جروح القلب 💔

١٦

خرج معاذ والشباب ما عدا محمود يدوروا علي فرح بس رجعوا بعد ساعتين مافيش حاجه ومش لقينها
ممدوح للشباب: ها في اخبارك لقتوها
مراد بقلق: لا قلبنا الدنيا مش عارفين هي فين .... انا خايف عليها اوووي .. اتجه لمحمود : محمود فين فرح ... احنا بس نطمن عليها
محمود بصدق وحزن علي اخته: صدقوني معرفش .. كل اللي قلته انها هتريح دماغها وهترجع تاني .. وقالت انها بخير وقفلت
معاذ بعصبيه : هتكون راحت فين يعني
طارق : ليكون راحت الشقه بتاعتها ... هي لما بتكون تعبانه بتروح هناك
احمد بنفي : لا مش هناك رحنا مافيش حد هناك والبواب قال مجتش خالص من فتره كبيره
اسر : طب نهدي كدا ... واكيد هتتصل بحد وطمنه ان شاء الله
محمود : انا هتصل بيها ..استنوا .. وبعد فتره حد رد
محمود : الوووو
....: مين
محمود : مش ده تلفون فرح ...
...: انا معرفش والله بس صاحب التلفون ده حاليا في المستشفي وانا من الاستقبالات وكنت هتصل بجد ابلغه ان صاحب الفون ده عمل حادثه عربيه علي الطريق الصحراوي وحاليا في المستشفي
محمود بفزع : ايه مستشفي ... مستشفي ايه انطقي
الاستقبال : مستشفي الحياه يا فندم اتمني حد يجي علشان المريضه والاجراءات
محمود بقلق: تمام حاضر... وقفل : بيقولوا فرح عملت حادثه علي الطريق وهي سايقه وهي في المستشفي
مراد بهلع: اااايه ... مستشفي ايه انطق
محمود : مستشفي الحياه
وفجاه جري كل من مراد ومعاذ وطارق علي  عربياتهم وطاروا ناحية المستشفي ... والكل وراهم

في المستشفي
بعد ما فرح عملت الحادثه مكنتش اعرف ان الاستقبال كام حد وطلبت من الدكتور ميتصلش بحد .
وصل ساعتها العيله علي المستشفي
مراد بقلق : المريضه اللي عملت حادثه علي الطريق الصحراوي في ارضه كام
الاستقبال: اوضه ٣٠٥ في الدور الثالث
في الوقت ده كانت فرح مع الدكتور بيكشف عليها ويتابع حالتها
الدكتور: اسمه فرح حضرتك عارفه انتي عندك ايه بالضبط .. وده ميسكتش عليه
فرح بهدوء : عارفه يا دكتور ... بس انا حاليا مش مستعده اني ادخل واعمل العمليه دي
الدكتور: بس كدا في خطر عليكي .. لما بتتاخري عن دخول العمليات .. حالتك بتتاخر ... وده مرض خطير مش لعبه
فرح : دكتور مش عايزه حد يعرف حاجه ارجوك
الدكتور: انسه فرح ... انتي معرضه في اي لحظه للدخول في المرحله الخطر .. والمرض ده لو احتل جزء كبير من الدماغ تدخلي في مواضيع اكتر ... الحقي نفسك انتي زي اختي الصغيره
فرح : هفكر يا دكتور... لسه قدامي اد ايه واكون في مرحله الخطر
الدكتور : لسه قدامك .....قطع كلامه دخول العيله وكلهم بيجروا عليها
جني بقلق وبتفحصها : انتي كويسه صح ... حاجه وجعاكي .. ردي عليها
فرح بصله ليها ومش بتتكلم ... الدكتور استاذن منهم وقال انو هيرجع تاني يطمن عليها
فرح نزلت ايد جني من عليها ببرود : هفضل كويسه لو انتي بعيده عني يا جني هانم
جني مصدومه وباصه لايديها وفرح بتنزلها بشرود وتوهان ...
الفت : انتي كويسه يا فرح يا بنتي
فرح بابتسامه بسيطه: كويسه يا ماما اطمني ... جني بصة لاختها ولبنتها بصدمه عمرها وبعدين نزلت وشها في الارض قومها احمد وحضن امه لانه عارف الوقتي احساسها
معاذ : اللي في ايدك ده ... وعملتي الحادثه ازاي
فرح : كنت طالعه شرم ... وطلعت قدامي عربيه ومعرفتش اسيطر عليها بس الحمدلله كنت حاطه حزام الامان
طارق بحنيه : الحمدلله انها جت علي اد كدا
فرح بابتسامه : الحمدلله
الدكتور دخل عليهم بعد فتره ومراد سأل علي حالتها :
مراد : اخبارها ايه الوقتي يا دكتور وتقدر تخرج
الدكتوره ايو يا استاذ مراد .. وان شاء الله الجبس بعد اسبوعين يتشال ومافيش اي حاجه عندها بس شويه خدوش و دولت هيروحوا بالكريمات والعلاج .. وكتبت ليكي مسكن علشان لو حسيتي باي تعب
فرح فهمت العلاج ده لايه : تمام يا دكتور وشكرا اوي تعبتك معايا
الدكتور : ولا يهمك دا واجبي .. الف حمدلله علي السلامه
فرح : الله يسلمك
معاذ : تمام كدا انا وطارق هنروح نعمل اجراءات الخروج والكل بقي علي العربيات كدا يلا
احمد اخد مامته ومشي جمبه ابوه وامه (جني) عيونها بتبكي لوحدها ومحمد ماشي وجواه حزن الدنيا كفايه كسرته ومش عارف ياخد بنته في حضنه وهو السبب في اللي بنته فيه
فرح لسه خارجه لقت حد حضنها من ضهرها انصدمت بس عرفت مين العاشق الولهان لفت ليه ولسه هتتكلم انصدمت من اللي حصل كانت شفايفه علي شفايفها قاومته بس مقدرتش واستسلمت ليه غمضت عيونها واستمتعت باللحظه دي يمكن متتكررش واتعلقت في ياقه قميصه رد فعل علي اللي حصل ..... اما هو كان مرعوب انه يفقدها صحيح مش عارف يوصل ليها بس كفايه انو شايفها قدام عيونه حتي لو من بعيد بس مطمن عليها محسش بنفسه غير وهو حضنها ومحسش بنفسه وهو ييحط شفايفه علي شفايفها واتعمق اوووي لمًا حس انها محتاجه ليه ومستسلمه ليه وبعد فتره من حبه وحنانه ليها بعد عنها بعد ما حس انها مش قادره تتنفس
مراد يحنيه وحب وبيبص لعيونها : خفت عليكي اوووي ...
فرح ساكته وباصه في عيونه خايفه اللي يكون اللي شيفاه في عيونه ده يكون كدب او هي مش عارفه بس شيفاه في عيونه حب وعشق وخوف وحزن والم لالالا كدب
مراد لاحظ شرودها في عيونه : اللي شيفاه في عيوني ده كله حقيقي
فرح انصدمت من كلامه ..... وكمل بالم : اوعي توجعي قلبي تاني يا فرح والله اموووت ....
فرح فاقت من صمتها وشرودها وسابته ومشيت وهو وقف في مكانه وغمض عيونه واتنهد .. نفسي تكوني ليا يا فرح بس انا كسرتك خلاص ... مسح الدمعه اللي نزلت من عيونه وخرج وراها ...
الكل وقف قدام العربيات برا المستشفي مستنين فرح وهي بعد فتره قليله جت عندهم
فرح ببرود: انا هركب عربيتي
معاذ بسخريه : وهتسوقي ازاي بدراعك ده
فرح ببرود : هاخد معايا محمود يسوق .. وكمان عايزه ارتاح شويه
طارق باستغراب : مش هترجعي القصر
فرح : لا
ممدوح : ننننعم
فرح : بابا لو سمحت سبني علي رحتي ...
الفت : لا مش هسمح بكدا لا مين هياخد باله منك وانتي تعبانه
فرح : انا كويسه يا ماما علشان خاطري
ممدوح : بردو لا لو مش عايزه ترجعي القصر الكبير نرجع قصرنا قصر الراوي غير كدا لا
فرح برجاء : بابا لو سمحت انا ابقي لوحدي شويه ومعايا محمود واخواتي يبقوا يجوا يطمنوا عليا بلييز
حسن بهدوء لفرح وممدوح : تمام يا فرح روحي شقتك وارتاحي وخلي بالك من نفسك وكل يوم حد مننا هيجي يطمن عليكي ... وبص للشباب كلهم والبنات ...وانتو مش هتسبوها لوحدها كل يوم عندها تطمنوا عليها .. وبص لفرح : لو عايزه حد من البنات يقعد معاكي قولي
فرح ببرود : متشكره .. بس بعرف اخد بالي من نفسي
محمد : يابنتي خلي فريده اختك معاكي احسن ..حتي مطمن عليكي منها
فرح ببرود : اولا انا مش بنتك ...ثانيا خليها عندك يمكن تعذبها شويه .. اصل اللي كنت بتعذب فيها خلاص اخدت كفايتها من التعذيب والضرب ..ثالثا بقي ونقفل علي الموضوع اعتبروني مووت يا سيدي ولا انتو تعرفوني ولا انا اعرفكم ولو طايله اشيل الاسم بنتك من جمب اسمي هعملها ..
احمد بغضب : اتكلمي عدل يا فرح احسلك
فرح بسخريه : لو متكلمتش عدل هتعمل ايه .. اوعي تفكر بس تفكير تمد ايدك عليا لانها مش هتلاقي ايدك اللي فرحان بيها دي تاني
وسابتهم وركبت عربيتها اللي وصلت من احد الحراس وركب محمود مكان السواقه وانطلقوا للشقه ......