ياسر: ياخو راني دايخ جاع
أسامة: نديك لسبيطار ولا نروحوا للدار
ياسر: روح لدار ديجا قريب نوصلوا " لحقنا للدار شديت روحي طلعت لفوق وراحت ديراك نتكسل فوق لبونك راني ميت بالعيا "
أسامة: راحت نشوف فؤاد و لجماعة لقيتهم قاعدين مور الدار راحت جمعت معهم
ناريمان: إيهي وين راه ياسر
أسامة:راهو مريض شويا طلع للفوق يستعفى
اية: علاه واشبيه؟
فؤاد: بلاك مخرجتش عليه الماكلة في الحبس هو شوية حساس فهمتي أية
اية: أوكي نطلع نقعد معه شوية
أمال: اقعدي معنا مراح يصرالل" قبل مانكمل هدرتي فؤاد غلقلي فمي بيدو"
مروان: عندك الحق أطلعي اقعدي معه بلاك يسحقك في هذا الوقت
Aya prv
طلعت نجري فدروج لقيت الباب محلولة زدمت لعندو حوست في صالون مكاشو راحت لبيتو لقيتو رامي روحوا على سرير و باين عليه تعب
راحت لحيتالو الباسكت ودرت رأسو فوق المخدة
ياسر: حشاك
اية: يعزك قعدت قدامو ومسيت رأسو لقيتو يغلي راحت لصالدوبان(حشاكم) عمرت بسينة صغيرة بالما و راحت للكوزينة درت شوية لجلاسون ووليت ليه
حطيت تشليقة مشمخة فوق رأسو بلعقل باش مانخلعوش شفت وجهو لقيتو تكمش و بدأ لما يهبط لرقبتو
ياسر: حبسي بارد بارد برعشة
اية: للزم يكون بارد بش تبرأ قعدت ندير و نعاود و ندير تشليقات في رقبتو و في كرشو كي شفتو بدأ يتكلاما راحت ندير شوربة
لقيت شوية خضرة و جاج راحت طيبتهم و درتهم سوبة واليت ليه لقيتو مكمش على روحوا و شعروا جاع طايح على جبهتو
حطيت سنيوة فوق البيرو وراحت خربت شوية في شعرو و جيت حنعدلوا لمخدة حتى شدلي يدي
ياسر: ماتحبسيش كملي خربيلي شعري.
أية: اسنى تأكل قبل و نكمل ايا برك ارفد روحك شوية
ياسر" درت كيما قالتالي وراحت جابتلي سنيوة حطتها في حجري و قعدت نشوف فيها"
أية: إيه مراحش تأكل و لا معجبتكش
ياسر: وكليني ولا مناكلش
اية" رفدت المغرفة و قعدت نوكلوا تقول راني نوكل في طفل صغير كل دقيقة يغلق فمو و يقولي فوفو "ايا خلاص هكا شاطر كملتو جاع و مسحتلوا فمو
ياسر: شفتيهم ولا لالا
أية: ندي سنيوة و نجيبلك دوا و نجي
ياسر" جبدتها من يدها و قربتها ليا" أية شفتي تصاور قولي هزتالي برأسها إيه
أية: ياسر تعيش ماتهدر والو دوكا راك مريض وراك غير تهترف
ياسر: مكاش واحد يهترف فالحب أية إسمعيني
أية: نتا أخر واحد يهدر على الحب شكون كان يعيط عليا في كوميساريا و يقولي مانحبكش ااه
ياسر: أنا مي مدرتهاش برضيتي درتها باش نتي مدخليش روحك فلقضية فهمتي علاه درتها كنت علابالي لوكان دخلي روحك كاش مايصرالك علابيها عيطت عليك مي نتي كي ما كل مرة تشوكيني
أية: ياسر واقيل درت في بالك بلي كي تقولي مراحش نعاونك و لا مراحش نوقف معك ياخو نتا كيما وقفت معيا نوقف معك
ياسر: علاجال هذي مكاش سبة واحدخرة قولتيهالي و نسيتي
اية: مكاش و دوك راني نشوفك راك مليح نروح نحط سنيوة فلكوزينة و نجي
راحت للكوزينة و جبدت تيليفون تع ياسر وراحت للتصاور الألبوم كان جاع تصاوري جاع ملي كنت صغيرة حتى لدوكا كيفاش جابهم جيت دايرة لقيتو جوست موريا
ياسر: مالا شفتيهم أية هذوا علابالك شحال عيت باش جبتهم و شديتالها يدها
أية: ياسر يعيشك ماشي وقتها ماشي لي فالوقت لي راني حابة نبعد عليك ديرالي هكا
ياسر"حطيت جبهتي على جبهتها و غلقت عينيا" علاه أية علاه راكي حابة تخليني وحدي قولي مانقدرش بلا بيك أية
اية: ياسر راني حابة نسمعها منك
ياسر: بلحطة تع رقاد لي راني لابسها نقولك نحبك أية نعشق فيك علابالك من وقتاش
أية: لحيت رأسي من راسو وراحت للباب مرانيش حابة نكون سجينة ليه مرانيش حابة نقعد معه كي جيت نحل الباب حسيت حاجة عنقتني ملور
ياسر: هذي لمرة أنا لي نديسيدي مراكي رايحة لحتى بلاصة مريضة نتي علابالك شحال عندي و أنا نعشقك شحال ملي درتك ليا وحدي
ملي كان في عمرك 16 ملي كنتي تجي لدارنا كنت منكملش نهاري بلا ما نشوفك مام كي راحتي لدراكم كنت دايمن نجي نقعد بسوايع تحت تاقة تع بيتك حتى يخرجلي اسامة من حيث لا أدري
أية: ياسر صح تحبني مالا علاه كي تزوجتني بسبة ختك و علاء
ياسر: يا بغلة كنت دايرهم سبة برك باش نقدر نتزوجك برك باش اسامة يوافق يزوجني ليك و دروتها لعندي
أية راكي تبكي قالولك ولا جامي كي تبكي شحال تولي شابة و عنقتها
اية: إيه قالوهالي
ياسر: حكمت راسها بيدي و قلت شكون قالهالك و طلعت حاجبي
أية: بابا و خطرات ماما وشديت خدودوا يايما علة الغيور تاعي مي ياسر راني خايفة يجي نهار تكرهني يجي نهار تروح و تخليني
ياسر: مايفرقني عليك غير الموت تفهمي واش معنتها نحبك حياتي جاع و أنا نتبعك لي يدنا ليك نضربوا
اية: أصبر قصدك نتا لي كونت تبعني حياتي جاع فلفاك نحس واحد يتبعني كان نتا
ياسر: وي أنا ناموستي و قرصتالها نيفها
أية: ياسر راك تخوف كي راك مليح معياواش راه صاري
ياسر: راني نعترفلك بحبي برك
اية: ياسر أنا و نتا مانقدروش نكونوا لبعضانا ياسر أنا نخافك خطرات ماعنديش ثقة كبيرة فيك
ياسر: شديتالها يدها و قلت شحال وراكي عايشة معيا كاش نهار قربتلك و لا اذيتك قولي نتي راكي خايفة ملي جاي صح
أية: ياسر نخاف نهار نوض منلقكاش نخاف تروح و تخليني مرانيش حابة نتكسر و نتجرح
ياسر: جامي بلاكي تعودي هذي لحاجة متربيتش نخلي طفلة لي نحبها اية أنا ضحيت بكل حاجة برك باش نكونوا مع بعضنا
أية: ياسر نتا دايمن تقولي بلي نتا ماشي بنادم مليح علاه
ياسر ارواحي نقولك راحت قاعدت فوق لفوتاي و قاعدتها قدامي و درت رأسها على صدري و قعدت نخربشالها شعرها
أية: احمم لازم نكونوا قراب جاع هكا قول
ياسر: مراحش نزيد نخليك تبعدي عليا أرواحي نحكيلك كي كان في عمري 24 سنة يما حبت تزوجني ببنت عمي ناريمان نغمالمون شفيتيلها
اية: هذيك سامطة لصقة لي ماتصلح لوالوا
ياسر: اششش أية منحبكش تهدري هكا نعرفك قلبك بيض خلينا نكملوا شحال من خطرة نقول ليما لالا و محبيتش نتزوجها كنت دايمن نتهرب حتى نهار بابا سيفها عليا
أية: واش درت منبعد
ياسر: نهار لخطبة هربت و محبيتش نولي لدارنا عشت وحدي حتى تزوجتك
أية: علاه ماقولتالهاش ليها ديراك تفهم روحها
ياسر: قولتالها قالتالي مع الوقت تحبني
اية: لصقة أنا نوض نخليك تستعفا
ياسر: اي اي ولي كي تكوني قريبة ليا يروح سطر أية أقعدي هكا
اية: ياسر علابالك واش راني نخمم مانديروش عرس علاه نزيدوا نخسروا دراهم و زيد كاش نهار شفا واحد يدي لعروسة منبعد يديرالها عرس
ياسر: مي أنا راني حاب نشوفك بلغوب بلونش واش راكي نديروه صغير كيما عراس بكري في دار جدي عندهم وسط دار كبيرة نديرو فيها
أية: و الله بون إيدي مي مرانيش حاب نخسروا و نعيو
ياسر: مي راني حاب نديك بالأوصول وعوجت شواربي
أية: يعمري على شنوف تاعي خلاص نديروا كيما تحب
و غلبني نعاس رقدت عند صدرو كنت قريية ليه نسيت جاع تخوف لي فيا اونفا ياسر فتاح أعترفلي ووالا تعي صح إعتراف تاعنا مكاش
تحت ضوء القمر و مكاش بين الشمع مي كان صادق كنت نشوف فيه نظرة الحب دنيا ضحكتلي و بديت حياة جديدة مع لي نحبوا
وولينا لألجي جاع كيما رانا و كان اجمل شعور نشوف بابا لي عندي شحال ماشتوش شفتو ملبعيد دمعوا عينيا وراحت نجري نعنقوا سلمت على عمتي وراحت للدار
أنيس: ماما شكون هذي لي راهي معك
أية: هذي خالتك ناريمان يمات ماريا تبدلت شوية علابيها معقلتهاش
ياسر: راني جيت وين راكم واجدين
انيس: بابا وراحت باش يرفدني
أية: واجدين راكبنا في طونوبيل رايحين للدار أمال درتنا لما
كي دخلت قابلني علاء و طاطا زينب عمي حميد كانوا واقفين يجسروا عند لعتبة صح مكانوش ملاح مع علاء مي علاء قعد يحبهم و يحترمهم يقعدوا و الديه مع اللخر
لقيت أسامة مع عائشة يضربوا على لماكلة كي لعادة عائشة مرتو لأسامة راهي دخلة في شهرها تاسع
سلمت عليهم و قعدت قدامهم جاء أمير و ميلينا لعندي راهم كبرو على مكانوا و دخلوا يقروا
فؤاد: هذي غيبة شحال عندنا متلقيناش
ياسر: لول لبارح كنت معيا نسيت
فؤاد: ياكلب إحترم خوك لكبير و ماتحرقوش
مريم: و أنا إن شاء الله مانسيتونيش راني وليت
امير: عمتووووو
إلهام ارواحي بنتي اياي عندي
علاء: واش هذا وين تجي ماشي قلتي عندك سمانة ملي ديتي كونجي
مريم: ماشي أنا لي ماجيتش تديني راجلي لعزيز
علابالي حنشوكيكم وي علاء و مريم تزوجوا كانو برك يسحقوا واحد يفهمهم و يعاونوا بعضهم كي ولينا مترك قالتنا طاطا إلهام بلي مريم طلعت لإسبانيا
علاء زاد سمانة و تبعها باين بلي يحبها صح جاع نغلطوا مي لازم نعرفوا كيفاش نصحوا لغلطة تاعنا مريم طلبت سماح مني و أنا تفهمتها و تسامحنا
ياسر" حاجة شابة تشوف فاميلتك قدامك فرحانين و مايشكو من حتى حاجة واقيل صح البنادم مام يكون ماشي مليح مي كي يلقى حب حياتو قادر ييدلوا و يحبوا شفت في اية و شديتالها يدها"
بلاك هذي هي نهاية حكايتنا كانت نهاية سعيدة على كل حال صح حنا مجرد شخصيات خيالية كي بزاف لي حبونا و ثأثروا معنا ووقفوا معنا
°النهاية °
عائشة: ايما اسامة كرشيييييي أيما حنولدددد اسامة ياوجه شر نكرهك
رتيبة: نوضوا نوضوا لسبيطار غاولالوا
لازم مغامرة أخيرة نودعوا كل لقراء و نشكركم
اللهم إني أتحمل ذنب ما قرأت و ما تخيلت و أبوء لك بذنبي فاغفر لي فإنه لا يغفر الذنوب إلا أنت ♡
النهاية كاين بارت حينزل مور هذا تعيشوا اقروه