# ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 4 -
أنــــا الـراضـــع قهـــــر مـــن صـــدر الأيــــام
و أنـــا اللابـــس حـــــزن مــن عمــري جرحــين
كبــــرت و صـــــار عمــــري هــــواي لچمــــات
و جبــــت كــل عمــري و مـا شفــت زيــن
أنـــا العــــــايش حيـــــاتي بطــــرگ الدمــــوع
يمرهـــــا المــــوت يمتــــى و تنشــف العـــين .؟
أنــــا الجـــــايع صبــــر و بروحـــــي أيــــــوب
و أنـــا الشــــابع طعــــن مـــن چــف السنـــين
جبتــــها ويــــه الغــــــدر كـــل يــــوم طعنــــات
بحيــــــث ويـــه النفـــــس أشتـــم سچاچــــــين🖤
أمنية...
گاعدة ع الكرسي الوحيد بالغرفة
واهز برجلي بتوتر احس كلبي
من الترقب والخوف راح يوگف...
دخلت... دارين تركض
وگفت بوجهه وحجيت بلهفة :ولججج ها بشري
باوعتلي بخيبة وگالت :شبشر لسة مااجة
لزمت راسي بقوة وصحت بنفاذ صبر : يا ﷲ
أدري لو أني دازتة يحرر فلسطين ما طول هلگد
صفكت ايد بأيد وگلت : فااهي يربي فاهي
وراح يبقى... كل عمرة فاهي..
گالت طفوف بمنتهىٰ التفاهة :فاهي لو گيمر اهاهاهاهاي
رفعت أصبعي السبابة بوجهه وكتلها بتحذير : أنتي سكتي مني ما ناقصتني تفاهتج..
ضحكت دارين وگالت :يمعودة هدي نفسچ
شوية ومراح تحسين غير براق داخل علينا
وبيدة نتيجتج
كعدت وبجيت : خايفة خايفة لا كون
ارسب اموت والله أموت
حجت دارين بمواساة : لا تگولين هيج...
أنتي تعبتي والله ميضيع تعب أحد ثقي بربج
ان شاء الله تكونين ناجحة
طفوف :يلا عاد فكيها ألمن هالبچي؟
مانحس الا براق داخل وبيده ورقة صغيرونة
ويصيح.. ناجحة !! ناجحة !!
رحت.. اركض طيارة.. وتلاگفت الورقة
من ادين براق قريت.. وبجيت بقوة وسجدت ع
الارض ابجي ... واردد
الف الحمد لله والشكر يا ألهي
حاشا واحد يطلب منك وتردة
الورقة مكتوب بيها كل درجاتي
والمجموع والمعدل ٩٦..
گمت ومسحت دموعي بكفوف أديني
أجني خواتي دارين وطفوف
حضنني حيل ويبوسن بية ويباركلي
ليشوف لهفتهن يگول هنا الناجحات مو اني
حجيت بمرارة :تمنيتجن وياي تمنيت تعيشن مثل هالفرحة
طفوف :لا تگولين هيج نجاحج يعني نجاحنا
مو زين وحدة من عدنا راح توصل...
دارين : أنتي شطورة وتستاهلين احنا مانفهم بالدراسة خليلنا گعدة البيت ولا تخربين فرحتج
خووش؟ فررحي ولج هذا حلمج وتحقق فرحي
نفتح الباب بقوة ودخلت حمدية مثل البركان
الهايج
وحجت بعصبية : ولجن ليش ممنضفات البيت
بنات الكـلببببب تردني انه اخدمجن يالمحنايات !!
بقينا وحدة مصفصفة بوجه الثانية
شلون التهينا وراح عن بالنة ننضف البيت...
شراح يخلصنا من ابوية ومرتة؟
حجيت بتوسل : خلاص حمدية والله هسا أنظف البيت كلة وألمعة ودارين وطفوف ينظفت بيت الشيخ..
حجت حمدية بزمخة :يلا ولجن احسب للعشرة مااشوف خيال وحدة گدامي وعقاباً الجن اليوم
ماكو لا ريوگ ولا غدة ضلن ع لحم ابطونجن لليل
وطلعت وركعت الباب وراهه... !
YOU ARE READING
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
