ﺇﻟﻴﺎﺱ : ﺭﺋﺒﺎﻝ ﺃﺏ ... ﻭﺍﺍﺍﻉ ﺷﻜﻮﻥ ﻗﺎﻝ ﻫﻬﻬﻪ
ﺑﻘﺎﻭ ﻣﺠﻤﻌﻴﻦ ﻟﺒﻨﺎﺕ ﺑﻴﻨﺎﺗﻬﻢ ﻭ ﺍﻟﺪﺭﺍﺭﻱ ﺣﺘﻰ ﻫﻤﺎ ... ﺟﻠﺴﻮ ﻣﻌﺎﻫﻢ ﺣﺘﻰ ﺗﻌﺸﺎﻭ ﻋﺎﺩ ﻏﺎﺩﺭﻭ ... ﻛﻼ ﺭﺟﻊ ﻟﺪﺍﺭﻭ ... ﺇﻟﻴﺎﺱ ﻭﺻﻞ ﺯﻳﻨﺐ ﻟﺪﺍﺭﻫﻢ ... ﻭﻗﻒ ﺍﻟﺴﻴﺎﺭﺓ ﻳﺎﻻﻩ ﻛﺎﻧﺖ ﻏﺘﻬﺒﻂ ﻭ ﻫﻲ ﺗﻘﻮﻝ ...
ﺯﻳﻨﺐ : " ﻛﺘﺤﻴﺪ ﻓﺎﻟﺤﺰﺍﻡ " ﺷﻨﻮ ﺑﺎﻥ ﻟﻴﻚ ﻧﺪﻳﺮﻭ ﺍﻟﻌﺮﺱ ﺑﻌﺪ ﺷﻬﺮ !
ﺇﻟﻴﺎﺱ : " ﺿﺎﺭ ﻟﻌﻨﺪﻫﺎ " ﻋﺎﻭﺩﻱ ﺷﻨﻮ ﻗﻠﺘﻲ ؟؟
ﺯﻳﻨﺐ : ﺑﻐﻴﺖ ﻧﺘﺰﻭﺟﻮ ﺍﻟﺸﻬﺮ ﺍﻟﺠﺎﻱ ﺍﺑﻨﺎﺩﻡ ... ﻣﺎﻟﻚ ﺗﺼﻤﻜﺘﻲ
ﺇﻟﻴﺎﺱ : " ﺟﺮﻫﺎ ﻣﻦ ﺍﻟﻜﻮﻝ " ﻟﻤﻚ ﻣﺎﻛﺘﻔﻼﻳﺶ ... ﻭ ﻣﻐﺎﺩﻳﺶ ﺗﻌﺎﻭﺩﻱ ﺗﺮﺍﺟﻌﻲ ﻭ ﻻ ﺗﺄﺟﻠﻴﻪ
ﺯﻳﻨﺐ : ﻻ ... ﺻﺎﻓﻲ ﻗﺮﺭﺕ
ﺇﺑﺘﺎﺳﻢ ﺇﻟﻴﺎﺱ ﺣﺘﻰ ﺗﺴﺪﻭ ﻋﻨﻴﻪ ... ﺟﺮﻫﺎ ﻣﻦ ﻋﻨﻘﻬﺎ ﻭ ﻃﺎﺡ ﻋﻠﻰ ﺷﻔﺎﻳﻔﻬﺎ ﻛﻴﺒﻮﺱ ﺑﻘﻮﺓ ... ﺗﺠﺎﻭﺑﺎﺕ ﻣﻌﺎﻩ ﺯﻳﻨﺐ ﻏﻴﺮ ﺷﺎﻓﺘﻮ ﻧﺴﺎ ﺭﺍﺳﻮ ﻭ ﻫﻲ ﺗﺒﻌﺪ ... ﺭﺟﻊ ﺟﺮﻫﺎ ﻭ ﺯﺍﺩ ﻓﻮﺛﻴﺮﺓ ﺍﻟﻘﺒﻼﺕ ﺣﺘﻰ ﻋﻀﺎﺗﻮ ﻣﻦ ﺷﻔﺘﻮ ﻭ ﺑﻌﺪﺍﺕ ﻭﺟﻬﺎ ﻋﻠﻴﻪ ...
ﺯﻳﻨﺐ : " ﻏﻮﺑﺸﺎﺕ " ﺍﻟﺠﻌﺮ ﺍﻟﺠﻌﺮ ﺍﺑﻨﺎﺩﻡ
ﺇﻟﻴﺎﺱ : ﺍﻟﻤﺴﻤﻮﻣﺔ ﺍﻟﻨﺎﺱ ﻛﻴﻌﻀﻮ ﺑﺸﻮﻳﺔ
ﺯﻳﻨﺐ : ﻣﺎﺷﻲ ﻋﻀﻴﺘﻚ ﻣﺤﺒﺔ ﻓﻴﻚ ... ﺭﺍﻩ ﻋﻀﻴﺖ ﺑﺎﺵ ﻃﻠﻖ ... ﺷﻔﺘﻚ ﺟﻬﻠﺘﻲ ... ﺑﺎﻏﻲ ﻧﺨﻠﻴﻚ ﺛﻘﺒﻨﻲ ﻫﻨﺎ ... ﻭﺳﻂ ﺍﻟﻄﻮﻣﻮﺑﻴﻞ ﻭ ﻓﺮﺍﺱ ﺩﺭﺑﻨﺎ
ﺇﻟﻴﺎﺱ : ﻧﺜﻘﺒﻚ ... !!!
ﺯﻳﻨﺐ : ﺻﺎﻓﻲ ﺧﺮﺟﺎﺕ ﻫﻜﺎﻙ ... ﺷﻨﻮ ﻧﺪﻳﺮ ﻟﻴﻬﺎ
ﺇﻟﻴﺎﺱ : ﻫﺒﻄﻲ ﻟﻤﻚ ﻓﺤﺎﻟﻚ ... ﻏﺎ ﻣﻨﻴﻦ ﻫﺪﺍﻙ ﺍﻟﻠﻪ ﺭﺍﻩ ﻟﺒﺎﺱ ... ﺷﻮﻳﺔ ﻛﻨﺖ ﻏﻨﺪﺧﻞ ﻓﺎﻟﺒﻴﺮﺍﻥ ﺑﺴﺒﺎﺑﻚ
ﺯﻳﻨﺐ : " ﺍﺑﺘﺎﺳﻤﺎﺕ " ﻣﻨﻘﺪﺭﺵ ﻧﺨﻠﻲ ﺣﺒﻴﺒﻲ ﻳﺒﻮﺭ
ﺇﻟﻴﺎﺱ : " ﻗﺮﺻﻬﺎ ﻣﻦ ﺧﺪﻫﺎ " ﻳﻌﻨﻲ ﻛﻠﺸﻲ ﺃﻣﻮﺭﻙ ﻫﻲ ﻫﺎﺩﻳﻚ
ﺯﻳﻨﺐ : ﺟﻤﻌﺖ ﺷﻮﻳﺔ ﺩﻳﺎﻝ ﻟﻔﻠﻮﺱ ﻭ ﻣﺪﻳﺘﻬﻢ ﻟﻮﺍﻟﻴﺪ ﻳﺪﻳﺮ ﺑﻴﻬﻢ ﺷﻲ ﻣﺸﺮﻭﻉ ﺻﻐﻴﺮ ... ﻭﺍﺧﺔ ﻗﺼﺢ ﺭﺍﺳﻮ ﻭ ﻣﺎﺑﻐﺎ ﻳﺎﺧﺪ ﺭﻳﺎﻝ ... ﻭ ﻟﻜﻦ ﻣﻌﺎﻣﻦ ... ﺃﺻﻼ ﺩﺍﻛﺸﻲ ﺍﻟﻲ ﻋﻄﻴﺘﻮ ﻣﺎﻳﺒﺎﻧﺶ ﻗﺪﺍﻡ ﺗﻤﺎﺭﺓ ﺍﻟﻲ ﺿﺮﺏ ﺑﺎﺵ ﺃﻧﺎ ﻧﻘﺮﺍ ﻭﺍﺧﺔ ﺣﺎﻟﺘﻨﺎ ﺍﻟﻲ ﻛﺎﻧﺖ ﺿﻌﻴﻔﺔ
ﺇﻟﻴﺎﺱ : " ﻗﺮﺏ ﻋﻨﺪﻫﺎ ﺑﺎﺱ ﻟﻴﻬﺎ ﺟﺒﻴﻨﻬﺎ " ﻛﻨﻤﻮﺕ ﻋﻠﻴﻚ
ﺯﻳﻨﺐ : " ﻃﺒﻌﺎﺕ ﻗﺒﻠﺔ ﺧﻔﻴﻔﺔ ﻋﻠﻰ ﺷﻔﺎﻳﻔﻮ " ﺣﺘﻰ ﺃﻧﺎ
ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﻣﻐﺎﺩﺭ ﺇﻟﻴﺎﺱ ﺣﺘﻰ ﺷﺎﻓﻬﺎ ﺩﺧﻼﺕ ﻟﻠﺪﺍﺭ ﻋﺎﺩ ﺗﺤﺮﻙ ...
🍁 ﻧﺎﺿﺖ ﻫﻨﺪ ﺍﻟﻴﻮﻡ ﻣﺘﺄﺧﺮﺓ ﺣﻴﻨﺖ ﻣﻐﺪﺍﺵ ﻟﻠﺨﺪﻣﺔ ... ﻓﻄﺮﺍﺕ ﻭ ﺟﻤﻌﺎﺕ ﺍﻟﺪﺍﺭ ... ﺩﺧﻼﺕ ﻟﺒﻴﺖ ﺑﺪﻻﺕ ﺣﻮﺍﻳﺠﻬﺎ ... ﻟﺒﺴﺎﺕ ﺗﻴﺸﻮﺭﺕ ﻣﻊ ﺟﻴﻨﺰ ﻭ ﻻﻳﺤﺔ ﻋﻠﻴﻬﺎ ﺟﺎﻛﻴﻂ ... ﻳﻮﻡ ﺍﻟﻲ ﻋﻨﺪﻫﺎ ﺭﻭﭘﻮ ﻛﺘﻤﺸﻲ ﺗﻘﺪﺍ ﮔﺎﻉ ﺍﻟﻲ ﺧﺎﺻﻬﺎ ...
ﻫﺰﺍﺕ ﺍﻟﺴﻮﺍﺭﺕ ﻣﻦ ﺍﻟﻌﻼﻗﺔ ﻭ ﺗﻮﺟﻬﺎﺕ ﻟﺒﺎﺏ ... ﻛﻴﻒ ﺣﻼﺗﻮ ﻭﻗﻔﺎﺕ ﻣﺼﺪﻭﻣﺔ ... ﺷﺎﻓﺖ ﻓﻴﺎﻣﻦ ﻭ ﺣﻮﻻﺕ ﻧﻈﺮﻫﺎ ﻟﻠﻤﺮﺃﺓ ﺍﻟﻲ ﻣﻌﺎﻩ ... ﺳﺎﺩ ﺍﻟﺼﻤﺖ ﺣﺘﻰ ﻗﺎﻟﺖ ﻓﻮﺯﻳﺔ ﻭ ﻫﻲ ﻣﺒﺘﺎﺳﻤﺔ ﺑﺮﺯﺍﻧﺔ ...
ﻓﻮﺯﻳﺔ : ﻏﺎﺩﻱ ﺗﺨﻠﻴﻨﺎ ﻓﺎﻟﺒﺎﺏ
ﻫﻨﺪ : " ﺣﺮﻛﺎﺕ ﺭﺍﺳﻬﺎ " ﻻ ... ﺗﻔﻀﻠﻮ ﺩﺧﻠﻮ
ﺩﺧﻼﺕ ﻓﻮﺯﻳﺔ ﻭ ﺗﺒﻌﻬﺎ ﻳﺎﻣﻦ ﺑﻌﺪﻣﺎ ﻻﺡ ﻟﻬﻨﺪ ﻏﻤﺰﺓ ﺳﺮﻳﻌﺔ ... ﺧﻼﺗﻬﺎ ﺗﺸﻚ ﻭﺍﺵ ﻧﻴﺖ ﺷﺎﻓﺘﻬﺎ ﻭ ﻻ ﺗﻬﻴﺄ ﻟﻴﻬﺎ ... ﺩﺍﺗﻬﻢ ﻟﻠﺼﺎﻟﻮﻥ ... ﻓﻮﺯﻳﺔ ﭼﻠﺴﺎﺕ ﻭ ﺷﺎﺭﺕ ﻟﻬﻨﺪ ﺗﺠﻲ ﺣﺪﺍﻫﺎ ...
ﻓﻮﺯﻳﺔ : ﺳﻤﺤﻲ ﻟﻴﻨﺎ ﺍﺑﻨﺘﻲ ﺟﻴﻨﺎ ﺑﻠﻤﺎ ﻧﻌﻠﻤﻮﻙ ... ﻭ ﻟﻜﻦ ﻻ ﺑﻘﻴﺖ ﻧﺘﺴﻨﻰ ﻓﻴﻪ ﻣﻐﺎﺩﻱ ﻧﺘﻠﻘﺎﻭ ﺣﺘﻰ ﻳﻤﻮﺕ ﺍﻟﻲ ﺑﻐﻰ ﻳﻤﻮﺕ
ﻫﻨﺪ : " ﺍﻟﺼﻤﺖ ﻭ ﻣﺪﻫﺸﺮﺓ "
ﻓﻮﺯﻳﺔ : ﻳﺎﻣﻦ ﻋﺎﻭﺩ ﻟﻴﺎ ﺑﺰﺍﻑ ﻋﻠﻴﻚ ... ﻭ ﻟﻜﻦ ﻧﺴﻰ ﻣﻘﺎﻝ ﺑﻠﻲ ﺭﺍﻙ ﻏﺰﺍﻟﺔ ﺗﺒﺎﺭﻙ ﺍﻟﻠﻪ
ﻫﻨﺪ : " ﺗﺰﻧﮕﺎﺕ " ﺷﻜﺮﺍ
ﻓﻮﺯﻳﺔ : ﻋﺮﻓﺖ ﺑﻠﻲ ﺍﻟﻴﻮﻡ ﭼﺎﻟﺴﺔ ﻣﻜﺘﻤﺸﻴﺶ ﻟﺨﺪﻣﺔ ... ﻭ ﻗﻠﺖ ﻧﺠﻲ ﻧﺸﻮﻓﻚ ﻭ ﻧﺘﻌﺮﻑ ﻋﻠﻴﻚ
ﻫﻨﺪ : ﻣﺮﺣﺒﺎ ﺑﻴﻚ ﺍﺧﺎﻟﺘﻲ
ﻓﻮﺯﻳﺔ : ﻭ ﺟﻴﻨﺎ ﻧﻄﻠﺒﻮ ﻳﺪﻙ
ﻫﺰﺍﺕ ﻫﻨﺪ ﺭﺍﺳﻬﺎ ﺷﺎﻓﺖ ﻓﻴﺎﻣﻦ ﺍﻟﻲ ﻛﺎﻥ ﺳﺎﻛﺖ ﻭ ﻋﻠﻰ ﺟﻨﺐ ﺷﻔﺎﻳﻔﻮ ﺍﺑﺘﺴﺎﻣﺔ ﺧﻔﻴﻔﺔ ... ﺣﺮﻙ ﻟﻴﻬﺎ ﺭﺍﺳﻮ ﻣﺄﻛﺪ ﻛﻼﻡ ﻣﻮ ... ﺿﻮﺭﺍﺕ ﻫﻨﺪ ﻭﺟﻬﺎ ﻟﻌﻨﺪ ﻓﻮﺯﻳﺔ ﻭ ﻋﻨﻴﻬﺎ ﻣﻐﺮﻏﺮﻳﻦ ...
ﻓﻮﺯﻳﺔ : ﻋﺎﻭﺩ ﻟﻴﺎ ﻭﻟﺪﻱ ﻛﻠﺸﻲ ﻋﻠﻴﻚ ﻭ ﻓﺮﺣﺖ ﺑﺰﺍﻑ ... ﺷﻨﻮ ﻣﻤﻜﻦ ﻧﺘﻤﻨﻰ ﻛﺜﺮ ﻣﻦ ﺑﻨﺖ ﺑﺤﺎﻟﻚ ﻟﻴﺎﻣﻦ ... ﻛﻨﺖ ﺩﻳﻤﺎ ﻧﺪﻋﻲ ﻣﻌﺎﻩ ﻳﻠﻘﻰ ﺑﻨﺖ ﺍﻟﻨﺎﺱ ﺍﻟﻲ ﺗﺴﻌﺪﻭ
ﻫﻨﺪ : " ﺍﻟﺼﻤﺖ "
ﻓﻮﺯﻳﺔ : ﺷﻨﻮ ﻗﻠﺘﻲ ﺍﺑﻨﺘﻲ ؟
ﻫﻨﺪ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ ﻭ ﻫﻲ ﻣﻨﺰﻻﻩ "
ﻓﻮﺯﻳﺔ : " ﺑﻔﺮﺣﺔ " ﺍﻟﻠﻪ ﻳﻔﺮﺣﻜﻢ ... ﺩﺍﺑﺔ ﻏﺘﺤﻴﺪﻱ ﻫﺎﺩ ﺍﻟﺤﺸﻤﺔ ﺑﺎﺵ ﻧﺘﺎﻓﻘﻮ ﻋﻠﻰ ﻛﻠﺸﻲ
ﻫﻨﺪ : " ﺑﺼﻮﺕ ﻣﻨﺨﻔﺾ " ﺃﻧﺎ ﻣﺎﺑﻐﻴﺖ ﻭﺍﻟﻮ
ﻓﻮﺯﻳﺔ : ﻻ ﺍﺑﻨﺘﻲ ... ﺧﺎﺹ ﻧﺪﻳﺮﻭ ﺍﻟﻼﺯﻡ ... ﺻﺪﺍﻗﻚ ﻏﺘﺎﺧﺪﻳﻪ ... ﻭ ﺍﻟﺘﺠﻬﻴﺰ ﺩﻳﺎﻟﻚ ﺃﻧﺎ ﻏﻨﻜﻮﻥ ﻣﻌﺎﻙ ﻻ ﺑﻐﻴﺘﻲ ﻭ ﻧﻌﺎﻭﻧﻚ ... ﻭ ﺩﺍﻙ ﻗﺎﺻﺢ ﺍﻟﺮﺍﺱ ﻏﻴﺘﻜﻔﻞ ﺑﺎﻟﻤﺼﺎﺭﻳﻒ
ﻳﺎﻣﻦ : ﺑﻨﺘﻮ ﻟﻴﺎ ﺑﺤﺎﻝ ﻻ ﻏﺪﻳﺮﻭ ﺍﺗﺤﺎﺩ ﺑﺠﻮﺝ ﻋﻠﻴﺎ ... ﺣﺒﺲ ﻣﺰﺍﻝ ﻣﺎﺩﺭﻧﺎ ﻓﺎﻟﻄﺠﻴﻦ ﻣﺎﻳﺘﺤﺮﻕ
ﻓﻮﺯﻳﺔ : " ﻋﻨﻘﺎﺕ ﻫﻨﺪ ﺑﻴﺪﻫﺎ " ﺩﺧﻮﻝ ﺍﻟﺤﻤﺎﻡ ﻣﺎﺷﻲ ﺑﺤﺎﻝ ﺧﺮﻭﺟﻮ
ﺍﺑﺘﺎﺳﻤﺎﺕ ﻫﻨﺪ ﻭ ﺍﻟﻔﺮﺣﺔ ﻣﻘﺪﻫﺎﺵ ... ﻣﺮﺓ ﻣﺮﺓ ﻛﺘﻠﻮﺡ ﻋﻨﻴﻬﺎ ﺟﻬﺔ ﻳﺎﻣﻦ ﻭ ﻛﻴﻒ ﻳﺘﻠﻘﺎﻭ ﻧﻈﺮﺍﺗﻬﻢ ﻗﻠﺒﻬﺎ ﻛﻴﺒﻐﻲ ﻳﺴﻜﺖ ... ﻗﺪﺭﺍﺕ ﺗﻠﻤﺢ ﺍﻟﻮﺩ ﻭ ﺍﻹﺣﺘﺮﺍﻡ ﻭ ﺑﻌﺾ ﺍﻟﺤﺐ ﻓﻨﻈﺮﺍﺗﻮ ...
ﻋﺎﺭﻓﺔ ﺑﺎﻗﻲ ﺍﻟﻄﺮﻳﻖ ﻃﻮﻳﻞ ﺑﺎﺵ ﺗﺤﺼﻞ ﻋﻠﻰ ﻗﻠﺒﻮ ﺑﺎﻟﻜﺎﻣﻞ ... ﻟﻜﻦ ﻫﻲ ﻣﺴﺘﺎﻋﺪﺓ ﺗﺒﻐﻴﻪ ﻭ ﺗﺴﻌﺪﻭ ﻗﺪﺭ ﺍﻹﻣﻜﺎﻥ ﺣﺘﻰ ﻳﺮﺟﻊ ﻳﺸﻮﻓﻬﺎ ﻏﻴﺮ ﻫﻲ ...
ﺍﻫﺘﻤﺎﻡ ﻭ ﺣﻨﺎﻥ ﺍﻷﻡ ﺩﻳﺎﻟﻮ ﺯﺍﺩ ﺳﻌﺪﻫﺎ ... ﻭﺍﺧﺔ ﻋﺎﺩ ﺗﻼﻗﺎﻭ ﺣﺴﺴﺎﺗﻬﺎ ﺑﺸﻌﻮﺭ ﺍﻷﻣﻮﻣﺔ ﺍﻟﻲ ﻣﻔﺘﺎﻗﺪﺍﻩ ﺳﻨﻮﺍﺕ ﻫﺎﺩﻱ ... ﻋﺎﺷﺖ ﻭﺣﻴﺪﺓ ﻭ ﻣﻊ ﺫﻟﻚ ﺻﺒﺮﺍﺕ ﻭ ﺗﺎﺑﺮﺍﺕ ... ﻭ ﻫﺎﻫﻲ ﺍﻟﻴﻮﻡ ﺣﺼﻼﺕ ﻋﻠﻰ ﺍﻟﺮﺟﻞ ﺍﻟﻲ ﻛﺘﺒﻐﻲ ... ﻭ ﻣﺎﺷﻲ ﻏﻴﺮ ﻫﺎﺩﺷﻲ ﻓﻘﻂ ... ﺣﺼﻼﺕ ﻋﻠﻰ ﻋﺎﺋﻠﺔ ﻛﺎﻧﺖ ﺗﻤﻨﺎﻫﺎ ...
ﺑﻌﺪ ﻋﺪﺓ ﺃﻳﺎﻡ ﺗﻢ ﻋﻘﺪ ﻗﺮﺍﻥ ﻫﻨﺪ ﻭ ﻳﺎﻣﻦ ... ﺣﻀﺮﻭ ﻓﻴﻪ ﻏﻴﺮ ﺍﻷﻗﺎﺭﺏ ﻭ ﺍﻷﺻﺪﻗﺎﺀ ... ﺟﻮﻻﻥ ﻭ ﻟﺒﻨﺎﺕ ﺭﺍﻓﻘﻮ ﻫﻨﺪ ﻓﺎﺵ ﺧﺪﺍﺕ ﺟﻬﺎﺯﻫﺎ ﻭ ﻛﺎﻧﻮ ﺟﻨﺒﻬﺎ ... ﻭ ﻓﺎﻟﻠﻴﻠﺔ ﻗﺒﻞ ﺍﻟﻌﻘﺪ ﺑﺎﺗﻮ ﻣﻌﻬﺎ ﻓﺸﻘﺘﻬﺎ ... ﺣﺴﺎﺕ ﻓﻌﻼ ﺃﻧﻬﺎ ﻭﺳﻂ ﻋﺎﺋﻠﺘﻬﺎ ﻣﺎﺷﻲ ﻧﺎﺱ ﻋﺎﺩ ﻋﺮﻓﺎﺗﻬﻢ ﻏﻴﺮ ﻓﺎﻟﺴﻨﻮﺍﺕ ﺍﻷﺧﻴﺮﺓ ﻭ ﻣﻜﺘﺮﺑﻄﻬﺎ ﺑﻴﻬﻢ ﺣﺘﻰ ﻗﺮﺍﺑﺔ ﺩﻡ ...
ﻟﺒﺴﻮ ﻟﺒﻨﺎﺕ ﻗﻔﺎﻃﻨﻬﻢ ﻭ ﺗﺰﻳﻨﻮ ... ﻭ ﺍﻟﺪﺭﺍﺭﻱ ﺣﺘﻰ ﻫﻤﺎ ﺣﻀﺮﻭ ﺑﺒﺪﻝ ﺭﺳﻤﻴﺔ ... ﻛﺎﻧﺖ ﺍﺣﺘﻔﺎﻝ ﺻﻐﻴﺮ ﻟﻜﻦ ﻣﻠﻲﺀ ﺑﺎﻟﺒﻬﺠﺔ ﻭ ﺍﻟﻔﺮﺣﺔ ... ﻭ ﻻ ﻳﺨﻠﻮ ﻣﻦ ﺍﻟﻀﺤﻚ ... ﺧﺎﺻﺔ ﺑﻮﺟﻮﺩ ﺯﻳﻨﺐ ﻭ ﺇﻟﻴﺎﺱ ... ﺍﻟﻲ ﻛﺎﻥ ﻣﺤﻮﺭ ﺣﺪﻳﺜﻬﻢ ﻭ ﻣﺰﺍﺣﻬﻢ ﺑﻄﻦ ﺟﻮﻻﻥ ﺍﻟﻤﻨﻔﻮﺧﺔ ﻭ ﻣﺸﻴﺘﻬﺎ ﺍﻟﺒﻄﻴﺌﺔ ...
ﻭ ﻣﺎﺣﺒﺴﻮ ﺣﺘﻰ ﺑﺪﺍﺕ ﺩﻣﻊ ﻟﻴﻬﻢ ﻣﻊ ﺣﺎﻟﺘﻬﺎ ﺍﻟﺤﺴﺎﺳﺔ ... ﺭﺟﻌﻮ ﺩﻣﻮﻋﻬﺎ ﻏﺎ ﻋﻠﻰ ﺳﺒﺔ ... ﻟﻜﻨﻬﺎ ﺩﻏﻴﺎ ﻗﻠﺒﺎﺗﻬﺎ ﺿﺤﻚ ﻓﺎﺵ ﺷﺎﻓﺖ ﺭﺋﺒﺎﻝ ﻋﻄﻰ ﻟﻜﻤﺔ ﻹﻟﻴﺎﺱ ﻓﻜﺮﺷﻮ ... ﻣﻊ ﺧﺘﺎﻡ ﺍﻟﻠﻴﻠﺔ ﺗﻮﺍﺩﻋﻮ ﻣﻊ ﺍﻟﻌﺮﺳﺎﻥ ﺍﻟﺠﺪﺍﺩ ﺑﻌﺪﻣﺎ ﺑﺎﺭﻛﻮ ﻟﻴﻬﻢ ... ﻭ ﻛﻼ ﺗﻮﺟﻪ ﻟﺪﺍﺭﻭ ... ﻣﻦ ﻏﻴﺮ ﺭﺋﺒﺎﻝ ﺍﻟﻲ ﺩﺍ ﺟﻮﻻﻥ ﻟﺠﻨﺐ ﺍﻟﺒﺤﺮ ﺑﻘﻔﻄﺎﻧﻬﺎ ... ﺩﺍﻳﺮ ﻛﻞ ﺍﻟﺨﺎﻃﺮ ﻣﻊ ﻃﻠﺒﺎﺗﻬﺎ ﺍﻟﻐﺮﻳﺒﺔ ﺑﺪﻭﻥ ﻣﺎ ﻳﺘﺸﻜﻰ ...
🍂 ﻛﺎﻥ ﭼﺎﻟﺲ ﻓﺎﻟﻤﻜﺘﺐ ﺩﻳﺎﻟﻮ ﻓﻮﻗﺖ ﻣﺘﺄﺧﺮ ﻛﻴﻘﺮﺍ ﻭﺍﺣﺪ ﺍﻟﺘﻘﺮﻳﺮ ... ﺩﻭﺯ ﺻﺒﺎﻋﻮ ﻋﻠﻰ ﺟﺒﻬﺘﻮ ﻭ ﺷﺎﻑ ﻓﺎﻟﺴﺎﻋﺔ ... ﺳﺪ ﺍﻟﻤﻠﻒ ﻭ ﻧﺎﺽ ... ﻟﺒﺲ ﺍﻟﺠﺎﻛﻴﻂ ﺩﻳﺎﻟﻮ ﻭ ﺗﻢ ﺧﺎﺭﺝ ... ﻛﻴﻒ ﺣﻞ ﻟﺒﺎﺏ ﺳﻤﻊ ﺻﻮﺕ ﻏﻮﺍﺕ ﺷﻲ ﻣﺮﺍ ...
ﺑﺎﻧﻮ ﻟﻴﻪ ﺟﻮﺝ ﺭﺟﺎﻝ ﺷﺮﻃﺔ ﺷﺎﺩﻳﻦ ﻓﺸﺨﺺ ﺻﻐﻴﺮ ﺍﻟﺠﺴﺪ ﻻﺑﺲ ﻫﻮﺩﻱ ﻛﺒﻴﺮﺓ ... ﻭ ﻣﺮﺃﺓ ﻻﺑﺴﺔ ﺟﻼﺑﺔ ﺷﻌﺮﻫﺎ ﻣﺸﻨﺘﻒ ﻭ ﺫﺭﺍﻋﻬﺎ ﻻﻭﻳﺔ ﻋﻠﻴﻬﺎ ﻓﺎﺻﻤﺔ ... ﻗﺮﺏ ﻋﻨﺪﻫﻢ ﻭ ﻗﺎﻝ ...
ﻳﺰﻳﺪ : ﺁﺵ ﻭﺍﻗﻊ ﻫﻨﺎ ... ﻣﺎﻟﻨﺎ ﻋﻠﻰ ﻫﺎﺩ ﺍﻟﻐﻮﺍﺕ
ﺍﻟﺸﺮﻃﻲ : ﺍﻟﻈﺎﺑﻂ ﻳﺰﻳﺪ ﻫﺎﺩ ﺍﻟﺴﻴﺪﺓ ﺟﺎﺕ ﺗﺮﻓﻊ ﺷﻜﻮﻯ ﺿﺪ ﻫﺎﺩﻱ
ﻣﺰﺍﻝ ﻣﺎﻛﻤﻞ ﻫﻀﺮﺗﻮ ﻭ ﻫﻲ ﺗﻨﻄﺮ ﻣﻨﻮ ﻭ ﺿﺎﺭﺕ ﻟﻌﻨﺪ ﻳﺰﻳﺪ ... ﻛﻴﻒ ﺗﺼﺪﻣﺎﺕ ﻓﺎﺵ ﺷﺎﻓﺘﻮ ... ﻳﺰﻳﺪ ﺑﺪﻭﺭﻭ ﺑﻘﻰ ﻏﻴﺮ ﻛﻴﺸﻮﻑ ﻓﻴﻬﺎ ... ﺩﻏﻴﺎ ﻋﺮﻓﻬﺎ ﺍﻧﻬﺎ ﻫﻲ ﻧﻔﺴﻬﺎ ﺧﺖ ﺳﻠﻄﺎﻥ ﺍﻟﻲ ﻛﺎﻥ ﺗﺒﻊ ... ﻻﺑﺴﺔ ﻗﺒﻴﺔ ﻛﺒﺮ ﻣﻨﻬﺎ ﻭ ﻭﺟﻬﺎ ﻋﺎﻣﺮ ﻗﻤﻴﺶ ...
ﻳﺰﻳﺪ : " ﺑﻤﻼﻣﺢ ﺟﺪﻳﺔ " ﺷﻨﻮ ﻛﺪﻳﺮﻱ ﻫﻨﺎ ؟
ﺳﺎﺭﻩ : " ﻧﻌﺘﺎﺕ ﻓﻴﻪ ﺑﺼﺒﻌﻬﺎ " ﻧﺘﺎ ... ! ﻇﺎﺑﻂ ﻫﻬﻪ ... ﻋﻘﻠﺘﻲ ﻋﻠﻴﺎ ... ﺃﻧﺎ ﻫﻲ ﺩﻳﻚ ﺍﻟﻲ ﻓﻜﻴﺘﻲ ﻣﻦ ﺩﺍﻙ ﺍﻟﻘﺮﻉ ﺍﻟﻲ ﻓﺮﺍﺱ ﺩﺭﺑﻨﺎ
ﻳﺰﻳﺪ : ﺍﻳﻪ ﻋﺎﺭﻑ ... ﻣﺎﻟﻚ ﻓﻮﺟﻬﻚ ... ﻭﺍﺵ ﻫﻲ ﺍﻟﻲ ﺩﺍﺭﺕ ﻟﻴﻚ ﻫﺎﺩ ﺍﻟﺤﺎﻟﺔ ؟
ﺍﻟﻌﻤﺔ : " ﻧﻄﻘﺎﺕ " ﺳﻌﺎﺩﺓ ﺍﻟﻈﺎﺑﻂ ﺭﺍﻩ ﻫﻲ ﺍﻟﻲ ﺧﻮﺍﺕ ﻋﻠﻴﺎ ﻟﻤﺎ ﻃﺎﻳﺐ ﺣﺘﻰ ﻃﺎﺭﺕ ﻟﻴﺎ ﺟﻠﺪﺓ ﻳﺪﻱ
ﺳﺎﺭﻩ : ﻭ ﻧﺘﻲ ﺍﻟﻲ ﺟﺎﻳﺔ ﺿﺮﺑﻲ ﻭ ﺗﻨﺘﻔﻲ ﻓﻴﺎ ... ﻭ ﺩﺍﻙ ﺍﻟﺤﻤﺎﺭ ﺍﻟﻲ ﻛﺪﺧﻠﻲ ﺻﺮﻓﻘﻨﻲ
ﺍﻟﻌﻤﺔ : ﺍﻟﺤﻤﺎﺭﺓ ﻫﻲ ﻧﺘﻲ
ﻳﺰﻳﺪ : " ﺷﺎﻑ ﻓﺨﺪ ﺳﺎﺭﻩ ﺍﻟﻤﻨﻔﻮﺥ ﻭ ﻗﺎﻝ ﺑﺼﻮﺕ ﻋﺎﻟﻲ " ﺳﻜﺘﻴﻨﺎﺍﺍﺍ
ﺿﺮﺑﺎﺕ ﺍﻟﻌﻤﺔ ﺍﻟﻄﻢ ﻛﻴﻒ ﺣﻤﺮ ﻓﻴﻬﺎ ﻳﺰﻳﺪ ... ﻃﻠﺐ ﻣﻦ ﺭﺟﺎﻟﻮ ﻳﻤﺸﻴﻮ ﻭ ﺩﺧﻞ ﻟﻤﻜﺘﺒﻮ ﺍﻟﻌﻤﺔ ﻭ ﺳﺎﺭﻩ ... ﺟﻠﺲ ﻓﺎﻟﺒﻴﺮﻭ ﻭ ﻗﺎﻝ ...
ﻳﺰﻳﺪ : " ﻣﻮﺟﻪ ﻛﻼﻣﻮ ﻟﺴﺎﺭﺓ " ﻋﺎﻭﺩﻱ ﺑﺎﻟﺘﻔﺼﻴﻞ ﺷﻨﻮ ﻭﻗﻊ ... ﻣﺘﺨﻠﻲ ﺣﺘﻰ ﺣﺎﺟﺔ " ﻣﻊ ﺍﻟﻌﻤﺔ " ﻭ ﻧﺘﻲ ﻣﻨﺴﻤﻌﺶ ﺣﺴﻚ
ﺳﺎﺭﻩ : ﻟﺒﺎﺭﺡ ﺩﺧﻼﺕ ﻫﺪﺍﻙ ﺍﻟﻲ ﻣﺴﻤﻴﺔ ﻋﻠﻴﻪ ﺧﻄﻴﺒﻬﺎ ... ﻭ ﻣﻨﻴﻦ ﺧﺮﺟﺎﺕ ﺗﺴﺨﺮ ﺟﺎ ﻋﻨﺪﻱ ﻟﻜﻮﺯﻳﻨﺔ ﻭ ﺑﻐﺎ
ﻳﺰﻳﺪ : ﻛﻤﻠﻲ
ﺳﺎﺭﻩ : ﺑﻐﺎ ﻳﺸﺪﻧﻲ ﺑﺰﺯ ... ﻭ ﻣﻨﻴﻦ ﺩﻓﻠﺖ ﻋﻠﻴﻪ ﺻﺮﻓﻘﻨﻲ ... ﻫﺰﻳﺖ ﻋﻠﻴﻪ ﻣﻮﺱ ﻭ ﺩﻓﻌﺘﻮ ﻭ ﻫﺮﺑﺖ ... ﻭ ﻣﻨﻴﻦ ﺟﺎﺕ ﻫﻲ ﻣﺎﻋﺮﻓﺖ ﺷﻨﻮ ﻗﺎﻝ ﻟﻴﻬﺎ ... ﻏﻴﺮ ﺧﺮﺝ ﺟﺎﺕ ﺑﻐﺎﺕ ﺿﺮﺑﻨﻲ ... ﺩﺍﻓﻌﺖ ﻋﻠﻰ ﺭﺍﺳﻲ ﻭ ﺩﺍﺑﺔ ﻗﺎﻟﺖ ﻟﻴﻚ ﺑﻐﺎﺕ ﺗﺸﻜﻲ ﺑﻴﺎ
ﻳﺰﻳﺪ : ﺳﺎﺭﻩ ﺗﺴﻨﺎﻳﻨﻲ ﻓﺎﻟﺨﺎﺭﺝ
ﻧﺎﺿﺖ ﺳﺎﺭﺓ ﻭ ﻏﺎﺩﺭﺍﺕ ﺍﻟﻤﻜﺘﺐ ... ﻛﻴﻒ ﺗﺴﺪ ﻟﺒﺎﺏ ﺗﻜﻠﻤﺎﺕ ﺍﻟﻌﻤﺔ ...
ﺍﻟﻌﻤﺔ : ﻫﺎﺩﺷﻲ ﺍﻟﻲ ﻗﺎﻟﺖ ﻏﻴﺮ ﻛﺬﻭﻭﻭﺏ ... ﻫﻮ ﻣﻮﺻﻠﻬﺎﺵ ﻭ ﻫﻲ ﺍﻟﻲ ﻛﺪﻳﺮ ﺣﺮﻛﺎﺕ ﺍﻟﺘﻘﺤﺒﻴﻦ ﻗﺪﺍﻣﻮ ... ﺷﺒﻬﺎﺕ ﻟﻤﻬﺎ ... ﺩﻏﻴﺎ ﺿﺎﺭﺕ ﺑﺨﻮﻳﺎ ﻭ ﺗﻠﻔﺎﺗﻮ
ﻳﺰﻳﺪ : " ﺿﺮﺏ ﻳﺪﻭ ﻋﻠﻰ ﻟﻤﻜﺘﺐ " ﺳﺪﻱ ﻓﻤﻚ ﻣﺎﺳﻮﻟﺘﻜﺶ
ﻭﻗﻒ ﻳﺰﻳﺪ ﻭ ﺟﺎ ﻟﻌﻨﺪﻫﺎ ﺟﺮﻫﺎ ﻣﻦ ﻛﻮﻝ ﺍﻟﺠﻼﺑﺔ ﺣﺘﻰ ﻭﻗﻔﺎﺕ ... ﺷﺎﻓﺖ ﻓﻴﻪ ﺷﺎﺩﻫﺎ ﻗﺮﻳﺒﺔ ﻟﻴﻪ ﻭ ﻣﻊ ﺷﻜﻠﻮ ﻭ ﻃﻮﻟﺘﻮ ﺗﺤﻼﺕ ﺩﻏﻴﺎ ... ﻳﺰﻳﺪ ﻏﻴﺮ ﺑﺎﻧﻮ ﻟﻴﻪ ﺣﺮﻛﺎﺗﻬﺎ ﺍﻟﻤﺎﻳﻌﻴﻦ ﻋﻘﺪ ﺣﺠﺒﺎﻧﻮ ﻭ ﻗﺎﻝ ...
ﻳﺰﻳﺪ : ﻫﺎﺩﻳﻚ ﺑﻨﺖ ﺧﻮﻙ ... ﻓﺎﺵ ﻣﺎﺕ ﺑﻘﺎﺕ ﺃﻣﺎﻧﺔ ﻓﺮﻗﺒﺘﻚ ... ﻭ ﺑﺎﺵ ﺗﺤﺎﻓﻈﻲ ﻋﻠﻴﻬﺎ ﻛﺪﺧﻠﻲ ﺍﻟﺰﻭﺍﻣﻞ ﻟﻠﺪﺍﺭ ﻭ ﺗﺨﻠﻴﻬﻢ ﻣﻌﻬﺎ ... ﺑﺎﻳﻨﺔ ﺍﺷﻤﻦ ﻃﻴﻨﺔ ﭼﻨﺴﻚ ... ﻭ ﻟﻜﻦ ﻏﻨﻘﻮﻝ ﻟﻴﻚ ﻫﻀﺮﺓ ﻭﺣﺪﺓ ... ﻧﻬﺎﺭ ﺗﺠﻲ ﻋﻨﺪﻱ ﻫﻲ ﻭ ﺗﻘﻮﻝ ﻟﻴﺎ ﺩﺧﻠﺘﻲ ﺃﻭ ﻏﻴﺮ ﺩﻕ ﻋﻠﻴﻚ ﺷﻲ ﻛﻠﺐ ... ﻏﻨﺠﻲ ﻧﻬﺰ ﻣﻚ ﻧﺘﻲ ﻭﻳﺎﻩ ...
ﻭ ﻧﺨﻠﻴﻚ ﺗﻌﻔﻨﻲ ﻫﻨﺎ ... ﻟﺒﻨﺖ ﺑﻘﻰ ﻟﻴﻬﺎ ﺷﻬﺮﻳﻦ ﻭ ﺗﻜﻤﻞ 18 ﺳﻨﺔ ﻭ ﺩﻳﻚ ﺍﻟﺴﺎﻉ ﻏﺘﺎﺧﺪ ﻭﺭﺛﻬﺎ ﻭ ﻧﺒﻌﺪﻫﺎ ﻋﻠﻰ ﺟﺪﺑﻮﻭﻭﻙ ... ﺃﻩ ﻭ ﺑﺎﺵ ﻣﻨﺴﺎﺵ ... ﺩﺍﻙ ﺍﻟﻲ ﻛﺎﻥ ﻛﻴﺴﻴﻔﻂ ﻟﻴﻚ ﺍﻟﻔﻠﻮﺱ ﺭﺍﻩ ﺿﻴﻒ ﻋﻨﺪﻧﺎ ﻳﻌﻨﻲ ﻣﺎﺑﻘﺎﺕ ﺑﻴﻨﻜﺔ ﺑﺎﺭﺩﺓ ... ﻛﻨﺘﻲ ﺗﺎﻛﻠﻲ ﻭ ﺗﻮﻛﻠﻴﻬﺎ ﻓﻠﻮﺱ ﻟﺤﺮﺍﻡ ... ﻭ ﺩﺍﺑﺔ ﺷﻨﻮ ﻗﻠﺘﻲ ﺗﺒﺘﻲ ﻭ ﻻ ﻟﺤﺒﺲ !
ﺍﻟﻌﻤﺔ : " ﻛﺘﺮﻋﺪ " ﻻ ﻣﺎﺑﻐﻴﺖ ﺣﺒﺲ ﻋﻔﺎﻙ ... ﻡ ﻣﺎﺑﻘﻴﺶ ﻧﻘﺮﺏ ﻟﻴﻬﺎ ﻭ ﻻ ﻧﺪﺧﻞ ﺷﻲ ﺣﺪ
ﻳﺰﻳﺪ : ﻧﻤﺮﺗﻲ ﻏﻨﻌﻄﻴﻬﺎ ﻟﻴﻬﺎ ﻭ ﻫﺎﻧﻲ ﺣﺬﺭﺗﻚ ... ﺗﺸﻜﻰ ﻣﻨﻚ ﺭﺍﻙ ﻋﺎﺭﻓﺔ ﺷﻨﻮ ﺗﺎﺑﻌﻚ ... ﻭ ﺩﺍﺑﺔ ﺧﺮﺟﻲ ﻗﺎﻭﺩﻱ ﻓﺤﺎﻟﻚ
ﺣﺪﺭﺍﺕ ﺍﻟﻌﻤﺔ ﺭﺍﺳﻬﺎ ﻭ ﺧﺮﺟﺎﺕ ... ﺑﺎﻧﺖ ﻟﻴﻬﺎ ﺳﺎﺭﻩ ﻭﺍﻗﻔﺔ ﻣﺘﻜﻴﺔ ﻋﻠﻰ ﺍﻟﺤﻴﻂ ﻣﺸﺎﻓﺘﺶ ﺟﻬﺘﻬﺎ ... ﺳﻤﻌﺎﺕ ﺳﺎﺭﻩ ﻟﺒﺎﺏ ﺗﺤﻞ ﻭ ﻫﻲ ﺿﻮﺭ ... ﺑﺎﻥ ﻟﻴﻬﺎ ﻳﺰﻳﺪ ﺧﺎﺭﺝ ...
ﻳﺰﻳﺪ : ﻳﺎﻻﻩ ﻣﻌﻴﺎ ﻧﻮﺻﻠﻚ
ﺧﺸﺎﺕ ﻳﺪﻳﻬﺎ ﻓﺠﻴﺐ ﺍﻟﻘﺒﻴﺔ ﻭ ﺗﺒﻌﺎﺗﻮ ... ﺑﺎﻧﺖ ﺍﺑﺘﺴﺎﻣﺔ ﺑﺮﻳﺌﺔ ﻋﻠﻰ ﻭﺟﻬﺎ ﻭ ﻫﻲ ﻛﺘﺸﻮﻑ ﻓﻴﻪ ﺳﺎﺑﻖ ... ﺭﻏﻢ ﺷﺨﺼﻴﺘﻬﺎ ﺍﻟﻤﺸﺎﻛﺴﺔ ﺍﻻ ﺍﻧﻬﺎ ﻓﺘﺎﺓ ﻃﻴﺒﺔ ﻓﺪﺍﺧﻠﻬﺎ ... ﺗﺼﺮﻓﺎﺗﻬﺎ ﻣﺎﻫﻲ ﺍﻟﻲ ﺩﺭﻉ ﺑﺎﺵ ﺗﺤﻤﻲ ﻧﻔﺴﻬﺎ ﻣﻦ ﺍﻵﺧﺮﻳﻦ ﻭ ﺣﺪ ﻣﺎﻳﺤﮕﺮ ﻋﻠﻴﻬﺎ ...
ﻛﺒﺮﺍﺕ ﺑﺪﻭﻥ ﻭﺍﻟﺪﻳﻬﺎ ﻭ ﻋﺎﺷﺖ ﻣﻊ ﻋﻤﺔ ﻗﺎﺳﻴﺔ ... ﻟﺬﻟﻚ ﺭﺑﺎﺕ ﺩﻳﻚ ﺍﻟﻘﺸﺮﺓ ﺩﻳﺎﻝ ﺍﻟﻘﻮﺓ ... ﻟﻜﻦ ﺩﺍﺧﻠﻬﺎ ﻣﺮﻫﻒ ﻭ ﺣﺴﺎﺱ ﻛﺄﻱ ﺑﻨﺖ ﻓﺴﻨﻬﺎ ﺍﻟﺼﻐﻴﺮﺓ ...
ﻭ ﻫﻤﺎ ﺧﺎﺭﺟﻴﻦ ﺑﺎﻧﺖ ﻟﻴﻬﻢ ﺍﻟﻌﻤﺔ ﻭﺍﻗﻔﺔ ﻗﺪﺍﻡ ﺍﻟﻤﺮﻛﺰ ... ﺑﻘﺎﺕ ﻣﺘﺒﻌﺎﻫﻢ ﺑﻌﻨﻴﻬﺎ ﺣﺘﻰ ﺷﺎﻓﺖ ﻳﺰﻳﺪ ﺣﻞ ﺑﺎﺏ ﺳﻴﺎﺭﺗﻮ ﻟﺴﺎﺭﻩ ... ﻃﻠﻌﺎﺕ ﻭ ﺿﺎﺭ ﺣﺘﻰ ﻫﻮ ﺭﻛﺐ ... ﺗﺤﺮﻙ ﻏﺎﺩﻱ ﻓﺎﻟﻄﺮﻳﻖ ﻭ ﺑﻌﺪ ﺻﻤﺖ ﻗﺼﻴﺮ ﻗﺎﻝ ...
ﻳﺰﻳﺪ : " ﻣﺪ ﻟﻴﻬﺎ ﻳﺪﻭ " ﺁﺭﻱ ﺗﻴﻠﻴﻔﻮﻧﻚ
ﺧﺮﺟﺎﺗﻮ ﺳﺎﺭﻩ ﻣﻦ ﺍﻟﺠﻴﺐ ﻭ ﻣﺪﺍﺗﻮ ﻟﻴﻪ ... ﺳﺠﻞ ﺭﻗﻤﻮ ﻋﻨﺪﻫﺎ ﻭ ﺭﺟﻌﻮ ﻟﻴﻬﺎ ...
ﻳﺰﻳﺪ : ﻫﺎﺩﻱ ﻧﻤﺮﺗﻲ ... ﻻ ﺭﺟﻌﺎﺕ ﺩﺧﻼﺕ ﺷﻲ ﻭﺍﺣﺪ ﻭ ﻻ ﺿﺮﺑﺎﺗﻚ ﻋﻴﻄﻲ ﻋﻠﻴﺎ ... ﺩﻳﻬﺎ ﻓﻘﺮﺍﻳﺘﻚ ﻭ ﻧﻘﺼﻲ ﻣﻦ ﺍﻟﻤﺸﺎﺩﺓ ﻣﻊ ﺑﻨﺎﺩﻡ ... ﻣﻨﻴﻦ ﺗﻜﻤﻠﻲ 18 ﺳﻨﺔ ﻏﺘﺎﺧﺪﻱ ﺣﻘﻚ ﻓﺪﻳﻚ ﺍﻟﺪﺍﺭ ... ﻭ ﻳﻤﻜﻦ ﺗﻌﻴﺸﻲ ﺑﻌﻴﺪ ﻋﻠﻴﻬﺎ ﻻ ﺑﻐﻴﺘﻲ
ﺳﺎﺭﻩ : ﺷﻔﺘﻚ ﻋﺎﺭﻑ ﻋﻠﻴﺎ ﺷﺤﺎﻝ ﻣﻦ ﺣﺎﺟﺔ ... ﻭ ﺃﻧﺎ ﻳﺎﻻﻩ ﺍﻟﻴﻮﻡ ﺍﻟﻲ ﻋﺮﻓﺖ ﺳﻤﻴﺘﻚ ﻭ ﻧﻮﻉ ﺧﺪﻣﺘﻚ ... ﻭﺍﺵ ﻛﻨﺘﻲ ﻛﺘﺠﺴﺲ ﻋﻠﻴﺎ
ﻳﺰﻳﺪ : ﺧﻮﻙ ﺍﻟﻲ ﻗﻠﺘﻲ ﻟﻴﺎ ... ﻛﺘﻌﺮﻓﻲ ﻋﻠﻴﻪ ﺷﻲ ﺣﺎﺟﺔ ؟
ﺳﺎﺭﻩ : ﻻ ... ﺣﺘﻰ ﺳﻤﻴﺘﻮ ﻣﻜﻨﻌﺮﻓﻬﺎﺵ ... ﻭﺍﺣﺪ ﻟﻤﺮﺓ ﻛﻨﺖ ﺳﻤﻌﺖ ﻋﻤﺘﻲ ﻛﺘﻬﻀﺮ ﻣﻊ ﺷﻲ ﺣﺪ ﻓﺎﻟﺘﻴﻠﻴﻔﻮﻥ ﻭ ﻗﺎﻟﺖ ﺧﻮ ﺳﺎﺭﻩ ﺍﻟﻲ ﻋﻠﻰ ﺑﺮﺍ ... ﻫﺎﺩﺷﻲ ﺑﺎﺵ ﻋﺮﻓﺖ ﺑﻠﻲ ﻋﻨﺪﻱ ﺧﻮﻳﺎ ... ﻭ ﻟﻜﻦ ﻭﺍﺿﺢ ﺃﻧﻪ ﻣﺒﺎﻏﻴﺶ ﻳﻌﺮﻓﻨﻲ ﻭ ﻻ ﻳﺸﻮﻓﻨﻲ ﻣﻨﻴﻦ ﻋﺎﺭﻑ ﻓﻴﻦ ﻋﺎﻳﺸﺔ ﻭ ﻣﺠﺎﺵ ﻭ ﻟﻮ ﻣﺮﺓ
ﻳﺰﻳﺪ : ﺣﺴﻦ ﻟﻴﻚ ﻣﺘﻌﺮﻓﻴﻬﺶ
ﻭﺻﻠﻮ ﻟﻠﻤﻨﻄﻘﺔ ﻓﻴﻦ ﺳﺎﻛﻨﺔ ﺳﺎﺭﻩ ... ﻭﻗﻒ ﻳﺰﻳﺪ ﺍﻟﺴﻴﺎﺭﺓ ﻭ ﺿﺎﺭ ﻟﻌﻨﺪﻫﺎ ...
ﻳﺰﻳﺪ : ﺭﺩﻱ ﻟﺒﺎﻝ ﻟﺮﺍﺳﻚ ﻭ ﺑﻌﺪﻱ ﻋﻠﻰ ﻟﻤﺸﺎﻛﻞ
ﺳﺎﺭﻩ : " ﺣﻴﺪﺍﺕ ﺍﻟﻘﺐ ﻣﻦ ﻋﻠﻰ ﺭﺍﺳﻬﺎ " ﻭ ﺑﺎﺵ ﻏﺎﺩﻱ ﺗﻌﺮﻑ ﻻ ﻣﺎﺑﻌﺪﺗﺶ ﻋﻠﻰ ﻟﻤﺸﺎﻛﻞ !
ﻳﺰﻳﺪ : " ﻣﺪ ﻳﺪﻭ ﻗﺎﺩ ﻟﻴﻬﺎ ﺧﺼﻠﺔ ﻣﻦ ﺷﻌﺮﻫﺎ " ﻋﻴﻨﻴﺎ ﻋﻠﻴﻚ ... ﺩﻳﺮﻱ ﺷﻲ ﺣﺎﺟﺔ ﺗﻠﻘﺎﻳﻨﻲ ﻭﺍﻗﻒ ﻋﻠﻴﻚ ... ﻳﺎﻻﻩ ﻫﺒﻄﻲ
ﺣﻼﺕ ﺳﺎﺭﻩ ﻟﺒﺎﺏ ﻭ ﻫﺒﻄﺎﺕ ... ﺗﺤﺮﻙ ﻳﺰﻳﺪ ﺧﺎﺭﺝ ﻣﻦ ﺍﻟﺪﺭﺏ ... ﺑﻘﺎﺕ ﻭﺍﻗﻔﺔ ﻣﺘﺒﻌﺔ ﺍﻟﺴﻴﺎﺭﺓ ﺩﻳﺎﻟﻮ ... ﻛﺘﻠﻤﺲ ﺑﻴﺪﻫﺎ ﺍﻟﺒﻼﺻﺔ ﺍﻟﻲ ﺣﻂ ﻋﻠﻴﻬﺎ ﻳﺪﻭ ﻭ ﺍﺑﺘﺴﺎﻣﺔ ﻋﺮﻳﻀﺔ ﻋﻠﻰ ﺷﻔﺎﻳﻔﻬﺎ ...
🍁 ﻓﺎﻗﺖ ﺟﻮﻻﻥ ﻋﻠﻰ ﺃﺷﻌﺔ ﺍﻟﺸﻤﺲ ﺍﻟﻲ ﺩﺍﺧﻠﺔ ﻣﻦ ﺍﻟﺸﺮﻓﺔ ... ﺣﻴﺪﺍﺕ ﺍﻟﻐﻄﺎ ﻭ ﻧﺎﺿﺖ ﻛﺘﻌﮕﺰ ... ﻻﺑﺴﺔ ﺷﻮﻣﻴﺰ ﺑﻴﺞ ﺣﺮﻳﺮﻱ ﻭ ﻣﻬﺰﻭﺯ ﺷﻮﻳﺔ ﻣﻦ ﻟﻘﺪﺍﻡ ﻣﻊ ﻛﺮﻳﺸﺘﻬﺎ ... ﺩﺧﻼﺕ ﻟﺤﻤﺎﻡ ﺩﻭﺷﺎﺕ ... ﺍﻟﺠﻮ ﺑﺪﺍ ﻳﺴﺨﻦ ﻣﻊ ﺩﺧﻮﻝ ﻓﺼﻞ ﺍﻟﺼﻴﻒ ...
ﺧﺮﺟﺎﺕ ﻣﻠﻮﻳﺔ ﻓﭙﻴﻨﻮﺍﺭ ﻭ ﭼﻠﺴﺎﺕ ﻗﺪﺍﻡ ﻟﻤﺮﺍﻳﺔ ... ﺩﻫﻨﺎﺕ ﺟﺴﻤﻬﺎ ﻭ ﻧﺸﻔﺎﺕ ﺷﻌﺮﻫﺎ ﺑﺎﻟﺒﻮﺭﺷﻴﻨﻎ ﺟﻤﻌﺎﺗﻮ ﻋﻠﻰ ﺷﻜﻞ ﺫﻳﻞ ﺣﺼﺎﻥ ... ﻧﺎﺿﺖ ﺩﺧﻼﺕ ﻟﻠﺪﺭﻳﺴﻴﻨﻎ ﻭ ﻫﺰﺍﺕ ﻓﺴﺘﺎﻥ ﺑﻨﻲ ﺧﻔﻴﻒ ... ﻟﺒﺴﺎﺗﻮ ﻭ ﻣﻊ ﻇﻬﺮﻭ ﻣﻜﺸﻮﻑ ﺩﺍﺭﺕ ﻓﻮﻗﻮ ﻛﺎﭖ ﻗﻄﻨﻲ ...
ﻟﺒﺴﺎﺕ ﺣﺬﺍﺀ ﺣﺎﺩﺭ ﻭ ﻫﺰﺍﺕ ﺻﺎﻛﻬﺎ ... ﺧﺮﺟﺎﺕ ﻣﻦ ﻏﺮﻓﺘﻬﺎ ﻭ ﻫﺒﻄﺎﺕ ﻟﺘﺤﺖ ... ﻗﺮﺭﺍﺕ ﺗﺨﺮﺝ ﺗﺎﺧﺪ ﺍﻟﻲ ﺧﺎﺻﻬﺎ ﻭﺍﺧﺔ ﻧﺴﺎﺕ ﻣﺎﻗﻠﺘﻬﺎﺵ ﻟﺮﺋﺒﺎﻝ ...
ﺳﻮﻻﺕ ﺍﻟﺨﺪﺍﻣﺔ ﻋﻠﻰ ﺑﺎﻫﺎ ﻗﺎﻟﺖ ﻟﻴﻬﺎ ﺟﺎﻟﺲ ﻓﺎﻟﺠﺮﺩﺓ ... ﻃﻠﺒﺎﺕ ﻣﻨﻬﺎ ﺗﺨﺮﺝ ﻟﻴﻬﺎ ﻓﻄﻮﺭﻫﺎ ﻟﭽﻠﻴﺴﺔ ﺍﻟﻲ ﻓﺎﻟﺠﺮﺩﺓ ... ﻭ ﺗﻮﺟﻬﺎﺕ ﺟﻮﻻﻥ ﻟﻌﻨﺪ ﺑﺎﻫﺎ ... ﺗﻔﻄﺮ ﻭ ﺗﭽﻠﺲ ﻣﻌﺎﻩ ﺷﻮﻳﺔ ﻗﺒﻞ ﻣﺎ ﺗﺨﺮﺝ ...
ﻟﻘﺎﺗﻮ ﭼﺎﻟﺲ ﻓﻜﺮﺳﻴﻪ ﻭ ﻫﺎﺯ ﺍﻟﺨﺮﻃﻮﻡ ﻛﻴﺴﻘﻲ ﻓﺎﻟﺤﺒﻴﻘﺎﺕ ﺍﻟﻲ ﺟﻨﺐ ﺍﻟﺠﻠﻴﺴﺔ ... ﺑﺎﺳﺖ ﻟﻴﻪ ﻋﻠﻰ ﻳﺪﻭ ﻛﻴﻒ ﻣﻮﻟﻔﺔ ﻭ ﻣﺸﺎﺕ ﺟﻠﺴﺎﺕ ... ﺟﺎﺑﺖ ﻟﻴﻬﺎ ﺍﻟﺨﺪﺍﻣﺔ ﻟﻔﻄﻮﺭ ... ﻓﻄﺮﺍﺕ ﻭ ﻫﻲ ﻣﺠﻤﻌﺔ ﻣﻊ ﺍﺑﺮﺍﻫﻴﻢ ﺍﻟﻲ ﺍﻧﻈﻢ ﻟﻴﻬﺎ ...
ﻛﻴﻒ ﻛﻤﻼﺕ ﻧﺎﺿﺖ ... ﻟﻘﺎﺕ ﺍﻟﺴﺎﺋﻖ ﻛﻴﺘﺴﻨﺎﻫﺎ ﺟﻨﺐ ﺍﻟﺴﻴﺎﺭﺓ ﻣﻊ ﻭﺻﺎﺗﻮ ﺑﻐﺎﺕ ﺗﺨﺮﺝ ... ﻃﻠﻌﺎﺕ ﻟﻠﺨﻠﻒ ﻭ ﻫﻮ ﻳﺘﺤﺮﻙ ﺧﺎﺭﺝ ﻣﻦ ﺍﻟﭭﻴﻼ ... ﺣﻄﻬﺎ ﻗﺪﺍﻡ ﺍﻟﻤﺮﻛﺰ ﺍﻟﺘﺠﺎﺭﻱ ... ﻫﺒﻄﺎﺕ ﻭ ﺩﺧﻼﺕ ﻛﺘﻤﺸﻰ ﻋﻠﻰ ﻣﻬﻠﻬﺎ ...
ﻣﺸﺎﺕ ﻟﻘﺴﻢ ﻣﻼﺑﺲ ﺍﻷﻃﻔﺎﻝ ﻭ ﺍﻟﺰﻳﺎﺩﺓ ... ﺧﻼﻝ ﻫﺎﺩ ﺍﻷﺷﻬﺮ ﻣﺮﺓ ﻣﺮﺓ ﻛﺘﺎﺧﺪ ﺷﻲ ﺣﺎﺟﺔ ﻟﻠﺘﻮﺃﻡ ... ﻣﺎﺷﻲ ﺑﺈﺳﺮﺍﻑ ﺍﻧﻤﺎ ﺍﻟﺤﺎﺟﺔ ﻻ ﻋﺠﺒﺎﺗﻬﺎ ﻭ ﺿﺮﻭﺭﻳﺔ ﻛﺘﺎﺧﺪﻫﺎ ... ﻭ ﺑﻌﺪ ﺍﻟﻤﺮﺍﺕ ﻛﺘﺴﻮﻕ ﻫﻲ ﻭ ﺭﺋﺒﺎﻝ ... ﻭ ﻣﻊ ﺃﻧﻪ ﻛﻴﻜﺮﻩ ﺑﺤﺎﻝ ﻫﺎﺩ ﺍﻷﻧﺸﻄﺔ ...
ﺍﻻ ﺍﻧﻪ ﻳﺎﺧﺪ ﺣﺎﻭﻳﺠﺎﺕ ﻟﺒﻨﺎﺗﻮ ﻛﺎﻥ ﻟﻴﻬﺎ ﻃﻌﻢ ﺁﺧﺮ ... ﺣﺘﻰ ﺍﻧﻪ ﺟﻬﺰ ﺍﻟﻐﺮﻓﺔ ﺩﻳﺎﻟﻬﻢ ﺑﻜﻠﺸﻲ ... ﻭ ﻗﺎﻡ ﺑﻄﻼﺋﻬﺎ ﺑﻨﻔﺴﻮ ﺑﺄﻟﻮﺍﻥ ﺃﻧﺜﻮﻳﺔ ﻓﺎﺗﺤﺔ ... ﺟﻮﻻﻥ ﺷﺎﻓﺖ ﻣﺪﻯ ﺷﻮﻗﻮ ﻟﻠﻘﺎﺀﻫﻢ ... ﺣﺒﻮ ﻟﻴﻬﻢ ﻭ ﻫﻤﺎ ﻣﺰﺍﻝ ﻣﺎﺧﺮﺟﻮ ﻟﻬﺎﺩ ﺍﻟﺪﻧﻴﺎ ﻻ ﻳﻮﺻﻒ ...
ﻛﺄﻧﻪ ﻣﺘﺸﻮﻕ ﻳﺠﺮﺏ ﺇﺣﺴﺎﺱ ﺍﻷﺑﻮﺓ ... ﺯﺍﺩ ﺧﻮﻓﻮ ﻋﻠﻴﻬﺎ ﻭ ﻫﻲ ﻓﻲ ﻓﺘﺮﺓ ﺍﻟﺤﻤﻞ ... ﻣﺎﻛﺮﻫﺶ ﻛﻮﻥ ﻳﺴﺪ ﻋﻠﻴﻬﺎ ﻓﺰﺟﺎﺟﺔ ﻭ ﻣﺎﺗﺤﺮﻛﺶ ... ﻋﺎﻧﺎﺕ ﻣﻌﺎﻩ ﻣﻦ ﻫﺎﺩ ﺍﻟﻨﺎﺣﻴﺔ ﺑﺤﻴﺚ ﻣﻨﻊ ﻋﻠﻴﻬﺎ ﺣﺘﻰ ﺍﻟﺨﺮﻭﺝ ... ﻭ ﻟﻜﻦ ﻗﺪﺭﺍﺕ ﺗﺨﻠﻴﻪ ﻳﺘﺮﺍﺟﻊ ﻭ ﻳﻨﻘﺺ ﻣﻦ ﺣﻤﺎﻳﺘﻮ ﺍﻟﺰﺍﻳﺪﺓ ...
ﺧﺪﺍﺕ ﺟﻮﻻﻥ ﺑﻌﺾ ﺍﻟﻤﻼﺑﺲ ﻭ ﺧﺪﺍﺕ ﺣﺘﻰ ﻟﻴﻬﺎ ﺣﻮﻳﺠﺎﺕ ﺧﺎﺻﻴﻦ ﺑﺎﻟﺤﻮﺍﻣﻞ ... ﻭ ﻣﻨﺴﺎﺗﺶ ﺷﺮﺍﺕ ﻣﻼﺑﺲ ﺩﺍﺧﻠﻴﺔ ﺑﻴﻦ ﺳﻴﻜﺴﻲ ﻭ ﻛﻴﻮﺕ ... ﺩﺍﺯﺕ ﻷﺣﺪ ﺍﻟﻤﻄﺎﻋﻢ ﻛﻼﺕ ﻭ ﺧﺮﺟﺎﺕ ﻣﻦ ﺍﻟﻤﻮﻝ ... ﺷﺎﻓﻬﺎ ﺍﻟﺴﺎﺋﻖ ﻭ ﺟﺎ ﺧﺪﺍ ﻣﻦ ﻋﻨﺪﻫﺎ ﺍﻟﺒﻮﺷﻴﻄﺎﺕ ...
ﺣﻄﻬﻢ ﻓﺎﻟﻜﻮﻓﺮ ... ﻃﻠﻌﺎﺕ ﻭ ﻗﺎﻟﺖ ﻟﻴﻪ ﻳﺎﺧﺪﻫﺎ ﻟﻠﺸﺮﻛﺔ ... ﺣﻄﻬﺎ ﻭ ﻗﺎﻟﺖ ﻟﻴﻚ ﻏﻴﺮ ﻳﻤﺸﻲ ... ﻭ ﻫﻲ ﺩﺍﺧﻠﺔ ﻟﻠﺸﺮﻛﺔ ﺗﻠﻔﺘﺎﺕ ﻭ ﻟﻤﺤﺎﺕ ﺷﺨﺺ ﻣﺄﻟﻮﻑ ... ﺑﺎﻥ ﻟﻴﻬﺎ ﺑﺤﺎﻝ ﺍﻟﻲ ﺗﻮﺛﺮ ﻭ ﺿﺎﺭ ﻏﺎﺩﻱ ... ﻛﺎﻥ ﻧﻔﺲ ﺍﻟﺸﺎﺏ ﺍﻟﻲ ﺷﺎﻓﺖ ﻓﺎﻟﻤﻜﺘﺒﺔ ﻭ ﺷﺮﺍ ﺭﻭﺍﻳﺘﻬﺎ ...
ﺑﺪﻭﻥ ﻣﺎﺗﻌﻴﺮ ﺍﻷﻣﺮ ﺍﻱ ﺍﻧﺘﺒﺎﻩ ... ﺩﺧﻼﺕ ﻭﻃﻠﻌﺎﺕ ﻓﺎﻟﻤﺼﻌﺪ ... ﻭﻗﻔﺎﺕ ﻗﺪﺍﻡ ﻣﻜﺘﺒﻮ ﻭ ﺩﻗﺎﺕ ... ﻣﺎ ﺳﻤﻌﺎﺗﺶ ﺩﺧﻞ ﻭ ﻫﻲ ﺩﻓﻊ ﻟﺒﺎﺏ ... ﺑﺎﻥ ﻟﻴﻬﺎ ﺭﺋﺒﺎﻝ ﻣﺘﻜﻲ ﻋﻠﻰ ﻇﻬﺮ ﺍﻟﻜﺮﺳﻲ ﻭ ﺣﺎﻁ ﺻﺒﺎﻋﻮ ﻋﻨﺪ ﻓﻜﻮ ... ﻛﺎﻥ ﻛﻴﺸﻮﻑ ﺟﻬﺔ ﻟﺒﺎﺏ ﻭ ﻋﺎﻗﺪﻫﻢ ...