بارت ١٨ +١٩
ﺷﺎﻫﻴﻦ - ﻣﻴﻤﻮﻧﻪ . ﺑﻌﺪﻳﻦ ﺍﺳﻮﻟﻒ ﻭﻳﺎﺝ ﺑﺲ ﺍﺫﺍ ﻛﻠﺘﻲ ﻫﺬﺍ ﺍﻟﺸﻲ ﺧﺎﻟﺪ ﻣﻴﺒﻘﻴﺞ ﻓﻬﻤﺘﻲ ﺍﻧﻲ ﺍﺣﺠﻲ ﻋﻠﻤﻮﺩﺝ
ﺑﻬﺎﻟﻠﺤﻈﻪ ﺩﺧﻞ ﺧﺎﻟﺪ ﺑﻘﻪ ﻳﺒﺎﻭﻉ ﻋﻠﻴﻨﻪ بنطرات تسأول
ﺍﻧﻲ ﻣﻦ ﻳﻤﻲ ﺍﺭﺗﺒﻜﺖ .... ﺩﻧﻜﺖ ﺭﺍﺳﻲ
ﺭﺳﻞ - ﺍﻟﺴﻼﻡ ﻋﻠﻴﻜﻢ
ﻛﺒﻞ ﺭﻓﻌﺖ ﺭﺍﺳﻲ ﻭﻛﻤﺖ ﺑﺎﻭﻋﺖ ﻋﻠﻴﻬﻪ ﻣﺘﻮﺟﻬﻪ ﻋﻠﻴﻪ
رحبت بيه وبوستني توني اريد اكعد
خالد- ﺭﺳﻞ ﺍﺧﺬﻳﻬﻪ ﻭﻳﺎﺝ ﻟﻠﻐﺮﻓﻪ
ﻃﻠﻌﺖ ﻭﻳﻪ ﺭﺳﻞصعدتني الغرفتهم ﺟﺎﻧﺖ ﻓﻮﻙ ﺑﻴﺘﻬﻢ ﺑﺴﻴﻂ ﺑﻨﺎﺀ ﻗﺪﻳﻢ ﺑﺲ ﻣﺮﺗﺐ .ﺩﺧﻠﺖ ﺍﻟﻐﺮﻓﺘﻬﻢ ﺍﻭﻝ ﻣﺪﺧﻠﺖ ﻛﺎﻟﺘﻠﻲ ﺣﻨﻄﻴﺞ ﻣﻼﺑﺲ ﻣﻨﻲ ﺣﺘﻰ ﺗﺴﺒﺤﻴﻦ ﻻﻥ ﻣﺒﻴﻦ ﻭﺿﻌﺞ ﺗﻌﺒﺎﻥ
ﻣﻴﻤﻮﻧﻪ - تسلمين ﺭﺣﻢ ﺍﻟﻠﻪ ﻭﺍﻟﺪﻳﺞ
ﺭﺳﻞ - ﺷﻠﻮﻥ ﺗﺰﻭﺟﺘﻲ ﺍﻧﺖ ﻭﺧﻀﺮ .... ﺍﻧﺼﺪﻣﺖممستوعبه الحد الان ﻫﺴﻪ ﺧﺎﻟﺪ ﻛﺎﻝ احس نفسي مضروبه على راسي ﺯﻳﻦ ﺟﻨﺘﻲ ﻳﻢ ﺍﻫﻠﺞ ﻟﻮ ﻭﻳﻦ ﻻﻥ ﺷﻜﻠﺞ ﻣﺎﺍﻋﺮﻑيعني اعتذر بس مثل المتسولات
ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﻭﺻﺎﻓﻨﻪ ﺑﺪﻭﻥ ﻣﺎﺍﺟﺎﻭﺏ استمرت بالأسئله وكل اسئلتهه مااعرف شجاوبهه عليهه
ﺭﺳﻞ - ﺯﻳﻦ ﻋﻴﻮﻧﺞ ﻻﺑﺴﻪ ﻋﺪﺳﺎﺕ ﻟﻮ ﺷﻨﻮ شو شكلهن غريب
ﻣﻴﻤﻮﻧﻪ - ﻋﻴﻮﻧﻲ
ﺭﺳﻞ - ﺣﻠﻮﺍﺕ ﺑﺲ ﻫﻢ ﺷﻜﻠﻬﻦ ﻏﺮﻳﺐ
ﻭﺿﺤﻜﺖ وكملت كلامهه
-ﺳﺒﺤﺎﻥ ﺍﻟﻠﻪ ﺧﻀﺮ ﻣﻮ ﻃﺒﻴﻌﻲ ﻣﻦ ﻳﻮﻡ ﻳﻮﻣﻪ
ﺑﺎﻭﻋﺖ ﻋﻠﻴﻬﻪ ﺑﻘﻴﺖ ﺳﺎﻛﺘﻪ ناوشتني الملابس ﺍﺧﺬتهن من ايدهه
ونزلنه دخلت ﻟﻠﺤﻤﺎﻡ بعد مادلتني عليه ﻋﻠﻜﺖ ﺍﻟﻤﻼﺑﺲ ﻭﻓﺘﺤﺖ ﺍﻟﺒﻮﺭﻱ ﻋﻠﻰ ﺍﻟﻨﺠﺎﻧﻪ
ﺟﺎﻧﺖ ﺍﻟﺴﻠﻪ ﻣﺎﻝ ﺍﻏﺮﺍﺽ ﺍﻟﺸﺎﻣﺒﻮ ﻭﻫﺎﻱ ﺍﻟﺴﻮﺍﻟﻒ ﻋﺎﻟﻴﻪ ﻣﻨﺸﺘﻬﻪ ﺑﺴﻬﻮﻟﻪ ﻳﻤﻜﻦ ﻻﻥ ﻛﻠﻬﻢ ﻃﻮﺍﻝ ﻣﻌﻠﻜﻴﻬﻪ ﻋﺎﻟﻲ ﻧﺰﻟﺘﻬﻦ ﻭﻛﻌﺪﺕ ﻋﻞ ﺗﺨﺘﻪ ﺫﺑﻴﺖ ﻣﻲ ﻭﺧﻠﻴﺖ ﺷﺎﻣﺒﻮ ﻋﻠﻰ ﺭﺍﺳﻲ ...... ﻭﻻ ﻳﻮﻏﻒ ﺍﻟﺸﺎﻣﺒﻮ ﻭﺷﻌﺮﺝ ﻣﻌﺜﻚ ..... ﻣﻮﺗﻨﻲ ﻳﻤﻜﻦ ﻛﻢ ﻣﺮﻩ ﻳﺎﻟﻠﻪ ﺻﺎﺭ ﻭﻏﻒ ﻭﻏﺴﻠﺘﻪ ﻭﺍﻧﻲ ﺍﺫﺏ ﻣﻲ ﻋﻠﻰ ﺭﺍﺳﻲ ﺍﺑﺠﻲ من اتذكر ﻛﻼﻡ ﻓﻠﻚ كلامهه يوجع
ﻣﻦ ﺍﺗﺬﻛﺮﻩ ﻳﺨﻨﻜﻨﻲ ﺣﻴﻞ ﻭﻣﺎﺍﻛﺪﺭ ﺍﺗﻨﻔﺲ ﻭﺍﻧﻲاتذكر ﻛﻠﻤﻪ ﻛﻠﻤﻪ ﻣﺜﻞ ﺍﻟﻨﺎﺭ ﺗﺸﺘﻌﻞ ﺑﺼﺪﺭﻱ
ﻓلك - ﺷﻌﻠﻴﻪ ﺑﻴﺞ ﺍﻧﻲ ﻣﺘﻬﻤﻴﻨﻲ ﺍﻧﺖ ﻛﺘﻠﺞ ﺍﻧﺖ ﻣﺘﻲ ﻭﻋﻦ ﻧﻔﺴﻲ ﻣﺎﺍﺻﺪﻙ ﺍﻧﺖ ﺷﺮﻳﻔﻪ ﺍﻧﺖ ﺍﺻﻼً ﻭﺣﺪﻩ ﺳﺎﻗﻄﻪ ﺟﻨﺘﻲ ﺗﺘﻔﻘﻴﻦ ﻭﻳﺎ ﺗﻨﻮﻣﻮﻧﻲ ﺑﺎﻟﻠﻴﻞ ﺑﻤﻨﻮﻡ ﺣﺘﻰ ﺗﺎﺧﺬﻳﻦ راحتج
كمت اشهك واتمنى اصرخ
ﻟﻮ ﻣﻦ ﺍﻛﻠﻠﻬﻪ ﺧﺎﻑ ﺍﻟﻮﻛﻌﻪ ﻣﺄﺛﺮﻩ ﻋﻠﻴﻪ ﻣﻦ ﺟﻨﺖ ﺻﻐﻴﺮﻩ ...
ﻓﻠﻚ - ﻟﺘﺪﻭﺭﻳﻠﺞ ﺣﺠﺞ ﺍﻧﺖ ﻭﺣﺪﻩ ﺭﺧﻴصه
1. اصواتهم وكلامهم يوجع صدى اصواتهم بأذني
ﺧﻀﺮ - ﻣﺎﺍﺻﺪﻛﺞ ﻟﻮ ﺑﻤﻨﻮ ﺗﺤﻠﻔﻴﻦ ﺍﺻﻼً ﻭﺣﺪﻩ ﻣﺜﻠﺞ ﺍﻧﻬﺯﻣﺖ ﻭﻳﻪ ﻭﺍﺣﺪ ﻣﺘﻌﺮﻓﻪ ﻭﻋﺎﻓﺖ ﺍﺑﻮﻫﻪ ﻭﺍﺧﺘهه ﻛﻠﺸﻲ ﺍﺗﻮﻗﻊ ﻣﻨﻬﻪ
ﻛﻤﺖ ﺍﺩﻙ ﻋﻠﻰ ﺭﺍﺳﻲ ﻭﺍﺑﺠﻲ ﻭﺭﺟﻌﺖ ﻟﺰﻣﺖ ﺭﻛﺒﺘﻲ ﺣﻴﻞ
-ﺍﻟﻠﻪ ﻳﺎﺧﺬﻙ ﺍﻟﻠﻪ ﻳﺎﺧﺬﻙ ﺣﻘﻴﺮ ﺧﺴﺮﺗﻨﻲ ﻛﻠﺸﻲ
بقيت بالحمام فتره طويلة الى ان حسيت وصعي مو تمام صار
ﻟﺒﺴﺖ ﺩﺷﺪﺍﺷﺔ ﺭﺳﻞ ﻏﺮﻛﺖ ﺑﻴﻬﻪ ﻃﻮﻳﻠﻪ ﺣﻴﻞ ﻭﻋﺮﻳﻀﻪ ... ﺟﻨﺖ ﻧﺎﻋﻤﻪ ﻭﻓﻮﻛﺎﻫﻪ ﺿﻌﻔﺎﻧﻪ ﺍﻛﺜﺮ ﻣﻦ قبل صرت جني خشبة
ووجهي لو مو طبيعته بي خدود
ودورة وجهي ﻋﺮﻳﻀﻪ ﻭﻟﻪ ﻟﻮ ﻣﻮ ﺩﻭﺭﺓ ﺍﻟﻮﺟﻪ ﻣﺎﺍﻧﺸﺎﻑ
ﺍﺳﺘﺤيت ﺍﻃﻠﻊ ﻭﻣﻼﺑﺴﻲ ﻏﺴﻠﺘﻬﻦ ﻭﻫﻨﻪ ﺍﺻﻼً ﻣﻴﻨﻠﺒﺴﻦ ﻣﻦ ﺍﻟﻮﺻﺦ ﺣﺎﻟﺘﻲ .... ﺑﻘﻴﺖ ﻭﺍﻛﻔﻪ ﺑﺎﻟﺤﻤﺎﻡ ﺍﺑﺠﻲ
ﺍﻟﺤﺪ ﻣﺎ ﺍﻧﺪﻛﺖ ﺍﻟﺒﺎﺏ
ﺭﺳﻞ - ﻣﻴﻤﻮﻧﻪ ﺷﻨﻮ ﻣﻴﺘﻪ ﻋﺪﻟﻪﻣﻜﻤﻠﺘﻲ ﺳﺒﺢ ﺻﺎﺭﻟﺞ ﺑﺎﻟﺴﺎﻋﻪ
ﻣﻴﻤﻮﻧﻪ - ﻛﻤﻠﺖ
ﺭﺳﻞ - ﻣﺘﻄﻠﻌﻴﻦ ﻟﻌﺪ
ﻣﻴﻤﻮﻧﻪ - ﺍﻟﻤﻼﺑﺲ ﺟﺒﻴﺮﺍﺕ ﻋﻠﻴﻪ ﻛﻠﻬﻦ ﻭﻣﺎﻋﻨﺪﻱ ﻣﻼبس
ﺭﺳﻞ - ﺍﻱ ﻏﻴﺮ ﺗﺤﺠﻴﻦ ﺗﻜﻮﻟﻴﻦ ﺩﻃﻠﻌﻲ ﻭﺭﻭﺣﻲ ﻛﺒﻞ ﺍﻟﻐﺮﻓﺘﻲ ﻫﺴﻪ ﺣﺼﻌﺪ ﻟﻠﻤﺨﺰﻥ ﺍﺷﻮﻓﻠﺞ ﻣﻼﺑﺴﻲ ﺍﻟﻘﺪﻳﻤﻪ ﻣﻦ ﺟﻨﺖ ﺿﻌﻴﻔﻪ
ﻓﺘﺤﺖ ﺍﻟﺒﺎﺏ ﻛﺒﻞ ﺿﺤﻜﺖ ﻋﻠﻴﻪ
- ﻳﻌﻨﻲ ﺻﺪﻙ ﺗﺤﺠﻴﻦ ﻭﺍﻛﻔﻪ ﺑﺎﻟﺤﻤﺎﻡ ﺍﻱ ﺩﺻﻴﺤﻲ ﺍﺣﺠﻲ
تعالي تعالي
رجعت صعدتني الغرفتهه ﻛﻌﺪتني وصعدت ﺻﺪﻙ ﺷﻮﻳﻪ ﻭﻧﺰﻟﺖ ﺟﺎﻳﺒﺘﻠﻪ ﺩﺷﺪﺍﺷﻪ ﺑﺲ ﻣﻌﻘﺠﻪ ﻻﻥ ﻣﻀﻤﻮﻣﻪ
ﺭﺳﻞ - ﻫﺎﺝ ﺗﺮﻩ ﺍﻧﻲ ﻫﻢ ﺟﻨﺖ ﺿﻌﻴﻔﻪ ﺑﺲ ﺳﺎﻋﺔ ﺍﻟﺴﻮﺩﻩ ﻋﻞ ﺍﻟﺨﻠﻔﻪ ﺳﻤﻨﺘﻨﻲ ﺿﺎﻣﻪ ﻣﻼﺑﺴﻲ ﻋﻠﻰ ﺍﻣﻞ ﺍﺭﺟﻊ ﺍﺿﻌﻒ ﻫﻬﻬﻬﻪ ﻭﻳﺰﻳﺪ ﺍﻟﻮﺯﻥ ﻣﻴﻘﻞ ... ﺣﺴﺒﻲ ﺍﻟﻠﻪعلى ارادتي
ﻫﺎﺝ ﻫﺎﻱ ﺍﻛﺼﻒ ﺑﺲ ﺍﻟﻄﻮﻝ ﻧﻔﺲ ﺍﻟﻄﻮﻝ ﻣﻴﺘﻐﻴﺮ ﺍﻧﺖ ﻛﺼﻴﺮﻩ ﻛﻠﺶ ﺣﺘﻰ ﺍﻟﻜﻌﺐ ﻳﻢ ﺧﻀﺮ ﻣﻴﺴﺎﻋﺪﺝ
ابتسمت وتذكرت بابا وماما كتلهه
-ﺍﺣﻨﻪ ﺑﺎﺑﺎ ﻭﻣﺎﻣﺎ ﻛﺼﺎﺭ طالعه عليهم وانتم
ﻛﻠﻜﻢ ﻃﻮﺍﻝ ﻣﺎﺷﺎﺀ ﺍﺍﻟﻠﻪ
ﺟﺎﻧﺖ ﺭﺳﻞ ﺗﻄﻠﻊ ﺑﺎﻝ١٦٨ ﻃﻮﻟﻬﻪ ﻭﺍﻧﻲ ﻃﻮﻟﻲ ١٥٧
ﻟﺒﺴﺖ ﺍﻟﺪﺷﺪﺍﺷﻪ ﺻﺎﺭﺕ ﻓﺴﺘﺎﻥ ﺳﻬﺮﻩ ﻋﻠﻴﻪ ﺑﺲ ﺍﻟﻜﺼﻒ ﺍﺭﺣﻢ ﻣﻦ ﺫﻳﺞ ﻻﻥ ﺻﺪﻙ ﺟﺎﻧﺖ ﺿﻌﻴﻔﻪ ﺑﻴﻦ ﻣﻦ ﺩﺷﺪﺍﺷﺘﻬﻪ ﻭﺣﺘﻰ ﻫﺴﻪ ﻛﻠﺶ ﺣﻠﻮ ﺟﺴﻤﻬﻪ ﺍﻧﻄﺘﻨﻲ ﻣﺸﻂ
ﻭﻛﻌﺪﺕ ﺍﻣﺸﻂ ﻣﻮﺗﻨﻲ ﺷﻌﺮﻱ .... ﺟﺎﻥ ﻃﻮﻳﻞ ﻛﻠﺶ ﻭﻣﻦ ﻛﺪ ﻣﺎﺍﺫﺍﻧﻲ ﺭﺩﺕ ﺍﺿﻌﻒ ﻭﺍﻛﺼﻪ ... ﺑﻘﻴﺖ ﺑﺎﻟﻐﺮﻓﻪ ﺍﺳﺘﺤﻲ ﺍﻧﺰﻝ ﻧﺎﺱ ﻣﺎﺍﻋﺮﻓﻬﻢ بعدني احس بالغربه بس شسوي هذا قدري الي اني رحتله بيدي ﺍﻟﺤﺪ ﻣﺎﺻﻌﺪﺕ ﺭﺳﻞ أنبتني لان منزلت وكملت حديثهه
- ﻳﻤﻌﻮﺩﻩ ﺣﺒﻮﺑﻪ ﺧﺒﺼﺘﻨﻪ ﻭﻳﻦ ﻣﻴﻤﻮﻧﻪ ﻭﻳﻦ ﻣﻴﻤﻮﻧﻪ
- ﺟﻨﺖ ﺍﺳﻮﻱ ﺷﻌﺮﻱ ﺃﺫﺍﻧﻲ
- ﻫﺎﻱ ﺧﺎﻟﺘﻲ ﺍﺫﺍ ﺗﺸﻮﻓﻬﻪ ﻫﺴﻪ ﺗﻜﻠﺞ ﻛﺼﻲ ﺳﻮﻟﺘﻬﻪ ﺑﻜﺺ ﺍﻟﺸﻌﺮ ﺩﺗﻌﺎﻟﻲ ﻧﺰﻟﻲ ﻳﻠﻠﻪ
- ﺭﺳﻞ ﻭﻟﻮ ﺣﺰﺣﻤﺞ ﺑﺲ ﺣﺠﺎﺏ ﺍﺭﻳﺪ ﻣﺎﻋﻨﺪﻱ
- ﻋﻠﻰ ﺷﻨﻮ ﻣﺎﻛﻮ ﺍﺣﺪ ﻏﺮﻳﺐ ﺷﺎﻫﻴﻦ ﻭﺭﺍﺡ
- ﻭﺧﺎﻟﺪ
- ﻋﺎﺩﻱ ﺍﻧﻲ ﻣﺎﺍﻟﻠﺒﺲ ﻛﺪﺍﻣﻬﻢ ﻣﻤﺘﻘﻴﺪﻩ وميحجون
- بس رب العالمين ميسامحنه اذا قصرنه
ﻣﻴﺼﻴﺮ ﻭﺍﻟﻠﻪ .... ﺍﻟﻠﻪ ﻳﺬﺑﺞ ﺑﺎﻟﻨﺎﺭ
- ﻫﻬﻬﻬﻪ ﻳﺎﺭﺑﻲ ﻣﻦ ﻛﻠﺘﻲ ﺍﻟﻠﻪ ﻳﺬﺑﺞ ﺑﺎﻟﻨﺎﺭ ﺣﺴﻴﺘﺞ ﻣﺤﻤﺪ
ﻳﻤﻌﻮﺩﻩ ﻫﻤﻪ ﻣﺜﻞ ﺍﺧﻮﺗﻲ ﻭﺍﻟﺪﻧﻴﺎ ﺣﺎﺭﻩ ﻭﻫﻤﻪ ﻣﻮﺟﻮﺩﻳﻦ ﺍﻟﻮﻟﺪ
-بس رب العالمين ذاكر الحجاب بالقرآن الكريم
بسمه تعالى وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ﴾
-ميمونه كل لشه تتعلك من كراعهه
انطتني حجاب
وﻧﺰﻟنه ﺟﻮﻩ ﺩﺧﻠﺖ ﺑﺎﻟﻐﺮﻓﻪ ﺟﺎﻥ ﺧﺎﻟﺪ ﻛﺎﻋﺪ ﻳﺸﺮﺏ ﺟﻜﺎﻳﺮ ﻭﻣﻌﻠﻲ ﻋلى الاﺧﺒﺎﺭ ﻭﺣﺒﻮﺑﻪ لازمه السبحه وتسبح
ﻭﺍﻡ ﺧﺎﻟﺪ ﻣﺒﻴﻨﻪ ﻻﻥ ﺣﺎﺟﻴﻠﻲ ﻋﻨﻬﻢ ﺧﻀﺮ ﺑﺲ ﻣﻤﺒﻴﻦ ﻋﻠﻴﻬﻪ ﺟﺒﻴﺮﻩ ﻛﺎﻋﺪﻩ ﻻﺑﺴﻪ ﻓﻮﻃﻪ ﻫﻢ ﺑﺲ ﻓﻮﻃﻪ ﺣﻠﻮﻩ ﻭﻣﻜﺤﻠﻪ ﻭﻭﺣﻮﺍﺟﺒﻬﻪ ﻣﺮﺳﻮﻣﻪ ﻛﻠﺖ واني اباوع عليهه
-ﺍﻟﺴﻼﻡ ﻋﻠﻴﻜﻢ
ﺟﺎﻭﺑﺘﻨﻲ ﻣﻦ ﻭﺭﻩ ﺧﺸﻤﻬﻪ
- ﺍﻫﻼً
ﻭﻣﻜﺎﻣﺖ ﺍﻟﻴﻪ ﺑﻘﻴﺖ ﻭﺍﻛﻔﻪ ﺍﻧﻲ ﻣﺎﺍﻋﺮﻑ ﻣﻔﺮﻭﺽ ﺍﺭﻭﺡ ﺍﺑﻮﺳﻬﻪ ﻟﻮ ﺍﻏﻠﺲ .... ﻏﻠﺴﺖ ﺭﺣﺖ ﻛﻌﺪﺕ ﻳﻢ ﺣﺒﻮﺑﻪ
ﺑﻘﺖ ﺗﺴﺒﺢ ﺑﻌﺪﻳﻦ ﺧﻠﺼﺖ ﻛﺎﻟﺖ
- ﻧﻌﻴﻤﺎً ﻳﻤﻪ ﺍﻱ ﻫﺴﻪ ﻃﻠﻌﺘﻲ ﺣﻠﻴﻮﻩ
ﺍﻛﻠﺘﻴﻠﺞ ﻟﮕﻤﻪ
ﻣ- ﺟﻨﺖ ﻛﻠﺶ ﺟﻮﻋﺎﻧﻪ ﺑﺲ ﺍﺳﺘﺤﻲ ﻛﺘﻠﻬﻪ
-ﻣﺎﺍﺭﻳﺪ ﺣﺒﻮﺑﻪ مااشتهي
- ﻳﺎ ﻳﻤﻪ كﻮﻣﻲ ﺍﻛﻠﻲ ﺧﻞ ﺗﺼﻴﺮ ﺑﻴﺞ ﻟﺤﻴﻤﻪ ﺍﻟﻀﻌﻒ ﻣﻴﻨﺮﺍﺩ
ﺧﺎﻟﺪ - ﻛﻮﻣﻲ ﻣﻴﻤﻮﻧﻪ ﺍﺗﺼﺮﻓﻲ ﻃﺒﻴﻌﻲ ﺑﻌﺪ ﺍﻧﺖ ﻫﻨﺎ ﻣﻦ ﺍﻟﺒﻴﺖ .... ﺗﺄﻗﻠﻤﻲ ﻭﻳﻪ ﺍﻟﻮﺿﻊ
ﺭﺍﺣﺖ ﻋﻴﻨﻲ ﻋﻠﻰ ﺍﻡ ﺧﺎﻟﺪ ﻣﺒﻴﻦ ﻋﻠﻴﻬﻪ ﺍﻟﻐﻀﺐ ﻣﻦ ﻣﻼﻣﺢ ﻭﺟﻬﻪ ﺍﻟﺤﺎﺩﻩ .... ﻛﻤﺖ ﺍﻧﻲ ﺗﺴﺤﺒﺖ ﻋﻠﻰ ﻛﻴﻒ ﺍﻣﺸﻲ ﺍﺣﺲ ﻧﻔﺴﻲ ﻣﺮﺍﻗﺒﻪ ﻣﻦ ﺍﻟﻜﻞ ﻣﺎﻋﻮﻟﺖ ﺍﻃﻠﻊ ﻣﻦ ﺍﻟﻐﺮﻓﻪ ﺭﺣﺖ ﺍﻝ ﺭﺳﻞ ﺑﺎﻟﻤﻄﺒﺦ ﺟﺎﻧﺖ ﺗﺘﻄﺒﺦ ﺑﺎﻟﻐﺪﻩ
ﺍﺳﺘﺤﻴﺖ ﺍﺳﻮﻱ ﺭﻳﻮﻙ ﺑﻘﻴﺖ ﻛﺎﻋﺪﻩ ﻳﻤﻬﻪ
- ﺍﺳﺎﻋﺪﺝ
- ﺧﺎﻟﺪ ﻣﻴﻘﺒﻞ ﺍﻟﻪ ﺍﻧﻲ ﺍﺳﻮﻱ ﺍﻟﻐﺪﻩ
- ... ﻳﺤﺐ ﻃﺒﺨﺞ
- ﻻ ﻭﺩﺍﻋﺘﺞ ﻳﺤﺐ ﻃﺒﺦ ﺍﻟﻜﻞ ﺑﺲ ﻳﻀﻮﺝ ﻳﺸﻮﻓﻨﻲ ﻛﺎﻋﺪﻩ ﻳﺘﻨﺮﻓﺰ
ﻣﺎﺍﺣﺲ ﺍﻟﻪ ﻃﻠﻊ ﺻﻮﺕ ﺧﺎﻟﺪ
ﻳﻤﻪ ﺍﻟﻤﻮﺿﻮﻉ ﻣﺨﺼﻮم ﻣﻴﻨﺤﺠﻲ ﺑﻲ ﻭﺻﻠﺖ ﺣﺪﻫﻪ ﻣﻮ ﻛﻞ ﺷﻮﻳﻪ ﺍﺣﺠﻲ ﺍﻧﻲ
ﻭﺍﻧﺖ ﺣﺒﻮﺑﻪ ﺧﻀﺮ ﻣﺎﻟﺞ ﻋﻼﻗﻪ ﺑﻲ
ﺗﻘﺮﺑﺖ ﺭﺳﻞ ﻳﻢ ﺍﻟﺒﺎﺏ ﺍﻧﻲ ﻣﻦ ﺳﻤﻌﺖ ﺧﻀﺮ ﻛﻤﺖ ﻭﻛﻔﺖ ﻳﻤﻬﻪ
ﺣﺒﻮﺑﻪ - ﻳﻌﻨﻲ ﺗﺴﺠﻨﻪ ﻣﺎ ﻣﻘﺒﻮﻟﻪ ﺧﺎﻟﺪ ﻫﺬﺍ ﺍﺧﻴﻚ ويتيم ماله احد
ﺧﺎﻟﺪ - ﺣﺒﻮﺑﻪ اخيي ﻫذا ﻣﻨﺘﻬﻴﻦ ﻣﻨﻬه ﺑﺲ ﻋوﻓﻴﻨﻲ ﺍﺗﺼﺮﻑ ﻭﻳﺎ ﺑﺪﻭﻥ ﻣﺘدﺧﻠﻴﻦ ﺍﻧﺖ اصلاً تدخلاتكم هي الوصلته الهاي الحاله
ﺣﺒﻮﺑﻪ - ﺗﺮﻳﺪﻧﻲ ﺍﺷﻮﻓﻚ ﺗﺴﺠﻨﻪ ﻭﺍﺳﻜﺖ ﻫﺬﺍ ﻳﺘﻴﻢ ولك يمه يتيم
ﺧﺎﻟﺪ - ﺣﺒﻮﺑﻪ ﻭﺍﺣﺪ ﻣﺴﺘﻬﺘﺮ ﻣﺎﻋﻨﺪﻩ ﺣﺪﻭﺩ ﺍﻟﻜﻠﺸﻲ
ﻭﻳﺘﺼﺮﻑ ﻭﻻ ﻋﺒﺎﻟﻚ ﺍﻛﻮ ﺟﺒﻴﺮ .... ﻭﺍﻟﻠﻪ ﻣﺤﺪ ﻃﻠﻊ ﻋﻴﻨﻪ ﻏﻴﺮﺝ ﺍﻧﺖ
ﺣﺒﻮﺑﻪ - ﻭﺭﻭﺡ ﻋﻤﻚ ﺍﺫﺍ ﻣﺘﻄﻠعه ﻟﻌﻮﻑ ﺍﻟﺒﻴﺖ ﻭﺍﻫﺞ
ﺧﺎﻟﺪ - ﺣﺒﻮﺑﻪ ﻣﺎﺍﻃﻠﻌﻪ ﻣﻦ ﺍﻟﺴﺠﻦ ﺍﺫﺍ ﻣﻨﺪﻣﺘﻪ ﺍﻧﻲ ﻣﺎﺍﻃﻠﻊ ﺧﺎﻟﺪ
ﺍﻡ ﺧﺎﻟﺪ - ﺣﺠﻴﻪ ﺧﻄﻒ ﺣﻔﻴﺪﻱ ﻭﺗﺮﻳﺪﻱ ﻳﻄﻠﻌﻪ ﻟﻴﺶ ﻟﻴﺶ ﻫﻴﺞ ﺗﻔﺮﻗﻴﻦ ﺑﻴﻦ ﺍﺣﻔﺎﺩﺝ
نتر بعصبيه خالد
- يمه
- ﺷﻨﻮ ﻳﻤﻪ ﻫﻴﻪ ﺣﺒﻮﺑﺘﻚ ﻋﺪﻫﻪ ﺧﻀﺮ ﻧﺒﻲ ﺍﻟﻠﻪ ﻳﺴﻠﻤﻬﻪ .... ﻛﺎﻓﻲ ﺍﻧﺖ ﻭﺣﺒﻮﺑﺘﻚ بعد مااسكت
ﻭﺍﺣﺪ ﺧﻄﻒ ﺣﻔﻴﺪﻱ ﺭﺑﻴﻨﺎ ﻭﻣﻐﺰﺭ ﺑﻲ ﻭﺫﺍﻙ ﺍﻟﻴﻮﻡ ﺍﺑﻨﻲ ﺭﺍﺩ ﻳﻮﻛﻊ ﺑﻴﻬﻪ ﻣﻦ ﻭﺭﻩ ﺧﺒﺎﻟﻪ ﻟﻮ ﻣﺠﺎﻳﻪ ﺑﻲ ﺍﻟﻄﻠﻘﻪ ﺟﺎﻥ ﺍﺑﻨﻲ ﺍﻧﻜﺘﻞ ﺍﻧﻲ ﻣﻨﻮ ﻳﻔﻴﺪﻧﻲ ﻳﻔﻴﺪﻧﻲ ﺧﻀﺮ ﻻ ﻭﺍﻟﻠﻪ ﻣﻴﻔﻴﺪﻧﻲ ﻭﺍﻧﺖ ﺍﻟﻴﻮﻡ ﺟﺎﻳﺒﻠﻲ ﻣﺮﺗﻪ ﻭﺗﺮﻳﺪﻧﻲ ﺍﺳﻜﺖ ﻟﻴﺶ .... ﻟﻴﺶ ﻳﻌﻨﻲ
ﺧﺎﻟﺪ - ﻳﻤﻪ ﺧﻀﺮ ﺍﺧﻮﻧﻪ ﻭﺍﺣد ﻣﻨﺎ ﺷﺪﺗﺤﺠﻴﻦ ﺍﻧﺖ
ﺣﺒﻮﺑﻪ - ﺳﻤﺎﻧﻴﻪ ﻣﻮ ﺑﻴﺪﺝ ﻋﺒﺎﻟﺞ ﺍﺳﺘﻐﺮﺏ ﺣﻘﺎﺭﺗﺞ ﻭﺍﻟﻠﻪ ﻓﻼ ﺍﺳﺘﻐﺮﺑﻬﻪ ﻭﺍﻣﺪاه ال ﺣﺎﺗﻢ ﺍﺑﻨﻲ ﻣﻮ ﺣﻮﻙ ﻟﻮ ﻣﻄﻠﻜﺞ ﻟﻮ ﺭﺍﻛﻌﺞ ﺑﻤﺮﻩ ﻭﻣﻔﻮﺥ ﮔﻠﺒﻲ .... ﺍﺧﺨﺨﺨﺨﺨﺦ .... ﻛﻄﻌﻴﻪ ..... ﻣﺎﻟﺖ ﻋﻠﻴﺞ ﺍﻥ ﺷﺎﺀ ﺍﻟﻠﻪ ﻭﺍﻧﺖ ﺧﻮﻳﻠﺪ ﻃﻠﻊ ﺧﻀﺮ ﻭﺍﻟﻠﻪ ﻣﺎﺍﺳﺎﻣﺤﻚ ﻃﻮﻝ ﻋﻤﺮﻱ .... ﻭﻟﻚ ﻫﺬﺍ ﺍﺑﻦ ﺍﻟﻐﺎﻟﻲ ﺍﻟﻤﻈﻠﻮﻡ ﻫﻴﺞ ﺗﺴﻮﻱ ﺑﻲ
ﻭﻛﺎﻣﺖ ﺗﺒﺠﻲ بحركة گلب
-ﻭﻟﻜﻢ ﺷﻤﺎﻟﻜﻢ ﻭﻳﺎ مو كافي الزمن عليه هنوبه انتم عليه
ﺟﻨﺖ ﻭﺍﻛﻔﻪ ﺍﺳﻤﻊ ﺭﺩﺕ ﺍﺭﺟﻊ ﺍﻟﻤﻜﺎﻧﻲ ﺩﺭﺕ ﻭﺟﻬﻲ ﻭﻫﺒﻄﺖ ﺭﺃﺳﺎً ﻣﻦ ﺷﻔﺖ ﻭﺍﺣﺪ ﻭﺭﺍﻳﻪ ﺷﻬﻜﺖ ﺑﺼﻮﺕ ... ﺭﺳﻞ ﻛﺒﻞ ﺩﺍﺭﺕ ﻭﻛﺎﻟﺖ
- ﻋﻼﻭﻱ شكو ولك ﻫﻬﻬﻬﻪ ﺧﻔﺖ ﻛﻠﺖ ﻣﻌﻘﻮﻟﻪ ﺧﺎﻟﺪ ﻣﻨﻴﻦ ﻻﻑ
ﺑﺎﻭﻋﺖ ﻭﻟﺪ ﺷﺎﺏ ﻫﻢ ﻃﻮﻳﻞ ﺑﺲ ﻃﻮﻟﻪ ﻃﺒﻴﻌﻲ ﻛﻤﺰﺕ ﻻﻥ ﺟﻨﺖ ﻣﻨﺪﻣﺠﻪ ﺍﺳﻤﻊ ﻭﻣﺘﺄﺛﺮﻩ ﻭﻓﺠﺄﻩ ﻫﻮ ﻭﺭﺍﻧﻪ
ﻋﻠﻲ - ﺯﻭﺟﺔ ﺧﻀﺮ ﺍﻧﺖِ ﻣﻮﻭﻭﻭﻭﻭ
ﺭﺳﻞ - ﻭﻟﻚ ﺷﻤﺪﺭﻳﻚ ﺍﻱ ﻫﻴﻪ
ﻋﻠﻲ - ﻋﺮﻓﺘﻬﻪ ﻣﻦ ﺍﻟﺘﻚ ﻭﺗﻚ
ﺭﺳﻞ - ﻳﺎﺍﺍﺍﺍ ﻫﻬﻬﻬﻪ ﻗﺼﺪﻙ ﻋﻠﻰ ﻋﻴﻨﻪ ﻭﻟﻚ ﻋﻴﺐ
ﻋﻠﻲ - ﺷﻌﻠﻴﻪ ﺍﻧﻲ ﻫﻮ ﺧﻀﺮ ﺧﺒﺼﻨﻪ ﺗﻚ ﻭﺗﻚ ﻓﻌﺮﻓﺘﻬﻪ ﻣﻦ ﻋﻴﻮﻧﻬﻪ
ابتسم وهو يباوع عليه
-ﺍﻧﻲ ﻋﻠﻲ ﺍﻋﺘﺒﺮ ﺍﺧﻮ ﺧﻀﺮ ﺷﻠﻮﻧﺞ
- ﺯﻳﻨﻪ
- ﺩﻭﻣﺞ ﺍﻥ ﺷﺎﺀ ﺍﻟﻠﻪ
———................
ﻓﻠﻚ - ﺍﻧﺼﺪﻣﺖ ﺑﺠﻴﺔ ﻣﻴﻤﻮﻧﻪ ﺟﻨﺖ ﺍﻋﺮﻑ ﺭﺍﺡ ﻳﺠﻲ ﻳﻮﻡ ﺍﻟﻲ ﺗﺮﺟﻊ ﺑﻲ ﺑﺲ ﻣﺘﻮﻗﻌﺖ ﺭﺃﺳﺎً ﻳﺸﻤﺮﻫﻪ
ﺑﺲ ﻛﻴﻔﺖ ﻭﺗﺴﺘﺎﻫﻞ ﻣﺘﻮﻗﻌﺘﻬﻪ ﺗﺒﻴﻌﻨﻪ ﺍﻟﻬﺎﻱ ﺍﻟﺪﺭﺟﻪ ﻣﻔﻜﺮﺕ ﺑﺴﻤﻌﺘﻲ ﻭﺳﻤﻌﺔ ﺍﺑﻮﻳﻪ ﻭﺣﻴﺎﺗﻨﺎ ﺑﻌﺪ ﻋﻤﻠﺘﻬﻪ ﺟﺎﻧﺖ ﺍﻧﺎﻧﻴﻪ ﻭﺗﺴﺘﺤﻖ ﺍﻟﻲ ﺻﺎﺭﻟﻬﻪ
.... ﻭﺟﻨﺖ ﻣﻘﻬﻮﺭﻩ ﻭﻭﺍﺻﻠﻪ ﻣﺮﺣﻠﺔ ﺍﻟﺤﻘﺪ ﺍﻟﻬﻪ ﺍﻟﻲ ﻛﺎﻋﺪ ﺍﻋﻴﺸﻪ ﺻﻌﺐ ﻭﺍﺣﻤﻠﻬﻪ ﻣﺴﺆﻟﻴﺘﻪ ﻣﻮ ﻏﻠﻄﺖ ﻭﺗﺮﻳﺪ ﺗﺮﺟﻊ ﻃﺒﻴﻌﻲ ﻭﺍﻟﻄﻔﻞ ﺍﻟﻲ ﺭﺍﺡ ﺍﻧﻄﻲ ﺑﺴﺒﺐ ﻏﻠﻄﺘﻬﻪ
ﻭﻣﻦ ﺍﺗﺬﻛﺮ ﺣﺴﻴﻦ ﺷﻠﻮﻥ ﻳﺘﻘﺮﺑﻠﻲ ..... ﻭﻣﺎﺍﻛﺪﺭ ﺍﺣﺠﻲ ﺍﺷﺒﻪ ﺑﺎﻻﻏﺘﺼﺎﺏ ﺑﺲ ﺍﻟﻴﻔﺮﻕ ﺍﻟﺼﻤﺖ .... ﻣﻦ ﺍﺣﺲ ﺟﺴﻤﻪ ﻳﻠﺘﻤﺲ ﺟﺴﻤﻲ ﻭﻣﻦ ﺍﺣﺲ ﻧﻔﺴﻲ ﺑﺎﻳﻌﻪ ﺭﻭﺣﻲ ﺗﻨﺰﻉ ﻣﻨﻲ ﺭﻭﺣﻲ ﻭﺍﺑﻘﻪ ﺑﺲ ﺟﺴﺪ ﻳﺤﺮﻙ ﺑﻲ ﺣﺴﻴﻦ ﻣﺜﻞ ﻣﻴﺮﻳﺪ
ﻭﻣﻊ ﺫﻟﻚ ﺑﺪﺍﺧﻠﻲ ﺣﻨﻴﻪ ﺍﻟﻬﻪ ﻣﺨﺘﻠﻄﻪ ﺑﺤﻘﺪ ﻋﻠﻴﻬﻪ ﺷﻤﺮﺗﻬﻪ ﺑﺎﻟﺸﺎﺭﻉ ﺭﻏﻢ ﻣﺎﺍﻋﺮﻑ ﺍﻟﺸﺎﺭﻉ ﺻﻌﺐ
ﺑﺲ ﺍﺫﺍ ﺑﻘﺖ ﺗﺸﻮﻑ ﺍﻻﺻﻌﺐ ﻣﺎﺍﻋﺮﻑ ﻧذالة ﻋﻤﻮ ﺷﻨﻮ ﻭﺍﻧﻲ ﻣﺎﺍﻛﺪﺭ ﺍﺧﺬﻫﻪ ﻭﺣﺴﻴﻦ ﻣﺎﺍﺗﻮﻗﻊ ﻳﺴﻤﺢ ﺗﺠﻲ ﺑﻴﺘﻪ
ﺍﻭﻝ ﻣﻄﻠﻌﺖ ﺑﺠﻴﺖ ﻣﺘﺤﻤﻠﺖ ﺧﺎﺻﻪ ﻣﻦ ﻛﺎﻟﺘﻠﻲ ﺻﺪﻛﺘﺞ ﻣﻦ ﺍﻟﺒﻨﺎﺕ ﺳﺠﻠﻠﺞ ﻓﻴﺪﻳﻮ ﻭﻛﻠﺖ ﻣﺴﺘﺤﻴﻞ ﺗﺴﻮﻳﻬﻪ
ﻛﻤﺖ ﺍﺭﺩﺩ ﺍﻧﻲ ﺍﺧﺘﻠﻒ ﻭﻫﻴﻪ ﺗﻘﺎﺭﻥ ﺭﻭﺣﻬﻪ ﺑﻴﻪ
ﻫﺮﻭﺑﻬﻪ ﻭﻣﺎﺍﻧﺴﻪ ﺍﺑﺪ ﺟﺎﻥ ﻳﻨﻮﻣﻨﻲ ﻭﻳﻌﻮﻓﻬﻪ
ﻋﺒﺎﻟﻬﻪ ﺍﻧﻲ ﺯﻭﺝ ﺍﺻﺪﻙ ﻭﺣﺪﻩ ﺑﺎﻋﺖ ﺍﺧﺘﻬﻪ ﻭﺍﺑﻮﻫﻪ
ﻛﻤﺖ ﺍﻟﻤلم ﺍﻏﺮﺍﺿﻲ ... ﺍﺧﺬﺕ ﻣﻼﺑﺲ ﺍﻟﻲ ﻻﻥ ﻣﻴﻜﻔني ﺍﻻﺧﺬﺗﻬﻦ ﺻﺢ ﺳﺤﺎﻟﻪ ﺑﺎﻟﻨﺴﺒﻪ ﻟﻠﻲ ﺗﻠﺒﺴﻬﻢ ﻭﺭﻭﺩ ﺯﻭﺟﺔ ﺣﺴﻴﻦ ﺑﺲ ﺍﻟﺤﻤﺪﻟﻠﻪ
ﺑﻘﻴﺖ ﻛﺎﻋﺪﻩ ﻛﻤﻠﺖ ﻛﻠﺸﻲ ﻭﻃﻠﻌﺘﻠﻲ ﻋﺒﺎﻳﻪ ﻗﺪﻳﻤﻪ ﻭﻧﻘﺎﺏ ﻻﻥ ﻣﺎﻻﺗﻲ ﺍﻧﻄﻴﺘﻬﻦ ﺍﻟﻤﻴﻤﻮﻧﻪ ﺍﺑﺪ ﻣﺘﺮﻭﺡ ﺻﻮﺭﺗﻬﻪ ﻣﻦ ﺑﺎﻟﻲ ..... ﺷﻜﻠﻬﻪ ﺍﻟﻲ ﻳﻮﺣﻲ ﻟﻠﺘﺸﺮﺩ .... ﻛﻌﺪﺕ ﻛﺒﺎﻝ ﺑﺎﺑﺎ
-ﺷﺘﻜﻮﻝ ﺑﺎﺑﺎ ﻟﻮ ﺍﻧﺖ ﺑﻤﻜﺎﻧﻲ ﺷﺘﺴﻮﻱ
ﻟﻮ ﺍﻧﺖ ﻋﺎﻳﺶ ﻳﻤﻜﻦ ﺟﺎﻥ ﺫﺑﺤﺘﻬﻪ .... ﺑﺲ ﺍﻧﻲ ﻃﺮﺩﺗﻬﻪ ﺗﺴﺘﺎﻫﻞ ﻣﻮ .... ﻳﻤﻜﻦ ﺍﻧﺖ ﺗﺤﻦ ﺍﻟﻬﻪ ﺑﺲ ﺍﻧﻲ ﻣﺎﺍﻛﺪﺭ
ﻫﻴﻪ ﺣﻘﻴﺮﻩ ﻭﺑﻌﺪ ﺍﻧﻲ ﺑﻄﻠﺖ ﻃﻴﺒﻪ ﺑﻌﺪ ﺍﻓﻜﺮ ﺑﻨﻔﺴﻲ ﻭﺑﺲ
ﻣﺤﺪ ﺑﻬﻤﻨﻲ ﻏﻴﺮﻙ ﺍﻧﺖ ،ﻫﺎﻱ ﺭﺍﺡ ﺍﻧﻄﻲ ﻗﻄﻌﻪ ﻣﻦ ﺭﻭﺣﻲ ﻋﻠﻤﻮﺩﻙ
ﺑﻘﻴﺖ ﺍﻓﺘﺮ ﺑﺎﻟﺒﻴﺖ ﺍﻟﻰ ﺍﻥ ﻧﻌﺴﺖ ﻧﻤﺖ ﻓﺰﻳﺖ ﻣﻦ ﻛﺎﺑﻮﺱ ﻣﺮﻋﺐ ﻛﺮﻫﻨﻲ ﺑﻨﻔﺴﻲ ﻭﺑﻨﻔﺲ ﺍﻟﻮﻗﺖ ﺍﻟﺒﺎﺏ ﻳﻨﺪﻙ .... ﻛﻤﺖ ﻣﺨﺘﻨﻜﻪ ﺣﻴﻞ ﻓﺘﺤﺖ ﺍﻟﺒﺎﺏ ﺧﺎﻟﻪ ﺍﻃﻴﺎﻑ
ﺍﻡ ﻗﺎﺳﻢ - ﺷﻨﻮ ﺟﻨﺘﻲ ﻧﺎﻳﻤﻪ
ﻓﻠﻚ - ﺍﻱ ﻭﺍﻟﻠﻪ ﻏﻔﻴﺖ
ﺟﺎﻧﺖ ﺟﺎﻳﺒﻪ ﺻﻴﻨﻴﻪ ﻏﺪﺓ ﺍﻟﻲ .... ﻭﻣﻘﺒﻠﺖ ﺗﻜﻌﺪ ﻛﺎﻟﺖ ﻣﻦ ﺗﺮﻳﺪﻳﻦ ﺗﺮﻭﺣﻴﻦ ﺍﺟﻲ ﻻﻥ ﺑﻴﺒﻴﺔ ﻗﺎﺳﻢ ﻭﻛﻌﺖ ﺍﻟﻴﻮﻡ ﺑﺎﻟﺤﻤﺎﻡ ..... ﻭﻛﻠﺶ ﻭﺿﻌﻬﻪ ﺗﻌﺒﺎﻥ .... ﻣﺎﺍﻛﺪﺭ ﺍﺑﻘﻴﻬﻪ ﺑﺎﻟﺒﻴﺖ ﻭﺣﺪﻫﻪ
ﺍﺧﺬﺕ ﺍﻟﺼﻴﻨﻴﻪ ﻣﺎﻟﻲ ﻧﻔﺲ ﺍﻛﻞ .... ﻣﺨﺘﻨﻜﻪ ﺣﻴﻞ ﺍﻟﺤﻠﻢ ﺟﺎﻥ ﺻﻌﺐ ،ﺟﻨﺖ ﺑﺎﻟﺤﻠﻢ ﺍﻃﻠﻚ ﺣﺴﻴﺖ ﺭﻭﺣﻲ ﺗﻄﻠﻊجنه مو حلم عبالك حقيقه ﻭﺭﺃﺳﺎً ﺍﺧﺬﺣﺴﻴﻦ الطفل مني وزينه تضحك ﻋﻠﻴﻪ ﻭﺍﺗﻮﺳﻞ ﺑﻴﻬﻢ ﻭﺍﺻﺮﺥ وولا يمهم
ﺷﻌﻮﺭ ﺻﻌﺐ وهو مجرد حلم حسيت نفسي مراح اكدر اكمل بهذا الاتفاق يمكن ﺗﻨﺒﻴﻪ ﺍﻟﻲ ....لان صعب التخلي عن قطعه من روحك
عشت لحظة المحرومه من طفلهه مكدرت افصل هذا الحلم عن الواقع
ﺻﺎﺭﺕ ﺍﻟـاربعه وهو ﻣﺎﻛﻮ ﻭﻻ ﺣﺘﻰ ﺍﺗﺼﻞ . مرت نص ساعه وهم ماكو
ﻭﺑﻴﻨﻲ ﻭﺑﻴﻦ ﻧﻔﺴﻲ ﺍﻛﻮﻝ ﺍﺗﺮﺍﺟﻊ .. ﻣﺎﺩﺍﻡ ﻣﻮ ﺣﺎﻣﻞ ﺍﻧﻲ ﻭﺍﺑﻘﻪ ﺑﺎﻟﺸﺎﺭﻉ ﺍﻧﻲ ﻭﺍﺑﻮﻳﻪ ماعلينه شي احسن من الذل وافضل من بيعة الانسان نفسه وطفلة
. ﺑﺲ ﺷﻠﻮﻥ ﺍﺗﺮﺍﺟﻊ
ﻭﺍﻧﻲ ﻭﻗﻌﺖ على ورقة ومن جهه ثانيه ﻫﻮ ﺗﻘﺮﺑﻠﻲ وصار زوجي
ﻓﺠﺄﻩ ﺧﻄﺮ ﺑﺒﺎﻟﻲ ﺷﻲ ﺟﻨﻮﻧﻲ ﻭﺻﻌﺐ ﺑﺲ ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ﻣﺎﺍﻛﺪﺭ ﺍﺳﻠﻢ ﺍﺑﻨﻲ ﺑﻠﻜﺖ ﻣﻦ ﻳﻌﺮﻑ ﻣﻴﺼﻴﺮ ﻋﻨﺪﻱ ﻳﻄﻠﻜﻨﻲ ﻛﻤﺖ ﺑﺴﺮﻋﻪ ﻟﺒﺴﺖ .... ﻭﻃﻠﻌﺖ
ﻟﻠﺼﻴﺪﻟﻴﻪ ﺑﺴﺮﻋﻪ ﺍﻣﺸﻲ ﺣﺘﻰ ﺧﺎﻑ ﻳﺠﻲ ﺍﻟﺤﻚ
ﺩﺧﻠﺖ ﻟﻠﺼﻴﺪﻟﻴﻪ ﻳﻌﺮﻓﻨﻲ .... ﺑﺲ ﻣﺎﺍﺗﻮﻗﻊ ﻳﻌﺮﻑ ﻣﺘﺰﻭﺟﻪ ﺑﺲ ﻃﺰ ﺑﻴﻬﻢ ﺷﻴﻔﻜﺮﻭﻥ ﺧﻞ ﻳﻔﻜﺮﻭﻥ ﺑﺎﻟﺤﺎﻟﺘﻴﻦ ﺳﻤﻌﺘﻲ ﺯﺑﺎﻟﻪ ﺍﺧﺬﺕ ﺣﺒﻮﺏ ﻣﺎﻧﻊ ﻭﻛﺘﻠﻪ ﺑﻼ ﺯﺣﻤﻪ ﺷﻮﻛﺖ ﺍﺳﺘﻌﻤﻠﻪ .
ﻛﻠﻲ ﺧﺎﻣﺲ ﻳﻮﻡ ﺍﻟﺪﻭﺭﻩ ﺍﻟﺸﻬﺮﻳﻪ ﻭﻳﺒﺎﻭﻉ ﻋﻠﻴﻪ ﺑﻨﻈﺮﺍﺕ ﻭﺻﺨﻪ ﻭﻳﺴﺘﻐﻔﺮ ﺭﺏ ﺍﻟﻌﺎﻟﻤﻴﻦ
ﺍﺧﺬﺕ ٢ ﺍﺷﺮﻃﻪ ﻻﻥ ﻣﺎﺍﻛﺪﺭ ﺍﺧﺬ ﺍﻛﺜﺮ ﻓﻠﻮﺳﻲ ﻣﺘﻜﻔﻲ
ﻭﻃﻠﻌﺖ ﻣﻦ ﺍﻟﺼﻴﺪﻟﻴﻪ ﺑﻴﻦ ﺍﻟﺨﻮﻑ ﻭﺍﻟﻔﺮﺡ ﻭﺍﻟﺘﺸﺠﻴﻊ ﻭﺍﻟﺘﺒﺮﻳﺮ ﺍﻟﻨﻔﺴﻲ ﻫﻮ ﺍﺷﺘﺮﺍﻧﻲ ﻣﻴﺨﺎﻑ ﺍﻟﻠﻪ
ﻻ ﻫﻮ ﻭﻻ ﻣﺮﺗﻪ ﻳﻌﺮﻓﻮﻥ ﺣﺮﻛﺔ ﺍﻟﻜﻠﺐ ﻋﻞ ﻃﻔﻞ ﺷﻠﻮﻥ ﻳﺮﻳﺪﻭﻧﻲ ﺍﺑﻴﻌﻪ ..... ﻣﺎﺍﻧﻄﻴﻬﻢ ﻗﻄﻌﻪ ﻣﻦ ﺭﻭﺣﻲ ﻟﻮ ﻳﻤﻮﺗﻮﻥ ﺧﻠﻴﻨﻲ ﻫﺴﻪ ﻋﺎﻳﺸﻪ ﺑﺒﻴﺖ ﺍﻟﺤﺪ ﻣﻴﻜﺸﻔﻨﻲ ﺍﻟﻠﻪ ﻛﺮﻳﻢ ﻭﻳﺠﻮﺯ ﺍﻟﺤﻆ ﻳﻠﻌﺒﻬﻪ ﻭﻳﺎﻱ ﻳﺄﻳﻴﺲ ﻣﻨﻲ ﻭﻳﻌﻮﻓﻨﻲ
ﻣﺒﻘالي ﺷﻲ ﺍﻭﺻﻞ ﻟﻠﺒﻴﺖ ﺍﺗﺼﻞ ﺭﻗﻢ ﻋﻠﻴﻪ ﻋﺮﻓﺘﻪ ﻫﻮ
خفت كلت بس لا اجه وواكف بالباب شكله هسه اني ﺟﺎﻭﺑﺘﻪ وكلت هي تجي الجذبه وحدهه
ﻓﻠﻚ - ﺍﻟﻮ
ﺣﺴﻴﻦ - ﻫﺎ ﻓﻠﻚ ﺟﺎﻫﺰﻩ ﺭﺍﺡ ﺍﻭﺻﻞ ﻟﻠﻤﻨﻄﻘﻪ ﺗﺄﺧﺮﺕ ﻋﻠﻴﺞ ﺟﺎﻥ ﻋﻨﺪﻱ ﺷﻐﻞ
ﻓﻠﻚ - ﻣﺎﻋﻨﺪﻱ ﺷﻲ ﻣﻜﻤﻠﻪ
ﺣﺴﻴﻦ - ﺷﻨﻮ ﺍﻧﺖ ﻭﻳﻦ ﺷﻮ ﻋﺒﺎﻟﻚ ﺻﻮﺕ ﺷﺎﺭﻉ
ﺍﺭﺗﺒﻜﺖ من سألني جاوبته
.- ﻻ وين يا شارع هذا اني ﺷﺴﻤﻪ ﺑﺎﻟﺤﻮﺵ ﻛﺎﻋﺪﻩ ﻻﻥ ﻃﺎﻓﻴﻪ ﺍﻟﻜﻬﺮﺑﺎﺀ
ﺣﺴﻴﻦ - ﻣﺎﺷﻲ ﻳﻠﻠﻪ ﺟﺎﻱ ﺍﻧﻲ ﺟﻬﺰﻱ ﻧﻔﺴﺞ ﺍﺑﻦ ﺧﺎﻟﺘﺞ ﻣﻮﺟﻮﺩ ﺣﺘﻰ ﻳﺴﺎﻋﺪﻧﻲ
ﻓﻠﻚ - ﻣﺎﺍﺩﺭﻱ ﻫﺴﻪ ﺍﺷﻮﻑ
ﺑﺲ ﺳﺪﻩ ﻣﻨﻲ ﺳﺮﻋﺖ ﻧﻔﺴﻲ ﺻﺮﺕ ﺍﻣﺸﻲ ﺳﺮﻳﻊ ﺍﺷﺒﻪ ﺑﺎﻟﺮﻛﺾ ﺍﻟﺤﺪ ﻣﺎﻭﺻﻠﺖ ﺧﺎﻳﻔﻪ ﺧﺎﻑ ﻳوصل قبلي ﻟﻜﻴﺖ ﺧﺎﻟﻪ ﺗﺪﻙ ﺑﺎﻟﺒﺎﺏ رحت عليهه بسرعه
ﺍﻡ ﻗﺎﺳﻢ - ﻫﺎ ﻳﻤﻪ ﻭﻳﻨﺞ ... ﻭﻳﻦ ﺟﻨﺘﻲ
ﻓﻠﻚ - ﺭﺣﺖ ﻟﻠﺼﻴﺪﻟﻴﻪ
ﺍﻡ ﻗﺎﺳﻢ - ﺷﺘﺴﻮﻳﻦ
ﺩﺧﻠﺖ واني الهث ﻓﺤﻄﺎﻧﻪ واحجي
ﺍﻟﺤﻤﺪﻟﻠﻪ ﻭﺍﻟﺸﻜﺮ ﻳﺎﺭﺏ ﻣﻦ ﻭﺻﻠﺖ ﻗﺒﻠﻪ ﺟﻨﺖ ﺧﺎﻳﻔﻪ ﻛﻠﺶ
-ليش وين جنتي
-ﺭﺣﺖ ﺍﺷﺘﺮﻱ ﻋﻼﺝ ﺍﻝ ﺑﺎﺑﺎ ﻣﻨﻘﺺ ﺗﻌﺎﻟﻲ ﻫﻤﺰﻳﻦ ﺟﻴﺘﻲ ﺧﺎﻟﻪ ﺣﻴﺠﻲ ﺣﺴﻴﻦ ومااكدر احجي بعد
- ﺧﻴﺮﺝ ﻓﻠﻮﻛﻪ
- ﺧﺎﻟﻪ ﺗﺘﺬﻛﺮﻳﻦ ﻭﻛﻌﺔ ﻣﻴﻤﻮﻧﻪ
- ﺷﻠﻮﻥ ﻣﺎﺍﺗﺬﻛﺮﻫﻪ ﻣﻮ ﻛﺘﻠﺞ ﺑﻴﻬﻪ ﺫﺍﻙ ﺍﻟﻴﻮﻡ
- ﺧﻮﻣﺎ ﺧﺴﺮﺕ ﺷﻲ ﺑﺬﺍﻙ ﺍﻟﻴﻮﻡ ﺷﻠﻮﻥ ﺗﺄﻛﺪﻭ ﺑﺎﺑﺎ ﻭﻣﺎﻣﺎ
- ﺗﺄﻛﺪﻭ ﻣﻦ ﺍﻟﺪﻛﺘﻮﺭﻩ ﻏﻴﺮ ﺍﻭﻝ ﺷﻲ ﻛﺎﻟﻮ ﻣﺎﺑﻴﻬﻪ ﺷﻲ ﺑﺲ ﺛﺎﻧﻲ ﻳﻮﻡ ﻭﻛﻊ ﻋﻠﻴﻬﻪ ﺩﻡ ﻫﻮﺍﻱ ﺍﺧﺬﻭﻫﻪ ﻻﻥ ﻗﻠﻘﻮ
ﻭﻃﻠﻌﺖ ﻣﺠﺮﻭﺣﻪ ﺧﻴﻄﻮﻫﻪ
ﻓﻠﻚ - ﺷﻠﻮﻥ ﻳﺨﻴﻄﻮﻫﻪ ﺧﺎﻑ ﺻﺎﺭ ﺷﻲ بيومهه
- ﻻ ﻳﻤﻪ ﺷﺒﻴﺞ ﻗﺎﺑﻞ ﻫﻮ ﻋﻠﻰ ﺷﻌﺮﺍﻳﻪ ﺍﻟﻐﺸﺎﺀ ﻛﻠﺸﻲ ﻣﺎﺑﻴﻬﻪ ﻭﺍﺻﻼً ﺑﻮﻗﺘﻬﻪ ﺍﻟﺪﻛﺘﻮﺭ ﻛﺎﻝ ﻣﺎﺑﻴﻬﻪ ﺷﻲ ﻭﺍﺑﻮﺝ ﺍﺻﺮ ﻳﺴﻮﻱ ﺗﻘﺮﻳﺮ ﺣﺘﻰ ﺍﻧﻲ ﺷﻜﻴﺖ ﻛﻠﺖ ﻳﺠﻮﺯ ﺻﺎﻳﺮ ﺷﻲ ﺑﻐﺸﺎﺀ ﻣﻴﻤﻮﻧﻪ ﺑﺲ ﺑﻌﺪﻳﻦ ﺍﻣﺞ ﻛﺎﻟﺖ ﻻ ﻭﺣﻠﻔﺖ ﻭﻛﺎﻟﻮ ﺭﻏﻢ ﻫﺬﺍ ﺍﺑﻮﺝ ﺳﺄﻝ ﺩﻛﺘﻮﺭ ﻻﻥ ﺑﻘﻪ ﻳﻠﺢ ﺑﺎﻟﺴﺎﻟﻔﻪ ﻭﺧﺎﻳﻒ ﻭﻛﺎﻟﻮ ﺣﺘﻰ ﺍﺫﺍ ﺍﻧﻔﺾ ﺍﻟﻐﺸﺎﺀ ﺍﻟﺤﺪ ﻣﺘﻜﺒﺮ ﻳﻠﺘﺄﻡ
ﻓﻠﻚ - ﻳﻌﻨﻲ بابا سوه ﺗﻘﺮﻳﺮ ﺯﻳﻦ ﻭﻳﻦ ﺍﻟﺘﻘﺮﻳﺮ
ﺍﻡ ﻗﺎﺳﻢ - ﺷﻤﺪﺭﻳﻨﻲ ﻳﻤﻪ ﻏﻴﺮ ﻳﻢ ﺍﻣﺞ ﻭﺍﺑﻮﺝ ﺷﻤﻌﺮﻓﻨﻲ ﺍﻧﻲ
ﺷﻠﺞ ﺑﻬﺎﻱ ﺍﻟﺴﺎﻟﻔﻪ ﺷﺬﻛﺮﺝ ﺑﻴﻬﻪ ﺳﻮﺩﻩ ﻋﻠﻴﻪ ﻣﻴﻤﻮﻧﻪ ﺍﻟﻠﻪ ﺍﻟﻴﻌﻠﻢ ﺷﺼﺎﺭ ﺑﻴﻬﻪ ﻫﺴﻪ ﻋﺎﻳﺸﻪ ﻣﻴﺘﻪ ﻭﻋﻤﺞ ﺟﻠﺐ ﻭﺍﻟﻠﻪ ﺟﻠﺐ ﻻ ﻋﻨﺪﻩ ﺣﻨﻴﻪ ﻭﻟﻮ ﻫﻮ ﺍﻟﻲ ﻳﺒﻴﻊ ﺑﺖ ﺍﺧﻮ ﺷﺘﻮﻗﻊ ﻣﻨﻪ
ﻣﻠﺤﻜﺖ ﺍﺩﻭﺭ ﻋﻠيه ﺍﺟﻪ ﺣﺴﻴﻦ ﺑﻘﻪ ﺑﺒﺎﻟﻲ ﺍﻟﺘﻘﺮﻳﺮ ﺑﻠﻜﺖ ﻣﻮﺟﻮﺩ ﺑﺲ ﻫﻮ ﻛﺎﻳﻠﻠﻬﻪ ﺍﻧﺖ ﻣﻮ ﺑﻨﻴﻪ ﻭﻫﻮ ﺍﻟﺘﻘﺮﻳﺮ ﺑﺲ ﻳﺜﺒﺖ ﻫﻴﻪ ﻣﺠﺮﻭﺣﻪ ﻳﺎﺭﻳﺘﻨﻲ ﺍﻫﺘﻤﻴﺖ ﻭﺳﺄﻟﺖ قبل لا احصر. روحي بهذا الوقت
ﺭﺣﺖ اﻓﺘﺤله ﺍﻟﺒﺎﺏ ﻭﻛﻠﺖ ﺍﻝ ﺧﺎﻟﻪ ﺧﻠﻲ ﻗﺎﺳﻢ ﻳﺠﻲ ﻳﺴﺎﻋﺪه لحسين
ﻓﺘﺤﺖ ﺍﻟﺒﺎﺏ ﺍﻟﻪ ﺳﻠﻢ ﻋﻠﻰ ﺧﺎﻟﻪ ﻭﺭﺃﺳﺎً ﻃﻠﻌﺖ
ﺣﺴﻴﻦ - ﻫﺎ ﻳﺎﺑﻪ ﺷﻠﻮﻧﺞ
ﻓﻠﻚ - ﺍﻟﺤﻤﺪﻟﻠﻪ
ﺣﺴﻴﻦ - ﻳﻠﻠﻪ ﺟﺎﻫﺰﻩ
ﻓﻠﻚ - ﻫﺴﻪ ﺣﻴﺠﻲ ﻗﺎﺳﻢ يساعدك ﺭﺍﺣﺖ ﺧﺎﻟﻪ ﺗﺼﻴﺤﻪ
اكعد بين ميجي
-لا ماكو داعي
-راح ألملم غراضي اني
-ادري من شوكت خابرتج وكتلج جهزي نفسج شجنتي تسوين
-يعني لامتهن بس اطلعهن
ﺭﺣﺖ ﻋﻞ ﺳﺮﻳﻊ ﺍﻧﻲ ﻣﺎﺧﺬﻩ ﺍﻭﺭﺍﻗﻨﺎ ﺑﺎﻟﺒﻴﺖ ﻫﻨﺎﻙ ﺑﺎﻟﻐﺮﻓﻪ ﺧﻠﻴﺘﻬﻦ ﺑﺲ ﻛﻠﺖ ﺧﺎﻑ ﻭﺭﻗﻪ ﻣﻨﺎ ﻣﻨﺎ ﻣﻤﻨﺘﺒﻬﻪ ﺑﺤﻴﺚ ﺳﻤﻌﺖ ﺻﻮﺕ ﻗﺎﺳﻢ ﺳﻠﻢ ﻋﻠﻲ ﻭﻭﻟﺪ ﻏﺮﻳﺐ ﻫﻢ ﻭﻛﺎﻣﻮ ﻳﺸﻴﻠﻮﻥ ﺏ ﺑﺎﺑﺎ
ﻭﺍﻧﻲ ﺍﺩﻭﺭ ﻟﻜﻴﺖ ﻛﻢ ﻭﺭﻗﻪ ﻫﻢ ﺍﺧﺬﺗﻬﻦ ﻭﺑﻘﻴﺖ ﺍﺩﻭﺭ بلكت الكه التقرير ﺍﻟﺤﺪ ﻣﺎﺍﺟﻪ ﻗﺎﺳﻢ
ﻗﺎﺳﻢ - ﻫﺎ ﻓﻠﻚ ﺷﻠﻮﻧﺞ
ﻓﻠﻚ - ﺍﻟﺤﻤﺪﻟﻠﻪ ﺷﺨﺒﺎﺭﻙ
ﻗﺎﺳﻢ - ﺯﻳﻦ ﺷﺘﺴﻮﻳﻦ ﺯﻭﺟﺞ ﺑﺎﻟﺒﺎﺏ ﺗﺮﻩ ينتظر
ﻓﻠﻚ - ﻛﻤﻠﺖ ها أها
.... ﻃﻠﻌﺖ ﻭﺭﺍ ﺻﻌﺪ ﺣﺴﻴﻦ ﺑﺎﻟﺴﻴﺎﺭﻩ ﻭﺑﺎﺑﺎ ﺟﺎﻳﺒﻠﻪ ﺳﻴﺎﺭﺓ ﺍﺳﻌﺎﻑ ﺗﻨﻘﻠﻪ
ﻓﻠﻚ - ﺑﺲ ﺍﺭﻭﺡ ﺍﺳﻠﻢ ﻋﻠﻰ ﺧﺎﻟﻪ
ﻗﺎﺳﻢ - ﻣﻮ ﺗﻮﻫﻪ ﻳﻤﺞ
ﺣﺴﻴﻦ - ﻳﻠﻠﻪ ﺑﺲ ﺍﺳﺘﻌﺠﻠﻲ ﻋﻴﺐ ﻣﻦ ﺍﻟﻮﻟﺪ
ﺭﺣﺖ ﺑﺴﺮﻋﻪ ﺍﻝ ﺧﺎﻟﻪ ﺟﺎﻥ ﺍﻟﺒﺎﺏ ﻣﺮﺩﻭﺩ ﻫﻤﺰﻳﻦ ﺑﺎﻟﻤﻄﺒﺦ ﺟﺎﻧﺖ
ﺍﻡ ﻗﺎﺳﻢ - ﻫﺎ ﻳﻤﻪ ﻓﻠﻚ ﺑﻌﺪﺝ
ﻓﻠﻚ - ﺑﻌﺪﻧﻲ ﺧﺎﻟﻪ ﺍﻛﻠﺞ ﻋﻠﻴﺞ ﺍﻟﻠﻪ ﺑﻴﺘﻨﺎ ﺷﻮﻓﻲ ﻗﺒﻞ ﻟﺘﺴﻠﻤﻮﻥ ﺍﻟﻤﻔﺘﺎﺡ ﺍﻱ ﻭﺭﻗﻪ ﺍﺭﻳﺪﻫﻪ ﺧﺎﻑ ﺑﻴﻬﻪ ﺗﻘﺮﻳﺮ ﻣﻴﻤﻮﻧﻪ ﻋﺴﻰ ﻣﺎ ﻣﻜﺘﻮﺏ ﺑﺲ ﺣﺮﻑ ﻭﺍﺣﺪ ﺑﺎﻟﻮﺭﻗﻪ ﻟﺘﺬﺑﻴﻬﻪ
- ﺻﺎﻳﺮ ﺷﻲ ﻣﻴﻤﻮﻧﻪ ﻭﻳﻦ ﻭﺍﻧﺖ ﺷﺎﻳﻠﻪ ﻫﻢ ﻫﺎﻱ ﺍﻟﺴﺎﻟﻔﻪ ﺩﺧﻞ ﺗﺠﻲ ﺍﻭﻝ ﻭﻣﻴﺨﺎﻟﻒ ﺍﺩﻭﺭﻫﻪ
ﻃﻠﻌﺖ ﺑﺴﺮﻋﻪ ﺻﻌﺪﺕ ﺑﺎﻟﺴﻴﺎﺭﻩ .... ﻃﻮﻝ ﺍﻟﻄﺮﻳﻖ ﻋﻠﻰ ﺍﻟﺼﺎﻣﺖ ﻭﺻﻠﻨﻪ ﻟﻠﺒﻴﺖ ﺻﻌﺪﻭ ﺍﻟﻐﺮﻓﻪ ﺻﻐﻴﺮﻩ ﺟﺎﻧﺖ ﻫﻢ ﺑﻴﻬﻪ ﺳﺮﻳﺮ ﻣﺸﺎﻳﻔﺘﻬﻪ .... ﺑﻴﺘﻬﻢ ﻣﺸﺎﻳﻔﺘﻪ ﺻﺎﺭ ﻳﻮﻣﻴﻦ ﺑﺲ ﻭﻣﺎﺍﺗﻮﺍﺟﺪ ﺍﻛﺜﺮ ﺍﻟﻮﻗﺖ ﺑﺎﻟﻐﺮﻓﻪ
ﻣﻦ ﻃﻠﻌﻮ ﻣﻦ ﻳﻤﻪ .... ﺑﻘﻴﺖ ﻳﻤﻪ ﻭﺣﺴﻴﻦ ﻧﺰﻝ
الﻏﺮﻓﻪ ﻣﺮﺗﺒﻪ ﻭﺗﺨﺒﻞ . ﻭﺑﻴﻬﻪ ﻣﻜﻴﻒ ﺑﺎﺭﺩﻩ ... ﻭﻣﺨﻠﻲ ﺍﻟﺠﺮﺑﺎﻳﻪ ﺑﺎﺗﺠﺎﻩ ﺍﻟﻘﺒﻠﻪ ﻻﻥ ﺑﺎﺑﺎ ﻣﻮﺍﺕ ﺍﻛﻴﺪ ﺭﺏ ﺍﻟﻌﺎﻟﻤﻴﻦ ﺍﻟﻪ ﺑﻴﻬﻪ ﺣﻜﻤﻪ
ﻭﺍﻧﻲ ﺍﺭﻳﺪ ﺍﺳﺪ ﺍﻟﺒﺎﺏ ﺍﻭﻝ ﻣﺮﻩ ﺍﺷﻮﻑ ﻫﺎﻱ ﺍﻟﻤﺮﻩ ﻃﻠﻌﺖ ﻣﻦ ﺍﻟﻐﺮﻓﻪ ﺍﻟﻲ ﻛﺒﺎﻝ ﻏﺮﻓﺔ ﺑﺎﺑﺎ ﻓﺎﺗﺤﻪ ﺷﻌﺮﻫﻪ ﻛﻠﻪ ﺍﺑﻴﺾ ﺷﻜﻠﻬﻪ ﻳﺨﻮﻑ .... ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﻭﻫﻴﻪ ﻭﻻ ﺷﺎﻓﺘﻨﻲ ﺟﺎﻧﺖ ﺗﻤﺸﻲ ﻣﺸﻴﻪ ﻣﻮ ﻗﺎﻧﻮﻧﻴﻪ ﻣﺜﻞ ﺍﻟﻲ ﺗﺤﺎﻭﻝ ﺗﺘﻤﺎﻭﻉ ﻭﻃﻮﻝ ﻣﺎ ﻫﻴﻪ ﺗﻤﺸﻲ ﻻﺯﻣﻪ ﺷﻌﺮﻫﻪ ﻭﺗﺒﺎﻭﻉ ﻣﻨﺎ ﻭﻣﻨﺎ ﺑﺲ ﻣﻨﺘﺒﻬﺖ ﻋﻠﻴﻪ ﺑﺎﻭﻋﺖ ﺍﺧﺬﺕ ﻣﻦ ﺍﻟﺪﺭﺝ ﺣﺬﺍﺀ ﻛﻌﺐ ﻋﺎﻟﻲ ﻭﺭﺟﻌﺖ ﺩﺧﻠﺖ ﻟﻠﻐﺮﻓﻪ ﻭﻃﺒﻜﺖ ﺍﻟﺒﺎﺏ
ﻭﺍﻧﻲ ﻫﻢ ﻃﺒﻜﺘﻪ مستغربة وضعيتهه
ﻭﻛﻔﺖ ﻓﻮﻙ ﺭﺍﺱ ﺑﺎﺑﺎ ﻏﻄﻴﺘﻪ
- ﺑﺎﺑﺎ ... ﺣﺒﻴﺒﻲ .... ﺍﺷﺒﻊ ﺑﺮﻭﺩﻩ ﺍﻟﻴﻮﻡ ﻭﺍﺭﺗﺎﺡ ﺑﻨﻮﻣﺘﻚ
ﺗﻐﻴﺮﺕ ﺣﻴﺎﺗﻨﺎ .. ﺍﻭﻋﺪﻙ ﺣﺘﻰ ﺍﺫﺍ ﻃﻠﻌﺘﺎ ﻣﻨﺎ ﺭﺍﺡ ﺍﻭﻓﺮﻟﻚ ﻛﻞ ﺫﻧﻲ .... ﺍﺫﺍ ﻣﺮﺗﺎﺣﻴﺖ ﻭﺍﻧﺖ ﻋﺎﻳﺶ ﻭﺗﻤﺸﻲ ﺭﺍﺡ ﺍﺭﻳﺤﻚ ﻭﺍﻧﺖ ﻧﺎﻳﻢ .... ﺳﺤﺒﺖ ﺍﻳﺪﻩ ﺑﺴﺘﻬﻪ ﻭﻃﻠﻌﺖ ﻣﻦ ﺍﻟﻐﺮﻓﻪ ﺭﺣﺖ ﺍﻟﻐﺮﻓﺘﻲ
ﺍﻓﻜﺮ بهاي المره ﺍﻟﻲ ﺷﻔﺘﻬﻪ ﺣﻘﻴﻘﻪ ﻟﻮ ﺟﺬﺏ ﺷﻮ ﻣﺸﺎﻳﻔﺘﻬﻪ .... ﺑﺪﻟﺖ ﻭﻃﻠﻌﺖ ﺍﻻﻭﺭﺍﻕ ﻭﺍﻟﻤﺎﻧﻊ ﺍﻟﻲ ﺟﺒﺘﻪ .... ﺑﺲ ﺧﻔﺖ ﻭﻳﻦ ﺍﻇﻤﻪ .... ﺑﺎﻭﻋﺖ ﺑﺎﻟﻐﺮﻓﻪ ﻭﻳﻦ ﺍﻇﻤﻪ ﺍﺧﺎﻑ ﺍﺧﻠﻲ ﺑﻤﻼﺑﺴﻲ ﺳﺤﺒﺖ ﺍﻟﻜﻨﺘﻮﺭ ﺷﻮﻳﻪ ﻣﻦ ﺍﻟﻨﻬﺎﻳﻪ ﻭﺩﺧﻠﺘﻪ ﺑﻴﻦ ﺍﻟﺤﺎﻳﻂ ﻭﺍﻟﻜﻨﺘﻮﺭ ﻭﻣﻊ ﺫﻟﻚ ﺍﺣﺲ ﻧﻔﺴﻲ ﺍﺭﺟﻒ
ﺣﺴﻴﻦ ﻣﺸﻔﺘﻪ ﺑﻌﺪ .... ﺳﺒﺤﺖ ﻭﺑﺪﻟﺖ ﻭﻧﺰﻟﺖ ﺟﻮﻩ ﺳﻤﻌﺖ ﺻﻮﺗﻬﻢ ﻛﺎﻋﺪﻳﻦ .... ﺟﺎﻥ ﻳﻠﻌﺐ ﺑﻠﻴﺎﻥ ﺑﺖ ﺯﻳﻨﻪ ﻭﻳﺴﻮﻟﻔﻮﻥ ﻭﻳﻀﺤﻜﻮﻥ ﺑﺎﻭﻋﺖ ﻋﻠﻰ ﻭﺭﻭﺩ ﻭﻛﺘﻠﻬﻢ
ﻓﻠﻚ - ﺍﻟﺴﻼﻡ ﻋﻠﻴﻜﻢ
ﻭﺭﻭﺩ - ﻭﻋﻠﻴﻜﻢ ﺍﻟﺴﻼﻡ ... ﺗﻮﻧﻲ ﺍﺭﻳﺪ ﺍﺻﻌﺪﻟﺞ ﺑﺎﺟﺮ ﺟﻬﺰﻱ ﺍﻣﻮﺭﺝ ﻋﻠﻤﻮﺩ ﺍﻟﺪﻛﺘﻮﺭﻩ
ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﺍﺭﻳﺪ ﺍﻛﻠﻬﻪ ﺍﺟﺘﻨﻲ ﺍﺳﺘﺤﻲ ﻛﺘﻠﻬﻪ ﺍﻥ ﺷﺎﺀ ﺍﻟﻠﻪ
ﻭﺭﻭﺩ - ﺧﻴﺮﺝ ﻓﻠﻚ ﺭﺍﻳﺪﻩ ﺷﻲ
ﺣﺴﻴﺘﻬﻪ ﺗﻜﻠﻲ ﻟﻴﺶ ﻧﺰﻟﺘﻲ ﺟﻮﻩ ﻭﺣﺴﻴﻦ ﺍﺻﻼً ﻣﻴﺒﺎﻭﻉ ﻋﻠﻴﻪ
ﺟﻨﺖ ﺍﺭﻳﺪ ﺍﺳﺄﻝ ﻋﻦ ﺍﻟﻤﺮﻩ ﺧﻮﻓﻨﻲ ﺷﻜﻠﻬﻪ ﺑﺲ ﻛﻠﺖ ﺧﺎﻑ ﺍﻧﻲ ﺍﺗﺨﺎﻳﻞ ﻭﺍﺣﺠﻲ ﻭﻳﻀﺤﻜﻮﻥ ﻋﻠﻴﻪ ﻻﻥ ﻣﻨﻈﺮﻫﻪ ﻣﻮ ﻃﺒﻴﻌﻲﻛﻠﺘﻠﻬﻪ
-ﻻ ﺑﺲ ﺭﺩﺕ ﺍﺷﻜﺮﻛﻢ ﻋﻠﻰ ﺍﻟﻐﺮﻓﻪ
ﻭﺭﻭﺩ - ﺍﻟﻌﻔﻮ ﻓﻠﻚ
ﺑﺎﻭﻋﺖ ﻋﻠﻰ ﺣﺴﻴﻦ مستمر ﻳﻠﻌﺐ ﻟﻴﺎﻥ ... ﻣﺘﺠﺎﻫﻠﻨﻲ ﻛﻠﺶ ﻛﺎﻧﻤﺎ ﻣﻤﻮﺟﻮﺩﻩ ... ﻛﻠﺖ ﺷﻌﻠﻴﻪ ﺑﻴﻬﻢ ﺭﺟﻌﺖ ﺻﻌﺪﺕ ﻓﻮﻙ .... ﻛﻠﺖ ﺧﻞ ﺍﺩﻭﺭ ﻋﻞ ﺗﻘﺮﻳﺮ ﻃﻠﻌﺖ ﺍﻻﻭﺭﺍﻕ ﻛﻠﻬﻦ
ﺗﻮﻧﻲ ﺍﺩﻭﺭ ﺍﻧﻔﺘﺢ ﺍﻟﺒﺎﺏ ﺣﺴﻴﻦ ﺑﺎﻭﻋﺖ ﻋﻠيه
ﺍﻛﻴﺪ ﻳﺮﻳﺪ ﻳﺘﻘﺮﺑﻠﻲ ..... ﺷﻜﺪ ﺷﻌﻮﺭ ﻗﺬﺭ ﻣﻦ ﻳﺠﻴﻴﻨﻲ
ﺑﺎﻭﻋﺖ ﻋﻠيه ﺭﺍﺡ ﻛﻌﺪ ﻋﻠﻰ ﺍﻟﺠﺮﺑﺎﻳﻪ ﺑﻘﻴﺖ ﻛﺎﻋﺪﻩ ﺑﻤﻜﺎﻧﻲ
ﺍﺩﻭﺭ
- ﻓﻠﻚ ﺍﺭﻳﺪ ﺍﻃﻠﻊ
- ﻋﻨﺪﻱ ﻋﺬﺭ ﺷﺮﻋﻲ
- ﺷﻨﻮ
حرت شجاوبه كمل كلامه الي خلاني احتقره اكثر
- ﻏﻴﺮ ﺗﻜﻮﻟﻴﻦ ﻗﺒﻞ ﻻ ﺍﺻﻌﺪ
ﺣﺘﻰ ﺍﺫﺍ ﺟﺎﻥ ﻣﺸﺘﺮﻳﻨﻲ ﻭﺣﺘﻰ ﺍﺫﺍ ﻳﺤﺐ ﺯﻭﺟﺘﻪ ﻣﻔﺮﻭﺽ ﻣﻴﻌﺎﻣﻠﻨﻲ ﻫﻴﺞ ﺩﻧﻜﺖ ﻭﺧﻠﻴﺖ ﻋﻴﻨﻲ ﻋﻠﻰ ﺍﻻﻭﺭﺍﻕ ﺭﺟﻌﺖ ﺍﺩﻭﺭ ﻫﻮ ﺑﻘﻪ ﻳﺒﺎﻭﻉ ﻋﻠﻴﻪ ﻭﺍﻧﻲ ﻛﺎﻧﻤﺎ ﻣﻤﻮﺟﻮﺩ
ﺷﻮﻳﻪ ﻭﻛﺎﻡ ﻃﻠﻊ ﻭﻃﺒﻚ ﺍﻟﺒﺎﺏ ....
-حقير نذل
ﺷﻜﺪ ﺍﺣﺘﻘﺮﺗﻪ
-ﺷﻜﺪ ﺍﻛﺮﻫﻚ ﺍﺧﺨﺦ ﻳﺎﻟﺰﻣﻦ ﺍﻻﻏﺒﺮ ﻟﻮ ﺑﺎﻗﻴﻪ ﺍﺧﺬﻡ ﻭﻻ ﻫﺎﻱ ﺍﻟﺬﻟﻪ ﻟﻮ ﺗﻤﻮﺕ ﻣﺎﺍﺧﻠﻲ ﻳﺼﻴﺮﻟﻚ ﻃﻔﻞ ﺩﺍﺧﻞ ﺍﺣﺸﺎﺋﻲ ﻭﺍﻟﻠﻪ
ﺑﻘﻴﺖ ﺍﺩﻭﺭ ﻋﻠﻰ ﺍﻟﺘﻘﺮﻳﺮ ﻣﻠﻜﻴﺖ ﺍﻱ ﻭﺭﻗﻪ ﺗﺜﺒﺖ ﺍﻝ ﻣﻴﻤﻮﻧﻪ ﺷﻲ ..... ﺍﺗﺼﻠﺖ ﺑﺨﺎﻟﺘﻲ ﻭﺃﻛﺪﺕ ﻋﻠﻴﻬﻪ ﻋﻠﻰ ﺍﻻﻭﺭﺍﻕ
ﺣﺴﻴﺖ ﻧﻔﺴﻲ ﺟﻌﺖ ﻧﺰﻟﺖ ﺟﻮﻩ ﻛﻠﺖ ﺍﻛﻠﻲ ﺷﻲ ﻓﺘﺤﺖ ﺍﻟﺜﻼﺟﻪ ﻛﻠﺸﻲ ﺑﻴﻬﻪ .... ﻃﻠﻌﺘﻠﻲ ﻛﻢ ﺷﻐﻠﻪ ﻣﻨﻬﻪ ﻭﻛﻌﺪﺕ ﻋﻠﻰ ﺍﻟﻤﻴﺰ ﻣﺎﺍﺣﺲ ﺍﻟﻪ ﺩﺧﻠﺖ ﺯﻳﻨﻪ ﻟﻠﻤﻄﺒﺦ
- ﻫﻠﻮ ﻣﺮﺕ ﺑﺎﺑﺎ ﺷﻠﻮﻧﺞ ﺍﻟﻴﻮﻡ
ﻭﺗﺘﺒﺴﻢ ابتسام بيهه احتقار
-ﺑﺎﺑﺎ ﺻﻌﺪﻟﺞ ﺍﻧﻄﺎﺝ ﺟﺮﻋﻪ ﺑﺲ ﻣﺎﺷﺎﺀ ﺍﻟﻠﻪ ﺭﺍﺟﻊ ﺷﺒﺎﺏ ﻭﻳﺎﺝ
ﺑﺎﻭﻋﺖ ﻋﻠﻴﻬﻪ ﻭﻋﻠﻰ ﺻﻼﻓﺘﻬﻪ ﻭﻓﻮﻛﺎﻫﻪ ﻛﻌﺪﺕ ﻛﺒﺎﻟﻲ ﺑﻘﻴﺖ ﻋﻴﻨﻲ ﺑﺎﻟﻤﺎﻋﻮﻥ ﻭﻻ ﻣﻬﺘﻤﺘﻠﻬﻪ
ﺯﻳﻨﻪ - ﻣﻼﺑﺴﺞ ﻳﻀﺤﻜﻦ ﻭﻣﺴﺤﻮﻻﺕ ﻭﺑﺎﺑﺎ ﺗﻠﻌﺐ ﻧﻔﺴﻪ ﺗﺮﻩ
ﻣﺘﺸﻮﻓﻴﻦ ﻣﺎﻣﺎ ﻭﺭﻭﺩ ﺷﺘﻠﺒﺲ ﺍﺫﺍ ﺗﺮﻳﺪﻳﻦ ﺍﻧﻄﻴﺞ ﻣﻨﻲ
- ﺷﻜﺮﺍً ﻣﻼﺑﺴﻲ ﻣﻘﺎﺻﺮﺍﺕ .... ﺍﺣﺒﻬﻦ ﻭﺍﺭﺗﺎﺡ ﺑﻴﻬﻦ ﻫﻮﺍﻱ .....
ﻛﻤﻠﺖ ﺍﻛﻠﻲ ﺭﺍﺩﺕ ﺗﺤﺠﻲ ﺑﺲ ﻣﻦ ﺩﺧﻠﺖ ﻭﺭﻭﺩ ﺳﻜﺘﺖ ﺭﺃﺳﺎً
ﻭﺭﻭﺩ - ﺯﻳﻨﻪ ﻫﻢ ﺷﻔﺘﻲ ﻋﻤﺘﺞ ﺍﻟﻴﻮﻡ
ﺯﻳﻨﻪ - ﺍﻱ ﻛﺎﻋﺪﻩ
ﻣﻦ ﺣﺠﺖ ﻋﻦ ﻋﻤﺘﻬﻢ ﺑﺎﻭﻋﺖ ﻋﻠﻴﻬﻪ ﻛﻠﺖ ﻳﻌﻨﻲ ﻣﻤﺘﻮﻫﻤﻪ ﺍﻧﻲ ﺑﺲ ﻣﻔﻬﻤﺖ ﺷﻨﻮ ﻣﻮﺿﻮﻋﻬﻪ ﺣﺘﻰ ﻣﻦ ﻛﻼﻣﻬﻢ ﺣﺴﻴﺖ ﺑﻴﻬﻪ ﺧﻠﻞ ﻛﻮﻣﺖ ﺯﻳﻨﻪ ﺗﻮﺩﻳﻠﻬﻪ ﺩﻭﻩ
ﻭﻛﻌﺪﺕ ورود ﺑﻤﻜﺎﻥ ﺯﻳﻨﻪ
ﻭﺭﻭﺩ - ﻛﻠﻲ ﺣﺴﻴﻦ ﺟﺎﻳﺘﺞ ﺍﻟﺪﻭﺭﻩ ﺍﻟﺸﻬﺮﻳﻪ
ﻓﻠﻚ - ﺍﻱ
ﻭﺭﻭﺩ - ﻫﻤﺰﻳﻦ ﺣﺘﻰ ﺧﺎﻣﺲ ﻳﻮﻡ ﺍﻟﺪﻭﺭﻩ ﺍﺧﺬﺝ ﺑﻌﺪ ﺍﻓﻀﻞ
ﻳﻌﻨﻲ ﺑﺎﺟﺮ ﻣﺎﻛﻮ ﺩﻛﺘﻮﺭ ﻓﻠﻚ .... ﺣﺎﻭﻟﻲ ﺗﻘﻠﻠﻴﻦ ﻧﺰﻭﻟﺞ ﺟﻮﻩ ﺑﺲ ﺑﺎﻟﻮﺟﺒﺎﺕ ﻗﺒﻞ ﺷﻮﻳﻪ ﻧﺰﻭﻟﺞ ﻣﺎﺑﻲ ﻣﻌﻨﻰ ﺍﻧﺒﻬﺞ ﺍﻧﻲ
ﻭﺍﻱ ﺷﻲ ﺗﺮﻳﺪﻱ ﻭﻳﺎﻱ ﺗﺤﺠﻴﻦ ﻣﻮ ﻭﻳﻪ ﺣﺴﻴﻦ
ﻓﻠﻚ - ﺍﻥ ﺷﺎﺀ ﺍﻟﻠﻪ ﺗﺘﺪﻟﻠﻴﻦ
كمت ﻭﺷﻠﺖ ﺍﻟﻤﺎﻋﻮﻥ ﺭﺩﺕ ﺍﺭﺟﻊ ﺍﻻﻛﻞ ﺍﻟﺒﺎﻗﻲ
ﻭﺭﻭﺩ - ﻣﺎﺍﺣﺐ ﺍﻟﻔﻀﻼﺕ ﺗﺮﺟﻊ ﺫﺑﻴﻬﻦ ﺑﺎﻟﺰﺑﺎﻟﻪ
ﻭﺧﻠﻴﺘﻠﺞ ﻋﻼﻛﻪ ﻣﺎﻝ ﻣﻼﺑﺲ ﺯﺍﻳﺪﺍﺕ ﻋﻨﺪﻱ ﻣﻤﺤﺘﺎﺟﺘﻬﻦ ﺧﺎﻑ ﺗﺮﻳﺪﻳﻬﻦ
ﻓﻠﻚ - ﻋﻨﺪﻱ ﻣﻼﺑﺲ
ﻭﺭﻭﺩ - ﻣﻴﺨﺎﻟﻒ ﻭﺿﻌﻬﻦ ﺗﻌﺒﺎﻥ
ﻓﻠﻚ - ﻣﺎﺍﺣﺐ ﺍﻟﻠﺒﺲ ﻣﻼﺑﺲ ﺍﺣﺪ ﻻﺑﺴﻬﻦ ﻗﺒﻠﻲ ﺟﺴﻤﻲ ﻳﺘﺤﺴﺲ
ﻭﺭﻭﺩ - ﻣﻮ ﻗﺼﺪﻱ ﺍﻗﻠﻞ ﻣﻦ ﻗﻴﻤﺘﺞ ﺑﺲ ﺷﻔﺖ ﺩﺷﺪﺍﺷﺘﺞ ﺑﻴﻬﻪ ﺯﺭﻑ ﻭﺍﺫﺍ ﺗﺤﺒﻴﻦ ﺍﺷﺘﺮﻳﻠﺞ ﺟﺪﻳﺪﺍﺕ ﺑﺲ ﻛﻠﺖ ﺑﻴﻦ ﻣﺎ ﻧﺮﻭﺡ ﻟﻠﺪﻛﺘﻮﺭﻩ ﻫﻴﻪ ﻓﺮﺩ ﻧﻮﺏ ﺑﻌﺪ
ﻓﻠﻚ - ﻣﺎﺍﺣﺘﺎﺝ ﻣﻼﺑﺲ ﻋﻨﺪﻱ ﺩﺷﺎﺩﻳﺶ ﺯﻳﻨﻪ ﻫﺎﻱ ﻣﻤﻨﺘﺒﻬﻪ ﻋﻠﻴﻬﻪ ﻣﺰﺭﻭﻓﻪ
ﻏﺴﻠﺖ ﺍﻟﻤﺎﻋﻮﻥ ﻭﺻﻌﺪﺕ ... ﻭﺍﻧﻲ ﺍﺳﺘﻬﺰﺀ ﻋﻠﻰ ﻛﻼﻣﻬﻪ
ﻭﻭﺍﻧﻮﺟﻊ ﻟﻴﺶ ﻫﻴﺞ ﺍﻟﻠﻪ ﻟﻴﺶ ﻳﺴﺘﻬﺰﺋﻮﻥ ﺑﻔﻘﺮﻱ ﺷﻜﺪ ﻛﺮﻫﺖ ﺯﻳﻨﻪ ﻭﺷﻜﺪ ﺿﺠﺖ ﻣﻦ ﻭﺭﻭﺩ ﻣﺎﺍﻋﺮﻑ ﻣﻦ ﺣﻘﺪﺕ ﻋﻠﻰ ﻣﻴﻤﻮﻧﻪ ﺍﻟﻲ ﻫﻴﻪ ﺭﻭﺣﻲ ﺻﺮﺕ ﺑﺴﺮﻋﻪ ﺍﺣﻘﺪ ﻋﻠﻰ ﺍﻱ ﺑﺸﺮ
ﺻﻌﺪﺕ ﺍﻟﻐﺮﻓﺘﻲ ﻣﻜﺪﺭﺕ ﺍﻧﺎﻡ .... ﺑﻘﻴﺖ ﺍﺗﻜﻠﺐ ﻋﻴﻮﻥ ﻣﻴﻤﻮﻧﻪ ﻛﺒﺎﻟﻲ ﻣﺘﻔﺎﺭﻛﻨﻲ ﻭﺍﺑﺠﻲ ﺍﺗﺨﺎﻳﻠﻬﻪ ﺑﺎﻟﺸﺎﺭﻉ ﻟﻮ ﺷﻮﻑ ﺷﻨﻮ ﻭﺍﺭﺟﻊ ﺍﻗﺴﻲ ﻛﻠﺒﻲ ﻭﺍﻛﻮﻝ ﺗﺴﺘﺎﻫﻞ
ﺍﻟﺤﺪ ﻣﺎﻏﻔﻴﺖ .... ﻛﻌﺪﺕ ﺛﺎﻧﻲ ﻳﻮﻡ ﻫﻢ ﺍﻟﺒﻴﺖ ﻫﺪﻭﺀ
ﻟﻮ ﻣﺎ ﺑﺖ ﺯﻳﻨﻪ ﺻﻮﺗﻬﻪ ﻭ ﻭﺻﻴﺎﺣﻬﻪ ﻭﺑﺠﻴﻬﻪ ﺍﻟﺒﻴﺖ ﻣﻴﻨﺠﺮﻉ ﻣﺮﺍﺕ ﺍﺷﻮﻓﻬﻪ ﺗﻠﻌﺐ ﺑﺎﻟﺤﺪﻳﻘﻪ ﻭﻳﻪ ﺟﺪﻫﻪ
ﻭﺣﺮﻛﺎﺗﻬﻪ ﺗﺨﺒﻞ ..... ﻣﺎﺍﻋﺮﻑ ﻋﻦ ﻋﺎﻟﻤﻬﻢ ﺍﻟﻬﺎﺩﺉ ﺷﻲ ﻣﺎﺍﻋﺮﻑ ﺷﻠﻮﻥ ﻫﻴﺞ ﻋﺎﻳﺸﻴﻦ ﺑﻬﺪﻭﺀ
ﺍﻟﻬﺪﻭﺀ ﻗﺎﺗﻞ ﻭﻣﻨﻄﻘﺘﻬﻢ ﻓﻮﻛﺎﻫﻪ ﻫﺎﺩﺋﻪ ﻫﻨﺎﻙ ﻣﺘﻌﻮﺩﻩ ﻋﻠﻰ ﺻﻮﺕ ﺍﺑﻮ ﺍﻟﻐﺎﺯ ﻭﺻﻮﺕ ﺍﻟﺠﻬﺎﻝ ﻫﻨﺎ ﺑﺲ ﻫﺪﻭﺀ
ﻛﻞ ﺷﻮﻳﻪ ﺍﺭﻭﺡ ﺍﻝ ﺑﺎﺑﺎ .... ﻣﻦ ﺍﺩﺧﻞ ﻭﺍﻟﺒﺮﻭﺩﻩ ﺗﻜﻔﺨﻨﻲ ﻣﺎﻝ ﻏﺮﻓﺘﻪ ﺍﺭﺗﺎﺡ ﻛﻀﻪ ﻋﻤﺮﻩ ﺑﺎﺑﺎ ﻋﻞ ﺑﻨﻜﻪ ﻭﺍﻟﻤﺒﺮﺩﻩ ﺟﺎﻧﺖ ﻳﻮﻡ ﺗﺸﺘﻐﻞ ﻭﻋﺸﺮﻩ ﻋﻄﻼﻧﻪ
ﻋﺎﺵ ﺑﺎﻟﺤﺮﻣﺎﻥ ﺍﻧﻌﻞ ﺍﺑﻮ ﻟﻠﻔﻜﺮ ﻟﻴﺶ ﻣﻮ ﻫﻴﺞ ﺣﻴﺎﺗﻨﺎ ﻣﻦ ﺍﻟﺒﺪﺍﻳﻪ ﺑﺪﻭﻥ ﻣﻨﺒﻴﻊ ﻧﻔﺴﻨﺎ ﻟﻮ ﻗﻄﻌﻪ ﻣﻦ ﺭﻭﺣﻨﻪ
ﻓﺰﻳﺖ ﻋﻠﻰ ﺻﻮﺕ ﺻﻴﺎﺡ ﻓﺘﺤﺖ ﺍﻟﺒﺎﺏ ﺷﻮﻳﻪ ﻟﻜﻴﺖ ﻭﺭﻭﺩ
ﻭﺯﻳﻨﻪ ﻭﺍﻛﻔﻪ ﻋﻠﻰ ﺍﻟﺒﺎﺏ ﻭﻫﺎﻱ ﺍﻟﻤﺮﻩ ﺗﺼﻴﺢ
-ﺯﻋﻞ ﻣﻨﻲ ﻭﺭﺍﺡ ﻣﻦ ﺍﻟﺒﺎﺭﺣﻪ ﻣﺄﺟﻪ
ﻣﻨﻮ ﻫﻮ ﺍﻟﻲ ﻣﺄﺟﻪ ﻭﺟﺎﻧﺖ ﺗﺤﺠﻲ ﻋﻠيه ﺑﺤﺮﻛﻪ ﻣﺎﺍﻋﺮﻑ ﺳﺪﻳﺖ ﺍﻟﺒﺎﺏ ﺷﻬﺎﻟﻌﺎﺋﻠﻪ ﺍﻟﻲ ﻣﻤﻔﻬﻮﻣﻪ ﻭﺍﻧﻲ ﻣﺜﻞ ﺍﻻﻃﺮﺵ ﺑﺎﻟﺰﻓﻪ
ﺍﻟﺤﺪ ﻣﺎ ﻣﺮﻥ ﺧﻤﺲ ﺍﻳﺎﻡ ﻣﻮﻋﺪ ﺭﻭﺣﺘﻲ ﻟﻠﺪﻛﺘﻮﺭﻩ
ﺣﺴﻴﻦ ﻣشاﻳﻔﺘﻪ ﻭﻻ ﺷﺎﻳﻔﻨﻲ ﺑﺲ ﻣﻦ ﺍﻟﺸﺒﺎﻙ ﺍﺷﻮﻓﻪ ﻣﻦ ﻳﻠﻌﺐ ﻟﻴﺎﻥ ﻭﺣﺘﻰ ﺭﺣﻨﻪ ﺗﻜﺴﻲ ﺍﻧﻲ ﻭﻭﺭﻭﺩ ﻫﻴﻪ ﻛﺸﺨﺖ ﻟﺒﺴﺖ ﺑﻨﻄﺮﻭﻥ ﻗﻤﺎﺵ ﻭﻓﻮﻛﺎ ﻗﻤﻴﺺ ﺣﻠﻮ ﻧﺎﺯﻙ ﻭﺍﻧﻲ ﻟﺒﺴﺖ ﻧﻘﺎﺑﻲ ﻭﻋﺒﺎﺗﻲ ﺍﺳﺘﺤﻴﺖ ﻣﻨﻬﻦ ﻻﻥ ﺍﻟﻘﺪﻳﻤﺎﺕ ﻣﺴﺤﻮﻻﺕ
ﺩﺧﻠﻨﻪ ﻟﻠﺪﻛﺘﻮﺭﻩ ﻛﺎﻟﺖ ﻛﻠﺸﻲ ﺗﻤﺎﻡ ﻭﺑﻴﻀﺎﺗﻲ ﻧﺸﻴﻄﺎﺕ ﻭﺟﺎﻫﺰﺍﺕ ﻭﺍﻧﻄﺘﻨﻲ ﻋﻼﺝ ﻣﻔﻬﻤﺘﻪ ﻣﺎﺍﻋﺮﻓﻪ ﻭﺟﺎﺑﺘﻪ ﻭﺭﻭﺩ ﻭﺻﻌﺪﻧﻪ ﺗﻜﺴﻲ ﺍﺧﺬﺗﻨﻲ ﻟﻠﺴﻮﻙ
ﻭﺭﻭﺩ - ﻧﺎﺧﺬﻟﺞ ﻛﻢ ﺷﻐﻠﻪ
ﻓﻠﻚ - ﻣﺎﺍﺭﻳﺪ ﻣﻼﺑﺲ ﻛﺘﻠﺞ
ﻭﺭﻭﺩ - ﻭﺍﻟﻠﻪ ﻫﺬﺍ ﺍﻟﺤﺠﻲ ﺍﺣﺠﻲ ﻭﻳﻪ ﺣﺴﻴﻦ ﻫﻮ ﻛﺎﻝ
ﻣﻼﺑﺴﺞ ﻣﺴﺤﻮﻻﺕ ﺍﻧﺖ ﻣﺘﻌﺮﻓﻴﻦ ﺣﺴﻴﻦ ﺣﺴﻴﻦ ﻧﻈﻴﻒ
ﻓﻠﻚ - ﻭﺍﻧﻲ ﻧﻈﻴﻔﻪ
ﻭﺭﻭﺩ - ﺍﻧﻲ ﻣﻌﻠﻴﻪ ﺍﺷﺘﺮﻳﻠﺞ ﻭﺍﻧﺖ ﻭﺣﺴﻴﻦ ﺭﺣﺖ ﻭﺭﺍﻫﻪ ﻭﻻ ﺍﺧﺘﺎﺭﻳﺖ ﺷﻲ ﻧﻔﺴﻴﺘﻲ ﻣﺘﺘﻘﺒﻞ ﺍﺧﺬﺗﻠﻲ ﻫﻴﻪ ﻋﻠﻰ ﺫﻭﻗﻬﻪ ﺑﺲ ﺗﺨﺘﺎﺭﻫﻦ ﻣﺴﺘﻮﺭﺍﺕ ﻫﻢ ﺍﺑﺪ ﻣﺠﺎﺑﺘﻠﻲ ﺷﻲ ﻓﺎﺿﺢ ﻣﺎﻋﺪﺍ ﺗﺮﺍﻛﺴﻮﺩ ﻭﻳﻪ ﺍﻟﻜﻤﺮ ﻭﻫﻢ ﻣﻮ ﺩﻟﻊ ﺑﺲ ﺗﺸﻴﺮﺗﻪ ﻗﺼﻴﺮ
ﻭﺻﻠﺖ ﻟﻠﺒﻴﺖ ﻛﻠﺘﻠﻲ ﺻﻌﺪﻳﻬﻦ ﻭﻳﺎﺝ
ﻓﻠﻚ - ﻛﺘﻠﺞ ﻣﺎﺍﺭﻳﺪ
ﻭﻋﻔﻬن ﻭﺻﻌﺪﺕ ﻫﻤﻪ ﺻﺢ ﺭﺍﺩﻭ ﻃﻔﻞ ﻣﻨﻲ ﻭﺍﻻﺗﻔﺎﻕ ﻃﻔﻞ ﻣﻮ ﻋﺒﺪﻩ ﺍﻟﻬﻢ ﻳﻤﺸﻮﻧﻲ ﻣﺜﻞ ميريدون
ﺩﺧﻠﺖ ﺳﺒﺤﺖ ﻣﺸﻔﺖ ﺣﺴﻴﻦ ﺗﻮﻗﻌﺘﻪ ﻳﺼﻌﺪ ﻻﻥ ﺍﻟﻴﻮﻡ ﻣﺨﻠﺼﻪ ﻣﺼﻌﺪ ﺑﺲ ﺷﺮﺑﺖ ﺍﻟﺤﺒﺎﻳﻪ ﻣﻨﺴﻴﺘﻬﻪ ﻭﻭﻗﺘﺖ ﺍﻟﻤﻮﺑﺎﻳﻞ ﻳﻮﻣﻴﻪ ﺏ١١ﺣﺘﻰ ﻣﺎﺍﻧﺴﺎﻫﻦ ﻭﻟﻮ ﻣﺴﺘﺤﻴﻞ ﺍﻧﺴﺎﻫﻦ
ﺍﻟﺤﺪ ﺛﺎﻧﻲ ﻳﻮﻡ .... ﻣﻦ ﺍﺟﻪ ﻣﻦ ﺍﻟﺪﻭﺍﻡ ﺷﻔﺘﻪ ﻣﺘﻮﻗﻌﺘﻪ ﻳﺼﻌﺪ ﺻﻌﺪ ﺍﻭﻝ ﻣﺪﺧﻞ ﻛﻠﺒﻲ ﻭﺟﻌﻨﻲ ﻭﺍﺭﺗﺒﻜﺖ ﻋﻠﻤﻮﺩ ﺍﻟﺤﺒﻮﺏ ﻫﻨﻪ ﻭﺭﻩ ﺍﻟﻜﻨﺘﻮﺭ ﺑﺲ ﺧﻔﺖ .... ﺑﺪﻭﻥ ﻣﻴﺴﻠﻢ كال
ﺣﺴﻴﻦ - ﻟﻴﺶ ﺍﻟﺒﺎﺭﺣﻪ ﻣﻘﺒﻠﺘﻲ ﺑﺎﻟﻤﻼﺑﺲ
ﻓﻠﻚ - ﺍﻧﺖ ﺻﺢ ﺍﺗﻔﻘﺖ ﻭﻳﺎﻱ ﻋﻠﻰ ﻃﻔﻞ ﺑﺲ ﻣﺘﻔﻘﺖ ﻭﻳﺎﻱ ﻋﺒﺪﻩ ﺍﻟﻚ ﻭﺍﻟﺰﻭﺟﺘﻚ ﻣﻮ ﺫﻧﺒﻲ ﺍﺫﺍ ﻣﻌﺠﺒﺘﻜﻢ ﺩﺷﺪﺍﺷﺘﻲ
ﻋﻦ ﻧﻔﺴﻲ ﺍﺣﺒﻬﻪ ﻭﻣﺎﺍﺷﻮﻓﻬﻪ ﻗﺪﻳﻤﻪ ﻻﻥ ﻫﻴﻪ ﻣﻮ ﻗﺪﻳﻤﻪ ﻣﺠﺮﺩ ﺯﺭﻑ ﺻﻐﻴﺮ ﺑﻴﻬﻪ ﻭﺣﺘﻰ ﻣﻤﺒﻴﻦ
ﺗﻘﺮﺏ ﻋﻠﻴﻪ .....
ﺣﺴﻴﻦ - ﻓﻠﻚ ﻫﺎﻱ ﺍﻭﻝ ﻣﺮﻩ ﻭﺍﺧﺮ ﻣﺮﻩ ﺗﺠﺎﻭﺑﻴﻨﻲ ﻣﻦ ﺍﻗﺮﺭ ﺷﻐﻠﻪ ﺍﻧﻲ ﺗﺘﻨﻔﺬ ﻏﺼﺒﺎً ﻣﺎﻋﻠﻴﺞ ﺗﻨﻔﺬﻳﻬﻪ ﻣﻨ ﺎﻛﻮﻝ ﺗﺒﺪﻟﻴﻦ ﻣﻼﺑﺴﺞ ﺗﺒﺪﻟﻴﻬﻦ ﺍﻓﺘﻬﻤﺘﻲ ﻣﺎﺍﺭﻳﺪ ﺍﺟﺮﺣﺞ ﺑﺎﻟﻜﻼﻡ ﺑﺲ ﺍﻧﺖ ﺗﻌﺘﺒﺮﻳﻦ ﺯﻭﺟﺘﻲ ﺍﺫﺍ ﺍﺟﺎﻧﻲ ﺧﻄﺎﺭ ﻭﺷﺎﻑ ﺩﺷﺪﺍﺷﺘﺞ ﻣﺰﺭﻓﻪ
ﺷﻴﻜﻮﻝ ﻋﻨﻲ ﻭﻟﻮ ﺩﺷﺪﺍﺷﺘﺞ ﻗﺎﻧﻮﻧﻴﻪ ﻣﺎﺍﺗﺪﺧﻞ ﺑﺲ ﻣﻮ ﻗﺎﻧﻮﻧﻴﻪ
ﺭﻭﺣﻲ ﻧﺰﻟﻲ ﺟﻴﺒﻲ ﺍﻟﻌﻼﻛﻪ ﻭﺑﺪﻟﻲ ﻫﺎﻱ ﺍﻟﺪﺷﺪﺍﺷﻪ ﻻﻥ ﺗﻠﻌﺐ ﻧﻔﺴﻲ ﻣﻨﻬﻪ
ﻓﻠﻚ - ﻣﻮ ﻣﺸﻜﻠﺘﻲ ﺗﻠﻌﺐ ﻧﻔﺴﻚ
ﺑﻌﺪﻧﻲ ﻛﺎﻋﺪ ﺍﺣﺠﻲ ﻣﺎﺍﺣﺲ ﺍﻟﻪ ﻟﺰﻣﻨﻲ ﻣﻦ ﺯﻳﺠﻲ ﻭﺷﻚ ﺍﻟﺪﺷﺪﺍﺷﻪ ﺻﺮﺧﺖ ﺳﺤﺒﻨﻲ ﻋليه ﺣﻴﻞ ﻭﻧﺰﻋﻨﻲ ﺍﻟﺪﺷﺪﺍﺷﻪ
-ﺍﺍﺍﺍﻧﺖ
ﺭﺩﺕ ﺍﻏﻠﻂ ﺍﻧﺘﺒﻬﺖ ﺍﻟﻨﻔﺴﻲ ﻟﺰﻣﺖ ﺍﻟﻠﺴﺎﻧﻲ
ﺧﻔﺖ ﺧﺎﻑ ﻳﻀﺮﺑﻨﻲ ﻭﺍﻓﺮﺡ ﺯﻳﻨﻪ ﺭﺃﺳﺎً ﻓﻜﺮﺕ ﺑﻬﺬﺍ ﺍﻟﺸﻲ ﻣﺰﻋﻨﻲ ﺍﻟﺪﺷﺪﺍﺷﻪ ﻛﻠﻬﻪ ﺑﻘﻴﺖ ﻭﺍﻛﻔﻪ ﻣﺜﻞ ﺍﻟﺠﻤﺎﺩ ﺳﺤﺒﻨﻲ ﻟﻠﺠﺮﺑﺎﻳﻪ ﻭﺷﻤﺮﻧﻲ ﻭﺻﺎﺭ ﻓﻮﻛﺎﻳﺎ ﻭﻫﻢ ﺗﻘﺮﺑﻠﻲ ﻣﺜﻞ ﻛﻞ ﻣﺮﻩ
ﻟﻮ ﺍﺻﻴﺮ ﺣﺎﻣﻞ ﺍﺧﻠﺺ ﻣﻦ ﺗﻘﺮﺑﻪ ﺍﻟﻲ ﺑﺲ ﻣﺎﺍﻛﺪﺭ ﺍﺳﻠﻤﻪ ﺍﺑﻨﻲ ﺧﻠﻴﻨﻲ ﻫﻴﺞ ﻭﻻ ﺍﻓﺮﻁ ﺑﺎﺑﻨﻲ ﺑﻘﻴﺖ ﻣﻐﻤﻀﻪ ﺍﻟﺤﺪ ﻣﺎ ﻛﻤﻞ ﻭﻛﺎﻡ ﺍﻭﻝ ﻣﺮﺍﺡ ﻏﻄﻴﺖ ﻧﻔﺴﻲ
ﻃﻠﻊ ﻛﻤﺖ ﺍﺑﺎﻭﻉ ﻋﻠﻰ ﺍﻟﺒﺎﺏ ﻭﺍﺑﺠﻲ واحجي بعصبيه
-.... ﺷﻮﻛﺖ ﺍﺧﻠﺺ ﻣﻦ ﻫﺎﻱ ﺍﻟﺤﺎﻟﻪ ﻣﺎﺍﻋﺮﻑ ﺍﺍﺍﺍﺍﺥ ﺍﺥ ﺍﺧﺘﻨﻜﺖ ﺣﻴﻞ
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﻫﻮ ﺟﺎﻳﺒﻠﻲ ﺍﻟﻌﻼﻛﻪ
ﺣﺴﻴﻦ - ﺍﺫﺍ ﻣﺸﻔﺘﺞ ﻻﺑﺴﻪ ﻣﻨﻬﻪ ﻳﻨﻌﺎﺩ ﺍﻟﻲ ﺻﺎﺭ ﻗﺒﻞ ﺷﻮﻳﻪ ما اﺣﺐ ﺍﻟﻲ ﻳﻌﺎﻧﺪﻧﻲ
ﻓﻠﻚ - ﺩﺭﺭﺭﺭﻭﺡ ﺷﻜﺪ ﺍﻛﺮﻫﻚ
ﺑﻜﻠﺒﻲ حجيت ﺑﻘﻴﺖ ﺑﺲ ﺍﺑﺎﻭﻉ ﻋﻠيه ﻛﻤﺖ ﻃﻠﻌﺖ ﺩﺷﺪﺍﺷﻪ ﺛﺎﻧﻴﻪ ﻣﻦ ﺍﻟﻜﻨﺘﻮﺭ ﻋﻠﻤﻮﺩ ﺍﻃﻠﻊ ﺑﻴﻬﻪ ﻭﺩﺧﻠﺖ ﺳﺒﺤﺖ ﻟﺒﺴﺖ ﺩﺷﺪﺍﺷﻪ ﻣﻦ ﺍﻟﻲ ﺟﺎﺑﺘﻬﻦ ﻭﺭﻭﺩ
ﺑﺎﻭﻋﺖ ﺑﺎﻟﻤﺮﺍﻳﻪ ﺟﺎﻧﺖ ﺑﺎﻟﻜﻨﺘﻮﺭ ﺣﻠﻮﻩ ﻛﻠﺶ ﻭﻣﺮﺗﺒﻪ ﺑﺲ ﺧﻨﻜﺘﻨﻲ .... ﻳﻌﻨﻲ ﻣﺎﺍﺭﻳﺪ ﺿﺤﻜﻮ ﻋﻠﻰ ﻣﻼﺑﺴﻲ ﻭﻫﺎﻧﻮﻧﻲ ﻭﺍﻟﻠﺒﺲ ﺍﻟﻲ ﺟﺎﺑﻮ ﻧﺰﻋﺘﻬﻪ ﻣﻠﺒﺴﺘﻬﻪ ﺷﻴﺼﻴﺮ ﺧﻞ ﻳﺼﻴﺮ
ﺭﺟﻌﺖ ﺍﻟﺪﺷﺪﺍﺷﺘﻲ ﻭﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ حسيت بنفسي ﺟﻌﺖ ﺣﻴﻞ ﺑﺲ ﻣﺎﺍﺭﻳﺪ ﺍﺗﻌﺸﻰ ﻻﻥ ﺧﺎﻑ ﺍﻧﺰﻝ ﻭﻳﺸﻮﻑ ﺩﺷﺪﺍﺷﺘﻲ ﺑﻘﻴﺖ ﻓﻮﻙ ﺻﺎﺭﺕ ﺍﻟﺴﺎﻋﻪ ﺑﺎﻝ١١ﺷﺮﺑﺖ ﺣﺒﺎﻳﺘﻲ ﺗﻮﻧﻲ ﺍﺗﻤﺪﺩ ﺍﻧﻔﺘﺢ ﺍﻟﺒﺎﺏ ﻫﻮ
ﻓﺘﺢ ﺍﻟﻜﻠﻮﺏ ﺍﻧﻲ ﻛﻤﺖ ﻛﻌﺪﺕ
ﺣﺴﻴﻦ - ﻳﻌﻨﻲ ﻫﻢ ﻟﺒﺴﺘﻲ ﺩﺷﺪﺍﺷﻪ ﻗﺪﻳﻤﻪ
ﻓﻠﻚ - ﺑﺎﻭﻋﺖ ﻋﻠﻰ ﺩﺷﺪﺍﺷﺘﻲ ﻭﺑﺎﻭﻋﺖ ﻋليه ... ﻛﻤﺖ ﺭﺃﺳﺎ
-ﺍﺑﻮ ﻋﻠﻲ ﻛﻼﻣﻚ ﻋﻠﻰ ﻋﻴﻨﻲ ﻭﺭﺍﺳﻲ ﺑﺲ ﺣﺮﺍﻡ ﻋﻠﻴﻜﻢ ﺗﺴﺘﻬﺎﻧﻮﻥ ﺑﻔﻘﺮﻱ ﻭﻣﻼﺑﺴﻲ ﻭﺗﺮﻳﺪﻭﻥ ﺍﻟﻠﺒﺲ ﺍﻟﻲ ﺟﺒﺘﻮ ﺍﻟﻲ
ﺣﺴﻴﻦ - ﺍﻧﺖ ﺗﺤﺒﻴﻦ ﺍﻟﻌﻨﺎﺩ
ﻓﻠﻚ - ﺍﻧﻲ
ﺣﺴﻴﻦ - ﺍﻧﻲ ﻣﻮ ﻛﺘﻠﺞ ﻣﺎﺍﺣﺐ ﺍﻟﻌﻨﺎﺩ ﻣﺎﺍﺣﺐ ﺍﺣﺪ ﻳﻌﺎﻧﺪﻧﻲ
ﻧﺰﻋﻲ ﺍﻟﺪﺷﺪﺍﺷﻪ ﻫﺴﻪ ﻫﺎﻱ ﺍﺧﺮ ﺗﻨﺒﻴﻪ
ﺟﻨﺖ ﻋﻨيده ﺟﺪﺍً ﺍﻋﺘﺮﻑ ﻣﻦ ﺟﻨﺖ ﺻﻐﻴﺮﻩ ﻭﻣﺎﻣﺎ ﻭﺑﺎﺑﺎ ﻳﻌﺎﻧﻮﻥ ﻣﻦ ﻋﻨﺎﺩﻱ ﻭﻫﺴﻪ ﺍﺣﺲ ﻛﻠﺒﻲ ﻭﺟﻌﻨﻲ ﺣﻴﻞ ﻻﻥ ﻻﺯﻡ ﺍﺧﻀﻊ ﺍﻟﻬﻢ
-ﻻﻥ ﺯﻭﺟﺘﻚ ﻛﺎﻟﺖ ﻣﺎﺍﺭﻳﺪ ﻣﻼﺑﺲ ﺯﻭﺟﺘﻚ ﻃﻠﻌﺘﻠﻲ ﻣﻼﺑﺴﻬﻪ ﺍﻟﻘﺪﻳﻤﻪ ﻭﺗﺴﺘﻬﺎﻥ ﺑﻔﻘﺮﻱ ﻫﻴﻪ ﻭﺑﺘﻚ
ﺣﺴﻴﻦ - ﻳﻌﻨﻲ ﺍﻟﻜﺎﺗﻠﺞ ﻻﻥ ﻭﺭﻭﺩ ﺟﺎﺑﺘﻬﻦ ﺍﻟﺞ
ﻓﻠﻚ - ﺍﻱ
ﺣﺴﻴﻦ - ﻭﺍﺫﺍ ﺍﻧﻲ ﺍﺟﻴﺒﻬﻦ
ﻓﻠﻚ - ﺍﻟﻠﺒﺴﻬﻦ
-ماشي فلك راح اجيبلج اني بس اذا ملبستيهن احذرج من الي يصيرلج
ﻓﺮﺣﺖ ﺍﺣﺲ ﻧﻔﺴﻲ ﻣﻨﻬﺎﺗﻴﺖ ﺟﻨﺖ ﺍﺣﺲ ﺍﺫﺍ ﺍﻟﻠﺒﺲ ﻟﺒﺲ ﺟﺎﺑﺘﻪ ﻭﺭﻭﺩ ﺍﻧﻬﺎﻥ ﻋﺎﻓﻨﻲ ﻣﺤﺠﻪ ﻭﻳﺎﻱ ﻭﺭﺍﺡ ﻋﻞ ﺟﺮﺑﺎﻳﻪ
ﺑﺎﻭﻋﺖ ﻋﻠيه
- ﺍﻟﺪﻛﺘﻮﺭﻩ ﻛﺎﻟﺖ ﻻﺯﻡ ﻣﻜﺜﻒ
ﺗﺬﻛﺮﺕ ﺍﻟﺪﻛﺘﻮﺭﻩ ﻛﺎﻟﺖ ﺧﻞ ﻳﺤﺎﻭﻝ ﻫﺎﻱ ﺍﻟﻔﺘﺮﻩ ﻣﻜﺜﻒ ﺑﺲ ﺍﻧﻲ ﻋﺒﺎﻟﻲ ﻋﻠﻰ ﺍﻟﻌﻼﺝ ﻃﻠﻊ ﻋﻠﻰ ﻳﺘﻘﺮﺑﻠﻲ
ﺭﺣﺘﻠﻪ ﻣﺜﻞ ﻛﻞ ﻣﺮﻩ ﻛﻤﻞ ﻭﺭﺍﺡ ﻭﻓﺘﺖ ﺳﺒﺤﺖ احس نفسي حيوانه مكاعد اطيق هذا الشي مكدرت انام مقهوره على نفسي كوه غفت عيني
ﻛﻌﺪﺕ ﺛﺎﻧﻲ ﻳﻮﻡ ﻣﺜﻞ ﻳﻮﻣﻲ ﺍﻟﻜﺌﻴﺐ ﻭﺣﺪﻱ ﻣﺎﻋﻨﺪﻱ ﺍﺣﺪ ﺍﺷﺘﺎﻗﻴﺖ ﺍﺷﺘﻐﻞ ﻭﺍﻃﻠﻊ ﺗﺮﻳﻜﺖ ﻧﺰﻟﺖ ﺑﺲ ﺻﺒﺎﺡ ﺍﻟﺨﻴﺮ ﺻﺒﺎﺡ ﺍﻟﻨﻮﻡ ﺣﻴﺎﺗﻬﻢ ﻋﺠﻴﺒﻪ
ﻭﺭﺟﻌﺖ ﻛﻌﺪﺕ ﻳﻢ ﺑﺎﺑﺎ ﻟﻠﻌﺼﺮ ﺍﺟﻪ ﺣﺴﻴﻦ ﺷﻔﺘﻪ ﻣﻦ ﺍﻟﺸﺒﺎﻙ ﺑﺲ ﺭﺃﺳﺎً ﺻﻌﺪ ﺗﻔﺎﺟﺌﺖ ﺑﻲ ﻣﻦ ﺩﺧﻞ ﻟﻠﻐﺮﻓﻪ ﺟﺎﻳﺒﻠﻲ ﻣﻼﺑﺲ
ﺣﺴﻴﻦ - ﺷﺨﺒﺎﺭﺝ
ﻓﻠﻚ - ﺍﻟﺤﻤﺪﻟﻠﻪ
ﺣﺴﻴﻦ - ﻫﺎﻱ ﻣﻼﺑﺲ ﻣﺎﺍﺩﺭﻱ ﻋﻠﻰ ﻛﺪﺝ ﻟﻮ ﻻ
ﻓﻠﻚ - ﺷﻜﺮﺍً
ﺣﺴﻴﻦ - ﺑﺲ ﺍﺭﻳﺪ ﺍﻛﻠﺞ ﺷﻐﻠﻪ ﻭﺭﻭﺩ ﻣﻮ ﻣﻦ ﺍﻟﻨﻮﻉ ﺍﻟﻲ ﺗﺴﺘﻬﺎﻥ ﺑﺎﺣﺪ ﻭﺍﺫﺍ ﺟﺎﺑﺘﻠﺞ ﻋﻠﻤﻮﺩ ﺗﺘﺮﺗﺒﻴﻦ ﻭﺍﻟﺘﺮﺗﻴﺐ ﻣﻮ ﺍﻟﻪ ﺍﻻﺣﺪ ،ﺍﻻﻧﺴﺎﻥ ﻳﺮﺗﺐ ﺭﻭﺣﻪ ﺍﻟﻨﻔﺴﻪ
ﻓﻠﻚ - ﻫﻴﻪ ﺍﺳﺘﻬﺎﻧﺖ ﺑﻔﻘﺮﻱ
ﺣﺴﻴﻦ - ﻣﺎﺍﺳﻤﺤﻠﺞ ﺑﻌﺪ ﺗﻜﻮﻟﻴﻦ ﻫﻴﺞ ﻋﻠﻰ ﻭﺭﻭﺩ ﻫﺎﻟﻤﺮﻩ ﻋﺪﻳﺘﻬﻪ
ﺣﺠﺎﻫﻪ ﻭﻃﻠﻊ هزيت ايدي
-ﻭﺍﻟﻠﻪ ﻳﺎﺭﺑﻲ ﻣﺎﺍﺳﻤﺤﻠﺞ ﺍﻛﻠﻪ ﺗﺴﺘﻬﺎﻥ ﺑﻴﻪ ﻳﻜﻠﻲ ﻫﻴﺞ ﺷﻮﻛﺖ ﺍﺧﻠﺺ ﻣﻨﻜﻢ ﻭﻟﻮ ﻭﻳﻦ ﺗﻮﻟﻴﻦ ﻋﻞ ﺍﻗﻞ ﺗﺎﻛﻠﻴﻦ ﺑﺒﻼﺵ ﺑﺲ ﺍﻟﻤﻘﺎﺑﻞ ﻳﻮﻣﻴﻪ ﻳﻤﻮﺕ ﺑﻴﺞ ﺟﺰﺀ ﻣﻦ ﺩﺍﺧﻠي
ﻓﺘﺤﺖ ﺍﻟﻤﻼﺑﺲ ﺍﻃﻠﻊ ﺑﻴﻬﻦ ﻛﻠﻬﻦ ﺩﺷﺎﺩﻳﺶ ﻗﺼﻴﺮﻩ ﻭﺩﻟﻌﺎﺕ ﻳﻌﻨﻲ ﺍﻧﻲ ﺍﻟﻠﺒﺲ ﻫﻴﺞ ﻓﺘﺤﺖ ﺣﻠﻜﻲ ﻭﺍﻟﻠﻪ ﻟﻮ ﻳﻤﻮﺕ ﻣﺎ ﺍﻟﻠﺒﺲ ﻣﺜﻞ ﻣﺮﺗﻪ ﻭﺑﻌﺪﻳﻦ ﺣﺘﻰ ﻣﺮﺗﻪ ﺗﺸﻨﻘﻨﻲ ﻭﺍﻟﻠﻪ ﻳﺎﺭﺑﻲ ﺷﻮﻳﻪ ﻭﺍﺗﺼﻞ ﻋﻠﻴﻪ
ﺟﺎﻭﺑﺘﻪ ﺍﻟﻮﻭﻭ
ﺣﺴﻴﻦ - ﺗﻌﺎﻟﻲ ﻧﺰﻟﻲ ﺟﻬﺰﻳﻠﻲ ﺍﻻﻛﻞ
ﻓﻠﻚ - ﺗﻔﺎﺟﺌﺖ ﺷﻨﻮﻭ ﻣﻮ ﺍﻡ ﻋﻠﻲ ﻣﺘﻘﺒﻞ
ﺣﺴﻴﻦ - ﻣﻤﻮﺟﻮﺩﻩ ﺗﻌﺎﻟﻲ
ﻓﻠﻚ - ﻣﻤﻮﺟﻮﺩﻩ
حسين-اي
ﺗﻔﺎﺟﺌﺖ ﺍﻛﻮﻝ ﻛﺒﻞ ﺻﻌﺪ ﺛﺎﺭﻱ ﻣﻤﻮﺟﻮﺩﻩ
ﻧﺰﻟﺖ ﻳﻤﻪ ﺑﺎﻭﻋﺖ ﺍﻝ ﺯﻳﻨﻪ ﻛﺎﻋﺪﻩ ﻫﻮ ﻛﺒﻞ ﺧﺰﺭﻧﻲ ﻻﻥ ﻣﻤﺒﺪﻟﻪ ﺍﻟﺪﺷﺪﺍﺷﻪ ﺍﻧﻲ ﺍﺭﺗﺒﻜﺖ ﺣﻴﻞ ﻭﺭﺣﺖ ﻛﺒﻞ ﻟﻠﻤﻄﺒﺦ
ﺣﻤﻴﺖ ﺍﻻﻛﻞ ﻣﺎﺍﺩﺭﻱ ﻭﻳﻦ ﺭﺍﺣﺖ ﻣﺮﺗﻪ ﺟﻬﺰﺗﻪ ﻭﺻﺒﻴﺘﻠﻪ ﻭﺻﺤﺘﻠﻪ ﺻﺎﺣﺖ ﻣﻨﺎﻙ ﺯﻳﻨﻪ
ﺍﻧﻲ ﻫﻢ ﻣﻤﺘﻐﺪﻳﻪ ﺻﺒﻴﻠﻲ ﺣﺒﺎﺑﻪ
ﻣﻜﺪﺭﺕ ﺍﻛﻮﻝ ﻻ ﻳﻢ ﺣﺴﻴﻦ ﻣﺎﻟﻲ ﺧﻠﻚ ﺻﺒﻴﺘﻠﻬﻪ ﻭﺻﺒﻴﺘﻠﻲ ﺍﻟﻲ ﻫﻢ ﻭﺣﺪ ﺍﻧﻲ ﻭﺻﺤﺘﻠﻪ ﻭﻫﻮ ﻳﺨﺰﺭ ﺑﻴﻪ
ﻃﻮﻝ ﺍﻟﻮﻗﺖ .... ﻛﻌﺪﺕ ﺍﻛﻞ ﻭﺯﻳﻨﻪ ﺑﺲ ﺗﺒﺎﻭﻉ ﻋﻠﻴﻪ ﻭﺗﻀﺤﻚ ﺗﺨﺒﻠﺖ ﺍﻟﺒﻨﻴﻪ وخبلتني
ﺣﺴﻴﻦ - ﻏﺪﻳﺘﻲ ﻋﻤﺘﺞ
ﺯﻳﻨﻪ - ﻣﺎﻣﺎ ﻏﺪﺗﻬﻪ ﻗﺒﻞ ﻟﺘﺮﻭﺡ
ﺣﺴﻴﻦ - ﻣﻨﺰﻟﺖ
ﺯﻳﻨﻪ - ﻻ
ﺣﺴﻴﻦ - ﺍﺑﻮﺝ ﻭﻋﻤﺞ ﺍﺑﻮ ﻭﺍﺋﻞ ﺭﺍﺡ ﻳﺠﻮﻥ ﺍﻟﻴﻮﻡ ﺯﻳﻨﻪ ﺍﺑﺪ ﻣﺎﺍﺳﻤﺢ ﻟﻠﻲ ﺻﺎﺭ ﺫﺍﻙ ﺍﻟﻴﻮﻡ ﻳﺘﻜﺮﺭ ﻭﺍﺫﺍ ﺗﻜﺮﺭ
ﺍﺿﻄﺮ ﺍﺩﺯﺝ ﻭﻳﻪ ﺍﺑﻮﺝ
ﺯﻳﻨﻪ - ﺑﺎﺑﺎ ﺑﻌﺪهي ﺯﻭﺟﺘﻚ ﻣﺼﺎﺭ ﻋﺪﻫﻪ ﺍﻃﻔﺎﻝ ﻭﺑﻌﺘﻨﻲ
ﺣﺴﻴﻦ - تأذبي ﺯﻳﻨﻪ وﻛﻮﻣﻲ ﻣﻦ ﻳﻤﻲ ﺑﺴﺮﻋﻪ ﻻ ﻫﺴﻪ ﻭﺍﻟﻠﻪ ﺍﺷﻮﻓﺞ ﺷﻲ ﺍﺑﺪ ﻣﺸﺎﻳﻔﺘﻪ ﻣﻨﻲ
ﺯﻳﻨﻪ - ﻣﺎﺷﻲ ﺑﺎﺑﺎ ﻭﺍﻟﻠﻪ ﻛﻤﺖ ﺗﻜﺮﻩ ﻭﺟﻮﺩﻱ ﻛﺎﻋﺪ ﺍﻛﻠﻚ ﻣﺎﺍﺭﻳﺪ ﺍﺭﺟﻌﻠﻪ
ﺣﺴﻴﻦ - ﺯﻳﻨﻪ ﻛﻭﻣﻲ ﻣﻦ ﻛﺒﺎﻟﻲ ﺑﺴﺭﻋﻪ
ﺍﻧﻲ ﺣﺴﻴﻦ ﺻﺎﺭ ﻫﻴﺞ ﻣﻦ ﻳﻤﻲ ﺧﻔﺖ ﻛﻠﺖ ﻫﺴﻪ ﻳﺤﺠﻲ ﻋﻠﻰ ﻋﻨﺎﺩﻱ ﻋﺒﺎﻟﻪ ﻣﻌﺎﻧﺪﺗﻪ ﺍﻧﻲ ﻛﺒﻞ ﻛﻤﺖ
ﺳﻮﻳﺖ ﺟﺎﻱ ﻣﺎﺍﺩﺭﻱ ﻳﺸرﺏ ﺍﻭ ﻻ ﻫﻮ ﻫﻢ ﺭﺃﺳﺎً ﻛﺎﻡ ﺑﻌﺪ ﻣﺎ ﻛﺎﻣﺖ ﺯﻳﻨﻪ ﺭﺍﺡ ﻟﻠﻬﻮﻝ ﻏﺴﻠﺖ ﻣﻮﺍﻋﻴﻦ ﺳﻤﻌﺘﻪ ﺍﺗﺼﻞ ﻳﻤﻜﻦ ﺏ ﻭﺭﻭﺩ
ﺣﺴﻴﻦ - ﺣﺒﻴﺒﺘﻲ ﺍﺟﻴﺞ ﺑﻮﻗﺖ ﻣﺘﺄﺧﺮ ﻋﻮﻓﻲ ﺳﺎﻟﻔﺔ ﺍﻟﻤﺒﻴﺖ ﺗﻌﺮﻓﻴﻨﻲ ﻣﺎﺍﺣﺒﻬﻪ
ﺍﻟﻲ ﻓﻬﻤﺘﻪ ﻫﻴﻪ ﺗﺮﻳﺪ ﺗﺒﺎﺕ ﻭﻫﻮ ﻣﻴﻜﺪﺭ ﺑﺪﻭﻧﻬﻪ
ﺑﻌﺪﻳﻦ ﻛﻠﻠﻬﻪ
- ﻟﻮ ﻣﺎﺍﻣﺞ ﻣﺮﻳﻀﻪ ﻣﺎﺍﺳﻤﺤﻠﺞ ﺍﺑﺪ
ﺍﻟﻲ ﻓﻬﻤﺘﻪ ﺍﻣﻬﻪ ﻣﺮﻳﻀﻪ ﻟﺬﻟﻚ ﺭﺍﺣﺖ ﺻﺒﻴﺘﻠﻪ ﺍﻟﺠﺎﻱ ﺟﺎﻧﺖ ﺯﻳﻨﻪ ﻓﻮﻙ .... ﺯﻋﻠﺖ ﻭﺻﻌﺪﺕ ﻭﺑﺘﻬﻪ ﻛﺎﻣﺖ ﺗﺒﺠﻲ ﺭﺣﺖ ﺍﻧﻲ ﻋﻠﻴﻬﻪ ﻻﻥ ﺟﺎﻧﺖ ﻧﺎﻳﻤﻪ ﺑﻐﺮﻓﺔ ﻭﺭﻭﺩ ﻭﺣﺴﻴﻦ
ﺷﻠﻮﻥ ﻏﺮﻓﻪ ﺗﺨﺒﻞ ﻧﻈﻴﻔﻪ ﻭﻣﺮﺗﺒﻪ ﺑﺸﻜﻞ ﻣﻴﻨﻮﺻﻒ
ﻃﻠﻌﺘﻬﻪ ﻭﺧﻠﻴﺘﻬﻪ ﻋﻞ ﻗﻨﻔﻪ ﺑﻘﺖ ﺗﺒﺎﻭﻉ ﻋﻠﻴﻪ ﻭﻣﺒﺮﻃﻤﻪ ﺍﺳﺘﻐﺮﺑﺘﻨﻲ ﺑﺠﺖ
ﺣﺴﻴﻦ - ﺗﻌﺎﻱ ﺗﻌﺎﻱ ﺣﺒﻴﺒﺔ ﺟﺪﻭ
ﻭﻛﺎﻡ ﻋﻠﻴﻬﻪ ﺷﺎﻟﻬﻪﻭﻛﻠﻲ
-ﺍﻗﺴﻢ ﺑﺎﻟﻠﻪ ﺍﺫﺍ ﻫﺴﻪ ﻣﺒﺪﻟﺘﻲ ﺫﻧﻲ ﺍﻟﻤﺴﺤﻮﻻﺕ ﻣﺘﻠﻮﻣﻴﻦ ﺍﻟﻪ ﻧﻔﺴﺞ ﺍﻧتِ منو ﺣﺘﻰ ﺗﻌﺎﻧﺪﻳﻦ ﻋﻮﺩ ﺷﻨﻮ ﻣﻌﻨﺎﻫﻪ
ﻓﻠﻚ - ﻭﺍﻟﻠﻪ ﻣﻮ ﻋﻨﺎﺩ ﺑﺲ ﺍﻧﺖ ﺟﺎﻳﺐ ﻛﻠﻬﻦ ﻣﺪﺭﻱ ﺷﻠﻮﻧﻬﻦ ﺍﺳﺘﺤﻲ ﺍﻟﻠﺒﺴﻬﻦ
ﺑﺎﻭﻉ ﻋﻠﻴﻪ ﺧﺰﺭﻧﻲ ﺍﻧﻲ ﺍﻧﺴﺤﺒﺖ ﻛﺒﻞ ﻭﺻﻌﺪﺕ ﺑﺪﻟﺖ ﻟﺒﺴﺖ ﻣﻦ ﺍﻟﻲ ﺟﺎﺑﺘﻬﻦ ﻭﺭﻭﺩ
ﻛﻠﺖ ﺑﻠﻠﻪ ﻫﺴﻪ ﺍﻧﻲ ﺷﻜﻮ ﻛﺎﻋﺪ ﺍﻋﺎﻧﺪ ﺷﻜﺪ ﺍﺣﺐ ﺍﻟﻤﺸﺎﻛﻞ ﻟﺒﺴﺘﻬﻪ ﻭﻧﺰﻟﺖ ﻣﻌﻠﻖ ﻧﻬﺎﺋﻲ ﺑﻘﻴﺖ ﺑﺎﻟﻤﻄﺒﺦ ﻭﻫﻮ ﻛﺎﻋﺪ ﺑﺎﻟﻬﻮﻝ ﺷﻮﻳﻪ ﻭﺻﺎﺡ ﺯﻳﻨﻪ ﻭﺣﺠﻪ ﻭﻳﺎﻫﻪ ﻭﻓﻬﻤﻬﻪ ﺷﻠﻮﻥ ﺗﺘﺼﺮﻑ ﺳﺎﻋﻪ ﺑﻬﺪﻭﺀ ﻭﺳﺎﻋﻪ ﺑﻌﺼﺒﻴﻪ ﻟﻠﻴﻞ ﺍﺟﻮﻱ ﻣﻦ ﺍﻻﺳﺘﻘﺒﺎﻝ ﺩﺧﻠﻬﻢ ﻣﺸﻔﺖ ﺍﺣﺪ ﺑﻴﻬﻢ
ﺑﺲ ﺳﻤﻌﺖ ﺻﻴﺎﺡ ﻭﻣﺤﺎﻭﻟﺖ ﺍﺳﻤﻊ ﺷﻨﻮ ﺍﻟﺤﺪﻳﺚ ﻻﻥ ﻣﻴﻬﻤﻨﻲ .... ﺷﻮﻳﻪ ﻭﻃﻠﻌﺖ ﺯﻳﻨﻪ ﺿﺎﻳﺠﻪ ﺭﺍﺣﺖ ﺑﺪﻟﺖ ﻭﻃﻠﻌﺖ ﺑﻘﻴﻨﻪ ﺑﺲ ﺍﻧﻲ ﻭﺣﺴﻴﻦ ﺑﺎﻟﺒﻴﺖ
ﻫﻮ ﺍﻭﻝ ﻣﻄﻠﻌﻮ ﺩﺧﻞ ﻟﻠﻐﺮﻓﻪ
ﻭﺍﻧﻲ ﺑﻘﻴﺖ ﻣﺤﺘﺎﺭﻩ ﺍﺻﻌﺪ ﻟﻮ ﻻ ﺍﺧﺮ ﺷﻲ ﻛﻠﺖ ﺧﻞ ﺍﺻﻌﺪ
ﺻﻌﺪﺕ ﺟﻨﺖ ﺗﻌﺒﺎﻧﻪ ﺭﺣﺖ ﺍﻝ ﺑﺎﺑﺎ ﺍﻭﻝ ﻭﺑﻌﺪﻳﻦ ﻟﻠﻐﺮﻓﻪ ﻣﺎﻟﺘﻲ ﻏﻔﻴﺖ
ﻓﺰﻳﺖ ﻋﻠﻰ ﺟﺴﻢ ﺛﻜﻴﻞ ﻓﻮﻛﺎﻳﻪ ﺣﺘﻰ ﻣﺎﺍﺩﺭﻱ ﺑﻴﺶ ﺍﻟﺴﺎﻋﻪ ﺷﻬﻜﺖ ﺑﻌﺪﻳﻦ ﺑﺎﻭﻋﺖ هو ﺑﻘﻴﺖ ﻣﺜﻞ ﺍﻟﺠﻤﺎﺩ ﺍﻟﺤﺪ ﻣﺎ ﺍﺧﺬ ﺍﻟﻲ ﻳﺮﻳﺪﻩ
ﺑﺲ ﻛﻞ ﻣﺮﻩ ﻳﻨﺰﻝ ﻫﺎﻟﻤﺮﻩ ﺑﻘﻪ ﻣﺘﻤﺪﺩ ﻳﻤﻲ
ﺩﺭﺕ ﻭﺟﻬﻲ ﻋﻨﻪ ﻛﻤﺖ ﺍﺑﺠﻲ ﻟﻌﺒﺖ ﻧﻔﺴﻲ ﻣﺎﺍﺗﺤﻤﻞ ﺑﻌﺪ
ﻓﺠﺄﻩ ﺗﺬﻛﺮﺕ ﺍﻟﺤﺒﺎﻳﻪ ﻓﺘﺤﺖ ﻋﻴﻨﻲ ﻭﺟﺮﻳﺖ ﺍﻟﻤﻮﺑﺎﻳﻞ ﺑﺎﻭﻋﺖ ﻋﻞ ﺳﺎﻋﻪ ﺑﺎﻟﻌﺸﺮﻩ ﻭﻧﺺ ﺑﻠﻴﻞ
ﺍﺧﺬﺕ ﻧﻔﺲ ﻫﺴﻪ ﻳﻨﺰﻝ ﻫﺴﻪ ﻳﻨﺰﻝ ﺻﺎﺭﺕ ﺑﺎﻝ١١ﻭﻫﻮ ﻧﺎﻳﻢ ﺑﺎﻭﻋﺖ ﻋﻠيه ﺷﻮ ﻫﺬﺍ ﻏﻔﻪ ﻫﻨﺎ ﺧﺮﺏ ﺣﻈﻲ
ﻛﻤﺖ ﺭﺣﺖ ﻟﻠﺤﻤﺎﻡ ﺷﻠﻮﻥ ﺍﺭﻳﺪ ﺍﺧﺬ ﺣﺒﻮﺑﻲ ﺭﺟﻌﺖ ﻟﻠﻐﺮﻓﻪ ﻧﺎﻳﻢ ﺻﺎﺭﺕ ﺏ١٢ﻫﻤﺰﻳﻦ ﺍﻟﻠﻪ ﺩﻙ ﻣﻮﺑﺎﻳﻠﻪ ﺍﻧﻲ ﻭﺍﻛﻔﻪ ﻋﻠﻰ ﺻﻔﺤﻪ ﺑﺎﻟﻐﺮﻓﻪ ﺍﺧﺎﻑ اطلعهن ويشوفني ﻣﻦ ﺩﻙ ﻣﻮﺑﺎﻳﻠﻪ ﺍﺭﺗﺎﺣﻴﺖ ..... ﺟﺎﻭﺏ
ﺣﺴﻴﻦ - ﻫﺎ ﺣﺒﻴﺒﺘﻲ
ﺍﻱ ﻭﺍﻟﻠﻪ ﻧﺎﻳﻢ
ﺟﻮﻩ ﻃﺒﻌﺎً
ﺑﺎﻭﻋﺖ ﻋليه ﺍﻟﺠﺬﺍﺏ .... ﺷﺪﺗﺤﺲ ﻭﺍﻧﺖ ﺗﺠﺬﺏ
ﺳﺪ ﺍﻟﺨﻂ ﻣﻨﻬﻪ .... ﻭﻛﺎﻡ ﻻﻥ ﺟﺎﻥ ﺍﻟﻜﻠﻮﺏ ﻃﺎﻓﻲ فتحه وشافني واكفه
ﺣﺴﻴﻦ - ﺷﻌﻨﺪﺝ ﻫﻴﺞ ﻭﺍﻛﻔﻪ
ﻓﻠﻚ - ﺟﻨﺖ ﺑﺎﻟﺤﻤﺎﻡ
ﺣﺴﻴﻦ - ﻏﻔﻴﺖ ﻫﻨﺎ ﺑﺪﻭﻥ ﻣﺎﺍﺩﺭﻱ
ﻓﻠﻚ - ﺍﻱ
وبگلبي ﺑﺲ ﻃﻠﻊ ﻋﻠﻴﻚ ﺍﻟﻠﻪ ﺻﺪﻙ ﻃﻠﻊ ﻛﺒﻞ ﺭﺣﺖ ﻋﻠﻰ ﺍﻟﺤﺒﻮﺏ ﺷﺮﺑﺘﻬﻦ ﻭﻫﻤﺰﻳﻦ ﻭﺭﺍﻫﻪ ﻧﺰﻝ
ﺑﻘﺖ ﺣﻴﺎﺗﻲ ﻭﻳﺎ ﻣﺴﺘﻤﺮﻩ ﻫﻴﺞ ﺧﻠﺺ ﺷﻬﺮ ﻭاجه ﺷﻬﺮ ﺛﺎﻧﻲ ﻭﺍﺣﻨﻪ ﻋﻠﻰ ﻧﻔﺲ ﺍﻟﻤﻨﻮﺍﻝ ﻳﺘﻘﺮﺑﻠﻲ ﺑﻼ ﻣﺸﺎﻋﺮ ﻭﻛﺎﻡ ﻳﺘﻌﺼﺐ ﺍﺧﺮ ﺷﻲ ﻳﻜﻠﻲ ﻟﻴﺶ ﻣﻮ ﺣﺎﻣﻞ ﺻﺎﺭ ﺷﻬﺮﻳﻦ ﺗﺠﻴﺞ ﻭﺍﻧﻲ ﺍﺳﻜﺖ ﻭﺑﻨﻔﺲ ﺍﻟﻮﻗﺖ ﻣﻘﻬﻮﺭﻩ ﻻﻥ ﺧﻠﺼﻦ ﺍﻟﺤﺒﻮﺏ ﻭﻣﺎﺍﺩﺭﻱ ﻣﻨﻴﻦ ﻭﺷﻠﻮﻥ ﺍﺟﻴﺐ ﺣﺒﻮﺏ ﻭﺍﻛﺘﺸﻔﺖ ﺑﻬﺎﻱ ﺍﻟﻔﺘﺮﻩ ﺍﻟﻤﺮﻩ ﺍﻟﻲ ﻓﻮﻙ ﺍﺧﺖ ﺣﺴﻴﻦ ﻋﻘﻠﻬﻪ ﻣﻮ ﺗﻤﺎﻡ
ﻭﻳﻨﻄﻮﻫﻪ ﺣﺒﻮﺏ ﻣﻨﻮﻣﻪ ﻭﻣﻬﺪﺋﻪ ﻟﺬﻟﻚ ﻭﻻ ﻛﺎﻧﻤﺎ ﻣﻮﺟﻮﺩﻩ ﺑﺲ ﻟﻴﺶ ﻣﺎﺍﻋﺮﻑ
...............
ﻣﻴﻤﻮﻧﻪ - ﻛﻌﺪﺕ ﺑﺒﻴﺖ ﺍﻫﻞ ﺧﻀﺮ ﺷﻬﺮﻳﻦ ﺍﻧﺎﻡ ﻳﻢ ﺣﺒﻮﺑﻪ ... ﺧﺎﻟﺪ ﻣﺘﺸﺪﺩ ﻛﻠﺶ ﻭﻳﺎﻱ ﻭﻳﺨﺰﺭ ﺑﻴﻪ عل رايحه والجايه ﺍﺣﺴﻪ ﻣﻄا ﻴﻘﻨﻲ ﺻﺢ ﻣﻴﺤﺠﻲ ﻭﻳﺎﻱ ﺑﺲ ﻣﺒﻴﻦ ﻋﻠيه ﻣﻄﺎﻳﻖ ﻭﺟﻮﺩﻱ
وساعات اكول اتوهم من اشوف ﻃﺒﻌﻪ ﻭﻳﻪ ﺍﻟﻜﻞ هيح ﺍﺣﺴﻪ ﻋﺼﺒﻲ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻭﺣﺒﻮﺑﻪ ﺗﻠﺢ ﻋﻠيه ﻋﻠﻤﻮﺩ ﺧﻀﺮ ﻭﻫﻮ ﺑﺲ ﺗﺠﻴﺐ ﺳﻴﺮﺗﻪ ﻳﻜﻠﺐ ﺍﻟﺪﻧﻴﺎ ﺑﺎﻟﺼﻴﺎﺡ
ﻋﻠﻲ ﻛﻠﺶ ﺣﺒﺎﺏ ﻣﺜﻞ ﻣﻜﺎﻝ ﻋﻨﻪ ﺧﻀﺮ .... ﻭﺳﻠﻤﺎﻥ ﺍﻋﺮﻓﻪ ﻣﻦ ﺍﻟﺼﻮﺭﻩ ﺍﻟﻲ مخليهه ﺑﻐﺮﻓﺔ ﺣﺒﻮﺑﻪ وكالوا ﻣﺴﺎﻓﺮ ﻣﺎﺍﺩﺭﻱ ﻟﻴﺶ ﺑﺲ ﻫﻮ ﺧﺎﻟﻴﻦ ﺻﻮﺭﺗﻪ
ﺭﺳﻞ ﻣﺮﺕ ﺧﺎﻟﺪ ﺣﺒﺎﺑﻪ وساعات احسهه على لاهيتهه ﻭﺍﻟﻲ ﺑﻜﻠﺒﻬﻪ ﻋﻠﻰ ﺍﻟﻠﺴﺎﻧﻬﻪ
ﺑﺲ ﺍﻡ ﺧﺎﻟﺪ ﺗﺘﺨﺒﻞ ﻣﻨﻲ .... ﻭﺗﺸﺪ ﻭﻳﺎﻳﻪ ﻋﻞ ﺗﻨﻈﻴﻒ ﺣﺘﻰ ﺍﻟﺘﺮﻛﻴﺐ ﺷﺎﻟﺘﻪ ﻣﻦ ﻣﺮﺕ ﺧﺎﻟﺪ ﻭﺧﻠﺘﻪ ﻋﻠﻴﻪ بس رغم تشددهه ويايه ماانكر
ﺍﺭﺗﺎﺣﻴﺖ ﻳﻤﻬﻢ ﺧﺎﺻﻪ ﻳﻢ ﺣﺒﻮﺑﻪ ﻛﻠﺶ ﺣﺒﺎﺑﻪ ﻭﺗﺤﺒﻨﻲ على حبهه ال ﺧﻀﺮ ﺍﻛﺜﺮ ﺍﻟﻮﻗﺖ اخلصه ﻳﻤﻬﻪ ﺑﻐﺮﻓﺘﻬﻪ
ﻭﻛﻞ ﻣﺎﺗﺤﺠﻲ ﻭﻳﻪ ﺧﺎﻟﺪ ﻋﻠﻰ ﺧﻀﺮ ﺍﺧﺎﻑ ﺧﺎﻑ ﻳﻄﻠﻊ ﻣﻦ ﺍﻟﺴﺠﻦ رغم ساعات احن اله بس من اتذكر الي سواه اتمنى ميطلع
و ﺷﺎﻫﻴﻦ ﻣﺮﺍﺕ ﻳﺠﻲ ﺍﻟﻮﺣﻴﺪ ﺍﻟﻲ ﺍﺣﺲ ﻧﻔﺴﻲ ﺍﻋﺮﻓﻪ واحس بالامان من يجي رغم ﻣﻴﺤﺠﻲ ﻭﻳﺎﻱ ﺑﺲ على كد السلام ويدخل للاستقبال ﻫﻮ ﻭﺍﻟﻮﻟﺪ
اما الليل من يجي اخلصهه بچي وذكريات واشتياق وتأنيب ضمير ﻣﺸﺘﺎﻗﻪ ﺍﻝ ﺑﺎﺑﺎ ﻭﺍﻝ ﻓﻠﻚ رغم ما ﻛﻼﻣﻬﻪ الجارح ﻳﻄﻦ ﺑﺬﻧﻲ ﻭﻳﺠﺮﺡ ﺑﻜﻠﺒﻲ
ومثل كل يوم اغفى بعد ما اختنك من البجي
ﻓﺰﻳﺖ ﻋﻠﻰ ﺻﻮﺕ ﺣﺒﻮﺑﻪ
-ﻳﻤﻪ .... ﻭﻟﻴﺪﻱ ﻳﻤﻪ ﺧﻀﻴﺮﻩ ﻭﺍﺧﻴﺮﺍً ﻃﻠﻌﻚ ﺧﻮﻳﻠﺪ ﻓﺮﻓﺢ ﻛﻠﺒﻲ ﻋﻠﻴﻚ
ﺍﻧﻲ ﻛﻠﺒﻲ ﻛﺎﻡ ﻳﻮﺟﻌﻨﻲ ﻗﺒﻞ ﻻ ﺍﻓﺘﺢ ﻋﻴﻨﻲ .... ﺑﺲ ﻻ ﻣﻮ حلم ﻳﺎﺭﺑﻲ ﺑﺲ ﻻ ﺣﻘﻴﻘﻪ ﻃﻠﻊ ﻣﻦ ﺍﻟﺴﺠﻦ ..... ﻓﺘﺤﺖ ﻋﻴﻨﻲ
بعد. ماسمعت صوته
-ﺷﻠﻘﻀﻴﻪ ﺣﺒﻮﺑﻪ ﻳﺎ ﺧﻀﺮ ﺍﻧﻲ ﺳﻠﻤﺎﻥ ﻣﻌﺮﻓﺘﻴﻨﻲ ﻫﻴﺞ ﺻﺎﺭﺕ .
ﺣﺒﻮﺑﻪ - ﺳﻠﻴﻮﻭﻩ ﻳﺎ ﻳﻤﻪ ﻭﻻ ﻋﺮﻓﺘﻚ ﻭﺍﻟﻠﻪ ﺷﻤﺪﺭﻳﻨﻲ ﺭﺩﻳﺖ ﺍﻻﺩﺭﻱ ﺑﻲ ﺍﻧﺖ ﺑﺒﺒﻼﺩ ﺍﻟﻐﺮﺑﻪ ﺟﺎ ﺷﻤﺪﺭﻳﻨﻲ ﺍﻧﺖ ﻭﺻﻮﺗﻚ ﺟﻨﻪ ﺻﻮﺕ ﺧﻀﻴﺮﻩ
ﻣﻴﻤﻮﻧﻪ - ﺍﺣﺲ ﺍﻟﻨﻔﺲ ﺭﺩﻟﻲ ﺍﺧﺘﻨﻜﺖ ﻭﺭﻭﺣﻲ ﺭﺍﺩﺕ ﺗﻄﻠﻊ ﻣﻦ ﺳﻤﻌﺖ ﺣﺒﻮﺑﻪ بقيت ﺑﻤﻜﺎﻧﻲ ﻣﺴﻮﻳﻪ ﺭﻭﺣﻲ ﻧﺎﻳﻤﻪ
ﺍﺳﻤﻌﻪ ﻳﻜﻠﻬﻪ
-ﻣﻨﻮ ﻫﺎﻱ ﺣﺒﻮﺑﻪ
- ﻋﻠﻰ ﺳﺎﺱ ﺍﻣﻚ ﻣﻜﺎﻳﻠﺘﻠﻚ ﺍﻡ ﺍﻟﻌﻠﻮﻡ
ﻫﺎﻱ ﻣﺮﺕ ﺧﻀﻴﺮﻩ
ﺳﻠﻤﺎﻥ - مرت خضر ؟ ﻻ ﻭﺍﻟﻠﻪ ﺗﻮﻧﻲ ﺳﻤﻌﺖ ﻣﻨﺞ ﻭﺑﻌﺪﻳﻦ ﺍﻧﺖ ﻭﺣﺪﻩ ﺑﺬﺍﺗﻪ ﺍﻡ ﺍﻟﺒﻼﻭﻱ ﺟﻴﺖ ﻛﺒﻞ ﺍﻟﻐﺮﻓﺘﺞ ﻭﺍﻧﺖ ﺗﻜﻠﻴﻠﻲ ﺧﻀﺮ ﻣﺸﻴﺘﻬﻪ ﻫﺴﻪ ﺗﺤﺠﻴﻦ ﻋﻠﻴﻪ ﻫﻮ ﻫﺬﺍ ﺍﺳﺘقبالج ﺍﻟﻲ
- ﺧﺎﻳﺐ ﺳﻠﻴوه ﻻ ﺗﻔﻨﺘﻚ ﻋﻠﻴﻪ ﻭﺗﺴﻮﻱ ﺭﻭﺣﻚ ﻣﻈﻠﻮﻡ ﺧﺎﻳﺐ ﻋﻮﻳﻨﺎﺗﻲ ﻣﺎﺷﻮﻑ ﺑﻴﻬﻦ ﻭﺍﻧﺖ ﺍﻋﺮﻓﻚ ﺑﺒﻼﺩ ﺍﻟﻐﺮﺏ ﺗﻌﺎﻝ ﺧﻞ ﺍﺷﻤﻨﻚ ﻭﻟﻚ
ﺑقه ﻳﺘﺸﺎﻗﻪ ﻭﻳﺎﻫﻪ ﻭﻳﺒﻮﺱ ﺑﻴﻬﻪ ﺻﺢ ﺣﺴﻴﺖ ﺻﻮﺗﻪ ﻳﺸﺒﻪ ﺻﻮﺕ ﺧﻀﺮ ﺧﺎﺻﻪ ﻣﻦ ﻛﺎﻝ ﺷﻠﻘﻀﻴﻪ ﻣﺘﺤﺮﻛﺖ ﻣﻦ ﻣﻜﺎﻧﻲ ﻭﻻ ﺣﺮﻛﺖ ﺭﻭﺣﻲ ﺍﻟﻪ ﻣﻦ ﺣﺴﻴﺘﻪ ﻃﻠﻊ ﺑﻘﻴﺖ ﺍﻓﻜﺮ ﺑﺎٓﻱ ﻟﺤﻈﻪ ﻳﻄﻠﻊ ﺧﻀﺮ ﻣﻦ ﺍﻟﺴﺠﻦ ﺷﺴﻮﻱ ﺍﻧﻲ ﺍﺣﺲ ﺍﻟﺘﻔﻜﻴﺮ ﺑﻬﺬﺍ ﺍﻟﺸﻲ ﺍﺫﺍﻧﻲ فتحت عيني من ندهتني حبوبه
_ ﻳﻤﻪ ﻣﻴﻤﻮﻧﻪ ﻳﻢ ﻟﻮﻧﻴﻦ ﻛﻮﻣﻲ ﺷﺠﺎﺝ ﺍﻟﻬﺬﺍ ﺍﻟﻮﻛﺖ ﻧﺎﻳﻤﻪ ﻭﺝ ﻳﻤﻪ ﻣﻴﻤﻮﻧﻪ ..... ﻣﻴﻤﻮﻧﻪ
_ ﻛﻤﺖ ﺣﺒﻮﺑﻪ ﻛﺎﻋﺪﻩ
ﺣﺒﻮﺑﻪ _ ﺍﻟﻤﺮﻩ الناﺩﺭﻩ گﺎﺷﻪ ﺑﻴﺘﻬﻪ ﺑﻬﺬﺍ ﺍﻟﻮﻛﺖ ﻭﺟﺪﺭﻳﺘﻬﻪ ﻋﻞ ﻃﺒﺎﺥ ﻧﺴﻮﺍﻥ ﻫﺎﻟﻮﻛﺖ ﻟﻠﻈﻬﺎﺭﻱ
ﻳﻮﻣﻴﻪ ﺣﺒﻮﺑﻪ ﺗﻜﻌﺪﻧﻲ ﻣﻦ ﻏﺒﺸﻪ ﻭﺗﺤﺠﻴﻠﻲ ﺑﻄﻮﻻﺗﻬﻪ ﻭﺗﺤﺠﻲ ﻋﻠﻴﻪ ﻻﻥ ﺍﺗﺎٓﺧﺮ ﻣﻦ ﺗﻨﺪﻫﻨﻲ
ﻛﻤﺖ ﺳﻮﻳﺖ ﺭﻳﻮﻙ ﺑﻌﺪﻧﻲ ﺑﺎﻟﻤﻄﺒﺦ ﻛﺎﻋﺪ ﺍﺳﻮﻱ ﺻﻴﻨﻴﻪ ﺩﺧﻞ ﺳﻠﻤﺎﻥ
ﺳﻠﻤﺎﻥ _ ﺍﻟﺴﻼﻡ ﻋﻠﻴﻜﻢ
ﻣﻴﻮﻣﻨﻪ _ ﻋﻠﻴﻜﻢ ﺍﻟﺴﻼﻡ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ
ﺍﺑﺘﺴﻢ .......... ﺍﻟﻠﻪ ﻳﺴﻠﻤﺞ ﻣﺒﺮﻭﻙ ﺍﻟﺰﻭﺍﺝ ﺑﺲ ﻭﺍﻟﻠﻪ ﺗﻔﺎﺟأت ﻣﺤﺪ ﻛﻠﻲ
ﺑﺎﻭﻋﺖ ﻋﻠيه جنت مستحيه ومااعرف شحجي ﻛﺘﻠﻪ -ﺍﺣﺴﺐ ﺣﺴﺎﺑﻚ ﺑﺎﻟﺮﻳﻮﻙ
ﺑﻌﺪﻧﻲ ﺍﺣﺠﻲ ﺩﺧﻠﺖ ﺍﻡ ﺧﺎﻟﺪ ﺣﺘﻰ ﻣﻜﺎﻟﺖ ﺻﺒﺎﺡ ﺍﻟﺨﻴﺮ
ﺍﻡ ﺧﺎﻟﺪ _ ﻫﺎ ﺳﻠﻤﺎﻥ ﻳﻤﻪ ﺍﻛﻴﺪ ﺟﻮﻋﺎﻥ ﺍﺧﻮﻙ ﻋﻼﻭﻱ ﻭﻳﻦ ﻣﻮ ﻛﻠﺖ ﻫﻮ ﺟﺎﺑﻚ
-ﻫﺴﻪ ﺭﺍﺡ ﻳﺪﺧﻞ ﺑﺎﻟﺴﻴﺎﺭﻩ ﻛﺎﻋﺪ
-ﻃﻮﻝ ﻫﺎﻟﻮﻛﺖ ﺷﻴﺴﻮﻱ
-ﺷﻤﺪﺭﻳﻨﻲ ﻳﻤﻪ
ﺑﻘﻴﺖ ﺍﺑﺎﻭﻉ ﻋﻠﻴﻬﻢ ﺟﻬﺰﺕ ﺻﻴﻨﻴﻪ ﺍﻛﺒﺮ ﺷﻮﻳﻪ
ﺷﻮﻳﻪ ﺯﺍﺩ ﺍﻟﻌﺪﺩ ﺍﺧﺬﺕ ﺍﻟﺼﻴﻨﻴﻪ ﺍﻟﺠﺒﻴﺮﻩ ﻭﺧﻠﻴﺘﻬﻪ ﻭﻧﻘﻠﺖ ﺍﻟﺮﻳﻮﻙ ﺑﻴﻬﻪ
ﺑﻌﺪﻧﻲ ﻣﻤﻜﻤﻠﻪ ﻧﺰﻟﺖ ﺭﺳﻞ ﺍﻭﻝ ﻣﺸﺎﻓﺘﻨﻲ ﺍﺑﺘﺴﻤﺖ
-ﺻﺒﺎﺡ ﺍﻟﺨﻴﺮ
ﺍﺑﺘﺴﻤﺖ ﺍﻟﻬﻪ ﻭﻛﺘﻠﻬﺎ
-ﺻﺒﺎﺡ ﺍﻟنور
ﺑﺎﻭﻋﺖ ﻋﻠﻴﻬﻪ ﺑﺎﺳﺖ ﺳﻠﻤﺎﻥ ﻋﺎﺩﻱ ﻋﺪﻫﻪ ﻣﻮ ﻧفسنه ﻫﻤﻪ ﻭﻳﻤﻜﻦ ﻻﻥ ﺑﺖ ﻋﻤﻬﻢ
ﻻﻥ ﺭﺳﻞ ﺗﺼﻴﺮ ﺍﺧﺖ ﺷﺎﻫﻴﻦ ﻭﺷﺎﻫﻴﻦ ﺍﺑﻦ ﻋﻤﻬﻢ
ﺗﺮﻳﻜﻨﻪ ﻛﻌﺪﺕ ﺑﻴﻦ ﺣﺒﻮﺑﻪ ﻭﺭﺳﻞ ﺍﺳﺘﺤﻲ ﻣﻨﻬﻢ ﺭﻏﻢ ﻣﺎﺻﺎﺭﻟﻲ ﺷﻬﺮﻳﻦ ﺑﺲ ﺍﺳﺘﺤﻲ ﻣﻦ ﺍﻟﻮﻟﺪ
ﺧﺎﺻﻪ ﺧﺎﻟﺪ ﻣﻮ ﺑﺲ ﺍﺳﺘﺤﻲ ﻣﺎﺍﺩﺭﻱ ﻣﻦ ﺍﺑﺎﻭﻋﻠﻪ ﻭﻳﺒﺎﻭﻋﻠﻲ ﺍﺧﺎﻑ من نظراته ﺳﺎﻋﺎﺕ ﺍﺷﻚ ﻛﺎﻳﻠﻪ ﺧﻀﺮ ﻟﻮ ﺷﺎﻫﻴﻦ قاطع افكاري سلمان من سأل على خضر
- ﺷﺨﺒﺎﺭ ﺧﻀﺮ ﺧﺎﻟﺪ ﻭﺷﻮﻛﺖ ﺗﻄﻠﻌﻪ
ﻛﺒﻞ ﺑﺎﻭﻋﺖ ﻋﻠﻰ ﺧﺎﻟﺪ ﻭﺍﻧﺘﻈﺮ ﺟﻮﺍﺑﻪ ﺑﻘﻪ ﺳﺎﻛﺖ ﻭﻣﺠﺎﻭﺏ ﺍﺑﺪ ﻭﻻ ﺍﻫﺘﻢ ﺍﻟﺴﻮٔﺍﻝ ﺳﻠﻤﺎﻥ
-ﺷﻠﻘﻀﻴﻪ ﻣﺘﺠﺎﻭﺏ
-ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﺳﻤﻌﺖ ﺑﻌﺪ ﺗﻜﻮﻝ ﺷﻠﻘﻀﻴﻪ ﺍﻟﻪ ﺍﻛﻠﺐ ﺍﻟﺼﻴﻨﻴﻪ ﻋﻠﻴﻚ
-ﺷﻨﻮ ﺍﻟﻘﺼﻪ ﺧﺎﻟﺪ
مثل مااگلك وﺧﻀﺮ ﺳﻴﺮﺗﻪ ﻛﻠﻬﻪ ﻣﺎﺍﺭﻳﺪ ﺍﺳﻤﻌﻬﻪ ﺑﺎﻟﺒﻴﺖ
ﺣﺒﻮﺑﻪ _ ﺧﻮﻳﻠﺪ ﻛﺎفﻲ ﺍﻛﺴﺮ ﺍﻟﺸﺮ ﺣﺒﻮﺑﻪ ﻭﻃﻠﻊ ﺍٓﺧﻴﻚ ﻣﻦ ﺍﻟﺴﺠﻦ ﻋﺒﺮ ﺍﻟﺸﻬﺮﻳﻦ ﻳﻤﻪ ﺗﺎٕﺩﺏ ﻫﺴﻪ
ﻣﻮ ﻃﻠﻌﺖ عزوز ﻃﻠﻊ ﺍﺧﻴﻚ ييمه الخاطري ﻣﻴﻌﻴﺪﻫﻪ ﺑﻌﺪ
عاف الريوك وكام بدون ميجاوب بس يستغفر بنبرة حاده
. ﻣﺮﻥ ﻳﺮﻣﻴﻦ ﻋﻠﻰ ﺟﻴﺔ ﺳﻠﻤﺎﻥ ﻣﻦ ﺍﻟﺴﻔﺮ .... ﺭﻭﺣﻲ ﺍﺣﺴﻬﻪ ﺗﺮﻳﺪ ﺗﻄﻠﻊ ﺻﺎﺑﻨﻲ ﺗﻮﺗﺮ ﻣﻦ ﻋﺒﺎﻟﻲ ﻃﻠﻊ ﺧﻀﺮ ﻭﺍﻟﺤﺪ ﻫﺎﻟﻠﺤﻈﻪ ﺍﻓﻜﺮ ﺑﻠﻠﻪ ﻃﻠﻊ ﺧﺎﺻﻪ ﺣﺒﻮﺑﻪ ﺗﻠﺢ ﻫﻮﺍﻱ بس لا خالد يمل من ملحتهه ويطلعه
-..................
ﺧﻀﺮ - ﻣﺮﻥ ﺷﻬﺮﻳﻦ ﻭﻧﺺ ﺗﻘﺮﻳﺒﺎً ﻋﻠﻰ ﺳﺠﻨﻲ ﺍﺣﺲ ﻧﻔﺴﻲ ﺭﺍﺡ ﺍﺗﺨﺒﻞ ..... ﻣﺎﻛﻮ ﺷﺎﻫﻴﻦ ﻭﻭﻻ ﻭﺍﺣﺪ ﻣﻦ ﺍﻟﻮﻟﺪ ﻳﺠﻴﻨﻲ
ﻭﺧﺎﻟﺪ ﻣﺮﻩ ﻭﺣﺪﻩ ﺍﻟﺘﻘﻴﺖ ﺑﻲ ﻗﺒﻞ ﺷﻬﺮﻳﻦ ﺗﻘﺮﻳﺒﺎً
ﺗﻔﺎﺟﺌﺖ ﻣﻦ ﻃﻠﻌﻮﻧﻲ ﺩﺧﻠﻮﻧﻲ ﻟﻠﻤﻜﺘﺐ ﻣﺎﻝ ضابط ﺣﺎﺗﻢ ﻭﺍﻧﻲ ﻣﻜﻠﺒﺸﻪ ﺍﻳﺪﻱ ﻭﺭﺟﻠﻲ
ﺍﻭﻝ ﻣﺪﺧﻠﺖ ﺍﺑﺘﺴﻤﺖ من شفته خالد
- ﻳﺎ ﺍﻫﻼً ﻭﺳﻬﻼً ﻣﺸﺘﺎﻗﻴﻦ
الى ان ﻭﻛﻔﺖ ﻛﺒﺎﻟﻪ وهو كاعد يباوعلي بنظراته المستفزه واني اكعد بالكرسي المقابيله
ﺍﺑﻦ ﺍﻟﻌﻢ ﻣﻘﺼﺮﺕ خاصه من كتلهم يزينوني اكرع
ﺍﺭﺣملي ﺣﺮ ﻭﻛﻤﻞ ﺷﺴﻮﻱ ﺑالشعر
ﺧﺎﻟﺪ - ﻛﻮم ﺍﻭﻛﻒ خضر
معرت اهمية الكلامة وحجيت ويا بجديه
لكيت اثر المرتي
ﺧﺎﻟﺪ - ﺍﺫﺍ ﺗﺤﺒﻬﻪ ﻭﻛﺎﺗﻞ ﺭﻭﺣﻚ ﻫﻴﺞ ﻋﻠﻴﻬﻪ ﻟﻴﺶ ﻃﺮﺩﺗﻬﻪ ﻟﻮ ﺍﻛﻮ ﺷﻲ
ﺧﻀﺮ - ﺧﺎﻟﺪ ﻣﺮﺗﻲ ﻟﻜﻴﺘﻬﻪ ﻟﻮ ﻻ ﻋﻮﻓﻚ ﻣﻦ ﻛﻞ ﻫﺬﺍ ﺍﻟﻜﻼﻡ
ﻭﺟﺎﻭﺑﻨﻲ ... ﺣﺘﻰ ﻧﻮﻡ ﻣﺜﻞ ﺍﻟﺒﺸﺮ ﻣﻜﺎﻋﺪ ﺍﻛﺪﺭ ﺍﻧﺎﻡ
ﺧﺎﻟﺪ - ﺧﻠﻴﺖ ﻣﺮﺍﻗﺒﻪ ﻋﻠﻰ ﺑﻴﺘﻬﻢ مالهه أثر
شسوي بعد
-يعني ماكو خالد ﻛﻠﺖ راح ﺗﻠﻜﺎﻫﻪ ﺑﻄﺮﻳﻘﺘﻚ وين طريقتك هاي
-لتعلي نبرة صوتك من تحجي وياي
-خالد الگالي ميمونه لو طلعني منا
-خضر ﺍﻧﻲ ﻣﻤﻘﺘﻨﻊ ﺑﺪﻭﻥ ﺳﺒﺐ ﺗﻄﺮﺩﻫﻪ ﻣﺜﻼً ﻧﻜﻮﻝ ﻟﻜﻴﺘﻬﻪ ﻣﻮ ﺑﻨﻴﻪ ﻭﻃﺮﺩﺗﻬﻪ
تفاجأت ماانحر ربكني سؤالي بس حاولت اقنعه هو غلطان كتله
- ﻟﻴﺶ ﻣﻮ ﺗﻌﺮﻑ ﺑﻴﻪ ﻧﺬﻝ ﻭﺍﻏﺪﺭ نسيت من ﻏﺪﺭﺗﻚ ﻗﺒﻞ ﺑـ ﻣﺤﻤﺪليش متفاجئ بعد
جان ينظرلي باحتقار كملت كلامي
- ﺍﻃﻤﺌﻦ ﻣﺎﻛﻮ ﺷﻲ ﺑﻴﻬﻪ ﺍﻟﺒﻨﻴﻪ ﺻﺎﻍ ﺳﻠﻴﻢ ﻣﺎﺑﻴﻨﻲ ﻭﺑﻴﻨﻬﻪ ﺷﻲ ﺍﺧﺬﺕ ﺍﻟﻲ ﺍﺭﻳﺪﻩ ﻣﻨﻬﻪ ﻭﺷﻤﺮﺗﻬﻪ ﻻﻥ جنت معجب بيهه مكدرت اتحكم بشهواتي
- ﺷﻜﺪ ﺯﺑﺎﻟﻪ ﺍﻧﺖ ﻓﺮﺣﺎﻥ ﺑﺮﻭﺣﻚ ﻣﻌﻘﻮﻟﻪ ﺍﻧﺖ ﺧﻀﺮ ﺍﻟﻲ ﺗﺮﺑﻴﺖ ﺑﻴﻨﺎتنا ﺷﻠﻮﻥ ﺍﻧﻲ ﻫﻴﺞ ﻣﺨﺪﻭﻉ ﻣﺎﺍﺩﺭﻱ ﺗﺤﺠﻲ ﺑﺴﻘﻮﻃﻚ ﻛﺪﺍﻣﻲ ﻭﺗﺘﺒاهى ﺑﻲ
ﻣﺍﺷﻲ ﻳﺎ ﺧﻀﺮ ﻣﺎﺷﻲ
ﻭﺗﻔﻞ ﻋﻠﻴﻪ وكام كمت رأساً وراه
ﺧﺎﻟﺪ ﻟﻮ ﺗﺪﻭﺭﻫﻪ ﻟﻮ ﺗﺨﻠﻲ ﻭﺍﺣﺪ ﻣﻦ ﺍﻟﻮﻟﺪيجيني بما ان انتَ مراح تطلعني منا
لازم اشوف شاهين بلكت هو يلكاهه
-توك تتباهى بلسويته بيهه
ﺻﺤﻪ ﺿﻤﻴﺮﻱ وتندمت على الي سويته بيهه ﺍﺭﻳﺪ ﺗﻠﻜﺎﻫﻪ ﻭﺍﺩﻓﻌﻠﻬﻪ ﺛﻤﻦ ﺍﻟﻲ ﺳﻮﻳﺘﻪ ﺑﻴﻬﻪ
راد يطلع صحتله
-خالد الگالي ميمونه
- ﻻ ﺍﺩﻭﺭ ﻋﻠﻴﻬﻪ ﻭﻻ ﺗﺸﻮﻭﻭﻑ ﻭﺍﺣﺪ ﻣﻦ ﺍﻟﻮﻟﺪ خضر وابقه انتَ وضميرك وادفع ثمن اغلاطك هاي اذا صدك صحى ضميرك
ﺧﻀﺮ - ﺧﺎﻟﺪ
ﺧﺎﻟﺪ - ﺻﻮﺗﻚ ﻟﺘﻌﻠﻲ
ﻃﻠﻊ ﻋﺼﺒﻲ ﺧﺎﻟﺪ ﻭﺍﻧﻲ ﺯﻫﻜﺖ ﺣﻴﻞ
-ﻭﻳﻦ ﻭﻟﻴﺘﻲ ﻭﻳﻦ ﻓﻬﻤﻴﻨﻲ
ﺭﺟﻌﻮﻧﻲ ﻟﻠﺴﺠﻦ ﺟﺎﻥ ﻋﺰﻭﺯ ﻣﺘﻤﺪﺩ ﻭﺭﺍﺷﺪ ﻛﺎﻋﺪ ﻳﻢمجموعه من الشباب ﻛﻌﺪﺕ ﻳﻢ ﻋﺰﻭﺯ كعد على حيله
- ﻫﺎ ﺑﺸﺮ خضر ﺍكو ﺍﺧﺒﺎﺭ جديده
- ﺧﺎﻟﺪ ﻣﻨﺎﻭﻱ ﻋﻞ ﺧﻴﺮ
ﻋﺰﻭﺯ - ﺷﺮﺍﺩ ﻣﻨﻚ ﻫﺴﻪ
ﺧﻀﺮ - ﺍﻧﻲ مااتحمل بعد ﻣﺎﺍﻛﺪﺭ ﻻﺯﻡ ﺍﻃﻠﻊ ﻣﻨﺎ
ﻭﺻﻠﺖ ﺣﺪﻫﻪ
ﺑﻬﺎﻟﻠﺤﻈﻪ .. ﺗﻘﺮﺏ ﺭﺍﺷﺪ ﻭﺿﺤﻚ
ﺭﺍﺷﺪ - ﺍﺑﻮﻭﻭ ﺍﻟﻮﺻﺦ ﻭﻻ ﻳﻜﻌﺪ ﻛﻞ ﺷﻮﻳﻪ ﻭﺭﺍﻛﻌﻨﻪ ﻻﺯﻡ ﺍﻃﻠﻊ
ﺧﻀﺮ - ﺭﺍﺷﺪ ﻭﺍﺻﻠﻪالخشمي ﻣﺎﻟﻲ ﺧﻠﻚ ﺳﻮﺍﻟﻔﻚ
ﺭﺍﺷﺪ - ﺍﻧﻲ ﺃﻳﺴﺖ ﺍﻃﻠﻊ ﻣﻨﺎ ﺑﻌﺪ
ﻫﺴﻪ ﻻ ﻫﻮ ﺍﻟﻲ ﻣﺨﻠﻴﻨﻪ ﻧﻨﺤﻜﻢ ﻭﻣﺘﺤﻮﻟﻴﻦ ﻣﻦ ﻫﺬﺍ ﺍﻟﺴﺠﻦ ﺍﻻﻛﺸﺮ ﻭﻻ ﻫﻮ ﺍﻟﻲ ﻣﻄﻠﻌﻨﺎ
ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﻔﺘﺢ ﻭﺻﺎﺣﻨﻲ الحارس
- ﺧﻀﺮ ﺗﻌﺎﻝ
ﻋﺰﻭﺯ - خضر ﺍﺫﺍ ﺧﺎﻟﺪ ﻟﺘﺴﺘﻔﺰه واسمع كلامه خلينه نطلع منا
ﺧﻀﺮ - ﻛﻤﺖ ﻃﻠﻌﺖ ﻋﺒﺎﻟﻲ ﺧﺎﻟﺪ . ﺩﺧﻠﻮﻧﻲ ﻏﺮﻓﻪ ﻭﻛﺎﻣﻮ ﻳﻌﺬﺑﻮﻥ ﺑﻴﻪ ﻭﻳﺤﻘﻘﻮﻥ ﺑﻘﻀﻴﺔ ﺧﻄﻒ ﻣﺤﻤﺪ ﻭﻛﻞ ﻣﺎ ﻳﺤﺠﻲ ﻳﻜﻠﻲ ﺗﺎﻟﻴﺘﻚ ﻣﺆﺑﺪ
ﻃﻠﻌﻮﻧﻲ ﺳﻜﺎﻃﻪ ﻣﺎﺍﻛﺪﺭ ﺣﺘﻰ ﺍﻣﺸﻲ ﻋﻠﻰ ﺭﺟﻠﻲ ﻭﻣﻦ ﺭﺟﻌﺖ ﻻ ﻟﻜﻴﺖ ﺭﺍﺷﺪ ﻭﻻ ﻋﺰﻭﺯ ﻫﺴﻪ ﻳﺠﻮﻥ ﻫﺴﻪ ﻳﺮﺟﻌﻮﻫﻢ ﺧﻠﺺ ﺍﻟﻴﻮﻡ ﻭﺍﻟﻲ ﻭﻳﺎﻧﻪ ﻛﺎﻟﻮ ﻭﺭﻩ ﻣﻄﻠﻌﺖ ﻫﻢ ﺻﺎﺣﻮﻫﻢ ﻣﺎﺍﻋﺮﻑ ﻳﻌﺬﺑﻮﻫﻢ ﺷﻴﺴﻮﻭﻟﻬﻢ ﺧﻠﺺ ﻳﻮﻡ ﺍﻟﺜﺎﻧﻲ ﺍﻟﺜﺎﻟﺚ ﻣﺎﻛﻮ
ﺑﻌﺪﻳﻦ ﻛﻠﺖ ﺧﺎﻟﺪ ﻳﺠﻮﺯ ﻃﻠﻌﻬﻢ .... ﻟﻮ ﺧﺎﻑ ﻣﻦ ﺍﻟﺘﻌﺬﻳﺐصار عليهم شي ﺍﻟﻒ ﺗﻔﻜﻴﺮ صار بعقلي
ﺟﻨﺖ ﺍﻓﻜﺮ وهمي ﻣﻴﻤﻮﻧﻪ ﻫ
وكبر همي بـ ﺭﺍﺷﺪ ﻭﻋﺰﻭﺯ
.........................................
الحاح حبوبه من يمي زهكني
اخر شي كطعت الأكل وانتكس وضعهه ورغم هذا الشي من يحجي سلمان ويه خالد يبين هو قافل وهذا الشي جان يطمني
ربكني سلمان بنظراته وابتسامته مستفزه تذكرت بيوم الي طلعوا عزوز وراشد
بيومهه غبائي الي خلاني اكشفله عدم رغبتي بطلعة خضر
سلمان- ﺍﻛﻴﺪ ﺿﺠﺘﻲ ﻻﻥ ﺧﻀﺮ ﻣﻮ ﻭﻳﺎﻫﻢ ﻟﺘﺨﺎﻓﻴﻦ ﺧﺎﻟﺪ ﻣﻴﻌﻮﻓﻪ ﺑﺎﻟﺴﺠﻦ ﻫﺴﻪ ﺍﻛﻴﺪ ﻳﻄﻠﻌﻪ ﻣﺴﺘﺤﻴﻞ ﻳﺤﻜﻤﻪ
ﻣﻴﻤﻮﻧﻪ - ﻟﻴﺶ ﻣﻴﺤﻜﻤﻪ ﺧﺎﻟﺪ ﻻﺯﻡ ﻳﺤﻜﻤﻪ ﻏﻴﺮ ﺧﻄﻒ طفل
ﺳﻠﻤﺎﻥ - ﻟﻴﺶ ﺗﺮﻳﺪﻱ ﻳﻨﺤﻜﻢ ﺍﻧﺖِ
-ﻻ ﻃﺒﻌﺎً ﺑﺲ ﻋﻠﻤﻮﺩﻩ ﻻﻥ ﺧﻀﺮ ﺑﺲ ﻳﻔﻜﺮ ﺑﺎﻟﺜﺎﺭ ﻭﺍﻟﻜﺘﻞ
منهه وكل ميصير حديث يخص خضر هو يباوع عليه ويراقب ردات فعلي
ﺗﻐﺪﻳﻨﻪ ﻭﻛﻞ ﻭﺍﺣﺪ ﻃﺶ ﺑﻤﻜﺎﻧﻪ ...... ﺑﻘﻴﺖ ﻛﺎﻋﺪﻩ ﺑﺎﻟﻤﻄﺒﺦ ﻻﻥ ﺣﺒﻮﺑﻪ ﻧﺎﻳﻤﻪ ﻭﻣﻄﻔﻴﻪ ﺍﻟﻜﻠﻮﺏ ﻭﺍﻧﻲ جنت ﻣﻄﻠﻌﻪ ﺛﻠﺞ ﻭﺍﻛﺮﻁ ﺑﻲ ...... ﺍﺣﺐ ﺍﻛﺮﻁ ﺛﻠﺞ
ﻧﺰﻝ ﺳﻠﻤﺎﻥ ﻛﺎﺷﺦ واجه باتجاهي ووكف گبالي
- ﺷﻌﺠﺐ ﺑﻌﺪﺝ ﻛﺎﻋﺪﻩ ﻫﻨﺎ
ﺭﺃﺳﺎً ﻛﻤﺖ وكتله
- ﺗﻮﻧﻲ ﻛﺎﻋﺪ ﺍﻛﻮﻡ
ردت اروح وكفني سؤاله
- ﺍﻣﻲ ﻛﺎﻟﺖ ﺍﻧﺖ ﺑﻌﺪ ﺍﺳﺒﻮﻋﻴﻦ ﺗقريباً ﻣﻦ سجن خضر ﻳﺎﻟﻠﻪ ﺍﺟﻴﺘﻲ ﻭﻳﻦ ﺟﻨﺘﻲ بهاي الفتره
ﺑﺎﻭﻋﺖ ﻫﺬﺍ ﺷﻌﻠﻲ ﺑﻴﻪ ﺣﺴﺴﻨﻲ ﻫﻮ ﺍﻟﻀﺎﺑﻂ
ﻛﺘﻠﻪ
-ﺧﺎﻟﺪ ﻳﻌﺮﻑ
- ﻭﺍﻧﻲ ﻫﻢ ﺍﺭﻳﺪ ﺍﻋﺮﻑ .... ﻏﻴﺮ ﺍﻋﺮﻑ ﻣﺮﺕ ﺍخويه ﻭﻳﻦ ﺭﺍحت
- ﺑﺒﻴﺖ ﺍﻫﻠﻲ
ابتسم بسخرية وكال
- ﻳﻠﻠﻪ ﻫﺎﻧﺖ ﺍﻟﻴﻮﻡ ﺍﺣﺠﻲ ﻭﻳﻪ ﺧﺎﻟﺪ ﻋﻠﻤﻮﺩ ﻳﻄﻠﻊ ﺧﻀﺮ ﺑﻠﻜﺖ ﺍﻟﻠﻪ ﻳﻬﺪﻱ
كانما جان متقصد يكول هذا الشي ماانكر عيوني بين عليهه الارتباك بس حاولت امثل ابتسمت بوجهه وكلت -بلكت الله
ﻃﻠﻊ ﻣﻦ ﻳﻤﻲ ﺑﻌﺪ ﻣﻮﺗﺮﻧﻲ ﺑﻘﻴﺖ ﺍﻛﻞ ﺑﺎﻟﺜﻠﺞ ﺍﺭﻳﺪ ﻛﻠﺒﻲ ﻳﺒﺮﺩ ﻣﺎﻛﻮ ..... ﺍﻧﺖ ﻣﻨﻴﻦ ﺭﺟﻌﺖ ﻭﺷﻌﻠﻴﻚ ﻳﻄﻠﻌﻪ ﻟﻮ ﻻ
اخ ياربي ناقصني هذا اني
ﺭﺣﺖ ﻳﻢ ﺣﺒﻮﺑﻪ جانت غافيه ﺗﻘﺮﺑﺖ ﻋﻠﻴﻬﻪ
ﺣﺒﻮﺑﻪ .... ﺣﺒﻮﺑﻪ
ﺣﺒﻮﺑﻪ - ﻫﺎ ﻳﻤﻪ
- ﺣﺒﻮﺑﻪ ﺧﻞ ﺍﺻﺒﻠﺞ ﻏﺪﻩ ﺧﺎﻑ ﻣﻮ ﺯﻳﻦ ﻋﻠﻴﺞ
- ﻋﺴﺎﻧﻲ ﺑﺎﻟﻤﻮﺯﻳﻦ ﺍﻥ ﺷﺎﺀ ﺍﻟﻠﻪ ﺍﺩﺭﻱ ﺑﻴﺞ ﻫﻢ ﺗﻜﺪﺭ ﺧﺎﻃﺮﺝ ﺟﻴﻒ ﻣﻄﻠﻊ .... ﺻﺒﺮﻱ ﺣﺒﻮﺑﻪ ﺻﺒﺮﻱ ﺑﻠﻜﺖ ﺍﻟﻠﻪ ﻳﻬﺪﻱ ﻝ .. ﺧﻮﻳﻠﺪ ﻭﻳﻄﻠﻌﻪ
- ﺣﺒﻮﺑﻪ
مدري شريد احجي يمكن محتاجه احد يطمني لو يسمعني بس ﺳﻜﺘﺖخفت لا ﺍﻓﻀﺢ ﺭﻭﺣﻲ
-ﻳﺎﺭﺏ ﺍﺭحﻤﻨﻲ ﺗﻌﺒﺖ ﻣﻦ ﺍﻟﺸﺪ ﺍﻋﺼﺎﺏ ﺍﻟﻌﺎﻳﺸﺘﻪ
ﻭﻟﺘﻔﺮﺟﻬﻪ ﻋﻠﻰ ﺧﻀﺮ ﻭﻳﻄﻠﻊ ﻭﻳﻦ ﺍﻧﻄﻲ ﻭﺟﻬﻲ اكيد راح يفضحني ويطردني وماعندي احد
ﺗﻤﺪﺩﺕ ﺑﻤﻜﺎﻧﻲ ﺷﻮﻳﻪ ﻭﺍﻧﺪﻛﺖ ﺍﻟﺒﺎﺏ ﻣﺎﻝ ﻏﺮﻓﻪ ﻭﻭﺍﺣﺪ ﻳﺼﻴﺢ ﻳﺎاﻟﻠﻪ ... ﺍﻫﻞ ﺍﻟﺪﺍﺭ .... ﻛﻤﺖ ﺑﺴﺮﻋﻪ ﻟﺒﺴﺖ ﺣﺠﺎﺑﻲ ﻭﻋﺪﻟﺖ ﺭﻭﺣﻲ
ﺣﺒﻮﺑﻪ - ﻳﺎﻫو هَذا
ﺻﺤﺖ ﺗﻔﻀﻞ ﺑﺎﻭﻋﺖ ﺷا هين كبل ﺍﺑﺘﺴﻤﺖ بوجهه وهو هم ﺍﺑﺘﺴﻤﻠﻲ
- ﺷﻠﻮﻧﺞ ﺧﻮﻳﻪ
- ﺍﻟﺤﻤﺪﻟﻠﻪ ﺍﻧﺖ ﺷﻠﻮﻧﻚ
ﺩﻧﻚ ﻋﻠﻰ ﺣﺒﻮﺑﻪ ﺑﻮﺳﻬﻪ وبنفس الوقت ﺩﺧﻞ ﻭﺍﺣﺪ ﻣﺸﺎﻳﻔﺘﻪ
ﻫﻢ ﺑﻮﺱ ﺣﺒﻮﺑﻪ ﻋﺮﻓﺘﻪ ﻣﻦ ﺧﻼﻝ ﺣﺠﻲ ﺣﺒﻮﺑﻪ ﻋﺰﻭﺯ
ﻣﻦ ﻛﺎﻡ ﺳﻠﻢ ﻋﻠﻴﻪ ﻫﻮ ﻫﻢ ﻛﻠﻲ ﻫﻠﻮ ﺧويه
ﺳﻠﻤﺖ ﻭﺍﺑﺎﻭﻉ ﻋﻠﻰ ﺷﺎﻫﻴﻦ .... ﻣﺎﺍﻋﺮﻑ ﺑﺲ ﺍﻟﻮﺣﻴﺪ ﺍﻟﻲ ﺍﻛﺪﺭ ﺍﺣﺠﻲ ﻭﻳﺎ ﺭﺣﺖ ﻗﺪﻣﺘﻠﻬﻢ ﻣﻲ ﻭﺳﻮﻳﺖ ﺟﺎﻱ ..... ﺟﺎﻥ ﻳﻄﻤﻦ ﺑﻴﺒﻲ ﻋﻠﻰ ﺧﻀﺮ ﻭﻛﻠﻠﻬﻪ ﻣﻴﻜﺪﺭ ﻳﻄﻠﻌﻬﻪ ﻫﺴﻪ ﺧﺎﻟﺪ ﻣﻮﺑﻴﺪﻩ ﻻﻥ ﺷﺎﻓﻬﻪ ﺗﺒﺠﻲ ﻭﻃﻤﻨﻬﻪ ﻳﻄﻠﻊ ﻣﺜﻠﻬﻢ ﻳﺠﻮﺯ ﺑﻌﺪ ﺷﻬﺮﻳﻦ ﻫﻴﺞ
ﺟﻨﺖ ﺍﺭﻳﺪ ﺍﺣﺠﻲ ﻭﻳﺎ ﻭﺍﺧﺎﻑ ﻣﻦ ﺧﺎﻟﺪ ﻳﺠﻲ ﻟﻮ ﻭﺍﺣﺪ ﻳﻜﻌﺪ ﻣﻦ ﺍﻟﻨﻮﻡ ﻭﻫﻮ ﻣﻔﻬﻤﻬﻪ ﺍﻭ ﻣﺎﺍﻋﺮﻑ ﺍﻟﺤﺪ ﻣﺎ ﻛﺎﻡ ﺭﺍﺡ ﻟﻠﺤﻤﺎﻡ ..... ﺍﻧﻲ ﺭﺣﺖ ﻟﻠﻤﻄﺒﺦ ﺍﺑﺎﻭﻉ ﻋﻠيه ﻣﻦ ﻃﻠﻊ ﺭﺃﺳﺎً ﺭﺣتله
-ﺷﺎﻫﻴﻦ
-ﻣﺤﺘﺎﺟﻪ ﺷﻲ ﺧﻮﻳﻪ
ﻣﻴﻤﻮﻧﻪ - ﺷﺎﻫﻴﻦ ﻣﺎﻋﻨﺪﻱ ﻏﻴﺮﻙ ﻳﺴﺎﻋﺪﻧﻲ ﻭﺍﺣﺠﻲ ﻭﻳﺎ ﺑﺪﻭﻥ ﻣﺎﺍﺷﻴﻞ ﻫﻢ
ﺷﺎﻫﻴﻦ - ﺻﺎﻳﺮ ﺷﻲ
ﻣﻴﻤﻮﻧﻪ - ﺧﺎﻟﺪ ﻳﻄﻠﻊ ﺧﻀﺮ ﻣﻦ ﺍﻟﺴﺠﻦ ﺷﺎﻫﻴﻦ ﻭﺍﻟﻠﻪ ﺍﻧﻲ ﻣﻈﻠﻮﻭﻣﻪ ﻭﺧﻀﺮ ﺿﺤﻚ ﻋﻠﻴﻪ ﻫﺴﻪ ﺍﻛﻴﺪ ﻣﻦ ﻳﻄﻠﻊ ﻫﻢ ﻳﺸﻤﺮﻧﻲ ﺑﺎﻟﺸﺎﺭﻉ واني ماعندي احد خسرت اختي بسببه
ﺷﺎﻫﻴﻦ - ﻣﻴﻤﻮﻧﻪ ﻟﺘﺨﺎﻓﻴﻦ ﺍﻧﻲ ﺍﻟﺨﻼﻧﻲ ﺍﺗﺄﻛﺪ ﻣﻦ ﻛﻼﻣﺞ ﻫﻮ ﺍﺻﺮﺍﺭ ﺧﻀﺮ ﺍﻟﻜﺎﺝ ﻟﺬﻟﻚ ﺻﺪﻛﺘﺞ ﻭﻣﺤﺠﻴﺖ ﺣﺘﻰ ﺗﻔﺎﺻﻴﻞ ﻭﻟﻪ ﺍﻧﻲ ﻣﺎﺍﻋﺮﻓﺞ
ﻣﻴﻤﻮﻧﻪ - ﺍﺫﺍ ﻃﻠﻊ ﺧﻀﺮ ﻣﻴﻌﻮﻓﻨﻲ ﻭﺍﻟﻠﻪ ﻭﻳﻔﻀﺤﻨﻲ ﺧﺴﺮﺕ ﺍﻫﻠﻲ ﻋﻠﻤﻮﺩﻩ ﻋﻴﺮﻧﻲ ﺑﻄﻠﻌﺘﻲ ﻭﻳﺎ
ﺷﺎﻫﻴﻦ - ﺩﺧﻞ ﻳﻄﻠﻊ ﻫﺴﻪ ﻭﺍﻟﻠﻪ ﻛﺮﻳﻢ ﻭﺍﻃﻤﺌﻨﻲ ﻣﺎﺍﻋﻮﻓﺞ
ﻋﺎﻓﻨﻲ ﻭﺩﺧﻞ ﻟﻠﻐﺮﻓﻪ ﻣﺎﺍﺩﺭﻱ ﺍﺣﺲ ﻧﻔﺴﻲ ﺿﺎﻳﻌﻪ ﻭﺑﻌﺪﻳﻦ ﻟشوﻛﺖ ﺍﺑﻘﻪ ﺍﺧﺎﻑ ﻣﻦ ﻃﻠﻌﺔ ﺧﻀﺮ
ﺍﻧﻲ ﺑﺮﻳﺌﻪ ﻫﺴﻪ ﻣﻦ ﻳﻄﻠﻊ ﺍﻛﻠﻪ ﻭﻳﺼﺪﻛﻨﻲ ﺑﺲ ﺍﻧﻲ ﻛﻞ ﺧﻮﻓﻲ ﻫﻮ ﻳﺘﺒﻠﻪ ﻋﻠﻴﻪ ﺣﺘﻰ ﻣﺎﺍﺑﻘﻪ ﻭﻳﺎ ﺩﺧﻠﺖ ﻟﻠﻤﻄﺒﺦ ﺷﻬﻜﺖ ﻣﻦ ﺷﻔﺖ ﺧﺎﻟﺪ ﻭﺍﻛﻒ ﺑﺎﻟﺒﺎﺏ ﺷﺠﺎﺑﻪ ﻣﻨﻴﻦ ﺍﺟﻪ ﻣﺎﺍﺩﺭﻱ ﺷﺪﺧﻠﻪ ﻣﻦ ﺍﻟﻤﻄﺒﺦ ﺑﺒﺪﻟﺘﻪ ﺍﻟﻌﺴﻜﺮﻳﻪ
-ﻟﻴﺶ ﺷﻬﻜﺘﻲ
خفت وفكرت معقوله سمعني بس ممبين عليه سامعني كتله
-لان مموجود من شفتك فزيت
- ﺷﺎﻫﻴﻦ ﻫﻮ ﻭﻣﻨﻮ هنا
- ﻫﻮ ﻭﻋﺰﻭﺯ
ﺧﺎﻟﺪ - ﻭﺍﻣﻲ ﻭﺭﺳﻞ ﻭﻳﻦ شومالهن حس
ﻣﻴﻤﻮﻧﻪ - ﻣﺎﺍﺩﺭﻱ
ﺩﺧﻞ ﻭﻋﺎﻓﻨﻲ ﺍﺳﻤﻌﻪ ﻳﺴﻮﻟﻒ ﻭﻳﻪ ﺍﻟﻮﻟﺪطبيعي ارتاح واكول مسمع لو سامع جان صار مو طبيعي
ﺗﻌﺒﺖ ﺍﺣﺲ ﻧﻔﺴﻲ ﺭﺍﺡ ﺍﺗﺨﺮﺑﻂ ﻣﻦ ﻛﺜﺮ ﺍﻟﺼﺮﺍﻋﺎﺕ ﺍﻟﻲ ﺑﺪﺍﺧﻠﻲ ﺷﻮﻳﻪ ﻭﻛﺎﻡ ﺻﻌﺪ ﺑﻘﻴﺖ ﺑﺎﻟﻤﻄﺒﺦ ﺍﻧﻲ ﺍﻟﺤﺪ ﻣﺎﻧﺰﻟﺖ ﺭﺳﻞ ﺩﺗﺤﻤﻴﻠﻪ ﺍﻻﻛﻞ ... ﺳﺄﻟﺘﻨﻲ ﺷﺒﻴﺞ ﺟﺎﻭﺑﺘﻬﻪ ﻣﺎﺑﻴﻪ ﺷﻲ ﻭﺩﺕ ﺍﻻﻛﻞ ﺍﻟﻪ ﻭﻫﻤﻪ ﻛﺎﻋﺪﻳﻦ ﻛﻠﻬﻢ ﺑﻐﺮﻓﺔ ﺣﺒﻮﺑﻪ ﻳﺴﻮﻟﻔﻮﻥ ﻭﻳﻀﺤﻜﻮﻥ ..... ﺍﻟﺤﺪ ﻣﺎ ﺟﺎﺑﺖ ﺍﻟﺼﻴﻨﻴﻪ ﺭﺳﻞ
ﺭﺳﻞ - ﻣﺘﺠﻴﻦ ﻫﻨﺎﻙ ﺷﻜﻮ ﻛﺎﻋﺪﻩ ﺑﺎﻟﺤﺮ ﻫﻨﺎ ﻫﻮ ﺷﺎﻫﻴﻦ ﻭﻋﺰﻭﺯ ﻟﺘﺴﺘﺤﻴﻦ ﻣﻨﻬﻢ
ﻣﻴﻤﻮﻧﻪ - ﻻ ﻣﻤﺤﺘﺮﻩ
ﺭﺳﻞ - ﺩﺗﻌﺎﻟﻲ ﻭﻟﺞ ﺣﺘﻰ ﺣﺒﻮﺑﻪ ﺳﺄﻟﺖ ﻋﻠﻴﺞ
ﺭﺣﺖ ﻭﻳﺎﻫﻪ لان لحت و ﻛﻌﺪﺕ ﻋﻠﻰ ﺻﻔﺤﻪ ﺑﺎﻭﻋﺖ ﺧﺎﻟﺪ ﻳﺒﺎﻭﻉ ﻋﻠﻴﻪ ﻭﺭﺍﻓﻊ ﺣﺎﺟﺒﻪ ﺍﻧﻲ ﺍﺭﺗﺒﻜﺖ ﻳﺎﺭﺑﻲ ﺷﻨﻮ ﻫﺎﻱ ﻻ ﻫﻮ ﺍﻟﻴﺤﺠﻲ ﻭﻻ ﻫﻮ ﺍﻟﻌﺎﻳﻔﻨﻲ ﻛﺎﻧﻤﺎ ﻳﺴﺘﺼﻐﺮﻧﻲ ﻣﻦ ﻳﺒﺎﻭﻉ ﻋﻠﻴﻪ ﻫﻴﺞ
ﺷﺎﻫﻴﻦ - ﺧﺎﻟﺪ ارتاح ﺣﺘﻰ نسولف
ﺧﺎﻟﺪ - ﺍﻋﺮﻑ ﺑﻤﻮﺿﻮﻉ ﺧﻀﺮ ﻧﻌﺴﺎﻥ ﻭﺗﻌﺒﺎﻥ ﺍﺧﺘﺼﺮﻟﻜﻢ لان دوختوني بهذا الموضوع ﻫﺎﻱ ﺍﻻﻳﺎﻡ ﻳﻄﻠﻊ
جان يحجي ﻭﻳﺒﺎﻭﻉ ﻋﻠﻴﻪ
ﺍﻧﻲ ﺩﻧﻜﺖ ﺭﺃﺳﺎً .... ﻣﺒﻴﻦ ﺳﺎﻣﻊ ﻭﻋﻠﻤﻮﺩ ﻳﺸﻮﻑ ﺭﺩﺓ ﻓﻌﻠﻲ ﻫﻴﺞ ﻛﺎﻝ ﺣﺒﻮﺑﻪ ﻛﻴﻔﺖ ﻭﻛﺎﻣﺖ ﺗﺪﻋﻴﻠﻪ ﻣﺒﻘﺖ ﺩﻋﺎﺀ ﻣﺪﻋﺘﻪ ﺍﻝ ﺧﺎﻟﺪ ﻭﺭﺩﺗﻠﻬﻪ ﺭﻭﺣﻬﻪ
ﺍﻧﻲ ﻣﺘﺤﻤﻠﺖ ﺧﺎﺻﻪ ﻫﻮ ﺑﺲ ﻳﺒﺎﻭﻉ ﺍﻧﺸﺪﺕ ﺍﻋﺼﺎﺑﻲ ﻛﻠﺶ ﻛﻤﺖ ﻣﺎﻋﻮﻟﺖ ﺍﻃﻠﻊ ﻣﻦ ﺍﻟﻐﺮﻓﻪ
ﺭﺣﺖ ﻟﻠﺤﻤﺎﻡ ﻛﻤﺖ ﺍﺑﺠﻲ .... ﺷﺴﻮﻱ ﺷﻴﺼﻴﺮ ﺧﻞ ﻳﺼﻴﺮ ﺍﺫﺍ ﻃﺮﺩﻧﻲ ﻭﻣﺼﺪﻛﻨﻲ ﺧﻀﺮ ﻭﻓﻠﻚ ﻣﺘﻘﺒﻞ ﺗﺼﺪﻛﻨﻲ ﺍﻛﺘﻞ ﺭﻭﺣﻲ ﻭﺍﺧﻠﺺ
نتألم عندما نعجز عن التبرير ونحترق عندما لم نجد من نحبهم لم يصدقوننا والاصعب ان لا نجد مكان يؤينا
.......................
ﻓﻠﻚ - ﺟﻨﺖ ﻣﺘﻮﺗﺮﻩ ﺣﻴﻞ ...... ﺍﻟﺤﺒﻮﺏ ﻣﺎﻛﻮ ﻭﻣﻮﻋﺪﻫﻪ ﻻﺯﻡ ﺍﺷﺮﺑﻬﻦ ﺍﻧﻬﺎﺭﺕ ﺍﻋﺼﺎﺑﻲ ﻣﺎﻋﻨﺪﻱ ﺣﻞ ﺛﺎﻧﻲ ﺟﻨﺖ ﻋﺒﺎﻟﻲ ﺍﺭﻭﺡ ﻟﻠﺪﻛﺘﻮﺭﻩ ﺑﺲ ﺍﻡ ﻭﺭﻭﺩ ﻣﺮﻳﻀﻪ ﺑﺎﻟﻤﺴﺘﺸﻔﻰ ﻭﻭﺭﻭﺩ ﺭﺍﺣﺖ ﺍﻟﻬﻪ ﻭﺣﺴﻴﻦ ﺃﺟﻞ ﺍﻟﺪﻛﺘﻮﺭﻩ ﻛﻠﺖ ﺍﺣﺎﻭﻝ ﻣﻦ ﺍﻟﺼﻴﺪﻟﻴﻪ ﺑﺪﻭﻥ ﻣﺘﺤﺲ ﺑﻠﻜﺖ ﺗﺮﻫﻢ ﻭﻣﺮﻫﻤﺖ
ﺟﻨﺖ ﻣﺘﻤﺪﺩﻩ ﺑﺎﻟﻐﺮﻓﻪ ﺳﻤﻌﺖ ﺍﻟﺒﺎﺏ ﻣﻦ ﺍﻧﻔﺘﺢ ﺍﻟﺨﺎﺭﺟﻲ ﻭﺍﻭﻝ ﻣﺪﺧﻞ ﺍﺗﺼﻞ ﻋﻠﻴﻪ
ﺣﺴﻴﻦ - ﺍﻟﻮ
ﻓﻠﻚ - ﻫﺎ ﺍﺑﻮ ﻋﻠﻲ
ﺣﺴﻴﻦ - ﺗﻌﺎﻟﻲ ﻧﺰﻟﻲ ﺟﻮﻩ
ﻛﻤﺖ ﻧﺰﻟﺖ ﺍﻛﻴﺪ ﻳﺮﻳﺪ ﻏﺪﻩ .... ﺟﻨﺖ ﻻﺑﺴﻪ ﻣﻦ الدﺷﺎﺩﻳﺶ ﺍﻟﻲ جابتهن ﻭﺭﻭﺩ ﺍﺑﺪ ﻣﻠﺒﺴﺖ ﻣﻦ ﺍﻟﻲ ﺟﺎبهن ﻫﻮ ﻭﻫﻮ ﻫﻢ ﻭﻻ ﻳﺤﺠﻲ .... ﻧﺰﻟﺖ ﺟﺎﻥ ﺑﺎﻟﻐﺮﻓﻪ ﺩﻛﻴﺖ ﺍﻟﺒﺎﺏ ﻋﻠيه
ﺣﺴﻴﻦ - ﺗﻌﺎﻟﻲ
دﺧﻠﺖ ﺟﺎﻥ ﻳﺒﺪﻝ ﺑﺎﻟﺘﺸﻴﺮﺕ ﻣﺎﻝ ﺗﺮﺍﻛﺴﻮﺩ
-ﺍﻟﻠﻪ ﻳﺴﺎﻋﺪﻙ
- ﺍﻫﻼً .... ﻟﻴﺶ ﻓﻮﻙ ﻣﻮ ﺗﻌﺮﻓﻴﻦ ﺭﺍﺡ ﺍﺟﻲ ﻭﻭﺭﻭﺩ ﻣﻤﻮﺟﻮﺩﻩ
ﺑﺎﻭﻋﺖ ﻋﻠيه ﻛﺘﻠﻪ
- ﻭﺭﻭﺩ ﻣﺘﻘﺒﻞ
- ﺍﻡ ﻋﻠﻲ ﻣﻮ ﻭﺭﻭﺩ ﺑﻜﺪﺝ ﻫﻴﻪ
- ﺟﻮﻋﺎﻥ ﺍﺳﻮﻳﻠﻚ ﻏﺪﻩ
ﺣﺴﻴﻦ - ﻃﺒﻌﺎً ﻟﻌﺪ ﻟﻴﺶ ﺻﺤﺘﺞ ﻣﺜﻼً
- ﻣﺎﺷﻲ
ﺭﺣﺖ ﺣﻤﻴﺖ ﺍﻻﻛﻞ ﺻﺒﻴﺘﻠﻪ ﻋﻞ ﻣﻴﺰ ﺍﺟﻪ ﻫﻮ ﻛﻌﺪ ﺭﺩﺕ ﺍﺭﻭﺡ ﺍﻛﻌﺪ ﺑﺎﻟﻬﻮﻝ ﻛﻠﻲ
- ﻭﻳﻦ
- ﻫﻨﺎ
- ﺗﻌﺎﻟﻲ ﻛﻌﺪﻱ ﺍﺭﻳﺪ ﺍﺣﺠﻲ ﻭﻳﺎﺝ
ﻛﻌﺪﺕ ﻭﻫﻮ ﺑﻘﻪ ﻳﺒﺎﻭﻉ ﻋﻠﻴﻪ الى ان نطق
- ﻟﻴﺶ ﻣﻜﺎﻋﺪ ﺗﺤﺒﻠﻴﻦ ﻓﻠﻚ
- ﺑﻴﺪ ﺍﻟﻠﻪ
- ﺑﻴﺪ ﺍﻟﻠﻪ ﻟﻮ ﻛﺎﻋﺪ ﺗﺴﺘﻌﻤﻠﻴﻦ ﺣﺒﻮﺏ
ﺑﺎﻭﻋﺖ ﻋﻠﻲ ﺑﺼﺪﻣﻪ ﻣﻌﺮﻓﺖ ﺷﺤﺠﻲ
- ﺷﻮ ﺳﻜﺘﻲ
- ﻛﻠﺖ ﺧﻞ ﺍﻧﻜﺮ ﻳﺠﻮﺯ ﻛﺎﻋﺪ ﻳﺴﺘﺪﺭﺟﻨﻲ ﻛﺘﻠﻪ
-ﻻ ﻣﺎﺍﺧﺬ ﻃﺒﻌﺎً ﺍﺻﻼً ﺍﻧﻲ ﻣﺎﺍﻋﻮﻝ ﺍﺻﻴﺮ ﺣﺎﻣﻞ ﺣﺘﻰ ﻣﺘﺘﻘﺮﺑﻠﻲ ﺑﻬﺎﻱ ﺍﻟﻄﺮﻳﻘﻪ ﻛﻞ ﻣﺎ ﺗﺘﻘﺮﺑﻠﻲ ﺍﺣﺲ ﺭﻭﺣﻲ ﺗﻄﻠﻊ
- ﻟﻴﺶ ﻣﺘﻄﻴﻘﻴﻨﻲ
- ﻻﻥ ﺗﺤﺴﺴﻨﻲ ﺍﻧﻲ ﺣﻴﻮﺍﻧﻪ
- ﻓﻠﻚ ﻋﻮﻓﺞ ﻣﻦ ﻫﺎﻱ ﺍﻻﻓﻼﻡ .... ﻭﺭﻛﺰﻱ ﻭﻳﺎﻱ ﺍﻧﻲ ﺷﺎﻙ ﺑﻴﺞ ﺗﺎﺧﺬﻳﻦ ﺣﺒﻮﺏ ﻣﻦ ﺍﻻﺧﻴﺮ ﺗﺪﺭﻳﻦ ﺍﻟﺤﺒﻮﺏ ﺷﺘﺴﻮﻱ ﺗﺴﻮﻱ ﻋﻘﻢ ﺍﺫﺍ ﻭﺣﺪﻩ ﺍﺧﺬﺗﻬﻪ ﻗﺒﻞ ﻟﺘﺨﻠﻒ ﻭﻻ ﻃﻔﻞ
- ﻳﺎﺭﻳﺖ ﻭﻻ ﺍﻧﻄﻴﻚ ﺍﺑﻨﻲ ﻭﺗﺤﺮﻣﻨﻲ ﻣﻨﻪ
- ﻭﺗﻌﺮﻓﻴﻦ ﺍﻧﺖ ﺍﺫﺍ ﺧﻠﻔﺘﻲ ﺍﻻﺗﻔﺎﻕ ﺷﻴﺼﻴﺮ
ﺑﺎﻭﻋﺖ ﻋليه وعيوني عرغرت كتله اعرف
- يعني تعرفين لازم ﺧﻤﺴﻴﻦ ﻣﻠﻴﻮﻥ ﺗﺮﺟﻌﻴﻠﻲ
ﺑﺎﻭﻋﺖ ﻋﻠيه بصدمه
-ﺷﻠﻮﻥ ﻳﻌﻨﻲ بس انتَ منطيتنه هذا المبلغ
- ﺍﻧﺖ ﺑﻴﺪﺝ ﻭﻗﻌﺘﻲ ﺍﻧﻲ ﺷﻌﻠﻴﻪ
- ﻳﻌﻨﻲ ﺍﺫﺍ ﻣﺼﺎﺭﺭﺭ ﻃﻔﻞ ﺍﻧﻄﻴﻚ ﺧﻤﺴﻴﻦ ﻣﻠﻴﻮﻥ
- ﺍﻱ
ﺑﺎﻭﻋﺖ عليه ﺑﺼﺪﻣﻪ
-انتَ ﻟﻴﺶ ﻫﻴﺞ ﻓﻬﻤﻨﻲ
ﺍﻧﺖ ﻣﻮ ﺗﺼﻠﻲ ﺑﻠﻠﻪ ﺍﻧﻲ ﻣﺎﺍﺧﻠﻒ ﺷﻠﻮﻥ ﺗﺨﻠﻴﻨﻲ ﺍﻭﻗﻊ ﻣﻮ ﺣﺮﺍﻡ ﻋﻠﻴﻚ
- ﺳﻠﻤﻴﻨﻲ ﺍﺑﻨﻲ ﻭﺧﻠﺼﻲ
- ﻗﺎﺑﻞ ﺑﻴﺪﻱ ﻏﻴﺮ ﺑﻴﺪ ﺍﻟﻠﻪ
- ﻭﺍﻟﻨﻌﻢ ﺑﺎﻟﻠﻪ ﺍﻛﻴﺪ ﺑﺲ ﺍﻧﺖ ﻫﻢ ﺍﺳﻌﻲ ﻻﻥ اذا ﺗﻄﻮﻝ ﺍﻟﻤﺪﻩ ﺍﺿﻄﺮ ﺍﻃﻠﻜﺞ ﻭﺍﻧﺖ ﺗﻀﻄﺮﻳﻦ ﺗﺮﺟﻌﻴﻦ ﺍﻟﻔﻠﻮﺱ
- ﺍﻧﺖ ﻣﻜﻠﺖ ﻫﻴﺞ ﻣﻦ ﺍﻟﺒﺪﺍﻳﻪ .... ﺍﻧﺖ ﺟﺬﺑﺖ
- ﺷﻨﻮ ﺟﺬﺑﺖ ﺩﻳﺮ ﺑﺎﻟﺞ ﺗﻌﻴﺪﻳﻬﻪ ﺑﻌﺪ ﻭﻟﻪ ﻣﺘﺼﻴﺮ ﺯﻳﻨﻪ ﺍﻟﺞ
ﺑﻘﻴﺖ ﺍﺑﺎﻭﻉ ﻣﺼﺪﻭﻣﻪ ﻣﻌﻘﻮﻟﻪ ﺍﻧﻲ ﺷﻠﻮﻥ ﻏﺒﻴﻪ ﻭﻗﻌﺖ ﻋﻠﻰ ﺍﻟﻮﺭﻗﻪ بدون مااقراهه ﻣﻨﻴﻦ ﺍﺟﻴﺒﻠﻪ ﻓﻠﻮﺱ ﺿﺤﻚ ﻋﻠﻴﻪ
ﺑﺎﻭﻋﺖ ﻋﻠيه ﻛﻮﻩ ﻛﺪﺭﺕ ﺍﺣﺒﺲ ﺩﻣﻌﺘﻲ
-ﺯﻳﻦ ﺍﻧﻲ ﺷﻨﻮ ﺍﻟﻴﻀﻤﻨﻠﻲ ﺍﻧﺖ ﻣﻦ ﺗﺎﺧﺬ ﺍﻟﻄﻔﻞ ﻣﺘﺴﺘﺨﺪﻡ ﻫﺎﻱ ﺍﻟﻮﺭﻗﻪ ... ﺍﻟﻲ ﺩﻳﺼﻴﺮ ﻣﻌﻘﻮﻝ ﻟﻮ ﺷﻨﻮ ﺭﺍﺡ ﺍﺗﺨﺒﻞ
ﺍﻧﺖ ﻣﻮ ﻃﺒﻴﻌﻲ ﻭﺍﻟﻠﻪ ﺿﺤﻜﺖ ﻋﻠﻴﻪ ﻭﻳﻦ ﺍﻟﻮرﻗﻪ ﺍﻧﻄﻴﻨﻲ ﺍﻟﻮﺭﻗﻪ ﻭﺍﺧﺬ ﻓﻠﻮﺳﻚ ﻣﻦ ﻋﻤﻲ
- ﻛﻌﺪﻱ ﻟﺘﻀﻠﻴﻦ ﺗﻨﻜﺰﻳﻦ ﻛﺩﺍﻣﻲ ﻟﺰﻣﻲ ﺣﺪﺝ
- ﺍﻧﺖ ﺧﺪﻋﺘﻨﻲ ﺍﻧﺖ ﻛﺎﻋﺪ ﺗﺴﺘﻐﻞ ﻓﻘﺮﻱ ﻭﺿﻌﻔﻲ ﺑﺎﺑﻮﻳﻪ .... ﺍﻧﺖ ﻣﺘﺨﺎﺍﺍﻑ ﺍﻟﻠﻪ ﻭﺍﻟﻠﻪ
ﺷﻤﺮ ﺍﻟﺨﺎﺷﻮﻛﻪ ﺑﻌﺼﺒﻴﻪ ﻭﻛﺎﻡ ﻟﺰﻣﻨﻲ ﻣﻦ ﺍﻳﺪﻱ ﺣﻴﻞ
- ﻣﻦ ﺍﻛﻠﺞ ﺗﺴﻜﺘﻴﻦ ﺗﺴﻜﺘﻴﻦ ﻓﻬﻤﺘﻲ
ﺷﻌﺒﺎﻟﺞ ﻣﺎﺍﺩﺭﻱ ﺑﻴﺞ ﺗﺴﺘﺨﺪﻣﻴﻦ ﺣﺒﻮﺏ ﺍﻋرﻑ ﻭﺍﻋﺮﻑ ﻭﺭﻩ ﺍﻟﻜﻨﺘﻮﺭ ﺿﺎﻣﺘﻬﻦ ﻭﺑﻤﺰﺍﺟﻲ ﺳﺎﻛﺖ
ماﻛﺪﺭ ﺍﺣﺠﻲ اختفه الكلام من لساني ﺷﺤﺠﻲ انصدمت ﺷﻤﺪﺭﻱ ﺑﻴﻪ ﻭﺍﻧﻲ ﻣﻌﺎﻳﻔﻪ ﺍﻟﻐﺮﻓﻪ ﻟﻮ ﻣﻜﺎﻳﻠﻲ ﻭﺭﻩ ﺍﻟﻜﻨﺘﻮﺭ ﺟﺎﻥ ﻛﻠﺖ ﻳﺴﺘﺠﻮﺑﻨﻲ ﺣﺘﻰ ﺍﺣﺠﻲ
ﺣﺴﻴﻦ - ﻣﺘﺠﺎﻭﺑﻴﻦ ﺷﻮ ﺳﻜﺘﻲ
- ﻣﺎﺍﻋﺮﻑ ﻋﻠﻰ ﺷﻨﻮ ﻛﺎﻋﺪ ﺗﺤﺠﻲ
ﻧﻜﺮﺕ ﺭﻏﻢ ﻣﺎ ﻛﻠﻲ ﻭﺭﻩ ﺍﻟﻜﻨﺘﻮﺭ
ﻣﺎﺍﺣﺲ ﺍﻟﻪ ﺧﻠﻪ ﺍﻳﺪﻩ ﻋﻠﻰ ﺭﻛﺒﺘﻲ ﻭﻣﺸﺎﻧﻲ ﺭﺟﻌﻨﻲ ﺑﺨﻄﻮﺍﺗﻲ ﻭﺩﻓﻌﻨﻲ ﻋﻞ ﺣﺎﻳﻂ ﺣﺎﻭﻟﺖ ﺍﻭﺧﺮ ﺍﻳﺪﻩ ﻣﺎﻛﻮﻭ
ﺣﺴﻴﻦ ﺗﻨﻜﺮﻳﻦ ﻛﺪﺍﻣﻲ ﻟﺞ ﺍﻧﺖ ﺷﻨﻮ ﻣﻦ ﺻﻼﻓﻪ ﺷﻌﺒﺎﻟﺞ ﻭﺣﺪﻩ ﻣﺜﻠﺞ ﺗﻀﺤﻚ ﻋﻠﻴﻪ ﺍﻧﻲ ﺑﻴﺪﻱ ﺑﺲ ﺍﻓﻌﺼﺞ ﻓﻌﺺ
ﻛﻠﺸﻲ ﺗﺴﻮﻱ ﺍﻋﺮﻓﻪ ﻣﻮ ﻋﺒﺎﻟﺞ ﺍﻧﻲ ﻏﺸﻴﻢ
ﻣﺎﻋﻮﻟﺖ ﻳﻮﺧﺮ ﺍﻳﺪﻩ ﻋﻦ ﺭﻛﺒﺘﻲ ﺧﻨﻜﻨﻲ ﺣﻴﻞ
ﺍﻱ ﺍﺳﺘﻌﻤﻠﺖ .... ﻻﻥ ﻣﺎﺍﻛﺪﺭ ﻣﺎﺍﻛﺪﺭ ﻻ ﺍﺿﺤﻲ ﺑﺎﺑﻮﻳﻪ ﻭﻻ ﺑﺎﻟﻄﻔﻞ ﺍﻧﺖ ﻣﻔﺮﻭﺽ ﺗﻌﺮﻑ ﺷﻨﻮ ﺗﻨﺤﺮﻡ ﻣﻦ ﻗﻄﻌﻪ ﻣﻦ ﺭﻭﺣﻚ ﻣﺎﺍﻋﺮﻑ ﺷﻨﻮ ﺷﻌﻮﺭ ﺍﻻﻣﻮﻣﻪ ﺑﺲ ﺍﺧﺘﻨﻜﺖ ﻣﺠﺮﺩ ﺍﺗﺨﺎﻳﻞ ﺭﺍﺡ ﺗﺎﺧﺬﻩ ﻭﺗﺤﺮﻣﻨﻲ ﻣﻨﻪ ﺷحال ﻣﻦ ﺗﺼﻴﺮ ﺻﺪﻙ
ﺭﺍﺡ ﺗﻜﻮﻝ ﻣﺤﺪ ﺟﺒﺮﺝ ﺗﻘﺒﻠﻴﻦ
انجبرت ﺟﺒﺮﻧﻲ ﺍﺑﻮﻳﻪ ﻣﺎﺍﻛﺪﺭ ﺍﻋﻮﻑ ﻋﻤﻲ ﻳﻤﻮﺗﻪ ﻭﻋﻼﺟﻪ ﻭﺍﻟﻔﻘﺮ ﻭﺍﻟﺠﻮﻉ ﻭﻛﻠﺸﻲ
- ﺗﻜﺪﺭﻳﻦ ﺗﺮﻭﺣﻴﻦ ﺧﻠﺺ ﺍﻻﺗﻔﺎﻕ ﺑﻴﻨﺎﺗﻨﺎ
ﻓﻠﻚ - ﺑﺎﻭﻋﺖ ﻋﻠيه ﺍﻧﺼﺪﻣﺖ ممصدكه مااعرف يحجي صدك لو شنو الفلم كتله
- ﻭﺍﻟﺨﻤﺴﻴﻦ ﻣﻠﻴﻮﻥ
- ﻃﺒﻌﺎً ﺗﺠﻬﺰﻳﻬﻦ
- ﻟﻮ ﻋﻨﺪﻱ ﻓﻠﻮﺱ ﺟﺎﻥ ﺗﺤﻤﻠﺖ ﻫﺬﺍ ﺫﻟﻚ ﺍﻧﻲ منيلي انتَ تعرف وضعي
- ﺭﺍﺡ ﺍﺩﺧﻞ ﺍﻧﺎﻡ ﺍﻛﻌﺪ ﺍﻟﻜﺎﺝ ﻣﻤﻮﺟﻮﺩﻩ
وعافني وراح ﺩﺧﻞ ﻟﻠﻐﺮﻓﻪ ﻭﻃﺒﻚ ﺍﻟﺒﺎﺏ ﺣﻴﻞ
ﺑﺎﻭﻋﺖ ﺷﻨﻮ ﻳﻌﻨﻲ ﻣﻴﺮﻳﺪﻧﻲ ﺑﻌﺪ ﻣﻨﻴﻦ ﺍﺟﻴﺒﻠﻪ ﻓﻠﻮﺱ ﺍﻧﻲ ﺭﺣﺖ ﺭﺃﺳﺎً ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﺑﺪﻭﻥ ﻣﺎﺍﺩﻛﻪ ﺟﺎﻥ ﻳﺮﻳﺪ ﻳﻨﺎﻡ ﻋﻞ ﺟﺮﺑﺎﻳﻪ
- ﺣﺴﻴﻦ ﻳﻌﻨﻲ ﺷﻨﻮ ﻳﻌﻨﻲ ﺭﺍﺡ ﺗﻄﺮﺩﻧﻲ
- ﻋﺎﻑ ﺍﻟﻐﻄﻪ الي جان يجهزه وشمره حيل
ﻭﺑﺎﻭﻉ ﻋﻠﻴﻪ بدون ميحجي
-ﺣﺴﻴﻦ
نتر بيه
-ﻣﻨﻮ ﺳﻤﺤﻠﺞ ﺗﻜﻠﻴﻠﻲ ﺑﺈﺳﻤﻲ
- ﺍﻧﺖ ﺗﻌﺮﻑ ﻣﺎﺍﻛﺪﺭ ﺍﺭﻭﺡ ﺍﻟﻤﻜﺎﻥ ﻭﺗﻌﺮﻑ ﺭﺍﺡ ﺍﺩﺧﻞ ﺍﺣﺠﻲ ﻭﻳﺎﻙ
بعدهه كتله بانكسار
ﻣﺎﺍﺧﺬ ﺑﻌﺪ ﻣﺎﻧﻊ والله ﻭﻻ احجي ولا اعاند ﺑﺲ ﻟﺘﻄﺮﺩﻧﻲ ﺍﺑﻮﻳﻪ ﻫﺴﻪ ﺍﺭﺗﺎﺡ وماعندي مكان ولا عندي فلوس ارجع الك
- ﻭﺍﻟﻠﻪ ﻣﺘﻜﻮﻟﻴﻦ ﺍﻟﺮﻭﺣﺞ ﻫﺬﺍ ﺍﻟﺤﺠﻲ ﺍﻧﺖِ ﻋﻤﻴﺘﻲ ﻋﻠﻰ ﻧﻔﺴﺞ ﻳﻌﻨﻲ ﺍﻧﻲ ﻛﻮﻩ ﻣﺴﺘﻠﻄﻔﺞ ﻻﻥ ﻭﺣﺪﻩ ﺑﻌﺘﻲ ﺍﺑﻨﺞ ﺑﻔﻠﻮﺱ ﺍﻧﻮﺏ ﺍﺷﻮﻓﺞ ﺟﺬﺍﺑﻪ ﻫﻢ
ﺑﺎﻭﻋﺖ ﻋﻠيه بنطرات عتب ﻭﻛﻤﺖ ﺍﺑﺠﻲ ﻣﺘﺤﻤﻠﺖ
ﺭﺩﺕ ﺍﻏﻠﻂ ﻭﺑﻮﺩﻱ ﺍﺿﺮﺑﻪ ﻭﺍﻃﻠﻊ ﺣﺮﻛﺔ ﻛﻠﺒﻲ ﻭﺍﻛﻠﻪ ﻻﻥ ﺍﻣﺜﺎﻟﻚ ﻳﺴﺘﻐﻠﻭﻧﻪ ﺑﺲ ﺧﻔﺖ ﻣﺎﺍﺭﻳﺪ ﺍﻧﻄﺮﺩ ﻭﻳﻦ ﺍﺭﻭﺡ ﻭﺍﺑﻮﻳﻪ ﻧﺎﻳﻢ ﺣﺘﻰ ﻣﻴﻜﺪﺭ ﻳﻜﻮﻡ ﻭﻓﻮﻛﺎﻫﻪ ﺍﻟﻮﺭﻗﻪ ﺍﻟﻮﻗﻌﺖ ﻋﻠﻴﻬﻪ ﺍﺑﺎﻭﻉ ﻋﻠيه ﻭﺍﺩﻋﻲ ﺑﺪﺍﺧﻠﻲ ﺍﻟﻠﻪ ﻻ ﻳﻮﻓﻘﻚ ﺍﻥ ﺷﺎﺀ ﺍﻟﻠﻪ
- ﺍﺫﺍ ﺗﻌﺮﻑ اني اخذ مانع ﻟﻴﺶ ﻣﻤﻨﻌﺘﻨﻲ ﻭﻣﺤﺠﻴﺖ
- ﻣﺰﺍﺟﻲ ﻣﺮﺩﺕ ﺍﻋﻜﺮﻩ ﺭﺩﺕ ﺍﺷﻮﻑ ﺗﺎﻟﻴﺘﺞ ﺷﻨﻮ
ﻭﻫﺴﻪ ﺍﺫﺍ ﺍﻗﺘﻨﻊ ﺗﻘﺒﻠﻴﻦ ﺍﻧﻄﻴﺞ ﻣﻬﻠﻪ ﻫﺬﺍ ﺍﻟﺸﻬﺮ ﺍﺭﻳﺪﺝ ﺣﺎﻣﻞ ﻭﺍﺫﺍ ﻻ ﺗﻌﺮﻓﻴﻦ ﻣﺎﻛﻮ ﺩﺍﻋﻲ ﻛﻞ ﺷﻮﻳﻪ ﺍﻋﻴﺪ
ﺑﺎﻭﻋﺖ ﻋﻠيه ﻫﺬﺍ ﻣﻌﻘﻮﻟﻪ ﺍﻧﺴﺎﻥ ﻣﺠﺮﺩ ﻣﻦ ﻛﻞ ﺍﻟﻤﺸﺎﻋﺮ ﻣﻴﺨﺎﻑ ﺍﻟﻠﻪ ﻭﺍﻟﻠﻪ ﺑﻘﻴﺖ ﺍﺑﺎﻭﻉ ﻋﻠﻲ ﻭﺍﺑﺠﻲ
ﻧﺎﻡ ﺑﺎﻟﺠﺮﺑﺎﻳﻪ ﻭﻏﻄﻪ ﺭﻭﺣﻪ
ﺍﻧﺴﺎﻥ ﺑﻠﻴﺪ ﻋﺪﻳﻢ ﺍﻻﺣﺴﺎﺱ ﻧﺬﻝ ﻭﺣﻘﻴﺮ
ﻃﻠﻌﺖ ﻣﻦ ﻏﺮﻓﺘﻪ ﻋﻔﺖ ﺍﻟﻤﻄﺒﺦ ﻫﻮﺳﻪ ﻭﺻﻌﺪﺕ
ﺍﺷﺘﻐﻞ ﻋﺪﻫﻢ ﺍﻧﻲ ﺧﻞ ﺗﺠﻲ ﻣﺮﺗﻪ ﺗﻌﺰﻝ ﻋﻮﺩ
ﺭﺣﺖ ﻳﻢ ﺑﺎﺑﺎ ﻛﻌﺪﺕ ﺍﺑﺠﻲ ﻋﻠﻰ ﺻﺪﺭﻩ واعاتبه
ﻛﻭﻡ ...... ﻛﻮﻡ ﻣﻮ ﺗﻌﺒﺖ ﺑﺎﺑﺎ
ﻣﻦ ﻳﻮﻡ ﻭﺍﻧﺖ ﻧﺎﻳﻢ ﻫﺎﻱ ﺍﻟﻨﻮﻣﻪ ﻭﺍﻟﻨﺎﺱ ﺗﻠﻌﺐ ﺑﻴﻨﺎ
ﻛﻮﻡ ﺍﻭﻛﻒ ﻋﻠﻰ ﺭﺟﻠﻴﻚ ﻭﺍﺳﻨﺪﻧﻲ ﻛﻮﻡ ﺗﻌﺒﺖ ﻣﻦ ﺍﻟﻌﺜﺮﺍﺕ ﺍﻟﻲ ﺍﻋﺜﺮﻫﻦ ﻭﻣﺤﺪ ﻳﺴﻨﺪﻧﻲ ..... ﻛﻞ ﻣﺎﺍﻛﻮﻝ ﺍﻧﻲ ﺫﻛﻴﻪ ﺍﻃﻠﻊ ﻣﺎﻛﻮ ﺍﻏﺒﻪ ﻣﻨﻲ
مر ﺍﺳﺒﻮﻉ ﻭﻫﻮ ﻣﺼﺎﻋﺪ ﻳﻤﻲ
ﻭﻫﻮ ﻛﻠﻲ ﺷﻬﺮ ﺍﺫﺍ ﻣﺘﺤﺒﻠﻴﻦ ﺍﻃﻠﻜﺞ ﻭﺍﻃﻠﻌﺞ
ﺯﻳﻦ ﺍﻧﻲ ﺍﺩﻭﺭ ﻋﻠﻰ ﺍﻟﻮﺭﻗﻪ ﻟﻮ ﺷﺴﻮﻱ
ﻟﻮ ﻟﻴﺶ ﻣﻴﺠﻲ ﺗﻌﺒﺖ ﺍﻟﻠﻪ ﻳﺎﺧﺬﻙ ﺍﻧﺖ ﻭﻣﻴﻤﻮﻧﻪ
ﻭﻳﻨﺞ ﻣﻴﻤﻮﻧﻪ ﺍﺩﺭﻱ ﺑﻴﺞ ﻣﻤﺮﺗﺎﺣﻪ، ﻛﻮﻥ ﻭﻳﻦ ﻣﺘﻮﻟﻴﻦ ﻣﺘﺮﺗﺎﺣﻴﻦ ﺍﺑﺪ ﺳﺒﺐ ﺩﻣﺎﺭﻱ ﻭﺗﻌﺎﺳﺘﻲ ﺍﻧﺖ ﺟﻨﺖ ﺍﺧﺎﻑ ﻳﺠﻴﻨﻲ ﻭﺍﺣﺴﺐ ﺣﺴﺎﺏ ﻫﺴﻪ ﺍﺭﻳﺪﻩ ﻳﺠﻲ
ﺍﺳﻤﻌﻪ ﻫﻮ ﻭﻭﺭﻭﺩ ﻟﻮ ﻣﻦ ﺍﻧﺰﻝ ﺻﺪﻓﻪ ﻣﻮﺟﻮﺩ ﻣﻴﺒﺎﻭﻉ ﻋﻠﻴﻪ ﺍﺑﺪ ... ﺷﻴﺮﻳﺪ ﻣﻨﻲ ﻫﺬﺍ ﻧﺰﻟﺖ ﻟﻜﻴﺘﻪ ﻫﻮ ﻭﻭﺭﻭﺩ ﺑﺎﻟﻤﻄﺒﺦ ﻛﺎﻋﺪﻳﻦ ﻳﺸﺮﺑﻮﻥ ﺟﺎﻱ ﺟﻨﺖ ﻣﻤﺘﻐﺪﻳﻪ ﻛﻠﺖ ﺍﻟﺴﻼﻡ ﻋﻠﻴﻜﻢ
ﺟﺎﻭﺏ ﻫﻮ ﻭﻭﺭﻭﺩ" ﻭﻋﻠﻴﻜﻢ ﺍﻟﺴﻼﻡ"
ﺭﺣﺖ ﺻﺒﻴﺖ ﻏﺪﻩ ﻭﻛﻌﺪﺕ ﻳﻤﻬﻢ ﺑﺪﻭﻥ ﻣﺎﺍﺑﺎﻭﻉ ﻭﻛﻞ ﻣﺎﺍﺭﻓﻊ ﺭﺍﺳﻲ ﺍﺷﻮﻑ ﻭﺭﻭﺩ ﺗﺒﺎﻭﻉ ﻋﻠﻴﻪ ﺍﺧﺮ ﺷﻲ ﺣﺴﻴﻦ ﻛﺎﻡ .....
ﺣﺴﻴﻦ - ﺣﺒﻴﺒﺘﻲ ﻭﺭﻭﺩ ﻧﺺ ﺳﺎﻋﻪ ﻭﻛﻌﺪﻳﻨﻲ ﺍﻭﺻﻠﺞ
ﻭﺭﻭﺩ - ﻣﺎﺷﻲ ﺣﺒﻴﺒﻲ ﺍﻧﻲ ﺭﺍﺡ ﺍﺻﻌﺪ ﻳﻢ ﻫﻴﻔﺎﺀ
ﺣﺴﻴﻦ - ﻣﺎﺷﻲ ﺣﺒﻴﺒﺘﻲ
ﺍﻟﺤﺪ ﻣﺎ ﺩﺧﻞ ﻟﻠﺤﻤﺎﻡ .... ﺩﺍﺭﺕ ﻋﻠﻴﻪ ﻭﺭﻭﺩ
ﻭﺭﻭﺩ - ﻓﻠﻚ ﺣﺴﻴﻦ ﺗﻘﺮﺑﻠﺞ ﻣﻦ ﻧﻀﻔﺘﻲ
ﻓﻠﻚ ﺑﺎﻭﻋﺖ ﻣﺎﺍﺩﺭﻱ ﺷﻜﻠﻠﻬﻪ
ﻭﺭﻭﺩ - ﺍﻟﺴﺎﻟﻔﻪ ﻃﻮﻟﺖ ﻭﺍﻟﺪﻛﺘﻮﺭﻩ ﻣﻮ ﻛﺎﻟﺖ ﻣﺎﺑﻴﺞ ﺷﻲ
- ﺑﻴﺪ ﺍﻟﻠﻪ ﻫﺬﺍ ﺍﻟﺸﻲ
- ﺍﻱ ﺍﻛﻴﺪ ﺑﺲ ﻟﻴﺶ ﺣﺴﻴﻦ ﻣﻜﺎﻋﺪ ﻳﺘﻘﺮﺑﻠﺞ
ﻭﻛﺎﻣﺖ ﻭﻗﺮﺑﺖ ﺭﻭﺣﻬﻪ .... ﺷﻨﻮ ﺻﺎﻳﺮ ﺍﻻﻭﺿﺎﻉ ﻣﻮ ﻃﺒﻴﻌﻴﻪ
ﻓﻠﻚ ﺍﺭﺟﻊ ﻭﺍﻛﻠﺞ ﺍﻧﺘﺒﻬﻲ
ﻓﻠﻚ - ﻋﻠﻰ ﺷﻨﻮ ﺍﻧﺘﺒﻪ
ﻭﺭﻭﺩ - ﻣﺎﺍﻋﺮﻑ ﺣﺴﻴﻦ ﻣﻜﺎﻋﺪ ﻳﺼﻌﺪﻟﺞ ﺷﺼﺎﻳﺮ
ﺧﺎﻑ ﺣﺎﻭﻟﺘﻲ ﺗﻠﻌﺒﻴﻦ ﺑﺬﻳﻠﺞ
ﻓﻠﻚ - ﺷﻠﻮﻥ ﻳﻌﻨﻲ
ﻭﺭﻭﺩ - ﻣﺎﺍﻋﺮﻑ ﺑﺲ ﻳﺠﻮﺯ ﻭﻟﻮ ﺧﻠﻴﻨﻲ ﺍﺳﻜﺖ ﻫﺴﻪ اني راح اعرف بطريقتي شكو شي ديصير من وره ظهري
ﻋﺎﻓﺘﻨﻲ ﻭﺻﻌﺪﺕ ﻓﻮﻙ ﻛﻤﻠﺖ ﻏﺪﻩ ﻭﻏﺴﻠﺖ ﻣﺎﻋﻮﻧﻲ ﻭﺻﻌﺪﺕ ﺟﻨﺖ ﺍﺭﻳﺪ ﺍﺣﺠﻲ ﻭﻳﻪ ﺣﺴﻴﻦ ﺑﺲ ﻣﻦ ﺳﻤﻌﺖ ﻳﻮﺻﻠﻬﻪ ﻳﻌﻨﻲ ﺣﺘﺮﻭﺡ ﺍﻻﻣﻬﻪ ﻻﻥ ﺍﻣﻬﻪ ﻣﺮﻳﻀﻪ ﻭﻣﻘﺴﻤﺎﺕ ﺍﻻﻳﺎﻡ ﺑﻴﻨﻬﻦ
واني ﺍﺩﺧﻞ للغرفه ﻃﻠﻌﺖ ورود ﻣﻦ غرفة ﻫﻴﻔﺎﺀ ﻣﺎﺍﻋﺮﻑ ﻫﺎﻱ ﺍﻟﻤﺮﻩ ﻗﺼﺘﻬﻪ ... ﻟﻴﺶ ﻫﻴﺞ ﻣﺎﺍﺩﺭﻱ ﺳﺎﻋﺎﺕ ﺗﺘﺨﺒﻞ ﻭﺗﺼﻴﺢ ﻭﺍﻛﺜﺮ ﺍﻟﻮﻗﺖ ﺧﺎﻣﻠﻪ ﻣﺎﺍﻋﺮﻑ ﺷﻴﻨﻄﻮﻫﻪ ﻭﻣﺤﺪ ﻳﺤﺠﻲ ﺑﺴﻴﺮﺗﻬﻪ ﻛﺪﺍﻣﻲ
ﺑﻘﻴﺖ ﺑﺎﻟﻐﺮﻓﻪ ﻳﻢ ﺍﻟﺸﺒﺎﻙ ﺳﺎﻋﻪ ﺍﺭﻭﺡ ﻟﻠﺠﺮﺑﺎﻳﻪ ﻭﺳﺎﻋﻪ ﻳﻢ ﺍﻟﺸﺒﺎﻙ ﻣﻄﻠﻌﻮ ﺍﺑﺪ ﻭﻫﻮ ﻛﻠﻬﻪ ﻣﻦ ﺍﻛﻌﺪ ﺍﻭﺻﻠﺞ
ﺭﺟﻌﺖ ﻧﺰﻟﺖ ﻟﻜﻴﺘﻬﻢ ﺑﺎﻟﻬﻮﻝ ﻻﺑﺴﻪ ﻛﻠﺒﻴﻪ ﻣﻄﺮﺯﻩ ﻣﻦ ﺍﻟﺼﺪﺭ ﻟﻠﺮﺟﻞ ﻭﺭﺑﻊ ﺭﺩﻥ ﻭﻣﻜﻴﺠﻪ ﻣﻮ ﺷﻜﻮﻝ ﻃﻠﻌﻪ
ﻣﺤﺠﻴﺖ ﻛﺒﻞ ﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﻪ ﺳﻮﻳﺖ ﺭﻭﺣﻲ ﻛﺎﻋﺪ ﺍﻃﻠﻊ ﻣﻲ ﻭﺭﺟﻌﺖ ﺻﻌﺪﺕ
ﺻﺮﺕ ﻣﺎﺍﻋﺮﻑ ﺷﺮﻳﺪ ﻣﻦ ﻛﻞ ﺍﻟﺠﻬﺎﺕ ﻣﺤﺎﺻﺮﻩ ﺟﻨﺖ ﺍﺧﺎﻑ ﻋﻠﻰ ﺍﺑﻨﻲ الي بعده مداخل احشائي و ﺍﺧﺎﻑ ﻣﻦ ﻳﺨﻠﺺ ﺍﻟﺸﻬﺮ ﻭﺍﻧﻲ ﻣﻮ ﺣﺎﻣﻞ ﻭﻳﻦ ﺍﻧﻄﻲ ﻭﺟﻬﻲ ﻣﻨﻴﻦ ﺍﺟﻴﺐ ﺍﻟﻔﻠﻮﺱ ﻭﺍﺑﻮﻳﻪ ﺷﻴﺼﻔﻰ ﻭﻳﻦ ﺑﺎﻟﺸﺎﺭﻉ ﻛﺎﻋﺪ ﻳﺬﻟﻨﻲ ﻫﺬﺍ ﺍﻟﺤﻘﻴﺮ ﺷﻴﺮﻳﺪ ﻣﻨﻲ ﻛﺘﻠﻪ ﺍﺧﻠﻒ ﻭﻣﺎﺍﺳﺘﻌﻤﻞ ﻣﺎﻧﻊ ﺷﻴﺮﻳﺪ ﻣﻨﻲ ﺑﻌﺪ
ﻭﺍﺧﺎﻑ ﺍﻧﺰﻝ ﺍﺣﺠﻲ ﻭﻳﺎ ﻭﺭﻭﺩ ﻣﺘﻨﻄﻴﻨﻲ ﻣﺠﺎﻝ ﻣﻦ ﻳﺠﻲ ﻣﻜﺎﺑﻠﺘﻪ ﻭﻛﺎﻋﺪﻩ ﻛﻠﺖ ﺍﺣﺴﻦ ﺣﻞ ﺍﺗﺼﻞ ﻋﻠيه ﻣﻦ ﻳﻄﻠﻊ
ﺑﻘﻴﺖ ﺍﺭﺍﻗﺐ ﺍﻟﺸﺒﺎﻙ ﺍﻟﺤﺪ ﻣﺎ ﻃﻠﻊ ﻭﺣﺪﻩ ﻳﻌﻨﻲ ﻭﺭﻭﺩ ﻣﺮﺍﺣﺖ ﺍﻻﻣﻬﻪ
ﺍﻭﻝ ﻣﻄﻠﻊ ﺍﺗﺼﻠﺖ ﻋﻠيه ﺷﻔﺘﻪ ﺑﺎﻟﺒﺎﺏ ﺻﻌﺪ ﺑﺎﻟﺴﻴﺎﺭﻩ ﺩﻳﺸﻐﻠﻬﻪ ﻛﺒﻞ ﺻﺎﺭﺕ ﻋﻴﻨﻪ ﻋﻞ ﺷﺒﺎﻙ ﻣﺒﻴﻦ ﺷﺎﻓﻨﻲ ﺟﺎﻭﺏ
ﺣﺴﻴﻦ - ﻣﻮ ﺗﺒﻴﻨﻴﻦ ﻣﻦ ﺍﻟﺸﺒﺎﻙ ﻟﻴﺶ ﻭﺍﻛﻔﻪ ﻫﻨﺎ
ﻓﻠﻚ - ﻻﻥ ﺟﻨﺖ ﻣﻨﺘﻈﺮﺗﻚ ﺗﻄﻠﻊ ﺍﺭﻳﺪ ﺍﺣﺠﻲ ﻭﻳﺎﻙ
ﺣﺴﻴﻦ - ﺷﺘﺤﺠﻴﻦ ﻭﻭﺧﺮﻱ ﻣﻦ ﺍﻟﺸﺒﺎﻙ ﻣﻦ ﻛﻞ ﻋﻘﻠﺞ
ﻓﻠﻚ - ﺍﺫﺍ ﻣﺼﺮﺕ ﺣﺎﻣﻞ ﺭﺍﺡ ﺗﻄﺮﺩﻧﻪ ﻭﺗﺴﺠﻨﻲ ﺻﺢ
ﺣﺴﻴﻦ - ﺷﺘﺮﻳﺪﻳﻦ ﺍﻟﻤﻄﻠﻮﺏ ﻫﺴﻪ ﺷﻨﻮ
ﻓﻠﻚ - ﺭﺍﺡ ﺍﺳﺒﻮﻉ ﻣﻦ ﺍﻟﺸﻬﺮ
ﺣﺴﻴﻦ - ﺷﺘﻘﺼﺪﻳﻦ
ﻓﻠﻚ -ﻟﺘﺬﻟﻨﻲ ﺗﻌﺮﻑ ﺍﻧﻲ ﺷﻘﺼﺪ ﺍﻧﻲ ﻏﻠﻄﺖ ﻣﻦ استعملت ﻣﺎﻧﻊ ﻭﻛﺘﻠﻚ ﻣﺎﺍﻋﻴﺪﻫﻪ ﻭﻛﺘﻠﻲ ﺷﻬﺮ ﺯﻳﻦ ﺷﻠﻮﻥ ﻭﺍﻧﺖ
ﺣﺴﻴﻦ - ﻗﺼﺪﺝ ﻣﺎﺍﺻﻌﺪ ﺍﺗﻘﺮﺑﻠﺞ
ﺧﺠﻠﺖ ﻣﻮﻗﻒ ﺻﻌﺐ ﻛﻤﺖ ﺍﻧﻲ ﺍﻃﻠﺐ ﻣﻨﻪ ﻏﺼﺒﺎً ﻣﺎﻋﻠﻴﻪ
- ﻣﺘﺤﺠﻴﻦ ﻭﺑﻌﺪﻳﻦ ﻛﺘﻠﺞ ﻭﺧﺮﻱ ﻣﻦ ﺍﻟﺸﺒﺎﻙ
ﻓﻠﻚ ﺍﺣﻨﻪ ﺍﺗﻔﻘﻨﻪ ﺍﻧﺖ ﺧﻠﻴﺘﻲ ﺑﺎﻻﺗﻔﺎﻕ ﺗﻌﺮﻓﻴﻦ ﺍﻧﻲ ﻣﻦ ﺷﻔﺘﺞ ﺗﺴﺘﻌﻤﻠﻴﻦ ﺣﺒﻮﺏ ﺟﻨﺖ ﺍﻛﻮﻝ ﻳﺠﻮﺯ ﻋﺪﻫﻪ ﻋﻼﺝ
ﺑﺲ ﻣﻦ ﺷﻔﺘﻬﻦ ﺍﻧﺼﺪﻣﺖ .... ﺍﻧﺖ ﺷﻠﻮﻥ ﺗﺘﻔﻘﻴﻦ ﻭﻳﺎﻳﻪ ﺍﺗﻔﺎﻕ ﻭﺑﻨﻔﺲ ﻭﻗﺖ ﺍﻻﺗﻔﺎﻕ ﺗﺠﺬﺑﻴﻦ ﻳﻌﻨﻲ ﺷﻨﻮ ﺗﻀﺤﻜﻴﻦ ﻋﻠﻴﻪ
ﺍﻧﻲ ﻣﻀﺮﺑﺘﺞ ﻋﻠﻰ ﺍﻳﺪﺝ ﺍﻧﺖ ﺑﺴﺮﻋﻪ ﻗﺒﻠﺘﻲ ﻓﻠﻚ ..... ﺣﺘﻰ ﻣﻌﺘﺮﺿﺘﻲ ﻛﺘﻴﻠﻲ ﺑﺲ ﺷﺮﻃﻲ ﺍﺑﻮﻳﻪ ﻛﺘﻠﺞ ﺍﻟﻲ ﺗﺮﻳﺪﻱ ......
ﺷﻮﻓﻲ ﻓﻠﻚ ﺍﻧﻲ ﺍﺣﺐ ﻣﺮﺗﻲ ﻫﻮﺍﻱ ﻭﺟﻨﺖ ﻣﻌﺎﺭﺽ
ﻭﺭﻭﺩ ﺍﻧﺴﺎﻧﻪ ﻃﻴﺒﻪ ﻭﻣﺎﺍﺭﻳﺪ ﺍﺧﺴﺮﻫﻪ
ﻻﻥ ﺍﺣﺒﻬﻪ ﻭﻟﻮ ﻫﻴﻪ ﺗﺒﻘﻰ ﻭﻳﺎﻱ ﺟﺎﻥ ﺗﺰﻭﺟﺖ ﻭﺍﺧﺘﺎﺭﻳﺖ ﺍﻧﺴﺎﻧﻪ ﻗﺮﻳﺒﻪ ﻋﻠﻰ ﻋﻤﺮﻱ ﻭﺍﻋﺮﻓﻬﻪ ﻭﺍﺧﻠﻒ ﻣﻨﻬﻪ ﺑﺲ ﺍﻧﻲ ﻣﺎﺍﻛﺪﺭ ﺍﺧﺴﺮ ﻭﺭﻭﺩ
ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ﻫﻮﺍﻱ ﻧﺴﻮﺍﻥ ﻋﺮﺿﺖ ﻋﻠﻴﻬﻦ ﻃﻔﻞ ﻣﻘﺎﺑﻞ ﻓﻠﻮﺱ ﻣﻘﺒﻠﻦ ﺍﻧﺖِ ﺑﺴﺮﻋﻪ ﻭﺍﻓﻘﺘﻲ ﺷﺴوﻳﻠﺞ ﺟﺒﺮﺗﺞ ﻟﺰﻣﺖ ﻋﻠﻴﺞ ﺳﻼﺡوالورقه ﻻﺯﻡ ﺍﺧﻠﻴﺞ ﺗﻮﻗﻌﻴﻦ ﻋﻠﻴﻬﻪ .... ﻻﻥ ﺍﻧﻲ ﻣﻨﻄﻲ ﻓﻠﻮﺱ ﻣﻮ ﻧﻮﻩ ..... وجانت الورقه بمحلهه لان خليتي ﺑﺎﻻﺗﻔﺎﻕ حتى قبل لتحبلين ﻭﻣﺨﻔﺘﻲ ﻣﻨﻲ ﻭﻣﻦ ﺗﻬﺪﻳﺪﻱ
ﻓﻠﻚ - ﻭﺍﻧﻲ ﻫﺴﻪ ﻛﺎﻋﺪ ﺍﻛﻠﻚ ﺑﻌﺪ ﻣﺎﺍﺷﺮﺏ ﻭﺍﺻﻼ ﻣﺎﻋﻨﺪﻱ ﺑﺲ ﻟﺘﺒﻬﺬﻝ ﺍﺑﻮﻳﻪ ﺑﻠﻠﻪ ﻣﺼﺮﺕ ﺣﺎﻣﻞ ﺑﻬﺎﻱ ﺍﻻﻳﺎﻡ ﺍﻟﺒﺎﻗﻴﻪ
ﺣﺴﻴﻦ - ﺍﻟﻠﻪ ﻛﺮﻳﻢ ﺧﻞ ﺍﺭﻭﺡ ﻫﺴﻪ ﻭﻣﻦ ﺍﺭﺟﻊ ﻳﺼﻴﺮ ﺧﻴﺮ
ﺳﺪﻳﺖ ﺍﻟﺨﻂ ﻣﻨﻪ ﻭﻛﻤﺖ ﺍﺑﺠﻲ ﻋﻠﻰ ﺣﻈﻲ ﻣﻦ ﺍﻣﺪﺍﻧﻲ ﺍﻧﻲ ﺍﻃﻠﺐ ﻳﻨﺎﻡ ﻳﻤﻲ ﻭﺍﺣﺪ ﻣﻄﺎﻳﻘﺘﻪ ﺳﺎﻋﺔ ﺍﻟﺴﻮﺩﻩ ﻋﻠﻴﺞ ﻓﻠﻚ
ﻟﻠﻴﻞ ﺟﻨﺖ ﺑﺎﻟﺤﻤﺎﻡ ﻃﻠﻌﺖ ﻓﺘﺖ ﻟﻠﻐﺮﻓﻪ ﻟﻜﻴﺘﻪ ﻣﻮﺟﻮﺩ ﺣﺘﻰ ﺷﻬﻜﺖ ﻣﻦ ﺩﺧﻠﺖ
- ﺷﺒﻴﺞ
- ﻣﺎﺍﺩﺭﻱ ﺑﻴﻚ ﻫﻨﺎ
ﺑﻘﻴﺖ ﺍﺑﺎﻭﻉ ﻋﻠيه ﺑﺨﺠﻞ ﻭﺣﺰﻥ على كسراني الي انكسرته ﺟﺎﻥ ﺷﻌﺮﻱ ﻣﺒﻠﻠﻞ ﻭﻣﺒﻠﻞ ﺩﺷﺪﺍﺷﺘﻲ
ﺟﻨﺖ ﻻﺑﺴﻪ ﺍﻟﺘﺮﺍﻛﺴﻮﺩ ﺍﻟﻲ ﺟﺎﺑﺘﻪ ﻭﺭﻭﺩ ﺍﺭﺗﺎﺡ ﺑﻲ ﻣﻦ ﺍﻧﺎﻡ ﺑﻠﻴﻞ ﻻﻥ ﺑﺠﺎﻣﻪ ﺑﺲ ﻛﻠﺶ ﺣﻠﻮ ﺟﺎﻥ ﺑﺲ ﻣﺎﺍﻟﺒﺴﻪ ﻏﻴﺮ ﺑﺲ ﺑﻠﻴﻞ ﻻﻥ ﻣﻄﻠﻊ ﺗﻔﺎﺻﻴﻞ ﺟﺴﻤﻲ
ﺷﻠﺖ ﺍﻟﺨﺎﻭﻟﻲ ﻣﻦ ﺷﻌﺮﻱ ﺟﺎﻥ ﻃﻮﻳﻞ ﻭﻟﻮﻧﻪ ﺑﻨﻲ ﻓﺎﺗﺢ ﻭﺟﺎﻥ ﻣﻮ ﻛﻠﺶ ﻃﻮﻳﻞ ﻋﻜﺲ ﻣﻴﻤﻮﻧﻪ ﻣﺎﺍﺣﺐ ﺍﻟﺸﻌﺮ ﺍﻟﻄﻮﻳﻞ جان طوله ﺍﻟﺤﺪ ﺟﺘﻔﻲ
ﺑﺎﻭﻋﺖ ﻋﻠيه ﻳﺘﺮﻗﺒﻨﻲ ﺭﺣﺖ ﻟﻠﺠﺮﺑﺎﻳﻪ ﻭﺗﻤﺪﺩﺕ ﺑﻘﻪ ﻫﻮ ﻣﺴﻮﻩ ﺷﻲ ﻋﻠﻰ ﻧﻔﺲ ﻛﻌﺪﺗﻪ ﻭﺍﻧﻲ ﻣﺘﻤﺪﺩﻩ
ﻫﺬﺍ ﺷﺒﻲ ﻣﻴﺘﻘﺮﺏ ﻣﻨﻲ ﻭﻻ ﻳﺤﺮﻙ ﺳﺎﻛﻦ ﺑﺲ ﻻ ﻳﺮﻳﺪﻧﻲ ﺍﻧﻲ
ﺷﻮﻳﻪ ﻭﻏﻄﺎﻧﻪ ﺑﺎﻟﻐﻄﻪ ﻭﺑﺪﻩ ﻳﻘﺮﺏ ﺟﺴﻤﻪ ﻋﻠﻴﻪ ﺻﺎﺭ ﺟﺴﻤﻪ ﻓﻮﻛﺎﻳﻪ ﺑﺲ ﻣﻄﺎﺥ ﺟﺴﻤﻲ
ﻏﻤﻀﺖ ﻋﻴﻨﻲ ﻣﺎﺍﺗﺤﻤﻞ ﺍﺷﻮﻑ ﻫﺬﺍ ﺍﻟﻤﻨﻈﺮ ﺍﻛﺮﻫﻪ ﺍﻛﺮﻩ ﻣﻦ ﻳﺼﻴﺮ ﻓﻮﻛﺎﻳﻪ ﻣﺜﻞ ﺍﻟﺤﻴﻮﺍﻧﻪ ﻣﺎﺍﺣﺲ ﺍﻟﻪ ﺧﻠﻪ ﺷﻔﺘﻪ ﻋﻠى ﺷﻔﺘﻲ ﻓﺰﻳﺖ ﻣﺨﺘﺮﻋﻪ ﻓﺘﺤﺖ ﻋﻴﻨﻲ ﺑﺲ ﻣﺘﺤﺮﻛﺖ ﺑﻘﻴﺖ ﻣﺜﻞ ﺍﻟﻤﺼﻄﻜﻪ
ﺟﺎﻥ ﺍﻭﻝ ﻭﺍﺣﺪ ﺑﻌﻤﺮﻱ ﻛﻠﻪ ﻳﺒﻮﺳﻨﻲ ﻣﻦ ﺷﻔﺘﻲ .... ﻭﺑﻮﺳﺘﻪ ﺟﺎﻧﺖ ﻫﺎﺩﺋﻪ ﻣﻔﺮﻭﺽ ﺍﻛﺮﻫﻪ ﻻﻥ ﺍﻛﺮﻫﻪ ﺑﺲ ﺣﺒﻴﺖ ﺍﻟﺸﻌﻮﺭ ﻳﻤﻜﻦ ﻻﻥ ﺍﻭﻝ ﻣﺮﻩ ﺍﺣﺲ ﺑﻬﺬﺍ ﺍﻟﺸﻌﻮﺭ
ﻭﺍﺑﺪ ﻣﻤﺘﻮﻗﻌﺘﻬﻪ ﻣﻨﻪ ﻻﻥ ﻛﻞ ﻣﺮﻩ ﻛﺎﻧﻤﺎ ﺣﻴﻮﺍﻧﻪ ﻛﺒﻞيفرغ ﺷﻬﻮﺗﻪ ﺑﻴﻪ ....... ﺑﻘﻴﺖ ﺳﺎﻛﺘﻪ ﻭﻫﻮ ﻳﺘﻔﻨﻦ ﺑﺮﺯﺍﻧﻪ ﺑﺘﻘﺒﻴل شفتي .... ﺍﻟﺪﺭﺟﺔشكد ما ﺍﻛﺮﻫﻪ ﺑﺲ ﺣﺒﻴﺖ ﺑﻮﺳﺘﻪ
ﺭﺟﻊ ﻋﻠﻰ ﺭﻛﺒﺘﻲ ﻛﺎﻡ ﻳﺒﻮﺱ ﺑﻴﻬﻪ ...... ﻭﺍﻧﻲ ﻣﺜﻞ ﺍﻟﺠﻤﺎﺩ ﺑﻴﻦ ﺍﻳﺪﻩ ﺍﻟﻰ ﺍﻥ ﻛﻤﻞ ..... ﺣﺴﻴﺘﻬﻪ ﻣﺨﺘﻠﻔﻪ ﻋﻦ ﻛﻞ ﻣﺮﻩ
ﻣﺎﺍﻋﺮﻑ ﻟﻴﺶ ﻣﺤﺠﻴﺖ .... ﻭﻫﻮ ﻣﻜﺎﻡ ﺭﺃﺳﺎً
ﻫﻢ ﺍﻭﻝ ﻣﺮﻩ ﺑﻘﻪ ﻣﺘﻤﺪﺩ يمي وداير وجهه عليه كمت ﻟﺒﺴﺖ ﻣﻼﺑﺴﻲ خجلانه منه ﻭﻃﻠﻌﺖ ﻣﻦ ﺍﻟﻐﺮﻓﻪ ......
دخلت للحمام خليت ايدي على شفتي وابتسمت بقيت وقت بالحمام
ﻃﻠﻌﺖ ﻣﻠﻜﻴﺘﻪ ﺭﺣﺖ ﺑﻔﺮﺍﺷﻲ ﻏﻤﻀﺖ ﻋﻴﻨﻲ ﻭﺍﻧﻲ ﺍﺗﺬﻛﺮ ﺑﻮﺳﺘﻪ ﻛﺪﺭﺕ ﺍﺗﻘﺒﻠﻬﻪ ﺷﻌﻮﺭ ﺣﻠﻮ
ﻛﻌﺪﺕ ﺛﺎﻧﻲ ﻳﻮﻡ ﺍﻟﺼﺒﺢ ... ﻋﻠﻰ ﺩﻛﺔ ﺍﻟﺒﺎﺏ ﻣﺎﻝ ﻏﺮﻓﻪ ﻓﺘﺤﺘﻪ ﻭﺭﻭﺩ
ﺻﺒﺎﺡ ﺍﻟﺨﻴﺮ ﻓﻠﻚ ﺭﺍﺡ ﺍﺭﻭﺡ ﺍﻻﻣﻲ ﻭﺍﺟﻲ ﺍﻟﻌﺼﺮ ﺍﻥ ﺷﺎﺀ ﺍﻟﻠﻪ ﺑﺲ ﻋﻴﻨﺞ ﻋﻠﻰ ﻫﻴﻔﺎﺀ ﻻﻥ ﻭﺿﻊ ﺍﻣﻲ ﺗﻌﺒﺎﻥ
ﻓﻠﻚ - ﻣﺎﺷﻲ ﻣﻦ ﻋﻴﻮﻧﻲ
ﺣﺴﻴﺖ ﻧﻔﺴﻲ ﺧﺠﻠﺖ ﺍﺑﺎﻭﻉ ﺑﻌﻴﻮﻧﻬﻪ .... ﻻﻥ ﺍﻟﺒﺎﺭﺣﻪ ﺣﺴﻴﻦ ﺑﺎﺳﻨﻲ ﻣﻦ ﺷﻔﺘﻲ
ﻭﺣﺴﻴﺘﻬﻪ ﻫﻴﻪ ﺍﻟﺒﺎﺭﺣﻪ ﺗﻘﺼﺪﺕ ﻣﺘﺮﻭﺡ ﻭﺍﻟﻪ ﺍﻟﻴﻮﻡ ﺑﻮﻗﺖ ﺩﻭﺍﻣﻪ
ﻛﻤﺖ ﺳﻮﻳﺘﻠﻲ ﺭﻳﻮﻙ ﻭﻧﻈﻔﺖ ﺍﻟﺒﻴﺖ ﻫﻮ ﻧﻈﻴﻒ ﺑﺲ ﺿﺎﻳﺠﻪ ﻭﻭﺭﻭﺩ ﻣﺘﺨﻠﻴﻨﻲ ﺍﻧﻈﻒ ﺷﻲ
ﻭﻛﻌﺪﺕ ﺻﺎﺭﺕ ﺑﺎﻝ٢ ﺳﻤﻌﺖ ﺣﺴﻴﻦ ﺍﺟﻪ ﻫﻮ ﻣﻮ ﻣﻦ ﻋﺎﺩﺗﻪ ﻳﺠﻲ ﻫﺬﺍ ﺍﻟﻮﻗﺖ
ﺭﺣﺖ ﻓﺘﺤﺖ ﺍﻟﺒﺎﺏ ﻣﺎﻝ ﻣﻄﺒﺦ ﺻﺎﺭ ﺑﻮﺟﻬﻲ ﻛﺘﻠﻪ واني خجلانه من البارحه
-ﺍﻟﻠﻪ ﻳﺴﺎﻋﺪﻙ
- ﺍﻫﻼً
ودخل الغرفته ﺷﻮﻳﻪ ﻭﻃﻠﻊ ﻻﺑﺲ ﻏﻴﺮ ﺷﻲ ﻭﺭﺃﺳﺎً ﻃﻠﻊ ﻣﺎﺍﺩﺭﻱ ﺍﺻﻼً ﺍﻧﻲ ﻣﺎﺍﺩﺭﻱ ﻫﻮ ﺷﻴﺸﺘﻐﻞ ﻭﺍﻧﻲ ﺷﻌﻠﻴﻪ ﺑﻲ ﺍﺻﻼً ﻟﻞ٤ﺍﺟﺘﻲ ﻭﺭﻭﺩ وحدهه عبالي راح يجيبهه جانت ﺗﻌﺒﺎﻧﻪ وهم ﺩﺧﻠﺖ ﻟﻠﻐﺮﻓﻪ ﻭﻃﻠﻌﺖ ﺭﺃﺳﺎً
ﻭﺭﻭﺩ - ﻓﻠﻚ ﺣﺴﻴﻦ ﺍﺟﻪ ﺍﻟﻴﻮﻡ ﻟﻠﺒﻴﺖ
ﻓﻠﻚ - ﺍﻱ ﺑﺲ ﺑﺪﻝ ﻭﻃﻠﻊ
ﻫﺰﺕ ﺭﺍﺳﻬﻪ ﻭﺩﺧﻠﺖ ﻟﻠﻐﺮﻓﻪ ﺣﺴﻴﺖ ﻣﻼﻣﺤﻬﻪ ﺗﻐﻴﺮﺕ ﻟﻠﻴﻞ ﺍﺟﻪ ﺣﺴﻴﻦ ﺍﻭﻝ ﻣﺮﻩ ﺍﺳﻤﻊ ﺻﻮﺕ ﻭﺭﻭﺩ ﻋﺎﻟﻲ .... ﺑﺲ ﻣﻮ ﻭﺍﺿﺢ ﻭﺑﻴﻮﻣﻬﻪ ﺍﺑﺪ ﻣﺼﻌﺪ ﺣﺴﻴﻦ
ﻭﺛﺎﻧﻲ ﻳﻮﻡ ﺣﺴﻴﺘﻬﻪ ﻣﺘﻜﻬﺮﺑﻪ وكبل هجمت عليه
- ﻓﻠﻚ ﻣﻮ ﻃﻮﻟﺖ ﺍﻟﺴﺎﻟﻔﻪ ﺍﻧﻲ ﻛﺘﻠﻪ ﺍﺧﺬ ﻭﺣﺪﻩ ﺻﻐﻴﺮﻩ ﺣﺘﻰ ﺗﺼﻴﺮ ﻧﺸﻴﻄﻪ والدكتوره كالت مبايضج نشيطه
ﻓﻠﻚ - ﺑﻴﺪ ﺍﻟﻠﻪ ﺍﻧﻲ ﺷﻌﻠﻴﻪ
ﻭﺭﻭﺩ - ﺍﻋﺮﻑ ﺑﻴﺪ ﺍﻟﻠﻪ اعرف مو كل شويه تكليلي
ﻣﻦ ﺷﻔﺖ ﻭﺭﻭﺩ ﻫﻴﺞ ﺣﺴﻴﺘﻬﻪ ﻛﺎﻣﺖ ﺗﻐﺎﺭ ﻋﻠﻰ ﺣﺴﻴﻦ ﻋﺒﺎﻟﻬﻪ ﺍﺑﻮﻛﻪ ﻣﻨﻬﻪ ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﻋﺼﺒﻴﻪ ﺣﻴﻞ ﻳﻌﻨﻲ ﺧﺎﻳﻔﻪ ﺍﻛﺴﺐ ﺣﺴﻴﻦ ﻭﻳﺤﺒﻨﻲ ﻭﻳﻌﻮﻓﻬﻪ .... ﻣﻌﻨﺎﻫﻪ ﺣﺴﻴﻦ ﺳﻬﻞ
ﻳﻤﻜﻦ ﺍﻧﺎﻧﻴﻪ ﻣﻨﻲ ﺍﺳﺘﻐﻞ ﻫﺎﻱ ﺍﻟﻨﻘﻄﻪ ﺑﺲ ﺍﻧﻲ ﻣﺎﺍﺭﻳﺪ ﺍﺧﺴﺮ ﺍﻟﻲ ﺑﺒﻄﻨﻲ ﺑﻬﺎﻟﻠﺤﻈﻪ ﻗﺮﺭﺕ ﺍﻧﻲ ﻛﺪﺭﺕ ﺍﺗﻘﺒﻞ ﺑﻮﺳﺘﻪ ﻳﻌﻨﻲ ﺍﻛﺪﺭ ﺍﺗﻘﺒﻠﻪ ﺑﺎﻟﻤﺴﺘﻘﺒﻞ بقه هذا الشي شاغل عقلي
...................
ﺧﻀﺮ - ﺍﺳﺒﻮﻋﻴﻦ ﻣﺮﻥ ﻋﻠﻰ ﻃﻠﻌﺔ ﺭﺍﺷﺪ ﻭﻋﺰﻭﺯ ﺍﺣﺲ ﻧﻔﺴﻲ ﺍﺧﺘﻨﻜﺖ ﻣﻦ ﺟﺎﻧﻮ ﻣﻮﺟﻮﺩﻳﻦ ﻣﺘﻮﻧﺲ ﻭﻳﺎﻫﻢ ﺻﺢ ﻣﻘﻬﻮﺭ ﻭﻣﺨﺘﻨﻚ ﻭﻣﺎﺍﻋﺮﻑ ﺷﺼﺎﻳﺮ ﺑﺮﻩ .... بس وجودهم ﻣﺨﻔﻒ ﻋﻠﻴﻪ
ﻭﺧﺎﻟﺪ ﺍﺷﺘﻐﻠﻨﻲ ﺗﻌﺬﻳﺐ ﻳﻮﻣﻴﻪ .... ﻭﻣﺜﻞ ﻳﻮﻣﻴﻪ ﺍﺟﻮﻱ ﺍﺧﺬﻭﻧﻲ ﺗﻌﻮﺩﺕ ﻋﻠﻰ ﺍﻟﻀﺮﺏ ﻋﺒﺎﻟﻪ يأثر عليه
ﻟﻮ ﻳﺄﺩﺑﻨﻲ ﺑﻲ
ﻋﺎﻳﻔﻪ ﻋﻠﻰ ﺭﺍﺣﺘﻪ ﻭﺍﺻﻼً ﻣﺎﺍﻛﺪﺭ ﺍﻋﺘﺮﺽ
ﺍﺟﻮﻱ ﺍﺧﺬﻭﻧﻲ ﺑﺲ ﻭﺩﻭﻧﻲ ﺍﻟﻐﺮﻓﺔ ﺣﺎﺗﻢ ﻋﺮﻓﺖ ﻣﻌﻨﺎﻫﻪ ﺧﺎﻟﺪ ﺍﺟﻪ ﺩ ﺧﻠﺖ .... ﺑﺎﻟﻔﻌﻞ ﻟﻜﻴﺘﻪ ﻣﻮﺟﻮﺩ
ﺑﺎﻭﻋﺖ ﻋﻠيه ﺑﺘﻤﻠﻞ ﻲ ﻣﺎﺍﻋﺮﻑ ﻟﻴﻮﻳﻦ ﻳﺮﻳﺪ ﻳﻮﺻﻞ ﻻ ﻣﺨﻠﻴﻬﻢ ﻳﺤﺎﻛﻤﻮﻧﻲ ﻭﻻ ﺍﻟﻌﺎﻳﻔﻨﻲ ﺍﻃﻠﻊ
ﺧﺎﻟﺪ - ﺗﻌﺎﻝ ﺍﻛﻌﺪ ﺧﻀﺮ
ﺧﻀﺮ - ﻻ عيب ﺣﻀﺮﺓ ﺍﻟﺮﺍﺋﺪ ﻣﻴﺼﻴﺮ ﺷﻠﻮﻥ ﺗﺮﻫﻢ ﺍﻧﺖ ﺭﺍﺋﺪ ﻭﺍﻧﻲ ﺍﻛﻌﺪ ﻛﺒﺎﻟﻚ ﺍﺑﺪ ﺍﺑﺪ ﻣﺘﺮﻫﻢ
ﺧﺎﻟﺪ - ﺗﻌﺎﻝ ﺍﻛﻌﺪ ﻭﺍﻟﺼﻢ
ﻛﻌﺪﺕ ﻛﺒﺎﻟﻪ ﻭﺑﻴﻨﺎﺗﻨﻪ ﻃﺒﻠﻪ ﻭﺳﻄﻴﻪ ﺑﺎﻟﻨﺺ طلع جكاره و
ﺷﻤﺮ ﺑﺎﻛﻴﺘﻪ على الطبله وهو يسحب نفس من الجكاره
- ﺷﻨﻮ ﻣﺸﺎﺭﻳﻌﻚ ﺍﺫﺍ ﻃﻠﻌﺘﻚ ﻣﻦ ﺍﻟﺴﺠﻦ خضر
ﺍﺑﺘﺴﻤﺖ باستهزاء
- ﺷﻨﻮ ﻣﺸﺎﺭﻳﻌﻚ ﺧﻞ ﻧﺴﻮﻟﻒ ﻭﻳﻪ ﻣﺮﺗﻚ ﺑﺎﻟﺬﺍﺕ
ﻣﻦ ﻛﺎﻝ ﻣﺮﺗﻚ ﺭﻛﺰﺕ ﻋﻠيه وكتله بتشوق
- ﻟﻜﻴﺘﻬﻪ مو
ﺧﺎﻟﺪ - ﻻ
من كال لا اتحطمت
-مكتلي شنو مشروعك من تطلع
- ﺍﻭﻝ ﻣﺸﺮﻭﻉ
....... ﻳﺘﺒﻊ