ﺟﺒﺪ ﺳﻨﻤﺎﺭ ﺍﻟﻔﻮﻥ ﺍﺗﺎﺻﻞ ﺑﺮﺋﺒﺎﻝ ... ﻭ ﻫﻮ ﻛﻴﻬﻀﺮ ﻣﻌﺎﻩ ﺟﻮﻻﻥ ﻛﺎﻧﺖ ﻣﺮﺍﻗﺒﺎﻩ ... ﻏﻴﺮ ﻗﻄﻊ ﻗﺎﻝ ﻟﻴﻬﻢ ﻣﻐﺎﺩﻳﺶ ﻳﺠﻲ ﻣﺸﻐﻮﻝ ... ﻭ ﻫﻤﺎ ﻳﺒﺎﻧﻮ ﻋﻠﻰ ﻣﻼﻣﺤﻬﺎ ﺗﻌﺎﺑﻴﺮ ﺍﻟﺤﺰﻥ ... ﺑﻘﺎﺕ ﭼﺎﻟﺴﺔ ﻭﺳﻄﻬﻢ ﻭ ﺍﻟﻜﻞ ﻣﺠﻤﻌﻴﻦ ﻭ ﻛﻴﻀﺤﻜﻮ ﻭ ﻫﻲ ﻣﺮﻓﻮﻋﺔ ﻋﻘﻠﻬﺎ ﻣﺎﻣﻌﺎﻫﻤﺶ ... ﺣﻄﺎﺕ ﻟﻴﻬﻢ ﻧﻮﺍﻝ ﺍﻵﻛﻞ ﻧﻴﺖ ﻓﺎﻟﺨﺎﺭﺝ ...
ﺗﻐﺪﺍﻭ ﻭ ﻫﻲ ﺗﻨﻮﺽ ﺟﻮﻻﻥ ﻃﻠﻌﺎﺕ ﻟﻔﻮﻕ ... ﻣﺸﺎﺕ ﻟﻠﺪﺭﻳﺴﻴﻨﻎ ﺟﺒﺪﺍﺕ ﻣﺎﺗﻠﺒﺲ ... ﺟﻴﻨﺰ ﻭ ﻃﻮﭖ ﺩﻧﻴﻢ ﻃﺎﻳﺤﻴﻦ ﻟﻴﻪ ﻟﻜﺘﺎﻑ ... ﺟﻠﺴﺎﺕ ﻗﺪﺍﻡ ﻟﻤﺮﺍﻳﺎ ... ﻭ ﻫﻲ ﺗﺬﻛﺮ ﺩﻳﻚ ﺍﻟﻲ ﺷﺎﻓﺖ ﻣﻌﺎﻩ ... ﺍﻛﻴﺪ ﺍﻟﻲ ﺟﺎﺕ ﻣﻌﺎﻩ ﻟﻠﺪﺍﺭ ﻫﻲ ﻧﻔﺴﻬﺎ ﺍﻟﻲ ﺷﺎﻓﺘﻬﺎ ﻓﺎﻟﻤﻜﺘﺐ ... ﻭﺍﺧﺔ ﻣﺰﺍﻝ ﻣﺸﺎﻓﺘﺶ ﻭﺟﻬﺎ ﻋﻦ ﻗﺮﺏ ...
ﻭ ﻻ ﻋﺮﻓﺎﺗﻬﺎ ﺷﻜﻮﻥ ﺗﻜﻮﻥ ﺑﺎﻟﻈﺒﻂ ﻛﺮﻫﺎﺗﻬﺎ ... ﺗﺬﻛﺮﺍﺕ ﻟﺒﺴﻬﺎ ﻭ ﻛﻴﻒ ﻛﺎﻧﺖ ﻛﺘﻤﺸﻰ ﺑﻜﻞ ﺃﻧﻮﺛﺔ ﻭ ﻫﻲ ﻏﺎﺩﺓ ﻣﻌﺎﻩ ... ﺑﺪﺍﺕ ﺟﻮﻻﻥ ﻛﺘﻘﺎﺩ ﺷﻌﺮﻫﺎ ﺩﺍﺭﺗﻮ ﻣﻤﻮﺝ ﻭ ﺩﺍﺭﺕ ﻣﺎﻳﻜﺎﭖ ﺧﻔﻴﻒ ﻟﻮﺟﻬﺎ ... ﻫﺰﺍﺕ ﺻﺎﻙ ﺑﺼﻤﻄﺔ ﻃﻮﻳﻠﺔ ﻭ ﻫﺒﻄﺎﺕ ... ﻛﺎﻧﻮ ﻟﺒﻨﺎﺕ ﻓﺎﻟﺼﺎﻟﺔ ﻭﻗﻔﺎﺕ ﻋﻠﻴﻬﻢ ...
ﺯﻳﻨﺐ : ﻓﻴﻦ ﻏﺎﺩﻳﺔ ؟
ﺟﻮﻻﻥ : ﻟﻠﺸﺮﻛﺔ ﻣﻐﺎﺩﻳﺶ ﻧﺘﻌﻄﻞ
ﺯﻳﻨﺐ : ﺗﺒﻐﻲ ﻧﻤﺸﻲ ﻣﻌﺎﻙ
ﺟﻮﻻﻥ : ﻻ ﻏﻨﻤﺸﻲ ﺑﻮﺣﺪﻱ
ﺯﻳﻨﺐ : ﺃﻭﻛﻲ ... ﻣﺎﺗﻌﻄﻠﻴﺶ ﺑﺎﺵ ﻧﺨﺮﺟﻮ ﻓﻠﻌﺸﻴﺔ
ﺟﻮﻻﻥ : ﺳﻤﻴﺔ ﺳﻤﺤﻴﻠﻴﺎ ﻏﻨﺨﻠﻴﻚ
ﺳﻤﻴﺔ : ﻻ ﻫﺎﻧﻴﺔ ﺍﺧﺘﻲ ﺟﻮﻻﻥ
ﺣﺮﻛﺎﺕ ﻟﻴﻬﺎ ﺟﻮﻻﻥ ﺭﺍﺳﻬﺎ ﻭ ﺗﻤﺎﺕ ﺧﺎﺭﺟﺔ ... ﺗﺠﺎﻫﻼﺕ ﺍﻟﺴﺎﺋﻖ ﺍﻟﻲ ﻛﻴﻌﻴﻂ ﻋﻠﻴﻬﺎ ﻭ ﺧﺮﺟﺎﺕ ﻣﻦ ﺍﻟﭭﻴﻼ ﺷﺪﺍﺕ ﻃﺎﻛﺴﻲ ... ﺣﻄﻬﺎ ﻗﺪﺍﻡ ﺍﻟﺸﺮﻛﺔ ﺧﻠﺼﺎﺗﻮ ﻭ ﺩﺧﻼﺕ ... ﻃﻠﻌﺎﺕ ﻟﻠﻄﺎﺑﻖ ﺍﻷﺧﻴﺮ ﻭ ﻫﻲ ﻏﺎﺩﺓ ﻟﻤﻜﺘﺐ ﺑﻬﺎﺀ ﺭﻣﺎﺕ ﻋﻨﻴﻬﺎ ﻟﻠﺤﻈﺔ ﺟﻬﺔ ﻣﻜﺘﺐ ﺭﺋﺒﺎﻝ ... ﺭﺟﻌﺎﺕ ﺷﺎﻓﺖ ﻗﺪﺍﻣﻬﺎ ﺩﻗﺎﺕ ﻭ ﺩﺧﻼﺕ ...
ﺟﻮﻻﻥ : ﻣﻤﻜﻦ ﺩﻗﻴﻘﺔ ﻣﻦ ﻭﻗﺘﻚ
ﺑﻬﺎﺀ : " ﻧﻌﺖ ﻟﻴﻬﺎ ﻓﺎﻟﻜﺮﺳﻲ " ﺗﻔﻀﻠﻲ
ﺟﻮﻻﻥ : " ﺟﻠﺴﺎﺕ ﻭ ﺩﺧﻼﺕ ﻣﺒﺎﺷﺮﺓ ﻓﺎﻟﻤﻮﺿﻮﻉ " ﺑﻐﻴﺖ ﻧﺮﺟﻊ ﻧﺨﺪﻡ ﻓﺎﻟﺸﺮﻛﺔ
ﺑﻬﺎﺀ : " ﺑﺎﺳﺘﻐﺮﺍﺏ " ﺑﺎﻏﺔ ﺗﺮﺟﻌﻲ .. ! ﻭ ﻋﻼﺵ ﺟﺎﻳﺔ ﻟﻌﻨﺪﻱ ... ﻗﻮﻟﻴﻬﺎ ﻟﻠﻤﺪﻳﺮ
ﺟﻮﻻﻥ : ﻫﻮ ﻣﺸﻐﻮﻝ ﻭ ﻗﻠﺖ ﻧﻘﻮﻟﻬﺎ ﻟﻴﻚ ﻧﺘﺎ ... ﻳﺎﻙ ﻣﻜﻠﻒ ﺑﺒﺤﺎﻝ ﻫﺎﺩ ﺍﻟﻤﻬﺎﻡ
ﺑﻬﺎﺀ : ﻭﻱ ... ﻟﻜﻦ ﺧﺎﺹ ﻧﻌﻠﻤﻮ ... ﻫﻮ ﺻﺎﺣﺐ ﺍﻟﻘﺮﺍﺭ
ﺟﻮﻻﻥ : " ﻭﻗﻔﺎﺕ " ﺍﻭﻛﻲ ﻋﻠﻤﻮ ﻭ ﺭﺩ ﻋﻠﻴﺎ ﻟﺨﺒﺎﺭ
ﻭﻗﻔﺎﺕ ﺩﺍﺭﺕ ﺻﺎﻛﻬﺎ ﻋﻠﻰ ﻛﺘﻔﻬﺎ ﻭ ﺗﻤﺎﺕ ﺧﺎﺭﺟﺔ ... ﻛﻴﻒ ﺣﻼﺕ ﻟﺒﺎﺏ ﻟﻘﺎﺗﻮ ﻭﺍﻗﻒ ﻗﺪﺍﻣﻬﺎ ... ﺷﺎﻓﺖ ﻓﻴﻪ ﻭ ﺣﻴﺪﺍﺕ ﻋﻨﻴﻬﺎ ﺩﻏﻴﺎ ... ﻓﺎﺗﻮ ﻭ ﺗﻤﺎﺕ ﻏﺎﺩﺓ ﺟﻬﺔ ﺍﻟﻤﺼﻌﺪ ... ﺗﺤﻞ ﻟﺒﺎﺏ ﺑﻐﺎﺕ ﺗﺪﺧﻞ ﻭ ﻫﻲ ﺗﺤﺲ ﺑﻴﺪ ﺷﺪﺍﺕ ﻣﻦ ﻣﻌﺼﻤﻬﺎ ﻭ ﺟﺮﺍﺗﻬﺎ ...
ﻫﺰﺍﺕ ﻋﻨﻴﻬﺎ ﻛﺘﺸﻮﻑ ﻓﻈﻬﺮﻭ ﻭﻛﺘﺤﺎﻭﻝ ﺗﺴﻴﻄﺮ ﻋﻠﻰ ﻧﻔﺴﻬﺎ ﻭ ﺗﺤﺎﻓﻆ ﻋﻠﻰ ﻫﺪﻭﺀﻫﺎ ... ﺭﺋﺒﺎﻝ ﺣﻞ ﺑﺎﺏ ﺍﻟﻤﻜﺘﺐ ﺩﺧﻠﻬﺎ ﻭ ﺳﺪﻭ ... ﺧﺒﻄﻬﺎ ﻣﻌﺎﻩ ﻭ ﻗﺮﺏ ﻋﻨﺪﻫﺎ ﺣﺘﻰ ﺣﺴﺎﺕ ﺑﺄﻧﻔﺎﺳﻮ ﺍﻟﺤﺎﺭﺓ ﻛﻀﺮﺏ ﻓﻮﺟﻬﺎ ...
ﻣﻜﺎﻟﻴﻬﺎ ﻣﻊ ﻟﺒﺎﺏ ﻛﺘﻔﺮﻕ ﺑﻴﻨﺎﺗﻬﻢ ﺳﻨﺘﻴﻤﺎﺕ ﻓﻘﻂ ... ﻋﻨﻴﻪ ﻓﻌﻨﻴﻬﺎ ﻭ ﺣﺠﺒﺎﻧﻮ ﻣﻘﻄﻮﺑﻴﻦ ... ﻧﻈﺮﺗﻮ ﺍﻟﻘﺎﺳﻴﺔ ﻛﺘﺤﻤﻞ ﻣﻌﺎﻧﻲ ﻛﺜﻴﺮﺓ ﻋﺠﺰﺍﺕ ﺍﻧﻬﺎ ﺗﻔﺴﺮﻫﺎ ... ﺑﻴﻨﻤﺎ ﻫﻲ ﻧﻈﺮﺗﻬﺎ ﺣﺎﻣﻠﺔ ﺣﺰﻥ ﻭ ﻋﺘﺎﺏ ... ﺑﺎﻏﺔ ﺗﻜﻠﻢ ﻭ ﺗﻘﻮﻝ ﺷﺤﺎﻝ ﻣﻦ ﺣﺎﺟﺔ ...
ﻟﻜﻦ ﻛﻞ ﺍﻟﻜﻼﻡ ﺍﻟﻲ ﻛﺎﻧﺖ ﺗﻮﺟﺪ ﺑﺎﺵ ﺗﻘﻮﻟﻮ ﻓﻮﺭ ﻣﺎ ﺗﺸﻮﻓﻮ ﺗﻤﺤﻰ ﻓﻬﺎﺩ ﺍﻟﻠﺤﻈﺔ ... ﻭ ﻟﺴﺎﻧﻬﺎ ﻣﺎﻣﻄﺎﻭﻋﻬﺎﺵ ﺑﺎﺵ ﻳﺨﺮﺝ ﺍﻟﺤﺮﻭﻑ ﻭ ﺗﺨﻮﻱ ﻗﻠﺒﻬﺎ ﻣﻦ ﮔﺎﻉ ﺍﻟﻲ ﻣﺜﻘﻞ ﻋﻠﻴﻬﺎ ... ﻭ ﻫﻲ ﺗﺎﺋﻬﺔ ﺑﻴﻦ ﻫﺎﺩ ﺍﻟﺘﺨﺒﻄﺎﺕ ﻛﺎﻣﻠﻬﺎ ... ﺣﺴﺎﺕ ﺑﺼﺒﺎﻋﻮ ﻭ ﻫﻤﺎ ﻛﻴﻈﻐﻄﻮ ﻋﻠﻰ ﺩﺭﺍﻋﻬﺎ ... ﻭ ﻧﻄﻖ ﺑﺼﻮﺕ ﺧﺸﻦ ﻫﺎﺩﺉ ...
ﺭﺋﺒﺎﻝ : ﻋﻼﺵ ﻣﺎﺧﻠﺘﻴﺶ ﺍﻟﺸﻴﻔﻮﺭ ﻳﻮﺻﻠﻚ
ﺟﻮﻻﻥ : " ﻛﺘﺸﻮﻑ ﻓﻴﻪ "
ﺭﺋﺒﺎﻝ : ﺭﺍﻩ ﻛﻨﻬﻀﺮ ﻣﻌﺎﻙ
ﺟﻮﻻﻥ : ﺑﻐﻴﺖ ﻧﺘﻤﺸﻰ ﻭ ﻧﺸﺪ ﻃﺎﻛﺴﻲ ﻛﻴﻒ ﻣﻮﺍﻟﻔﺔ ... ﻣﺎﺷﻲ ﮔﺎﻉ ﺍﻟﺘﻐﻴﻴﺮﺍﺕ ﺍﻟﻲ ﻭﻗﻌﻮ ﻓﺤﻴﺎﺗﻲ ﻣﺆﺧﺮﺍً ﻋﺎﺟﺒﻴﻨﻲ
ﺭﺋﺒﺎﻝ : ﺁﺧﺮ ﻣﺮﺓ ﺗﺨﺮﺟﻲ ﺑﻮﺣﺪﻙ
ﺟﻮﻻﻥ : ﻭ ﺷﻨﻮ ﺍﻟﺴﺒﺐ ... ؟
ﺭﺋﺒﺎﻝ : ﻣﺎﺷﻲ ﺑﺎﻟﻀﺮﻭﺭﺓ ﺗﻌﺮﻓﻲ
ﺟﻮﻻﻥ : " ﺑﻨﺒﺮﺓ ﻋﺼﺒﻴﺔ " ﻻ ﺧﺎﺹ ﻧﻌﺮﻑ ... ﻣﺒﻐﺎﺵ ﻧﺒﻘﻰ ﻧﻘﻠﺐ ﻋﻠﻰ ﺃﺟﻮﺑﺔ ﺭﺍﺳﻲ ﻭ ﻧﻀﻮﺭ ﻓﺪﻭﺍﺋﺮ ... ﻋﻴﻴﺖ ﻣﻦ ﻫﺎﺩ ﺍﻟﻐﻤﻮﺽ ﻭ ﺍﻟﻤﺘﺎﻫﺎﺕ ﺍﻟﻲ ﺿﺎﻳﺮﻳﻦ ﺑﻴﺎ ... ﻛﻨﺤﺲ ﺑﺮﺍﺳﻲ ﻏﻨﺤﻤﺎﻕ
ﺭﺋﺒﺎﻝ : " ﺍﻟﺼﻤﺖ "
ﺟﻮﻻﻥ : " ﻭ ﺍﻟﺸﺮﺍﺭ ﻛﻴﺨﺮﺝ ﻣﻦ ﻋﻨﻴﻬﺎ " ﻭ ﻣﻠﻴﺖ ﻣﻦ ﻫﺎﺩ ﺍﻟﺼﻤﺖ ﺩﻳﺎﻟﻚ
ﺿﻮﺭﺍﺕ ﻭﺟﻬﺎ ﺑﻐﺎﺕ ﺗﺒﻌﺪ ﻭ ﻫﻮ ﻳﺤﻂ ﻳﺪﻭ ﻋﻠﻰ ﺍﻟﺤﻴﻂ ﻣﺎﻧﻌﻬﺎ ﻣﻦ ﺃﻧﻬﺎ ﺗﺤﺮﻙ ... ﺭﺟﻌﺎﺕ ﺷﺎﻓﺖ ﻓﻴﻪ ﺑﻨﻈﺮﺍﺕ ﺣﺎﺩﺓ ...
ﺟﻮﻻﻥ : ﻣﻤﻜﻦ ﺗﺤﻴﺪ ﻳﺪﻙ ﺑﺎﻏﺔ ﻧﺨﺮﺝ ﻓﺤﺎﻟﻲ
ﺭﺋﺒﺎﻝ : " ﻗﺮﺏ ﻟﻴﻬﺎ ﺃﻛﺜﺮ " ﻻﺵ ﺟﻴﺘﻲ ﻟﻠﺸﺮﻛﺔ ؟
ﺟﻮﻻﻥ : ﺭﺍﻩ ﺑﻬﺎﺀ ﻳﻘﻮﻝ ﻟﻴﻚ
ﺭﺋﺒﺎﻝ : ﺑﺎﻏﻲ ﻧﻌﺮﻑ ﻣﻨﻚ
ﺟﻮﻻﻥ : ﺑﻐﻴﺖ ﻧﺮﺟﻊ ﻟﻠﺨﺪﻣﺔ ... ﺗﺨﻨﻘﺖ ﻓﺪﻳﻚ ﺍﻟﺪﺍﺭ ... ﻃﻮﻝ ﺍﻟﻨﻬﺎﺭ ﭼﺎﻟﺴﺔ ﺑﻮﺣﺪﻱ
ﺭﺋﺒﺎﻝ : ﺍﻟﺮﺟﻮﻉ ﻟﻠﺸﺮﻛﺔ ﻣﻤﻨﻮﻉ
ﺟﻮﻻﻥ : " ﺑﺎﺳﺘﻐﺮﺍﺏ " ﺷﻨﻮ ... ﻋﻼﺵ ﻻ !
ﺭﺋﺒﺎﻝ : ﻻ ﺭﺟﻌﺘﻲ ﻟﻠﻜﺘﺎﺑﺔ ﻏﺎﻧﺨﺼﺺ ﻟﻴﻚ ﻣﻜﺘﺐ ﻓﺎﻟﺪﺍﺭ ... ﺑﻼ ﻣﺘﺒﻘﺎﻱ ﺗﺠﻲ ﻟﻠﺸﺮﻛﺔ
ﺟﻮﻻﻥ : ﻳﻌﻨﻲ ﻣﺒﺎﻗﻴﺶ ﺑﺎﻏﻴﻨﻲ ﻧﻌﺘﺐ ﻓﺎﻟﺸﺮﻛﺔ ﺑﺼﻔﺔ ﻧﻬﺎﺋﻴﺔ !
ﺭﺋﺒﺎﻝ : ﺍﻣﻢ
ﺟﻮﻻﻥ : ﺃﻭﻛﻲ ﻓﻬﻤﺖ
ﺩﺍﺭﺕ ﻳﺪﻫﺎ ﻋﻠﻰ ﺻﺪﺭﻭ ﺑﻌﺪﺍﺗﻮ ﻋﻠﻴﻬﺎ ﻭ ﺣﺘﻰ ﻫﻮ ﺣﻴﺪ ﺑﺎﻟﺨﺎﻃﺮ ... ﺣﻼﺕ ﻟﺒﺎﺏ ﻭ ﺧﺮﺟﺎﺕ ... ﻏﺎﺩﺓ ﻛﺘﺰﺭﺏ ﻭ ﻣﺎﻛﺮﻫﺎﺗﺶ ﻃﻴﺮ ﻗﺒﻞ ﻣﺎﻳﻬﺒﻄﻮ ﺩﻣﻮﻋﻬﺎ ... ﺧﺮﺟﺎﺕ ﻣﻦ ﺍﻟﺸﺮﻛﺔ ﻟﻘﺎﺕ ﺍﻟﺴﺎﺋﻖ ﻭﺍﻗﻒ ﺟﻨﺐ ﺍﻟﺴﻴﺎﺭﺓ ... ﺗﺠﻬﻼﺗﻮ ﻭ ﺗﻤﺸﺎﺕ ﻋﻠﻰ ﺭﺟﻠﻴﻬﺎ ... ﺧﺪﺍﺕ ﻃﺎﻛﺴﻲ ﻭ ﻗﺎﻟﺖ ﻟﻴﻪ ﺍﻟﻌﻨﻮﺍﻥ ...
ﺣﻄﻬﺎ ﻓﺎﻟﺸﺎﺭﻉ ﻭ ﻫﺒﻄﺎﺕ ﻏﺎﺩﺓ ﺟﻨﺐ ﺍﻟﻄﺮﻳﻖ ... ﻏﺎﺩﺓ ﻛﺘﺸﻮﻑ ﺑﻌﻨﻴﻬﺎ ﻭ ﺫﻛﺮﻳﺎﺕ ﺍﻟﻤﺎﺿﻲ ﻛﻴﺪﻭﺯﻭ ﻗﺪﺍﻡ ﻋﻨﻴﻬﺎ ... ﺷﺎﻓﺖ ﻓﺒﻼﻛﺔ ﺍﻟﻄﻮﺑﻴﺲ ﺍﻟﻲ ﻛﺎﻧﺖ ﻛﺘﺠﻲ ﻟﻴﻬﺎ ﺑﺠﺮﺍ ﺑﺎﺵ ﻣﺎﻳﻤﺸﻴﺶ ﻋﻠﻴﻬﺎ ... ﺍﻟﺴﻮﻳﻘﺔ ﺍﻟﻲ ﻛﺎﻧﺖ ﺗﺠﻲ ﻟﻴﻬﺎ ﻫﻲ ﻭ ﻭﺋﺎﻡ ... ﻭ ﻣﻐﺎﻣﺮﺍﺗﻬﻢ ﻓﺄﻳﺎﻡ ﺍﻟﻤﺮﺍﻫﻘﺔ ...
ﺭﻏﻢ ﺍﻟﻲ ﺩﺍﺭﺕ ﻟﻴﻬﺎ ... ﻛﻞ ﻣﺮﺓ ﺗﺬﻛﺮﻫﺎ ﻛﺘﺪﻋﻲ ﻣﻌﻬﺎ ﺑﺎﻟﺮﺣﻤﺔ ... ﻓﻬﻲ ﻛﺘﺒﻘﻰ ﺻﺪﻳﻘﺔ ﻃﻔﻮﻟﺘﻬﺎ ﻭ ﻣﺪﻭﺯﻭﺵ ﻗﻠﻴﻞ ... ﻣﺘﺄﺳﻔﺔ ﻋﻠﻰ ﺍﻟﻲ ﻭﻗﻊ ﻟﻴﻬﺎ ... ﻫﻲ ﻭ ﺣﺘﻰ ﺯﻫﻴﺮ ﺍﻟﻲ ﺁﺫﺍﻫﺎ ﺑﺸﺘﻰ ﺍﻟﻄﺮﻕ ... ﺣﺰﻧﺎﺕ ﻋﻠﻰ ﻣﻮﺗﻬﻢ ﺑﺠﻮﺝ ... ﻭ ﺗﺄﺛﺮﺍﺕ ﻛﺜﺮ ﻣﺎ ﺗﺼﻮﺭ ...
ﻟﻜﻦ ﺍﻟﻤﻮﺕ ﻣﺎﺗﻮﻗﻔﺶ ﻫﻨﺎ ... ﺧﺪﺍ ﻣﻨﻬﺎ ﺃﺷﺨﺎﺹ ﺃﻏﻠﻰ ﻭ ﺃﻋﺰ ... ﺧﺬﺍ ﻣﻨﻬﺎ ﺩﻧﻴﺘﻬﺎ ﻭ ﺩﺭﻉ ﺣﻤﺎﻳﺘﻬﺎ ... ﺑﻌﻴﻮﻥ ﺣﻤﺮﺍ ﺷﺎﻓﺖ ﻓﻤﻜﺎﻥ ﺍﻟﺤﺎﺩﺙ ﻓﻴﻦ ﻣﺎﺗﺖ ﻣﻬﺎ ... ﻋﻤﺮﻫﺎ ﺗﻘﺪﺭ ﺗﻨﺴﻰ ﻭﺟﻬﺎ ﺍﻟﺒﺸﻮﺵ ... ﻟﻜﻨﻬﺎ ﺗﻮﺣﺸﺎﺗﻬﺎ ﺑﺰﺍﺍﺍﺍﻑ ... ﺗﻮﺣﺸﺎﺕ ﺭﻳﺤﺘﻬﺎ ... ﺍﺑﺘﺴﺎﻣﺘﻬﺎ ... ﻭ ﺣﻀﻨﻬﺎ ...
ﺩﺧﻼﺕ ﺟﻮﻻﻥ ﻣﻊ ﺩﺭﺑﻬﻢ ... ﺷﺎﻓﺖ ﻓﺒﺎﺏ ﺩﺍﺭﻫﻢ ﻟﺒﻌﺾ ﺍﻟﻮﻗﺖ ﻭ ﺗﻮﺟﻬﺎﺕ ﻟﺪﺍﺭ ﺍﻟﺤﺎﺟﺔ ... ﺩﻗﺎﺕ ﻭ ﺷﻮﻳﺔ ﺗﺤﻞ ﻟﺒﺎﺏ ... ﻛﺎﻧﺖ ﺍﻟﺤﺎﺟﺔ ﺭﺷﻴﺪﺓ ... ﺍﻟﻲ ﻏﻴﺮ ﺷﺎﻓﺖ ﺟﻮﻻﻥ ﺟﺮﺍﺗﻬﺎ ﻋﻨﻘﺎﺗﻬﺎ ﺑﻘﻮﺓ ... ﺑﻌﺪ ﺍﻟﺴﻼﻡ ﺍﻟﺤﺎﺭ ﺩﺧﻠﻮ ﻟﻠﺪﺍﺧﻞ ... ﻛﺎﻥ ﺍﻟﺤﺎﺝ ﻓﺎﻟﺼﺎﻟﺔ ﺳﻠﻤﺎﺕ ﻋﻠﻴﻪ ﺣﺘﻰ ﻫﻮ ...
ﻓﺮﺣﻮ ﺑﻤﺠﻴﺌﻬﺎ ﻟﺪﺭﺟﺔ ﻛﺒﻴﺮﺓ ... ﺳﻮﻟﻮ ﻋﻠﻰ ﺃﺣﻮﺍﻟﻬﺎ ﻭ ﺍﻛﺘﻔﺖ ﺑﺎﻹﺟﺎﺑﺔ ﺍﻥ ﻛﻠﺸﻲ ﺑﺨﻴﺮ ... ﺗﻮﺛﺮﺍﺕ ﻣﻨﻴﻦ ﺳﻮﻟﻮﻫﺎ ﻋﻠﻰ ﻣﻮﻋﺪ ﺯﻭﺍﺟﻬﺎ ... ﺧﺒﺮﺍﺗﻬﻢ ﺃﻧﻪ ﻗﺮﻳﺐ ... ﻭ ﻫﻲ ﻛﻀﺤﻚ ﺑﺎﻟﻔﻘﺼﺔ ﻓﺪﺍﺧﻠﻬﺎ ... ﻷﻧﻬﺎ ﻣﺎﻋﻨﺪﻫﺎ ﺣﺘﻰ ﻓﻜﺮﺓ ﻋﻠﻰ ﺷﻨﻮ ﺟﺎﻱ ﻣﻦ ﺑﻌﺪ ... ﺭﺟﻌﺎﺕ ﺗﻮﻗﻊ ﺣﺪﻭﺙ ﺃﻱ ﺷﻲﺀ ...
ﺍﻟﺤﺎﺝ ﺧﺮﺝ ﻟﻠﺠﺎﻣﻊ ﻭ ﺍﻟﺤﺎﺟﺔ ﻣﺸﺎﺕ ﻟﻜﻮﺯﻳﻨﺔ ﺗﻘﺎﺩ ﺍﻟﮕﻮﺗﻲ ... ﺑﻘﺎﺕ ﺟﻮﻻﻥ ﺟﺎﻟﺴﺔ ﻓﺎﻟﺼﺎﻟﺔ ... ﺷﻮﻳﺔ ﻧﺎﺿﺖ ﻭ ﻗﺮﺑﺎﺕ ﻟﻠﻄﺎﺑﻠﺔ ﺍﻟﻲ ﺟﻨﺐ ﺍﻟﺤﻴﻂ ... ﻛﺎﻧﻮ ﻓﻴﻬﺎ ﺻﻮﺭ ﻛﺜﻴﺮﺓ ﺑﻠﻲ ﻛﺎﺩﺭ ... ﺻﻮﺭ ﻟﺒﻨﺘﻬﻢ ﺭﺑﺎﺏ ﻭ ﺑﻴﺒﻲ ﻭ ﻫﻲ ﻃﻔﻠﺔ ... ﻫﺰﺍﺕ ﻭﺣﺪﺓ ﻛﺘﺸﻮﻑ ﻓﻴﻬﺎ ... ﺑﻐﺎﺕ ﺗﺮﺟﻌﻬﺎ ﻭ ﻫﻲ ﺗﻠﻤﺢ ﺍﻟﺼﻮﺭﺓ ﺍﻟﻲ ﺧﻠﻔﻬﺎ ...
ﻫﺰﺍﺗﻬﺎ ﻣﺨﺮﺟﺔ ﻋﻨﻴﻬﺎ ﻓﻴﻬﺎ ... ﻫﻲ ﻧﻔﺴﻬﺎ ﺍﻟﺼﻮﺭﺓ ﺍﻟﻲ ﺷﺎﻓﺖ ﻓﻤﻜﺘﺐ ﺭﺋﺒﺎﻝ ... ﺣﻄﺎﺕ ﻳﺪﻫﺎ ﻋﻠﻰ ﻓﻤﻬﺎ ﻛﺘﺬﻛﺮ ﺩﺍﻛﺸﻲ ﺍﻟﻲ ﺳﻤﻌﺎﺕ ﻓﺎﻟﻤﺤﻜﻤﺔ ... ﺍﺳﻢ ﺭﺑﺎﺏ ﺍﻟﻲ ﺗﺮﺩﺩ ﻋﻠﻰ ﺃﻟﺴﻨﺘﻬﻢ ﺷﺤﺎﻝ ﻣﻦ ﻣﺮﺓ ... ﺭﺩﺩﺍﺕ ﺑﻴﻦ ﺷﻔﺎﻳﻔﻬﺎ ﻭ ﻫﻲ ﻣﺰﺍﻝ ﻣﻘﺎﺩﺭﺓ ﺗﺴﺘﻮﻋﺐ ...
ﺟﻮﻻﻥ : ﺭﺑﺎﺏ ﺃﻡ ﺭﺋﺒﺎﻝ ﻫﻲ ﻧﻔﺴﻬﺎ ﺭﺑﺎﺏ ﺑﻨﺘﻬﻢ
ﺍﺳﺘﺮﺟﻌﺎﺕ ﺍﻟﻜﻼﻡ ﺍﻟﻲ ﺳﻤﻌﺎﺕ ... ﺃﻡ ﺭﺋﺒﺎﻝ ﺍﻟﻲ ﻣﺎﺗﺖ ﻣﻨﺘﺎﺣﺮﺓ ﻭ ﺍﻷﺏ ﺩﻳﺎﻟﻮ ﺍﻟﻲ ﺗﺨﻠﻰ ﻋﻠﻴﻬﺎ ﻭ ﺗﺰﻭﺝ ﻭ ﺳﺎﻓﺮ ... ﻭ ﺗﺬﻛﺮﺍﺕ ﻧﻬﺎﺭ ﻋﺎﻭﺩﺍﺕ ﻟﻴﻬﺎ ﻻﺣﺒﻴﺒﺔ ﻋﻠﻰ ﻣﻮ ... ﻛﺎﻧﺖ ﺟﺎﺭﺗﻬﺎ ﻭ ﻣﻘﺮﺑﺔ ﻟﻴﻬﺎ ﻭ ﻣﻨﻴﻦ ﻣﺎﺗﺖ ﺩﺍﺗﻮ ﻋﻨﺪﻫﺎ ﻟﻤﺪﺓ ﻭ ﻣﻦ ﺑﻌﺪ ﺗﺤﻮﻝ ﻟﻤﻴﺘﻢ ... ﻭ ﺑﻌﺪ ﻣﺮﻭﺭ ﺳﻨﺔ ﺗﺒﻨﺎﻭﻩ ﺍﻟﻨﺎﺱ ﺍﻟﻲ ﻛﺎﻧﺖ ﺧﺪﺍﻣﺔ ﻋﻨﺪﻫﻢ ...
ﺟﻮﻻﻥ ﺭﺟﻌﺎﺕ ﻛﺘﺮﺑﻂ ﺍﻷﺣﺪﺍﺙ ﺑﺒﻌﻀﻬﺎ ... ﻟﻜﻦ ﺻﺪﻣﺘﻬﺎ ﺣﺎﻟﻴﺎ ﻻ ﺗﻮﺻﻒ ... ﺭﺑﺎﺏ ﺍﻟﻲ ﻛﻴﻘﻠﺒﻮ ﻋﻠﻴﻬﺎ ﻭﺍﻟﺪﻳﻬﺎ ﺳﻨﻮﺍﺕ ﻫﺎﺩﻱ ... ﻣﺎﺗﺖ 25 ﺳﻨﺔ ﻫﺎﺩﻱ ﻭ ﺧﻼﺕ ﺍﺑﻨﻬﺎ ﻣﻦ ﻭﺭﺍﻫﺎ ... ﺍﺑﻨﻬﺎ ﺍﻟﻲ ﻫﻮ ﺣﻔﻴﺪ ﺍﻟﺤﺎﺟﺔ ﻭ ﺍﻟﺤﺎﺝ ...
ﺳﻤﻌﺎﺕ ﺍﻟﺤﺲ ﻣﻦ ﻭﺭﺍﻫﺎ ﺑﻐﺎﺕ ﺗﺤﻂ ﺍﻟﺼﻮﺭﺓ ﻭ ﻫﻲ ﺗﺰﻟﻖ ﻟﻴﻬﺎ ﻭ ﻃﺎﺣﺖ ﻓﻠﺮﺽ ...
ﻧﺰﻻﺕ ﻋﻨﻴﻬﺎ ﺷﺎﻓﺖ ﺍﻟﻜﺎﺩﺭ ﺗﻬﺮﺱ ﻭ ﺍﻟﺰﺍﺝ ﻣﺸﺘﺖ ... ﻭ ﻫﻲ ﺿﻮﺭ ﻟﻘﺎﺕ ﺍﻟﺤﺎﺟﺔ ﺩﺍﺧﻠﺔ ﻭ ﻫﺎﺯﺓ ﺻﻴﻨﻴﺔ ﺩﻳﺎﻝ ﺍﺗﺎﻱ ﻓﻴﺪﻳﻬﺎ ... ﻧﻄﻘﺎﺕ ﺑﺄﺳﻒ ﺷﺪﻳﺪ ...
ﺟﻮﻻﻥ : ﺳﻤﺤﻴﻠﻴﺎ ﺍﺟﺪﺓ ... ﺍﻟﺘﺼﻮﻳﺮﺓ ﺗﻬﺮﺳﺎﺕ ﺑﺴﺒﺒﻲ " ﺗﺤﺪﺭﺍﺕ ﻫﺰﺍﺗﻬﺎ ﻭ ﺑﺪﺍﺕ ﻛﺘﻠﻘﻂ ﺍﻟﺰﺍﺝ " ﻣﻜﺎﻧﺶ ﻋﻠﻴﺎ ﻧﻘﺮﺏ ﻟﻴﻬﺎ
ﺍﻟﺤﺎﺟﺔ : " ﺣﻄﺎﺕ ﺍﻟﺼﻴﻨﻴﺔ ﻓﻮﻕ ﺍﻟﻄﺒﻠﺔ " ﻣﺎﺷﻲ ﻣﺸﻜﻴﻞ ﺍﺑﻨﺘﻲ ... ﻏﻴﺮ ﻋﻨﺪﺍﻙ ﺍﻟﺰﺍﺝ ﻳﺠﺮﺣﻚ
ﺟﻮﻻﻥ : " ﻭ ﻋﻨﻴﻬﺎ ﻣﻐﺮﻏﺮﻳﻦ " ﻣﻜﺎﻧﺶ ﻋﻠﻴﺎ ﻧﻬﺰﻫﺎ ... ﺳﻤﺤﻴﻠﻴﺎﺍﺍ
ﺍﻟﺤﺎﺟﺔ : " ﻗﺮﺑﺎﺕ ﻋﻨﺪﻫﺎ " ﻣﺎﻭﻗﻊ ﻭﺍﻟﻮ ... ﺍﻟﺼﻮﺭﺓ ﻣﺎﻭﻗﻊ ﻟﻴﻬﺎ ﻭﺍﻟﻮ ... ﺃﻣﺎ ﺍﻟﻜﺎﺩﺭ ﻣﻤﻜﻦ ﻧﺪﻳﺮﻭ ﻭﺍﺣﺪ ﺁﺧﺮ
ﺟﻮﻻﻥ : " ﻣﺪﺍﺕ ﻟﻴﻬﺎ ﺍﻟﺼﻮﺭﺓ " ﺳﻤﺤﻴﻠﻴﺎ ﺑﺰﺍﺍﺍﻑ
ﻫﺰﺍﺕ ﺟﻮﻻﻥ ﺻﺎﻛﻬﺎ ﻭ ﺗﻤﺎﺕ ﺧﺎﺭﺟﺔ ... ﺍﻟﺤﺎﺟﺔ ﺑﻘﺎﺕ ﻛﺘﻌﻴﻂ ﻋﻠﻴﻬﺎ ﻟﻜﻦ ﺟﻮﻻﻥ ﻣﺎﻭﻗﻔﺎﺗﺶ ... ﺧﺮﺟﺎﺕ ﻛﺘﺰﺭﺏ ﺣﺘﻰ ﺑﻌﺪﺍﺕ ﻋﻠﻰ ﺍﻟﺪﺭﺏ ... ﻏﺎﺩﻳﺔ ﻓﺎﻟﺸﺎﺭﻉ ﻭ ﺍﻟﺪﻣﻮﻉ ﻫﺎﺑﻄﻴﻦ ﺑﻐﺰﺍﺭﺓ ... ﺷﻮﻳﺔ ﺳﻤﻌﺎﺕ ﺻﻮﺕ ﺃﺣﺪﻫﻢ ﻛﻴﻌﻴﻂ ﻋﻠﻴﻬﺎ ...
ﺿﺎﺭﺕ ﻭ ﻫﻮ ﻳﺒﺎﻥ ﻟﻴﻬﺎ ﻫﺎﺑﻂ ﻣﻦ ﺍﻟﻠﻮﻃﻮ ... ﺭﺟﻌﺎﺕ ﻛﺘﺸﻮﻑ ﻗﺪﺍﻣﻬﺎ ﻭ ﻛﻤﻼﺕ ﻋﻠﻰ ﻃﺮﻳﻘﻬﺎ ... ﺗﻤﺸﻰ ﺑﺨﻄﻮﺍﺕ ﻛﺒﺎﺭ ﺣﺘﻰ ﻭﺻﻞ ﻋﻠﻴﻬﺎ ﻭ ﺷﺪ ﺟﺮﻫﺎ ﻣﻦ ﻳﺪﻫﺎ ﺣﺘﻰ ﺿﺎﺭﺕ ﻟﻌﻨﺪﻭ ... ﻧﻄﺮﺍﺗﻬﺎ ﻭ ﻫﺰﺍﺕ ﻋﻨﻴﻬﺎ ﻓﻴﻪ ...
ﻳﺎﻣﻦ : ﻣﺎﻟﻚ ﻛﺘﺒﻜﻲ ؟
ﺟﻮﻻﻥ : ﻭﺍﻟﻮ
ﻳﺎﻣﻦ : ﻣﺎﻳﻤﻜﻨﺶ ﻣﻴﻜﻮﻧﺶ ﺳﺒﺐ ... ﺷﻨﻮ ﺍﻟﻲ ﺧﻼﻙ ﺗﺒﻜﻲ ؟
ﺟﻮﻻﻥ : ﻗﻠﺖ ﻟﻴﻚ ﻭﺍﻟﻮ
ﻳﺎﻣﻦ : ﺭﺟﻌﺘﻲ ﻟﻠﺪﺍﺭ ؟
ﺟﻮﻻﻥ : ﻻ ... ﻛﻨﺖ ﻋﻨﺪ ﺟﺪﻱ
ﻳﺎﻣﻦ : " ﺑﺨﻴﺒﺔ ﺃﻣﻞ " ﺁﻩ ... ﻛﻨﺘﻲ ﻋﻨﺪ ﺍﻟﺤﺎﺝ ﻣﺤﻤﺪ ... " ﺑﻌﺪ ﺻﻤﺖ ﻗﺼﻴﺮ " ﺻﺎﭬﺎ ؟
ﺟﻮﻻﻥ : ﺍﻟﺤﻤﺪ ﻟﻠﻪ ... ﺳﻤﺤﻠﻴﺎ ﺧﺎﺹ ﻧﻤﺸﻲ
ﻳﺎﻣﻦ : ﻓﻴﻦ ﺑﺎﻏﺔ ﺗﻤﺸﻲ ... ﺧﻠﻴﻨﻲ ﻧﻮﺻﻠﻚ
ﺟﻮﻻﻥ : ﻣﻜﺎﻳﻦ ﻻﺵ
ﺗﻤﺸﺎﺕ ﻣﺒﻌﺪﺓ ﻋﻠﻴﻪ ... ﺑﻘﺎﺕ ﻏﺎﺩﺓ ﻋﻠﻰ ﺭﺟﻠﻴﻬﺎ ﻣﺴﺎﻓﺔ ﻭ ﻫﻲ ﻛﺘﻔﻜﺮ ... ﻣﺮﺓ ﻣﺮﺓ ﻛﻄﻴﺢ ﺩﻣﻌﺔ ﻋﻠﻰ ﺧﺬﻫﺎ ... ﻫﺎﺩﺷﻲ ﺍﻟﻲ ﻋﺮﻓﺎﺕ ﺯﺍﺩ ﺧﺮﺑﻘﻬﺎ ﻛﻠﻴﺎ ... ﻣﺎﻋﺮﻓﺎﺕ ﻭﺍﺵ ﺗﻔﺮﺡ ﻟﻜﻮﻥ ﺭﺋﺒﺎﻝ ﺣﻔﻴﺪ ﺍﻟﺤﺎﺟﺔ ... ﻭ ﻻ ﺗﺤﺰﻥ ﻋﻠﻴﻬﻢ ... ﻫﻲ ﺍﻟﻮﺣﻴﺪﺓ ﺍﻟﻲ ﻋﺎﺭﻓﺔ ﺷﺤﺎﻝ ﻗﻠﺒﻮ ﻋﻠﻰ ﺑﻨﺘﻬﻢ ﺭﺑﺎﺏ ﻭ ﺭﻏﻢ ﻣﺮﻭﺭ ﻛﻞ ﻫﺎﺩ ﺍﻟﺴﻨﻮﺍﺕ ﻣﺎﻓﻘﺪﻭﺵ ﺍﻷﻣﻞ ﻭ ﻻ ﻣﻠﻮ ﻣﻦ ﺍﻟﺒﺤﺚ ...
ﻣﻦ ﺻﻐﺮﻫﺎ ﻭ ﻫﻲ ﻛﺘﺴﻤﻊ ﺍﺳﻢ ﺭﺑﺎﺏ ﻋﻠﻰ ﻟﺴﺎﻧﻬﻢ ... ﺷﺎﻓﺖ ﺻﻮﺭﻫﺎ ﻭ ﻣﻦ ﺍﻟﻲ ﻛﺎﻧﻮ ﻳﻌﺎﻭﺩﻭ ﻋﻠﻴﻬﺎ ... ﺣﺴﺎﺕ ﻛﺄﻧﻬﺎ ﻛﺘﻌﺮﻓﻬﺎ ﻋﻦ ﻗﺮﺏ ... ﻭ ﻛﺎﻥ ﺍﻟﻜﻞ ﻳﺸﺒﻬﺎ ﻟﻴﻬﺎ ... ﺗﻤﻨﺎﺕ ﺣﺘﻰ ﻫﻲ ﺭﺑﺎﺏ ﺗﻜﻮﻥ ﺣﻴﺔ ﻭ ﻋﺎﻳﺸﺔ ﺣﻴﺎﺗﻬﺎ ﻭ ﺑﻌﺪﻫﺎ ﻋﻠﻰ ﻭﺍﻟﺪﻳﻬﺎ ﻋﻨﺪﻭ ﺳﺒﺐ ﻭﺟﻴﻪ ... ﻟﻜﻦ ﺑﺎﺵ ﺗﻜﺘﺎﺷﻒ ﺃﻧﻬﺎ ﻣﻴﺘﺔ ﻭ ﺑﺪﻳﻚ ﺍﻟﻄﺮﻳﻘﺔ ...
ﺗﻤﻨﺎﺕ ﻓﻌﻼ ﻟﻮ ﺃﻧﻬﺎ ﻣﺎﻋﺮﻓﺎﺗﺶ ... ﺩﺍﺑﺔ ﻭﺍﺟﺐ ﻋﻠﻴﻬﺎ ﺗﺨﺒﺮﻫﻢ ﺑﺎﻟﺤﻘﻴﻘﺔ ﺍﻟﻲ ﺃﻛﻴﺪ ﻏﺘﻜﻮﻥ ﺻﺪﻣﺔ ﻟﻴﻬﻢ ... ﺍﻟﺤﺎﺟﺔ ﺍﻹﺟﺎﺑﻴﺔ ﺍﻟﻮﺣﻴﺪﺓ ﻓﻬﺎﺩﺷﻲ ﻫﻲ ﺃﻧﻬﻢ ﻏﻴﻌﺮﻓﻮ ﺑﻠﻲ ﻋﻨﺪﻫﻢ ﺣﻔﻴﺪ ... ﺍﻟﻲ ﻛﺒﺮ ﻭﺳﻂ ﺃﺳﺮﺓ ﻏﻨﻴﺔ ﻭ ﺭﺟﻊ ﺭﺟﻞ ﻧﺎﺟﺢ ﻛﻴﺤﺴﺒﻮ ﻟﻴﻪ ﺍﻟﻨﺎﺱ ﺃﻟﻒ ﺣﺴﺎﺏ ... ﻟﻜﻦ ﺍﻟﺤﻘﻴﻘﺔ ﺍﻟﻲ ﻋﺮﻓﺎﺕ ﻣﺰﺍﻝ ﻃﺎﻏﻲ ﻋﻠﻴﻬﺎ ﺑﻌﺾ ﺍﻟﻐﻤﻮﺽ ... ﻣﺴﺘﻐﺮﺑﺔ ﺃﻥ ﺭﺋﺒﺎﻝ ﻋﻤﺮﻭ ﺫﻛﺮ ﺃﻱ ﺣﺎﺟﺔ ﻋﻠﻴﻬﻢ ...
ﺃﻛﻴﺪ ﻣﻌﺎﺭﻓﺶ ﺑﻠﻲ ﻫﻤﺎ ﻭﺍﻟﺪﻳﻦ ﻣﻮ ... ﺩﻳﺠﺎ ﺗﻼﻗﺎﻫﻢ ﺷﺤﺎﻝ ﻣﻦ ﻣﺮﺓ ﻭ ﺗﺼﺮﻑ ﻋﺎﺩﻱ ... ﺟﻮﻻﻥ ﺑﻘﺎﻭ ﻓﻴﻬﺎ ﺍﻟﺤﺎﺟﺔ ﻭ ﺍﻟﺤﺎﺝ ﻷﻧﻪ ﻣﺘﺤﺮﻣﻮﺵ ﻏﻴﺮ ﻣﻦ ﺑﻨﺘﻬﻢ ﺑﻞ ﺣﺘﻰ ﻣﻦ ﺣﻔﻴﺪﻫﻢ ﺍﻟﻲ ﻛﺒﺮ ﺑﻌﻴﺪ ﻋﻠﻴﻬﻢ ... ﻭ ﻫﻮ ﻛﺬﻟﻚ ﻋﺎﺵ ﺑﻌﻴﺪ ﻋﻠﻴﻬﻢ ... ﺗﻤﺸﺎﺕ ﻣﺴﺎﻓﺔ ﻭ ﺃﻓﻜﺎﺭ ﺗﺪﻳﻬﺎ ﻭ ﺍﻓﻜﺎﺭ ﺗﺠﻴﺒﻬﺎ ... ﻭﻗﻔﺎﺕ ﻭ ﺷﺪﺍﺕ ﻃﺎﻛﺴﻲ ﺭﺟﻌﺎﺕ ﻟﭭﻴﻼ ...
ﺩﺧﻼﺕ ﻟﻘﺎﺕ ﻟﺒﻨﺎﺕ ﻓﺎﻟﺼﺎﻟﺔ ... ﺍﻋﺘﺎﺫﺭﺍﺕ ﻋﻠﻰ ﺍﻟﺘﺄﺧﻴﺮ ﻭ ﻃﻠﻌﺎﺕ ﻟﻔﻮﻕ ... ﻏﻴﺮﺍﺕ ﺣﻮﺍﻳﺠﻬﺎ ﻭ ﺭﺟﻌﺎﺕ ﻫﺒﻄﺎﺕ ﺟﻠﺴﺎﺕ ﻣﻊ ﺳﻤﻴﺔ ﻭ ﺯﻳﻨﺐ ... ﺷﺎﺭﻛﺎﺗﻬﻢ ﻓﺎﻟﺤﺪﻳﺚ ﻭ ﺣﺎﻭﻻﺕ ﺗﺒﺘﺎﺳﻢ ﺭﻏﻢ ﻛﻠﺸﻲ ... ﺭﻓﻘﺘﻬﻢ ﻛﺘﻔﻮﺝ ﻋﻠﻴﻬﺎ ﺷﻮﻳﺔ ﻭ ﻛﺎﻧﺖ ﻣﺤﺘﺎﺟﺔ ﺗﭽﻠﺲ ﻣﻌﺎﻫﻢ ... ﺟﺎﺕ ﻋﻨﺪﻫﻢ ﻧﻮﺍﻝ ﻭ ﻋﻠﻤﺎﺗﻬﻢ ﺑﺄﻥ ﺍﻟﻌﺸﺎ ﻭﺟﺪ ...
ﺧﺮﺟﻮ ﻟﻠﻄﺒﻠﺔ ﻭ ﻫﻤﺎ ﻳﺘﻔﺎﺟﺄﻭ ﻓﺎﺵ ﺷﺎﻓﻮ ﺇﻟﻴﺎﺱ ﻭ ﺳﻨﻤﺎﺭ ﭼﺎﻟﺴﻴﻦ ... ﺟﻮﻻﻥ ﺷﺎﻓﺖ ﻓﻤﻜﺎﻥ ﺭﺋﺒﺎﻝ ﺍﻟﻔﺎﺭﻍ ﻭ ﺳﺮﻋﺎﻥ ﻣﺎ ﺍﺧﺘﻔﺖ ﺍﻻﺑﺘﺴﺎﻣﺔ ﻣﻦ ﻭﺟﻬﺎ ... ﭼﻠﺴﻮ ﺗﻌﺸﺎﻭ ﻓﺠﻮ ﻣﺮﺡ ﺍﻟﻲ ﻛﺎﻧﻮ ﺧﺎﻟﻘﻴﻨﻮ ﺍﻟﻜﻮﭘﻞ ﺍﻟﻬﺒﻴﻞ ﺇﻟﻴﺎﺱ ﻭ ﺯﻳﻨﺐ ...
ﺑﻌﺪﻫﺎ ﺍﻟﺪﺭﺍﺭﻱ ﺧﺮﺟﻮ ﻟﻠﺠﺮﺩﺓ ﻭ ﻟﺒﻨﺎﺕ ﻃﻠﻌﻮ ﻟﻔﻮﻕ ... ﻗﺮﺭﻭ ﻳﺰﺍﺣﻤﻮﻫﺎ ﻭ ﻳﺒﺎﺗﻮ ﻣﻌﻬﺎ ﻓﻐﺮﻓﺘﻬﺎ ... ﺟﻮﻻﻥ ﺟﻠﺴﺎﺕ ﻫﻲ ﻭ ﺳﻤﻴﺔ ﻓﻮﻕ ﺍﻟﻔﻮﻃﻮﻱ ﻭ ﺯﻳﻨﺐ ﺗﻼﺣﺖ ﻓﻮﻕ ﺍﻟﻨﺎﻣﻮﺳﻴﺔ ﻭ ﻧﺸﺮﺍﺕ ﺭﺟﻠﻴﻬﺎ ...
ﺯﻳﻨﺐ : ﻧﺘﻮﻣﺎ ﻧﻌﺴﻮ ﻓﻠﺮﺽ ﻭ ﺧﻠﻴﻮ ﻟﻴﺎ ﻫﺬﺍ
ﺳﻤﻴﺔ : ﺑﺼﺤﺘﻚ
ﺯﻳﻨﺐ : ﻗﻠﺖ ﻫﺎﺩﺷﻲ ﻟﻤﺼﻼﺣﺘﻜﻢ ... ﺃﻧﺎ ﻋﺎﺭﻓﺔ ﺭﺍﺳﻲ ﻛﻨﻠﻌﺐ ﻟﻜﻮﻣﺒﺎ ﻓﻨﻌﺎﺳﻲ ... ﺳﻮﻟﻲ ﻏﻴﺮ ﺟﻮﻻﻥ ... ﻧﻬﺎﺭ ﻧﺒﺎﺕ ﻋﻨﺪﻫﺎ ... ﻛﺘﺸﺒﻊ ﻋﺼﺎ
ﺳﻤﻴﺔ : ﻫﻬﻬﻪ ... ﻛﺪﺍﺑﺰﻱ ﻓﻨﻌﺎﺳﻚ ... ﻣﺴﻜﻴﻦ ﺇﻟﻴﺎﺱ ﻏﻴﺘﺰﻭﺝ ﺏ ﺑﺮﻭﺱ ﻟﻲ
ﺯﻳﻨﺐ : ﻭ ﻻ ﺑﻐﺎ ... ﻭ ﺍﺻﻼ ﻣﺰﻳﺎﻧﺔ ﻓﻴﻪ ... ﻛﻴﻌﺼﺒﻨﻲ ﻭ ﻣﻨﻘﺪﺭﺵ ﻧﻀﺮﺑﻮ ... ﺍﻟﻠﻬﻢ ﻧﻮﻛﻠﻬﺎ ﻟﻴﻪ ﻭ ﺃﻧﺎ ﻧﺎﻋﺴﺔ
ﺳﻤﻴﺔ : ﻭ ﻋﻨﺪﺍﻙ ﻳﻮﻛﻠﻬﺎ ﻟﻴﻚ ﻫﻮ ﺑﻄﺮﻳﻘﺔ ﺃﺧﺮﻯ
ﺯﻳﻨﺐ : " ﺗﻘﻠﺒﺎﺕ ﻋﻠﻰ ﻛﺮﺷﻬﺎ " ﻫﺎﻱ ﻫﺎﻱ ﻋﻠﻰ ﺍﻟﻌﻔﺮﻳﺘﺔ ... ﺻﺪﻗﺘﻲ ﻣﺴﺎﻫﻼﺵ ... ﺍﻟﻲ ﺷﺎﻑ ﺍﻟﺒﺮﺍﺀﺓ ﻓﻮﺟﻬﻚ ﻳﻘﻮﻝ ﻣﻜﺘﻌﺮﻓﻲ ﻣﻨﻴﻦ ﻛﻴﺨﺮﺝ ﺍﻟﺒﻴﺒﻲ
ﺳﻤﻴﺔ : " ﺣﺎﻃﺔ ﻳﺪﻫﺎ ﻋﻠﻰ ﻓﻤﻬﺎ ﻛﻀﺤﻚ " ﻛﻨﻌﺮﻑ ﺑﺰﺍﺍﻑ
ﺯﻳﻨﺐ : ﺑﺤﺎﻻﺵ ... ﮔﺮﻱ ... ﻣﻨﻴﻦ ﻛﺘﻌﺮﻓﻲ ﻫﺎﺩﺷﻲ
ﺳﻤﻴﺔ : ﻗﺮﻳﺘﻮ ﻫﻬﻪ
ﺯﻳﻨﺐ : ﺷﻨﻮ ﻗﺮﻳﺘﻲ ؟ !
ﺳﻤﻴﺔ : ﻗﺮﻳﺖ ﺑﺰﺍﻑ ﺩﻳﺎﻝ ﺍﻟﻜﺘﺐ ﻭ ﺍﻟﺮﻭﺍﻳﺎﺕ ... " ﺑﺨﺠﻞ " ﺧﺎﺻﺔ ﺍﻟﺮﻭﺍﻳﺎﺕ ﺍﻟﺮﻭﻣﻨﺴﻴﺔ
ﺯﻳﻨﺐ : ﺁﺍﻩ ﻗﻮﻟﻲ ﻫﻜﺎﻙ ... ﺗﻌﻠﻤﺘﻲ ﻣﻦ ﺍﻟﺮﻭﺍﻳﺎﺕ ﻭ ﺩﺍﻛﺸﻲ ﻫﻬﻬﻪ
ﺳﻤﻴﺔ : ﻋﺰﻳﺰ ﻋﻠﻴﺎ ﻧﻘﺮﺍ ... ﻭ ﻣﻦ ﺑﻌﺪﻣﺎ ﺟﻠﺴﺖ ﻓﺎﺵ ﺧﺪﻳﺖ ﻟﺒﺎﻙ ... ﺑﺪﺍﺕ ﻋﻨﺪﻱ ﻫﻮﺍﻳﺔ ﻗﺮﺍﺀﺓ ﺍﻟﻜﺘﺐ ﻭ ﺍﻟﺮﻭﺍﻳﺎﺕ ... ﻛﻨﻤﻸ ﺑﻴﻬﻢ ﻭﻗﺘﻲ ﻭ ﻓﻨﻔﺲ ﺍﻟﻮﻗﺖ ﻛﻨﺤﺲ ﺑﺮﺍﺳﻲ ﺑﺤﺎﻝ ﻻ ﻋﺸﺖ ﺩﻭﻙ ﺍﻟﻤﻐﺎﻣﺮﺍﺕ ﻭ ﺍﻟﺘﺠﺎﺭﻳﺐ ﻣﻊ ﺍﻷﺑﻄﺎﻝ ... ﺍﻛﺘﺴﺒﺖ ﻣﻌﺮﻓﺔ ﻛﺒﻴﺮﺓ ﻭ ﺧﻼﻭﻧﻲ ﻣﻨﺤﺴﺶ ﺃﻧﻨﻲ ﺗﻮﻗﻔﺖ ﻋﻠﻰ ﺍﻟﺪﺭﺍﺳﺔ
ﺯﻳﻨﺐ : " ﺷﺎﻓﺖ ﻓﺠﻮﻻﻥ ﺍﻟﻲ ﺳﺎﻫﻴﺔ " ﻫﺎﻫﻲ ﻭﺣﺪﺓ ﺑﺤﺎﻟﻚ ... ﻏﻴﺮ ﻫﻲ ﺭﺟﻌﺖ ﻛﺎﺗﺒﺔ ﻣﺸﺎﺀ ﺍﻟﻠﻪ
ﺳﻤﻴﺔ : ﻋﺮﻓﺖ ... ﻭ ﻗﺮﻳﺖ ﺭﻭﺍﻳﺘﻬﺎ ﺍﻷﻭﻟﻰ ... ﺃﻧﺎ ﻣﻦ ﻟﻲ ﻓﺎﻥ ﺩﻳﺎﻟﻬﺎ
ﺯﻳﻨﺐ : ﺳﻤﻌﺘﻲ ﺍﻷﺧﺖ
ﻣﻨﻴﻦ ﻣﺠﻮﺑﺎﺗﻬﻤﺶ ﺣﻄﺎﺕ ﺳﻤﻴﺔ ﻳﺪﻫﺎ ﻋﻠﻰ ﻛﺘﻒ ﺟﻮﻻﻥ ... ﻋﺎﺩ ﺧﺮﺟﺎﺕ ﻣﻦ ﺷﺮﻭﺩﻫﺎ ﻭ ﺗﻠﻔﺘﺎﺕ ﻋﻨﺪﻫﻢ ...
ﺯﻳﻨﺐ : ﺳﻤﻌﺘﻲ ﺳﻤﻴﺔ ﺷﻨﻮ ﻗﺎﻟﺖ ... ﻭﻻﺕ ﻓﺎﻥ ﺩﻳﺎﻟﻚ ﺍﻻﻟﺔ
ﺟﻮﻻﻥ : " ﺑﺎﺑﺘﺴﺎﻣﺔ ﺑﺎﻫﺘﺔ " ﻗﺎﻟﺘﻬﺎ ﻟﻴﺎ
ﺯﻳﻨﺐ : " ﻛﺘﺸﻮﻑ ﻓﺠﻮﻻﻥ ﺑﺤﺴﺮﺓ " ﺑﻤﺎ ﺃﻥ ﺍﻟﻴﻮﻡ ﺧﻮﻳﺘﻲ ﺑﻴﻨﺎ ﻭ ﺧﺮﺟﺘﻲ ... ﻏﺪﺍ ﻧﺨﺮﺟﻮ ﻧﺘﺴﺎﺭﺍﻭ ﻭ ﻧﺤﻴﺤﻮ
ﺳﻤﻴﺔ : " ﻭﻗﻔﺎﺕ " ﻧﻤﺸﻲ ﻧﺠﻴﺐ ﺻﺎﻛﻲ ... ﻣﺎﻋﺮﻓﺖ ﻓﻴﻦ ﺣﻄﺎﺗﻮ ﻧﻮﺍﻝ
ﺯﻳﻨﺐ : ﺷﻮﻓﻲ ﻳﺎﻛﻤﺎ ﺣﻄﺎﺗﻮ ﻟﻴﻚ ﻓﺸﻲ ﻏﺮﻓﺔ ﻣﻦ ﺩﻳﺎﻝ ﺍﻟﻀﻴﺎﻑ