👨🍳🏰 အကိုလေး Perthက အလှူမှာ Food truck ထည့်ဖို့ကိစ္စ ပြောဖို့ ဒင်းကြီး🍷ကို ဖုန်းဆက်လည်းမရ ရှာလည်း မတွေ့နေလို့ဆိုပြီး ဥက္ကဌတို့နဲ့ ပြောနေသံကြားတော့ ကိုယ်ကပဲမနေနိုင်မထိုင်တွေဖြစ်ပြီး ညကသူနည်းနည်း သောက်ထားကြောင်း ဝင်ပြောပေးလိုက်တော့မှ ကိုယ့်ရှူးကိုယ်ပက်သလို ဖြစ်သွားရပြီ.......
ကျောင်းကို သူတို့ကအရင် ရှေ့ကနေကြိုသွားထားနှင့်ပြီး အလှူပစ္စည်းတွေကို အရင်လှူထားလိုက်မယ်.... Food Truckစီစဥ်ပြီး ၂ယောက်သား နောက်ကနေ လိုက်ခဲ့ပေးကြပါတဲ့လေ.........
ကိုယ့်ကို ပြန်တာဝန်ယူခိုင်းလိုက်တာကိုပဲ ကျေးဇူးတင်ရမှာလား..... ဒင်းနဲ့ သတ်ရမှာကိုတွေးပြီး စိတ်ညစ်ရမှာလားကို မသိတော့.........
အရေးထဲ ဟိုသွားထပ်နဲ့အကောင်က P'Reoတစ်ယောက် ညကနည်းနည်းlimitလွန်သွားလို့ အမူးပြေအောင် အရင်လုပ်ပေးလိုက်ဦးဆိုပြီး ပြုံးစစနဲ့မှာတော့ ဒေါသတွေက တော်တော်ကိုထွက်ရသေးတယ်........
ဒါဆို ဒင်းက သွားထပ်ပါတဲ့အကောင်နဲ့ ညက Mini Barတောင် သွားထိုင်တယ်ပေါ့.....ကျက်သရေတုံးလိုက်တာမှ တအားပဲ... Resortက ဦးစီးကျင်းပတဲ့ ပွဲတော်ရက်တွေကလွှဲပြီး တခြားရက်တွေမှာ ဘယ်တုန်းကမှ အရက်အပြင်းတွေ မသောက်ခဲ့တဲ့လူက မနေ့တနေ့ကမှ ခင်တဲ့ကောင်နဲ့ သွားသောက်လာပြီး လူမှန်းသူမှန်းမသိအောင် မူးလာသတဲ့........
👨🍳 : ကြားလို့ကို နည်းနည်းမှမကောင်းဘူး......အဲ့ဒါကို တစ်ခါထဲအပြင်မှာ အန်ခဲ့ပါ့လား.......အန်တော့မှ ငါ့ပေါ်လာအန်တယ်........
တွေးရင်းတွေးရင်း ဒေါသတွေ တအားထွက်လွန်းလို့ အသားတွေ တဆတ်ဆတ်တုန်ရလာတဲ့အထိ.......
ပါးစပ်ကသာ စက်သေနတ်ပစ်သလို ပြောဆိုနေပေမယ့် စားဖိုမှူးဆိုတော့လည်း မချက်ပြုတ်ရရင် မနေနိုင်ပြန်......အထူးသဖြင့် ကိုယ်ခင်ရတဲ့ဒင်းအတွက်ဆိုတော့ ပိုပြီးလျစ်လျူရှုလို့က မရနဲ့.......
အမူးသက်သာအောင်ရယ် ၊ အရက်နာကျနေတာသက်သာအောင်လို့ အရက်နာကျရင် စားလို့သင့်တင့်တဲ့ စားစရာတစ်ချို့နဲ့ ဟင်းတစ်ချို့ကိုပါ တွေးပေးပြီး ဒင်းအတွက် မနက်စာအပြင် နေ့လည်စာပါ အလိုက်တသိချက်ပေးနေမိတဲ့အထိ.....
ကိုယ့်ကိုကိုယ်လည်း ခုလိုတွေဘာလို့လုပ်နေရသလဲ နားကိုလည်မနေတော့ပါဘူးဗျာ...........
သူ့ဖာသာဆိုရင် ကြက်ဥတောင်ဖြောင့်အောင်မကြော်တတ်နေတာကို ပေါင်းလာတဲ့ Friendship သက်တမ်းတစ်လျှောက် ကောင်းကောင်း သဘောပေါက်ထားလွန်းလို့ပဲ နေမှာပါလေ........
ခုတော့ ဒင်းက သူများနဲ့မူးရူး ပျော်ပါးလာပြီး အန်ဖတ်စို့ရင်း ပြုစုပေးရတော့ ဟိုကောင်မဟုတ်ဘဲ ငါတဲ့လား.......ဟိုကောင့်လက်အပ်ရင်လည်း ဒီပုံစံအတိုင်းဆိုရင် ဒင်း မကြာခင် သေယုံပဲရှိတော့မယ်......
ဘယ်သူ့မှသွားလုပ်လို့မရရင် ကိုယ့်ကိုကိုယ် လုပ်ပစ်လိုက်တဲ့ အကျင့်ကလည်း ငယ်ငယ်ကလေးထဲက ဖျောက်မရတဲ့အကျင့်....... အဲ့တော့ ခုလည်း ဒေါသတွေထွက်ရင်းနဲ့ ဒင်းနှိုးလာရင်သောက်ဖို့ ပျားရည်ကို တယုတယ ဖျော်ပေးနေမိတဲ့ ကိုယ့်လက်တွေကိုပဲ ရိုက်ချိုးပစ်ချင်လိုက်မိတော့တာ တကယ်.........
စားဖိုမှူးအလုပ်ကို သေမလို တန်ဖိုးထားလွန်းလို့ ကိုယ့်လက်တွေကို တော်ရုံမထိခိုက်အောင် ဂရုစိုက်နေရတာကြောင့် ရိုက်ချိုးချင်စိတ်ပေါက်နေပေမယ့်လည်း တကယ်တမ်းမလုပ်နိုင် ဖြစ်နေရတာပါ.........
👨🍳 : သူနာပြုမဟုတ်ဘဲ ငါ့မယ်ဒင်းကို ပြုစုနေရတယ်......
လိမ္မော်ရည်နဲ့ ပျားရည်ကို အချိုးကျကျသေချာစပ်ဖျော်ပေးပြီး သူ့အခန်းရှေ့ရောက်တော့မှ အခန်းတံခါးခေါက်ကြည့်တော့ တော်တော်နဲ့လာမဖွင့်......
အဲ့ဒါတာနဲ့ ကိုယ့်ဖာသာတံခါးဖွင့်ကြည့်လိုက်တော့ အခန်းက lockချမထားတာကြောင့် ပွင့်သွားရသည်......
အသာခြေဖွပြီး ဝင်လိုက်တော့မှ မွေ့ယာပေါ်မှာ ကွေးကွေးကြီး အိပ်နေသေးတဲ့ ဒင်းကိုမြင်လိုက်ရတော့ ဖင်ကိုအသေပြေးကန်ပစ်ချင်တဲ့ စိတ်တွေက တဖွားဖွားနဲ့ကို ပေါ်ပေါက်နေရတာပါပဲ.....
ပြန်ပြီး ကိုယ့်ဒေါသကိုယ်ထိန်းရင်း ပျားရည်ခွက်ကို ခုံပေါ်တင်ကာ သူ့ကိုတစ်ချက် သွားနှိုးဖို့လုပ်တော့မှ ကိုယ့်နှာခေါင်းကို အမြန်ပိတ်ထားမိလိုက်တဲ့အထိ.......
ညက ဒင်းအန်ထားတာမလား.....သေချာပြန်ကြည့်တော့မှ ညက ဝတ်ထားတဲ့ အဝတ်အစားတွေမဟုတ်နေတော့ နှိုးနေတာကို ဒီလူကြီး မထသေးတာလား မထနိုင်တာလားမသိလို့ တွေးလိုက်ကာ ကိုယ့်နှာခေါင်းကိုယ် ပိတ်ထားမိတာကို ပြန်ဖယ်လိုက်ရင်း သူ့ကို နှိုးဖို့ပြင်ရတော့ သည်..........
👨🍳 : ဒီမှာ!!! ဒီမှာဗျ!!! P'Reo....
🍷 : အင်းးးး ဟင်~~ ဟာကွာာာာ... ကျစ်! အမူးကလည်း မပြေနိုင်သေးဘူးလားကွာ.... ဘာလို့ မြင်နေရတာလဲ~~~ ငါတော့သေတော့မှာပဲ.......
စုတ်တစ်ချက်သတ်ကာ တတွတ်တွတ်ပြောရင်းနဲ့ ဖက်လုံးကို အားရအောင်ခွဖက်ပြီး တစ်ဖက်ကို လှည့်အိပ်သွားပြန်ပြီ......
👨🍳 : ဟာ!!! ဘယ်နယ့် ဟိုဘက်ပြန်လှည့်အိပ်နေတာတုန်း......ထတော့ဗျ.....
🍷: တော်ကြပါတော့!!! ဒင်းတို့က အချိန်တိုင်းပဲ..... လွန်လွန်းအားကိုကြီးတယ်......
ဒင်းတို့တဲ့.....အခု ငါက ဟိုအကောင်နဲ့ အနှိုင်းခံလိုက်ရတာလား....ခင်ဗျားကြီး တော်တော်ကိုများနေပြီ.......
👨🍳 : အောင်မာ နှိုးချင်လွန်းလို့ လာနှိုးနေတယ်များထင်နေလား......လွန်လွန်းအားကြီးတယ်တဲ့ လူကိုများ......
အကိုလေး Perth အမိန့်နဲ့ ဥက္ကဌကြီးတို့ရဲ့ အမိန့်တွေကြောင့် လုပ်နေရတာဗျ!!!! ထချင်ရင်ထ.... မထချင်ရင်လည်း ခင်ဗျားဖာသာ သူတို့နဲ့ ဖြေရှင်းတော့!!!!
စိတ်ပေါက်ပေါက်နဲ့ သူ့လက်မောင်းကို တစ်ချက်ဆွဲလှုပ်ရမ်းပစ်ရင်း ပြောလိုက်တော့ လက်ထဲကိုင်ထားမိတဲ့ ဖုန်းက သူ့ရင်ခွင်နဲ့ ဖက်လုံးကြားထဲ ပြုတ်ကျသွားရသည်........
Food truckစီစဥ်ဖို့ရာတွေနဲ့ Samကို တာဝန်တစ်ချို့လှမ်းပေးဖို့ရာအတွက် ဖုန်းဆက်မလို့ဆိုပြီး လက်ထဲ ဖုန်းကိုင်ထားလိုက်မိတာက အခုအချိန်မှာတော့ မဟာ အမှားလိုဖြစ်သွားရပြီ..........
ဒင်းကလည်း မထ....ကိုယ့်ဖာသာစီစဥ်ဖို့ရာကလည်း အခုဖုန်းကယူမရနဲ့ လူကမှ အလုပ်တစ်ခုတာဝန်ယူရမယ်ဆိုပြီး တာဝန်ပေးခံရရင် အရင်ကတည်းက တအားစိတ်ပူပင်တတ်တဲ့အကျင့်ကြောင့် ပူထူနေရပြီ......
အသာ မွေ့ယာပေါ် တက်ထိုင်ကာ သူ့အပေါ်ကို လေးဘက်ထောက်ရက်အနေအထားနဲ့ ခွထားပြီး လက်တစ်ဖက်ထောက်ထားရင်း ကျန်တဲ့လက်တစ်ဖက်နဲ့ပဲ ဖက်လုံးနဲ့သူ့ရင်ဘတ်ကြားရောက်နေတဲ့ ကိုယ့်ဖုန်းကို လိုက်စမ်းကြည့်နေတော့မှ သူ့ရင်ဘတ်ကို သွားထိမိပြီး တဒိန်းဒိန်းဆောင့်ခုန်နေတဲ့ သူ့နှလုံးခုန်သံနဲ့အတူ ကိုယ်ပါ အလိုလို နှလုံးခုန်နှုန်းတွေက မြန်ဆန်လာရသည်..........
🍷 : အင်းးး~~~
သံရှည်တစ်ချက်ဆွဲရင်း ပက်လက်လန်ချတော့ ထောက်ထားတဲ့ ကိုယ့်လက်က သူ့လက်နဲ့တိုက်မိပြီး သူ့ပေါ် မှောက်ရက်ပစ်ကျသွားရပြီ.........
👨🍳 : အင့်...ကျစ်...သေလိုက်ပါတော့ Jackရာ~~~
🍷 : ဟင့်အင်း..... Jack~~ မသေရပါဘူး~~~~
ဟင်?? ဒီလူကြီး နှိုးနေတာများလား???? သူ့ဆီကနေ Jack ဆိုတဲ့ စကားလုံးကို ခုလို နူးနူးညံ့ညံ့ကြားလိုက်ရတာရယ်.....ရင်ဘတ်၂ခုက ထိကပ်နေတော့ သူ့ရင်ဘတ်ထဲက နှလုံးခုန်သံကို ကိုယ့်နှလုံးခုန်သံကပါ အတိုင်းသားကြားသိ ခံစားနေရပြီး လူကနေမရထိုင်မရနဲ့ အတော်ကိုဖြစ်နေရပြီ.........
သူ့နံဘေးကဖုန်းကို အမြန်ဆတ်ခနဲ ကောက်ဆွဲယူလိုက်ရင်း ဝုန်းခနဲ ထရပ်လိုက်တော့မှ သူက မျက်လုံးရွှဲကြီးတွေနဲ့ လူကို ကြောင်ကြည့်နေပြီး "အား" တစ်ခွန်းအော်ကာ သူ့ခေါင်းသူဖိနေသည်.........
ဖြတ်ခနဲ လှမ်းမြင်လိုက်တဲ့ သူ့မျက်လုံးထဲက နီရဲနေတဲ့ သွေးကြောတွေကို ကြည့်နေရင်း ရင်ထဲမှာ ဘာဖြစ်လို့ဖြစ်နေမှန်းမသိ..... ဒင်းက ငိုထားတာမှ မဟုတ်တာ.... ဘဝမှာ အရက်နာကျတဲ့လူကို ပထမဆုံး သနားစိတ်ဝင်နေမိတဲ့ ကိုယ့်ကိုကိုယ်ကို အံ့သြလို့ မဆုံးနိုင်ဘူးဗျာ.......
🍷🏰ဟိုကောင်နဲ့ ဖုန်းပြောပြီးတော့ ခေါင်းကတော်တော်ပြန်ထိုးကိုက်လာတာကြောင့် ပြန်လှဲအိပ်နေမိတာပါ.......အဲ့ ငရုတ်သီးတောင် စံအိမ်ကိုလာပြီးသွားပြီလားမသိ......
ခုလည်း ကောက်ကွေးကိုပဲ မြင်နေ ..... ကောက်ကွေးအသံပဲကြားနေတာ မနေ့က Bartender ဖျော်တိုက်တာ Vodkaမှရော ဟုတ်ရဲ့လား....... အချစ်ကို အမြဲတွေ့မြင်နေရတဲ့ ပီယဆေးများစပ်တိုက်လွတ်လိုက်လား မသိဗျာ........
ခေါင်းကို တစ်ချက်ဖိထားရင်း ထထိုင်ပြီး မျက်လုံးတွေကို ပွတ်လိုက်တော့မှ ပုံရိပ်တွေက သဲသဲကွဲကွဲ စမြင်လာရသည်........
🍷 : OMG!!!! မင်းလား????? တကယ်မင်းပေါ့..........
👨🍳 : စိတ်တွေတော်တော်လေရတယ်.... မူးရူးကွဲပြဲနေတာ နည်းနည်းမှ မြင်လို့မကောင်းဘူး!!!!
အာ့မယ် အမူးပြေအောင် သောက်ပြီး အောက်ဆင်းခဲ့တော့!!!
သူငယ်ချင်းအသစ်ကြီး ကောင်းမှုနဲ့ အလုပ်ပါပြုတ်တော့မယ့်ကိန်းတွေ မြင်နေရတယ်...... ခင်ဗျားနဲ့ရောပြီး ကျွန်တော်ပါ ပြုတ်စော်နံနေရပြီ.......
ပြောရင်း တံခါးကိုစောင့်ပိတ်ချသွားတော့ အခန်းထဲမှာ ကိုယ်နဲ့ဘေးနားက သူထားခဲ့တဲ့ ပျားရည်တစ်ခွက်သာ ကျန်နေခဲ့သည်.......
🍷 : ဪ..... ငါ့ဘဝ ခါးလိုက်ပုံများ...... ပျားရည်တွေ ကြည့်ရင်းနဲ့တောင် ခါးနေရတယ်.........
Crushဆိုတဲ့ အမျိုးတွေကလေ သံမဏိအသည်းတွေများ ပိုင်ထားကြတာလားမသိဘူးဗျာ......ခုလည်း တအံ့တသြနဲ့ နှိုးနှိုးချင်း ကိုယ်ချစ်ရသူမျက်နှာလေးမြင်ရလို့ ပျော်မယ်ကြံကာရှိသေး လူကိုပြောဆိုပြီး ထွက်သွားပြန်ပြီ.........
🍷 : နေပါဦး သူက ငါအရက်သောက်လာတာကို ဘယ်လိုလုပ်သိတာလဲ.....ဟို ငရုတ်သီး လာတုန်းခဏကို လျှောက်တင်သွားပြန်သလားမသိဘူး......
ဒင်းက မိုးမျှော်ငရုတ်သီးစစ်စစ်ပဲ.....သေးသေးလေးနဲ့ အဆင်ပြေမနေရတဲ့အထဲ ညှော်သွားပြန်ပြီ......အရှက်ကွဲမှုအပေါင်း မခညောင်းဖို့ မျှော်လင့်ရတာပါပဲ......
ခုတော့ အဲ့ငရုတ်သီးကောင်ကို ဆဲဆိုရင်းနဲ့ ကိုယ့်အချစ်လေး ဖျော်လာပေးတဲ့ ပျားရည်ကို မော့သောက်ရင်း ဖုန်းကို အမြန်ထုတ်ကြည့်တော့မှ နားထင် သွေးပြန်တက်စောင့်ရပြီ........
ဖုန်း Noti barမှာ ဟိုငရုတ်သီးကောင်ရော ကိုယ့်ဆရာဆီက ဖုန်းmisscall များစွာက ရဲရဲတောက် စောင့်ကြိုလို့........
ဆရာ့ဆီ အရင်ဖုန်းအမြန်ပြန်ဆက်ကြည့်တော့မှ စီစဥ်ခိုင်းချင်တဲ့ ကိစ္စတစ်ချို့ကို ပြောပြရင်း Jackကိုလည်း မှာထားပြီးပြီ ဖြစ်ကြောင်း၊ အကိုလေးSaint ဆိုင်က ရေခဲမုန့်တွေကို Food Truckအနေနဲ့ အလှူမှာ ကျွေးဖို့ စီစဥ်ခိုင်းကြောင်း ထပ်ပြောပြတော့ ပြင်ဆင်လို့ပြီးတာနဲ့ တန်းလိုက်လာခဲ့မယ်ဆိုပြီး ပြောထားရသည်.......
မျက်နှာပြန်ပြေးသစ်ပြီးမှ ဆီးကထပ်သွားချင်လာတာနဲ့ Toilet အမြန်ပြေးရသေးတယ်..... အရက်နာကျခြင်းရဲ့ အကျိုးကျေးဇူး တစ်နေကုန် ဆီးခဏခဏ သွားရတော့မယ်......
ကိစ္စဝိစ္စပြီးတော့မှပဲ အောက်ထပ်အမြန်ဆင်းလိုက်တော့ ဧည့်ခန်းထဲမှာ စောင့်ကြိုနေတဲ့ ကျွန်တော့်ကောက်ကွေးလေးကို တွေ့လိုက်ရပြီ.......
🍷 : အဟမ်း....
👨🍳 : အော် ဆင်းလာပြီ..... ဘယ်လိုလဲ..... ခင်ဗျား နေရတာ အဆင်ပြေရဲ့လား......
ထိုင်နေရာကနေ ထလာပြီး အနားရပ်ကာမျက်လုံးဝိုင်းလေးတွေနဲ့ အဆင်ပြေရဲ့လား လာမေးနေတော့ ရုတ်တရက် ဘာမှပြန်မဖြေနိုင်ဘဲနဲ့ကို ငေးကောင်းနေမိပြီ.........
ယောကျာ်းလေးတစ်ယောက်ကိုဆိုရင် များသောအားဖြင့် ကြည့်ကောင်းတယ် ချောတယ်လို့ပြောကြပေမယ့် ကျွန်တော့်ကောက်ကွေးက အဲ့သတ်မှတ်ချက်တွေထက် ပိုမယ်ထင်တယ်ဗျ......
ချောပြီး အသံကလည်း ခပ်သြသြနဲ့ သူ့တူမ Bunnyလိုပါပဲ..... မျက်လုံးတွေက တကယ်လှပြီး ချစ်ဖို့လည်းကောင်းတယ်.....
Bunnyမရဲ့ ချစ်ဖို့ကောင်းမှုတွေကလည်း ဒီဦးလေးဖြစ်သူဆီကနေ အမွေရထားတာပဲနေမှာပါဗျာ.....
အရင်ကတည်းက ကျွန်တော့်ကောက်ကွေးလေး ဒီလောက်ချောမှန်းလှမှန်းသိခဲ့ရင် ကျွန်တော်Taylor Swiftကိုတောင် မကြိုက်ခဲ့မိလောက်ဘူး.......
👨🍳 : ဟာ ဟေ့လူ!!မေးနေတာရောကြားလား?ပြုံးပြုံးကြီးနဲ့ မတ်တပ်ကြီးမေ့နေပြန်ပြီလား... ညကလစ်ထားတဲ့ အရှိန်က ခုထိမသေသေးဘူးဟတ်လား......
မေးခွန်းများစွာက နားထဲရိုက်ခတ်လာတော့မှ အမြန်ပြန်အာရုံစိုက်လိုက်ရပြီ.......
🍷 : ဟမ် အင်း....အင်း..... ဟို နှိုးနှိုးချင်းတုန်းကထက်စာရင်တော့ မူးတာက သက်သာပါတယ်..... ခုတော့ ရေတော်တော်ငတ်နေသလိုပဲ.......
👨🍳 : အင်း.....အရက်သောက်ရင် ခန္ဓာကိုယ်ထဲက ရေဓါတ်ဆုံးရှုံးတာ သဘာဝပဲ...... အရက်ထဲပါတဲ့ Ethanol(အီသနော)က အဆိပ်ရှိတဲ့ ဓါတုပစ္စည်းတစ်မျိုးလေ....သူ့ရဲ့ဓါတ်က ဆီးခဏခဏသွားတတ်လို့ ခန္ဓာကိုယ်ထဲက ရေဓါတ်ကို ဆုံးရှုံးရတာ.....အဲ့ဒါကြောင့် ရေငတ်တာ........
🍷 : တိကျလှချည်လားကွာ....သောက်သာသောက်နေတာ ကိုယ်သောက်တဲ့ထဲ ဘာတွေပါမှန်းမသိဘူး......ဟီးးးး.....
သွားအဖြဲသားနဲ့ လူကိုချီးကျူးပြီး သူ့ကိုသူနှိမ့်ချပြောနေတာလား.... ရွဲ့ပြောနေတာလားက မသဲကွဲ......
👨🍳 : စိတ်လေလိုက်တာ....နောက်တစ်ခါ Bartender ကို ကြွက်သတ်ဆေးမှုန့်ပါရောဖျော်ပြီး တိုက်ခိုင်းပေးမယ်......တစ်ကြောရှင်းသွားအောင်လို့......
🍷 : မင်းကလည်းကွာ အားကြီးနဲ့ ဒီသူငယ်ချင်းလေးတစ်ယောက်ရှိတာကို.... ငါ့ကို မချစ်ဘူးလား......
👨🍳 : ဟင်....
🍷 : အော်.... မင်းသူ့ငယ်ချင်းအရင်းကြီးဖြစ်တဲ့ ငါ့ကို သေကြောင်းကြံနေလို့လေ... သူငယ်ချင်းအရင်းကြီးဖြစ်တဲ့ ငါ့ကိုမချစ်ဖူးလားလို့.......
👨🍳 : ခင်ဗျားလုပ်ရပ်တွေက ချစ်ချင်စရာလေးတွေကြည့်ပဲဆိုတော့ ခင်ဗျားက မေးနေလိုက်လေနော်.......
🍷 : မင်းကလဲ~~အဟက်..အဟင်း~~ မင်းပြောရင်းနဲ့ ငါ့ လည်ချောင်းတွေ ပိုပိုပြီး ခြောက်ကပ်လာသလိုပဲ.....အဟက်~~
လည်ချောင်းတွေက ခြောက်ကပ်လာတယ်ဆိုပြီး လည်ချောင်းတရှင်းရှင်း လုပ်ရင်း ဧည့်ခန်းထဲ အဟင်း အဟဲ အသံစုံထွက်နေတော့မှ ရေဓါတ်ဆုံးရှုံးထားရတဲ့အထဲ ရေဓါတ်ပြန်မပြည့်သေးခင် လူကိုလာ အရစ်ရှည်နေတော့ စံအိမ်ထဲက ဝန်ထမ်းတစ်ချို့ နားဒုက္ခခံရတာ သက်သာအောင်ရယ် ရေဓါတ်ဆုံးရှုံးလွန်ပြီး ဒင်းပစ်လှဲသွားမှာ စိုးတာနဲ့ ရေသန့်ဗူး လှမ်းပေးကာ.......
👨🍳 : ခုကို သေတော့မယ်မြင်လား.... အဲ့ဒါကြောင့် ရေမရောရင် အသေစောမယ်လို့ပြောတာပေါ့..... ခင်ဗျားမနေ့က သောက်တော့ ရေရောမသောက်ခဲ့ဘူးလား.......ရော့ရေ....
အရက်ရဲ့ ဂုဏ်သတ္တိပျက်မှာစိုးရင်လည်း ရေတော့မှာသောက်လေ.....ဟိုအကောင်ကလည်း အတူတူသောက်နေပြီး ဒါလေးလောက်တောင် မသိဘူးလား........
🍷: အင်း.....သောက်ပါတယ်ကွ......နည်းနည်းပြင်းတာသောက်မိလိုက်လို့.......အဲ့ငရုတ်သီးက ဘာမှသိမနေဘူး......
👨🍳 : ဟမ်.....ငရုတ်သီး....
🍷 : အော် Alexကိုပြောတာ....ငါသူ့ကိုပေးထားတဲ့ နာမည်ပြောင်..... နေရာတကာပါပြီး အဲ့လိုသူပါပေးတိုင်း ကောင်းတာရှိသလို မကောင်းတာလည်းရှိလို့......
ငရုတ်သီးတဲ့လေ.....ဟိုသွားထပ်နဲ့အကောင်ကို ပေးထားတဲ့ Nicknameတဲ့......သူ ကိုယ့်ကို ခေါက်ဆွဲခြောက်လို့ ခေါ်ရင်သာ မကြိုက်တာ သူများကို Nick nameပေးတာတော့ မကြိုက်ချင်......
ဘာရယ်မဟုတ် ဝမ်းနည်းချင်တဲ့ ခံစားချက်ကြီးက ရင်ထဲကြီးစိုးလာတုန်း သူဆက်ပြောလိုက်တဲ့ စကားကြောင့် ဝမ်းနည်းနေရာကနေ အံ့သြတဲ့ခံစားမှုကို ခုန်ကူးပြောင်းသွားရပြီ......
🍷 : အရက်ဘီယာနဲ့ ပတ်သတ်ပြီး အဲ့ကောင်က ကလေးလိုပဲ ဘာဆိုဘာမှမသိဘူး......ညကလည်း ကလေးသောက်တဲ့ စတော်ဘယ်ရီဒိန်ချဥ်ဗူး သောက်တာ.......
👨🍳 : အင်း...ထားပါတော့....ဘာကြီးးးး??? Jesus!!! Barသွားပြီး ဒိန်ချဥ်သောက်တယ်???အံ့သြလိုက်တာ...... ခင်ဗျားနဲ့ ဘယ်လိုများ ပေါင်းသင်းနေသလဲ အံ့သြလို့ကို မဆုံးနိုင်ဘူးတကယ်......
ကဲပါနောက်ကျနေပြီ....ခင်ဗျားမနက်စာစားဖို့လုပ်တော့... ကျွန်တော် ပြင်ပေးထားတယ်....
သူနဲ့အတူ စားဖိုဆောင်ထဲ ဝင်လိုက်တော့မှ စားပွဲပေါ်မှာပြင်ပေးထားတဲ့ ခရက်ကာရယ် ဒိန်ချဥ်နဲ့ငှက်ပျောသီးစိတ်ပန်းကန်လေးကို တွေ့ရသည်........
👨🍳 : ခရက်ကာက ခင်ဗျားသိပ်မကြိုက်ဘူးမလား.....ကျွန်တော်လည်း မြန်အောင်ဆိုပြီး တည့်မယ့်အစားအစာရယ် အလွယ်ရမှာရယ်တွေးပြီး ပြင်ထားလိုက်တာ......
🍷: အင်း ရပါတယ်....အပင်ပန်းခံလို့ကွာ... ဒါတွေကို တကူးတက ပြင်ထားတာလား.....နေ့ခင်းထိ အလှူမှာနေရမှာဆိုတော့ ငါအဆာခံအောင် ဆန်စီးတစ်ပွဲ လမ်းမှာဝင် စားပြီး သံပရာရည်တစ်ခွက် ခေါင်းကြည်အောင် သောက်လိုက်ရင်လည်းရတာကို......
👨🍳 : အဲ့လို ခင်ဗျားတစ်လွဲတွေလုပ်မယ်ဆိုတာကို သိနေလို့ လုပ်ပေးထားတာ.......ဒီပြင်ပေးထားတာတွေပဲ စားခဲ့တော့.... ခုမှ Food truckနဲ့ ဝန်ထမ်းတွေက ကျောင်းသွားဖို့ရာအတွက်စီစဥ်နေကြတုန်း........
အရက်နဲ့တွေ့ထားပြီးရင် အစာအိမ်က အားနည်းနေတယ်လေဗျာ.... အရက်သောက်ပြီးရင် အစာခြေဖျက်ရခက်တဲ့ အဲ့လိုဆန်စီးတို့ ကောက်ညှင်းတို့လို အစာအမာတွေ မစားသင့်ဘူး.....
ဆီကြော်တွေကလည်း စားပြီးရင် လူကို မအီမသာခံစားတတ်စေလို့ အရက်နာကျပြီးတဲ့ချိန်မှာ စားလို့မသင့်ဘူး..... အချဥ်ဓါတ်များတဲ့ အသီးအနှံတွေ ဖျော်ရည်တွေကလည်း ခုလို အရက်နာကျပြီးတဲ့ အချိန်မှာ မစားရဘူး.... ဘာလို့လဲဆိုတော့ အချဥ်ဓါတ်က အားနည်းနေတဲ့အစာအိမ်ကို ပိုပြီးထိခိုက်တတ်လို့........
🍷 : ဒါဆို ဒါတွေကရော.......
👨🍳 : အင်း....ညမှာ အရက်သောက်တာများပြီး အရက်နာကျရင်း ထလာရတဲ့ မနက်ခင်းမှာဆိုရင် မအီမသာဖြစ်တာမှန်တယ်.....တော်ရုံလည်းဘာမှ မစားချင်ဘူးလေ.....
ဘာမှမစားဘဲနေရင် ရေဓါတ်ဆုံးရှုံးတာနဲ့တင်လူကမျော့မျော့ကျန်မယ်...... ကိုယ်ကမစားချင်ပေမယ့်လည်း ခန္ဓာကိုယ်ကတော့ အာဟာရဓါတ်တွေ လိုအပ်နေတယ်..........
🍷 : အင်း...
👨🍳 : အရက်နာကျနေတဲ့အချိန် ခန္ဓာကိုယ်မှာ လိုအပ်တဲ့ အာဟာရဓါတ်က ပိုတက်ဆီယမ်ဓါတ်ပဲ......
ငှက်ပျောသီးမှာ ပါဝင်တဲ့ ပိုတက်ဆီယမ်ဓါတ်က အရက်သောက်ပြီး ခန္ဓာကိုယ်ထဲမှာ ကျန်ရှိနေတဲ့ အဆိပ်အတောက်တွေကို ပြေလျော့စေတယ်...... သူက အမျှင်ဓါတ်ပါဝင်မှုများလို့ အစာကြေပြီး ရင်ချောင်တယ်......
အဲ့ဒါကြောင့် ခုလို ငှက်ပျောသီးကို ဒိန်ချဥ်နဲ့တွဲစားရင် ပိုတက်ဆီယမ်ဓါတ်ပိုပြီးရတော့ အရက်နာကျတာကို မြန်မြန်သက်သာစေတယ်ဆိုတဲ့အကြောင်း ရေးထားတဲ့ ကျန်းမာရေးဆောင်းပါးတွေ ကျွန်တော်ဖတ်ဖူးတာရှိတယ်.........
🍷 : အင်း ငါမှတ်ထားစရာတွေကြည့်ပဲ....အဲ့ဒါဆို ငါလည်း ထပ်စပ်စုလိုက်ဦးမယ်.... တော်တော်များများ အရက်နာကျရင် အမြဲ သောက်နေကြတဲ့ ပျားရည်ကရော.....သူက ဘာကြောင့် သက်သာတာတုန်း.......
👨🍳 : အင်း..... ပျားရည်က အစာအိမ်ကို သိမ်မွေ့စေတယ်လေ....ပြီးတော့ ပျားရည်ထဲမှာ fructose ဓါတ်(သဘာဝအတိုင်း သကြားကဲ့သို့ အချိုပမာဏများများပါသည့် အချိုဓါတ်တစ်မျိုး) ပါဝင်တဲ့အတွက် ပျားရည်သောက်ပြီးရင် ခါတိုင်းအချိန်တွေထက် ပိုပြီး အသည်းကအချိုဓါတ်များများ ထုတ်လွတ်ပေးနိုင်တယ်......
အဲ့ဒီအချိုဓါတ်ကပဲ အရက်ထဲပါထားတဲ့ဓါတ်တွေနဲ့ မြန်မြန်ပေါင်းစပ်သွားပြီးတော့ လူကို အဆိပ်အတောက်ဖြစ်စေတဲ့ဓါတ်တွေကို ချေဖျက်ဖို့ရာ အရှိန်မြင့်ပေးတဲ့ ဓါတ်အဖြစ် အလုပ်လုပ်ပေးတာမျိုးပေါ့......
လိမ္မော်ရည် 80ml မှာ ပျားရည် 15ml နှင့် ဒိန်ချဉ် 70ml ရောစပ်ပြီးသောက်ရင် အရက်နာကျတာကို မြန်မြန်သက်သာစေတယ်တဲ့လေ.....အစောက ကျွန်တော် ခင်ဗျားကို လာတိုက်တာကလည်း အဲ့ဒီလိုစပ်ပြီး ဖျော်ပေးထားတာပဲ......
ကျွန်တော့် ကောက်ကွေးလေးကို ကြည့်စမ်းပါဦးဗျာ.......ကျန်းမာရေး ဗဟုသုတရှိချက်ကတော့ ဆရာဝန်တွေနီးနီးပဲ.......
တကယ်တော့ အစောက ပျားရည်သောက်လိုက်လို့ အမူးစပြေတာထက် သူ့မျက်နှာလေး မြင်နေရပြီး သူနဲ့ ခုလို စကားအေးအေးဆေးဆေးပြောနေလို့ မြန်မြန်အမူးပြေရတယ် ထင်တာပါပဲဗျာ..........
မဟုတ်ရင် အိပ်ယာထနောက်ကြတာနဲ့ ဒေါသူပုန်ထနေမယ့် ကို့ဆရာကလည်း သဘောထားကြီးကြီးနဲ့ ခုလို စီစဥ်ပေးထားတာကို သိရတော့ ကိုယ့်ဆရာကို ပြေးပြေးနမ်းချင်စိတ်တောင် ပေါက်တယ်.......
🍷 : မွ~~~
👨🍳 : ဟင်....
အရေးထဲ ဘယ်လိုကြောင့် ပါးစပ်ကနေပါ အသံတွေထွက်သွားရလဲမသိ......
မျက်လုံးလေး ပြူးရင်းနဲ့ လူကိုကြောင်ကြည့်နေတာများ ရင်ဘတ်ထဲ မြင်းကောင်ရေ တစ်သိန်းပတ်ပြေးတာ ခံနေရသလိုပဲ........
အခု ဘယ်လိုတွေခံစားနေရတာလဲ ရူးတော့မှာပဲ Reoရာ......
🍷: အော် ဟို.....ဟိုဟာ....ပါးစပ်ထဲတစ်မျိုးကြီးဖြစ်နေလို့......တံတွေးမြိုချတာ အားပါသွားတာ...... ငါ အမြန်စားလိုက်ဦးမယ် ခဏ.....
ပြောပြီး ခေါင်းတစ်ကုတ်ကုတ်နဲ့ ဆက်ငုံ့စားတော့မှ ကျွန်တော်လည်း သူ့နားကနေ ခဏထထွက်ရင်း ကိုယ့်ရင်ကို ပြန်ဖိနေရသည်........
အစောတုန်းကလည်း အခန်းထဲမှာ သူ့ပေါ် မှောက်ရက်ကျပြီး ရင်ခုန်နေတာက တော်တော်နဲ့ ပုံမှန်မဖြစ်သေးတာကို ခုကဘာတွေဆက်ပြီးထပ်ဖြစ်နေလဲကိုမသိ........
ကိုယ်ပြောသမျှကို တလေးတနက်နားထောင်ပေးနေတာက ကျွန်တော့်ဘဝမှာ သူပဲရှိတာပါ.....လက်အောက်ငယ်သားတွေသင်ပြပေးရလို့ သင်ယူနားထောင်ကြတဲ့ ပုံစံကတစ်မျိုးပေါ့.......
ဘယ်လိုခေါ်မလဲ...ခုလိုမျိုးက ကိုယ် ဂရုတစိုက် ရှိတယ်ဆိုတာကို သိစေချင်တဲ့ ကျွန်တော့်မသိစိတ်ရဲ့ မျှော်လင့်ချက်လေးပါလို့လားတော့ မသိဘူး.......
ရင်ထဲမှာတော့ တစ်မျိုးကြီးပဲ......ကျွန်တော်သူ့ကို သဘောကျနေမိပြီလား....ဒါမှမဟုတ် အဲ့ဒီထက်ပိုနေလားလည်း မသိတော့ဘူးဗျာ......
အရေးထဲ ဒင်းက ဒိန်ချဥ်ကို ပါးစပ်ထဲဝင်အောင် မစားပြန်ဘူး....တစ်ခါတစ်ခါ သူ့မထူမပါး နှုတ်ခမ်းပေါ်က ဒိန်ချဥ်ကို လျှာနဲ့သပ်ယူပြီး အောက်နှုတ်ခမ်းထူထူကို ဖိကိုက်တဲ့မြင်ကွင်းက ကိုယ့်အာရုံထဲပြန်ပေါ်လာရင်း ကိုယ့်မှာဘယ်လိုမှ နေလို့ထိုင်လို့ အဆင်မပြေချင်.........
တွေးနေရင်း ရင်ထဲဖိုးသိုးဖတ်သတ်နဲ့ ရေတွေပါငတ်လာသလိုရှိတော့ ရေသောက်ဖို့ ရေခဲသေတ္တာကို သွားအဖွင့် သူကလည်း မနက်စာစားရင်းတန်းလန်းနဲ့ ရေခဲသေတ္တာကို လာဖွင့်တော့ ရေခဲသေတ္တာ လက်ကိုင်မှာ လက်ချင်းက ထပ်ဆုံသွားရပြန်ပြီ........
ထပ်ရက်ဖြစ်နေတဲ့ လက်တစ်စုံကို ကြောင်ကြည့်နေမိတော့ သွေးကြောစိမ်းကြီးတွေ ထောင်ထနေတဲ့ သူ့လက်ဖမိုးကို ကြည့်ရင်း အစောက ရင်ခုန်တာက အရှိန်အကင်းမသေသေးတဲ့အပြင် ပြန်စောင့်ခုန်တက်သွားပြီး ရင်ခုန်ရခြင်းက နောက်တစ်ကြိမ် အသက်ဝင်သွားရပြန်ပြီ.........
အပ်ကျသံတောင် မကြားရတဲ့ စားဖိုဆောင်ကြီးထဲ တဒိန်းဒိန်းခုန်နေတဲ့ ရင်ခုန်သံက ဖုံးမရ ဖိမရနဲ့ ကျယ်လောင်စွာ ထွက်ပေါ်နေရတဲ့အထဲ သူ့စကားတစ်ခွန်းမှာ တံတွေးအမြန် မြိုချလိုက်တာတောင် သီးကုန်ရပြီ...........
🍷: မင်း နှလုံးခုန်သံတွေ တအားမြန်နေတာပဲ...... ဘေးမှာရပ်နေတဲ့ ငါတောင် ကြားနေရတယ်.......
👨🍳 : အဟွတ် အဟွတ် အဟွတ်!!!
🍷 : ဟာ သီးပြီ.....ရေသောက်မလို့လား ယူယူ...... မင်း စိတ်လောနေတာနဲ့ တူတယ်.....
👨🍳 : အဟမ်း...အင်း ခင်ဗျားကြောင့်နောက်ကျတော့မှာလေ...... အချိန်မမှီရင် ၂ယောက်စလုံး အလုပ်ပြုတ်နေမယ်......
🍷 : အေးပါကွာ ငါလည်း စီစဥ်ခိုင်းထားပါတယ်.... စားတာကလည်း ပြီးပါပြီကွ.... ငါတွေးမိတာလေ... ကျောင်းက ကလေးတွေများတော့ အဲ့ဘက်ဆိုင်က ဝန်ထမ်းတစ်ချို့နဲ့ ဒီဘက် မင်းteamထဲက အသင်းသားတစ်ချို့ပါ Food truckတွေမှာ ထည့်ပေးထားလိုက်တာက ပိုအဆင်ပြေမလားလို့.......
👨🍳 : အင်း ကျွန်တော်လည်းတွေးမိတယ်.... Samကိုလည်း ပြောထားပါတယ်....... ဟို.... ဒါနဲ့လေ....
🍷 : အင်း....
👨🍳 : မနေ့က ကျွန်တော်မသောက်လိုက်ရတဲ့ အအေးအတွက် ကျေးဇူး.......
🍷 : အမ်???
ထပ်ပြောပြမလို့ ကြံကာရှိသေး သူ့ဖုန်းဝင်လာတော့ ဟိုသွားထပ်ပါတဲ့ အကောင်ဆက်နေတာ ထင်ပါတယ်....ဆဲဆိုရင်းနဲ့ ခဏနေထွက်လာတော့မယ် ဘာညာဖြေနေတော့ ဘာကိုမကြိုက်လို့ မကြိုက်နေမှန်းလည်း မသိဘူးဗျာ......
ချုပ်ချယ်ချင်ရအောင် သူနဲ့ကိုယ်က ချစ်သူရည်းစားဆက်ဆံရေးလည်းမဟုတ်.....ဘော်ဒါအကန့်တွေပဲမလား.......
ကိုယ့်စိတ်ကိုရော သူ့အဲ့တစ်ယောက်အပေါ် ဘယ်လိုသဘောထားသလဲ ဆိုတာတွေရောက ခေါင်းထဲတွေးမရတော့ဘဲ ရုတ်တရက် စိတ်တွေရှုတ်နေတုန်း သူ ကိုယ့်ကိုပြောလိုက်တဲ့ စကားတစ်ခွန်းမှာ ဘယ်လိုမှစိတ်မရှည်ချင်တော့တာနဲ့ လိမ့်ပြီးပြောပစ်ခဲ့ရင်း စားဖိုဆောင်ထဲကနေ အမြန်ထွက်ခဲ့ပစ်လိုက်တော့
သည်.........
🍷: ဟား ဟား မနေ့က အအေးကိုပြောတာလား..... မင်းကလည်းကွာ..... တကူးတက ကျေးဇူးတွေဘာတွေ တင်နေသေးတယ် မလိုပါဘူးကွ.........
👨🍳 : မလိုရင်လည်း ပြီးတာပဲ မပြောခဲ့ဘူးပဲထားလိုက်!!!အလှူမှာ စိတ်လေးအေးချမ်းပြီး လှူချင်လို့ ခင်ဗျားနဲ့ ဒီနေ့ စကားမများဘူးလို့ ဆုံးဖြတ်ထားတယ်.... ခင်ဗျား ခု မနက်စာစားပြီးရင်သွားမယ်.....ကျွန်တော်က သွားဖို့အဆင်သင့်ပဲ........
ဆက်တိုက်ပြောရင်း စားဖိုဆောင်ထဲကနေ ထွက်သွားတော့မှ ကိုယ့်မှာရေကို ရေပိုက်ကရေဖွင့်ချလိုက်သလို ဒလဟော ခန္ဓာကိုယ်ထဲ လောင်းထည့်ရင်း သူ့နောက်ပြေးလိုက်ရတော့ သည်........
တကယ်က သေမလိုပျော်နေတာလေ..... ပျားရည်ဖျော်တိုက်တာလည်းခံရတယ်...... ဂရုတစိုက် ချက်ပြုတ်ပေးထားတဲ့ မနက်စာကိုလည်း စားရတယ်...... သူ့လက်နုနုလေးကိုလည်း မထင်မှတ်ဘဲ နဲ့ ထိလိုက်ရသေးတယ်... ပြီးတော့ မနေ့ကသူမသောက်ရတဲ့ အအေးအတွက်ပါ တကူးတကကျေးဇူးတင်တာကိုလည်း ခံရတယ်လေ.....
သူအဲ့လို ကျေးဇူးတင်တာ ကိုယ့်စေတနာတွေကို အသိအမှတ်ပြုတာပဲ မဟုတ်လား.....
ဒါကို ဒီပါးစပ်ပေါက်က ရင်ထဲကပြောချင်တဲ့စကားတွေနဲ့ ဆန့်ကျင်ဘက်တွေရယ် ဒဲ့တိုးတွေရယ်ပဲ ထွက်နေတယ်........ တကယ်ကလည်း သူ့ဆီက ကျေးဇူးတင်တယ်ဆိုတာကြီးကို မလိုချင်ပါဘူးဗျာ.....
အဲ့ဒီလိုက တစိမ်းဆန်တယ်လို့ ယူဆထားလို့ သူ့ကို စိတ်ပေါပေါ့ပါးပါးလေးနဲ့ တန်ဖိုးထားပြီး ကျွန်တော် ချစ်မြတ်နိုးချင်တာပါ......ဒါကို ဘာတွေက လွဲလို့လွဲနေမှန်းကိုမသိ......
🍷 : အသုံးမကျလိုက်တာ Reoရာ!!!....ဒီလိုအပြောအဆိုမတတ်နေတာနဲ့ ဒီတစ်သက်လိုချင်တဲ့ လင်က ရပါဦးမလားမသိဘူး..... ဟို ငရုတ်သီးကောင်ဆီကနေဖြစ်ဖြစ် ရိုနည်းလေးဘာလေး နည်းနည်းပါးပါး သင်ဦးမှပါ.........
☕❤☕❤☕❤
❤🏰ကိုကိုကော်ဖီတုံးတို့ လှူမယ့်ကျောင်းကိုသွားတဲ့ လမ်းတစ်လျှောက်လုံးလည်း အရှက်တွေသည်းကောင်းတုန်း......
ညာလက်တစ်ဖက်နဲ့ သူ့မျက်နှာကိုသူ ထောက် ထားရင်း ကားစတီယာတိုင်ကို ဘယ်လက်တစ်ဖက်ထဲနဲ့ကိုင်မောင်းနေကာ ကျွန်တော်က ခိုးခိုးကြည့်တိုင်း သူက ချောင်းတဟန့်ဟန့်နဲ့ မျက်နှာကြီးက ပိုပိုရဲတက်လို့.......
မသိရင် သူက အကိုင်ခံလိုက်ရတဲ့အတိုင်းပဲ.......
"ကိုင်ခံရတာက ကျွန်တော်လေ"လို့ အော်ပြောပစ်လိုက်ချင်ပေမယ့်လည်း ဟိုရောက်မှ ရှက်လို့ ကားပေါ်က မဆင်းတော့ဘူး ဘာညာဖြစ်နေလို့ အခြေအနေတွေက ကမောက်ကမနဲ့ ချင်းမိုင်တစ်ခွင် ထပ်နာမည်ကြီးသွားလို့ မဖြစ်သေးပါဘူး တွေးရင်း အသာလေး ကြိတ်ရယ်ရင်းနဲ့ ငြိမ်ပြီးတော့ပဲ လိုက်ပါခဲ့လိုက်ရသည်.......
🖤🏰 အရေးထဲ ကိုယ့်အဖြစ်ကိုယ်မှ ရှက်နေရတဲ့အထဲ ဘေးနားက အကောင်ပေါက်လေးက လာလာခိုးကြည့်ပြီး ပြုံးစစလုပ်ပြနေတော့ ပိုဆိုးရသည်.......
တကယ်ကို မရည်ရွယ်တာပါဗျာ........ခုလည်း အဲ့ဒီထိမိခဲ့လိုက်တဲ့ တစ်ခဏရဲ့ အိစက်မှုက ခုချိန်ထိ ဒီလက်ဖဝါးထဲ နစ်ဝင်နေသလို ခံစားနေရသေးတယ်........
အာရုံပြောင်းအောင် ခေါင်းကိုတစ်ချက်ခါရမ်းလိုက်ရင်း ဖေဖေတို့ကားကို တစ်ချက်စောင့်ခေါ်ပေးပြီး မောင်းခဲ့ဖို့ Wyaneတို့ကိုမှာကာ ဖေဖေတို့ကားကို ကျော်တက်ရင်း ကျောင်းကိုသာ မြန်မြန်ရောက်အောင် မောင်းခဲ့လိုက်ရတော့ သည်.......
ကျောင်းကိုရောက်တာနဲ့ တစ်ပြိုင်နက် ကျောင်းတည်ထောင်သူနဲ့အတူ Sisterကြီးတွေရော ဆရာ ဆရာမတွေကပါ လာရောက်နှုတ်ဆက်ကြပြီး စေတနာ့ဝန်ထမ်းတစ်ချို့ကတော့ အလှူပစ္စည်းပုံးတွေကို လာကူသယ်ပေးကြသည်........
ခဏကြာတော့ ဖေဖေတို့နဲ့Wyaneတို့လည်း ရောက်လာကြပြီမို့ အလှူပစ္စည်းလေးတွေ လိုက်ဝေဖို့ရာ လုပ်ကြရပြီ........
Milo နဲ့ Robin ကလည်း ဟိုငေးဒီငေးနဲ့ ကလေးတွေကလည်း ယုန်ပေါက်လေးအနားကမခွာတဲ့ တစ်တုတ်၂ကောင်ကို တော်တော် အသည်းယားကြသေးတယ်........
"ဟာ..... ကျားနဲ့တူတဲ့ အကိုကြီးးး....... မင်္ဂလာပါဗျ....."
အသံကိုတရင်းတနှီး ကြားဖူးနေသလိုရှိလို့ အသံလာရာကို ငုံ့ကြည့်တော့မှ ပတ္တမြားခဲလေး မွေးနေ့တုန်းက ကျွန်တော့်ကို ကျောက်တုံးလေးပေါ်မှာ ကျားရုပ်ကလေးဆွဲပြီး လက်ဆောင်ပေးထားတဲ့ ကလေးလေး ဖြစ်နေသည်........
🖤 : ဟာ....မင်းကိုးးးး....ထွားလာလိုက်တာကွာ..... လာစမ်းပါဦး......
တစ်တုတ်ကလေးကို ကောက်ပွေ့ချီထားရင်း.......
"သားက ကိုကြီးတို့ကို နေ့တိုင်းမျှော်နေတာ......မလာတာကြာတော့ ကျွန်တော်တို့ကို မေ့များသွားပြီလားလို့~~~~"
အဖျားခတ်တုန်ရီသွားတဲ့ ဒီကောင်ကလေး အသံကို ရိပ်မိလိုက်တော့ ကျွန်တော့် ရင်ထဲစိတ်မကောင်းဖြစ်သွားရသည်......
သို့ပေမယ့်လည်း ချက်ချင်း ခေါင်းထဲမှာ သူ့ကို အာရုံပြောင်းပေးဖို့ တွေးလိုက်မိတာက သူတို့လေးတွေကို တခြားမိသားစုရှိတဲ့ လူတွေထက် ပိုပြီးသန်မာစေချင်တဲ့ စိတ်ဆန္ဒကြောင့်ပါ......
🖤 : မေ့စရာလားကွ......ကိုကြီးတို့က အလုပ်မအားလို့ မလာဖြစ်တာ.....အဲ့နေ့က ဆောက်ခိုင်းထားတဲ့ မျှော်လင့်ခြင်းအိမ်တွေရော ကောင်းကောင်းဆောက်ထားကြရဲ့လား......
"ဆောက်ထားတာပေါ့ဗျ.... များကြီးတောင်ရနေပြီ သိလား ကိုကြီး.......ကိုကြီးတို့ပြောတဲ့ ချစ်ခြင်းမေတ္တာတွေကလည်း သားရင်ထဲ အပြည့်ပဲ......"
🖤 : ဟား ဟားလိမ္မာလိုက်တာကွာ....
ကျွန်တော်က အဲ့ဒီ တစ်တုတ်ကောင်လေးကို ကောက်ပွေ့ချီရင်း စကားတွေပြောနေတာကိုမြင်တော့ Miloကောင်တို့ ဂျိုတကစ်ကစ် လုပ်ရင်း စတင်ကောက်သွားရှာလေပြီ........
ကျွန်တော့်ကလေးကတော့ သား၂ကောင်ကို ခေါ်ထားပေးရင်း ကလေးတွေ တရုန်းရုန်းနဲ့ သွားတန်းဖွေးလေးတွေပေါ်အောင် ပြုံးရင်း စကားတွေပြောလို့.......
ကလေးတွေထဲမှာ ချစ်ဖို့အကောင်းဆုံး ကျွန်တော့်နီတာရဲ ကလေးကြီးပေါ့ဗျာ.....
"အကိုကြီးး.....ဘာတွေပြုံးနေတာလဲဗျ....."
🖤 : ဟေ....အော် ဟိုမှာလေ.... ဟိုနားက အကိုကြီးက ပြုံးနေလို့.......
"အော် ဟိုနားက ကိုကြီးလိုအင်္ကျီကိုမှ အနီရောင်ဝတ်ထားတဲ့ အသားဖြူဖြူနဲ့ ကိုကြီးချောချောကို ပြောနေတာလား......"
🖤 : ဟား ဟား ဟုတ်ပ.... ယှောင့် ငါကရော မချောဘူးလား....
"မချောပါဘူးဗျာ......အသားကလည်း အဲ့ကိုကြီးချောချောလောက် မဖြူဘဲနဲ့......"
လိမ်မပြောတတ်တာ ကလေးတွေရဲ့ သဘာဝဆိုပေမယ့်လည်း အာ့လောက်ဒဲ့တိုးတွေပြောတော့ ဖင်တွေကြည့်လိမ့်ရိုက်ချင်စိတ်က ပေါက်လာရသေးသည်.......
🖤 : ဟာကွာ.....မင်းကလည်း ကြည့်ကောင်းတယ်လောက်တော့ ပြောလေကွာ....ဒီအသားအရောင်ကိုပဲ ပြောနေပြန်ပြီ.....
"ဟီးး ဟီးးးး သားလည်း ဖြူပါဘူး....သားနဲ့တူလို့ ကိုကြီးကလည်း မဲတာ....."
🖤 : ဟား ဟား ဟား မင်းကကွာ.... ညိုတာလောက်လုပ်....... ငါတို့က အညိုစင်..... ဒီလို ကော်ဖီရောင်သမ်းတဲ့ အသားရောင်က ရှားပါးမျိုးကွ သိလား......
"ဟာ ဟုတ်တယ်....ဟိုယုန်မကို အာ့လိုပြန်ပြောပစ်ရမယ်...."
🖤 : အမယ် မင်းက သူငယ်ချင်းကောင်မလေး ရှိတယ်လား.......
"ဒီတစ်ကျောင်းလုံးက လူတွေအကုန်လုံး ကျွန်တော့်သူငယ်ချင်းကြည့်ပဲဗျ...... သူနဲ့ကတော့ ရန်ဖြစ်ဖက်ပါဗျာ......"
🖤 : ဟောဗျာ ရန်ဖြစ်ဖက်တဲ့.....ခုတင် မင်းရင်ထဲ ချစ်ခြင်းမေတ္တာအပြည့်ဆို....
"ကိုကြီးကလည်း မုန်းတာနဲ့ ရန်ဖြစ်တာကမတူဘူးလေဗျာ.....စရင်းရန်ဖြစ်တာပါ....ကိုကြီးက ဘာသိလို့လဲ အဲ့ယုန်မက အားနင်းစွာတယ်ဗျ....အသားကလေး မဆိုသလောက် သားထက်ဖြူတာကို သားနဲ့ ရန်ဖြစ်တိုင်း သားကို အသားမဲ အသားမဲနဲ့ ခေါ်တယ်........"
နှုတ်ခမ်းတထော်ထော်နဲ့ သူဖြစ်ပျက်ထားသမျှကို အားကိုးရှိတဲ့လူနား ပြန်ပြောနေရတော့ အပြစ်ကင်းတဲ့ မျက်လုံးလေးတွေက အရောင်တလက်လက်နဲ့........
မိဘရှိသည်ဖြစ်စေ မရှိဘူးဖြစ်စေ ကမ္ဘာပေါ်က ကလေးငယ်တွေအကုန် ရာနှုန်းပြည့် အပြစ်ကင်းပါတယ်ဗျာ........
🖤 : ဟာ ဟုတ်လား....အဲ့ဒါမျိုးကိုတော့ လက်သင့်မခံနိုင်ဘူး.... ကိုကြီးကို လိုက်ပြစမ်း.....
"ကိုကြီး ညောင်းလိမ့်မယ် အောက်ချပေးတော့... ကျွန်တော့်ဖာသာ လမ်းလျှောက်နိုင်တယ်.....လာ လာ....ကျွန်တော်လိုက်ပြမယ် အဲ့ဒီယုန်မကို......"
သူ့ဖာသာလမ်းလျှောက်မယ် အောက်ချပေးဆိုတာနဲ့ အောက်ချပေးလိုက်တော့ သူ့လက်အသေးလေးတွေနဲ့ ကျွန်တော့်လက်ကို ဆုပ်ကိုင်ထားရင်း တောက်တောက်တောက်တောက်နဲ့ ဇွတ်ဆွဲခေါ်တော့ သဘောတကျကျနဲ့ပဲ သူခေါ်တဲ့နောက်ပါသွားရပြီ......
❤🏰 ကလေးတွေနဲ့ စကားခဏပြောပြီးတော့ Miloတို့ကို မေမေတို့နားထားခဲ့ရင်း သူတို့ကို သင်ကြားပေးနေတဲ့ ဆရာဆရာမတွေနဲ့ စကားခဏပြောဖြစ်သေးသည်.......
ကိုယ်တိုင်ကလည်း စိတ်ပညာကို လေ့လာနေတဲ့သူဆိုတော့ ဒီကလေးတွေရဲ့ ယေဘုယျစိတ်ခံစားချက်တွေကို သိချင်လို့ တီးခေါက်မေးမိတော့မှ ပြန်ကြားသိရတဲ့ အဖြေတွေမှာ ကျွန်တော်ပျော်ရတာရှိသလို တော်တော်စိတ်မကောင်းဖြစ်ရတာတွေလည်း ရှိရသည်.....
လောကဓံရဲ့ ကျီစယ်မှုကြောင့် သူတို့လေးတွေက အုပ်ထိန်းသူမဲ့ မိဘမဲ့ဖြစ်ခဲ့ရပေမယ့် ကလေးငယ်တွေကတော့ ပညာရေးဘက်မှာလည်း တတ်နိုင်သမျှအားထုတ်ကြိုးစားသင်ယူကြပြီး တစ်ယောက်တိုင်း တစ်ယောက်ချင်းစီတိုင်း သူတို့ သန်ရာသန်ရာ ဝါသနာတွေမှာလဲ ထူးချွန်ကြကြောင်း ပြောပြပါတယ်........
အရွယ်ရောက်ပြီး အလုပ်ခွင်နဲ့ စတင်ဆက်စပ်လုပ်ကိုင်နေရတဲ့ ကလေးတွေကတော့ ဒီအသိုက်အမြုံကနေထွက်ပြီး ပြင်ပလူ့ပတ်ဝန်းကျင်ထဲမှာ သွားလာလုပ်ကိုင် စားသောက်ရတဲ့အခါ လူတွေရဲ့ အရိုးစွဲနေပြီဖြစ်တဲ့ Negative thinkingတွေနဲ့ တံဆိပ်ကပ်ခံရ အနှိမ်ခံပြောဆိုခံရတာတွေတော့ အမြောက်အမြားရှိကြောင်း......
တစ်ခါတစ်လေ သူတို့အနေနဲ့ အဲ့ဒီ ထိုးနက်ပြောဆိုတဲ့ဒဏ်တွေကို နေ့စဥ်နဲ့အမျှ ခံစားရပြီး သိပ်ပင်ပန်းရရင် ခုနေထိုင်ရတဲ့ ဒီအသိုက်အမြုံနေရာကနေ ထွက်ပြေးတာမျိုးတွေပါရှိလာကြောင်း၊ ပြန်လိုက်ရှာလို့တွေ့ရင်လည်း လောကကြီးထဲကနေ ထွက်ခွာသွားဖို့ ကြံရွယ်ထားတာတွေအထိ ရှိတယ်ဆိုပြီး အဲ့ဒီကလေးတစ်ချို့ကိုပါ ခေါ်ပြရှာသည်.......
သူတို့လေးတွေရဲ့ လက်ကောက်ဝတ်တွေ အဓိကသွေးကြောတွေမှာ လှီးဖြတ်ထားတဲ့ အမာရွတ်တွေကို ကြည့်ရင်း မျက်ရည်တွေလည်ရင်း ကျွန်တော့်ရင်တွေ စူးနစ်နေအောင် တဆစ်ဆစ်နဲ့ နာကျင်ရတဲ့အထိ.........
တစ်ချို့ဆို လောကကြီးမှာ မနေချင်တော့ကြောင်း၊ ရှင်ရတာ တအားပင်ပန်းနေကြောင်းတွေနဲ့ အလှူရှင်တွေလာတိုင်း သူတို့မပျော်တော့ကြောင်း...... သူတို့ စိတ်ထဲမှာရနေတဲ့ ဒဏ်ရာတွေက စားဝတ်နေရေးတစ်ခုအတွက်နဲ့ ပိုပိုပြီးနာကျင်ကြေကွဲနေရကြောင်းတွေကို နားထောင်နေရင်းနဲ့ ကျွန်တော့်မှာ အသက်ရှုတွေပင်ကြပ်လာရသည်........
ဘယ်လိုပဲဖြစ်ဖြစ် ကျွန်တော်တို့ကတော့ လာလှူတိုင်း သူများတွေနဲ့ မတူတဲ့လှူဒါန်းမှုလေးတွေဖြစ်လို့ အကုန်လုံးပျော်ရွှင်ကြကြောင်း၊ ပျော်ရွှင်မှုတွေ မျှော်လင့်ချက်တွေ ဖန်တီးပေးတဲ့ အလှူရှင်လေးတွေဖြစ်လို့ ဆရာဆရာမတွေကိုယ်တိုင်ကိုက သဘောကျပြီး ပီတိတွေဖြစ်ရကြောင်းပြောတော့ ကျွန်တော် လှိုက်ခနဲဝမ်းသာရသည်........
ကျွန်တော်လိုချင်တာ ဒါလေးပါပဲ......ကျွန်တော်တို့ကြောင့် အဓိပ္ပါယ်ရှိတဲ့ ပျော်ရွှင်မှု နွေးထွေးမှုတွေကိုပဲ လူအများကို ပိုင်ဆိုင်ရရှိစေချင်တာပါ.......
အထူးသဖြင့် နွေးထွေးမှုတွေ လိုအပ်နေတဲ့ သူတွေအတွက်ပေါ့........
ကျွန်တော်လည်း ကျွန်တော်မေးသမျှ စိတ်ရှည်ရှည်နဲ့ ဖြေကြားပေးတဲ့ ဆရာဆရာမတွေကို ကျေးဇူးတင်စကားဆိုရင်း ကျောင်းတည်ထောင်သူနဲ့ စကားပြောဖို့လုပ်ရပြီ...........
ဆွေးနွေးပွဲလိုလေး ခဏလုပ်ပေးချင်ကြောင်းပြောတော့ အလှူရှင်တွေရဲ့ လစဥ်လှူဒါန်းငွေတွေနဲ့ ဆောက်လုပ်ထားတဲ့ ခန်းမကြီးတစ်ခုရှိကြောင်းပြောသည်......
သုံးလေးလကို တစ်ခါ နယ်ပယ်အသီးသီမှာ အောင်မြင်ကျော်ကြားနေတဲ့ ပညာရှင်တွေ ၊ စာရေးဆရာကြီး/ဆရာမကြီးတွေကို ဖိတ်ကြားပေးရင်း ဟောပြောပွဲတွေ ဆွေးနွေးပွဲတွေတော့ လုပ်ပေးဖြစ်တယ်တဲ့လေ.......
ကလေးတွေအကုန်လုံးနဲ့ ဆရာဆရာမတွေကို အလှူပစ္စည်းလေးဝေပြီးရင် ခန်းမထဲမှာ သွားစောင့်ခိုင်းပေးဖို့ပြောတော့ တည်ထောင်သူက သူစီစဥ်ပေးမည်ဖြစ်ကြောင်းပြောတာနဲ့ ကျေးဇူးတင်ကြောင်းပြောကာ ဟိုအရှက်သည်းနေတဲ့ ကော်ဖီတုံးကြီးကို လိုက်ရှာဖို့ရာ လုပ်ရပြီ.........
🖤🏰 ဟိုကောင်ကလေးခေါ်တဲ့နောက်ကို လိုက်ကြည့်တော့မှ သူပြောတဲ့ယုန်မကလေးကလည်း ဖြူဖြူလုံးလုံးလေးနဲ့ ချစ်ဖို့အတော်ကောင်းသည်.......
ဆံပင်ကိုလည်း ကြက်တောင်၂ဖက်ခွဲစီးထားတော့ ပြေးလွှားရင် လေထဲ ဆံပင်ကလေးတွေက တလှုပ်လှုပ်နဲ့ ယုန်နားရွက်ရှည်တွေလိုပဲ........တကယ်ကြည့်ရင်း ကြည့်ရင်းနဲ့ ယုန်နဲ့ပင်တော်တော်တူလာသည်.......
ဒီကောင်ကလေးကတော့ ကိုယ်နဲ့အသားအရေတင်မဟုတ်ဘူး..... နာမ်စားပေးတတ်တာပါ လာတူနေပြန်ပြီလို့တွေးမိတော့ သဘောကျရသေးတယ်......
"ဟဲ့ယုန်မ....."
"အောင်မာ ဘာလဲ အသားမဲ....ငါ့ကို ယုန်မ ယုန်မ ဆိုပြီး မခေါ်နဲ့လို့ ပြောထားတယ်လေ......"
🖤 : အဲ ရန်မဖြစ်ကြနဲ့လေ ကလေးတို့ရ.......
"ဟာ ဦးဦး....ဟို ဦးဦးနဲ့အင်္ကျီဆင်တူပဲ....ဦးဦးကို ဟိုမှာ ယုန်နဲ့တူနဲ့ ကိုကြီးချောချောတစ်ယောက်က လိုက်ရှာနေတယ်.......သူ့လိုအင်္ကျီပုံစံ အနက်ရောင်ဝတ်ထားတဲ့ ကိုကြီးကို တွေ့မိသေးလားဆိုပြီး မေးနေတာ......."
"ဟဲ့ နင် နင့်တောင်ယုန်မခေါ်တာမကြိုက်ရင်သူများကို အဲ့လိုမခေါ်ရဘူးလေ.....ဆရာမက ဒီလောက်သင်ပေးထားတာကို နင်မမှတ်ထားဘူးလား....."
"နင်က ငါနဲ့ရန်ကြည့်လိုက်ဖြစ်ချင်နေတာလေ..... ငါနာမည်မသိလို့ပေါ့.....နင်ရောသိလို့လား......."
🖤 : အေးပါကွာ တော်ပြီ တော်ပြီ.....ဦးဦးကပြောပြမယ်နော်......
ဦးဦးနာမည်က Perthလို့ခေါ်တယ်....သားနဲ့သမီး ခေါ်နေတဲ့ အကိုကြီးချောချောလေး နာမည်က Saintတဲ့.....
ဒီမှာ ဦးဦးပြမယ်....သမီးယူလာတဲ့ ဒီဆွဲကြိုးလေးရဲ့အိတ်ခွံလေးထဲက ကတ်ကလေးမှာလည်း Perth Saintဆိုပြီးပါတယ်..... ဒီမှာတွေ့လား.... "PerthSaint Foundation" ဆိုတဲ့စာလေး.......
"ဟာ ဖုန်းနံပါတ်လေးရောပါတယ်ပေါ့ ကိုကြီး..... သားတို့ ဆက်လို့ရလား....."
🖤 : ရပါ့ကွာ....အားတဲ့အခါ ဆက်ကြနော်...
"ဟုတ် အကိုကြီး....."
"အော် ဟုတ်ကဲ့ရှင့်....သမီးမှတ်ထားပါ့မယ်ဦးဦး.... အာ့ဆို သမီးပြန်ပြောမယ်နော် ဦးဦး Perthကို အကိုကြီးSaint လိုက်ရှာနေတယ်.....
ဘုရားသခင်!!! တကယ်ကျွန်တော့် ရုပ်တော်တော်ရင့်နေလားလို့ကို အော်မေးချင်တော့တာပါပဲ....... အသက်ကလေး ၃နှစ်ကွာတာကို နှစ်၃၀လောက်ကွာနေသလိုပဲ ဒီကလေးတွေပြောပေါက်နဲ့တော့.......
🖤 : အမလေး ချစ်ဖို့ကောင်းလိုက်တာကွာ... ဦးဦး သွားတွေ့လိုက်ပါ့မယ်ဗျ....ဆွဲကြိုးလေး ဦးဦးဆွဲပေးရမလား သမီး.....
"ရှင် ဟုတ်ဦးဦး....သမီးကို ကျေးဇူးပြုပြီး ဆွဲပေးပါနော်....."
🖤 : လိမ္မာလိုက်တာကွာ.....
"ဟဲ့ နင်ဘယ်ကသွားယူတာလဲ အဲ့ဒီဟာကို...."
"ဟိုအဆောင်သစ်ကြီး နားမယ်လေ... အကိုကြီးတွေအမကြီးတွေ ဝေပေးနေတာ....."
🖤 : ကြည့်ပါဦး.... သမီးက လှသွားပြီ.... ကြိုက်လား သမီး.....
"ဟုတ် ကြိုက်တယ် ဦးဦး...."
🖤 : ဟုတ်ပါပြီ....အဲ့ဒါဦးဦးတို့ ကိုယ်တိုင်လုပ်ပေးထားတာနော်.....
"ဟုတ်လား ဦးဦး....ဦးဦးတို့ကတော်လိုက်တာ..... ကျေးဇူးတင်ပါတယ်ရှင့်.... သမီးကြိုက်တယ်..... ချစ်စရာလေး...ဒီအထဲက ဘာလေးလဲဟင် ဦးဦး......"
"နင်ကလည်း တအားစပ်စုတယ်.....ငါ့ကိုဝေတဲ့နေရာ လိုက်ပြပါဦးဆိုနေမှပဲ......ဟိုမယ် ကျန်တဲ့လူတွေရနေပြီ ငါပဲမရသေးတာ....."
"သေတော့မှာပဲ နင်က ဇွတ်တွေ.....လိုက်ခဲ့ပေးမယ်....ဦးဦး သမီးနောက်မှစပ်စုတော့မယ်....သူ့ကို အရင်လိုက်ပို့လိုက်ဦးမယ်နော်... တာ့တာ...."
"အကိုကြီး ပြီးရင် သားနဲ့တွေ့မယ်နော်....ခု ဆွဲကြိုးလေးသွားယူမလို့.....bye bye အကိုကြီး...."
🖤 : ဟား ဟား အေးအေး ဟုတ်ပါပြီကွာ.... မပြေးကြနဲ့ဦး လဲဦးမယ်.... ဦးဦးတို့က ပြီးရင် သားတို့သိချင်တာလေးတွေကို ရှင်းပြပေးမယ်နော်....
ဟုတ်တစ်လုံး သံပြိုင်ထွက်ကြရင်း အလှူပစ္စည်းဝေတဲ့ဆီကို အပြေးထွက်သွားကြတဲ့ ကလေး၂ယောက်ကိုငေးကြည့်ရင်း ကိုယ်ငယ်ငယ်တုန်းက အချိန်တွေကိုတောင် သတိရရသည်........
အဲ့၂ကောင်ကိုစကားများနေတာကို ကြည့်ရင်း Ellaမနဲ့ ကိုယ့်ကိုကိုယ်ကို ပြန်မြင်နေရသလိုပါပဲဗျာ..... အမြဲတမ်း ခုချိန်ထိ ငယ်ငယ်တုန်းကလို သတ်နေရတယ်......
❤ : အမလေး ပြုံးနေလိုက်တာများ.... ဘယ်အရပ်ဒေသကို ကြည့်ပြီး အပြုံးတွေ ရက်ရက်ရောရော လှူဒါန်းနေတာလဲ.........
အသံစာစာလေးနဲ့ ရုတ်တရက် နားနားကပ်ပြောခံလိုက်ရတော့ လန့်ကိုသွားရသည်......
🖤 : အမလေး လန့်လိုက်တာကလေးရာ......
❤ : အမလေးလေး..... ခင်ဗျားကြီး လွန်လွန်းနေပြီ....အရှက်အသည်းလွန်ရင်း အသည်းပါငယ်သွားတယ်ပေါ့......
နိုက်တင်ဂေးငှက်လေးလို အသံလေးက သိပ်ချိုတယ်ဆို ခင်ဗျားကြီးပဲပြောခဲ့တာလေ......
သူ့အသံကို လန့်တယ်ပြောလိုက်မိလို့ နှုတ်ခမ်းတထော်ထော်နဲ့ ရန်တွေလုပ်နေတဲ့ အသည်းအသက်ကြီးဗျာ........စိတ်ရှိလက်ရှိသာဆိုရင် အူယားလွန်းလို့ အဲ့နှုတ်ခမ်းဖူးကို ဆွဲကိုက်ပစ်လိုက်တယ်......
🖤 : ရုတ်တရက်မို့လို့ပါ ငယ်ရာ.....ကလေးလေးတစ်ယောက် ကို့ကိုလာပြောတယ် ကို့ကိုလိုက်ရှာနေတာဆို......
❤ : ဟုတ်တယ် ဟုတ်တယ်.....သား၂ကောင်နဲ့ကျွန်တော့်ကို ထားခဲ့ပစ်ပြီး ခင်ဗျားကတော့ ကျောင်းဝင်းထဲမှာ သွားအဖြဲသားနဲ့ စေ့စပ်လက်စွပ် ဝတ်ထားတဲ့ လက်ကို ဘောင်းဘီအိတ်ကပ်ထဲထည့်ပြီး လူပျိုလှည့်နေတယ်လား......
ပတ္တမြားလုံးတို့ အမြင်အာရုံ စူးရှချက်ကတော့ ကျွန်တော့် အမူအရာကအစ လှမ်းscanဖတ်ပြီးကို အူတိုတော့တာပါပဲ........သိပ်ချစ်လိုက်ရတာဗျာ.....
🖤 : အဟားး ဟားးး အမလေး ကလေးရာ ပေါက်ကရတွေ ပြောနေပြီ.....ကိုဘောင်းဘီအိတ်ကပ်ထဲကို လက်ထည့်တာက အကျင့်ဖြစ်နေလို့ပါကွ........ထုတ်လိုက်ပြီ မထည့်တော့ဘူးနော်......
ပြောရင်း သူ့လက်တစ်ဖက်နဲ့ ကျွန်တော့်ခါးကို အားကြီးနဲ့လှမ်းဆွဲဖက်ထားပြီး သူ့အနားကိုတိုးကပ်ထားတော့ ၂ယောက်သား ပူးကပ်နေရင်း မုန့်ကြိုးလိမ်လို ဖြစ်နေရပြီ.......
❤ : သွား ခုမှမဖက်နဲ့......
🖤 : မရပါဘူး ဖက်မှာပဲ..... လာခုဘယ်သွားမှာလဲ.....အလှူပစ္စည်းသွားဝေရမယ်....သား၂ကောင်ရော......
❤ : သူတို့အဖိုးတွေနားမယ်.....
🖤 : ဆူပုတ်ပုတ်လေးကွာ~~အသည်းယားလာပြီ...ဘယ်သူ့ကို စိတ်ဆိုးနေတာလဲ.....
❤ : အမြင်ကိုကတ်တယ်.....ကျွန်တော့်နားမနေဘဲ ဘယ်စေတနာ့ဝန်ထမ်းကို သွားအဖြဲသားနဲ့ လိုက်ငမ်းနေတာလဲပြော!!အင့်~~အင့်~~~တအားပဲ......
ပြောရင်း ရင်ဘတ်ကို လက်သီးဆုပ်လေးတွေနဲ့ထုတော့မှ သဘောတကျရယ်ရင်း အူတိုယုန်စိတ်တိုလေးကို ဖြေရှင်းပြရပြန်ပြီ........
🖤 : ငမ်းစရာလားကွာ......ကို့မျက်လုံးထဲမှာ ကလေးတစ်ယောက်ပဲ မြင်တာလေလို့......ကလေးမွေးနေ့တုန်းက ကို့ကို ကျားနဲ့တူတယ်လို့ ပြောတဲ့ ကောင်ကလေးကို မှတ်မိလား......
❤ : အင်း မှတ်မိတယ်....သူကဘာဖြစ်လို့လဲ....
🖤 : ကို့ကို လာနှုတ်ဆက်နေတာလေ.....သူနဲ့စကားပြောရင်း သူခေါ်တဲ့နောက် ခဏလိုက်ပေးနေတာ.....ကလေးလာတော့ သူ့သူငယ်ချင်းနဲ့ ဆုတောင်းပြည့် ဖန်လုံးလေး အပြေးသွားယူကြတာကြောင့် ကလေးက မတွေ့လိုက်တာ.....
❤ : အော်....အာ့ဆို ကလေးတွေနဲ့ နေနေတာပေါ့.....
🖤 : အင်း....
❤ : ဟွန့် ပြီးရော......ကျောင်းကကလေးမဟုတ်တဲ့လူတွေကို အပြုံးတွေ လှူဒါန်းလို့ကတော့နော်.....ဟော့ဒီမှာ မြင်သလား......
လက်သီးလေးထောင်ပြရင်း ကြိမ်းနေတဲ့ အကောင်ပေါက်ကို အသည်းယားလိုက်တာဗျာ.......အဲ့လိုအူတိုတာလေးကိုလည်း ကျွန်တော့်မှာ သိပ်ချစ်ရတာပါပဲ.....
🖤 : ဟားဟားဟား မြင်ပါတယ်ဗျာ....ထိုးပါနဲ့.... ကလေးလက်သီးက မထင်ရဘူး တကယ်ပြင်းတယ်.......
❤ : ဟိုကောင်🦇🕸တွေနဲ့က အမြဲလိုလို Boxing ထိုးနေရတာကို........
🖤 : ဟား ဟား ဟုတ်သားပဲကွာ......ကိုမေ့တာ.... ကို့ကလေးက ဘက်စုံတော်ကလေးပဲ......
စကားတပြောပြောနဲ့ အလှူပစ္စည်းဝေတဲ့နေရာရောက်တော့မှ သားဖတတွေ အလှူပစ္စည်းဝေရင်း သား၂ကောင်ကြောင့် အူတက်ရသေးသည်......
"ဦးဦးတို့ ခွေးလေးနဲ့ ကြောင်လေး နာမည်က ဘာလဲဟင်....."
❤ : ခွေးလေးက Robinတဲ့.....ကြောင်လေးက Milo.....ချီကြည့်ချင်လားသားသား....
"ဟင့်အင်း သားသားခွေးတော့ မကိုင်ရဲဘူး ကြောက်တယ်...."
🖤 : လိမ္မာတယ်သားသားရဲ့ သူကမကိုက်ဘူး......သွားကိုပါမလာတာ.......
❤ : ဘာကြီးးးးး??
အမှန်ကတော့အလှူပစ္စည်းဝေရင်း ဒီအသည်းနုနယ်လှတဲ့ ကလေးက အလှူပစ္စည်းလာယူတဲ့ ကလေးတွေကိုကြည့်ပြီး မျက်ရည်တွေလည်နေတော့ သူ့ကိုအာရုံပြောင်းအောင်လုပ်ပေးလိုက်တာပါ........
အာရုံပြောင်းပေးတာအောင်မြင်သွားချက်ကတော့ လိုက်အရိုက်ခံရတာပါပဲ.......ကျွန်တော်တို့ကရှေ့ကပြေး သား၂ကောင်က နောက်ကနေ အသံစုံထွက်ရင်း တဝုန်းဝုန်းလိုက်ကြနဲ့ ကျောင်းဝင်းထဲကို သားဖ၄ယောက် တင်မို့လို့ပဲ.......
သံစုံတီးဝိုင်းကြီးကိုဖြစ်လို့.......ဒီထဲနောက်ကနေ အလှူပစ္စည်းယူပြီးတဲ့ ကလေးတသိုက်ကပါ ပတ်ပြေးလိုက်တော့ မီးရထားတွဲကြီးလိုက ဖြစ်ရသေးတယ်......
တကယ် Robinကို သူ့သားသမီးလိုထိ ချစ်တာများ ကျွန်တော်ကို လက်ဖျားခါပါတယ် တကယ်........Robinကိုကလည်း သိပ်လိမ္မာတဲ့ကောင်လေးဆိုတော့ အချစ်ခံလေးဖြစ်နေတာ ထင်ပါရဲ့ဗျာ.......
🖤 : ဟားးးးး ဟားးးး ဟားးးးးး စတာ စတာကလေးရ.........ကလေးတွေရော ပါနေပြီ.... လဲပြုကုန်မယ်.......
❤ : ဟင်း....သွား အနားကိုမလာခဲ့နဲ့ မောတယ်.... ကျွန်တော့်သားကို အမွှေးမရှိဘူးပြောလို့ပြော သွားမရှိဘူးပြောလို့ပြောနဲ့......ပြန်ရောက်မှ ခင်ဗျား ဖိနပ်တွေကို အကုန်ကိုက်ပစ်ခိုင်းဦးမယ်.......
Miloကို တကယ်သွားတွေကျိုးအောင် အချိုတွေလိမ့်ကျွေးပစ်မယ် နေနှင့်ဦး ဒင်းကြီး......
🖤 : ဟားဟားဟား စတာပါဆိုကွာ..... ဟော.... ဟိုမယ် အိုင်စကရင်လာပီ.......
Ice-cream လာပြီဆိုတာနဲ့ မျက်လုံးလေးက အရောင်တလက်လက်ဖြစ်သွားတာများ တကယ့်ကို ကလေးကြီးပါဗျာ.......
❤ : အဲ့ထဲက တစ်စီးကို ကျွန်တော်နေရာဦးထားမယ်....အဲ့ Truckတစ်စီးလုံးထဲ ပါသလောက် အကုန် တစ်ယောက်ထဲထိုင်စားပစ်မယ်......ဟင်း.....
နှာခေါင်းလေးတစ်ချက်ရှုံ့ရင်း နှုတ်ခမ်းလေးဆူကာ ခြေဆောင့်ပြီး လှုပ်တုတ်လှုပ်တုတ်နဲ့ ထွက်သွားတဲ့ ယုန်ဖြူလုံးကိုကြည့်ရင်း အသည်းယားလွန်းလို့ ကိုယ့်လက်ကို ပြန်ကိုက်နေရတဲ့ အထိဗျာ........
ကတော့လေးနဲ့ စတော်ဘယ်ရီ ရေခဲမုန့်တစ်ခုကိုကိုင်ရင်း ကျွန်တော့်ဘေးပြန်လာထိုင်တုန်း ဘေးနားမလှမ်းမကမ်းမှာ ရပ်ထားတဲ့ ကားပေါ်က အသံတစ်ချို့ကို ၂ယောက်စလုံး နားစွင့်ထားမိလိုက်သည်.......
"ဟဲ့!!!အစောက ဒီထဲနေတဲ့ ကလေးတစ်ယောက်က ငါ့ကို ဝင်တိုက်သွားတာ ပြန်ရောက်ရင် အခုငါဝတ်ထားတဲ့ ဒီအဝတ်အစားတွေကို ပြန်မမြင်ချင်ဘူး လွင့်ပစ်လိုက်!!ကြားလား!!! မီးဖြစ်ဖြစ်ရှို့ရင်ရှို့လိုက်ဟာ!!ကိစ္စပြတ်အောင်!!! ကျက်သရေကိုတုန်းတယ်!!!!"
"ဟဲ့ နင်ငါ့သမီးပြောနေတာကို ကြားသလား!!!...."
"ဟုတ်...ဟုတ်ကဲ့ ကြားပါတယ်ရှင့် မေမေကြီး...."
"အူတူတူနဲ့ စိတ်တွေလည်းညစ်ပါတယ်...... ငါ့သမီးက ညည်းထက်ငယ်တာမှန်ပေမယ့် ငါ့သမီးကို ရိုရိုသေသေဆက်ဆံကြားသလား......ကိုယ့်ကို စကားပြောနေရင် ပြန်ဖြေရတယ်......"
"ဟင့်...ဟုတ်ကဲ့ပါ မေမေကြီး.....မမလေးကို ရိုရိုသေသေဆက်ဆံပါ့မယ်...."
"ပြောမနေပါနဲ့ မာမီရယ်......မျက်ရည်ကကြနေပြီ..... ခါတိုင်းလိုပဲ ဂိုထောင်ရှင်းခိုင်းပြီး Daddyမသိအောင် ၂ရက်လောက်အငတ်ထားလိုက်ပေါ့......"
"သူလည်းက ဒီထဲကဟာတွေနဲ့ အတူတူပဲ..... မိဘမရှိတော့လို့ အလုပ်ကလေး ပေးထားတာကို ကျေးဇူးကမတင်ဘူး..... မလောက်လေးမလောက်စားနဲ့ ပညာလေးမတောက်တစ်ခေါက်တက်တာကို မာန်တက်နေတယ်..... တစ်ခါတစ်ခါ ပြန်ကခံပြောချင်သေးတယ်.....နင်တို့လိုလူတွေကို ငါတို့မယ် အံ့သြရပါတယ်....."
"ခုလည်း နင့်ကို ငါတို့ကားပေါ် ခေါ်လာချင်လွန်းလို့ထင်မနေနဲ့..... Daddyက ခေါ်သွားခိုင်းလို့.....ပြန်ရောက်တာနဲ့ နင်နဲ့အတူတူစီးထားတဲ့ ဒီကားကို ရောင်းပစ်ခိုင်းမှာ...... အတူတူစီးရတာတောင် သနတယ်....
Daddyကလည်း ပိုက်ဆံလေးလှူရတာကို အတွင်းရေးမှူးကို ခိုင်းလိုက်ရင်ရနေရက်နဲ့မာမီရာ..... ဒီကျက်သရေမရှိတဲ့ နေရာကို ကျက်သရေမရှိတဲ့လူနဲ့ ကိုယ်တိုင်လာခိုင်းနေတယ်........"
❤ကြားနေရတဲ့ စကားတွေက ဘယ်လိုမှကို အဆင်မပြေ..... လက်ထဲကိုင်ထားတဲ့ ရေခဲမုန့်တောင် ကြာကြာမအေးခဲနိုင်တော့ဘဲ ရင်ထဲက ပူလောင်မူတွေနဲ့အတူ အရည်ပျော်ကျနေတာ အောက်ခံဝေဖာကတော့ပဲ ကျန်တော့တဲ့အထိ......
🖤 : ငယ်....
❤ : မိဘတွေ သေဆုံးတာ သူတို့မှာ အပြစ်မရှိဘူးလေဗျာ!!!!လူတွေဖြစ်ပြီး လုပ်ရပ်တွေ အပြောအဆိုတွေက လူသားမဆန်လိုက်ကြတာ!!!!တောက်!!!!!
စူးရှစွာအော်ရင်း အမှိုက်ပုံးထဲကို ရေခဲမုန့်ပစ်ထည့်ကာ အစောက ကားတည်ရှိရာကို အလျှင်အမြန် ထထွက်သွားတော့ ကျွန်တော်လည်း သူ့နောက်ကနေ အမြန်လိုက်ရပြီ.......
❤ : ဒီမှာဗျ!!!! ခင်ဗျားတို့တွေကို ကျွန်တော်မသိဘူး...... ဒါပေမယ့် ခင်ဗျားတို့ကို လူကမွေးထားတာမလား!!!!
"အောင်မလေး.....ကြီးကြီးကျယ်ကျယ်နဲ့ မင်းဘာစကားပြောလိုက်တာလဲ...... ရုပ်ရည်လေးကကောင်းရဲ့နဲ့ ရူးများရူးနေတာလား......."
❤ : ရူးနေတာက ခင်ဗျားတို့!!!!ဘယ့်နယ့်ဗျာ ဘေးလူတစ်ယောက်အနေနဲ့တောင် ခင်ဗျားတို့ပြောနေတာတွေကို မခံစားနိုင်ဘူး!!!!လူတွေဖြစ်ရက်နဲ့ လူသားမဆန်နိုင်ကြတာကို အံ့သြတာပဲ!!!!
"မာမီရယ်ပြောမနေပါနဲ့တော့..... ဟိုမယ် နောက်ကလိုက်လာတဲ့ လူနဲ့ကဝတ်ထားတာ အင်္ကျီကဆင်တူတွေ......သမီး အဲ့လောက်ပြောရင် မာမီသိလိုက်တော့.... အဲ့လိုလူတွေနဲ့ စကားကို ပြိုင်မပြောချင်ဘူး....."
"ကုသိုလ်ကံမကောင်းပုံများ ဒီဘဝတောင် ဒီလိုဖြစ်နေတာကို ခုလိုတွေလာပြောနေနိုင်သေးတယ် ကောင်ကလေးရယ်......ဖယ်ဖယ် ငါတို့ကားနားကနေ...."
အစောက အပြောခံနေရတဲ့ ကလေးမလေးကို တစ်ချက် လှမ်းကြည့်တော့ ကျွန်တော့်ကို အားနာခြင်း ၊ ကျေးဇူးတင်ခြင်း၊ မတတ်နိုင်ခြင်း ခံစားချက်များစွာနဲ့လှမ်းကြည့်ရင်း ခေါင်းငုံ့ပြီး မျက်ရည်တွေကျလို့........
❤ : ခင်ဗျားတို့တွေ ဒီပုံစံတွေနဲ့ ရှင်နေရရင် ဘယ်လောက်ပြည့်စုံပြီး ချမ်းသာနေပါစေ တစ်သက်လုံး အဓိပ္ပါယ်ရှိမလာဘူး စိတ်ချ......
"နင်ကများ ရာရာစစ!!!!! အခြောက်က အခြောက်နေရာ မနေဘူး!!!!"
🖤ကားထဲကနေ လက်တစ်ဖက်မြောက်ထွက်လာရင်း ကျွန်တော့်ကလေးကို ရွယ်နေတဲ့ တာကြောင့် ထိန်းချုပ်မှုအစုံက ပြတ်ထွက်သွားရင်း ကားနားကို ဘယ်လိုအပြေးရောက်သွားလိုက်မှန်းကိုမသိ.......
အောက်ကို လွှဲချလိုက်တဲ့ လက်ကို လှမ်းဖမ်းပြီး လေထဲကိုင်မြှောက်ကာ အားနဲ့ဆုပ်ကိုင်ထားလိုက်ရင်း........
🖤 : ငါရှိနေသရွေ့ သူ့ကို ခုလိုကိုယ်ထိလက်ရောက် ထိခိုက်ဖို့လို့ မပြောနဲ့..... မင်းအရိပ်တောင် သူ့အပေါ် မကျစေရဘူး ရှင်းလား!!!!!!!!
ပြတ်သားစွာ ထွက်ကျလာတဲ့ အသံနောက်မှာ မှိတ်ချထားတဲ့ မျက်လုံးတွေကို အမြန်ဖွင့်ကြည့်လိုက်တော့ ကိုကိုက ကျွန်တော့်အနားရောက်နေသည်.......
အစောက ကျွန်တော့်ကို ရိုက်ဖို့ရွယ်တဲ့ အမျိုးသမီးရဲ့ လက်ကလည်း ကို့ကိုလက်ထဲမှာ ရောက်ရှိနေရပြီး မြေပြင်ပေါ်မှာ ထင်နေတဲ့ အရိပ်တွေကို ငုံ့ကြည့်လိုက်တော့ ကျွန်တော့်အပေါ်မှာ ကိုကို့အရိပ်ကသာ လွှမ်းခြုံနေ သည်...........
"မိုက်ရိုင်းလိုက်တဲ့ဟာတွေ....လွှတ်စမ်း ငါ့လက်ကို......"
🖤 : ပြန်တောင်းပန်!!!!!
"စိတ်ပျက်စရာပဲ..... ငါကဘာလို့တောင်းပန်ရမှာလဲ.....အခြောက်တွေရဲ့!!!!!!အ!!!!"
"ဟဲ့ နင် ငါ့သမီးလက်ကို လွှတ်စမ်း!!!! အရဲတင်းလိုက်တဲ့ဟာတွေ!!!! ငါတို့ဘယ်သူလဲဘယ်လောက်ချမ်းသာလဲတောင် မသိဘဲနဲ့ ဘယ်လိုကြောင့် မဆီမဆိုင် ငါတို့ကို အသားလွတ် လာစော်ကားနေကြတာလဲ!!!!"
အစကတော့ ကားမှန်ကအမဲတွေမို့ သေချာမမြင်ရတာရယ် ထိပ်တိုက်ရှင်းနေရတဲ့ အမျိုးသမီး၂ယောက်ကိုပဲ အာရုံစိုက်နေမိတော့ ကားအတွင်းထဲမှာကပ်ထားတဲ့ လုပ်ငန်းနာမည်ကို မမြင်ရ.......
အပြန်အလှန်စကားများနေရင်းမှ လုပ်ငန်းနာမည်ကို တစ်ချက်တွေ့လိုက်ရတော့ ကိုယ်ပါဝင်ကူညီအားဖြည့်ပေးနေရတဲ့ လုပ်ငန်းက......တစ်နည်းအားဖြင့် ကိုယ် ပါဝင်ပေးထားတယ်ဆိုတဲ့ Powerအရှိန်နဲ့ စီးပွားရေးစျေးကွက်ထဲမှာ နာမည်ရခါစပဲရှိနေတဲ့မိသားစုက ဖြစ်နေမှန်းရိပ်မိလိုက်ရသည်.........
🖤 : ခင်ဗျားတို့ ဘယ်သူလဲဆိုတာ သိစရာမလိုဘူး!!!ကျွန်တော်တို့ ဘယ်သူလဲဆိုတာတော့ ခင်ဗျားတို့ သိစေရမယ်!!!!
လက်ကိုလေပေါ်ဆက်မြှောက်ထားကာ လုံးဝလွှတ်မပေးဘဲ ဆုပ်ကိုင်ထားရင်း သွေးကြောတွေကို အသားကုန်ဖိထားတော့ သွေးမလျှောက်တဲ့အရှိန်နဲ့ အဲ့ဒီအမျိုးသမီး လက်ကအေးစက်မှုကို ကျွန်တော်အတိုင်းသား ခံစားနေရပေမယ့်လည်း ခုချိန်မှာ နည်းနည်းမှ လွှတ်ပေးလိုက်ချင်စိတ်မရှိ.......
ဘောင်းဘီအိတ်ကပ်ထဲက ဖုန်းကိုထုတ်ရင်း......
🖤 : Hello....Mr.Own ခင်ဗျားCompanyနဲ့ လက်တွဲပေးထားတဲ့ လုပ်ငန်းကိစ္စတွေအကုန်လုံး ကျွန်တော် အခုပဲဖျက်သိမ်းလိုက်ပြီ....ရှေ့လျှောက် ကျွန်တော့်Companyအနေနဲ့ ခင်ဗျားလုပ်ငန်းတွေမှာ ဆက်လက်ပါဝင်ပေးဖို့ အစီစဥ်လုံးဝမရှိတော့ဘူးဆိုတာကို လှမ်းအသိပေးတာပါ........
ဘာအကြောင်းကြောင့်လဲ ဟုတ်လား....အင်း အကြောင်းအရင်းကတော့ အချက် ၂ချက်ရှိတယ်ဗျ....
ပထမတစ်ချက်ကတော့ ခင်ဗျားခိုင်းထားတဲ့ အလှူအတန်းမှာ ခင်ဗျားမိသားစုက ကုသိုလ်ယူရမယ့်အစား ငရဲထိုင်ယူနေကြတဲ့ လူမဆန်တဲ့ လူသားတွေဖြစ်နေတယ်ဆိုတာကို သိလိုက်ရလို့ပဲ.......
ဒုတိယတစ်ချက် အဲ့ဒီ လူသားမဆန်တဲ့ခင်ဗျားအမျိုးသမီးနဲ့ သမီးဖြစ်သူက ကျွန်တော်နဲ့ကျွန်တော့်လက်တွဲဖော်ရဲ့ သိက္ခာကို သူတို့စိတ်နဲ့နှိုင်းပြီး လွန်လွန်ကြူးကြူး ပုတ်ခတ်စော်ကားလိုက်လို့......
အဲ့လို အကျင့်စာရိတ္တဆိုးတွေ ဆက်နွယ်နေတဲ့နေရာမှာ ကျွန်တော် ဘယ်နည်းနဲ့မှ ဆက်လက်ပြီး မပါဝင်ပေးချင်ဘူး....
ဒါဆိုရင် ကျွန်တော့်အဖြေက ခင်ဗျားအတွက် လုံလောက်မယ်ထင်ပါတယ်....
ခင်ဗျားရဲ့ ဆပ်စရာကျန်သေးတဲ့ အကြွေးတွေကို လာသိမ်းယူဖို့ကတော့ ညနေကျရင် ဌာနချုပ်ကနေတစ်ဆင့် ကျွန်တော် လူလွတ်ခိုင်းလိုက်ပါ့မယ်..... Have a nice day Mr.own......
တီ!
"နင်!!!နင်!!!နင်က ဘာမို့လို့လဲ...."
🖤 : မကြာခင် ခင်ဗျားအမျိုးသား ဆက်သွယ်လာပါလိမ့်မယ်.........
ဆုပ်ကိုင်ထားတဲ့ လက်ကိုတော့ ဗြောင်းခနဲ လွှတ်ချပေးလိုက်ကာ ဘောင်းဘီအိတ်ကပ်ထဲက ဖောင်တိန်ကိုထုတ်ရင်း ဖောင်တိန်တစ်ဖက်က ဓါးအသွားရှိတဲ့ဘက်ကို အဖုံးလှည့်ဖြုတ်ကာ အစောက ဆုပ်ကိုင်ထားမိတဲ့ ကိုယ့်လက်ဖဝါးအလယ်တည့်တည့်ကို ခပ်နက်နက် လှီးချပစ်လိုက်သည်.......
❤ : ကိုကိုးးးး~~~
ဘေးနားက တုန်ရီနေတဲ့ အသံကလေးကို ခဏမျက်ကွယ်ပြုရင်း ကားပေါ်က အမျိုးသမီး၂ယောက်ရဲ့ မျက်နှာကိုပဲ စူးစူးရဲရဲကြည့်ကာ လက်ဖဝါးကနေ စိမ့်ထွက်ကျလာတဲ့ သွေးတွေကို လက်နဲ့ပွတ်လိုက်တော့ လက်ဖဝါးတစ်ခုလုံးမှာ သွေးတွေက ရဲရဲနီလို့......
🖤 : ကိုယ့်စိတ်သန့်အောင်လို့ ကိုယ့်သွေးနဲ့ကိုယ် ခင်ဗျားတို့ရှေ့မှာ သေချာပြန်ဆေးပြတာ...... ခင်ဗျားတို့လို လူသားမဆန်တဲ့လူတွေနဲ့ ထိတွေ့ခဲ့ရတာကို ရွံလို့!!!!!
ရုတ်တရက် သူလုပ်ချလိုက်တဲ့ လုပ်ရပ်မှာ ကျွန်တော် သွေးပျက်သွားရပေမယ့် သူ့နှုတ်ဖျားကနေ ထွက်ကျလာတဲ့ စကားလုံးတွေမှာ ကျွန်တော် ကိုကို့ရဲ့ တုံ့ပြန်ချေပမှုကို သိပ်သဘောကျရသည်.....
ဒီလိုမျိုး ကျွန်တော့်တန်ဖိုးကို အမြင့်ဆုံးမှာထားရင်း ချစ်ပြတတ်တဲ့လူသားကို ပိုင်ဆိုင်ခွင့်ရထားလို့ ကျွန်တော့်မှာ ကျေနပ်ခြင်းအတိပြီးရပြီး ခုခံစားနေရတာကို ဘယ်လိုပြန်ပြောပြရမှန်းတောင် မသိတော့တဲ့အထိပါပဲ.........
🖤 : လူတစ်ယောက်ကို ပြောချင်ရင် ကိုယ်ဖက်ကလည်း ပြီးပြည့်စုံအောင် မှန်မှန်ကန်ကန်နဲ့ အရင်နေထိုင်ရတယ်ဗျ!!!!!
ပြောနေတုန်း သူ့သမီးဖြစ်သူဆီ ဖုန်းဝင်လာတော့မှ ခဏငြိမ်ပေးလိုက်ရင်း ဖုန်းစပီကာဖွင့်ထားတာကြောင့် တစ်ဖက်ကလူရဲ့အသံက ကားတစ်စီးလုံးထဲမှာ ကျယ်လောင်စွာ ထွက်ပေါ်နေ သည်.....
"Hello Daddy...."
"နင်တို့သားအမိ ဘာတွေလျှောက်လုပ်နေတာလဲ!!!!!Mr.Perth ခုလေးတင်ဖုန်းဆက်လာတယ်..... အကုန်ခွေးဖြစ်ကုန်ပြီ!!!!!! မှီတဲ့လေယာဥ်နဲ့ ခုချက်ချင်း bkkကို ပြန်ခဲ့!!!!!"
အဖေဖြစ်သူက ဖုန်းချသွားတော့မှ.....
"မေမေ Mr.Perth တဲ့....."
"Tananpon Gpက.... စီးပွားရေးလောကဘုရင်(King of the business field) လို့ နာမည်ကြီးတဲ့ Mr.Perth Tanaponလား....
"ဒါဆိုရင် ဒီဘက်က Suppapong Gpက Saint Suppapongပေါ့ မာမီ......သမီးတို့ ချမ်းသာတာ သူတို့ခြေဖျားတောင်မမှီသေးဘူးလေ မာမီရဲ့......"
🖤 : အခြောက်ဆိုပြီး နှာခေါင်းရှုံ့မဲ့အစား လူတစ်ယောက်လို့ပဲ မြင်ကြည့်ပါ......လူတိုင်းမှာ သူ့တန်ဖိုးနဲ့သူရှိတယ်.......
လူမှန်ရင် လူတစ်ယောက်ရဲ့ ဘဝအဓိပ္ပါယ်ဆိုတာ ရှိရတယ်ဗျ.....မွေးကတည်းကနေ ခုအသက်အရွယ်ထိ ကိုယ့်ဘဝက တကယ်အဓိပ္ပါယ်ရှိနေရဲ့လား?
နေ့တဓူဝ ကိုယ်လုပ်နေတဲ့လုပ်ရပ်တွေကရော အဓိပ္ပါယ်ရှိနေရဲ့လား?ဆိုပြီး ဘယ်နခါ ဆန်းစစ်ကြည့်ဖူးလဲ......
အတ္တတွေနောက် တကောက်ကောက်လိုက်ရင်း ကိုယ်ရရှိထားတဲ့ ဘဝတွေက အဓိပ္ပါယ်မဲ့မှန်းမသိမဲ့ပြီး လမ်းတွေပျောက်နေကြတာ......
စစ်မှန်တဲ့ ဘဝအဓိပ္ပါယ်ရှိမှုဆိုတာ ကိုယ့်ဖာသာတည်ဆောက်ယူရတာမျိုးဗျ......ကိုယ့်လိုအင်ဆန္ဒပြည့်ဝရတာချင်းအတူတူ အတ္တကင်းပြီး အများကောင်းဖို့အတွက်ရှေးရှုတဲ့ လိုအင်ဆန္ဒမျိုးတွေနဲ့ ဖွဲ့စည်းထားနိုင်တဲ့ ဘဝတွေကမှ တကယ့် Meaningful life ဖြစ်တာ......
ကိုယ့်လုပ်လိုက်တဲ့ လုပ်ရပ်ကို ကိုယ့်ဖာသာ ခွင့်လွှတ်နိုင်အောင် ကြိုးစားကြည့်ပေါ့ဗျာ.......ခွင့်ပြုပါဦး.....
"ဟို.....ဟို....."
🖤 : သွားကြရအောင်ငယ်~~~
အားနဲ့မာန်နဲ့ ပြောနေတဲ့ ကျွန်တော်ချစ်မြတ်နိုးရတဲ့လူသားကို ငေးကြည့်ရင်း လောကကြီးရဲ့ အရာအားလုံးကိုမေ့ရတဲ့အထိ........သူသာအနားရှိရင် ကျွန်တော် ဘယ်လိုလောကဓံမဆို ခံနိုင်ပါတယ်.........
"ညီမ...ညီမ တောင်းပန်ပါတယ်P'..... P'Saintကိုလည်း တောင်းပန်ပါတယ်..... Daddy အလုပ်အတွက် ပြန်စဥ်းစားပေးလို့ မရဘူးလား....."
🖤 : အဟက်.....ထွေးပြီးသားတံတွေးကို ပြန်မြိုချင်လို့ရလား.......
❤ : ဆုံးရှုံးသွားရတဲ့ စီးပွားရေးမိတ်ဖက်တွေကို ပြန်ခေါ်ယူလို့ မရတော့သလိုပဲ........ တောင်းပန်လိုက်ရုံနဲ့ အရာရာတိုင်း အကောင်းပကတိ ပြန်မဖြစ်သွားဘူး.......
ဆုံးရှုံးလိုက်တဲ့အရာတွေကနေ သင်ခန်းစာကိုယူတတ်အောင်ယူပါ.....လူအချင်းချင်းကို လူတစ်ယောက်လိုပဲ မြင်ပြီး လူတစ်ယောက်လိုပဲ ဆက်ဆံပေးပါ......
အချစ်တစ်ခုကို Genderခွဲခြားဆက်ဆံရင်း နှိမ့်ကျတဲ့ အတွေးအခေါ်တွေနဲ့ ဥာဏ်မမှီနေမယ့်အစား ကိုယ့်စိတ်အမဲတွေကိုအရင် သန့်စင်အောင်လုပ်ကြပါ.....
ကမ္ဘာပေါ်မှာ မွေးဖွားလာပြီး အဓိပ္ပါယ်ရှိရှိနဲ့ ရှင်သန်သွားလို့ပဲပြောချင်တယ်.......ကျွန်တော်ပြောချင်တာ ကုန်ပြီ.....သွားခွင့်ပြုပါဦး......ကိုကို~ ကလေးတို့ သွားကြရအောင်...
အော်ခဏလေး ကိုကို.....
ကားတံခါးတစ်ဖက်ဆီကို အမြန်သွားလိုက်ရင်း မှန်ချခိုင်းကာ အစောက ကလေးမလေးရဲ့ လက်ထဲကို အလှူပစ္စည်းလေးဖြစ်တဲ့ Dandelion ဆွဲကြိုးလေးတစ်ခုထည့်ပေးရင်း.....
❤ : ညီမလေး....ဒါအကိုတို့ ကိုယ်တိုင်လုပ်ထားတာ......ဆုတောင်းပြည့်ဖန်လုံးလေးပေါ့.....ဒီက ကလေးတွေကို လာလှူပေးတာ မျှော်လင့်ချက်တွေ ရှင်သန်အောင်လို့လေ.....
ဒီမှာ အကိုတို့ Foundation နာမည်လေးနဲ့ ဖုန်းနံပါတ်ပါတယ်... လိုအပ်တာရှိရင် အချိန်မရွေးဆက်သွယ်လို့ ရတယ်နော်.....
"ဟုတ်ကဲ့ ကျေးဇူးတင်ပါတယ် အကိုတို့....."
အဲ့ဒီကလေးမလေးကို နှုတ်ဆက်ပြီးတော့မှပဲ ကိုကို့လက်ကို အသာချိတ်ရင်း မေမေတို့ဆီပြန်ခဲ့လိုက်သည်.......
မေမေတို့ဆီပြန်ရောက်တော့ ကိုကို့လက်က ဒဏ်ရာကိုမြင်မြင်ချင်း အကုန်ပြာယာခတ်သွားပြီး ဆေးသေတ္တာယူရင်း ဆေးထည့်ပေးနေကြပေမယ့် ကိုကိုကတော့ ကျွန်တော့်ကိုကြည့်ရင်း ပြုံးလို့........
စကားလုံးတွေထက်သာလွန်ပြည့်စုံတဲ့ အချစ်တွေကို အကြည့်တွေကနေတဆင့် အပြန်အလှန်ဖော်ပြရင်း တစ်ဦးပေါ်တစ်ဦး ထားရှိတဲ့ ချစ်မြတ်နိုးစိတ်တွေက တရိပ်ရိပ်တိုးကာ အချစ်မေတ္တာရနံ့တွေက ကျောင်းဝင်းတစ်ခုလုံးထဲ Dandelionလေးတွေနဲ့ အပြိုင် မွှေးထုံသင်းပျံ့နေသလိုပင်.........
ဆေးထည့်ပြီးတော့မှပဲ မေမေတို့ မေးမြန်သမျှ ပြန်ဖြေရတော့သည်...... ဖြစ်ပျက်လာခဲ့သမျှကို အကျဥ်းချုံ့ပြောပြတော့ မေမေက စိုးရိမ်ရိပ်သမ်းပေမယ့် ဖေဖေတို့ကတော့ ပီတိပြုံးတွေနဲ့ ကျွန်တော်တို့ကို ကြည့်လို့........
ခဏကြာတော့မှ ကျောင်းတည်ထောင်သူက အလှူပစ္စည်းလေးတွေလည်း ကလေးတွေအကုန် ရသလောက်ဖြစ်နေပြီမို့ ခန်းမကျယ်ထဲ ကို ကလေးတွေသွင်းထားပေးကြောင်းနဲ့ ဆွေးနွေးပွဲစနိုင်ပြီဖြစ်ကြောင်းလာပြောတော့မှ ကိုကို့လက်ကိုတွဲရင်း မေမေတို့နဲ့အတူ ခန်းမဆီ ထွက်ခဲ့လိုက်ကြသည်.......
❤ : စိတ်မထိန်းနိုင်လို့.....ကလေး....ဆရာဆရာမတွေပြောတာတွေ ကြားပြီးကတည်းက သူတို့ကလေးတွေကို သနားလို့ဖြစ်သွားတာ.... သူတို့တွေ Suicideဆိုတဲ့ အရာတောင် လုပ်ဖို့ ကြံကြတယ်တဲ့ ကိုကိုရယ်~~~~
🖤 : အင်း....ကိုကိုနားလည်တယ်..... အင်း.... ကိုကို ဟိုးအရင်လာလှူကတည်းက ကိုကြားနေခဲ့ရတာ.......
❤ : အာ့ကြောင့် ကလေး ခုဆွေးနွေးပွဲလေး လုပ်ပေးဖို့ အစောက ကျောင်းတည်ထောင်တဲ့ အန်ကယ်နဲ့ ပြောဖြစ်တာ......
သူတို့လေးတွေ ထင်နေတဲ့ သူတို့ ဘဝမှာ လက်ခံထားတဲ့ Impossible ဆိုတဲ့အရာတွေကို Unbelievable ဆိုပြီး ဖြစ်သွားအောင် ကလေးက ပြောင်းပေးမှာ........
နွေးထွေးမှု မေတ္တာတွေ အပြည့်ပါတဲ့ ယုံကြည်မျှော်လင့်ခြင်း အလင်းမျိုးတွေ သူတို့အတွက် ရှိနေသေးတယ်ဆိုတာကိုသိရင် အဲ့ဒီSuicide ဆိုတဲ့ အမှောင်ကမ္ဘာထဲကို သူတို့လွယ်လွယ်နဲ့ တိုးဝင်မှာမဟုတ်ဘူး........
Everythings is possibleပါ ကိုကို......
မေတ္တာတွေ မျှော်လင့်လို့ရနေသေးတဲ့ ကမ္ဘာမှာ အရာရာအားလုံး ဖြစ်နိုင်တယ်လို့ ကလေးယုံတယ်......
ကြည့်စမ်းပါဦးဗျာ.....တကယ်ကို ကောင်းကင်ဘုံက စေလွှတ်ခြင်းခံရထားတဲ့ နတ်သားကလေးပါပဲ......
စိတ်ထားကလေး ဖြူစင် မွန်မြတ်သန့်စင်ပုံများ ကလေးငယ်တွေရဲ့ ဘဝမှာ မဖြစ်နိုင်ဘူးလို့ ထင်နေတဲ့အရာတွေကို သူတို့ကိုယ်တိုင် အံ့သြသင့်ရလောက်တဲ့အထိ ယုံနိုင်စရာမရှိတဲ့ ခံစားမှုတွေအဖြစ် သူကပြောင်းပေးမယ်တဲ့လေ......
တကယ်ကို ကျွန်တော့်ရဲ့ ပန်ဒိုရာသေတ္တာထဲက နောက်ဆုံးကျန်နေခဲ့တဲ့ မျှော်လင့်ခြင်း အလှတရားလေးက ဒီကလေးငယ်လေးပါပဲ.........
မနက်ဖြန်ဆိုတဲ့ ကျွန်တော့် မျှော်လင့်ခြင်းတရားမှာ သူနဲ့ပဲစပြီး သူနဲ့ပဲဆုံးရပါတယ်.......
🖤 : You are the beauty hope out of My Pandora box bae~~~
လို့ပြောတော့ ကလေးငယ်က သွားတန်းဖွေးလေးတွေ ပေါ်အောင်ပြုံးရင်း ပန်းနုရောင်ပါးဖောင်းကလေး ဖောင်းတက်နေတဲ့အထိ သဘောတွေကျလို့......
အခုကလေးတွေအတွက် ပြုလုပ်ပေးမယ့် ဆွေးနွေးပွဲမှာလည်း အဲ့ဒီ ပန်ဒိုရာသေတ္တာအကြောင်းလေးကို အခြေခံပြီး သူပြောပြပေးဖို့တွေးထားတာတဲ့လေ........
ထပ်တူကျနေတဲ့ ကျွန်တော်တို့ စိတ်ချင်းဆက်နွယ်မှုတွေကိုလည်း ကျွန်တော့်မှာ တမြတ်တနိုး တန်ဖိုးထားရသေးသည်........
သက်ရှိနတ်သားလေးနဲ့အတူ Dandelion ပန်းလေးတွေကြားထဲ မျှော်လင့်ခြင်းတွေ ပျိုးပေးခွင့် ရတဲ့သူဖြစ်ခဲ့ရတဲ့ တစ်ခဏက ဒီကမ္ဘာလောကကြီးမှာ အဓိပ္ပါယ်အရှိဆုံးသော လူဖြစ်ခွင့်ရသလိုပါပဲဗျာ.............☕❤
#Starry
#Classiclove
(Zawgyi)
👨🍳🏰 အကိုေလး Perthက အလႉမွာ Food truck ထည့္ဖို႔ကိစၥ ေျပာဖို႔ ဒင္းႀကီး🍷ကို ဖုန္းဆက္လည္းမရ ရွာလည္း မေတြ႕ေနလို႔ဆိုၿပီး ဥကၠဌတို႔နဲ႕ ေျပာေနသံၾကားေတာ့ ကိုယ္ကပဲမေနနိုင္မထိုင္ေတြျဖစ္ၿပီး ညကသူနည္းနည္း ေသာက္ထားေၾကာင္း ဝင္ေျပာေပးလိုက္ေတာ့မွ ကိုယ့္ရႉးကိုယ္ပက္သလို ျဖစ္သြားရၿပီ.......
ေက်ာင္းကို သူတို႔ကအရင္ ေရွ႕ကေနႀကိဳသြားထားႏွင့္ၿပီး အလႉပစၥည္းေတြကို အရင္လႉထားလိုက္မယ္.... Food Truckစီစဥ္ၿပီး ၂ေယာက္သား ေနာက္ကေန လိုက္ခဲ့ေပးၾကပါတဲ့ေလ.........
ကိုယ့္ကို ျပန္တာဝန္ယူခိုင္းလိုက္တာကိုပဲ ေက်းဇူးတင္ရမွာလား..... ဒင္းနဲ႕ သတ္ရမွာကိုေတြးၿပီး စိတ္ညစ္ရမွာလားကို မသိေတာ့.........
အေရးထဲ ဟိုသြားထပ္နဲ႕အေကာင္က P'Reoတစ္ေယာက္ ညကနည္းနည္းlimitလြန္သြားလို႔ အမူးေျပေအာင္ အရင္လုပ္ေပးလိုက္ဦးဆိုၿပီး ၿပဳံးစစနဲ႕မွာေတာ့ ေဒါသေတြက ေတာ္ေတာ္ကိုထြက္ရေသးတယ္........
ဒါဆို ဒင္းက သြားထပ္ပါတဲ့အေကာင္နဲ႕ ညက Mini Barေတာင္ သြားထိုင္တယ္ေပါ့.....က်က္သေရတုံးလိုက္တာမွ တအားပဲ... Resortက ဦးစီးက်င္းပတဲ့ ပြဲေတာ္ရက္ေတြကလႊဲၿပီး တျခားရက္ေတြမွာ ဘယ္တုန္းကမွ အရက္အျပင္းေတြ မေသာက္ခဲ့တဲ့လူက မေန႕တေန႕ကမွ ခင္တဲ့ေကာင္နဲ႕ သြားေသာက္လာၿပီး လူမွန္းသူမွန္းမသိေအာင္ မူးလာသတဲ့........
👨🍳 : ၾကားလို႔ကို နည္းနည္းမွမေကာင္းဘူး......အဲ့ဒါကို တစ္ခါထဲအျပင္မွာ အန္ခဲ့ပါ့လား.......အန္ေတာ့မွ ငါ့ေပၚလာအန္တယ္........
ေတြးရင္းေတြးရင္း ေဒါသေတြ တအားထြက္လြန္းလို႔ အသားေတြ တဆတ္ဆတ္တုန္ရလာတဲ့အထိ.......
ပါးစပ္ကသာ စက္ေသနတ္ပစ္သလို ေျပာဆိုေနေပမယ့္ စားဖိုမႉးဆိုေတာ့လည္း မခ်က္ျပဳတ္ရရင္ မေနနိုင္ျပန္......အထူးသျဖင့္ ကိုယ္ခင္ရတဲ့ဒင္းအတြက္ဆိုေတာ့ ပိုၿပီးလ်စ္လ်ဴရႈလို႔က မရနဲ႕.......
အမူးသက္သာေအာင္ရယ္ ၊ အရက္နာက်ေနတာသက္သာေအာင္လို႔ အရက္နာက်ရင္ စားလို႔သင့္တင့္တဲ့ စားစရာတစ္ခ်ိဳ႕နဲ႕ ဟင္းတစ္ခ်ိဳ႕ကိုပါ ေတြးေပးၿပီး ဒင္းအတြက္ မနက္စာအျပင္ ေန႕လည္စာပါ အလိုက္တသိခ်က္ေပးေနမိတဲ့အထိ.....
ကိုယ့္ကိုကိုယ္လည္း ခုလိုေတြဘာလို႔လုပ္ေနရသလဲ နားကိုလည္မေနေတာ့ပါဘူးဗ်ာ...........
သူ႕ဖာသာဆိုရင္ ၾကက္ဥေတာင္ေျဖာင့္ေအာင္မေၾကာ္တတ္ေနတာကို ေပါင္းလာတဲ့ Friendship သက္တမ္းတစ္ေလွ်ာက္ ေကာင္းေကာင္း သေဘာေပါက္ထားလြန္းလို႔ပဲ ေနမွာပါေလ........
ခုေတာ့ ဒင္းက သူမ်ားနဲ႕မူး႐ူး ေပ်ာ္ပါးလာၿပီး အန္ဖတ္စို႔ရင္း ျပဳစုေပးရေတာ့ ဟိုေကာင္မဟုတ္ဘဲ ငါတဲ့လား.......ဟိုေကာင့္လက္အပ္ရင္လည္း ဒီပုံစံအတိုင္းဆိုရင္ ဒင္း မၾကာခင္ ေသယုံပဲရွိေတာ့မယ္......
ဘယ္သူ႕မွသြားလုပ္လို႔မရရင္ ကိုယ့္ကိုကိုယ္ လုပ္ပစ္လိုက္တဲ့ အက်င့္ကလည္း ငယ္ငယ္ကေလးထဲက ေဖ်ာက္မရတဲ့အက်င့္....... အဲ့ေတာ့ ခုလည္း ေဒါသေတြထြက္ရင္းနဲ႕ ဒင္းႏွိုးလာရင္ေသာက္ဖို႔ ပ်ားရည္ကို တယုတယ ေဖ်ာ္ေပးေနမိတဲ့ ကိုယ့္လက္ေတြကိုပဲ ရိုက္ခ်ိဳးပစ္ခ်င္လိုက္မိေတာ့တာ တကယ္.........
စားဖိုမႉးအလုပ္ကို ေသမလို တန္ဖိုးထားလြန္းလို႔ ကိုယ့္လက္ေတြကို ေတာ္႐ုံမထိခိုက္ေအာင္ ဂ႐ုစိုက္ေနရတာေၾကာင့္ ရိုက္ခ်ိဳးခ်င္စိတ္ေပါက္ေနေပမယ့္လည္း တကယ္တမ္းမလုပ္နိုင္ ျဖစ္ေနရတာပါ.........
👨🍳 : သူနာျပဳမဟုတ္ဘဲ ငါ့မယ္ဒင္းကို ျပဳစုေနရတယ္......
လိေမၼာ္ရည္နဲ႕ ပ်ားရည္ကို အခ်ိဳးက်က်ေသခ်ာစပ္ေဖ်ာ္ေပးၿပီး သူ႕အခန္းေရွ႕ေရာက္ေတာ့မွ အခန္းတံခါးေခါက္ၾကည့္ေတာ့ ေတာ္ေတာ္နဲ႕လာမဖြင့္......
အဲ့ဒါတာနဲ႕ ကိုယ့္ဖာသာတံခါးဖြင့္ၾကည့္လိုက္ေတာ့ အခန္းက lockခ်မထားတာေၾကာင့္ ပြင့္သြားရသည္......
အသာေျခဖြၿပီး ဝင္လိုက္ေတာ့မွ ေမြ႕ယာေပၚမွာ ေကြးေကြးႀကီး အိပ္ေနေသးတဲ့ ဒင္းကိုျမင္လိုက္ရေတာ့ ဖင္ကိုအေသေျပးကန္ပစ္ခ်င္တဲ့ စိတ္ေတြက တဖြားဖြားနဲ႕ကို ေပၚေပါက္ေနရတာပါပဲ.....
ျပန္ၿပီး ကိုယ့္ေဒါသကိုယ္ထိန္းရင္း ပ်ားရည္ခြက္ကို ခုံေပၚတင္ကာ သူ႕ကိုတစ္ခ်က္ သြားႏွိုးဖို႔လုပ္ေတာ့မွ ကိုယ့္ႏွာေခါင္းကို အျမန္ပိတ္ထားမိလိုက္တဲ့အထိ.......
ညက ဒင္းအန္ထားတာမလား.....ေသခ်ာျပန္ၾကည့္ေတာ့မွ ညက ဝတ္ထားတဲ့ အဝတ္အစားေတြမဟုတ္ေနေတာ့ ႏွိုးေနတာကို ဒီလူႀကီး မထေသးတာလား မထနိုင္တာလားမသိလို႔ ေတြးလိုက္ကာ ကိုယ့္ႏွာေခါင္းကိုယ္ ပိတ္ထားမိတာကို ျပန္ဖယ္လိုက္ရင္း သူ႕ကို ႏွိုးဖို႔ျပင္ရေတာ့ သည္..........
👨🍳 : ဒီမွာ!!! ဒီမွာဗ်!!! P'Reo....
🍷 : အင္းးးး ဟင္~~ ဟာကြာာာာ... က်စ္! အမူးကလည္း မေျပနိုင္ေသးဘူးလားကြာ.... ဘာလို႔ ျမင္ေနရတာလဲ~~~ ငါေတာ့ေသေတာ့မွာပဲ.......
စုတ္တစ္ခ်က္သတ္ကာ တတြတ္တြတ္ေျပာရင္းနဲ႕ ဖက္လုံးကို အားရေအာင္ခြဖက္ၿပီး တစ္ဖက္ကို လွည့္အိပ္သြားျပန္ၿပီ......
👨🍳 : ဟာ!!! ဘယ္နယ့္ ဟိုဘက္ျပန္လွည့္အိပ္ေနတာတုန္း......ထေတာ့ဗ်.....
🍷: ေတာ္ၾကပါေတာ့!!! ဒင္းတို႔က အခ်ိန္တိုင္းပဲ..... လြန္လြန္းအားကိုႀကီးတယ္......
ဒင္းတို႔တဲ့.....အခု ငါက ဟိုအေကာင္နဲ႕ အႏွိုင္းခံလိုက္ရတာလား....ခင္ဗ်ားႀကီး ေတာ္ေတာ္ကိုမ်ားေနၿပီ.......
👨🍳 : ေအာင္မာ ႏွိုးခ်င္လြန္းလို႔ လာႏွိုးေနတယ္မ်ားထင္ေနလား......လြန္လြန္းအားႀကီးတယ္တဲ့ လူကိုမ်ား......
အကိုေလး Perth အမိန့္နဲ႕ ဥကၠဌႀကီးတို႔ရဲ႕ အမိန့္ေတြေၾကာင့္ လုပ္ေနရတာဗ်!!!! ထခ်င္ရင္ထ.... မထခ်င္ရင္လည္း ခင္ဗ်ားဖာသာ သူတို႔နဲ႕ ေျဖရွင္းေတာ့!!!!
စိတ္ေပါက္ေပါက္နဲ႕ သူ႕လက္ေမာင္းကို တစ္ခ်က္ဆြဲလႈပ္ရမ္းပစ္ရင္း ေျပာလိုက္ေတာ့ လက္ထဲကိုင္ထားမိတဲ့ ဖုန္းက သူ႕ရင္ခြင္နဲ႕ ဖက္လုံးၾကားထဲ ျပဳတ္က်သြားရသည္........
Food truckစီစဥ္ဖို႔ရာေတြနဲ႕ Samကို တာဝန္တစ္ခ်ိဳ႕လွမ္းေပးဖို႔ရာအတြက္ ဖုန္းဆက္မလို႔ဆိုၿပီး လက္ထဲ ဖုန္းကိုင္ထားလိုက္မိတာက အခုအခ်ိန္မွာေတာ့ မဟာ အမွားလိုျဖစ္သြားရၿပီ..........
ဒင္းကလည္း မထ....ကိုယ့္ဖာသာစီစဥ္ဖို႔ရာကလည္း အခုဖုန္းကယူမရနဲ႕ လူကမွ အလုပ္တစ္ခုတာဝန္ယူရမယ္ဆိုၿပီး တာဝန္ေပးခံရရင္ အရင္ကတည္းက တအားစိတ္ပူပင္တတ္တဲ့အက်င့္ေၾကာင့္ ပူထူေနရၿပီ......
အသာ ေမြ႕ယာေပၚ တက္ထိုင္ကာ သူ႕အေပၚကို ေလးဘက္ေထာက္ရက္အေနအထားနဲ႕ ခြထားၿပီး လက္တစ္ဖက္ေထာက္ထားရင္း က်န္တဲ့လက္တစ္ဖက္နဲ႕ပဲ ဖက္လုံးနဲ႕သူ႕ရင္ဘတ္ၾကားေရာက္ေနတဲ့ ကိုယ့္ဖုန္းကို လိုက္စမ္းၾကည့္ေနေတာ့မွ သူ႕ရင္ဘတ္ကို သြားထိမိၿပီး တဒိန္းဒိန္းေဆာင့္ခုန္ေနတဲ့ သူ႕ႏွလုံးခုန္သံနဲ႕အတူ ကိုယ္ပါ အလိုလို ႏွလုံးခုန္ႏႈန္းေတြက ျမန္ဆန္လာရသည္..........
🍷 : အင္းးး~~~
သံရွည္တစ္ခ်က္ဆြဲရင္း ပက္လက္လန္ခ်ေတာ့ ေထာက္ထားတဲ့ ကိုယ့္လက္က သူ႕လက္နဲ႕တိုက္မိၿပီး သူ႕ေပၚ ေမွာက္ရက္ပစ္က်သြားရၿပီ.........
👨🍳 : အင့္...က်စ္...ေသလိုက္ပါေတာ့ Jackရာ~~~
🍷 : ဟင့္အင္း..... Jack~~ မေသရပါဘူး~~~~
ဟင္?? ဒီလူႀကီး ႏွိုးေနတာမ်ားလား???? သူ႕ဆီကေန Jack ဆိုတဲ့ စကားလုံးကို ခုလို ႏူးႏူးညံ့ညံ့ၾကားလိုက္ရတာရယ္.....ရင္ဘတ္၂ခုက ထိကပ္ေနေတာ့ သူ႕ရင္ဘတ္ထဲက ႏွလုံးခုန္သံကို ကိုယ့္ႏွလုံးခုန္သံကပါ အတိုင္းသားၾကားသိ ခံစားေနရၿပီး လူကေနမရထိုင္မရနဲ႕ အေတာ္ကိုျဖစ္ေနရၿပီ.........
သူ႕နံေဘးကဖုန္းကို အျမန္ဆတ္ခနဲ ေကာက္ဆြဲယူလိုက္ရင္း ဝုန္းခနဲ ထရပ္လိုက္ေတာ့မွ သူက မ်က္လုံး႐ႊဲႀကီးေတြနဲ႕ လူကို ေၾကာင္ၾကည့္ေနၿပီး "အား" တစ္ခြန္းေအာ္ကာ သူ႕ေခါင္းသူဖိေနသည္.........
ျဖတ္ခနဲ လွမ္းျမင္လိုက္တဲ့ သူ႕မ်က္လုံးထဲက နီရဲေနတဲ့ ေသြးေၾကာေတြကို ၾကည့္ေနရင္း ရင္ထဲမွာ ဘာျဖစ္လို႔ျဖစ္ေနမွန္းမသိ..... ဒင္းက ငိုထားတာမွ မဟုတ္တာ.... ဘဝမွာ အရက္နာက်တဲ့လူကို ပထမဆုံး သနားစိတ္ဝင္ေနမိတဲ့ ကိုယ့္ကိုကိုယ္ကို အံ့ၾသလို႔ မဆုံးနိုင္ဘူးဗ်ာ.......
🍷🏰ဟိုေကာင္နဲ႕ ဖုန္းေျပာၿပီးေတာ့ ေခါင္းကေတာ္ေတာ္ျပန္ထိုးကိုက္လာတာေၾကာင့္ ျပန္လွဲအိပ္ေနမိတာပါ.......အဲ့ င႐ုတ္သီးေတာင္ စံအိမ္ကိုလာၿပီးသြားၿပီလားမသိ......
ခုလည္း ေကာက္ေကြးကိုပဲ ျမင္ေန ..... ေကာက္ေကြးအသံပဲၾကားေနတာ မေန႕က Bartender ေဖ်ာ္တိုက္တာ Vodkaမွေရာ ဟုတ္ရဲ႕လား....... အခ်စ္ကို အၿမဲေတြ႕ျမင္ေနရတဲ့ ပီယေဆးမ်ားစပ္တိုက္လြတ္လိုက္လား မသိဗ်ာ........
ေခါင္းကို တစ္ခ်က္ဖိထားရင္း ထထိုင္ၿပီး မ်က္လုံးေတြကို ပြတ္လိုက္ေတာ့မွ ပုံရိပ္ေတြက သဲသဲကြဲကြဲ စျမင္လာရသည္........
🍷 : OMG!!!! မင္းလား????? တကယ္မင္းေပါ့..........
👨🍳 : စိတ္ေတြေတာ္ေတာ္ေလရတယ္.... မူး႐ူးကြဲၿပဲေနတာ နည္းနည္းမွ ျမင္လို႔မေကာင္းဘူး!!!!
အာ့မယ္ အမူးေျပေအာင္ ေသာက္ၿပီး ေအာက္ဆင္းခဲ့ေတာ့!!!
သူငယ္ခ်င္းအသစ္ႀကီး ေကာင္းမႈနဲ႕ အလုပ္ပါျပဳတ္ေတာ့မယ့္ကိန္းေတြ ျမင္ေနရတယ္...... ခင္ဗ်ားနဲ႕ေရာၿပီး ကြၽန္ေတာ္ပါ ျပဳတ္ေစာ္နံေနရၿပီ.......
ေျပာရင္း တံခါးကိုေစာင့္ပိတ္ခ်သြားေတာ့ အခန္းထဲမွာ ကိုယ္နဲ႕ေဘးနားက သူထားခဲ့တဲ့ ပ်ားရည္တစ္ခြက္သာ က်န္ေနခဲ့သည္.......
🍷 : ဪ..... ငါ့ဘဝ ခါးလိုက္ပုံမ်ား...... ပ်ားရည္ေတြ ၾကည့္ရင္းနဲ႕ေတာင္ ခါးေနရတယ္.........
Crushဆိုတဲ့ အမ်ိဳးေတြကေလ သံမဏိအသည္းေတြမ်ား ပိုင္ထားၾကတာလားမသိဘူးဗ်ာ......ခုလည္း တအံ့တၾသနဲ႕ ႏွိုးႏွိုးခ်င္း ကိုယ္ခ်စ္ရသူမ်က္ႏွာေလးျမင္ရလို႔ ေပ်ာ္မယ္ႀကံကာရွိေသး လူကိုေျပာဆိုၿပီး ထြက္သြားျပန္ၿပီ.........
🍷 : ေနပါဦး သူက ငါအရက္ေသာက္လာတာကို ဘယ္လိုလုပ္သိတာလဲ.....ဟို င႐ုတ္သီး လာတုန္းခဏကို ေလွ်ာက္တင္သြားျပန္သလားမသိဘူး......
ဒင္းက မိုးေမွ်ာ္င႐ုတ္သီးစစ္စစ္ပဲ.....ေသးေသးေလးနဲ႕ အဆင္ေျပမေနရတဲ့အထဲ ေညွာ္သြားျပန္ၿပီ......အရွက္ကြဲမႈအေပါင္း မခေညာင္းဖို႔ ေမွ်ာ္လင့္ရတာပါပဲ......
ခုေတာ့ အဲ့င႐ုတ္သီးေကာင္ကို ဆဲဆိုရင္းနဲ႕ ကိုယ့္အခ်စ္ေလး ေဖ်ာ္လာေပးတဲ့ ပ်ားရည္ကို ေမာ့ေသာက္ရင္း ဖုန္းကို အျမန္ထုတ္ၾကည့္ေတာ့မွ နားထင္ ေသြးျပန္တက္ေစာင့္ရၿပီ........
ဖုန္း Noti barမွာ ဟိုင႐ုတ္သီးေကာင္ေရာ ကိုယ့္ဆရာဆီက ဖုန္းmisscall မ်ားစြာက ရဲရဲေတာက္ ေစာင့္ႀကိဳလို႔........
ဆရာ့ဆီ အရင္ဖုန္းအျမန္ျပန္ဆက္ၾကည့္ေတာ့မွ စီစဥ္ခိုင္းခ်င္တဲ့ ကိစၥတစ္ခ်ိဳ႕ကို ေျပာျပရင္း Jackကိုလည္း မွာထားၿပီးၿပီ ျဖစ္ေၾကာင္း၊ အကိုေလးSaint ဆိုင္က ေရခဲမုန့္ေတြကို Food Truckအေနနဲ႕ အလႉမွာ ေကြၽးဖို႔ စီစဥ္ခိုင္းေၾကာင္း ထပ္ေျပာျပေတာ့ ျပင္ဆင္လို႔ၿပီးတာနဲ႕ တန္းလိုက္လာခဲ့မယ္ဆိုၿပီး ေျပာထားရသည္.......
မ်က္ႏွာျပန္ေျပးသစ္ၿပီးမွ ဆီးကထပ္သြားခ်င္လာတာနဲ႕ Toilet အျမန္ေျပးရေသးတယ္..... အရက္နာက်ျခင္းရဲ႕ အက်ိဳးေက်းဇူး တစ္ေနကုန္ ဆီးခဏခဏ သြားရေတာ့မယ္......
ကိစၥဝိစၥၿပီးေတာ့မွပဲ ေအာက္ထပ္အျမန္ဆင္းလိုက္ေတာ့ ဧည့္ခန္းထဲမွာ ေစာင့္ႀကိဳေနတဲ့ ကြၽန္ေတာ့္ေကာက္ေကြးေလးကို ေတြ႕လိုက္ရၿပီ.......
🍷 : အဟမ္း....
👨🍳 : ေအာ္ ဆင္းလာၿပီ..... ဘယ္လိုလဲ..... ခင္ဗ်ား ေနရတာ အဆင္ေျပရဲ႕လား......
ထိုင္ေနရာကေန ထလာၿပီး အနားရပ္ကာမ်က္လုံးဝိုင္းေလးေတြနဲ႕ အဆင္ေျပရဲ႕လား လာေမးေနေတာ့ ႐ုတ္တရက္ ဘာမွျပန္မေျဖနိုင္ဘဲနဲ႕ကို ေငးေကာင္းေနမိၿပီ.........
ေယာက်ာ္းေလးတစ္ေယာက္ကိုဆိုရင္ မ်ားေသာအားျဖင့္ ၾကည့္ေကာင္းတယ္ ေခ်ာတယ္လို႔ေျပာၾကေပမယ့္ ကြၽန္ေတာ့္ေကာက္ေကြးက အဲ့သတ္မွတ္ခ်က္ေတြထက္ ပိုမယ္ထင္တယ္ဗ်......
ေခ်ာၿပီး အသံကလည္း ခပ္ၾသၾသနဲ႕ သူ႕တူမ Bunnyလိုပါပဲ..... မ်က္လုံးေတြက တကယ္လွၿပီး ခ်စ္ဖို႔လည္းေကာင္းတယ္.....
Bunnyမရဲ႕ ခ်စ္ဖို႔ေကာင္းမႈေတြကလည္း ဒီဦးေလးျဖစ္သူဆီကေန အေမြရထားတာပဲေနမွာပါဗ်ာ.....
အရင္ကတည္းက ကြၽန္ေတာ့္ေကာက္ေကြးေလး ဒီေလာက္ေခ်ာမွန္းလွမွန္းသိခဲ့ရင္ ကြၽန္ေတာ္Taylor Swiftကိုေတာင္ မႀကိဳက္ခဲ့မိေလာက္ဘူး.......
👨🍳 : ဟာ ေဟ့လူ!!ေမးေနတာေရာၾကားလား?ၿပဳံးၿပဳံးႀကီးနဲ႕ မတ္တပ္ႀကီးေမ့ေနျပန္ၿပီလား... ညကလစ္ထားတဲ့ အရွိန္က ခုထိမေသေသးဘူးဟတ္လား......
ေမးခြန္းမ်ားစြာက နားထဲရိုက္ခတ္လာေတာ့မွ အျမန္ျပန္အာ႐ုံစိုက္လိုက္ရၿပီ.......
🍷 : ဟမ္ အင္း....အင္း..... ဟို ႏွိုးႏွိုးခ်င္းတုန္းကထက္စာရင္ေတာ့ မူးတာက သက္သာပါတယ္..... ခုေတာ့ ေရေတာ္ေတာ္ငတ္ေနသလိုပဲ.......
👨🍳 : အင္း.....အရက္ေသာက္ရင္ ခႏၶာကိုယ္ထဲက ေရဓါတ္ဆုံးရႈံးတာ သဘာဝပဲ...... အရက္ထဲပါတဲ့ Ethanol(အီသေနာ)က အဆိပ္ရွိတဲ့ ဓါတုပစၥည္းတစ္မ်ိဳးေလ....သူ႕ရဲ႕ဓါတ္က ဆီးခဏခဏသြားတတ္လို႔ ခႏၶာကိုယ္ထဲက ေရဓါတ္ကို ဆုံးရႈံးရတာ.....အဲ့ဒါေၾကာင့္ ေရငတ္တာ........
🍷 : တိက်လွခ်ည္လားကြာ....ေသာက္သာေသာက္ေနတာ ကိုယ္ေသာက္တဲ့ထဲ ဘာေတြပါမွန္းမသိဘူး......ဟီးးးး.....
သြားအၿဖဲသားနဲ႕ လူကိုခ်ီးက်ဴးၿပီး သူ႕ကိုသူႏွိမ့္ခ်ေျပာေနတာလား.... ႐ြဲ႕ေျပာေနတာလားက မသဲကြဲ......
👨🍳 : စိတ္ေလလိုက္တာ....ေနာက္တစ္ခါ Bartender ကို ႂကြက္သတ္ေဆးမႈန့္ပါေရာေဖ်ာ္ၿပီး တိုက္ခိုင္းေပးမယ္......တစ္ေၾကာရွင္းသြားေအာင္လို႔......
🍷 : မင္းကလည္းကြာ အားႀကီးနဲ႕ ဒီသူငယ္ခ်င္းေလးတစ္ေယာက္ရွိတာကို.... ငါ့ကို မခ်စ္ဘူးလား......
👨🍳 : ဟင္....
🍷 : ေအာ္.... မင္းသူ႕ငယ္ခ်င္းအရင္းႀကီးျဖစ္တဲ့ ငါ့ကို ေသေၾကာင္းႀကံေနလို႔ေလ... သူငယ္ခ်င္းအရင္းႀကီးျဖစ္တဲ့ ငါ့ကိုမခ်စ္ဖူးလားလို႔.......
👨🍳 : ခင္ဗ်ားလုပ္ရပ္ေတြက ခ်စ္ခ်င္စရာေလးေတြၾကည့္ပဲဆိုေတာ့ ခင္ဗ်ားက ေမးေနလိုက္ေလေနာ္.......
🍷 : မင္းကလဲ~~အဟက္..အဟင္း~~ မင္းေျပာရင္းနဲ႕ ငါ့ လည္ေခ်ာင္းေတြ ပိုပိုၿပီး ေျခာက္ကပ္လာသလိုပဲ.....အဟက္~~
လည္ေခ်ာင္းေတြက ေျခာက္ကပ္လာတယ္ဆိုၿပီး လည္ေခ်ာင္းတရွင္းရွင္း လုပ္ရင္း ဧည့္ခန္းထဲ အဟင္း အဟဲ အသံစုံထြက္ေနေတာ့မွ ေရဓါတ္ဆုံးရႈံးထားရတဲ့အထဲ ေရဓါတ္ျပန္မျပည့္ေသးခင္ လူကိုလာ အရစ္ရွည္ေနေတာ့ စံအိမ္ထဲက ဝန္ထမ္းတစ္ခ်ိဳ႕ နားဒုကၡခံရတာ သက္သာေအာင္ရယ္ ေရဓါတ္ဆုံးရႈံးလြန္ၿပီး ဒင္းပစ္လွဲသြားမွာ စိုးတာနဲ႕ ေရသန့္ဗူး လွမ္းေပးကာ.......
👨🍳 : ခုကို ေသေတာ့မယ္ျမင္လား.... အဲ့ဒါေၾကာင့္ ေရမေရာရင္ အေသေစာမယ္လို႔ေျပာတာေပါ့..... ခင္ဗ်ားမေန႕က ေသာက္ေတာ့ ေရေရာမေသာက္ခဲ့ဘူးလား.......ေရာ့ေရ....
အရက္ရဲ႕ ဂုဏ္သတၱိပ်က္မွာစိုးရင္လည္း ေရေတာ့မွာေသာက္ေလ.....ဟိုအေကာင္ကလည္း အတူတူေသာက္ေနၿပီး ဒါေလးေလာက္ေတာင္ မသိဘူးလား........
🍷: အင္း.....ေသာက္ပါတယ္ကြ......နည္းနည္းျပင္းတာေသာက္မိလိုက္လို႔.......အဲ့င႐ုတ္သီးက ဘာမွသိမေနဘူး......
👨🍳 : ဟမ္.....င႐ုတ္သီး....
🍷 : ေအာ္ Alexကိုေျပာတာ....ငါသူ႕ကိုေပးထားတဲ့ နာမည္ေျပာင္..... ေနရာတကာပါၿပီး အဲ့လိုသူပါေပးတိုင္း ေကာင္းတာရွိသလို မေကာင္းတာလည္းရွိလို႔......
င႐ုတ္သီးတဲ့ေလ.....ဟိုသြားထပ္နဲ႕အေကာင္ကို ေပးထားတဲ့ Nicknameတဲ့......သူ ကိုယ့္ကို ေခါက္ဆြဲေျခာက္လို႔ ေခၚရင္သာ မႀကိဳက္တာ သူမ်ားကို Nick nameေပးတာေတာ့ မႀကိဳက္ခ်င္......
ဘာရယ္မဟုတ္ ဝမ္းနည္းခ်င္တဲ့ ခံစားခ်က္ႀကီးက ရင္ထဲႀကီးစိုးလာတုန္း သူဆက္ေျပာလိုက္တဲ့ စကားေၾကာင့္ ဝမ္းနည္းေနရာကေန အံ့ၾသတဲ့ခံစားမႈကို ခုန္ကူးေျပာင္းသြားရၿပီ......
🍷 : အရက္ဘီယာနဲ႕ ပတ္သတ္ၿပီး အဲ့ေကာင္က ကေလးလိုပဲ ဘာဆိုဘာမွမသိဘူး......ညကလည္း ကေလးေသာက္တဲ့ စေတာ္ဘယ္ရီဒိန္ခ်ဥ္ဗူး ေသာက္တာ.......
👨🍳 : အင္း...ထားပါေတာ့....ဘာႀကီးးးး??? Jesus!!! Barသြားၿပီး ဒိန္ခ်ဥ္ေသာက္တယ္???အံ့ၾသလိုက္တာ...... ခင္ဗ်ားနဲ႕ ဘယ္လိုမ်ား ေပါင္းသင္းေနသလဲ အံ့ၾသလို႔ကို မဆုံးနိုင္ဘူးတကယ္......
ကဲပါေနာက္က်ေနၿပီ....ခင္ဗ်ားမနက္စာစားဖို႔လုပ္ေတာ့... ကြၽန္ေတာ္ ျပင္ေပးထားတယ္....
သူနဲ႕အတူ စားဖိုေဆာင္ထဲ ဝင္လိုက္ေတာ့မွ စားပြဲေပၚမွာျပင္ေပးထားတဲ့ ခရက္ကာရယ္ ဒိန္ခ်ဥ္နဲ႕ငွက္ေပ်ာသီးစိတ္ပန္းကန္ေလးကို ေတြ႕ရသည္........
👨🍳 : ခရက္ကာက ခင္ဗ်ားသိပ္မႀကိဳက္ဘူးမလား.....ကြၽန္ေတာ္လည္း ျမန္ေအာင္ဆိုၿပီး တည့္မယ့္အစားအစာရယ္ အလြယ္ရမွာရယ္ေတြးၿပီး ျပင္ထားလိုက္တာ......
🍷: အင္း ရပါတယ္....အပင္ပန္းခံလို႔ကြာ... ဒါေတြကို တကူးတက ျပင္ထားတာလား.....ေန႕ခင္းထိ အလႉမွာေနရမွာဆိုေတာ့ ငါအဆာခံေအာင္ ဆန္စီးတစ္ပြဲ လမ္းမွာဝင္ စားၿပီး သံပရာရည္တစ္ခြက္ ေခါင္းၾကည္ေအာင္ ေသာက္လိုက္ရင္လည္းရတာကို......
👨🍳 : အဲ့လို ခင္ဗ်ားတစ္လြဲေတြလုပ္မယ္ဆိုတာကို သိေနလို႔ လုပ္ေပးထားတာ.......ဒီျပင္ေပးထားတာေတြပဲ စားခဲ့ေတာ့.... ခုမွ Food truckနဲ႕ ဝန္ထမ္းေတြက ေက်ာင္းသြားဖို႔ရာအတြက္စီစဥ္ေနၾကတုန္း........
အရက္နဲ႕ေတြ႕ထားၿပီးရင္ အစာအိမ္က အားနည္းေနတယ္ေလဗ်ာ.... အရက္ေသာက္ၿပီးရင္ အစာေျခဖ်က္ရခက္တဲ့ အဲ့လိုဆန္စီးတို႔ ေကာက္ညွင္းတို႔လို အစာအမာေတြ မစားသင့္ဘူး.....
ဆီေၾကာ္ေတြကလည္း စားၿပီးရင္ လူကို မအီမသာခံစားတတ္ေစလို႔ အရက္နာက်ၿပီးတဲ့ခ်ိန္မွာ စားလို႔မသင့္ဘူး..... အခ်ဥ္ဓါတ္မ်ားတဲ့ အသီးအႏွံေတြ ေဖ်ာ္ရည္ေတြကလည္း ခုလို အရက္နာက်ၿပီးတဲ့ အခ်ိန္မွာ မစားရဘူး.... ဘာလို႔လဲဆိုေတာ့ အခ်ဥ္ဓါတ္က အားနည္းေနတဲ့အစာအိမ္ကို ပိုၿပီးထိခိုက္တတ္လို႔........
🍷 : ဒါဆို ဒါေတြကေရာ.......
👨🍳 : အင္း....ညမွာ အရက္ေသာက္တာမ်ားၿပီး အရက္နာက်ရင္း ထလာရတဲ့ မနက္ခင္းမွာဆိုရင္ မအီမသာျဖစ္တာမွန္တယ္.....ေတာ္႐ုံလည္းဘာမွ မစားခ်င္ဘူးေလ.....
ဘာမွမစားဘဲေနရင္ ေရဓါတ္ဆုံးရႈံးတာနဲ႕တင္လူကေမ်ာ့ေမ်ာ့က်န္မယ္...... ကိုယ္ကမစားခ်င္ေပမယ့္လည္း ခႏၶာကိုယ္ကေတာ့ အာဟာရဓါတ္ေတြ လိုအပ္ေနတယ္..........
🍷 : အင္း...
👨🍳 : အရက္နာက်ေနတဲ့အခ်ိန္ ခႏၶာကိုယ္မွာ လိုအပ္တဲ့ အာဟာရဓါတ္က ပိုတက္ဆီယမ္ဓါတ္ပဲ......
ငွက္ေပ်ာသီးမွာ ပါဝင္တဲ့ ပိုတက္ဆီယမ္ဓါတ္က အရက္ေသာက္ၿပီး ခႏၶာကိုယ္ထဲမွာ က်န္ရွိေနတဲ့ အဆိပ္အေတာက္ေတြကို ေျပေလ်ာ့ေစတယ္...... သူက အမွ်င္ဓါတ္ပါဝင္မႈမ်ားလို႔ အစာေၾကၿပီး ရင္ေခ်ာင္တယ္......
အဲ့ဒါေၾကာင့္ ခုလို ငွက္ေပ်ာသီးကို ဒိန္ခ်ဥ္နဲ႕တြဲစားရင္ ပိုတက္ဆီယမ္ဓါတ္ပိုၿပီးရေတာ့ အရက္နာက်တာကို ျမန္ျမန္သက္သာေစတယ္ဆိုတဲ့အေၾကာင္း ေရးထားတဲ့ က်န္းမာေရးေဆာင္းပါးေတြ ကြၽန္ေတာ္ဖတ္ဖူးတာရွိတယ္.........
🍷 : အင္း ငါမွတ္ထားစရာေတြၾကည့္ပဲ....အဲ့ဒါဆို ငါလည္း ထပ္စပ္စုလိုက္ဦးမယ္.... ေတာ္ေတာ္မ်ားမ်ား အရက္နာက်ရင္ အၿမဲ ေသာက္ေနၾကတဲ့ ပ်ားရည္ကေရာ.....သူက ဘာေၾကာင့္ သက္သာတာတုန္း.......
👨🍳 : အင္း..... ပ်ားရည္က အစာအိမ္ကို သိမ္ေမြ႕ေစတယ္ေလ....ၿပီးေတာ့ ပ်ားရည္ထဲမွာ fructose ဓါတ္(သဘာဝအတိုင္း သၾကားကဲ့သို႔ အခ်ိဳပမာဏမ်ားမ်ားပါသည့္ အခ်ိဳဓါတ္တစ္မ်ိဳး) ပါဝင္တဲ့အတြက္ ပ်ားရည္ေသာက္ၿပီးရင္ ခါတိုင္းအခ်ိန္ေတြထက္ ပိုၿပီး အသည္းကအခ်ိဳဓါတ္မ်ားမ်ား ထုတ္လြတ္ေပးနိုင္တယ္......
အဲ့ဒီအခ်ိဳဓါတ္ကပဲ အရက္ထဲပါထားတဲ့ဓါတ္ေတြနဲ႕ ျမန္ျမန္ေပါင္းစပ္သြားၿပီးေတာ့ လူကို အဆိပ္အေတာက္ျဖစ္ေစတဲ့ဓါတ္ေတြကို ေခ်ဖ်က္ဖို႔ရာ အရွိန္ျမင့္ေပးတဲ့ ဓါတ္အျဖစ္ အလုပ္လုပ္ေပးတာမ်ိဳးေပါ့......
လိေမၼာ္ရည္ 80ml မွာ ပ်ားရည္ 15ml ႏွင့္ ဒိန္ခ်ဥ္ 70ml ေရာစပ္ၿပီးေသာက္ရင္ အရက္နာက်တာကို ျမန္ျမန္သက္သာေစတယ္တဲ့ေလ.....အေစာက ကြၽန္ေတာ္ ခင္ဗ်ားကို လာတိုက္တာကလည္း အဲ့ဒီလိုစပ္ၿပီး ေဖ်ာ္ေပးထားတာပဲ......
ကြၽန္ေတာ့္ ေကာက္ေကြးေလးကို ၾကည့္စမ္းပါဦးဗ်ာ.......က်န္းမာေရး ဗဟုသုတရွိခ်က္ကေတာ့ ဆရာဝန္ေတြနီးနီးပဲ.......
တကယ္ေတာ့ အေစာက ပ်ားရည္ေသာက္လိုက္လို႔ အမူးစေျပတာထက္ သူ႕မ်က္ႏွာေလး ျမင္ေနရၿပီး သူနဲ႕ ခုလို စကားေအးေအးေဆးေဆးေျပာေနလို႔ ျမန္ျမန္အမူးေျပရတယ္ ထင္တာပါပဲဗ်ာ..........
မဟုတ္ရင္ အိပ္ယာထေနာက္ၾကတာနဲ႕ ေဒါသူပုန္ထေနမယ့္ ကို႔ဆရာကလည္း သေဘာထားႀကီးႀကီးနဲ႕ ခုလို စီစဥ္ေပးထားတာကို သိရေတာ့ ကိုယ့္ဆရာကို ေျပးေျပးနမ္းခ်င္စိတ္ေတာင္ ေပါက္တယ္.......
🍷 : မြ~~~
👨🍳 : ဟင္....
အေရးထဲ ဘယ္လိုေၾကာင့္ ပါးစပ္ကေနပါ အသံေတြထြက္သြားရလဲမသိ......
မ်က္လုံးေလး ျပဴးရင္းနဲ႕ လူကိုေၾကာင္ၾကည့္ေနတာမ်ား ရင္ဘတ္ထဲ ျမင္းေကာင္ေရ တစ္သိန္းပတ္ေျပးတာ ခံေနရသလိုပဲ........
အခု ဘယ္လိုေတြခံစားေနရတာလဲ ႐ူးေတာ့မွာပဲ Reoရာ......
🍷: ေအာ္ ဟို.....ဟိုဟာ....ပါးစပ္ထဲတစ္မ်ိဳးႀကီးျဖစ္ေနလို႔......တံေတြးၿမိဳခ်တာ အားပါသြားတာ...... ငါ အျမန္စားလိုက္ဦးမယ္ ခဏ.....
ေျပာၿပီး ေခါင္းတစ္ကုတ္ကုတ္နဲ႕ ဆက္ငုံ႕စားေတာ့မွ ကြၽန္ေတာ္လည္း သူ႕နားကေန ခဏထထြက္ရင္း ကိုယ့္ရင္ကို ျပန္ဖိေနရသည္........
အေစာတုန္းကလည္း အခန္းထဲမွာ သူ႕ေပၚ ေမွာက္ရက္က်ၿပီး ရင္ခုန္ေနတာက ေတာ္ေတာ္နဲ႕ ပုံမွန္မျဖစ္ေသးတာကို ခုကဘာေတြဆက္ၿပီးထပ္ျဖစ္ေနလဲကိုမသိ........
ကိုယ္ေျပာသမွ်ကို တေလးတနက္နားေထာင္ေပးေနတာက ကြၽန္ေတာ့္ဘဝမွာ သူပဲရွိတာပါ.....လက္ေအာက္ငယ္သားေတြသင္ျပေပးရလို႔ သင္ယူနားေထာင္ၾကတဲ့ ပုံစံကတစ္မ်ိဳးေပါ့.......
ဘယ္လိုေခၚမလဲ...ခုလိုမ်ိဳးက ကိုယ္ ဂ႐ုတစိုက္ ရွိတယ္ဆိုတာကို သိေစခ်င္တဲ့ ကြၽန္ေတာ့္မသိစိတ္ရဲ႕ ေမွ်ာ္လင့္ခ်က္ေလးပါလို႔လားေတာ့ မသိဘူး.......
ရင္ထဲမွာေတာ့ တစ္မ်ိဳးႀကီးပဲ......ကြၽန္ေတာ္သူ႕ကို သေဘာက်ေနမိၿပီလား....ဒါမွမဟုတ္ အဲ့ဒီထက္ပိုေနလားလည္း မသိေတာ့ဘူးဗ်ာ......
အေရးထဲ ဒင္းက ဒိန္ခ်ဥ္ကို ပါးစပ္ထဲဝင္ေအာင္ မစားျပန္ဘူး....တစ္ခါတစ္ခါ သူ႕မထူမပါး ႏႈတ္ခမ္းေပၚက ဒိန္ခ်ဥ္ကို လွ်ာနဲ႕သပ္ယူၿပီး ေအာက္ႏႈတ္ခမ္းထူထူကို ဖိကိုက္တဲ့ျမင္ကြင္းက ကိုယ့္အာ႐ုံထဲျပန္ေပၚလာရင္း ကိုယ့္မွာဘယ္လိုမွ ေနလို႔ထိုင္လို႔ အဆင္မေျပခ်င္.........
ေတြးေနရင္း ရင္ထဲဖိုးသိုးဖတ္သတ္နဲ႕ ေရေတြပါငတ္လာသလိုရွိေတာ့ ေရေသာက္ဖို႔ ေရခဲေသတၱာကို သြားအဖြင့္ သူကလည္း မနက္စာစားရင္းတန္းလန္းနဲ႕ ေရခဲေသတၱာကို လာဖြင့္ေတာ့ ေရခဲေသတၱာ လက္ကိုင္မွာ လက္ခ်င္းက ထပ္ဆုံသြားရျပန္ၿပီ........
ထပ္ရက္ျဖစ္ေနတဲ့ လက္တစ္စုံကို ေၾကာင္ၾကည့္ေနမိေတာ့ ေသြးေၾကာစိမ္းႀကီးေတြ ေထာင္ထေနတဲ့ သူ႕လက္ဖမိုးကို ၾကည့္ရင္း အေစာက ရင္ခုန္တာက အရွိန္အကင္းမေသေသးတဲ့အျပင္ ျပန္ေစာင့္ခုန္တက္သြားၿပီး ရင္ခုန္ရျခင္းက ေနာက္တစ္ႀကိမ္ အသက္ဝင္သြားရျပန္ၿပီ.........
အပ္က်သံေတာင္ မၾကားရတဲ့ စားဖိုေဆာင္ႀကီးထဲ တဒိန္းဒိန္းခုန္ေနတဲ့ ရင္ခုန္သံက ဖုံးမရ ဖိမရနဲ႕ က်ယ္ေလာင္စြာ ထြက္ေပၚေနရတဲ့အထဲ သူ႕စကားတစ္ခြန္းမွာ တံေတြးအျမန္ ၿမိဳခ်လိဳက္တာေတာင္ သီးကုန္ရၿပီ...........
🍷: မင္း ႏွလုံးခုန္သံေတြ တအားျမန္ေနတာပဲ...... ေဘးမွာရပ္ေနတဲ့ ငါေတာင္ ၾကားေနရတယ္.......
👨🍳 : အဟြတ္ အဟြတ္ အဟြတ္!!!
🍷 : ဟာ သီးၿပီ.....ေရေသာက္မလို႔လား ယူယူ...... မင္း စိတ္ေလာေနတာနဲ႕ တူတယ္.....
👨🍳 : အဟမ္း...အင္း ခင္ဗ်ားေၾကာင့္ေနာက္က်ေတာ့မွာေလ...... အခ်ိန္မမွီရင္ ၂ေယာက္စလုံး အလုပ္ျပဳတ္ေနမယ္......
🍷 : ေအးပါကြာ ငါလည္း စီစဥ္ခိုင္းထားပါတယ္.... စားတာကလည္း ၿပီးပါၿပီကြ.... ငါေတြးမိတာေလ... ေက်ာင္းက ကေလးေတြမ်ားေတာ့ အဲ့ဘက္ဆိုင္က ဝန္ထမ္းတစ္ခ်ိဳ႕နဲ႕ ဒီဘက္ မင္းteamထဲက အသင္းသားတစ္ခ်ိဳ႕ပါ Food truckေတြမွာ ထည့္ေပးထားလိုက္တာက ပိုအဆင္ေျပမလားလို႔.......
👨🍳 : အင္း ကြၽန္ေတာ္လည္းေတြးမိတယ္.... Samကိုလည္း ေျပာထားပါတယ္....... ဟို.... ဒါနဲ႕ေလ....
🍷 : အင္း....
👨🍳 : မေန႕က ကြၽန္ေတာ္မေသာက္လိုက္ရတဲ့ အေအးအတြက္ ေက်းဇူး.......
🍷 : အမ္???
ထပ္ေျပာျပမလို႔ ႀကံကာရွိေသး သူ႕ဖုန္းဝင္လာေတာ့ ဟိုသြားထပ္ပါတဲ့ အေကာင္ဆက္ေနတာ ထင္ပါတယ္....ဆဲဆိုရင္းနဲ႕ ခဏေနထြက္လာေတာ့မယ္ ဘာညာေျဖေနေတာ့ ဘာကိုမႀကိဳက္လို႔ မႀကိဳက္ေနမွန္းလည္း မသိဘူးဗ်ာ......
ခ်ဳပ္ခ်ယ္ခ်င္ရေအာင္ သူနဲ႕ကိုယ္က ခ်စ္သူရည္းစားဆက္ဆံေရးလည္းမဟုတ္.....ေဘာ္ဒါအကန့္ေတြပဲမလား.......
ကိုယ့္စိတ္ကိုေရာ သူ႕အဲ့တစ္ေယာက္အေပၚ ဘယ္လိုသေဘာထားသလဲ ဆိုတာေတြေရာက ေခါင္းထဲေတြးမရေတာ့ဘဲ ႐ုတ္တရက္ စိတ္ေတြရႈတ္ေနတုန္း သူ ကိုယ့္ကိုေျပာလိုက္တဲ့ စကားတစ္ခြန္းမွာ ဘယ္လိုမွစိတ္မရွည္ခ်င္ေတာ့တာနဲ႕ လိမ့္ၿပီးေျပာပစ္ခဲ့ရင္း စားဖိုေဆာင္ထဲကေန အျမန္ထြက္ခဲ့ပစ္လိုက္ေတာ့
သည္.........
🍷: ဟား ဟား မေန႕က အေအးကိုေျပာတာလား..... မင္းကလည္းကြာ..... တကူးတက ေက်းဇူးေတြဘာေတြ တင္ေနေသးတယ္ မလိုပါဘူးကြ.........
👨🍳 : မလိုရင္လည္း ၿပီးတာပဲ မေျပာခဲ့ဘူးပဲထားလိုက္!!!အလႉမွာ စိတ္ေလးေအးခ်မ္းၿပီး လႉခ်င္လို႔ ခင္ဗ်ားနဲ႕ ဒီေန႕ စကားမမ်ားဘူးလို႔ ဆုံးျဖတ္ထားတယ္.... ခင္ဗ်ား ခု မနက္စာစားၿပီးရင္သြားမယ္.....ကြၽန္ေတာ္က သြားဖို႔အဆင္သင့္ပဲ........
ဆက္တိုက္ေျပာရင္း စားဖိုေဆာင္ထဲကေန ထြက္သြားေတာ့မွ ကိုယ့္မွာေရကို ေရပိုက္ကေရဖြင့္ခ်လိဳက္သလို ဒလေဟာ ခႏၶာကိုယ္ထဲ ေလာင္းထည့္ရင္း သူ႕ေနာက္ေျပးလိုက္ရေတာ့ သည္........
တကယ္က ေသမလိုေပ်ာ္ေနတာေလ..... ပ်ားရည္ေဖ်ာ္တိုက္တာလည္းခံရတယ္...... ဂ႐ုတစိုက္ ခ်က္ျပဳတ္ေပးထားတဲ့ မနက္စာကိုလည္း စားရတယ္...... သူ႕လက္ႏုႏုေလးကိုလည္း မထင္မွတ္ဘဲ နဲ႕ ထိလိုက္ရေသးတယ္... ၿပီးေတာ့ မေန႕ကသူမေသာက္ရတဲ့ အေအးအတြက္ပါ တကူးတကေက်းဇူးတင္တာကိုလည္း ခံရတယ္ေလ.....
သူအဲ့လို ေက်းဇူးတင္တာ ကိုယ့္ေစတနာေတြကို အသိအမွတ္ျပဳတာပဲ မဟုတ္လား.....
ဒါကို ဒီပါးစပ္ေပါက္က ရင္ထဲကေျပာခ်င္တဲ့စကားေတြနဲ႕ ဆန့္က်င္ဘက္ေတြရယ္ ဒဲ့တိုးေတြရယ္ပဲ ထြက္ေနတယ္........ တကယ္ကလည္း သူ႕ဆီက ေက်းဇူးတင္တယ္ဆိုတာႀကီးကို မလိုခ်င္ပါဘူးဗ်ာ.....
အဲ့ဒီလိုက တစိမ္းဆန္တယ္လို႔ ယူဆထားလို႔ သူ႕ကို စိတ္ေပါေပါ့ပါးပါးေလးနဲ႕ တန္ဖိုးထားၿပီး ကြၽန္ေတာ္ ခ်စ္ျမတ္နိုးခ်င္တာပါ......ဒါကို ဘာေတြက လြဲလို႔လြဲေနမွန္းကိုမသိ......
🍷 : အသုံးမက်လိဳက္တာ Reoရာ!!!....ဒီလိုအေျပာအဆိုမတတ္ေနတာနဲ႕ ဒီတစ္သက္လိုခ်င္တဲ့ လင္က ရပါဦးမလားမသိဘူး..... ဟို င႐ုတ္သီးေကာင္ဆီကေနျဖစ္ျဖစ္ ရိုနည္းေလးဘာေလး နည္းနည္းပါးပါး သင္ဦးမွပါ.........
☕❤☕❤☕❤
❤🏰ကိုကိုေကာ္ဖီတုံးတို႔ လႉမယ့္ေက်ာင္းကိုသြားတဲ့ လမ္းတစ္ေလွ်ာက္လုံးလည္း အရွက္ေတြသည္းေကာင္းတုန္း......
ညာလက္တစ္ဖက္နဲ႕ သူ႕မ်က္ႏွာကိုသူ ေထာက္ ထားရင္း ကားစတီယာတိုင္ကို ဘယ္လက္တစ္ဖက္ထဲနဲ႕ကိုင္ေမာင္းေနကာ ကြၽန္ေတာ္က ခိုးခိုးၾကည့္တိုင္း သူက ေခ်ာင္းတဟန့္ဟန့္နဲ႕ မ်က္ႏွာႀကီးက ပိုပိုရဲတက္လို႔.......
မသိရင္ သူက အကိုင္ခံလိုက္ရတဲ့အတိုင္းပဲ.......
"ကိုင္ခံရတာက ကြၽန္ေတာ္ေလ"လို႔ ေအာ္ေျပာပစ္လိုက္ခ်င္ေပမယ့္လည္း ဟိုေရာက္မွ ရွက္လို႔ ကားေပၚက မဆင္းေတာ့ဘူး ဘာညာျဖစ္ေနလို႔ အေျခအေနေတြက ကေမာက္ကမနဲ႕ ခ်င္းမိုင္တစ္ခြင္ ထပ္နာမည္ႀကီးသြားလို႔ မျဖစ္ေသးပါဘူး ေတြးရင္း အသာေလး ႀကိတ္ရယ္ရင္းနဲ႕ ၿငိမ္ၿပီးေတာ့ပဲ လိုက္ပါခဲ့လိုက္ရသည္.......
🖤🏰 အေရးထဲ ကိုယ့္အျဖစ္ကိုယ္မွ ရွက္ေနရတဲ့အထဲ ေဘးနားက အေကာင္ေပါက္ေလးက လာလာခိုးၾကည့္ၿပီး ၿပဳံးစစလုပ္ျပေနေတာ့ ပိုဆိုးရသည္.......
တကယ္ကို မရည္႐ြယ္တာပါဗ်ာ........ခုလည္း အဲ့ဒီထိမိခဲ့လိုက္တဲ့ တစ္ခဏရဲ႕ အိစက္မႈက ခုခ်ိန္ထိ ဒီလက္ဖဝါးထဲ နစ္ဝင္ေနသလို ခံစားေနရေသးတယ္........
အာ႐ုံေျပာင္းေအာင္ ေခါင္းကိုတစ္ခ်က္ခါရမ္းလိုက္ရင္း ေဖေဖတို႔ကားကို တစ္ခ်က္ေစာင့္ေခၚေပးၿပီး ေမာင္းခဲ့ဖို႔ Wyaneတို႔ကိုမွာကာ ေဖေဖတို႔ကားကို ေက်ာ္တက္ရင္း ေက်ာင္းကိုသာ ျမန္ျမန္ေရာက္ေအာင္ ေမာင္းခဲ့လိုက္ရေတာ့ သည္.......
ေက်ာင္းကိုေရာက္တာနဲ႕ တစ္ၿပိဳင္နက္ ေက်ာင္းတည္ေထာင္သူနဲ႕အတူ Sisterႀကီးေတြေရာ ဆရာ ဆရာမေတြကပါ လာေရာက္ႏႈတ္ဆက္ၾကၿပီး ေစတနာ့ဝန္ထမ္းတစ္ခ်ိဳ႕ကေတာ့ အလႉပစၥည္းပုံးေတြကို လာကူသယ္ေပးၾကသည္........
ခဏၾကာေတာ့ ေဖေဖတို႔နဲ႕Wyaneတို႔လည္း ေရာက္လာၾကၿပီမို႔ အလႉပစၥည္းေလးေတြ လိုက္ေဝဖို႔ရာ လုပ္ၾကရၿပီ........
Milo နဲ႕ Robin ကလည္း ဟိုေငးဒီေငးနဲ႕ ကေလးေတြကလည္း ယုန္ေပါက္ေလးအနားကမခြာတဲ့ တစ္တုတ္၂ေကာင္ကို ေတာ္ေတာ္ အသည္းယားၾကေသးတယ္........
"ဟာ..... က်ားနဲ႕တူတဲ့ အကိုႀကီးးး....... မဂၤလာပါဗ်....."
အသံကိုတရင္းတႏွီး ၾကားဖူးေနသလိုရွိလို႔ အသံလာရာကို ငုံ႕ၾကည့္ေတာ့မွ ပတၱျမားခဲေလး ေမြးေန႕တုန္းက ကြၽန္ေတာ့္ကို ေက်ာက္တုံးေလးေပၚမွာ က်ား႐ုပ္ကေလးဆြဲၿပီး လက္ေဆာင္ေပးထားတဲ့ ကေလးေလး ျဖစ္ေနသည္........
🖤 : ဟာ....မင္းကိုးးးး....ထြားလာလိုက္တာကြာ..... လာစမ္းပါဦး......
တစ္တုတ္ကေလးကို ေကာက္ေပြ႕ခ်ီထားရင္း.......
"သားက ကိုႀကီးတို႔ကို ေန႕တိုင္းေမွ်ာ္ေနတာ......မလာတာၾကာေတာ့ ကြၽန္ေတာ္တို႔ကို ေမ့မ်ားသြားၿပီလားလို႔~~~~"
အဖ်ားခတ္တုန္ရီသြားတဲ့ ဒီေကာင္ကေလး အသံကို ရိပ္မိလိုက္ေတာ့ ကြၽန္ေတာ့္ ရင္ထဲစိတ္မေကာင္းျဖစ္သြားရသည္......
သို႔ေပမယ့္လည္း ခ်က္ခ်င္း ေခါင္းထဲမွာ သူ႕ကို အာ႐ုံေျပာင္းေပးဖို႔ ေတြးလိုက္မိတာက သူတို႔ေလးေတြကို တျခားမိသားစုရွိတဲ့ လူေတြထက္ ပိုၿပီးသန္မာေစခ်င္တဲ့ စိတ္ဆႏၵေၾကာင့္ပါ......
🖤 : ေမ့စရာလားကြ......ကိုႀကီးတို႔က အလုပ္မအားလို႔ မလာျဖစ္တာ.....အဲ့ေန႕က ေဆာက္ခိုင္းထားတဲ့ ေမွ်ာ္လင့္ျခင္းအိမ္ေတြေရာ ေကာင္းေကာင္းေဆာက္ထားၾကရဲ႕လား......
"ေဆာက္ထားတာေပါ့ဗ်.... မ်ားႀကီးေတာင္ရေနၿပီ သိလား ကိုႀကီး.......ကိုႀကီးတို႔ေျပာတဲ့ ခ်စ္ျခင္းေမတၱာေတြကလည္း သားရင္ထဲ အျပည့္ပဲ......"
🖤 : ဟား ဟားလိမၼာလိုက္တာကြာ....
ကြၽန္ေတာ္က အဲ့ဒီ တစ္တုတ္ေကာင္ေလးကို ေကာက္ေပြ႕ခ်ီရင္း စကားေတြေျပာေနတာကိုျမင္ေတာ့ Miloေကာင္တို႔ ဂ်ိဳတကစ္ကစ္ လုပ္ရင္း စတင္ေကာက္သြားရွာေလၿပီ........
ကြၽန္ေတာ့္ကေလးကေတာ့ သား၂ေကာင္ကို ေခၚထားေပးရင္း ကေလးေတြ တ႐ုန္း႐ုန္းနဲ႕ သြားတန္းေဖြးေလးေတြေပၚေအာင္ ၿပဳံးရင္း စကားေတြေျပာလို႔.......
ကေလးေတြထဲမွာ ခ်စ္ဖို႔အေကာင္းဆုံး ကြၽန္ေတာ့္နီတာရဲ ကေလးႀကီးေပါ့ဗ်ာ.....
"အကိုႀကီးး.....ဘာေတြၿပဳံးေနတာလဲဗ်....."
🖤 : ေဟ....ေအာ္ ဟိုမွာေလ.... ဟိုနားက အကိုႀကီးက ၿပဳံးေနလို႔.......
"ေအာ္ ဟိုနားက ကိုႀကီးလိုအကၤ်ီကိုမွ အနီေရာင္ဝတ္ထားတဲ့ အသားျဖဴျဖဴနဲ႕ ကိုႀကီးေခ်ာေခ်ာကို ေျပာေနတာလား......"
🖤 : ဟား ဟား ဟုတ္ပ.... ေယွာင့္ ငါကေရာ မေခ်ာဘူးလား....
"မေခ်ာပါဘူးဗ်ာ......အသားကလည္း အဲ့ကိုႀကီးေခ်ာေခ်ာေလာက္ မျဖဴဘဲနဲ႕......"
လိမ္မေျပာတတ္တာ ကေလးေတြရဲ႕ သဘာဝဆိုေပမယ့္လည္း အာ့ေလာက္ဒဲ့တိုးေတြေျပာေတာ့ ဖင္ေတြၾကည့္လိမ့္ရိုက္ခ်င္စိတ္က ေပါက္လာရေသးသည္.......
🖤 : ဟာကြာ.....မင္းကလည္း ၾကည့္ေကာင္းတယ္ေလာက္ေတာ့ ေျပာေလကြာ....ဒီအသားအေရာင္ကိုပဲ ေျပာေနျပန္ၿပီ.....
"ဟီးး ဟီးးးး သားလည္း ျဖဴပါဘူး....သားနဲ႕တူလို႔ ကိုႀကီးကလည္း မဲတာ....."
🖤 : ဟား ဟား ဟား မင္းကကြာ.... ညိုတာေလာက္လုပ္....... ငါတို႔က အညိုစင္..... ဒီလို ေကာ္ဖီေရာင္သမ္းတဲ့ အသားေရာင္က ရွားပါးမ်ိဳးကြ သိလား......
"ဟာ ဟုတ္တယ္....ဟိုယုန္မကို အာ့လိုျပန္ေျပာပစ္ရမယ္...."
🖤 : အမယ္ မင္းက သူငယ္ခ်င္းေကာင္မေလး ရွိတယ္လား.......
"ဒီတစ္ေက်ာင္းလုံးက လူေတြအကုန္လုံး ကြၽန္ေတာ့္သူငယ္ခ်င္းၾကည့္ပဲဗ်...... သူနဲ႕ကေတာ့ ရန္ျဖစ္ဖက္ပါဗ်ာ......"
🖤 : ေဟာဗ်ာ ရန္ျဖစ္ဖက္တဲ့.....ခုတင္ မင္းရင္ထဲ ခ်စ္ျခင္းေမတၱာအျပည့္ဆို....
"ကိုႀကီးကလည္း မုန္းတာနဲ႕ ရန္ျဖစ္တာကမတူဘူးေလဗ်ာ.....စရင္းရန္ျဖစ္တာပါ....ကိုႀကီးက ဘာသိလို႔လဲ အဲ့ယုန္မက အားနင္းစြာတယ္ဗ်....အသားကေလး မဆိုသေလာက္ သားထက္ျဖဴတာကို သားနဲ႕ ရန္ျဖစ္တိုင္း သားကို အသားမဲ အသားမဲနဲ႕ ေခၚတယ္........"
ႏႈတ္ခမ္းတေထာ္ေထာ္နဲ႕ သူျဖစ္ပ်က္ထားသမွ်ကို အားကိုးရွိတဲ့လူနား ျပန္ေျပာေနရေတာ့ အျပစ္ကင္းတဲ့ မ်က္လုံးေလးေတြက အေရာင္တလက္လက္နဲ႕........
မိဘရွိသည္ျဖစ္ေစ မရွိဘူးျဖစ္ေစ ကမာၻေပၚက ကေလးငယ္ေတြအကုန္ ရာႏႈန္းျပည့္ အျပစ္ကင္းပါတယ္ဗ်ာ........
🖤 : ဟာ ဟုတ္လား....အဲ့ဒါမ်ိဳးကိုေတာ့ လက္သင့္မခံနိုင္ဘူး.... ကိုႀကီးကို လိုက္ျပစမ္း.....
"ကိုႀကီး ေညာင္းလိမ့္မယ္ ေအာက္ခ်ေပးေတာ့... ကြၽန္ေတာ့္ဖာသာ လမ္းေလွ်ာက္နိုင္တယ္.....လာ လာ....ကြၽန္ေတာ္လိုက္ျပမယ္ အဲ့ဒီယုန္မကို......"
သူ႕ဖာသာလမ္းေလွ်ာက္မယ္ ေအာက္ခ်ေပးဆိုတာနဲ႕ ေအာက္ခ်ေပးလိုက္ေတာ့ သူ႕လက္အေသးေလးေတြနဲ႕ ကြၽန္ေတာ့္လက္ကို ဆုပ္ကိုင္ထားရင္း ေတာက္ေတာက္ေတာက္ေတာက္နဲ႕ ဇြတ္ဆြဲေခၚေတာ့ သေဘာတက်က်နဲ႕ပဲ သူေခၚတဲ့ေနာက္ပါသြားရၿပီ......
❤🏰 ကေလးေတြနဲ႕ စကားခဏေျပာၿပီးေတာ့ Miloတို႔ကို ေမေမတို႔နားထားခဲ့ရင္း သူတို႔ကို သင္ၾကားေပးေနတဲ့ ဆရာဆရာမေတြနဲ႕ စကားခဏေျပာျဖစ္ေသးသည္.......
ကိုယ္တိုင္ကလည္း စိတ္ပညာကို ေလ့လာေနတဲ့သူဆိုေတာ့ ဒီကေလးေတြရဲ႕ ေယဘုယ်စိတ္ခံစားခ်က္ေတြကို သိခ်င္လို႔ တီးေခါက္ေမးမိေတာ့မွ ျပန္ၾကားသိရတဲ့ အေျဖေတြမွာ ကြၽန္ေတာ္ေပ်ာ္ရတာရွိသလို ေတာ္ေတာ္စိတ္မေကာင္းျဖစ္ရတာေတြလည္း ရွိရသည္.....
ေလာကဓံရဲ႕ က်ီစယ္မႈေၾကာင့္ သူတို႔ေလးေတြက အုပ္ထိန္းသူမဲ့ မိဘမဲ့ျဖစ္ခဲ့ရေပမယ့္ ကေလးငယ္ေတြကေတာ့ ပညာေရးဘက္မွာလည္း တတ္နိုင္သမွ်အားထုတ္ႀကိဳးစားသင္ယူၾကၿပီး တစ္ေယာက္တိုင္း တစ္ေယာက္ခ်င္းစီတိုင္း သူတို႔ သန္ရာသန္ရာ ဝါသနာေတြမွာလဲ ထူးခြၽန္ၾကေၾကာင္း ေျပာျပပါတယ္........
အ႐ြယ္ေရာက္ၿပီး အလုပ္ခြင္နဲ႕ စတင္ဆက္စပ္လုပ္ကိုင္ေနရတဲ့ ကေလးေတြကေတာ့ ဒီအသိုက္အၿမဳံကေနထြက္ၿပီး ျပင္ပလူ႕ပတ္ဝန္းက်င္ထဲမွာ သြားလာလုပ္ကိုင္ စားေသာက္ရတဲ့အခါ လူေတြရဲ႕ အရိုးစြဲေနၿပီျဖစ္တဲ့ Negative thinkingေတြနဲ႕ တံဆိပ္ကပ္ခံရ အႏွိမ္ခံေျပာဆိုခံရတာေတြေတာ့ အေျမာက္အျမားရွိေၾကာင္း......
တစ္ခါတစ္ေလ သူတို႔အေနနဲ႕ အဲ့ဒီ ထိုးနက္ေျပာဆိုတဲ့ဒဏ္ေတြကို ေန႕စဥ္နဲ႕အမွ် ခံစားရၿပီး သိပ္ပင္ပန္းရရင္ ခုေနထိုင္ရတဲ့ ဒီအသိုက္အၿမဳံေနရာကေန ထြက္ေျပးတာမ်ိဳးေတြပါရွိလာေၾကာင္း၊ ျပန္လိုက္ရွာလို႔ေတြ႕ရင္လည္း ေလာကႀကီးထဲကေန ထြက္ခြာသြားဖို႔ ႀကံ႐ြယ္ထားတာေတြအထိ ရွိတယ္ဆိုၿပီး အဲ့ဒီကေလးတစ္ခ်ိဳ႕ကိုပါ ေခၚျပရွာသည္.......
သူတို႔ေလးေတြရဲ႕ လက္ေကာက္ဝတ္ေတြ အဓိကေသြးေၾကာေတြမွာ လွီးျဖတ္ထားတဲ့ အမာ႐ြတ္ေတြကို ၾကည့္ရင္း မ်က္ရည္ေတြလည္ရင္း ကြၽန္ေတာ့္ရင္ေတြ စူးနစ္ေနေအာင္ တဆစ္ဆစ္နဲ႕ နာက်င္ရတဲ့အထိ.........
တစ္ခ်ိဳ႕ဆို ေလာကႀကီးမွာ မေနခ်င္ေတာ့ေၾကာင္း၊ ရွင္ရတာ တအားပင္ပန္းေနေၾကာင္းေတြနဲ႕ အလႉရွင္ေတြလာတိုင္း သူတို႔မေပ်ာ္ေတာ့ေၾကာင္း...... သူတို႔ စိတ္ထဲမွာရေနတဲ့ ဒဏ္ရာေတြက စားဝတ္ေနေရးတစ္ခုအတြက္နဲ႕ ပိုပိုၿပီးနာက်င္ေၾကကြဲေနရေၾကာင္းေတြကို နားေထာင္ေနရင္းနဲ႕ ကြၽန္ေတာ့္မွာ အသက္ရႈေတြပင္ၾကပ္လာရသည္........
ဘယ္လိုပဲျဖစ္ျဖစ္ ကြၽန္ေတာ္တို႔ကေတာ့ လာလႉတိုင္း သူမ်ားေတြနဲ႕ မတူတဲ့လႉဒါန္းမႈေလးေတြျဖစ္လို႔ အကုန္လုံးေပ်ာ္႐ႊင္ၾကေၾကာင္း၊ ေပ်ာ္႐ႊင္မႈေတြ ေမွ်ာ္လင့္ခ်က္ေတြ ဖန္တီးေပးတဲ့ အလႉရွင္ေလးေတြျဖစ္လို႔ ဆရာဆရာမေတြကိုယ္တိုင္ကိုက သေဘာက်ၿပီး ပီတိေတြျဖစ္ရေၾကာင္းေျပာေတာ့ ကြၽန္ေတာ္ လွိုက္ခနဲဝမ္းသာရသည္........
ကြၽန္ေတာ္လိုခ်င္တာ ဒါေလးပါပဲ......ကြၽန္ေတာ္တို႔ေၾကာင့္ အဓိပၸါယ္ရွိတဲ့ ေပ်ာ္႐ႊင္မႈ ေႏြးေထြးမႈေတြကိုပဲ လူအမ်ားကို ပိုင္ဆိုင္ရရွိေစခ်င္တာပါ.......
အထူးသျဖင့္ ေႏြးေထြးမႈေတြ လိုအပ္ေနတဲ့ သူေတြအတြက္ေပါ့........
ကြၽန္ေတာ္လည္း ကြၽန္ေတာ္ေမးသမွ် စိတ္ရွည္ရွည္နဲ႕ ေျဖၾကားေပးတဲ့ ဆရာဆရာမေတြကို ေက်းဇူးတင္စကားဆိုရင္း ေက်ာင္းတည္ေထာင္သူနဲ႕ စကားေျပာဖို႔လုပ္ရၿပီ...........
ေဆြးေႏြးပြဲလိုေလး ခဏလုပ္ေပးခ်င္ေၾကာင္းေျပာေတာ့ အလႉရွင္ေတြရဲ႕ လစဥ္လႉဒါန္းေငြေတြနဲ႕ ေဆာက္လုပ္ထားတဲ့ ခန္းမႀကီးတစ္ခုရွိေၾကာင္းေျပာသည္......
သုံးေလးလကို တစ္ခါ နယ္ပယ္အသီးသီမွာ ေအာင္ျမင္ေက်ာ္ၾကားေနတဲ့ ပညာရွင္ေတြ ၊ စာေရးဆရာႀကီး/ဆရာမႀကီးေတြကို ဖိတ္ၾကားေပးရင္း ေဟာေျပာပြဲေတြ ေဆြးေႏြးပြဲေတြေတာ့ လုပ္ေပးျဖစ္တယ္တဲ့ေလ.......
ကေလးေတြအကုန္လုံးနဲ႕ ဆရာဆရာမေတြကို အလႉပစၥည္းေလးေဝၿပီးရင္ ခန္းမထဲမွာ သြားေစာင့္ခိုင္းေပးဖို႔ေျပာေတာ့ တည္ေထာင္သူက သူစီစဥ္ေပးမည္ျဖစ္ေၾကာင္းေျပာတာနဲ႕ ေက်းဇူးတင္ေၾကာင္းေျပာကာ ဟိုအရွက္သည္းေနတဲ့ ေကာ္ဖီတုံးႀကီးကို လိုက္ရွာဖို႔ရာ လုပ္ရၿပီ.........
🖤🏰 ဟိုေကာင္ကေလးေခၚတဲ့ေနာက္ကို လိုက္ၾကည့္ေတာ့မွ သူေျပာတဲ့ယုန္မကေလးကလည္း ျဖဴျဖဴလုံးလုံးေလးနဲ႕ ခ်စ္ဖို႔အေတာ္ေကာင္းသည္.......
ဆံပင္ကိုလည္း ၾကက္ေတာင္၂ဖက္ခြဲစီးထားေတာ့ ေျပးလႊားရင္ ေလထဲ ဆံပင္ကေလးေတြက တလႈပ္လႈပ္နဲ႕ ယုန္နား႐ြက္ရွည္ေတြလိုပဲ........တကယ္ၾကည့္ရင္း ၾကည့္ရင္းနဲ႕ ယုန္နဲ႕ပင္ေတာ္ေတာ္တူလာသည္.......
ဒီေကာင္ကေလးကေတာ့ ကိုယ္နဲ႕အသားအေရတင္မဟုတ္ဘူး..... နာမ္စားေပးတတ္တာပါ လာတူေနျပန္ၿပီလို႔ေတြးမိေတာ့ သေဘာက်ရေသးတယ္......
"ဟဲ့ယုန္မ....."
"ေအာင္မာ ဘာလဲ အသားမဲ....ငါ့ကို ယုန္မ ယုန္မ ဆိုၿပီး မေခၚနဲ႕လို႔ ေျပာထားတယ္ေလ......"
🖤 : အဲ ရန္မျဖစ္ၾကနဲ႕ေလ ကေလးတို႔ရ.......
"ဟာ ဦးဦး....ဟို ဦးဦးနဲ႕အကၤ်ီဆင္တူပဲ....ဦးဦးကို ဟိုမွာ ယုန္နဲ႕တူနဲ႕ ကိုႀကီးေခ်ာေခ်ာတစ္ေယာက္က လိုက္ရွာေနတယ္.......သူ႕လိုအကၤ်ီပုံစံ အနက္ေရာင္ဝတ္ထားတဲ့ ကိုႀကီးကို ေတြ႕မိေသးလားဆိုၿပီး ေမးေနတာ......."
"ဟဲ့ နင္ နင့္ေတာင္ယုန္မေခၚတာမႀကိဳက္ရင္သူမ်ားကို အဲ့လိုမေခၚရဘူးေလ.....ဆရာမက ဒီေလာက္သင္ေပးထားတာကို နင္မမွတ္ထားဘူးလား....."
"နင္က ငါနဲ႕ရန္ၾကည့္လိုက္ျဖစ္ခ်င္ေနတာေလ..... ငါနာမည္မသိလို႔ေပါ့.....နင္ေရာသိလို႔လား......."
🖤 : ေအးပါကြာ ေတာ္ၿပီ ေတာ္ၿပီ.....ဦးဦးကေျပာျပမယ္ေနာ္......
ဦးဦးနာမည္က Perthလို႔ေခၚတယ္....သားနဲ႕သမီး ေခၚေနတဲ့ အကိုႀကီးေခ်ာေခ်ာေလး နာမည္က Saintတဲ့.....
ဒီမွာ ဦးဦးျပမယ္....သမီးယူလာတဲ့ ဒီဆြဲႀကိဳးေလးရဲ႕အိတ္ခြံေလးထဲက ကတ္ကေလးမွာလည္း Perth Saintဆိုၿပီးပါတယ္..... ဒီမွာေတြ႕လား.... "PerthSaint Foundation" ဆိုတဲ့စာေလး.......
"ဟာ ဖုန္းနံပါတ္ေလးေရာပါတယ္ေပါ့ ကိုႀကီး..... သားတို႔ ဆက္လို႔ရလား....."
🖤 : ရပါ့ကြာ....အားတဲ့အခါ ဆက္ၾကေနာ္...
"ဟုတ္ အကိုႀကီး....."
"ေအာ္ ဟုတ္ကဲ့ရွင့္....သမီးမွတ္ထားပါ့မယ္ဦးဦး.... အာ့ဆို သမီးျပန္ေျပာမယ္ေနာ္ ဦးဦး Perthကို အကိုႀကီးSaint လိုက္ရွာေနတယ္.....
ဘုရားသခင္!!! တကယ္ကြၽန္ေတာ့္ ႐ုပ္ေတာ္ေတာ္ရင့္ေနလားလို႔ကို ေအာ္ေမးခ်င္ေတာ့တာပါပဲ....... အသက္ကေလး ၃ႏွစ္ကြာတာကို ႏွစ္၃၀ေလာက္ကြာေနသလိုပဲ ဒီကေလးေတြေျပာေပါက္နဲ႕ေတာ့.......
🖤 : အမေလး ခ်စ္ဖို႔ေကာင္းလိုက္တာကြာ... ဦးဦး သြားေတြ႕လိုက္ပါ့မယ္ဗ်....ဆြဲႀကိဳးေလး ဦးဦးဆြဲေပးရမလား သမီး.....
"ရွင္ ဟုတ္ဦးဦး....သမီးကို ေက်းဇူးျပဳၿပီး ဆြဲေပးပါေနာ္....."
🖤 : လိမၼာလိုက္တာကြာ.....
"ဟဲ့ နင္ဘယ္ကသြားယူတာလဲ အဲ့ဒီဟာကို...."
"ဟိုအေဆာင္သစ္ႀကီး နားမယ္ေလ... အကိုႀကီးေတြအမႀကီးေတြ ေဝေပးေနတာ....."
🖤 : ၾကည့္ပါဦး.... သမီးက လွသြားၿပီ.... ႀကိဳက္လား သမီး.....
"ဟုတ္ ႀကိဳက္တယ္ ဦးဦး...."
🖤 : ဟုတ္ပါၿပီ....အဲ့ဒါဦးဦးတို႔ ကိုယ္တိုင္လုပ္ေပးထားတာေနာ္.....
"ဟုတ္လား ဦးဦး....ဦးဦးတို႔ကေတာ္လိုက္တာ..... ေက်းဇူးတင္ပါတယ္ရွင့္.... သမီးႀကိဳက္တယ္..... ခ်စ္စရာေလး...ဒီအထဲက ဘာေလးလဲဟင္ ဦးဦး......"
"နင္ကလည္း တအားစပ္စုတယ္.....ငါ့ကိုေဝတဲ့ေနရာ လိုက္ျပပါဦးဆိုေနမွပဲ......ဟိုမယ္ က်န္တဲ့လူေတြရေနၿပီ ငါပဲမရေသးတာ....."
"ေသေတာ့မွာပဲ နင္က ဇြတ္ေတြ.....လိုက္ခဲ့ေပးမယ္....ဦးဦး သမီးေနာက္မွစပ္စုေတာ့မယ္....သူ႕ကို အရင္လိုက္ပို႔လိုက္ဦးမယ္ေနာ္... တာ့တာ...."
"အကိုႀကီး ၿပီးရင္ သားနဲ႕ေတြ႕မယ္ေနာ္....ခု ဆြဲႀကိဳးေလးသြားယူမလို႔.....bye bye အကိုႀကီး...."
🖤 : ဟား ဟား ေအးေအး ဟုတ္ပါၿပီကြာ.... မေျပးၾကနဲ႕ဦး လဲဦးမယ္.... ဦးဦးတို႔က ၿပီးရင္ သားတို႔သိခ်င္တာေလးေတြကို ရွင္းျပေပးမယ္ေနာ္....
ဟုတ္တစ္လုံး သံၿပိဳင္ထြက္ၾကရင္း အလႉပစၥည္းေဝတဲ့ဆီကို အေျပးထြက္သြားၾကတဲ့ ကေလး၂ေယာက္ကိုေငးၾကည့္ရင္း ကိုယ္ငယ္ငယ္တုန္းက အခ်ိန္ေတြကိုေတာင္ သတိရရသည္........
အဲ့၂ေကာင္ကိုစကားမ်ားေနတာကို ၾကည့္ရင္း Ellaမနဲ႕ ကိုယ့္ကိုကိုယ္ကို ျပန္ျမင္ေနရသလိုပါပဲဗ်ာ..... အၿမဲတမ္း ခုခ်ိန္ထိ ငယ္ငယ္တုန္းကလို သတ္ေနရတယ္......
❤ : အမေလး ၿပဳံးေနလိုက္တာမ်ား.... ဘယ္အရပ္ေဒသကို ၾကည့္ၿပီး အၿပဳံးေတြ ရက္ရက္ေရာေရာ လႉဒါန္းေနတာလဲ.........
အသံစာစာေလးနဲ႕ ႐ုတ္တရက္ နားနားကပ္ေျပာခံလိုက္ရေတာ့ လန့္ကိုသြားရသည္......
🖤 : အမေလး လန့္လိုက္တာကေလးရာ......
❤ : အမေလးေလး..... ခင္ဗ်ားႀကီး လြန္လြန္းေနၿပီ....အရွက္အသည္းလြန္ရင္း အသည္းပါငယ္သြားတယ္ေပါ့......
နိုက္တင္ေဂးငွက္ေလးလို အသံေလးက သိပ္ခ်ိဳတယ္ဆို ခင္ဗ်ားႀကီးပဲေျပာခဲ့တာေလ......
သူ႕အသံကို လန့္တယ္ေျပာလိုက္မိလို႔ ႏႈတ္ခမ္းတေထာ္ေထာ္နဲ႕ ရန္ေတြလုပ္ေနတဲ့ အသည္းအသက္ႀကီးဗ်ာ........စိတ္ရွိလက္ရွိသာဆိုရင္ အူယားလြန္းလို႔ အဲ့ႏႈတ္ခမ္းဖူးကို ဆြဲကိုက္ပစ္လိုက္တယ္......
🖤 : ႐ုတ္တရက္မို႔လို႔ပါ ငယ္ရာ.....ကေလးေလးတစ္ေယာက္ ကို႔ကိုလာေျပာတယ္ ကို႔ကိုလိုက္ရွာေနတာဆို......
❤ : ဟုတ္တယ္ ဟုတ္တယ္.....သား၂ေကာင္နဲ႕ကြၽန္ေတာ့္ကို ထားခဲ့ပစ္ၿပီး ခင္ဗ်ားကေတာ့ ေက်ာင္းဝင္းထဲမွာ သြားအၿဖဲသားနဲ႕ ေစ့စပ္လက္စြပ္ ဝတ္ထားတဲ့ လက္ကို ေဘာင္းဘီအိတ္ကပ္ထဲထည့္ၿပီး လူပ်ိဳလွည့္ေနတယ္လား......
ပတၱျမားလုံးတို႔ အျမင္အာ႐ုံ စူးရွခ်က္ကေတာ့ ကြၽန္ေတာ့္ အမူအရာကအစ လွမ္းscanဖတ္ၿပီးကို အူတိုေတာ့တာပါပဲ........သိပ္ခ်စ္လိုက္ရတာဗ်ာ.....
🖤 : အဟားး ဟားးး အမေလး ကေလးရာ ေပါက္ကရေတြ ေျပာေနၿပီ.....ကိုေဘာင္းဘီအိတ္ကပ္ထဲကို လက္ထည့္တာက အက်င့္ျဖစ္ေနလို႔ပါကြ........ထုတ္လိုက္ၿပီ မထည့္ေတာ့ဘူးေနာ္......
ေျပာရင္း သူ႕လက္တစ္ဖက္နဲ႕ ကြၽန္ေတာ့္ခါးကို အားႀကီးနဲ႕လွမ္းဆြဲဖက္ထားၿပီး သူ႕အနားကိုတိုးကပ္ထားေတာ့ ၂ေယာက္သား ပူးကပ္ေနရင္း မုန့္ႀကိဳးလိမ္လို ျဖစ္ေနရၿပီ.......
❤ : သြား ခုမွမဖက္နဲ႕......
🖤 : မရပါဘူး ဖက္မွာပဲ..... လာခုဘယ္သြားမွာလဲ.....အလႉပစၥည္းသြားေဝရမယ္....သား၂ေကာင္ေရာ......
❤ : သူတို႔အဖိုးေတြနားမယ္.....
🖤 : ဆူပုတ္ပုတ္ေလးကြာ~~အသည္းယားလာၿပီ...ဘယ္သူ႕ကို စိတ္ဆိုးေနတာလဲ.....
❤ : အျမင္ကိုကတ္တယ္.....ကြၽန္ေတာ့္နားမေနဘဲ ဘယ္ေစတနာ့ဝန္ထမ္းကို သြားအၿဖဲသားနဲ႕ လိုက္ငမ္းေနတာလဲေျပာ!!အင့္~~အင့္~~~တအားပဲ......
ေျပာရင္း ရင္ဘတ္ကို လက္သီးဆုပ္ေလးေတြနဲ႕ထုေတာ့မွ သေဘာတက်ရယ္ရင္း အူတိုယုန္စိတ္တိုေလးကို ေျဖရွင္းျပရျပန္ၿပီ........
🖤 : ငမ္းစရာလားကြာ......ကို႔မ်က္လုံးထဲမွာ ကေလးတစ္ေယာက္ပဲ ျမင္တာေလလို႔......ကေလးေမြးေန႕တုန္းက ကို႔ကို က်ားနဲ႕တူတယ္လို႔ ေျပာတဲ့ ေကာင္ကေလးကို မွတ္မိလား......
❤ : အင္း မွတ္မိတယ္....သူကဘာျဖစ္လို႔လဲ....
🖤 : ကို႔ကို လာႏႈတ္ဆက္ေနတာေလ.....သူနဲ႕စကားေျပာရင္း သူေခၚတဲ့ေနာက္ ခဏလိုက္ေပးေနတာ.....ကေလးလာေတာ့ သူ႕သူငယ္ခ်င္းနဲ႕ ဆုေတာင္းျပည့္ ဖန္လုံးေလး အေျပးသြားယူၾကတာေၾကာင့္ ကေလးက မေတြ႕လိုက္တာ.....
❤ : ေအာ္....အာ့ဆို ကေလးေတြနဲ႕ ေနေနတာေပါ့.....
🖤 : အင္း....
❤ : ဟြန့္ ၿပီးေရာ......ေက်ာင္းကကေလးမဟုတ္တဲ့လူေတြကို အၿပဳံးေတြ လႉဒါန္းလို႔ကေတာ့ေနာ္.....ေဟာ့ဒီမွာ ျမင္သလား......
လက္သီးေလးေထာင္ျပရင္း ႀကိမ္းေနတဲ့ အေကာင္ေပါက္ကို အသည္းယားလိုက္တာဗ်ာ.......အဲ့လိုအူတိုတာေလးကိုလည္း ကြၽန္ေတာ့္မွာ သိပ္ခ်စ္ရတာပါပဲ.....
🖤 : ဟားဟားဟား ျမင္ပါတယ္ဗ်ာ....ထိုးပါနဲ႕.... ကေလးလက္သီးက မထင္ရဘူး တကယ္ျပင္းတယ္.......
❤ : ဟိုေကာင္🦇🕸ေတြနဲ႔က အျမဲလိုလို boxing ထိုးေနရတာကို.......
🖤 : ဟား ဟား ဟုတ္သားပဲကြာ......ကိုေမ့တာ.... ကို႔ကေလးက ဘက္စုံေတာ္ကေလးပဲ......
စကားတေျပာေျပာနဲ႕ အလႉပစၥည္းေဝတဲ့ေနရာေရာက္ေတာ့မွ သားဖတေတြ အလႉပစၥည္းေဝရင္း သား၂ေကာင္ေၾကာင့္ အူတက္ရေသးသည္......
"ဦးဦးတို႔ ေခြးေလးနဲ႕ ေၾကာင္ေလး နာမည္က ဘာလဲဟင္....."
❤ : ေခြးေလးက Robinတဲ့.....ေၾကာင္ေလးက Milo.....ခ်ီၾကည့္ခ်င္လားသားသား....
"ဟင့္အင္း သားသားေခြးေတာ့ မကိုင္ရဲဘူး ေၾကာက္တယ္...."
🖤 : လိမၼာတယ္သားသားရဲ႕ သူကမကိုက္ဘူး......သြားကိုပါမလာတာ.......
❤ : ဘာႀကီးးးးး??
အမွန္ကေတာ့အလႉပစၥည္းေဝရင္း ဒီအသည္းႏုနယ္လွတဲ့ ကေလးက အလႉပစၥည္းလာယူတဲ့ ကေလးေတြကိုၾကည့္ၿပီး မ်က္ရည္ေတြလည္ေနေတာ့ သူ႕ကိုအာ႐ုံေျပာင္းေအာင္လုပ္ေပးလိုက္တာပါ........
အာ႐ုံေျပာင္းေပးတာေအာင္ျမင္သြားခ်က္ကေတာ့ လိုက္အရိုက္ခံရတာပါပဲ.......ကြၽန္ေတာ္တို႔ကေရွ႕ကေျပး သား၂ေကာင္က ေနာက္ကေန အသံစုံထြက္ရင္း တဝုန္းဝုန္းလိုက္ၾကနဲ႕ ေက်ာင္းဝင္းထဲကို သားဖ၄ေယာက္ တင္မို႔လို႔ပဲ.......
သံစုံတီးဝိုင္းႀကီးကိုျဖစ္လို႔.......ဒီထဲေနာက္ကေန အလႉပစၥည္းယူၿပီးတဲ့ ကေလးတသိုက္ကပါ ပတ္ေျပးလိုက္ေတာ့ မီးရထားတြဲႀကီးလိုက ျဖစ္ရေသးတယ္......
တကယ္ Robinကို သူ႕သားသမီးလိုထိ ခ်စ္တာမ်ား ကြၽန္ေတာ္ကို လက္ဖ်ားခါပါတယ္ တကယ္........Robinကိုကလည္း သိပ္လိမၼာတဲ့ေကာင္ေလးဆိုေတာ့ အခ်စ္ခံေလးျဖစ္ေနတာ ထင္ပါရဲ႕ဗ်ာ.......
🖤 : ဟားးးးး ဟားးးး ဟားးးးးး စတာ စတာကေလးရ.........ကေလးေတြေရာ ပါေနၿပီ.... လဲျပဳကုန္မယ္.......
❤ : ဟင္း....သြား အနားကိုမလာခဲ့နဲ႕ ေမာတယ္.... ကြၽန္ေတာ့္သားကို အေမႊးမရွိဘူးေျပာလို႔ေျပာ သြားမရွိဘူးေျပာလို႔ေျပာနဲ႕......ျပန္ေရာက္မွ ခင္ဗ်ား ဖိနပ္ေတြကို အကုန္ကိုက္ပစ္ခိုင္းဦးမယ္.......
Miloကို တကယ္သြားေတြက်ိဳးေအာင္ အခ်ိဳေတြလိမ့္ေကြၽးပစ္မယ္ ေနႏွင့္ဦး ဒင္းႀကီး......
🖤 : ဟားဟားဟား စတာပါဆိုကြာ..... ေဟာ.... ဟိုမယ္ အိုင္စကရင္လာပီ.......
Ice-cream လာၿပီဆိုတာနဲ႕ မ်က္လုံးေလးက အေရာင္တလက္လက္ျဖစ္သြားတာမ်ား တကယ့္ကို ကေလးႀကီးပါဗ်ာ.......
❤ : အဲ့ထဲက တစ္စီးကို ကြၽန္ေတာ္ေနရာဦးထားမယ္....အဲ့ Truckတစ္စီးလုံးထဲ ပါသေလာက္ အကုန္ တစ္ေယာက္ထဲထိုင္စားပစ္မယ္......ဟင္း.....
ႏွာေခါင္းေလးတစ္ခ်က္ရႈံ႕ရင္း ႏႈတ္ခမ္းေလးဆူကာ ေျခေဆာင့္ၿပီး လႈပ္တုတ္လႈပ္တုတ္နဲ႕ ထြက္သြားတဲ့ ယုန္ျဖဴလုံးကိုၾကည့္ရင္း အသည္းယားလြန္းလို႔ ကိုယ့္လက္ကို ျပန္ကိုက္ေနရတဲ့ အထိဗ်ာ........
ကေတာ့ေလးနဲ႕ စေတာ္ဘယ္ရီ ေရခဲမုန့္တစ္ခုကိုကိုင္ရင္း ကြၽန္ေတာ့္ေဘးျပန္လာထိုင္တုန္း ေဘးနားမလွမ္းမကမ္းမွာ ရပ္ထားတဲ့ ကားေပၚက အသံတစ္ခ်ိဳ႕ကို ၂ေယာက္စလုံး နားစြင့္ထားမိလိုက္သည္.......
"ဟဲ့!!!အေစာက ဒီထဲေနတဲ့ ကေလးတစ္ေယာက္က ငါ့ကို ဝင္တိုက္သြားတာ ျပန္ေရာက္ရင္ အခုငါဝတ္ထားတဲ့ ဒီအဝတ္အစားေတြကို ျပန္မျမင္ခ်င္ဘူး လြင့္ပစ္လိုက္!!ၾကားလား!!! မီးျဖစ္ျဖစ္ရွို႔ရင္ရွို႔လိုက္ဟာ!!ကိစၥျပတ္ေအာင္!!! က်က္သေရကိုတုန္းတယ္!!!!"
"ဟဲ့ နင္ငါ့သမီးေျပာေနတာကို ၾကားသလား!!!...."
"ဟုတ္...ဟုတ္ကဲ့ ၾကားပါတယ္ရွင့္ ေမေမႀကီး...."
"အူတူတူနဲ႕ စိတ္ေတြလည္းညစ္ပါတယ္...... ငါ့သမီးက ညည္းထက္ငယ္တာမွန္ေပမယ့္ ငါ့သမီးကို ရိုရိုေသေသဆက္ဆံၾကားသလား......ကိုယ့္ကို စကားေျပာေနရင္ ျပန္ေျဖရတယ္......"
"ဟင့္...ဟုတ္ကဲ့ပါ ေမေမႀကီး.....မမေလးကို ရိုရိုေသေသဆက္ဆံပါ့မယ္...."
"ေျပာမေနပါနဲ႕ မာမီရယ္......မ်က္ရည္ကၾကေနၿပီ..... ခါတိုင္းလိုပဲ ဂိုေထာင္ရွင္းခိုင္းၿပီး Daddyမသိေအာင္ ၂ရက္ေလာက္အငတ္ထားလိုက္ေပါ့......"
"သူလည္းက ဒီထဲကဟာေတြနဲ႕ အတူတူပဲ..... မိဘမရွိေတာ့လို႔ အလုပ္ကေလး ေပးထားတာကို ေက်းဇူးကမတင္ဘူး..... မေလာက္ေလးမေလာက္စားနဲ႕ ပညာေလးမေတာက္တစ္ေခါက္တက္တာကို မာန္တက္ေနတယ္..... တစ္ခါတစ္ခါ ျပန္ကခံေျပာခ်င္ေသးတယ္.....နင္တို႔လိုလူေတြကို ငါတို႔မယ္ အံ့ၾသရပါတယ္....."
"ခုလည္း နင့္ကို ငါတို႔ကားေပၚ ေခၚလာခ်င္လြန္းလို႔ထင္မေနနဲ႕..... Daddyက ေခၚသြားခိုင္းလို႔.....ျပန္ေရာက္တာနဲ႕ နင္နဲ႕အတူတူစီးထားတဲ့ ဒီကားကို ေရာင္းပစ္ခိုင္းမွာ...... အတူတူစီးရတာေတာင္ သနတယ္....
Daddyကလည္း ပိုက္ဆံေလးလႉရတာကို အတြင္းေရးမႉးကို ခိုင္းလိုက္ရင္ရေနရက္နဲ႕မာမီရာ..... ဒီက်က္သေရမရွိတဲ့ ေနရာကို က်က္သေရမရွိတဲ့လူနဲ႕ ကိုယ္တိုင္လာခိုင္းေနတယ္........"
❤🏰ၾကားေနရတဲ့ စကားေတြက ဘယ္လိုမွကို အဆင္မေျပ..... လက္ထဲကိုင္ထားတဲ့ ေရခဲမုန့္ေတာင္ ၾကာၾကာမေအးခဲနိုင္ေတာ့ဘဲ ရင္ထဲက ပူေလာင္မူေတြနဲ႕အတူ အရည္ေပ်ာ္က်ေနတာ ေအာက္ခံေဝဖာကေတာ့ပဲ က်န္ေတာ့တဲ့အထိ......
🖤 : ငယ္....
❤ : မိဘေတြ ေသဆုံးတာ သူတို႔မွာ အျပစ္မရွိဘူးေလဗ်ာ!!!!လူေတြျဖစ္ၿပီး လုပ္ရပ္ေတြ အေျပာအဆိုေတြက လူသားမဆန္လိုက္ၾကတာ!!!!ေတာက္!!!!!
စူးရွစြာေအာ္ရင္း အမွိုက္ပုံးထဲကို ေရခဲမုန့္ပစ္ထည့္ကာ အေစာက ကားတည္ရွိရာကို အလွ်င္အျမန္ ထထြက္သြားေတာ့ ကြၽန္ေတာ္လည္း သူ႕ေနာက္ကေန အျမန္လိုက္ရၿပီ.......
❤ : ဒီမွာဗ်!!!! ခင္ဗ်ားတို႔ေတြကို ကြၽန္ေတာ္မသိဘူး...... ဒါေပမယ့္ ခင္ဗ်ားတို႔ကို လူကေမြးထားတာမလား!!!!
"ေအာင္မေလး.....ႀကီးႀကီးက်ယ္က်ယ္နဲ႕ မင္းဘာစကားေျပာလိုက္တာလဲ...... ႐ုပ္ရည္ေလးကေကာင္းရဲ႕နဲ႕ ႐ူးမ်ား႐ူးေနတာလား......."
❤ : ႐ူးေနတာက ခင္ဗ်ားတို႔!!!!ဘယ့္နယ့္ဗ်ာ ေဘးလူတစ္ေယာက္အေနနဲ႕ေတာင္ ခင္ဗ်ားတို႔ေျပာေနတာေတြကို မခံစားနိုင္ဘူး!!!!လူေတြျဖစ္ရက္နဲ႕ လူသားမဆန္နိုင္ၾကတာကို အံ့ၾသတာပဲ!!!!
"မာမီရယ္ေျပာမေနပါနဲ႕ေတာ့..... ဟိုမယ္ ေနာက္ကလိုက္လာတဲ့ လူနဲ႕ကဝတ္ထားတာ အကၤ်ီကဆင္တူေတြ......သမီး အဲ့ေလာက္ေျပာရင္ မာမီသိလိုက္ေတာ့.... အဲ့လိုလူေတြနဲ႕ စကားကို ၿပိဳင္မေျပာခ်င္ဘူး....."
"ကုသိုလ္ကံမေကာင္းပုံမ်ား ဒီဘဝေတာင္ ဒီလိုျဖစ္ေနတာကို ခုလိုေတြလာေျပာေနနိုင္ေသးတယ္ ေကာင္ကေလးရယ္......ဖယ္ဖယ္ ငါတို႔ကားနားကေန...."
အေစာက အေျပာခံေနရတဲ့ ကေလးမေလးကို တစ္ခ်က္ လွမ္းၾကည့္ေတာ့ ကြၽန္ေတာ့္ကို အားနာျခင္း ၊ ေက်းဇူးတင္ျခင္း၊ မတတ္နိုင္ျခင္း ခံစားခ်က္မ်ားစြာနဲ႕လွမ္းၾကည့္ရင္း ေခါင္းငုံ႕ၿပီး မ်က္ရည္ေတြက်လိဳ႕........
❤ : ခင္ဗ်ားတို႔ေတြ ဒီပုံစံေတြနဲ႕ ရွင္ေနရရင္ ဘယ္ေလာက္ျပည့္စုံၿပီး ခ်မ္းသာေနပါေစ တစ္သက္လုံး အဓိပၸါယ္ရွိမလာဘူး စိတ္ခ်......
"နင္ကမ်ား ရာရာစစ!!!!! အေျခာက္က အေျခာက္ေနရာ မေနဘူး!!!!"
🖤🏰ကားထဲကေန လက္တစ္ဖက္ေျမာက္ထြက္လာရင္း ကြၽန္ေတာ့္ကေလးကို ႐ြယ္ေနတဲ့ တာေၾကာင့္ ထိန္းခ်ဳပ္မႈအစုံက ျပတ္ထြက္သြားရင္း ကားနားကို ဘယ္လိုအေျပးေရာက္သြားလိုက္မွန္းကိုမသိ.......
ေအာက္ကို လႊဲခ်လိဳက္တဲ့ လက္ကို လွမ္းဖမ္းၿပီး ေလထဲကိုင္ျမႇောက္ကာ အားနဲ႕ဆုပ္ကိုင္ထားလိုက္ရင္း........
🖤 : ငါရွိေနသေ႐ြ႕ သူ႕ကို ခုလိုကိုယ္ထိလက္ေရာက္ ထိခိုက္ဖို႔လို႔ မေျပာနဲ႕..... မင္းအရိပ္ေတာင္ သူ႕အေပၚ မက်ေစရဘူး ရွင္းလား!!!!!!!!
ျပတ္သားစြာ ထြက္က်လာတဲ့ အသံေနာက္မွာ မွိတ္ခ်ထားတဲ့ မ်က္လုံးေတြကို အျမန္ဖြင့္ၾကည့္လိုက္ေတာ့ ကိုကိုက ကြၽန္ေတာ့္အနားေရာက္ေနသည္.......
အေစာက ကြၽန္ေတာ့္ကို ရိုက္ဖို႔႐ြယ္တဲ့ အမ်ိဳးသမီးရဲ႕ လက္ကလည္း ကို႔ကိုလက္ထဲမွာ ေရာက္ရွိေနရၿပီး ေျမျပင္ေပၚမွာ ထင္ေနတဲ့ အရိပ္ေတြကို ငုံ႕ၾကည့္လိုက္ေတာ့ ကြၽန္ေတာ့္အေပၚမွာ ကိုကို႔အရိပ္ကသာ လႊမ္းၿခဳံေန သည္...........
"မိုက္ရိုင္းလိုက္တဲ့ဟာေတြ....လႊတ္စမ္း ငါ့လက္ကို......"
🖤 : ျပန္ေတာင္းပန္!!!!!
"စိတ္ပ်က္စရာပဲ..... ငါကဘာလို႔ေတာင္းပန္ရမွာလဲ.....အေျခာက္ေတြရဲ႕!!!!!!အ!!!!"
"ဟဲ့ နင္ ငါ့သမီးလက္ကို လႊတ္စမ္း!!!! အရဲတင္းလိုက္တဲ့ဟာေတြ!!!! ငါတို႔ဘယ္သူလဲဘယ္ေလာက္ခ်မ္းသာလဲေတာင္ မသိဘဲနဲ႕ ဘယ္လိုေၾကာင့္ မဆီမဆိုင္ ငါတို႔ကို အသားလြတ္ လာေစာ္ကားေနၾကတာလဲ!!!!"
အစကေတာ့ ကားမွန္ကအမဲေတြမို႔ ေသခ်ာမျမင္ရတာရယ္ ထိပ္တိုက္ရွင္းေနရတဲ့ အမ်ိဳးသမီး၂ေယာက္ကိုပဲ အာ႐ုံစိုက္ေနမိေတာ့ ကားအတြင္းထဲမွာကပ္ထားတဲ့ လုပ္ငန္းနာမည္ကို မျမင္ရ.......
အျပန္အလွန္စကားမ်ားေနရင္းမွ လုပ္ငန္းနာမည္ကို တစ္ခ်က္ေတြ႕လိုက္ရေတာ့ ကိုယ္ပါဝင္ကူညီအားျဖည့္ေပးေနရတဲ့ လုပ္ငန္းက......တစ္နည္းအားျဖင့္ ကိုယ္ ပါဝင္ေပးထားတယ္ဆိုတဲ့ Powerအရွိန္နဲ႕ စီးပြားေရးေစ်းကြက္ထဲမွာ နာမည္ရခါစပဲရွိေနတဲ့မိသားစုက ျဖစ္ေနမွန္းရိပ္မိလိုက္ရသည္.........
🖤 : ခင္ဗ်ားတို႔ ဘယ္သူလဲဆိုတာ သိစရာမလိုဘူး!!!ကြၽန္ေတာ္တို႔ ဘယ္သူလဲဆိုတာေတာ့ ခင္ဗ်ားတို႔ သိေစရမယ္!!!!
လက္ကိုေလေပၚဆက္ျမႇောက္ထားကာ လုံးဝလႊတ္မေပးဘဲ ဆုပ္ကိုင္ထားရင္း ေသြးေၾကာေတြကို အသားကုန္ဖိထားေတာ့ ေသြးမေလွ်ာက္တဲ့အရွိန္နဲ႕ အဲ့ဒီအမ်ိဳးသမီး လက္ကေအးစက္မႈကို ကြၽန္ေတာ္အတိုင္းသား ခံစားေနရေပမယ့္လည္း ခုခ်ိန္မွာ နည္းနည္းမွ လႊတ္ေပးလိုက္ခ်င္စိတ္မရွိ.......
ေဘာင္းဘီအိတ္ကပ္ထဲက ဖုန္းကိုထုတ္ရင္း......
🖤 : Hello....Mr.Own ခင္ဗ်ားCompanyနဲ႕ လက္တြဲေပးထားတဲ့ လုပ္ငန္းကိစၥေတြအကုန္လုံး ကြၽန္ေတာ္ အခုပဲဖ်က္သိမ္းလိုက္ၿပီ....ေရွ႕ေလွ်ာက္ ကြၽန္ေတာ့္Companyအေနနဲ႕ ခင္ဗ်ားလုပ္ငန္းေတြမွာ ဆက္လက္ပါဝင္ေပးဖို႔ အစီစဥ္လုံးဝမရွိေတာ့ဘူးဆိုတာကို လွမ္းအသိေပးတာပါ........
ဘာအေၾကာင္းေၾကာင့္လဲ ဟုတ္လား....အင္း အေၾကာင္းအရင္းကေတာ့ အခ်က္ ၂ခ်က္ရွိတယ္ဗ်....
ပထမတစ္ခ်က္ကေတာ့ ခင္ဗ်ားခိုင္းထားတဲ့ အလႉအတန္းမွာ ခင္ဗ်ားမိသားစုက ကုသိုလ္ယူရမယ့္အစား ငရဲထိုင္ယူေနၾကတဲ့ လူမဆန္တဲ့ လူသားေတြျဖစ္ေနတယ္ဆိုတာကို သိလိုက္ရလို႔ပဲ.......
ဒုတိယတစ္ခ်က္ အဲ့ဒီ လူသားမဆန္တဲ့ခင္ဗ်ားအမ်ိဳးသမီးနဲ႕ သမီးျဖစ္သူက ကြၽန္ေတာ္နဲ႕ကြၽန္ေတာ့္လက္တြဲေဖာ္ရဲ႕ သိကၡာကို သူတို႔စိတ္နဲ႕ႏွိုင္းၿပီး လြန္လြန္ၾကဴးၾကဴး ပုတ္ခတ္ေစာ္ကားလိုက္လို႔......
အဲ့လို အက်င့္စာရိတၱဆိုးေတြ ဆက္ႏြယ္ေနတဲ့ေနရာမွာ ကြၽန္ေတာ္ ဘယ္နည္းနဲ႕မွ ဆက္လက္ၿပီး မပါဝင္ေပးခ်င္ဘူး....
ဒါဆိုရင္ ကြၽန္ေတာ့္အေျဖက ခင္ဗ်ားအတြက္ လုံေလာက္မယ္ထင္ပါတယ္....
ခင္ဗ်ားရဲ႕ ဆပ္စရာက်န္ေသးတဲ့ အေႂကြးေတြကို လာသိမ္းယူဖို႔ကေတာ့ ညေနက်ရင္ ဌာနခ်ဳပ္ကေနတစ္ဆင့္ ကြၽန္ေတာ္ လူလြတ္ခိုင္းလိုက္ပါ့မယ္..... Have a nice day Mr.own......
တီ!
"နင္!!!နင္!!!နင္က ဘာမို႔လို႔လဲ...."
🖤 : မၾကာခင္ ခင္ဗ်ားအမ်ိဳးသား ဆက္သြယ္လာပါလိမ့္မယ္.........
ဆုပ္ကိုင္ထားတဲ့ လက္ကိုေတာ့ ေျဗာင္းခနဲ လႊတ္ခ်ေပးလိုက္ကာ ေဘာင္းဘီအိတ္ကပ္ထဲက ေဖာင္တိန္ကိုထုတ္ရင္း ေဖာင္တိန္တစ္ဖက္က ဓါးအသြားရွိတဲ့ဘက္ကို အဖုံးလွည့္ျဖဳတ္ကာ အေစာက ဆုပ္ကိုင္ထားမိတဲ့ ကိုယ့္လက္ဖဝါးအလယ္တည့္တည့္ကို ခပ္နက္နက္ လွီးခ်ပစ္လိုက္သည္.......
❤ : ကိုကိုးးးး~~~
ေဘးနားက တုန္ရီေနတဲ့ အသံကေလးကို ခဏမ်က္ကြယ္ျပဳရင္း ကားေပၚက အမ်ိဳးသမီး၂ေယာက္ရဲ႕ မ်က္ႏွာကိုပဲ စူးစူးရဲရဲၾကည့္ကာ လက္ဖဝါးကေန စိမ့္ထြက္က်လာတဲ့ ေသြးေတြကို လက္နဲ႕ပြတ္လိုက္ေတာ့ လက္ဖဝါးတစ္ခုလုံးမွာ ေသြးေတြက ရဲရဲနီလို႔......
🖤 : ကိုယ့္စိတ္သန့္ေအာင္လို႔ ကိုယ့္ေသြးနဲ႕ကိုယ္ ခင္ဗ်ားတို႔ေရွ႕မွာ ေသခ်ာျပန္ေဆးျပတာ...... ခင္ဗ်ားတို႔လို လူသားမဆန္တဲ့လူေတြနဲ႕ ထိေတြ႕ခဲ့ရတာကို ႐ြံလို႔!!!!!
႐ုတ္တရက္ သူလုပ္ခ်လိဳက္တဲ့ လုပ္ရပ္မွာ ကြၽန္ေတာ္ ေသြးပ်က္သြားရေပမယ့္ သူ႕ႏႈတ္ဖ်ားကေန ထြက္က်လာတဲ့ စကားလုံးေတြမွာ ကြၽန္ေတာ္ ကိုကို႔ရဲ႕ တုံ႕ျပန္ေခ်ပမႈကို သိပ္သေဘာက်ရသည္.....
ဒီလိုမ်ိဳး ကြၽန္ေတာ့္တန္ဖိုးကို အျမင့္ဆုံးမွာထားရင္း ခ်စ္ျပတတ္တဲ့လူသားကို ပိုင္ဆိုင္ခြင့္ရထားလို႔ ကြၽန္ေတာ့္မွာ ေက်နပ္ျခင္းအတိၿပီးရၿပီး ခုခံစားေနရတာကို ဘယ္လိုျပန္ေျပာျပရမွန္းေတာင္ မသိေတာ့တဲ့အထိပါပဲ.........
🖤 : လူတစ္ေယာက္ကို ေျပာခ်င္ရင္ ကိုယ္ဖက္ကလည္း ၿပီးျပည့္စုံေအာင္ မွန္မွန္ကန္ကန္နဲ႕ အရင္ေနထိုင္ရတယ္ဗ်!!!!!
ေျပာေနတုန္း သူ႕သမီးျဖစ္သူဆီ ဖုန္းဝင္လာေတာ့မွ ခဏၿငိမ္ေပးလိုက္ရင္း ဖုန္းစပီကာဖြင့္ထားတာေၾကာင့္ တစ္ဖက္ကလူရဲ႕အသံက ကားတစ္စီးလုံးထဲမွာ က်ယ္ေလာင္စြာ ထြက္ေပၚေန သည္.....
"Hello Daddy...."
"နင္တို႔သားအမိ ဘာေတြေလွ်ာက္လုပ္ေနတာလဲ!!!!!Mr.Perth ခုေလးတင္ဖုန္းဆက္လာတယ္..... အကုန္ေခြးျဖစ္ကုန္ၿပီ!!!!!! မွီတဲ့ေလယာဥ္နဲ႕ ခုခ်က္ခ်င္း bkkကို ျပန္ခဲ့!!!!!"
အေဖျဖစ္သူက ဖုန္းခ်သြားေတာ့မွ.....
"ေမေမ Mr.Perth တဲ့....."
"Tananpon Gpက.... စီးပြားေရးေလာကဘုရင္(King of the business field) လို႔ နာမည္ႀကီးတဲ့ Mr.Perth Tanaponလား....
"ဒါဆိုရင္ ဒီဘက္က Suppapong Gpက Saint Suppapongေပါ့ မာမီ......သမီးတို႔ ခ်မ္းသာတာ သူတို႔ေျခဖ်ားေတာင္မမွီေသးဘူးေလ မာမီရဲ႕......"
🖤 : အေျခာက္ဆိုၿပီး ႏွာေခါင္းရႈံ႕မဲ့အစား လူတစ္ေယာက္လို႔ပဲ ျမင္ၾကည့္ပါ......လူတိုင္းမွာ သူ႕တန္ဖိုးနဲ႕သူရွိတယ္.......
လူမွန္ရင္ လူတစ္ေယာက္ရဲ႕ ဘဝအဓိပၸါယ္ဆိုတာ ရွိရတယ္ဗ်.....ေမြးကတည္းကေန ခုအသက္အ႐ြယ္ထိ ကိုယ့္ဘဝက တကယ္အဓိပၸါယ္ရွိေနရဲ႕လား?
ေန႕တဓူဝ ကိုယ္လုပ္ေနတဲ့လုပ္ရပ္ေတြကေရာ အဓိပၸါယ္ရွိေနရဲ႕လား?ဆိုၿပီး ဘယ္နခါ ဆန္းစစ္ၾကည့္ဖူးလဲ......
အတၱေတြေနာက္ တေကာက္ေကာက္လိုက္ရင္း ကိုယ္ရရွိထားတဲ့ ဘဝေတြက အဓိပၸါယ္မဲ့မွန္းမသိမဲ့ၿပီး လမ္းေတြေပ်ာက္ေနၾကတာ......
စစ္မွန္တဲ့ ဘဝအဓိပၸါယ္ရွိမႈဆိုတာ ကိုယ့္ဖာသာတည္ေဆာက္ယူရတာမ်ိဳးဗ်......ကိုယ့္လိုအင္ဆႏၵျပည့္ဝရတာခ်င္းအတူတူ အတၱကင္းၿပီး အမ်ားေကာင္းဖို႔အတြက္ေရွးရႈတဲ့ လိုအင္ဆႏၵမ်ိဳးေတြနဲ႕ ဖြဲ႕စည္းထားနိုင္တဲ့ ဘဝေတြကမွ တကယ့္ Meaningful life ျဖစ္တာ......
ကိုယ့္လုပ္လိုက္တဲ့ လုပ္ရပ္ကို ကိုယ့္ဖာသာ ခြင့္လႊတ္နိုင္ေအာင္ ႀကိဳးစားၾကည့္ေပါ့ဗ်ာ.......ခြင့္ျပဳပါဦး.....
"ဟို.....ဟို....."
🖤 : သြားၾကရေအာင္ငယ္~~~
အားနဲ႕မာန္နဲ႕ ေျပာေနတဲ့ ကြၽန္ေတာ္ခ်စ္ျမတ္နိုးရတဲ့လူသားကို ေငးၾကည့္ရင္း ေလာကႀကီးရဲ႕ အရာအားလုံးကိုေမ့ရတဲ့အထိ........သူသာအနားရွိရင္ ကြၽန္ေတာ္ ဘယ္လိုေလာကဓံမဆို ခံနိုင္ပါတယ္.........
"ညီမ...ညီမ ေတာင္းပန္ပါတယ္P'..... P'Saintကိုလည္း ေတာင္းပန္ပါတယ္..... Daddy အလုပ္အတြက္ ျပန္စဥ္းစားေပးလို႔ မရဘူးလား....."
🖤 : အဟက္.....ေထြးၿပီးသားတံေတြးကို ျပန္ၿမိဳခ်င္လို႔ရလား.......
❤ : ဆုံးရႈံးသြားရတဲ့ စီးပြားေရးမိတ္ဖက္ေတြကို ျပန္ေခၚယူလို႔ မရေတာ့သလိုပဲ........ ေတာင္းပန္လိုက္႐ုံနဲ႕ အရာရာတိုင္း အေကာင္းပကတိ ျပန္မျဖစ္သြားဘူး.......
ဆုံးရႈံးလိုက္တဲ့အရာေတြကေန သင္ခန္းစာကိုယူတတ္ေအာင္ယူပါ.....လူအခ်င္းခ်င္းကို လူတစ္ေယာက္လိုပဲ ျမင္ၿပီး လူတစ္ေယာက္လိုပဲ ဆက္ဆံေပးပါ......
အခ်စ္တစ္ခုကို Genderခြဲျခားဆက္ဆံရင္း ႏွိမ့္က်တဲ့ အေတြးအေခၚေတြနဲ႕ ဥာဏ္မမွီေနမယ့္အစား ကိုယ့္စိတ္အမဲေတြကိုအရင္ သန့္စင္ေအာင္လုပ္ၾကပါ.....
ကမာၻေပၚမွာ ေမြးဖြားလာၿပီး အဓိပၸါယ္ရွိရွိနဲ႕ ရွင္သန္သြားလို႔ပဲေျပာခ်င္တယ္.......ကြၽန္ေတာ္ေျပာခ်င္တာ ကုန္ၿပီ.....သြားခြင့္ျပဳပါဦး......ကိုကို~ ကေလးတို႔ သြားၾကရေအာင္...
ေအာ္ခဏေလး ကိုကို.....
ကားတံခါးတစ္ဖက္ဆီကို အျမန္သြားလိုက္ရင္း မွန္ခ်ခိဳင္းကာ အေစာက ကေလးမေလးရဲ႕ လက္ထဲကို အလႉပစၥည္းေလးျဖစ္တဲ့ Dandelion ဆြဲႀကိဳးေလးတစ္ခုထည့္ေပးရင္း.....
❤ : ညီမေလး....ဒါအကိုတို႔ ကိုယ္တိုင္လုပ္ထားတာ......ဆုေတာင္းျပည့္ဖန္လုံးေလးေပါ့.....ဒီက ကေလးေတြကို လာလႉေပးတာ ေမွ်ာ္လင့္ခ်က္ေတြ ရွင္သန္ေအာင္လို႔ေလ.....
ဒီမွာ အကိုတို႔ Foundation နာမည္ေလးနဲ႕ ဖုန္းနံပါတ္ပါတယ္... လိုအပ္တာရွိရင္ အခ်ိန္မေ႐ြးဆက္သြယ္လို႔ ရတယ္ေနာ္.....
"ဟုတ္ကဲ့ ေက်းဇူးတင္ပါတယ္ အကိုတို႔....."
အဲ့ဒီကေလးမေလးကို ႏႈတ္ဆက္ၿပီးေတာ့မွပဲ ကိုကို႔လက္ကို အသာခ်ိတ္ရင္း ေမေမတို႔ဆီျပန္ခဲ့လိုက္သည္.......
ေမေမတို႔ဆီျပန္ေရာက္ေတာ့ ကိုကို႔လက္က ဒဏ္ရာကိုျမင္ျမင္ခ်င္း အကုန္ျပာယာခတ္သြားၿပီး ေဆးေသတၱာယူရင္း ေဆးထည့္ေပးေနၾကေပမယ့္ ကိုကိုကေတာ့ ကြၽန္ေတာ့္ကိုၾကည့္ရင္း ၿပဳံးလို႔........
စကားလုံးေတြထက္သာလြန္ျပည့္စုံတဲ့ အခ်စ္ေတြကို အၾကည့္ေတြကေနတဆင့္ အျပန္အလွန္ေဖာ္ျပရင္း တစ္ဦးေပၚတစ္ဦး ထားရွိတဲ့ ခ်စ္ျမတ္နိုးစိတ္ေတြက တရိပ္ရိပ္တိုးကာ အခ်စ္ေမတၱာရနံ႕ေတြက ေက်ာင္းဝင္းတစ္ခုလုံးထဲ Dandelionေလးေတြနဲ႕ အၿပိဳင္ ေမႊးထုံသင္းပ်ံ့ေနသလိုပင္.........
ေဆးထည့္ၿပီးေတာ့မွပဲ ေမေမတို႔ ေမးျမန္သမွ် ျပန္ေျဖရေတာ့သည္...... ျဖစ္ပ်က္လာခဲ့သမွ်ကို အက်ဥ္းခ်ဳံ႕ေျပာျပေတာ့ ေမေမက စိုးရိမ္ရိပ္သမ္းေပမယ့္ ေဖေဖတို႔ကေတာ့ ပီတိၿပဳံးေတြနဲ႕ ကြၽန္ေတာ္တို႔ကို ၾကည့္လို႔........
ခဏၾကာေတာ့မွ ေက်ာင္းတည္ေထာင္သူက အလႉပစၥည္းေလးေတြလည္း ကေလးေတြအကုန္ ရသေလာက္ျဖစ္ေနၿပီမို႔ ခန္းမက်ယ္ထဲ ကို ကေလးေတြသြင္းထားေပးေၾကာင္းနဲ႕ ေဆြးေႏြးပြဲစနိုင္ၿပီျဖစ္ေၾကာင္းလာေျပာေတာ့မွ ကိုကို႔လက္ကိုတြဲရင္း ေမေမတို႔နဲ႕အတူ ခန္းမဆီ ထြက္ခဲ့လိုက္ၾကသည္.......
❤ : စိတ္မထိန္းနိုင္လို႔.....ကေလး....ဆရာဆရာမေတြေျပာတာေတြ ၾကားၿပီးကတည္းက သူတို႔ကေလးေတြကို သနားလို႔ျဖစ္သြားတာ.... သူတို႔ေတြ Suicideဆိုတဲ့ အရာေတာင္ လုပ္ဖို႔ ႀကံၾကတယ္တဲ့ ကိုကိုရယ္~~~~
🖤 : အင္း....ကိုကိုနားလည္တယ္..... အင္း.... ကိုကို ဟိုးအရင္လာလႉကတည္းက ကိုၾကားေနခဲ့ရတာ.......
❤ : အာ့ေၾကာင့္ ကေလး ခုေဆြးေႏြးပြဲေလး လုပ္ေပးဖို႔ အေစာက ေက်ာင္းတည္ေထာင္တဲ့ အန္ကယ္နဲ႕ ေျပာျဖစ္တာ......
သူတို႔ေလးေတြ ထင္ေနတဲ့ သူတို႔ ဘဝမွာ လက္ခံထားတဲ့ Impossible ဆိုတဲ့အရာေတြကို Unbelievable ဆိုၿပီး ျဖစ္သြားေအာင္ ကေလးက ေျပာင္းေပးမွာ........
ေႏြးေထြးမႈ ေမတၱာေတြ အျပည့္ပါတဲ့ ယုံၾကည္ေမွ်ာ္လင့္ျခင္း အလင္းမ်ိဳးေတြ သူတို႔အတြက္ ရွိေနေသးတယ္ဆိုတာကိုသိရင္ အဲ့ဒီSuicide ဆိုတဲ့ အေမွာင္ကမာၻထဲကို သူတို႔လြယ္လြယ္နဲ႕ တိုးဝင္မွာမဟုတ္ဘူး........
Everythings is possibleပါ ကိုကို......
ေမတၱာေတြ ေမွ်ာ္လင့္လို႔ရေနေသးတဲ့ ကမာၻမွာ အရာရာအားလုံး ျဖစ္နိုင္တယ္လို႔ ကေလးယုံတယ္......
ၾကည့္စမ္းပါဦးဗ်ာ.....တကယ္ကို ေကာင္းကင္ဘုံက ေစလႊတ္ျခင္းခံရထားတဲ့ နတ္သားကေလးပါပဲ......
စိတ္ထားကေလး ျဖဴစင္ မြန္ျမတ္သန့္စင္ပုံမ်ား ကေလးငယ္ေတြရဲ႕ ဘဝမွာ မျဖစ္နိုင္ဘူးလို႔ ထင္ေနတဲ့အရာေတြကို သူတို႔ကိုယ္တိုင္ အံ့ၾသသင့္ရေလာက္တဲ့အထိ ယုံနိုင္စရာမရွိတဲ့ ခံစားမႈေတြအျဖစ္ သူကေျပာင္းေပးမယ္တဲ့ေလ......
တကယ္ကို ကြၽန္ေတာ့္ရဲ႕ ပန္ဒိုရာေသတၱာထဲက ေနာက္ဆုံးက်န္ေနခဲ့တဲ့ ေမွ်ာ္လင့္ျခင္း အလွတရားေလးက ဒီကေလးငယ္ေလးပါပဲ.........
မနက္ျဖန္ဆိုတဲ့ ကြၽန္ေတာ့္ ေမွ်ာ္လင့္ျခင္းတရားမွာ သူနဲ႕ပဲစၿပီး သူနဲ႕ပဲဆုံးရပါတယ္.......
🖤 : You are the beauty hope out of My Pandora box bae~~~
လို႔ေျပာေတာ့ ကေလးငယ္က သြားတန္းေဖြးေလးေတြ ေပၚေအာင္ၿပဳံးရင္း ပန္းႏုေရာင္ပါးေဖာင္းကေလး ေဖာင္းတက္ေနတဲ့အထိ သေဘာေတြက်လိဳ႕......
အခုကေလးေတြအတြက္ ျပဳလုပ္ေပးမယ့္ ေဆြးေႏြးပြဲမွာလည္း အဲ့ဒီ ပန္ဒိုရာေသတၱာအေၾကာင္းေလးကို အေျခခံၿပီး သူေျပာျပေပးဖို႔ေတြးထားတာတဲ့ေလ........
ထပ္တူက်ေနတဲ့ ကြၽန္ေတာ္တို႔ စိတ္ခ်င္းဆက္ႏြယ္မႈေတြကိုလည္း ကြၽန္ေတာ့္မွာ တျမတ္တနိုး တန္ဖိုးထားရေသးသည္........
သက္ရွိနတ္သားေလးနဲ႕အတူ Dandelionပန္းေလးေတြၾကားထဲ ေမွ်ာ္လင့္ျခင္းေတြ ပ်ိဳးေပးခြင့္ ရတဲ့သူျဖစ္ခဲ့ရတဲ့ တစ္ခဏက ဒီကမာၻေလာကႀကီးမွာ အဓိပၸါယ္အရွိဆုံးေသာ လူျဖစ္ခြင့္ရသလိုပါပဲဗ်ာ.............☕❤
#Starry
#Classiclove