🖤🏰 မိုးသောက်ချိန်ရောက်တာနဲ့ နေရောင်ခြည်ပြပြက ခန်းစီးလိုက်ကာအဖြူကို စတင်ထိုးဖောက်ဝင်ရောက် နေသည်....... မြေသင်းရနံ့သဲ့သဲ့နဲ့အတူ မေမေ့အခန်းဝရန်တာမှာ စိုက်ထားတဲ့ ရေမွှေးနှင်းဆီရနံ့သဲ့သဲ့က လေအဝှေ့မှာ အနံ့ခံအာရုံတစ်ခုလုံးကို အပိုင်သိမ်းထားလို့.........
ညကလည်း မိုးအေးနေတော့ အဲကွန်းမဖွင့်တော့ဘဲ ပြတင်းပေါက်တစ်ပေါက်လောက်ပဲ ဖွင့်ထားရင်း သဘာဝကပေးတဲ့ အအေးဓါတ်လေးနဲ့ အိပ်စက်ဖြစ်လိုက်တာပါ........
မျက်လုံးပေါ် ဖြာကျနေတဲ့နေရောင်ကို လက်နဲ့တစ်ချက် ကာထားလိုက်ရင်း မျက်လုံးတွေကို အားပြုဖွင့်ကြည့်လိုက်တော့ အမြဲရင်ဘတ်ပေါ် လာမှောက်အိပ်နေကြ အကောင်ပေါက်လေးက ဖက်မထားမိလိုက်တဲ့ တစ်ခဏအတွင်း နေရာပြောင်းရွေ့သွားရပြီ.........
ဘေးနားကခေါင်းအုံးပေါ်မှာလည်းမရှိ ကိုယ့်လက်မောင်းပေါ်လည်း မအိပ်ဘဲ မွေ့ယာအလယ်မှာ ဝမ်းယားမှောက်ရက်နဲ့ အိပ်နေသတဲ့ဗျာ......ဇာတ်တွေဘာညာနာကုန်မှဖြင့် ဒီကလေးကတော့....... ၂ယောက်အတူ အိပ်လာတဲ့ ကာလတစ်လျှောက် ဖက်မအိပ်မိလိုက်ရင် ကုတင်အောက်မရောက်ယုံတမယ် အဲ့လို တတိတိချင်း တစ်နာရီကို ၃လက်မနှုန်းနဲ့ အောက်ကိုလျှောလျှောဆင်းသွားလွန်းလို့ တရေးနှိုးတစ်ခါ ထထကြည့်ပြီး အပေါ်ပြန်ပြန်ဆွဲတင်ရတာ အမောပါပဲ.......
ခုလည်း ညကကျွန်တော်လည်းသူနဲ့အတူ အလုပ်ပန်းထားရတော့ ညဘက်တစ်ခါ တရေးကိုပြန်မနှိုးလိုက်ရဘူးလေ.....အဲ့ဒါကြောင့် ဒီကလေး ကိုယ့်ရင်ခွင်ထဲကနေ ဘယ်အချိန်ကတည်းက ခုန်ထွက်သွားလည်းကိုမသိလိုက်..........
ကျွန်တော် ဒါတွေကြောင့် သားပိုက်ကောင်အမေကြီးဖြစ်ချင်တယ်ပြောတာပေါ့ဗျာ........ အိတ်ကပ်ထဲသာ ထည့်ထားလို့ရရင် ခုလိုမျိုး လျှောထွက်သွားမယ်မထင်ဘူးလေ...... မျက်နှာလေးကလည်း ဟိုဘက်လှည့်ထားတော့ ကောင်းကောင်း မမြင်ရ...... အခုများဆို နှိုးနှိုးချင်း သူမျက်နှာလေးကို မြင်ချင်မိတာက ကိုယ့်နံနက်ခင်းရဲ့ အရေးအကြီးဆုံး လုပ်ငန်းဆောင်တာတစ်ရပ်ကို ဖြစ်လို့.......
YOU ARE READING
Classic Love 🖤 ❤
Fanfictionစိုက်ခင်းတွေ ပန်းပေါင်းစုံခင်းတွေနဲ့ သဘာဝပတ်ဝန်းကျင်တွေကြားထဲ ယိမ်းနွဲ့ပြီး ကြည်နူးပျော်ရွှင်မှု၊ကြေကွဲဝမ်းနည်းမှု၊လွမ်းဆွတ်တမ်းတမှု စတဲ့ ရသစုံ ခံစားမှုတွေ ပေးကြမယ့် စီးပွားရေး လုပ်ငန်းပိုင်ရှင် ကောင်လေး၂ယောက်အကြောင်း............ See ya gu...
