مُـڪــرڪـب حَتــى ألـقــاكَ فـأتـرتــب،
مُــرتــب و إذا صــادفتــك أتـڪـرڪـب 🐣💞
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
ليال : وهيج مرتتت الايام لحد مبدة الشتة يطل علينة بدة الجو يبرد وتقريبا مر شهر
ضل نفس الحال علاقتي باستاذ مغرور تزيد كره يوم ورة يوم هوة انسان غثيث ومغرور واني انسانة من عسل ولوز وفستق هههه
طب الشتة علينة وبيوم درجة الحرارة تحت الصفر
كمت الصبح لبست البدي مالتي القطني والصدرية
بية حالة لو شكد ما ابرد ما البس اكثر من بلوز
لبست فوكاهن قمصلتي البيجية طولهة للفخذ شعري رفعتة كعكة باهمال
ولبست جفوفي اللي اصابعهم مطيرتهن اني كصيتهن حتى يصيرن حلوات وعلى الموديل ههههه ولفافي الجوزي نزلت جوة يم الصوبة بس بابا كاعد اليوم احمد ماكو مريض فلاونزة وميداوم واني ماعرف شلون حروح وحدي متعودة الة احمد وياي
الاب : حبيبتي تروحين وحدج
ليال : اي بابا عادي هوة الشارع متروس
الاب : روحي وية فرح وثائر
ليال : لا بابا على بختك ناقصني استاذ مغرور بهالصبحية
الاب : نفسي افتهم علتج وياه شنو
ليال : نفسي افتهم محبتكم الة علمود شنو هههههه
الاب : ههههه اللله يهديج يلة كومي روحي حتتاخرين
ليال : تمام باي مح _ طلعت لبست الحذاء وفتحت الباب طلعو بوجهي ليش يربي والله مابية حيل ليش تعذبني هيج باوعتلي فرح وضحكت تقربت كلت
_ صباح الخير
فرح : صباح النور
ثائر : صباح لنور احمد وين
ليال : مريض اليوم ميداوم يلة اني اروح باي _ مشيت وادعي ميحجي جان يحجي
ثائر : تعالي ركبي نوصلج ويانة
ليال : لا استاذ شكرا اني اتمشى
ثائر : الدنيا تكص كص ركبي بلا عناد
ليال : استاذ اني امشي ماكو داعي
ثائر : تركبين لو ارسبج
ليال : هااا
ثائر : يا اما تركبين يا ترسبين بالكيمياء
ليال : ضليت صافنة هذا شدديحجي شبي
فرح : لا طبعا تركب امشي ولج لترسبين من صدك
ليال : سووهة واخذوني ركبت السيارة دافية بوووية بدج تنامين بيهة وبس مشينة وحجة
ثائر : عكب باجر يمكن النتائج مستعدين
ليال : سالت سؤال اغبى من حياتي _ نتائج مال شنو
_ صفنو علية ثنينهم وطكوهة ضحكة ستغربت
فرح : ولج غبية هههههه
ثائر : لا انت ضاربة الدنيا بعرض الحايط
فرح : نتائج الشهر الاول
ليال : هاااا نسيت والله ولج نعسانة فوول
فرح : حقج عمي حقج هههههه
ليال : سكتي سخيفة _ وصلنا ونزلنا وطبينة للمدرسة فات اليوم مثل كل الايام من خلصنة رحت للحمامات استغل الفرصة حتى يروحون همة واني ارجع وحدي ما اتحمل غثاثة استاذ مغرور
عاد طلعت من الحمام وطلعت برة جانت المدرسة فارغة خترعت وركضت بسرعة وطلعت منهة قبل
ميقفلوهة باوعت الشارع فاررغ عزة شبسرعة اوكفو قصدي على الناس مو استاذ مغرور المهم مشيت الفروع تذبين الابرة ينسمع صوتهة احس روحي بصحراء الساعة ب1 الة ربع يعني مو هين السالفة
ختمت القران بداخلي وشاهدت وصلت لبداية فرعنة جان اسمع صوت فز كلبي درت وباوعت حيدر ابن جيرانة
لا هذا لو شكد ما اكلكم علي مغرور متصدكون
حيدر : ليال
ليال : حيدر
حيدر : شلونج
ليال : تمام الحمدلله
حيدر : لحضة وين رايحة
ليال : تحركت اريد امشي جان يلزمني من معصمي نتفض جسمي وحسيت برعب بس مبينت نترت ايدي بقوى منة
حيدر : اسف بس لحضة اصبري شبيج
ليال : وخر عن طريقي احسللك _ مشيت داروح وماحس غير لزمني من ايدي وجرني على الكرفان مال المحل مال الغذائية صرنة وراه اهل الفرع يكدرون يشوفونة بس اهل الساحة والمحلات ميكدرون
ضليت ارافس بقوةة واحاول احرر نفسي دخل الرعب بكلبي وهوة مثبتني قووي قرب راسة من ركبتي واني صرت ارافسسس بقوةةةة وتقززت من ملمسة بدة عنا شفتة تلامس ركبتي اريد اصرخ بس ايدة مانعتني حسيت بشعور مينوصف جنت رايدة اتبخر جنت رايدة احد يجي ينقذني
رخة ايدة شوية جان اعض ايدة عضة خليتة يكمز وضربتة بعكس رجلي ببطنة هوة لزم بطنة واني ركضتتت قوووي حتى الجنطة منتبهتلهة وجان يطلع بدربي ثائر عبالك الله حط كبالي حبل النجاه رحت ختلت ورة ضهرة واني ابجي وحيدر اجة يركض ولازم جنطتي
من شاف ثائر رتعب وثائر قبض ايدة قوي
ثائر : شسوالج
ليال : حجاهة وهو عينة على حيدر شهكت بصوت قوي _ ت تحرش ب بي بية و ر ا د راد.......
هية لحضة وحسيت الجنطة صارت بايدي وحيدر جوة ثائر اباوع على غضب ثائر عبالك ثور هايج ضل يضرب بحيدر
واني ركضتتت والتفت واشوفة بعد يضرب بي وصلت للبيت ودكيت الباب بفزع واني ابجي اتخيلة وراي نفتح الباب وطلع بابا طبيت بسرعة حضنتة ودخل الامان بكلبي وتاكدت خلاص اني بامان بحضن ابوية
كمت ابجي بصوت عالي وبشكل مو طبيعي بابا نصدم بحالتي وطلع وتلكتني ماما باوعت علي ركض اعتقد شاف ثائر فوتتني ماما جوة واني ابجي بنحيب وخوف
احمد يسال وسارة وماما ملتهيات بية ضليت مصدومة شسوي ختنكت وطلعت قهري بالبخاخ وبروحي ضليت ابخ لحد ما احمد جرة من ايدي باوعت علي جان مبين التعب علي وعيونة حمر من للصخونة وخشمة احمرر من الفلاونزة
رحت حضنتة واني ابجي وورة ربع ساعة فات بابا يهد ويرعد جرني من حضن احمد بسرعة
الاب : جاوبيني ليال شسوالججج
ليال : زدت بجي اكثر واكثر
الاب : ليااااالللل جاووووبي
ليال : تحرشششش بيةةةة وراااد رادددد يسوي اشياء ماكككككدرررررررر كاافي _ لزمت اذني قوووي واتذكر لمساتة
هية يمكن دقيقة متتعدى السواه بية بس ترك بية اثر مستحيل ينسي ضليت اصرخ لان حسيت صار ضضغط قوووي علية
صعدت بالاخير لغرفتي واسمع بابا يتوعد لحيدر ربي ليش هيج يصير وياي ليششش مدارتاح كمت باوعت من الشباك
لكيت بابا واحمد وحيدر وثائر عزةة شصاير بي وجهة بي لكمات
وملابسة مدماية شصاير بي بس واكف ولازم حيدر من ورة من تشيرتة وحيدر منتهي بايدهم شوية وطلعو اخوتة واهلة والجوارين وصرت حديث الساعة ولو احنة الجوارين بينة محبة يعني مو حادين سنونة على بعض بس موضوع بي حرشة هاي تصير سوالف مو سالفة
كعدت على الجرباية بعجز وابجي ليش هيج يصير وياي ليش ربي كافي تختبرني والله تعبت دخيلك
لحد ال3 فضت السالفة وماعرف شنو نهايتهة نسدت باب بيتنة وكل ضني بابا حيصعد علية يضربني او يتبرة مني او يذبحني ماعرف شنو جنت احس من فكرت هيج يعني بابا مستحيل تصدر منة هيج سوالف
دخل بابا للغرفة واني بتعدت بخوف ليورة باوع علية وستغرب تصرفي حطيت ايدي على وجهي وكمت ابجي بقوةةة واردد بصوت ناصي
_لتضربني اني معلية لتذبحني مسويت شي اني مسويت شي
الاب : ليال بنيتي بااباتي منو اليذبحج تعالي حبيبتي
ليال : تقرب وحضني وبذيج اللحضات تاكدت شكد عدهم ثقة بية وشكد يعرفوني ان اني مستحيل اسوي هيج شي ضليت بحضن بابا ابجي لحد ما غفيت بدون اكل وبملابسي
صحيت على عياط بالشارع كمزت بسرعة باوعت للشباك دنية غروب وصوت ثائر يرعدددد كمت باوعت من الشباك ثائر وهواي ناس واكفين بباب بيت حيدر يعني من ضمنهم
ابو فرح وجيرانه ابو محمد وابو علي وبابا واحمد وهذا منو وعمو فارس شجابهم وشايلين سلاحهم لا يربي هاي شصاير رحت بسرعة بدلت ملابسي ونزلت اركض لكيت بيبي وعمو وهاب واكف والشرار يتطاير من عيونة وامي وسارة يمة اول ما شافني اجة علية رتعبت ورجعت ليورة بسرعة
بس هوة تقرب بسرعة اكبر وحضني يمكن صدك بذيج اللحضة اكدر اكلكم اني اني افتخر بعائلتي لان كتشفت همة شنو حضنتة وبجيت شوية بحضنة وخر راسي وباوعلي بخوف
وهاب : لتبجين يروح عمج والله لرجعلج حكج مربعتين وكولي عمي حجاهة بس سولفيلي شسوالج هذا النذل
ليال : عمو ماكدر احجي ماكدر ماريد اتذكر الصار
وهاب : لتحجين خلاص اني اعرف اجر الحجي من عندة اذا ما خليتة يتمنة انو ما جايبتة ما اطلع عمج
ليال : راح ولغضب عندة واصل للستار تقربت بيبي يمي وماما شوية جان تفوت فرح وعمة اسراء امهة لفرح تقربت حضنتني واني احس خلصت دموعي من البجي
اسراء : لتخافين ليال ثائر و سامر (سامر ابو فرح) كلبو الدنيا وابوج وعمامج هم حتى الجوارين فزعو رح ياخذون حقج مربعتين
ليال : لليل اكلكم متصدكون ضل الصياح لحد مصارت هدوء
وسمعت صوت عمو فارس
كال بصوت عىي ما قصرتو وتشكر شنو شصار طفرت للباب اريد اشوف شكو جان يفوتون للطرمة بابا عمامي واحمد ووياهم ثائر واني نضرات خوف جانت بعيوني ادرو عليهم واكول اخاف صاير بيهم شي لا سامح الله
ركضت لحضن بابا حضني ويطمني باوعت لثائر بباوعلي بعطف شكد هالانسان جنت غلطانة بتفكيري بي شلون وكف وياي اليوم عاد ترخصو وطبعا واني مجلبة بحضن بابا
وهاب : تعالي يا بعظ عمج حضني موجود اني هم بس ابوج حاضنتة هههه
ليال : بتسمت بس جانت ابتسامة باهتة جنت اجاملهم بيهة
خلي اكلكم الصار شنو الضهر من تعاركو ثائر وحيدر صايرة فد مرة بيناتهم فحيدر رايح لابو وطالعين ومتفقين ان العصر يحجون وياهم بين ميجون عمام حيدر
والعصر جايين وصارت السالفة والنهاية جانت حيدر يطلع من المنطقة تدرون ليش وشلون لان يعتبر انتهك حرمة من بيوت المنطقة واهل المنطقة الجوارين مادام يتاذة شحص من المنطقة يعني السالفة تصير بيهة طرد وحيدر نطرد بس اهلة ضلو وماعتقد رح يطولون
راحو عمامي واني صعدت لغرفتي احس روحي مختنكة صعد احمد يمي
احمد : اكدر احجي وياج لو تعبانة
ليال : لا تعال
احمد : شلونج هسة
ليال : حجيت بصوت ناصي وحدة يطلع _ خ خايفة
احمد : من شنو
ليال : من حيدر اخاف يرجع......
احمد : اششش شنو هالحجي يرجع يتعرضلج واني موجود والله انهي حياتة اني جيت هسة اريد احجي وياج بموضوع
اني شوية صحتي على العلاج رجعت وحتى لو جنت مريض ميخالف المهم انت لهذا عكب باجر نداوم سوية وثائر حلف بالقران كال منا وغاد متطلعون الة وياي وبسيارتي وترجعون وياي صراحة هوة وكفتة ويانة تكفي واكدر اامنج يمة اذا غبت مرة ثانية لهذا من نداوم حنروح ونرجع وياه واعتقد عدتي النضر بسالفة استاذ مغرور
ليال : اي عدتة
احمد : اي عفية ترة ثائر خوش ثائر لا عبالج المهم باجر تداومين
ليال : احمد خليني ارتاح
احمد : ماكو باجر النتائج يمكن ممتحمسة
ليال : ماعرف بس ممستعدة اداوم خايفة
احمد : خلاص حبيبتي رتاحي باجر ونشوف عكبة نداوم تمام
ليال: تمام خلاص
احمد : يلة عفية باختي الشطورة يلة رتاحي ونامي ولتسهرين
ليال : تمام
_ طلع واني صفنت شوية
وجان تجي رسالة لفوني على الواتس اخذتة وفتحتهة جان مضمونها
_ شلون صرتي هسة
باوعت الصورة مال الصفحة هذا ثائرررررررر عزةة
ضليت صافنة منين جاب رقمي زين ليشش بهالوكت يراسلني الساعة حتطك اال12
ماعرف ليش عركت وكمت ارجف شجاني اول مرة اتراسل وية شخص غريب وهوة هذا اللي حيطيح حضي
_ منو؟! _ كتبت هيج لان حرت شاجاوب كلت اشوف شرح يجاوب
ثائر : ههههه ليال بدون لف ودوران شلون صرتي علساس معرفتيني من الصورة
ليال : ضربت كصتي طاحضي شكد غبية لكفني
_ اسفة استاذ بس تعبانة و مداعرف شداكتب
ثائر : للمرة الثالثة حسالج شلون صرتي
ليال : وشبيك انت معصب استاذ مغرور كلت هي بصوت عالي تمنيت اسويلة بصمة وادزيالة بس احترام شوية
_ زينة
ثائر : دومج باجر تداومين موو
ليال : لا تعبانة شوي
ثائر : ماشي لعد عكب باجر ننتضركم لان بعد ماكو عناد تركبين وياي يعني تركبين هههههه
ليال : ههه تمام استاذ
قراهة وسكت صفنت شوية وبديت اكتب
_ استاذ شكراا هواي على اليوم لولاك جان الله اعلم شسوة بية حيدر وكفتك مرح انساهة واسفة على الصار بيك
ثائر : عادي انت طالبتي وواجبي احميج ولتعتذرين هية كم بوكس متعود باربيل على البوكسات لعد همة ليش طردوني غير كلة من ورة البوكسات اللي انطيهة للولد
ليال : ههههههه شلون صرت هسة انت خوما ضربك قوي
ثائر : لتخافين مابية شي
ليال : الحمدلله
ثائر : يلة روحي نامي تصبحين على خير
ليلى : وانت بخير _ سديتة ضحكت على حجية يعني متعود ينطي بوكسات
ثاني يوم مر طبيعي محد جاب سيرة الصار كان مصار كلة علمودي اعرف وهذا الشي احسن الية
خلص اليوم ونمت
بس الكوابيس متركتني بحيث كعدت من لل5 انتضر جوة على الميز احمد يكعد عاد صارت بال6 ونص هوة نزل خطية يكح وخشمة مقفل
احمد : صباح الخير هاي شنو اليوم يوم القيامة واني مادري
ليال : لا مو يوم القيامة
احمد : شكعدج من هسة بعد وكت
ليال : من ال5كعدت الاحلام خبلتني واصللا اني شبعت لان نمت الضهر
احمد : ديلة لعد ال يوم الريوك عليج
ليال : ههههه ماشي _ كمت سويت الريوك وكعدنة نتريك
احمد : اخخخ خشمي مقفل وبلاعيمي موتتني
ليال : انت مو كلت صرت زين
احمد : اي شمدريني اشو صبحت اليوم فد مرة
ليال : ضل بالبيت ارتاح شوف وضعك مو مال تكعد تحجي
احمد : لا عادي اصلا اليوم النتائج يعني التهي بالادارة واخلي مدرسين غيري ياخذوكم
ليال : ماشي مو تنسة اخذ علاجك وياك
احمد : ماشي اميرتنة يلة روحي بدلي ولبسي زين اليوم باردة
ليال : اوكي _ رجت بدلت والملابس مال البارحة ذبيتهن لان مالي نفس البسهن بعد زين عندي اكثر من صدرية
بدلت ونزلت رحت يم الصوبة اووف باردة صدك
سارة : هلوو صباح الخير
احمد : صباح النور
سارة : يلة اني حطلع باي
احمد : متتريكين
سارة : لا اشرب كهوة هناك
ليال : اي كهوة كون باردة على هالبرد
سارة : هههه معليج انت سخيفة يلة باي
احمد : كومي انت هم تاخرنة
ليال : طلعنة وبطلعتنة طلعو ثائر وفرح جتي حضنتني عبالك صارلهة سنين محاضنتني
احمد : شبيج يمعودة اول البارحة جنت يمهة شبسرعة شتاقيتيلهة
ليال : شعليك انته هية تحبنية واني احبهة
احمد : لعدد ثائر متجي احضنك انتة هم
ثائر : خاب دنجب تحضني انت مو مريض تريد تعديني
احمد : من طاح حضك على هيج صداقة
ثائر : هههههه ميخالف يلة اركب حنتاخر
ليال : ركبنة السيارة باوعت على ثائر يم حاجبة لزكة ويم شفايفة مبين ماخذ كتلة خطية والله
احمد : وهوة يحط ايدة يم شفايف ثائر
_ هاي شنو ثائر شنو هالجرح منيلكك هههههه
ثائر : رفع تك حاجب _ تعاركت علمود طالبتي شعليك انت
احمد : ههههه طالبتك اختي
ثائر : حرامات والله كفر هاذا اخو ليال والله كفر
احمد :يلة تححسسني ليال الاميرة ديانا
ثائر : هاي هاي متضحك
ليال : غصبن ماعليك اصلا الاميرة ديانا متلحكني
احمد : اي مبين ههههه
ثار : هذا شمنطي اخاف مكبسل
ليال : والله ماعرف بس بي شي
احمد : هاي عليمن ولج
ليال : عليككك
ثائر : والله صكارك ليال هههههه
احمد : بالبيت نتفاهم ليال بالبيت
ليال : اي بابا موجود هههههه
احمد : اي تكومين تتلوكين لابوية
ليال : ننننن معليك انت تغار
ثائر : كافي مناكر وصلنة
ليال : نزلنة وطبينة جوة كلعادة مرت الدروس والنتائج ماكوووو للدرس الاخير جنت واكفة بصف استاذ علي هوة ويذيع الاسماء وادعي بداخلي ربي دخيلك درجاتي نشالله عالية ربيييي
علي : ليال وينج
ليلى : نعم استاذ
علي: ..................
يتبع......
✨•••••••••••••••••••••••••••••••••••••••••✨
لهنا ينتهي البارت 💛
اتمنى يعجبكم لتنسون الايك ورايكم بالتعليقات
واسفة على التاخير بس نفسيتي زفتتتت لهذا عذروني
تمام احبكككككم هوووووواي 💛💛💛💛☁
~الــكـاتـبة : yaqeen.hassan~