نبدأ فصلنا
عايزه تصويت وكومنتات كتير وقولوا رأيكم في الروايه
&&&&&&&&&&&&&&&&&&&&&&&&
فرح بعد كلامها ليهم والكل مصدوم وفي منهم اللي بيبكي وقعت علي ركبتيها والفت حضنتها وفجأه ملقتش نفس وكمان انفها بينزف
الفت بصريخ :فرررررررررح
الكل انصدم من اللي شافه ومعاذ واخواته جريوا عليها ومراد معاهم
معاذ بيضرب علي وشها بفزع: ..فرح ..فرح اصحي
طارق بدموع : فرح يا فرح اصحي وإلنبي
مراد بصريخ وشال فرح : لازم تروح المستشفي ....مراد اخدها وجري بيها علي المستشفي وبيسوق باقصي سرعه...مراد بدموع : فرح أوعي تسبيني يا قلبي ..انا اموت من غيرك ..ياااارب
ووصل المستشفي ..في نفس الوقت كان معاذ اتصل بتامر وقاله وتامر استني فرح قدام المستشفي : هاتها بسرعه وتامر حطها علي السرير وطلع يجري بيها جوا المستشفي ودخلت اوضه الطواري
عدي ساعه والعيله كلها وصلت من اول حسن الجد لغايه حازم الصغير
تامر خرج بإرهاق باين عليه جري عليه معاذ ومراد واحمد
معاذ : فرح مالها يا تامر
تامر: جالها انهيار عصبي ...والحمدلله أنكم جبتوها في الوقت المناسب لانها كانت علي وشك تدخل في ازمه قلبيه
احمد بخوف: ازمه قلبيه ...ارجوك اختي فيها ايه
تامر :اطمنوا الحمدلله عدت علي خير ..المهم متتعرضش لأي ضغط مهما كان
محمود حس ان في حاجه تامر مخبيها : تامر والدم أللي نزف من انفها ده ايه
تامر بتوتر:الضغط عندها عالي اووي وده عمل انفجار في الشعيرات الدمويه علشان كدا نزفت ...هي ساعه وهتفوق احنا نقلناها اوضه ١١٠في الدور التالت اطلعوا ليها اخلص شغل واعدي عليكم اطمن كمان
الكل سمع كلامه وطلع ما عدا محمود وقف قدامه: مخبي ايه يا تامر فرح فيها ايه
تامر : فرح كويسه ي محمود بس زي ما قولت ده اللي عندها
محمود : تامر في ايه انا مش مصدقك
تامر باحباط: انا وعدت فرح مقدرش اتكلم
محمود بنفاذ صبر : انت اكبر مني مش عايز امد ايدي عليك ...فرح مالها
تامر :طب تعالي اقعد في مكتبي وانا هتكلم تمام
محمود : تمام ..
وراحوا علي المكتب في الوقت ده الكل كان موجود في أوضة فرح واللي كان قاعد جمبها معاذ ماسك ايديها من ناحيه والناحيه التانيه كان طارق واحمد وأسر قاعدين علي قدامها علي السرير ومراد واقف ساند علي الحيطه اللي قدام السرير وبيبص عليها وعينه فيها انكسار وندم وحزن وألم وكل مشاعر الحزن موجوده في عيونه
وفريده و ورد حاضنين بعض ومحمد اخد حازم في حضنه ومستني بنته تفوق وممدوح حاضن الفت وعيونها مش مبطله بكي علي فرح وجني قاعده جمب بسمه وفوزي وعيونها في الارض اما الجد حسن وقاعد وساند علي عصابته وبيبص للعيله مره ويرجع يبص لفرح
فجاه سمعوا انين جاي من فرح معاذ بخضه : فرح ...فرح ...انتي سمعاني
فرح بتعب وغايبه عن الوعي : بكرهكوا ...بكرهكوا ...والصدمه الأكبر للكل انها نطقت باسم حبيب قلبها : مراد ...معاذ ...أبعدوهم عني وفجاه بدأت تصرخ : خلاص بلاش نااااار ...بلاش نااااار مش هعمل كدا تاني .....بابا نار لاء .....مرااااااد احممممممد .....اااه لالا معاااااااااذ ...معاذ نار لاء
معاذ بيصرخ عليهم : هاتوا دكتور بسرعه
اسر طلع يجري يجيب دكتور معاذ بيحاول يهديها : فرح اهدي اهدي والنبي فرح فوقي مافيش حاجه اصحي ....فرح مش سامعه معاذ ولسه بتصرخ جامد وبتبعد ايدين معاذ ومغمضه عيونها
وفجاه مراد شدها من أيد معاذ واخدها في حضنه : فرح ...فرح .... اهدي يا قلبي ...انا مرادك اهو جمبك اهدي يا حبيبتي ...خلاص هشيل النار دي ... هششششششش...،
فرح كانت بتضرب في معاذ وبتبعد ايده وهي كانت بتحلم بالكوابيس الي كانت بتيجي ليها زمان وفجاه سكتت لما لما مراد حضنها سكنت في حضنه ونامت بس لسه بتقول : نااار ..مراد ابعد النار
مراد بيحضنها اووي : هششش ...خلاص النار راحت انتي مع مرادك خلاص ...نامي يا قلب مراد ...وبيمسح بايد ليه علي شعرها والأيد التانيه حضنها بيها....
فرح نامت في دخله تامر ومحمود
تامر: مراد نيمها علي السرير علشان اكشف عليها
مراد بيحضنها اكتر ومعاذ قام ليه ومراد قعد مكان معاذ علي السرير واخد فرح في حضنه : لا مش هقوم هي مرتاحة كدا
تامر بيفحص فرح : معاد مش قولت ليك ابعدها عن اي حاجه ليها حاجه بالماضي ما صدقت معدتش بتتعب
معاذ بيسند رأسه علي الحطيه وكانت ايه وسما جم بعد ما طارق قال لسما وايه اخدت معاذ في حضنها : اهدي يا معاذ فرح كويسه
معاذ بدموع : انتي مشوفتيش منظرها وهي مرميه علي الارض دي بنتي يا ايه لو حصلها حاجه اموت انا اللي مربيها وعارف بتحس بايه
ايه بدموع: والله هتكون كويسه اهدي انت علشان هي كمان تكون كويسه
معاذ سند رأسه علي الحيطه ومغمض عيونه
جني بتبص لبنتها ومش مصدقه اللي حصل وكمان صريخ فرح وتقول نار كان ابوها بيعمل فيها ايه اسئله جايه في بالها كتير اووي
محمد لما بنته صرخت ونار وبابا بلاش نار الكلام ده وجعه اوووي وعرف آد ايه كان معامله وحشه مع بنته وكمان فرح حبيبة قلبه بنته المفضلة ليها معزه كبيره في قلبه بشقاوتها وهي صغيره اخدت قلبه يعمل فيها كدا ليه
تامر ادي ليها مهدي ومش هتقوم غير تاني بوم الصبح ومحمود واقف بيبص عليها ومش قادر ينطق وافتكر اللي حصل في أوضة تامر من شويه
Flash back
في اوضه تامر وقاعد قدام محمود ومش عارف يبدأ منين
محمود : ما تتكلم يا تامر اختي فيها ايه
تامر :فرح جاتلي من يومين في العياده بتاعتي واشتكت ليا من أعراض وعملت التحاليل والتحاليل النتيجه ظهرت النهارده
محمود : النتايج فيها ايه بقي
تامر سكت وبص في الارض
محمود بزعيق : ما تتكلم يا بني ادم ..هو انا هسحب الكلام منك
تامر:فرح عندها ورم في المخ
محمود بصدمه واترمي علي الكرسي: ااااييييه ..ورم
تامر : ايوا ..فرح لازم تعمل العمليه في اسرع وقت لان الورم بدأ يبتشر
محمود بدموع : ازاي يجي ليها ..هي ليه مش بتشوف يوم حلو ليه..فرح عرفت
تامر : لسه
محمود : انا لازم اقول للعيله
تامر : انا وعدت فرح با محمود مش هقول غير هي لما تقرر
محمود بغضب: وافرض هي مش هتقول ولا هتتعالج اسيبها كدا تمووووت ...لا مستحيل اختي هتعيش
تامر :الاول نقول لفرح وبعدين هي تقرر
محمود : مستحيل لازم كل العيله تعرف
تامر بنفاذ صبر: هنقول بس لما هي تعرف الاول دي رغبتها وانت هتساعدني اننا نقنعها قبل كل شيئ
محمود: لسه هستناك ....لقي اسر دخل عليه وقاله اللي حصل في فرح طلع يجري هو و محمود
Back
تامر بعد ما نيم فرح ومراد لسه ماسك ايديها وبيمسح علي شعرها : هي مش هتفوق عير بكرا الصبح مينفعش الكل يبقضل هنا روحوا وابقوا تعالوا الصبح
حسن : تمام يا دكتور..ولف ليهم ..يلا كل واحد علي البيت وبكرا نيجي لفرح
مراد ولسه ماسك ايديها وقاعد جمبها علي السرير وفرح نايمه ولسه بيحسس علي شعرها: روحوا انتو انا هفضل جمبها ..ورفع نظره لجده وجده لاحظ الدموع اللي في عينه..اخاف تقوم وتصرخ انا هكون جمبها ورجع يبص لفرح
معاذ :انا هفضل جمب اختي ...بابا خد ماما و روحوا انتو وانت يا طارق وصل ايه وسما ...ايه روحي وتعالي بكرا وكمان اعملي اكل لفرح وهاتيه عارف اني هتعبك
ايه قطعته:ايه الكلام اللي بتقوله ده ...انا نعمل لفرح كل الاكل اللي بتحبه وهاجي بكرا بس انت حاول تنام شويه
معاذ هز رأسه بمعني حاضر
والكل مشي ما عدا مراد اللي مش سايب فرح ومعاذ.اللي ماسك أيدها التانيه وقاعد علي كرسي قدامها ومحمود قاعد علي الكنبه وجمبه احمد
معاذ بيبوس ايديها : أوعدك انك هتبعدي عنهم خالص...اهم حاجه انك تكوني كويسه
مراد بصله بصه بمعني "انت عايز تبعد عني روحي ليه "
طارق دخل عليهم وقعد جمب الثنائي وكل واحد سارح في تفكيره
-احمد : انا وحش اووي ..وحش لدرجه ان كنت بشوف اختي بتتعذب قدامي وأكون ساكن ...انا فعلا زي مهي بتقول مستهلش اكونً اخ ليها ...وكمل بسخريه: لا وكنت ناوي أعوض فريده عن غياب اخوها عنها يمكن يقلل ندمي شويه من ناحيه فرح ..آد ايه انا غبي.....
-محمود: ااااه انت امتي هتشوفي يوم حلو يا فرح ...قولت يمكن امك لما تيجي تعوضك بس مع الأسف انتي ولا في بالها اصلا ...وكمان بمرضك ده ..هتعملي ايه لما تعرفي ...انا عارفك عنديه مش هترضي تتعالجي لانك كنتي بتتمني انك تموتي ...بس انا مش هسمح ليكي بكدا
-معاذ: ليه يا فرح بيحصل فيكي ايه ...لو شوفتي الوقتي مين قاعد جامبك وماسك ايديكي واخدك في حضنه...مرادك يا فرح ...ايوا مراد ..امتي بقي هترتاحي ...نفسي اشوفك مبسوطه ...بس ووعد مني ما هخلي حد يقرب منك وهقف ليهم كلهم ...واللي هيجرحك بكلمه هجرحه قصاده عشرات مرات ...وادوس عليهم كلهم ولا يهمني حد
-مراد : اااه لو تعرفي كان نفسي تكوني في حضني من امتي ...مش مصدق انك نطقتي باسمي وكمان في حضني ..طول عمري كنت أمانك ...وده اللي اكتشفته النهارده لما شديتك علشان اهديكي...سمحيني يا حب عمري مش عارف والله مش عارف رحت لغيرك ازاي ...اه انا يمكن إنسان مليان عيوب بس بحبك والله بحبك وبموت فيكي ...اصحي وانا هخلي ايامك كلها سعاده ..بحبك يا قلب مراد و روحه
فجأه تلفون مراد رن بيشوف مين كانت سوزي قفل عليها الخط ورجع تاني لفرح
في القصر بعد ما وصل العيله وممدوح والفت هيروحوا قصر المنشاوي والصبح يروحوا كلهم مع بعض المستشفي ..جت ليهم الداده اسعاد: حسن بيه أحط العشا
حسن : ومين ليه نفس يأكل ...بس حطيه يا إسعاد
إسعاد: تحت امرك يا بيه
حسن : يلا علي العشا وبعد العشا هنتكلم في كل حاجه ...وبعد فتره خلصوا عشا والكل قعد
حازم : جدو ليه اختي حصل فيها كدا وايه حكايه النار دي اللي كانت بتصرخ انا مش فاهم حاجه
حسن : كل الإجابات عند ابوك يا حازم ...بس باختصار شديد فرح كل اللي فيها بسبب اتنين هما ابوك وأمك وبس العيله دي بردك مشتركه في اللي حصل ليها بس مش زيهم
ممدوح : بعد ازنك يا عمي ..انا طول عمري بعتبرك في مقام ولدي ..وليا عندك طلب
حسن: اتفضل يا بني
ممدوح: فرح مش هتقعد في القصر ده يوم ولا حتي زياره والاوضه اللي ليها هنا تتقفل وتنسوا خالص ان ليكم بنت اسمها فرح ..فرح من يوم ما أمها سابتها هي مسئوليتي ..بس بعد اللي حصل النهارده مستحيل اخلي فرح تدخل القصر هنا تاني
محمد بعصبيه : انت عايز تحرمني من فرح يا ممدوح
ممدوح 😒: انت اللي حرمت بنتك من حضنك بايدك ..متجيش الوقتي وتقول بنتي .
محمد بعصبيه 😠😠: لا هي بنتي من دمي ولحمي ..دي بنتي ..دي فرح
ممدوح بعصبيه 😡😡😡: انت بلسانك ده من ١٥سنه قولت ان بناتك ماتوا خلاص ومعندكش غير ود واحد وهو احمد متجييش الوقتي وتقول ان ليك بنت ..بنتك فريده وكمان معاها ليك اخ اشبع بيهم ..بس سيب فرح في حالها ..فرح دي بنتي ..انا كنت بشيلها من تحت ايديك وانت بتعذبها ..انت بسببك وبسبب مراتك أللي قعده جمبك دي وبسبب اخت مرات كمان انتو التلاته بسببكم فرح كانت بتروح لدكتور نفسي ودخلت المستشفي شهور بسببكم ...ايه مش كفايه رميتها في المستشفي وهي بين الحيا والموت ..كفايه بقي كفايه سيبوها في حالها بقي....😡😡😡😡😡
فريده جريت علي جدها هي وأخوها واترموا في حضنهم من خوفهم ومن الكلام اللي بيتقال
محمد : لو موتها محدش ينكر ان فرح بنتي
ممدوح :انت ايه يا اخي معندكش دم للدرجادي ولا عندك احساس ..انت واحد مكانك كان قتل نفسه بسبب اللي حصل انت والهانم أمها جني ....
حسن بصوت عالي : بسسسس انتو الاتنين في ايه اقعدوا....اسمعوا أللي هقوله ومن الاخر ومحدش هيقطعني ..ممدوح وعيلته هتتنقل هنا في القصر وفرح خلاص القصر ده معدتش هتفارقه وكلنا هنعيش مع بعض تحت سقف واحد ....ده امر وهيتنفذ بالحرف الواحد ...بالنسبه للولاد (اسر،مراد،معاذ،احمد،طارق،محمود)لما يتجوزوا بيوتهم موجوده هما السته هيسكنوا هنا انا باني بيت من ست ادوار في الجنينه لكل واحد جناح كامل واللي عايز يسكن هنا تمام اهلا وسهلا ..وفرح لما تيجي هنا ممنوع اي موضوع يتفتح فاهمين كفايه اللي حصلها وخصوصا منك يا محمد انت و جني ممنوع تقربوا منها ولو بس كلمتوها حسابكم معايا انا ...مش هنتكلم فير لما فرح صحتها ترجع ليها أظن كلامي واضح ....وسابهم وطلع اوضته
محمد وممدوح بيبصوا لبعض وعيونهم بطلع شرار بس مش قادرين يخالفوا كلام حسن المنشاوي
في شركه رأفت كان بيكلم سوسن: ده أللي حصل وخالي امر بكدا وكلهم هيعيشوا في القصر
رأفت ؛ طب وفرح
سوسن : فرح اهي مرميه في المستشفي ...تصدق كلهم الوقتي بقي عندهم احساس وبيجروا وراها ...امتي بقي اخلص منهم واخد كل اللي وراهم وارتاح
رأفت :كله قرب خلاص يا سوسن المهم ترقبي كل خطواتهم ..اه وتعالي بكرا الشقه علشان عايزين نشوف الصفقه اللي هندخلها صفقه كبيره ومحتاجه شغل كتير اووي
سوسن بدلع: فيدك الصفقه بردك الي محتاجه شغل ..ولا انت اللي محتاج
رأفت بخبث : اديكي فهمتي ...وانا عايز الاتنين
سوسن : تؤمرني بكرا بالكتير اكونً قدامك ..باي
رأفت :سلام...لعد ما فقل معاها ...خلاص كدا قربت كل حاجه تنكشف وقريب اخلص منك يا سوسن بس بعد ما اخد كل اللي وراكي انتي وخالك ...وكمل بشفقه : ربنا يقومك بالسلامه يا فرح
في يوم جديد وشمسنا أشرقت و نورها دخل أوضة فرشتنا فتحت عيونها لقت كلهم صاحيين وعيونهم عليها
فرح بتعب : ايه اللي حصل
معاذ : هششش ..متتكلميش الوقتي المهم انك بخير
فرح بتتعدل علي السرير لحظت ايديها في ايدين حبيبها ..ايوا حبيبها اللي مدوخها ..بصتله وهو بصلها ووقف الزمن عليهم وقطع التواصل ده فتح الباب ودخول العيله الفت اول ما شافت فرح صاحيه هي وممدوح جريوا عليها
الفت ببكاء :حبيبتي اخبارك ايه الوقتي
فرح حضنتها :انا كويسه يا ماما اطمني
ممدوح بيمسح علي شعرها : انتي كويسه يا فرح
فرح بصتله وابتسمت: كويسه يا بابا والله الحمدلله
طارق :بقولك ايه مش واخد عليكي عيانه ...قومي كدا وفوقي علشان هسهرك سهره صباحي
سما وهي داخله الاوضه: وسهره ايه بقي ان شاء الله اللي صباحي
فرح بابتسامه : مش انا اللي بقول ..خطيبك الي بيقول
سما : الف سلامه يا فروح كدا تتعبي ..انت ناسيه الخطوبه قريب..اعمل الخطوبه الوقتي ازاي
فرح بسخريه : معلش اصلي مكنتش عامله حسابي بعدكدا لما اتعب ابقي استأذن ... شيلوا البت دي من قدامي
ايه بابتسامه : الف سلامه يا فروح .. شوفي انا جبت ليكي كل الاك اللي بتحبيه ..كله يتآكل انا بقول اهو
فرح : الله يسلمك وميريل تعبتي نفسك ليه ..بصت لسما وبتشاور ليها علي ايه:شايفه شايفه ايه بتعمل ايه وانتي بتعملي ايه مهو صحيح هتجبيه من برا مهو خطيبك عبيط زيك
طارق بتذمر: فرح لو سمحتي انا مش عبيط
فرح : عبيط واهبل
طارق بصلها بغيظ وسكت
الفت : كدا يا فرح ترجعي قلبي عليكي
فرح : اسفه والله مكنش قصدي
ممدوح : مش مهم المهم ان بنوتي رجعت ليا
فرح اترميت في حضنه وسكتت
جني لفرح : مش هتيجي في حضن مامتك يا فرح
فرح بصتلها ببرود : معنديش غير ام واحده وبس مامتي الفت غير كدا معنديش..امي اللي ولدتني ماتت من زمان وكلام تاني مش عايزه يا هانم
جني بصتلها وبعدين بصت في الارض
حسن: حمدلله علي سلامتك يا فرح
فرح : الله يسلمك يا حسن بيه
حسن بتعجب : حسن بيه .!!!..انا جدك يا فرح
فرح بصتله وسكتت وبصت ناحيه معاذ : معاذ
معاذ : ايه يا حبيبتي
فرح : عايزه اطلع من هنا ارجوك
معاذ : نشوف الدكتور وبعدين نقرر ...وقطع كلامه دخول تامر
تامر : صباح الخير للجميع
الكل : صباح النور
تامر: شايف فنانتنا قامت بالسلامه
فرح : اومال كنت عايزني أفضل عيانه ولا ايه
تامر : يخربيت كلامك الدبش اللي مش هيتغير
فرح بلامبالاه: عايزه اطلع من المستشفي..مش عايزه اشوف زي اشكالك يا دكتور
تامربغيظ : لا يا بت وانا اللي هموت وأشوف أشكالك يلا يا مصديه
فرح بصدمه : انا..انا مصديه يامعفن يازباله
تامر : انا معفن وزباله ...دا انا قمر البنات كلهم بيجروا ورايا
فرح: اه مهو واضح لغايه الوقتي مش لاقي كلبه تعبرك
تامر بيرفع شعره بغرور: كلهم بيجروا ورايا بس مش من نوعي المفضل
فرح : نوع ايه نوع ايه ...ليه هو انت عندك نظر اصلا دا انت اعمي يا اعمي
معاذ بغضب: بس اسكتوا هو انتو كدا دايما يوم ما اتقابلنا تأكلوا في بعض
فرح : مهو اللي بدأ
تامر : لا انتي
فرح : انت
تامر: انتي
فرح : انت يا تامر
تامر: انتي يا فرح
معاذ : والله لو ما سكتوا لتكونوا مضروبين
سكتوا الاتنين وبعد دقايق اتكلم تامر : معلش يا جماعه تتفضلوا برا لغايه لما اكشف عليها واطمن واطمنكوا
حسن : تمام ...يلا بينا
بعد ما العيله خرجت تامر سحب كرسي : فرح اللي هقوله الوقتي لازم تاخدي فيه قرار وكمان تكوني قويه بس قبل كل ده عايزه اسالك سؤال
فرح بقلق : في ايه
تامر : انتي عملتي حادثه قبل كدا او وقعتي علي دماغك
فرح بتذكر : ايوا انا كنت عملت حادثه عربيه وانا عندي ١٠سنين وكمان كنت وقعت علي السلم ودماغي انفتحت وعملت فيها عمليه ..ليه بتسال
تامر : فرح في دم من الحوادث ده اتراكم في مكان في المخ وعمل عندك زي كتله كدا والمفروض كنتي كشفتي من اول ما الصداع بدأ عندك ..وبسبب كدا والتأخير ده بقي ..
فرح : في ايه يا تامر
تامر : بقي عندك ورم في المخ ..ولازم تعملي العمليه في اقرب وقت ..خلاص معتش قدامك غير شهور وتدخلي في المرحله الاخيره
فرح بصدمه : ااااييييه ...ورم ...يعني اللي كنا متوقعينه حصل ...حد من اللي برا عرف
تامر : ايوا
فرح : مين
تامر ؛ محمود يا فرح اضطريت اقوله علشان كان شاكك لما شاف الدم وسألني ومقدرتش اكذب
فرح : تمام
تامر : هتعملي ايه يا فرح
فرح :..........
&&&&&&&&&&&&&&&&
نكمل الفصل الجاي