#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 15 -
الصاير بيك حقك لمن تكول
الصارن بيه ماينحسبن هواي
انه من البيت اطلع شايل هموم
وارد شايل هموم شلونك بهاي
لا جنحاني عانني وطرت فوك
ولا رجليه عانني ع ممشاي
وايدي اليسرى كصرت بعد متلوح
واكصر منها جا شتلوح يمناي
كلش مالي واهس والخلك خيط
وصارت زرف ابره بعيني دنياي
حزني شلونه حزني اشكال والوان
شنو نوع الفرح تعذرني من هاي🖤
(بارت هدية لعيونكم ❤️كتبتة مستعجل عذروني اذا مجان بالمستوى المطلوب... احبكم)
.. ابتسم وتقدم ناحيتي وصل ليمي
دنگ لمستواي بسرعة غمضت عيوني
حسيت بشفايفة تلامس گصتي
وهو يطبع بوسة رقيقة...رخت اعصابي
و قشعريرة سرت بكل جسمي نبضات
گلبي تستارعت،، سمعت صوتة
تخلل لأسماعي من گال :- عاشت ايدچ... بيضتي وجهي والله!
رفعت راسي بسرعة وابتسمت
بوجهه ابتهج گلبي بكلماتة القليلة
ونسيت كل التعب التعبتة...
الحمد لله تعبي مراح هباءا منثورا
مد ايدة لشعري لزمة خصلة منة
وقرب وجهه منها وشمها حيل
واني اني گلبي رااح باوعتلة
بنعس وذهول رفع راسة علية
باوعلي بنظرات ما عرفت شنو مغزاها
تلاقت عيونة ولا اني الگدرت ابعد
عيوني ولا هو الشال نظراتة مني...
فجأة وبحركة سريعة سحبني
من ايدي حيل ارتطمت بصدرة العريض
طوقني من خصري بأيد والأيد
الثانية ورة شعري الأحساس
الحسيتة غريب بحيث گلبي ما أگدر
أسيطر ع انتضام دگاتة،، قرب وجهه
من وجهي انفاسة حارة ويتنفس سريع
ذبلت عيوني وغمضت
انفاسة صارت تلفح بوجهي
حبست انفاسي وكتمتهن احس رجليني
بادت وماعادت تحملني وقشعريرة سرت
بكل جسمي فتحت عيوني ببطئ جان
حاضني من خصري حيل وشادني الة...
ويباوعلي بنطرات ما افهم معناها
قرب وجهه مني گصتة ع گصتي
وخشمة ع خشمي اتقرب يبوسني
مثل الصحيت ع وضعي ودفعتة بسرعة
وگعدت ع الطابورية التقط انفاسي المخطوفة
گلبي يدگ سريع والرجفة متفارقني
هو فرك وجهه وخلة وطلع ملابس من
الكنتور وطلع بلا اي كلمة
من طلع بقينا اني وگلبي
منتهين گمت بسرعة طفيت الضوا
ورحت تمددت ولسة الرجفة بية من قربة !!
تذكرت شلون چان قريب بحيث
انفاسة تطخ بانفاسي وأشتميت
عطرة الغازل حواسي تنفست بعمق وبداخلي،
ما ادري احساسي شنو،، مشاعري متضاربة
اول مرة اجرب هالمشاعر...!!
مرات الإنسان هلگد ميتعب
يشتهي النوم وميگدر يناام
هيج اني هسا ميتة تعب ونعس
بس مداگدر انام الموقف يتكرر
ابالي مثل الشريط بالدقيقة الف مرة.
والافكار تتلاطم براسي...!!
شوية ودخل للغرفة جنت متمددة
ع ظهري بس شفتة تذكرت الموقف
هو دخل وطفى الضوا... تمدد
وگام يتصفح بموبايلة،، لشوية عافة
ونام الغريب ما حجة ولا كلمة
واني كلما اباوعلة اتذكر الصار
صارت بية حالة كلما اندارلة اتذكر الصار
بزعت روحي والنوم جافاني
ولج يا روحي ناامي ولج ما بقى
وكت يا ربي فدواتك وراية گعدة
من الصبح وماكو عيني متاخذ النوم
ليگول خالة ملح بعيوني ونومتي طارت،،
باوعت عليه نايم والموبايل يمة
سحبت الموبايل هماتين ما اعرف للرمز
أحس راح أبچي ما حسيت بروحي
غير ادق أصبعي بكتفة أگعدة
هو بسرعة فز من مكانة الظاهر
نومة خفيف گال :- ها بوية بيچ شي..
باوعتلة بعيون مدمعة ومديتلة الموبايل
اخذة من ايدي وباوعلة ورد باوعلي بأستغراب
ونعس عاد رفرفت برموشي وگتلة بخجل :- اااااريد اتصفح ببيـه......
هو بسرعة فتحة ونطانيا اخذتة منة
وهو دار وجهه ونام بقيت اتصفح
ومنصيتة حتى مينزعج لحدما وگع الفون
من ايدي ونمت،،
گعدت الصبح باوعت يمي شفتة
نايم بعدة تذكرت خطوبة دارين اليوم
فدنوب راحت من بالي البارحة.... گمت
بسرعة رحت غسلت ورجعت للغرفة
بقيت أحوس بالكنتور وادور ع شي
مناسب البسة للخطوبة واني مطفية
ما نمت الا ساعات قليلة وهماتين هسا
انخبصت ضليت ادور واحوس لحدما.
لگيت فستان حلو ومرتب گلت هذا احسن
شي البسة...
انداريت واشوفة گاعد وصاافن علية
بس شفتة اجة الموقف ابالي درت وجهي
و گتلة :- صباح الخير
رد :- صبااح النور بس گالها بدون نفس
أستغربت وما حچيت
هو گال :- شدتسوين
رديت بمرح :- دادور ع فستان حلو اليوم خطوبة
اختي
رفع حاجبة وگال :- اهااااا
رديت :- شوكت توديني..؟!!؟
مهران :- وين.؟
رديت :- غير لاهلي كتلك خطوبة أختي
مهران :- دتنطيني علم لو تاخذين أذني
رديت :- الاثنين طبعا
مهران :- اممممم حلو
مهران :- اذا اليوم خطوبة اختج ليش رجعتي
البارحة...
رديت بتلعثم :- اا شفت مالها داعي ضلتي هناك
گلت ارجع وبيوم الخطوبة اروح
رافع حاجبة ويباوعلي بتمعن
گال :- جهزيلي الحمام وحضري نفسج أوديچ قبل ما أروح لشغلي
رديت :- حاضر الحمام بينما تكمل اني مجهزة نفسي
هز راسة وگام بقيت بالغرفة حضرت فستاني
وملحقاتة حذاء ومدري شنو كملتهن ولبست عبايتي
الاسلامية فوگ التراكسود ولفيت شالي
طلعت جني ارملة ذابها الوكت ولاعب بيها جولة،،
هو طلع لابس دشداشة بيضة بقة ساعة
يحضر بنفسة لبس عباية وهاي اول مرة
اشوف لابس عباية والغترة ساعتة وعطرة
سبحتة هدوئة ترتيبه كمل واندار علية جنت صافنة بيه فززني من صفنتي من گال :- يلا بوية مشيناا
اخذت جنطتي ونزلت ورا ما ادري عيوني
ليش ترفض تبتعد عنه نفضت هالافكار
من راسي ومشيت ورا نزلنا ما، شفنا احد
خليت ايدي ع گلبي بارتياح اووف الحمد لله
جنت لازمة گلبي لا عمتي تشوفني وتهزئني
اكيد مراح ترضى بروحتي...
طلعنا اني وياا وصلني لبيتنا
جان الباب مفتوح دخلت والتفتلة
طفوف :- بيبااي
مهران :- بوية انتي شو ما تعرفين الأصول
بالجذب گولي تفضل !
حرت وين اودي وجهي من الفشلة
الفشلتها والله ضربني بسمار يسوة عمري
بقيت أمتمت طفوف :- اااني والله
رفع ايدة وگال يقاطعني :- انتي مو قصدچ
نزلت عيوني وگتلة :- تفضل
مهران :- لا اروح ما بقة وكت عندي فصل
بالعمارة اذا رجعت من وكت اجي اخذج ...
هزت راسي بأي ولسة مفتشلة منة
أمنية
بيوم خطوبة دارين گعدت من الصبح
نضفت البيت غسل وتشحيم گلبتة
ع البطانة وترتيب بالرغم بيتنا صغير
وهماتين تعبان بس حاولت أطلعة بأحسن
صورة للـ ٨ گعدت دارين گوة گامت وتتأفأف
بس ما حچت شي اباوعلها عيونها مغرغرة
بالدموع بس حابسة دموعها ومتنزلها،،
سويتلها أكل ما أكلت ابوية راح لشغلة
وعمتي بايتة يم بيت عمي حكيم
وحمدية خبصت الجو علينا وليش هيج
مسوين وغلط وعرايك من الصباحيات
عاد شافت محد رد عليها بقت تدردم
لحدما ملت وسكتت...
شوية وأجتي مرام وجايبة وياها
الكوشة وباقي الأغراض وجايبة
ديجي اول مدخلت شغلتة و شدت
وصلتها گامت ترگص وتهز كل قوتها
وتهوس ورگع هلاهل...
دارين بس صافنة ومتحجي حتى
ابتسامة متبتسم شوية وعاطت مراام
مرام :- يبووووووو
أمنية :- ووجعة امي شبيج
تهفي ع وجهه وتأشر ع الشباك
رحت باوعت شفت طفوف والشيخ
واگفين بالباب هي مدنگة راسها وهو
يحچي...!
مرام :- شفتي الشفتة ولج
أمنية :- شنوو
مرام :- لج هذي القنبلة الهيدروجينة
الگدامج بوويا وشبي ابوي ما يهديني
لفد شيخ صاااك مثل هذا ولج هذا
يمكن شارد من الجنة
خلت اصبعها ع راسها
بتفكير وأردفت بتأكيد :- ايي اكيد
من كل ولابد شارد من الجنة...
متت ضحك وكتلها :- خل تجي طفوف
احجي هيج گدامها خل نشوف ردة فعلها
شوية ودخلت طفوف طلعتلها مرااام
وتگلها :- يربي لج هذا الصااك كله الج
لج اني بنت عمج دخل ادخل عليج ضرة
افيدج وحق هو الله افيدج
ضربتها طفوف وگالت بشي من العصبية :- مرام انجبي وولي مني... شنو صاك شنو مو عيب
ودخلت وشمرت عبايتها راحت ع دارين تبوس
بيها وهذيج تتهامس وياها وتبتسم بقهر
راحت مرام جرت طفوف ووگفتها
يمها وشغلت أغنية وثنينهن بقن
يغنن ويرگصن طفوف لابسة تراكسود
زيتوني وشعرها قصير ومجعد
وهي ع بياض وگصيرونة هيئتها
هيئة طفلة والله اباوعلها
و اتنهد بقهر بعدها
صغيرونة خطية اخواتي البگدهن
المفروض ميعرفن الهم والقهر شنو..
مرام طفت الديجي وگامت هي تهوس
وتردح وطفوف وياها واني ع الواهس
اصفگ
مرام :- وعفية عليج ام ناصر هاي شلون دبرتيهه
ودارين حمامة بالقفص ومنين طلعتيها
طفوف :- ونصوري رايد رادتة وعايف بنات ولايتة
الف الصلاة والسلام عليك يا حبيب
الله محمد
مرام :- كلوووووش
نزعن شالاتهن وشدنهه وگامن يرگصن
مرام :- وبلمنة طگ بلمكم يهل العمارة والا ناخذ
بنتكم يهل العمارة
طفوف :- وشووون ردح العمارة هيج وهيج
مرام :- وبنت عمنا حبيبتنا ومنريد الغريبة تدوس عتبتنا
طفوف :- ومنين جابوك يمشمش كربلا
ودارين جكليت وناصر نستلة
مرام :- ويلوگ المحبس بچفك يمزيون
حلو شعرة ويتناثر فوگ المتون
طفوف :- وناصر يا تين يمحلي البساتين
ودارين يا جكليتة حامض حلو اباكيتة
مرام :- وادلل خوية ادلل المال هواية
طفوف :- اخونا خوش اخو يستاهل الهوسه
مرام تهوس وطفوف ترد عليها بهوسة
وهنا يردحن واني اصفگلهن بس
كلنا خربنا من الضحك حتى دارين
عاد وراها شغلن الديجي وبقن يحضرن
بالكوشة ويرگصن
طفوف :- أگلج شو انتي جايتنا غباشة
هو غير تجين وية اهل الولد
مرام :- لا خية اني اخت البنية
طفوف :- لو يسمعج نااصر
مرام :- هو ناصر بحاال مرام عيني
حااير بالحب وتغمز لدارين وذيج مزنبرة
انطيت الفستان لطفوف وحبيبتي فرحت بيه
صارت الساعة ب ١٢ صلينا
وصبينا الغدا اكلنا وبعدها أجتي
عمتي رحاب ورحنا اني وياها ودارين
للصالون... قبل ما اروح بقيت اوصي
بطفوف ومرام كون يحضرن كولشي
صرعتهن صرع لحدما دفرني يلا طلعت،
دارين
كل بنية تحلم بشريك حياة هي
تختارة وتحبة كل بنية راسمها بمخيلتها
فارس احلامها مثل متحب وتريد
الا أني بعمري مفكرت بالحب بالزواج
لا خالتهن ع بالي ولا ع خاطري ولا
متقربة صوب هالمواضيع بس الي
صار هي الي صارت تتقربلي...
الفرحة بداخلي ميتة وماكو شي
يحييها لا عندي لهفة ولا اي مشاعر
بس أريد هاليوم يخلص. وأرتاح
احس بنفسي عاجزة عاجزة
ما بيدي اي شي اسوي كل الديصير
ما ردتة كل الديصير رغماً عني
أفكاري كلها مشتتة ليش اني
شبيه ليش مو حالي حال البنات
ليش انجبر ع شي ما اريدة
احسه مختنگة وكل الهوا نفذ
عيوني تحرگني من كثر ما حابسة الدموع
بيها.....
أحس الوكت واگف ما يمشي
وأحس عگارب معاندة ويااي
مثل ما معاند ويااي زمااني..
رحنا للصالون اباوع لكل الموجودات
الي عرسها اليوم والي خطوبتها والي حنتها
شلون متحمسات ويناقشن نريد هيج
وسويلنا هيج واتعجب ع روحي ليش اني
مو مثلهن ليش مشاعري مدتتحرك بس ساكتة وعمتي وامنيه متكفلات
كولشي والله احس حتى الكلام يرادلة جهد
بالغ يلا أگدر انطقة شي خارج عن ارادتي
بقت تشتغلي حف ومكياج وتسريحة
من كملت گالت شوفي نفسج
انداريت ع المراية اباوع ع نفسي
باوعت لروحي ببرود شكلي تغير ١٨٠ درجة
عمتي هلهلت وأمنية حضنتني..
يعني بوكتها بقدرة قادر ما طگيتها ببچية ...!!
سؤال يراودني بكل يوم
امي؟
ابوي؟
المن جابونا ليش اذا ميردونا
ليش جابونا لحتى نتعذب ونتمرمر
كل يوم ازيد حقد عليهم وكره
كل الديصير بينا بسببهم كل خطيتنا
برگبتهم...
باوعت لروحي بالمراية
ورددت بگلبي مو دارين التكسروها
أكسركم متكسروني اهزكم ومتحركون
شعرة بية ادمركم ومتأثرون عليه
مو اني الأنقسر مو اني حقي اخذة
منكم واحد واحد كلكم ادفعكم الثمن
كلكم راح تتلقون انتقامي الكم !!
باوعت بشموخ وغمضت عيوني حيل
اخذت نفس وشديت ع نفسي وقويتها
رغم كل هذا بس غصة بروحي مدتنبلع
وآه قاسية بوسط گلبي اي صح اني قوية
من الخارج صخر ومن الداخل رمال...
خلصنا ورجعنا للبيت عمي حكيم
رجعنا اول مدخلت شفت ابوية بالباب
رمقتة بنظرة عتب ممزوجة بحقد
ودخلت لگيت طفوف ومرام محضرات
كولشي وهماتين مجهزات نفسهن
أول موصلت هلهلن ولو ما ضبطنها
هلهولة منتولة..
دخلت للغرفة طلعتلي امنية الفستان
لبستة بدون نقاش هو والحذاء والاكسسوارات
وطلعت كلها هلهلت وتصلي ع النبي
واني بس اريد هالمهزلة تخلص وأرتاح
رحت گعدت والبنات شغلن الديجي ويرگصن
بدو العالم يجون وكلها تباركلي
شوية وگالو أجوي بيت عمي
دخلو كومة نسوان وجهال ومرت عمي
وبنات عمي والهلاهل تصدح وكلها
ترگص وفرحانة من كل گلبها
واني بس، اباوع احس داخلي فارغ
لمحة فرح ما غمرتني بس اباوع بالوجوه
عاد گالو خلي يعقدلهم السيد
حتى يلبسها الذهب طبعا
ع الاساس نعقد البارحة
بليل بس ما ادري ليش اجلوها لليوم
شمرت شال ع راسي ووگفت يم باب
الاستقبال بقة الشيخ يحچي ع الزواج
وان هو نصف الدين وبي الانسان يكمل
دينة وهواية حجي بعدها سألني
بقيت ساكتة رجع سألني مرتين والثالثة
گال :- بنيتي اذا مجبورة گولي،
صفنت ونطقت :- نعم وانت وكيلي
ورجعت گعدت بسرعة كلها
جتي تبوسني وتباركلي ع العقد
كالو راح يدخل يلبسها الذهب
عاد شوية ودخل لابس قميص
اسود وبنطرون نيلي ومعبي القميص
بالبنطرون وحذاء اسود جان أنيق باوعلي وأبتسم
اجة گعد يمي بس گعد سحب راسي
وباسة وخرت بسرعة هو همس
قريب مني :- مبروك يا أميرتي
اصلا ما رديت بقو يباركولنا
ومرام وطفوف حرگن الجو حرگ
بالرگص والهلاهل واگفات گدامنا
ويردحن وجرن أمنية ورشا ومها
خوات مرام وتولن الساحة مشغلات
اغنية برافو عليك استاذي
وهاي طفوف ترگص وتأشر
وتغمز وتردد "برافو عليك استاذي انت بشر مو عادي برافو عليك استاذي انت بشر مو عادي انت تنقص الدم دم دمع وتخلي الاول تالي "
مرام وطفوف موتني بودي أگوملهن
اگطعهن يرگصن وية الحان الاغنية
ويغمزلي ويأشرن ع ناصر،،، شوية
وگالو يلا خلي يلبسها الذهب هم يلا
جابو العلبة مال ذهب
امة انطتني حلقتة ونطتة حلقتي
مدلي ايدة لبستهه الة بسرعة
حتى مدخلتها للاخير وانطيتة ايدي
سحبها الة ولبسني الحلقة
رفع ايدي لشفايفة وطبع قبلة هادئة عليها..
سحبت ايدي بسرعة ودرت وجهي
هو گام وطلع وبقو ع هالمنوال
رگص وهلاهل لحدما فضت الحفلة
واني گاعدة ع اعصابي ع ساعة
انفجر مطاايقة نفسي صدقاً
من الكل راح حتى بيت عمي
جانت دنيا العصر ع غروب
گمت للغرفة اريد ابدل لزمتني امنية
گتلها بنفاذ صبر :- بعد شكو
كالت :- بعد ناصر يريد يحجي وياج
هزيت ايدي وگلت بعصبية :- لا اشوفة
ولا يشوفني نعسانة واريد انطمر
كالت طفوف :- شنو دارين ترا من حقة
ششاف منج من دخل كلمة ما شفتة
حجة وياج هوسة وكولشي مفتهم
رديت بأغتياض :- والله مو مشكلتي هااي
گتلكم ما اطلعلة لا يجي ولا يتعب نفسة
أمنية :- تنچبين وتطلعيلة اني گتلة تعال
رديت بقهر :- اي واني ألة ياهو اليجي
يحركني ع مزاجة بلا اخذتي رأيي قبل
متگليلة يجي..!؟
أمنية.. اباوع ع اختي اعصابها مو طبيعية
وتشمر بلحچي عرفت من الضغط العليها
دتتصرف هيج وهم ما الومها شتچي حقها
عاد گلتلها :- دارين شبيج ليش كل هلعصبية
اهدي ترا ما صار شي
ردت ونبرت صوتها تحولت للبكاء بس
متبچي گالت :- محد حاس بأحد حتى
انتن خواتي ما حاسات بية وفرحانات والله
ناصر خوش ولد وما هتميتن الي ابد
رديت بصدمة :- احنا ما مهتميلج وما حاسين
بيج خلفلة عليج يجي منج اكثر لج ليل نهار
دموعي ما وگفت ودعاوي ما كفت واحس
روحي تعتصر من القهر عليجن وهسا صرت ما
اهتملج وكل همي فرحتي
طفوف :- امنية عوفيها هاي گامت تمسلت
هسا هية تهدة وحدها لا تاخذين بحچيها
ما تعرفيها ساعاتها براحاتها
أمنية :- لا ما اخذ بكلامها لان ادري شنو
البيها وما الومها بس داصحيها ع واقعها
دارين الى متى تبقين هيج تصدين بناصر
ومتردي وهو شاريج لج افتهمي هذا واقعج
ولو يجي دينج متكدرين تغيرينة بس تكدرين
تعيشينة وتحسنينة للافضل اني گتلج
وخلي كلامي ابالج ترا بعدين تتندمين گد
شعر راسج ع الدتسوينة هسا
دارين :- عود لو تندمت ما اجي اشكيلج
طفوف :- طبعا راح يجيج نعال طاير عبر
الهواء الجوي لج ثووولة افتهمي الكلام
ولتنعثلين بلحجي صار ساعة تلغي امنية
عفتي كل الحجي ركزتي ع هاي وفوگ القهر
و الضيم افتهمتيها بالمگلوب
دنحچي وسمعنا صوت هورن عرفت
ناصر اجة طلعت عليه ودخلتة للاستقبال
رجعت للغرفة وگلت لدارين :- گومي الولد ينتضر خطية
هزت ايدها وما ردت تفل بتسريحتها
رجعت حجيت :- ولج عيب امشي شوفي
شيريد جاي ومتعنيلج راح ينقص منج لو رحتي
مو صارت بوجهي فشلة اني گتلة تعال
باوعتلي بطرف عينها وما هتمت
تنهدت بخيبة ورجعت گلتلها :- ضلي بهذا
عنادج اشوف تاليها شنوو
رحت للاستقبال متروسة احراج
ما ادري شراح أگول دخلت وگتلة بضيق :- ناصر
هو بسرعه رفع نظرة عليه جانت عينة بالموبايل
أردفت بخيبة وتنهيدة :- والله مدري شكلك
بس ما تقبل تطلع وانت تعرفها شلون عليها
عناد وراس يابس صار ساعة احجي وارزل
ولا يمها معاندة. اعذرني انطيتك الاوك وتالي
عنيتك ع الخالي بلاش
ناصر :- عوفيها شعليج منها المن ترزلين بيها
صفگت ايد بأيد وگتلة بيأس :- هااي فوگاها
والله انتو تخبلون الما يتخبل
گال بابتسامة وعيونة تشع :- أميرتي وتدلل علية
باوعتلة بحزن وتنهدت خطية
مبين يحبها وادري بدارين راح
تكسر گلبة عبالة تدلل وتدلع عليه
ميدري ناويتلة نية بس الله ليدري
بيها...!!!
هو گال :- أمنية دبريها
باوعتلة بحيرة :- والله ما ادري
بقيت صافنة بتفكير شوية وگتلة :- يبن عمي
المايجينا احنا انروحلة
هو گال بضحكة :- اي والله الما يتعنالة نتعنالة
گتلة بحماس :- اصبريلي دقيقة واجيك
رحت للغرفة خاف حتى اصيح طفوف
تطلع صحتها طلعت اول مطلعت
گالت :- وين الباقين شو هدوء شعجب شعتب
رديت :- ابوية من جينا من الصالون بعد. ما شفتة.
وحمدية اكلت الكيك والشربت وراحت لغرفتها
گالت بتحسف :- اي صدگ حرامات بيها الكيك
رديت باستعجال :- هسا مو وكت هلحچي امشي
نگعد بالصالة ناصر راح يدخل يشوف دارين.
يكون الما يجينا احنا نروحلة
ردت بأستهجان :- لا لا امنية لا تسوون هيج
خلوها تتعود شوي شوي بالنهاية ما عدها
غير ترضى بقسماها ونصيبها لا تضغطون عليها
شنو تردوها حبها ولبط
هي گالت بقهر :- اي والله صحيح كلامج بس
خطية يريد يشوفها هم حرام تضيع لهفتة ع الاقل
بس اليوم..
رفعت اكتافها وگالت :- كيفكم بس لتضغطون عليها.
رديت :- يلا اروح اصيحلة
گالت :- بس انتضري الم غراضي حتى اروح
رديت بخيبة :- لا ح تروحين
هي ابتسمت بكذب وكالت :- هههه اي شنو مشبعتي مني عود اذا كدرت هم اسويلي جية قبل متروحين
رديت :- والله لو طول العمر ما اشبع منجن شعدي غيرجن
باستني وراحت لمت غراضها وطلعت بصالة
عاد خليت و رحت صحتلة هو خطية ما گال شي
گام وراحلها للغرفة بقيت گاعدة بالصالة
اني وطفوف هو دخل اندگ الباب
البرة وگامت طفوف تفتحة...!
طفوف... الباب تندك طلعت افتح
الباب وانصدمت بمجتبى گدامي
گتلة :- هلو مجتبى
گال:- هلو طفوف لبسي وتعالي
بسرعة بيبي تريدج
باوعتلة بخوف وحجيت بقلق :- صاير شي؟؟
هو گال :- لا بس استعجلي
رديت بسرعه :- بس البس عبايتي محضرة نفسي اني..
رجعت للصالة لبست شالي وعبايتي
بسرعة واخذت جنطتي وسط دهشة
امنية وسؤالها الي انداريت حضنتها
وگتلها :- ماكو شي بس مجتبى اجة
ياخذني وعيب اخلي ينتضر ديري بالج ع
روحج وع دارين فدوا بالج عليها
ولا تضغطون عليها ترا البيها مو. قليل
بوستها وطلعت وية مجتبى للبيت...!!
وصلنا اني دخلت ووسط
خوفي وحيرتي اول مدخلت
نسحبت من ايدي ونشمرت
بالگاع باوعت.. بذهول وصدمة
وشفت ...؟؟!!
يتبع....