Багийн гишүүдтэйгээ халуун дотно яриа өрнүүлэн тансаг оройн зоогоо амтархан идэж байхад түүний хуучин найз залуу Мину хаанаас ч гэнэт гарч ирэх нь тэр. Залуу нэг улаан сарнайтай бөгөөд нэг өвдөг дээрээ өвдөглөн Хэригийн зүг цэцгээ өргөв.
Хэри гайхширснаасаа болоод бодол санаа нь мунхарч гүйцжээ. Түүний гар утсаа унтраасан шалтгаан энэ юмсан. Багийн бусад гишүүд ч яриагаа зогсооцгоон тэнхим нам гүм болов. Энд Игён, Мину нарын түүхийг мэдэхгүй хүн гэж үгүй.
Хэри эргэн тойрныхноосоо өршөөл эрэн залуугийн гараас барин хүнгүй булан руу очлоо. Гэсэн ч Мину баяртай байв.
"Гуйя Игён, өөрсдийнхөө талаар дахин бодож үзээч." гэсээр зөөлөн дуугаар гуйв.
Түүн рүү дараа залгая гэж хэлсэн өдрөөс хойш Хэри үнэхээр энэ залуу руу утастсан юм. Гэхдээ Тэминтэй гэр бүл болох энэ ертөнцийн гол даалгавраа биелүүлэх нь түүний энэ насны тодорхой зорилго болохоор залууд өөрсдийн 10 жилийн харилцаагаа энэ хүргэн дуусгаж, цэгцлэе гэж хэлжээ. Гэхдээ Мину үргэлжлүүлэн түүн дээр ирж, үргэлж эдгээр үгсээ хэлсээр байсанд Хэри залхсан тул тэр үеэ аргацаан дахин бодож үзэхээ хэлсэн юм.
"Мину, одоо үнэхээр цаг нь биш байна. Яагаад чи хүлээж болохгүй гэж? Намайг хийж байгаа зүйлээ дууссаны дараа ярилцацгаая." хэмээн Хэри хэлэхэд Мину толгойн дохин ам нээв.
"Ойлголоо, Игён, чамайг надтай ярилцана гэвэл би хэчнээн удаан хүлээсэн ч болно. Гэхдээ би бас цөхөрч байна."
Тэд 10 минутын турш ярилцсан бөгөөд Хэриг суудалдаа буцан ирж суухад Хюён, Сүён тэргүүтэй удаан хугацааны бусад найзууд нь түүнийг тэр дороо ам уралдуулсан олон асуултаар бүчин авав. Тэр хүн юу гэж байна, ямар ажил хийдэг вэ гэх өөрсдийн сонирхлын асуултуудаар шалгаах аж. Харин Хэри онц зүйл биш болохыг хэлэн даруй сэдэв өөрчилсөн хэрэг.
Тансаг рестораны булангийн бүдэг гэрэлтэй ширээнд Тэмин барьж буй дарстай хундагаа бараг хагалах шахжээ. Тэр гүнзгий амьсгаа аван өөрийгөө тайвшруулна. Уур хилэн, атаа хорсол хаанаас ингэж их оргилон гарч байгааг таамаглах боломжгүй нь. Түүний мэдэж байгаа ганц зүйл гэвэл Игён өөр залуутай ярьж, тэр тусмаа гарт нь хүргэхийг хүсэхгүй байгаа явдал.
Оройн хоолоо идэж дууссан ч Хэри найзуудтайгаа тэнд суусан хэвээр. Харин нөгөө талд Тэмин түүний хэрхэн инээж буй төрх, бяцхан хариу үйлдэл, хөдөлгөөн бүрийг нь тасралгүй ажиглаж байв. Цаг өнгөрөх тусам залуугийн бие ховсонд орсон мэт зүрх сэтгэл нь бүрмөсөн эзэмдүүлэх аж.
"Хатагтай, та хундагаа дахин дүүргэмээр байна уу?"
Хайрын мансууралд живэх залуу улаан дарс барьсан англи зөөгч бүсгүйн дуугаар бодлоосоо тасрав. Тэмин толгой сэгсэрчхээд Хэригийн баг руу үргэлжлүүлэн харлаа.
"Хатагтай, хэрвээ таныг хүсвэл би тэдний гарын үсгийг асууж болно. Тэд өнөөдөр гайхалтай тоглолт үзүүлсэн." хэмээн зөөгч ахин үг дуугарав.
Хариуд нь Тэмин инээмсэглэн "Үгүй ээ баярлалаа. Харин дэлхийн аварга шалгаруулах тэмцээн дууссаны дараа "Moet and Chandon" оргилуун дарсыг миний өрөө рүү илгээж болох уу?" хэмээн эелдгээр асуув.
Зөөгч бүсгүй толгой дохин инээмсэглэнэ. Ажилчид бүгд түүнийг зочид буудлын хүндэт үйлчлүүлэгч гэж хүлээн зөвшөөрдөг.
"Тэр даруй илгээх болно оо, хатагтай." Зөөгч ийн хэлээд явсан юм.
Хэригийн багийн ресторанаас гарах хүртэл Тэмин холоос ажиглан хүлээсэн. Харин Хэри бүх хугацаанд юу ч бодолгүйгээр найз нөхөдтэйгээ зугаацаж байв. Дараа нь тэр өрөөний хамтрагч Сүёнтой амрахаар явжээ.
Тэмин энэ үйл явдлыг Хэригийн хувьд хэчнээн чухал болохыг мэдэж байсан тул зайгаа сайтар хадгалж байлаа. Гэсэн хэдий ч тэр хайртай эмэгтэйгээ хараанаасаа салгаагүй. Түүнийг бэлтгэл хийхээр явах бүрт залуу нууцаар дагаж байсан юм.
Мэдээж залуу өөрийгөө донтой тандагч шиг мэдэрнэ. Үүнээс илүүтэй бүсгүйг тэвэрч, энхрийлэхийг ихээр хүсэж байв. Эмэгтэйн нүүрэнд тодрох үзэсгэлэнтэй инээмсэглэлийг харах эсвэл цангисан хөөрхөн инээдийг нь сонсох бүрт залуугийн ертөнц зогсох шиг л болдог.
Удаах тоглолт ирэхэд Хэригийн баг амжилттай хожлыг авчээ. Харин энэ хоёр тоглолтын дараагаас өөр түүх эхэлсэн юм.
Энэ өдөр бол Игёны амьдралын чухал мөчүүдийн нэг гэдэг нь гарцаагүй. Шонхруудыг финалд гарах эсэхийг тодорхойлох шийдвэрлэх үе. Хэригийн хувьд хүнд хэцүү долоо хоног өнгөрч байлаа. Хэт их адреналин ялгарч, тамир нь сульдах ч гоолын хаалгаа амжилттай хамгаалах бүрт сэнгэнэсэн догдлом сэтгэл хөөрлийг мэдрэхдээ дуртай байв. Анх удаа тэр спортоор хичээллэж байхдаа ийм сайхан мэдрэмжийг авч байгаа нь энэ. Үнэндээ тэр өөрийн ертөнцөд спортыг үзэн яддаг байсан. Харин одоо бол хэчнээн сайхан болохыг мэдэрчээ. Мөн өөрийн ертөнцдөө буцаж очоод спортоор хичээллэхийг бодож байв.
Энэ удаад тэдний өрсөлдөгч баг дэлхийн хамгийн шилдэг хүчтэй багуудын нэг болох "Луу" баг юм. Тэдний ихэнх тоглогчид яг л Амазончууд шиг биерхүү тул өрсөлдөх баг нь сүрдэж эхэлдэг.
Хэдий Хэри баг дундаа өндөр боловч эсрэг баг руу харахад тэд 1.8 метр гаран гэдэг нь илт. Гэтэл Хэри ердөө 1.7 метр хүрэхүйц өндөртэй. Луугийн баг бэлтгэлийн өрөөнөөсөө дүрэлзсэн улаан өмсгөлтэй цувран гарахад сүрдэм аймшигтай баг шиг санагдана.
Улаан өмсгөлтэй луугийн баг, шар цагаан өмсгөлтэй шонхрын баг цэнгэлдэхийн том ногоон талбай дээр гарцгаан ердийнх шиг уламжлалт ёсолгоо хийцгээн гар барилцаж байв. Мөн тэд багахан бие халаах дасгал хийсний эцэст тоглолт эхэллээ.
Шүүгч чухал зоосоо шидэж, бөмбөг эсрэг багт ивээлээ хүргэв.
Луугийн гол довтлогч бөмбөгийг зүүн төвийн талбайн зүг чиглүүлсэн бол зүүн төвийн тоглогч бөмбөгийг баруун төвийн тоглогч руу дамжуулна. Тэд бөмбөг дамжуулалтыг үргэлжлүүлсээр байгаа нь шонхруудыг будлиантуулах сайн стратеги хэдий ч Хэригийн баг хүчээ хоёр дахин ихэсгэж, шилдэг баг гэдгээ батлан харуулахыг зорино.
Шонхрууд анхаарлаа төвлөрүүлж, өрсөлдөгчийнхөө стратегийг олж мэдэхийг хичээж байв.
Тоглолтын эхний 15 минутын дотор луу багийн довтлогчид шонхор багийн хамгаалалт руу нэвтрэх боломжийг олж авчээ. Хэри хаалганыхаа өмнө өөрийгөө бэлдэн бөмбөг тусах өнцгийг тооцоолно. Эсрэг багийн хурдтай довтлогч зүүн болон баруун төвийн тоглогчтойгоо давшилж байв. Мэдээж тэд Хэриг хуурахыг хүсэж байгаа нь эргэлзээгүй.
Шаламгай хөдөлгөөнтэй 3 тоглогч нэг нэгэн рүүгээ бөмбөг дамжуулан гоолын постод ойртсоор.
60 метр
30 метр
10 метр
Хэригийн хурц хар нүд яг л шонхрын нүд мэт гялазан бөмбөг рүү няхуур харна. Хюён, Сүён хоёр өөрсдийн хаалгаа хамгаалахаар хурдтай гүйх боловч эсрэг багийн 3 эмэгтэй илүү хурдан байсан юм.
10 метрийн зайд шийдвэрлэх бөмбөг өшиглөлтийг гүйцэтгэх тоглогч нууц байсаар. Харин сүүлчийн хоромд голын тоглогч довтлох гэж байгаа мэт дүр үзүүлэн зүүн талын хамтрагч руугаа бөмбөгөө дамжуулахад өнөөх тоглогч шуудхан гоолын хаалга руу чиглүүлснээр Хэри хоцорч онооны бөмбөгийг барьж авч чадсангүй.
Дүрэлзсэн улаан луунууд нэг оноо авлаа.
Хэри зүлгэн дээрээс босож, толгой сэгсрэв.
"Новш, алдчихлаа, тэд үнэхээр сайн юм." Хэри бувтнахад
Хюён ирж, мөрийг нь зөөлөн товшив. "Зүгээр ээ, дараагийн удаа бид оноо авна."
Хэри толгой дохив. Энэ удаад тэр системээс туслалцаа гуйхыг хүсэх боловч системд энэ үйл явдал төдийлөн чухал биш бололтой.
Тэмцээнд үнэ цэнэтэй оноо авсан атлаа луунууд баяраа тэмдэглэлгүй, оронд нь маш ноцтой царайлсаар эргэн өөрсдийн байр сууриа эзлэх нь тэр. Тэдний хачирхалтай байр байдалд Хэри гайхширна. Бүх тоглогчид нь яг л робот шиг?
Ширүүхэн өрсөлдөөнтэй 30 минут өнгөрсний дараа луунууд дахин нэг оноог багтаа авчирч чаджээ. Хоёр онооны зөрүү гэдэг аймшигтай. Мэгдэж гайхсан Хэригээс бусад багийнх нь хамтрагчид толгойгоо сэгсэрч, өрсөлдөгчөө хүчтэй гэдэгт санал нэгдэн цөхрөх бол үзэгч олон иргэд хүчирхэг "Луу" баг энэ удаагийн ялалтыг гартаа атгана гэсээр бооцоо тавьцгааж байлаа.
Тоглолтын хагас цаг дууслаа. Хэри маш их ядарсан бөгөөд тэр нийтдээ 15 бөмбөгийг хаалган дээрээс барьж авч чадсан. Азаар бие нь тийм ч муугүй тааламжтай болзолт байдалд байна. Түүнийг бээлийгээ тайлахад олон хүчтэй бөмбөгийг барьж авсан гар нь цэврүүтэн бүхэлдээ улаан болжээ. Гэтэл хаа нэг газраас богино үстэй, нүүрэндээ маск зүүсэн нэг хүн ирж, Хэрид ууттай мөс өгөх нь тэр. Мөн өнөөх бүсгүй түүний хавдсан гарыг анхаарал болгоомжтойгоор боож өгөв.
"Баярлалаа" хэмээн Хэри түүнийг явахаас өмнө амжиж талархал илэрхийлэхээ мартсангүй.
Жүхён Хэри рүү дөхөж очоод жижиг савтай ус өглөө. Хэри баярласнаа хэлэн нэг дор ууж орхив.
Дараагаар нь түүн дээр Сүён ирж, "Сайн байлаа, Игён. Тэд их хүчтэй байсан." хэмээнэ.
Дасгалжуулагч тэднийг цуглуулж шинэ стратеги зааварчлав. Одоо бол сэлгээнээс орж ирэх нууц хөзөр Жүхёны довтлох ээлж.
Сүүлийн хагас цагийн дөрөвний эхний минутад Жүхён эсрэг багийн хамгаалтанд нэвтэрч чадсан. Луу багийн таван өндөр эмэгтэй түүнийг хашсан боловч эцэст нь тэр шаламгай хууралтаараа төвөггүй амжилттай гаталсан. Үүнд хүн бүрийн эрүү газар унах шахав. Ганцхүү Хэрид гайхшрах шалтгаан байсангүй. Жүхён бол мэдээж энэ дэлхийн энэрэлт эмэгтэй гол дүр! Ердийн бус зүйлсийг хийж чадах цор ганц хүн. Ертөнц гол дүрийн эмэгтэйд зориулагдан схемчлэгддэг шүү дээ.
Хэри зөвхөн эмэгтэй гол дүрийн хийж чадах гайхамшгийг чимээгүй харахаас өөр сонголтгүй.
Жүхён бөмбөгийг Сүёны зүг чиглүүлж, эсрэг багийн хаалга руу улам давшин гүйлээ. Түүнийг хурдтай гүйхэд Сүён бөмбөгийг буцаан дамжуулав. Лууны багийн хоёр тоглогч ирж бөмбөг таслахыг оролдсон боловч Жүхён бөмбөгийг эгц дээш өвдөглөн хөөргөж, тэр даруй өндөрт үсрэн эсрэг багийн хаалга руу агаар дээр хүчтэй өшиглөх нь тэр.
Цэнгэлдэх аниргүйд автаж, хүн бүхэн суудлаасаа босоод өөр нэгэн гайхамшгийг нүдээрээ тольдсон юм. Хэри уран зөгнөлт кино үзэж байгаа мэт итгэх үгүйгээс үл хамааран бөмбөг гоолын хаалганы хажуугийн ирмэгт туссан ч ойн хаалга дотор оржээ.
Энэ бүгд Жүхёны гайхамшигтай гэх үгийг зуу давтах довтолгоо байлаа. Хөл бөмбөгийн энэхүү тоглолтыг үзэх хүн бүхэн орилдон шагшицгаана. Түүний өшиглөлт тоглолтын хамгийн онцлох үйл явдалд тодоор дурсагдах нь гарцаагүй.