#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -14-
وباچر مظفر يمر بيـهَ بتوابيت القصايد
لو سمع حن وأنا أحن ..
وباچر من اعزف رجعتك تختنگ فيروز
وتبطل غناها وتستچن ..
باچر تردني الغنـاي الواهسي البيك أستراح
وبيك أخضر سالفة، وگاعين، وچفوف، ووطن 🖤
فزيت من عيطتة بنفس الوقت
استغربت ليش كل هالعصبية معقولة
اني حجيت شي غلط... عاد خليت..
وصعدت فوگ... والف علامة استفهام تدور
براسي ضليت انتضرة شوية ودخل
وسد الباب وراه...
اني اباوعلة بخووف وحيرة تقدم
بخطواتة السريعة جرني من ايدي
وگفني وياا طول بطول
نزل نظراتة الثاقبة وركزهن بعيوني
نزلت عيوني بسرعة... ونصيت بتوتر
بحركة سربعة منة رفع راسي بأيدة
غمضت عيوني بسرعة گال :- فتحي عيونچ
خفت حيل نبرتة جانت حادة اهتز
حنچي واني مغمضة عيوني واهز راسي
بنفي رجع گال بصرامة :- گتلج فتحي عيونچ ...
بللت شفايفي بخوف ايدة
بعدها خالها جوا حنچي و رافع راسي
فتحت عيوني بس ما باوعتلة...
گال بحدة :- عيونچ بعيوني...
وجهتلة نظرااتي الخائفة المترجية
وقابلني بنظراتة المليانة ملامة
رمشت بعيوني... واحس گلبي
ح يقفز من مكاانة... لو بس أعرف شصاير؟؟
گال بنبرة هدوء عكس نظراتة الثبث غضب
:- تكسرين... كلمتي طفوف
رفعت عيوني بعيونة بسرعة
وبلا وعي لزمت ايدة ونزلتها من حنچي
برطمت شفايفي وگتلة بتلعثم :- يااا كلمة الكسرتها
گال :- ما شاء الله انتي حتى كلامي ما خالتة
ابالج ولا مهتمة...
زهگت حيل والله صار ساعة يحچي بألغاز
ومدافهملة وهو واكف مقابيلي والجرباية
وراية وما أگدر اتحرك عاد خليت
وگتلة :-عفيه أحچي شنو
گال بسرعة :- مو گتلج لترجعين وحدچ
بقيت اباوعلة بصدمة وارفرف برموشي
اريد استوعب الصدمة يعني كل هذا لان
رجعت وحدي شنو شسويت وبعدين حتى
نسيت هو هيچ گالي والله ألتهيت...وابد مضل ابالي
باوعتلة وگتلة افرك بأصابع ايديني بتوتر وابلع ريك :- والله شسمة هذا باوعتله وسكتتت
بقة صافن بوجهي بدون اي ردة فعل
رجعت گتلة بتبرير :- ترا والله نسيت
وهنا خطوتين من بيتنا لبيتكم وراح من بالي
وبعدين اني ما أقصد
گال بسخرية وابتسم ابتسامة جانبية هازئة :- دومچ متقصدين...
رديت :- شتقصد؟
رد :- ما أقصد
ابتعد مني وگال :- اليوم يجوني ضيوف ع العشا
ما اريد نقص قيد شعرة سمعتيني
گتلة :- مااشي
التفتلي و گال :- مو تسوين المصايب وتجين
تكليلي ما أقصد...
برطمت وگلت بهمس :- صارن مصايب هسا اني شمسوية ما أدري
باوعتلة يباوع علية مضيگ عيونة.
گال :- أكو شي..
رديت باحرف مبعثرة :- لا سلامتك
عاد خلة وطلع من الغرفة ...!!
تنفست الصعداء من طلع
كلما اشوفة تنحبس انفاسي لا إرادياً
گمت بسرعة بدلت ملابسي ونزلت
وبلشت بالروتين اليومي شغل طبخ
وتنظيف عاد للظهر كملت وصبيت الغدا
ومابقااالي شي...
صعدت سبحت وصليت جانت الساعة
ب ٢:٣٠ تقريباً... وهو ماكو من الصبح
ما شفتة تذكرت العزيمة ما عرفت
شسوي هسا عاد نزلت جوا رحت لعمتي
گتلها ع العزيمة
گالت :- ادخلي للمطبخ وبيضي وجه الشيخ
ما اريد اي تقصير او خطأ
رديت :- زين همة كم نفر
كالت :- ١٢ واحد وها ترى شيوخ مو تروحين
تفشلينا سووي شغل مرتب.... السايق
راح يتسوگ سوي ٦ دجاجات وراح
يجيب ذبيحة كلها طبخيها والتمن
وفوگاا شعرية ولتنسين الخضراوت
واللبن والفواكه... يلا روحي لشغلچ
بقيت ارمش بعيوني هذا كلة
اني اسوي والله احس مراح ادبرها
يعني ذبيحة كاملة اني اطبخها
فگلت :- عمة شلون اطبخ الذبيحة
والله ما اعرف لا احرمها
ردت بصرامة :- لا يكون ترديني
اني اكوم اطبخها المن مجننة لعد
علمود جنتي تخلي رجل ع رجل واني
اخدمها...
رديت بربكة :- لا والله عمة اني ما أقصد
هيج بس قصدي شلون اطبخها يعني
ما مسويتها قبل
گالت بضجر :- طبخي اللحم وبعدها سوي
تشريب ويلا روحي لشغلج ما بقى وكت
وراسي وجعني من ورة كركرتج...
عاد اني هماتين خليت وطلعت
وحايرة بزماني لا اروح اخرب
الاول والتالي وساعتها شراح يخلصني
انتضرت السايق يجي يجيب الغراض
عاد اجة ومحمل علاليگ فتحتهن
شفت الذبيحة مقطعينها ومنضفينها
هنانة هم ونزاح عن گلبي تنفست براحة
الحمد لله جنت شايلتلها هم والباقي
كله سهل ان شاء الله.....
اول ما بلشت باللحم رجعت غسلتة
وخليته ع النار يطبخ وراها بلشت
بالدجاج غسلتة
وقطعت كل دجاجة قطعتين
وخليتهن بالجدر ع النار وبقن يتحمسن
وية البصل نوب سلگتهن بالمي الحار والبهارات
والتمن جبتلة طباخ صغير بالگاع
سويتة توشيل (بزل) ما گدرت اوشلة
وحدي شفت مجتبى وصحتة يساعدني
خطية هو مگال شي اجة وياي
شلتة وشلتة بالمصفي وبعدها رجعنا
بالجدر اشتغل واحس حيلي راح
من الصبح لسة ع وگفت الوحدة
وحرارة المطبخ دختت راسي نسطو وصعدت بي البوخة وراها بردت اللبن وطلعت الفواكه خليتهن
ب ٣ بلامة مال فواكه كبار حيلونضفت الخضرة وغسلتها ورة مطبخ اللحمطبگتة ع تشريب اشتغل بتوتر ومواثقة من الاسوييعني مو هلگد اني بالطبخ فما اعرف اذاالاكل ديضبط لو لصتها...وخصوصاً اللحم اعتقد لصتها
احنة بحياتنا ممسوين عزيمة ضخمة ببيتنا
بس من اجة براق للدنيا فممتعوده اطبخ بهيج
كميات شكرت ربي همزين أمنيه جانت توكفنا
يمها من نطبخ حتى نتعلم جان حرت وين انطي
وجهي... لا عمتي ولا جنان ولا وحدة طلعت ساعدتني تمنيتوحدة منهن تجي تعيني صدقا
تعبت حيل...
صارت ب ٦ المغرب
بدو الخطار يجوون وهو ماكو
جنت اهدر بالتمن ولازمة ظهري بوجع
وهو دخل باوعلي وگال :- ها الله يساعدچ
رديت عليه :- ويساعدك هلا
گال بأستعجال :- ليش محد وياج يساعدج
خفت احجي واتندم بعدين عاد
گتلة :- لا ما عندي شي... شوكت اندير الاكل
گال :- مو هسا بعد ابوج فد ساعة ورة الاذان
كملت الاكل الرئيسي وبلشت اسوي
بالشعرية هي اسهل شي بعدها طلعت
الصواني النصب بيهن عمتي گالت
صبي ٦ صواني بس هنا هواي كبار
الصياني غسلتهن وحضرتهن هنا والسفرة
والخواشيگ والخضرة من أذن انخبصت
خبيصة صبيت التمن وخليت فوكاا الشعرية
واللحم والدجاج وكلة وحدي
المهم كملت كل الصب بس شنو
احس دخلت بأنذار گمت ما اشوف دربي
من الخبصة واجوي مجتبى
وابن عمة بگصته يطلع ينقلون الاكل وهو
بعد ما شفته وعمتي وجنان ما وصلن ابد...!
بعدما شالو كل الاكل گعدت بالگاع
احس، ظهري نكسر متت هواية اعتنيت
بالاكل كون يعجبهم كل اهتمامي صبيتة بي
في سبيل يطلع زين... يارب
ما أكون صخمت التاريخ...وعزيته
سويت الجاي وحضرتة واحس
روحي طلعت من التعب طولو يلا
اجوي ومجتبى خبصني يلاا بسرعة.
الجاي انطيتة الة وراح بعد ما شفتة
باوعت ع الاكل زين ماكلين
شوية ارتفعت معنويااتي
دخلت عمتي وگالت :- كملتي.
رديت :- اي كملت
گالت :- خوش سويلنا عشا اني وجنان
وعافتني ورااحت
تنفست بعصبية وگمت رتبتلهن
صينية ووديتها للصالة لگيتهن
گاعدات عمتي تباوع ع مسلسل
وجنان بتلفونها... خليت الاكل
ورحت للمطبخ كملن وجنان جابت
الصينية !! وطلعت باوعت ع المطبخ
مگلوب گلب ليگول طاگة بي عبوة
بالرغم كل شوية اغسل المواعين
التتدمر بس هي هوسة بعد...
گعدت بالگاع وگمت أبچي
والله بعد ما بية... شفت هاي
السالفة ما تفيد عاد گمت
وبقيت اعزل واغسل ظهري طگ
وحيلي راح لحدما
كملت صعدت فوگ ارتاح
لان احس ظهرى أنكسر من
كثر الشغل الاشتغلتة...!!
دارين
چنت گاعدة بالغرفة يم عمتي دخلت أمنية
تركض وشمرت شال علية اني من
الصدمة لبستة بسرعة،،، بدون ما ادري
شكو خلت وطلعت بقيت اباوع بذهول
شوية ونفتح الباب وسحبتني من ايدي
گلتلها :- ياااا أمنية شبيچ؟؟
گالت :- بس امشي وانتي ساكتة اروحلج فدوا
باوعتلها بطرف عيني مستنكرة هالتصرفات
الغريبة... ومشيت وياها محد بالبيت
بس عمتي وجانت يمي بالغرفة
دخلتني بالاستقبال ودفعتني وسدت
الباب.....وهنا الصدمة من شفت
ناصر واگف گبالي باوعت بعصبية
واحس اريد انفجر مطايقة اشووف.
وجهه زهگت فدمرة وگتلة :- خير خير شرايد جاي؟
وگف وگال :- جاي أشوف مرتي
رديت بعصبية احس دمي فار من كلمتة
:- مو مرتك اني فهمت مو مرتك
گال :- هسا عوفي هاي السالفة وكليلي
المن كل هالعناد يگلبي أنتي !!
رديت بأنزعاج :- كييفييي مزاجي.
تقرب مني حيل صحت :- وخر عني
جرني من ايدي وقربني الة نفسة
صار بوجهي همس، يم أذني
:- والله واجة اليوم الي راح أروضچ بيه وأخيراً
دفعتة وگتلة :- وخر عني
گال :- واذا ما وخرت شتسوين ؟؟!
باوعتلة بنظرات نارية ماليها الغضب
وگتلة :- أشرب من دمك وأموتك
گال بهيام :- اويلي يابة باع العيون !!
صعدت البوخة براسي گمت.
اتنفس بعصبية واحاول أخلص
روحي منة... وهو ولا يمة بس
يبااوع بوجهي گتلة بنفاذ صبر
:-نااااااصر
ناصر.. يعمرة أنتي
گتلة :- وخر عني كتلك كاافي عااد
گال ببحة :- داريني
گتلة بازعة روحي :- ماتت دارين
وخلصت منك ...
بسرعة هد ايدي وخزرني :- عيديها
مرة ثانية وشوفي شسويلج
أحس أعصابي تلفت صرت
نار ومواعيه ع تصرفاتي
ضربت ع وجهي وگتلة :- لتخزر لتخزر
عود تخوفني واللااااااا ما اخاف
والله ياخذني واخلص منك....
جرني من ايدي ووگفني وياا
طول بطول خلة ايدة ورة راسي
وقربني الة گال :- لو أخذچ خلي
ياخذني ويااچ...
باوعتلة بطرف عيني وكتلة :- اي هي.. هاي
العايزة حتى هناك تلحگني...
وأردفت بعصبيه :- انت بأي حق تلزمني
اصلا منو سمحلك شو انت لا تستحي
ولا تستحرم احترم نفسك وهدني...
گال بملل :- عادي يابة غير مرتي
باوعتلة بضجر وحچيت :- عفواً أستاذ ناصر
شوكت تزوجنا واني ما أدري...
گال بغموض وحيرة :- ما ادري بس اذا تريدين هسا
نتزوج شكو بيها
هزيت ايدي وگتلة :- شنو مطولين ع هالوضعية وخر مني
أبتسم ووخر مني لزم ايدي وگعدني
وگعد يمي باوعلي بعمق وگال بنبرة
هادئة :- شبيها أميرتي اعصابها متوترة اليوم..
رديت :- ناااصر
ناصر :- هاا يـ بعدهم كلهم
گتلة بترجي :- الله يخليك أعتقني
بس أفهمني اني ما اريدك والله
لتتحسس من كلامي بس هذا الصدگ
فرك وجهه بأيدي ويهز برجلة
كل شوية يباوعلي ويرجع ينصي
بسرعة
گتلة :- مو جااي أحچي ويااك ليش مترد
گال :- بليل يجي السيد يعقدلنا
انتفضت من مكاني ووگفت ع حيلي
رجع جرني من ايدي ووگعت ع القنفة
وصارت گعدتي يمة گتلة :- عود صدگ؟
هز راسة بتأكيد لزمت راسي
احس هاهية ماكو مفر كل الابواب
نقفلت بوجهي وضاعت المفاتيح
بسراديب مغلقة ومضلمة...
باوعتلة بعيون مدمعة كل قوتي
نهزت وتبخرت گتلة واني اجر النفس
بنشلة :- يعني راح ترغمني ع شي ما اريدة
سكت ما رد
رجعت گتلة بصوت مهزوز وفكي يهتز
:- راح تتحمل العواقب التجيك؟
حرك راسة بقبول
رفع عيونة علية وتنهد بتعب
وگال :- راح أسعدچ والله ليش متنطين فرصة
الي ولنفسج...
رديت :- السعادة الي وياك هم ما اريدها
انت كلت راح اتحمل اذن استلم الراح
يجيك يبن عمي... وراح تتندم اندمك
والله وگول دارين گالتها وسووتها
وساعتها راح اذكرك بهذا كلامي
گتلك اني ما رايدتك وهاي قناعتي
گتلك لا تجبرني ع شي وانهي السالفة
من يمك وانت تكدر بألف طريقة تنهيها
ابسط شي تكول لابوية اعذرني عمي
سحبت كلامي بنت عمي ما رايدتني
وليريدني ما اريدة... بس انت التريد
شلاع الگلب اقسملك بالله العلي العظيم
راح تتندم وتتحسر وتكول ليتني انسحبت
من البداية وليت الصار ما صار...!!
عفتة وطلعت كل جسمي يرجف
ودموعي حابستها بعيوني
المشتعلات بلهيب ناري بوجهي
رحت لامنية شفتها تغسل مواعين
لزمتها من زندها وگتلها :- أمنية ليش
سويتي هيج
اندارت بسرعة وگالت :- لان جان لازم اسوي
هيج انتي مدتقتنعين كلت ماكو غير ناصر
يقنعج وحتى خطية خابر بابا استأذن منة
يحچي وياچ يلا قبل يجي...
ابتسمت باستهزاء وگلتلها :- كملي شغلج
حتى نروح
باوعتلي بصدمة وذهول وهي تنكت
ايديها من المي وحچت :- دگولي والله
گلتلها :- منو يودينا؟!
ردت بمرح :- اني وياج وعمة رحاب نروح
رديت باستغراب :- ومرت عمي؟!
ردت :- لا متجي گالت انتن شابات واختارن ع ذوقجن ما اتدخل اني وهماتين هي ملتهية
تحضر للخطوبة وتعزم الناس
كلتلها :- رايحه ابدل
گالت :- يلا اكمل البيدي واجي ابدل ونكول لعمتي ونروح...!!
أمنية
بعدما عجزنا اني وطفوف
نقنع بدارين حتى ناخذها تشتري فستان
الخطوبة وهماتين ترتب نفسها
اضطريت أستعين بنااصر
وصدگ من حجة وياها سرعان
ما انطتني موافقتها وقبولها أتعجبت
دارين ام راس اليابس شلون اقتنعت
بس اختي واعرفها هذا سكوتها
ممريحني اكو شي وراها واكيد
ناويتلها ع شي... وشي چبير بعد
وصدگ كملت المواعين وخليت ورحت
بدلت وانطيت علم لعمتي تجهز نفسها
خطية هي مگالت شي شنگلها متگول لا
امير الصبح راح لبغداد وگال بس
تكملون الخطوبة شوكت متريدون بس خابرو !!
والله احس افضالهم غرگتني وهماتين
عمتي صارلها فترة مو قليلة هاملة بيتها
وصابة كل وقتها واهتمامها النة وخطية زوجها
ميگول ولا يحچي بالعكس حيل حباب
وطول ما اني يمهم محاول يسمعني اي
كلمة....¡
بدلنا وطلعنا بتكسي ودارين بس
ساكتة احس هذا الهدوء ما قبل العاصفة
خاايفة منها حيل... وصلنا
وبقينا نفتر ندور فستان حلو لدارين
كومة شفنا موديلات حلوة وراقية
وهي شگلها تگلي ما ادري بكيفج أحس
الفرحة بداخلها مقتولة واللهفة معدومة
وكل شوية تصفن بالفرااغ وأصحيها من
صفنتها...
شبيدي عليها وشأگدر اسويلها
بس شعور مريحني بأن ناصر نعرفة
حباب وشاري اختي ورايدها بس
المشكلة بأختي الرافضة هالفكرة تماماً
من بالها...!!!
عاد اخير شي اشتريتلها فستان
لون بيجي ع ذوقي وذوق عمتي
حيل حلو وهماتين اخذنا ويا
الحذاء والإكسسوارات
شفت فستان وردي نازك مرتب
وتذكرت طفوف حيل تحب الوردي
ما گدرت افوت بلا ما اخذة اشتريتة
بالفلوس الباقية عندي...!!
وقررت انطي الها تلبسة بالخطوبة
التفتتلي دارين وگالت :- اخذتي شي لنفسج
صفصفت بوجهه صدگ نسيت
نفسي وما أخذت اي شي واني ما عندي
اي شي يليق بحفلة بس يلا ...!!
گلتلها :- ما اريد عندي
ردت :- شعندج شوف مشاايفة عندج؟!
كلتلها :- البس اي شي عادي هي خطوبة
التفتت لعمتي وگالتلها :- عمة شگد بقى
من فلوس النيشاان
ردت عمتي :- خير من الله
دفعتني دارين ع المحل الگدامنا وگالت :- اختاريلج فستان يعجبج
هزيت راسي بنفي وگلتلها :- لا دارين هذني مال نيشانج ما اخذ ربع منهن وكتلج عندي
او البس اي شي ويلا نحجزلج يم صالون مضل وقت
وگفت بباب المحل وگالت :- والله ما اتحرك منا
اذا ما تاخذين فستان ولا اسوي خطوبة
اذا ما لبستي فستان اني هماتين ما البس... ها شكلتي؟
باوعتلها بيأس من عنادها ما انطتني مجال
افكر دفعتني جوا المحل عاد
بعدما عجزت منها اختاريت فستان
نازك مرتب لون عنابي بعدها عمتي
ودتنا لمحل مكياج بصراحة لا اني ولا
دارين نعرف للمكياج ولا خاليين قبل
بقينا وحدة صافنة بوجه اللوخ
عاد بالأخير عمتي گالت لابو
المحل نريد علبة مكياج كاملة
وصدگ اشترينا علبة مكياج متكاملة
بيها كولشي... اباوع لاختي
عايفة الخيط والمخيط بيدي وبيد
عمتي حتى متنطي رأيها بس تباوع
بذبول وعيونها بيها بريق حزن عجيب
ورغم كل هذا اليشوفها من الخاارج
يگول شگد مبينة قوية هااي
دارين اكثر وحدة بينا كتومة
ابد ما تفضح مشاعرها وتحچي وتفضفض ...!!
كملنا ورحنا الصالون سألنا هوايه
وگالو هذا احسن واحد حجزنا يمهم
ورجعنا للبيت هلكانين من التعب من الصبح
طلعنا وهسا العصر من رجعنا شفت
هوسة يم بيت الشيخ ورياجيل يمكن
يمهم خطار...
باوعت ع بيتهم وتنهدت بحزن
والله خواتي اخذن حيل من حيلي
التفتت لدارين لو التفتت الطفوف
الما ادري شنو عيشتها وشلونها
مرتاحة او لا مع انهُ شگد حاولت
اسحب منها الكلام البارحة بس جانت
حيل كتومة ابد محچت شي
حسيتها مرادت تزيد همنا...!!
دخلت للبيت دارين بوجهه لفت
راسها ونامت وعمتي گالت رايحة
لبيت حكيم اخذت تاكسي وراحت
وحمدية استلمتني بناات الفگر
ومن تالي وكت وصار بيچن خير
وتفرفرن بالسواگة... ووو
كلامها الميخلص عفتها ودخلت للغرفة
ما بية اتقارش وياها...!!
باوعت ع اختي شلون مگرفصة
ع روحها ونايمة نمرد گلبي مرد
عليها والله او بيدي اشيل هالحمل
عنها... هنا وتذكرت دراستي
ما ادري اذا راح اگدر اكملها او لا
شراح يصير بيها وشنو الجاي
ما ادري...!
گمت توضيت وجبت القرأن
گعدت اقرة قرأن ع راس دارين
مندمجة اقرة بخشوع رفعت راسي
عليها شفت دموعها تجري ع خدها
زرفت گلبي والله تصدقت واخذتها لحضني
گلتلها :- شبيج يا روح اختج كوليلي؟
ردت ببحة :- أمنية الله يخليج بلا ليش
خليني بحضنج وكملي قراية
ومددت ع رجلي اخذت القرآن
وكملت اقرة بخشووع وهي دموعها
متوقفت ع النزول تبچي بصمت
واني گلبي يتمزق عليها...!
گالت بليل السيد يعقدلنا
ع الأساس ناصر كايللها بس
ما عقدو استغربت ليش ما عقدو؟
طفوف
بعدما صعدت فوگ
رحت صليت لان حيل تأخرت بصلاتي
وبعدها طلعت ملابس اخذت
تراكسود لون زيتوني،، خفيف ومريح
عريض رحت سبحت وطلعت
جسمي كلة تعبان ونعست حيل
سحبت الطابورية وگعدت گدام
المراية امشط شعري كلة مي ما احب
انشفة ينگط مي وبللني قصير
لكتفي وهو مجعد ولان مجعد ما احب
اطولة يصير يضوجني...!!
گاعدة وأمشط باوعت ع الساعة.
ب ١١ واني من الصبح گاعدة
گلت خلي اكمل واروح اناام
بينما دامشط انفتح الباب
رفعت عيوني باوعت بالمراية
دخل للغرفة وسد الباب وراه
بسرعة التفتتلة وگتلة بلهفة بلا
ما أحس ع نفسي :- بشررر
ابتسم وتقدم ناحيتي وصل ليمي
دنگ لمستواي بسرعة غمضت عيوني
توتر خوف ورجفة اعتلتني
حسيت بشفايفة تلامس گصتي
وهو يطبع بوسة رقيقة...رخت اعصابي
و قشعريرة سرت بكل جسدي
من لمسته سمعت صوتة
طرب اسماعي من گال؟!!
يتبع......
.
.
.
متابعة ممتعة....
شفتو طفوفو صح فقيرة بس نادرة 😁😁
عذروني اذا تأخرت بس ميمنعني عنكم
الا ضروفي الاقوة مني..