحتك لا دنيا ولا اخرررره وبنتييي توااااا اطلقهااااا تواااا
واتخبط في صدر خنجر وتبكي
اطلقهااااا توااااا توااا
سالم ايحاول ايهديها هو واوسمه
وهي في هستيرية تامه
خنجر غمض عيونه وصار الي كان خايف منه
اوسمة:/ ماما😭
وفي لحظات حنان يغمى عليها
____________
:// اليوم وصل
://عطيه يومين وانشوفوا شغلنا معاه
________
رفعوا حنان المستشفى وصارلها ارتفاع في السكر
اوسمة دموعها ما جفو
ربيعة ندمت انها تكلمت
سالم ع اعصابه
ابراهيم مبسوط وايوزع في ابتسامات
فاقت حنان وتفكرت الي صار ورجعت انهارت وسبت اوسمة وغلها صباته فيها
حنان:/ خلاص ضااقت بيييك مالقيتي كانن هذااا الي كان السبب في دمااار حياتنا😭
اوسمة:/ يا امي ماكان عند حل و
حنان:/ سكرررري فمك عنييي صوتك مانبي نسمعه
والتفتت لسالم
توا ايطلقهااااااا
سالم/ اهدي ياحنان تو نتفاهموا غير اهذي
تسريع للآحداث
فاتوا يومين وخنجر مختفي نهائيا وحنان بتهبل تحسابه هرب
ارقامه مقفل وما حد عارف سبب اختفائه
سالم اجل عرس اولاده وسعاد بتموت من معاملته ليها كارها وكاره بناته واغلبيت وقته في بيت حنان
اوسمة نفسيتها زيرو بالها مشغول ع خنجر ونفس الوقت قلبها محروق من بعد الي صار ومن معاملت امها ليها
ربيعة حاولت تتواصل مع حنان بكل الطرق وما قدرتش وقلبها محروق علي ولدها
فاتوا ثلاث اسابيع واوسمة رايحه بتموت
خنجر مختفي والكل قالق عليه
حنان:/ وين رافعنا
سالم:/ مشوار قريب
حنان:/ تنهدت
اوسمة:/ تتفرج ع الروشن وبالها في عالم ثاني
درس سالم قدام حوش كبير ع دورين
حنان:/ وين جايبنه هذا حوش من؟؟
سالم:/ غير انزلوا بس
ونزلوا والكل مستغربين
حنان:/ انت وين جايبنا تكلمم ياسالم
فتح الباب و خش سالم ووراه حنان والبنات ومستغربين مش فاهمين شي البيت خيال بمعنى الكلمة
سالم:/ فتح الباب الداخلي بالمفتاح وخش
حنان:/ انت شن ادير بيت من هذا؟!
خش سالم داخل
سالم:/ من اليوم هذا بيتكم
حنان:/ هه تي بيت شنن الي تحكي عنه
سالم / تو تفهمي كل شي غير اصبري
وفي لحظات خبط الباب وطلع سالم يفتح
حنان:/ ما شاء الله الحوش خيال بس زعما ايكون شراه وبيحول هنا
جود:/ من وين ليه حق بيت زي هذا ياماما
اميرة:/محلاه🥺
سالم:/ تفضل تفضل
اوسمة:/ وللحظة قلبها انتفض رفعت راسها
خنجر:/ السلام عليكم
حنان:/ اول ما شافاته قرنت حواجبها وجت بتتكلم سالم غمزلها
اوسمة مصدومة واتشوف فيه
سالم&جود&اميرة:/ وعليكم السلام
خنجر:/ خدي نفس
اني عارف حجم الآلم الي سببته ليكم وعارف اني دمرتلكم حياتكم بالكامل عندك الحق انك تكرهيني تسبيني اتليزيني الي تبيه اديريه بس يعلم الله اني ماكنت متوقع ايصير هكي كنت خايف عليكم اكثر من نفسي المهم
الي بنقولة هذا البيت ليكم حتنتقلوا هنا و
حنان:/ اطلع من حياتنا بسسس مانبوا منك شي وبيتك خليه لك احني مش في عازتك
خنجر:/ بس هذا مش حوشي هذا حقكم انتم من ورث المرحوم والحوش امسجل بآسمك
حنان:/ ورث شن !؟
عبد الله تقسم ورثه من زمان!؟
خنجر:/ لا غالطة هذاك الي خديتوه جزء منه اما الباقي اتاخد منكم ماعلينا مش هذا موضوعي عمي سالم تو يحكيلك القصة
هذا الملف فيه الوراق الي تثبث صحة كلامي وكل شي موضح فيهم
الكل في حالة صدمة تامه ومش مستوعبين شي وكآنهم في حلم
والتفت لآوسمة
خنجر:/ سجلتك في كلية الطب البشري هنا وحتبدي من الاسبوع الجاي اوراقك تامات وكل شي نظامي
حنان:/ انت شن اتقول ورث شنن وبييت شنن تكلممم 😨
سالم:/ حنان اهدي
خنجر:/ ان شاء الله انكون قدرت انصلح ولو جزء صغير من غلطي اني عارف انك مش حتسامحيني بس ان شاء الله ترضي ولوشوي
وطلع ورقه من جيبه
ومدها لآوسمة
اوسمة:/ تشوفله بصدمة وجمود
خنجر :/ هذي ورقة طلاقك و.........
اوسمة.:/😨😨😨😳
شن حيصير في اوسمة💔
وشن قصة هالحوش؟ والورث الي فجآه طلع؟
هل انتهت علاقة خنجر واوسمة نهائياً؟
حنان كيف حتكون ردت فعلها لما تعرف كل شي ؟
وغيرهم من الاحداث
قراءة ممتعة💙