ﺷﻜﺮﺍﺗﻮ ﻭ ﻏﺎﺩﺭﺍﺕ ﺍﻟﺸﺮﻛﺔ ... ﺷﺪﺍﺕ ﻃﺎﻛﺴﻲ ﻭ ﺗﻮﺟﻬﺎﺕ ﻟﻠﺸﻘﺔ ﺩﻳﺎﻟﻮ ... ﻓﻴﻦ ﻣﻤﻜﻦ ﻳﻤﺸﻲ ﻻ ﻣﻜﺎﻥ ﻓﻴﻬﺎ ... ﺑﻌﺪﻣﺎ ﻭﺻﻼﺕ ﻭﻗﻔﺎﺕ ﻗﺪﺍﻡ ﺑﺎﺏ ﺍﻟﺸﻘﺔ ﻭ ﺿﻐﻄﺎﺕ ﻋﻠﻰ ﺍﻟﺰﺭ ... ﺭﺟﻌﺎﺕ ﺿﻐﻄﺎﺕ ﻋﻠﻴﻪ ﻣﺮﺓ ﺃﺧﺮﻯ ... ﻭ ﺑﻌﺪﻣﺎ ﺗﺴﻨﺎﺕ ﻣﺪﺓ ﻋﺮﻓﺎﺕ ﺃﻧﻪ ﻣﻜﺎﻳﻨﺶ ...
ﻫﺒﻄﺎﺕ ﻓﺎﻟﻤﺼﻌﺪ ﻭ ﺍﻟﺨﻮﻑ ﺑﺪﺍ ﻳﺘﺴﻠﻞ ﻟﻴﻬﺎ ... ﻃﻠﻌﺎﺕ ﻟﺸﻘﺘﻬﺎ ﺩﺧﻼﺕ ﻛﺘﺎﻓﻬﺎ ﻃﺎﺣﻴﻦ ﻭ ﻭﺟﻬﺎ ﺑﺎﻳﻦ ﻋﻠﻴﻪ ﺍﻟﺤﺰﻥ ﻭ ﺍﻹﺭﻫﺎﻕ ﻭ ﻗﻠﺔ ﺍﻟﻨﻌﺎﺱ ...
ﻻﺣﺖ ﺻﺎﻛﻬﺎ ﻓﻮﻕ ﺍﻟﻔﻮﻃﻮﻱ ﻭ ﭼﻠﺴﺎﺕ ﺑﺘﺜﺎﻗﻞ ... ﺳﻤﻌﺎﺕ ﺻﻮﺕ ﺑﺎﻫﺎ ﻣﻦ ﻭﺭﺍﻫﺎ ﻭ ﻫﻲ ﺗﻘﺎﺩ ﻓﺎﻟﭽﻠﺴﺔ ... ﺣﺎﻭﻻﺕ ﺗﺨﺒﻲ ﻗﻠﻘﻬﺎ ﻭ ﺣﺰﻧﻬﺎ ﻭ ﺿﺎﺭﺕ ﻋﻨﺪﻭ ...
ﺇﺑﺮﺍﻫﻴﻢ : ﺧﺮﺟﺘﻲ ﺍﻟﻴﻮﻡ ﺑﻜﺮﻱ ... ﻳﻜﻤﺎ ﺧﺎﺭﺟﺔ ﻋﻮﺗﺎﻧﻲ ﻣﻊ ﻟﺒﻨﺎﺕ !
ﺟﻮﻻﻥ : ﻻ ... ﻏﻴﺮ ﻋﻴﺎﻧﺔ ﺷﻮﻳﺔ
ﺇﺑﺮﺍﻫﻴﻢ : " ﺗﻘﺎﺑﻞ ﻣﻌﻬﺎ " ﺁﺵ ﻭﺍﻗﻊ ﻣﻌﺎﻙ ... ﻳﺎﻛﻤﺎ ﻣﺮﻳﻀﺔ ... ﺍﺗﺎﺻﻠﻲ ﺑﺨﻄﻴﺒﻚ ﻳﺪﻳﻚ ﻟﺼﺒﻴﺘﺎﺭ ؟
ﺟﻮﻻﻥ : " ﻓﻨﻔﺴﻬﺎ : ﺣﺘﻰ ﻧﻌﺮﻑ ﻓﻴﻦ ﻛﺎﻳﻦ ﺑﻌﺪﺍ " ﻻ ﻣﺎﻣﺮﻳﻀﺎﺵ ﻏﻴﺮ ﻟﻌﻴﺎ
ﺇﺑﺮﺍﻫﻴﻢ : ﺩﺧﻠﻲ ﻟﺒﻴﺘﻚ ﺍﺭﺗﺎﺣﻲ " ﺷﺎﻑ ﻋﻼﻣﺎﺕ ﺍﻟﺤﺰﻥ ﻓﻮﺟﻬﺎ " ﻧﺴﻴﺖ ﺷﻲ ﺣﺎﺟﺔ ﻣﻬﻤﺔ ﻣﺎﻗﻠﺘﻬﺎﺵ ﻟﻴﻚ
ﺟﻮﻻﻥ : ﺷﻨﻮ ﻫﻲ ﺍﺑﺎﺑﺎ ؟
ﺇﺑﺮﺍﻫﻴﻢ : ﺍﻟﺪﺍﺭ ﺑﺎﻗﺔ ﻓﺴﻤﻴﺘﻲ ﻭ ﺧﻄﻴﺒﻚ ﺧﺮﺝ ﺧﺪﻳﺠﺔ ﻣﻨﻬﺎ
ﺟﻮﻻﻥ : " ﺑﻌﺪﻡ ﺍﺳﺘﻴﻌﺎﺏ " ﺁﺍ ... ﺭﺋﺒﺎﻝ ﺧﺮﺝ ﺧﺪﻳﺠﺔ ... ﺍﻣﺘﻰ ﻫﺎﺩﺷﻲ ﻭ ﻋﻼﺵ ﺩﺍﺭ ﻫﺎﻛﺔ !
ﺇﺑﺮﺍﻫﻴﻢ : " ﻋﺎﻭﺩ ﻟﻴﻬﺎ ﻋﻠﻰ ﺍﻻﺗﻔﺎﻕ ﺍﻟﻲ ﻛﺎﻧﺖ ﺑﻴﻨﺎﺗﻬﻢ " ﻫﻮ ﻣﺎﺷﻲ ﺷﺮﺍﻙ ﻟﻜﻦ ﻛﺎﻥ ﺑﺎﻏﻲ ﻳﻨﻘﺬﻙ ﻣﻨﻲ ... ﻭ ﺃﻧﺎ ﻭﺍﻓﻘﺖ ﺑﺴﺒﺐ ﺍﻟﻄﻤﻊ ... ﺑﺠﻮﺝ ﻏﻠﻄﻨﺎ ﻓﺤﻘﻚ ﺩﺍﻙ ﺍﻟﻮﻗﺖ ... ﻭ ﻟﻜﻦ ﻫﻮ ﻛﺎﻧﺖ ﻧﻴﺘﻮ ﺃﺣﺴﻦ ﻣﻦ ﻧﻴﺘﻲ ﺍﻧﺎ ﺍﻟﻲ ﺑﺎﻙ ...
ﻭ ﻭﺍﺧﺔ ﻋﺎﺭﻓﻚ ﺑﻐﺎﻩ ﻛﻦ ﻣﺎ ﻛﻨﺖ ﻣﺘﺄﻛﺪ ﻏﺎﺩﻱ ﻳﺤﻤﻴﻚ ﻭ ﻳﻜﻮﻥ ﻗﺪ ﺍﻟﻜﻠﻤﺔ ﻣﺎ ﻛﻨﺘﺶ ﻭﺍﻓﻘﺖ ... ﻣﺒﺎﻏﻴﺶ ﻧﻌﺎﻭﺩ ﻧﻔﺲ ﺍﻷﺧﻄﺎﺀ ﺩﻳﺎﻝ ﺷﺤﺎﻝ ﻫﺬﺍ ... ﻭ ﺩﺍﺑﺔ ﻋﺎﻭﺩﺕ ﻟﻴﻚ ﻣﺎﺷﻲ ﺑﺎﺵ ﻧﺄﺛﺮ ﻋﻠﻰ ﻗﺮﺍﺭﻙ ﻭ ﻟﻜﻦ ﻣﺎﺑﻐﻴﺘﺶ ﻧﺨﺒﻲ ﻋﻠﻴﻚ ﻭ ﻻ ﻧﻜﺬﺏ ﻣﺰﺍﻝ ... " ﻫﺰ ﺍﻟﻈﺮﻑ ﻣﻦ ﻓﻮﻕ ﺍﻟﻄﺒﻠﺔ ﻭ ﻣﺪﻭ ﻟﻴﻬﺎ " ﺭﺟﻌﻲ ﻟﻴﻪ ﻭﺭﺍﻕ ﻣﻠﻜﻴﺔ ﺍﻟﺪﺍﺭ ... ﻣﺎﻧﻘﺪﺭﺵ ﻧﻘﺒﻠﻬﺎ ﻣﻨﻮ ﻫﻲ ﻭ ﺍﻟﻤﺤﻞ
ﺟﻮﻻﻥ ﺑﻘﺎﺕ ﺳﺎﻛﺘﺔ ﻟﻤﺪﺓ ... ﻛﺘﺴﺘﻮﻋﺐ ﻛﻼﻡ ﺑﺎﻫﺎ ﻭ ﺗﺮﺑﻂ ﺍﻻﺣﺪﺍﺙ ﺩﻳﺎﻝ ﺷﺤﺎﻝ ﻫﺬﺍ ... ﺷﺎﻓﺖ ﻓﺒﺎﻫﺎ ﻭ ﺭﺟﻌﺎﺕ ﻟﻴﻪ ﺍﻟﻈﺮﻑ ...
ﺟﻮﻻﻥ : ﻫﻮ ﻋﻄﺎﻩ ﻟﻴﻚ ﺍﺫﻥ ﺧﺎﺹ ﺗﻘﺒﻠﻮ ... ﻫﺎﺩﻳﻚ ﺩﺍﺭﻧﺎ ... ﻃﻠﻌﺎﺕ ﻃﻮﺑﺔ ﺑﻄﻮﺑﺔ ﻣﻦ ﻓﻠﻮﺳﻚ ﻭ ﻋﺮﻕ ﺟﺒﻴﻨﻚ ... ﻭ ﻣﻨﻴﻦ ﺑﺠﻮﺝ ﺑﻴﻜﻢ ﻋﺮﻓﺘﻮ ﺍﻟﺨﻄﺄ ﻭ ﺃﻗﺮﻳﺘﻮ ﺑﻴﻪ ﻫﺬﺍ ﻫﻮ ﺍﻟﻤﻬﻢ ... ﻣﻐﺎﺩﻱ ﻧﺤﺎﺳﺐ ﺣﺘﻰ ﻭﺍﺣﺪ ﻓﻴﻜﻢ ﻋﻠﻰ ﺍﻟﻲ ﺩﺍﺯ ...
ﮔﺎﻉ ﻛﻨﺨﻄﺆﻭ ... ﻭ ﺃﻧﺎ ﻓﻌﻼ ﻧﺴﻴﺖ ﻛﻞ ﻣﺎ ﻳﺘﻌﻠﻖ ﺑﺎﻟﻤﺎﺿﻲ ... ﻭ ﺑﺎﻏﺔ ﻧﻔﺮﺡ ﻭ ﻧﻌﻴﺶ ﻣﺮﺗﺎﺣﺔ ... ﻫﺬﺍ ﻫﻮ ﺍﻟﻤﻬﻢ ﻋﻨﺪﻱ ... ﻭ ﺳﻌﺎﺩﺗﻲ ﻣﻊ ﺩﺍﻙ ﺍﻹﻧﺴﺎﻥ " ﻭﻗﻔﺎﺕ " ﺑﺎﺑﺎ ﻏﻨﺨﺮﺝ ﺷﻮﻳﺔ ... ﻣﻐﺎﺩﻳﺶ ﻧﺘﻌﻄﻞ
ﻫﺰﺍﺕ ﺟﻮﻻﻥ ﺍﻟﻔﻮﻥ ﺩﻳﺎﻟﻬﺎ ﻭ ﺍﻟﺴﻮﺍﺭﺕ ... ﺧﺮﺟﺎﺕ ﻣﻦ ﺍﻟﻌﻤﺎﺭﺓ ﻭ ﺗﻤﺸﺎﺕ ﺟﻨﺐ ﺍﻟﻄﺮﻳﻖ ﻟﻤﺴﺎﻓﺔ ... ﻛﺎﻥ ﺍﻟﻮﻗﺖ ﻏﺮﻭﺏ ﺍﻟﺸﻤﺲ ﻭ ﺑﺪﺍﻭ ﺃﺿﻮﺍﺀ ﺍﻷﻋﻤﺪﺓ ﺍﻟﻲ ﻋﻠﻰ ﻃﻮﻝ ﺍﻟﺮﺻﻴﻒ ﻛﻴﺸﻌﻠﻮ ... ﺣﺴﺎﺕ ﺑﺎﻟﻌﻴﺎﺀ ﻭ ﻫﻲ ﺗﺸﺪ ﻃﺎﻛﺴﻲ ...
ﺑﻌﺪ ﻣﺪﺓ ﻗﺼﻴﺮﺓ ﺣﻄﻬﺎ ﻓﺎﻟﺤﻮﻣﺔ ﺩﻳﺎﻟﻬﻢ ﺍﻟﻘﺪﻳﻤﺔ ... ﻫﺒﻄﺎﺕ ﻏﺎﺩﺓ ﻛﺘﺸﻮﻑ ﻓﺄﺭﺟﺎﺀ ﺍﻟﺤﻮﻣﺔ ﻭ ﻓﺎﻻﻭﺟﻪ ﺍﻟﻤﺄﻟﻮﻓﺔ ... ﻓﺠﺄﺓ ﻭﻗﻔﺎﺕ ﻓﻤﻜﺎﻧﻬﺎ ﻭ ﻋﻨﻴﻬﺎ ﻋﻠﻴﻪ ... ﻛﺎﻥ ﻭﺍﻗﻒ ﻓﻨﻔﺲ ﺍﻟﺒﻘﻌﺔ ﺍﻟﻲ ﻛﺎﻧﺖ ﺷﺎﻓﺘﻮ ﻓﻴﻬﺎ ﺃﻭﻝ ﻣﺮﺓ ﻭ ﻫﻮ ﻭﺍﻗﻒ ﺗﺤﺖ ﺍﻟﺸﺘﺎ ... ﻋﺎﻃﻲ ﺑﻈﻬﺮﻭ ﻟﺪﺍﺭﻫﻢ ﻭ ﻣﻘﺎﺑﻞ ﻣﻊ ﺩﺍﺭ ﺍﻟﺤﺎﺝ ...
ﺩﺍﺑﺔ ﻋﺎﺩ ﻋﺮﻓﺎﺕ ﺳﺒﺐ ﻭﺟﻮﺩﻭ ﻓﺪﻳﻚ ﺍﻟﻠﺤﻈﺔ ... ﻳﻌﻨﻲ ﻛﺎﻥ ﻋﺎﺭﻑ ﺑﻮﺟﻮﺩﻫﻢ ﻣﻦ ﺳﻨﻮﺍﺕ ﻋﺪﻳﺪﺓ ... ﺗﺴﺎﺀﻻﺕ ﺑﻴﻨﻬﺎ ﻭ ﺑﻴﻦ ﻧﻔﺴﻬﺎ ﺷﺤﺎﻝ ﻛﺎﻥ ﻋﻨﺪﻭ ﺳﺎﻋﺘﻬﺎ ... ﻛﺎﻥ ﻓﺄﻭﺍﺋﻞ ﺍﻟﻌﺸﺮﻳﻨﺎﺕ ... ﻟﻜﻦ ﺩﺍﺑﺔ ﻫﻲ ﻋﺎﺭﻓﺔ ﻛﻠﺸﻲ ﻭ ﻗﺪﺭﺍﺕ ﺗﻔﻬﻢ ﺻﻌﻮﺑﺔ ﺗﺮﺩﺩﻭ ﺑﺄﻧﻪ ﻳﻘﺎﺑﻠﻬﻢ ... ﻛﻴﻔﺎﺵ ﻏﺎﺩﻱ ﻳﻘﺪﺭ ﻳﻌﺎﻭﺩ ﻟﻴﻬﻢ ﻋﻠﻰ ﺑﻨﺘﻬﻢ ﺍﻟﻲ ﻣﺎﺗﺖ ﻣﻨﺘﺎﺣﺮﺓ ...
ﻭ ﻻ ﻋﻠﻰ ﻃﻔﻮﻟﺘﻮ ﺍﻟﺒﺎﺋﺴﺔ ﻭ ﺃﻓﻌﺎﻟﻮ ﻭ ﺇﻇﻄﺮﺍﺑﻮ ﺍﻟﻨﻔﺴﻲ ... ﺣﺘﻰ ﺟﺰﺀ ﻣﻦ ﺣﻴﺎﺗﻮ ﻣﺎﻛﻴﺪﻋﻲ ﻟﻠﻤﻔﺨﺮﺓ ... ﺷﻜﻮﻥ ﻫﺎﺩﻭ ﺍﻟﻲ ﻏﺎﺩﻱ ﻳﺘﻘﻠﺒﻮ ﺣﻔﻴﺪ ﺑﺤﺎﻝ ﻫﺎﻛﺔ ﺑﺼﺪﺭ ﺭﺣﺐ ... ﺃﻛﻴﺪ ﻫﺎﺩﺷﻲ ﺍﻟﻲ ﻛﻴﻀﻮﺭ ﻓﺒﺎﻟﻮ ﻫﺎﺩ ﺍﻟﻠﺤﻈﺔ ... ﺧﺪﺍﺕ ﻧﻔﺲ ﻭ ﻫﻲ ﻣﺎﻧﻌﺔ ﺭﺍﺳﻬﺎ ﻣﻦ ﺃﻧﻬﺎ ﺗﺒﻜﻲ ﻭ ﺗﻘﺪﻣﺎﺕ ﺑﺨﻄﻮﺍﺕ ﺑﻄﻴﺌﺔ ﻓﺎﺗﺠﺎﻫﻮ ...
ﻭﺍﻗﻒ ﺑﺎﺳﺘﻘﺎﻣﺔ ﻭ ﻋﻨﻴﻪ ﻋﻠﻰ ﺩﺍﺭ ﻭﺍﻟﺪﻳﻦ ﺍﻷﻡ ﺍﻟﻲ ﺟﺎﺑﺘﻮ ﻟﻬﺎﺩ ﺍﻟﺪﻧﻴﺎ ﻭ ﻏﺎﺩﺭﺍﺗﻬﺎ ﻭ ﻫﻮ ﻓﺴﻦ ﺍﻟﺨﺎﻣﺴﺔ ... ﺣﺮﻣﺎﺗﻮ ﻣﻨﻬﺎ ﻭ ﻣﻦ ﻃﻔﻮﻟﺔ ﻃﺒﻴﻌﻴﺔ ... ﻭ ﺣﺮﻣﺎﺗﻮ ﻣﻦ ﺃﻧﻪ ﻳﻌﻴﺶ ﻭﺳﻂ ﻋﺎﺋﻠﺘﻮ ﺍﻟﻮﺣﻴﺪﺓ ... ﻟﻜﻦ ﻋﻤﺮﻭ ﻻﻣﻬﺎ ﻭ ﻻ ﻗﺪﺭ ﻳﺤﻘﺪ ﻋﻠﻴﻬﺎ ...
ﺭﻏﻢ ﻣﻌﺎﻣﻠﺘﻬﺎ ﺍﻟﻘﺎﺳﻴﺔ ﻭ ﺍﺑﻌﺎﺩﻫﺎ ﻟﻴﻪ ... ﻛﺎﻧﺖ ﻭ ﻣﺰﺍﻟﺖ ﺃﻏﻠﻰ ﺷﺨﺺ ﻓﺤﻴﺎﺗﻮ ... ﺍﻷﻡ ﺩﻳﺎﻟﻮ ﻫﻲ ﻋﻼﻣﻦ ﺣﻞ ﻋﻨﻴﻪ ﻭ ﺫﺍﻕ ﻣﻨﻬﺎ ﺑﻌﺾ ﺍﻟﺤﻨﺎﻥ ﻓﻠﺤﻈﺎﺕ ﺿﻌﻔﻬﺎ ... ﻗﺒﻞ ﻣﺎ ﺗﺪﻓﻌﻮ ﻋﻠﻴﻬﺎ ﻛﻞ ﻣﺮﺓ ﺗﺬﻛﺮﺍﺕ ﺑﺎﻩ ﻭ ﻫﺠﺮﻭ ﻟﻴﻬﻢ ... ﺑﻌﺪﻣﺎ ﺗﺨﻼﺕ ﻋﻠﻰ ﻛﻠﺸﻲ ... ﻭﺍﻟﺪﻳﻬﺎ ﻣﺴﺘﻘﺒﻠﻬﺎ ﻭ ﺣﻴﺎﺗﻬﺎ ...
ﺣﺲ ﺑﻴﺪ ﺻﻐﻴﺮﺓ ﺩﺍﻓﺌﺔ ﺗﺸﺎﺑﻜﺎﺕ ﻣﻊ ﻳﺪﻭ ... ﻋﺮﻓﻬﺎ ﻣﻦ ﺧﻄﻮﺍﺗﻬﺎ ﻭ ﻣﻦ ﺭﻳﺤﺘﻬﺎ ﻗﺒﻞ ﻣﺎﺗﻮﺻﻞ ﻟﻌﻨﺪﻭ ... ﺿﻮﺭ ﻭﺟﻬﻮ ﻟﻌﻨﺪﻫﺎ ﻭ ﺗﻼﻗﺎﻭ ﺃﻋﻴﻨﻬﻢ ...
ﺿﻐﻂ ﻋﻠﻰ ﻳﺪﻫﺎ ﻭﺳﻂ ﻳﺪﻭ ... ﻭ ﻫﻤﺎ ﻛﻴﺘﺒﺎﺩﻟﻮ ﺍﻟﻨﻈﺮﺍﺕ ﻛﺎﻧﺖ ﻟﻐﺔ ﺍﻷﻋﻴﻦ ﺃﻗﻮﻯ ﻣﻦ ﺍﻟﻠﺴﺎﻥ ... ﻛﺄﻥ ﺍﻟﻮﻗﺖ ﺗﻮﻗﻒ ﻭ ﺭﺟﻌﻮ ﻟﺪﺍﻙ ﺍﻟﻴﻮﻡ ... ﻫﻮ ﻭﺍﻗﻒ ﺗﺤﺖ ﺍﻟﺸﺘﺎ ﻭ ﻛﻮﻟﻮ ﻣﺒﻠﻞ ﻭ ﻓﻠﺤﻈﺔ ﺣﺲ ﺑﻘﻄﺮﺍﺕ ﺍﻟﺸﺘﺎ ﺗﻮﻗﻔﻮ ...
ﺿﺎﺭ ﻭ ﻟﻘﺎ ﻓﺘﺎﺓ ﻻﺑﺴﺔ ﻧﻈﺎﺭﺍﺕ ﻭﺍﻗﻔﺔ ﺟﻨﺒﻮ ﻭ ﻫﺎﺯﺓ ﺍﻟﻤﻈﻠﺔ ﻷﻋﻠﻰ ﺑﺎﺵ ﺗﻐﻄﻴﻪ ... ﻧﻔﺲ ﺍﻟﺪﻓﺊ ﺍﻟﻲ ﺣﺲ ﺑﻴﻪ ﻓﺪﻳﻚ ﺍﻟﻠﺤﻈﺔ ﺧﺎﻟﺠﻮ ﻭ ﻫﻲ ﺷﺎﺩﺓ ﻓﻴﺪﻭ ... ﻣﻌﺎﻩ ﻓﺎﻟﻠﺤﻈﺔ ﺍﻟﻲ ﺣﺎﺱ ﺑﻴﻬﺎ ﺑﺎﻟﻀﻌﻒ ... ﺗﺴﻤﻊ ﺻﻮﺗﻬﺎ ﺑﻨﺒﺮﺓ ﺧﺎﻓﺘﺔ ﻭ ﻫﻲ ﻛﺘﺸﻮﻑ ﻣﺒﺎﺷﺮﺓ ﻓﻌﻨﻴﻪ ...
ﺟﻮﻻﻥ : ﻳﻮﻣﻴﻦ ﻭ ﻧﺘﺎ ﻏﺎﺑﺮ ... ﺗﻮﺣﺸﺘﻚ
ﺭﺋﺒﺎﻝ : " ﺍﺑﺘﺎﺳﻢ "
ﺟﻮﻻﻥ : ﺍﻟﻘﺮﺍﺭ ﺩﻳﺎﻟﻚ ... ﺗﺒﻐﻴﻮ ﻧﺪﺧﻠﻮ ﻭ ﻻ ﻧﻤﺸﻴﻮ ؟
ﻣﺠﺎﻭﺑﻬﺎﺵ ﻟﻜﻦ ﺷﺪ ﻋﻠﻰ ﻳﺪﻫﺎ ﺃﻛﺜﺮ ﻭ ﺗﺤﺮﻙ ﻓﺎﺗﺠﺎﻩ ﺍﻟﺪﺍﺭ ... ﺩﻗﺎﺕ ﻓﻠﺒﺎﺏ ﻭ ﻳﺪﻳﻬﻢ ﻓﻴﺪ ﺑﻌﺾ ... ﻟﺤﻈﺎﺕ ﻭ ﺗﺤﻞ ﻟﺒﺎﺏ ... ﻛﺎﻧﺖ ﺍﻟﺤﺎﺟﺔ ﺍﻟﻲ ﻟﻤﺤﺎﺕ ﺟﻮﻻﻥ ﻭ ﺟﺮﺍﺗﻬﺎ ﻋﻨﺪﻫﺎ ﻋﻨﻘﺎﺗﻬﺎ ... ﺑﻘﺎﺕ ﻳﺪﻫﺎ ﻭﺳﻂ ﻳﺪﻭ ﻭ ﻫﻮ ﻛﻴﺸﻮﻑ ﻓﺠﺪﺍﻩ ﻣﻌﻨﻘﺔ ﺟﻮﻻﻥ ...
ﻭ ﺑﻌﺪﻣﺎ ﺑﻌﺪﺍﺕ ﻋﻠﻴﻬﺎ ﺩﻭﺯﺍﺕ ﻳﺪﻫﺎ ﻋﻠﻰ ﻭﺟﻪ ﺟﻮﻻﻥ ﻛﺘﻄﻤﺄﻥ ﻋﻠﻴﻬﺎ ... ﺭﺋﺒﺎﻝ ﺧﺪﺍ ﻭﻗﺘﻮ ﻭ ﺃﻭﻝ ﻣﺮﺓ ﻗﺪﺭ ﻳﺤﻘﻖ ﻓﻮﺟﻪ ﺟﺪﺍﻩ ... ﺍﻟﺸﺒﻪ ﻭﺍﺿﺢ ﺑﻴﻨﻬﺎ ﻭ ﺑﻴﻦ ﻣﻮ ﺭﻏﻢ ﻛﺒﺮ ﺳﻨﻬﺎ ... ﺁﺧﻴﺮﺍ ﺷﺎﻓﺖ ﻓﺎﺗﺠﺎﻫﻮ ﻭ ﻗﺎﻟﺖ ﺑﻨﺒﺮﺓ ﻛﻠﻬﺎ ﺣﻨﺎﻥ ...
ﺍﻟﺤﺎﺟﺔ : ﺳﻤﺤﻠﻴﺎ ﺍﻭﻟﺪﻱ ﻣﺎﺷﻔﺘﻜﺶ ... ﺟﻮﻻﻥ ﻏﺎﺑﺖ ﻋﻠﻴﻨﺎ ﻣﺪﺓ ﺣﺘﻰ ﺗﻮﺣﺸﻨﺎﻫﺎ
ﺟﻮﻻﻥ : " ﺣﺴﺎﺕ ﺑﺎﻧﻘﺒﺎﺽ ﺻﺒﺎﻋﻮ ﻋﻨﺪ ﻛﻠﻤﺔ ﻭﻟﺪﻱ " ﺟﺪﺓ ﻫﺬﺍ ﺭﺋﺒﺎﻝ ﺍﻟﻌﺜﻤﺎﻧﻲ " ﺣﺪﺭﺍﺕ ﺭﺍﺳﻬﺎ " ﺧﻄﻴﺒﻲ
ﺍﻟﺤﺎﺟﺔ : ﻋﻘﻠﺖ ﻋﻠﻴﻪ ... ﻫﻲ ﺭﺟﻌﺘﻮ ... ﺍﻟﻠﻪ ﻳﻜﻤﻞ ﻋﻠﻴﻜﻢ ﺑﺎﻟﺨﻴﺮ
ﺟﻮﻻﻥ : ﺁﻣﻴﻦ ... ﻛﺎﻳﻦ ﺟﺪﻱ ؟
ﺍﻟﺤﺎﺟﺔ : ﺁﻩ ﻛﺎﻳﻦ ... ﺩﺧﻠﻮ ﻣﻦ ﻟﺒﺎﺏ
ﺳﺤﺒﺎﺕ ﺟﻮﻻﻥ ﻳﺪﻫﺎ ﻣﻨﻮ ﻭﺍﺧﺔ ﻣﺎﻛﺮﻫﺎﺗﺶ ﺗﺒﻘﻰ ﺷﺎﺩﺓ ﻓﻴﻪ ﻭ ﺗﺤﺴﺴﻮ ﺃﻧﻬﺎ ﻣﻌﺎﻩ ... ﻟﻜﻦ ﺣﺸﻤﺎﺕ ﻳﺸﻮﻓﻬﻢ ﺍﻟﺤﺎﺝ ﻣﺸﺎﺑﻜﻴﻦ ﻟﻴﺪﻳﻦ ... ﻭﺻﻠﻮ ﻟﺒﺎﺏ ﺍﻟﺼﺎﻟﺔ ﻭ ﻫﻮ ﻳﺒﺎﻥ ﻟﻴﻬﺎ ﺍﻟﺤﺎﺝ ﻣﺘﻜﻲ ... ﺩﺧﻼﺕ ﺑﺴﺮﻋﺔ ﻟﻌﻨﺪﻭ ﻭ ﺍﻟﺨﻮﻑ ﻓﻌﻨﻴﻬﺎ ...
ﺟﻮﻻﻥ : ﺟﺪﻱ ﻣﺎﻟﻚ ... ﻋﻼﺵ ﻧﺎﻋﺲ ﻭﺍﺵ ﻣﺮﻳﺾ ؟
ﺍﻟﺤﺎﺝ : ﺑﻨﺘﻲ ﺟﻮﻻﻥ
ﺟﻮﻻﻥ : " ﺑﺎﺳﺖ ﻟﻴﻪ ﻋﻠﻰ ﻳﺪﻭ " ﻭﺍﺵ ﻋﻴﺎﻥ ؟؟
ﺍﻟﺤﺎﺝ : ﻣﺎﺷﻲ ﺷﻲ ﺣﺎﺟﺔ ﺍﺑﻨﺘﻲ ... ﻏﻴﺮ ﺍﻟﻜﻮﻟﻴﺴﺘﻴﺮﻭﻝ ﻃﺎﻟﻊ ﺷﻮﻳﺔ ﻭ ﺭﺟﻠﻴﺎ ﺗﻨﻔﺨﻮ ﻟﻴﺎ ﻓﻬﺎﺩ ﺍﻵﻭﺍﺧﺮ
ﺍﻟﺤﺎﺟﺔ : " ﻗﺎﻃﻌﺎﺗﻮ " ﺍﻟﻄﺒﻴﺐ ﻣﺨﺮﺝ ﻟﻴﻪ ﺍﻟﺪﻭﺍ ﻭ ﻫﻮ ﻣﺎﺑﻐﺎﺵ ﻳﺘﺒﻌﻮ ... ﺭﺟﻊ ﺑﺤﺎﻝ ﺍﻟﺪﺭﺍﺭﻱ ﺍﻟﺼﻐﺎﺭ
ﺟﻮﻻﻥ : ﺷﺮﺏ ﺍﻟﺪﻭﺍ ﻋﻔﺎﻙ ﻭ ﺗﺒﻊ ﻛﻼﻡ ﺍﻟﻄﺒﻴﺐ ... ﻣﺎﺣﻤﻠﺘﺶ ﻧﺸﻮﻓﻚ ﻫﺎﻛﺔ
ﺍﻟﺤﺎﺝ : " ﺷﺎﻑ ﻓﺮﺋﺒﺎﻝ ﺍﻟﻲ ﻭﺍﻗﻒ ﻋﻨﺪ ﻟﺒﺎﺏ " ﺩﺧﻞ ﺍﻭﻟﺪﻱ ... ﻣﺮﺣﺒﺎ ﺑﻴﻚ
ﻗﺮﺏ ﻟﻌﻨﺪﻫﻢ ﺭﺋﺒﺎﻝ ﻭ ﻣﺪ ﻳﺪﻭ ﻟﻠﺤﺎﺝ ... ﺍﻟﺤﺎﺝ ﺑﻐﺎ ﻳﺼﺎﻓﺤﻮ ﺣﺘﻰ ﻓﺎﺟﺄﻭ ﺭﺋﺒﺎﻝ ﻭ ﺑﺎﺱ ﻟﻴﻪ ﻋﻠﻰ ﻳﺪﻳﻪ ﻛﻴﻒ ﻛﺪﻳﺮ ﻟﻴﻪ ﺟﻮﻻﻥ ... ﺟﺮ ﺍﻟﺤﺎﺝ ﻳﺪﻭ ﻭ ﻗﺎﻝ ...
ﺍﻟﺤﺎﺝ : ﺍﻟﻠﻪ ﻳﺮﺿﻲ ﻋﻠﻴﻚ
ﺍﻟﺤﺎﺟﺔ : ﺟﻠﺴﻮ ﻣﺮﺣﺒﺎ ﺑﻴﻜﻢ " ﺗﻤﺎﺕ ﺧﺎﺭﺟﺔ ﻭ ﻫﻲ ﺗﻨﻄﻖ ﺟﻮﻻﻥ " ﺟﻮﻻﻥ : ﺟﺪﺓ ﻏﻴﺮ ﺁﺟﻲ ﻣﺎﺑﻐﻴﻨﺎ ﻭﺍﻟﻮ
ﺍﻟﺤﺎﺟﺔ : ﻭﺍﺧﺔ ﺍﺑﻨﺘﻲ ﺿﺮﻭﺭﻱ ﻧﺪﻳﺮﻭ ﺷﻲ ﺑﺮﺍﺩ ﺩﻳﺎﻝ ﺃﺗﺎﻱ
ﺭﺋﺒﺎﻝ : ﻣﻤﻜﻦ ﺗﭽﻠﺴﻲ ﺑﻐﻴﺖ ﻧﻬﻀﺮ ﻣﻌﺎﻛﻢ ﻓﻮﺍﺣﺪ ﺍﻟﻤﻮﺿﻮﻉ
ﺍﻟﺤﺎﺟﺔ : ﺍﻳﻪ ﺍﻭﻟﺪﻱ
ﭼﻠﺴﺎﺕ ﺍﻟﺤﺎﺟﺔ ﺟﻨﺐ ﺍﻟﺤﺎﺝ ﺍﻟﻲ ﺗﻘﺎﺩ ﻓﺎﻟﭽﻠﺴﺔ ... ﺷﺎﻓﻮ ﺑﺎﺳﺘﻐﺮﺍﺏ ﻓﺮﺋﺒﺎﻝ ﺍﻟﻲ ﻛﺎﻥ ﺳﺎﻛﺖ ﻛﺄﻧﻪ ﻛﻴﺮﺗﺐ ﺷﻨﻮ ﻏﺎﺩﻱ ﻳﻘﻮﻝ ... ﺿﺎﺭ ﻋﻨﺪ ﺟﻮﻻﻥ ﺷﺎﻑ ﻓﻴﻬﺎ ﻭ ﻫﻲ ﺗﺤﺮﻙ ﻟﻴﻪ ﺭﺍﺳﻬﺎ ﺑﻤﻌﻨﻰ ﺃﻧﺎ ﻫﻨﺎ ... ﺭﺟﻊ ﺷﺎﻑ ﻓﻴﻬﻢ ﻭ ﻗﺎﻝ ...
ﺭﺋﺒﺎﻝ : ﻛﺘﻌﺮﻓﻮﻧﻲ ﻋﻠﻰ ﺃﺳﺎﺱ ﺧﻄﻴﺐ ﺟﻮﻻﻥ ﻭ ﻛﻨﺎ ﺗﻼﻗﻴﻨﺎ ﻓﻴﻮﻡ ﺍﻟﺨﻄﺒﺔ ﺍﻟﻲ ﺩﺍﺯﺕ ﻗﺒﻞ ﻋﺎﻣﻴﻦ ﻫﺎﺩﻱ ... ﻧﺘﻮﻣﺎ ﻣﻜﺘﻌﺮﻓﻮ ﻋﻠﻴﺎ ﻭﺍﻟﻮ ﻣﻦ ﻏﻴﺮ ﺍﻹﺳﻢ ... ﻟﻜﻦ ﺃﻧﺎ ﻛﻨﻌﺮﻑ ﻋﻠﻴﻜﻢ ﻛﻠﺸﻲ ﻭ ﺑﺎﻟﺘﻔﺼﻴﻞ ... ﻗﺒﻞ 7 ﺳﻨﻴﻦ ﻟﻘﻴﺖ ﻣﺬﻛﺮﺓ ﺩﻳﺎﻝ ﺍﻟﻮﺍﻟﻴﺪﺓ ﺍﻟﻲ ﻫﻀﺮﺍﺕ ﻓﻴﻬﺎ ﻋﻠﻴﻜﻢ ... ﻋﻠﻰ ﺩﺍﺭﻫﻢ ﻭ ﻭﺍﻟﺪﻳﻬﺎ ... " ﺷﺎﻑ ﻣﻼﻣﺢ ﺍﻟﺪﻫﺸﺔ ﻓﻮﺟﻬﻢ " ﺃﻧﺎ ﻭﻟﺪ ﺭﺑﺎﺏ ﺑﻨﺘﻜﻢ
ﺍﻟﻜﻠﻤﺎﺕ ﻋﺠﺰﺍﺕ ﻋﻠﻰ ﺃﻧﻬﺎ ﺗﻮﺻﻒ ﺗﻌﺎﺑﻴﺮ ﻛﻞ ﻣﻦ ﺍﻟﺤﺎﺟﺔ ﻭ ﺍﻟﺤﺎﺝ ﻓﻬﺎﺩ ﺍﻟﻠﺤﻈﺔ ... ﻟﻜﻦ ﺭﺋﺒﺎﻝ ﻣﺎﺧﻼﺵ ﻟﻴﻬﻢ ﺍﻟﻔﺮﺻﺔ ﻳﺴﺘﻮﻋﺒﻮ ﺩﻗﺔ ﺩﻗﺔ ... ﻗﺮﺭ ﻳﻜﻤﻞ ﻭ ﻳﻌﺎﻭﺩ ﻟﻴﻬﻢ ﻛﻠﺸﻲ ﻗﺒﻞ ﻣﺎ ﻳﺘﺮﺩﺩ ... ﺭﻏﻢ ﺃﻥ ﺍﻟﺤﻘﻴﻘﺔ ﻏﺎﺩﻱ ﺗﺄﻟﻤﻬﻢ ... ﻟﻜﻦ ﺣﺘﻰ ﻟﻮ ﺧﻔﻰ ﺑﻌﺾ ﺍﻷﻣﻮﺭ ﻏﺎﺩﻱ ﻳﻜﻮﻥ ﻛﺄﻧﻪ ﻛﺬﺏ ﻋﻠﻴﻬﻢ ...
ﻭ ﻣﺎﺷﻲ ﻫﺎﺩﻱ ﻫﻲ ﺍﻟﺒﺪﺍﻳﺔ ﺍﻟﻲ ﺑﺎﻏﻲ ﻣﻊ ﺃﻗﺮﺏ ﺷﺨﺼﻴﻦ ﻟﻴﻪ ... ﻋﺎﻭﺩ ﻟﻴﻬﻢ ﻣﻦ ﻳﻮﻡ ﻫﺮﺑﺎﺕ ﺭﺑﺎﺏ ﻣﻦ ﺩﺍﺭﻫﻢ ... ﻟﻴﻮﻡ ﺧﺮﻭﺟﻮ ﻣﻦ ﺍﻟﻤﺴﺘﺸﻔﻰ ...
ﺷﺎﻑ ﻓﺪﻣﻮﻉ ﺍﻟﺤﺎﺟﺔ ﺍﻟﻲ ﺭﻏﻢ ﺑﻜﺎﺀﻫﺎ ﻛﻞ ﻫﺎﺩ ﺍﻟﺴﻨﻮﺍﺕ ﻣﺎﻧﺸﻔﻮﺵ ... ﻭ ﺷﺎﻑ ﻓﺎﻟﺤﺎﺝ ﺍﻟﻲ ﻛﺎﻧﻮ ﻋﻨﻴﻪ ﻣﺪﻣﻌﻴﻦ ... ﺑﻠﻤﺎ ﻳﻀﻮﺭ ﻟﻌﻨﺪﻫﺎ ﻛﺎﻥ ﺻﻮﺕ ﺷﻬﻘﺎﺗﻬﺎ ﻭﺍﺻﻠﻴﻦ ﻟﻌﻨﺪﻭ ... ﺑﺎﺭﻛﺔ ﻋﻠﻴﻪ ﻏﻴﺮ ﻣﻨﻈﺮﻫﻢ ﻻ ﺩﺍﺭ ﻟﻌﻨﺪﻫﺎ ﻭ ﺷﺎﻑ ﻓﻌﻨﻴﻬﺎ ﺍﻟﺒﺎﻛﻴﻴﻦ ﻣﺤﺎﻝ ﻳﻘﺪﺭ ﻳﺘﺤﻤﻞ ﺃﻛﺜﺮ ... ﻭﻗﻒ ﺭﺋﺒﺎﻝ ﻭ ﻗﺎﻝ ﺑﺼﻮﺕ ﺑﺎﻟﻜﺎﺩ ﺧﺮﺝ ﻣﻦ ﺑﻴﻦ ﺷﻔﺎﻳﻔﻮ ...
ﺭﺋﺒﺎﻝ : ﻛﻨﺘﻤﻨﻰ ﺗﺴﻤﺤﻮﻟﻴﻬﺎ ... ﻫﻲ ﻣﺤﺘﺎﺟﺔ ﻟﺪﻋﻮﺍﺗﻜﻢ ﻣﻌﻬﺎ
ﺗﻢ ﺧﺎﺭﺝ ﻭ ﻗﺒﻞ ﻣﺎ ﻳﻮﺻﻞ ﻟﺒﺎﺏ ﺷﺪﺍﺕ ﻓﻴﻪ ﺟﻮﻻﻥ ﻣﻦ ﻳﺪﻭ ... ﺿﺎﺭﺕ ﺗﻘﺎﺑﻼﺕ ﻣﻌﺎﻩ ﻭ ﻫﻲ ﻛﺘﻤﺴﺢ ﺩﻣﻮﻋﻬﺎ ﺑﻴﺪﻫﺎ ﻻﺧﺮﻯ ... ﺣﻴﺪ ﻟﻴﻬﺎ ﻳﺪﻫﺎ ﻷﻧﻪ ﻛﺎﻥ ﻓﺄﻣﺲ ﺍﻟﺤﺎﺟﺔ ﻳﺒﻌﺪ ﻭ ﻳﺒﻘﻰ ﺑﻮﺣﺪﻭ ... ﻟﻜﻦ ﺻﻮﺕ ﺍﻟﺤﺎﺟﺔ ﺍﻟﺒﺎﻛﻲ ﺧﻼﻩ ﻳﻮﻗﻒ ﻭ ﻳﻀﻮﺭ ...
ﺍﻟﺤﺎﺟﺔ : ﻓﻴﻦ ﻏﺎﺩﻱ ﺍﻭﻟﺪﻱ
ﻗﺮﺑﺎﺕ ﻋﻨﺪﻭ ﻋﻨﻘﺎﺗﻮ ﻭ ﻫﻲ ﻛﺘﺒﻜﻲ ﻭ ﻋﻠﻰ ﻓﻤﻬﺎ ﺑﻨﺘﻲ ﻭ ﺣﻔﻴﺪﻱ ... ﺃﻭﻝ ﻣﺮﺓ ﻳﺤﺲ ﺑﺎﻻﺭﺗﺒﺎﻙ ﻭ ﻣﺎﻋﺮﻑ ﻛﻴﻒ ﻳﺘﺼﺮﻑ ... ﻳﺪﻳﻪ ﺑﻘﺎﻭ ﻣﻄﻠﻮﻗﻴﻦ ﻭ ﻟﺤﺎﺟﺔ ﺷﺎﺩﺓ ﻓﻴﻪ ﺑﻘﻮﺓ ... ﺑﻌﺪ ﺗﺮﺩﺩ ﻫﺰ ﻳﺪﻳﻪ ﻭ ﻋﻨﻘﻬﺎ ﺑﺪﻭﺭﻭ ... ﺑﻜﺎﺕ ﺑﺤﺮﻗﺔ ﻭ ﺑﺼﻌﻮﺑﺔ ﺑﺎﺵ ﻃﻠﻘﺎﺕ ﻣﻨﻮ ... ﺷﺎﻑ ﻓﺠﺪﻭ ﺍﻟﻲ ﻛﺎﻥ ﻭﺍﻗﻒ ﻣﻦ ﻭﺭﺍﻫﺎ ... ﻫﺎﺩ ﻟﻤﺮﺓ ﻛﺎﻥ ﺭﺋﺒﺎﻝ ﺍﻟﻲ ﻗﺮﺏ ﻟﻌﻨﺪﻭ ﻭ ﻋﻨﻘﻮ ... ﻃﺒﻄﺐ ﻋﻠﻴﻪ ﺍﻟﺤﺎﺝ ﺑﻴﺪﻳﻪ ﻭ ﻫﻮ ﻛﻴﺮﺩﺩ ﺍﻟﻠﻪ ﻳﺮﺣﻤﻬﺎ ...
ﺑﻌﺪ ﻣﺪﺓ ﻛﺎﻥ ﺭﺋﺒﺎﻝ ﻓﺎﻟﺴﻴﺎﺭﺓ ﻭ ﺟﻮﻻﻥ ﭼﺎﻟﺴﺔ ﺟﻨﺒﻮ ... ﺑﺎﻗﻲ ﻭﺍﻗﻔﻴﻦ ﻓﺎﻟﺤﻮﻣﺔ ﻭ ﻫﻮ ﻋﻨﻴﻪ ﻋﻠﻰ ﺍﻟﺪﺍﺭ ﺍﻟﻲ ﺧﺮﺝ ﻣﻨﻬﺎ ﻗﺒﻞ ﺩﻗﺎﺋﻖ ... ﺍﻟﺪﺍﺭ ﺍﻟﻲ ﻛﺎﻥ ﺩﻳﻤﺎ ﻳﺘﺴﺎﺀﻝ ﻋﻠﻰ ﺷﻜﻠﻬﺎ ﻣﻦ ﺍﻟﺪﺍﺧﻞ ... ﻭ ﻛﻴﻒ ﻏﻴﻜﻮﻥ ﺩﻓﺊ ﺍﻟﻤﻜﺎﻥ ﺍﻟﻲ ﻛﺒﺮﺍﺕ ﻓﻴﻪ ﻣﻮ ...
ﺍﻟﻴﻮﻡ ﻋﺮﻑ ﻣﻌﻨﻰ ﻳﻜﻮﻥ ﻋﻨﺪﻙ ﻋﺎﺋﻠﺔ ... ﺭﻏﻢ ﻛﻞ ﺍﻟﺤﻘﺎﺋﻖ ﺍﻟﻲ ﻋﺮﻓﻮ ﻣﺎ ﻧﻔﺮﻭ ﻣﻨﻮ ﻭ ﻟﻮ ﻟﻠﺤﻈﺔ ... ﻗﺪﻣﺎ ﺣﺰﻧﻮ ﻋﻠﻰ ﺍﻟﻲ ﺩﺍﺯ ﻋﻠﻰ ﺑﻨﺘﻬﻢ ﻭ ﻣﻮﺗﻬﺎ ... ﻓﺮﺣﻮ ﺃﻧﻬﺎ ﺧﻼﺕ ﺟﺰﺀ ﻣﻨﻬﺎ ... ﺣﻔﻴﺪ ﺍﻟﻲ ﺗﻤﻨﺎﻭﻩ ﻛﻠﻤﺎ ﺷﺎﻓﻮ ﺟﻮﻻﻥ ...
ﻭ ﺭﺋﺒﺎﻝ ﺑﺪﻭﺭﻭ ﺍﺭﺗﺎﺡ ﻣﻦ ﺍﻟﺤﻤﻞ ﺍﻟﺜﻘﻴﻞ ﺍﻟﻲ ﻛﺎﻥ ﻫﺎﺯ ... ﺟﻮﻻﻥ ﻛﺎﻧﺖ ﻣﺮﺍﻗﺒﺎﻩ ﻭ ﻫﻮ ﺳﺎﻫﻲ ﻭ ﻛﻴﺸﻮﻑ ﻗﺪﺍﻣﻮ ... ﻗﺮﺑﺎﺕ ﻟﻌﻨﺪﻭ ﻭ ﻋﻨﻘﺎﺕ ﺩﺭﺍﻋﻮ ... ﻣﺪ ﻳﺪﻭ ﺟﺮﻫﺎ ﺧﺸﺎﻫﺎ ﻓﺤﻀﻨﻮ ﻭ ﺯﻳﺮ ﻋﻠﻴﻬﺎ ...
🍁 ﺑﻌﺪ ﻣﺮﻭﺭ ﺛﻼﺙ ﺃﻳﺎﻡ ...
ﻓﺈﺣﺪﻯ ﺻﺎﻟﻮﻧﺎﺕ ﺍﻟﺘﺠﻤﻴﻞ ... ﭼﺎﻟﺴﺔ ﻛﻞ ﻣﻦ ﺟﻮﻻﻥ ﺳﻤﻴﺔ ﻭ ﺯﻳﻨﺐ ... ﻛﻞ ﻭﺣﺪﺓ ﻣﺎﺩﺓ ﻳﺪﻳﻬﺎ ﻟﻠﻌﺎﻣﻼﺕ ﺍﻟﻲ ﻓﺎﻟﺼﺎﻟﻮﻥ ... ﺑﻌﺪﻣﺎ ﺧﺮﺟﻮ ﻳﺘﻘﺪﺍﻭ ﻣﺮﺓ ﺃﺧﺮﻯ ﺩﺍﻛﺸﻲ ﺍﻟﻲ ﺑﻘﻰ ﻟﻴﻬﻢ ... ﻗﺮﺭﻭ ﻳﺪﻭﺯﻭ ﻳﻘﺎﺩﻭ ﺿﻔﺎﺭﻫﻢ ... ﺗﻠﻔﺘﺎﺕ ﺯﻳﻨﺐ ﻋﻨﺪ ﺳﻤﻴﺔ ﻟﻘﺎﺗﻬﺎ ﻋﺎﺿﺔ ﻋﻠﻰ ﺷﻔﺘﻬﺎ ﻭ ﻫﻲ ﺿﺤﻚ ﻋﻠﻴﻬﺎ ...
ﺯﻳﻨﺐ : ﻫﻬﻬﻪ ﻣﺎﻟﻚ ﻣﺨﺴﺮﺓ ﻭﺟﻬﻚ ؟
ﺳﻤﻴﺔ : ﻣﻜﻨﺤﻤﻠﺶ ﻧﺒﺮﺩﻫﻢ
ﺯﻳﻨﺐ : ﻭ ﺻﺒﺮﻱ ... ﻫﺎﺩﺷﻲ ﻛﻴﻒ ﻭﺍﻟﻮ ... ﺑﻼﺗﻲ ﻧﺪﻭﺯﻭ ﻻﺻﻴﻎ
ﺟﻮﻻﻥ : ﻻﺻﻴﻴﻴﻎ !!
ﺯﻳﻨﺐ : ﻭ ﺷﻨﻮ ... ﻏﺎﺩﻱ ﺗﻤﺸﻲ ﻟﻌﻨﺪﻭ ﺑﻐﺎﺑﺔ ﺍﻷﻣﺰﻭﻥ
ﺟﻮﻻﻥ : " ﺿﺮﺑﺎﺗﻬﺎ ﻋﻠﻰ ﺫﺭﺍﻋﻬﺎ " ﺍﻟﻠﻘﻮﺓ " ﻛﺘﻨﻌﺖ ﺑﻌﻨﻴﻬﺎ ﻓﺎﻟﺒﻨﺎﺕ ﺍﻟﻲ ﻛﻴﻘﺎﺩﻭ ﻟﻴﻬﻢ " ﻏﺎﺩﻱ ﻧﻄﻠﺐ ﻣﻦ ﺇﻟﻴﺎﺱ ﻳﻘﻄﻊ ﻟﻴﻚ ﺩﺍﻙ ﺍﻟﻠﺴﺎﻥ ... ﻏﺎ ﺑﻼﺗﻲ
ﺳﻤﻴﺔ : ﺍﻟﻌﻘﺪ ﻏﺪﺍ ... ﻛﻴﻒ ﺣﺎﺳﺔ ؟
ﺟﻮﻻﻥ : " ﺍﺑﺘﺎﺳﻤﺎﺕ " ﻓﺮﺣﺎﺍﺍﻧﺔ
ﻛﻴﻒ ﻛﻤﻠﻮ ﻟﺒﻨﺎﺕ ﺩﺍﺯﻭ ﻟﻠﺼﭙﺎ ... ﺩﻭﺯﻭ ﻓﻴﻬﺎ ﺑﺎﻗﻲ ﺍﻟﻴﻮﻡ ﻋﺎﺩ ﻏﺎﺩﺭﻭ ... ﻣﺸﺎﻭ ﻟﻮﺍﺣﺪ ﺍﻟﻜﺎﻓﻲ ﺟﻨﺐ ﺍﻟﺒﺤﺮ ﻭ ﭼﻠﺴﻮ ﻓﻴﻬﺎ ... ﺍﻟﻴﻮﻡ ﺍﺳﺘﺎﻏﻠﻮﻩ ﻳﺪﻭﺯﻭﻩ ﻣﻊ ﺑﻌﻀﻴﺎﺗﻬﻢ ﻷﻧﻪ ﻣﺆﺧﺮﺍً ﻗﻠﻴﻞ ﻓﻴﻦ ﻛﻴﺘﻠﻘﺎﻭ ...
ﻓﺎﻟﭭﻴﻼ ﻋﻨﺪ ﺳﻨﻤﺎﺭ ... ﻛﺎﻧﻮ ﭼﺎﻟﺴﻴﻦ ﺍﻟﺪﺭﺍﺭﻱ ﻓﻮﻕ ﻟﻲ ﻓﻮﻃﻮﻱ ... ﻭ ﻋﺎﺻﻢ ﺣﺎﻃﻴﻨﻮ ﻓﻮﻕ ﺯﺭﺑﻴﺔ ﺻﻐﻴﺮﺓ ﻗﺪﺍﻣﻬﻢ ﻛﻴﺤﺒﻮ ... ﻫﺰ ﺇﻟﻴﺎﺱ ﻛﺎﻧﻴﻂ ﺩﻳﺎﻝ ﻛﻮﻛﺎ ﺷﺮﺏ ﻣﻨﻬﺎ ﻭ ﻗﺎﻝ ...
ﺇﻟﻴﺎﺱ : ﻛﻨﺎ ﻛﻨﺸﺮﺑﻮ ﺍﻟﻤﻠﻴﺢ ... ﺭﺟﻌﻨﺎ ﻛﻨﺸﺮﺑﻮ ﺳﻨﻴﺪﺓ ﻣﺬﻭﺑﺔ
ﺳﻨﻤﺎﺭ : ﻫﻲ ﺑﺎﻏﻲ ﻧﺪﺧﻞ ﺍﻟﺸﺮﺍﺏ ﻟﺪﺍﺭﻱ ﺑﺎﺵ ﺗﺒﻘﻰ ﻋﻠﻰ ﺧﺎﻃﺮﻙ
ﺇﻟﻴﺎﺱ : ﺳﻤﻌﺘﻴﻬﺎ ﻣﻨﻲ ... ﻭ ﺃﺻﻼ ﺁﺵ ﻋﻨﺪﻙ ﻧﺘﺎ ... ﺭﺋﺒﺎﻝ ﺍﻟﻲ ﺩﻳﻤﺎ ﺧﺰﺍﻧﺘﻮ ﻓﻴﻬﺎ ﺍﻟﻤﻌﻘﻮﻝ
ﺭﺋﺒﺎﻝ : " ﺑﺒﺮﻭﺩ " ﺧﻮﻳﺘﻮ
ﺇﻟﻴﺎﺱ : " ﺗﮕﻌﺪ " ﺷﻨﻮﻭﻭ ... ﻋﺎﻭﺩ ﺁﺵ ﻗﻠﺘﻲ ... ﺁﺵ ﺧﻮﻳﺘﻲ ؟ !!
ﺭﺋﺒﺎﻝ : ﺧﻮﻳﺖ ﺩﺍﻛﺸﻲ ﻛﺎﻣﻠﻮ
ﺳﻨﻤﺎﺭ : ﻭﺍﺵ ﺑﺎﻟﺼﺢ !
ﺇﻟﻴﺎﺱ : " ﺷﺎﻑ ﻓﺴﻨﻤﺎﺭ " ﻻ ﺍﻟﺴﻴﺪ ﺣﻤﻖ ﻭ ﺑﻮﺭﺍﻗﻮ ﻧﻴﺖ ... ﺷﻜﻮﻥ ﻫﺬﺍ ﺍﻟﻲ ﻛﻴﺨﻮﻱ ﺷﺮﺍﺏ ﻏﺎﻟﻲ ﺑﻬﺎﺩ ﺍﻟﺴﻬﻮﻟﺔ
ﺭﺋﺒﺎﻝ : ﻗﺮﺭﺕ ﻣﺒﺎﻗﻴﺶ ﻏﻨﺸﺮﺏ ... ﻋﻼﺵ ﻏﺎﺩﻱ ﻧﺨﻠﻴﻪ
ﺇﻟﻴﺎﺱ : ﻭ ﻋﻼﺍﺍﺵ ﺗﺨﻮﻳﻪ ... ﻣﺮﺓ ﻣﺮﺓ ﻧﺒﻐﻴﻮ ﻧﺤﺘﺎﻓﻠﻮ ﻭ ﻻ ﻧﻘﺼﺮﻭ ﺑﻴﻨﺎﺗﻨﺎ ... ﺍﻟﻀﻴﺎﺍﺍﻉ ﻻﺍﺍﺍﺵ
ﺭﺋﺒﺎﻝ : " ﺳﻜﺖ ﺷﺤﺎﻝ ﻋﺎﺩ ﻗﺎﻝ " ﻛﻨﺖ ﺧﻠﻴﺖ ﻟﻜﺎﺱ ﻋﺎﻣﺮ ﻭ ﺷﺮﺑﺎﺗﻮ ﺟﻮﻻﻥ ﺑﺎﻟﻐﻠﻂ
ﺳﻨﻤﺎﺭ : ﻭ ﺃﻧﺎ ﻧﻔﻬﻢ ﻫﻬﻪ
ﺇﻟﻴﺎﺱ : " ﺷﺮﺏ ﻣﻦ ﺍﻟﻜﺎﻧﻴﻂ " ﻧﺸﺮﺏ ﻛﻮﻛﺎ ﻋﻠﻰ ﻗﻠﺒﻲ
ﺟﺒﺪ ﺭﺋﺒﺎﻝ ﺍﻟﻔﻮﻥ ﻣﻦ ﺍﻟﺠﻴﺐ ﻭ ﺷﺎﻑ ﺷﻜﻮﻥ ﺍﻟﻤﺘﺼﻞ ... ﺟﺎﻭﺏ ﻭ ﺑﻌﺪﻣﺎ ﻧﻬﻰ ﺍﻟﻤﻜﺎﻟﻤﺔ ﻻﺡ ﺍﻟﻔﻮﻥ ﻓﻮﻕ ﺍﻟﻄﺒﻠﺔ ... ﺷﺎﻑ ﻓﻴﻪ ﺳﻨﻤﺎﺭ ﻭ ﻛﻴﻒ ﺗﻐﻴﺮﻭ ﻣﻼﻣﺤﻮ ﻭ ﺳﻮﻟﻮ ...
ﺳﻨﻤﺎﺭ : ﺷﻨﻮ ﺑﺎﻏﻲ ﻫﺎﺩ ﺧﻮﻧﺎ ... ﻣﺰﺍﻝ ﻣﺎﻓﻀﻴﺘﻲ ﻣﻌﺎﻩ ؟
ﺭﺋﺒﺎﻝ : ﻏﺪﺍ ﻏﺎﺩﻱ ﻧﺘﻼﻗﻰ ﺑﻴﻪ
ﺳﻨﻤﺎﺭ : ﺭﺩ ﻟﺒﺎﻝ ... ﻧﺘﺎ ﻋﺎﺭﻓﻮ ﻣﺰﻳﺎﻥ ﺁﺵ ﻛﻴﺴﻮﺍ ... ﺣﺎﻭﻟﻮ ﺗﺮﻓﺾ ﻋﺮﺿﻮ ﺑﻬﺪﻭﺀ
ﺭﺋﺒﺎﻝ : ﺑﺤﺎﻟﻮ ﻛﻨﻌﺮﻑ ﻧﺘﻌﺎﻣﻞ ﻣﻌﺎﻫﻢ ... ﻏﺎ ﺧﻮﻱ ﺭﺍﺳﻚ