................
"အမကျောင်းသားကဒ်ထုတ်ချင်လို့"
အပြုံမျမျနဲ့မေးလိုက်သော အာကာကြောင့်အမချောချာကြီးကလည်း ပြုံးလျက်
"မောင်လေးတို့ကဘယ်နှစ်လဲ"
"ကျွန်တော်တို့က first year"
"ဒါဆို ဟိုဘက်နားလေးက အခန်းနော်မောင်လေး ဒါက Finalတွေထုတ်ပေးနေတာမို့"
"ဟုတ်ကဲ့အမကျေးဇူးပါ"
အပြုံးချိုချိုနဲ့ နှုတ်ဆက်ကာ ပြန်ထွက်လာခဲ့တယ်။ ထို E.C အမကြီးမှာလည်း သူ့နောက်ကျောဆီမှရေခဲရုပ်အား အကြည့်များ ပို့ကာပြောနေပေမဲ့လို့ပေါ့။
ကျောင်းသားကဒ်ထုတ်ရမည့်အခန်း၌ လူအနည်းငယ်ရှုပ်၏။ ဒီရက်ကြီးမှာတောင်လူလာရှုပ်နေသေးတယ်ဟု သူနှာခေါင်းရှုံ့မိပါသည်။ ထိုခဏ ပန်းရောင်အရိပ်ကလေးတစ်ခုအား မြင်ချိန်၌ သူငေးမိ၏။ ထူးထူးခြားခြား ဝတ်ဆင်ထားခြင်းမရှိ။ ပုဆိုးနဲ့ လည်ကတုံးအင်္ကျီကပင်ဆွဲဆောင်မှုရှိသော အမျိုးသားဂုဏ်ပုဒ်ကိုဖော်နေ၏။ နက်မှောင်နေသော ဆံပင်တိုတို ကခေါင်းလိမ်းဆီကြောင့်စိုအိနေသည်။ အသားအရည်မှာ ဖြူစပ်စပ်မဟုတ်ပါဘဲရွှေဝါရောင်ဝင်း၏။
သေချာပါသည်။ သူ Gay မဟုတ်ပါ။ ဒီအကိုကြီးကို မြင်ရချိန်တွင်တော့ အဘယ်သို့ အဖြေရှာရတော့မည်နည်း။ ဤအကိုကြီး အမည်သိချင်တယ်။ ဒါသူရရှိလာသောရောဂါတစ်ခုပင်။
"ခုံနာမ်ပါတ်1778နော်"
အစ်ကိုကြီး၏နှုတ်ဖျားမှ ထွက်လာသော အသံကြားရချိန်၌ သူ့ နှုတ်ခမ်း၌ အပြုံးပန်းတစ်ပွင့်ပွင့်လန်းလို့လာချေပြီ။
"တရုတ်မလေးကချောပါတယ်အသာငမ်း"
အာကာတို့၏ သတိပေးစကားကြားရချိန်မှသာ သူဘေးသို့ကြည့်မိ၏။ ဟုတ်သည်တရုတ်မချောချောလေး တစ်ယောက်က သူနဲ့ ကပ်ပြီးထိုင်နေတာ။ သူကြည့်နေစဉ်မှာဘဲ ထိုတရုတ်မလေးက အကိုကြီး၏လက်အား လှမ်းရိုက်ပြီး
"မြန်မြန်ရှာပါ နင်ဟာလေနှေးလိုက်တာ ငါနဲ့နေရာလဲမလားယောကျာ်းလေး ဖြစ်ပြီးတော့ကို"
"ငါ့လက်ကမော်တာမှ မဟုတ်တာ လာမရိုက်စမ်းနဲ့"
မျက်မှောင်ကြီးကျုံ့လျက်လက်အား ပြန်လှန်ချလိုက်သောအခါ သူအသံထွက်မတက်ပင်ရယ်မိ၏။
"ဇီဇာကိုကို"
သူတိတ်တိတ်လေး အမည်ပေးလိုက်လေတော့တယ်။
"ခုံနာမ်ပါတ်ဘယ်လောက်လဲမောင်လေး"
သူ့အားကြည့်ကာမေးလာသည့်ထိုတရုတ်အမ ။ ချိုပြုံးပြုံး မျက်နှာအား သူမျက်နှာသေနှင့်ပြန်ကြည့်ပေးလိုက်ကာ
"တစ်ဒ 90"
"ဆရာကန်တော့ပွဲအတွက်........
....."
ထုံးစံအတိုင်း ရှည်လျားထွေပြားစွာ ရှင်းပြနေသည်လေ။ သူ အနီနှစ်ရွက်ထုတ်ကာ လှူလိုက်တော့ ထိုအကိုကပါ ပြုံးပြ၍
"ပြောရဆိုရ လွယ်တဲ့သူတွေကြည့်ဆိုရင်ကောင်းမယ်"
သူ့ဆီသို့ကျောင်းသားကဒ်ထိုးပေးချိန်ဘေးက အမကပင်ဖျတ်လု၍ သူ၏ နာမ်မည်အား အမိအရဖတ်လေ၏။
"မင်းကမ္ဘာမောင်လေး King ဝင်ပြိုင်ပါ့လား"
သူ ပြန်မဖြေမိပါဘဲ အမည်မသိ အပြုံးတစ်ခုကိုသာ ပြုံးပြလိုက်၏။ အကိုကြီး မဂ္ဂဇင်း တစ်အုပ်နှင့်မုန့်စားကဒ်နှစ်ခုပေးလှမ်းပေးချိန်တွင်တော့ဘေးကအမ မယူခင်အမိအရ သူယူလိုက်တယ်။စာအုပ်ကိုတင်ကိုင်ရိုးလား။ နူးညံ့လိုက်တဲ့ထိတွေ့မှုလေး။ သူမလွှတ်ချင်ပေမဲ့ အာကာတို့ကျောင်းသားကဒ်အား ရှာပေးရဦးမယ်ဖြစ်၍ နှမျောသသ ဖြစ်လျက်သာ လက်လွှတ်ရ၏။
...................
"E.C အမကြီးချောချက်ကွာ မရဘူး ငါနေ့တိုင်းကျောင်းလာမယ်"
အာကာ ၏ အရှက်မရှိအော်ဟစ်နေမှုအား ရဲမာန်မှာ အပေါက်လိုက်ပိတ်နေ၏။ သူကတော့အေးဆေးစွာ ပိတောက်လမ်းရှိ ကန်ဘောင်ပေါ်တွင်ထိုင်လျက်Game playနေတော့တယ်။
"ရှေ့ကပန်းကန်ပြားငမ်းမနေနဲ့နောက်ကဝါးရင်းတုတ်နဲ့ တိုးနေမယ်"
"ဘာလဲ ငါ့ဟာငါ တရုတ်မမကို ချစ်တာ"
အာကာ၏ ဆယ်သက်လောက်စွဲကပ်နေသောရောဂါသည်ပမာ ပြုမူနေမှုကြောင့်ရဲမာန်မှာ -င်ပင်ပိတ်ကန်ချင်လာတယ်။
"သူ့ဘေးက အကိုကြီးက မင်းထက်ဆယ်ဆလောက်သာတယ်သဘောပေါက်ကမ္ဘာလိုက်ရင်သာ ရမယ်ငါတို့ဆို အနားကပ်မလာနဲ့ဘဲ"
ဤ အသံများကြောင့်ကမ္ဘာ Game play ခြင်းကို ရပ်နားလိုက်ကာ သူတို့စကားဝိုင်းအား အာရုံစိုက်မိ၏။
"ဘေးက အကိုကြီးနဲ့ ဘာအကန့်မှမရှိဘူးသေချာပေါက်ငါပြောရဲတယ်"
"မင်း ဘယ်သူကပြောလဲ"
"ဒါတော့ ငါလည်း လက်ခံတယ်သူတို့ကအရှင်းကြီး"
ကမ္ဘာ ပါဝင်လာသောကြောင့်အာကာမှာ စစ်တပ်တစ်တပ်ပိုင်ဆိုင်လိုက်ရသူပမာ။
"ဒါဆိုလဲနေ့တိုင်းလာပြီး မင်းက တရုတ်မမကိုshow ငါက ပန်းရောင်ကိုကြီးကို Show မယ်ကွာ ဘယ်လိုလဲ"
ရဲမာန်ထိုသို့ပြောလိုက်ပြီးသောအခါ သူ့ဘေးရှိလေထု ရပ်ဝန်းမှာအေးခဲ လာသယောင်။ ငါအထင်မှားတာနေမှာပါ။
သူမသိသည်က သူ့ဘေးရှိ အမျိုးသား၏ မျက်ဝန်းထဲ၌ ထိရဲထိကြည့်ဟူသော အဓိပ္ပါယ်များကိုပင်။
##############