مسـاء الخير حبايبي
نارة
النشـر يومي الساعه بالـ ٥:٠٠
اسفـه بس بارتات المفاجئه بهل ايـام راح الغيها لان كومـه من عدكم عدهم امتحانات وحسب ماقريت بتعليقـات القصه كلش دتاخذ من بالكم ف خلوهه يوميـة و ان شاء الله بعد ما تكملون تدللـون 🤎.
_________________
مرينه ع المطعم زيد نزل جاب اكل واجه وتجهنا للبيت وصلنه شفنـه سياره السيد مو هنانه نزلنه شفنا ماكو
زيد گال وداهه لاهلهه اكيد طلعوا الطلعه من عيونه شويه واجه وهوه عصبي محد حجه ويا خله وطب لغرفتـه
زيد گال گوموا خل ناكل احسن شي طبعا اجينه سلام ومرته مو بالبيت زيد صارت عنـده فكره يحط الطبله بالحديقه وصدگ شالهه وحطهه بالحديقه وحطينه كراسي وگعدنه ورفل هم اجتي
اكلنه وكملنه والمهم مضَه الوقت ععـادي كلش العصَر السيد طلع وزيد طلع وعلي هم طلع گاعدين سوه بس رند فوگ جانت شويه واجتني رساله منهه
رند
بسرررعه اصعديي نارو حبابه
ماعَرفت شكو بس قلقت عليهه جنه كاعدين اني وشذى و غيد عفتهن وصعـدت لگيت رند تبجي ولازمه موبايلهه انطتنيـا
وچان اشوف محـادثه من رقم مامكتوب عليه شَي فتحت ال صوره ،وجانت الصدمـه صوره خـالد وبديت قريت المحـادثه
ها يحلوه شلونچ
مشتاقلچ يالخرسه
جسمج ما راح من بالي اووف كل ما اشوف الفيديو و يجي بالي اطفر عليكم بس اگول خطيه اكيد هسه مابيها حيل فد فتره ونرچع نعيد الكيم
شوفي لچ اسمعيني زين اذا ما تسويلي ب اقرب وقت مجال حته اجيج ل انزل راس اخوانج يم قندرتي اخليهم يحرمصولي ويرجعون ليوره
ف يا خرسه يا بت الكلاب تسويلي مجال و الج مجال منا لباجر وهاي ناره تحضريلياهه هم مادري شلون بس غصبا عليج تسوين الي اريده خوش واذا هاي سويلي مجال الاختهه الشگرة نسيت اسمهه بـس ال**** عدهه **** يخليني اذوب ههههههههههه
وبالنسبه لشغله لاتنسين تاخذين مانع مالي خلگ اريد اشبعع بالبدايه وبعدين تورطي انتي عود واقل حركه بليله ضلمه اجي اقتلكم كلكم ديربالج تتحايلين ويايه ديربالج
قريت الرسائل واني منصدمه بلعت ريكي وباوعت ل رند الي تبجي واني مصمنه
صارت تاشرلي بمعنه شنسوي ههسه
احس اديه ترجف والقران اريد الزم الموبايل ماگدر قويت نفسي وگلبي يدگ بسسرعه انطيت حضر للرقم وسديت الموبايل واجيت يم رند
حاولت اهديهه واطمنهه بس بالحقيقه اني بگلبي ناررر وخـايفه كلشش أحس نفسي حتـه دخت وماعرف شَسوي وصلت لهاي الدرجه حضرت رقمه من كل الجهات من موبايل رنـد وحاولت اطلعهه من چَوهه الي هيه بي
شويـه ونزلت لگيت زيد يحجي وي غيد و غيد مبتسمه ويحجون بهدوء معقوله ذوله الثنين مجموعين سوه بدون صايح وصراخ
ها شنو اجيت
زيد
لا بعدني ما جاي جا ششوفين كباالج
گامت غيد راحت للمطبخ عقجت حواجبي وباوعتله
زيد
ها شكووو شبيج
شعندك وي غيد احجيلي من الاخير
زيد
وللله حلوه يعني شعندي مايصير نحجي شويه
والله مادري بس ديربالك زيد خاف عندك سالفه منا منا تره غيد موو نفس ذني البنات الي تعرفهن
زيد
راح تكفريني والعباس طبعا غيد حجتهه وكلت صغيره بعدهي انتي شبيج تحجيها احترمي نفسج واعرفي شنـو الي تحجينه وشون مو تحجين الحجايه وانتي ماتعرفين معناهه
مبين صار عصبي ونزعج اني هم ماحجيت شي رحت لغيد لكيتهه بالمطبخ
شجنتي تحجين وي زيد
زيد
ش شنحجي يعني مانحجي شي هيج عادي ع دوام وشي قابل شنو
اي انشالله هيج غيد
زيد ابتعدي عنـه مالي خلگ مشاكل من اليسوه والمايسوه عرفتي منو اقصد خالده اذا شافتكم هيج شيخلصنه منـهه بعد
هَزت راسهه وسكتت گتلهه اصعدي يم رند شسوين هنانه خلت وصعـدت زيد ع گعدته بصاله بس عاقج حواجبه وضايج كش وبره حاله حال اخو حسره ع الواحد يجفص يمهم
دكيت الباب ع شذى وطبيت لگيتهه نايمه مالهه خلگ نفس الصخونه صايره عنـدهه الدنيا بارده وهيه بالمي 24 ساعه يا تغسل يا تغسل خطيه ضليت يمهه ضلينـه نحجي
كالت خل نكوم نسوي اكل كتلهه اني اسوي طبعا رفل تنحست كلشش يعني ابد ما جانت هيج جانت تتعارك هيه وشذى بس مو كلش يعني ثنينهم كلبهم فطير هسه كلش مادري شچالهه والحقد مالي عيونهه
دائما ساده الغرفه وگاعده گمت داطبخ وذابه شالي اصلا م لابسته ماحس اله السيد دخلَ باوعلي وگال
السيد
علاوي هنانه لو بالعيـاده
گتله لاا بالعيـاده خله وطلع حيل رتبكت حطيت شال ع راسي خاف يطب مره لخ وكعدت متحيره وافكر شعنـده وي علي وليش هلكد مرتبك مثلا معقوله شَي يخص غسـق
سويَت نواشف وشي عما اني داسوي طبوا خالده وسلام يضحگون ويسامرون ماهتموا لوجودي ابد
عبروا من يمي احس اختنگت بشكل ليمتـه يعني ليمتـه اضل هيج اكو اب ما يعتـرف اببنـته والله ماكو هيچ شي مَن يوم يومـه گلبه موعلينـه ابد دمعتـي نزلت واني اگلي
صدگ هضيمـه البنيـه شگد تحتاج ابوهه شگد تتمنـه وجوده شگد يصعب عليهه اذا زعل من عندهه وانَي هه اصلا اني ابويه م يباوع لوچهي ولا مهتمَلي
عيوني انملن بالدموع صرت حته ماشوف الطاوه گد ما غوشن عيوني هديت نفسي وسحبت نفسس طويل نفس ميدل على انو اني بنت ال عشرينـات
اجتي شـذى وياي لكت الاكل جـاهز كتلهه ارجعي لفراشج مارضَيت حطيت الجاي وخدرته من هسه شويه وسمعت صوت
خالده
عيني البغداديه السنيه تعاااي اطيني ماي لو ع كولتكم مي هههههههههههههههاي
ختتگت من گالت هيج حيل حسيتـهه دتعيرني او شَـي اني مالي خلگ رحت نطيتـهه گلاص مي زيد گاعد ومزعوچ
خالده
تعاي لا ترحين جيبي ل ابو كروري ماي خطيه تعبَ من طريق
سلام
لا حبيبتي ماريد ماي ام كروري
امشي روحي ماريد
كمل جملته وهوه يحجي بصيغه موطبيعيه صيغه نتر صيغه حيللل تجرح البنيه اذا احد يحجي وياهه هيج خاصتا اذا ابوهه
درَت وجهي بس اني الي يكلي بووو انفجر بوجهه مزعوجهه وضايججه حيل واحس الدموع نملت بعيوني
خليت وصعـدت لفوگ لگيت رنـد گاعده صافنـه وغيد تحضَر بجنطتـهه مال المدرسه عگبه دوامهه صادف
ها رنوده كلشي تمام
هزت راسهه بس اني اعرف الكسر الي بگلبهه اشرتلهه بمعنـه كلشي يهون وسحبت نفس گتلهن يلا ننزل لان صاح الاذان حتـه نصلي وَشي
نزلنه سوه لگيت السيـد و علي گاعدين يحجون سوه وزيد يمهم
علي كال وين البنـات گتله رفل ماكو وشـذى مالهه خلگ من سمعني گلت شذى مالهه خلگ گام راسا طب لغرفتـهه اني رحت للمطبخ اتوضَيت لكيت السيد ورايـه لگيته
باوعلي وتنهـد دنگت راسي وطبيت گاموا توضوا كلهم اله زيد طبعا زيد بي حاله ابد محلوا انو مايصلي شگد يحجون علي و السيد ويا و ولايفيد يوم يرجع وعشره يگطع
طبعـا خالده هم ماتصلي ولامره شفتهه ع سجاده وتصَلي المهم
شويه وطلع علي طب لغرفه رفل شويه وطلع و ويا العلبه الطبيه بس مبين مزعوج مدري شبي خله وطب لغرفه شـذى طبيت ورا راسـا
علي
هاي رفل اليوم ماطالعه من غرفتهه مو ست الحسن
ما جرأت وحجيت شي باوعلي وگلي
علي
احجي وياج نارة
شذى
عوفهه علي شبيك هسه واذا
علي
عروس حضرتهه وانتي الثانيه حرارتج مرتفعه شجاجج اخذي بندول شو شنـو
مبين معصب خليت وطلعت السيد يصلي وشي صليَت يمهم وي البنـات خالده تباوعلي وتهز بايدهه طلَع علي شويه هم صلـه وكمل دنصلي وشي
كلَهم كملو اني من نوع الي حيل اطول بصلاتي يعني شويه شويه هاي عـادتي حته بالحجي ماكدر احجي بسرعه راسا الهث واطول من فرض لفرض شويه
شفت خالده گامت طبت للمطبخ شويه وسمعت صوت ماعين تكسرن حيل
الولد كلهه صاحو شكوو صاحت خالده
خالده
يا هاي بزونه اجتي واني اريد اطردهه صعدت ع الكاونتر و وكعت الاكل بالگاع
اني جنت كاعده داسبح من سمعتهه هيج كالت كتلهه
يااااا صدگ واللله
گمت اني وجادر شفت الاكل كله واگع بالگاع الگاع نضيفه اني ماسحتـهه مبيهه شَي ونعمـه الله وگعت اريد اشيله جان تگلي
خالده
ايععع انتي صدگ تحجين تردين تلمينـه وناكل يبووور سلام شهل قرررف هاي البنيه موووتنني كش شلون يطيهه نفسهه موتشوف نفسهه فكر لسه ممتاقلمه وي جونه
علي
نارة وينج عوفي هسه رفل تطلع سوي غيره
يمممه خرب يومهه هاي من كل وعقلهه تركتهم يحجون براحتهَم ولميَـت الاكل وحطيتـه بعلاگـه وحطيته بالحـاويه وانـي احس هيج گلبي معصور صدگ حرام لدنسوي
الفقير وين واكو ناس وين ماكو تساوي ليش الله هيج گالبهه بينه
كمت وكتلهم
الصينيه اذا تنحط ع الگاع يگولون للملائكه تضل شايلتهه شلون هسه اعوف الاكل بالگاع هيج واخلي رفل تلمه يا شنـوو؟!! تره نعمـه لله ولميتهه شنـو القرف بالموضوع؟ تره البزازيـن مستحيَل تصعد للكاونتر وتوكعهن هيج كُلهن وبعـدين واذ شلتـه واحطه ناكل تره هاي نعمه اللـه والگاع نضيف ستوني ماسحتهه و غاسلته والكبـه والكباب محيصيرلهَن شي حرام نتبطر ع نعمـه اللـه وتره الحمـدلله اني صح حالتنـه جانت موزينـه بَس اني عيني شايفه وعـايفه
حجيت هل حجي بكل جـديه راسا جاوبت خالده
خالده
شنووو قصـدج يعني اني اجذب لو اني وگعتـهن مثلا و ان جان وگعتهن تره لاتنسين هذا البيت بيتي واسوي الي يعجبني مو انتي جايه تالي وكتج بطول رجلي ترديـن تعلميني اوي عشتووو ماضلت غير السوده تعلمني
من گالت هيج باوعتلهه واني فاكه حلگي هاي شبيهه زيد و السيد ثنينهم صاحو يمممه
غيد
ترررره نارو مو سوده حتـه تحجين ههيج
نارو حته مو سمـره هيه حنطاويه
ابتسمت وگتلهه
اني بعمـري وبحياتي ماشفت انسانه طائفيه وعنصرية مثلج الابيض الاسود السني الشيعي الفقير الغنـي تره كلنـه بشر كلنـه مخلوقين من من طيَن محد مخلوق من عسل كلنـه نفس الشي وبعدين اذا جَنت اني سوده ف ههاي خلقه ربج من تجين وتعيبين شنو حسبالج حنقهر او شي متوهمـه تره انتي دتعيبين ع خلقـه الله مووو ع خلقتـي و....
داريد اكم قاطعنـي علي وهوه يگلي
علي
ككافي كككافي نارة كاافي
انت دومك هيـج مسكتني و لا تدافع عني ولا تخليني ادافع ع روحي يلـة زين ما وكفت ويـاهه صدك كرهت العيشه وياكم
خليت وصعـدت وانـي مامقهوره بس ع علي الي دائما هيج يسوي بيـه بدافع انو ام اخوانه وميريدهه تنهان واني عادي
شويـه وصعدنلي رنـد وغيد يگللي لاتنقهرين وشَي ميدرن اني ماهتم هلسوالف ابـد
شويَه وصعـد علي
علي
وج انتي شبيج تكبرين راسهه وتحجين وياهه اههخ لو مو زيد و احمد والسيد ذولي الواگفين بعيوني جان راويتـهه شون تحجي ههيج
غيد
اني انتبهت ل زيد والسيد احسـهم حيلل متفشلين وحيل ضاجو وعصبوا شدتحَس من هيج تحجي وهيه بهالعمر اصَلا بس غمازات نارة تسواهه
ابتسمت ع حجيـهه علي كال يـلة انزلن اني ساكته ابد ماحجيت شـي راح هوه رند وغيد حرمصن الي حته ننزل ماحبيت اكسر بخاطرهن ولا حبيت ابين روحي ضعيفه
نزلنـه اني ويا والبنَـات همس بصوت ناصي
السيد يباوعَلي رحَت اني والبنات سوينه عشـه وخالده تجي وتروح وتصيح سون عدل مدري شنو كملَنـه گالت اطلعن صيحللهم طلعنـه كل احنـه رحت داصيحلهم كال للسيد جيبو هنانه مالي خلك اكوم رحت داكللهه شفتهه تخوط بالزلاطه
ماگالت شي خلت وراحت تقدَمت شفت الكباب اكوشي مَنرش عليـه اسود ستغربَت ههذا شنـو معقوله شو شسوت هيهَ
ستغفرت اللـه وگلت شهل افكال ورحَنه گعدنـه ناكل هيه ماكلت خلت وطبَت لغرفتـهه مادري ليـش اكوشَي بداخلي مامطمئن اكلنه والطعم نفس ماهَوه
اباوع للسيد حاط الموبايل ع رجلـه ويراسل وياكل حاولت اركز ع الاسم شفتته مكتوب غسق سد الموبايل بعدهه ورجع ياكل اني عيني عليه رفع راسه وباوعلي اشرلي بمعنـه شكو هزيت راسي بالماكو شي ودنگت اكل
شويـه وعلي گال ل سيد
علي
ماتروحَ تجيب مرتك
السيد
يطبـهه مرض لاجيبـهه ولاشي واني ههم وصَلت خبر الهه اذا تجي اهينهه و اوديهه لاهلهه ولله
علي
السالفه ماتسوه يمعود
السيد
بالله عليك اسكت علي انت تعرف شي وانـي اعرف شي
علي
مو عيب يا سيد بعدهي عروس ومرتين زعلانه
السيد
اله اكلك اصلا اطلگهه اني مابقيهه وياي بعد
من گال هيج فكيت عيوني ع وسعهن ورفعت راسي
علي
شنوو انت شجاااي تحجي سيد شطلگهه مو انت الي تگول هاي الي اريدهه ومدري شنو وخبصتنه وتالي تطلگهه ولك شتگول الناس شبيهه البنيـه لازم لزمه عليهه وحته ماصارلهم شهر و طلكهه
السيد
علي كافي
علي
مقصره ويـاك ملابسَك شي كايللهه شي وممسويته
السيد
لا علي بس هوا نقاط اكو و اني وياه مانتوالم ابـد خليهه يَم اهلهه هسـه ونشـالله شهَر واطلگهه
عبي
انت صدگ تحجي لك ليش تضلم بختك مو وراَك اخوووات ليش هيجج ليش تكسر ركبه البنيه ستوهه معرسـه يا طلاگ استهدي بالرحمـن وكلشي ينحل مو من اول مـشكله وگلت هيج
السيد
اني اعرفَ بمصلحتي علي
علي
عاد شنو من عرف دخيَل ربك اسكت سيد اسكت ولله كلكم خطا بخطا مادري شبيكم
صدمني من گال ههيج وانتـهه الحديث بينهم معقوله ديفكر انو يطلگ غسـق عزا ياربـي شذنبـهه ويطلگهه معقوله ع سالفَـهه الامام وبَس لا وااللَه أكيد بسسببي واللـه خطيه يـاربي
ماگدرت اكمل اكل حتـه كمت واحس ب احساس غريب رحَت لعالم مابي غيري اني والسيد لازم اديـه ويگلي واخيرا صرتي الي وبعد محد يفرقنـا عن بعض
صفنَت ع روحي ياربي اني شجاني حرام عليـه احلم بواحَد مزوج اضل أمل بي وأمل نفسي خليـهم يستقرون بحياتهم وربي يجمعهم سوه مستحيـل افكر بتفكير ب رجال مزوج يارب ابعده عن تقكيري
حجيت هل حجيـهه بس عقلي اليحجيهه گلبي يدگ بسرعه وضايچَه حيل أحس نفسي ابد مالي خلگ وثگل ع گلبي كل ساع اخذ نفس وتنفس حيَل وگوة احچي وگلبي يوجعنـي من احجَي
ألمهم انطيتهم جاي بعـد ما كملَوا وشـي احس نفسي ابد مال خلگ ودايخه ماعين تغسَل بيهم غيد اجتي رنـد يمي طمنتهه بس گلبي مليَـان خوف اشوف الوضع حيل متوتر وين مادور وجهي اوف اوف
طمنتهه وگتلهه بس حجي واني مسحَته وكذا صعَدت لغرفتي واني گوة امشي احس هيج شَي ضاغط ع صـدري صارت بيه خوفه انتبهَت لباب السطح مسـدود نمت فراشَي تمددت وحطيت ايدي ع گلبي
دگاته حيل متسارعات واحس نفسي حيل تعبـانه نمت ع بطني وحطيت مخده وحاولت احبَس النفس احس حته العضَام صارن يوجني حيل
للحضَه الوجـع مينگدرله ولاينحمل نايمه ع جربايه والشباج كبالي مفتوح الي كبالنه حاطين لافته قطعه صغيره مكتوب بيهه يا ام البنين شفتهه اجت اباي الي مكتوب بيـهه
صحت اهخ وگلت يا ام البنيَن دخيلچ ساعديني الوجع ماينحمل جان بودي اموت ولايمـرلي هيَج وجع
نمـت واني مـادري بنفسي حسَيت اكو مريه لابسـه عبايه سوده ووجهه يضوَي أنـي جنت نايمه ع جربـايه وتعبـانه حيَل اجتـي كعدت يمي مسحَت ع وجهي ومـادري شگالت
كالتلي شَـي بس ابد ماذكرتـه صحيَت والعرگ بوجهي اباوع الدنيـا ليل البنات نايمات بلگاع اني العرگ ماخذني واتنفس بسرعه حيَل مسحت وجهي وگلت يالله مفهمت شنو تفسير الحلَم بوقتهه ابـد
المهم رجعت نمت وانـي مرتـاحه ستغربت من گعدت واشوف الساعه بـ2 عزا هاي صدگ
اباوع الشباك مفتوح والدنيا ضهر مبينـه ستغربت من نفسي ومحد مگعدني رحت گتلهم ليَش گالو شفناج ذابه نفسج شذى زينـه اليوم رفل يم اهلهه البقيه نـايمين گلت اليوم اشوف علي يسويلي ايكو يشوفلي الالم لان ابد موطبيعي
گاعده اكل وحَـدي فكرت بالحلَم وشون حطت ايدهه ع ايـَدي ابتسمت مبـاشرتـا
بعدين فكَرت انـي اساسا ميهمني انو اكون سنيـه او اكون شيعيه ماكو اي فرق بين الاثنين ابـدا بس من عـاشرت النـاس هنانه من شَفتهم شون يصلون شون يدعون مَن شفت الائمـه وشلـون ينطون من شفَت النسوان الي يبجن يم الحُسين الي وحَده تگول اريد تطيني مَراد ووحده تگول اطيتني مرادي مَن شقت كميه الناس الي زوره كميه الناس الخاشعه يمـه من بحثت ع النَت وشفت حب النـاس للحُسين حسيت بشعور ححلَو شعـور جديد انو اني أتشيع لان احس نفسي مختلفـه تماما حبيت اكون وي اهلي شلون ماهمـه اسوي نفسهم وخاصتـا اذا جنت اني مقتنعـه بهل شغلـه
المهمَ زيد مغندب عليه ومايحچي وياي عرفتـه مزعوج من سالفهه اعتـذرت منه وگتلهه والله ماجان قصدي هيج وجفصَت وراضيتـه للاخ
تقريبـا بال4 السيد گعد و علي هماتين جنت اتحرش ب علي حته يصالحنـي حته اكدر احجيله وفعـلا جانو كاعدين تعمدت اكعد يمه واباوع بموبايلي حضنـي ب ايده وباس خدي اني هم حطيت راسي ع صدره وصرت اكلب بالموبايل عود اني رضيت هايهيه
شويـه وشلت راسي وگتله
علاوي اني كلبي حيـل ديوجعني احس وجع غريب اول مرة احس بي
علي
شنـو شجاي تحسين بالضبط
داتعب هواي واحس ماكدر اخذ نفس طبيعي و احس ضغط ع كلبي دائما
علي
روحي بدلي بـسرعه هسه اخذج اسويلج ايكو
اني رحت بدلت وشَي ونـزلت علي و السيد يحجون باوعلي السيد و علي كال
علي
يلا كومي خلي نروح بس منو يجيبج
السيد
ها وين تردون
علي
اريد اخذهه للعياده اسويلهه فحوصات
السيد
ليش اكو شي خو ما متوجعه
يباوعلي ويحجي والقلق مبين ع عيووونه كلش وترني وهوه يباوعلي هيج گتله
البارحه جان كلش يوجعنـي مادري ليش
السيد
يلة اروح وياج واني ارجعج
علي
انت روح للشركه خلي يجي زيد
السيد
زيد طالع امشي اني اروح وياكم ماعنـدي شَي حته السيـاره راح اعوفهه اتمشـاللهه مشَي ومن ارجع احمد يوصلنـي
صدگ ولله طلعنـه سوه وهمه يحجون سوى
وصلنه طبينـه سوه و السيد ويانه طب
سوالي الفحوصات بس حيل طول اباوع ل علي شكله تغيرر ضاج ماعرف شنـو يحجي وي السيد ع كيفَ باوع ل سيذ يباوعلي بنضرات غريبه
علي
من تحجين گلبج يوجعج؟
اي شويه يوجعني احس ضغط عليـه
علي
ها اي لا شغله طبيعيه ماطول هيج لا تخافين
سكتت ماحجيت شَي مادري ليش جنت احس اكو شي بس مايردون يكلوليـا گال علي افتري بسياره شويه اشتمي هوه انطه لمفتاح ل سيد وگاله مر عليـه بليل لاتمشون المشي موزيَن عليـهه
حسيت اكو شي وحيلل تضايقت اخذنـه الدوه من صيدليه وصعـدنه سوه حطيت راسي ع كشن وغمضت عيوني
الله لا يسلط المرض ع احـد طبعـا العافيه شي كلش ثمين محـد حيحس بي اله لمن يفتقده الي يكون مريض حيل يتعـذب وحيل يتوچع بس يكولون الي يشوف مصايب الناس تهون مصيبتـه الحمدلله بهاي ولابغيرهه
فتحَت الشباك والسيد يسوق بسرعه سمعت بحلگه اسم نارة باوعتله وگتله
ها
السيد
شنو رايج تضلين اليوم بالشركه تونسي غيري جو نفس قبل بس ها بدون شغل وبدون راتب
ضحگ ابتسمت ويا حنيت لايام قبل تنهدت وگتله
لا ماگدر البنات وحدهن ماعوفهن وتدري بس هنـه بابيت وخاف امك وابوك يطلعون مايبقن وحـدهن
السيد
اي هم صـدگ بس يله شويه وراجعيـن خلي اجيب شكم شغله
خابرت غيد كالت ماعدنـه شي بس سلام ومرته يردون يطلعون ورنـد تكول خلي تجي كتلهه بطريق مر ع سوبر ماركت نزل شويه و اجه بيده علاگه انطانيهه كال اتونسن بيهه وشَي
اسوگ السيد كم شغله ورجعنه للبيت وهوه راح
مَر يوم ععادي اليوم الثاني بده الدوام اني جنت مالي خلگ حته اقره وشي كلت بعـدين ابدي ونضم وقتي انـي بهل فتـرا ابـد مالي خلگ
اجوي بيت احمـد بيومهه حيل تونسَت وياهم مع انو مرتـه حيل غثـه عدهم طفـل واحد عمره ٤ سنوات اسمه رضاوي
مَتت ع رضاوي وسوالفـه وشلون ههيچ يمممه ينكرط ع سوالفـه مضه اليوم والسيد نضراته الي رجعن نفس اللاول بس ماتقرب يمي ابد جانت بس نضرات
زيد و غيد رجعو يتعاركون كل يوم ع لبس و ع هسوالف من اول وجديد
المهم مضت هل ايام رجان السيد رااافض رفضا قاطع انو يرجع غسق
طبعـا فاتحت علي بهلموضوع مال التشيع سالني بالبدايه اذا جان هذا رائي ومحد غاصبني بي گتله أي
حبيـت كلش من علاوي هاي السالفـه من سالني وشي واحترم رائي
ومشينـه اني ويا بيومـهه للامام جان اكو سيد وگفنه گبال للامام وبده يردد عبارات واني احجيهن ورآ
صرت داخله لولايـه علي بشكل رسمي علي جان حيل فرحام واني أكثر جنت احساس ححيل ححَلو ججان
السيد من عرف بالموضوع باوعلي وابتسم ومبين فرحان
طبعا خالد فص ملح وذاب بعد ماراسل ولاهدد ابد اضلا ماله وجود ورنـد نفسيتها كلش جانت بهاي الايام شكد ماحاول وياهه بس هيه نفسيتها مـدمره جانت
مضت الايام ورفل رجعت للبيت بس جانت حيلل معتزله وكوة تحجي حته وي علي شذى تندعي ليل وي نهـار حته الله يسهلهه وني اندعي كون متخيب امالهه
بديت اقره واتهيئ للسـادس شي شي وجنت اقره ع نت مر شهر كامل واني اتعلق بيهم شخص شخص السيد صار يحجي وياي ملابسه شي كلهن اني الي اغسلهن وترتيب غرفتـه كلشي
اجه موعَد دوره شذى والغريب ما اجتـهه جانت شذى ميته بهاليوووم وخخايفه كلش جانت وترجف من ما اجتهه جانت فرحه جبيره اليوم الثاني كذالك بس هيه لويات ابطنهه كل ساع وگالت ولج اضن اجت وتخاف
مر 5 ايام والدوره م جايتهه ابد گالت خلاص حروح لدكتوره قنعناهه كوة جانت حيل خاايفه
راحت شذى للدكتوره واني متوتره كلش اخابرهم مايردون ندگت الباب اني گلبي فز صحت منو سمعت صوت علي .....توقعاتكم
تصويتاتكم تعليقاتكم الحلـوه حبايبي