جروح القلب 💔

15

في يوم جديد بعد الاحداث اللي حصلت وزعل معاذ من فرح وفرح صلحته وغضب مراد من فرح ....
ونور الشمس اللي بدل علي يوم جديد وحياة جديده واحداث جديده ....

كل من العيلتين علي الفطار عيله المنشاوي وعيلة الراوي وبدأوا الفطار بس اللي متاخر بطلتنا وبطلنا ونزل الاول بطلنا
مراد : صباح الخير جميعا
الكل : صباح النور...وبدأ مراد يفطر بس عقله مش معاه عقله مع اللي شغلت باله وحياته كلها ...قطع تفكيره صوت جده
الجد: محمد انت وممدوح بعد الفطار لازم نتكلم
محمد : نتكلم في ايه يا بابا
الجد : حاجات كتير واولهم فرح مستعجلش...ولا اقولكوا المواجهه هتكون هنا قدام الكل
ممدوح: مش فاهمك يا حسن بيه عايز توصل لايه
الجد : بعدين تفهموا ...قطع كلام الجد نزول فرح وكانت لابسه
فرح وهي بتقعد جمب محمود : صباح الخير ...وبدأت تاكل في وسط الاكل
معاذ بهدوء وحنيه: راحه فين النهارده يا فروح
فرح بابتسامه: راحه الجامعه انا اهملتها الفتره دي اوووي وكمان عندي محاضره عملي مهمه وكمان سكشن ..واشتري ملازم ...اليوم فعلا طويل اووي في الجامعه
معاذ: تمام يا قلبي ...محتاجه حاجه اجبها ليكي
فرح : تسلملي يااارب ...مش محتاجه حاجه
قطع كلامهم دخول المربيه الخاصه باحمد الاحفاد زمان
الداده: فرح يا بنتي ..في حد برا عايزك وبيقول انو من توكيل العربيات
فرح : هو وصل ...تمام يا داده حاضر خارجه اهوو
فرح قامت خرجت ليه ومضت علي استلام عربيتها الجديده ودخلت علشان تاخد حاجتها و تروح الجامعه
معاذ وقفها : فرح
فرح لفت ليه : نعم يا زيزو
معاذ :عربيه ايه اللي جايه دي مش قولت كفايه بقي مصاريف زياده دي العربيه الكام في الشهرين دولت حرررام عليكي فلوسك
فرح بهدوء : اولا العربيه دي مش ليا دي بتاعت محمود اخويا هي عجبته وانا وعدته اشتريها ليه
ثانيا: يعني انا اعمل ايه بالفلوس دي مهي مرميه في البنك مش بعمل بيها حاجه
ثالثا: معاذ انا مرتاحه كدا ..ارجوك
معاذ بتنهيده وبيمسح علي شعرها: قولي ليا وانا اجيب ليكي حتي لو طلبتي نجمه من السما بس مش عايز اشوف اختي مش بتعتمد عليا ..فهماني
فرح أومأت براسها : فهماك ربنا يخليك ليا ...انا همشي بقي علشان متاخره باااي ..باست ممدوح والفت ومشيت بس وقفت لما فريده ندهت عليها
فريده : فرح ممكن توصليني في طريقك للجامعه انا معرفش حاجه هنا
كان لسه اسر هيقاطع فرح بس الجد شاو ليه انو يسكت لما يشوف فرح هتكون رده فعلها ايه
فرح بصت ليها بهدوء وببرود قالت : اوكي اتفضلي ..ولبست نضارتها وفريده لحقتها وخرجوا
و مراد استاذن علشان  الشركه  وكل واحد راح يشوف اشغاله ....

في العربيه وفي حاله من الصمت بين فرح واختها من ناحيه فريده مش عارفه تبدا تتكلم من اي اتجاه ومن ناحيه فرح حاله من البرود بس جواها نفسها تاخد اختها في حضنها بس مش قادره..
فريده :..احم..هو انتي يا فرح في كليه ايه
فرح ببرود : اكيد عارفه انا الفراشه
فريده باحراج : انا بس بتابع فنك انا حياتك الشخصيه مش متبعاها
فرح بصت ليها شويه وبعدين رجعت بصت علي الطريق : ..انا في طب ..
فريده بابتسامه علشان فرح بدات تشارك معاها في الكلام: ...واو ..طب ..ربنا يوفقك يااااارب .. تعرفي حازم اخونا نفسه يطلع دكتور جراحه كبير
فرح ببرود : ربنا يوفقه
فريده بابتسامه: انا بقي في اداره اعمال ..نفسي اكون حاجه كبيره اووي عايزه اشتغل مع بابي واتعلم منه
فرح اول ما سمعت كلمه بابي غمضت عيونها جامد مش عايزه تفتكر ..فتحت عيونها وبصت للطريق ووصلت فريده للكليه بتاعتها وهي راحت لكليتها علشان امتحاناتها وعندها النهارده محاضره تشريح....
في شركه المنشاوي والكل قاعد في الاجتماع السنوي للشركه
مراد كان واقف بيشرح المشروعات اللي اتعلمت في السنه والدخل اللي دخل الشركه وكان اسر بيشرح بعده امور الماليه واحمد شرح المسائل القانونيه للشركه.... بعد ما الامور خلصت  والاجتماع خلص واتجمع عيله الرواي وعيده المنشاوي علشان يدرسوا القضيه الاصعب فرح وازاي هيتعاملوا معاها في الوضع الجديد
حسن : شوفوا الوضع اتغير اوووي عن زمان الوقتي عاد موجود جني وفريده وكمان حازم فلازم نتصرف بهدوء علشان منقعش في مشاكل وفرح مش هتستحمل ممكن في ثانيه نتفجر قدامنا وهيكون عندها حق في كل كلمه هتقولها واظن انتو شوفتوا يوم رجوع امها واختها حصل ليها ايه ....
محمد :.. انا مش عايز من الدنيا دي غير مراتي وولادي بس .. واذا كان علي فرح انا هعرف ازاي ارضيها ...
ممدوح بسخريه : وياتري هتراضي فرح ازاي عرفنا بس ...
محمد : بطل تريقه يا ممدوح دي بنتي وانا عارف كل مفاتيحها
ممدوح بسخريه اكتر:..لا بجد ..اممم وياتري عارف عنها ايه يا محمد بيه .. تعرف هي بتحب ايه وبتكره ايه ...عارف هي في كليه ايه او تعليمها وصل لغايه فين .. عارف انتي كام مره تعبت فيها ودخلت فيها المستشفي بسببك وبسبب مراتك...تعرف ايه ... تعرف اااااااايه رد عليا
محمد حط وشه في الارض ومقدرش يتكلم .. حسن: مافيش داعي للكلام ده يا ممدوح فرح من عيله المنشاوي وهيجي وقت وتسامح صحيح اللي بتعمل فيها صعب ولو كان جبل كان انهار بس فرح دمها منشاوي والمنشاويه قوايا يااا ممدوح
احمد بحزن : عمي ..صحيح انا مكنتش الاخ اللي اي اخت تتشرف بيه بس والله كان غصب عني مكنش ينفع اقرب علشان ..قاطعه معاذ : علشان خفت علي نفسك ايامها ولسه خايف علي نفسك يا احمد كنت بتشوف اد ايه هي كانت بتتعذب وانت واقف .. انت اثبت لاختك انك واحد اناني وبس وفعلا انت اناني ..لان لو مكنتش كدا كنت دافعت عن اختك وحميتها وضميتها واخدت مكانها العذاب كله وفرحتها ... كمل بخزي واحمد حط وشه في الارض: ...لا احمد بيه المنشاوي مكنش عنده وقت دا انت حتي يا اخي محامي وبتشوف قضايا عائلات بتاكل في بعضها محستش وقتها بالذنب ناحيه اختك ..... احمد مردش عليه وطول ما معاذ بيتكلم حاطط وشه في الارض : ... ساكت ليه يا احمد ..اتكلم يا حضره المحامي...احمد انت من اول ما فريده رجعت مع خالتي وانت بتعامل فريده كأنها ملكه ..عمرك عملت المعامله دي مع توأمها اللي هي بردك اختك ..يا اخي فرح فضلت سنه كامله تعذيب فيها وانت صحيح كنت صغير بس كنت قادر تفهم وتستوعب ايه اللي بيحصل ...
مراد بعصبيه : ما كفايه بقي يا معاذ ...في ايه احنا غلطنا في حقها بس اكيد هتسامح يعني ..وكمان متنساش زي ما جدي قالك فرح دمها منشاوي
معاذ بسخريه : ما تخلينا منتكلمش يا مراد ..وكمل بحده: لاني لو فتحت انت اللي هتتأذي ....المهم بقي عايزين تصفوا الخلاف مع فرح وتصالحوا مع بعض عندكوا فرح اقعدوا واتكلموا ...واللي فرح هتقول عليه هو اللي هيتنفذ ...سلام
قام معاذ وخرج من المكتب بمعني اصح من الشركه كلها ...
ممدوح : اظن سمعتوا كلام ابني كويس .... حاولوا تصفوا الخلاف مع فرح يا عمي يا حسن .. فرح تعبت ومن حقها تشم نفسها
حسن : كلنا الوقتي علي الفيلا يلا....وانت يا اسر روح هات فريده وورد من الكليه وتعالي علي القصر ...واحنا هنسبقكوا علي القصر
مراد : انا مش جاي عندي شغل يا جدي
حسن بحده: اللي قولت عليه يا مراد يتنفذ ... كلنا علي القصر
الكل خرج وفي طريقه للقصر ...في القصر والكل قاعد من الحريم والزوجات
جني : مالك يا الفت مش طيقاني ليه
الفت : وهو في اخت مش بطيق اختها ...بس اللي عايزه افهمه يا جني حاجه في دماغي ايه اللي رجعك في الوقت ده
جني بالم : مكنتيش عايزاني ارجع يا الفت
الفت : لا ازاي ...بس بقالك اكتر من ١٥ سنه ولسه فاكره ان ليكي اخت وكمان تتصلي ولا كمان جايه تشوفينا .... انا في دماغي اسئله كتير يا جني .... ليه مسألتيش علي بنتك ورمتيها ليه
جني بالم : انا مرمتس بنتي يا الفت ..في ان ترمي بنتها بنتي كانت في حضني وكمان كنت حامل وجبت ليها اخ علشان متكنش لوحدها
الفت : هو انتي فكراني بتكلم علي فريده ...لا يا هانم فوقي انا بتكلم عن توأمها فرح ...فرح يا جني هانم ايه نسيتي بنتك دا انتي حتي يوم ما كلمتيني علشان تقولي انك راجعه مصر مسألتيش عليها هي البنت دي عملت ليكو ايه علشان تعملوا فيها كدا عملت اااااااايه حد يرد عليا ضرب فيها من صغرها واستحملت كانت بتنام واحلم بكوابيس واستحملت بنت عندها ١٥سنه تاخد مهدئات وتتعرض علي دكتور نفساني ليييييه .... واتعذبت وعلامات الصرب والحرق مغرقه جسمها ومعلمه لغايه الوقتي ... وانتي عايشه حياتك  بكرا مصراتي لو كنتي رجعتي واخدتيها وحضنتيها بس ... بس ازاي لاء انا راجعه نصر علشان بنتي تشوف ابوها مفكرتيش للحظه انك هتشوفي توأمها هتعملي ايه لما تشوفيها ....لغايه انتي بقي انتي وابوها هتعذبوها لغااااااايه امتي ....
جني وقفت وبعصبيه : انا مش بحب البنت دي ... وعذاب ايه الي هي شافته قولي ليا كدا عذاب ايه دي كانت بتضحك عليكي منتيش شيفاها هي بقت ايه واكيد من دلال ابوها عليها ...قطعها اللي كان داخل وسمع : لا جني هانم بنتك اتعذبت عذاب محدش اتعذبه ... انا ابوها وهي كانت بنتي المفضله عندي كانت اميرتي بس عذبتها ... لدرجه اني كنت هبيعها لبيت دعاره ...فاهمه يعني ايه بيت دعاره بنت كانت هتبقي عاهره لولا اختك وجوزها كانت بنتك مش معاكي ...انا كنت بنيمها في بيت الكدب برا في عز البرد والدنيا مليانه مطر ... لا كنت بقعدها في اوضه ضلمه ... كنت هموت بنتي مره بالقصد واكلتها شوكلاته علشان عارف ان عندها حساسيه جامده وممكن تموتها لو زادت عليها ... عملت كتير في بنتي .. مش عارف هي هتسامحني ازاي ... نفسي اخدها الوقتي في حضني بس مش هقدر ...
الكل كان واقف مصدوم من اللي حصل ومن اللي محمد بيحكيه ومفقوش غير علي صفعه جايه من حسن هاي وش ابنه : انت مش ابني ..انت مش ابني ... جبت القسوه منين دي يا ابن حسن جبتها منين رد عليا ... تعمل في بنتك كدا...حتي لو كانت امها خانتك بس متعملش كدا في بنتك ... فين تربيتي ليك فين ... اومال لو مكنش ممدوح كان اخد بنتك ورباها كنت عملت فيها ايه كمان .... انت مش ابني لا مش ابني انا عندي ما اخلف ابن زيك يعمل كدا في ولاده ..فرقت الولاد عن بعض وفرقتهم عن امهم ...افرح يا محمد بنتك مش هتسامحك ابدا ....
مراد بصدمه: هي عملت ليكوا ايه لكل ده عملت ايه ... دي طفله اعمل فيها كدا ليه يا عمي ... اه كلنا سبناها ليك علشان دي رغبتك بس بس مش للدرجه دي تعمل فيها كدا ... بس انا زيكم انا وقفت وكنت بتفرج عليها وهي بتتعذب ...هي لو طلبت اني اموت بس تسامحني مش هتردد ... وانا كمان زودتها وعارف انها بتحبني كسرتها وخطبت غيرها ...
احمد بكسره ووقف قدام ابوه : انت ..انت يا بابا تبيع اختي .. ليه كل ده علشان ايه ... علشان امي .. واهي امي طلعت بريئه وشريفه وكمان تموتها ... الحمدلله ان فريده كانت مع امي مش معاك كانت ماتت .. ولف لامه : وانتي كمان يا ماما مش بريئه .. انتي سبتي بنتك ومشيتي وسبتيني .. حتي سماعه التلفون مش رفعتيها علينا ولا اطمنتي عليا انا وفرح .. ولما رجعتي رجعتي علشان فريده حتي مسألتيش علي التانيه .... انتو عايزين ايه ..لان انا تعبت منكو..اختي كرهتني .. وابويا كان هيكون قاتل بنته ... وامي مش سائله عن بنتها ... وعايزين فرح تسامحنا هي المفروض مش تسامحنا لا المفروض تجيب مسدس وتخلصه فينا كلنا لاننا السبب .... حسبي الله ونعم الوكيل ... حسبي الله ونعم الوكيل ....
ممدوح لمحمد : ايه اللي حصلك يا صحبي .. مكنتش كدا .. دولت كانوا اميراتك وخصوصا فرح حبيبتك مش دي كانت اميرتك ..
محمد بصراخ : بس بقي كفايه كفايه ...انا جوايا نااااو محدش حاسس بيها ...انت فاهم يعني ايه اعذب بنتي قدام عنيا ... واخوتها بايدي دولت ..وشاور علي ايده بشرود... ايه انا انسان بردك ورجعت عن كل ده وبعتها ليك لاني مش هستحمل انها تتأذي دي مهما كانت من.لحمي ودمي ... انا غلطان واستاهل القتل ..بس محدش كان حاسس بالنار الي جوايا لما اشوف صور لمراتي اللي فصلت اعشقها في حضن راجل تاني واكتشف انه كان لعبه ..وكمان الاكتر ان بنتي تكون نسخه طبق الاصل من امها ... عايزني اعمل ايه ..وانا كل لما كنت اعذب بنتي واضربها كنت اروح اضرب نفسي علشان بس مديت ايدي عليها ... انا جوايا نااار فكرك يا ممدوح مش بتعذب ان بنتي مش بتنده ليا بكلمه بابا ... وشايفها بتنده لحد تاني بالكلمه دي ...فكرك مش نفسي ان بنتي تدلع علي باباها ولما انسي الحاجه اللي بتحبها تزعل مني واصلاحها...مش نفسي اشارك بنتي في نجاحها ... فكركوا انو سهل عليا لما بنتي تطلع في التلفزيون بدل ما تقول اسمي وتفتخر اني ابوها تفتخر بحد تاني ...اه انا بمثل البرود قدامكوا وانو مش فارق معايا بس محدش يعرف اللي جوايا ... محدش يعرف والله محدش يعرف .... وانتي يا جني بدل عذابي في بنتي كنتي فين ...كنتي فين المفروض انتي تحتويها ..لا انتي سبتيها ... لو كنتي رجعتي ليا تاني وطلبتيها والله كنت اخدتيها وربتيها مع اختها واخوها بدل اللي عملته فيها مش قادر ارفع عيني في عيونها ....
وقعد علي اقرب كرسي ليه وحط راسه بين ايده وصوت بكاه سمع كل القصر وكان موجود حاله من السكون مش مسموع فيها غير صوت شهقات عياط جني وبنتها فريده اللي هي وصلت وابوها بيحكي علي اللي بيعملوا في اختها والكل حزين مش عارفين يعملوا ايه  ... بس محدش اخد باله من اللي كانت واقفه وسمعه كل كلمه وكل حرف اتقال في المواجهه دي..فرح..سمعت وعرفت كل حاجه ومع الاسف الكسره زادت اكتر لما عرفت ان ابوها مش بس عذبها وضربها لا كان عايز يموتها او يخليها عاهره ...للدرجه دي مش فارقه معاهم ليييه ... فجاه كلهم انصدموا لما شافوا فرح قدامهم وهي بتبص ليهم بكسره والم وعتاب وحزن علي ابوها وامها ..اللي وقفوا من اول ما حسوا ان في حد وقف قدامهم. ...
فرح ببكاء والدموع مغرقه وشها : كان ممكن اسامح وممكن اغفر بس اللي سمعته منكوا مش هقول ليكم غير حاجه واحده .. ربنا يسامحكوا بس عمري في حياتي ما هسامحكوا ابدا ...
وطلعت تجري برا القصر والدموع مغرقه وشها ومعاذ ومراد حاولوا يلحقوها بس معرفوش وساقت علي اقصي سرعه ....
جوا القصر ...
جني : انا كدا خسرت بنتي خلاص .. خسرتها
فريده بحزن والم : خسرتيها من زمان يا مامي من يوم ما كنتي انانيه من يوم ما فصلتيني علي اختيي ياااارب اختي تسامحني بس انتي كنتي بتقولي ليا انك بتسالي عليها ليه مقولتيش ليا وانام نت كلمتها وقربت منها مكنتش سبتها ...سابت امها وطلعت تجري علي اوضتها ولحقها اسر خاف علي حبيته من الحزن والزعل
محمد لاحمد ابنه بدموع : احمد .. هات ليا اختك يا احمد هات فرح ...
احمد بحزن: معتش ينفع يا بابا ... خلاص فرح ضاعت خالص من ايدينا.... وسابه ومشي خرج للجنينه ولحقته ورد
ورد بحزن وحطت ايديها علي كتفه : كل حاجه  هتكون بخير يا احمد ... متزعلش نفسك
احمد بيبصلها: هتكون بخير اووي ... لدرجه ان الكل اتفرق خلاص يا ورد
ورد : احنا مع بعض وانت هترجع كل حاج هدي الاول وفرح هتسامحنا ونكون عيله حلوه اووي
احمد : صعب يا ورد .. انا كل اللي عايزه ان اسمع منها كلمه اخويا .. تقولي انت اخويا ..متكنش عدوتي يا ورد
ورد : ان شاء الله والله فرح طيبه .. تعرف لما كنا في المول سوا هي اللي جابت ليا كل حاجه ليا وقعدت تضحك معايا .. فرح من جواها طيبه اوووي وقلبها ابيض وان شاء الله هتسامحنا ...
احمد حصن ورد وبكي في حضنها : ورد ..انا خايف اووي ..
ورد بتمسح علي شعره : هششش .. اطمن كل الامور هتتصلح ... تعالي ندخل جوا ليهم يلا وخليك قوي علشا ن عمي ومرات عمي وكمان علشان فريده  زمانها منهاره .....
في اوضه من اوض القصر نلاقي فريده مرميه علي السرير وبتبكي واسر جمبها بيحاول يهديها ...
اسر : يا عمري كفايه بقي ...والله فرح هتكون كويسه وهتسامح عمي ومرات عمي
فريده ببكاء : انا كنت بحس بيها .. كنت بقول لماما ان اختي فيها حاجه .. هي تقولي انها كلمتها وهي كويسه ...مكنتش اعرف ان امي بتكدب عليا ... والله يا اسر كنت بحس بيها .. احس بوجع في. قلبي ... اعرف ان هي فيها حاجه
اسر : عارف يا قلبي ومصدقك والله .. لانكم توأم ومرتبطين ببعض بس لازم تكوني قويه علشان تقدري تقفي جمب فرح وباباكي ومامتك
فريده : انا معتش عايزه العيله دي ... يا ريتني ما رجعت .. كنت فاكره لما ارجع هلاقي اختي مبسوطه ومستنياني.. بس رجعت لقيتها اتعس واحده في الدنيا
اسر بعتاب : ونستيني بالسرعه دي يا فريده ...
فريده بخجل : كنت عايزه ارجع ليكوا كلكوا .. بس مكنتش عايزه اشوف كل ده
اسر بيقول منها : فريده ... انا
فريده : انت ايه يا اسر
اسر : انا بحبك اووي يا فريده .. وكنت مستني انك ترجعي علشان تكوني ليا .. انا بحبك من واحنا عيال صغيره اوووي .. ولما كنت بحب العب معاكي ...انا وصلت لمرحله العشق يا فريده
فريده بخجل : وانا كمان
اسر بفرح : وانتي كمان ايه
فريده : كنت دائما فكراك وعمري ما نسيتك .. وكمان انا بحبك ومن احنا عيال زي زيك بالضبط
اسر بعدم تصديق: بجد
فريده : ايوا
اسر حضنها وقعد يبوس في جبينها : انا بحبك اوووي وبعشقك وبموت فيكي والله
فريده : وانا كمان يا اسر
اسر : خلاص خطوبتنا هتكون مع احمد و ورد مش هقدر اكتر من كدا كان نفسي في جواز بس خلينا الوقتي خطوبه علشان الوضع الي في القصر واخلص جناحي وتكوني بعدها ليا
فريده : اللي تشوفه ... اسر
اسر : عيون اسر من جوا
فريده : عايزاك تساعدني ان ارجع اختي واقرب منها
اسر : من غير ما تقولي يا حبيتي وكمان هندخل معاذ وطارق ومحمود ونتعاون كلنا علشان فرح تسامحنا
فريده : بجد
اسر : بجد
فريده : انا بحبك اوووي
واسر : وانا بحبك اكتر يا قلب وعيون و روح اسر من جوا
فريده خجلت وحطت وشها في الارض
اسر : يلا ننزل وخليكي جمب باباكي تمام هو الوقتي محتاجالك اكتر يا فريده كفايه كسره فرح
فريده : حاضر يلا بينا
ونزل اسر و فريده ودخل كل من احمد و ورد وكلهم قعدوا والحزن الاكتئاب خيم علي جو القصر وعدي النهار واجي الليل ومحدش يعرف اي حاجه عن فرح
معاذ بقلق : لا مش هقعد كدا داخلين في سبع ساعات معرفش عنها حاجه انا خارج ادور عليها ......
مراد : انا جاي معاك مش قادر اقعد كدا .. وانا معرفش عنها حاجه
احمد : خلاص نقسم نفسنا وندور .. بس الاول ندور في الاماكن اللي بتروحها كتير يمكن هناك
طارق : انا مع احمد في الاقتراح ده
معاذ : طيب انا ومراد هندور في الاستديو والمسرح يمكن هناك
طارق : وانا واحمد هنروح شقتها او الفيلا
الكل بيتفق الا محمود قاعد ساكت والكل لاحظ ده
معاذ باستغراب : غريبه يا محمود مش قايم تدور معانا علي فرح ليه دا انت اول واحد بتقلق علي فرح
محمود بهدوء : متعذبوش نفسكم و دوروا عليها لانكم مش هتلقوها
مراد : ممكن تفسير لكلامك
محمود بجديه: فرح مش موجوده في القاهره ده اللي اقدر اقوله
طارق : اومال فين يا محمود
محمود ساكت مش بيرد علي حد
معاذ بعصبيه : فرح فين يا محمود
محمود : معرفش بس كل اللي اعرفه انها مش في القاهره هي جواها او براها معرفش
معاذ بغضب : يعني ايه
محمود : يعني مدورش عليها لما هي ترتاح هترجع
معاذ : انت كلمتها
محمود : ايوا .. بس مش هتقدروا توصلوا ليها ...
معاذ ؛ اا هقلب الدنيا عليها وهعوف مكانها وساعتها حسابك انت وهي عسير عندي ... سابهم وخرج والشباب خرجوا وراه
يدوروا علي فرح ومحدش عارف هي فين ......