بَيْضاءُ تَسْحَبُ مِنَ قِيامٍ شَعْرَها
وَتَغيبُ فِيهِ وَهْوَ جَثْلٌ أسْحَمُ .
#للــكـاتــبة :yaqeen.hassan
#اســتاذي الـمـغـرور
دوسو النجمة قبل القراءة 🙏✨
قراءة ممتعة💞
✨•••••••••••••••••••••••••••••••••••••••••✨
ضليت هيج صافنة لحد مسمعت رنة الموبايل باوعت همام
هنا رجعت ليورة خطوتين خفت ماعرف ليش تقربت وترددت افتح بس لح بالاتصال رحت اخذتة ودعيت الله يكون هادي وياي فتحت الخط وجنت مستعدة لاي ردة فعل ينطيهة
_ الو
همام : ليال انت وين كولي بسرعة
ليال : ب با باربيل
همام : شوداججججج هناااك
ليال : هنا خفت هواي طلعت بسرعة وجنت ارجف نطيت الموبايل لخالو وهوة نصدم وهمام يصيح الو الو
_ ا احجي وياه انت
قيس : تمام بس لترجفين اهدي الوو هاا همام
همام : خالووو بس فهمني شجاي يصير ليال ليش باربيل وشنو احمد يكلي لتجيب طاري اسمهة بالبيت شديصير
ليال : وكعت دموعي يعني هوة ميعرف
قيس : اول شي نصي صوتك لتعيط شبيك هسة افهمك على كيف
ليال : كعدت على القنفة وخالو بصفي وفاتح سبيكر وبدة يحجي لهمام وذاك مالة حس
من خلص ورة 25 دقيقة تقريبا لا خالو حجة القصة همات بالتفاصيل
سكت خالو وهمام اسمع بس صوت نفسة
همام : ليش ليال ليش هيج سويتي جان رفضتي ليال هذا مو تصرف احد يتقبلة شوفي شسوة بيج بالنهاية
ليال : يعني انت مصدكني
همام : ليش منو الممصدكج
قيس : اهلك حبيبي اهلك قارين المحادثات وميدرون بسالفة تشفير المحادثات يعني اهلك ميدرون ان ثائر مهدد ليال بالمحادثات
وهمة ممنطيهة مجال تحجي ودزوهة الي وحدها بالطيارة تخيل لاي درجة همة قافلين
همام : what what شدتحجي خالو ترة راسي رح ينفجر
قيس : همام مرح تفتهم لو شيصير السالفة تفر الراس روح انت من تخلص امتحانات تعال لاربيل وافتهم
همام : اوووف نشالله نطيني ليال
ليال : اخذتة ورحت للغرفة
همام : لييلتي شلونج انت
ليال : بعدك تكلي ليلتي اني ما استاهل
همام : انت صح غلطتي بس المحادثات وكل هالصار مو بسببج
ليال : همام والله مسويت اي شي وياه تدري حتة كلمة استاذ باخر ايام يلة شلتهة والله ضليت محافضة على روحي
همام : ليال اني اعرفج لتبررين بس جيب اليقنع بابا واحمد لازم ارجع للعراق واحجي وية ثائر هوة الوحيد اللي يكدر يوضح الموضوع
ليال : اكرهةةةة
همام : هسة انت شلونج
ليال : شلوني همام دامووت والله داموت صايرة ماكدر اعيش بدون القنينة ما الاوكسجين
همام : يا قنينة ليش شوصلج للقنينة ما الاوكسجين
ليال : تخربطت من صارت السالفة وحالتي صارت فدمرة تدمرت خابر قاسم وهوة يعرف عافوني يمة بالمستشفى 3ايام
همام : انس كلسع مصدوم بتصرفاتهم اللي توكف العقل يالله شجاهم
ليال : حقهم
همام : لا مو حقهم شن يعني يعوفوج بالمستشفى ويخلوج تسافرين وحدج هذا حجيي بلةة
ليال : همام لتكللهم اريد اقنعهم واني عندي دليل
همام : خلاص يروحي كافي لتبجين يلة روحي دنيا ليل هسة نامي وارتاحي بس اخلص امتحاناتي اجي ونحل كلشي تمام خليج واثقة بية
ليال : تمام
همام : يلة باي
ليال : باي _
سديتة من همام وحسيت بجزء من الراحة ان اشخاص صدكوني املي كبر باوعت للغرفة اني وين واهلي ويين
تذكرت من دزيت الرسالة لثائر كلت رح ابدي حياة جديدة بدونة وصدك بديت حياة جديدة حياه مابيهة اهلي مابيها الاشخاص الاحبهم
حياه جديدة وبيت جديد مدرسة جديدة وعيشة وية شخص جديد
يا ترى شنو حيكون الماساه الجاية ورة هالعيشة الجديدة
نمت مرة ثانية وكعدت الصبح
حسيت بغربة كل مرة اكعد على صوت احمد هسة ماكو صوتة
كما غسلت وطلعت البيت فارغ باوعت الريوك على الميز لكيت خالو كاتب رسالة ان راح للمدرسة يسوي اوراق نقلي كعدت على الميز وصفنت البيت هدوءءءءء ماكو صوت نزلت دموعي همات على هاي الحياه اللي رح اعيشهة من اليوم
اكلت شوية بس علمود العلاج كمت شربتة وطلعت للبلكونة كعدت على المرجوحة وصافنة على الشارع والبحر اللي من جهة صفنت على العالم ياترة همة مثلي هم عدهم وجع لو بس اني هيج
تنفست قوي وجبت الاوكسجين حطيت القناع وغمضت عيني اتخيل حياتي اذا اجة همام رح يصلح كلشي وارجع لبابا وماما وفرح وكلشي يصير بخير
صحيت على صوت خالو
قيس : صحي النوم شجاج خالو صارلج شكد منايمة
ليال : صباح الخير تعبانة بعدني
قيس : سلامتج العصر اوديج لدكتور نشوف شجاج مووزين هيج تضليين
ليال : خالو كلي كلشي ولا دكتور مالي خلكهم ابد اني تعبانة خليني ارتاح
قيس : بس ميصير هيج ليال كلشي ولا الصحة
ليال : خالو هية بقت على صحتي هية هم خلي تروح حتى اموت واخلص
قيس : باوعي هذا اختبار من الله حمدي ربج شوية شبيج وكلي امرج علي شنوو يعني اني هم خسرت مرتي وجان حامل بابني يعني خسرت شخصين اشو مسويت مثلج
انت على الاقل اهلج الله يحفضهم عايشين وهمام كالج كلشي رح يتصلح شهالكائبة اللي انت بيهة لعد
ليال : دنجت راسي وكمت ابجي ميدرون باللي اني بي اني طول عمري موكلة امري لله ولحد هسة بس صعبة والله صعبة هالشعور
تقرب كعد يمي وحضني
قيس : شكو البجي ليال صيري قوية ولج وين ليال القديمة ام لسان ليش صرتي هيج
ليال : قتلوهة خالو قتلوهة ليال القديمة
قيس : نرجع نبنيهة شكو بيهة شو كومي بدللي يلة خلي نطلع
ليال : مالي خلك خالو
قيس : ليال وعلي حكتلج كومي داكلج كسلانة كومي نركض يلة
ليال : خالووو _ كومني كوة لبست وانطاني السماعة الهيتفون وهوة هم لبس تراك رياضة واخذ سماعتة وبطل مي ونزلنة
وكفنة بحافة الشط ونمشي رتاحيت هواي النفس يدخل لاعماققق كلبي احسة اول مرة ارتاح
قيس : ها عجبج موو
ليال : اول مرة اتنفس عدل
قيس : هذا المكان يقتل ابو الربو
ليال : ماريد اركض
قيس : ماكو يلة شغلي اغنية وركضي وياي يلة ماكو ممسموح الحجي
ليال : خالو حباب
قيس : اذا متركضين اشمرج بالشط
ليال : هفف خالووو _ بديت اركض على كيف وطلعت اغاني وبديت اسمع واركض يمكن هنا رتاحيت شوية صح تعبت بس حسيت الطاقة السلبية كلها طلعت ونشغل تفكيري ونسيت شوية
ورة تقريبا 25 دقيقة وكف خالو واني وكفت وياه كعدت على الصبة الحاطيهة اتنفس
شلت السماعة وكعد خالو يمي
ليال : رتاحيت
قيس : شفتي هنا تطلعين كل الطاقة السلبية
ليال : انت كل يوم تطلع هيج
قيس : لا مو هيج وكت من ارجع من الشغل ارتاح وانام العصر اطلع
ليال : لعد هسة ماعندك شغل
قيس : اخذت اجازة
ليال : ليش خالو هذا شغلك
قيس : عادي اني اصلا اشتغل كومة ومماخذ اجازة ابد لهذا نصدمو مني من اخذت اجازة
ليال : ليش مترتاح لعد
قيس : ارتاح شسوي يعني انام واني مالي خلك
ليال: ليش مترجع لبغداد لبيت جدو
قيس : مكاني مو هناك
ليال : لعد عاجبتك العيشة هنا وحدك
قيس : هنا ذكريات هواي هية اللي خلتني عايش خلاص ليال سدي هالموضوع كومي نرجع للبيت يلة
ليال : تمام _ كمنة ورجعنة للبيت صعدت رتاحيت وكلبت بالموبايل وراهة طلعت للمطبخ الهي روحي طلعت معكرونة وبديت اسويهة وخالو ميدري بالدنيا كاعد بالغرفة مالتة صارت الساعة ب2 رحت دكيت الباب وصحت خالو طلع وكعدنة
قيس : شنو هالدلال ولج اخاف اتعود
ليال : هوة شكلي ضالة يمك خالو
قيس : نجبي ههههه
ليال : ههههه ليش هيج دللتك وسويتلك معكرونة وتكلي نجبي
قيس : لان من اول ما جيتي بس ككئابة واني مناقصني
ليال : شسوي خالو الحياه سوتني هيج
قيس : اكلج نجبي لو هم تضوجين وانت شايفة من حياتج وراج حياه طول بعرض هذا الشي قليل مداحطمج بس هاي الحياه مو كل الناس فرحانة
ليال : اشو ياهو اليشوفني يكلي شايفة من حياتج شتريدني اشوف اكثر من هاي اهلي ميريدوني ومضلومة بعد شنو
قيس : من تخسرين شخص عزيز لا سامح الله هنا رح تشوفين الوجع الاصلي
ليال : تتوقع رح اخسرهم لا سامح الله
قيس : الله وحدة يعلم
ليال : كلام خالو اثر بية هواي ماعرف ليش للحضة باوعت وكلت همة بخير اني ليش ضايجة اهم شي صحتهم وهمة موجودين بهالدنيا هذا اهم من اي شي بهالدنيا حمدت الله وشكرتة
وهيج بدت ايامي تمشي همام وخالو معافوني واني بديت اقوي روحي وارجع ليال بديت بالدوام ومشت ايامي اشتياقي لاهلي جان جببرررر ومينوصف
بس نتضرت همام بفارغ الصبر حتى يرجع ويصلح كلشي
جنت احسه هوة املي بهالدنيا
ماعرف هذا الامل رح يبقى او لا شنو رايكم انتو
يوم الجمعة كعدنة الصبح اني وخالو عطلة ورح ياخذني على الشلال ماعرف شنو اسمة تقريبا نص ساعة بعيد. عن البيت رحتلة صار مرتين وهاي الثالثة الشلال يموووت
جمالة خرافي وبي راحة متنوصف
طلعنة من البيت واحس كلبي مقبوض محاسة بهالشي قبل بس اليوم حسيت بي كلت اخاف احتاج بخاخ طلعنة وتجاهلت الموضوع كلت عادي
رحنة للشلال وكالعادة خالو يخليني على مثل الميز مال الطعام بس خشب كعدت وكبالي الشلال صفنت شوية وطلعت موبايلي دكيت على همام
ههمام : هلو يروحي
ليال : شلونك
همام : بخير وانت
ليال : تمام انت وين
همام : بالكلية... One minute Mike just one minute..... ها ليلتي احجي
ليال : شنو مشغول
همام : لا ذولة مسوين حفلة قبل التخرج تعرفين اخوج رح يتخرج
( اوكي صار غلط طبعا ماكو قصة اكتبهة بدون ما اغلط بشي 😂😂جنت مقررة اكتب ان همام سنتة الاخيرة هاي يعني رح يتخرج بس نسيت كتبت ان بعدلة سنة فهسة هوة رح يتخرج تمام يعني لتنصدمون واسفة على الغلط 😂زين اني ليش داضحك اوكي هاي هية رجعو القصة)
ليال : يروحي نشالله ترجع بالسلامة
همام : جبتلج اخذية الة بشدة
ليال : صدك تسلم
همام : وين انت اشو هوسة يمج
ليال : اني بالشلال
همام : نيالج ضل بنفسي قبل سنتين من جينة ضلت حسرة بكلبي اجي اشوفة
ليال : لتخاف نشالله تجي ووشوفة
همام : يلة روحي احجي وياج بعدين ذولة خبلوني
ليال : تمام باي دير بالك على نفسك _ سديتة واجة خالو جاب اكل اكلنة واني رحت قريب من الشلال بتسمت بتعب شكد حلو المي
..... : ليااال
يتبع......
✨•••••••••••••••••••••••••••••••••••••••••✨
لهنا ينتهي البارت 💛
داتخيلكم رح تكتلوني على هالبارت 😂😂
اعرف والله قصير بس تدرون المرة الالف كلتلكم ايدي توجعني احاول ما اضغط عليهة حتى لتصير مصيبة واعوفكم
سوري 🙁💔🙊
لتنسووون الايككك والتعليقااات
تمام احبكككككم هوووووواي 💛💛💛💛☁
~الــكـاتـبة : yaqeen.hassan~