ﺯﻳﻨﺐ : ﻓﻴﻦ ﻏﺎﺩﻳﻴﻦ ... ﻫﺎﺩﻱ ﻣﺎﺷﻲ ﻃﺮﻳﻖ ﺩﺍﺭﻧﺎ
ﺇﻟﻴﺎﺱ : " ﺷﺎﻑ ﻓﻴﻬﺎ " ﻫﺎﺩﻱ ﻃﺮﻳﻖ ﺩﺍﺭﻙ
ﺯﻳﻨﺐ : " ﻫﺰﺍﺕ ﺣﺎﺟﺒﻬﺎ " ﺿﻮﺭ ﺿﻮﺭ ﺍﺣﻨﻴﻨﻲ ﻭﺻﻠﻨﻲ ﻟﺪﺍﺭﻧﺎ ... ﻫﺎﺩﻳﻚ ﻣﺰﺍﻝ ﺩﺍﺭﻙ ... ﺣﺘﻰ ﻧﺘﺰﻭﺟﻮ ﻋﺎﺩ ﺗﺮﺟﻊ ﺩﺍﺭﻱ
ﺇﻟﻴﺎﺱ : " ﺣﺒﺲ ﻟﻔﺮﺍﻥ ﻓﺠﺄﺓ " ﻭ ﺇﻣﺘﻰ ؟ !!
ﺯﻳﻨﺐ : ﻣﺎﻟﻚ ﺩﻏﻴﺎ ﺗﻘﻠﺒﺘﻲ ﻋﺎﺩ ﻛﻨﺘﻲ ﻛﻀﺤﻚ
ﺇﻟﻴﺎﺱ : ﺯﻳﻨﺐ ﻏﻴﺮ ﻗﻮﻟﻲ ﻟﻴﺎ ﻋﻼﺵ ﻣﺰﺍﻝ ﻣﺄﺟﻠﺔ ﻫﺎﺩ ﺍﻟﺰﻭﺍﺝ ... ﻋﺎﺟﺒﻚ ﻫﺎﺩ ﺍﻟﺤﺎﻝ ﺍﻟﻲ ﻓﻴﻪ ﺣﻨﺎ
ﺯﻳﻨﺐ : ﻻ ﻣﻌﺎﺟﺒﻨﻴﺶ ﻭ ﻟﻜﻦ ﺷﻨﻮ ﻧﺪﻳﺮ !...
ﺇﻟﻴﺎﺱ : ﻭﻗﺘﻤﺎ ﺑﻐﻴﺖ ﻧﭽﻠﺲ ﻣﻌﺎﻙ ﻭ ﻻ ﻧﻘﺮﺏ ﻟﻴﻚ ﺗﻘﻮﻟﻲ ﻻ ... ﻭ ﻓﻨﻔﺲ ﺍﻟﻮﻗﺖ ﻛﺘﺄﺟﻠﻲ ﻓﺰﻭﺍﺟﻨﺎ ... ﻋﺎﺭﻓﺔ ﻛﻨﺒﻐﻴﻚ ﻭ ﺑﺎﻏﻴﻚ ... ﻭ ﻧﺘﻲ ﻣﺎﻣﺴﻮﻗﺎﺵ ﻟﻴﺎ ... ﺃﻧﺎ ﻃﻠﻊ ﻟﻴﺎ ﻫﺎﺩﺷﻲ ﻓﺮﺍﺳﻲ
ﺯﻳﻨﺐ : ﺑﻐﻴﺘﻲ ﺗﻘﻮﻝ ﺃﻧﺎ ﻃﻠﻌﺖ ﻟﻴﻚ ﻓﺮﺍﺳﻚ
ﺇﻟﻴﺎﺱ : " ﺿﺮﺏ ﻳﺪﻭ ﻣﻊ ﻟﻔﻠﻮﻥ " ﻣﺘﺤﺮﻓﻴﻴﻴﻴﺶ ﻫﻀﺮﺗﻲ ... ﻛﻦ ﻃﻠﻌﺘﻲ ﻟﻴﺎ ﻓﺎﻟﺮﺍﺱ ﻛﻦ ﺳﺮﺳﺒﺘﻚ ﺷﺤﺎﻝ ﻫﺬﺍ ... ﻋﺮﻓﺘﻲ ﺷﺤﺎﻝ ﻣﻦ ﻭﺣﺪﺓ ﻻﺻﻘﺔ ﻓﻴﺎ ... ﺑﺎﻏﺔ ﻏﻴﺮ ﻧﻘﻮﻝ ﻟﻴﻬﺎ ﺁﺟﻲ
ﺯﻳﻨﺐ : ﻻ ﻛﺘﺴﻨﻰ ﻧﺪﻳﺮ ﻣﻌﺎﻙ ﺷﻲ ﺣﺎﺟﺔ ﻓﺎﻟﺤﺮﺍﻡ ... ﻭ ﻧﻔﺮﺡ ﺣﻴﻨﺖ ﺍﺧﺘﺎﺭﺗﻲ ﺗﻜﻮﻥ ﻣﻌﻴﺎ ﺃﻧﺎ ... ﻏﻴﺮ ﻧﺴﻰ ... ﺃﻧﺎ ﺷﺮﺣﺖ ﻟﻴﻚ ﺃﺳﺒﺎﺑﻲ ﻭ ﻻ ﻣﻘﺪﺭﺗﻴﺶ ﺗﺴﻨﻰ ... ﺍﻟﻠﻪ ﻳﻌﺎﻭﻧﻚ
ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﺑﺪﺍ ﻛﻴﻀﺮﺏ ﻓﺎﻟﻔﻠﻮﻥ ﻭ ﻛﻴﺴﺐ ... ﺷﺎﻓﻬﺎ ﻃﻠﻌﺎﺕ ﻟﻄﺎﻛﺴﻲ ﻭ ﻫﻮ ﻳﺘﺒﻌﻬﺎ ... ﺣﻄﻬﺎ ﻃﺎﻛﺴﻲ ﻓﺮﺍﺱ ﺩﺭﺑﻬﻢ ... ﻫﺒﻄﺎﺕ ﺯﻳﻨﺐ ﻛﺘﻤﺸﻰ ﻭ ﻛﺎﻥ ﺍﻟﻮﻗﺖ ﻏﻴﺮ ﻣﻨﺎﺳﺐ ﻳﺘﺤﺮﺵ ﺑﻴﻬﺎ ﻭﺍﺣﺪ ﻣﻦ ﺍﻟﻲ ﻭﺍﻗﻔﻴﻦ ... ﻟﺪﺭﺟﺔ ﺗﺒﻌﻬﺎ ﻭ ﻫﻲ ﻛﺘﺰﺭﺏ ﺑﺎﺵ ﺗﻮﺻﻞ ﻟﺪﺍﺭﻫﻢ ... ﺷﻮﻳﺔ ﻣﺒﻘﺎﺗﺶ ﻛﺘﺴﻤﻊ ﺩﺍﻙ ﺧﻮﻧﺎ ...
ﺿﺎﺭﺕ ﺗﺸﻮﻑ ﻭﺍﺵ ﻣﺸﺎ ﻭ ﻫﻲ ﺗﺼﺪﻡ ﻓﺎﺵ ﻟﻘﺎﺕ ﺇﻟﻴﺎﺱ ﻣﻨﻌﺴﻮ ﻓﺎﻷﺭﺽ ﻭ ﻛﻴﻨﺰﻝ ﻋﻠﻴﻪ ﺑﺎﻟﺒﻮﻧﻴﺎﺕ ... ﻗﺮﺑﺎﺕ ﻟﻌﻨﺪﻫﻢ ﺑﻐﺎﺕ ﺗﻔﺮﻕ ... ﻫﺰ ﺇﻟﻴﺎﺱ ﺭﺍﺳﻮ ﻟﻘﺎﻫﺎ ﺟﺎﻳﺔ ﻭ ﻫﻮ ﻳﻐﻮﺕ ﻋﻠﻴﻬﺎ ﺣﺘﻰ ﻗﻔﺰﺍﺕ ﻣﻦ ﺑﻼﺻﺘﻬﺎ ...
ﺩﺍﺭﺕ ﻛﻴﻒ ﻗﺎﻝ ﻟﻴﻬﺎ ﻭ ﺩﺧﻼﺕ ﻟﺪﺍﺭﻫﻢ ... ﺗﺪﺧﻠﻮ ﺷﻲ ﺩﺭﺍﺭﻱ ﻭ ﺑﻌﺪﻭ ﺍﻟﻴﺎﺱ ﻋﻠﻰ ﻫﺪﺍﻙ ... ﻗﺎﺩ ﺣﻮﺍﻳﺠﻮ ﻭ ﻃﻠﻊ ﻟﺴﻴﺎﺭﺗﻮ ... ﻛﺴﻴﺮﺍ ﻣﺨﻠﻲ ﺍﻟﺪﺧﺎﺧﻦ ﻣﻦ ﻭﺭﺍﻩ ...
ﺣﻼﺕ ﺟﻮﻻﻥ ﺑﺎﺏ ﺍﻟﺴﻴﺎﺭﺓ ﻭ ﻫﺒﻄﺎﺕ ... ﺩﺧﻼﺕ ﻣﻊ ﺍﻟﻌﻤﺎﺭﺓ ﻭ ﻃﻠﻌﺎﺕ ﻟﻠﺸﻘﺔ ... ﺣﻼﺕ ﻟﺒﺎﺏ ﻭ ﺩﺧﻼﺕ ... ﺑﺎﻥ ﻟﻴﻬﺎ ﺑﺎﻫﺎ ﻭ ﺟﺪﻫﺎ ﻓﺎﻟﺼﺎﻟﺔ ... ﺳﻠﻤﺎﺕ ﻋﻠﻴﻬﻢ ﻭ ﺟﻠﺴﺎﺕ ﻭﺳﻄﻬﻢ ... ﻋﺮﻓﺎﺕ ﺗﺨﻔﻲ ﺣﺰﻧﻬﺎ ﻭﺭﺍﺀ ﺍﺑﺘﺴﺎﻣﺘﻬﺎ ...
ﺁﺧﺮ ﺣﺎﺟﺔ ﺑﻐﺎﺕ ﻫﻤﺎ ﻳﻼﺣﻈﻮ ﺗﻮﺛﺮ ﻋﻼﻗﺘﻬﺎ ﺑﺮﺋﺒﺎﻝ ... ﻣﺸﺎﺕ ﻟﻜﻮﺯﻳﻨﺔ ﻋﻨﺪ ﺍﻟﺤﺎﺟﺔ ﻋﻨﻘﺎﺗﻬﺎ ﺑﻘﻮﺓ ... ﻛﺎﻧﺖ ﻣﻮﺣﺸﺎﻫﻢ ... ﺗﻮﺟﻬﺎﺕ ﻟﻐﺮﻓﺘﻬﺎ ﻛﻴﻒ ﺩﺧﻼﺕ ﺗﺸﺪ ﻋﻠﻴﻬﺎ ﻗﻠﺒﻬﺎ ... ﺭﻳﺤﺘﻮ ﺩﻏﻴﺎ ﻭﺻﻼﺕ ﻟﻨﻴﻔﻬﺎ ... ﺷﺎﻓﺖ ﻓﺄﻏﺮﺍﺿﻮ ﺍﻟﻲ ﻓﺎﻟﻐﺮﻓﺔ ...
ﺑﺎﻳﻦ ﺃﻧﻪ ﺑﺎﺕ ﻫﻨﺎ ﻟﻴﻠﺔ ﻟﺒﺎﺭﺡ ... ﺣﻄﺎﺕ ﺻﺎﻛﻬﺎ ﻭ ﻣﺸﺎﺕ ﻟﻠﺪﺭﻳﺴﻴﻨﻎ ﺑﺪﻻﺕ ﺣﻮﺍﻳﺠﻬﺎ ... ﺣﺎﻭﻻﺕ ﺗﺨﺮﺝ ﻣﻦ ﺍﻟﻐﺮﻓﺔ ﺑﺴﺮﻋﺔ ... ﺟﻬﺰﺍﺕ ﺍﻟﻌﺸﺎ ﻫﻲ ﻭ ﺍﻟﺤﺎﺟﺔ ﻭ ﺟﻠﺴﻮ ﻣﺠﻤﻮﻋﻴﻦ ﻛﻴﺘﺴﻨﺎﻭ ﻗﺪﻭﻣﻮ ...
ﻭﺳﻂ ﺣﺪﻳﺜﻬﻢ ﺳﻤﻌﺎﺕ ﺟﻮﻻﻥ ﻟﺒﺎﺏ ﺗﺴﺪ ... ﺣﺴﺎﺕ ﺑﺠﺴﻤﻬﺎ ﺍﻗﺸﻌﺮ ... ﺭﻏﻢ ﻛﻠﺸﻲ ﻣﺘﻨﻜﺮﺵ ﺃﻧﻬﺎ ﺗﻮﺣﺸﺎﺗﻮ ... ﺳﻤﻌﺎﺕ ﺧﻄﻮﺍﺗﻮ ﻭ ﻫﻲ ﺗﺤﺪﺭ ﻋﻨﻴﻬﺎ ... ﻛﺎﻧﺖ ﻛﺘﺴﻤﻊ ﺻﻮﺗﻮ ﻭ ﻫﻮ ﻛﻴﻬﻀﺮ ﻣﻌﺎﻫﻢ ... ﺳﻠﻢ ﻋﻠﻰ ﺍﻟﻜﻞ ﻭ ﻛﻴﻒ ﻗﺮﺏ ﻟﻌﻨﺪﻫﺎ ﻭﻗﻔﺎﺕ ...
ﻗﺎﻟﺖ ﻟﻴﻬﻢ ﻏﺘﻤﺸﻲ ﺗﺴﺨﻦ ﺍﻻﻛﻞ ... ﺩﺍﺯﺕ ﻣﻦ ﺟﻨﺒﻮ ﺑﺪﻭﻥ ﻣﺎﺗﺸﻮﻑ ﻓﻴﻪ ﻭ ﺗﻮﺟﻬﺎﺕ ﻟﻜﻮﺯﻳﻨﺔ ... ﻭﻗﻔﺎﺕ ﻟﺪﻗﺎﺋﻖ ﻭ ﻫﻲ ﺣﺎﻃﺔ ﻳﺪﻫﺎ ﻋﻠﻰ ﺻﺪﺭﻫﺎ ... ﺩﺍﺭﺕ ﺩﺍﻛﺸﻲ ﻳﺴﺨﻦ ﻭ ﺣﻄﺎﺕ ﻟﻌﺸﺎ ... ﻛﻼﻭ ﻣﺠﻤﻮﻋﻴﻦ ﻭ ﺣﺪ ﻣﻼﺣﻆ ﺃﻧﻬﻢ ﻣﻮﺟﻬﻮﺵ ﻟﻬﻀﺮﺓ ﻟﺒﻌﻀﻬﻢ ...
ﺟﻮﻻﻥ ﻣﻬﺰﺍﺗﺶ ﺭﺍﺳﻬﺎ ﻭ ﻻ ﺷﺎﻓﺖ ﺟﻬﺘﻮ ﻧﻬﺎﺋﻴﺎ ... ﺑﻴﻨﻤﺎ ﺭﺋﺒﺎﻝ ﻛﺎﻥ ﺣﺎﺿﻴﻬﺎ ﻃﻮﻝ ﺍﻟﻮﻗﺖ ... ﻋﻨﻴﻪ ﻣﺎﺑﻌﺪﻭﺵ ﻋﻠﻴﻬﺎ ﺣﺘﻰ ﻭ ﻫﻮ ﻓﺨﻀﻢ ﺍﻟﺤﺪﻳﺚ ﻣﻌﺎﻫﻢ ...
ﻛﺎﻧﺖ ﻫﻲ ﺍﻷﻭﻟﻰ ﺍﻟﻲ ﻧﺎﺿﺖ ... ﺩﺧﻼﺕ ﻟﺒﻴﺖ ﻭ ﺑﻘﺎﺕ ﻏﺎﺩﺓ ﺟﺎﻳﺔ ... ﺷﻮﻳﺔ ﺗﺤﻞ ﻟﺒﺎﺏ ﻭ ﺩﺧﻞ ... ﺳﺪﻭ ﻣﻦ ﻭﺭﺍﻩ ﻭ ﻗﺮﺏ ﻟﻌﻨﺪﻫﺎ ... ﻭﻗﻒ ﻋﻠﻰ ﻣﻘﺮﺑﺔ ﻣﻨﻬﺎ ﻭ ﺗﺤﻨﻰ ﻃﺒﻊ ﻗﺒﻠﺔ ﻋﻠﻰ ﺧﺪﻫﺎ ... ﺣﺲ ﺑﺮﺟﻔﺘﻬﺎ ﻭ ﺑﺎﻥ ﺷﺒﺢ ﺍﺑﺘﺴﺎﻣﺔ ﻋﻠﻰ ﻃﺮﻑ ﺷﻔﺎﻳﻔﻮ ...
ﺑﻌﺪ ﻋﻠﻴﻬﺎ ﻭ ﺣﻂ ﺻﺒﻌﻮ ﺗﺤﺖ ﺫﻗﻨﻬﺎ ... ﻫﺰ ﻭﺟﻬﺎ ﺣﺘﻰ ﺷﺎﻓﺖ ﻓﻴﻪ ... ﺗﻨﻬﺪ ﻭ ﻫﻮ ﻛﻴﺸﻮﻭﻭﻑ ﻓﻌﻨﻴﻬﺎ ... ﺟﻮﻻﻥ ﻋﻘﺪﺍﺕ ﺣﻮﺍﺟﺒﻬﺎ ﻭ ﺣﻴﺪﺍﺕ ﻟﻴﻪ ﻳﺪﻭ ... ﺣﺴﺎﺕ ﺑﺸﻲ ﺣﺎﺟﺔ ﻗﺎﺳﻴﺔ ﻣﻨﻴﻦ ﻟﻤﺴﺎﺕ ﻳﺪﻭ ... ﻧﺰﻻﺕ ﻋﻨﻴﻬﺎ ﻭ ﺷﺎﻓﺖ ﺁﺛﺎﺭ ﺍﻟﺤﺮﻭﻕ ... ﺗﻬﺰ ﻗﻠﺒﻬﺎ ﻣﻦ ﺑﻼﺻﺘﻮ ... ﺷﺎﻓﺖ ﻓﻴﻪ ﻭ ﻗﺎﻟﺖ ﻭ ﻫﻲ ﻣﻘﺎﺩﺭﺍﺵ ﺗﺨﻔﻲ ﺧﻮﻓﻬﺎ ﻋﻠﻴﻪ ...
ﺟﻮﻻﻥ : ﻣﺎﻟﻚ ﻓﻴﺪﻙ ؟
ﺭﺋﺒﺎﻝ : ﺣﺮﻗﺔ ﺑﺴﻴﻄﺔ ... ﻣﺎﺷﻲ ﺷﻲ ﺣﺎﺟﺔ
ﺟﻮﻻﻥ : " ﻣﻌﺠﺒﻬﺎﺵ ﺑﺮﻭﺩﻭ " ﺑﺎﻳﻨﺔ ﻣﺎﺷﻲ ﺷﻲ ﺣﺎﺟﺔ ... " ﺳﻜﺘﺎﺕ ﺷﻮﻳﺔ ﻭ ﻗﺎﻟﺖ " ﻋﻔﺎﻙ ﻣﺮﺓ ﺃﺧﺮﻯ ﻟﻐﺎﺩﻱ ﺷﻲ ﺑﻼﺻﺔ ﻋﻠﻰ ﺍﻷﻗﻞ ﻗﻮﻟﻬﺎ ... ﻣﺎﺷﻲ ﺗﺨﻠﻴﻨﻲ ﺑﻮﺣﺪﻱ ﺗﻤﺎﻙ ﻭ ﻣﻌﺎﺭﻓﺔ ﻓﻴﻦ ﺯﺩﺗﻲ
ﺭﺋﺒﺎﻝ : ﺟﺎ ﺍﻟﺴﻔﺮ ﻓﺠﺄﺓ ... ﻭ ﻣﺎﺷﻲ ﻛﺎﻧﺖ ﻣﻌﺎﻙ ﺯﻳﻨﺐ !
ﺟﻮﻻﻥ : ﺯﻳﻨﺐ ﻣﺎﺷﻲ ﻣﺴﺎﻟﻴﺔ ﺗﺠﻲ ﺗﻘﺎﺑﻠﻨﻲ ... ﺩﻳﻚ ﺍﻟﺴﺎﻉ ﺟﻴﺒﻨﻲ ﺣﻄﻨﻲ ﻓﺎﻟﺪﺍﺭ ﻭ ﺩﻳﻚ ﺍﻟﺴﺎﻉ ﺳﻴﺮ ﻓﻴﻨﻤﺎ ﺑﻐﻴﺘﻲ ﺗﻤﺸﻲ ... ﻭ ﺟﻠﺲ ﺷﺤﺎﻝ ﻣﺎ ﺑﻐﻴﺘﻲ
ﺑﻌﺪﺍﺕ ﻋﻠﻴﻪ ﻭ ﻣﺸﺎﺕ ﻫﺰﺍﺕ ﻟﺒﻴﺴﻲ ﺩﻳﺎﻟﻬﺎ ... ﭼﻠﺴﺎﺕ ﻓﻮﻕ ﺍﻟﻔﻮﻃﻮﻱ ﺳﺮﺣﺎﺕ ﺭﺟﻠﻴﻬﺎ ﻭ ﺣﻄﺎﺗﻮ ﻓﻮﻕ ﺣﺠﺮﻫﺎ ... ﺣﻼﺗﻮ ﻭ ﺑﺪﺍﺕ ﻛﻄﺎﭘﻲ ﻓﻴﻪ ﺑﻌﺼﺒﻴﺔ ...
ﺭﺋﺒﺎﻝ ﺑﻘﻰ ﻛﻴﺸﻮﻑ ﻓﻴﻬﺎ ﺷﺤﺎﻝ ... ﻫﺰ ﻟﻔﻮﻥ ﻣﻦ ﻓﻮﻕ ﺍﻟﻄﺒﻠﺔ ﻭ ﺗﻢ ﺧﺎﺭﺝ ... ﺳﺪ ﻟﺒﺎﺏ ﻭ ﻫﻲ ﺗﺨﺒﻂ ﺟﻮﻻﻥ ﻟﺒﻴﺴﻲ ﺑﻌﺼﺒﻴﺔ ... ﻧﺎﺿﺖ ﺗﺨﺸﺎﺕ ﻓﺒﻼﺻﺘﻬﺎ ﻭ ﺑﻘﺎﺕ ﻛﺘﻘﻠﺐ ﻓﺎﻟﻔﺮﺍﺵ ... ﻋﻠﻰ ﺷﺤﺎﺍﺍﻝ ﻋﺎﺩ ﻏﻤﻀﺎﺕ ﻋﻨﻴﻬﺎ ...
ﺭﺋﺒﺎﻝ ﺩﺧﻞ ﻟﻐﺮﻓﺔ ﺃﺧﺮﻯ ﻛﺎﻥ ﻓﻴﻬﺎ ﺳﺮﻳﺮ ﻣﺘﻮﺳﻂ ... ﺗﻜﺎ ﻋﻠﻰ ﻇﻬﺮﻭ ﻭ ﻫﻮ ﻛﻴﺤﺪﻕ ﻓﺎﻟﺴﻘﻒ ... ﺑﺎﻟﻮ ﻣﺸﻐﻮﻝ ﺑﺸﺤﺎﻝ ﻣﻦ ﺣﺎﺟﺔ ﺣﺎﻟﻴﺎ ... ﻟﻜﻦ ﺍﻷﻭﻟﻴﺔ ﻋﻨﺪﻭ ﻫﻲ ﻳﺘﺨﻠﺺ ﻣﻦ ﺳﻠﻄﺎﻥ ﻭ ﻳﺤﻤﻲ ﻋﺎﺋﻠﺘﻮ ... ﻣﺎﻗﺪﺭﺵ ﻳﻨﻌﺲ ﻧﻬﺎﺋﻴﺎ ... ﻛﻴﻒ ﺻﺒﺢ ﺍﻟﺤﺎﻝ ﻧﺎﺽ ﺩﻭﺵ ﻭ ﻟﺒﺲ ﻋﻠﻴﻪ ... ﺩﺍﺯ ﻟﻐﺮﻓﺘﻮ ﻫﻮ ﻭ ﺟﻮﻻﻥ ... ﻗﺮﺏ ﻟﻠﺴﺮﻳﺮ ﻛﺎﻧﺖ ﻧﺎﻋﺴﺔ ﺑﻬﺪﻭﺀ ... ﺗﺤﻨﻰ ﻗﺒﻠﻬﺎ ﻣﻦ ﺟﺒﻬﺘﻬﺎ ﻭ ﺧﺮﺝ ...
ﺣﻼﺕ ﻋﻨﻴﻬﺎ ﻭ ﻫﻲ ﻛﺘﻔﻮﻩ ... ﺗﻘﻠﺒﺎﺕ ﻟﻠﺠﻬﺔ ﻻﺧﺮﻯ ﻭ ﺭﺟﻌﺎﺕ ﺳﺪﺍﺗﻬﻢ ... ﺷﻮﻳﺔ ﻣﺪﺍﺕ ﻳﺪﻫﺎ ﻛﺘﻠﻤﺲ ﻭﺳﺎﺩﺗﻮ ... ﻓﺘﺤﺎﺕ ﻋﻨﻴﻬﺎ ﻭ ﺑﻘﺎﺕ ﻛﺘﺸﻮﻑ ﻓﻤﻜﺎﻧﻮ ﺍﻟﻔﺎﺭﻍ ... ﻫﺒﻄﺎﺕ ﺩﻣﻌﺔ ﻭﺣﻴﺪﺓ ﻣﻦ ﻋﻨﻴﻬﺎ ... ﺩﻏﻴﺎ ﺩﻭﺯﺍﺕ ﻳﺪﻫﺎ ﺗﺤﺖ ﻋﻨﻴﻬﺎ ﻭ ﻧﺎﺿﺖ ...
ﺩﺧﻼﺕ ﻟﻠﺤﻤﺎﻡ ﺩﺍﺭﺕ ﺭﻭﺗﻴﻨﻬﺎ ﺍﻟﺼﺒﺎﺣﻲ ... ﺑﺪﻻﺕ ﺣﻮﺍﻳﺠﻬﺎ ﻭ ﺧﺮﺟﺎﺕ ... ﻓﻄﺮﺍﺕ ﻣﻊ ﺍﻟﺪﺍﺭ ﻭ ﻧﺎﺿﺖ ﺑﻌﺪﻣﺎ ﻗﺎﻟﺖ ﻟﻴﻬﻢ ﻏﺘﻤﺸﻲ ﻟﻠﺸﺮﻛﺔ ... ﺧﺮﺟﺎﺕ ﻣﻦ ﺍﻟﻌﻤﺎﺭﺓ ﻭ ﻫﻲ ﺗﻠﻤﺢ ﺳﻴﺎﺭﺓ ﻭﺍﻗﻔﺔ ﺟﻨﺐ ﺍﻟﻄﺮﻳﻖ ... ﻛﺎﻧﺖ ﺳﻮﺩﺍﺀ ﻭ ﺯﺍﺟﻬﺎ ﻓﻴﻤﻲ ...
ﺣﺴﺎﺕ ﻛﺄﻧﻬﺎ ﺷﺎﻓﺖ ﻧﻔﺲ ﺍﻟﺴﻴﺎﺭﺓ ﻗﺒﻞ ... ﻟﻜﻦ ﻣﺎﺣﻜﺮﺍﺗﺶ ﻭ ﺗﻤﺸﺎﺕ ﺟﻨﺐ ﺍﻟﻄﺮﻳﻖ ... ﻛﺎﻥ ﺍﻟﺠﻮ ﻣﻐﻴﻢ ﻭ ﺑﺎﺭﺩ ﺷﻮﻳﺔ ... ﺧﺪﺍﺕ ﻃﺎﻛﺴﻲ ﻭ ﺍﻟﺴﻴﺎﺭﺓ ﺗﺒﻌﺎﺗﻬﺎ ... ﻧﺰﻻﺕ ﻗﺪﺍﻡ ﺍﻟﺸﺮﻛﺔ ﻭ ﺩﺧﻼﺕ ... ﻃﻠﻌﺎﺕ ﻓﺎﻟﻤﺼﻌﺪ ﻟﻠﻄﺎﺑﻖ ﺍﻷﺧﻴﺮ ... ﻏﺎﺩﺓ ﻓﺎﻟﻜﻮﻟﻮﺍﺭ ﻭ ﻫﻤﺎ ﻳﺒﺎﻧﻮ ﻟﻴﻬﺎ ﺍﻟﻤﻮﺿﻔﻴﻦ ﻣﺘﺎﺟﻬﻴﻦ ﻟﻐﺮﻓﺔ ﺍﻹﺟﺘﻤﺎﻋﺎﺕ ...
ﻟﻤﺤﺎﺕ ﺑﻬﺎﺀ ﺧﺎﺭﺝ ﻣﻦ ﺍﻟﻤﻜﺘﺐ ﺩﻳﺎﻟﻮ ﻭ ﺑﺎﻥ ﻟﻴﻬﺎ ﻣﺘﺎﺟﻪ ﻟﻤﻜﺘﺐ ﺭﺋﺒﺎﻝ ... ﻋﻴﻄﺎﺕ ﻋﻠﻴﻪ ﻭ ﻣﺸﺎﺕ ﻋﻨﺪﻭ ﺑﺨﻄﻮﺍﺕ ﻣﺴﺮﻋﺔ ...
ﺟﻮﻻﻥ : ﺻﺒﺎﺡ ﺍﻟﺨﻴﺮ
ﺑﻬﺎﺀ : ﺻﺒﺢ ﺍﻟﺨﻴﺮ ﻣﺪﺍﻡ ﺍﻟﻌﺜﻤﺎﻧﻲ
ﺟﻮﻻﻥ : " ﺍﺑﺘﺎﺳﻤﺎﺕ " ﺳﻤﻴﺘﻲ ﺟﻮﻻﻥ ... ﻣﻤﻜﻦ ﻧﺎﺧﺪ ﻣﻦ ﻭﻗﺘﻚ ﺷﻮﻳﺔ ؟
ﺑﻬﺎﺀ : ﻋﻨﺪﻧﺎ ﻣﻦ ﻫﻨﺎ ﻝ 10 ﺩﻗﺎﺋﻖ ﺇﺟﺘﻤﺎﻉ ﻣﻬﻢ
ﺟﻮﻻﻥ 5 : ﺩﻗﺎﻳﻖ ﺻﺎﻓﻲ
ﺑﻬﺎﺀ : " ﺣﻞ ﺑﺎﺏ ﻣﻜﺘﺒﻮ " ﺗﻔﻀﻠﻲ
ﺩﺧﻼﺕ ﺟﻮﻻﻥ ﻭ ﺟﻠﺴﺎﺕ ﻓﻮﻕ ﺍﻟﻔﻮﻃﻮﻱ ... ﺟﻠﺲ ﺑﻬﺎﺀ ﻣﻘﺎﺑﻞ ﻣﻌﻬﺎ ﻭ ﺟﺎﻣﻊ ﻳﺪﻳﻪ ﻣﻊ ﺑﻌﻀﻬﻢ ...
ﺟﻮﻻﻥ : ﺑﻐﻴﺖ ﻧﺴﻮﻟﻚ ﻋﻠﻰ ﺷﻲ ﺣﺎﺟﺔ ﻭ ﻋﺬﺭﻧﻲ
ﺑﻬﺎﺀ : ﻭﻱ ﺳﻮﻟﻲ
ﺟﻮﻻﻥ : ﺷﺤﺎﻝ ﻫﺬﺍ ﺗﺤﻘﻘﺖ ﻣﻦ ﺍﻟﺤﺴﺎﺏ ﺩﻳﺎﻟﻲ ﻛﺎﻥ ﻓﻴﻪ ﻭﺍﺣﺪ ﺍﻟﻤﺒﻠﻎ ... ﻣﺎﺷﻲ ﺑﺰﺍﻑ ... ﻭ ﻟﺒﺎﺭﺡ ﻟﻘﻴﺖ ﻓﻴﻪ ﻣﺒﻠﻎ ﻛﺒﻴﻴﻴﺮ ... ﺩﻭﻙ ﺍﻟﻔﻠﻮﺱ ﻣﻨﻴﻦ ﺟﺎﻭﻧﻲ ؟
ﺑﻬﺎﺀ : ﻫﺎﺩﻭﻙ ﻓﻠﻮﺱ ﺻﺪﺍﻗﻚ ... ﺃﻧﺎ ﺍﻟﻲ ﺣﻮﻟﺖ ﺍﻟﻤﺒﻠﻎ ﺍﻟﻲ ﻗﺎﻝ ﻟﻴﺎ ﻋﻠﻴﻪ ﻣﻴﺴﺘﺮ ﺭﺋﺒﺎﻝ ﻟﺤﺴﺎﺑﻚ
ﺟﻮﻻﻥ : " ﺧﺮﺟﺎﺕ ﻋﻨﻴﻬﺎ " ﺩﺍﻛﺸﻲ ﻛﻮﻟﻮ ﻓﻠﻮﺱ ﺻﺪﺍﻗﻲ ... ﻣﺘﺄﻛﺪ !
ﺑﻬﺎﺀ : ﺁﻩ ﻣﺘﺄﻛﺪ ... ﻫﺎﺩﺷﻲ ﻣﺎﻓﻴﻬﺶ ﺍﻟﻠﻌﺐ
ﺟﻮﻻﻥ : ﻳﻌﻨﻲ ﺩﺍﻛﺸﻲ ﺩﻳﺎﻟﻲ ... ﻭ ﻣﻤﻜﻦ ﻧﺪﻳﺮ ﺑﻴﻪ ﺍﻟﻲ ﺑﻐﻴﺖ
ﺑﻬﺎﺀ : " ﺷﺎﻑ ﻓﻴﻬﺎ ﺑﻨﻈﺮﺓ ﻧﺎﻗﺼﺔ " ﺁﻩ ﻓﻠﻮﺳﻚ ﻭ ﺩﻳﺮﻱ ﺑﻴﻬﻢ ﺍﻟﻲ ﺑﻐﻴﺘﻲ " ﻭﻗﻒ " ﻻ ﺳﺎﻟﻴﻨﺎ ... ﺧﺎﺹ ﻧﻤﺸﻲ ﻧﻌﻠﻢ ﻣﻴﺴﺘﺮ ﺭﺋﺒﺎﻝ ﺑﻤﻮﻋﺪ ﺍﻹﺟﺘﻤﺎﻉ
ﺟﻮﻻﻥ : " ﻭﻗﻔﺎﺕ ﻭ ﻗﺮﺑﺎﺕ ﻟﻌﻨﺪﻭ " ﻣﻤﻜﻦ ﺗﺴﺎﻋﺪﻧﻲ ﻟﻤﺮﺓ ﺃﺧﻴﺮﺓ ﻋﻔﺎﻙ ... ﻋﺎﺭﻓﺎﻙ ﻣﺸﻐﻮﻝ ﻭ ﻟﻜﻦ ﺍﻧﺎ ﻣﻐﺎﺩﻳﺶ ﻧﻌﺮﻑ ﻛﻴﻒ ﻧﺘﺼﺮﻑ
ﺑﻬﺎﺀ : ﻓﺎﺵ ﻏﺎﺩﻱ ﻧﺴﺎﻋﺪﻙ ؟
ﺟﻮﻻﻥ : " ﺑﺤﻤﺎﺱ " ﺩﻭﻙ ﺍﻟﻔﻠﻮﺱ ﺑﻐﻴﺖ ﻧﺘﺒﺮﻉ ﺑﻴﻬﻢ ... ﻣﺎﻋﺮﻓﺘﺶ ﻟﻤﻦ ﻧﺘﻮﺟﻪ ﻭ ﻻ ﻣﻌﺎﻣﻦ ﻧﻬﻀﺮ ... ﻧﺘﺎ ﻏﺎﺩﻱ ﺗﻌﺮﻑ ﺣﺴﻦ ﻣﻨﻲ
ﺑﻬﺎﺀ : " ﺗﻔﺎﺟﺄ ﻣﻦ ﻃﻠﺒﻬﺎ " ﻣﺘﺄﻛﺪﺓ ﺑﺎﻏﺔ ﺗﺒﺮﻋﻲ ﺑﻴﻬﻢ ﻛﺎﻣﻠﻴﻦ
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ " ﺁﺍﺍﻩ ... ﻋﻔﺎﻙ ﻋﺎﻭﻧﻲ ... ﻛﺎﻳﻨﺔ ﻭﺍﺣﺪ ﻟﻤﺪﺭﺳﺔ ﺑﻌﻴﺪﺓ ﺧﺎﺻﻬﺎ ﺇﺻﻼﺣﺎﺕ ﻭ ﺃﻗﺴﺎﻡ ﺍﺧﺮﻯ ... ﻭ ﺑﻐﻴﺖ ﻧﻌﻄﻴﻬﻢ ﺍﻟﻲ ﻳﺘﻜﻔﻞ ﺑﻬﺎﺩﺷﻲ
ﺑﻬﺎﺀ : ﻭﺍﺧﺔ ... ﺍﻧﺎ ﻏﻨﺸﻮﻑ
ﺟﻮﻻﻥ : " ﺷﺪﺍﺕ ﻓﺪﺭﺍﻋﻮ " ﺷﻜﺮﺍ ﺑﺰﺍﻑ ﺍﺑﻬﺎﺀ ... ﻭ ﺳﻤﺢ ﻟﻴﺎ ﺧﺪﻳﺖ ﻣﻦ ﻭﻗﺘﻚ
ﺷﺎﻓﺖ ﻓﻴﻪ ﺟﻮﻻﻥ ﺑﺎﻣﺘﻨﺎﻥ ﻭ ﺧﺮﺟﺎﺕ ... ﺑﻘﻰ ﺑﻬﺎﺀ ﻭﺍﻗﻒ ﻭ ﺍﻟﺼﺪﻣﺔ ﻣﻦ ﺍﻟﻲ ﺳﻤﻊ ﻛﺎﻧﺖ ﻭﺍﺿﺤﺔ ... ﻣﻦ ﺩﻳﻤﺎ ﻛﺎﻧﺖ ﻣﺤﺘﺎﻗﺮ ﺟﻮﻻﻥ ... ﻟﻌﺪﺓ ﺃﺳﺒﺎﺏ ... ﻭ ﻛﺎﻥ ﻣﺘﺄﻛﺪ ﻧﻮﻋﺎ ﻣﺎ ﺍﻧﻬﺎ ﻛﺘﻤﺜﻞ ﺍﻟﺒﺮﺍﺀﺓ ... ﻭ ﺣﺴﺒﻬﺎ ﺃﺫﻛﻰ ﻣﻦ ﻏﻴﺮﻫﺎ ﺍﻟﻲ ﺍﻋﺘﺎﻣﺪﺍﺕ ﻃﺮﻕ ﺃﺧﺮﻯ ﺑﺎﺵ ﺗﻘﺮﺏ ﻟﺮﺋﺒﺎﻝ ﻭ ﺗﻮﺻﻞ ﻟﻴﻪ ...
ﺷﺎﻑ ﺗﺼﺮﻓﺎﺗﻬﺎ ﺍﻟﻲ ﺑﻌﺎﺩ ﻋﻠﻰ ﺍﻹﻏﺮﺍﺀ ... ﻭ ﻇﻦ ﺍﻧﻬﺎ ﻃﺮﻳﻘﺘﻬﺎ ... ﻷﻥ ﺭﺋﺒﺎﻝ ﻣﻌﺮﻭﻑ ﻋﻠﻴﻪ ﻣﻜﻴﻨﺠﺎﺫﺑﺶ ﻟﺪﺍﻙ ﺍﻟﻨﻮﻉ ... ﻳﻌﻨﻲ ﻏﺘﻜﻮﻥ ﺩﺭﺳﺎﺕ ﺣﺮﻛﺎﺗﻬﺎ ﻭ ﻟﻘﺎﺕ ﻭﺳﻠﻴﺔ ﺃﺧﺮﻯ ... ﻭ ﻣﻨﻴﻦ ﺷﺎﻑ ﺍﻫﺘﻤﺎﻡ ﺭﺋﺒﺎﻝ ﺑﻴﻬﺎ ﺯﺍﺩ ﺗﺄﻛﺪ ﺍﻥ ﺃﻱ ﺣﺎﺟﺔ ﺩﺍﺭﺗﻬﺎ ...
ﺇﻻ ﻭ ﻛﺎﻧﺖ ﻋﻨﺪ ﻋﻤﺪ ﻭ ﻗﺪﺭﺍﺕ ﺗﻮﺻﻞ ﻟﻬﺪﻓﻬﺎ ... ﻭ ﺧﻼﺕ ﺭﺋﺒﺎﻝ ﻳﻼﺣﻆ ﻭﺟﻮﺩﻫﺎ ... ﺑﻬﺎﺀ ﺷﺎﻑ ﺟﻮﻻﻥ ﻛﻮﺣﺪﺓ ﻛﺘﻨﻘﺐ ﻋﻠﻰ ﺍﻟﺬﻫﺐ ... ﻭ ﻋﻤﺮﻭ ﺗﻌﺎﻃﻒ ﻣﻊ ﺣﺎﻟﻬﺎ ﻭ ﺍﻟﻲ ﻣﺮ ﻋﻠﻴﻬﺎ ... ﻓﻬﻲ ﻃﻤﻌﺎﺕ ﻓﺸﺨﺺ ﺍﻟﻲ ﻣﻜﺎﻧﺘﻮ ﻋﺎﻟﻴﺔ ﻭ ﺗﺮﻭﺛﻮ ﻛﺒﻴﺮﺓ ...
ﻭ ﺭﻏﻢ ﺃﻥ ﻓﺒﻌﺾ ﺍﻟﻤﻮﺍﻗﻒ ﻛﻴﺸﻮﻑ ﺗﺼﺮﻓﺎﺕ ﻛﺘﺒﻴﻦ ﻟﻴﻪ ﺍﻧﻬﺎ ﻏﻴﺮ ﺍﻟﺼﻮﺭﺓ ﺍﻟﻲ ﺷﺎﻓﻬﺎ ﺑﻴﻬﺎ ﺑﻘﻰ ﻣﺼﺮ ... ﻟﻜﻦ ﻓﻬﺎﺩ ﺍﻟﻠﺤﻈﺔ ﺣﺲ ﺑﺎﻟﻐﺒﺎﺀ ﻟﺪﺭﺟﺔ ﻻ ﺗﻮﺻﻒ ... ﻭ ﺣﺲ ﺑﺘﺄﻧﻴﺐ ﺍﻟﻀﻤﻴﺮ ﻋﻠﻰ ﺍﻟﻲ ﺩﻭﺯﻭ ﻋﻠﻴﻬﺎ ... ﻫﻲ ﻓﻌﻼ ﺗﺴﺘﺎﺣﻖ ﺣﺐ ﺭﺋﺒﺎﻝ ﺍﻟﻜﺒﻴﺮ ...
ﺧﺮﺝ ﻣﻦ ﺍﻟﻤﻜﺘﺐ ﻭ ﻫﻮ ﻳﺘﻼﻗﻰ ﺑﻴﻪ ﺧﺎﺭﺝ ... ﻗﺮﺏ ﺑﻬﺎﺀ ﻟﻌﻨﺪ ﺭﺋﺒﺎﻝ ﻭ ﺍﻋﺘﺎﺫﺭ ﻋﻠﻰ ﺍﻟﺘﺄﺧﻴﺮ ... ﻭ ﻫﻤﺎ ﻣﺘﺎﺟﻬﻴﻦ ﻟﻘﺎﻋﺔ ﺍﻹﺟﺘﻤﺎﻋﺎﺕ ﺑﺎﻧﺖ ﻟﻴﻬﻢ ﻣﺮﻳﻢ ﺧﺎﺭﺟﺔ ﻣﻦ ﺍﻟﻤﺼﻌﺪ ... ﻟﻤﺤﺎﺕ ﺭﺋﺒﺎﻝ ﻭ ﻫﻲ ﺗﺮﺳﻢ ﺍﺑﺘﺴﺎﻣﺔ ﻋﻠﻰ ﺷﻔﺎﻳﻔﻬﺎ ﺍﻟﺤﻤﺮﺍﺀ ...
ﻗﺮﺑﺎﺕ ﻟﻌﻨﺪﻫﻢ ﻛﺘﻤﺸﻰ ﺑﺮﺷﺎﻗﺔ ... ﻛﺎﻧﺖ ﻻﺑﺴﺔ ﺟﻴﺐ ﻛﺤﻼ ﺣﺪ ﺍﻟﺮﻛﺒﺔ ﻣﻊ ﺷﻮﻣﻴﺰ ﺑﻴﺞ ﻭ ﺻﻨﺪﺍﻟﺔ ﻋﺎﻟﻴﺔ ... ﺷﻌﺮﻫﺎ ﺍﻟﻤﻤﻮﺝ ﺭﺍﺩﺍﻩ ﻟﺠﻨﺐ ... ﻭﺻﻼﺕ ﻟﻌﻨﺪ ﺭﺋﺒﺎﻝ ﻭ ﺑﻐﺎﺕ ﺗﺴﻠﻢ ﻋﻠﻴﻪ ﻣﻦ ﻟﻮﺟﻪ ﻭ ﻫﻮ ﻳﻤﺪ ﻟﻴﻬﺎ ﻳﺪﻭ ... ﺳﺮﻃﺎﺕ ﺍﻟﻘﻤﻌﺔ ﺍﻟﻲ ﺩﺍﺯﺕ ﻗﺪﺍﻡ ﺑﻬﺎﺀ ﻭ ﺻﺎﻓﺤﺎﺗﻬﻢ ﺑﺠﻮﺝ ...
ﺳﺒﻖ ﺑﻬﺎﺀ ﻟﻠﻘﺎﻋﺔ ﻛﻴﻒ ﻗﺎﻝ ﻟﻴﻪ ﺭﺋﺒﺎﻝ ... ﻭ ﺿﺎﺭ ﻋﻨﺪﻫﺎ ...
ﺭﺋﺒﺎﻝ : ﻋﻨﺪﻱ ﺇﺟﺘﻤﺎﻉ ﺩﺍﺑﺔ
ﻣﺮﻳﻢ : ﻏﺎﺩﻱ ﻧﺘﺴﻨﺎﻙ ﻓﺎﻟﻤﻜﺘﺐ ﺣﺘﻰ ﺗﺴﺎﻟﻲ
ﺗﻮﺟﻬﺎﺕ ﻟﻤﻜﺘﺐ ﺭﺋﺒﺎﻝ ﻭ ﻫﻮ ﺩﺧﻞ ﻟﻘﺎﻋﺔ ﺍﻹﺟﺘﻤﺎﻋﺎﺕ ... ﻛﺎﻧﻮ ﺍﻟﻤﻮﺿﻔﻴﻦ ﻣﺠﻤﻮﻋﻴﻦ ﻭ ﺑﻌﺾ ﺍﻟﺸﺮﻛﺎﺀ ... ﺗﻤﺸﻰ ﺭﺋﺒﺎﻝ ﻟﻤﻜﺎﻧﻮ ﻓﺮﺃﺱ ﺍﻟﻄﺒﻠﺔ ... ﺟﺮ ﺍﻟﻜﺮﺳﻲ ﻭ ﺟﻠﺲ ... ﻳﺎﻻﻩ ﻏﻴﻄﻔﻲ ﺍﻟﻔﻮﻥ ﻭ ﻫﻮ ﻳﻮﺻﻠﻮ ﻣﻴﺴﺎﺝ ... ﺣﻠﻮ ﻗﺮﺍﻩ ...
''' 💬 ﻣﻮﺳﻴﻮ ﺍﻟﻌﺜﻤﺎﻧﻲ ﺍﻟﺰﻭﺟﺔ ﺩﻳﺎﻟﻚ ﻭﺍﻗﻔﺔ ﻓﺒﺎﺏ ﺍﻟﺸﺮﻛﺔ '''
ﺷﺎﻑ ﻓﺎﻟﻨﺎﻓﺬﺓ ... ﻛﺎﻧﺖ ﺍﻟﺸﺘﺎ ﻛﺘﺼﺐ ... ﺩﻓﻊ ﺍﻟﻜﺮﺳﻲ ﻭ ﻧﺎﺽ ... ﺧﺮﺝ ﻣﺴﺮﻉ ﺗﺤﺖ ﺃﻧﻈﺎﺭﻫﻢ ﻭ ﻫﺒﻂ ﻓﺎﻟﻤﺼﻌﺪ ... ﺧﺮﺝ ﻣﻨﻮ ﻭ ﺍﺗﺎﺟﻪ ﻟﺒﺎﺏ ... ﺷﺎﻓﻮ ﺃﺣﺪ ﺭﺟﺎﻝ ﺍﻟﺴﻜﻴﺮﺗﻲ ﻭ ﻗﺮﺏ ﻣﺪ ﻟﻴﻪ ﻣﻈﻞ ... ﺧﺪﺍﻩ ﻣﻦ ﻋﻨﺪﻭ ﻭ ﻛﻤﻞ ﻋﻠﻰ ﻃﺮﻳﻘﻮ ﺧﺎﺭﺝ ...
ﻛﺎﻧﺖ ﻭﺍﻗﻔﺔ ﻋﻨﺪ ﺑﺎﺏ ﺍﻟﺸﺮﻛﺔ ... ﻣﺪﺭﮔﺔ ﻣﻦ ﺍﻟﺸﺘﺎ ﺍﻟﻲ ﻛﺎﻧﺖ ﻣﺠﻬﺪﺓ ... ﻛﺘﻔﻜﺮ ﻭﺍﺵ ﺗﺠﺮﻱ ﺗﺎﺧﺪ ﻃﺎﻛﺴﻲ ﻭ ﻻ ﺗﺴﻨﻰ ﺣﺘﻰ ﺗﺴﺤﺎ ﺷﻮﻳﺔ ... ﺯﻓﺮﺍﺕ ﺑﻌﺼﺒﻴﺔ ﻭ ﻫﻲ ﻛﺘﻔﻜﺮ ﻓﺎﺵ ﻛﺎﻧﺖ ﺧﺎﺭﺟﺔ ﻣﻦ ﺍﻟﻤﺼﻌﺪ ... ﺑﺎﻧﺖ ﻟﻴﻬﺎ ﻣﺮﻳﻢ ﺑﺤﺎﻝ ﻣﻠﻚ ﺍﻟﻤﻮﺕ ...
ﺗﺒﺎﺩﻟﻮ ﻧﻔﺲ ﺍﻟﻨﻈﺮﺍﺕ ... ﻭ ﺟﻮﻻﻥ ﻣﺨﻔﺎﻭﺵ ﻋﻠﻴﻬﺎ ﺗﻌﺎﺑﻴﺮ ﺍﻻﺳﺘﻬﺰﺍﺀ ﻋﻠﻰ ﻭﺟﻪ ﻣﺮﻳﻢ ... ﻛﺎﻥ ﻭﺍﺿﺢ ﺍﻧﻬﺎ ﻛﺘﻘﻮﻝ ﻟﻴﻬﺎ ﺷﻔﺘﻲ ﻓﺎﺵ ﻫﺰﻳﺘﻲ ﻳﺪﻙ ﻭ ﻃﺮﺷﺘﻴﻨﻲ ﺭﺟﻌﻬﺎ ﻟﻴﻚ ﻓﻠﺒﻼﺻﺔ ... ﺯﻳﺮﺍﺕ ﺟﻮﻻﻥ ﻋﻠﻰ ﻳﺪﻫﺎ ...
ﺷﻨﻮ ﺯﻋﻤﺎ ﻏﺎﺩﻱ ﺗﺒﻘﻰ ﻛﻞ ﺳﺎﻋﺔ ﺟﺎﻳﺔ ﻋﻨﺪﻭ ﻟﻠﺸﺮﻛﺔ ... ﺣﺴﺎﺕ ﺟﻮﻻﻥ ﺑﻨﺎﺭ ﺍﻟﻐﻴﺮﺓ ﻭ ﻓﻨﻔﺲ ﺍﻟﻮﻗﺖ ﻛﺘﻌﺎﺗﺐ ﺭﺋﺒﺎﻝ ﻋﻠﻰ ﺗﺼﺮﻓﺎﺗﻮ ... ﺷﺪﺍﺕ ﻓﺎﻟﺼﻤﻄﺔ ﺩﻳﺎﻝ ﺻﺎﻛﻬﺎ ﻭ ﻗﺮﺭﺍﺕ ﺗﻤﺸﻲ ... ﺩﺍﺭﺕ ﺍﻟﻴﺪ ﻻﺧﺮﻯ ﻓﻮﻕ ﺭﺍﺳﻬﺎ ...
ﻭ ﺑﺪﺍﺕ ﻛﺘﺠﺮﻱ ﻓﺎﺗﺠﺎﻩ ﺍﻟﺸﺎﻧﻄﻲ ... ﺑﺪﻭﻥ ﻣﺘﻼﺣﻆ ﺩﺭﺍﺟﺔ ﻧﺎﺭﻳﺔ ﺟﺎﻳﺔ ﻣﻦ ﺑﻌﻴﺪ ﺑﺴﺮﻋﺔ ﻓﺎﺋﻘﺔ ... ﺭﺍﻛﺒﻴﻦ ﻋﻠﻴﻬﺎ ﺟﻮﺝ ﻟﺒﺎﺳﻬﻢ ﻛﻮﻟﻮ ﺃﺳﻮﺩ ﻭ ﺩﺍﻳﺮﻳﻦ ﻟﻜﺎﺳﻚ ... ﺟﻮﻻﻥ ﻭﻗﻔﺎﺕ ﻋﻠﻰ ﺍﻟﺮﺻﻴﻒ ﻛﺘﺸﻮﻑ ﻟﺒﺎﻧﺖ ﻟﻴﻬﺎ ﺷﻲ ﻃﺎﻛﺴﻲ ﻭ ﺍﻟﺪﺭﺍﺟﺔ ﻛﺘﻘﺮﺏ ...
ﻳﺎﻻﻩ ﻻﺣﺖ ﺧﻄﻮﺓ ﺃﺧﺮﻯ ﺣﺴﺎﺕ ﺑﺬﺭﺍﻉ ﺿﺎﺭﺕ ﻋﻠﻰ ﺧﺼﺮﻫﺎ ﻭ ﺟﺪﺍﺗﻬﺎ ... ﺧﺸﺎﻫﺎ ﻓﺼﺪﺭﻭ ﻭ ﻳﺪﻭ ﻋﻠﻰ ﻇﻬﺮﻫﺎ ... ﻫﺰ ﻋﻨﻴﻪ ﻛﻴﻒ ﺍﻟﺠﻤﺮ ﻣﺘﺒﻊ ﺑﻴﻬﻢ ﺍﻟﺪﺭﺍﺟﺔ ﺍﻟﻲ ﺩﺍﺯﺕ ... ﻗﺪﺭ ﻳﻠﻤﺢ ﺍﻟﻤﻀﺮﺏ ﺍﻟﻲ ﻛﺎﻥ ﻫﺎﺯ ﺩﺍﻙ ﺍﻟﻲ ﺭﺍﻛﺐ ﺍﻟﻠﻮﺭ ...
ﻛﻦ ﺗﺄﺧﺮ ﺷﻮﻳﺔ ﻛﺎﻥ ﻭﻗﻊ ﺍﻻﺳﻮﺀ ... ﻫﺰﺍﺕ ﺟﻮﻻﻥ ﺭﺍﺳﻬﺎ ﻭ ﻫﻲ ﻣﺮﻋﻮﺑﺔ ﺣﺘﻰ ﻟﻘﺎﺗﻮ ﻫﻮ ... ﻛﺎﻧﻮ ﺑﺠﻮﺝ ﺗﺤﺖ ﻟﻤﻈﻞ ﺍﻟﻲ ﻫﺎﺯ ﻓﻴﺪﻭ ﻭ ﻣﺪﻭﺭ ﻋﻠﻴﻬﺎ ﺫﺭﺍﻋﻮ ﻻﺧﺮﻯ ... ﺑﺎﻥ ﻟﻴﻬﺎ ﻛﻴﺸﻮﻑ ﻓﻮﺍﺣﺪ ﺍﻻﺗﺠﺎﻩ ﻭ ﺍﻟﺸﺮﺍﺭ ﻛﻴﺨﺮﺝ ﻣﻦ ﻋﻨﻴﻪ ...
ﺭﺋﺒﺎﻝ ﺣﺲ ﺑﻴﻬﺎ ﺯﻳﺮﺍﺕ ﻋﻠﻰ ﻗﺎﻣﻴﺠﺘﻮ ﺑﻴﺪﻫﺎ ﻭ ﻫﻮ ﻳﻬﺒﻂ ﻋﻨﻴﻪ ﺷﺎﻑ ﻓﻴﻬﺎ ... ﺭﻏﻢ ﺍﻧﻔﻌﺎﻟﻮ ﻭ ﺍﻟﺨﻮﻑ ﺍﻟﻲ ﺭﻛﺒﻮ ﻭ ﻫﻮ ﺟﺎﻱ ﻟﻌﻨﺪﻫﺎ ... ﺍﻻ ﺍﻧﻪ ﻣﺎﻗﺪﺭﺵ ﻳﻐﻮﺕ ﻋﻠﻴﻬﺎ ﻭ ﻳﺨﺎﺻﻢ ﻛﻴﻒ ﻛﺎﻥ ﻣﻘﺮﺭ ... ﻫﻲ ﻣﺎﺫﻧﺒﻬﺎ ﻭﺍﻟﻮ ﻓﻬﺎﺩ ﺍﻟﻤﻌﻤﺔ ﺍﻟﻲ ﻟﻘﺎﺕ ﺭﺍﺳﻬﺎ ﻭﺳﻄﻬﺎ ...
ﺑﺴﺒﺒﻮ ﻣﺰﺍﻝ ﻛﺘﻤﺮ ﻣﻦ ﻫﺎﺩﺷﻲ ... ﻋﺎﺭﻑ ﺃﻧﻪ ﻇﺎﻟﻤﻬﺎ ﺑﺼﻤﺘﻮ ﻟﻜﻦ ﻛﻴﻒ ﻏﺎﺩﻱ ﻳﺸﺮﺡ ﻟﻴﻬﺎ ... ﻭ ﻳﻘﻮﻝ ﻟﻴﻬﺎ ﺣﻴﺎﺗﻚ ﻓﺨﻄﺮ ﻓﻘﻂ ﻷﻧﻚ ﻣﺮﺍﺗﻲ ... ﺑﻘﺎﻭ ﻛﻴﺸﻮﻓﻮ ﻓﺒﻌﺾ ﻟﻤﺪﺓ ... ﺣﺘﻰ ﺗﺤﺪﺭ ﻋﻨﺪﻫﺎ ﻭ ﺣﻂ ﺷﻔﺎﻳﻔﻮ ﻋﻠﻰ ﺷﻔﺎﻳﻔﻬﺎ ...
ﻗﺒﻠﻬﺎ ﻗﺒﻠﺔ ﺣﻨﻴﻨﺔ ﺩﺍﻓﺌﺔ ... ﻛﺄﻧﻪ ﻛﻴﻄﻤﺄﻧﻬﺎ ﺍﻧﻪ ﺟﻨﺒﻬﺎ ﻭ ﻏﻴﺤﻤﻴﻬﺎ ﻭ ﻟﻮ ﺑﺤﻴﺎﺗﻮ ... ﺭﻏﻢ ﺧﻼﻓﻬﻢ ﻭ ﺑﻌﺪﻫﻢ ﻋﻠﻰ ﺑﻌﺾ ﻣﺆﺧﺮﺍً ... ﺍﻻ ﻭ ﺃﻥ ﺣﺒﻮ ﻟﻴﻬﺎ ﺑﻘﻮﺓ ﺧﻮﻓﻮ ... ﺗﺤﻤﻞ ﺑﺰﺍﺍﺍﺍﻑ ﻟﻜﻦ ﻓﻜﺮﺓ ﺃﻧﻪ ﻳﺨﺴﺮﻫﺎ ﻣﺎﻳﻘﺪﺭﺵ ﻳﺴﺘﺤﻤﻠﻬﺎ ﻭ ﻻ ﻳﻔﻜﺮ ﻓﻴﻬﺎ ...
ﺑﻌﺪ ﻋﻠﻰ ﺷﻔﺎﻳﻔﻬﺎ ﻭ ﺑﻘﻰ ﻛﻴﺘﺄﻣﻞ ﻓﻮﺟﻬﺎ ... ﺣﻼﺕ ﻋﻨﻴﻬﺎ ﺑﺒﻂﺀ ﺷﺎﻓﺖ ﻧﻈﺮﺍﺗﻮ ﻟﻴﻬﺎ ﻭ ﻫﻲ ﺗﺤﺪﺭ ﻋﻨﻴﻬﺎ ... ﺭﺧﻰ ﻣﻨﻬﺎ ﻭ ﺳﻤﻌﺎﺗﻮ ﻗﺎﻝ ...
ﺭﺋﺒﺎﻝ : ﻳﺎﻻﻩ ﻧﻮﺻﻠﻚ ﻟﻠﺪﺍﺭ
ﺟﻮﻻﻥ : " ﺑﻌﺪﺍﺕ ﻋﻠﻴﻪ " ﺑﻼﺵ ... ﻏﺎﺩﻱ ﻧﺮﺟﻊ ﺑﻮﺣﺪﻱ
ﺭﺋﺒﺎﻝ : " ﺷﺪ ﻓﻴﺪﻫﺎ " ﺃﻧﺎ ﺍﻟﻲ ﻏﻨﻮﺻﻠﻚ
ﻭﻗﻔﺎﺕ ﺣﺪﺍﻫﻢ ﺳﻴﺎﺭﺓ ﻭ ﺧﺮﺝ ﺍﻟﺴﺎﺋﻖ ... ﻣﺪ ﺍﻟﻜﻮﻧﻄﺎﻛﺖ ﻟﺮﺋﺒﺎﻝ ﺍﻟﻲ ﺣﻞ ﻟﺠﻮﻻﻥ ﻟﺒﺎﺏ ... ﺑﻘﻰ ﻭﺍﻗﻒ ﺷﺎﺩ ﺍﻟﻤﻈﻞ ﺣﺘﻰ ﻃﻠﻌﺎﺕ ... ﻣﺪﻭ ﻟﻠﺴﺎﺋﻖ ﻭ ﻣﺸﺎ ﺭﻛﺐ ... ﺳﺎﺩ ﺍﻟﺼﻤﺖ ﻓﺎﻟﺴﻴﺎﺭﺓ ﻭ ﺣﺘﻰ ﻭﺍﺣﺪ ﻓﻴﻬﻢ ﻣﺎ ﺗﻜﻠﻢ ... ﻭﻗﻒ ﺭﺋﺒﺎﻝ ﺍﻟﺴﻴﺎﺭﺓ ﻭ ﻫﻲ ﺗﻬﺒﻂ ﺟﻮﻻﻥ ... ﺑﻘﻰ ﻭﺍﻗﻒ ﺣﺘﻰ ﺷﺎﻓﻬﺎ ﺩﺧﻼﺕ ﻋﺎﺩ ﺗﺤﺮﻙ ...
ﻛﺎﻧﺖ ﻭﺍﻗﻔﺔ ﻋﻨﺪ ﻧﺎﻓﺬﺓ ﻣﻜﺘﺐ ﺭﺋﺒﺎﻝ ... ﺷﺎﻓﺖ ﻛﻠﺸﻲ ﻋﻠﻰ ﻋﻨﻴﻬﺎ ... ﺯﻳﺮﺍﺕ ﻋﻠﻰ ﻳﺪﻫﺎ ﻭ ﻣﺤﻤﻼﺗﺶ ﺭﺍﺳﻬﺎ ... ﺑﻘﺎﺕ ﻓﻤﻜﺎﻧﻬﺎ ﺷﻲ ﻧﺼﻒ ﺳﺎﻋﺔ ﺣﺘﻰ ﺑﺎﻥ ﻟﻴﻬﺎ ﺭﺟﻊ ... ﺗﺤﺮﻛﺎﺕ ﻫﺰﺍﺕ ﺻﺎﻛﻬﺎ ﻭ ﺗﻤﺎﺕ ﺧﺎﺭﺟﺔ ... ﺑﺎﻥ ﻟﻴﻬﺎ ﺭﺋﺒﺎﻝ ﻏﺎﺩﻱ ﺟﻬﺔ ﻗﺎﻋﺔ ﺍﻻﺟﺘﻤﺎﻉ ﻭ ﺳﺮﻋﺎﺕ ﻧﺎﺣﻴﺘﻮ ...