🍁 ﻛﺎﻧﺖ ﻣﺘﻜﻴﺎ ﻓﻮﻕ ﺍﻟﻔﻮﻃﻮﻱ ﻭ ﺣﺎﻃﺔ ﻟﺒﻴﺴﻲ ﻓﻮﻕ ﺣﺠﺮﻫﺎ ... ﺩﺍﻳﺮﺓ ﻧﻈﺮﺍﺗﻬﺎ ﻭ ﺟﺎﻣﻌﺔ ﺷﻌﺮﻫﺎ ﻟﻔﻮﻕ ﻋﻠﻰ ﺷﻜﻞ ﻛﻌﻜﺔ ... ﻛﻄﺎﭘﻲ ﻓﻠﻜﻼﭬﻲ ﺑﺴﺮﻋﺔ ﻭ ﻣﺮﻛﺰﺓ ... ﺳﻤﻌﺎﺕ ﺻﻮﺕ ﺍﻟﺪﻗﺎﻥ ﻫﺰﺍﺕ ﺭﺍﺳﻬﺎ ﻭ ﻫﻲ ﺗﺒﺎﻥ ﻟﻴﻬﺎ ﺍﻟﺤﺎﺟﺔ ﺩﺍﺧﻠﺔ ...
ﺍﻟﺤﺎﺟﺔ : ﻣﺎﻟﻚ ﺍﺑﻨﺘﻲ ﺻﻤﺎﻛﻴﺘﻲ
ﺟﻮﻻﻥ : ﻧﻌﺎﻡ ﺍﺟﺪﺓ ... ﻛﻨﺘﻲ ﻛﺘﻌﻴﻄﻲ ﻟﻴﺎ
ﺍﻟﺤﺎﺟﺔ : ﻓﻴﻦ ﻫﻮ ﺍﻟﺘﻴﻠﻴﻔﻮﻥ ﺩﻳﺎﻟﻚ ... ﺻﻮﻧﺎ ﻋﻠﻴﺎ ﺭﺋﺒﺎﻝ ﻛﻴﺴﻮﻝ ﻋﻠﻴﻚ ... ﻋﻴﻂ ﻟﻴﻚ ﻣﻨﻴﻦ ﻣﺠﺎﻭﺑﺘﻴﺶ ﺗﺸﻄﻦ
ﺟﻮﻻﻥ : ﺧﻠﻴﺘﻮ ﻓﺎﻟﺼﺎﻙ ﻭ ﺩﺍﻳﺮﺓ ﻟﻴﻪ ﺳﻴﻠﻮﻧﺺ ... ﻓﻴﻨﺎﻫﻮﺍ ﺭﺋﺒﺎﻝ ؟
ﺍﻟﺤﺎﺟﺔ : ﻛﺎﻳﻦ ﻟﺘﺤﺖ ... ﻗﺎﻟﻴﻚ ﻫﺒﻄﻲ ﻟﻌﻨﺪﻭ ﻛﻴﺘﺴﻨﺎﻙ
ﺟﻮﻻﻥ : " ﺑﺎﺳﺘﻐﺮﺍﺏ " ﻋﻼﺵ ﻣﻄﻠﻌﺶ
ﺍﻟﺤﺎﺟﺔ : ﻣﺎﻋﺮﻓﺘﺶ ... ﻭ ﻫﺒﻄﻲ ﺭﺍﻩ ﻫﻀﺮ ﻣﻌﻴﺎ ﻭ ﻛﺎﻥ ﺑﺎﻳﻦ ﺗﺸﻄﻦ ﻓﺎﺵ ﻣﺠﺎﻭﺑﺘﻴﻬﺶ ... ﻋﻮﺩﻱ ﺧﻠﻲ ﺗﻴﻠﻴﻔﻮﻧﻚ ﺣﺪﺍﻙ
ﺧﺮﺟﺎﺕ ﺍﻟﺤﺎﺟﺔ ﻭ ﻫﻲ ﺗﻨﻮﺽ ﺟﻮﻻﻥ ... ﻛﺎﻧﺖ ﻻﺑﺴﺔ ﺳﻮﺭﭬﻴﺖ ﺳﺒﻮﺭ ... ﻣﺸﺎﺕ ﻛﺘﺠﺮﻱ ﻟﻠﺪﺭﻳﺴﻴﻨﻎ ... ﺣﻴﺪﺍﺕ ﺣﻮﺍﻳﺠﻬﺎ ﻭ ﻟﺒﺴﺎﺕ ' Lingerie ' ﻣﻼﺑﺲ ﺩﺍﺧﻠﻴﺔ ﻓﺎﻷﺑﻴﺾ ... ﺍﻟﺼﺪﺭﻳﺔ ﻭ ﺍﻟﺸﻮﺭﻁ ﻟﻘﺼﻴﺮ ﻣﺸﺒﻜﻴﻦ ... ﻟﺒﺴﺎﺕ ﻣﻦ ﻟﻔﻮﻕ ﺗﺮﻳﻜﻮ ﮔﺮﻭﻧﺔ ﻃﺎﻳﺤﻴﻦ ﻟﻴﻪ ﻟﻜﺘﺎﻑ ﻣﻊ ﺳﺮﻭﺍﻝ ﺟﻴﻨﺰ ﺃﺳﻮﺩ ...
ﻟﺒﺴﺎﺕ ﻛﻌﺐ ﻋﺎﻟﻲ ﺣﺘﻰ ﻫﻮ ﻓﺎﻷﺳﻮﺩ ﻭ ﻃﻠﻘﺎﺕ ﺷﻌﺮﻫﺎ ... ﺭﺷﺎﺕ ﺭﻳﺤﺘﻬﺎ ﻭ ﺩﺍﺭﺕ ﻟﻴﭙﺴﺘﻴﻚ ﻣﺎﻁ ... ﻛﺎﻧﺖ ﻏﺘﺤﻴﺪ ﺍﻟﻨﻈﺎﺭﺍﺕ ﻭ ﻣﺎﻓﻴﻬﺎ ﺍﻟﻲ ﻳﺪﺍﺑﺰ ﻣﻊ ﻟﻲ ﻟﻮﻧﺘﻲ ﻭ ﻫﻲ ﺗﺨﻠﻴﻬﻢ ... ﻫﺰﺍﺕ ﺻﺎﻛﻬﺎ ﻭ ﺧﺮﺟﺎﺕ ... ﻫﺒﻄﺎﺕ ﻓﺎﻟﻤﺼﻌﺪ ﻭ ﺧﺮﺟﺎﺕ ﻣﻦ ﺍﻟﻌﻤﺎﺭﺓ ... ﺑﺎﻧﺖ ﻟﻴﻬﺎ ﺳﻴﺎﺭﺓ ﺭﺋﺒﺎﻝ ﻭﺍﻗﻔﺔ ﺟﻨﺐ ﺍﻟﻄﺮﻳﻖ ...
ﻗﺮﺑﺎﺕ ﻭ ﻫﻲ ﺗﺤﻞ ﻟﺒﺎﺏ ... ﻃﻠﻌﺎﺕ ﺟﻨﺒﻮ ﻭ ﻫﻮ ﻳﺘﺤﺮﻙ ... ﺷﺎﻓﺘﻮ ﺟﻮﻻﻥ ﻣﻘﺎﻝ ﻭﺍﻟﻮ ﻭ ﻫﻲ ﺗﻜﻠﻢ ...
ﺟﻮﻻﻥ : ﺍﻟﻔﻮﻥ ﻣﺎﺳﻤﻌﺘﻮﺵ ... " ﺷﺎﻓﺖ ﻓﺎﻟﻄﺮﻳﻖ " ﻓﻴﻦ ﻏﺎﺩﻳﻴﻦ ؟
ﺭﺋﺒﺎﻝ : ﻟﻠﺪﺍﺭ ﺍﻟﻲ ﻓﺎﻟﺠﺒﻞ
ﺟﻮﻻﻥ : ﺩﻳﻚ ﺍﻟﺴﺎﻉ ﻗﻮﻟﻬﺎ ... ﻛﻦ ﺩﻳﻨﺎ ﻣﻌﻨﺎ ﺑﺎﺑﺎ ﻭ ﺟﺪﻱ ﻭ ﺟﺪﺓ
ﺭﺋﺒﺎﻝ : " ﺿﺎﺭ ﺷﺎﻑ ﻓﻴﻬﺎ " ﺑﻐﻴﺖ ﻧﺒﻘﺎﻭ ﺑﻮﺣﺪﻧﺎ
ﺑﻌﺪﺍﺕ ﻋﻨﻴﻬﺎ ﻋﻠﻴﻪ ﻭ ﺿﺎﺭﺕ ﻛﺘﺸﻮﻑ ﻣﻦ ﺍﻟﺰﺍﺟﺔ ... ﺩﺍﺭﺕ ﻓﻴﻬﺎ ﺯﻋﻤﺔ ﻓﮕﻌﺎﻧﺔ ... ﺭﺟﻊ ﺭﺋﺒﺎﻝ ﻣﺮﻛﺰ ﻓﺎﻟﻄﺮﻳﻖ ... ﺑﻌﺪ ﻣﺪﺓ ﻭﺻﻠﻮ ... ﺣﻞ ﻟﺒﺎﺏ ﻭ ﻫﺒﻂ ... ﻧﺰﻻﺕ ﺟﻮﻻﻥ ﻭ ﻫﻲ ﺗﻌﻨﻖ ﺭﺍﺳﻬﺎ ﺑﻴﺪﻳﻬﺎ ﻣﻊ ﺍﻟﻠﻴﻞ ﻛﺎﻥ ﻟﺒﺮﺩ ﻣﺤﺮﻙ ﺧﺎﺻﺔ ﻓﺪﻳﻚ ﺍﻟﻤﻨﻄﻘﺔ ﺍﻟﺠﺒﻠﻴﺔ ...
ﺭﺋﺒﺎﻝ ﺷﺎﻑ ﻓﻴﻬﺎ ﻣﻜﻤﺸﺔ ﻭ ﻛﺘﺎﻓﻬﺎ ﻋﺮﻳﺎﻧﻴﻦ ... ﺣﻴﺪ ﻟﭭﻴﺴﺖ ﻭ ﻗﺮﺏ ﻟﻌﻨﺪﻫﺎ ﺩﺍﺭﻫﺎ ﻟﻴﻬﺎ ﻋﻠﻰ ﻛﺘﺎﻓﻬﺎ ... ﻛﺎﻥ ﻗﺮﻳﺐ ﻟﻴﻬﺎ ﺑﺰﺍﻑ ﻭ ﻫﻲ ﺗﺒﻌﺪ ﻋﻠﻴﻪ ... ﺩﺧﻠﻮ ﻟﻠﺪﺍﺭ ﻭ ﺭﺋﺒﺎﻝ ﻣﺸﺎ ﻣﺒﺎﺷﺮﺓ ﺷﻌﻞ ﺍﻟﻤﺪﻓﺄﺓ ﺑﺎﺵ ﺗﺪﻓﻰ ﺍﻟﺪﺍﺭ ... ﺿﺎﺭ ﺑﺎﻧﺖ ﻟﻴﻪ ﺟﻮﻻﻥ ﻭﺍﻗﻔﺔ ...
ﺭﺋﺒﺎﻝ : ﭼﻠﺴﻲ
ﺟﻮﻻﻥ : ﻭﺍﺵ ﻏﺎﺩﻱ ﻧﺒﺎﺗﻮ ﻫﻨﺎ ؟
ﺭﺋﺒﺎﻝ : " ﻛﻴﻠﻮﺡ ﻟﻌﻮﺍﺩ " ﻏﻨﭽﻠﺴﻮ ﻭﺍﺣﺪ ﺍﻟﻴﻮﻣﻴﻦ
ﺟﻮﻻﻥ : ﻭ ﺍﻟﺪﺍﺭ !
ﺭﺋﺒﺎﻝ : ﻓﺨﺒﺎﺭﻫﻢ ﺟﻴﻨﺎ ﻟﻬﻨﺎ
ﺟﻮﻻﻥ : ﻏﺘﻐﻴﺐ ﻋﻠﻰ ﺍﻟﺸﺮﻛﺔ ﺍﻟﻲ ﻛﻨﺘﻲ ﻛﺘﻤﺸﻲ ﻟﻴﻬﺎ ﻳﻮﻣﻴﺎ ﻓﻬﺎﺩ ﺍﻷﻭﺍﺧﺮ ... ﻛﻈﻞ ﻓﻴﻬﺎ ﻭ ﺗﺮﺟﻊ ﻣﻌﻄﻞ ... ﻭ ﺗﻼﻗﻰ ﻓﻴﻬﺎ ﺑﺎﻟﻨﺎﺱ ﺍﻟﻤﻬﻤﻴﻦ
ﺭﺋﺒﺎﻝ : " ﺷﺎﻑ ﻓﻴﻬﺎ ﻣﺼﻐﺮ ﻋﻨﻴﻪ " ﺣﻴﻨﺖ ﻣﺮﺗﻲ ﻛﺎﻧﺖ ﻧﺎﻓﺮﺓ ﻣﻨﻲ ... ﺧﺎﺹ ﻧﺒﻌﺪ ﻭ ﻧﺨﻠﻴﻬﺎ ﻋﻠﻰ ﺭﺍﺣﺘﻬﺎ
ﺟﻮﻻﻥ : " ﺣﺪﺭﺍﺕ ﻋﻨﻴﻬﺎ " ﻣﻨﻔﺮﺗﺶ ﻣﻨﻚ ﻭ ﻋﻤﺮﻱ ﻧﺤﺲ ﺑﻬﺎﻛﺔ ... ﻏﻴﺮ ﻛﻨﺖ ﺧﺎﻳﻔﺔ ﻭ ﺑﺎﻟﻲ ﻣﺸﻄﻮﻥ
ﻗﺮﺏ ﻋﻨﺪﻫﺎ ﺭﺋﺒﺎﻝ ... ﻣﺪ ﻳﺪﻭ ﻭ ﻟﻤﺲ ﺑﺼﺒﻌﻮ ﺧﺪﻫﺎ ﺍﻟﻲ ﻣﺰﺍﻝ ﻣﻨﻔﻮﺥ ﺷﻮﻳﺔ ...
ﺭﺋﺒﺎﻝ : ﻋﺮﻓﺘﻲ ﻋﻼﺵ ﺿﺮﺑﺘﻚ
ﺟﻮﻻﻥ : " ﺷﺎﻓﺖ ﻓﻴﻪ " ﻋﻠﻰ ﻗﺒﻞ ﻫﺎﺩﻳﻚ ... ﺣﻴﻨﺖ ﻃﺮﺷﺘﻬﺎ ... ﻛﻦ ﺭﺍﻩ ﻃﺎﻳﺮﺓ ﺑﺎﻟﻔﺮﺣﺔ
ﺭﺋﺒﺎﻝ : ﻭ ﻋﻼﺵ ﻧﺘﻲ ﻃﺮﺷﺘﻴﻬﺎ ؟
ﺟﻮﻻﻥ : " ﺑﻐﻀﺐ " ﺣﻴﻨﺖ ﺣﺎﻃﺔ ﻋﻨﻴﻬﺎ ﻋﻠﻴﻚ ... ﻧﺘﺎ ﺭﺍﺟﻞ ﻣﺰﻭﺝ ﻋﻼﺵ ﺗﺴﻠﻢ ﻋﻠﻴﻚ ﺑﺪﻳﻚ ﺍﻟﻄﺮﻳﻘﺔ
ﺭﺋﺒﺎﻝ : ﻧﺘﻲ ﺷﻨﻮ ﺩﺭﺗﻲ ﺣﻴﻨﺖ ﺳﻠﻤﺎﺕ ﻋﻠﻴﺎ ﻫﻜﺎﻙ ... ﺗﺨﺎﻳﻠﻲ ﺇﺣﺴﺎﺳﻲ ﺃﻧﺎ ﻓﺎﺵ ﺷﻔﺖ
ﺟﻮﻻﻥ : " ﺣﻄﺎﺕ ﺻﺒﺎﻋﻬﺎ ﻋﻠﻰ ﻓﻤﻮ " ﻋﻔﺎﻙ ﻧﺴﻰ
ﺯﻓﺮ ﺑﻘﻮﺓ ﻭ ﻗﺒﻞ ﺻﺒﺎﻋﻬﺎ ﺍﻟﻲ ﺣﺎﻃﺔ ﻋﻠﻰ ﻓﻤﻮ ... ﺑﻌﺪﺍﺗﻬﻢ ﺑﺴﺮﻋﺔ ﻭ ﺑﻐﺎﺕ ﺗﺮﺟﻊ ﺑﺎﻟﻠﻮﺭ ﻭ ﻫﻮ ﻳﻀﻮﺭ ﺫﺭﺍﻋﻮ ﻋﻠﻰ ﺧﺼﺮﻫﺎ ...
ﺟﻮﻻﻥ : ﺧﻠﻴﻨﻲ ﻧﻤﺸﻲ ﻧﺸﻮﻑ ﻭﺍﺵ ﻛﺎﻳﻨﺔ ﺷﻲ ﺣﺎﺟﺔ ﻓﺎﻟﺜﻼﺟﺔ ... ﻧﻘﺎﺩ ﻣﻨﺎﻛﻠﻮ ... ﺷﻨﻮ ﺑﻐﻴﺘﻲ ﺗﺎﻛﻞ ؟
ﺭﺋﺒﺎﻝ : " ﻗﺮﺏ ﻟﻮﺟﻬﺎ " ﺑﻐﻴﺘﻚ ﻧﺘﻲ
ﺟﻮﻻﻥ : " ﻃﻠﻌﺎﺕ ﻣﻌﻬﺎ ﺍﻟﺴﺨﻮﻧﻴﺔ ﻭ ﺗﺰﻧﮕﺎﺕ " ﻋﻼﺵ ﺑﻐﺘﻴﻨﻲ ... ﺃﻧﺎ ﻏﺎ ﺩﻳﺎﻝ ﺍﻟﺘﺼﺮﻓﻴﻖ
ﺑﺎﻥ ﻟﻴﻬﺎ ﻋﻘﺪ ﺣﺠﺒﺎﻧﻮ ﻭ ﺭﺧﺎ ﻣﻨﻬﺎ ... ﺑﻌﺪﺍﺕ ﻋﻠﻴﻪ ﻭ ﺗﻤﺸﺎﺕ ﻏﺎﺩﺓ ﻟﺠﻬﺔ ﺍﻟﻜﻮﺯﻳﻨﺔ ... ﺣﺘﻰ ﻓﺠﺄﺓ ﺗﺠﺮﺍﺕ ﻣﻦ ﻳﺪﻫﺎ ﻭ ﺩﻓﻌﻬﺎ ﻟﺼﻘﻬﺎ ﻣﻊ ﺍﻟﺤﻴﻂ ... ﻫﺠﻢ ﻋﻠﻰ ﺷﻔﺎﻳﻔﻬﺎ ﻭ ﻳﺪﻳﻪ ﻛﻴﺤﻴﺪﻭ ﺍﻟﺠﺎﻛﻴﻂ ﻣﻦ ﻋﻠﻰ ﻛﺘﺎﻓﻬﺎ ... ﻃﺎﺣﺖ ﻓﺎﻷﺭﺽ ﻋﻨﺪ ﺭﺟﻠﻴﻬﺎ ...
ﺧﺸﺎ ﺻﺒﺎﻋﻮ ﻓﺸﻌﺮﻫﺎ ﻭ ﻗﺮﺑﻬﺎ ﻟﻴﻪ ﺃﻛﺜﺮ ... ﻛﺎﻥ ﻛﻴﻘﺒﻠﻬﺎ ﺑﻌﻨﻒ ﻭ ﻳﺪﻳﻪ ﻛﻴﺘﺤﺴﺴﻮ ﺟﺴﻤﻬﺎ ... ﺃﻧﻔﺎﺳﻮ ﺣﺎﺭﺓ ﻛﻀﺮﺏ ﻓﻮﺟﻬﺎ ﻭ ﺻﺪﻭ ﻛﻴﻄﻠﻊ ﻭ ﻳﻬﺒﻂ ... ﻋﺎﺭﻓﺎﻩ ﻣﻮﺣﺸﻬﺎ ﻭ ﺣﺘﻰ ﻫﻲ ﺍﺳﺘﺴﻠﻤﺎﺕ ﻟﻘﺒﻼﺗﻮ ﺑﺪﻭﻥ ﻣﺎﺗﺤﺲ ...
ﻫﺒﻂ ﻳﺪﻳﻪ ﻣﻊ ﻇﻬﺮﻫﺎ ﻭ ﺣﻜﻤﻬﺎ ﻣﻦ ﺧﺼﺮﻫﺎ ... ﻫﺰﻫﺎ ﻟﻌﻨﺪﻭ ﺣﺘﻰ ﻣﺒﻘﺎﻭﺵ ﺭﺟﻠﻴﻬﺎ ﻭﺍﺻﻠﻴﻦ ﻷﺭﺽ ... ﺿﻮﺭﺍﺗﻬﻢ ﻋﻠﻰ ﺧﺼﺮﻭ ﻭ ﻳﺪﻳﻬﺎ ﻣﺪﻭﺭﻳﻦ ﻋﻠﻰ ﻋﻨﻘﻮ ... ﻃﻠﻊ ﻣﻊ ﺍﻟﺪﺭﺟﺎﺕ ﺑﺪﻭﻥ ﻣﺎﻳﺒﻌﺪ ﻋﻠﻰ ﺷﻔﺎﻳﻔﻬﺎ ... ﺩﻓﻊ ﻟﺒﺎﺏ ﻭ ﺩﺧﻞ ... ﺣﻂ ﺭﻛﺒﺘﻮ ﻋﻠﻰ ﻃﺮﻑ ﺍﻟﺴﺮﻳﺮ ﻭ ﻣﺎﻝ ﺣﺘﻰ ﺣﻄﻬﺎ ﺑﺮﻓﻖ ... ﻃﻠﻊ ﺍﻟﺘﺮﻳﻜﻮ ﺣﻴﺪﻭ ﻭ ﻻﺣﻮ ﻓﺎﻷﺭﺽ ...
ﻧﺰﻝ ﻟﻌﻨﺪﻫﺎ ﻭ ﺧﺸﺎ ﺭﺍﺳﻮ ﻓﻌﻨﻘﻬﺎ ... ﻃﺒﻊ ﻗﺒﻼﺕ ﺣﺎﺭﺓ ﻋﻠﻰ ﺭﻗﺒﺘﻬﺎ ﻭ ﻛﺘﻔﻬﺎ ﻭ ﻫﻮ ﻛﻴﺰﻭﻝ ﺑﺎﻗﻲ ﺣﻮﺍﻳﺠﻬﺎ ... ﺧﻼﻫﺎ ﻏﻴﺮ ﺑﺎﻟﻤﻼﺑﺲ ﺍﻟﺪﺍﺧﻠﻴﺔ ... ﺭﺟﻊ ﻛﻴﻘﺒﻞ ﻓﺸﻔﺎﻳﻔﻬﺎ ﻭ ﻳﺎﻻﻩ ﻏﻴﺪﺧﻞ ﻓﺎﻟﻤﻌﻘﻮﻝ ﻭ ﻫﻲ ﺗﺤﺒﺴﻮ ...
ﺟﻮﻻﻥ : ﺭﺋﺒﺎﻝ ﺑﻼﺗﻲ
ﺭﺋﺒﺎﻝ : " ﺑﻌﺪ ﻭ ﺷﺎﻑ ﻓﻴﻬﺎ " ﺷﻨﻮﻭ ؟
ﺟﻮﻻﻥ : ﻣﺎﺟﺒﺘﺶ ﻣﻌﻴﺎ ﺍﻟﻜﻴﻨﺔ
ﺭﺋﺒﺎﻝ : " ﺧﺮﺝ ﻓﻴﻬﺎ ﻋﻨﻴﻪ " ﻟﻜﻴﻨﺔ !!!
ﺟﻮﻻﻥ : " ﺑﺘﻮﺛﺮ " ﺍ ﺁﻩ ﻝ ﻟﻜﻴﻨﺔ ﺩ ﺩﻳﺎﻝ ﻣﻨﻊ ﺍﻟﺤﻤﻞ
ﺭﺋﺒﺎﻝ : " ﻧﺎﺽ ﻋﻠﻴﻬﺎ ﻭ ﻭﻗﻒ " ﻛﺘﺸﺮﺑﻲ ﻟﻜﻴﻨﺔ ... ﻣﻦ ﺍﻣﺘﻰ ﻭ ﻣﻌﺎﻣﻦ ﺗﺸﺎﻭﺭﺗﻲ !!
ﺟﻮﻻﻥ : ﻡ ﻣﻨﻬﺎﺭ ﺭﺟﻌﻨﺎ ﻣﻦ ﺷﻬﺮ ﺍﻟﻌﺴﻞ
ﺭﺋﺒﺎﻝ : " ﺩﻭﺯ ﻳﺪﻭ ﻋﻠﻰ ﺷﻌﺮﻭ ﺑﻌﻨﻒ ﻭ ﺯﻳﺮ ﻋﻠﻰ ﻋﻨﻴﻪ " ﺷﻜﻮﻭﻭﻥ ﻗﺎﻝ ﻟﻴﻚ ﺃﻧﺎ ﺑﻐﻴﺘﻚ ﺗﺸﺮﺑﻴﻬﺎﺍﺍ
ﺟﻮﻻﻥ : " ﺗﺮﻋﺒﺎﺕ ﻣﻦ ﺷﻜﻠﻮ ﺍﻟﻲ ﺩﻏﻴﺎ ﺗﻘﻠﺐ " ﻋﻤﺮﻧﺎ ﻩ ﻫﻀﺮﻧﺎ ﻓﻬﺎﺩﺷﻲ ... ﻭ ﻳﺴﺤﺎﺑﻠﻲ ﺣﺘﻰ ﻧﺘﺎ ﻣﺰﺍﻝ ﻣﻜﺘﻔﻜﺮ ﻧﺠﻴﺒﻮ ﻭﻻﺩ ... ﻭ
ﺭﺋﺒﺎﻝ : " ﻛﺎﺗﻢ ﻏﻀﺒﻮ ﺑﺎﻟﺴﻴﻒ " ﺻﺎﻓﻲ ﺳﻜﺘﻴﻴﻴﻴﻲ
ﺟﻮﻻﻥ : " ﻧﺎﺿﺖ ﻋﻨﺪﻭ " ﺭﺋﺒﺎﻝ ﺃﻧﺎ
ﺭﺋﺒﺎﻝ : " ﻗﺎﻃﻌﻬﺎ " ﻗﻠﺖ ﺳﻜﺘﻴﻨﺎﺍﺍ
ﺿﺎﺭ ﻫﺰ ﺍﻟﻔﻮﻥ ﻭ ﺗﻢ ﺧﺎﺭﺝ ﻣﻦ ﺍﻟﺒﻴﺖ ... ﺑﻘﺎﺕ ﺟﻮﻻﻥ ﻛﺘﺸﻮﻑ ﻓﻈﻬﺮﻭ ﺣﺘﻰ ﺧﺮﺝ ... ﺳﺪ ﻟﺒﺎﺏ ﺑﻘﻮﺓ ﻭ ﻫﻲ ﺗﭽﻠﺲ ﻓﻄﺮﻑ ﺍﻟﺴﺮﻳﺮ ﻛﺘﺤﺪﻕ ﻓﺎﻟﻔﺮﺍﻍ ... ﺗﻌﺎﺑﻴﺮ ﻭﺟﻬﻮ ﻓﺎﺵ ﻋﺮﻑ ﺍﻧﻬﺎ ﻛﺘﺸﺮﺏ ﻣﺎﻧﻊ ﺍﻟﺤﻤﻞ ﻛﺎﻧﺖ ﻏﻴﺮ ﻗﺎﺑﻠﺔ ﻟﻠﻮﺻﻒ ...
ﻋﺮﻓﺎﺕ ﺃﻧﻬﺎ ﺟﺮﺣﺎﺗﻮ ﺑﻄﺮﻳﻘﺔ ﻏﻴﺮ ﻣﺒﺎﺷﺮﺓ ... ﻟﻜﻨﻬﺎ ﻣﻜﺎﻧﺘﺶ ﻋﺎﺭﻓﺔ ﺍﻥ ﺭﺩ ﻓﻌﻠﻮ ﻏﻴﻜﻮﻥ ﻫﺎﻛﺔ ... ﻫﻤﺎ ﻋﺎﺩ ﺗﺰﻭﺟﻮ ﻭ ﺍﻷﻣﻮﺭ ﻣﺰﺍﻝ ﻣﺎ ﻣﺴﺘﺎﻗﺮﺓ ... ﻛﻴﻔﺎﺵ ﻣﻤﻜﻦ ﻳﺠﻴﺒﻮ ﻭﻻﺩ ﺩﺍﺑﺔ ... ﻭ ﻣﻨﻴﻦ ﻣﺘﻨﺎﻗﺸﻮﺵ ﻓﺎﻷﻣﺮ ﻓﻠﻮﻝ ﻇﻨﺎﺕ ﺃﻧﻪ ﻣﻐﺎﺩﻳﺶ ﻳﻌﺎﺭﺽ ...
ﺣﺘﻰ ﻃﺒﻴﻌﺘﻮ ﻭ ﻛﻼﻣﻮ ﺍﻟﻘﻠﻴﻞ ﻧﺸﺄ ﻋﺎﺋﻖ ﺻﻐﻴﺮ ... ﻛﻴﻔﺎﺵ ﻫﻲ ﻏﺘﻌﺮﻑ ﺷﻨﻮ ﺑﻐﻰ ﻭ ﺷﻨﻮ ﻣﺎﺑﻐﺎﺵ ﻭ ﻫﻮ ﻣﻜﻴﻘﻮﻝ ﻟﻴﻬﺎ ﻭﺍﻟﻮ ... ﺣﺴﺎﺕ ﺑﺎﻟﺒﺮﺩ ﻭ ﻫﻲ ﺗﻬﺒﻂ ﻋﻨﻴﻬﺎ ... ﺷﺎﻓﺖ ﺭﺍﺳﻬﺎ ﻏﻴﺮ ﺑﻤﻼﺑﺲ ﺩﺍﺧﻠﻴﺔ ... ﺟﺮﺍﺕ ﺍﻟﻐﻄﺎﺀ ﻣﻦ ﻓﻮﻕ ﺍﻟﺴﺮﻳﺮ ﻭ ﺗﻜﻤﺸﺎﺕ ﻓﻴﻪ ...
ﻋﺎﺩ ﺩﺍﺑﺔ ﻛﺎﻧﺖ ﻋﺎﻳﺸﺔ ﻓﺤﻠﻢ ﺯﻭﻳﻦ ﻭ ﻫﻲ ﺑﻴﻦ ﻳﺪﻳﻪ ... ﺣﺘﻰ ﻓﺴﺪﺍﺕ ﺍﻷﻣﻮﺭ ﻣﺮﺓ ﺃﺧﺮﻯ ... ﻭﺍﺿﺢ ﺃﻧﻪ ﺟﺎﺑﻬﺎ ﻟﻬﻨﺎ ﺑﺎﺵ ﻳﺼﻔﻴﻮ ﺍﻟﺨﻮﺍﻃﺮ ... ﻭ ﻫﻲ ﺗﺨﺮﺏ ﻛﻠﺸﻲ ﻓﺎﺵ ﺣﻼﺕ ﻓﻤﻬﺎ ... ﺗﻜﺎﺕ ﻧﺎﻋﺴﺔ ﻋﻠﻰ ﺟﻨﺒﻬﺎ ﻭ ﻫﻲ ﻛﺘﻔﻜﺮ ﻓﺤﺎﻟﺘﻮ ﻛﻴﻒ ﻏﺘﻜﻮﻥ ﺩﺍﺑﺔ ...
ﻳﺎﺭﻳﺖ ﺧﺎﺻﻢ ﻋﻠﻴﻬﺎ ﺃﻭ ﺣﺘﻰ ﺿﺮﺑﻬﺎ ... ﻏﻴﺮ ﻣﻴﺨﻠﻴﻬﺎﺵ ﺑﻮﺣﺪﻫﺎ ﻓﻬﺎﺩ ﺍﻟﺤﺎﻟﺔ ... ﻣﺎﺣﺴﺎﺕ ﺣﺘﻰ ﻃﺎﺣﻮ ﺩﻣﻮﻋﻬﺎ ﻋﻠﻰ ﻃﺮﻑ ﻋﻨﻴﻬﺎ ...
ﻧﺰﻝ ﻣﻊ ﺍﻟﺪﺭﺝ ﻻﺑﺲ ﻏﻴﺮ ﺳﺮﻭﺍﻝ ﻭ ﺻﺪﺭﻭ ﻋﺎﺭﻱ ... ﺩﺧﻞ ﻟﻠﺼﺎﻟﺔ ﻭ ﭼﻠﺲ ﻋﻠﻰ ﺍﻟﻄﻠﺒﺔ ﻗﺪﺍﻡ ﺍﻟﻤﺪﻓﺄﺓ ... ﻛﺎﻥ ﻭﺍﺿﺢ ﺍﻧﻪ ﻣﻌﺼﺐ ﻏﻴﺮ ﻣﻦ ﻓﻜﻮ ﺍﻟﻤﺸﺪﻭﺩ ﻭ ﻋﺮﻭﻗﻮ ﺍﻟﻲ ﻣﻨﻔﻮﺧﻴﻦ ... ﻫﺰ ﺍﻟﺤﺪﻳﺪﺓ ﻛﻴﺤﺮﻙ ﺑﻴﻬﺎ ﺍﻟﻌﻮﺍﺩ ﻭ ﺍﻧﻌﻜﺎﺱ ﺷﻌﻠﺔ ﺍﻟﻨﺎﺭ ﻭﺍﺿﺢ ﻓﻌﻨﻴﻪ ...
ﺯﻳﺮ ﻋﻠﻰ ﻟﺤﺪﻳﺪﺓ ﻓﻴﺪﻭ ﻭ ﺿﺮﺏ ﺑﻴﻬﺎ ﻣﻊ ﺣﺘﻰ ﺗﻐﺮﺳﺎﺕ ﻓﺎﻷﺭﺽ ﺍﻟﺨﺸﺒﻴﺔ ... ﻧﺰﻝ ﺑﻴﺪﻭ ﻣﻊ ﺍﻟﺤﺪﻳﺪﺓ ﺣﺘﻰ ﻭﺻﻞ ﻟﺒﻼﺻﺔ ﺍﻟﺴﺨﻮﻧﺔ ... ﻋﻨﻴﻪ ﻛﺎﻧﻮ ﻛﻴﺸﻮﻓﻮ ﻓﺎﻟﻌﺎﻓﻴﺔ ﻭ ﺳﺎﻫﻲ ... ﺣﺲ ﺑﻠﺴﻌﺔ ﻓﻴﺪﻭ ﻭ ﻫﻮ ﻳﺤﻮﻝ ﻧﻈﺮﻭ ﻟﻴﺪﻭ ...
ﺣﻴﺪﻫﺎ ﻣﻦ ﺍﻟﺤﺪﻳﺪﺓ ﻭ ﺷﺎﻑ ﺁﺛﺎﺭ ﺍﻟﺤﺮﻕ ﻓﺮﺍﺣﺔ ﻳﺪﻭ ... ﻭﻗﻒ ﻭ ﺗﻤﺸﻰ ﻟﻠﻤﻄﺒﺦ ... ﺧﺸﺎﻫﺎ ﺗﺤﺖ ﻟﻤﺎ ﺣﺘﻰ ﺑﺮﺩﺍﺕ ﺷﻮﻳﺔ ... ﺧﺮﺝ ﻭ ﺭﺟﻊ ﻟﻠﺼﺎﻟﺔ ﺗﻜﻰ ﻓﻮﻕ ﺍﻟﻔﻮﻃﻮﻱ ﻭ ﺩﺍﺭ ﺫﺭﺍﻋﻮ ﻋﻠﻰ ﻭﺟﻬﻮ ...
🌸 ﻓﺘﺤﺎﺕ ﺟﻮﻻﻥ ﻋﻨﻴﻬﺎ ﻭ ﺷﺎﻓﺖ ﺟﻬﺔ ﺍﻟﺸﺮﻓﺔ ... ﺃﺷﻌﺔ ﺍﻟﺸﻤﺲ ﺩﺍﺧﻠﺔ ﻣﻦ ﺍﻟﺰﺍﺝ ﻭ ﺻﻮﺕ ﺍﻟﻄﻴﻮﺭ ﻭﺍﺻﻞ ﻟﻌﻨﺪﻫﺎ ... ﺗﺬﻛﺮﺍﺕ ﻫﻲ ﻓﻴﻦ ﻛﺎﻳﻨﺔ ﻭ ﻫﻲ ﺗﮕﻌﺪ ﺑﺴﺮﻋﺔ ... ﺗﻠﻔﺘﺎﺕ ﻓﺎﻟﻐﺮﻓﺔ ﻭ ﻣﻨﻴﻦ ﻣﺒﺎﻧﺶ ﻟﻴﻬﺎ ﺣﺴﻮ ﻧﺎﺿﺖ ... ﻟﺒﺴﺎﺕ ﺣﻮﺍﻳﺠﻬﺎ ﻭ ﺧﺮﺟﺎﺕ ﻣﻦ ﻟﺒﻴﺖ ... ﻫﺒﻄﺎﺕ ﻣﻊ ﺍﻟﺪﺭﻭﺝ ﺑﺸﻮﻳﺔ ...
ﺩﺧﻼﺕ ﻟﻠﺼﺎﻟﺔ ﻣﻜﺎﻧﺶ ﻓﻴﻬﺎ ... ﻣﺸﺎﺕ ﻟﻜﻮﺯﻳﻨﺔ ﺣﺘﻰ ﻫﻲ ﺧﺎﻭﻳﺔ ... ﻗﻠﺒﺎﺕ ﺍﻟﺪﺍﺭ ﻛﻠﻬﺎ ﻣﻜﺎﻳﻨﺶ ﺣﺴﻮ ﻧﻬﺎﺋﻴﺎ ... ﺩﺧﻠﻬﺎ ﺍﻟﺨﻮﻑ ﻭ ﻃﻠﻌﺎﺕ ﻛﺘﺠﺮﻱ ﻟﺒﻴﺖ ... ﻫﺰﺍﺕ ﺍﻟﻔﻮﻥ ﺩﻳﺎﻟﻬﺎ ﺻﻮﻧﺎﺕ ﻋﻠﻴﻪ ﻟﻘﺎﺗﻮ ﻃﺎﻓﻲ ... ﻳﺎﻻﻩ ﻏﺘﺮﺟﻊ ﺗﺼﻮﻧﻲ ﻭ ﻫﻲ ﺗﺴﻤﻊ ﺍﻟﺪﻗﺎﻥ ...
ﺧﺮﺟﺎﺕ ﻭ ﻫﺒﻄﺎﺕ ﻛﺘﺠﺮﻱ ﻣﻊ ﺍﻟﺪﺭﻭﺝ ... ﺣﺘﻰ ﺑﻐﺎﺕ ﺗﺤﻞ ﻟﺒﺎﺏ ﻭ ﻫﻲ ﺗﻮﻗﻒ ...
ﺟﻮﻻﻥ : ﺷﻜﻮﻭﻭﻥ
ﺯﻳﻨﺐ : " ﻣﻦ ﺧﻠﻒ ﻟﺒﺎﺏ " ﻫﺎﺩﻱ ﺍﻧﺎ ﺯﻳﻨﺐ ... ﺣﻠﻲ ﺍﻟﻀﻬﺼﻴﺼﺔ ﻟﺒﺎﺏ
ﺟﻮﻻﻥ : " ﺣﻼﺕ ﻋﻠﻴﻬﺎ " ﺷﻜﻮﻥ ﺟﺎﺑﻚ ﻟﻬﻨﺎ ... ﻭ ﺑﺎﺵ ﻋﺮﻓﺘﻲ ﻛﺎﻳﻨﻴﻦ ﻫﻨﺎ ؟
ﺯﻳﻨﺐ : ﺑﻼﺗﻲ ﻧﺪﺧﻞ ﻭ ﻧﺘﻲ ﺗﻜﺒﻴﺘﻲ ﻋﻠﻴﺎ ﺑﺎﻷﺳﺌﻠﺔ
ﺩﺧﻼﺕ ﺯﻳﻨﺐ ﻭ ﺗﺒﻌﺎﺗﻬﺎ ﺟﻮﻻﻥ ... ﭼﻠﺴﻮ ﻓﺎﻟﺼﺎﻟﺔ ﻭ ﺟﻮﻻﻥ ﺑﻘﺎﺕ ﻛﺘﺸﻮﻑ ﻓﻴﻬﺎ ﻭ ﻛﺘﺴﻨﺎﻫﺎ ﺗﻨﻄﻖ ...
ﺯﻳﻨﺐ : ﺭﺍﺟﻠﻚ ﺍﻟﻲ ﻋﻴﻂ ﻋﻠﻴﺎ
ﺟﻮﻻﻥ : ﺭﺋﺒﺎﻝ ... ﻭ ﻓﻴﻨﺎﻫﻮﺍ ؟؟
ﺯﻳﻨﺐ : ﻋﻼﺵ ﻣﻘﺎﻟﺶ ﻟﻴﻚ ﻏﻴﺴﺎﻓﺮ
ﺟﻮﻻﻥ : ﺳﺎﻓﺮ ... !!!
ﺯﻳﻨﺐ : ﺁﻩ ﺳﺎﻓﺮ ... ﻓﺎﺵ ﻋﻴﻂ ﻋﻠﻴﺎ ﻛﺎﻥ ﻓﺎﻟﻤﻄﺎﺭ ... ﻗﺎﻝ ﻟﻴﺎ ﺧﻼﻙ ﻫﻨﺎ ﻭ ﻃﻠﺐ ﻣﻨﻲ ﻧﺠﻲ ﻧﭽﻠﺲ ﻣﻌﺎﻙ ﺣﺘﻰ ﻳﺮﺟﻊ
ﺟﻮﻻﻥ : " ﺑﺼﻮﺕ ﺧﺎﻓﺖ " ﺱ ﺳﺎﻓﺮ
ﺯﻳﻨﺐ : ﺍﻧﺎ ﻣﺎﻓﻬﻤﺖ ﻭﺍﻟﻮ ... ﻭ ﻟﻜﻦ ﺟﻴﺖ ﻧﭽﻠﺲ ﻣﻌﺎﻙ ﻣﻨﻴﻦ ﻏﻨﺘﺨﻠﺺ ﻭﺍﺧﺔ ﻣﺎﺧﺪﻣﺎﺵ ... ﺗﻔﻮﻳﺠﺔ ﻣﺨﻠﺼﺔ ... ﺍﺟﻲ ﻋﻼﺵ ﻣﺪﺍﻛﺶ ﻣﻌﺎﻩ ﻟﻠﺒﺮﺗﻐﺎﻝ ؟
ﺟﻮﻻﻥ : ﻣﺸﺎ ﻟﻠﺒﺮﺗﻐﺎﻝ
ﺯﻳﻨﺐ : ﺍﻫﺎﺩ ﻟﺒﻨﺖ ﻧﺘﻲ ﻣﺎﻟﻚ ﺩﺍﻳﺮﺓ ﺑﺤﺎﻝ ﺍﻟﻰ ﺿﺮﺑﻚ ﺟﻦ ... ﺍﻟﻜﻠﻤﺔ ﺍﻟﻲ ﻗﻠﺖ ﺗﻌﺎﻭﺩﻳﻬﺎ
ﺟﻮﻻﻥ : " ﻭﻗﻔﺎﺕ ﻏﺎﺩﺓ ﺟﺎﻳﺔ " ﻣﺸﺎ ﻭ ﺧﻼﻧﻲ ﺑﻮﺣﺪﻱ ... ﺳﺎﻓﺮ ﺑﻠﻤﺎ ﻳﻘﻮﻟﻬﺎ ﻟﻴﺎﺍﺍ ... ﻫﺎﻛﺔ ﺑﺎﺵ ﺑﺎﻏﻲ ﻳﻌﺎﻗﺒﻨﻲ
ﺯﻳﻨﺐ : ﻭﺍﺵ ﺗﺨﺎﺻﻤﺘﻮ ... ﺟﻠﺴﻲ ﻭ ﻋﺎﻭﺩﻱ ﻟﻴﺎ ... ﺑﺎﻳﻨﺔ ﺯﺑﻠﺘﻴﻬﺎ ﻋﻮﺗﺎﻧﻲ
ﺑﻌﺪﻣﺎ ﺳﺎﻻﻭ ﺳﺎﻋﺎﺕ ﺍﻟﻌﻤﻞ ... ﻫﺰﺍﺕ ﺻﺎﻛﻬﺎ ﻭ ﺗﻤﺎﺕ ﺧﺎﺭﺟﺔ ... ﻛﺎﻧﺖ ﻻﺑﺴﺔ ﺳﺮﻭﺍﻝ ﺗﻮﺏ ﻣﺨﻄﻂ ﻛﻼﺹ ﻣﻊ ﻃﻮﭖ ﺍﺳﻮﺩ ... ﺷﻌﺮﻫﺎ ﻃﺎﻟﻘﺎﻩ ﻣﻤﻮﺝ ﻛﻴﻒ ﻛﺘﺴﺮﺣﻮ ﺩﻳﻤﺎ ﻭ ﻻﺑﺴﺔ ﺣﺬﺍﺀ ﺑﻴﺞ ﻋﺎﻟﻲ ... ﻧﺰﻻﺕ ﻣﻊ ﺍﻟﺪﺭﻳﺠﺎﺕ ﻭ ﻫﻲ ﺗﺒﺎﻥ ﻟﻴﻬﺎ ﺳﻴﺎﺭﺓ ﺟﻴﺐ ﻭﺍﻗﻔﺔ ... ﺗﺼﺪﻣﺎﺕ ﻓﺎﺵ ﺷﺎﻓﺖ ﺍﻟﺸﺨﺺ ﺍﻟﻲ ﻭﺍﻗﻒ ﺟﻨﺒﻬﺎ ...
ﺑﻌﺪ ﺍﻟﻲ ﻭﻗﻊ ﻣﻈﻨﺎﺗﺶ ﺍﻧﻪ ﻳﺒﺎﻥ ﺑﺎﻗﻲ ﻗﺪﺍﻣﻬﺎ ... ﺧﻨﺰﺭﺍﺕ ﻓﻴﻪ ﻭ ﺗﻤﺸﺎﺕ ﻣﺒﻌﺪﺓ ... ﻳﺎﻻﻩ ﻏﺘﻘﻄﻊ ﺍﻟﺸﺎﻧﻄﻲ ﻭ ﻫﻲ ﺗﺠﺮ ﻣﻦ ﻳﺪﻫﺎ ﺑﻘﻮﺓ ﺣﺘﻰ ﺿﺎﺭﺕ ... ﻧﻄﺮﺍﺗﻬﺎ ﻣﻨﻮ ﻭ ﻗﺎﻟﺖ ﺑﻌﺼﺒﻴﺔ ...
ﻫﻨﺪ : ﻣﺘﺤﻄﺶ ﻳﺪﻳﻚ ﻋﻠﻴﺎ ... ﺑﺎﻗﻲ ﻋﻨﺪﻙ ﺍﻟﻮﺟﻪ ﺍﻟﻲ ﺗﺠﻲ ﻟﻬﻨﺎ ... ﺁﺍﻩ ﻭ ﻻ ﺟﺎﻱ ﺗﺸﻮﻑ ﻣﺮﺓ ﻣﺰﻭﺟﺔ ﻣﺒﺎﻏﻴﺶ ﺗﻨﺴﺎﻫﺎ ﻭ ﻋﺎﻳﺶ ﺩﻭﺭ ﺍﻟﻌﺎﺷﻖ ﺍﻟﻤﻌﺬﺏ
ﻳﺎﻣﻦ : ﻣﺘﻌﺪﺍﻳﺶ ﺣﺪﻭﺩﻙ
ﻫﻨﺪ : ﻭ ﻣﺎﺗﺤﻄﺶ ﻋﻠﻴﺎ ﻳﺪﻳﻚ ﻭ ﻻ ﺗﻘﺮﺏ ﻟﻴﺎ
ﻳﺎﻣﻦ : ﺟﻴﺖ ﻧﻌﺘﺎﺫﺭ ﻟﻴﻚ ﻋﻠﻰ ﺍﻟﻲ ﻭﻗﻊ ﺩﺍﻙ ﺍﻟﻨﻬﺎﺭ
ﻫﻨﺪ : ﺍﻋﺘﺬﺍﺭﻙ ﻣﻘﺒﻮﻝ ﻭ ﻛﺄﻥ ﻣﺎﻭﻗﻊ ﻭﺍﻟﻮ ... ﺍﻟﻠﻪ ﻳﻌﺎﻭﻥ
ﻳﺎﻣﻦ : " ﻭﻗﻒ ﻟﻴﻬﺎ ﻓﻄﺮﻳﻘﻬﺎ " ﺗﺴﻨﺎﻱ ... ﺑﻐﻴﺖ ﻧﻬﻀﺮ ﻣﻌﺎﻙ ﻓﻮﺍﺣﺪ ﺍﻟﻤﻮﺿﻮﻉ
ﻫﻨﺪ : ﻣﺎﻣﺴﺎﻟﻴﺎﺵ ﻋﻨﺪﻱ ﻣﺎﻳﺪﺍﺭ
ﻳﺎﻣﻦ : ﻓﻴﻦ ﺑﺎﻏﻴﺔ ﺗﻤﺸﻲ ﻧﻮﺻﻠﻚ ﻭ ﻧﻬﻀﺮﻭ
ﻫﻨﺪ : " ﺳﻬﺎﺕ ﻓﻤﻼﻣﺤﻮ ﺍﻟﺮﺟﻮﻟﻴﺔ ﻟﻠﺤﻈﺔ " ﻍ ﻏﺎﺩﻳﺔ ﻟﻮﺍﺣﺪ ﻟﺒﻼﺻﺔ
ﻳﺎﻣﻦ : ﺧﻠﻴﻨﻲ ﻧﻮﺻﻠﻚ ﺑﺎﺵ ﻧﻌﺮﻑ ﺃﻧﻚ ﻗﺒﻠﺘﻲ ﺍﻋﺘﺬﺍﺭﻱ
ﺩﺍﺭ ﻟﻴﻬﺎ ﺇﺷﺎﺭﺓ ﺑﻴﺪﻭ ﺗﺴﺒﻖ ... ﺗﻤﺸﺎﺕ ﻫﻨﺪ ﺑﻜﺒﺮﻳﺎﺀ ﻓﺎﺗﺠﺎﻩ ﺳﻴﺎﺭﺗﻮ ... ﻛﻴﻒ ﻗﺮﺑﺎﺕ ﺳﺒﻖ ﻭ ﺣﻞ ﻟﻴﻬﺎ ﻟﺒﺎﺏ ... ﺣﺴﺎﺕ ﺑﺸﻌﻮﺭ ﺯﻭﻳﻦ ﻓﺪﺍﺧﻠﻬﺎ ... ﻃﻠﻌﺎﺕ ﻭ ﺿﺎﺭ ﻫﻮ ﺭﻛﺐ ... ﺍﻧﻄﺎﻟﻖ ﻳﺎﻣﻦ ﺳﺎﻳﻖ ﺑﻌﺪﻣﺎ ﻃﻠﺐ ﻣﻨﻬﺎ ﺗﻜﺘﺐ ﺍﻟﻌﻨﻮﺍﻥ ﻑ GPS ...
ﺿﻮﺭﺍﺕ ﻭﺟﻬﺎ ﻟﺠﻬﺔ ﺍﻟﻨﺎﻓﺬﺓ ﻭ ﻫﻲ ﻛﺘﺤﺎﻭﻝ ﺗﺴﻴﻄﺮ ﻋﻠﻰ ﺍﻹﺣﺴﺎﺱ ﺍﻟﻲ ﻓﺪﺍﺧﻠﻬﺎ ... ﺭﻳﺤﺘﻮ ﺍﻟﺮﺟﻮﻟﻴﺔ ﺍﻟﻲ ﻣﺎﻟﻴﺔ ﺍﻟﺴﻴﺎﺭﺓ ﻭ ﻭﺟﻮﺩﻭ ﺟﻨﺒﻬﺎ ﻓﻬﺎﺩ ﺍﻟﻠﺤﻈﺔ ﺿﺮﺏ ﮔﺎﻉ ﺩﺍﻛﺸﻲ ﺍﻟﻲ ﻛﺎﻧﺖ ﻛﺘﻘﺎﻭﻣﻮ ﻣﺪﺓ ﻫﺎﺩﻱ ... ﻋﺎﺭﻓﺔ ﺃﻧﻬﺎ ﻣﻨﺠﺎﺫﺑﺔ ﻟﻴﻪ ﻣﻦ ﺷﺤﺎﻝ ﻫﺬﺍ ...
ﻭ ﻷﻧﻪ ﻛﺎﻥ ﻣﻊ ﺟﻮﻻﻥ ﻭﺍﺧﺔ ﺍﻛﺪﺍﺕ ﻟﻴﻬﺎ ﺃﻧﻬﺎ ﻛﺘﻌﺘﺎﺑﺮﻭ ﺻﺪﻳﻖ ﻓﻘﻂ ... ﻟﻜﻦ ﻣﻊ ﺫﻟﻚ ﺻﺮﻓﺎﺕ ﺩﺍﻙ ﺍﻟﺸﻌﻮﺭ ... ﻭ ﺑﻌﺪ ﺯﻭﺍﺝ ﺟﻮﻻﻥ ﻭ ﺍﻟﻴﻮﻡ ﺍﻟﻲ ﺷﺎﻓﺘﻮ ﻗﺪﺍﻡ ﺍﻟﻌﻤﺎﺭﺓ ﻓﺪﺍﻙ ﺍﻟﺸﻜﻞ ... ﺭﺟﻌﻮ ﺩﻭﻙ ﺍﻷﺣﺎﺳﻴﺲ ﺣﻴﺎﻭ ... ﻭ ﻳﻮﻡ ﺑﺎﺳﻬﺎ ﻛﻴﻒ ﻛﺎﻧﺖ ﺷﺎﻋﻠﺔ ﻏﻀﺐ ... ﺷﻌﻮﺭ ﺩﺍﺧﻠﻬﺎ ﺗﻌﻠﻖ ﺑﻴﻚ ﺃﻛﺜﺮ ...
ﻋﺎﺭﻓﺎﻩ ﻛﻴﺒﻐﻲ ﺟﻮﻻﻥ ﻭ ﺻﻌﺐ ﻳﻨﺴﻰ ﺩﺍﻙ ﺍﻟﺤﺐ ... ﻟﻜﻦ ﻗﻠﺒﻬﺎ ﻣﺎﻣﻄﺎﻭﻋﻬﺎﺵ ... ﻛﺘﺒﻐﻲ ﺗﺤﻴﺪﻭ ﻣﻦ ﺩﻣﺎﻏﻬﺎ ﻟﻜﻦ ﻓﻮﺭ ﻣﻜﺘﺸﻮﻓﻮ ﺍﻟﺴﻌﺎﺩﺓ ﻛﺘﺴﻠﻞ ﻟﻘﻠﺒﻬﺎ ... ﻭ ﻓﻬﺎﺩ ﺍﻟﻠﺤﻈﺔ ﻭ ﻫﻲ ﺭﺍﻛﺒﺔ ﻣﻌﺎﻩ ... ﺣﺎﺳﺔ ﺑﺪﻗﺎﺕ ﻗﻠﺒﻬﺎ ﻛﻴﺠﺮﻳﻮ ﻭ ﻣﻌﺪﺗﻬﺎ ﻣﻤﻠﻮﺀﺓ ﺑﺎﻟﻬﻮﺍﺀ ...
ﻭﻗﻒ ﻳﺎﻣﻦ ﺍﻟﻠﻮﻃﻮ ﻭ ﺷﺎﻑ ﻓﺎﻟﺒﻨﺎﻳﺔ ... ﺿﺎﺭ ﻋﻨﺪﻫﺎ ﻭ ﻗﺎﻝ ...
ﻳﺎﻣﻦ : ﺷﻜﻮﻥ ﻋﻨﺪﻙ ﻫﻨﺎ ؟
ﻫﻨﺪ : ﻣﺎﺷﻲ ﺑﺎﻟﻈﺮﻭﺭﺓ ﻳﻜﻮﻥ ﻋﻨﺪﻱ ﺷﻲ ﺣﺪ ﻫﻨﺎ ﺑﺎﺵ ﻧﺠﻲ ... ﻛﺎﻳﻦ ﺍﻟﻲ ﻛﻴﺴﺎﻋﺪ ﺑﺎﻟﻔﻠﻮﺱ ﺣﻴﻨﺖ ﻋﻨﺪﻭ ... ﻭ ﻛﺎﻳﻦ ﺍﻟﻲ ﻛﻴﻘﺪﻡ ﻣﺴﺎﻋﺪﺍﺕ ﺑﻄﺮﻕ ﺃﺧﺮﻯ ... ﻣﺎﺷﻲ ﺣﻴﻨﺖ ﻣﺎﻋﻨﺪﻳﺶ ﻣﻨﻴﻦ ﻧﻌﻄﻲ ﻧﺮﺑﻊ ﻳﺪﻳﺎ ... ﻋﻄﺎ ﺍﻟﻠﻪ ﻃﺮﻕ ﺃﺧﺮﻯ ﺑﺎﺵ ﻧﻘﺪﻡ ﺑﻴﻬﻢ ﺍﻟﻤﺴﺎﻋﺪﺓ ... ﺑﻠﻤﺎ ﻧﺸﺪﻙ ... ﺷﻜﺮﺍ ﺣﻴﻨﺖ ﻭﺻﻠﺘﻴﻨﻲ
ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﻏﺎﺩﺓ ﺩﺍﺧﻠﺔ ﻟﻠﺒﻨﺎﻳﺔ ﺍﻟﻲ ﻛﺎﻧﺖ ﺩﺍﺭ ﻟﻠﻌﺠﺰﺓ ... ﺗﻠﻔﺘﺎﺕ ﻵﺧﺮ ﻣﺮﺓ ﺑﺎﺵ ﺗﺸﺒﻊ ﻋﻨﻴﻬﺎ ﺑﺸﻔﺘﻮ ... ﺣﺘﻰ ﺗﻔﺎﺟﺂﺕ ﺑﻴﻪ ﺧﺎﺭﺝ ﻣﻦ ﺍﻟﺴﻴﺎﺭﺓ ... ﻗﺮﺏ ﻟﻌﻨﺪﻫﺎ ﻳﺎﻣﻦ ﻭ ﻓﺎﺗﻬﺎ ﻭ ﻫﻮ ﺩﺍﺧﻞ ﻟﻠﻤﻜﺎﻥ ...
ﺗﺒﻌﺎﺗﻮ ﻣﺴﺘﻐﺮﺑﺔ ﻣﻦ ﺗﺼﺮﻓﻮ ... ﻛﻴﻒ ﻭﺻﻠﻮ ﻟﻠﺪﺍﺧﻞ ﺭﺣﺒﻮ ﺑﻴﻬﺎ ﺍﻟﻌﺎﻣﻼﺕ ﺗﻤﺎﻙ ... ﺷﺎﻓﻮ ﻟﺒﻨﺎﺕ ﻓﻴﺎﻣﻦ ﺍﻟﻲ ﻭﺍﻗﻒ ﻣﻌﻬﺎ ﻭ ﺑﺪﺍﻭ ﻛﻴﺘﻐﺎﻣﺰﻭ ... ﻗﺮﺑﺎﺕ ﻣﻨﻬﺎ ﻭﺣﺪﺓ ﻭ ﺳﻮﻻﺗﻬﺎ ...
........ : ﺷﻜﻮﻥ ﺩﺍﻙ ﺍﻟﺒﻮﮔﻮﺹ ﺍﻟﻲ ﺟﺎ ﻣﻌﺎﻙ
ﻫﻨﺪ : ﻣﺠﺎﺵ ﻣﻌﻴﺎ
ﻳﺎﻣﻦ : " ﻗﺮﺏ ﻋﻨﺪ ﻟﺒﻨﺖ ﻭ ﻣﺪ ﻳﺪﻭ ﻟﻴﻬﺎ " ﺧﻄﻴﺒﻬﺎ ... ﻛﺎﻳﻦ ﻓﺎﺵ ﻧﻌﺎﻭﻧﻜﻢ
ﺣﻼﺕ ﻫﻨﺪ ﻓﻤﻬﺎ ﻭ ﻋﻨﻴﻬﺎ ﻣﻦ ﺍﻟﻜﻠﻤﺔ ﺍﻟﻲ ﻧﻄﻖ ... ﻛﺘﺴﻤﻊ ﻓﺎﻟﺒﻨﺎﺕ ﻛﻴﺒﺎﺭﻛﻮ ﻟﻴﻬﺎ ﻫﻲ ﻭﻳﺎﻩ ... ﻭ ﻫﻲ ﺑﺎﻗﺔ ﻣﺼﺪﻭﻣﺔ ﻭ ﻣﺎﻣﺘﻴﻘﺎﺵ ﺷﻨﻮ ﻗﺎﻝ ... ﺿﺎﺭﺕ ﺷﺎﻓﺖ ﻓﻴﻪ ﻟﻘﺎﺗﻮ ﻣﺒﺘﺎﺳﻢ ﻭ ﻛﻴﺘﻜﻠﻢ ﻣﻊ ﻟﺒﻨﺎﺕ ﻭ ﺩﺍﻳﺮ ﻣﻌﺎﻫﻢ ﺍﻟﺼﻮﺍﺏ ...
ﺩﺍﻭﻫﻢ ﻟﺒﻨﺎﺕ ﻟﻠﺪﺍﺧﻞ ... ﻛﺎﻧﺖ ﺻﺎﻟﺔ ﻛﺒﻴﺮﺓ ﻓﻴﻬﺎ ﻃﺒﺎﻟﻲ ﻭ ﻛﺮﺍﺳﻲ ... ﻋﺎﻣﺮﺓ ﻧﺎﺱ ﻛﺒﺎﺭ ﻓﺎﻟﺴﻦ ﺭﺟﺎﻝ ﻭ ﻧﺴﺎﺀ ... ﺳﺒﻘﺎﺕ ﻫﻨﺪ ﻭ ﺍﺑﺘﺴﺎﻣﺔ ﻋﺮﻳﻀﺔ ﻋﻠﻰ ﻭﺟﻬﺎ ... ﻗﺮﺑﺎﺕ ﻷﻭﻝ ﻃﺒﻠﺔ ﻭ ﻓﺘﺤﺎﺕ ﺩﺭﺍﻋﻬﺎ ﺑﺠﻮﺝ ... ﻛﺎﻧﺖ ﻛﺘﻌﻨﻖ ﻓﺎﻟﻨﺴﺎﺀ ﻭ ﺗﺴﻠﻢ ﻋﻠﻴﻬﻢ ﺑﺤﺮﺍﺭﺓ ﻭ ﻫﻤﺎ ﻛﻴﺒﺎﺩﻟﻮﻫﺎ ﻧﻔﺲ ﺍﻟﺸﻲﺀ ... ﻛﻴﺘﻌﺎﻣﻠﻮ ﻣﻌﻬﺎ ﻛﺄﻧﻬﻢ ﻛﻴﻌﺮﻓﻮﻫﺎ ...
ﻳﺎﻣﻦ ﻭﺍﻗﻒ ﻭ ﻣﺮﺍﻗﺒﻬﺎ ... ﻛﻴﻔﺎﺵ ﺍﺑﺘﺴﺎﻣﺘﻬﺎ ﺑﺪﻻﺕ ﺍﻟﻤﻮﺩ ﻭ ﻓﺮﺣﻮ ﻟﺮﺅﻳﺘﻬﺎ ... ﻛﺎﻥ ﻭﺍﺿﺢ ﺃﻧﻬﺎ ﻣﺎﺷﻲ ﺯﻳﺎﺭﺗﻬﺎ ﺍﻷﻭﻟﻰ ﻟﻬﺎﺩ ﺍﻟﻤﻜﺎﻥ ﻭ ﺍﻟﻌﺠﺰﺓ ﻣﻮﺍﻟﻔﻴﻦ ﻣﺠﻴﺌﻬﺎ ... ﺟﻠﺴﺎﺕ ﻣﻊ ﻣﺠﻤﻮﻋﺔ ﻣﻦ ﺍﻟﻨﺴﺎﺀ ﻣﺠﻤﻌﺔ ﻭ ﻛﻀﺤﻚ ﻣﻦ ﻗﻠﺒﻬﺎ ...
ﺷﻮﻳﺔ ﻭﻗﻔﺎﺕ ﻭ ﺗﻮﺟﻬﺎﺕ ﻟﺒﺎﺏ ﺍﻟﻲ ﻓﺎﻟﺠﻬﺔ ﺍﻷﺧﺮﻯ ... ﺑﻌﺪ ﺩﻗﺎﺋﻖ ﺧﺮﺟﺎﺕ ﺟﺎﺭﺓ ﻃﺒﻠﺔ ﻓﻴﻬﺎ ﺍﻻﻛﻞ ﻭ ﺑﺪﺍﺕ ﺗﻮﺯﻉ ﻋﻠﻰ ﺍﻟﻄﺒﺎﻟﻲ ... ﻓﻮﺍﺣﺪ ﺍﻟﻠﺤﻈﺔ ﺷﺎﻓﺖ ﻓﺎﻟﺠﻬﺔ ﺍﻟﻲ ﻭﺍﻗﻒ ﻳﺎﻣﻦ ﻭ ﺑﺴﺮﻋﺔ ﺑﻌﺪﺍﺕ ﻋﻨﻴﻬﺎ ... ﺭﺟﻌﺎﺕ ﺩﺧﻼﺕ ﻣﻦ ﻧﻔﺲ ﺍﻟﺒﺎﺏ ...
ﺗﺤﺮﻙ ﻳﺎﻣﻦ ﻭ ﺗﺒﻌﻬﺎ ... ﻛﺎﻥ ﻣﻄﺒﺦ ﻛﺒﻴﺮ ﻓﻴﻪ ﻧﺎﺱ ﻛﻴﻄﻴﺒﻮ ﻭ ﺁﺧﺮﻭﻥ ﻛﻴﻮﺯﻋﻮ ﺍﻷﻛﻞ ... ﺷﺎﻓﻬﺎ ﻭﺍﻗﻔﺔ ﻛﺘﻐﺴﻞ ﻟﻤﺎﻋﻦ ... ﺧﺮﺝ ﻳﺪﻳﻪ ﻣﻦ ﺍﻟﺠﻴﺐ ﻭ ﺣﻞ ﺻﺪﺍﻓﻲ ﺍﻟﻘﻤﻴﺠﺔ ... ﻃﻠﻊ ﻟﻜﻤﺎﻡ ﻭ ﻗﺮﺏ ﻭﻗﻒ ﺟﻨﺒﻬﺎ ... ﺷﺎﻓﺖ ﻓﻴﻪ ﻫﻨﺪ ﻭ ﻫﻮ ﻛﻴﺸﻠﻞ ﺩﺍﻛﺸﻲ ﺍﻟﻲ ﺣﻜﺎﺕ ... ﺑﻘﺎﺕ ﻣﻔﻴﻜﺴﻴﺔ ﻋﻨﻴﻬﺎ ﻓﻴﻪ ﺣﺘﻰ ﻗﺎﻝ ﻟﻴﻬﺎ ...