"Sama mo naman kapatid mo bukas, bro," Rinig kong sabi ni Zayen.
Napailing iling nalang ako sa sinabi niya. Kahit kailan talaga babaeo ang gago.
"Titignan ko kung papayag, ayaw nanonood ng kahit anong sports nun eh," Sagot ni Aaren kay Zayen.
Huh? Ngayon lang ako nakarinig ng babaeng ayaw sa mga sports ah?
Pagkatapos magligpit ay nag-paalamanan na kami. Agad naman akong dumiretso sa kotse ko at umuwi na. Pagdating sa bahay ay nanood muna ako bago ako nag-shower. Nang matapos ay pinatuyo ko lang ang buhok ko at saka na natulog.
Kinabukasan ay medyo nalate ako ng gising kaya ng makarating ako ay kompleto na silang lahat. Pumwesto ako sa may kabilang bench at doon nag-ayos. Napansin ko din kaninang pagpasok ko na may pinagkakaguluhan silang babae. Kapatid siguro si Aaren.
"Aiken!" Tawag ng kung sino.
Agad naman akong tumingin sa tumawag sa 'kin at nagtama ang paningin namin nung babaeng katabi ni Zayen. Kinunutan ko muna siya ng noo dahil sa pagtitig niya sa'kin bago ako tumingin kay Acel na siyang tumawag pala sa'kin. Sinenyasan naman niya akong lumapit kaya lumapit na din ako.
"Ah, si Aiken pala," Pakilala niya sa 'kin dun sa babae.
Tinignan ko naman 'yong babae at napansin kong hindi niya napansin na nasa harapan na niya ako. Tsk, tsk, ang gwapo ko talaga.
"Laikyn," Pakilala niya ng matauhan siya.
"Aiken," Simpleng sagot ko.
Ngumiti lang siya sa'kin na hindi ko na pinansin. Sakto naman ay dumating na si coach. Agad na kaming nag-ayos para mag streching. Pagkatapos nun ay nag-umpisa na kaming maglaro. Naging maganda naman ang laro ko pero hindi parin kami nanalo. Nang matapos ay agad na kaming nagpunta sa mga benches.
"Bawi tayo next time," Sabi ko sa mga ka-team ko.
Tinanguan lang nila ako at saka na nag-ayos ng mga gamit nila. Nag-ayos na din ako ng gamit ko ng marinig kong inaasar na naman nila si Zayen.
"Sanaol may taga punas ng pawis at taga bigay ng tubig!" Sigaw ni Zayen.
"Gag*! Wag kana magtaka kung wala kang ganito, napaka panget mo kasi!" Pang-aasar ni Aaren sa kanya.
Natawa naman kami sa sinabi ni Aaren.
"Tigilan niyo nga yang si Zayen, pogi naman siya ah?" Pagtatanggol niya.
Natahimik naman silang lahat sa sinabi niya, pati narin ako. Tahimik naman pala ako kanina pa.
"Crush mo ba 'ko Laikyn?" Mapang-asar na tanong ni Zayen sa kanya.
Loko talagang 'tong si Zayen kahit kailan. Pero dahil gusto ko rin malaman ay hinintay ko ang sagot niya. Pero bago siya sumagot ay sumabat muna si Aaren na masama ang tingin kay Zayen.
"Hoy Zayen baka gusto mong hindi na makapag laro?" Banta ni Aaren sa kanya na nakatingin na masama sa naka-akbay niyang kamay.
Tsk. Protective.
Tinanggal naman niya iyon. "Easy bro!" Sabi niya ng naka taas pa ang kamay.
Tinignan muli namin si Laikyn para marinig ang sagot niya sa tanong ni Zayen. Nagtama pa muna ang mga mata namin bago siya sumagot.
"W-wala ah, sinabi ko lang yun kasi ang panget mo pag naka simangot ka. Huwag ka masyadong feeling di kita type," Sagot ni Laikyn.
Woah! Hahaha! Ayos ah!
"Panget ka pala talaga bro eh!" Biglang sabi ni Acel.
"Yuck! Basted ka agad bro!" Pagsunod naman ni Nef.
"Mga t*r*nt*d* kayo!" Sigaw naman ni Zayen.
"Bro, pasensya na biro lang dapat yung akin kanina pero mukhang totoo nga. Hindi naman kasi marunong magsinungaling ang kapatid ko." Sabi pa ni Aaren habang natatawa.
Napailing nalang ako at natawa na rin. Mga siraulo talaga sila kapag nagkasama-sama. Hindi pwedeng walang ganyan na eksena pag nagsama-sama sila. At syempre ang inaasahan ng lahat, nag walkout si Zayen dahil sa inis.
Hindi nalang namin siya pinansin at tinuloy na namin ang pag-aayos ng mga gamit namin. Nang makalabas ako ay nakita ko si Laikyn na hinihintay ata ang kuya niya. Hindi ko alam kung bakit naisipan ko siyang lapitan e hindi naman kami close.
"Nice," Nakangising sabi ko na ikinagulat pa ata niya. Tsk. Hahaha.
Nang masabi ko yun ay agad na akong naglakad paalis at pumunta sa sasakyan ko. Agad akong pumasok at nagmaneho na pauwi. Nagpahinga lang ako at nag-shower sandali at nahiga sa kama. Hindi ko alam kung bakit hindi mawala sa isip ko si Laikyn, magsimula kaninang kinausap ko siya hanggang ngayon ay siya lang ang laman ng isip ko.
Dumaan ang mga araw na madalas namin makasama si Laikyn dahil narin kay Zayen. Ang hindi ko lang maintindihan ay kapag nakikita ko si Zayen at Laikyn ay naiinis ako lalo ng kapag kinakantiyawan sila ng barkada.
"Ang takaw mo pala Kyn-Kyn," Natatawang sabi ni Zayen.
"Kung hindi mo sana ako pinagod, hindi naman ako magiging ganito kalakas kumain." Sabi naman ni Laikyn.
At syempre dahil mga dakilang green ang mga kaibigan ko ay bigla nalang silang natahimik. Ewan ko ba kung paano ko naging kaibigan ang mga 'to.
"Bakit?" Inosenteng tanong ni Laikyn.
Dahil sa tanong niya ay bigla nalang sumabog ang mga loko, tuloy ay pinagtitinginan kami ng mga tao dito sa restaurant. Ako naman ay seryoso lang na nakaupo at pinagmamasdan sila. Ganon din si Aaren, eto medyo maayos pa 'to sa barkada namin.
"Hoy tumigil nga kayo sa kakatawa, pinagtitinginan tayo ng mga tao oh." Sabay turo niya sa mga tao "Nakakahiya!" Inis na dagdag pa niya.
"Ikaw naman bro, masyado mong pinagod si kyn-kyn." Natatawang sabi ni Nef.
"Gago! Hindi ko naman sinasadya." Natatawa ding sabi ni Zayen.
Tangina.
Mas lalo naman akong nainis dahil sa sinabi ni Zayen. Kaya ang ginawa ko ay tinignan siya ng masama pero dahil sa kakatawa nila ay hindi man lang niya napansin 'yon.
"Namumula ka Kyn-Kyn." Biglang sabi ni Acel.
Dahil sa narinig ko ay binalingan ko si Laikyn at naking namumula nga siya. Siguro nalaman na niya kung bakit sila tawa ng tawa. Tsk. Bakit kailangan mamula pa?
"Tigilan niyo na nga yang pagtawa niyo, hindi na nakakatuwa." Seryosong sabi niya sa kanila.
Tumigil naman sila at halatang anytime ay sasabog na naman sila. Ayun sumabog nga sila.
"Isa." Pagbibilang na ni Laikyn.
Wala, hindi pa rin nila siya pinansin.
"Dalawa. Sasamain talaga kayo sa 'kin." Sabi na naman niya.
Hindi pa rin sila tumigil kaya bigla nalang silang binatukan ni Laikyn. Brutal.
"Masakit." Reklamo nila.
"Hindi pa kayo titigil?" Tanong niya.
"Titig na." Sagot nilang tatlo.
Pagkatapos naming kumain ay nagpunta kami ng Toy Kimdom para maglaro. Bumili muna sila ng token habang nagiikot ako at naghahanap ng pwedeng laruin. Nagulat pa ako ng lapitan ako ni Laikyn at tanungin kung bakit ako nalate. Naputol lang ang pag-uusap namin ng sumulpot si Zayen. Tsk panira.
Habang naglalaro ako ay di ko maiwasan na tignan sila. Kung hindi ko lang sila kilala ay mapagkakamalan ko silang mag-jowa. Tsk. Bakit ko ba naiisip pa yun?
Nag focus nalang ako sa nilalaro ko at nakita ko naman silang lumipat kung saan kami naglalaro. Isa nalang ang bakante kaya naman si Laikyn nalang ang umupo at nasa tabi naman niya si Zayen na umakbay pa. Kailangan umakbay pa? Tsk ano ba yan! Nagseselos ba ako?
At syempre natunghay ko lang naman ang hindi ko inaasahang gagawin ni Laikyn. Hinalikan niya sa pisngi si Zayen kaya naman kilig na kilig ang mga nakakita sa kanila. Para akong nawala sa mood dahil sa nakita ko. Napailing nalang ako at umalis doon.
Selos. Oo, nagseselos ako. Sa pag-uwi ko ay yun lang ang nasa isip ko. Hindi ko alam kung anong mararamdaman ko. Pero eto lang ang alam kong sigurado.
Mahal ko na si Laikyn.
-🤗