منذ أن عرفتكِ حتى هذا اليوم لم تمضِ ليلة على روُحي لم أحبـكِ فيها💘
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
ليال : ضليت الحفلة كلها اركص بس تفكيري وية بابا وثائر شنو الديصير معقولة اللي تمنيتة صار صدككك
لا يارربي اسحب امنيتي والله
لا لا ثاائر عزااا لا تسويها والله تصير مصايب
عزة بعينك ثائر صار المغرب واذن وراحو الكل وثائر بعدة بالمطبخ وية بابا وماكو صوت صوت ناصي ضلينة محبوسين بالاستقبال منكدر نطلع
سارة : هسة هذا لزك شيريد
الام : ماعرف ابوج كال لا تفوتون ابد الة اكلكم
ليال : ضليت مركزة بفوني ماريد احجي اي شي
ضليتت اكلب بالصور تالي راح طلعنة والوضع طبيعي
ماكو شي ولا بابا حجة شي واني متوترة وعلى اعصابي ردت اسب ثائر وفرح وكل الدنيا خرب بيكم
على التوتر اللي صار بية
ورة العشة
ما صدكت فلتت صعدت فوك افتر بالغرفة واعصر براسي احاول الكة السبب اخاف شغل اخاف عندة مشلكة مو معقولة يسويهة لا ميسويهة هوة يفكر الف مرة قبل ليسوي هالشي
دافتر ومتوترة وفرح مدتجاوب
جان تندك الباب تصنمت عبالك محد داك بابي قبل
_ م منو
الاب : اني بابا افوت
ليال : عزاااا عزااااا ضليت اكمززز وافتر واعض ايدي واعيط بس بدون صوت بعدين هديت روحي واخذت نفس وادعي بكلبي اكول ربي عدي هالليلة على خير
رحت فتحت الباب
_ ها بابا اسفة جنت دابدل فوت
الاب : قفليي الباب وتعالي
ليال : الله يرحمج ليال جنتي خوش بنية سديت الباب ورحت يمة على الجرباية وكعدت
الاب : اول شي كل عام وانت بخير مرة ثانية انشالله اشوفج احلى مهندسة
ليال : وانت بخير يروحي نشالله اييي اصير مهندسة وابني هيج الية قصرر
اللب : ههههه عوفي هالموضوع جايج بغير موضوع
ليال : كول بابا
الاب : اليوم ثائر اجة وحجة وياي بموضوع كال رح يدرس فرح كيمياء للسادس فانت همات كال تكدر تجي تدرس يمي والولد يعني كال بلاش ومتكفل بيجن
ليال : هااا اي اذا انت توافق
الاب : اني موافق بالموضوعين
ليال : موضوعين
الاب : اي بابا ثائر اجة وحجة وياي بموضوع ثاني اللي هوة الاصل
قبل 5 ساعات :
ثائر : عمي انة اعتبرك ابوي واكثر واحمد اخوي الله شاهد علية
الاب : ولو ثائر انت ابني
ثائر : الموضوع اللي رح احجي بي يجوز حساس بس اني ماريد اكون بلا شرف واسوي هالشي من وراكم اريد احجي بس اتمنى ما تقاطعني
الاب : كولي وليدي ما اقاطعك
ثائر : عمي انة غلطت اي غلطت وجنت مو بوعييي
كل الصار يجوز انتو نسيتو بس اني ما نسيتة وضل لحد هسة بداخلي ودياكل بية جيت اليوم لان اول شي ليال كبرت دخلت ال18 اعتقد مو ماعرف
بس يعني كبرت وبلغت واني اريد اذا انت توافق اريد اخطبهة منك
اعرف الوقت مو مناسب بس اني مكدت اصبر وماردت اسوي شي من وراكم وارجع اغلط نفس الغلط اني ردت كلشي يصير بالحلال بذاك الوكت
جان تفكيري ان كلشي اريدة بالحلال بس نتضرتهة تكبر بس صارت الاحداث وانت تعرف اللي صار
عمي اني جاي واريدك تنسى كلشي وتركز على ان اني جاي اخطبهة بالحلال
عمي ليال يعني غيرتني من صدك يعني مدة قصيرة بس حسيتها قرون يعني بعد ما جنت مأيس من الحياة هية جتي وضافتلي بالحياه شي حلو وخلتني سعيد واريد اعيش اكثر
يعني شلون افهمك هية جتني نعمة من الله وفرصة واني مردت اضيع علي الفرصة خصوصا ان عرفت من هية بالرابع جايينهة خطابة فكلت ماريد اخسرهة اريد اخذ الفرصة هاي
بعد موافقتك طبعا واخوانه
جيتي هاي ما تعتبر جية اني مجرد جيت واريد احجي وياك وحدي
لان ماردت اجيب اخواني من الناصرية واني ما متاكد اني جيت واريدك تنطيني موافقة حتى اجيب اهلي او رفض وعادي مرح يكون بي زعل ولا اي شي
عادي الحياه قسمة ونصيب واذا جانت نصيبي فالله يوفقنة واذا جانت لا فالله يوفقهة وية نصيبهة
الاب : تتوقع هالوقت مناسب
ثائر : اي اعرف مو مناسب عمي بس
الاب : وليدي البنية رايحة سادس تتوقع وكت زواج
ثائر : لا عمي مو هيج قصدي احنة بس نعقد وانتضرهة تكمل سادس ومرح ااثر عليه حتى مكالمة ماحجي وياهة
يعني مجرد تسجل باسمي وبس
الاب : اي بوية ليش ماجيت ورة متخلص يعني احسن الهة هيج
ثائر : ماعرف عمي اني احس مو بوعيي جيت هيج فجا حتى ما فكرت جيت وحجيت لان ما اعتقد التاخير حيكون من صالحي ماعرف يعني بس هيج احس
الاب : باوع انت وليدي والله شاهد ما حامل عليك بكلبي لان كلنا حبينا وكلنا حسينا بهالشعور بالكلب
بس اول شي البنية صغيرة وصراحة ماتوقع ليال هاي التكمز بالبيت تزوج يعني احسة شي مستحيل
واخوانهة يعني شلون افهمك انت ادرى
ثائر : اي عمو افتهمك
الاب : بس مو معناهة اردك خايب انت عزيز علية ومثل ابني اني رح اعوف اخوانهة ورح اعوف كلشي ويضل الامر بيدهة وهو مو بيد احد بيدها هية
رح احجي وياهة واشوف رايهة
واردلك جواب وهلة بيك انت واخوانك
ثائر : شكرا عمي ريحت كلبي والله
الاب : شسالفة عمي انت ابني
العودة الواقع 😂: ( احس روحي بمسلسل 😂😂😂😂😂)
الاب : اجة خطبج مني
ليال : يالله شعور بالخجل محاسة بي من قبل يعني بذيج اللحضة احس كبرت اي وخلاص رح اتزوج واعوف اهلي مجرد الفكرة خلتني ادمع واريد ابجي يالله لا مو وكتة هالموقف
الاب : شبيج مدنجة باوعيلي
ليال : رفع وجهي بايدة شافني هيج
الاب : شكو البجي شبيج
ليال : ماريد اتزوج واعوفكم
الاب : ههههه والله عبالي بيج شي هسة اني كتلج تزوجي بابا الولد ما سوى شي بس اجة حجة وياي وكالي اذا اكو موافقة اجيب اخواني واجي اخطب بالاصول يعني هوة بس راد يشوف ان عندة فرصة
واني كتلة رح احجي وياج اول شي احنة نسينى كل الصار مووو
محد يذكر شي الصار غلطة وتصلحت وهسة اني ما عندي اي مانع بثائر
اول شي هوة رجال بمعنى الكلمة
ثاني شي اجة بالحلال وما رجع غلط نفس الغلط وهذا شي نادر بهاي الدنيا
وثالث شي انت بنيتي المدللة واريدلج شي زين واريدج تعيشين سعيدة بحياتج ومرح يهمني اي شي
اذا انت سعيدة اني سعيد واهم شي بالزواج عندي السعادة وانتن بناتي ماعندي شي اقدمة الجن غير حياه سعيدة تفرحن بيهة وامنجن يم رجال يصونجن
شبيج ساكتة احجي وياي
ليال : بابا بعدني ما مفكرة بهالشي
الاب : بوية الولد مرايد زواج كالي بس عقد يعني بس يسجلج على اسمة وهمات يدرسج واني اامن يمة من يدرسج
ورة متخلصين سادس بوكتهة عود دخلي كلية وتزوجو واذا فجا ما توالمتو نفسخ الخطوبة مابيهة شي بابا وهمات اكون مامن وهوة همات مثل مكال يسجلج على اسمة
ليال : بس بابا شلون يعني انتو......
الاب : مو احنة اللي حنتزوج مو احنة انتتت اللي تعيشين وياه مو احنة
ليال : بابا ماكدر انتو مرح ترضون اعرف
الاب : ليش يعني ما ارضة اذا شفتج سعيدة ما ارضة قابل
ليال : انت هيج بس واحمد
الاب : ستغفر الله لا احمد ولا همام الهم الحق اني وانت النة الحق وبسسس اني ابوج واكيد لازم انطي رايي بس الراي الاول والاخير الج
اذا احمد رضة او لا اوو همام وافق او لا هذا كلة ميهم مجرد رايي انت اللي تحددين انت تحبيي ولا تكولين عيب بابا هذا زواج انت رح تكضين عمرج كلة وية هالشخص لهذا انت فكري عدل
ومعليج باحد الولد رايدج ومصابرر ههههههه اجاني ركض بس شافج كبرتي
ليال : بتسمت على حجية بس ضليت ساكتة
الاب : محد يعرف بالموضوع ماشي بس اني وانت ووثائر لتكولين لاحد لحد ما تنطيني جواب لان هوة اجة وكال ماريد احد يغرف بهالشي اني بس اريد اخذ فرصة حتى اتقدم
ليال : تمام _ يمكن راد يغمى علية من الخجل ضليت صافنة رفعت راسي باوعت لبابا
مبتسم
_ شكو
الاب : شنو ماكو جواب بابا السكوت علامة الرضا
ليال : ليش انت تريد هسة
الاب : ههههه اشاقة لا مو هسة خليج فكري عدل اني رايح تصبحين علي خير حبيبتي
ليال : وانت بخير يروحي _ باسني براسي وطلع واني ذبيت روحي على الجرباية اتنفس قوي اخذت البخاخ واخذ نفس بقوة حسيت روحي حموووت
خرب بيك ثائر شسويت بية
بعدين كمت وكعدت وكلت الموضوع شلون يعني لازم ارد جواب لبابا كمزت من مكاني وضليت افتر داير مداير الغرفة واحس اريد ابجي ماعرف خايفة وارجف لشعور غريب فجا تخيلت روحي بغير بيت اهلي ماكو وكلشي ماكو
يالله راسي حينفجر والله نزلت جوة واني دموعي كوة حابستهة فتحت الثلاجة اخذت حباية وجع راس
شربتهة وصعدت لغرفتي قررت اهدء واترك المضوع لباجر اي نهدء شوية
نمت بالكوة وكلما اكعد او افز ارجع اجبر روحي انام لحد ال12 الضهر مكدرت كمت ونزلت تغدينة وصعدت فوك سترخيتت تربعت على الجرباية وجبت الصبورة والقلم حطيتهن بحضني
وكمت اكتب واحجي بصوت
_ اول شي الزواج سنةةة الحيااااه ورحححح نتزوج اولل وتاليييي
ثاني شي اهلللي
ثالث شيي ثائر
زين هسة اني مجبورة اتخلى عن يا امة اهلي او ثائر
يعني هوة مو تخلي تخلي يعني اعيش يا اما ويا هذا او وية هذا
زين اذا رفضت ثائر مرح يجيني غيرة واتزوح غصبن علية
شلون بهيج حالة يعني اني اول وتالي ابتعد عن اهلي
زين اني ليش ما اوافق وهم اهلي يضلون كبالي وثائر يضل يمي
زين احمد شلون هوة وهمام اكيد رح يضوجون ويرجعون يتذكرون للموضوع القديم ويجوز اصلا يشكون
زين بابا صدك يعني موافق
ضليت هيج يمكن بالساعتين زين وزين وزين وزين وزين ويمكن واذا
وانطي احتمالات بكيفي تالي ذبيت كلشي وجبت العطر مالتة رشيتة على المخدة الثانية وحضنتهة وغمضت
بس ميخلون الواحد ويعيش رومانسيتة
صوت لوري وسيارات بناء باوعت من الشباك هاي السيارة التهدم البيت هاذا بيت جان اجار هوة صغير وجان طابق واحد بس جان ازبل من الزبل
اهووو تحضرو عاد يومية مزيقة الصبح للبناء
هنا بدت تجري الايام ودخلنة بشهر السادس اللي هوة رمضان
باوعو ماعرف شنو اللي حرام او حلال بس اغلب الشيوخ يكولون ان اهل الربو حلال يصومون والبخاخ مياثر
لان هوة صح سائل بس من يطلع على شكل غاز لهذا مياثر اني اصوم بس بعض الايام ماكدر لان احتاج علاج وافطر
1 /6
واحد ستة اول يوم رمضان واول يوم الي بالمحاضارتت مرت تقريبا سبوع اني مارديت خبر لبابا
وبابا مفتح الموضوع اصلا لهذا كيفت ولحد هاللحضة ملاكيةة جواب وثائر مدز اي رسالة وية فرح ومحجة اي شي
ضل الموضوع سكوت محد حجو بي
سجلت محاضرات الكيمياء ثائر يدرسنة
سجلت رياضيات وعربي
اول يوم بال2 عندي محاضرتين من ال2 لل4
ومن ال4 لل6
رحت بدلت لبست جينز اسود و بدي سادة اسود ردن دخلتة بالبنطرون ولبست فوكاه سترة كابوي بدون ردن لون اصفر وحذاء اصفر
شعري سويت ضفيرتين ام الجذر منا ومنا ونزلت خصليتن من الزلف لبست كلادة اللي على الركبة وتنزل منهة اشياء صغار
واكسسوارات اخذت جنطة شلون مال المدرسة بس صغيرة حطيت بيهة بخاخ والعطر والموبايل
ونزلتت جوة
احمد ماكو همام ماكو بابا نايم ضطريت اروح بالتكسي من الساحة
ودعت ماما وطلعت طبعا فرح وياي بس بالرياضيات اللي هية من ال4 لل6
طلعت بال1 ونص الشارع فاررررغ متت خوف رحت امشي واباوع كلسع وراي طلعت للساحة جان يجي ثائر بوجهي باوع علية من فوك ليجوة وعيونة صارت براسة تقرب علية بعصبية وقابض ايدة بس اني فلتت ورحت يم حسنين ابو التكسي صديق بابا
ركبت وثائر واكف يباوع علية ويتوعد وياشرلي بسيطة
كلت خلاص اليوم مرح يعدي على خير
بلعت ريكي خرب عطشت من هسة
وصلني للمعهد نزلت وسئلت على مكان قاعتي فتنة طبعا كانت بس بنات بابا اكد على هالشي
بدت ال محاضرات واحس روحي رح اوكع من طولي من التعب
والعطش خلصت اول محاضرة طلعت لكيت فرح توهة جاية رحت يمهة وجان اشوف بصفهة ثائر واكف وحاط ايدة بجيبة والمكان جان مابي احد كل الناس بعيدة
_ ها فرح جيتي يلة تاخرنة
فرح : بعدة مبادي الدرس الاستاذ مجاي
ثائر : روحي شوفي وتعالي فرح
فرح : تمام
ليال :اجي وياج
ثاىر : متروحين لمكان اوكفي بمكانج
فرح : تمام اني رح اروح
ليال : راحت فرح واني واكفة ودايرة وجهي وارجف خرب رح يسوي مصيبة
ثائر : شصار بالموضوع الحجة ابوج بي مارديتي خبر لحد هسة
ليال : لا فدوة ارجع للرزالة و لتفتح هالموضوع هسة
ثاىر : ليااال ااحجي وياج
ليل : هااا
ثائر : شبيج وين صافنة كتلج مرديتي جواب لابوج
ليال : هزيت راسي بلا
ثائر : ليش شنو مموافقة
ليال : اي اقصد لالا اي
ثائر : لا او اي
ليال : معليك انت
ثائر : لا والله جا غير انة العريس
ليال : اي عريس اشو انت مكيف بروحك وواثق من نفسك يجوز ما اريدك
ثائر : يجوز ما اريدك يعني انت رايدتني
ليال : لا لا مو هيج ققصدي
ثائر : ههههه احبج بوية كافي تعذبيني ردي جواب بسرعة حتى ادرسكم وابوج يامن عليج يمي
ليال : يالله منو الميريدك اني امداني اذا ماريدك اكو مثل جمالك
جتي فرح وانقذتني ورحنة للمحاضرة وهنا نتهيت وعلي من العطش والجوع وطبعا اول محاضرة وتاخرنة نص ساعة يعني صارت 6 ونص
طلعنة نتتضر احد يجي عبالي عمو سامر يجي بس اجة ثائر مكدرت اركب وياه
ضليت واكفة وفرح ركبت
ثاىر : متركبين شبيج الشارع
ليال : روحو انتو اني اجي نفرات
ثائر : ليال لىتخبلييني ركبيي.
ليال : ما اركببب بابا ميرضة روح
فرح : ليال بس اليوم زين
ثائر : ليااااال لا تكفريينننني ركبي
ليال : ما اركببب روححح
ثائر : بسيطة ليال بسيطة
ليال : نزل بسرعة اني عبالي ديضربني تقدم على سيارة تكسي حجة وياه واشر على سيارته ونطاه فلوس وتقرب جرني من ايدي على كيف رغم عصبيتة فتح الباب وباوعلي قبل لا ادخل وهوة مخنزر
ثائر : حجيي وية ابووج مو وياج اني اعلمج واريد اشوف خشم منو الينكسر
ليال : ركبت وسد الباب بقوة مشة بالسيارة كدام والرجال يمشي وراه واني احس روحي ترجف طلعت البخاخ رشيت شوية وذبيتة
والدمعة بعيني ماعرف ليش مدري من الخوفة الصارت بية ماعرف من شنو والله
وصلنة للبيت نزلت وثائر همات نزل بعصبية خلة فرح تدخل واني فتحت الباب اجة وكف يمي
ثائر : روحي صيحي ابوج بسرعة
ليال : بلعت ريكي وفتت صحت بابا طلع الة وضليت بغرفتي انتضر بابا يصيحني ومتحضرة لرزالتي
خربب اكيد حيفتح الموضوع همات عزاااا شنوووو اكلة
عزاااا
دافكر جان تنفتح الباب ..............
يتبع......
✨•••••••••••••••••••••••••••••••••••••••••✨
لهنا ينتهي البارت 💛
اتمنى يعجبكم البارت
ولحددد يكلي قصيرر 🔪🔪😂
لا تنسون اللايكككك والتعليق
وبيتنة مديخلة من الخطار هاي للمهتمين بغيبابي
تمام احبكككككم هوووووواي 💛💛💛💛☁
~الــكـاتـبة : yaqeen.hassan~