ثلاث دمعات

البارت 36

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -36-

عريان يگول :- يلتمن علية مشتتات
البال وانفضهن نفض وانهض ولا چني.!!

يرد عليه مظفر يگول :-
أنة مو عريان وانفضهن نفض
وانهض ولا چني انة التمن عليه
مشتتات البال خذن ثلثين حيلي
وحيل رچني..!!

***********************

دارين.. فتحت عيوني وشفت نفسي بنص بيت
بقيت اباوع بعدم فهم باوعت لناصر
دارين :- اني وين
ناصر :- أبيتج
بقيت مبحلقة بعدم تصديق وعيوني تتحرك
ع كل ارجاء المكاان.. ماحسيت الا ناصر
يسحبني لحضنة ويهمس بأذني بحب
ناصر :- كل عام وانتي بخير

رفعت راسي بسرعة والشعور البگلبي مااعرف
اوصفة دگ گلبي، بقوة وغزتني احاسيس
رائعة اليوم عيد ميلادي اني ناسيتة وهو متذكرة
ما عرفت احجي ولا عرفت اعبر عن مشاعري الي تجول بداخلي غير بحضنة حضنتة حيل
وهيج إمان بحضنة هيج حنان هيج حب..

حسيت روحي نولدت من جديد ماتت دارين
القديمة وانخلقت دارين ثانية تحب وتنحب
وتعشق الحياة... بعدت من حضنة
دارين :- ناصر اني والله ما استاهل كل هذا
شلون بعد كولشي سويتة بيك شون گدرت متقسا
ناصر :- كل الدنيا اقسا عليها بس مو انتي
تعالي شوفي بيتج

دارين :- زين شون شون وشوكت بنيتة مداستوعب
ناصر :- من قبل ما اخطبج اني مبلش بية
والكل يعرف بس منعتهم يحچون ردت يكون
هديتج بعيد ميلادج وباچر نروح ويتسجل
رسمياً بأسمج
دارين :- لا ناصر بأسمي شنو خلي بأسمك انت التعبت بيه وصرفت
ناصر :- اريدة الج سند أميرتي... واني وياج واحد
ماكو فرق..!!

باوعتلة بحب وتنفسي سريع مااگدر اوصف
ناصر بكلمة ماكو كلام يليق بيه ولا يوافي
حقة لزم ايدي وفرني بالبيت يخبل وصغير
ع گدنة نص قطعة وبناء حديث...
ناصر :- بنيتة ع ذوقي والاثاث ع ذوقج انتي تأثثين بيتج بأيدج حبيبتي

دارين :- ناصر شگد جنت ضالمتك اني
ناصر :- تعالي گعدت ع الدرج وگعدني بصفة
رفع ايدي باسها وگال.. اي شي بالماضي انسي
احنا ولد اليوم وخل نعيش حياتنا... لتذكرين
الماضي اني نسيتة وانتي هم المفروض تنسينة
ولتربطين الماضي بالحاضر حتى لتعبين تفكيرج..

دارين :- ان شاء الله گلتها وميلت راسي
فرحتي كولش جبيرة گلبي مبتهج والسعادة
غامرة وجداني.. تلاگت نظراتنة ركزت بعيونة
ونطق گلبي وصاح بكل صوتة قبل مينطق
فمي ويتلجلج بالكلام... بأحلىْ شعور وبكل
صدق وبحب عميق نطقت :- أحبـك ناصر

بقة صافن بية.. ونظراتة ربكتني
اخير شي گال بتنهيدة راحة :- من شوكت انتضر
هالكلمة والحمد لله ربي كتبلي عمر وسمعتها منج
دارين :- اسم الله عليك وان شاء الله دائما راح
تسمعها وشگول بحقك قليل
ناصر :- بلع ريگة وركز بية نظراتة جانت تختلف
عن كل مرة...