ناريمان: ياسر معليش تجي دقيقة نسحقك
ياسر: وي راني جاي
اية" يخي حولاب ميراطيش ماشي نطلقوا و خلاص"
أمال: أيي واش راكي تخمي مالي راحو و نتي ساكتة
.أية: والو- اه يا ناريمان نحكمك نقطعك-
فؤاد: مرت خويا بلعقل على رقبتك نظمنلك بلي ماتقدريش تشوفيهم ملتم
اية: نو كنت نحوس على أمير
أمال: واشبيك يا طفلة أمير راهو راقد قدمك
اية: اه اميري ماشفتكش و بستلوا جبهتو قعدت نجسر مع فؤاد و أمال و مرة على مرة نضرب طلة لوكان تقتلوا ماشي خير سنيت جازت نص ساعة و مزال مذخلوا واقيل راهم يهدرو على أسرار الدولة سور سرقوا لبلاد حركة
أمال: بسسس فؤاد ليك-بهمس-
فؤاد: واش إيه ليكي قريب تأكل صبعتيها متخمم
ناريمان: راني جيت توحشتوني
في قلبي تعي علابالك لي يسمعك يقول راحتي للمكسيك و وليتي
ياسر: كخي ماتأكليش ظفرتيك ماشي مليح " قولتهالها و ضربتها ليدها"
زيد بهدليني ياوجه القصديرة: اانسيت لمهيم راكو رجعتو هذاك هو صح
أمال: إيه واش ديسيديتوا خبرونا
ياسر: هوما يطلعوا خير
ناريمان: إيه خير منها يبدلو شويا جو و منها نتلموا جاع هنا
"واش راهوم يغنجقو هذوما تسما أنا كي الأطراش في الزفة ولا واش" شفت في ياسر كاش مايفهمني مي هو حمار قاعد يخزر فيا
فؤاد: اوكي غدوة نعيط ليما نقولهم يوجدو روحهم وقتاش لاقو بياي يجو
أية: مي أنا راني حابة نحبط لدزاير- كملت كلامي لقيتهم جاع يشوفوا فيا و يتبادلوا الغزرات واشبيهم هذوا-
ياسر: مكاش مروح منا حتى نديسيدي
ناريمان: وي أية إسمعي كلام راجلك هنا خير تستعفي و تلحي على خاطرك
أية: مرانيش نديموندي رأيكم راني نخبركم واش حندير"واشبيه ياسر يشوف فيا تقول حيقتلني"
فؤاد: اوكي جماعة بدلو سوجي أنا راني خارج ايا ياسر نخلوا لبنات وحدهم يمنشروا شوية
امال: اونفان راحوا و ميلينا راهي راقدة هيا نروحوا للصالون
تبعتها و أنا ساكتة راني شايدة روحي بسيف يعني تقدر هذي ناريمان تكون ناس ملاح و أنا ظلمتها
ناريمان: إيه كيفاش
اية: كي لكباش- مقولة مريم شهيرة
the_only_angel
أمال: علاش راكي حابة توالي لألجي
أية: راني حابة نوالي خطرش كل حاجة لتمك قرايتي فاميلتي كلش في دزاير مانقدرش نخليهم
ناريمان: معليش مع الوقت توالفي ياك حبستي قراية
أية: ماشي حبست قعدلي عام و نكمل
ناريمان: مي خلاص تزوجتي ماعندك ماديري بالقراية و راجلك راه يخدم عليك وراه واقف عليك
اية: و كي يطلقني راجلي ولا يموت ولا يمرض شكون يوقف عليا و على ولادي صحة تغدر دراهم يروحوا مي قرايتي وشهادتي دايمن معيا بيهم نقدر نخدم حاجة محترمة تليق بيا
أمال: و الله عندك الحق صح أنا مانخدمش مي قرايتي مكملتها ماتقدريش تعرفي واش مخبيلك الزمان
ناريمان: مليح و كيفاه نتي و ياسر عرايس جدد
أية: كيفاه نورمال
ناريمان: كيفاش عايشين ملاح يتهلا فيك تخرجوا تحوسوا
أية: هذي نعتبرها تدخل في خصوصية وي رانا قايمن ببعضنا و هذاك هو صح
أمال: صح مي عقليت ياسر شوية صعيبة باش تفهميه
اية: لا لا.
ناريمان: لالا ياسر أنتيك نورمال تقدري تجسري معه
اية" واش راهي تخلط هذي معليش خليني نسايرها" وي مع صحابو و فاميلتو أنتيك
ناريمان: مع صحبو ضحكتيني و أنا مرانيش قادرة ياسر ماعندوش صحاب من غيري
أمال: خلاص ناريمان بدلي سوجي
أية: وي مليح معك علاجال مصلحة ماتعرفي بلاك يسحق كاش رونديفوا من سبيطار تجيبيهولوا
ناريمان: نو ماتهدريش هكا عليه صح مانعرفوش بعضنا مليح و صداقتنا عندها عام برك مي نحسوا بعضنا
أية: معليش هذا لي راكي تهدري عليه راجلي يعني إلتزمي حدودك كي تهدري عليه أوكي
أمال: ااه كولي اية ماكليتي والو لازم تتهلاي في روحك
أية: مرسي راه قدامي مي تكوبتلي لابيتي
ياسر: ناريمان كيما تفهمنا نوصلك دوك باش تلحقي بكري
ناريمان: دوك نجي سيسو اسناني ندير خيماري باي ليفي
أية" سيسو صح واش سمعت قدو قد لبغل تعيطلوا سيسو و لمشكل راهو فرحان" تنفست بلعقل ورديت نفس
أمال: واشبيك تنسفي علينا اية أنا كي ختك احكيلي واشبيك
اية: أحكمي ختك نولي ألاز
امال: واشبيك علاش شنفتي نورمال صحاب برك ماشي حاجة كي لخاوة
اية: اأ نسقسيك فؤاد حكالك عليا ولا جامي
أمال: جامي قالي برك بلي ناس ملاح و مرت ياسر
اية" تبسمت على جنب": اوكي نقولك شكون أنا انا نعرف فؤاد قبلك صح كنت صغيرة في عمري16 مي كنت نجوز وقتي جاع عندهم حتى كنت نعيش عندهم إذا مخنتنيش ذاكرة كونا نتمهبلوا و نلعبو نجسرو نحكو اسرارنا لبعضنا مي ماتقلقيش ماشي حاجة كونا كي لخاوة
امال: ميلينا راهي تبكي نروح نشوفها
فؤاد: واو ماضنيتكش تعرفي تقتلي بالبارد مليح تبدلتي على واش كنتي وين راه لملاك لباكي
اية: ماشي مليح تتصنت على لهدرة خويا لكبير لملاك لباكي مات نهار دخل ياسر على حياتو
فؤاد: مي علاه قولتيلها هكاك دوك أنا لي ديرلي لونكات ماشي نتي
أية: هيا لي بدات و أمال ماعندي معها حتى مشكل هذي واحدة روح راضيها هذي مرتك راني طالعة باي
"طلعت دروج نخمم واش دارت غالط نو هذي هيا اية الجديدة مكاش لي يقدر يكسرني خلاص توجعت بزاف مكاش دور ضحية منا و رايح خلاص هذي هيا أية ماشي معنتها كي هدرت هكاك مع أمال معنتها أنا ماشي مليحة ماشي إذا دفعت على روحي معنتها أنا ماشي مليحة انا نعرف روحي هذاك هو الصح " دخلت لدار راحت لبيتي تكسلت فوق البونك و دوك واش ندير
نعيط لمريم نتفهم معها على القضية تاع علاء و خلاص قعدت فوق البونك و عيطتلها في لافيبر ماجات تريبوندي
مريم: هالو مرت خويا كي راكي
أية: غاية الحمد الله و نتي
مريم: الحمد الله كاش محتجتي
أسامة: أيوشتي حبي توحشتك
أية: سامط لمهيم سحقيت منك ترفعي دعوة إحتيال على شركة يزين راني وكلتك
مريم: كيفاش علاه شركة يزين
أية: على جال الأسهم مراحش نسمح في حقي يروح هكاك
اسامة: اونفان درتي حاجة تصلح
مريم: و الله العظيم
اية: اممم علاه راكو مع بعضكم و زيد في ريسطورون مليح
اسامة: مكاش كونيكسيون باي
جايح كوبلي في وجهي يعني مايقدرش يروح يخطبها ديراك بلا هذو المناورات شحال راهي ساعة اوو ديجا 12 و مزال ماوالوا ندير لاسياست خير ليا تغطيت ورقدت ملجري سخانة مي نحب نتغطى
yasser prv ^
و صلت ناريمان باش تروح دير شوبينغ قعدت نسناها برا علاه نسا يطوالو شفت حانوت يبيع الحلوة و الشيكولاة دخلت ليه كان حانوت صغير و شباب لقيت نونوس بشيكولاة نشريهوالها ولا مكلاه يعني علا واش دارت صباح و الله ماتستهالو مي واش ندير
ناريمان: راني جيت ياسر مرسي هذا ليا تعرفني نموت على شيكولاة
ياسر" شحال لصقة هذي ماجايش نحرقها تنوض تبكي" إيه ليك شدي
aya prv^
قعدت نتقلب في فراشي حتى جاتني الفطنة أول حاجة شفتها عينين خضورا كي لحشيش غمضت عينيا عودت حليتهم مزالهم يشوفوا فيا
ياسر: حبسي تمهبيل و نوضي
أية: علاه راك تشوف فيا اصلا روح دير حاجة تنفعك ماشي خير
ياسر: شوفتك تنفعني قصدي هذا وين جيت شفتك راقدة قلت نوضك أنا نروح ندوش حطيلي تيليفون يتشارجا
ليك ليك عامبلوا خدمة عندو رفدت تيليفون بتشناف و درتوا في لاشارج حتى تفكرت ياك قالي تصويرة حبيبتو زعما تكون ناريمان يعني مراح يصرا والو لوكان نشوف
رفدت تليفون دخلت للجالري حتى نشوف يد شداتو شفت لقيتو ياسر رفدو و حطو فوق الخزانة
ياسر: واش كنتي حتديري علاه ماتحترميش لخصوصية نتي
______________^_^__________
♡اللهم إني أتحمل ذنب ما قرأت و ما تخيلت و أبوء لك بذنبي فاغفر لي فإنه لا يغفر الذنوب إلا أنت ♡
هالو غامبوليتي هاو أر يو💙
إنتقادتكم و ارائكم
رأيكم في ناريمان ؟
توقعاتكم