ﻭ ﺑﻬﺎﻛﺔ ﺗﻢ ﻧﻘﻠﻮ ﻟﻠﻤﺴﺘﺸﻔﻰ ... ﻓﻴﻦ ﻏﻴﺘﻠﻘﻰ ﺍﻟﺘﺄﻫﻴﻞ ﻭ ﻳﻜﻮﻥ ﺗﺤﺖ ﺍﻟﻤﺮﺍﻗﺒﺔ ﻓﺎﻟﻤﺪﺓ ﺍﻟﻲ ﻏﻴﻘﻀﻴﻬﺎ ﺗﻤﺎﻙ ... ﻭ ﻫﻲ ﻣﺪﺓ ﻏﻴﺮ ﻣﺤﺪﺩﺓ ...
ﻓﻬﺎﺩ ﺍﻟﺸﻬﺮﻳﻦ ﺍﻟﻲ ﻣﺮﻭ ... ﺑﺪﺍﺕ ﺟﻮﻻﻥ ﺗﺄﻗﻠﻢ ﻓﺎﻟﻌﺸﻴﺔ ﻣﻊ ﺯﻭﺟﺔ ﺑﺎﻫﺎ ... ﺍﻟﻲ ﻳﻮﻡ ﺑﻌﺪ ﻳﻮﻡ ﻛﻴﺒﺎﻥ ﻣﻌﺪﻧﻬﺎ ﺍﻟﺤﻘﻴﻘﻲ ... ﻗﺪﺍﻡ ﺑﺎﻫﺎ ﻛﺘﺼﺮﻑ ﺑﻄﻴﺒﺔ ﻣﺒﺎﻟﻎ ﻓﻴﻬﺎ ﻛﺄﻧﻬﺎ ﺑﺎﻏﺔ ﺗﺮﺑﺢ ﻧﻘﺎﻁ ﻋﻨﺪ ﺯﻭﺟﻬﺎ ... ﻭ ﻓﻐﻴﺎﺑﻮ ﻛﺘﺎﺧﺪ ﻭﻗﺘﻬﺎ ﻓﺈﻋﻄﺎﺀ ﺍﻷﻭﺍﻣﺮ ﻣﻦ ﻫﻨﺎ ﻭ ﻫﻨﺎ ...
ﻟﻜﻦ ﺟﻮﻻﻥ ﻣﺎﻫﺘﻤﺎﺗﺶ ﻟﺘﺼﺮﻓﺎﺕ ﺧﺪﻳﺠﺔ ... ﻭ ﻛﺎﻧﺖ ﺗﻨﻔﺪ ﺷﻨﻮ ﻛﺘﻘﻮﻝ ﻟﻴﻬﺎ ﺑﺪﻭﻥ ﺟﺪﺍﻝ ... ﺁﺧﺮ ﺣﺎﺟﺔ ﺑﻐﺎﺕ ﻫﻲ ﻳﻨﻮﺽ ﺍﻟﺼﺪﺍﻉ ﻣﻌﻬﺎ ﻭ ﻳﺘﺪﺧﻞ ﺑﺎﻫﺎ ... ﻭ ﻫﻲ ﻋﺎﺭﻓﺔ ﺃﻧﻪ ﻏﻴﺠﻲ ﻣﻦ ﺯﻭﺟﺘﻮ ... ﻭ ﻏﺘﺴﻤﺎ ﻫﻲ ﺍﻟﺨﺎﻳﺒﺔ ﻧﺎﻛﺮﺓ ﺍﻟﺠﻤﻴﻞ ...
ﺭﺟﻌﺎﺕ ﻛﺘﺮﺩﺩ ﻋﻠﻰ ﺩﺍﺭ ﺍﻟﺤﺎﺟﺔ ﻭ ﺍﻟﺤﺎﺝ ﻭ ﺗﻘﻀﻲ ﻣﻌﺎﻫﻢ ﺑﻌﺾ ﺍﻟﻮﻗﺖ ... ﻟﻜﻨﻬﺎ ﻋﻤﺮﻫﺎ ﺫﻛﺮﺍﺕ ﺷﻲ ﺣﺎﺟﺔ ﺑﺨﺼﻮﺹ ﺑﻨﺘﻬﻢ ... ﻭ ﺗﻘﺮﺑﺎﺕ ﻣﻦ ﺷﺨﺼﻴﻦ ﺁﺧﺮﻳﻦ ... ﺍﻟﺠﺎﺭﺓ ﻓﻮﺯﻳﺔ ﻭ ﺍﺑﻨﻬﺎ ﻳﺎﻣﻦ ... ﻳﺎﻣﻦ ﺍﻟﻲ ﻓﻜﻠﻤﺎ ﺗﻼﻗﺎﺕ ﺑﻴﻪ ﻛﻴﺴﺘﻘﺒﻠﻬﺎ ﺑﺎﺑﺘﺴﺎﻣﺔ ... ﻣﻜﻴﻔﻠﺘﺶ ﺍﻟﻔﺮﺻﺔ ﻓﺄﻧﻪ ﻳﻬﻀﺮ ﻣﻌﻬﺎ ﻭﺍﺧﺔ ﺣﺪﻳﺚ ﺳﻄﺤﻲ ...
ﻭ ﺍﻷﻫﻢ ﻣﻦ ﻫﺬﺍ ﻛﻮﻟﻮ ﻫﻮ ﻭﺟﻮﺩ ﺻﺪﻳﻘﺘﻬﺎ ﺯﻳﻨﺐ ﺟﻨﺒﻬﺎ ... ﻫﺎﺩ ﺍﻷﺷﺨﺎﺹ ﺧﻼﻭ ﺣﻴﺎﺗﻬﺎ ﻗﺎﺑﻠﺔ ﻟﻺﺣﺘﻤﺎﻝ ... ﺭﻏﻢ ﻣﻜﻮﺗﻬﺎ ﺑﻴﻦ ﺟﺪﺭﺍﻥ ﺍﻟﺪﺍﺭ ﻣﻌﻈﻢ ﺍﻟﻮﻗﺖ ... ﻓﺒﺎﻫﺎ ﻣﻨﻴﻦ ﺭﺟﻌﺎﺕ ﻛﺎﻥ ﻭﺍﺿﺢ ﺃﻥ ﺍﻟﺨﺪﻣﺔ ﺃﻭ ﺍﻟﺨﺮﻭﺝ ﻛﻞ ﺳﺎﻋﺔ ﻣﻤﻨﻮﻉ ...
ﻛﻴﻒ ﺍﻟﻌﺎﺩﺓ ﻛﺎﻧﺖ ﻓﺒﻴﺘﻬﺎ ﻣﻨﻐﺎﻣﺴﺔ ﻓﺎﻟﻜﺘﺎﺑﺔ ... ﺣﺘﻰ ﺗﺤﻞ ﺍﻟﺒﺎﺏ ﺑﻄﺮﻳﻘﺔ ﻓﻈﺔ ... ﻫﺰﺍﺕ ﺭﺍﺳﻬﺎ ﺷﺎﻓﺖ ﻓﻴﻬﺎ ... ﺷﻜﻮﻥ ﻣﻦ ﻏﻴﺮﻫﺎ ... ﺧﺪﻳﺠﺔ ﻗﺮﺑﺎﺕ ﻭ ﺍﺑﺘﺴﺎﻣﺔ ﺻﻔﺮﺍ ﻋﻠﻰ ﻭﺟﻬﺎ ... ﭼﻠﺴﺎﺕ ﺟﻨﺐ ﺟﻮﻻﻥ ﻓﻮﻕ ﺍﻟﻔﻮﻃﻮﻱ ﻭ ﻧﻄﻘﺎﺕ ...
ﺧﺪﻳﺠﺔ : ﻣﻜﻴﻀﺮﻭﻛﺶ ﻋﻨﻴﻚ ﻭ ﻧﺘﻲ ﺍﻟﻨﻬﺎﺭ ﻭ ﻣﻄﺎﻝ ﺧﺎﺷﻴﺎﻫﻢ ﻓﻬﺬﺍ
ﺟﻮﻻﻥ : ﻏﻴﺮ ﻧﺺ ﺳﺎﻋﺔ ﻫﺎﺩﻱ ﺑﺎﺵ ﻃﻠﻌﺖ ﺑﻌﺪﻣﺎ ﻏﺴﻠﺖ ﻟﻤﺎﻋﻦ ﻭ ﺳﻴﻘﺖ ﺍﻟﺪﺍﺭ
ﺧﺪﻳﺠﺔ : " ﻣﻴﻼﺕ ﻓﻤﻬﺎ " ﻣﺎﻋﻠﻴﻨﺎ ﻣﺎﺷﻲ ﻫﺬﺍ ﻣﻮﺿﻮﻋﻨﺎ ... ﺟﻴﺖ ﻧﺒﺸﺮﻙ ﺍﻻﻟﺔ ﻗﺎﻝ ﻟﻴﺎ ﺳﻴﺪﻱ ﺇﺑﺮﺍﻫﻴﻢ ﺑﻠﻲ ﺟﺎﻳﻴﻦ ﻓﻴﻚ ﺍﻟﺨﻄﺎﺏ ... ﻭﺍﺧﺔ ﺗﻔﺴﺨﺎﺕ ﺧﻄﺒﺘﻚ ﻏﻲ ﺷﻬﺮﻳﻦ ﻫﺎﺩﻱ ... ﺳﻤﻌﺖ ﺑﻠﻲ ﻛﺎﻥ ﺷﻲ ﻭﺍﺣﺪ ﻟﺒﺎﺱ ﻋﻠﻴﻪ ... " ﺷﺎﻓﺖ ﻓﻴﻬﺎ " ﻛﻴﻔﺎﺵ ﺣﺘﻰ ﺧﻠﺘﻴﻪ ﻳﻔﻠﺖ ﻣﻦ ﻳﺪﻳﻚ ... ﻟﻤﻬﻢ
ﺧﺪﻳﺠﺔ ﺑﻘﺎﺕ ﻛﺘﺮﺛﺮ ﻭ ﺟﻮﻻﻥ ﻣﺰﺍﻝ ﻛﺘﺤﺎﻭﻝ ﺗﺴﺘﻮﻋﺐ ﻛﻠﻤﺔ ﺍﻟﺨﻄﺎﺏ ... ﻛﻴﻔﺎﺵ ﺍﻟﺨﻄﺎﺍﺍﺏ ... ﺑﺎﻫﺎ ﻣﺎﺛﻴﻖ ﺟﺎ ﻫﻀﺮ ﻓﻴﻬﺎ ﺷﻲ ﺣﺪ ... ﺃﻛﻴﺪ ﻏﺎﺩﻱ ﻳﻮﺍﻓﻖ ﺑﺪﻭﻥ ﺍﺳﺘﺸﺎﺭﺗﻬﺎ ﻛﻴﻒ ﺍﻟﻌﺎﺩﺓ ﻭ ﻳﻔﺮﺽ ﻋﻠﻴﻬﺎ ﺗﻮﺍﻓﻖ ...
ﻭﻗﻔﺎﺕ ﻓﺠﺄﺓ ﺣﺘﻰ ﻃﺎﺡ ﻟﺒﺴﻲ ﻣﻦ ﻓﻮﻕ ﺣﺠﺮﻫﺎ ﻟﺮﺽ ... ﻣﺎﻳﻤﻜﻨﺶ ﺗﺰﻭﺝ ... ﻛﻴﻔﺎﺵ ﻏﺘﻮﺍﻓﻖ ﻋﻠﻰ ﺍﻹﺭﺗﺒﺎﻁ ﺑﺸﺨﺺ ﺁﺧﺮ ... ﻫﻲ ﻛﺘﺒﻐﻲ ﺷﺨﺺ ﻭﺍﺣﺪ ... ﻭﺍﺍﺍﺍﺣﺪ ... ﻭ ﺩﺍﻙ ﺍﻟﺸﺨﺺ ﺳﻠﻤﺎﺗﻮ ﻗﻠﺒﻬﺎ ﻭ ﺭﻭﺣﻬﺎ ﻭ ﺟﺴﺪﻫﺎ ... ﻭ ﻻ ﻳﻤﻜﻦ ﺗﺨﻠﻲ ﺷﺨﺺ ﺁﺧﺮ ﻳﻠﻤﺴﻬﺎ ﺑﻌﺪﻭ ... ﻭ ﻛﻴﻒ ﻏﻴﻜﻮﻥ ﻫﺎﺩ ﺍﻟﺰﻭﺍﺝ ... ﻫﺬﺍ ﺍﻟﻲ ﺟﺎ ﺑﺎﻏﻴﻬﺎ ﻻ ﻋﺮﻑ ﺃﻧﻬﺎ ﻣﺎﺷﻲ ﺑﻨﺖ ﻏﻴﻠﻮﺣﻬﺎ ﻟﺒﺎﻫﺎ ﺩﻳﻚ ﺍﻟﺴﺎﻉ ...
ﻻ ﻻ ... ﻣﺎﻳﻤﻜﻨﺶ ﺗﻮﺍﻓﻖ ﻧﻬﺎﺋﻴﺎً ... ﻏﺘﻔﺘﺢ ﻋﻠﻴﻬﺎ ﺃﺑﻮﺍﺏ ﺟﻬﻨﻢ ... ﺿﺎﺭﺕ ﺷﺎﻓﺖ ﻓﺨﺪﻳﺠﺔ ﻭ ﻧﻄﻘﺎﺕ ﺑﻨﺒﺮﺓ ﻋﺎﻟﻴﺔ ...
ﺟﻮﻻﻥ : ﻣﺎﺑﻐﺎﺵ ﻧﺘﺰﻭﺝ ... ﻛﺘﺴﻤﻌﻲ ... ﻣﺒﻐﺎﺍﺍﺍﺵ
ﺧﺪﻳﺠﺔ : " ﻭﻗﻔﺎﺕ ﻭ ﺩﺍﺭﺕ ﻳﺪﻫﺎ ﻋﻨﺪ ﺧﺼﺮﻫﺎ " ﻭ ﺷﻨﻮ ... ﺑﺎﻏﺔ ﺗﺒﻘﺎﻱ ﻫﻨﺎ ﺣﺪﺍ ﺑﺎﻙ ... ﻗﺒﻠﻲ ﻣﺎﺣﺪ ﺑﺎﻗﻲ ﻋﻠﻴﻚ ﺍﻟﻄﻠﺐ ... ﺗﺰﻳﺪﻱ ﺗﻜﺒﺮﻱ ﺷﻮﻳﺔ ﻣﺒﺎﻗﻲ ﻳﺪﻳﻬﺎ ﻓﻴﻚ ﺣﺪ ... ﺧﺎﺻﺔ ﺍﻟﻬﻀﺮﺓ ﺍﻟﻲ ﻛﻀﻮﺭ ﺑﻌﺪ ﺧﻄﻮﺑﺘﻚ ﺍﻟﻠﻮﻟﺔ ﻣﺎﺷﻲ ﻟﺼﺎﻟﺤﻚ
ﺟﻮﻻﻥ : " ﻋﻘﺪﺍﺕ ﺣﺠﺒﺎﻧﻬﺎ " ﺁﺷﻤﻦ ﻫﻀﺮﺓ ؟ !
ﺧﺪﻳﺤﺔ : ﻣﺎﺷﻲ ﺃﻧﺎ ... ﻭ ﻟﻜﻦ ﻛﻴﻘﻮﻟﻮ ... ﺑﻠﻲ ﺩﺍﻙ ﺍﻟﻲ ﻛﺎﻥ ﺧﺎﻃﺒﻚ ﻟﻌﺐ ﻓﻴﻚ ﺣﺘﻰ ﺷﺒﻊ ﻭ ﺳﺎﺳﻚ
ﺟﻮﻻﻥ : " ﺣﺴﺎﺕ ﺑﻐﺼﺔ ﻓﺤﻠﻘﻬﺎ ﻟﻜﻦ ﻧﻄﻘﺎﺕ ﺑﺤﺰﻡ " ﻣﻜﺘﻬﻤﻨﻴﺶ ﻫﻀﺮﺓ ﺍﻟﻨﺎﺱ
ﺧﺪﻳﺠﺔ : ﻭ ﻟﻜﻦ ﺍﻧﺎ ﻭ ﺑﺎﻙ ﻛﺘﻬﻤﻨﺎ ... ﻭ ﻻ ﻣﻮﺍﻓﻘﺘﻴﺶ ﻣﻐﺎﺩﻳﺶ ﻳﻌﺠﺒﻮ ﺍﻟﺤﺎﻝ ﺭﺍﻙ ﻋﺎﺭﻓﺎﻩ ﻛﻴﻒ ﺩﺍﻳﺮ
ﺟﻮﻻﻥ : ﺷﻬﺮﻳﻦ ﺑﺎﺵ ﺗﺰﻭﺟﺘﻮ ﻭ ﻟﺤﻘﺘﻲ ﺗﻌﺮﻓﻴﻪ
ﺧﺪﻳﺠﺔ : " ﺑﺜﻘﺔ " ﺷﻨﻮ ﺑﺎﻥ ﻟﻴﻚ ﻧﺘﻲ ... ﺑﺎﻙ ﺭﺍﺟﻞ ﻭ ﺍﻟﺮﺟﺎﻝ ﻣﻌﺮﻭﻑ ﻛﻴﻒ ﺗﻜﺴﺒﻴﻬﻢ ... ﻣﻨﻴﻦ ﺗﺤﻄﻴﻪ ﻓﻮﻕ ﺭﺍﺳﻚ ﻏﻴﺪﻳﺮﻙ ﻓﻌﻨﻴﻪ ... ﻣﻜﺘﺴﻤﻌﻴﺶ ﺳﻴﺪﻱ ﺇﺑﺮﺍﻫﻴﻢ ﻓﺎﻟﺪﺍﺧﻠﺔ ﻭ ﺍﻟﺨﺎﺭﺟﺔ ﻳﻨﻄﻖ ﺑﺴﻤﻴﺘﻲ
ﺟﻮﻻﻥ : ﻧﺘﻲ ﻣﺎﻟﻴﻚ ﺩﺧﻞ ﻓﻬﺎﺩﺷﻲ ... ﻣﻨﻴﻦ ﻳﺠﻲ ﻏﻨﻬﻀﺮ ﻣﻌﺎﻩ
ﺧﺪﻳﺠﺔ : " ﻏﺎﺩﺓ ﺟﻬﺔ ﻟﺒﺎﺏ " ﻣﻨﺼﺤﻜﺶ ﺗﻌﺎﺭﺿﻴﻪ ... ﻭ ﺍﻟﺴﻴﺪ ﺍﻟﻲ ﺟﺎﻙ ﻭﺍﺧﺔ ﻃﻴﺮﻱ ﻭ ﺗﻨﺰﻟﻲ ﻣﻐﺎﺩﻳﺶ ﺗﻠﻘﺎﻱ ﺣﺴﻦ ﻣﻨﻮ
ﺧﺮﺟﺎﺕ ﺧﺪﻳﺠﺔ ﻣﺨﻠﻴﺔ ﺟﻮﻻﻥ ﻛﺘﻐﻠﻲ ... ﻣﺴﺘﺤﻴﻞ ﺗﻮﺍﻓﻖ ... ﻻﺣﺖ ﻋﻠﻴﻬﺎ ﺟﺎﻛﻴﻂ ﻭ ﻫﺒﻄﺎﺕ ... ﺧﺮﺟﺎﺕ ﻣﻦ ﺍﻟﺪﺍﺭ ﺗﺤﺖ ﺃﻧﻈﺎﺭ ﺧﺪﻳﺠﺔ ﺍﻟﻲ ﻣﺮﻗﺒﺎﻫﺎ ... ﻣﺸﺎﺕ ﻟﺪﺍﺭ ﺍﻟﺤﺎﺟﺔ ﺭﺷﻴﺪﺓ ... ﺩﻗﺎﺕ ﻭ ﻛﻴﻒ ﺣﻼﺕ ﻟﻴﻬﺎ ﺗﺮﻣﺎﺕ ﺟﻮﻻﻥ ﻓﺤﻀﻨﻬﺎ ﻛﺘﺒﻜﻲ ...
ﺟﺮﺍﺗﻬﺎ ﺍﻟﺤﺎﺟﺔ ﺩﺧﻠﻮ ﻟﻠﺼﺎﻟﺔ ... ﺑﻘﺎﺕ ﻛﻄﺒﻄﺐ ﻋﻠﻴﻬﺎ ﺣﺘﻰ ﻫﺪﺍﺕ ... ﻫﺰﺍﺕ ﺟﻮﻻﻥ ﻋﻨﻴﻬﺎ ﻓﺎﻟﺤﺎﺟﺔ ﻭ ﻗﺎﻟﺖ ﺑﺎﻧﻬﺰﺍﻡ ...
ﺟﻮﻻﻥ : ﺑﺎﺑﺎ ﺑﺎﻏﻲ ﻳﺰﻭﺟﻨﻲ ﺍﺟﺪﺓ ... ﺷﻬﺮﻳﻦ ﺑﺎﺵ ﺭﺟﻌﺖ ﻭ ﻗﺮﺭ ﻳﻠﻮﺣﻨﻲ ﻷﻭﻝ ﻭﺍﺣﺪ ﺟﺎ
ﺍﻟﺤﺎﺟﺔ : " ﺑﺄﺳﻒ " ﻣﺎﻋﺮﻓﺖ ﻣﺎﻧﻘﻮﻝ ﻟﻴﻚ ﺍﺑﻨﺘﻲ ... ﺑﺎﻙ ﺍﻟﻠﻪ ﻳﻬﺪﻳﻪ ... ﻏﻴﺠﻲ ﻭﺍﺣﺪ ﺍﻟﻨﻬﺎﺭ ﻳﻨﺪﻡ ﻋﻠﻰ ﻫﺎﺩﺷﻲ ﻛﻮﻟﻮ
ﺟﻮﻻﻥ : ﺷﻨﻮ ﻏﻨﺪﻳﺮ ... ﻣﺎﻳﻤﻜﻨﺶ ﻧﻮﺍﻓﻖ ﻭ ﻣﺎﻋﻨﺪﻳﺶ ﻓﻴﻦ ﻧﻤﺸﻲ " ﺣﻄﺎﺕ ﻳﺪﻳﻬﺎ ﻋﻠﻰ ﻭﺟﻬﺎ ﻛﺘﺒﻜﻲ " ﻋﻼﺵ ﻛﻴﺪﻳﺮ ﻣﻌﺎﻳﺔ ﻫﺎﻛﺔ ... ﻭﺍﺵ ﺍﻧﺎ ﻣﺎﺷﻲ ﺑﻨﺘﻮﻭ
ﺍﻟﺤﺎﺟﺔ : " ﻛﺘﻤﺴﺢ ﻟﻴﻬﺎ ﻋﻠﻰ ﺭﺍﺳﻬﺎ " ﻣﺎﺗﺒﻜﻴﺶ ﺍﺑﻨﺘﻲ ... ﻛﻦ ﻛﺎﻥ ﻓﻴﺪﻱ ﻧﻌﺎﻭﻧﻚ ﻣﻐﺎﺩﻳﺶ ﻧﺨﻠﻴﻪ ﻳﺒﺰﺯ ﻋﻠﻴﻚ ﺣﺘﻰ ﺣﺎﺟﺔ ... ﻭ ﺩﺍﺭﻱ ﺭﺍﻙ ﻋﺎﺭﻓﺔ ﻣﻔﺘﻮﺣﺔ ﻟﻴﻚ ... ﺍﻧﺎ ﻭ ﺍﻟﺤﺎﺝ ﻣﻨﻜﺮﻫﻮﺵ ﺗﻌﻴﺸﻲ ﻣﻌﻨﺎ ... ﺭﺍﻙ ﻓﻤﺜﺎﺑﺔ ﺣﻔﻴﺪﺗﻨﺎ ... ﻟﻜﻦ ﺑﺎﻙ ﻣﻐﺎﺩﻳﺶ ﻳﺴﻜﺖ ... ﻣﻦ ﻧﻬﺎﺭ ﺭﻓﺾ ﺍﻟﺤﺎﺝ ﻃﻠﺒﻮ ﻭ ﻫﻮ ﺷﺎﺩ ﻓﺨﺎﻃﺮﻭ ﻣﻦ ﺟﻬﺘﻨﺎ ... ﻭ ﻣﻐﺎﺩﻳﺶ ﻳﺨﻠﻲ ﺑﻨﺘﻮ ﻋﻨﺪﻧﺎ ... ﻛﻴﻒ ﺭﻓﻀﻨﺎ ﻧﻌﻄﻴﻮﻩ ﺑﻨﺘﻨﺎ
ﺟﻮﻻﻥ : " ﺣﻴﺪﺍﺕ ﻳﺪﻳﻬﺎ ﻋﻠﻰ ﻭﺟﻬﺎ ﻭ ﺷﺎﻓﺖ ﻓﺎﻟﺤﺎﺟﺔ ﺑﻌﻨﻴﻬﺎ ﺍﻟﻤﺪﻣﻌﻴﻦ " ﻡ ﻣﺎﻓﻬﻤﺘﺶ !!
ﺍﻟﺤﺎﺟﺔ : " ﺑﻨﺒﺮﺓ ﺣﺰﻳﻨﺔ " ﻋﻤﺮﻧﺎ ﺟﺒﺪﻧﺎ ﺍﻟﻤﻮﺿﻮﻉ ﻣﻦ ﺳﺎﻋﺘﻬﺎ ... ﺇﺑﺮﺍﻫﻴﻢ ﺍﺑﻨﺘﻲ ﻛﺎﻥ ﺑﺎﻏﻲ ﺑﻨﺘﻨﺎ ﺭﺑﺎﺏ ﻣﻦ ﺻﻐﺮﻭ ... ﻭ ﻓﺎﺵ ﻗﺮﺑﺎﺕ ﺗﺎﺧﺪ ﻟﺒﺎﻙ ... ﺟﺎ ﻃﻠﺒﻬﺎ ﻣﻦ ﺟﺪﻙ ... ﻟﻜﻦ ﺣﻨﺎ ﻛﻨﺎ ﺑﺎﻏﻴﻴﻨﻬﺎ ﺗﻜﻤﻞ ﺩﺭﺍﺳﺘﻬﺎ ﻭ ﺗﺤﻘﻖ ﺣﻠﻤﻬﺎ ﻭ ﻻ ﺑﺼﺮﻳﺢ ﺍﻟﻌﺒﺎﺭﺓ ﺣﻠﻤﻨﺎ ﺣﻨﺎ ... ﻭ ﺭﺟﻊ ﻃﻠﺒﻬﺎ ﻣﺮﺓ ﺃﺧﺮﻯ ﻭ ﺭﻓﻀﻨﺎ ...
ﻭ ﻣﻨﻴﻦ ﺍﺧﺘﻔﺖ ﺑﻨﺘﻲ ... ﺗﻐﻴﺮ ﺍﺑﺮﺍﻫﻴﻢ ﻟﻮﺍﺣﺪ ﺍﻟﺪﺭﺟﺔ ﻛﺒﻴﺮﺓ ... ﻣﺎﺑﻘﺎﺵ ﻛﻴﻬﻀﺮ ﻣﻌﻨﺎ ﻭ ﻣﺮﺓ ﻛﺎﻥ ﻗﺎﻝ ﺷﻲ ﻫﻀﺮﺓ ﺣﺘﻰ ﺗﺸﺎﺩ ﻣﻌﺎﻩ ﺍﻟﺤﺎﺝ ... ﻗﺎﻝ ﺑﻠﻲ ﻫﺮﺑﺎﺕ ﻣﻊ ﺻﺎﺣﺒﻬﺎ " ﺗﻐﺮﻏﺮﻭ ﻋﻨﻴﻬﺎ " ﻭ ﺗﻘﻄﻌﺎﺕ ﺑﻴﻨﺎﺗﻨﺎ ﺍﻟﻬﻀﺮﺓ ﻣﺪﺓ ... ﺑﻌﺪﻫﺎ ﺗﺰﻭﺝ ﺑﺎﻷﻡ ﺩﻳﺎﻟﻚ ... ﺩﻭﺯﻫﺎ ﻋﻠﻴﻬﺎ ﻣﺴﻜﻴﻨﺔ ﻓﺎﻷﻭﻝ ... ﺻﺒﺮﺍﺕ ﻣﻌﺎﻩ ... ﻭ ﻣﻨﻴﻦ ﺗﺰﺍﺩﻳﻨﻲ ﻧﺘﻲ ﺭﺟﻌﺎﺕ ﺍﻟﻬﻀﺮﺓ ﺑﻴﻨﺎﺗﻨﺎ ...
ﻭ ﺗﻮﻃﺪﺍﺕ ﻋﻼﻗﺘﻲ ﺑﺤﻔﻴﻀﺔ ﺍﻟﻠﻪ ﻳﺮﺣﻤﻬﺎ ... ﻭ ﻛﺎﻧﺖ ﻛﺘﺸﻜﻰ ﻣﻦ ﻣﻌﺎﻣﻠﺘﻮ ﺍﻟﻘﺎﺳﻴﺔ ﻟﻴﻚ ﻣﻦ ﺻﻐﺮﻙ ... " ﺟﺮﺍﺕ ﺟﻮﻻﻥ ﻟﺤﻀﻨﻬﺎ " ﺑﻐﻴﺘﻚ ﺗﻔﻜﺮﻱ ﺍﺑﻨﺘﻲ ﻣﺰﻳﺎﻥ ﻗﺒﻞ ﻣﺎ ﺗﺮﻓﻀﻲ ﻫﺎﺩ ﺍﻟﺰﻭﺍﺝ ... ﻳﻤﻜﻦ ﻳﻜﻮﻥ ﻓﻴﻪ ﺧﻴﺮ ﻟﻴﻚ
ﻫﺒﻄﺎﺕ ﺩﻣﻌﺔ ﺣﺎﺭﺓ ﻋﻠﻰ ﺧﺪ ﺟﻮﻻﻥ ... ﻧﻔﺲ ﺍﻟﻜﻼﻡ ﻗﺎﻟﺘﻮ ﻟﻴﻬﺎ ﻣﻬﺎ ﻓﺒﺤﺎﻝ ﻫﺎﺩ ﺍﻟﻮﺿﻊ ﻣﻦ ﻗﺒﻞ ... ﺑﺎﻫﺎ ﻋﻤﺮﻭ ﻳﺘﻐﻴﺮ ... ﻭ ﻗﺴﻮﺗﻮ ﻋﻠﻴﻬﺎ ﻛﺘﺰﻳﺪ ﺗﺄﻟﻤﻬﺎ ﻳﻮﻡ ﺑﻌﺪ ﻳﻮﻡ ... ﻣﻌﻘﻮﻝ ﻳﻜﻮﻥ ﻋﻤﺮﻭ ﺑﻐﺎ ﻣﻬﺎ ﻭ ﻣﻜﺎﻧﺶ ﺑﺎﻏﻲ ﻭﻻﺩ ﻣﻨﻬﺎ ... ﺩﺍﻛﺸﻲ ﺑﺎﺵ ﻛﻴﻌﺎﻣﻠﻬﺎ ﻫﺎﻛﺔ ...
ﻛﻴﻒ ﻗﺮﺏ ﻳﻮﺻﻞ ﺍﻟﻮﻗﺖ ﺍﻟﻲ ﻏﻴﺮﺟﻊ ﻓﻴﻪ ﺑﺎﻫﺎ ﻟﻠﺪﺍﺭ ... ﻏﺎﺩﺭﺍﺕ ﻭ ﺍﻟﺤﺎﺟﺔ ﻛﺘﺪﻋﻲ ﻣﻌﻬﺎ ﺭﺑﻲ ﻳﻔﺮﺟﻬﺎ ﻋﻠﻴﻬﺎ ... ﻏﺎﺩﺓ ﻟﻠﺪﺍﺭ ﻣﻬﺒﻄﺔ ﺭﺍﺳﻬﺎ ﺣﺘﻰ ﺳﻤﻌﺎﺕ ﺻﻮﺕ ﻣﺄﻟﻮﻑ ﻧﺎﺩﻯ ﺑﺎﺳﻤﻬﺎ ... ﺿﺎﺭﺕ ﻛﺘﺸﻮﻑ ﻓﻴﻪ ﻭﺍﻗﻒ ﺟﻨﺐ ﺳﻴﺎﺭﺗﻮ ... ﻗﺮﺏ ﻋﻨﺪﻫﺎ ﺣﺘﻰ ﻭﻗﻒ ﻣﻘﺎﺑﻞ ﻣﻌﻬﺎ ...
ﺷﺎﻑ ﻓﻴﻬﺎ ﺑﻤﻼﻣﺢ ﺧﺎﻟﻴﺔ ﻣﻦ ﺃﻱ ﻣﺸﺎﻋﺮ ... ﻣﻦ ﺩﻳﻤﺎ ﻛﺘﺤﺲ ﺃﻧﻬﺎ ﻣﺎﺷﻲ ﺷﺨﺺ ﻣﺤﺒﺐ ﻟﻴﻪ ... ﻭ ﻫﺎﺩﺷﻲ ﺯﺍﺩ ﺑﻴﻨﻮ ﻟﻴﻬﺎ ﻣﻦ ﺗﺼﺮﻓﺎﺗﻮ ﺍﻟﻘﺎﺳﻴﺔ ﻣﻌﻬﺎ ... ﻣﺪ ﺑﻬﺎﺀ ﻳﺪﻭ ﺍﻟﻲ ﻫﺎﺯﺓ ﻓﻴﻬﺎ ﻇﺮﻑ ﻛﺒﻴﺮ ... ﻫﺒﻄﺎﺕ ﻋﻨﻴﻬﺎ ﻛﺘﺸﻮﻑ ﻓﺪﺍﻛﺸﻲ ﺍﻟﻲ ﻫﺎﺯ ... ﻭ ﻣﻨﻴﻦ ﺗﺮﺩﺩﺍﺕ ﺗﺎﺧﺪﻭ ﻣﻦ ﻋﻨﺪﻭ ﻧﻄﻖ ...
ﺑﻬﺎﺀ : ﺧﻼﻩ ﻟﻴﻚ ﻣﻴﺴﺘﺮ ﺭﺋﺒﺎﻝ
ﺟﻮﻻﻥ : " ﻫﺰﺍﺕ ﻋﻨﻴﻬﺎ ﻓﻴﻪ " ﺵ ﺷﻨﻮ ﻓﻴﻪ ؟ !!
ﺑﻬﺎﺀ : ﻣﻌﺎﺭﻓﺶ ... ﺃﻛﺪ ﻋﻠﻴﺎ ﻧﻮﺻﻠﻮ ﻟﻴﻚ ... ﻭ ﻣﺎﻳﻤﻜﻨﺶ ﻧﻘﻠﺒﻮ ﺣﺘﻰ ﻟﻮ ﺑﻐﻴﺖ ... ﺧﻮﺩﻳﻪ
ﺟﻮﻻﻥ : " ﺑﺘﺮﺩﺩ ﻣﺪﺍﺕ ﻳﺪﻫﺎ ﺷﺪﺍﺗﻮ ﻣﻦ ﻋﻨﺪﻭ "
ﺑﻬﺎﺀ : ﻛﻨﻈﻦ ﻫﺬﺍ ﺁﺧﺮ ﻟﻘﺎﺀ ﻳﺠﻤﻌﻨﺎ ... " ﺷﺎﻑ ﻓﺪﺍﺭﻫﻢ " ﻓﺎﻷﺧﻴﺮ ﺭﺟﻌﺘﻲ ﻟﻠﻤﻜﺎﻥ ﺍﻟﻲ ﻛﺘﻨﺘﺎﻣﻲ ﻟﻴﻪ
ﺟﻮﻻﻥ : " ﻗﻮﺳﺎﺕ ﺣﺠﺒﺎﻧﻬﺎ " ﻭ ﻓﺨﻮﺭﺓ ﻣﻨﻴﻦ ﺟﻴﺖ ﻭ ﻓﻴﻦ ﻧﺸﺄﺕ
ﺑﻬﺎﺀ : ﻣﺰﻳﺎﻥ " ﺿﺎﺭ ﻏﺎﺩﻱ ﻭ ﻫﻮ ﻳﻮﻗﻔﻮ ﺻﻮﺗﻬﺎ "
ﺟﻮﻻﻥ : ﻑ ﻓﻴﻦ ﻛﺎﻳﻦ ﻫﻮ " ﺷﺎﻓﺘﻮ ﺿﺎﺭ ﻛﻴﺸﻮﻑ ﻓﻴﻬﺎ ﻭ ﻫﺎﺯ ﺣﺎﺟﺒﻮ " ﺑﻐﻴﺖ ﻧﻘﻮﻝ ... ﻭ ﻭﺍﺵ
ﺑﻬﺎﺀ : ﻣﻴﺴﺘﺮ ﺭﺋﺒﺎﻝ ﻣﺴﺎﻓﺮ " ﺳﻜﺖ ﺷﻮﻳﺔ ﻭ ﻛﻤﻞ " ﻭ ﻣﺤﺎﻝ ﻳﺮﺟﻊ
ﺟﻮﻻﻥ : " ﺣﺴﺎﺕ ﺑﻘﻠﺒﻬﺎ ﺗﻌﺼﺮ ﻭ ﺗﺄﻭﻫﺎﺕ ﻓﺼﻤﺖ " ﺱ ﺳﺎﻓﺮ ... !
ﺑﻬﺎﺀ : ﺍﻣﻤﻢ ﺳﺎﻓﺮ ... ﺑﻌﺪﻣﺎ ﻓﻀﺎ ﻛﻞ ﻋﻼﻗﺎﺗﻮ ... ﻭ ﻣﻦ ﺍﻟﻮﺍﺿﺢ ﺍﻧﻪ ﻣﻜﻴﻔﻜﺮﺵ ﻳﺮﺟﻊ
ﺟﻮﻻﻥ : " ﻧﻄﻘﺎﺕ ﺑﺼﻌﻮﺑﺔ ﻣﺎﻧﻌﺔ ﺍﻟﺪﻣﻌﺔ ﺍﻟﻲ ﺗﺤﺠﺮﺍﺕ ﻓﻌﻨﻴﻬﺎ ﺗﻬﺒﻂ " ﺑﻮﺣﺪﻭ ؟
ﺑﻬﺎﺀ : " ﺍﺑﺘﺎﺳﻢ ﺑﺠﻨﺐ ﺷﻔﺎﻳﻔﻮ " ﺷﻜﻮﻥ ﻋﺮﻑ ... ﻣﺎﻛﻨﺘﺶ ﻣﻌﺎﻩ ﻓﺎﺵ ﻣﺸﻰ
ﺧﻼﻫﺎ ﻛﺘﺴﺘﻮﻋﺐ ﺷﻨﻮ ﻗﺎﻝ ﻭ ﺿﺎﺭ ﻏﺎﺩﻱ ﻓﺎﺗﺠﺎﻩ ﺳﻴﺎﺭﺗﻮ ... ﻃﻠﻊ ﻭ ﺯﺍﺩ ﻣﻜﺴﻴﺮﻱ ... ﺑﻘﺎﺕ ﻛﺘﺸﻮﻑ ﻓﺎﻟﻔﺮﺍﻍ ﻭ ﻃﺒﻘﺔ ﺍﻟﺪﻣﻮﻉ ﺿﺒﺒﺎﺕ ﺍﻟﺮﺅﻳﺔ ﻓﻌﻨﻴﻬﺎ ... ﻳﺪﻳﻬﺎ ﻣﺰﻳﺮﺓ ﻋﻠﻰ ﺍﻟﻈﺮﻑ ﺣﺘﻰ ﺑﻴﺎﺿﻮ ﺻﺒﺎﻋﻬﺎ ... ﺳﺪﺍﺕ ﻋﻨﻴﻬﺎ ﻭ ﻫﻤﺎ ﻳﺪﻳﺮﻭ ﺍﻟﺪﻣﻮﻉ ﻃﺮﻳﻖ ﻋﻠﻰ ﺧﺪﻭﺩﻫﺎ ... ﻭ ﻓﺠﺄﺓ ﺗﺤﺮﻛﺎﺕ ﻭ ﺗﻮﺟﻬﺎﺕ ﻟﻠﺪﺍﺭ ...
ﺣﻼﺕ ﻟﺒﺎﺏ ﻭﻃﻠﻌﺎﺕ ﻛﺘﺠﺮﻱ ﻟﺒﻴﺘﻬﺎ ... ﺩﺧﻼﺕ ﻭ ﺑﺪﻭﻥ ﻣﺎﺗﺴﺪ ﻟﺒﺎﺏ ﺣﻼﺕ ﺍﻟﻈﺮﻑ ﺑﻌﺸﻮﺍﺋﻴﺔ ... ﺟﺒﺪﺍﺕ ﻣﻨﻮ ﺷﻲ ﻭﺭﺍﻕ ... ﺣﻼﺗﻬﻢ ﻛﺘﻘﺮﺍ ﻓﻴﻬﻢ ﻭﺣﺪﺓ ﻭﺣﺪﺓ ... ﻋﻨﻴﻬﺎ ﺗﻮﺳﻌﻮ ﺃﻛﺜﺮ ﻭ ﺃﻛﺜﺮ ... ﻛﺘﻘﺮﺍ ﺍﻟﻮﺛﺎﺋﻖ ﻭ ﺗﻌﺎﻭﺩ ... ﺣﺎﻁ ﻣﺒﻠﻎ ﻛﺒﻴﺮ ﻓﺤﺴﺎﺑﻬﺎ ﺍﻟﺒﻨﻜﻲ ﻭ ﻛﺎﺗﺐ ﺍﻟﭭﻴﻼ ﺑﺈﺳﻤﻬﺎ ﻭ ﺟﺰﺀ ﻣﻦ ﺃﺳﻬﻢ ﺍﻟﺸﺮﻛﺔ ﺗﺤﺖ ﺇﺳﻤﻬﺎ ...
ﺷﻔﺘﻬﺎ ﻟﺘﺤﺘﺎﻧﻴﺔ ﺍﻟﻲ ﻛﺎﻧﺖ ﻛﺘﺮﺟﻒ ﺗﻮﻗﻔﺎﺕ ... ﻭ ﺗﺤﻮﻻﺕ ﻧﻀﺮﺓ ﺍﻟﺤﺰﻥ ﻭ ﺍﻹﻧﻜﺴﺎﺭ ﻟﻐﻀﺐ ﻋﺎﺭﻡ ... ﺯﻳﺮﺍﺕ ﺑﻴﺪﻳﻬﺎ ﺑﺠﻮﺝ ﺍﻟﻲ ﺷﺎﺩﻳﻦ ﺃﻃﺮﺍﻑ ﺍﻟﻮﺭﻕ ﻭ ﺣﺮﻛﺎﺗﻬﻢ ﻣﻌﺎﻛﺴﻴﻦ ﺣﺘﻰ ﺗﻤﺰﻗﻮ ﻋﻠﻰ ﺟﻮﺝ ... ﺭﺟﻌﺎﺕ ﺟﻤﻌﺎﺗﻬﻢ ﻭ ﺑﺪﺍﺕ ﻛﺘﻤﺰﻕ ﻓﻴﻬﻢ ﺣﺘﻰ ﺭﺟﻌﻮ ﺃﻃﺮﺍﻑ ﺻﻐﻴﺮﺓ ﻣﺘﻨﺎﺛﺮﺓ ﻓﺎﻷﺭﺽ ... ﻧﻄﻘﺎﺕ ﺑﺼﻮﺕ ﺧﺎﻓﺖ ﻟﻜﻦ ﻓﻴﻪ ﻧﺒﺮﺓ ﻗﺎﺳﻴﺔ ... ﻗﺴﺎﻭﺓ ﺍﻟﻲ ﻣﺮﺍﺕ ﺑﻴﻪ ...
ﺟﻮﻻﻥ : ﻓﻠﻮﺳﻚ ﻣﺎﻣﺤﺘﺎﺟﺎﺵ ﻟﻴﻴﻴﻬﻢ ... ﻓﻠﻮﺳﻚ ﻣﻐﺎﺩﻳﺶ ﻳﺸﻔﻌﻮ ﻟﻴﻚ ﺃﻧﻚ ﺗﺨﻠﻴﺘﻲ ﻋﻠﻴﺎ ﺑﻬﺎﺩ ﺍﻟﺴﻬﻮﻭﻭﻟﺔ ... ﻭ ﻛﻴﻒ ﺍﻧﺴﺎﺣﺒﺘﻲ ... ﺣﺘﻰ ﺃﻧﺎ ﻏﻨﺴﺎﺣﺐ ﻣﻦ ﻫﺎﺩ ﺍﻟﺤﺐ ﺍﻟﺒﺎﺋﺲ ... ﻭ ﺍﻟﻌﻼﻗﺔ ﺍﻟﻲ ﻛﺎﻧﺖ ﻣﻦ ﺑﺪﺍﻳﺘﻬﺎ ﻏﻠﻂ
🍁 ﻓﺎﻟﻴﻮﻡ ﺍﻟﻤﻮﺍﻟﻲ ... ﻫﺒﻄﺎﺕ ﺟﻮﻻﻥ ﻟﺘﺤﺖ ﺑﺎﺵ ﺗﺤﻀﺮ ﻟﻔﻄﻮﺭ ... ﻛﺎﻥ ﻭﺟﻬﺎ ﺷﺎﺣﺐ ﻭ ﻋﻨﻴﻬﺎ ﻣﻨﻔﻮﺧﻴﻦ ... ﻭ ﻫﻲ ﻭﺍﻗﻔﺔ ﻓﺎﻟﻜﻮﺯﻳﻨﺔ ﺳﻤﻌﺎﺕ ﻧﺤﻨﺤﺔ ﺑﺎﻫﺎ ... ﺿﺎﺭﺕ ﻋﻨﺪﻭ ﻭ ﻫﻮ ﻳﺪﺧﻞ ﻓﺼﻠﺐ ﺍﻟﻤﻮﺿﻮﻉ ﺑﺪﻭﻥ ﻣﻘﺪﻣﺎﺕ ...
ﺇﺑﺮﺍﻫﻴﻢ : ﻗﺎﻟﺖ ﻟﻴﺎ ﺧﺪﻳﺠﺔ ﺟﺒﺪﺍﺕ ﻣﻌﺎﻙ ﺍﻟﻤﻮﺿﻮﻉ
ﺟﻮﻻﻥ : ﺁﻩ
ﺇﺑﺮﺍﻫﻴﻢ : ﻭ ﺷﻨﻮ ﺭﺃﻳﻚ
ﺟﻮﻻﻥ : " ﺿﺤﻜﺎﺕ ﻓﻨﻔﺴﻬﺎ ﻛﺄﻧﻪ ﻏﻴﻌﻄﻲ ﺍﻋﺘﺒﺎﺭ ﻟﺮﺃﻳﻬﺎ " ﻻ ﺭﻓﻀﺖ ... ﺷﻨﻮ ﺍﻟﻌﻮﺍﻗﺐ !
ﺇﺑﺮﺍﻫﻴﻢ : " ﻋﻘﺪ ﺣﻮﺍﺟﺒﻮ ﻭ ﻗﺎﻝ ﺑﻨﺒﺮﺓ ﺣﺎﺩﺓ " ﻋﻼﺵ ﻏﺘﺮﻓﻀﻲ ... ﺑﺎﻏﺔ ﺗﺰﻳﺪﻱ ﺍﻟﺸﻮﻫﺔ ﻛﺜﺮ ﻣﻦ ﻫﺎﺩﻱ ﺍﻟﻲ ﺣﻨﺎ ﻓﻴﻬﺎ ... ﻣﻦ ﻧﻬﺎﺭ ﺭﺟﻌﺘﻲ ﻭ ﻛﻠﺸﻲ ﻛﻴﻬﻀﺮ ... ﻭ ﻣﻨﻴﻦ ﺗﺮﺩﻱ ﺍﻟﻨﺎﺱ ... ﻏﻴﺰﻳﺪﻭ ﻳﺤﻠﻮ ﻋﻠﻴﻨﺎ ﻓﻤﻬﻢ ... ﻫﺎﺩﺷﻲ ﺍﻟﻲ ﺑﺎﻏﺔ
ﺟﻮﻻﻥ : " ﻛﺘﻜﻠﻢ ﺑﺤﺮﻗﺔ " ﻣﻜﺘﻬﻤﻨﻴﺶ ﻫﻀﺮﺓ ﺍﻟﻨﺎﺱ ... ﺍﻟﻲ ﻛﻴﻬﻤﻨﻲ ﻫﻮ ﻫﻀﺮﺗﻚ ﻭ ﺭﺃﻳﻚ
ﺇﺑﺮﺍﻫﻴﻢ : ﻻ ﻛﻴﻬﻤﻚ ﺭﺃﻳﻲ ﻭﺍﻓﻘﻲ ... ﻣﻐﺎﺫﻳﺶ ﺗﻠﻘﺎﻱ ﺣﺴﻦ ﻣﻨﻮ
ﺟﻮﻻﻥ : ﻭﺍﺧﺔ ﻣﻜﻨﺒﻐﻴﻬﺶ !
ﻗﺮﺏ ﻋﻨﺪﻫﺎ ﺇﺑﺮﺍﻫﻴﻢ ﻭ ﺷﺪﻫﺎ ﻣﻦ ﺩﺭﺍﻋﻬﺎ ﻣﺰﻳﺮ ... ﻗﺎﻝ ﻣﺎﺑﻴﻦ ﺳﻨﺎﻧﻮ ...
ﺇﺑﺮﺍﻫﻴﻢ : ﻭ ﺩﺍﻙ ﺍﻟﻲ ﻛﺘﺒﻐﻲ ﺷﻨﻮ ﺩﺍﺭ ... ﻣﺎﺷﻲ ﺧﻼﻙ ﻣﻨﻴﻦ ﻗﺎﻟﻬﺎ ﻟﻴﻪ ﺭﺍﺳﻮ ... ﻭ ﺣﻴﻨﺖ ﻋﻨﺪﻭ ﻟﻔﻠﻮﺱ ﻣﻜﺎﻳﻨﺶ ﺍﻟﻲ ﻳﻘﻮﻝ ﻟﻴﻪ ﺷﻲ ﺣﺎﺟﺔ ... ﻫﻮ ﺗﻀﺮﺭ ... ﻭ ﺻﻼﺗﻮ ﺷﻲ ﺣﺎﺟﺔ ... ! ﻻﺍﺍﺍ ... ﻧﺘﻲ ﺍﻟﻲ ﺗﺸﻮﻫﺎﺕ ﺳﻤﻌﺘﻚ ﻭ ﻧﺰﻟﺘﻲ ﺑﻘﻴﻤﺘﻲ ﻟﺮﺽ
ﺟﻮﻻﻥ : ﻣﺎﻳﻤﻜﻨﺶ ﻧﺘﺰﻭﺝ ﻭﺍﺣﺪ ﻣﻜﻨﺒﻐﻴﻬﺶ
ﺇﺑﺮﺍﻫﻴﻢ : " ﺷﺪﻫﺎ ﺑﻘﻮﺓ ﻣﻦ ﻛﺘﺎﻓﻬﺎ ﻛﻴﻨﺨﺾ ﻓﻴﻬﺎ " ﺑﺎﺍﺍﺍﻏﺔ ﺩﺍﻙ ﺍﻟﻲ ﻻﺍﺍﺍﺣﻚ ﻭ ﻏﺘﺨﻠﻲ ﺩﺍﺍﺍﺍﻙ ﺍﻟﻲ ﺑﺎﻏﻴﻴﻴﻴﻚ ... " ﻋﻨﻴﻪ ﺭﺟﻌﻮ ﺣﻤﺮﻳﻦ " ﺗﺎﺍﺍﺍﺑﻌﻴﻦ ﻏﻴﺮ ﻭﻻﺩ ﻟﺤﺮﺍﺍﺍﺍﻡ ﻭ ﻣﻜﺘﺸﻔﻮﻭﻭﻭﺵ ﺍﻟﻲ ﺑﺎﻏﻴﻴﻴﻴﻜﻢ ... ﺑﺤﺎﺍﺍﺍﻟﻚ ﺑﺤﺎﺍﺍﺍﻟﻬﺎﺍﺍﺍ
ﺟﻮﻻﻥ : " ﻛﺘﺮﺟﻒ ﻣﻦ ﻣﻨﻈﺮ ﺑﺎﻫﺎ " ﻛﺘﻘﺼﺪ ﺭ ﺭﺑﺎﺏ
ﺇﺑﺮﺍﻫﻴﻢ : " ﻃﻠﻖ ﻣﻦ ﻛﺘﺎﻓﻬﺎ ﻭ ﻧﺰﻝ ﻋﻠﻴﻬﺎ ﺑﻄﺮﺷﺔ ﺑﻈﻬﺮ ﻳﺪﻭ " ﻣﺎﺗﻨﻄﻘﻴﻴﻴﺶ ﺳﻤﻴﺘﻬﺎﺍﺍ ... ﻭ ﻣﻐﺎﺍﺍﺍﺩﻳﺶ ﻧﺨﻠﻴﻴﻴﻴﻚ ﺗﻤﺮﻣﺪﻱ ﻭﺟﻬﻲ ﻓﺎﻟﺘﺮﺍﺍﺍﺏ ... ﻛﻴﻒ ﺩﺍﺭﺕ ﺑﻮﺍﻟﺪﻳﻬﺎﺍﺍﺍ ... ﻏﺘﺰﻭﺟﻲ ﺑﻬﺬﺍ ﻭ ﺳﺎﻟﻴﻨﺎﺍﺍﺍ
ﺧﺮﺝ ﻣﻦ ﺍﻟﻜﻮﺯﻳﻨﺔ ﻛﻴﺴﺐ ﻭ ﻳﻠﻌﻦ ... ﻟﻘﺎ ﺧﺪﻳﺠﺔ ﻭﺍﻗﻔﺔ ﻋﻨﺪ ﺍﻟﺪﺭﻭﺝ ﻛﺘﺴﻨﻂ ﻋﻠﻴﻬﻢ ... ﺷﺎﻑ ﻓﻴﻬﺎ ﻭ ﺗﻢ ﺧﺎﺭﺝ ... ﺧﺒﻂ ﻟﺒﺎﺏ ﺑﺎﻟﺠﻬﺪ ﺣﺘﻰ ﻗﻔﺰﺍﺕ ... ﻗﺮﺑﺎﺕ ﺣﺘﻰ ﻭﻗﻔﺎﺕ ﻋﻨﺪ ﺑﺎﺏ ﻟﻜﻮﺯﻳﻨﺔ ... ﺑﻘﺎﺕ ﻛﺘﺸﻮﻑ ﻓﺠﻮﻻﻥ ﺍﻟﻲ ﺣﺎﻃﺔ ﻳﺪﻫﺎ ﻋﻠﻰ ﺧﺪﻫﺎ ﻭ ﻣﺮﻓﻮﻋﺔ ...
ﺧﺪﻳﺠﺔ : ﻣﺎﺑﻘﺎﺕ ﺣﺸﻤﺔ ... ﺑﺎﺭﻛﺔ ﻋﻠﻰ ﺑﺎﻙ ﻣﻜﻨﺒﻐﻴﻬﺶ ﻣﻜﻨﺒﻐﻴﻬﺶ ... ﻭ ﺩﺍﻙ ﺍﻟﻲ ﺑﺎﻏﻴﺔ ﺭﺍﻩ ﺳﻤﺢ ﻓﻴﻚ ... ﻳﺎﻛﻤﺎ ﻧﺎﻭﻳﺔ ﺗﻠﺼﻘﻴﻪ ﺑﺰﺯ ... " ﺻﻐﺮﺍﺕ ﻋﻨﻴﻬﺎ " ﻭ ﻻ ﺗﻜﻮﻧﻲ ﺩﺭﺗﻲ ﺷﻲ ﻣﺼﻴﺒﺔ ﻭ ﺧﺎﻳﻔﺔ ﻣﻦ ﻟﻔﻀﻴﺤﺔ ... ﻻ ﻛﺎﻥ ﻫﺎﺩﺷﻲ ﺍﻟﻲ ﻓﺒﺎﻟﻲ ﺻﺤﻴﺢ ... ﺇﻣﺎ ﻳﻘﺘﻠﻚ ﺑﺎﻙ ﻭ ﻻ ﻳﻘﺘﻠﻚ ﻭﻟﺪ ﻓﻮﺯﻳﺔ
ﺟﻮﻻﻥ ﻇﻼﺕ ﻓﺒﻴﺘﻬﺎ ﻣﺒﺎﻗﻴﺶ ﺧﺮﺟﺎﺕ ... ﻏﻴﺮ ﻭﺻﻞ ﺍﻟﻠﻴﻞ ﻭ ﻫﻲ ﺗﺨﺮﺝ ﻣﻦ ﺍﻟﺒﻴﺖ ﻭ ﻃﻠﻌﺎﺕ ﻟﻠﺴﻄﺎﺡ ... ﺑﻘﺎﺕ ﻭﺍﻗﻔﺔ ﻛﺘﺸﻮﻑ ﻓﺪﺍﻙ ﺍﻟﺤﻴﻂ ﺍﻟﻘﺼﻴﺮ ﺷﺤﺎﻝ ... ﺗﺤﺮﻛﺎﺕ ﻫﺰﺍﺕ ﺻﻨﺪﻭﻕ ﻭ ﺣﻄﺎﺗﻮ ﺟﻨﺒﻮ ... ﻃﻠﻌﺎﺕ ﻋﻠﻴﻪ ﻭ ﺣﻨﻘﺰﺍﺕ ﺍﻟﺤﻴﻂ ﻟﻠﺠﻬﺔ ﻻﺧﺮﻯ ... ﻛﺎﻥ ﺑﺎﺏ ﺍﻟﺴﻄﺎﺡ ﻣﺤﻠﻮﻝ ...
ﺑﺪﻭﻥ ﺗﺮﺩﺩ ﻫﺒﻄﺎﺕ ﻓﺎﻟﺪﺭﻭﺝ ﻓﺎﻟﻈﻼﻡ ... ﻛﺎﻧﻮ ﺟﻮﺝ ﺑﻴﺒﺎﻥ ﻓﺪﻳﻚ ﺍﻟﻄﺒﻘﺔ ... ﻟﻤﺤﺎﺕ ﺍﻟﻀﻮ ﺗﺤﺖ ﻟﺒﺎﺏ ﺍﻟﻲ ﻋﻠﻰ ﻳﺴﺎﺭﻫﺎ ... ﺣﻄﺎﺕ ﻳﺪﻫﺎ ﻋﻠﻰ ﻟﭙﻮﺍﻧﻲ ﻭ ﺣﻼﺗﻮ ... ﻳﺎﻣﻦ ﻛﺎﻥ ﻋﺎﺩ ﺩﺧﻞ ... ﻳﺎﻻﻩ ﻫﺰ ﺍﻟﺘﻴﺸﻮﺭﺕ ﻛﻴﺤﻴﺪ ﻓﻴﻪ ﻭ ﻫﻮ ﻳﺴﻤﻊ ﻟﺒﺎﺏ ﺗﺤﻞ ...
ﻳﺴﺤﺎﺏ ﻟﻴﻪ ﻏﻴﺮ ﻣﻮ ... ﻛﻴﻒ ﺳﻠﺘﻮ ﺷﺎﻑ ﻓﻠﺒﺎﺏ ﻭ ﻫﻮ ﻳﺘﺼﺪﻡ ... ﺑﻘﻰ ﻛﻴﺸﻮﻑ ﻓﻴﻬﺎ ﻳﺴﺤﺎﺏ ﻟﻴﻪ ﻏﻴﺮ ﻛﻴﺘﺨﻴﻠﻬﺎ ... ﺣﺘﻰ ﺑﺎﻧﺖ ﻟﻴﻪ ﻫﺒﻄﺎﺕ ﻋﻨﻴﻬﺎ ﻷﺭﺽ ﻭ ﻧﻄﻘﺎﺕ ...
ﺟﻮﻻﻥ : ﻣﻤﻜﻦ ﺗﻠﺒﺲ ﺷﻲ ﺣﺎﺟﺔ ... ﺑﻐﻴﺖ ﻧﻬﻀﺮ ﻣﻌﺎﻙ
ﻳﺎﻣﻦ : ﺟﻮﻻﻥ ... ﺷﻨﻮ ﻛﺪﻳﺮﻱ ﻫﻨﺎ ؟ !!
ﺟﻮﻻﻥ : ﺟﻴﺖ ﻧﻬﻀﺮ ﻣﻌﺎﻙ
ﻳﺎﻣﻦ : ﻭ ﻟﻮﺍﻟﻴﺪﺓ ﺧﻼﺗﻚ ﻃﻠﻌﻲ ﻟﻌﻨﺪﻱ ... ﻟﺒﻴﺘﻲ !
ﺟﻮﻻﻥ : ﺧﺎﻟﺘﻲ ﻓﻮﺯﻳﺔ ﻣﺸﺎﻓﺘﻨﻴﺶ ... ﺣﻨﻘﺰﺕ ﻣﻦ ﺍﻟﺴﻄﺎﺡ
ﻳﺎﻣﻦ : " ﺧﺮﺝ ﻋﻨﻴﻪ " ﺣﻨﻘﺰﺗﻲ ﻣﻦ ﺍﻟﺴﻄﺎﺡ ... ! ﻭ ﻛﻦ ﻃﺤﺘﻲ
ﺟﻮﻻﻥ : " ﺩﺧﻼﺕ ﻭ ﺳﺪﺍﺕ ﻟﺒﺎﺏ ﻭ ﻋﻨﻴﻬﺎ ﻓﻠﺮﺽ " ﺑﻐﻴﺖ ﺟﻮﺝ ﺩﻗﺎﻳﻖ ﻓﻘﻂ ... ﻣﻤﻜﻦ ﺗﻠﺒﺲ ﻋﻠﻴﻚ
ﻳﺎﻣﻦ : " ﺭﺟﻊ ﻟﺒﺲ ﺍﻟﺘﻴﺸﻮﺭﺕ ﻭ ﻗﺮﺏ ﻋﻨﺪﻫﺎ " ﻋﻼﺵ ﺟﺎﻳﺔ ﻣﻦ ﺍﻟﺴﻄﺎﺡ ... ﻣﺎﻟﻚ ﻣﺎﺩﺧﻠﻲ ﻣﻦ ﻟﺒﺎﺏ
ﺟﻮﻻﻥ : ﻣﺎﺑﻐﻴﺘﺶ ﺧﺎﻟﺘﻲ ﺗﺸﻮﻓﻨﻲ ﻭ ﻻ ﺗﻌﺮﻑ ﺑﻠﻲ ﺟﻴﺖ ... " ﻫﺰﺍﺕ ﻋﻨﻴﻬﺎ ﺷﺎﻓﺖ ﻓﻴﻪ " ﻋﻼﺵ ﺑﺎﻏﻲ ﺗﺰﻭﺝ ﺑﻴﺎ ؟
ﻳﺎﻣﻦ : " ﻓﺎﺟﺂﺗﻮ ﺑﺴﺆﺍﻟﻬﺎ " ﻓﻨﻈﺮﻙ ﻋﻼﺵ
ﺟﻮﻻﻥ : ﻣﺎﻧﻌﺮﻑ ... ﻧﺘﺎ ﻋﺎﺭﻑ ﻛﻨﺖ ﻣﺨﻄﻮﺑﺔ ﻭ
ﻳﺎﻣﻦ : " ﻗﺎﻃﻌﻬﺎ " ﻭ ﻣﻦ ﺑﻌﺪ ... ﻣﺎﺗﻔﺎﻫﻤﺘﻮﺵ ﻭ ﺗﻔﺎﺭﻗﺘﻮ ... ﻭﺍﺣﺪ ﺑﺤﺎﻟﻮ ﻣﺎﻳﺴﺘﺎﻫﻠﻜﺶ ... ﻭﺍﺣﺪ ﻗﺖ
ﺟﻮﻻﻥ : " ﻗﺎﻃﻌﺎﺗﻮ " ﻣﺎﺟﻴﺘﺶ ﺑﺎﺵ ﻧﻬﻀﺮﻭ ﻋﻠﻴﻪ ... ﺃﻧﺎ ﻣﻴﻤﻜﻨﺶ ﻧﺮﺗﺎﺑﻂ ﺑﻴﻚ ... ﻭ ﻻ ﺑﺸﻲ ﻭﺍﺣﺪ ﺁﺧﺮ
ﻳﺎﻣﻦ : ﻋﻼﺵ ... ﻓﺸﻞ ﻋﻼﻗﺔ ﺳﺎﺑﻘﺔ ﻣﺎﺷﻲ ﺳﺒﺐ ﻳﺨﻠﻴﻚ ﺗﺮﻓﻀﻲ ﺗﻜﻤﻠﻲ ﺣﻴﺎﺗﻚ ... ﻭ ﺗﻤﻨﻌﻲ ﺭﺍﺳﻚ ﻭ ﺍﻟﺸﺨﺺ ﺍﻟﻲ ﺑﺎﻏﻴﻚ ﻓﺮﺻﺔ
ﺟﻮﻻﻥ : " ﺷﺎﻓﺖ ﻓﻴﻪ ﺑﻌﻨﻴﻬﺎ ﺍﻟﻲ ﻃﺎﻏﻲ ﻋﻠﻴﻬﻢ ﺍﻟﺤﺰﻥ " ﻳﺎﻣﻦ ﻧﺘﺎ ﺷﺨﺺ ﻣﺎﻓﻴﻚ ﻣﺎﻳﺘﻌﻴﺐ ﻭ ﺗﺴﺘﺎﻫﻞ ﺑﻨﺖ ﺍﻟﻲ ﺗﻘﺪﺭﻙ ... ﻣﺎﺷﻲ ﻭﺣﺪﺓ ﻣﺪﻣﺮﺓ ﻭ ﺗﺎﺑﻌﻬﺎ ﺍﻟﻨﺤﺲ ﻭ ﺍﻟﻤﻮﺕ ﻓﻴﻨﻤﺎ ﻣﺸﺎﺕ
ﻳﺎﻣﻦ : " ﻗﺮﺏ ﺧﻄﻮﺗﻴﻦ ﻭ ﺷﺪ ﻓﻤﺮﻓﻘﻬﺎ " ﻭ ﺃﻧﺎ ﻃﻠﺒﺖ ﻳﺪ ﺍﻟﺒﻨﺖ ﺍﻟﻲ ﺑﺎﻏﻲ ﻗﻠﺒﻲ
ﺟﻮﻻﻥ : " ﺑﻌﺪﺍﺕ ﻋﻠﻴﻪ " ﻟﻜﻦ ﺃﻧﺎ
ﻳﺎﻣﻦ : " ﻗﺎﻃﻌﻬﺎ " ﻗﻠﺒﻲ ﺍﺧﺘﺎﺭﻙ ﻣﻦ ﺷﺤﺎﻝ ﻫﺬﺍ ... ﻓﺎﺵ ﻛﻨﺘﻲ ﺑﻨﺖ 16 ﻟﻌﺎﻡ ... ﻟﻜﻦ ﻛﺎﻥ ﻋﻠﻴﺎ ﻧﻤﺸﻲ ﻧﺒﻨﻲ ﻣﺴﺘﻘﺒﻠﻲ ... ﻭ ﻣﻨﻴﻦ ﻟﻘﻴﺖ ﺭﺍﺳﻲ ﻣﻘﺎﺩﺭﺵ ﻧﺴﺎﻙ ... ﻗﺮﺭﺕ ﻛﻴﻒ ﻧﺮﺟﻊ ﻧﺴﺘﺎﻗﺮ ﻓﺎﻟﻤﻐﺮﺏ ﻭ ﻧﻄﻠﺒﻚ ﻣﻦ ﻭﺍﻟﺪﻳﻚ ... ﺣﺘﻰ ﻛﻨﺘﺼﺪﻡ ﺑﻠﻲ ﻣﺨﻄﻮﺑﺔ ﻟﻮﺍﺣﺪ ﺁﺧﺮ ... ﻟﻮ ﺗﻌﺮﻓﻲ ﺑﺸﻨﻮ ﺣﺴﻴﺖ ﻭﻗﺘﻬﺎ ... ﻭ ﺣﺘﻰ ﻓﻘﺪﺕ ﺍﻷﻣﻞ ... ﻟﻜﻦ ﺩﺍﺑﺔ ﺭﺟﻌﺘﻲ ﻭ ﻣﺴﺘﺤﻴﻞ ﻧﺘﺮﺍﺟﻊ ﻭ ﻧﺨﻠﻴﻚ ﺗﻔﻠﺘﻲ ﻣﻦ ﺑﻴﻦ ﻳﺪﻳﺎ ﻣﺮﺓ ﺃﺧﺮﻯ ... ﻣﺴﺘﺤﻴﻴﻴﻞ
ﺟﻮﻻﻥ : " ﻫﺒﻄﺎﺕ ﺭﺍﺳﻬﺎ " ﻫﺎﺩ ﺍﻟﺤﺐ ﺃﻧﺎ ﻣﻨﺴﺘﺎﻫﻠﻮﺵ ... ﻏﺎﺩﻱ ﻏﻴﺮ ﺗﺠﺮﺡ ... ﻧﺴﺎﻧﻲ ﻭ ﺷﻮﻑ ﺷﻲ ﺑﻨﺖ ﺃﺧﺮﻯ ﺗﻘﺪﺭ ﺗﺴﻌﺪﻙ
ﺑﻌﺪﺍﺕ ﻋﻠﻴﻪ ﻭ ﺿﺎﺭﺕ ﺧﺎﺭﺟﺔ ... ﻭ ﻫﻲ ﺗﺤﺲ ﺑﻴﺪﻭ ﺷﺪﺍﺗﻬﺎ ﻣﻦ ﻣﻌﺼﻤﻬﺎ ﻭ ﺟﺮﺍﺗﻬﺎ ﺣﺘﻰ ﺿﺎﺭﺕ ﻋﻨﺪﻭ ...
ﻳﺎﻣﻦ : " ﺑﻐﻀﺐ " ﺷﻨﻮﻭﻭ ﺯﻋﻤﺎﺍﺍ ... ﻏﺘﺒﻘﺎﺍﺍﻱ ﺗﺴﻨﺎﻳﻪ ﻃﻮﻝ ﺣﻴﺎﺍﺍﺗﻚ ... ﮔﺎﺍﺍﻉ ﺩﺍﻛﺸﻲ ﺍﻟﻲ ﺩﺍﺭ ﻭ ﺑﺎﻗﺔ " ﺯﻳﺮ ﻋﻠﻰ ﻓﻜﻮ " ﻛﺘﺒﻐﻴﻴﻪ !
ﺟﻮﻻﻥ : ﻣﻨﻴﻦ ﻣﺎﺑﻘﻴﺖ ﻛﻨﻌﻨﻲ ﻟﻴﻪ ﻭﺍﻟﻮ ... ﻭ ﺳﺎﻓﺮ ﻣﻜﻤﻞ ﺣﻴﺎﺗﻮ ﻋﺎﺩﻱ ... ﺣﺘﻰ ﺃﻧﺎ ﻏﻨﻜﻤﻞ ﺣﻴﺎﺗﻲ ﺑﻼ ﺑﻴﻪ ... ﻏﻴﺮ ﻧﺘﺎ ﻧﺴﺎﻧﻲ ... ﻣﺎﺑﻐﺎﻛﺶ ﺗﻌﻠﻘﻚ ﺃﻣﻠﻚ ﻋﻠﻰ ﻭﺣﺪﺓ ﻣﺎﺑﻘﻰ ﻋﻨﺪﻫﺎ ﻣﺎﺗﻌﻄﻲ ... ﻻ ﻣﺸﺎﻋﺮ ﻭ ﻻ ﺣﺘﻰ ﺗﻜﻮﻥ ﺯﻭﺟﺔ ﺻﺎﻟﺤﺔ
ﺑﻘﻰ ﻳﺎﻣﻦ ﻛﻴﺸﻮﻑ ﻓﻴﻬﺎ ﺑﺎﺳﺘﻐﺮﺍﺏ ... ﻛﻴﻔﺎﺵ ﺳﺎﻓﺮ ﻭ ﻏﻴﻜﻤﻞ ﺣﻴﺎﺗﻮ ... ﻭﺍﺵ ﻣﺎﻋﺮﻓﺎﺵ ﺷﻨﻮ ﻭﻗﻊ ... ﺃﻛﻴﺪ ﻣﺎﻓﺮﺍﺳﻬﺎﺵ ... ﺑﺎﻧﺖ ﻟﻴﻪ ﻏﺘﺤﻞ ﻟﺒﺎﺏ ﻭ ﻫﻮ ﻳﻨﻄﻖ ...
ﻳﺎﻣﻦ : " ﺑﺈﺻﺮﺍﺭ " ﻣﻐﺎﺩﻳﺶ ﻧﺴﺎﻙ ﻭ ﻻ ﻧﺘﺮﺍﺟﻊ ... ﻻ ﻛﺎﻥ ﺍﺣﺴﺎﺳﻚ ﺍﺗﺠﺎﻫﻮ ﻫﻮ ﺍﻟﻤﺸﻜﻴﻞ ... ﻏﻨﺨﻠﻴﻚ ﺗﻨﺴﺎﻳﻪ ... ﻛﻨﻮﺍﻋﺪﻙ ... ﻏﺎﺩﻱ ﻧﺒﻘﻰ ﺑﺠﻨﺒﻚ ﻭ ﺣﺘﻰ ﻭﺍﺣﺪ ﻣﺎﻳﻘﺪﺭ ﻳﻤﺴﻚ ﺑﺸﻲ ﺣﺎﺟﺔ
ﺟﻮﻻﻥ : " ﺑﺪﻭﻥ ﻣﺎﺿﻮﺭ " ﺗﺮﺍﺟﻊ ﻋﻠﻰ ﻗﺮﺍﺭﻙ ﻋﻔﺎﻙ
ﺟﻮﻻﻥ : " ﺣﻮﻻﺕ ﻋﻨﻴﻬﺎ ﺟﻬﺔ ﺧﺪﻳﺠﺔ " ﻭﻟﺪ ﻓﻮﺯﻳﺔ ... !!
ﺧﺪﻳﺠﺔ : ﺁﺍﺍﻩ ... ﺍﻟﻲ ﺑﺎﻏﻴﻚ ﻭ ﺟﺎ ﻃﻠﺒﻚ ﻫﻮ ﻳﺎﻣﻦ ﻭﻟﺪ ﻓﻮﺯﻳﺔ ... ﻫﻮ ﻣﺮﺿﻲ ﻭ ﻣﺮﺑﻲ ... ﻭ ﻟﻜﻦ ﻛﻴﺒﻘﻰ ﺧﺪﺍﻡ ﻣﻊ ﺍﻟﺒﻮﻟﻴﺲ ... ﻻ ﻛﻨﺘﻲ ﻣﺰﺑﻼﻫﺎ ﺩﺍﻛﺸﻲ ﺑﺎﺵ ﺭﺍﻓﻀﺔ ﺗﺰﻭﺟﻲ ... ﻏﻴﺮ ﻗﻠﺒﻲ ﻟﻴﻚ ﻋﻠﻰ ﺣﻞ ... ﺣﻴﻨﺖ ﺑﺎﻙ ﻣﻐﺎﺩﻳﺶ ﻳﺘﺮﺍﺟﻊ ﻭ ﻫﻮ ﻋﻄﺎ ﻛﻠﻤﺘﻮ
ﺟﻮﻻﻥ : ﻳﺎﻣﻦ ﻫﻮ ﺍﻟﻲ ﻫﻀﺮ ﻣﻊ ﺑﺎﺑﺎ !
ﺧﺪﻳﺠﺔ : ﺷﻜﻮﻥ ﺑﺤﺎﻟﻚ ... ﺑﻨﺎﺕ ﺍﻟﺪﺭﺏ ﻛﻴﺤﻠﻤﻮ ﻳﺘﺰﻭﺟﻮ ﺑﻴﻪ ... ﻻ ﺭﻓﻀﺘﻴﻪ ﻳﺎ ﺇﻣﺎ ﺳﺎﻳﻂ ﻓﻴﻚ ﻟﺒﺮﺩ ﻓﻤﺨﻚ ﻭ ﻻ " ﻇﻐﻄﺎﺕ ﻋﻠﻴﻬﺎ " ﻣﺰﺑﻼﻫﺎﺍﺍ
ﺟﻮﻻﻥ : " ﺷﺎﻑ ﻓﻴﻬﺎ ﺑﺤﺪﺓ " ﺷﺤﺎﻝ ﻣﻦ ﻣﺮﺓ ﺧﺎﺻﻚ ﺗﻌﺎﻭﺩﻳﻬﺎ ... ﻭ ﻣﺎﻋﺮﻓﺘﺶ ﺷﻨﻮ ﺩﺧﻠﻚ ﻧﺘﻲ ﻓﺎﻟﻤﻮﺿﻮﻉ ﻛﻮﻟﻮ
ﺧﺪﻳﺠﺔ : " ﻛﺘﻌﻮﺝ ﻓﻤﻬﺎ " ﺩﺧﻠﻲ ﻫﻮ ﺃﻧﻲ ﻣﺮﺍﺕ ﺑﺎﻙ ... ﻭ ﺃﻧﺎ ﻣﻮﻻﺕ ﺍﻟﺪﺍﺭ
ﺟﻮﻻﻥ : " ﺭﺳﻤﺎﺕ ﺍﺑﺘﺴﺎﻣﺔ ﻣﺴﺘﻔﺰﺓ " ﻋﻤﺮﻙ ﻏﺘﻜﻮﻧﻲ ﻣﻮﻻﺕ ﺍﻟﺪﺍﺭ ... ﻏﺎ ﺣﻴﻨﺖ ﺗﺰﻭﺟﺘﻲ ﺑﺒّﺎ ... ﺣﻴﻨﺖ ﺍﻟﻲ ﻛﺘﺤﻤﻞ ﻫﺎﺩ ﺍﻹﺳﻢ ﺩﻣﺮﺍﺕ ﻭ ﺻﺒﺮﺍﺕ ... ﻭ ﻋﺎﺷﺖ ﺑﺎﻟﻘﻠﻴﻞ ﺣﺘﻰ ﻃﻠﻌﺎﺕ ﻫﺎﺩ ﺍﻟﺪﺍﺭ ﻃﻮﺑﺔ ﺑﻄﻮﺑﺔ ... ﻭ ﻓﻨﻈﺮﻱ ﻭ ﻓﻨﻈﺮ ﺍﻟﻜﻞ ﻫﻲ ﻣﻮﻻﺕ ﺍﻟﺪﺍﺭ
ﺿﺮﺑﺎﺕ ﻓﻴﻬﺎ ﺟﻮﻻﺕ ﻭ ﻃﻠﻌﺎﺕ ﻟﺒﻴﺘﻬﺎ ... ﺑﻘﺎﺕ ﺧﺪﻳﺠﺔ ﻭﺍﻗﻔﺔ ﻛﺘﻘﻠﻰ ﻓﺴﻤﻬﺎ ...
ﺧﺪﻳﺠﺔ : ﻭ ﻫﺎﺣﻨﺎ ﻏﻨﺸﻮﻓﻮ