#الارهابي_وذات_النقاب
#البارت٣٠
حسين-انت الخسران الوحيد فلك
جان يمشي ويحجي الى ان وكف گبالي
-توني وثقت بيج
وحاولت انسى وابرر تضحيتج وقنعت نفسي باسباب تضحيتج بطفلج
فلك-حسين والله ردت اتراجع جان قرار سريع عاطفتي غليتني بس بعدين فكرت ونزلت ردت اكللهه تراجعت وعرفت هذا فخ رادت تركعني بي
-دير بالج تحجين عليهه وبعدين على شنو تتراجعين بالضبط
فلك-والله نزلت ردت اكللهه مااروح واتصلت عليك وانت ماكو .محصلتك مشغول والله جنت اخابرك
لزمني من زندي ....وجرني
فلك-اخ ...اخ حسين ايدي ....انت مسمعت مرتك شكالتلي صعدني الدرج وولا كانما احجي ويا
حسين ايدي حسين الله يخليك
دخلني للغرفه وعاف ايدي
حسين-حسابج من ارجع
فلك-على شنو تحاسبني ....انت كاعد تضحك عليه توعدني ومقرر تاخذ ابني وتسافر ...تخليني اتأمل واتعلق بيك وانت مقرر
حسين-لتحجين ولا حرف واحد
فلك-احجي ومااسكت وزوجتك هيه تقصددت تحجيني وسمعتهه شكالتلي ليش يعني متحاسبهه هيه لو بمكاني هم هيج تختار ....تعبت وانتو تستغلون فقري
حسين -منو مستغل فقرج ....لج اني افكر بيج قبل كلشي اني الي غثني منج متصدكيني شلون لعد تنامين بحضني فهميني شلون .كتلج اني مااجذب بمشاعري وكتلج مااريد ورود تعرف علمود مااضطر اختار بينكم .دخلتينه بمعمعه مالهه اول من تالي
راد يطلع لزمت ايده
- وين راح تروح
-ال ورود .
فلك-راح تخيرك بيني وبينهه حتعرفني مو
حسين-وخري فلك هسه
اخذ المفتاح من جوه ... يريد يقفل الباب عليه
-حسين اوكف حسبن ليش راح تقفل الباب عليه
حسين-ماأمن بعد اعوفج لحظه وحده وحدج .
فلك-لو جنت اريد اروح ...جااااان رحت قبل لتجي
سحب الباب بدون ميعير اهميه الكلامي وقفله ....كمت ادكه حيل ....
-لتقفل عليه الباب حسين .... حسين
كمت ادكه ولا يمه ...كمت ابجي ....ورحت للشباك فتحته وصحت
حسينافتحلي الباب
رفع راسه وباوع عليه بحديه ورجع دخل عفت الشباك وانتظرته يم الباب الى ان فتحه
حسين-بعد اخذيلج سماعه وصيحي
فلك-ادخل للحمام هواي وانت تقفل الباب عليه شلون اذا ردت افوت للحمام
حسين-وتصيحين هيج
فلك-كتلك وانت متسمعني ...حسين بس اسمع هيه كالتلي
حسين-سمعت كلشي بينكم لتعيدين ماكو داعي
فلك-يعني سمعت شكالتلي شتريدني شكللهه شفتهه شلون انطتني اختيارات
حسين-تسكتين ومتجاوبين وتكولين بينه اتفاقيه اكملهه واطلع من حياتكم مو تبيعين ....يعني شعبالج
لج من اول مشفتج كتلج لتفكرين تلعبين بذيلج لان مااعوفج ...لو تصيرين جوه الكاع هم الكاج
وهسه يا فلك ....ماكو اي اتفاق بيناتنا غير الاتفاق الي بالبدايه
باوعت عليه ودموعي ينزلن
ردت الزم ايده دفع ايدي وطلع . لحكته
حسين فدوه حسين والله اسفه حسين
عافني وطلع وقفل البوب الخارجيه عليه رجعت رجعت النقطة الصفرواني ماعولت يصير عندي أمل .... ورود اخ يا ورود
انهارت اعصابي اخ كله من الفلوس صار بيه هيج
من وره الفلوس
بفلوسهم ذلوني قوتهم يستمدوهه من الفلوس وضعفي سببه الفلوس باوعت على البيت رحت على تحفياتهم
كمت افلشهن مبقيت وحده بيهن صاحيه .....واصرخ وابجي .....رجعت دخلت للاستقبال نفس الحاله .
ابني هذا ابني يلعبون باعصابي مستغلين هاي النقطه وميريدني اصير انانيه وافكر ولا حتى احاول انقذ نفسي وابني من هاي الحياة
درت وجهي لكيت هيفاء واكفه ورايه وبيدهه اللعابه وساكته
هيفاء-سويت مثلج ....وهم مرجعتلي غسق
بس اليفرق غسق اندفنت جوه التراب وانت عندج امل يتغير حسين
فلك-انتِ خبلتيني .انت صاحيه وله مريضه وله شنوووو بالضبط حتخبل
حسين يحجي شي ورود تحجي شي انت تحجين شي وتتصرفين شي
انتو كلكم مو طبيعيين
هيفاء-كتلج اني عايشه وين اني عايشه بمكان كلش حلو ....بي بنتي موجوده واي شخص اريده اخلي بهذا المكان
فلك-وين هذا
هيفاء- عالم الاوهام
-دخليله لهذا العالم يفيدج
ردت اطلع من الاستقبال مالي خلكهه صارت سدبالباب
هيفاء-لتستهزئين بي ....
فلك-مكاعد افهم انت مريضه لو شنو بالضبط عوفيني فدوه كلبي محتررك
هيفاء-كل انسان يكدر يدخل الهذا العالم ....عالم حلو ....انتي ترسمي بيدج ....هذا كل ما بالموضوع
همه يعتبروني مخبله ....لان ادخله بس هو حلو احبى من حياتهم الي عايشيهه عالم تسوين بي الي تريدي على مزاجج محد يوكف بوجهج
انتِ تتحكمين بي وبس
فلك-اررريد واقع شسووي بالحلم والوهم
اريد من اصحىبصفي ابني شسوي بعالم مااحس بلمساته
هيفاء-وانت ليش مستسلمه
فلك-شسوووي
هيفاء-لتنطين ابنج
فلك-بعته الهم ابني واخذت الثمن
هيفاء-وينه الثمن
فلك-ببطن عمي الناقص
هيفاء-اانت انسانه ضعيفه
فلك-ابويه ضعفي
هيفاء-عذر اقبح من الذنب
فلك-لا مو عذر ........ابويه هذا انت متعرفين افدي بروحي ولو يرجع بيه الوكت هم اختار ابويه محروك كلبي على ابني
بس هم مااذب ابويه بالشارع لو اخلي عمي النذل يكتله لان يعتبر عاله ...بس ردت احاول ...ومكدرت ....ردت ابقي بحضني وويايه ومكاعد اكدر اخوج وعدني وطلع يضحك عليه
هيفاء-حسين
فلك-اي
هيفاء-اذا وعدج مستحيل يخلف .وحسين اخويه احن واحد بيهم ...ويخاف الله مستحيل يسويهه
فلك-انتو راح تخبلوني
هيفاء-بشنو
فلك-انت مو تكرهين سيرة حسين شلون تدافعيله
هيفاء-ماكو انسان يكره بس اكو انسان يشيل بكلبه
واني من كتلج كاعد اطمن گلب ام محترك كلبهه على ابنهه ....لان احس بيج ...واحس بنار كلبج ...الي محد يعرفهه غير بس العايشهه
فلك-مااعرف والله مااعرف تعبت ...تعبت من الحياة ....تعبت حيل ...جبت عمري من اني وطفله لليوم ممرتاحه .
تعبت من الذل حتى خدامة اشتغلت وتعرفين شنو معنى من تكملين شغلج
وتريدين تطلعين وتكلج اوكفي بلله وترجع مبتسمه شايله علاكه مال ملابس وعود هيه مسويه انجاز كاعد تطي الهاي الحيوانه الفقيره ...توجع حيل ....حيل توجع
وراضيه وقابله بنصيبي ....واعترض وارجع واكول الحمدلله والشكر وبعدين اوصل مرحله لازم ابيع عزيز على كلبي• وتنكلب حياتي واخسر الاثنين
هيفاء-وحتى الفلوس ...خسرتيهن مو اكلج انت انسانه ضعيفه بعتي ومقبضتي ومن تطلعين منا نفترض مأخذتي ابنج وانت بنيه صغيره اذا ترجعين العمج الباعج هم راح يرجع يبيعج واذا باعج هالمره بزواج المره الثانيه بدون زواج ...
زين ليش اضطريتي تسوين هيج ليش مبقيتي بشغلج
فلك-خسرت سمعتي
هيفاء-ليش
فلك-من وره اختي انهزمت ويه واحد وخربت كل سمعتنا
هيفاء-لا حول الله ...ووين هيه هسه
فلك-عايشه حياتهه مرتاحه واني الي دفعت الثمن
....................
ميمونه-معاملته الزينه وطلباتي الي نفذهن الي رغم ما ممجبور ينفذهن خلاني أأنب نفسي
غفيت قبل المغرب بشويه وهو ماله اثر
وفزيت على صوت الباب المغربيه تقريباً
.جنت غافيع بس حسيت عليه من فتح الباب متحركت بقيت مسويه روحي نايمه
من صارت سنطه وركد بالجربايه ومر وقت كلت اكيد غفه فتحت عيني ودرت وجهي انصدمت بي كاعد وجان يباوع عليه كبل كال
حذيفه-تعرفين انتٍ اول بنيه مترغبني
بقيت ساكته مجاوبته شي كمل كلامه
واول مره ادفع فلوس علمود وحده
واول مره حتى واني طالع تشغل عقلي مره
وهي انتِ ميمونه
-ليش
-اني أسأل هذا سؤالي الج
ليش انتِ الوحيدة الي اخذت حيز جبير من فكري
ابتسمت
-صراحه مااعرف شحجي
تقرب عليه اكثر ....ودنك راسه بحيث صارت شفته قريبه على شفتي وهمس
حذيفه-ليش متعرفين اذا انت متعرفين لعد منو يعرف
ميمونه-حاولت ابعد نفسي يقرب اكثر
-اني الي مدوخني سؤالك اربع ملايين حذيفه شي ميستوعبه العقل علمود كم يوم
حذيفه-ومستعد اكثر ...فلوس وعندي ليش اخلي شي بنفسي
ميمونه-اي بنيه تعجبك ومتكدر تحصلهه هيج تسوي
حذيفه-جنت اول وحده ادفع عليهه فلوس ....الباقيات هنه يتمنن
ميمونه-ليش يمه
ابتسم
-مو علمودي لتخافين علمود الفلوس ...بس مكلتيلي شنو رأيج بيه كشكل
ميمونه-مااعرف شكلك
حذيفه-الحقيقه .... دوم الي ينامن ويايه يكولن انت وسيم صدك لو جذب مااعرف
ميمونه-وانت شتشوف نفسك
حذيفه-خاف اجاوب وتكولين مغرور
ميمونه-مااكول
حذيفه-اشوف نفسي كلش وسيم لذلك مااتزوج
ميمونه-ابتسمت ...صدك انت مغرور بس الوسامه شعليهه بالزواج
حذيفه- اهاااااا كلتيلي شعليهه ...لان اظلم الي اتزوجهه
مااتوقع اكو مره تتحمل خيانة زوجهه يعني اني عن نفسي اكره الخيانه ومستحيل اتقبلهه فأكيد مراح تتقبلهه
وبالتالي النسوان بيهن الشيطانه الي تحاول تتقرب للرجال واني مو الرجال الي اكدر اقاوم هاي الشياطين
ميمونه-تعترف يعني
حذيفه-الاعتراف بالحق فضيله ...اني احب النسوان ...بس انتبهي يعني ابد ما بيوم من الايام زاحف الوحده غيرج .....كل مره هنه يزحفن ويباوعن عليه
تقرب عليه وخله شفته بشفتي
...وباسني ووخر شفته بسرعه
-يلله كومي كافي كسل .
-سحبني من ايدي
جبتلج فستان ....اريدج تلبسي ومكياج بين مااروح اجيب اكل واجي
ميمونه-ماشي
كمت شفت الفستان اسود كلش حلو جان ....شكد عنده فلوس حذيفه يصرف بدون وجع كلب . واحنه جانت حسره علينه اللكمه ...منين البشر يحصل على ذني الفلوس ....بسببهن فلك واني بمكان مننتمي اله
دخلت للحمام سبحت ولبسته جان طويل والظهر كله دانتيل ....مشطت شعري نزل على اكتافي بلل ظهري لان جان منگع وخليت حمره
باوعت على نفسي خليت ايدي على عيني الملونه وضميتهن تذكرت خضر من يكلي ام تك وتك
بهاللحظه دخل حذيفه رأساً كام يصوفر
حذيفه-مثل متوقعته عليج .....خله العلاليك على الميز وتقرب.
ارجع اكرر ......الاسود لا يليق لا بكِ
مستحيل لون ثاني غيره يبرز جمالج .. الي خلاني اللوب عليج وينكلب كياني هو اللون الاسود الي جنتي لابسته
جرني عليه بقوه
-تسمحيلي اتعشه بشفايفج اول
-كأن اذا كتلك لا ....راح تعوفني
حذيفه-اعوفج
ميمونه-عوفني لعد
حذيفه-مو مشكله تعالي خلينه نجهز العشه سوه لعد
اغرب انسانقابلته بحياتي تفهمه . المزاجياتي رغم ما هو يعتبر مشتريني يعني حسب البيئه الي عشنه بيهه ....ايده والضرب والمعايره تركيبه غريبه ....يومين ويا ....تعلمت اني لازم الي رأي ....ولازم يحترمه
تعشينه ....وشغل الاغنيه نفسهه ونركص هم جنت مااعرف بس افضل ...من اول مره وكام يردد وياهه
وانت معايا وانت فى حضني بنسى العالم بنسى زمانى
اقرب اكتر اقرب خدنى يا وحشني وانت فى احضانى
نظره عينك صافيه بريئه
-يا ترى عيونج مثل مااشوفهه لو خداعه ...اكو عيون تصير خداعه ....بس اني اكول عيونج صافيه وبريئه
ميمونه-انت بحياتك العاديه هيج
حذيفه-شلون
ميمونه-مااعرف هادئ من شفتك الحد هاي اللحظه
حذيفه-هادئ بس اذا ثرت اصير بركان مستحيل ينطفي
بقيت اباوع عليه باستغراب
-شكلج خفتي
-من شنوو اخاف الخوف بالنسبة ألي مات ودفنته
حذيفه-حلو
بس لتگولين مات لان الخوف ميموت اله من يموت الانسان والدليل انتِ هنا لان خايفه على اختج
بس كولي صرت قوية واكدر اواجه الحياة بدون خوف
ابتسمت قنعني بكلامة
الانسان الي يحب يبقه مسيطر عليه الخوف
لان عنده احباب يخاف عليهم
ثاني يوم كعدني الصبح وكال أجلت رجعتنه ال بغداد اريد اونسج واشوفج المصايف متعت نظري باماكن مشايفتهه بحياتي كلهه ....اخذلنه هواي صور ....رغم كل هالاشياء الي اي بنيه تتمناهن واني هم اتمناهن ....بس اكو وجع بالكلب مسيطر على كل حواسي مااكدر امحي
اخذلي صور هواي ومن جنت مااضحك يحجيلي كلمه عن وسامته وشكد هو وسيم واضحك من اشوفه معجب بنفسه .
هو جان بالفعل وسيم ....مرتاح بحياته ومهتم بنفسه وبونسته
اخر شي رجعنه للفندق حتى ناخذ اغراضنا تونه صعدنه بالمصعد اجا اتصال جان يحجي بغير لغه بحيث كلشي مفهمت بس اباوع على تعابير وجهه امتلأت فرح
وصلنه الباب الغرفه وهو يحجي فتحلي الباب دخلت وعفته وهو ورايه اول مسد الخط
حذيفه-ميمونه تعالي بسرعه ....او اوكفي اني اجيج
باوعت عليه باستغراب اجه عليه لزم ايدي
انت شنو فهميني
ميمونه-شنو
حذيفه-صار سنتين اشتغل على شغله بالخارج ....مبقيت شغله مسوويتهه
ميمونه-واني شعليه
حذيفه-انت ....وجهج خير عليه والله .
شبكني جان طاير من الفرحه
-متتخيلين فرحتي اريد اطير هسه م
. فطست ضحك مدري ليش ممتعوده اشوف هيج انسان بحياتي
حذيفه-ميمونه....شنو الشي الي تريدي اسوي الج اطلبي ...شي تتمنين يصير ...احققه الج بس ها كلشي طلبي ماعدا اطلكج .
مااعرف ليش حسيتج حتكوليهه
باوعت عليه و ابتسمت
حذيفه-احجي صدك ليش تبتسمين شنو التريدي هسه اسوي الج
-كلشي مااريد ...شريد بس اذا تنطيني المليونين انطيهن ال عمو قبل لتطلكني بعد احسن اريد ارجع الكه اختي .موجوده وراهه اخذهه واروح
حذيفه-المليونين حقج من البدايه غير شي
ميمونه-ماريد شي .بس هذا الشي انطي ال عمو الفلوس
حذيفه-اول منوصل ادزهن اله بعد شتريدين
ميمونه-شكراً
حذيفه-ااااخ متتخيلين شكد فرحان ميمونه راح تتغير هواي شغلات بحياتي
ميمونه-دوم ان شاء الله هاي الفرحه ...بس ماشاء الله عليك عندك فلوس شيغير بعد مااشوفك محتاج
حذيفه-منو كلج مشروع يمكن شي يخص الدراسه ..
ميمونه-مبروك
حذيفه-الفلوس اخر همي بالحياة
ميمونه-عكسك احنه الفلوس سبب همومنا ...شلون صار عندك فلوس
حذيفه-عينك عينك تحسدين
ميمونه-هههه لا والله الله يرزقك بس انتو الاغنياء شلون تصير عدكم فلوس
حذيفه-بالتعب والجهد
ميمونه-واحنه هم نتعب ويادوب تكفينه لكمه
اضيف اهم نقطه العقل اهم شي العقل
لان بدون العقل ميفيد التعب والجهد
-ميفيد بحالتنا العقل لو شكد منفكر نفسل
لان الاساس غلط الشهاده والزواج الصحيح للرجل والمرأه هم اساس للاجيال
اختيار ابويه وامي صحيح وجدي وبيبيتي هم ...تقريباً نكدر نكول الاتحاد قوه ...صاحب شهاده عاليه يتزوج صاحب شهاده عاليه واثنينهم يكونون نفسهم ....وكذلك الاجيال البعدهم وهمه اساساً مأمنين المستقبل نكدر نكول التعبان الاكثر بحياتهه جد جدي ....دكتور ومعروف هم جان بامريكا ورجع ...الوحيد الي تزوج اميه ...اخذهه على حب ....بس رغم هذا جانت قويه كلش وتسوه الف وحده مكمله شهاده ...
ميمونه-يعني قصدك
حذيفه-اختصرلج واقربهه الج الحاافي شكو يتزوج ويخلف .. خمسه وسته وعشره وبعدين يكول العيشه صعبه وطبعاً صعبه الزواج لازم يكون مدروس
مو ينبني على شهوات فقط اذا انبنى على شهوات
وتكويم اطفال وميلحح على طلباتهم راح يبقى يعاني هو وعائلته لان ميلحك
شوفي بالخارج اقصى حد طفلين ماعدهم كثره مثلنه احنه العرب ...هم يفكرون بكل الجوانب واكيد هم اكو كم متخلف هناك
ميمونه-انت تحجي لان ممحروم من شي
حذيفه-هم احتمال وارد ...المهم يلله راح نتأخر ...هم يالله نكوم
جهزنه نفسنه وصلنه البغداد بالفعل نفذ وعده ودز على عمي انطا باقي الفلوس ...جنت فرحانه وكمت اعد الايام الي اطلع منا واروح الاختي
.................
خضر-المطلوب دم فادتنه جنت متوقع تخيب بس صابت ...الرجال اخذ عائلته وهج ....وره اسبوع رحنه للمنطقه وكنالهم نريد نأجر البيت كالو صاحب البيت لخذ عائلته وشرد بروحه العزيزه ... حاولنه ردنه الحد ما جابولنه رقمه اتصلت عليه ورحتله ... واتفقت ويا وأجرت البيت منه
رحنه اني وحمصه والشباب للبيت نظفنه جان فارغ كلش بقينا فارغ ونصبت كامرات بالباب ووجهتهن على بيتهم طبعاً الشباب همه الي تولو هاي المهمه لان اني ام قاسم تعرفني مردتهه تعرف اني كبالهم
راشد-اخ يمه تعبت شحجي عليك خضر
عزوز-طبعاً اذا كرشك واصل الحلكك شوكت تضعف روحك متكلي
راشد-من باجر قررت اضعف روحي
حمصه-خاب دطير انت جنك الحكومه بس حجي بدون تنفيذ
راشد-والله اله اضعف روحي وتشوفون
حمصه-اي والله ياريت لان وجهك بي طشت مال لحم هاي ماعدا كرشك
راشد-امشي مسلوع
حمصه-اني مسلوع ولك هو اني ...بدون حديد ولا كلشي معضل ...من الله
عزوز-تباوع عليمن
خضر-كاعد اشوف الكامرات يمكن لو مخلين عل سطح وحده نوجهه عليهم للباب افضل
عزوز-لا كلش كافيات
اتصل علي جاوبته
-ها علاوي
-وين انت
-هسه راح ارجع ...شتريد
-كلشي مااريد كاعد اشوفك وين مختفي ..وشسويت مسويت هم وصلت الشي
-لا
-اني راح اسبح وانام ومن اكعد امرلك يم راشد
-ماشي
سديته منه ...وكلت للشباب يلله نروح
ربطت الكامره بالابتوب ....يعني اكدر اشوف بأي وقت ...
ورجعنه كل واحد طش بمكانه ....كابلت الحاسبه وكعدت ..ولازم موبايلي ..اكلب بالصور ومطلع سعد الحلي واشرب جكاير باكيت يجر باكيت
خذانا الواهس من بعيد
نزف شموعنا لشوفك
مشينا وأيد تشبك أيد
نـناغي الروح بطيوفك
العمر من غير حب شيفيد
لمني بعصرت أكفوفك
ياريحة مسك يا هيل
عذبني ونين الليل
عذبني ونين الليل
وينج يا ام تك وتك وينج ...متحنين ...تعالي وعاتبيني بس شتريدين تحجين احجي بس لتختفين ..
جنت اسمع هذا المقطع واكول حقج ..حقج اعتبره عتبهه الي
أجيتك من بعد غربه
أجيت بليله كمريه
هذاك أنه نبع صافي
يخايب دغش مابي
أجيت أنفض عتب بالعين
عتب عاشق بحنيه
واكلك هجرك اشسوه
لون ادري فلا اهوى
لو ادري فلا اهوى
راشد-انت مخبل ...معقوله الهاي الدرجه تحبه تره البنيه عادي جمالهه
خضر-ليش هو الحب بالجمال
راشد-اكيد لا بس انت مو طبيعي
خضر-مكاعد اكدر انام بليل عيونهه كبالي خذلتهه هواي راشد خليتهه تعوف اهلهه ...وطلكتهه بكل سهوله
راشد-اتمنى احب وانحب
خضر-مرتك متحبهه
راشد -دوم من تباووعلي ...نظراتهه تكول اني استاهل شاب كامل
خضر -وانت شبيك يابه ....شلقضيه شناقصك دختطير
راشد-سمين اريد اضعف روحي احجي صدك
خضر-راشد انت تخونهه لتنسى هذا الشي المساله مو مسألة تضعف روحك
راشد-اخونهه لان غيرهه يحسسني اني شي جبير وهيه دوم تحسسني هيه مسويه فضل عليه اني مااحجي
بس هالشي مدمرني
خضر-وهاي انت تريد تضعف روحك علمودهه هسه صدك يراد حمصه يصنفك
راشد-لا والله بس اني اريد اللبس براحتي
خضر-خوش خطوه هاي .....لازم تغير من نفسك علمود نفسك راشد
راشد-خضر لازم توكفلي
خضر-شلون
راشد-احب الاكل اني مااكدر بدونه
خضر-هههههه راح الزملك صونده من تريد تاكل
ولو ليشيش استعين بمكص حمصه ...صدك هو وينه شو مختفي ....
اتصلت عليه.وهو والشله اجوي كلهم ...ومن اندك الباب اضطريت اسد اللابتوب لان شاهين وياهم و
ماريده يعرف بسالفة البيت
........................
فلك-ساعه تقريباً ورجع ...حسين .....البيت عباره عن كزاز كلشي مكسرته حتى المطبخ جنت متقصده ....اريد اشوف حركة كلبهم .من كسرت اشياء يحبوهه
دخل حسين.بقيت كاعده عل قنفه دخل للهول ويباوع بصدمه
حسين-هاي شمسويه
وكفت بهدوء وكمت اباوع عليه بدون ماارد
حسين-انت مخبله
فلك-انحررك كلبك عليهن ....واني كلبي ليش محد يحترررك عليه
حسين-شنو معنى تصرررفج هذا
فلك-ماانطي ابني .وشتريد تسوي سوي .واذا حرمتني منه اشتكي عليكم
حسين-شنو معنى هالكلام والتصرفات
فلك-شتريد تكول كول .مو كتلي امحيج من الدنيا .امحيني موافقه
حسين-نص ساعه الج الكه البيت كله نظيف من هاي المهزله ....ومن تعاندين اعاندج اكثر
فلك-ماانطي ابني
حسين-خل يجي والله كريم
فلك-انت وعدتني وبعدين من وره ورود كتلي انتهى ....ليش شسويت اني شفتني طلعت البيت مو جان مفتوح بابه .
مو انت مخلي كامرات بغرفتي ...مو طول الوقت تراقبني ... مو مفروض اني ازعل ..اذا عل اتفاق فمو من حقك تراقبني بغرفتي
حسين لتعوفني ...لتاخذ ابني الاسهر دتمر بسرعه لان مااريدهه تمشي والله تعبانه من القلق والتفكير ...ورود متريده ...خليني بغير بيت ...لتجينه عسى ما بالسنه مره ....والله ابقه كاعده يم ابنا ومااطلع من البيت ...بس لتحرمني منه
حسين-فلك اني هسه تعبان عوفيني ضايج كلش مالي خلك للحجي.كلشي بحياتي تخربط .
دخل للغرفه وعافني ...باوعت البيت مكلوب تندمت لان فلشتهن لان اني وكعت بيهن وكومه كزاز كعدت انظف بالبيت الحد ما كملت تنظيف تعبانه نمت على القنفه
كعدت ثاني يوم طالع حسين للشغل ...
من رجع حاولت احجي ويا مينطيني فرصه للحجي كبل يعوفني وميباوع بوجهي
ردت اعتذر منه
ثالث مره نفس الحاله بس يشوفني كبل يعوفني لو يدور وجهه
اسبوع كامل ورود ماكو مرجعت ....وهو ميحجي وياي ابد واني تعبانه ومختنكه احس نفسي تعودت عليه احس اكو نقص بحياتي بدون مخابرته وكلامه وياي ولمساته
البطني ...وحضنه ....ومن جهه ثانيه التفكير دمرني
ينأخذ الطفل مني .. وكمت ماابدل بالغرفه استحي لان عرفت اكو كامرا يعني كلشي جنت اسوي حسين يشوفه
كلش استحي واخجل من اتذكر هذا الشي
حسيت نفسي جعت .بليل طلعت سمعت صوت التلفزيون مفتوح بالهول ..نزلت لكيته هو متمدد عل قنفه ويباوع ... بقيت واكفه يم الدرج
وهو ممعبرني كلت
-السلام عليكم
-وعليكم
جاوب بدون ميباوعلي
رحت للمطبخ ....سويتلي لفه وكعدت اكل ....شربت مي بكل لحظه اتخايل راح يجي ويلزم بطني او اي شي يحسسني هو مهتملي مثل قبل
ماكو اخر شي طلعت لكيته يباوع عل تلفزيون
دمعت عيني ....جنت مختنكه اعرف اني غلطت ...من حجيت هيج بس هيه اضطرتني استفزتني وخلتني هيج اختار رحت وكفت بصفه باوع عليه صفح
حسين-رايده شي
فلك-اي
حسين-شنو
فلك-محتاجه احس بالامان شويه ...مشتاقتلك حسين
اعرف غلطت من كلت الورود اروح بس والله بنفس اللحظه تندمت
ليش متصدكني ...هيه كالتلي راح تسافرون ...وانت خليتني احبك ..واتعلق بيك ...وصلتني مرحله ...اتخايلك كل شويه تجيني .خليتني اصدك انت تحبني
من شفته ولا يمه من احجي
درت وجهي ردت اصعد كلي
حسين-تعالي
درت وجهي عليه ...كلي ...تعالي وتدنه شويه سوالي مكان ابتسمت ونمت بصفه ...خليت راسي على صدره .
المكان الوحيد بعد بابا الي من اخلي راسي عليه احس بالامان ....رغم وجعي وخوفي منه
باسني من راسي .....اني اعرف ومقدر جوابج ...ال ورود واعرف انت زعطوطه
بس اني وعدتج فلك .ثقي بيه اطمئني
رفعت راسي وكمت اباوع عليه وابجي
فلك-تعرف اني الاول مره اصير هيج انسانه ضعيفه ...ابني هو ضعفي حسين ...قبل لا اصير حامل جنت اخاف بس طلع خوفي قبل نقطه ببحر من خوفي هسه
رفعني شويه عليه وكام يبوس بيه ... سحبني صرت جوا وهو فوكايه ...كام يبوس بيه ...واني ابادله ....اخر شي عافني وكام ...ولزم ايدي ...دخلنه للاستقبال
-خاف هيفاء تفز ..
..........
ميمونه-١٢يوم ويا ....عباره عن حياة هادئه ...كلشي بيهه منظم ...ويملي المكان غزل حذيفه ...كلامه رومانسيته لمساته الي ...نفذ الي كلي علي وانطه فلوس ال عمي ...اليفصلني عنهه ٨أيام بس والتقي بيهه
يوميه يعيد الاجواء ويطلع الاغنيه
يمكن بالفعل من اسمعهه بعد مستحيل مااتذكره ...راد كلشي يصير مميز وبقى مميز ....وجودي ويا غيرني هواي .مااحس نفسي ميمونه القديمه
هواي طلعني مطاعم مداخلتهه ابد ولا اصلاً مباوعه عليهن ..حتى شوف ممحصلي الشرف بيهن ....ويه كل طلعه اطلعهه ويا ...اتلفت بالشوارع واتخايل خضر يشوفنه ...الله شكد حلو امنيه احسهه صعب تتحقق
بالبدايه جان هو ماخذ احتياطاته بس من اجتني الدوره الشهريه ...جابلي حبوب مانع ...اني معترضت اهم شي مااصير حامل واستمريت عليهن
بيومهه جان عنده طلعه ويه فوزي اخو بقيت اني نمت .تعبانه جنت
فزيت هو يبوس بيه ....فتحت عيني تبعدت شويه عنه ووخرت وجهي
ميمونه-شوكت اجيت
حذيفه-هستوني ....تدرين كمت احسد منو
ميمونه-منو
حذيفه-فلك شكد تحبيهه ...من شربتي .
العصير اقصد هههه تتذكرين
ميمونه-من وراك غير
حذيفه-بيومهه تبجين وتحجين بيهه ...فلك محضوظه
ميمونه- محضوظه
حذيفه-اي عدهه اخت مثلج تفكر بيهه
ميمونه-ههههههه ....حذيفه اي محضوظه حقك تكول هيج متعرف اني شسويت بيهه
حذيفه-شسويتي
ميمونه-بسببي خسرت كلشي وبابا مات ....تبعد عني شويه وطبك المخده وخله راسه عليهه ويباوعلي
حذيفه-ليش شسويتي
ميمونه-ميصير احجيلك
حذيفه-ليش
ميمونه-لان انت زوجي
حذيفه-...كل انسان عنده ماضي ....اني العليه بالايام الي انت على ذمتي بيهن
ميمونه-انهزمت ويه واحد مجرم
حذيفه-الارهابي الي كلتي عليه
ميمونه-اي .
حجيتله من البدايه الحد ما وصلتله وهو ساكت بس يسمعلي ..
حذيفه-كملتي
ميمونه-اي
حذيف—تعرفين واني اسمعلج بلحظه حسيت داخلي انهار .ليش مردت نعقد هذا عقد الزواج ....لان احسج صرتي الي ....بس ...استصعبتهه واني اسمعلج ....بس بنفس الوقت حسيتج محتاجه احد يسمعج لذلك خليتج تكملين .ابدي بيج
-شلون
تعلمي متوثقين بأي احد اي احد.
يعني حتى كلامج وياي جان مفروض ميصير ميمونه .تعلمي سرج ببطنج وبس
ارجع على هروبج ...جان اكبر غلط ...لان انت بمجتمع معروفه عاداته وتقاليده
ميمونه-اعرف
حذيفه-وثقتي بالشخص الغلط ...انسان مشتت وهمه ثار وهالسوالف ويسطو على بيوت شتتوقعين منه ...يساندج ويوكف وياج
ومن جهه ثانيه اكول حقه بشكوكه ... مثله مثل اي رجال بس الي يفتقده العقل ....لو اني بمكانه مااتصرف هيج ...اختصرلج الطريق كلكم غلط
انتي اختج هذا الي انهزمتي ويا
وبعد فقره بلتجيبين سيرته كبالي ابد ممكن
ميمونه-اسفه لان خليتك بهذا الموقف بس جنت مختنكه حيل وماعولت افضفض
حتى فلك مصدكتني ...مو بس هو ...وحتى خاله ...كلهم مصدكوني لان انهزمت ويا
حذيفه-ميمونه .وضعج صعب بدون هذا التقرير ...
-بس شلون ميصدكوج ....مستحيل انت تسويهه وتسلمين روحج الشخص بالحرام ....اني متأكد بطفولتج سببه الحادث
ميمونه-صدك تصدكني
حذيفه-اكيد
صح اعرفج من فتره قصيره.بس مبين الي يستحرم والي ميستحرم والتمثيل يبين لو شكد ما يحاول الجذاب يتقنه
ميمونه-فلك تكول التقرير ميفيدج مابي برأتج
حذيفه-فلك يعني عدهه .التقرير
اختج هم غلطت بحقج يلله تعادلتوا
اما عن التقرير ...يجوز الدكتوره خافت ...يجوز الدكتوره اثناء متخيطلج الجرح بدون متدري زالته ... واكو بنات ماعدهن غشاء ميمونه .
ميمونه-مستحيل
حذيفه-ههههه انت عجيبه ...اني كاعد احاول ابرأج مفروض تجلبين بهذا التحليل
ميمونه-الله يعرف اني بريئه ...البشر أيست منهم
جرني عليه
- ...بقن ثمانية ايام ميمونه
خله راسي على صدره ...كتله
- اي والتقي بفلك
-ههههه لا تعليق
ميمونه-خلصن ...الايام ....عشرين يوم ....فيت على زواجنا ....
لبست فستاني الي اجيت بي وشحاطتي ....وطلعت العبايه حتى اللبسهه جان طالع هو اول ما فتح الباب شافني .. كمت
اجه عليه ..شعجب لابسه هذا
ميمونه-شنو شعجب اليوم موعدنا
حذيفه- بعد اربع ايام اسافر ...ممكن تبقين بيهن يمي انت اول وحده مااشبع منهه احس اريدج بعد
ميمونه- باوعت عليه
حذيفه-لتنسين خمس ايام راحت مني لتروحين ميمونه
-موافقه
خلصت ويا ٣أيام ....بهالفتره دللني مردت ارفضله طلب وهو زوجي يعتبر ...جان انسان محترم ابد منطق وكلي انتي سلعه باعج عمج ...بلعكس علمني هواي ...اول شي خلاني احب نفسي
جنت انسانه محظوظه ....ببيعت عمي الي وكعت بانسان مثقف
جان ممكن يكون شخص ثاني يدمرني يذلني كلشي يسوي بيه ومااكدر اعترض لان مشتريني بفلوس
اخر يوم الساعه ب١٢وطيارته بـ ٣
جنت كاعده ...
حذيفه-مجهزتي اغراضج الملابس مأخذتيهن
ميمونه-مو من حقي
حذيفه-كلهن الج
ميمونه-مااريد
حذيفه-ميمونه ....احلى ٢٣يوم جانن وياج ...بس راح اروح وانت بنفسي
لان ولا مره سلمتيني نفسج وتجاوبتي وياي ... تقرب عليه سلميني نفسج ميمونه تلهفي عليه مثل ما اني اتلهف عليج
وكام يبوس بيه ....
الاول مره حسيت نفسي اني هم راح اشتاقله
مااعرف ليش ...واللحظه تمنين لو هو اول شخص اتعرف عليه
سويت مثل ميريد وبادلته الشعور الي راده
ومااعرف ليش بادلته الشعور سبح وجهز نفسه للسفر
وقبل ليطلع تقرب عليه وباسني من شفتي وخدي
بقه يباوع بعيوني وگال
انتِ طالك ميمونه شكراً على كلشي وشكراً على هذا اليوم
هسه اودعج واني مرتاح
ميمونه-ليش
حذيفه-لان جنت اول شخص يرفضني ويحب قربي
ميمونه-يعني جنت تمثل
حذيفه-ولا حرف مثلت بي .. بلعكس متعتي وياج جانت لان انت ترفضين بيه وانت مميزه وراح تبقين مميزه ولتنسين الاغنيه كل متطلع تذكريني بيهه
اخر شي اطلع فلوس من جيبه انطاهن الي مااعرف شكد مقبلت اخذهن ...حاول راد مقبلت عافهن عل ميز وطلع
ميمونه-مااخذهن والله راح يبقن
حذيفه-لتعتبريهن جزء من الاتفاق اعتبريهن زوج ينطي الزوجته
ميمونه-ابداً مااطخهن اخذهن حذيفه
حذيفه-اخذيهن ميمونه ...واخذي اختج وطلعي من عمج يبيعج مره وثنين وعشره مو ثقه اخذيهن وفكري بأختج وبيج
طلع حذيفه ووصاني انطي المفتاح مال شقه للسايق لان وصى يوصلني
مكدرت انام ابد ...متلهفه ال فلك وبهذا الوقت حسيت الشقه صارت بلا روح حسه موجود بيهه
صارت ال ٨اخذتلي كم غرض من الملابس مال طلعه واخذت الفلوس
صدك اخذ اختي واروح حسبتهن ٩ورقات
مجنون هذا الانسان الي يصرف هالمبلغ كله علمود زواج مؤقت
طلعت من الشقه ....لبست غيار من الي جابهن الي .نزلت وصعدت بالسياره وانطيت للسايق المفتاح احس كلبي يريد ينط من مكانه ....واني اتخايل شوفة اختي صح هيه زعلانه واني هم زعلانه نتعاتب ونتشابك وينتهي كلشي ونبدي من جديد
وصلت كتله نزلني براس الشارع مردت احد يحجي بمنطقة عمو نزلت واني امشي ...شفت واحد دخل للبيت .مااعرف منو .بس مو واحد من ولد عمو ولا عمو شاب طويل تقريباً
كملت خطواتي وصلت دفعت الباب مقفول دكيته ...وين يالله فتحت مرت عمي ووجهه الوان.
ابتسمت
ابتهال-ميمونه ....جيتي
دخلت كتلهه
شنو شفت واحد دخل للبيت منو
ابتهال-واحد شنو وين اكوو جنت نايمه
باوعت باستغراب ...بعدين كتلهه
- فلك وين نايمه موو
ودخلت باوعت ماكو احد بالهول وين فلك لعد عمو رجعهه غير
ابتهال-فوك بالغرفه
من كالت فوك ابتسمت
صعدت بسرعه اركض الباب جان مفتوح بس فراشات الولد باوعت ماكو
استغربت نزلت بسرعه ويه ماانزل سمعت الباب انطبك الخارجي رحت عليهه
ميمونه-وين فلك ومنو طلع تخونين عمو مو
ابتهال-انجبي لج اخون عمج شنوووو.ام الم الشوارع ...ام الولد همزين تنهزمين ويه الزلم يفوخوج
ميمونه-فلك وين
ابتهال-دور عليهه عمج ماكو
ميمونه-منو الماكو. تضحكون عليه انتو لو شنو وين اختي والفلوس الي بعت نفسي بيهن وين
ابتهال-امشي طلعي من بيتي ساقطه ..
ميمونه-خاااابري الكواد عمي هسه يجي بسرعه
ابتهال-اوكفيلي ....هسه اني اريد اخابره ....
خابرته وكالتله تعال ميمونه هيج تكول عليك ومو بس هيج تتهمني بشرفي ...
انسانه مستحيله تصيح وتبجي واني اباوع عليهه
احس الشرار يتطاير من عيوني ....سدته وهيه تصيح ..
وتتهدد
ابتهال-اني اكدر اطلعج منا هسه ...بس لا اريد عمج يسحلج ويربيج ويطردج بالشوارع يا .ساقطه يا ام الزلم عبالج الناس كلهه مثلج
بقيت اباوع ...واتذكر كلامهم ...ماعندي حجي وياهه بقيت انتظر ...هيه دخلت للغرفه ....اندكت الباب رحت للمطبخ اخذت سجينه
وهيه طلعت بسرعه فتحته تعال شوف هاي الي لفيتهه تتهمني
دخل عمو هداد .
عامر -ولج ميمونه
ميمونه- وجهت عليه السجينه
وين اختي ...اختي وين ...مو كلت بفلوس بيعتج ارجعهه بعتني وعفتني يمه بدون حتى ميعقد عليهه واختي بعتهه انت شنو فهمني
عامر -اختج ماكو ماادري وين ماخذهه دورت عليهه
ميمونه-انت كلت اتراسل وياهه وين الفلوس لعد رجعهن الي
عامر-انصرفن مطلوب وبعدين شنوتتهمين عمتج
ميمونه-الفلوس اريدهن ...هسه وعنوان اختي البعتهه اريده هسه صرت متأكده انت بعت اختي واخذت الفلوس
اجه عليه راد يهد ....قويت روحي راد يلزم ايدي تذكرت من عافني ومن ضربني ومن خلاني استعرض كدام حذيفه واخو دخلت السجينه ببطنه مااعرف شلون عاطت مرت عمي ودخلت وهيه تصرخ للغرفه وقفلت الباب عليهه
انت واحد عاااار والله ....انت بعتنه ...مرتك تخونك ...تستاهل قبل شويه طلع واحد من بيتك الله لا يوفقك .
عفت السجينه وايدي ترجف باوع عليه يحاول يوخرهه ويتوجع
طلعت اركض ....فتحت الباب ايدي كلهه دم ....وجسمي يرجف توني ركضت .. يتبع
#الارهابي_وذات_النقاب
#البارت٣١
توني ركضت .عثرت بالباب .....من كثر ما ايدي ورجلي ترجف .باوعت عل شارع فارغ .طلعت اركض ....بدون وعي مااعرف وين .... كمت كل ماامر من واحد يباوع عليه .بسبب ايدي .....دخلت للفرع الثاني حتى اخلص ..من شفت مابي ناس ونزعت .شالي بسرعه
ايدي من كد ما ترجف مااسيطر حتى الشال مااكدر الزمه مسحت الدم بالشال بسرعه.....ووكفت
اكو دم شويه جلب نكعته بشفتي ومسحته بالشال
وكمت امشي طبيعي ولفيت الشال بقيت لازمته خاف يبين دم مشايفته
....وكل شويه ادور وجهي
والرجفه متعوفني الحد ما وصلت للشارع العام أجرت تكسي بسرعه كتله
-للكراده
من صعدت بالتكسي اخذت نفس
كتلته ....كتلته وكمت اضحك بدون اي نبرة صوت .كتلته
الحقيرر ......كمت ابجي درت وجهي على الجامه اباوع عل شارع اااااااه متحملت اكتم وجعي ...اكثر كمت ابجي بصوت عالي ومخليه ايدي على حلكي
السايق-خيرج اختي
من سألني زدت بالبجي ......وغطيت راسي
السايق-اختي خيرج خوما احد متوفيلج
ميمونه-اي ...اي ...عمي
السايق -انا لله وانا اليه راجعون الله يصبرج اختي
درت وجهي عل جامه اباوع على الشارع .احس نفسي ضايعه اكثر من ضياعي قبل..فلك مااعرف وين ...ومااعرف مصيري بعد ما كتلته شنو ..
وصلني ...كتله على عنوان الشقه نزلني كبال العماره ...همزين جنت خاله الفلوس بجيب البنطرون ....ماعندي خرده جان منطيني بس ورق حذيفه انطيته ورقه
السايق-ماعندي خرده اختي اذا ماعندج محالله توكلي على الله
ميمونه-رأساً دخلت بدون مااحجي ولا كلمه
بسرعه .اركض وصعدت الدرج اركض ورجلي ترجف حتى عثرت بالدرج ....ورحت وكفت كبال الباب
كمت ادك بي سريع .....الى ان أيست هو راح واعرف راح ...بس جنت اكول بداخلي مراح والف فكر سويت بمخيلتي يرجعه
-وينك حذيفه محتاجتك .وينك ....كمت ادك بالباب ... وابجي .
انت اول شخص فكرت الجألك مع العلم اعرف بيك سافرت .
مااعرف اللحظه كلت يجوز ممسافر يجوز تأخرت او فاتت طيارتك وينك محد غيرك يساعدني
محد غيرك يصدك بيه .
حذيفه ارجع ....ارجع عل اقل اليوم واحد محتاجه جرعة قوه منك
مسحت دموعي واحس قابليتي ...خلصت كعدت بصف الباب مال شقه واني ابجي
.....وغمضت عيني .واتذكر اخر ساعات ويا
حذيفه--ميمونه ....احلى ٢٣يوم جانن وياج ...بس راح اروح وانت بنفسي
لان ولا مره سلمتيني نفسج وتجاوبتي وياي ... تقرب عليه سلميني نفسج ميمونه تلهفي عليه مثل ما اني اتلهف عليج
وكام يبوس بيه ....الاول مره حسيت نفسي اني هم راح اشتاقله
مااعرف ليش ...واللحظه تمنيت لو هو اول شخص اتعرف علي
بادلته نفس الشعور الاول مره ....فتح عينه وابتسم .....
سحبني حيل وكام يبوس بيه ...ويحضن وهو هم الاول مره ميكون هادئ وكانما احد يتسابق ويا
بعدهه نمنه بالكاع ......بقه يباوع عليه .....واني اباوع عليه
اللحظه حسيت بانكسار ....حسيته قوي ....حسيت نفسي محتاجه هاي القوه ...كم يوم عودني عليه مااعرف حب او لا ....بس من صدكني ...حسسني هو الامان الي جنت اريد اكله ابقه ....بس مااكدر اكولهه
دار عليه ....وخله اصبعه على شفتي
تعرفين قبل لحضات جانت عيونج بيهه قوه ...مااعرف ليش هسه انمحت منهن القوه ....دير بالج تضعفين بهاي الحياة لان تنوكلين
باوعت عليه بكلبي كلت شنو انت تقره الي بكلبي لو شنو
حذيفه-الي خلاني ادفع كل هاي الفلوس ...هيه حدية عيونج والقوه الي شفتهه بيهن ...صيري قويه حتى اذا حسيتي بضعف بداخلج كولي اني قويه وحاولي تصدكين وتوثقين بنفسج وتؤمنين بقوتج ...صدكيني راح تصيرين قويه
رددت اااااني قويه ....يستاهل.. هو يستاهل .....بقيت كاعده شويه وأيست ...حذيفه ماكو ....اني وحدي ...ماكو احد وياي......الشخص الوحيد الي اوثق بي هو ....ومتأكده ميخذلني ...راح
كمت مسحت دمعتي وطلعت من العماره ...جان اكو بوري جانبي ....فتحته وغسلت ايدي ووجهي ....شعري جان مشدود ...من منقبه ....المحجبه ....السافره علمود امحي اثار جريمتي
الدنيا لطشت بيه تلطش ....كمت امشي مااعرف وين اروح .والشوارع مزدحمه بالسيارات والناس .... واني امشي واباوع عليهم ....الي رايح للمدرسه والي رايح الدوامه والي ينزل من السياره والي يعبر الشارع ....واباوع شفت بنيه لابسه صدريه وحجاب وجنطه جانت بكدي.
بجيت ..بحركه .......الاول مره احسد بنيه .....واكول مفروض اني هم هيج.ووكفت وكمت اباوع عليهه عيني تترقبهه وامسح دمعتي باوعت عليهه من عبرت ذكرتني بفلك
ميمونه-اووووكفي وين رايحه جان عمرهه ٩سنين واني عشره رحنه نجيب دوه من الصيدليه ....فلك كبل عبرت لزمتهه وجريتهه وين
فلك-هههههه جبانه انتِ
ميمونه-متشوفين الشارع
فلك-واذا ....ماانسحك لتخافين غصباً ماعليهم يوكفون
سحبتني من ايدي وركضت عبرت الشارع ....كل شويه
ميمونه-اااانت مخبله والله ليش تعبرين هيج
اله شويه ننسحك
فلك-عادي ننسحك ونكوم كلشي مابينه ....بس بطلي تخافين انت ...كلشي ميصير بيج
ميمونه-راح نكوم اني وياج ....راح نكوم فلك
مراح نخلي احد يسحكنه .....راح ادور عليج والكاج
دخلت اسواق ....صرفت ورقه ..... وماادري وين اروح ....الاي مكان اتجه ....اكيد راح يبلغون عليه ....وبيت خالتي يروحوله لان ماعندي غيرهه وشاهين وثقت بي وحجيتله ...وكال ال خضر
صح مكتله لتكول بس خضر جان يتحجج عليه
وخضر ابتسمت ويه ابتسامتي نزلت دمعتي
اكثر شخص خذلني بهاي الدنيا ..تذكرت من طردني اول مره .. وتذكرت حذيفه شلون بسرعه صدكني
أجرت تكسي ....رحت للمنطقه للبيت الي اجره خضر قبل ردت اشوفه مااعرف ليش رحتله .....يمكن بداخلي جزء يتمنى يشوفه .......وصوتي يكول لا ...لا وارجع واكول كون اشوفه واضربه مثل ماضربت عمو هو هم باعني ...وتخلى عني مو بس عمو
اخذت تكسي جنت اندلهه المنطقه ....وصلت بس خربطت بين الفرعين ....كمت اروح وارجع ....دخلت واحد منهن لمحت من بعيد اكو درج
وصلت للبيت الي طفرتله وكفت كباله ...تذكرت من طفرت ....ووكعت على الكزازه ورجعت درت وجهي على البيت الي جان مأجره خضر .....وكفت كباله ....جانت الدنيا حاره تقريباً بقيت واكفه كباله ......اباوع تذكرت من شمرني ....بالباب ....واني ادك بالباب ...وهو ولا يسمعني ....حسيت كلبي كام يوجعني حيل ....اختنكت
مااعرف وين اروح ....وشسوي
توني ردت امشي انفتح الباب الجوه البيت طلعت مره منه لابسه عبايه .....رأساً وكفت ... اباوع عليهه وهيه تباوع عليع
- رايده شي خاله
ميمونه-البيت هذا متأجر الفوك
المره-اي من زمان
ميمونه-شكراً خاله
المره-اذا تريدين روحي للدلال بسرعه يطلعلج عنده كومه بيوت بس لو تجيبين احد جبير وياج احسن ...لان الوادم وحوش مشايفين وانوب انت مفرعه بدون حجاب ياكلوج هنا
بقيت اباوع عليهه ....عافتني ومشت ....درت بقيت اباوع على البيت .....ومن اباوع عليه انذكر خضر من شمرني بالشارع
طلعت من المنطقه .....ماادري وين اروح ....لو شسوي ....مااريد ادخل السجن اريد الگه اختي
بقيت افتر ....اروح منا واجي منا أجرت تكسي ....رحت للسوك .الي بي محل شاهين .رغم ما متردده ....بس مااعرف ليش كاعد اروح .....اشتريت شال لبسته رأساً وكملت طريقي
جنت لابسه بنطرون جنز وتشيرت طويل اسود ساده وترانشوز كمت امشي باتجاه المحل .....والسوك هوسه
.......
خضر-اخر ايام شاهين شد وياي كام من الصبح يكعدني اروح ويا للمحل وصدك مدري شكو النسوان بس يشترن ....حتى اتعب من كد ما كل شويه رافع ايدي ويدوخن الواحد انطيني هذا لا هذا ولو تعبتك بس هذا مو زين ....واني مالي خلك وطافره روحي
فتحت المحل مثل كل يوم الصبح ....اني وشاهين وكعدنه نتريك وشاهين جايب ريوك وجاي من ولد بالسوك يبيع كيمر عرب
تريكنا وبقينه نسولف شويه الصبح ارحم من العصر
العصر تكول زنابير من يهجمن
شاهين-ممرتاحلك هالايام خضر
خضر-ليش منكول اني الي ممرتاحلك ....احس ضام شي
شاهين-ماكو اي شي جديد
خضر-لعد شبي وضعك مو تمام
شاهين-صار عندي شك بشغله
خضر-شنيه
شاهين-مااكدر احجيهه هسه
خضر-تخص شنو
شاهين-لتلح من اتأكد رأساا اكلك
وكوم يلله اكو كم شغله نقص نطلعهه من المخزن
بقيت تقريباً ارتب لان اكو اغراض طلع بيهن اكسباير منتهي ....صفيناهن وكل شويه جايه مره ابيعلهه وتطلع الحد ما أذن دخلت للمخزن صليت .. وطلعت لكيت شاهين متوضي يريد يصلي
طلعت بره دخنتلي جكاره واباوع عل ناس ....الرايح والجاي والف حسبه ببالي
اسأل شدتسوي هسه ميمونه ...ومرتاحه لو متعذبه لو كاعد تصلي يجوز يم فلك اختهه مو تزوجت ....معقوله سافرت الف فكر ....بعقلي يجي شمرت الكطف وطلعتلي جكاره ثانيه وطلعت اغنية اسماعيل جنت حافظهه بجهازي باليوم يمكن ١٠مرات اسمعهه هيه واغنية سعد الحلي وحده وره الثانيه
وين انت وينك.... تسأل عليه.... ماعندي غيرك ...مو تدري بيه .....اخذوني منك....بعدوني عنك لا انت بأديك ولا اني بأديه
وين انت وينك وينك وينك مشتاكه عيني عيني العينك
لاتنسه العهد البيني وبينك كلبي الك وكلبك اليه
دخلت للمحل كعدت وره الجام خانه وخليت الجهاز يمي واستمع للاغنيه
شاهين-اعوذ بالله من الشيطان الرجيم ....توك صليت يا اخي
خضر-اي وشنو يعني
شاهين- حرام عل اقل احتراماً لرب العالمين مو اني اصلي وانت مشغل اغنيه
وبعدين تدري خضر اني متشمت بيك عل حركة كلبك هاي
بس مقهور لان مااعرف مصير هاي الابنيه الي بسببي هيج صار بيهه والله لو ادري بيك هيج اعوج ولا اورط روحي واشهد على زواجك منهه الله اعلم هسه شنو حالهه
خضر-شايف كلبي شكد مورم ومهموم ونارا مشتعله من احجي وياك انتَ شتسوي تذب بانزين على النار وتشعل كلبي بالزايد
زين واذا اكلك اني شاك بيك انت تعرف شي
شاهين-والله شفايتلي اعرف شي عن ميمونه ...واطمئن عليهه ...عل اقل ضميري يرتاح ...تجاه هاي البنيه
خضر-الموبايل وين وله لعد اني عايفه بالمحل
شاهين-والله يا استاذ اني مكايلك تصير اثول وتضيع الموبايل وبعدين شنو شتتوقع اني اعرف شي عن ميمونه ومااكول
ولو اني حالف من الكه اثرهه مستحيل اكلك ...اشوف البنيه مرتاحه بحياتهه اذا مرتاحه اسلم عليهه وارجع واذا متأذيه اشعل صفحة جدك شعل
............
ميمونه-جنت واكفه غاد من المحل اباوع عليهم جان موجود خضر كاعد ....وشاهين واكف كباله ويسولفون
كلبي وجعني من شفت خضر شكد تمنيت رجلي توديني للمحل بس ثكلث .جنت اتمنى اصرخ اضرب اكسر محله على راسه
ومستحيل الجأ اله اخر شخص بحياتي كلهه افكر الجأ اله
درت وجهي ورحت .وهم رجعت النفس النقطه وين اروح مااعرف .
اسلم روحي لو شسوي مااعرف ....دخلت بدوامه صعب اطلع منهه
تذكرت وحده من صديقات فلك جانت دوم تدبرلهه شغل كاعده بشقه بالكريعات هيه وامهه ابوهه متوفي تمكيج بنات بالبيوت وفتره شتغلت وياهه فلك ...تسوي رجلين العرايس تنظيف وتقشير ومن هالسوالف ...صح مكانهه يختلف بس مدري منين تعرفت عليهه
تذكرت مره من عزمتنه على كورنيش الكريعات واخر شي فلك كالت بطلت تطلع بالبيوت ...وفتحت صالون بأسمهه
حتى اللافته اسمهه سوزان
ادور على صالونهه حلاقة سوزان النسائيه ....اخذت تكسي ورحت للكريعات وصلت للكورنيش نزلت الهوا يخبل رغم ما ظهر بس احس اكو نفس حلو. وجانو اغلبهم صيادين واكفين
مشيت خطوات وكمت امشي بالشارع الى ان شفت مره
كتلهه خاله اكو صالون وانطيتهه الاسم
مااعرف شلون خطرت ببالي هاي البنيه ..تعرفت عليهه فتره قصيره فلك بس اجتي بعقلي فجأه
دلتني بالصالون ....جانت مفتحه لان اكثر العرايس الصبح يجون دكيت باب الصالون ...فتحو رأسا.
لكيت الصالون ازدحام ...دخلت باوعت مااعرف منو منهن مشفتهه
بلا زحمه سوزان ام الصالون هنا
باوعت عليه كالت
شكد قديمه شاااالو من زمان وعافت المكان
ميمونه-جانت الكلمه تمط بيهه ومو بس هيه حتى سوزان من شفتهه مره ....اليأس سيطر عليه ...كل مااكول خلصت ولكيت حل ارجع النقطة الصفر
بلا زحمه متعرفين عنوانهه
-لااا والله بس رقمهه عندي انطيالج تريدي
ميمونه-اي والله ياريت
اخذته وطلعت واني اصلاً ماعندي موبايل ...
ماكو غييير اروح الخاله ام قاسم وهناك يقبضون عليه يقبضون يطردوني براحتهم
اخذت تكسي ...مااعرف لو الفلوس مو بجيبي ولو مماخذتهن مااعرف جان شصار بيه ....اخذت تكسي
ووصلت قريب من منطقتنه القديمه بمسافه
شفت مكتوب شقق للايجار معزوله عل شارع عام بس بابهه جانبي كتله نازل
انطيته الابو التكسي حسابه ونزلت باوعت من الجهه الثانيه اسواق مكتوبه اللافته اسواق الغيث
وشايب كاعد بيهه كلش جبير شلون بابا ...ذكرني بي دشداشته ولحيته البيضه
رحت عليه رأساً
-السلام عليكم
-وعليكم السلام بنتي
-عمو هاي الشقق للايجار
-اي عمو هنه اثنين بس كل وحده بابهه وحده اكو جبيره واكو صغيره كلش انتو كم نفر لان الباقيه بس الصغيره
ميمونه-اي اي هو اني اريد الصغيره اني واختي وتنهدت وامي
ابو المحل-مااعرف شوفيهه يجوز متفيدج ...لان كلش صغيره وبيهه بس غرفه
ميمونه-عندك المفتاح
-اي هنه تابعات الاخويه
م دخلت الشقه بيهه بس سنك بالمطبخ وكاونتر بالسنك نفسه
كيفت بيهه ...كتله عمو هذا هو أأجرهه ..
ابو المحل-بس امج متكدر تصعد الدرج وها عندج الباب محكم محد يكدر يدخللكم بس السطح للاسف مو الكم للشقه الجبيره هاي اخويه الشقه لزكهه تلزك ...لذلك متتأجر بسهوله
ميمونه-شكد ايجارهه عمو
ابو المحل-٢٥٠
ميمونه-ماشي عمو أأجرهه وطلعت الفلوس انطيته ورقتين
ابو المحل-خل يشوفوهه اهلج خاف متعجبهم
ميمونه-لا تعجبهم واصلاً مو اليوم عمو يجون اهلي ...مسافرين للعلاج واني ببيت عمي كاعده تعاركت وياي مرت عمي وطردتي وعمي بالشغل بالجيش
مااعرف شلون لزكتهه
نزلت ويا للمحل .فرحانه طايره من الفرح ....ممصدكه الله باوعلي ولكيت شقه
من دخلوله عرفت اسمه ابو منتظر كمت اصيحله ابو منتظر .....اشتريت منه ادوات تنظيف وانطاني نسخة المفتاح وصعدت انظف بيهه
جانت عباره عن هول صغير بالمقدمه وكبال الهول مطبخ مربع صغير وبصفه باب الغرفه مربعه بس صغيره كلش وحمام كلشي بيهه صغير جنهه صندوق مبينه بناء تلزيم بس فرحانه بيهه
نظفتهه وهمزين جان الجو كاسر فتحت الشبابيك على الشارع من جهة المطبخ وخليت الهوا يدخل للشقه
حسيت نفسي جعت .نزلت مشيت كم خطوه لكيت محل يبيع دجاج شوي اخذتلي نص وصمون وببسي وصعدت اكلت
تذكرت حذيفه ودلاله ...كال ٢٤يوم مميزه بالفعل خلاهن مميزات ...بس طلعن من خشمي ....وتندمت على كل يوم معشته بفرحته وخليت الحزن يسيطر واني اكل تذكرت عمي السافل من يكلي مطلوب
لو من شفت هذا الدخل بيته ...اتمنى من كلبي مات من هاي الضربه .....
لو انت يا خضر ....خربت كل حياتي وعايش حياتك .مرتاح .....اخ ياكلبي شكد حملت هموم
...........
فلك-بعد مانممه بالاستقبال .....لليل كلش كمنه هو دخل للحمام واني صعدت سبحت هم ....شويه وصعد يمي بقه نايم يمي ويشبك ويحضن ويتلمس ببطني ويحجيلي عن مشاعره تجاه علي
فلك-حسين
حسين-ها حبيبتي
فلك-ليش محد يجيكم
حسين-هو منو موجود اخويه وسافر واختي هيفاء شوفت عينج
فلك-ماعندك بعد اخوان
حسين-لا
فلك-ورود شوكت ترجع
حسين-مالج دخل بهاي الامور
فلك-اذا رجعت هم تبقه هيج وياي
حسين-مو كتلج لتحجين بهاي الامور
فلك-اريد اعرف ...حسين بس افهمني ورود متريد الطفل أجرلي شقه وخليني اني وابني بيهه عسى ما تجي نص ساعه باليوم
حسين-اريد ابني يمي بكل وقت وهذا الموضوع بعد وكت اله سدي كتلج لتضوجيني
فلك-ماشي ...ماشي راح اسكت .درت جسمي عنه حضني من وره وكام يتلمس ببطني الى ان غفه واني ابجي وامسح بدموعي واضم صوت بجيتي مااريده يسمع
يومين ثانيه مرت ....مااعرف جنت متمدده سمعت صوت الباب انفتح باوعت من الشباك ورود راجعه
انكرب كلبي ....
شويه وصعدت هيه .
كالتلي طلعي من الغرفه
باوعت عليهه .مفهمت
ورود-الغرفه الي خليتهه الابوج بعد تبقين بيهه
فلك-ليش
ورود _اتوقع هذا بيتي واني الي اقرر ونزله ممنوع تنزلين حمام ويمج فقط وقت الوجبات بعدم وجود حسين. باوعت وراحت باتجاه الجربايه جانت تدور على شي بعدين شالت المخده وطلعت موبايلي
وموبايل ممنوع الج هم الى ان تجيبين وتطلعين من هذا البيت
فلك-انت منو حتى تاخذين موبايلي
ورود-بيتي هذا ....وانت مو مال احترام ادري بيج فرحتي وعبالج رحت وعفتلج البيت حبيبتي هاي باحلامج مو تجي وحده مثلج تهجم بيتي
فلك-ااانطيني موبايلي
ورود-ماانطي الموبايل هذا الموجود ويلله طلعي من الغرفه
سحبتني من ايدي بنتره جريت ايدي منهه
....ااايدج .شنو معنى تصرفج اااني مو خدامه عندج حتى هيج تسوين
راحت للكنتور ...طلعت الملابس وشمرتهن بالصاله الفوك بالكاع
وجرتني وطلعتني من الغرفه وقفلت الباب
-مااكول غير بس حسبي الله ونعم الوكيل
بدون متجاوب .نزلت .شلت ملابسي ورحت للغرفه الي جان نايم بيهه بابا معدلين الجربايه خليت ملابسي بيهه وكعدت .
كآبه ....جنت اعرف منو يطب ويطلع من الشباك واتفرج على الحديقه .جنت اكدر اهد عليهه واحجي بأسلوبهه بس مااريد نقاط ضدي
.................
خضر-جنه كاعدين بالمحل صارت بالاربعه تقريباً تعبت وهلكت ...وكل شويه اخابر حمصه جان توه مصارله كم يوم مفتحله محل انشائيات هو وراشد مشاركين بي .
بعد ماعاف الجيش .تندم وفتح المحل
جان مجمعله جم فلس من الرواتب رغم ما اهله اهله طاكين اخو الجبير صاحب شركات بس الكل يعرف مصدرهن حرام ....وهو من دون اخوانه ممتقرب للحرام ...وميخلي واحد يفرض عليه شي
عايش على مزاجه لا عنده عائله ولا متزوج واكثر شي متشرد وياي .
خابرته .
-ها شنو الوضع
حمصه-لك انت عار ثم عار ثم عار ...خلفله على ام تك وتك خلتك كل خمس دقايق تتصل
خضر-هسه غير يحجي
حمصه-بابا يعني لو اكو جديد اسكت ومااخابرك ...وبعدين اني رجال على باب الله مكالمتك كاعد تعطلني
اتصل عليه علي كتله ابقه وياي عل خط خل اشوف علاوي
جاوبت علاوي كتله الو ها علاوي
علاوي-خضر سمعت خالد وسلمان يحجون ام تك وتك كاتله عمهه ومهزومه
خضر-اني كلي هيج احس الدنيا سودت بعيوني
-انت شدتحجي وين ميمونه هسه وليش كتلته .وين ميمونه علاوي
دخل بهاللحظه شاهين ومن سمع اسم ميمونه كبل اجه عليه
شاهين-شكو
خضر- متحجي علي وين هي هسه
علي-مااعرف ممفتهم بس خالد سمعته كال ال سلمان هذا الخبر لان مرت عمهه مبلغه
خضر-خالد راح للمكافحه يعني
علاوي-اي اتوقع
سديت الخط ونهيت مكالمة حمصه المعلقهه
شاهين-غير افتهم شكو
خضر-ميمونه كاتله عمهه
شاهين-كاتلته يعني كاتلته خلاااص
خضر-ماااعرف ماااعرف ابد
شاهين-وين راح تروح اوكف خل اسد المحل واجي وياك
-استعجل شاهين استعل رايح للسياره قبلك
صعدت وشاهين ويايه
جاوبت حمصه لان لح بالاتصال
-ليش سديته سمط
-ميمونه كاتله عمهه
-شنو لا بشرفك تعالو مرولي اخذوني وياكم
خضر-ماعندي وقت ..كطعت الاتصال
وسقت بسرعه عاليه بس اريد اوصل
شاهين-شلون يعني كتلته مفتهمت من علي
وليش
-اكيد سوالهه شي هذا النذل وكتلته اكيد ميمونه متعرف تلزم سجينه اكيد عذبهه وخلاهه تنفجر هذا الانفجار شلون هسه فهمني
شاهين-يعني مااعرف والله شكول خل اخابر خالد افتهم منه
شال تلفونه وجاوبه خالد ....جريته منه وخليته يفتح سبيكر
شاهين-شنو هذا الخبر خالد
خالد-منو كلك انت شبسرعه وصلك . الخبر اسمع مااريد خضر يعرف خل اشوف شكو وعود الله كريم
شاهين-غير افتهم
خالد-هو اني مفتهم حتى افهمك هسه متوجه للمكافحه خابرني صديق الي من اختفه هذا عمهه العار وصيته
شاهين-ديلله اني هم جاي هسه
خالد-شتسوي جاي رحمه الدينكم اكعدو ...وبعدين محد اله علاقه اني اتصرف اريد اعرف الي صار وافتهم الموضوع
شاهين-بس كلي يعني مات
خالد - وصلت اني افتهم وافهمك
وقطع الاتصال
-بكلشي مستبعدني حتى بالاشياء الي تخصني
سقت اسرع بحيث شاهين يروح منا ويجي منا الى ان وصلنه ردنه ندخل منعونه
اتصل شاهين كبل كله خالد
-عاشت ايدك جايبلي خضر وجاي عود وصيتك
شفت خالد رحت باتجاهه
-. شمسويلهه وكتلته الحيوان
شاهين-ميت لو اكو امل تطلع منهه
خالد-مميت ومرت عمهه مشتكيه وميمونه مهزومه
خضر-من كال مهزومه ارتاحيت .
-يعني مو هنا اوف الحمدلله
خالد-اي مو هنا ...منو كلك انت
خضر-وين ميمونه لعد وين الكاهه هسه وراح تنسجن لو شنو خالد فهمني
خالد-بعدني بسم الله مااعرف شصار وليش خل افتهم الموضوع اول
خضر انبهك ابد ابد متتصرف بشي بدون علمي اهدأ وحكم عقلك
خليني افتهم واني اتصرف اسمع كلامي هالمره خضر الله يخليك
شاهين-اي اصلا ماعنده اختيار وين نلكاهه للبنيه
خالد-رجعو يلله اني ابقه وياكم على اتصال رايح للمستشفى هسه
خضر-عفته ورحت للسياره وكفت وكمت اضررب بيهه لزمني شاهين
شاهين-خبال الخبلك ان شاء الله انت عقل ماعندك ابد بطل هالحركات وامشي اصعد
خضر-وخر عني شاهين ....خرب راح اتخبل ليش سوتهه ميمونه شلون شصار وخلاهه تضربه الهذا السافل
كمت امسح بوجهي بتوتر
اتصلت على حمصه كبل رد عليه
-ها بشر
-حمصه انتبه على الكامرا باي لحظه ميمونه تجي الخالتهه ماعدهه احد غير خالتهه
-يعني مهزومه والله هاي ام تك وتك داهيه
سديته بوجهه و.صعدت بالسياره رحت البيتهم القديم ماكو اثر الهه ورجعت البيت خالتهه مريت من يمهم ووكفت السياره اتصل عليه حمصه
حمصه--منور اخو باشا بالكامرا
خضر-حمه وحق ربك اذا الزمك ماارحمك اني بحال هاي السوالف
حمصه-ردت اكلك شكو جاي هنا وجه الجفجير
مو كامرات عليمن هالوقت تضيعه خوب دور بغير مكان
سديته بوجهه وصحت
-خبل خبل رسمي هذا
شاهين-توك عرفت ليش متدري بي
مرن يومين احس نفسي بعد مااتحمل تعبت من التفكير اريد الكاهه مالهه اثر وين راحت مااعرف الف حسبه بعقلي تجي
اني كابلت المكافحه اريد اعرف شي ليش سوت هيج ميمونه .... والولد كلهم وياي بس راشد لان أمنته ميعوف الكامرا ابد طلع خالد لان ممنوع يدخلونه جوه اله خالد يتوسط النه وخالد ميسويهه
خالد-هاي كلكم هنا
حمصه-غير ويه خضر
خالد-هو معم على خضر غيرك انت .
خضر-احجي خالد شنو الموضوع حجت هاي لو ادخل اني احجيهه
خالد-يابه خضر راح اضربك طلقه براسك واخلص منك ...اولاً ميمونه تشيل ايدك منهه بعد
مره متزوجه مالك دخل بيهه ..
خضر-شنو ....منو متزوجه ميمونه
خالد-شنو مسمعت تريد اعيدهه ميمونه متزوجه
خضر-هههههه .قويه هاي .ميمونه
انتَ شكاعد تحجي
خالد-اتوقع سمعت الحجيته كلش زين شاهين اخذه وتوكلو منا
عافنه ومشه لحكته
-خالدبعد ميمشن عليه هاي السوالف صارن قديمات .
رجع بخطواته ودار عليه
-شنوالقديمات ....انت ويه منو كاعد تحجي بهذا الاسلوب
خضر-خالد ....انت دتتشاقه تريدني ابعد نفسي عن سالفة ميمونه ...اعرف هاي السوالف
خالد-وحق الله يا خضر .هاي اخر مر اسمحلك هيج تحجي وووياي ...صار اشهر اتحمل سوالفك واعبرهن بمزاجي
البنيه متزوجه وهيه هسه على ذمة رجال
خضر- انتَ شكاعد تحجي شنو متزوجه مصارلهه هًواي من كملت عدتهه
تقرب عليه وهمس بأذني
خالد-خلي اللساني مسدود احسن مااحجي على عرض العالم تروح هسه تولي ترجع للبيت اليوم من ارجع اذا ماالكاك بالبيت .اشوفك شي مشايفه بحياتك كلهه
خضر-عود شوفني الشي المشايفه بحياتي كلهه
جرني شاهين ووكف بوجهي
شاهين-اااانجب اللصم
خضر-وخر ايدك شاهين
شاهين-تنجب وتسكت
خالد-شو بلله عوفه ...اريد اشوفه شيسري
شاهين-خالد شنو قصتك عوفه
سحبني حمصه وبعدني عنه ردت ادفعه شد عليه قوي
-شبيك غبي كافي ارجع العقلك انت مخبل شلون تجاوبه هيج
خضر-اسكت ...اسكت انتَ ووخر ايدك عني
...يكول متزوجه مسحت حلكي بقوه
اجه عليه شاهين هاد
-اااانت كلش صاير ماعندك اااخلاق ...لك شلون تجاوبه هيج
خضر-لتسوولي ي روحكم مدري شنو. سمعته شيحجي وياي ....سمعته
شاهين-اي تزوجت شنو الغريب بالموضوع بنيه مطلقه شي طبيعي تدور ستر وتتزوج
خضر-لك العده توهه مكمله شاهين مصارلهه شهر شتحجي انتَ مااصدك والله مااصدكه هذا فلم منه هو من البدايه مراعب ميمونه يحاول يشوه سمعتهه يمي
شاهين-شيشوه شيشوه كلك متزوجه مناهبه البنيه
شتتوقع لعد من طلكتهه اكيد تدور ستر ...الله يسترهه وتتهنه
.خلصت السالفه خضر كافي الهنا وحدك
خضر-لا مخلصت ...مخلصت السالفه
وعفته ورحت شمرت السويج عل سياره
شاهين-وين
خضر-الجهنم
شاهين-تعال اخذ سيارتك اني ارجع تكسي
خضر-عفته ورحت ...امشي بدون وعي ....مكاعد استوعب معقوله تزوجتي ميونه.هيج بسرعه
كام يصيح عليه حمصه
-اوكف يمعود يمعود وين رايح اوكف
درت عليه
حمصه بداعة امك عوفني
-شبيك يمعود
خضر-مكاعد اصدك تزوجت ميمونه ...حمصه توهه مفروض خلصت العده
حمصه-والله ماادري شكلك
خضر-كلي ...كلي انجبرت ...يجوز عمهه الحيوان جبرهه ولان جبرههحاولت تكتله .
حمصه-احتمال
خضر-اكتله بيدي والله اذا جابرهه
حمصه-ميفيد بعد البنيه على ذمة رجال
لزمته من ياخته .وجريته عليه وخزرته
-لتكول على ذمة رجال
حمصه-يابه اسف على ذمة مره
خضر-حممممممصه
حمصه_شكو شكو شكلك لعد كلي ميصير تهجم كبل اكلك على ذمة رجال متقبل على ذمة مره متقبل شكول اني بهاي الحاله
دفعته
خضر-دوخر عني يااخي مو بحال شقاك اني محترك تعرف شنو محترك
عفته ومشيت وبقه يلحكني
حمصه-بلا سوالف تافهه خضر
خضر-حمصه طااافره روحي وعقل ماكو براسي عوفني الله يخليك والله مالي خلك لسوالفك
حمصه-لا احجي صدك اوكف خليني اكلك بشغله
خضر-عوفني وحدي حمصه لتگلي ولا اكلك بس اريد ابقه وحدي شويه استوعب
حمصه-بعيداً عن الشقه والضحك وكلشي ....خضر اول مره احجي وياك هيج ....بجديه....
صح هيه انهزمت وياك ...وهالشي معناهه يمنه وبعادتنا وتقاليدنا مو زين ويمكن لو وحده من خواتنا سوتهه مراح نسكتلهه
بس اني وياك اكو بنات يتقشمرن واحتمال وحده من خواتنا يتقشمر عليهه ...تعرف اساليب اقناع الرجال ....بس اكووو الحوك الي ميعبرن عليهه واكو الي تتقشمر وميمونه من النوع الي تتقشمر
وانت قشمرت على هاي البنيه
خضر-انت شدتحجي حمصه.....وخر عني مااتحملك بعد راح ارتكب جريمه بيك
حمصه-انت كلتهه بلسانك كلت بعد مااخذت الاريده شمرتهه ...... من التقينه بيك بالمستشفى لان طبيعي تبرر عدم وجودهه
رجعت كلت دورولي عليهه وكعدنه ندور .....وراهه خالد جابهه ....احنه منعرف تفاصيل والله يشهد لليوم محاجي وناطق وكايل مرت خضر انهزمت ويا ...لان انت اخويه ...والكلمه التنحجي عليك تمسني قبل لا تمسك
اني مااعرف ميمونه ...ومشايفهه غير بس من انت عقدت سيد ولحظات بس بس هيه اجتي عاشت بيت حبوبتك ...بوسط ولد عمك .علاوي يحمد بيهه وحبوبه من اشوفهه متنزل من اللسانهه
..رسل من شافت بناتنا هم حامدتهه هواي
وخالد تتوقعه يخليهه على ذمتك لو ما سائل ومتطقس على البنيه وكلنه نعرف بمنطقتهم الجديده انت جنت تتطفر عليهه من السطوح وحتى اذا متلتقي بيهه تنام بسطحهم
خضر-حمصه ...كل الكلام اعرفه .واني هسه تعبان .شتريد مني
حمصه-خليني اكمل وانتَ تسمع
رجعت طلكتهه خضر ...علمود يدلوك بعنوان ...ومااعرف شلون صدكت سلمان
خضر-اني حيوان وغبي ...ارتاحيت تعرف من اكلك روحي محتركه مالي خلك اسمع شي
حمصه-لذلك كاعد احجي هذا الحجي
طلردتهه ورجعت طلكتهه ..شترررريد خضر شتريد ... هسه منهار وتكول شلون سوت هيج. شتريد منهه وانتَ كم مره خذلتهه
عوف البنيه يا اخي بحالهه
فركت وجهي بعصبيه ...واحس اعصابي انشدت وماعندي اي كلام احجي
عفته ورحت ....واني امشي كتله
-لتجي وراااي حمصه اريد ابقه وحدي . حجيت هواي كافي عوفني
احس كلبي يريد ينفجر....مااكدر كلشي اسوي احس كلشي بيه تربط وعقلي ميستوعب ...واني اتخايلهه صارت بحضن غيري ...شلوووون عفتج يا ميمونه ....
صحت متحملت بصوت عالي
-شلون
جانو يمشون ناس كبالي دارو عليه
................
فلك-بعد اوامر ورود ومن طلعتني من الغرفه ....بيومهه انتظرت حسين يصعد ابد مصعد ولا ثاني يوم
وكل ماانزل مموجود ...تعبت حيل ...
سمعت صوته ....بالهول ....نزلت من الدرج .جان هو وورود كاعدين بقيت اباوع عليه .بس نظراتي عتب اله ...جنت بداخلي اكله للأسف تخاف منهه .
وكفت كبالهم
-حسين اريد احجي وياك
ورود-حسين هههه وهزت براسهه
حسين-خيرج فلك
فلك-خيري ...خير ان شاء الله ...
ورود-اتوقع ماكو كلام بينكم واذا شي يخص الطفل .اسأليني الي
حسين-ورود
فلك-اتوقع من صار الاتفاق ومن وقعت ....ويه حسين مو وياج
حسين-فلك
ودار على ورود
-ورود لتنسين اني هنا
فلك ...صعدي الغرفتج اني هسه اجي وراج
باوعت ورود ابتسمت باستهزاء وهزت راسهه
صعدت .وبقيت واكفه على الدرج اسمعهم
ورود-هااا حسين
حسين-ورود ....اني مااسمحلج تتحكمين بيه ....الي فوك حامل بطفلي
ورود-هيج صارت ....لعد كلامك انمحى
حسين-اني مكتلج رجعي ورود ولا كتلج راح اتخلى عن ابني
ورود-هيج صارت
حسين-كتلج مااتقرب منهه واني على وعدي الج
ومااقبل بعد هيج تتصرفين انتبهي
ورود-حسين
حسيت عليه يريد يصعد ركضت دخلت للغرفه وصدك شويه وفتح الباب باوعت عليه محجه شي بس يباوع عليه
-اريد اعرف مصيري النهائي حسين وياك
-هو هذا الي ردتيني بي
فلك-راح اموت ....تعرف حالي حال المحكوم اعدام ومحددين يوم اعدامه ويباوع عل ساعه
ويخاف من تمشي
عكس كل الحوامل.هنه يباوعن
على ساعه يريدنهه تمشي سريع واني اريدهه تتبطىء
انت مو وعدتني كتلي مااخاف وكتلي من اوعد مااخلف كلي مو راح اموت والله
تقربت عليه عدم كلامه يموتني
-ليش متجاوبني حسين
-كلشي بوقته حلو فلك ....وعدتج اني ومراح اخلف وعدي وياج كافي لتلحين بالموضوع
فلك-....اقشمر على روحي واضم وجعي بحضن منك رغم ماانت سبب اوجاعي
ليش ىبس من تنام وياي احس بحبك الي ...معناهه انت بس جسمي تريد
حسين-تعرفين شنو المشكله ....انت متعرفيني وشحجي متقتنعين بي وتبقين خايفه لذلك اكلج كلشي بوقته حلو
بعدين راح تفهمين نامي مطمئنه فلك
عافني وفتح الباب راد يطلع لزمت ايده
-حسين اني تعبت من الغموض ..مااتحمل بعد
حسين-تصبحين على خير
انهارت اعصابي اكثر وراهه مشفت حسين كام ميجي للبيت قليل ....واذا اجه او اسمع صوته كبل يدخل غرفته .
يوم يومين اسبوع دخلت بالسادس واكلت نصه وهو ماكو حتى سؤال ميسأل عليه باعني بكل سهوله صرت متأكده بس يبنجني بالكلام وراح ياخذ الطفل مني
مجرد الي كلشي بوقته حلو جرعة مهدء الي .....او يلعب باعصابي
حسيت بجوعه ......ردت انزل سمعت صوت حسين وورد بالهول بس صوتهم مو كلش واضح
نزلت بايتين ردت افهم ولزمت المحجر شويه صار بي وضوح بس اله اركز
مااعرف شلون انفتح الموضوع بس بعدين من كال اسمي عرفت عليه
حسين-صار الي صار ولو يرجع الوكت مستحيل اسوي الي سويته ...نهائي ولو فلك مو حامل ....جان طلكتهه وخليتهه تروح بحال سبيلهه النقاش انتهى بخصوص هاي المسإله
ورود-مو بس انت متندم اني هم متندمه دخلت بنيه بيتي ....تعرف جان مفروض من البدايه نتطلك ...وتشوف حياتك وانت تعود واني اتعود .
مااعرف حسين وين راح تخلص مااعرف ...ليش احسك جاي تضيع مني ....لو مطلكني من زمان افضل ...عل اقل ابقه احبك
حسين-محد يضيع من احد البنيه الفوك الخاسر الوحيد ورود
ورود-اعرف ...اعرف ....والمشكله ان بسبب هاي البنيه لا انت ولا اني راح نرتاح .....ساعات اكول
رأساً تغيرت نبرة صوتهه بخنگه وبچيه گالت
هيه ام ابنك ...حتى اذا صغيره ..
وهيه الي مفروض تبقه .بس مااكدر .والله مااكدر .....ليش اني انجبر اتحمل تنام يم غيري
وانت السبب بلي عشته
حسين-تعرفين ورود ....كلش زين مو اني السبب ....وتعرفين مجنت سكران وجنت تعبان لذلك انت بقيتي وياي ...وتعرفين اني من النوع الي مااشرب ولا حتى شام ريحته ورود تعبت سنين واني اكلج مجنت شارب .....
فلك-كعدت وكمت ابجي ...مااعرف على نفسي على ورود الي صوتهه مخنوك ....وعلى حسين الي احسه محتار
ورود-تعبت اني ..
حسين-انت جبتي هذا التعب الج ورود كتلج مقتنع بقسمة رب العالمين .....خليتي اختج الدكتوره المحترمه تلعب بعقلج وتقنعج واجيتي اكلتي راسي تقنعج بسالفة استغلال وحده فقيره تاخذين ابنهه ....
انتصار كالتلي البنيه وضعهه تعبان وتحتاج وكالتلي تفيديهه وتستفازين ومبينه كلبهه قوي .......واكو هواي غيرهه اذا متقبلين بس البنيه احسن متتجه الغير طريق واني علمودك هم
حسين-ورود انت مو بس علمودي ...كافي ...كافي كلشي تذبي براسي ....ومخليتني واجهه الاغلاطج من كلتيلي على هااااي البنيه تتذكرين شكتلج لو متتذكرين كتلج تريديني استغل بنيه فقيره ...
ورود-لان جنت تريد تتزوج اني سمعتك انت واخوك تخططون لزواجك الثاني ....تخليت حتى عن مبادئي علمودك
حسين-راح اختصرلج ورود .اني فلك ممقرر اطلكهه
ولا اسجل الطفل باسمج وهيه تريد تبقه اهلاً وسهلاً واذا تريد تتطلك حتى اذا طلكتهه يبقه بأسمهه الطفل بس اخليهه توقع قبل لا اطلكهه ....تنازل عن الطفل
مااكدر اراعي مشاعرج على حساب خسارة ضميري ....واذا على الحب ...انت الحب الوحيد الي مااكدر اطلعه من كلبي
فلك-احس ايدي كامت ترجف من الفرحه ممصدكه ودموعي تنزل .
الحمدلله يا ربي ...الحمدلله ....توني رفعت ايدي ادعي جنت كاعده وابجي وورود ....
-تكله جنت اعرف والله
فجأه حسيت شي دفعني .....مااعرف احساس او فقدت توازني . .......يتبع