#منطقة_خطر🚷
#Yarinya
#الحلقة_السادسة
عوده بعد غياب اسفه ع التطويله الي زادها طبعاً الضي والنت ماكانو مستقرين وبلاك اوت وقصة نشكر كل من دعالي وسآل عني وقال كلمه باهيه
بارك الله فيكم 💙💙💙💙
خنجر:اهو قلتها بروحك كل شي بسبب خنجر انت مش ملزوم اتحمل مسؤولية اغلاطي وني مستحيلةانخليك اتخرب زواجك بسببي العيلة اني متكفل بيهم من اليوم معاش ليك علاقه فيهم واصلا درت اتصالاتي وحصلت دكتور جاي من المانيا لمصراته حنرفعها ليه وبالنسبة للبنت اني مستعد نعقدعليها من اليوم ونتكفل بكل شي انت طلع روحك من القصة
مراد الصدمة في عيونه ماتوقعش رد خنجر نهائياً
مراد:تووو ني قتللك نتكفل بيهم و
ربيعه:تتكفل بشنوو انت خييرك معاش فيك عقل ولا شنو مقرر قرار كيف هذا
مراد:افففف حد يفهمني قتلكم بنساعدها
ربيعه:وقفت كانها قصة مساعده فقط فمستعده نمشي اني وليلى ونعانوها المراه وكانا ع خاطر شي ثاني في بالك فآحلمم يامراد
خنجر: تم الكلام والقرار تقرر هي غلطتي وني الي حنصلحها
مراد ضحك بهزوه
قتلي غلطتك وبتحلها كانك قادر تحل راك حليت قصة سرااب الي ذنبها في رقبتك كانك قادر حق تحلها برالهم هههه مش حتقدر
ولا دافعت عن روحك في قصة هاني مش ضيعت عمرك شن الي بتصلحه قووول
ربيعة:مراااد سكككر فمك
خنجر ضغط ع يده بقوة
مراد:سكتت شن عندك حتقول طول عمرك اغلاطك ني الي انحل فيهن او خالي و
خنجر:ضرب مراد ع وجها بكلل قوته
مراد:طاح ع الارض
ربيعه وليلى :😳😳😳😳
ربيعه:هيييييييي وحطة ايديها فوق راسها
مراد: تمد يدك عليا ياحقييير وناض يضرب في خنجر
خنجر:كان في داخله كمية غلل كبيره صبها في مراد
يضرب ومش حاس بنفسه ولا يسمع في صراخ امه واخته وسوسن الي اول ما شافت مراد ع الارض انهارت تبكي
امه تحاول تفكه بس بدون فايده
ع خشة وليد والعقيد عمر
عمر:هييييييييييييي انت وياااه
ربيعه:الللحق ياعمرررر ولادي بيقتلوا ارواحهم😭😭😭😭
وليد شاد خنجر ويبعد فيه
وعمر ماسك مراد الي وجها تعبى دمم
خنجر مش ناوي يطلق مراد غل اسنين صبه فيه لدرجة وجه مراد مش باين من الدم
::::/ح اضل طول عمرك تحت مسمى القاااتل
::/انت السبب في كل شي قتلتها ياقاتل ربيي ينتقم مننننك
::/هههههه تم الحكم عليك مبرووك المؤبد عفن في السجن ودور من ايطلعك ياقاتل
خنجر:حط يده ع راسه وغمض عيونه حاول يستجمع قوته ويمسح الكلام الي في داكرته
خنجر:خلااااااااااااااااااااص
وجاته هستيرية وبدي ايكسر في كل شي والكل في حالة ذهول
ربيعة حاطه يدها ع فمها وتبكي
ليلى واقفه مصدومه وخايفه من حالة خنجر
وليد:خنننجر اهدااا مافيي شيي 😨
عمر:طلق مراد الي شبه مغمى عليه ومشي يجري لخنجر
عمر:خنجررر شووف فيا
خنجر خدي الطاولة وحدفها وفك التلفزيون وجابه ع الحيط
كان في حاله هستيرية رهيبه الكل مش قادرين عليه
ربيعه مكتفيا بالنظر ودموعها سيل
وليد شاده من ايديه وبدون فايده
ياخننجر اهدااا
اهداا ياخوي
خنجر:بعدددد عني ودفه بكل قوته
نزلن نهى ودلال يجرن
عمر شده من راسه
شوووف فيا سيطرر ع نفسك ياولديي ماتخليي هالذكريات اتسيطر عليك فيييك لروووحك واهدا
بدي يهدا شوية فاق لروحه وشاف لآمه الي واقفه تشوف فيه ودموعها ع خدها غمض عيونه وخدي نفس
شده وليد وعمر ودخلوه للدار
ناض مراد وطلع والدنيا مضببه قدامه خنجر خرب كل شي مخططله مش قادر يستوعب الي صار مش عارف يلقاها من ضرب خنجر ليه او من حركته الي دارها والي ما كان متوقعها
ربيعه:وووك عليااا اولادي تقاتلوا قدامي ليش ياربي ايصيرلي هكي اااه ياقلبي الي بيوقف من علايلهم ياريتك يامحمد حي وشفت الي شفته ااااه
دلال:اهدي ياعمتي واشربي امية
جود:اني خايفه 😭
اوسمة:حطت يدها ع يد اختها وتفكرت كلام الدكتورة مريم ان اتخلي نفسها قوية قدام خواتها
اوسمة:بإذن الله حيكون كل شي تمام ماتخافن
رُبا:نبيي ماما😭😭😭😭
اميرة:حتى انيي امتى تطلع😭😭😭😭
اوسمة:قريب ان شاء الله💔
عمر:خلاص ما صار شي اهدا وارخي روحك
ربيعة:وقفت ع الباب تشوف لولدها الي الدنيا مسكره في وجها الي ما ارتاحش في حياته والباين ان مش حيرتاح
ربيعه:تنهدت هاك اشرب هالنعناع سلم ولدي تو تهدا
وليد:هاتي يما
عمر:خنجر م
خنجر:خالي اطلع من راسي مش ناقص كلام و
عمر:خلاص خلاص سكتت
ربيعه:باهي توا عاجبك هكي تتضارب انت وخوك ولا ع خاطر بنت مزال
وليد:نخصها يبيها تسكت
خنجر:ببرود
الي درته الصح فلهذا سكرو علي ام الموضوع كانك تبيه يخرب بيته بري وافقي علي كلامه
ربيعه:مش هكي بس ماتوصل بيكم انكم تتضاربوا قدامي اكيده مش حنوافق ع كلامه مهما كان بس مش مستعده نخسر ولادي ع سبه بنت فلهذا طلع هالقصة من راسك ولو كان نمشي اني وليلى معاها
خنجر: قررت وتم ومش رايق للنقاشات كان ماعندكم حاجه اطلعوا بنرتاح
تنهدت ربيعة وطلعت عارفه مافيش اي فايده من الكلام معاه عارفته الي في راسه حيديره ومايقدر عليه حد اكتفت بتنهيده عميقه ومشت
طلع وليد وقعد عمر
عمر:نبي نحكي معاك شوية
خنجر:خالي راني واحد مجنون بلا عقل ابسط كلمة انوض ونكسر الي قدامي وعارفني ما انميز حد فلهذا برا لحوشك ومشي هالليلة ع خير راني مش حامل حتى روحي
عمر:سكر فمك واسمعني كويس اني عارف بإلي مريت بيه وعارفك تكابر وتبين انك مش معدل بس في داخلك متفكر كل التفاصيل وعارف زين الي مريت بيه مش ساهل بكل ايهد اجبال وانت تحملت واجد بس ياولدي ما اضيع نفسك في ماضيك كلنا نغلطوا وكلنا دفعنا ثمن اخطائنا ونسينا كل شي ورمينا الماضي ورانا انسى لآنك لو ما نسيت حدمر نفسك عاجبك وضعك حاليا. !؟راضي عن حياتك!؟البنت مقدر ومكتوب الي صارلها ماتحط اللوم علي روحك وقصة هاني وافتكيت منها بيش تعرف ربي مع المظلوم خلاص جي الوقت الي تسكر فيه ع الي فات ياولدي ريح نفسك وريح امك الي قلبها محروق عليك
خنجر:ضحك بهزوه وبوي كيف بننساه؟
الي مات منقهر مني
عمر:موتت بوك ماليك علاقه فيها تييي ماتحمل نفسك كل شييي خيرك انت
خنجر:مش قادر ننسى نظرته ليا والكسره الي في عيونه اني عمري ما رح نسامح نفسي سوا في سراب او في بوي او في قصة العيلة والي صايرلهم اني السبب في كل شي مازلت اندمر في الي حواليا ونحاول بقدر الامكان انصلح غلطتي ولو شوية
عمر: اني معاك وكانك مقتنع بالي بديره ومتآكد منه
خنجر:ني عارف ان مراد يبيها بس مانبي ايدمر بيته بسباها
عمر:مراد مجرد طهقه وحتمشي تلقاه متعاطف معاها لا اكثر
خنجر:تنهد
رغم ان كان حاب ايساعد اوسمة
بس مع هذا كان واجعه خوه
مراد:يضرب في الدومان ويجري بآعلى سرعه نوووورييييك عليها ياخننننجر
عمر:السلام عليكم
نجوى:وعليكم السلام وينك تآخرت
عمر:كنت عند ربيعه
نجوى:كيف حالهم
عمر:بخير وين ولدك ؟؟
نجوى:آ راقد😨
عمر:خش داخل مؤيييييييد
نجوى تضرب في روحها كفوف
وووك عليااا 😰
شدى:بابا😨
عمر خش للدار وما لقاش مؤيد
نجووووى
نجوى:ووو عليا حتى اني بسلامتي ليش قلت راقد😰
وديان:حي ياماما كان قتيله هايت برا مزال ما روح
شدى:اي الغلط منك ديما مستره عليه
نجوى:سكري فمك انتي وياها خلي نشوفه
عمر:وين ولددددك
اني تكدددبي علياااا صايع هايت مع المفرخ وتقوليلي راقد في الدار وحق لا اله الا الله ما نلقاه منزرع قدامي في اقل من عشر دقايق بري دوري وين تباتي اليوم
نجوى:بلعت ريقها بخوف
ت تو نكلمه غير ا اهدا بس😰
وطلع
شذى:يا امي كم مره قلنالك معاش تتستري علييه
نجوى:ضميي فمك عني وجيبيلي تلافوني بسرعه
مراد:درس قدام حوش حنان كان خاطره ايشوف اوسمة كان حاس نفسه ان فقدها
اوسمة:مانيتي كولن انتن
وكان تلافونها ايرن
اوسمة: اول ما شافت رقم مراد خافت وماقدرت ترد
فصل الخط وقعد شوية وعاود
فتحت الخط وسكتت
مراد:ايوا
اوسمة: اهلا دكتور😰
مراد:كيف حالك
اوسمة:امي فيها شي ؟صار شي تكللم
مراد:لالا ماصار شي قاعده ع نفس الوضع
اوسمة:ركزت في صوته الي كان واضح عليه مش تمام
مراد:تنهد شن دايره
اوسمة:خليك مني شن صار في امي كيف حيصيرفيها حد فيكم ايفهمني هي اساساً شن فيها السكر دارلها هكي ولا كييف
مراد:اهدي امك حتكون بخير واني قاعد اندير في جهدي
اوسمة:دكتور ماعندنا حد في الدنيا غيرها😭😭💔
مراد:عارف واني معاكم حندير الي نقدر عليه واكثر وسكت
مراد:اوسمة
اوسمة:نعم
مراد:اني برا اطلعي نبيك
اوسمة:ً للحظه ما ارتاحت لمراد
مراد:ماتخافي نبيك في كلمتين وماشي
اوسمة:ماينفعش ينقالن ع التلافون
مراد:ما ينفعش
اوسمة:دكتور انت عارف وضعنا بنات بروحنا وتو الجيران الي هنا يفهموا غلط و
مراد:ما بيفهم حد غلط الدنيا ظلام وما بيشوفك حد
اوسمة:ماكانت مرتاحه لتصرفات مراد وحست ان يبيها في موضوع غير موضوع امها خصوصاً تلميحاته واهتمامه بيها وبخواتها الفتره الاخيره
سكر مراد الخط وقعد يرجى فيها برا
فتحت اوسمة الباب
مراد اول ما شافها ابتسم
اوسمة:شن في ؟ ولاحظت وجها الي كان فيه جروح
صاير شي؟
مراد:تنهد مافي شي
اوسمة:تو امطلعني في هالليل وتقولي مافي شي اني عارفه امي فيها شي غير مش عارف شن تقوول تكلللم قوول شن صاير
مراد:شاف ايمين ايسار ودف الباب وخش داخل السور وقرب منها وضمها
اوسمة استاكت ماقدرت حتى تتكلم
مراد في عالم ثاني ومنسجم ضامها بكل قوته وايبوس في رقبتها
وفي لحظات دفاته اوسمه وماحس مراد كان بكف خلاه ايفيق بروحه
اوسمة تبكي وترعش ياحقييير ياوسخخ فاهمه ع حركاتك يا ندل
مراد:اوسمه غير اسمعيني
اوسمة:تفوووو عليييك ياحقييير تحسابني من النوعية الوسخه الي تتعامل معااهن حسببي الله ونعم الوكيييل فيك انت وخوك ربي ينتقم منكم ربي ايرده في خواتك ياحقير يا وسخ وادف فيه
ترعش وتبكي ومنهاره ع الاخير
مراد:شدها افهميني والله العظيم قصدي شريف ومانيتي في شي سيء اتجاهك اوسمة افهميني اني انحبببببك ليش ماتبي تفهمييي والله نحبك طول هالفتره انحاول نلفت اهتمامك ماعرفت كيف كنت خايف اني نخسرك لو اعترفتلك ولو سكتت تمشي لغيري
حبيبتي والله نحبك
اوسمة:حباتك جهنم ياحقير تفووووو عليك انت مستوعب الي اتقول فيييه مش صاير شي لدماغك حسبببي الله ونعم الوكيل فيييك 😭😭😭😭ودفاته
مرادظلمت قدامه ماكان يحساب ان حيخرب كل شي بنفسه كان حاط امل ان اوسمة حتحبه وحيخرب خطة خنجر
مؤيد:السلام عليكم
عمر:اهلاًوسهلا واخيرا شرفت
مؤيد:كنت مع الشباب في المزرعة
عمر:قرب منه وعطاه كف بكل قوته
مؤيد:حاط يده ع خده وعيونه شرار
عمر: انت مُ صر اتحشمني قدام العالم مُصر اتواطي راسي في شن قصرت معاك الي تبيه حاضر غير سقم من روحك بس ماقصرت معاك في شي مش عارف شن دايرفي دنيتي من بلاوي لين ربي بلاني بيك فرخ صايع عاق حشمتني اقسم بالله العظيم ماتعدل من نفسك والله الا حابسك و
مؤيد:كملت خلاص طلعت الي في داخلك
عمر:ياوسخ اني اتسكتني ونزل فيه ضرب
مؤيد مستسلم ومش داير اي رد فعل انسان تبلد من كل شي
نجوى:الله ايربحك ياعمر سيبه الولد بيمووت تحتك 😭
عمر بعد عنه
والله الا قاتتتلك والله
مؤيد:ناض
ايكون احسن وفات
عمر ايسب بصوت عالي وقالب الحوش
فاتت هاليلة ومش كيف اي ليلة ع البعض
خنجر متناقض كان في داخله يبي ايساعد حنان واوسمة بس نفس الوقت واجعه مراد ما كان يبي يكسره وياخد الي ايحبها قدام عيونه رغم ان عارف انها طهقه ومجرد اعجاب وماهوش حب بس مع هذا مايبيش يوجعه
ذكرياته وجروحه وآلامه مزال ملازمته 💔
اوسمة الليل مارقداته وهي عيونها سيل ومستحقره نفسها من حركة مراد والي فهمت منه ان حاب يستغل مرض امها وياخد الي يبيه حست بكسره وآلم ماحساته من قبل كانت حاطه الآمل في مراد وخنجر رغم انها عارفتهم السبب في معاناتهم بس كان هامها امها وطول الليل في بالها من وين بتجيب فلوس بيش اطلع امها لمصحة ثانية
بعد نوبة بكي وحزن ناضت توضت وصلت وسجدت دعت لله وبكت من اعماقها
ربيعة حاطه يدها ع قلبها حاساته يوجع فيها من مصايب ولادها الي بدت معاش متحملتهم
تفكر في مراد الي حيدمر زواجه وحيضيع سوسن من بين ايديه وحيشتت بناته
زايد خوفها من خنجر الي عارفته ما يسمعش ولا ايدور في كلامها والي في راسه ايديره وما ايهماش شي خايفه بقراره ايدمر علاقته هو وخوه وايزيد الطين بله
سوسن روحت لحوش هلها طول الليل ناار داخلها دموعها ما جفو خيبه وكسره وخدلان وخيانه كلهم كانت حاسه بيهم
مافيش اسوء من الاستثناء لما نستثنوا حد وانقولوا الشخص هذا غير عن الكل
هدا الوحيد الي واثقين فيه
الوحيد الي مش حيخدلنا ولا حيوجعنا
الوحيد الي حيكون الآمان لينا
صدقوني هذا بالذات هو الي حننكسروا منه💔
هو الي حيدمرنا وحيخلينا نعافوا الكل💔
مراد خرب كل شي بنفسه نادم ع حركته حس نفسه ضعف لما شاف اوسمة رغم ان عارف الي داره غلط وكان نادم بس مع هذا حس براحه لما حضنها ومزال مش مستسلم ويبيها بالرغم كدلك ان عارفها مش حتنسى الي داره وانها كرهاته من حركته بس مزال حاطها في باله
وياترى هل هو فعلاً حب كيف ماقال هو!؟
او كيف ما قال العقيد عمر طهقة ومجرد تعاطف!!؟
جي الصبح ع امل ايغير حاجات واجده
ناضت اوسمة الي كانت اساساً واعيه ومارقدتش بكل
غيرت وطلعت طول المصحة وطول الطريق التلافون في ودنها
اوسمة:/لييش ماتشد التغطية😫💔
وصلت المصحة وخشت جري بيش ماتشوف مراد الي كانت مش طايقه تسمع حتى اسمه
خنجر:صباح الخير
ربيعه&ليلى:صباح النور
ربيعه:تعال افطر
خنجر:مانبي كان كملتي تعالي نبيك شوية
ربيعه:ان شاء الله خير شن في ثاني راني معاش متحمله شي 😰
خنجر:مافي شي غير نبيك
وخش المربوعة
ربيعه:حطت طاسة القهوة وناضت ع طول
يسترنا الله من مصايبك ياخنجر ومشت
ليلى: طلعت تلافونها وحطة ع صفحة سيف تشوف في بوستاته وصوره حاسه بغصه والدموع في عيونها
قداش ماهي صعبه لما تعطي لشخص كامل مشاعرك وتحلم بيه وتتخايل في تفاصيل حياتك معاه لما تسكر ع الجميع بحجة ان قلبك متعلق بشخص عارفين المصيبه تكمن وين
لما ايكون الشخص مش داري عنك اساساً
مش معبرك
مش شايفك اساساً
هذا الحب من طرف واحد
حينحرق الي ايحب لوين يتحول لرماد
بينما الطرف الثاني حيعيش حياته في سعاده ومش حيعلم بشي💔
هذا مشكلة لما نوهمموا نفسنا بشخص 💔
ربيعه:شن في طيحتلي قلبي
خنجر:ني ماشي للبنت اليوم نبيك تمشي معاي وانتي تكلميها وتشرحيلها كل شي
ربيعه:وخوك ياولدي شن حيصير فيه
خنجر:تنهد انتي عارفتيه حيخرب حياته
ربيعه:لنفرض ان يبيها حق مش حيتعذب هكي
خنجر: ني اكثر واحد نعرف مراد ونعرف يوم ايكون يبي الشي حق ويوم الي لا ف ماتخافيش
ربيعه:مانبي نحرق قلب مراد كيف ماحرقت قلب وليد الي عارفته في حياته مارح ايسامحني معاش نبي ندخل في حياتكم مداما التدخل حيبعدكم وايغيركم عليا كنت نحساب اني حنقدر نسعد وليد وانسيه في الي يبيها طلعت غالطة شفت الكسره والآلم الي في عيونه يوم تزوجت شفت بكاه وغصته عليها اني السبب في حالتها اني وصلته لدرجة هالسم ما ايفارق فمه همل مرته وظلمها معاه اني السبب
وانهارت تبكي
خنجر:قرب منها ونزل ع ركبيه مقابلها وشد ايديها
ماتبكيش دموعك غاليات وكان ع وليد عمره ما رح يكرهك هو صح مضايق بس مافي حد يكره امه
وكان عليا اني الي يرضيك انديره غير مانبي نشوف دموعك
ربيعه:ضماته وتبكي
رغم قساوة خنجر والظروف الصعبه الي مرت بيه الي حولاته لحجر الا ان قدر ايواسي امه الي هي بروحها من صدمتها فيه ضماته كانت عارفته من داخله حنون بس الايامات كانت صعبه عليه وغيراته
مراد كان بايت برا الحوش كان يحساب سوسن في البيت ماكان قادر ايواجها
في السيارة
ربيعة:باهي خوك وينه من امس تلافونه مقفل بالي مشغول عليه
خنجر: بايت في المزرعه
ربيعه:شن عرفك
خنجر:واحد من جماعتي كان ايراقب فيه
ربيعه:زعما ايدير في روحه شي
خنجر:يما مراد ماهو عيل لين بيدير في روحه شي ماتشغلي بالك عليه حيختفي هاليومين وحيطلع
ربيعه:يارب فرج علينا زعما نلقوه في مصحته
خنجر:مش عارف ما اعتقدش
اوسمة:طق طق
محمد:تفضل
اوسمة:فاضي دكتور
محمد:عندي عملية بس تفضلي يا اوسمة
اوسمة:نبي نسآلك عن وضع امي قولي بصراحه وبدون ماتخبي عني امي شن فيها
محمد:سكت
اوسمة:ماتخبي عني شيي
محمد:امك في غيبوبة وانتي عارفه ان عندها السكر
اوسمة:باهي موضوع العملية هذا شنو شن دخل العمليه؟
محمد:ارتبك
ماهو تحتاج لعمليه بيش توعا
اوسمة:دكتور اني طالبة بشري ره
محمد:يابنتي محتاجه لعملية بسيطه في الدماغ بيش توعا
اوسمة:مدامها بسيطه ليش مادرتها ؟وشن دخل السكر في الدماغ نبي نعرف
محمد:ارتبك ومعاش عرف ايرد
م
طق طق
الممرضة:دكتور حجرة العمليات جاهزه والمريض جاهز
محمد:تنهد براحه حس ان الممرضة جت في وقتها
سامحيني يابنتي مش فاضي بعدين نحكو وطلع وخلاها
اوسمة حطت يدها ع قلبها كانت حاسه ان في شي ثاني صاير خصوصاً منعوها ان تشوف امها
طلعت وقعمزت برا وتحاول تتصل بخالها
ربيعه:فتحت الباب
خنجر:ارجي البنت ماتدري ان امها عندها الورم يعني راك تتكلمي قدامها
ربيعه:يا ناري عليها باهي الي قتلي
ونزلوا
سالمة:خنجر ياكبدي 🤤❤️
مروه:سلفي😍
جنان:مصدقات ارواحكن
سالمه:زعما ليش جاي وجايب امه
مروه:اي وحتى الدكتور مراد ماجاش ف ما اعتقدش جايين ع خاطره
سالمه:تعالن وراي
جنان:بلا هبال كل وحده لشغلها اكيده جاي بيزور حد
اوسمة مقعمزه وحاطه ايديها ع راسها
تفكر كيف بدير وكيف حطلع امها وخالها ماقدرتش توصله
تبكي ومش عارفه نهايتهم كيف
قاطع صوت شهقاتها المتواصلة
ربيعه:السلام عليكم
اوسمة:رفعت راسها وعليكم السلام وتجي عينها في عين خنجر الي كان متباعد شوي
اوسمه؛عرفت انها ام مراد وخنجر مسحت دموعها وحاولت تتمالك نفسها عرفت ان مراد باعتها
قعمزت ربيعه بجنبها
ربيعه:ان شاء لاباس عليها اميمتك ربي يشفيها ويردها ليكم سالمه
اوسمه:ان شاء الله
ربيعه:اني ام خنجر والدكتور مراد
اوسمه: تنهدت وشافت فيها
اهلا بيك
ربيعه:بنخش في الموضوع طول يابنتي امك محتاجه تسفير وحيرفعوها لمصراته في دكتور جاي من المانيا وبعتوله تقرير بوضع امك وهو الي حيديرلها العملية و
اوسمه:قاطعتها عمتي بارك الله فيكم احني مانبو منكم شي نبي منك حاجه وحده بس ولدك يبعد عن طريقي وايسيبنا في حالنا وايطلع امي من المصحه احني مش في عازة حد اندبرو ارواحنا ف رجاء تام كلميه ايطلعها لآن الكل رفضو بسبب وضعها وهو الوحيد الي عنده القدره ان ايطلعها بحكم ان ماسك المصحه ياريت لو تساعديني هكي وبس
خنجر: هاك قلتيها بروحك رفضو ايطلعوها بسبه وضعها تعبان بكل ماتسكريش راسك واضيعي امك من ورا قراراتك الغير مدروسه لنفرض انك طلعتيها وين بتمشي بيها وع فكره مافي مصحه حتقبل بيها حطي الشي هذا في بالك كانك تبي تساهمي في موت امك مش مشكله تو ني انكلمه مراد
ربيعه:يابنتي اسمعي الكلام والله غرضنا انساعدوكم بس
اوسمة:معاش عرفت شن اتقول خصوصاً ان خالها ماقدرت توصله وخايفه موت ع امها
تنهدت
باهي شن المطلوب مني💔
خنجر: شاف لآمه
ربيعه:كيف ماقتلك تبي تسفير واني يابنتي مانقدر نمشي معاكم والي بيمشي معاكم ولدي وشافت لخنجر
اوسمه:بدت علامات الصدمة في وجهها
ربيعه:وانتو ماعندكم محرم بنات بس وولدي مش محرم عليكم فلهذا قلنا يعقد عليك وتمشو تعالجوا امك وبعدين ساهل ايطلقك امتى ماتبي
اوسمة:تشوف لربيعه وترجع تشوف لخنجر وترد اتشوف لربيعه وترجع تشوف لخنجر
كآنها قاعده في حلم وكل يوم اتزيد تنصدم اكثر
مش قادره تنسى قصة مراد لوين يطلعلها خنجر في الموضوع استاكت ولسانها تعقد معاش عرفت ترد
خنجر واقف ويرجى في ردها هو وربيعه
ربيعه:عارفتك انصدمتي يابنتي بس احكينا لمصلحة امك ونرجع انقولك مافي حد جابرك وكانك ماتبي مافي حل الا ولادي يمشوا وسامحيني فيها حتقعدي مع خواتك
اوسمه:بلعت ريقها وتحاول تستجمع قوتها واترد عليهم
اوسمه:احني عندنا حد خالي موجود هو الي حيمشي معانا
خنجر:مداما خالك قاعد فكلميه
اوسمه طلعت التلافون وع امل خالها ايرد عليها
سالمه:زعمااا شن ايقولوا
مروه: جاي هو وامه خصوصا لهلكلبه
جنان:صددمه
سالم لاهي في شغله ولاهي هو ومرته ايوتوا لعرس اولادهم ومن الصبح يطلعوا وايروحوا الليل
ريما:ماما بتعزمي عمتي
سعاد/سكري فمك خيرك تحبي تنكدي عليا تي اني حتى رقمها هي وبنتها حطيتهم في الحضر وبوك يحسابهم فاتوه واجعه خاطره
ريما: اي فكيتينا منهم تو يغزونا بالطلبات عاد ضروري يتمسكنوا قدام بابا
سعاد:ضمي فمك بوك جي وراك تجيبي سريبها قدامك
عن الخبث الي فيها هالمراه☝️💔
ربيعه:خودي وقتك وكلمي خالك ورتبوا مع بعضكم وكلميني اهو رقمي ولو احتجتي لآي شي كلميني
وع خشة مراد الي اولماشاف امه وخنجر مع اوسمه ظلمت قدامه
جي قرب منهم
اوسمه اول ما شافاته تفكرت الي داره
ربيعه:مراد
مراد:شافلهم بنظره خلت حتى اوسمه تلاحظها
مراد:كملتوا رتبتوا كل شي
وامتى العرس ان شاء الله
خنجر:مراد تعال
مراد:مزااااال عندك شييي اتقووله شن هوووو الي تبيني فيه انت اساساً شن خليلتي
ربيعه:مراااد الحقني
وفنصت فيه وشدت يده اطلعوا قبل ما اديرولي فضيحه في المصحه
وهدا كله واوسمه مصدومه من كلامه
طلعوا وركبو في سيارة خنجر وركبو مراد بالسيف مراد:تبيها صح اهو خودها اسبل انك حتعالج امها
خنجر:انت عاارف ليش درت هكي
مراد:ايعيط بصوت عالي ناخد حبيبتك ونقولك اني حنساعدها في نظرك منطقية
ربيعه:مزال عندك وجه وتتكلم سوسن الهبال الي درته ع شانها شويه في نظرك الي خليت حتى باتك يغضب عليك
يومياً منرزع قدام بيتهم عااااااار ماهو شوي درته هذا كله نسيته
هذا كله هان
مراد سكت ماكان عارف ايرد في داخله تناقض يبي سوسن ومايبي يخسرها وعاجبته اوسمه ويبيها
تفكر ايامات رفضو ايزوجوه سوسن
الايامات الي كانت سوده بالنسبه ليه
علاقه 8 سنين كان هبل لو ما خداها واليوم يبي ايبدلها
خنجر:فيق لروحك راك حدمر نفسك
مراد:وقف السياااااره
ربيعه:مراد
مراد:وقققققف السياره
خنجر تنهد ووقفها
نزل مراد وعيونه شرار
مراد:وحط في بالك ان الشي الي تبيه مش رح ايصير منه ياخنجر وبيناتنا الايامات
وسكر الباب بالقوة
ربيعه:وووووو عليا ومزال ايهدد في خوه اني خيرني هكي شن درت في حياتي اتقول عايشه مع كلاب مش حاملين ارواحهم
خنجر:شاف فيها برفعة حاجب
ربيعه:اي ماتشوف فيا فعلا كلاب وحديقة حيوانات بعد ماريت كيفكم ولا بنشوف في حياتي والله محمد ارتاح الي مشي قبلي تاريته عارف ان ولاده عباره عن بلاوي
خنجر:غمض عيونه وتفكر بوه حس بقبضه في قلبه ربيعه:حست نفسها زودتها في الكلام
ماكان قصدي شي 💔
خنجر: مافي شي هيا نمشو
ربيعه:هيا سلم ولدي
سهى:اتعرفت ع واحد ياكبدي اااه بندوب تعرفي مع اني مانحبش جو الشباب ونكلم لكن هذا غير جاني في الشغل
ليلى:وووووو سهى بتكبد حي يا حي ههههههه
تبصري صح احكيلي بالتفصيل
ليلى:جاني واني نخدم البنت الي معاي قاتلي واحد يبيك تعرفي خفت درته حسام (خوها)جاي بيكمل عليا في الشغل ههههه
ليلى:ههههههههه به كملي
سهى:نلقالك هذاك الطرف تعرفي دبت غير درت جو الجكتره سآلني مخطوبه ولا عندي حد قتله لا قالي متآكده قتله ماعندي عليش بنكدب تخايلي شن قالي
ليلى:شن قالك😍
سهى:بنجيب هلي نهاية الاسبوع تعرفي حسيت روحي نحلم زعما ايجيبهم حق ولا يجري بيا
ليلى:حقااااا يااااربي ان شاء الله ايكون نصيبك وايجيك حق ياقلبي
سهى:ان شاااء الله تعرفي ايهبل اتحسيه رازن ومش زي باقي الشباب
ليلى:خساره قبل نبوك لخنجر
سهى:حقاا😍
ليلى:اي امي عاجبتها انتي خلاص طلعتي نصيب حد ثاني ياقرده😂
سهى:اسمعي كان ماصار منه هذا كلمي خوك وتعالوا زوز بكلاوات مابنفوتهم لازم نحصل وحده فيهم 😂❤️
ليلى:😂😂😂😂😂😂😂وسخه
تسريع للآحداث جي الليل
وروحت اوسمة وطول الوقت تفكر في كلام ربيعه وكل شوي اتحاول ع خالها
سوسن ترجى في مراد ايعبرها كانت تبي تشوفه خاطرها اتعاتبه اطلع الي في داخلها بس هو مادورهاش نهائي عازل نفسه ومتناقض ومش عارف شن يبي كل الي في باله ان ايخرب الي يبيه خنجر وبس
بعد مرور يومين
تعالو انشوفوا شن صار فيهن
اوسمه الليل ماترقد فيه ونفسيتها تعبانه ومنهاره اقرب الناس ليها ما لقاتا في وقت شدتها كانت حاطه الآمل في خالها بس هو معاش دورهم وكآن ما صدق ان مادوروه بيش معاش ايدور ماتعبش نفسه واتصل بيهم ولا سآل عن حالهم
وماتبي تقبل بعرض خنجر ولا تبي مساعدتهم حايره ومش عارفه شن ادير وخصوصاً حست ان في مشاكل في بعضهم بسباها
خنجر يرجى في رد اوسمه هو وربيعه
وكان يوم الخميس
سهى كلموا هلها وكان الولد يبيها حق ما طلعش يكدب وحدديوم الخميس بيش ايلبسوها كان مستعجل بكل
وهي بطير من الفرحه
ليلى:يما بنمشي
ربيعه:تو عندك بال ومزاج وتشوفي في وضعنا كيف
ليلى:يعني انفوت تلبيسة صاحبتي الوحيده ع خاطر قصص خنجر ومراد
ربيعه:بري اصلا قعادك زي قلته وكلمي خالد يرفعك
ليلى:تمام 😍
خنجر:السلام عليكم
ربيعه:وعليكم السلام
وين خوك
خنجر:خليته في المصحة
ربيعه:تكالمتوا
خنجر:مسكر راسه هو من جيها مهفت ومن جيها ماني مرتاح لسكوته
ربيعه:ولا اني خصوصاً حتى مرته مادورها اني مش عارفه شن في عقله سكوته مش مريحني باهي البنت ماردت عليك
خنجر:كان بترد بترد عليك انتي مش اني
ربيعه:اي نسيت
لبست ليلى وطرحت وطلعت خيال
قفطان بسيط لعندالركبة
رقبته مسكره وفيه اكمام وردي هافت
مع شوية ميك اب خفيف
خالد:امسحي الي في وجهك ياكلبه طالعه هكي
ليلى:احكم في مرتك مش فيا 😒
خالد:سكري فمك 😒
وصلت لحوش سهى
وسهى الي طايره من الفرحه ومش عارفه كيف تعبر
نهى:انحطلك تاكل
وليد:لا
نهى:باهي تبي شي
وليد:اخطيني بس
نهى:💔💔
اخت سهى:بيخش خطيبها بيلبسها تغطن
الكل تغطوا
ليلى تضحك والفرحه في عيونها وفي لحظات تلاشت هالضحكة وكآن سهم انرشق داخلها
حست الدنيا وقفت
معاش في صوت صور يتحركوا فقط
ظلمة الصورة مافي شي واضح وكآنها في حلم
سيف بجنب سهى
ليلى وقفت وكآنها تحاول اتفيق من الكابوس الي هدها وكسر روحها
مع الليل
جنان:طالبك الدكتور مراد
اوسمه خافت
وقررت ماتمشيله وتتهرب منه
وهي طالعه تقابل معاها صدفه
ماكانت تبي تبين انها خايفه منه
مراد:ارجي
اوسمه:حاولت تفوته وتمشي
مراد:شد يدها
مروه النار والعه فيها اتشوف بكل حقد
مراد.:اسمعيني كويس راك فهمتيني غلط و
اوسمه:فهمتك غلط فهمتك صح ابعد عن طريقي
مراد:هههه يعني عاجبك عرض خنجر ترفضي الخو وتقبلي بخوه ياعليك حاله وخلاص
اوسمه:احترم نفسك وردبالك تحكي معاي هكي مره ثانيه واني رافضتكم انتم الزوز سوا انت او خوك وابعد طريييقي احسنلك
مراد:معناته اتصلي بآمي وسكري ع الموضوع ونوعدك اني الي حنتكفل بآمك و
اوسمه: ما شاء الله متراهنين من الي يكسب
مراد:انييي الي حبييتك وحتكوووني ليا اني وبسسس ولو نعلم يا اوسمة انك موافقه ع خنجر اقسم بالله مش حتلومي كان نفسك
اوسمة:اعلى مافي خيلك اركبه
وفاتت وخلاته
مراد:كان يحسابها حتخاف منه
مراد:افففف
محمد:ياخنجر راهو وضعها مستعجل خيركم متهاونين لتواا المرا حتموووت
خنجر:اهو اتشوف انديرو في جهدنا حجزتلها في مصحة.... عند الدكتور علي
محمد:ممتاز جداً الدكتور علي غني عن التعريف مدابيكم في هاليومين اتكونو في مصراته وضعها ما ايطمنش
خنجر:ان شاء الله
وهو طالع لمح مراد واقف ويحكي مع اوسمه وهو ماشي طاحت في وذنه اسمه وتهديد ماتهديد
خنجر تغبن وظلمت قدامه
عارف ان مراد مش حيمشيها ع خير
وعارف خوه من يوم يومه اناني ايحب الحاجة اتكون ليه هو وبس ولو كان ما يبيها المهم اتكون عنده
ضغط ع يده وفات
مراد كان غبي يحساب بطريقته هذي حيخلي اوسمه تميله وتحبه ما يحساب ان ايكره فيها في نفسه وايوري فيها في جوانب تمنت اوسمه لو ما شافاتها بحكم ان متعود اي حاجه يبيها ايحصللها ولو تمرمرد علي شانها ف حاط الآمل في اوسمه
مروه:دكتور حالاتك يرجوا
مراد:فات وخلاها
مروه:😒😒😒 هالكلبه
اما اوسمه فقعمزت معاش قدرت توقف تبي تفيق من هالكابوس حاسه الكل يبي يستغلها
خنجر:بإرتباك السلام عليكم
اوسمه: في داخلها اففف كملت ناقصتك انت الثاني
اوسمه:وعليكم السلام
خنجر:كنت عند الدكتور وطلب ان ننقلوا امك في اسرع وقت
اوسمه:بدت تبكي
خنجر:تنهد ف شن قررتي
اوسمة:خالي ما قدرت نتواصل معاه 💔😭
خنجر:شوفي اني سمعت كلام مراد نبي نقولك حاجه وحده اني ماجبرتك ع شي يعني لو تزوجتك لا اني قاربك ولا شي حيكون زواج مؤقت مجرد مااتنوض امك بالسلامة توصلك ورقة طلاقك
اوسمة:انت عارف شن طلبت مني اني خايفه حتى من رد فعل امي
خنجر: فكري بينك وبين نفسك بس ماعندك وقت الدكتور جاي بعد غدوه والمفروض من غدوه انكونوا غادي وناض
اوسمه:تنهدت بحزن
باهي موافقه
خنجر حس كآن هم وانزاح عنه
التفت تمام
وفات
اما اوسمه ف روحت وانهارت من اعماقها بكت اكثر من اي مره بكت فيها
خايفه وتايها مش عارفه طريقها
وافقت وكانت نادمه بشكل كبير بس ماكان في حل ثاني
ربيعه :تمام معناته من غدوه كلم الشيخ وشوف خالك وخوتك
كريم:بالرغم ان واجعني خاطري منك واني اخر من يعلم بإلي صار بس تبي اي شي احني معاك
خنجر:ان شاء الله
يي حتى سيف نسيته من بكري يتصل اليوم خطبته طار من بالي لهيت في مشاغلي
ربيعه:اي كلمتني امه قاتلي تمو موضوعه ان شاء الله ربي ايكمله بالخير خطب صاحبة ليلى
خنجر:وينها ليلى
ربيعه:مريضه راقده في دارها
خنجر:خيرها امبكري مافيها شي
ربيعه:مش عارفه فجآه روحت تعبانه
وليد:طربقوها ليك بعين
خالد:هي شن فيها ينشبح لين بيطربقوها 😂
#يتبع
شن حيصير في خنجر واوسمة!؟
مراد شن حيدير هل هو فعلا حب او هالحب حينقلب لإنتقام ؟
ليلى شن دارت !؟ وشن حدير بعدين؟هل حتنسى حبها بسهوله ؟او لا!!؟
وغيرهم من الاحداث