جروح القلب 💔

23

بعد الحوار اللي دار بين فرح ومراد وضرب فوزي لابنه الساعه١٢ منتصف الليل ..رجعت فرح من برا وكان اللي مستنيها ابوها (محمد)
فرح لسه طالعه علي اوضتها نده ليها : فرررح
فرح لفت لقته ابوها قالت: خير
محمد : عايز اتكلم مع بنتي شويه حررام
فرح : مش لما هي تعتبرك ابوها
محمد باستغراب : ايه القساوه دي كلها ..ايوا انا غلطت وندمان وبدعي ربنا كل يوم وكل ساعه انك تسامحيني وترجعي احضني تاني حضن ابوكي وبدعي ربنا انو يسامحني ويغفر ليا
فرح : ربنا بيسامح ..بس انا مش هسامح لاني مش لقيه حاجه انت عملتها ليا اسامحك عليها
محمد : زي ما انتي اتعذبتي اخواتك وامك اتعذبوا ولسه لغايه الوقتي
فرح : صح ..بس في فرق بيني وبينهم
محمد : مافيش فرق بينكم انتي اتحرمتي من امك هما كمان اتحرموا من ابوهم اللي هو انا
فرح : قصدك انا اتحرمت من الاتنين سوا مش واحد بس ولغايه الوقتي يا باب...قصدي يا محمد بيه
محمد : وانتي اتحرمتي مني ازاي وانتي كنتي معايا
فرح : انت مصدق الكلام اللي انت بتقوله كنت معاك ..كنت معاك فين ...
محمد :هنا في نفس البيت ونفس البلد هما الي كانوا متغربين
فرح ساكته بس باصه ليه نظره الم وسخريه وقالت بعد صمت : انا طالعه ارتاح تعبانه.... وفجأه لقت اللي بيشدها
محمد بحده : لما اكون بكلمك تقفي تكلميني .... فاهمه
فرح :تمام ....اتفضل اتكلم
محمد : انتي قاسيه كدا لمين
فرح : اظن جاوبت علي السؤال ده مليون مره لو تحب اجاوب عليه تاني معنديش مشكله
محمد : انتي مشكلتك معايا انا ... مامتك مش ليها ذنب...
فرح : دا هي عملت اكبر ذنب ...كفايه انها رمتني
جني خرجت من ورا الجدار وبتبكي: بس انا مش رميتك .. في حد يرمي ضناه..انا حملت فيكي وربيتك
قطعتها فرح بابتسامه : ربتيني كام سنه .. خمس سنين ...خمس سنين بس مش عشتي معايا عمري كله لغايه منا عايشه ... تعرفي انا كنت محتاجه ليكي اد ايه .. كنت محتاجه امي جمبي مش لقيتها ..صحيح خالتي كانت موجوده بس مقدرتش تعوضني عنك ...حضنها مش زي حضن الام ...كان نفسي انتي اللي تحميني من ابويا لما كان بيضربني ...انا كنت بقوم في نص الليل من كتر خوفي ..لدرجه اني مكنتش بنام مرعوبه وخايفه وقلقانه ان هو او مراته الي ماتت تضربني وتعذبني ... كنتي فين انتي ...
جني بعياط :انا اسفه حقك عليا ...سامحيني
فرح بدموع : اسامحك ... تعرفي انا كان نفسي اجري عليكي اول ما اشوفك واترمي في حضنك ..بس انتي بتكرهيني
جني بدموع هي كمان : مافيش ام بتكره عيالها
فرح بابتسامه الم: لا في ..والدليل انتي
جني بتشاور علي نفسها : انا يا فرح بكرهك ..طب ليه اكرهك
فرح : انتي الي تجاوبي علي السؤال ده مش انا... مره سمعت واحده كلمت اختها في التلفون علشان تقول انها راجعه من السفر مسألتش علي بنتها اللي رمياها قالت انا راجعه علشان بنتي تشوف ابوها .. ولما جت قالت انها بتكرها...عرفتيها ولا لاء
جني : انتي عمرك ما رحتي عن بالي انت واخوكي احمد
فرح بغضب ودموع : لو فعلا زي ما بتقولي ليه مش اخدتيني معاكي ليييييه ..ليه مافيش مره سالتي عليا ليييييييه...مافيش مره وانتي قاعده كدا خطرت علي بالك ...لييييه ردي عليا
جني ساكته وبتعيط ولفت لابوها :وانت اللي قاعد تحاسب فيا انت مكنتش بيجي عليك لحظه ندم وانت بتضربني او شفقه عليا ...انا جسمي كله مليان علامات من الضرب اللي كنت باخده منك ... مافيش مره انا بتضربني قلبك محنش عليا قال دي بنتي من لحمي ترمي اللي كنت بتضرب بيه وتاخذني في حضنك ...كان فين ندمك لما كنت ترميني في الجنينه في عز البرد ...لو واحده مكاني كانت ماتت .. كنت فين وانا مرمطه في المستشفي بين الحيا والموت محتاجه دم ومع الاسف فصيلتي هي فصلتك طلبوك انت قولت بنتي مااااااااتت ..وأكتشف ان ابويا كان عايز يموتني او يبعني للدعاره ...كل ده عايزني اسامح يااخي لو كان مكاني جبل كان زمانه اتهد ...
مسحت دموعها وهزت: من الاخر يوم لما اسامحكوا هيكون يوم وفاتي يوم لما اموت اعرفوا اني سامحتكوا بس حاليا انا كل لما بشوفكم بفتكر كل لحظه حاولت انساها في حياتي ومع الاسف بترجع تاني..وسابتهم وخرجت في نفس الوقت ابوها حط ايديه علي قلبه ومحسش بنفسه غير وهو علي الارض
احمد بصوت عالي : باااااااااابا..بابا رد عليا
مراد : انت لسه هتستني يلا علي المستشفي
اخدوه وطلعوا علي المستشفي في نفس الوقت فرح راحت قعدت علي النيل ...
في المستشفي وفي اوضه العنايه المركزه وبعد مده خرج الدكتور
الدكتور : مع الاسف محمد بيه حصل عنده ازمه قلبيه مع ارتفاع ضغط الدم ... ربنا سترها ومرحش فيها
احمد بخوف : طب اخباره أيه الوقتي يا دكتور
الدكتور : الحمدلله يعدوا ٢٤ساعه علي خير وساعتها ننقله اوضه عاديه بس يحذركم ممنوع الانفعال وكمان حاولوا بتعدوه عن الصوت العالي وانو يتعصب .. المريض عايز يشوف بنته فرح هي فين
اسر : مش موجوده يا دكتور ... بس هي جايه في الطريق
الدكتور: هو محتاجها وعايز يتكلم معاها .. لما تيجي تدوني خبو علشان اسمح ليها انها تدخل ليه
اسر : ان شاء الله يا دكتور
الدكتور : حمدلله علب سلامته..بعد اذنكم
بعد ما مشي الدكتور والكل اطمن حين الجد : معاذ يا بني اتصل بفرح خليها تيجي تشوف ابوها
معاذ : حاضر يا جدي .. واتصل معاذ في نفس الوقت فرح قاعده علي النيل وبتبكي فجأه حست ان حد بيطبطب عليها رفعت راسها لقت راجل كبير في السن وعلي وشه ابتسامه صافيه ومليانه حب
الراجل : مالك يا بنتي بتبكي ليه
فرح بدموع : الدنيا جابه عليا .. ومش مخلياني مرتاحه بالعكس كل لما اقوم واقف علي رجلي توقعني وتكسرني اكتر من الاول
الراجل : مش يمكن ده اختبار من عند ربنا ليكي بيشوف قوه تحملك اد ايه...
فرح : حاسه ان هيجي عليا يوم وهقع مره واحده ومش هعرف اقوم ابدا
الراجل : ليه بتقولي كدا ..
فرح بالم : انا لو حد عمل فيك حاجه كبيره اوووي وجرحتك وبعدين طلب السماح تعمل ايه
لراجل :اسامحه ... لانه ندم اكيد وعرف الغلط
فرح : لو مش قادر وحاولت بس مش قادر
الراجل : احاول مره واتنين وتلاته اعاتب وافتح قلبي واطلع كل الجروح علشان ارتاح علشان يوم لما اجي اسامح يكون قلبي فاضي من المتاعب
فرح : عملت كدا وعتبت بدل المره الف بس لسه مش قادره اسامح اقول خلاص هسامح بس ربط بيعدي قدام عنيا فيه كل لذكريات الوحشه ويزيد الجرح جوا قلبي
الراجل : افرضي حصل ليه حاجه وانتي مش سامحتيه احساسك ساعتها ايه
فرح بشرود : مش عارفه
الراجل : قومي يا بنتي اتوضي وصلي ركعتين لله وادعي ربنا هو يزيل عنك الحزن ويجعل حياتك كلها فرح وسعاده زي وشك كدا الجميل
فرح بصت ليه وبعدين بصت للبحر ورجعت بصت للراجل مش لقته اتلفت حولين نفسها بس ملهوش اثر فجأه رنه تلفونها علت وكان معاذ
فرح ليه هتقول الووو .. قال ليها معاذ تيجي علي المستشفي لان ابوها جانبه ازمه قلبيه ..ساعتها الدنيا لفت بيها ومش عارفه تعمل ايه والفون وقع من ايديها وكانت مصدومه فجاه قامت وجريت علي عربيتها وانطلقت للمستشفي ...
في مكان فيه المجهول ورأفت وصالح
المجهول : العمليه بعد يومين ...العمليه دي تتعمل وكل واحد ميعرفش التاني فاهمين
رأفت : اهم حاجه ان اعوض اللي خسرته كله
المجهول : من ناحيه انك هتعوضه ف هيتعوض ١٠٠مليون جنيه مش قليلين بردك انت عمرك ما جمعت حتي ربعه يا رأفت
رأفت : طيب احنا هتكون في التسليم
المجهول : كلنا هنكون موجودين ..العربيات اللي هيكون فيها الهيروين جاهزه .. والاعضاء هتكون موجوده بكرا راي غلط كلنا هنروح في ستين داهيه فا خدوا بالكوا فاهمين
رأفت : تمام يا كبير كله هيكون تمام ..
المجهول : روحوا ..
بعد وصول فرح للمستشفي جريت علي الاستقبال وسألت : محمد المنشاوي في اي اوضه
الاستقبال: محمد بيه موجود في العنايه المركزه في الدور التالت
فرح جريت وطلعت الدور كان الكل متجمع قدام العنايه وكان الدكتور عنده بيتابع حالته
لدكتور: مش هينفع كدا يا جماعه اتفضلوا كلكوا ..دي عنايه مركزه مش اوضه عاديه ...وفين بنته فرح هو عايز يشوفها ضروري
مراد : هي جايه في الطريق يا دكتور ... قطع كلامه جري فرح عليهم
فرح بخضه : فين بابا ..
الكل واقف مذهول ان فرح نطقت بابا وكمان قلقانه
احمد : هو في العنايه جوا
فرح : حصله ايه علشان يتعب كدا
مراد بغضب : يعني انتي مش عارفه
فرح بصتله من فوق لتحت ورجعت بصت لاخوها قطع كلامهم هو خروج الدكتور : ياجماعه المريض مصمم علي انه يشوف بنته فرح هي فين
فرح : انا فرح يا دكتور ..طمني عليه
الدكتور: حاليا وضعه مستقر بس هو طالب يشوفك
فرح وقفت واترددت انها تدخل ليه بس اللي ساعدها ممدوح جوز خالتها حنان: روحي ليه يا فرح واسمعيه ..ده ابوكي انت من دمه .. وعمر الدم ما بقي ميا ..ادخلي لابوكي وسامحي يا قلب بابا ..
فرح بصت ليه والدموع في عيونها وهي منعاها علشان مش تبين ضعفها : مقدرش اسامح
ممدوح : حاولي..المحاوله مش هتخسرك حاجه
الدكتور قطع كلامهم : اتفضلي يا انسه علشان تدخلي ليه .. فرح مشت زي ما تكون في غيبوبه ودخلت علي ابوها وهي واقفه علي اول باب العنايه وشافت سلوك علب جسم ابوها وجهاز التنفس موجود وضربات القلب شغاله دموعها نزلت لوحدها في الوقت ده كان المكمل واقف من زجاج العنايه عايزين يعرفوا ايه اللي هيحصل .. فجاه فرح اتحركت وقعدت جمب ابوها وهو كان بين الصحيان والنوم بس شافها وهي بتقعد قدامه رفع ايده وحطها علي وشها وفضل ممشي ايده كأنه بيحفظ تفاصيل وشها كامل ... قال بتعب: كنت مستنيكي
فرح : انت تعبان الوقتي ارتاح وبعدين نتكلم
محمد الاب : مافيش اكتر يوم مرتاح فيه غير النهارده لانك قاعده قدامي ..
فرح ساكته وبصه ليه كمل بحنان ودموع : تعرفي انتي كنتي بنتي المميزه كنت عارف انك لما تكبري هتكوني حاجه كبيره اوي وده حصل .. انا فخور ليكي يا بنتي
فرح بسخريه مصاحبه دموع: مميزه عندك .. اااه منا شوفت التميز فعلا
محمد : هتصدقيني لو لقت ليكي ان يوم ما كنت بمد ايدي عليكي كنت يضرب نفسي ..
فرح بصت ليه بصدمه وانكروا الجمله في دماغها"بضرب نفسي"
محمد الاب كمل بحزن: ايوا متستغربيش كنت بضرب نفسي .. حتي لو شوفتي ايدي من فوق هتلاقي علامات ضرب كنت بعور نفسي علشان مديت ايدي عليكي .. وكما بقهر وحزن : ولما..لما كنت بحرمة من الاكل والشرب مكنتش باكل ولا بشرب وكنت دائما قاعد قدام اوضتك .. كان نفسي ادخل ليكي واخدك في حضني بس مقدرتش الصور اللي جات لامك في حضن واحد تاني خلتني علي اد خلي ليها علي اد انه اتحول لكره ..بس الكره ده مستمرش كتير لانها كان بتوحشني اوووي وكنت بحن ليها وكنت دائما كان نفسي اشوفك معايا وانتيواخواتك وامك كلكم في حضني وانا اللي احميكم .. مش تزعلي مني يا بنتي اه فعلا انا اتخليت عنك في اصعب اوقاتك وخليتك تعيشي تعيسه بس والله بحبك اوي يا بنتي .. مافيش اب بيكره ولاده ..كح كح كح كح ....
فرح مسكت ايده بعفويه وقلق عليه:طب ارتاح انت وبلاش كلام .. هنادي الدكتور استني
محمد مسك ايدها وقعدها قال بتعب: سبيني اكمل يمكن ارتاح يا فرح ...فرح مش عايزك تزعلي مني انا الوقتي بين ايدين رب كريم ياعالم هياخد امانته ولا لاء بس لو ربنا اخد امانته سامحيني يا بنتي انا اسف والله ندمان علي اد ما عشت وهعيش نفسي انك تسامحيني يا فرح
فرح بدموع: انا السبب في حالتك دي
محمد بيمسح دموعها: لا قلب بابا انتي مش السبب بس اصلا انا تعبان من ايام انا ومامتك افترقنا ...
فرح ساكته ودموعها نازله ومحمد قال بدموع: عايز اخدك في حضني ممكن؟
فرح بصت ليه وفضلت دقايق بصه ليه وبعدين اترمت في حضنه وعيطت جامد اووووي
فرح بدموع وشهقات : انا تعبانه اوووي ..جوايا جرح كبير اووي ..نفسي اني اسامح بس ..بس مش عارفه بفتكر كل حاجه مريت بيها ..انا مش بكرهك والله مش بكرهك ..انا والله بحبك يا بابا بس بس زعلانه منك
محمد بدموع وفرحه: انتي قولتي بابا صح
فرح هزت راسها بمعني نعم: احلي بابا سمعتها ف حياتي يا فروح
رفعت راسها من حضن باباها مع دخول الممرضه وقالت ان الوقت خلص
فرح : خلي بالك من نفسك .. هرجع ليك تاني
محمد بابتسامه ودموع : وانا مستنيكي يا بنتي
فرح باست ايده وخرجت واول ما خرجت لقت امها قدامها وفجاه محستش بنفسها غير وهي في حضنها وبتبكي وبتتاسف علي الي حصل : انا اسفه ..اسفه والله .. انا مكنتش اعرف اللي مريتي بيه كل اللي كان في بالي انك كويسه وعايشه مبسوطه وفرحانه وكمان بتكبري في شغلك سامحيني يا بنتي
فرح بدموع وبقي وشها في وش امها : انا لو كنت عايزه اوصلك كنت وصلت ليكي .. انا مش اول مره اشوفك هنا من ١٦سنه ..لا انا كنت اما باجي لندن كنت باجي واشوفك واشوف فريده وكنت عارفه ان عندي اخ صغير بس بخاف اقرب منك ولا حتي اقرب من اخواتي ل تطرديني او مش احلي تشوفيني وده أتأكد منه اما رجعتي مصر .. انا مكنتش عايزه شهره ولا اللي انا فيه كنت عايزه بس حضن ابويا وامي بس مش كتير عليا اما اطلبه
جني اخذتها في حضنها وفضلت تعتذر : انا مش هسيبك تاني لا وانا اخواتك وهتفضلي في حضني مع اخواتك يا فرح بس سامحيني مش قادره اشوفك كدا وانا مش عارفه احضنك زي الوقتي يا بنتي والله قلبي بيموت كل لحظه لما اشوفك بعيده عني ..انتي بنتي زيك زي فريده وحازم واحمد ..سامحيني
فرح بدموع وحضنت امها : مسامحاكوا ..خليني في حضنك يا ماما انا تعبانه اوووي عايزه افضل في حضنك مطلعش منه
جني اخدتها في حضنها جامد وراحت قعدت علي الكرسي وفرح في حضنها مستنين امتي محمد يطلع من المستشفي ..الكل شايف المنظر ومبسوط ان فرح بدأت تتخطي الي كانت فيه وهترجع فرح الي بتضحك ودايما مبسوطه وسعيده
احمد قعد من الناحيه التانيه وبيمسح علي شعر اخته : انا اسف يا فرح ان اهملتك ..بس غصب عني
فرح بصت ليه واترمت في حضنه وهو حضنها جامد من او ولا كلمه ...
مراد واقف مبتسم قال في نفسه : كدا فرح سمحت الكل لسه انا وانا هعرف ازاي تخليها تسامحيني انتي عشقي يا فرح وحب طفولتي وملكي انا ملك مراد المنشاوي ومش هسيبك تضيعي من ايدي زي زمان ...قريب اوووي هتكوني حرم مراد المنشاوي وده وعد مني ...
———————————————