#منطقة_خطر🚷
#Yarinya
#الحلقة_الآولى
خليفة:/لفت نظره حيط حوش حنان الي كان عليه اثار دم وايدين سرح وقعد يتآمل فيه
عمران:/هيا خليفة
خليفة:/فاق لروحه
هيا جاي وفات وعيونه ع الحيط
خليفة:/ممكن اسند عليه
حنان:/تشوف لخنجر وتبكي
اني شن درتتت كيف نقبل ندخله لبيتي😭
اوسمة:/يما اهدي
حنان:/مزال اتقولي اهدي كيف نهدا ومجرم في وسط بيتي افرضي اينوض يدبحنا ووووو
اوسمة:/جود جيبيلي الشاش الي في داري ومعاه المعقم وجيبيلي مناشف نظيفة
جود:/باهي
حنان:/ انتي بالك ميت وماتبي تقولي
اوسمه:/حي ياماما غير اهدي بسس
جود:/هاك
اوسمه:/خدتهم وتفكر شن بدير
وتفكرت امل بنت جيرانهم تقرا ثالثة بشري وبوها دكتور
اوسمة:/بنكلم امل تساعدني مش حنقدر بروحي
حنان:/لالا فكيناا تو تخبر هلها ونريحوا فيها
اوسمة:/لالا امل ما اديرهاش
وخدت تلافونها واتصلت بيها
حنان:/يااارب سترررك ولطفك 😰
اوسمة:/هلا امل تعاليلي نبيك ضروري
امل:/خيير سومه شن في😨
اوسمة:/غير تعالي بس
امل:/مش حنقدر باتي مش حيخليني بعد قصة المجرم الي ايدورو فيه فكيني مرات يطلع برا ويشدني يقتلني
اوسمة:/نطي من السور
امل:/باهي
حنان:/كل شوي تشوف في نبض خنجر وميته من الخوف منه
امل:/شديني راهو ننكسر وعندي امتحانات ماكملتهم
اوسمة:-مابطيحي غير هيااا
{امل حوشهم لاصق في حوش حنان}
امل:/اهو جيت شن هو الموضوع الخطير
اوسمة:/بإرتباك
تعالي بس حلفتك بالله تسكتي وماتقولي شي
امل:/اوسمة شن في راهو بديت نخاف
اوسمة:/احلفي قبل
امل:/والله مش قايله شي غير شن في
اوسمة:/تعالي
وخشت المربوعة
امل:/تشهق بآعلى حسها
ه ه هذااا المجرم ووووووو
وطلعت تجري
اوسمة:/تيييي غيييير تعاالي
امل:/انتي هبللتي كيف تساعدي واحد مجرم قاتل كيف هذا نسيتي شن دارو فينا تي غير كان يعلموا هنا ره بتريحوا فيها
اوسمة:/مهما كان ايكون الولد في حاجتنا وينزف بيموت حنتعاملوا معاه بآصلنا وحنخلوا الكراهية ع جنب في النهاية احني ليبين كان ماحنينه في بعضنا من حيحن علينا؟
امل:/اوسمة حبيبتي كلامك ع العين والراس بس عارفه وضعنا هنا اي حد يوقف معاهم يقتلوه
اوسمة:/باهي تقدري تروحي تو نصرف بروحي
امل:/سلام
اوسمة:/تنهدت وخشت عند خنجر
حنان:/روحت صح اني قتلك تو تمشي تفضحنا
اوسمة:/كنت نحسابها بتساعدني💔
حنان:/يابنتي الي هو خايف ع روحه تو كيف بنديرو في مصيبتنا هذي
اوسمة:/انحاول انخيطله الجرح ونساعده بإلي نقدر عليه
جود:/اهم المناشف والمعقهم
اوسمة:/شاده رجل خنجر وتشبحلها بخوف
هيا اوسمة تقدري 😣
وبدت تمزق في السروال تمسح في الدم
حنان:/شن هالصوت😱😱
اوسمة:/😨😨😨
جود:/😨😨😨😨😨
اوسمة:/طلعت بالشوية
امل:/عندكم شاش
اوسمة&حنان&جود:/😨😨😨😨
حنان:/خلعتينا ياامل😨😨
اوسمة:/ليش جيتي
امل:/مانقدر نخليك بروحك
اوسمة:/عارفتك مستحيل تخليني😍
امل:/هذا الي قدرت نهربه من دار باتي وخديت شوية فيتامينات وجبت ابرآه بيش نخيطوله الجرح هيا خلينا نبدو قبل ما ايفيقوا بيا هلي
اوسمة:/هياا
امل:/عمتي حنان اهذي انتي عندك السكر حاولي تهدي مافي شي ايخوف
حنان:/ان شاء الله يابنتي😩
اوسمة:/هيا يا امل
ربيعة:/شنوووووو
وووووو علياااا وووو وييييين خووووووك وييينه
مراد:/مش عارف يما بس هذا الي صار ومافي حد يقدر يخش المنطقة
ربيعة:/اغمى عليها
________________
امل:/تمام كملنا وخلي الابره هذي معاك بحيث كان ناض عطيها ليه
اوسمة:/صحيتيوالله بدونك ماعرفت شن اندير
امل:/مش بيناتنا عاد توا اني نستآذن خلي نمشي قبل ما ايفيقوا بيا
اوسمة:/اذنك معاك
حنان:/ياامل ردبالك اتقولي لحد
امل:/اكيد عمتي ماتخافي والله مش حنقول لحد
حنان:/بارك الله فيك يابنتي
امل:/تصبحوا ع خير😊
حنان:/قدامك الخير
امل:/خلي بجنبكم موس وعصا بيش كان وعي وهجم عليكم اقتلوه فاهمه
اوسمة:/🙂🙂 باهي
امل:/راكبه ع السلوم ووقفت
لكن طرف ياكبدي😍
اوسمة:/تحشمي ع وجهك وروحي😂
امل:/اي لزي ماهو تمت مصلحتك لكن يا سعدودكم بايت معاكم طرف مغبر زي هذا😍
اوسمة:/امللل
امل:/تو الصبح نمر نطمن عليكم😍
اوسمة:/هني روحك سلم بنتي وهيا روحي تو اينوض بوك ويقلبلنا الدنيا
امل:/باهي ماشية🙂
ووصلت لنهاية الحيط
امل:/قبل ما ايروح خودي رقمه بيش نطمنو عليه😍
اوسمة:/حدفت اللصقه الي في يدها عليها
امل:/ههههههه ماقلت شي
اوسمة:/من الي من ساعة ميتة من الخوف وهو دايخ مش قادره تقرب منه🙂
امل:/😂😂😂مش عارفه قلبي حن
وتسمع في صوت بابهم
امل:/هيااا سلام😨😨😨
خشت وتشوف في امها شاده موس وتتفرج ع خنجر
اوسمة:/ماما🙂
حنان:/افرضي اينوض يدبحنا بري ارقدي انتي وخواتك في داري واقفلنها عليكن
اوسمة:/ اني مش عارفه ليش خايفين منه لهدرجة
حنان:/تي هذا وراه مصاايب يعلم بيها كان الله المهم بري ارقدي
اوسمة:/بنقعد معاك
جود:/تخايلو يطلع داعشي
حنان&اوسمة:/😨😨😨
اوسمة:/تي شن تقولي انتي هذا عسكري شكله
حنان:/حتى الدواعش يلبسوا هكي😱
اوسمة:/يعني ايفيق يدبحنا🙂
حنان:/اني حاسه وقلبي مش متريحله غير امتى ايصبح الصبح😭
جود:/مرات دايرلنا كمين ويطلع مافيه شي ويرجا فينا نرقدو بيش ايدير مجزرة في الحوش😨
حنان:/ش شنوو😱😱😱😱😱
اوسمة:/نقصي من الافلام 🙂
الولد مجروح وان شاء الله غير وضعه يتحسن لآن نزف واجد
حنان:/تو بات امل ما بيفيق بمحلول التغدية الي خداته
اوسمة:/لالا عندهم واجد وتعرفيه انتي ديما مخلي احتياط في البيت تحسباً لآي ظرف طارىء
حنان:/يارب الطف بينا واسترها معانا
اوسمة:/امين
حنان:/جود بري شوفي خواتك راقدات ولا فاقن
حنان:/اني ناعسني النوم وخايفه نرقد وايفيق يدبحنا😰
اوسمة:/يما خلاص ما بدير شي هو غير ايفيق بس
اوسمة:/كانت خايفه بس مش امبينة
جود:/الساعة 3 ماشية نرقد
قعدت اوسمة وامها ساهرات وطول الليل ايراقبن في خنجر وخايفات منه
الليلة مشت رعب عليهم حنان من الخوف ماقدرتش ترقد واوسمه احرف منها غير مش امبينه راجل غريب وفي وسط حوشهم مجروح ومش معروف قصته
فرح:/حسيت راسي صداع ونعسني النوم اطمنت ع الراجل القيت وضعه تمام خشيت الدار حطيت راسي ع المخده ومشيت فيها نوم
مع الصبح
خنجر:/حاس جسمي ثقيل وكدلك راسي فتحت عيوني بصعوبه حاس بآلم قوي
مش قادر نتفكر شي
في بالي حاجة وحده بس
صورة اصحابي
اصحابي الي كانوا فرحانين انهم مروحين لهلهم
الي ضحكتهم وصوتهم مزال في بالي
نضت وحاولت نسترجع داكرتي ونحدد ني وين قاعد فكيت الابره وحاولت انوض
حنان:/جيبيلي المية
جود:/اهي
خنجر:/بإرتباك
السلام عليكم
وقعد ايخبط ع الباب الخارجي
حنان:/وخرت ع ورا وخدت الموس وحطاته وراها وطلعتله
حنان:/بخوف و وعليكم السلام 😰
جود:/لصقت في امها وتشوفله بخوف
خنجر:/امنزل راسه وبصوت يادوب طالع بارك الله فيك ياعمتي جميلك مش ناسيه ليك طول عمري يعلم الله اني مش جاي نآديكم
كان في داخلها خوف ونفس الوقت تعاطف ماكان هاين عليها تخليه بوضعه هذا رغم انها عارفه مابيجيها منه كان المشاكل
حنان/عادي ياولدي مافي جميل كيف حالك
خنجر:/بخير الحمد الله
حنان:/الحمد الله كان وضعك خطير امس ونزفت واجد وربي شبح فيك
خنجر:/بارك الله فيكم ني توا نستآذن
حنان:/خليك الفطور واتي افطر قبل وقوت روحك وامشي
خنجر:/مش داعي نبي تلافون بس
حنان:/تو نجيبه هي
رُبا:/من انت وشن ادير في حوشنا
خنجر:/ههه اهلا
اميره:/ماما من هذا😕
جود:/هذا شرطي كان مضروب ساعدناه
رُبا:-تشوفله بخوف
حنان:/تفضل
خنجر:/بارك الله فيك
اتصل بخاله بس ماردش عليه
حنان حطت سفرة الفطور وطلعت
ام خنجر منهاره ع الاخير💔
دلال:/خلاص ياعمتي ان شاء الله مافيه شي ما اديري في روحك هكي
سمية:/اي ياعمتي استهذي بالله
ربيعة:/نااار داخلي ولدددي ولديي رااااح ماحد يعلم شن صارله حسبي الله فيهم😭😭😭
في الجنان
حنان:/ليش ماكليت
خنجر:/لا شبعت
حنان:/بالك ماتفطر هكي تاخد في شي معين
خنجر:/لالا صحيتي ياعمتي
وقف وجاي بيطلع
خنجر/بارك الله فيك ع وقفتك معاي ني نستآذن تو
حنان:/ماتقول هكي ياولدي ارجى شوية خلي نجيبلك لبسه تلبسها مابتقدر تطلع هكي باللبس العسكري تو مرات حد يعرفك ولبسك كله دم
خنجر:/شاف ل دبشه الي كان مليان دم وامبهدل
حنان:/ارجاني هنا
خنجر:/شاف للسماء وتنهد
اوسمة:/نايضه وتحك في عيونها والشعر امبهدل ومايل ع الجنب وقفطان باصمه
امي😨😨😨
ونست خنجر الي قاعد معاهم
خنجر:/اول ما شافها لف ع الجيهة الثانية
اوسمة:/من الحشمة هربت
حنان:/ياغبارتك طالعه للراجل هكي
اوسمة:/نسييته والله نسيته😰
حنان:/هذي عربية الحاج الله يرحمه وهذي حافظه فيها اكل مرات تجوع في الطريق
خنجر:/ مش عارف شن انقولك ربي ايقدرني اني نردلك جميلك بارك الله فيك
حنان:/ هذا واجبي برا البسها
اوسمة:/ياحشمتي طالعتله هكي 😰
جود:/هههههههه لكن منظرك خياال تقول هاربه من مصحه عقلية
اميرة:/ههههه بكلل خلعت الراجل
اوسمة:/سكرن خلاص عاد ما صدقتن😒
خلي انوض نعطيه الابره قبل ما يمشي
جود:/ ههههه اخلعيه مرا ثانية
اوسمة:/😒نننن
حنان:/انتبه لروحك ياولدي عارفهم انت هذيم
خنجر:/ان شاء الله معليش نبي امية
حنان:/تو نجيبلك دقايق بس
وخشت وفي لحظات طلعت اوسمة بتردد
اوسمة:/بإرتباك كبير السلام عليكم
خنجر:/بدون ما يشوفلها وعليكم السلام
اوسمة:/كيف حال صحتك
خنجر:/بخير الحمد الله
اوسمة:/ أ
خنجر:/امنزل راسه وباين عليه الارتباك ونفاذ الصبر
اوسمة:/ياعمي انت امس نزفت وعطيناك فيتامينات ودرنا الي قدرنا عليه بس لازم توا تعوض وتنتبه لصحتك واول ماتطلع من هنا بالسلامة امشي المستشفى ايشوفولك الجرح ماتتهاون
خنجر:/ان شاء الله
وكان يتآلم ومش امبين
اوسمة :/لا حظاته
أ هذي ابرة اضربها مسكن😨
خنجر:/مد يده بمعنى اضربيها
اوسمة:/هذي ابرة عضل ياعمي 😅
خنجر:/ارتبك ووجها بدي الوان
اوسمة:/ كان هذا خليها لما تمشي المستشفى
خنجر:/تو نضربها بروحي
اوسمة:/بس ياعمي
خنجر:/اولاً اني مش عمك وثانياً نعرف نضربها بروحي مدربين نخيطوا حتى جرحنا بروحنا
خدي منها الابرة وخش الحمام
حنان:/شن امطلعك يافرخه اندمري داخل
اوسمة:/عطيته الابره بيضربها
حنان:/حطت المية ع الطاولة خلاص مش كملتي خشي داخل
خلي نحطله دبشه نسيته داخل
خنجر:/طلع
حنان:/هذا الكيس فيه اكل وامية وداخله كيس ثاني فيه دبشك هوصح مبلول و ما لحقش ايجف
خنجر:/خداه منها بارك الله فيك سامحوني تقلت عليكم
حنان:/هذا واجب ياولدي انتبه لروحك كويس
خنجر:/ان شاء الله
بس ممكن لو تعطيني التلافون مره ثانية نبي نتصل بهلي
حنان:/اكيد دقيقه بس نجيبه ونجيك
ولحظات وجابتله التلافون
خنجر:/خداه واتصل بخاله
خنجر:/ايوا
عمر:/اهلا من معاي
خنجر:/ني خنجر
عمر:/خنجرر تي وييينك انت وين قااعد وشن صارلك تكلللم
خنجر:/قصة طويله بعدين نحكيها اني في منطقة...بنطلع نبي حد ايقابلني بداية البوابة جيهة مزارع الشريط
عمر:/عارفكم غادي بس ماقدرنا نوصلولكم تو نبعتلك مجموعة وكيف صار في ادهم ومنير والباقي وينهم معاك
خنجر:/مانجي حد كلهم ماتوا الضربة كانت قوية
حنان&اوسمة:/😳😳مصدومات من برود خنجر المش طبيعي
عمر:/بحزن لا حول ولا قوة الا بالله
خنجر:/الله غالب هذا امر الله
عمر:/ربي يرحمهم ويتقبلهم برحمته الواسعه من خيرة شبابنا اهاليهم من امس علي نار يرجوا في خبر
توا انت وين قاعد
خنجر:/في بيت عيله
عمر:/اصبر ل الليل ل
خنجر:/تييييييي كيييييف ل الليل ني بنطلع تواااا
عمر:/خنجر اهدا كان طلعت توا حتعرض نفسك والعيلة للخطر توا نهار وحينتبهولك والمنطقة حافظين ارواحهم والغريب يزبطوه فلهذا اهدا وارجى ل الليل تلقى الشباب جايينك
خنجر:/تنهد باهي
عمر:/اسلاحك معاك
خنجر:/اي
عمر:/المخزن مليان
خنجر:/اي
عمر:/خلاص ياولدي اصبر ل الليل
خنجر:/افففف باهي
عمر:/خنننجر نعرفك مزبوط كان في شي في بالك طلعه خيرلك
خنجر:/مافي شي
عمر:/اهو حدرتك
خنجر:/سكر الخط
خال خنجر في مثابة بوه هو الي واقف معاه في كل شي تو بعدين اتزيدو تتعرفوا عليه
خنجر:/مد التلافون لحنان وفي اي لحظه حينفجر
حنان:/ قاعد لليل؟
خنجر:/ كان ماعندكم مانع
كان يرجى فيها اتقوله ماتقعدش واطلع
حنان:/ما كان هاين عليها اتلزه وجعها حاله والوضع الي هو فيه ونفس الوقت كانت خايفه منه
حنان:/عادي ياولدي اقعد اصلا كان طلعت توا مرات حد ايشوفك
خنجر:/كان بيطلع بس تفكر كلام خاله ان حيسبب مشكله للعيلة
خنجر:/أ
ويسمع في صوت حد جاي
حنان:/شافت لخنجر بخوف
اوسمة/عرفتها امل
خنجر:/سحب اسلاحه وقنص ع جيهة الصوت
حنان:/لا لالا 😰😰😰
امل:/السلام😨😨😨😨وتشوف خنجر موجه السلاح عليها
وتشدها عيطه بآعلى حسها
اوسمة:/جرتلها بتسكتها
حنان:/اتخبط في روحها
جود واوسمة ايسكتن في امل الي مابتش تسكت
خنجر:/نزل اسلاحه وارتبك من عياطها
امل:/هدت شوية وسكتت
محمد:/تييييي شن فييييي خيرك
حنان:/وووووو الدكتور محمد ووو علينا انفضحناا
امل:/مصدومه ومش عارفه شن تقول
منى:/يا امللل خيرك تكللمي
امل:/أ لا قريب طحت
محمد:/اتنوضي اتعيطي هالعيطه وتخلعينا انزززززلي تواااا تنزلي
امل:/بس يا بابا
محمد:/كلمه وحده انزلييي
امل:/اتشوف لآوسمة وخنجر
امل:/باهي ونزلت
حنان:/طاحت ع ركبيها
خنجر:/ينفخ بنفاذ صبر
جود:/رعشتنا الهمم
اوسمة:/لمسي قلبي لين بيطلع
حنان:/حتى هي بسلامتها شن جايبها
خنجر:/خدي الكيس وطلع
حنان:/لوين
خنجر:/قعادي معاكم ما بيجيبلكم كان المشاكل ني طالع ومره ثانيه بارك الله فيكم
وجاي بيفتح الباب
حبيبي غير تعاال والله ما بيشوفك حد الحوش فاضي
عارفتيني مانحبه هالجو
هيا عيوني والله خاطري نشوفك
انت السبب انتت ياحقير يا سافل
حنان:/ياولدي ماتسمع فيا
خنجر:/فاق لروحه ها شنو😨
حنان:/خيرك واقف انكلم فيك وماترد خش ياولدي وارجى ل الليل بالله عليك مش ناقصنا مشاكل
خنجر:/سحب يده من ع الباب وخش بدون كلمه
خش للمربوعة وحط راسه وحاول يرقد حاول يمسح كل الاحداث السيئة الي مرت بيه في حياته كل الذكريات الي ما زالت ملازمته ورافضه انها تطلع من باله
امل جتهم مره ثانية بعد ماكلت هزايب من باتها
اوسمة:/تو هذي عيطه اتعيطيها
امل:/تي خلعني نحسابه غير بيقتلني قلبي طاح ياسومه شفت الموت
اوسمة:/هو خلعتيه مسكين
امل:/اه يا كبدي مروجني ع الصبح وني جايه نطمن عليه شن وضع رجله
اوسمة:/كويس حتى الجرح ما كان عميق
امل:/اي حتى اوقاف قادر يوقف شوي وباقي جسمه جروح بسيطه
اوسمة:/اي شوي شوي
امل:/ديريلي فطور راني مخلوعه
اوسمة:/تعالي معاي اني موتيه سفره
خنجر:/حس روحه تعبان واستسلم للنوم
اوسمة:/غير راك تشرقي بالشوية
امل:/فمها معبي سكري فمك قريب متت خليني ناكل
اوسمة:-ما انوصيك بري افضحينا وخبري الكل
امل:/لا مش لهدرجة لكن يستاهل الكلب قلبي داااب لما شفته😍
اوسمة:/ماعندك دوق شكله ايخوف بكل
امل:/اصلا هكي العسكريين اه ياقلبي امنيتي ناخد عسكري يآسرني بغرامه 😍
جود:/🙂🙂انتي حتى داعشي خساره فيك
اوسمة:/😂😂بالك ايولي عليها ويدبحها وايفكنا منها ياجود
امل:/خزي عليكن😡😡😡
لكن بجد عجبني هذا نبيييه😭
اوسمة:/تحشمي شويه🙂
امل:/الحب مافيه حشمه غدوه ايقولوا الدكتورة امل دكتورة الاعصاب المشهورة وزوجها الظابط الشجاع والمكافح حق شن اسمه😕
اوسمه:-مانعرف
جود:/غير احلمي
امل:/جود بلاش حسد حبيبتي مش عارفه خيرك معاي اول حاجه حنديرها بعد ياخدني حنقوله ايزوجك لواحد من اصحابه وقولي امل مش كويسه😒
اوسمة:/واني🙂
امل:/اكيد عنده خوت
هيا باي بنمشي انشوف راجلي
اوسمه:/تعاالي وين وين يا ماما
جود:/هههههه بالله خليها خاطري انشوف مجزره ع الطبيعة
امل:/خيرك اني دكتوره وبنمشي نطمن ع جرحه
اوسمة:/هني روحك خيرلك راهو مش من النوعية الي تعرفيها واعر وعصبي وواضح انه ما ايبصرش وكلامه جاف
امل :/تو اندهنه بكريمه بري شوفيلي امك وين بنخشله بالك يطيح فيا 😍
اوسمة:/امل بلا هبال عيب ره
جود:/خليهاا تربحك😂😂😂
اوسمة:/وانتي شن ايضحك فيك
جود:/خاطري في اكشن 😂
بري امي اطيب في الغدي
اوسمة:/مصح وجهك انتي وياها عيب ره
امل:/حسستيني ماشية بنرقصله راهي كلها بنشوف جرحه وبنطلع 😒
انت السبب
انت السبب في كل شيييي مووووت المفروض تموت لييييش عاايش
وعي مخلوع ويتنفس بصعوبه
خنجر:/ياااارب 💔
طق طق عدل تقعميزته
تفضل
امل:/السلام عليكم
خنجر:/وعليكم السلام
امل:/بصوت واطي ووك ايدوب 😍
خنجر:/كيف!؟
امل:/آ كيف حالك توا
خنجر:/الحمد الله
امل:/بنشوف جرحك لو مافي مانع
خنجر:/وضعي تمام مش داعي 😒
امل:/لازم انشوفه ونتآكد من الخياطه صحيحه او لا
جود واوسمة واقفات برا
اوسمة:/وووك غير كان تطلع بس يااارب استرنا تو اتجي امي وتمسح بكرامتنا الارض 😨😨😨💔
امل:/قريبه منه بكل وباخه بارفان قوي وكانت متعمده تقرب منه اما خنجر ف كان متحمل بالسيف متمني يدفها عنه
امل:/كل شي تمام لازم تنتبه لروحك وتعوض واول ماتطلع من هنا امشي المستشفى
خنجر:/بعدم اهتمام ان شاء الله
امل:/ووو قلبي معاش يتحمل بيطلع ياكله😍
خنجر:/انتي شنو تقولي!؟
امل:/آ بنسآلك شن اسمك
خنجر:/على ما اعتقد وظيفتك تعالجي مش تتعرفي 😒
امل:/تشوفله بصدمة
جود:/قصفها 🙂
اوسمه:/تستاهل قتلها اني
امل:/وقفت مصدومة من اسلوبه
أ ماتبي شي
خنجر:/لا
وطلعت
جود:/كاتمه ضحكتها واتهز
اوسمه كدلك
اما امل ف كانت مصدومه اول مره ولد يعاملها هكي خصوصاً ان الكليه كلها تجري وراها والي يعجبها اطيحه يعني مافيش حد رافضها🙂
امل:/انهانت كرامتي
اوسمة:/اني شن قتلك لكن انتي ماتفهميش
امل:/حقير نذل😭😭
جود:/خلاص حتى انتي بسلامتك طول شن اسمك
امل:/مسحت دموعها اي صح المفروض سآلته ليش انجرح وليش ايدورو فيه هكي حس اني مش مهتمه بي وضعه
اوسمة&جود:/🙂🙂🙂
جود:/لا احساس ولا كرامه
اوسمة:/فعلا واني الي درتها بتروح تكمل عياطها في بيتهم🙂
امل:/مش قاادره اول مره قلبي ينبض هكي مافيش كرامه في الحب عادي عادي
اوسمة:/في كرامه في كل شي 😒
مشي الوقت وحطت حنان الغدي والكل تغدى ماعدا خنجر الي كان يرجى في الليل ع نار
فات الوقت وجي الليل امل روحت وردت بيش تشوف خنجر
خنجر ايجهز في روحه بيش يطلع وكل شوي خاله يتصل ويطمن عليه
خنجر:/خلاص تو بنسلم التلافون معاش تتصل نتلاقوا ع البوابة
عمر/خود التلافون معاك ع الاقل نبدو ع تواصل لوين توصل البوابة
خنجر:/مش داعي المسافة من هنا للبوابة ما يقارب النص ساعه فاتت النص ساعه وماجيت ردبالكم تخشو
عمر:/ياولدي بلا العناد وبرا خود التلافون ما اتعبني معاك
خنجر:/هيا توا بنسكر
عمر:/اس
طوط طوط
وحط خاله في الحضر بيش ماينفخه بالاتصالات
خنجر: سحب سلاحه والتفتلهم
سامحوني تقلث عليكم بارك الله فيكم ع وقفتكم معاي وربي يقدرني انردلكم جميلكم
حنان:/مافي جميل ياولدي انتبه لروحك بس
خنجر:/ان شاء الله
حنان:/في آمان الله
امل عيونها دمعوا ع اساس متآثره
حنان حاطه يدها ع قلبها ومتمنيه تنتهي هالقصه ع خير ويروح خنجر بسلامه وما يشوفه حد
اوسمه كدلك خايفه وع اعصابها
فتحت حنان الباب وراقبت الشارع كان فاضي ومافيه حد طلع خنجر ع طول
مجرد ماطلع وسكر الباب حنان تنهدت براحه
خنجر شاف ايمين وايسار وطلع ع طول كان يمشي بصعوبه وبحذر خايف ع العيلة اكثر من نفسه
مراد:/ياخاالي انت عارفه زين راسه يابس وكان حط شي في راسه ايديره
عمر/هذا الي خايف منه وتوا دزيتله الشباب بيقابلوه في البوابه وان شاء الله خير
الشاب/تعالو اهو طالع من واحد من البيوت وشكله مجروح
كانت المسافه طويله ع خنجر والظلام دامس والرؤية مش واضحة وهو ماشي حس كآن حد يلحق فيه التف بس ماكان في حد سارع بخطواته ومسك سلاحه وغير طريقه من بين الزنق
الشاب١:/فات من الزنقة الثانية
الشاب٢:/سحب سلاحه ورايا هيااا
خنجر ماشي وانتبه ان عرفوا مكانه ويلحقوا فيه زاد سرعته ويحاول يتخبى في اي مكان والطريق الي قدامه كانت مكشوفه ومضطر ان ايفوت منها تنهد وسمه وطلع جري
شافوه وبدو رمي فيه
غير طريقه وخش ورا بيوت وبدي ايقطع في الطريق وهما وراه
لقي شجر تخبى وراه
وهم قالبين الدنيا عنه
وبعد وقت قابلاته البوابه وصللها وطلع منها بصعوبه بعد مانقز وقطع من المزارع وقعد يرجى في جماعته الي اول ماشافوه جو جري
ايهم:/خننننجر هياااا
وركب وهم طالعين
اتجي سياره وترمي فيهم
معتز/هديييم لاحقييينك يعني عرفوك طالع
خنجر:/اي كانوو وراي
ايهم:/زاد السرعه خنجر ومعتز والباقي بدو يرموا في السياره لوين وقفوها
ايهم تنهد براحه وكمل طريقه
خنجر باله مشغول ع العيله
خنجر:/وقفففف السياره
ايهم :/ليش
خنجر:/تي غييير وقف
ايهم:/وقف ومش فاهم شي
خنجر نزل وخدي سلاحه
معتز:/هييي انت وييين ماشي
ابراهيم:/خنجررر خيرك
خنجر:/هديم عرفوا مكاني وزبطو من وين طلعت يعني العيلة الي كنت عندهم في خطر
ايهم:/لا رسمي هبلت تبي ترجع ثاني بعد مانجينا منهم بآعجوبه
معتز:/ايكر في السلاح من خنجر ومعتز ايدف فيه للسياره
ابراهيم:/خش بلاا اهباال ماعندنا جهد نعلقوا معاهم
خنجر:/ماحد قاللكم تبعووني برا روح انت وياه وفات وخلاهم
ومشو يجرو وراه
معتز:/ جايتنا اوامر من العقيد عمر ناخدوك ونولواا وفكرت انك اترد هذي طلعها من بالك
وشدوه بالسيف ركبوه طبعاً بعد عناد وسب وعراك
خنجر عقله مش معاه وخايف ايكون صار شي لحنان وبناتها
ايشوفوا في النار الي والعه وواكله بيتهم بالكامل ايشوفوا في تعب وشقا اسنين ضاع في لحظه ايشوفوا في اوراقم ودبشهم ودنيتهم بالكامل واكلتها النار
صراخ حنان ودعاويها مالي المكان
اوسمه منهاره وطايحه ع الارض
جود تصرخ وتضرب في الي كانوا السبب
الجيران يتفرجوا ما حد قدر يدير شي
ماتت النخوه والفزعه فيهم كانوا خايفين
خليفة:/هذي جزات كل خااااين واقففف معاااهم واشر ع حنان وبناتها والي حيساعدهم حنحرقوله بيته وصدقوني مش حنقصرو في الشي هذاااا وهذيم الكلاااب عببببره للكل
مش ساعدتيه اهو بيتتك قدام عيونك كلله رماد
حنان بآعلى حسها/حسبي الله ونعممممم الوكيييل فيييكمم حسسسبي الله اللله يحرقكم كيف ماحرقتوا قلبي وبيتي الله يجازيكم ويسلطكم في بعضكم ايوريني فيكم يوم ياكلاااب حسبي الله ونعم الوكيل فيكم
فاتوا بدون احساس ولا تآنيب ضمير خلو وراهم حنان وبناتها الي بكاهن مالي الحي
امل اتشوف من فوق بحزن مش قادره ادير اي شي
في لحظات الكل اختفوا الجيران كل واحد خش لحوشه مافيش حد قدر ايساعدهم الي هو خاف ع روحه
حنان:/......
الشاب:/ .....
اوسمة:/😭😭😭
#يتبع
هذا الجزء الاول من الرواية انتهي 💙
شن بيصير في حنان وبناتها؟ومن الي حيساعدهم!؟وهل دور خنجر انتهي!؟
وغيرهم من الاحداث الجديدة الي حتبدا من الحلقة الجاية