ﺭﺋﺒﺎﻝ : ﻏﻨﺨﺮﺟﻮ ﻳﻀﺮﺑﻚ ﺷﻮﻳﺔ ﺍﻟﺒﺮﺩ
ﺷﺒﻚ ﻳﺪﻭ ﻣﻊ ﻳﺪﻫﺎ ﻭ ﺧﺮﺟﻮ ﻣﻦ ﺍﻟڨﻴﻼ ... ﺣﻞ ﻟﻴﻬﺎ ﺑﺎﺏ ﺍﻟﻠﻮﻃﻮ ﻃﻠﻌﺎﺕ ﻭ ﺿﺎﺭ ﻫﻮ ﺭﻛﺐ ... ﺩﻳﻤﺎﺭﺍ ﻭ ﺧﺮﺟﻮ ﻣﻦ ﺍﻟﭭﻴﻼ ... ﻏﺎﺩﻱ ﺳﺎﻳﻖ ﻭ ﺟﻮﻻﻥ ﺟﺎﻣﻌﺔ ﻳﺪﻳﻬﺎ ﻭ ﻣﻀﻮﺭﺓ ﻭﺟﻬﺎ ﺟﻬﺔ ﺍﻟﻨﺎﻓﺬﺓ ... ﺷﻮﻳﺔ ﺣﺴﺎﺕ ﺑﻴﺪﻭ ﺗﺤﻄﺎﺕ ﻓﻮﻕ ﻳﺪﻫﺎ ...
ﻫﺰﻫﺎ ﻗﺮﺑﻬﺎ ﻟﻔﻤﻮ ﻭ ﻃﺒﻊ ﻗﺒﻠﺔ ﻭﺳﻂ ﻳﺪﻫﺎ ... ﺿﻮﺭﺍﺕ ﻭﺟﻬﺎ ﺑﺎﻥ ﻟﻴﻬﺎ ﻛﻴﺸﻮﻑ ﻟﻘﺪﺍﻡ ﻭ ﺷﺎﺩ ﻓﻴﺪﻫﺎ ﻋﻨﺪﻭ ... ﺗﺬﻛﺮﺍﺕ ﺷﻨﻮ ﻭﻗﻊ ﺑﻴﻨﺎﺗﻬﻢ ﻓﺎﻟﺪﺍﺭ ﺍﻟﻲ ﻓﺎﻟﺠﺒﻞ ... ﻣﻊ ﺍﻟﻲ ﻭﻗﻊ ﻣﺘﺎﺣﺘﺶ ﻟﻴﻬﻢ ﺍﻟﻔﺮﺻﺔ ﻳﻬﻀﺮﻭ ﻋﻠﻴﻪ ... ﺑﺎﻟﻜﺎﺩ ﻓﻴﻦ ﻛﺘﺠﻲ ﺍﻟﻤﻨﺎﺳﺒﺔ ﻳﻬﻀﺮﻭ ﻭ ﺭﺋﺒﺎﻝ ﻋﻤﺮﻭ ﺟﺒﺪ ﻟﻴﻬﺎ ﺍﻟﻤﻮﺿﻮﻉ ...
ﺳﺎﺳﺖ ﺭﺍﺳﻬﺎ ﻣﻦ ﻫﺎﺩﺷﻲ ﻣﺒﻐﺎﺗﺶ ﺗﻔﻜﺮ ﻓﻴﻪ ﺣﺘﻰ ﻳﻜﻮﻥ ﺍﻟﻮﻗﺖ ﻣﻨﺎﺳﺐ ... ﻋﺎﺭﻓﺔ ﺭﺋﺒﺎﻝ ﻛﻴﺒﻐﻴﻬﺎ ﻭ ﻟﻮﻻ ﻣﻮﺕ ﻻﺣﺒﻴﺒﺔ ﻛﺎﻥ ﻏﻴﻜﻮﻧﻮ ﻣﺰﻭﺟﻴﻦ ﻓﻬﺎﺩ ﺍﻟﻠﺤﻈﺔ ... ﻭﻗﻒ ﺍﻟﺴﻴﺎﺭﺓ ﻭ ﻫﻲ ﺿﻮﺭ ﻋﻨﻴﻬﺎ ﻓﺎﻟﻤﻜﺎﻥ ... ﻛﺎﻧﻮ ﺟﻨﺐ ﺟﺮﻑ ﻛﻴﻄﻞ ﻋﻠﻰ ﺍﻟﺒﺤﺮ ...
ﻧﺰﻝ ﺭﺋﺒﺎﻝ ﻭ ﺿﺎﺭ ﺣﻠﻴﻬﺎ ﻟﺒﺎﺏ ... ﻏﻴﺮ ﺧﺮﺟﺎﺕ ﺿﺮﺑﺎﺕ ﻓﻴﻬﺎ ﺭﻳﺤﺔ ﺍﻟﺒﺤﺮ ... ﻭﻗﻔﺎﺕ ﻛﺘﺄﻣﻞ ﺍﻟﻤﻨﻈﺮ ﺍﻟﻲ ﻗﺪﺍﻣﻬﺎ ... ﺷﻮﻳﺔ ﺣﺴﺎﺕ ﺑﺮﺋﺒﺎﻝ ﻋﻨﻘﻬﺎ ﻣﻦ ﺍﻟﺨﻠﻒ ... ﻳﺪﻳﻪ ﺣﺎﻭﻃﻮ ﺧﺼﺮﻫﺎ ﻭ ﺫﻗﻨﻮ ﻛﺎﻥ ﻋﻨﺪ ﺭﺍﺳﻬﺎ ... ﺣﺴﺎﺕ ﺑﺪﻓﺊ ﺻﺪﺭﻭ ﻭ ﺣﺮﺍﺭﺓ ﻋﻨﺎﻗﻮ ...
ﺑﻘﺎﻭ ﻣﺪﺓ ﻫﻜﺎﻙ ﺑﺠﻮﺝ ﺳﺎﻛﺘﻴﻦ ﻭ ﻛﻼ ﻓﺎﺵ ﻛﻴﻔﻜﺮ ... ﺑﺪﺍﺕ ﺍﻟﺸﻤﺲ ﻛﺘﻐﺮﺏ ﻭ ﺍﻟﺠﻮ ﻛﻴﺒﺮﺩ ﺃﻛﺜﺮ ... ﻭﻗﺘﻤﺎ ﺣﺲ ﺑﻴﻬﺎ ﻛﺘﺮﺟﻒ ﻛﻴﺰﻳﺪ ﻳﺨﺸﻴﻬﺎ ﻓﻴﻪ ... ﻫﻮ ﻳﻤﻜﻦ ﻛﺎﻥ ﻣﺤﺘﺎﺝ ﻟﻬﺎﺩ ﺍﻟﻠﺤﻈﺎﺕ ﻛﺜﺮ ﻣﻨﻬﺎ ... ﻣﺮﻫﻖ ﺑﺎﻟﺨﺪﻣﺔ ﺍﻟﻲ ﻛﻴﺤﺎﻭﻝ ﻳﻌﻤﺮ ﺑﻴﻬﺎ ﻭﻗﺘﻮ ... ﻭ ﺃﻣﻮﺭ ﺃﺧﺮﻯ ﺷﺎﻏﻼﻩ ﻣﻦ ﺟﻬﺔ ﺃﺧﺮﻯ ...
ﺣﺲ ﺑﺎﻟﻔﻮﻥ ﻛﻴﭭﻴﺒﺮﻱ ﻭ ﻫﻮ ﻳﺠﺒﺪﻭ ﻣﻦ ﺍﻟﺠﻴﺐ ... ﺷﺎﻑ ﺍﻟﻤﻴﺴﺎﺝ ﺍﻟﻲ ﺟﺎﻩ ﻭ ﺗﻐﻴﺮﻭ ﻣﻼﻣﺤﻮ ... ﺭﺟﻌﻮ ﻟﻠﺠﻴﺐ ﻭ ﺭﺧﻰ ﻣﻦ ﺟﻮﻻﻥ ...
ﺭﺋﺒﺎﻝ : ﺗﺤﺮﻙ ﺍﻟﺒﺮﺩ ... ﻳﺎﻻﻩ ﻧﺮﺟﻌﻮ
ﺣﻞ ﻟﻴﻬﺎ ﺍﻟﺒﺎﺏ ﻃﻠﻌﺎﺕ ﺟﻨﺒﻮ ﻭ ﺭﻛﺐ ﺣﺘﻰ ﻫﻮ ... ﺭﺟﻌﻮ ﻟﭭﻴﻼ ﻭﻗﻒ ﻭ ﺿﺎﺭ ﻋﻨﺪﻫﺎ ...
ﺭﺋﺒﺎﻝ : ﺟﻮﻻﻥ
ﺟﻮﻻﻥ : " ﺷﺎﻓﺖ ﻓﻴﻪ "
ﺭﺋﺒﺎﻝ : ﺗﻌﺸﺎﻱ ﻋﺎﺩ ﻧﻌﺴﻲ ... ﺳﻤﻌﺘﻴﻨﻲ
ﺟﻮﻻﻥ : ﺧﺎﺭﺝ ؟
ﺭﺋﺒﺎﻝ : ﺍﻣﻢ ... ﻏﻨﻤﺸﻲ ﻧﻘﻀﻲ ﺷﻲ ﻏﺮﺽ ﻭ ﻧﺮﺟﻊ
ﺟﻮﻻﻥ : ﻭﺍﺧﺔ
ﺩﺍﺭﺕ ﻳﺪﻳﻬﺎ ﻋﻠﻰ ﺍﻟﺒﺎﺏ ﺣﻼﺗﻮ ... ﻳﺎﻻﻩ ﻏﺘﻨﺰﻝ ﻭ ﻫﻮ ﻳﺠﺮﻫﺎ ﺭﺋﺒﺎﻝ ... ﺣﻴﺪ ﺍﻟﺤﺰﺍﻡ ﻭ ﺷﺪﻫﺎ ﻣﻦ ﻭﺟﻬﺎ ﻗﺮﺑﻬﺎ ﻟﻌﻨﺪﻭ ... ﺣﻂ ﻓﻤﻮ ﻋﻠﻰ ﻓﻤﻬﺎ ﻭ ﺑﺎﺳﻬﺎ ﺑﻠﻬﻔﺔ ﻭ ﺷﻮﻕ ﻛﺒﻴﻴﻴﺮ ... ﺑﻌﺪ ﻭ ﻫﻲ ﺗﺤﺪﺭ ﺭﺍﺳﻬﺎ ﻫﺒﻄﺎﺕ ... ﺑﻘﻰ ﺣﺘﻰ ﺷﺎﻓﻬﺎ ﺩﺧﻼﺕ ﻋﺎﺩ ﺩﻳﻤﺎﺭﺍ ﻭ ﺧﺮﺝ ﻣﻦ ﻟﭭﻴﻼ ...
🍂 ﻣﺮ ﺃﺳﺒﻮﻉ ﺁﺧﺮ ...
ﺭﺟﻌﺎﺕ ﺟﻮﻻﻥ ﻗﻠﻴﻞ ﻓﻴﻦ ﻛﺘﺸﻮﻑ ﺭﺋﺒﺎﻝ ... ﻛﻴﻈﻞ ﻓﺎﻟﺨﺎﺭﺝ ﻭ ﻛﻴﺮﺟﻊ ﻣﺘﺄﺧﺮ ... ﻛﺎﻥ ﻗﺒﻞ ﺩﻳﻤﺎ ﻛﻴﻤﺮ ﻳﻄﻞ ﻋﻠﻴﻬﺎ ... ﻟﻜﻦ ﻣﺆﺧﺮﺍً ﻣﺎﺑﻘﺎﺵ ﻛﻴﺪﺧﻞ ﻋﻨﺪﻫﺎ ﻟﻐﺮﻓﺘﻬﺎ ... ﺑﺪﺍﺕ ﻛﺘﺄﻗﻠﻢ ﻣﻊ ﺍﻟﻮﺿﻊ ... ﻭ ﺭﺟﻊ ﺗﻔﻜﻴﺮﻫﺎ ﻭ ﺑﺎﻟﻬﺎ ﻛﻮﻟﻮ ﻣﻊ ﺭﺋﺒﺎﻝ ...
ﺧﺎﺻﺔ ﺍﻥ ﻣﻌﺎﻣﻠﺘﻮ ﻣﻌﻬﺎ ﺗﻐﻴﺮﺍﺕ ... ﺁﺧﺮ ﻣﺮﺓ ﻋﺎﻣﻠﻬﺎ ﺑﺎﻫﺘﻤﺎﻡ ﻫﻲ ﻧﻬﺎﺭ ﻫﺒﻄﻬﺎ ﺗﻐﺪﺍﺕ ﻭ ﻣﻦ ﺑﻌﺪ ﺧﺮﺟﻬﺎ ﻟﺠﻨﺐ ﻟﺒﺤﺮ ... ﻭﻟﻔﺎﺕ ﺇﻫﺘﻤﺎﻣﻮ ﻭ ﻣﻌﺎﻣﻠﺘﻮ ﺍﻟﺤﻨﻮﻧﺔ ﻟﻴﻬﺎ ... ﻭ ﻣﻨﻴﻦ ﺗﺸﻐﻞ ﻋﻠﻴﻬﺎ ﺣﺴﺎﺕ ﺑﺸﻌﻮﺭ ﺧﺎﻳﺐ ... ﻛﺎﻧﺖ ﻗﺮﺍﺑﺔ ﺍﻟﺮﺑﻌﺔ ﺩﻳﺎﻝ ﺍﻟﻌﺸﻴﺔ ...
ﭼﺎﻟﺴﺔ ﻓﺎﻟﺒﻴﺖ ﺑﻮﺣﺪﻫﺎ ... ﻫﺰﺍﺕ ﺍﻟﻔﻮﻥ ﻭ ﺍﺗﺎﺻﻼﺕ ﺑﺰﻳﻨﺐ ...
ﺯﻳﻨﺐ : ﺍﻟﻮﻭﻭ ﺍﻟﻀﻬﺼﻴﺼﺔ ﺩﻳﺎﻟﻲ ... ﻟﺒﺎﺱ ﻋﻠﻴﻚ
ﺟﻮﻻﻥ : ﺍﻟﺤﻤﺪ ﻟﻠﻪ ... ﺑﺎﻗﺔ ﻓﺎﻟﺸﺮﻛﺔ ؟
ﺯﻳﻨﺐ : ﺁﻩ ﻳﺎﺧﺘﻲ ... ﻋﻴﻴﺖ ﻭ ﺭﺟﻠﻴﺎ ﺗﻨﻔﺨﻮ ﺑﺎﻟﺠﻠﺴﺔ ﻓﻬﺎﺩ ﺍﻟﻤﻜﺘﺐ ... ﺷﻨﻮ ﻛﺪﻳﺮﻱ ﻧﺘﻲ ؟
ﺟﻮﻻﻥ : ﻭﺍﻟﻮ
ﺯﻳﻨﺐ : ﺗﻮﺣﺸﺖ ﺃﻳﺎﻣﻨﺎ ﻓﺎﺵ ﻛﻨﺘﻲ ﺑﺎﻗﺔ ﻓﺎﻟﺸﺮﻛﺔ ... ﺍﻟﺨﺪﻣﺔ ﺑﻼ ﺑﻴﻚ ﻣﻤﻠﺔ
ﺟﻮﻻﻥ : ﺣﺘﻰ ﺃﻧﺎ ﺗﻮﺣﺸﺖ ﺟﻮ ﺍﻟﺨﺪﻣﺔ
ﺯﻳﻨﺐ : ﻭ ﺭﺟﻌﻲ ... ﺁﻩ ﻧﺴﻴﺖ ﻧﺘﻲ ﺧﻄﻴﺒﺔ ﺍﻟﻤﺪﻳﺮ ... ﻣﺎﻳﻤﻜﻨﺶ ﺗﺮﺟﻌﻲ ﻛﻤﻮﺿﻔﺔ ﻫﻨﺎ
ﺟﻮﻻﻥ : ﻣﺎﻋﺮﻓﺘﺶ ... ﻏﻨﻘﻮﻟﻬﺎ ﻟﺮﺋﺒﺎﻝ ... ﺑﻐﻴﺖ ﻧﺮﺟﻊ
ﺯﻳﻨﺐ : ﻋﻼﻩ ﺗﺮﺟﻌﻲ
ﺟﻮﻻﻥ : ﺍﻣﺘﻰ ﻏﺘﺨﺮﺟﻲ ؟
ﺯﻳﻨﺐ : ﺣﺘﺎﻝ ﺩﻳﻚ 8 ﻫﻜﺎﻙ ... ﺃﺟﻲ ... ﻋﻼﺵ ﻣﺎﺗﺠﻴﺶ ﻟﻌﻨﺪﻱ ... ﻭ ﻧﻴﺖ ﺩﻭﺯﻱ ﻋﻨﺪﻭ ﻟﻠﻤﻜﺘﺐ ﻗﻮﻟﻴﻬﺎ ﻟﻴﻪ
ﺟﻮﻻﻥ : ﺩﺍﺑﺔ ؟
ﺯﻳﻨﺐ : ﺁﻩ ﺍﺻﺎﺣﺒﺘﻲ ... ﻋﻼﻩ ﻏﻴﻘﻮﻝ ﻟﻴﻚ ﺷﻲ ﺣﺎﺟﺔ
ﺟﻮﻻﻥ : ﺃﻭﻛﻲ
ﻗﻄﻌﺎﺕ ﺟﻮﻻﻥ ﻣﻊ ﺯﻳﻨﺐ ﻭ ﻧﺎﺿﺖ ﻏﺴﻼﺕ ﻭﺟﻬﺎ ... ﻟﺒﺴﺎﺕ ﻋﻠﻴﻬﺎ ﻭ ﺧﻼﺕ ﺷﻌﺮﻫﺎ ﻣﻄﻠﻮﻕ ... ﻭﺟﻬﺎ ﺧﻼﺗﻮ ﻃﺒﻴﻌﻲ ﻣﺪﺍﺭﺕ ﻟﻴﻪ ﻭﺍﻟﻮ ... ﻫﺰﺍﺕ ﺻﺎﻙ ﺩﺍﺭﺕ ﻓﻴﻪ ﺍﻟﻔﻮﻥ ﻭ ﺍﻟﻔﻠﻮﺱ ﺑﺎﺵ ﺗﺸﺪ ﻃﺎﻛﺴﻲ ... ﻫﺒﻄﺎﺕ ﻟﺘﺤﺖ ﻭ ﻫﻲ ﻣﺘﺎﺟﻬﺔ ﻟﻠﺒﻮﺍﺑﺔ ... ﻭﻗﻔﻬﺎ ﺍﻟﺴﺎﺋﻖ ﺍﻟﺨﺎﺹ ﺑﺮﺋﺒﺎﻝ ...
ﺳﻮﻟﻬﺎ ﻋﻠﻰ ﻓﻴﻦ ﻏﺎﺩﺓ ﻭ ﻃﻠﺐ ﺃﻧﻪ ﻳﻮﺻﻠﻬﺎ ﻫﻮ ... ﺭﻛﺒﺎﺕ ﻣﻌﺎﻩ ﻭ ﺗﻮﺟﻬﻮ ﻟﻠﺸﺮﻛﺔ ... ﻫﺒﻄﺎﺕ ﻭ ﺗﻤﺎﺕ ﺩﺍﺧﻠﺔ ... ﺍﻷﻧﻈﺎﺭ ﻛﻠﻬﺎ ﻛﺎﻧﺖ ﻋﻠﻴﻬﺎ ... ﺣﺪﺭﺍﺕ ﺭﺍﺳﻬﺎ ﻭ ﻃﻠﻌﺎﺕ ﻓﺎﻟﻤﺼﻌﺪ ... ﺩﺍﺯﺕ ﻟﻤﻜﺘﺐ ﺯﻳﻨﺐ ﻣﺎﻟﻘﺎﺗﻬﺎﺵ ﻓﻴﻪ ... ﻗﺎﻟﻮ ﻟﻴﻬﺎ ﺯﻣﻼﺀﻫﺎ ﺭﺍﻩ ﻃﻠﻌﺎﺕ ﻟﻤﻜﺘﺐ ﺍﻟﻤﺪﻳﺮ ﺍﻟﺘﻨﻔﻴﺬﻱ ...
ﺑﻘﺎﺕ ﺟﻮﻻﻥ ﻛﺘﺴﻨﺎﻫﺎ ﻭ ﺍﻟﻤﻮﺿﻔﻴﻦ ﺣﺎﺿﻴﻴﻨﻬﺎ ... ﺣﺴﺎﺕ ﺑﻌﺪﻡ ﺍﻟﺮﺍﺣﺔ ﻭ ﻫﻲ ﺗﻄﻠﻊ ﻟﻠﻄﺎﺑﻖ ﺍﻷﺧﻴﺮ ... ﺧﺮﺟﺎﺕ ﻣﻦ ﺍﻟﻤﺼﻌﺪ ﻭ ﺗﻮﺟﻬﺎﺕ ﻟﻤﻜﺘﺐ ﺭﺋﺒﺎﻝ ﺍﻟﻲ ﻛﺎﻥ ﻓﺂﺧﺮ ﺍﻟﺮﻭﺍﻕ ... ﻭﻗﻔﺎﺕ ﻗﺪﺍﻡ ﻟﺒﺎﺏ ﻭ ﺣﻄﺎﺕ ﻳﺪﻫﺎ ﻋﻠﻰ ﺍﻟﻤﻘﺒﺾ ...
ﺑﻬﺎﺀ ﻛﺎﻥ ﻭﺍﻗﻒ ﺑﻌﻴﺪ ﺷﺎﻓﻬﺎ ﻭ ﻛﺎﻥ ﻏﻴﻤﻨﻌﻬﺎ ﻣﻦ ﺍﻟﺪﺧﻮﻝ ﻭ ﺗﺮﺍﺟﻊ ... ﺣﻼﺕ ﻟﺒﺎﺏ ﻭ ﺗﺤﻠﻮ ﻣﻌﺎﻩ ﻋﻨﻴﻬﺎ ... ﻃﻠﻘﺎﺕ ﻣﻦ ﺍﻟﭙﻮﺍﻧﻲ ﻭ ﻳﺪﻫﺎ ﻛﺘﺮﻋﺪ ... ﻭ ﺍﻟﺒﺮﻭﺩﺓ ﺳﺮﺣﺎﺕ ﻣﻊ ﺃﻃﺮﺍﻓﻬﺎ ...
ﻭﺍﻗﻔﺔ ﻋﻨﺪ ﻟﺒﺎﺏ ﻛﺘﺸﻮﻑ ﻣﻦ ﺍﻟﻔﺘﺤﺔ ﻭ ﻛﻠﻬﺎ ﻛﺘﺮﺟﻒ ... ﺣﺎﺳﺔ ﺑﻘﻠﺒﻬﺎ ﻛﻴﺘﻌﺼﺮ ﻓﻬﺎﺩ ﺍﻟﻠﺤﻈﺔ ... ﻭ ﻳﺪﻳﻬﺎ ﻭ ﺭﺟﻠﻴﻬﺎ ﺑﺮﺩﻭ ﻋﻠﻴﻬﺎ ... ﻣﺪﺍﺕ ﻳﺪﻫﺎ ﻟﻤﻘﺒﺾ ﻟﺒﺎﺏ ﺳﺪﺍﺗﻮ ﻭ ﺭﺟﻌﺎﺕ ﺧﻄﻮﺓ ﺍﻟﻠﻮﺭ ... ﺿﺎﺭﺕ ﻭ ﺗﻤﺎﺕ ﻏﺎﺩﺓ ﻣﺒﻌﺪﺓ ﺑﺨﻄﻮﺍﺕ ﻣﺴﺮﻋﺔ ...
ﺣﺎﺩﺭﺓ ﺭﺍﺳﻬﺎ ﻭ ﻣﻜﺘﺸﻮﻓﺶ ﻗﺪﺍﻣﻬﺎ ... ﻏﻴﺮ ﻗﺮﺑﺎﺕ ﻟﻠﻤﺼﻌﺪ ﻭ ﻫﻲ ﺗﺴﺎﻃﺢ ﻣﻊ ﺷﻲ ﺣﺪ ... ﻫﺰﺍﺕ ﻋﻨﻴﻬﺎ ﻭ ﻫﻲ ﺗﺒﺎﻥ ﻟﻴﻬﺎ ﺯﻳﻨﺐ ...
ﺯﻳﻨﺐ : " ﻛﻀﺤﻚ " ﻣﺎﻟﺒﺴﺘﻴﺶ ﻧﻈﺎﺿﺮﻙ ﻋﻮﺗﺎﻧﻲ ﻫﻬﻬﻪ ... " ﺷﺎﻓﺖ ﻋﻨﻴﻦ ﺟﻮﻻﻥ ﻣﺪﻣﻌﻴﻦ " ﻣﺎﻟﻜﻲ ... ﻭﺍﺵ ﻛﻨﺘﻲ ﻋﻨﺪ ﺧﻄﻴﺒﻚ
ﺟﻮﻻﻥ : ﻝ ﻻ ... ﻏﻨﺮﺟﻊ ﻟﻠﺪﺍﺭ
ﺿﻐﻄﺎﺕ ﺟﻮﻻﻥ ﻋﻠﻰ ﺍﻟﺰﺭ ﺣﺘﻰ ﺗﺤﻞ ﺍﻟﻤﺼﻌﺪ ... ﺩﺧﻼﺕ ﻭ ﻣﻨﺰﻟﺔ ﺭﺍﺳﻬﺎ ﻓﻠﺮﺽ ... ﺗﺒﻌﺎﺗﻬﺎ ﺯﻳﻨﺐ ﻭ ﻫﻲ ﻣﻌﺠﺒﺔ ﻣﻦ ﺣﺎﻟﻬﺎ ... ﺑﻘﺎﺕ ﻏﻴﺮ ﻛﺘﺸﻮﻑ ﻓﻴﻬﺎ ... ﺗﺤﻞ ﺍﻟﺒﺎﺏ ﻭ ﻫﻲ ﺗﻢ ﺧﺎﺭﺟﺔ ﺟﻮﻻﻥ ﻣﻦ ﺍﻟﺸﺮﻛﺔ ... ﺯﻳﻨﺐ ﺑﻘﺎﺕ ﻛﺘﻌﻴﻂ ﻋﻠﻴﻬﺎ ...
ﻣﻨﻴﻦ ﺟﻮﻻﻥ ﻣﺎﻭﻗﻔﺎﺗﺶ ... ﻋﺮﻓﺎﺕ ﺯﻳﻨﺐ ﺷﻲ ﺣﺎﺟﺔ ﻭﺍﻗﻌﺔ ﻣﻌﻬﺎ ... ﻣﺸﺎﺕ ﻛﺘﺰﺭﺏ ﺗﺎﺑﻌﺎﻫﺎ ﺑﺎﻧﺖ ﻟﻴﻬﺎ ﺑﻐﺎﺕ ﺗﻮﻗﻒ ﻃﺎﻛﺴﻲ ﻭ ﻫﻲ ﺗﺸﺪ ﻓﻴﻬﺎ ...
ﺯﻳﻨﺐ : ﺟﻮﻻﺍﺍﺍﻥ ﻣﺎﻟﻜﻲ ... ﺷﻨﻮ ﻭﺍﻗﻊ ؟
ﺟﻮﻻﻥ : ﻣﺎﻭﺍﻗﻊ ﻭﺍﻟﻮ .. ﺑﻐﻴﺖ ﻧﻤﺸﻲ ﻟﻠﺪﺍﺭ
ﻭﻗﻔﺎﺕ ﻃﺎﻛﺴﻲ ﺣﻼﺕ ﺟﻮﻻﻥ ﻟﺒﺎﺏ ﻭ ﻃﻠﻌﺎﺕ ... ﺗﺤﺮﻙ ﻭ ﺯﻳﻨﺐ ﺑﻘﺎﺕ ﻭﺍﻗﻔﺔ ﻣﺎﻓﺎﻫﻤﺔ ﻭﺍﻟﻮ ... ﺭﺟﻌﺎﺕ ﻟﻠﺸﺮﻛﺔ ﻭ ﻃﻠﻌﺎﺕ ﻟﻤﻜﺘﺒﻬﺎ ﻭ ﺑﺎﻟﻬﺎ ﻣﺸﻄﻮﻥ ﻣﻊ ﺟﻮﻻﻥ ...
ﻓﺎﻟﻤﻜﺘﺐ ﻛﺎﻥ ﺭﺋﺒﺎﻝ ﻭﺍﻗﻒ ﺧﺎﺷﻲ ﻳﺪﻳﻪ ﻓﺎﻟﺠﻴﺐ ... ﻭ ﻛﻴﺸﻮﻑ ﻓﻴﻬﺎ ﺩﺍﺧﻠﺔ ﻛﺘﻤﺨﻄﺮ ... ﻭﺻﻼﺕ ﻟﻌﻨﺪﻭ ﻭ ﻗﺮﺑﺎﺕ ﺑﻐﺎﺕ ﺗﺴﻠﻢ ﻋﻠﻴﻪ ﻣﻦ ﺍﻟﻮﺟﻪ ... ﻭ ﻓﻨﻔﺲ ﺍﻟﻠﺤﻈﺔ ﺳﻤﻊ ﺍﻟﺒﺎﺏ ﺗﺤﻞ ... ﻣﺎﺷﺎﻓﺶ ﻓﺎﺗﺠﺎﻫﻮ ﺣﻴﻨﺖ ﻋﺎﺭﻑ ﺷﻜﻮﻥ ...
ﻣﻨﻴﻦ ﺩﺧﻼﺕ ﻟﻠﺸﺮﻛﺔ ﺷﺎﻓﻬﺎ ﻣﻦ ﺍﻟﻜﺎﻣﻴﺮﺍﺕ ... ﻗﺮﺑﺎﺕ ﻻﺧﺮﻯ ﺣﻄﺎﺕ ﻳﺪﻫﺎ ﻋﻠﻰ ﺻﺪﺭﻭ ﻭ ﺑﺎﺳﺘﻮ ﺣﺪﺍ ﺷﻔﺎﻳﻔﻮ ... ﺑﻌﺪﺍﺕ ﺷﺎﻓﺖ ﻓﻴﻪ ﻭ ﻋﻀﺎﺕ ﻋﻠﻰ ﺷﻔﺘﻬﺎ ﻟﺘﺤﺘﺎﻧﻴﺔ ... ﻏﻴﺮ ﺳﻤﻊ ﻟﺒﺎﺏ ﺗﺴﺪ ﻭ ﻫﻮ ﻳﺨﺮﺝ ﻳﺪﻭ ﻣﻦ ﺍﻟﺠﻴﺐ ﻭ ﺷﺪ ﻳﺪﻫﺎ ﺍﻟﻲ ﺣﺎﻃﺔ ﻋﻠﻰ ﺻﺪﺭﻭ ﺑﻌﺪﻫﺎ ...
ﻟﻴﺎﻥ : " ﺷﺎﻓﺖ ﻓﻤﻌﺼﻤﻬﺎ " ﺁﻱ ... ﻗﺒﻀﺔ ﻗﺎﺻﺤﺔ ... ﻣﺎﺷﻲ ﺩﻳﺎﻝ ﻭﺍﺣﺪ ﻛﻴﺴﻨﻲ ﺑﺴﺘﻴﻠﻮ ﻓﺎﺧﺮ ﺍﻷﻭﺭﺍﻕ ﻃﻮﻝ ﺍﻟﻨﻬﺎﺭ
ﺭﺋﺒﺎﻝ : ﻭ ﺗﺤﺮﻛﺎﺗﻚ ﺩﻳﺎﻝ ﻭﺣﺪﺓ ﻣﺤﺘﺮﻓﺔ ﻓﺎﻟﺘﻖ **** ﻣﺎﺷﻲ ﻇﺎﺑﻄﺔ ﻓﺴﻠﻚ ﺍﻟﺸﺮﻃﺔ
ﻟﻴﺎﻥ : ﺃﻭﺗﺶ ... ﻛﻦ ﻛﻨﺖ ﺑﻨﺖ ﻋﺎﺩﻳﺔ ... ﻛﺎﻥ ﻛﻼﻣﻚ ﻏﻴﺠﺮﺣﻨﻲ
ﺭﺋﺒﺎﻝ : " ﻣﺸﺎ ﭼﻠﺲ ﻓﺎﻟﺒﻴﺮﻭ " ﭼﻠﺴﻲ
ﭼﻠﺴﺎﺕ ﻭ ﺩﺍﺭﺕ ﺭﺟﻞ ﻓﻮﻕ ﺭﺟﻞ ... ﻭ ﻣﻊ ﻻﺑﺴﺔ ﺟﻴﭗ ﺟﻴﻨﺰ ﻗﺼﻴﺮﺓ ﺑﺎﻧﻮ ﻓﺨﺎﺿﻬﺎ ﻛﺎﻣﻠﻴﻦ ... ﺷﺎﻓﺖ ﻓﻴﻪ ﻟﻘﺎﺗﻮ ﻛﻴﺸﻮﻑ ﻓﻴﻬﺎ ﺑﻨﻈﺮﺍﺕ ﻓﺸﻲ ﺷﻜﻞ ...
ﻟﻴﺎﻥ : ﻣﻐﺎﺩﻳﺶ ﻧﻀﻴﻊ ﻟﻴﻚ ﻭﻗﺘﻚ ﺍﻟﺜﻤﻴﻦ ... ﺑﻌﺪ ﻟﻘﺎﺀﻧﺎ ﺍﻷﻭﻝ ﺍﻷﺳﺒﻮﻉ ﺍﻟﻲ ﻓﺎﺕ ... ﺳﻤﻌﺖ ﺃﻧﻪ ﻛﻴﺤﻘﻘﻮ ﻓﻤﻮﺕ ﺍﻷﺏ ﺩﻳﺎﻟﻚ ... ﻭ ﻛﺎﻳﻨﻴﻦ ﻇﺒﺎﻁ ﺷﺎﻛﻴﻦ ﺃﻧﻪ ﻣﻴﻜﻮﻧﺶ ﺍﻧﺘﺎﺣﺮ
ﺭﺋﺒﺎﻝ : ﻇﺒﺎﻁ ... ﻛﺘﻌﻨﻲ ﺍﻟﻈﺎﺑﻂ ﻳﺎﻣﻦ ﻭ ﻳﺰﻳﺪ
ﻟﻴﺎﻥ : " ﺑﺈﻧﺪﻫﺎﺵ " ﺑﺎﺵ ﻋﺮﻓﺘﻲ ؟
ﺭﺋﺒﺎﻝ : ﻣﺎﺷﻲ ﻫﻤﺎ ﺍﻟﻲ ﺧﺪﺍﻣﻴﻦ ﻣﻌﺎﻙ ﻓﻨﻔﺲ ﺍﻟﺪﺍﺋﺮﺓ ... ﻭ ﻛﻨﺘﻲ ﻣﻌﺎﻫﻢ ﻧﻬﺎﺭ ﺍﻟﻤﺤﺎﻛﻤﺔ
ﻟﻴﺎﻥ : " ﺗﺼﺪﻣﺎﺕ " ﺵ ﺷﻔﺘﻴﻨﻲ ... ﻳﻌﻨﻲ ﻧﻬﺎﺭ ﺟﻴﺖ ﻋﻨﺪﻙ ﻫﻨﺎ ﻟﻠﻤﻜﺘﺐ ﺑﺎﺵ ﻧﺒﻠﻐﻚ ﺑﻤﻮﺕ ﺍﻻﺏ ﺩﻳﺎﻟﻚ ﺩﺍﺧﻞ ﺍﻟﺴﺠﻦ ... ﻛﻨﺖ ﻋﺎﺭﻑ ﺃﻥ ﻫﺪﺍﻙ ﻣﺎﺷﻲ ﻟﻘﺎﺀﻧﺎ ﺍﻷﻭﻝ !
ﺭﺋﺒﺎﻝ : ﺍﻣﻢ
ﻟﻴﺎﻥ : " ﺑﺘﻮﺛﺮ " ﻋﻨﺪﻙ ﺫﺍﻛﺮﺓ ﻗﻮﻳﺔ ... ﻣﻊ ﺃﻧﻚ ﻛﻨﺖ ﻓﻮﺳﻂ ﻣﺤﺎﻛﻤﺘﻚ ﻟﻤﺤﺘﻴﻨﻲ ... ﻣﺎﻋﺮﻓﺘﺶ ﻭﺍﺵ ﻫﺬﺍ ﺇﻃﺮﺍﺀ ﻟﻴﺎ ... ﺣﻴﻨﺖ ﻇﻨﻴﺖ ﺃﻧﻨﻲ ﺧﻔﻴﺔ ﺑﺎﻟﻨﺴﺒﺔ ﻟﻴﻚ ... ﻭ ﺁﺧﺮ ﻭﺣﺪﺓ ﺗﻨﺘﺎﺑﻪ ﻟﻴﻬﺎ ... ﻭ ﻟﻜﻦ ﺳﺎﻋﺘﻬﺎ ﻣﺘﻌﺎﺭﻓﻨﺎﺵ ... ﺳﻮ ﺗﻘﻨﻴﺎ ﻟﻘﺎﺀﻧﺎ ﺍﻷﻭﻝ ﻫﻮ ﻫﻨﺎ ﻓﻤﻜﺘﺒﻚ
ﺭﺋﺒﺎﻝ : ﺷﻨﻮ ﺳﺒﺐ ﻣﺠﻴﺌﻚ ؟
ﻟﻴﺎﻥ : ﻛﺎﻥ ﻭﺍﺿﺢ ﺃﻧﻚ ﻣﻬﺘﻢ ﺑﺄﺧﺒﺎﺭ ﺍﻷﺏ ﺩﻳﺎﻟﻚ ﻓﺪﺍﺧﻞ ﺍﻟﺴﺠﻦ ... ﻭ ﻣﻨﻴﻦ ﻋﺮﻓﺖ ﺃﻧﻬﻢ ﺑﺪﺍﻭ ﺍﻟﺘﺤﻘﻴﻖ ﺟﻴﺖ ﻧﺒﻠﻐﻚ ... ﻣﻦ ﺣﻘﻚ ﺗﻌﺮﻑ
ﺭﺋﺒﺎﻝ : " ﺻﻐﺮ ﻓﻴﻬﺎ ﻋﻨﻴﻪ " ﻭ ﺷﻨﻮ ﻫﺪﻓﻚ ﻣﻦ ﻫﺎﺩﺷﻲ ؟
ﻟﻴﺎﻥ : " ﺍﺑﺘﺎﺳﻤﺎﺕ ﺑﻤﻴﺎﻋﺔ " ﻳﻤﻜﻦ ﻃﺎﻣﻌﺔ ﻓﺼﺪﺍﻗﺘﻚ
ﺭﺟﻌﺎﺕ ﺟﻮﻻﻥ ﻟﻠﺪﺍﺭ ﻭ ﻃﻠﻌﺎﺕ ﻣﺒﺎﺷﺮﺓ ﻟﻐﺮﻓﺘﻬﺎ ... ﺩﺧﻼﺕ ﻻﺣﺖ ﺍﻟﺼﺎﻙ ﻭ ﺟﻠﺴﺎﺕ ﺟﻨﺐ ﺍﻟﺴﺮﻳﺮ ﻓﺎﻷﺭﺽ ﻭ ﻫﻲ ﺗﻄﻠﻖ ﺍﻟﻌﻨﺎﻥ ﻟﺪﻣﻮﻋﻬﺎ ... ﺣﺎﻃﺔ ﻳﺪﻳﻬﺎ ﻋﻠﻰ ﻭﺟﻬﺎ ﻭ ﺷﻬﻘﺎﺗﻬﺎ ﻣﺴﻤﻮﻋﻴﻦ ... ﺣﺴﺎﺕ ﺑﺸﻌﻮﺭ ﻣﺎﻋﺮﻓﺎﺗﺶ ﻛﻴﻒ ﺗﻮﺻﻔﻮ ...
ﻳﻤﻜﻦ ﻏﻴﺮﺓ ﺧﻮﻑ ﺃﻭ ﻣﺮﺍﺭﺓ ... ﻣﻦ ﻧﻬﺎﺭ ﻋﺮﻓﺎﺕ ﺭﺋﺒﺎﻝ ﻋﻤﺮ ﺷﺎﻓﺖ ﺷﻲ ﻭﺣﺪﺓ ﺟﻨﺒﻮ ... ﻛﺎﻥ ﺩﻳﻤﺎ ﺑﻌﻴﺪ ﻋﻠﻰ ﺟﻨﺲ ﺍﻟﻨﺴﺎﺀ ... ﻭ ﻣﻨﻴﻦ ﺗﻘﺮﺏ ﻣﻨﻬﺎ ﺣﺴﺎﺕ ﺑﻠﻲ ﻫﻲ ﺣﺎﻟﺔ ﺧﺎﺻﺔ ... ﻋﻤﺮﻭ ﻓﺼﺢ ﻋﻠﻰ ﻣﺸﺎﻋﺮﻭ ﺍﺗﺠﺎﻫﻬﺎ ﻟﻜﻦ ﺣﺴﺎﺕ ﺑﺤﺒﻮ ﻟﻴﻬﺎ ...
ﻣﻦ ﻣﻌﺎﻣﻠﺘﻮ ﻭ ﺣﻤﺎﻳﺘﻮ ﻭ ﺧﻮﻓﻮ ﻋﻠﻴﻬﺎ ... ﻛﺎﻥ ﺩﻳﻤﺎ ﻓﺠﻨﺒﻬﺎ ﻭ ﺣﺮﻳﺺ ﻋﻠﻰ ﺃﻧﻬﺎ ﻣﺘﺂﺫﺍﺵ ... ﻳﻤﻜﻦ ﺍﻟﻠﻘﻄﺔ ﺍﻟﻲ ﺷﺎﻓﺖ ﻣﺎﺷﻲ ﺑﺪﺍﻙ ﺍﻟﺴﻮﺀ ﻭ ﺃﻧﻬﺎ ﺷﻲ ﺣﺎﺟﺔ ﻋﺎﺩﻳﺔ ... ﻟﻜﻦ ﻓﻜﺮﺓ ﺃﻥ ﺃﻧﺜﻰ ﺃﺧﺮﻯ ﺗﻘﺮﺏ ﻟﻴﻪ ﻣﺎﺗﻘﺪﺭﺵ ﺗﺴﺘﺤﻤﻠﻬﺎ ... ﻫﻮ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﻋﻨﺪﻫﺎ ... ﻫﻮ ﺣﺒﻴﺒﻬﺎ ﻭ ﺍﻟﺸﺨﺺ ﺍﻟﻲ ﺳﻠﻤﺎﺗﻮ ﺭﺍﺳﻬﺎ ... ﻛﺘﺒﻐﻴﻪ ﺑﻜﻞ ﺟﻮﺍﺭﺣﻬﺎ ﻭ ﺛﻘﺘﻬﺎ ﻓﻴﻪ ﻛﺒﻴﺮﺓ ...
ﻟﻜﻦ ﻣﺎﻗﺪﺭﺍﺗﺶ ﺗﻤﻨﻊ ﺍﻷﻓﻜﺎﺭ ﺍﻟﺴﻠﺒﻴﺔ ﺗﺴﻠﻞ ﻟﻴﻬﺎ ... ﺧﺎﺻﺔ ﻣﻊ ﻛﻞ ﺍﻟﻲ ﻭﻗﻊ ﻣﺆﺧﺮﺍً ... ﺭﺟﻌﺎﺕ ﻛﺘﺸﻮﻑ ﺃﻧﻬﺎ ﺷﺨﺺ ﻣﻨﺤﻮﺱ ... ﻓﻴﻨﻤﺎ ﺑﻐﺎﺕ ﺗﻔﺮﺡ ﺗﻮﻗﻊ ﺷﻲ ﻣﻮﺻﻴﺒﺔ ﻭ ﺍﻟﻤﻮﺕ ﻣﻼﺣﻖ ﺃﺣﺒﺎﺀﻫﺎ ... ﺑﻜﺎﺕ ﺣﺘﻰ ﻧﺸﻔﻮ ﺩﻣﻮﻋﻬﺎ ...
ﻫﺒﻂ ﻣﻦ ﺍﻟﺴﻴﺎﺭﺓ ﻭ ﺩﺧﻞ ﻟﭭﻴﻼ ... ﻭ ﻫﻮ ﻃﺎﻟﻊ ﺗﻼﻗﻰ ﺑﻨﻮﺍﻝ ﻭ ﺳﻮﻟﻬﺎ ﻋﻠﻰ ﺟﻮﻻﻥ ﻭﺍﺵ ﻛﻼﺕ ... ﺧﺒﺮﺍﺗﻮ ﺃﻧﻬﺎ ﺭﻓﻀﺎﺕ ﺗﻌﺸﺎ ... ﻃﻠﻊ ﻣﻊ ﺍﻟﺪﺭﻭﺝ ﻭ ﺗﻮﺟﻪ ﻟﻐﺮﻓﺘﻬﺎ ... ﺣﻞ ﻟﺒﺎﺏ ﻛﺎﻧﻮ ﺍﻟﻀﻮﺍﻭ ﻃﺎﻓﻴﻴﻦ ... ﺷﺎﻑ ﺟﻬﺔ ﺍﻟﺴﺮﻳﺮ ﻭ ﻫﻮ ﻳﺒﺎﻥ ﻟﻴﻪ ﺧﺎﻭﻱ ... ﺯﺍﺩ ﺧﻄﻮﺓ ﻭ ﻫﻮ ﻳﻠﻤﺤﻬﺎ ﻧﺎﻋﺴﺔ ﻓﻠﺮﺽ ﻓﻮﻕ ﺍﻟﺰﺭﺑﻴﺔ ... ﻣﻜﻤﺸﺔ ﻓﺮﺍﺳﻬﺎ ﻭ ﺷﻌﺮﻫﺎ ﻣﻐﻄﻲ ﻭﺟﻬﺎ ... ﻗﺮﺏ ﻟﻌﻨﺪﻫﺎ ﻭ ﺗﺤﻨﻰ ﻫﺰﻫﺎ ...
ﺣﻄﻬﺎ ﺑﺮﻓﻖ ﻓﻮﻕ ﺍﻟﻨﺎﻣﻮﺳﻴﺔ ﻭ ﻃﻠﻊ ﻋﻠﻴﻬﺎ ﺍﻟﻐﻄﺎ ... ﺑﻘﺎ ﻭﺍﻗﻒ ﻛﻴﺸﻮﻑ ﻓﻴﻬﺎ ... ﻣﺪ ﻳﺪﻭ ﺑﺎﻏﻲ ﻳﺒﻌﺪ ﺍﻟﺨﺼﻼﺕ ﺍﻟﻲ ﻃﺎﻳﺤﻴﻦ ﻋﻠﻰ ﻭﺟﻬﺎ ... ﻭ ﻫﻮ ﻳﺘﺮﺍﺟﻊ ﻭ ﺭﺟﻊ ﻳﺪﻭ ﻟﻠﺠﻴﺐ ... ﺿﺎﺭ ﻭ ﺗﻢ ﺧﺎﺭﺝ ﻣﻦ ﺍﻟﻐﺮﻓﺔ ... ﺳﻤﻌﺎﺕ ﺻﻮﺕ ﺍﻟﺒﺎﺏ ﺗﺴﺪ ﻭ ﻫﻲ ﺗﻬﺒﻂ ﺩﻣﻌﺔ ﻋﻠﻰ ﻃﺮﻑ ﻋﻨﻴﻬﺎ ﻭ ﺍﺧﺘﻔﺖ ﻓﺎﻟﻮﺳﺎﺩﺓ ...
🍂🍂 ﻣﺮﻭ ﺍﻷﻳﺎﻡ ﻭ ﺍﻟﻤﺴﺎﻓﺔ ﺑﻴﻦ ﺟﻮﻻﻥ ﻭ ﺭﺋﺒﺎﻝ ﻏﻴﺮ ﻣﺰﺍﺩﺕ ﻛﺒﺮﺍﺕ ... ﻏﻴﺎﺑﻮ ﻛﺜﺮ ﻭ ﺑﺎﻟﻜﺎﺩ ﺭﺟﻌﺎﺕ ﻛﺘﺸﻮﻓﻮ ﻓﺎﻟﭭﻴﻼ ... ﺑﻴﻨﻤﺎ ﺟﻮﻻﻥ ﺭﺟﻌﺎﺕ ﺣﺒﻴﺴﺔ ﻏﺮﻓﺘﻬﺎ ... ﺑﺎﻟﻨﻬﺎﺭ ﻛﺪﻭﺯ ﻣﻌﻈﻢ ﻭﻗﺘﻬﺎ ﻛﺘﻜﺘﺐ ﻭ ﺗﻔﺮﻍ ﻛﻞ ﺍﻟﻲ ﻓﺎﻟﺪﺍﺧﻞ ﺩﻳﺎﻟﻬﺎ ... ﻭ ﺑﺎﻟﻠﻴﻞ ﻛﺘﺒﻘﻰ ﺳﻬﺮﺍﻧﺔ ﺣﺘﻰ ﺗﺴﻤﻊ ﺻﻮﺕ ﺳﻴﺎﺭﺗﻮ ﻭ ﺗﻤﺸﻲ ﺗﺨﺸﻰ ﻓﻔﺮﺍﺷﻬﺎ ...
ﻛﺎﻥ ﻓﺎﻷﻭﻝ ﻛﻴﺠﻲ ﻳﻄﻞ ﻋﻠﻴﻬﺎ ﻭ ﻫﻲ ﻧﺎﻋﺴﺔ ﺃﻭ ﻣﺘﻈﺎﻫﺮﺓ ﺑﻠﻲ ﻧﺎﻋﺴﺔ ... ﺣﺘﻰ ﻫﺎﺩ ﺍﻷﻭﺍﺧﺮ ﻣﺎﺑﻘﺎﺵ ﻛﻴﺪﻭﺯ ﺟﻬﺔ ﻏﺮﻓﺘﻬﺎ ﻧﻬﺎﺋﻴﺎً ... ﻣﻬﻤﺎ ﺣﺎﻭﻻﺕ ﺗﺼﻤﺪ ﻭ ﻣﺎﺗﺒﻜﻴﺶ ﻭ ﺗﺨﻠﻲ ﺍﻷﻓﻜﺎﺭ ﺍﻟﺴﻠﺒﻴﺔ ﺗﺴﻴﻄﺮ ﻋﻠﻴﻬﺎ ... ﺍﻻ ﺃﻧﻪ ﻛﻴﻨﺘﺎﻫﻲ ﺑﻴﻬﺎ ﺍﻟﻤﻄﺎﻑ ﻭ ﻫﻲ ﻣﺒﻠﻠﺔ ﻭﺳﺎﺩﺗﻬﺎ ...
ﻓﺎﻗﺖ ﺍﻟﻴﻮﻡ ﻭ ﺍﻟﺤﺎﻝ ﻻ ﻳﺨﺘﻠﻒ ﻋﻠﻰ ﺑﺎﻗﻲ ﺍﻷﻳﺎﻡ ... ﻭﺟﻬﺎ ﺷﺎﺣﺐ ﻭ ﻋﻨﻴﻬﺎ ﻣﻨﻔﻮﺧﻴﻦ ... ﻏﺴﻼﺕ ﻭﺟﻬﺎ ﻭ ﻫﺰﺍﺕ ﻋﻨﻴﻬﺎ ﻛﺘﺸﻮﻑ ﻓﺎﻧﻌﻜﺎﺳﻬﺎ ﻓﺎﻟﻤﺮﺍﻳﺎ ... ﻣﺎﺑﻘﺎﺗﺶ ﻗﺪﺭﺍﺕ ﺗﻌﺮﻑ ﻋﻠﻰ ﺍﻹﻧﺴﺎﻧﺔ ﺍﻟﻲ ﻗﺪﺍﻣﻬﺎ ... ﺍﻟﺒﻨﺖ ﺍﻟﻲ ﻛﺎﻧﺖ ﻛﺘﺒﻐﻲ ﺍﻟﺤﻴﺎﺓ ﻭ ﻛﻞ ﻧﻬﺎﺭ ﺗﻔﻴﻖ ﺑﺮﻭﺡ ﺇﻳﺠﺎﺑﻴﺔ ... ﻣﺘﺤﻤﺴﺔ ﺗﺒﺪﺍ ﻧﻬﺎﺭ ﺟﺪﻳﺪ ...
ﺗﻤﺸﻲ ﻻﻓﺎﻙ ﺭﻏﻢ ﺷﻘﺎﺀ ﺍﻟﻤﻮﺍﺻﻼﺕ ... ﺗﺸﺒﺖ ﺑﺤﻠﻤﻬﺎ ﻭ ﻫﺪﻓﻬﺎ ﺭﻏﻢ ﻛﻼﻡ ﺑﺎﻫﺎ ﺍﻟﺠﺎﺭﺡ ﺍﻟﻲ ﻛﺘﺴﻤﻊ ﻛﻞ ﻳﻮﻡ ... ﻧﺰﻻﺕ ﺩﻣﻌﺔ ﺣﺎﺭﺓ ﻋﻠﻰ ﺧﺪﻫﺎ ﻭ ﻫﻲ ﻛﺘﺬﻛﺮ ﻭﺟﻪ ﺍﻻﻡ ﺩﻳﺎﻟﻬﺎ ... ﺍﻟﻮﺟﻪ ﺍﻟﺒﺸﻮﺵ ﺍﻟﻲ ﻛﺎﻧﺖ ﻛﺘﺼﺒﺢ ﻋﻠﻴﻪ ... ﺍﻟﻜﻼﻡ ﻭ ﺍﻟﺘﺸﺠﻴﻊ ﺍﻟﻲ ﻛﺎﻧﺖ ﺗﺴﻤﻊ ﻣﻨﻬﺎ ﻭ ﻳﺨﻠﻴﻬﺎ ﺗﺪﻭﺯ ﻧﻬﺎﺭﻫﺎ ﻭ ﺇﺑﺘﺴﺎﻣﺔ ﺍﻣﻞ ﻋﻠﻰ ﻭﺟﻬﺎ ...
ﻭ ﻭﻗﺘﻤﺎ ﻭﺍﺟﻬﺎﺕ ﻳﻮﻡ ﺳﻲﺀ ﻛﺎﻧﺖ ﺗﻠﻘﻰ ﺣﻀﻦ ﻣﻬﺎ ... ﻓﻴﻦ ﺗﺤﺲ ﺑﺎﻟﺪﻓﺊ ﻭ ﺍﻟﺤﻤﺎﻳﺔ ﻛﻠﻤﺎ ﺍﺣﺘﺎﺟﺎﺗﻬﻢ ... ﺣﻄﺎﺕ ﻳﺪﻫﺎ ﻋﻠﻰ ﺻﺪﺭﻫﺎ ﻭ ﺩﻣﻮﻋﻬﺎ ﻏﺎﺩﻳﻴﻦ ﺑﺪﻭﻥ ﺗﻮﻗﻒ ... ﻫﺒﻄﺎﺕ ﭼﺎﻟﺴﺔ ﻓﻠﺮﺽ ﻛﺘﺒﻜﻲ ﺑﺤﺮﻗﺔ ﻭ ﻛﻠﻤﺔ ' ﻣﺎﻣﺎ ' ﻋﻠﻰ ﺷﻔﺎﻳﻔﻬﺎ ...
ﺗﻌﺎﺷﺎﺕ ﺍﻟﻌﺸﻴﺔ ﺯﻳﻨﺐ ﺧﺮﺟﺎﺕ ﻣﻦ ﺍﻟﺸﺮﻛﺔ ﻭ ﻫﻲ ﺗﺒﺎﻥ ﻟﻴﻬﺎ ﺍﻟﻠﻮﻃﻮ ﺩﻳﺎﻝ ﺇﻟﻴﺎﺱ ... ﺣﻼﺕ ﻟﺒﺎﺏ ﻭ ﻃﻠﻌﺎﺕ ... ﺑﺎﺳﺘﻮ ﻓﺨﺪﻭ ﺩﺍﺭﺕ ﺍﻟﺤﺰﺍﻡ ﻭ ﻫﻮ ﻳﺘﺤﺮﻙ ...
ﺯﻳﻨﺐ : ﺑﻐﻴﺖ ﻧﻤﺸﻲ ﻧﻄﻞ ﻋﻠﻰ ﺟﻮﻻﻥ
ﺇﻟﻴﺎﺱ : " ﻭ ﻫﻮ ﻣﺮﻛﺰ ﻓﺎﻟﻄﺮﻳﻖ " ﻣﺎﺑﺎﻏﺎﺵ ﺗﻌﺸﺎﻱ
ﺯﻳﻨﺐ : ﺑﻐﻴﺖ ﻧﺸﻮﻓﻬﺎ ... ﻫﺎﺩ ﺍﻷﻳﺎﻡ ﺗﺸﻐﻠﺖ ﻭ ﻣﻄﻠﻴﺘﺶ ﻋﻠﻴﻬﺎ ... ﻭ ﻣﻨﻴﻦ ﻛﻨﻌﻴﻂ ﻋﻠﻴﻬﺎ ﻣﻜﺘﺠﺎﻭﺑﺶ
ﺇﻟﻴﺎﺱ : " ﺍﻟﺼﻤﺖ "
ﺯﻳﻨﺐ : " ﺿﺎﺭﺕ ﻛﺘﺸﻮﻑ ﻓﻴﻪ " ﻏﺪﺍ ﺃﻧﺎ ﻋﺎﺭﺿﺎﻙ ﻟﻌﺸﺎ ﻋﻠﻰ ﺣﺴﺎﺑﻲ ... ﻭ ﻣﻨﻴﻦ ﻧﺘﻌﺸﺎﻭ ﻧﻤﺸﻴﻮ ﺟﻬﺔ ﻟﺒﺤﺮ ﻧﺘﻤﺸﺎﻭ ﺟﻨﺐ ﻟﺒﺤﺮ ... ﻭﺍﺧﺔ ﻣﻨﻴﻦ ﻧﺮﺟﻊ ﻣﻌﻄﻠﺔ ﻓﺎﻃﻤﺔ ﻏﺘﻨﮕﺮ ﻋﻠﻴﺎﺭ ... ﻣﻲ ﻣﺎﺷﻲ ﻣﺸﻜﻴﻞ
ﺇﻟﻴﺎﺱ : " ﺗﻠﻔﺖ ﻋﻨﺪﻫﺎ ﻭ ﺍﺑﺘﺎﺳﻢ ﻟﻴﻬﺎ "
ﺯﻳﻨﺐ : ﺗﻮﺣﺸﺖ ﺿﺤﻜﺘﻚ
ﺇﻟﻴﺎﺱ : " ﺷﺪ ﻳﺪﻫﺎ ﻭ ﺑﺎﺳﻬﺎ " ﻭ ﺃﻧﺎ ﺗﻮﺣﺸﺘﻚ
ﻭﺻﻞ ﺑﺎﺏ ﺍﻟﭭﻴﻼ ﻭ ﻭﻗﻒ ... ﺣﻴﺪﺍﺕ ﺯﻳﻨﺐ ﺍﻟﺤﺰﺍﻡ ﻭ ﻗﺮﺑﺎﺕ ﻟﻴﻪ ﻋﻨﻘﺎﺗﻮ ... ﺑﺎﺩﻟﻬﺎ ﺇﻟﻴﺎﺱ ﺍﻟﻌﻨﺎﻕ ﻣﺰﻳﺮ ﻋﻠﻴﻬﺎ ... ﺑﻌﺪﺍﺕ ﻛﺘﺸﻮﻑ ﻓﻴﻪ ﻣﺒﺘﺎﺳﻤﺔ ... ﻃﺒﻌﺎﺕ ﻗﺒﻠﺔ ﺧﻔﻴﻔﺔ ﻋﻠﻰ ﺷﻔﺎﻳﻔﻮ ﻭ ﻫﺒﻄﺎﺕ ... ﺗﺤﺮﻙ ﻫﻮ ﻣﻐﺎﺩﺭ ﻭ ﻫﻲ ﺩﺧﻼﺕ ...
ﻃﻠﻌﺎﺕ ﻟﻐﺮﻓﺔ ﺟﻮﻻﻥ ... ﺩﻗﺎﺕ ﻓﺎﻟﺒﺎﺏ ﻋﺎﺩ ﺣﻼﺗﻮ ﻭ ﺩﺧﻼﺕ ... ﻣﺒﺎﻧﺘﺶ ﻟﻴﻬﺎ ﻓﺎﻟﺒﻴﺖ ﻭ ﻫﻲ ﺗﻮﺟﻪ ﻟﻠﺒﺎﻟﻜﻮﻥ ... ﻛﻴﻒ ﻭﺻﻼﺕ ﻟﻤﺤﺎﺕ ﺟﻮﻻﻥ ﭼﺎﻟﺴﺔ ﻓﻠﺮﺽ ﻛﺘﺸﻮﻑ ﻟﻘﺪﺍﻡ ﻭ ﺳﺎﻫﻴﺔ ... ﻗﺮﺑﺎﺕ ﻋﻨﺪﻫﺎ ﺯﻳﻨﺐ ﻭ ﻗﺮﺩﺍﺕ ﺣﺪﺍﻫﺎ ...
ﺯﻳﻨﺐ : ﺍﻟﺤﺐ ﻓﻴﻤﻦ ﺳﺎﻫﻲ ... ﻳﺎﻛﻤﺎ ﻓﺤﺒﻴﺐ ﺍﻟﻘﻠﺐ " ﺍﻧﺘﺎﺑﻬﺎﺕ ﻟﻮﺟﻬﺎ " ﺟﻮﻻﺍﺍﻥ
ﺟﻮﻻﻥ : " ﺷﺎﻓﺖ ﻓﻴﻬﺎ "
ﺯﻳﻨﺐ : ﺷﻨﻮ ﻭﺍﻗﻊ ﻟﻴﻚ ... ﻣﺎﻝ ﻭﺟﻬﻚ ﺻﻔﺮ ﻫﺎﻛﺔ ... ﻭﺍﺵ ﻓﻴﻚ ﻟﻴﻐﻴﮕﻞ ... ﻓﻴﻚ ﻟﻮﺟﻊ ؟؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﻼ "
ﺯﻳﻨﺐ : ﻭ ﻣﺎﻟﻚ ﻋﻠﻰ ﻫﺎﺩ ﺍﻟﺤﺎﻟﺔ ... ﻻ ﻧﺘﻲ ﺑﻴﻚ ﺷﻲ ﺣﺎﺟﺔ ... ﻣﻦ ﻧﻬﺎﺭ ﺟﻴﺘﻲ ﻟﻠﺸﺮﻛﺔ ﻭ ﻣﺸﻴﺘﻲ ﻓﺪﻳﻚ ﺍﻟﺤﺎﻟﺔ ... ﻭ ﺣﺎﻟﺘﻚ ﺗﺒﺪﻻﺕ ... ﺷﻨﻮ ﻭﺍﻗﻊ ؟؟
ﺟﻮﻻﻥ : ﻭﺍﻟﻮﻭ
ﺯﻳﻨﺐ : ﻻ ﻣﺎﻳﻤﻜﻨﺶ ... ﺷﻲ ﺣﺎﺟﺔ ﻛﺎﻳﻨﺔ
ﺟﻮﻻﻥ : " ﺗﻐﺮﻏﺮﻭ ﻋﻨﻴﻬﺎ " ﺑﻐﻴﺖ ﻧﻤﻮﺕ ... ﻣﺎﻛﺮﻫﺘﺶ ﻧﺘﺒﻊ ﻣﺎﻣﺎ ﻭ ﻧﺘﻬﻨﻰ ... ﻣﻦ ﻧﻬﺎﺭ ﻣﺸﺎﺕ ﻣﺎﺷﻔﺖ ﻧﻬﺎﺭ ﺯﻭﻳﻦ
ﺯﻳﻨﺐ : ﺃﻭﻳﻠﻲ ﺣﻤﺎﻗﻴﺘﻲ ... ﺍﺵ ﻛﺘﻘﻮﻟﻲ ... ﻗﻮﻟﻲ ﺃﻋﻮﺫ ﺑﺎﻟﻠﻪ
ﺟﻮﻻﻥ : ﻣﺎﺑﻘﻴﺘﺶ ﻗﺎﺩﺭﺓ ... ﻏﻨﺤﻤﺎﻕ ﻓﻬﺎﺩ ﺍﻟﺪﺍﺭ ... ﻣﺎﻋﺎﺭﻓﺔ ﺷﻨﻮ ﻭﺍﻗﻊ ... ﻻ ﺃﻧﺎ ﻗﺎﺩﺭﺓ ﻧﻮﺍﺟﻬﻮ ﻭ ﻻ ﻧﺒﻌﺪ " ﻛﺘﻤﺴﺢ ﻓﺪﻣﻮﻋﻬﺎ " ﺷﻨﻮ ﻧﺪﻳﺮ ﺍﺯﻳﻨﺐ ﺷﻨﻮﻭﻭ ﻧﺪﻳﻴﻴﺮ
ﺯﻳﻨﺐ : ﻋﺎﻭﺩﻱ ﻟﻴﺎ ﺑﺎﺵ ﻧﻌﺮﻑ ﺷﻨﻮ ﺟﺎﺭﻱ ﻣﻌﺎﻙ
ﺟﻮﻻﻥ : ﺭﺋﺒﺎﻝ ﺗﺒﺪﻝ ﺑﺰﺍﺍﺍﻑ ... ﺗﻐﻴﺮﺍﺕ ﻣﻌﺎﻣﻠﺘﻮ ﻣﻌﻴﺎ ... ﺭﺟﻌﺖ ﺑﺤﺎﻝ ﺷﻲ ﺣﺎﺟﺔ ﺯﺍﻳﺪﺓ ﻧﺎﻗﺼﺔ ﻋﻨﺪﻭ ... ﻣﻠﻴﻮﺣﺔ ﻓﻬﺎﺩ ﺍﻟﺒﻴﺖ ﻋﻤﺮﻭ ﻓﻜﺮ ﻳﺠﻲ ﻳﻄﻞ ﻋﻠﻴﺎ ﻭ ﻻ ﻳﺴﻮﻟﻨﻲ ﻣﺎﻟﻲ
ﺯﻳﻨﺐ : ﻻ ﻣﺴﺘﺤﻴﻞ ﻳﺪﻳﺮ ﻫﺎﻛﺔ ... ﺑﺎﻳﻦ ﻏﻴﻜﻮﻥ ﻣﺰﺍﻝ ﻣﺄﺛﺮ ﺑﻤﻮﺕ ﻻﺣﺒﻴﺒﺔ ﺍﻟﻠﻪ ﻳﺮﺣﻤﻬﺎ ... ﺭﺍﻙ ﻋﺎﺭﻓﺔ ﻛﺎﻧﺖ ﻓﻤﺜﺎﺑﺔ ﺟﺪﺍﻫﻢ ... ﻭ ﻣﺎﺷﻲ ﻏﻴﺮ ﻫﻮ ﺍﻟﺪﺭﺍﺭﻱ ﻛﺎﻣﻠﻬﻢ ﻣﺄﺛﺮﻳﻦ ... ﻣﻦ ﺇﻟﻴﺎﺱ ﻫﺎﺩ ﺍﻟﻤﺪﺓ ﻗﻠﻴﻞ ﻓﻴﻦ ﻛﻨﺸﻮﻓﻮ ... ﺿﺮﻭﺭﻱ ﻛﺎﻧﻮ ﻣﺤﺘﺎﺟﻴﻦ ﻭﻗﺖ ﻳﺒﻌﺪﻭ
ﺟﻮﻻﻥ : ﺩﺍﻙ ﺍﻟﻨﻬﺎﺭ ﻓﺎﺵ ﻣﺸﻴﺖ ﻟﻠﺸﺮﻛﺔ ﻟﻘﻴﺖ ﻣﻌﺎﻩ ﻭﺣﺪﺓ ﻓﺎﻟﻤﻜﺘﺐ
ﺯﻳﻨﺐ : ﻭﺣﺪﺓ ... ! ﺷﻜﻮﻥ ﻫﺎﺩﻱ ؟
ﺟﻮﻻﻥ : ﻣﺎﻋﺮﻓﺘﺶ ... ﺷﻔﺘﻬﻢ ﻭﺍﻗﻔﻴﻦ ﻗﺮﺍﺏ ﻟﺒﻌﺾ ﻭ ﺍﻧﺎ ﻧﺨﺮﺝ
ﺯﻳﻨﺐ : ﻏﺘﻜﻮﻥ ﺷﻲ ﻣﻮﺿﻔﺔ ﺍﺻﺎﺣﺒﺘﻲ ... ﺭﺋﺒﺎﻝ ﻣﺴﺘﺤﻴﻞ ﻳﺨﻮﻧﻚ
ﺟﻮﻻﻥ : " ﺑﻐﺼﺔ " ﻣﺎﻧﻘﺪﺭﺵ ﻧﺘﺤﻤﻞ ﺍﺯﻳﻨﺐ ﻣﺎﻧﻘﺪﺭﺵ ... ﺃﻧﺎ ﻛﻨﺒﻐﻴﻪ ﻭ ﻫﻮ ﻛﻠﺸﻲ ﺑﺎﻟﻨﺴﺒﺔ ﻟﻴﺎ ... " ﺣﻄﺎﺕ ﻳﺪﻫﺎ ﻋﻠﻰ ﻭﺟﻬﺎ " ﺳﻠﻤﺘﻮ ﻗﻠﺒﻲ ﻭ ﺭﺍﺳﻲ
ﺯﻳﻨﺐ : ﺵ ﺷﻨﻮ ﻗﻠﺘﻲ ؟
ﺟﻮﻻﻥ : " ﻛﺘﺒﻜﻲ " ﻣﻐﺎﺩﻳﺶ ﻳﺴﻤﺢ ﻓﻴﺎ ... ﺑﻌﺪﻣﺎ ﺳﻠﻤﺘﻮ ﺃﻏﻠﻰ ﺣﺎﺟﺔ ﻋﻨﺪﻱ ... ﻣﺎﻳﻤﻜﻨﺶ ﻳﺪﻳﺮﻫﺎ ﻳﺎﺍﻙ
ﺯﻳﻨﺐ : ﻭﺍﺵ ﻭﻗﻌﺎﺕ ﺑﻴﻨﺎﺗﻜﻢ ﺷﻲ ﺣﺎﺟﺔ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ "
ﺯﻳﻨﺐ : ﺇﻣﺘﻰ ﻫﺎﺩﺷﻲ ؟
ﺟﻮﻻﻥ : ﻓﺎﺵ ﻛﻨﺎ ﻓﺎﻟﺪﺍﺭ ﺍﻟﻲ ﻓﺎﻟﺠﺒﻞ
ﺯﻳﻨﺐ : " ﺍﻟﺼﻤﺖ "
ﺟﻮﻻﻥ : ﻋﻼﺵ ﺳﻜﺘﻲ ... ﻗﻮﻟﻲ ﺷﻲ ﺣﺎﺟﺔ ... ﻋﺎﺭﻓﺔ ﺭﺍﺳﻲ ﻏﻠﻄﺖ ... ﻭ ﻣﺎﺷﻲ ﻏﻴﺮ ﻫﺎﺩﺷﻲ
ﺯﻳﻨﺐ : ﺷﻨﻮ ؟؟
ﺟﻮﻻﻥ : ﻳﻤﻜﻦ ﺷﺎﻙ ﺑﻠﻲ ﻣﺎﺷﻲ ﻫﻮ ﺃﻭﻝ ﻭﺍﺣﺪ ﻓﺤﻴﺎﺗﻲ ... " ﻋﻨﻴﻬﺎ ﻋﺎﻣﺮﻳﻦ ﺩﻣﻮﻉ " ﺩﺍﻛﺸﻲ ﻋﻼﺵ ﺗﺒﺪﻻﺕ ﻣﻌﺎﻣﻠﺘﻮ ﻣﻌﻴﺎ ﻳﺎﺍﺍﻙ
ﺯﻳﻨﺐ : ﻣﺎﻓﻬﻤﺘﺶ ... ﺷﻨﻮ ﻛﺘﻘﺼﺪﻱ !
ﺟﻮﻻﻥ : ﺩﺍﻙ ﺍﻟﻨﻬﺎﺭ ... ﻣﺎﺧﺮﺟﺶ ﻟﻴﺎ ﺍﻟﺪﻡ