ﺑﺎﻧﺖ ﻧﺼﻒ ﺍﺑﺘﺴﺎﻣﺔ ﻋﻠﻰ ﺷﻔﺎﻳﻒ ﺭﺋﺒﺎﻝ ... ﻛﺎﻧﺖ ﺳﺨﺮﻳﺔ ﻓﻜﻼﻡ ﺳﻨﻤﺎﺭ ﺑﺪﻭﻥ ﻣﺎﻳﻌﺮﻑ ... ﻋﺎﺭﻑ ﺣﻘﺪ ﺧﻠﻴﻞ ﻣﻨﺎﺵ ﺟﺎ ... ﻭ ﻟﻜﻦ ﻫﺎﺩ ﺍﻟﺨﻄﻮﺓ ﺍﻟﻲ ﺩﺍﺭ ﻛﺎﻧﺖ ﺃﻏﺒﻲ ﻣﻤﺎ ﺗﺼﻮﺭ ... ﻭ ﻫﻮ ﻣﺴﺘﺤﻴﻞ ﻳﺪﻭﺯﻫﺎ ﻟﻴﻪ ﻋﻠﻰ ﺧﻴﺮ ... ﺧﺎﺻﺔ ﺑﻌﺪ ﺍﻟﻲ ﻭﻗﻊ ﻟﺠﻮﻻﻥ ...
ﻭﺻﻠﻮ ﺳﻨﻤﺎﺭ ﻭ ﻏﺎﺩﺭ ... ﺩﺧﻞ ﻭ ﻃﻠﻊ ﻟﻐﺮﻓﺘﻮ ... ﺣﻴﺪ ﺍﻟﻬﻮﺩﻱ ﺣﻂ ﻳﺪﻭ ﻋﻠﻰ ﻛﺘﻔﻮ ... ﻛﺎﻥ ﻣﻔﻌﻮﻝ ﺍﻟﻤﺴﻜﻨﺎﺕ ﺑﺪﺍ ﻛﻴﺰﻭﻝ ﻭ ﺭﺟﻊ ﻟﻴﻪ ﺍﻟﺤﺮﻳﻖ ... ﺣﻞ ﻟﻤﺠﺮ ﺧﺪﺍ ﻣﻨﻮ ﻋﻠﺒﺔ ﻫﺰ ﻣﻨﻬﺎ ﺟﻮﺝ ﺣﺒﺎﺕ ... ﻭ ﺍﺗﺎﺟﻪ ﻟﻠﻄﺒﻠﺔ ﺧﻮﺍ ﻟﻴﻪ ﻛﺎﺱ ... ﻻﺡ ﺍﻟﺤﺒﺎﺕ ﻭ ﺩﻭﺯﻫﻢ ﺑﺎﻟﻤﺸﺮﻭﺏ ... ﭼﻠﺲ ﻓﻮﻕ ﺍﻟﻔﻮﻃﻮﻱ ﻻﺑﺲ ﺳﺮﻭﺍﻝ ﻓﻘﻂ ... ﻫﺰ ﻟﺒﻴﺴﻲ ﺣﻠﻮ ﺩﺍﺭ ﻟﻜﻮﺩ ﺣﺘﻰ ﺗﻔﺘﺢ ﻭ ﺑﺪﺍ ﻛﻴﻘﻠﺐ ﻋﻠﻰ ﺷﻨﻮ ﺑﻐﺎ ...
🌺 ﻳﻮﻡ ﺟﺪﻳﺪ 🌺
ﺗﺤﻞ ﻟﺒﺎﺏ ﻭ ﺩﺧﻞ ﺍﻟﻄﺒﻴﺐ ... ﺷﺎﻓﺘﻮ ﺣﻔﻴﻀﺔ ﻭ ﻫﻲ ﺗﻮﻗﻒ ...
ﺍﻟﺪﻛﺘﻮﺭ : ﺻﺒﺎﺡ ﺍﻟﺨﻴﺮ
ﺣﻔﻴﻀﺔ : ﺻﺒﺎﺡ ﺍﻟﺨﻴﺮ ﺩﻛﺘﻮﺭ
ﺍﻟﺪﻛﺘﻮﺭ : ﻧﺘﻲ ﻫﻲ ﺃﻡ " ﻫﺰ ﺍﻟﻀﻮﺳﻲ ﻛﻴﻘﺮﺍ ﻓﻴﻪ " ﺟﻮﻻﻥ
ﺣﻔﻴﻀﺔ : ﺁﻩ ﺍﻭﻟﺪﻱ ﺃﻧﺎ ﻣﻬﺎ
ﺍﻟﺪﻛﺘﻮﺭ : ﻣﺆﺷﺮﺍﺗﻬﺎ ﻣﺰﻳﺎﻧﻴﻦ ... ﺷﻮﻳﺔ ﻭ ﺗﻔﻴﻖ
ﺣﻔﻴﻀﺔ : ﻋﻼﺵ ﺩﺍﻳﺮﻳﻦ ﻟﻴﻬﺎ ﻟﻔﺎﺻﻤﺔ ﻋﻠﻰ ﻋﻨﻴﻬﺎ ؟
ﺍﻟﺪﻛﺘﻮﺭ : ﻋﻼﺵ ﻣﺎﻓﺨﺒﺎﺭﻛﺶ ... ﺑﻠﻲ ﺗﺪﺍﺭﺕ ﻟﻴﻬﺎ ﻋﻤﻠﻴﺔ ﻟﻌﻨﻴﻬﺎ
ﺣﻔﻴﻀﺔ : " ﺷﻬﻘﺎﺕ ﻭ ﺣﻄﺎﺕ ﻳﺪﻫﺎ ﻋﻠﻰ ﻓﻤﻬﺎ " ﺵ ﺷﻨﻮ ﻭ !!
ﺣﻂ ﺍﻟﺪﻛﺘﻮﺭ ﻳﺪﻭ ﻋﻠﻰ ﻛﺘﻒ ﺣﻔﻴﻀﺔ ﻭ ﺷﺮﺡ ﻟﻴﻬﺎ ﻭﺿﻊ ﺟﻮﻻﻥ ... ﻛﺎﻥ ﻻﺯﻡ ﻳﺬﻛﺮ ﺍﺣﺘﻤﺎﻟﻴﺔ ﺍﻧﻬﺎ ﻣﻤﻜﻦ ﺗﻜﻮﻥ ﻓﻘﺪﺍﺕ ﺑﺼﺮﻫﺎ ... ﻭ ﻫﺎﺩﺷﻲ ﻏﻴﻌﺮﻓﻮﻩ ﻣﻨﻴﻦ ﻳﺤﻴﺪﻭ ﺍﻟﻀﻤﺎﺩﺓ ... ﺗﺤﻞ ﻟﺒﺎﺏ ﻭ ﺩﺧﻞ ﺇﺑﺮﺍﻫﻴﻢ ﻫﺎﺯ ﻣﻌﺎﻩ ﺻﺎﻙ ﻣﺘﻮﺳﻂ ﺍﻟﺤﺠﻢ ... ﺑﺎﻧﺖ ﻟﻴﻪ ﺣﻔﻴﻀﺔ ﭼﺎﻟﺴﺔ ﻓﻮﻕ ﺍﻟﻔﻮﻃﻮﻱ ﻭ ﻛﺘﺒﻜﻲ ﻓﺼﻤﺖ ...
ﺷﺎﻑ ﺍﻟﻄﺒﻴﺐ ﻭﺍﻗﻒ ﻋﻨﺪ ﺟﻮﻻﻥ ... ﻳﺎﻻﻩ ﺑﻐﺎ ﻳﺴﻮﻝ ﻋﻠﻰ ﻭﺿﻌﻬﺎ ﻭ ﻫﻲ ﺗﺤﺮﻙ ... ﺣﻂ ﺍﻟﻄﺒﻴﺐ ﻳﺪﻭ ﻋﻠﻰ ﺩﺭﺍﻋﻬﺎ ﻭ ﺧﺎﻃﺒﻬﺎ ...
ﺍﻟﻄﺒﻴﺐ : ﺟﻮﻻﻥ ﻛﺘﺴﻤﻌﻴﻨﻲ ؟
ﺗﺤﺮﻛﺎﺕ ﻭ ﻫﻲ ﺗﺰﻳﺮ ﻋﻠﻰ ﺷﻔﺎﻳﻔﻬﺎ ...
ﺍﻟﻄﺒﻴﺐ : ﻣﺎﺗﺤﺮﻛﻴﺶ ... ﻋﺎﺩ ﺧﺮﺟﺘﻲ ﻣﻦ ﻋﻤﻠﻴﺔ ﻭ ﺟﺮﺣﻚ ﺟﺪﻳﺪ
ﺟﻮﻻﻥ : " ﺑﺼﻮﺕ ﻣﻨﺨﻔﺾ " ﻝ ﻟﻤﺎ
ﺣﻔﻴﻀﺔ ﺳﻤﻌﺎﺕ ﺻﻮﺕ ﺑﻨﺘﻬﺎ ﻭ ﻫﻲ ﺗﻨﻮﺽ ﺑﺴﺮﻋﺔ ... ﺧﻮﺍﺕ ﺍﻟﻤﺎ ﻓﺎﻟﻜﺎﺱ ﻭ ﺍﻟﺪﻣﻮﻉ ﻓﻌﻨﻴﻬﺎ ... ﺑﻤﺴﺎﻋﺪﺓ ﺍﻟﻄﺒﻴﺐ ﮔﻌﺪﻭﻫﺎ ﻭ ﻋﻄﺎﺗﻬﺎ ﺗﺸﺮﺏ ...
ﺟﻮﻻﻥ : ﻣﺎﻣﺎ
ﺣﻔﻴﻀﺔ : ﻭﻱ ﺑﻨﺘﻲ ... ﺃﻧﺎ ﺣﺪﺍﻙ
ﺟﻮﻻﻥ : " ﻫﺰﺍﺕ ﻳﺪﻫﺎ ﺍﻟﻲ ﻓﻴﻬﺎ ﺍﻟﺴﻴﺮﻭﻡ ﻭ ﻟﻤﺴﺎﺕ ﺍﻟﻀﻤﺎﺩﺓ " ﻋﻼﺵ ﺩﺍﻳﺮﻳﻦ ﻫﺎﺩﺷﻲ ﻋﻠﻰ ﻋﻴﻨﻴﺎ ؟
ﺍﻟﻄﺒﻴﺐ : ﺟﻮﻻﻥ ﺳﻤﻌﻴﻨﻲ ﻣﺰﻳﺎﻥ ... ﻭﻗﻊ ﻟﻴﻚ ﺣﺎﺩﺙ ﻭ ..
ﺷﺮﺡ ﻟﻴﻬﻢ ﻛﺸﻠﻲ ﻭ ﺍﻟﻌﻤﻠﻴﺔ ﺍﻟﻲ ﺩﺍﺭﺕ ... ﺇﺑﺮﺍﻫﻴﻢ ﻭﺍﻗﻒ ﻛﻴﺴﻤﻊ ﻭ ﻛﻴﺸﻮﻑ ﻓﻤﺮﺗﻮ ﺍﻟﻲ ﺣﺎﺑﺴﺔ ﺍﻟﺒﻜﻴﺔ ﻭ ﻛﺘﺸﻮﻑ ﺑﺤﺰﻥ ﻓﺒﻨﺘﻬﺎ ... ﻭ ﺟﻮﻻﻥ ﻛﺘﺴﻤﻊ ﻓﻜﻼﻡ ﺍﻟﻄﺒﻴﺐ ﻭ ﻣﻤﺼﺪﻗﺎﺵ ﺷﻨﻮ ﻛﻴﻘﻮﻝ ... ﻛﻴﻒ ﻛﻤﻞ ﻫﻀﺮﺗﻮ ﺑﺪﺍﺕ ﻛﺘﺤﺴﺲ ﺍﻟﻀﻤﺎﺩﺓ ﻭ ﺑﺎﻏﺔ ﺗﺤﻴﺪﻫﺎ ﻭ ﻛﺘﻐﻮﺕ ﺑﺤﺮ ﺟﻬﺪﻫﺎ ...
ﺟﻮﻻﻥ : ﻻﺍﺍﺍ ﻣﻴﻤﻜﻨﺸﺸﺶ ... ﺣﻴﺪﻭ ﻋﻠﻴﺎﺍﺍﺍﺍ ﻫﺎﺩﺷﻲ ... ﻣﺎﻣﺎﺍﺍﺍﺍ ﻗﻮﻟﻲ ﻟﻴﻬﻢ ﻳﺤﻴﺪﻭﻭﻭﻭ ﻋﻠﻴﺎ ﻫﺎﺩﺷﻴﻴﻲ ... ﻣﺎﻳﻤﻜﻨﺶ ﻧﻜﻮﻭﻭﻭﻥ ﺗﻌﻤﻴﻴﻴﻴﺖ ... ﻣﺎﻣﺎﺍﺍﺍﺍﺍﺍ
ﺷﺪ ﻓﻴﻬﺎ ﺍﻟﻄﺒﻴﺐ ﻭ ﺑﺎﻫﺎ ﺑﺎﺵ ﻣﺘﺤﻴﺪﻫﺎﺵ ... ﺣﻔﻴﻀﺔ ﺭﺟﻌﺎﺕ ﺍﻟﻠﻮﺭ ﻭ ﺣﺎﻃﺔ ﻳﺪﻫﺎ ﻋﻠﻰ ﺻﺪﺭﻫﺎ ﻣﺤﺮﻭﻗﺔ ﻋﻠﻰ ﺑﻨﺘﻬﺎ ... ﺗﺤﻞ ﻟﺒﺎﺏ ﻭ ﺩﺧﻼﺕ ﺍﻟﻤﻤﺮﺿﺔ ﻛﺘﺠﺮﻱ ﻫﺎﺯﺓ ﻣﻌﻬﺎ ﺣﻘﻨﺔ ... ﺿﺮﺑﺎﺗﻬﺎ ﻟﻴﻬﺎ ﻓﺎﻟﺴﻴﺮﻭﻡ ﻭ ﺑﺪﺍﺕ ﻛﺘﻬﺪﺍ ﻭ ﺻﻮﺗﻬﺎ ﺍﻧﺨﺎﻓﺾ ﺣﺘﺎ ﺳﻜﺘﺎﺕ ... ﻗﺎﺩﻭﻫﺎ ﻓﺒﻼﺻﺘﻬﺎ ﻭ ﻃﻠﺐ ﺍﻟﻄﺒﻴﺐ ﻣﻦ ﻭﺍﻟﺪﻳﻬﺎ ﻳﺘﺒﻌﻮﻩ ﻭ ﻧﻴﺖ ﻳﺨﻠﻴﻮﻫﺎ ﺗﺮﺗﺎﺡ ... ﺑﻌﺪﻣﺎ ﺩﻭﺯﻭ ﺍﻟﻴﻮﻡ ﻛﺎﻣﻞ ﺟﻨﺒﻬﺎ ﻭ ﻫﻲ ﻧﺎﻋﺴﺔ ﺭﺟﻌﻮ ﻟﻠﺪﺍﺭ ...
ﻫﺒﻂ ﻣﻦ ﺍﻟﺴﻴﺎﺭﺓ ﻭ ﺩﺧﻞ ... ﻛﺎﻥ ﺍﻟﻤﺴﺘﺸﻔﻰ ﻫﺎﺩﺉ ﺑﺎﻟﻠﻴﻞ ... ﻏﺎﺩﻱ ﻓﺎﻟﻜﻮﻟﻮﺍﺭ ﻻﺑﺲ ﻣﻮﻧﻄﻮ ﺃﺳﻮﺩ ... ﺩﺍﺯ ﻣﻦ ﺣﺪﺍ ﻭﺣﺪﺓ ﺑﺪﻭﻥ ﻣﺎ ﻳﻨﺘﺎﺑﻪ ﻟﻴﻬﺎ ... ﺷﺎﻓﺘﻮ ﻭ ﻫﻲ ﺗﻮﻗﻔﻮ ﻛﺎﻧﺖ ﻻﺑﺴﺔ ﻃﺎﺑﻠﻴﺔ ﺑﻴﻀﺔ ...
........ : ﻧﺘﺎ ﻫﻮ ﺍﻟﻤﺮﻳﺾ ﺩﻳﺎﻝ ﻟﺒﺎﺭﺡ ؟
ﺭﺋﺒﺎﻝ : " ﺿﺎﺭ ﺷﺎﻑ ﻓﻴﻬﺎ "
......... : " ﻣﺪﺍﺕ ﻟﻴﻪ ﻳﺪﻫﺎ ﻣﺒﺘﺎﺳﻤﺔ " ﺃﻧﺎ ﺍﻟﺪﻛﺘﻮﺭﺓ ﻫﺪﻯ
ﺷﺎﻑ ﺭﺋﺒﺎﻝ ﻓﻴﺪﻫﺎ ﻭ ﻃﻠﻊ ﻋﻨﻴﻪ ﺟﻬﺔ ﺻﺪﺭﻫﺎ ... ﻛﺎﻧﺖ ﻓﺎﺗﺤﺔ ﺍﻟﻄﺎﺑﻠﻴﺔ ﻭ ﺑﺎﻳﻦ ﻧﺺ ﻓﺼﺪﺭﻫﺎ ... ﻃﻠﻊ ﻋﻨﻴﻪ ﻓﻮﺟﻬﺎ ﻛﻴﺸﻮﻑ ﻓﺎﻻﺑﺘﺴﺎﻣﺔ ﺍﻟﻤﻐﺮﻳﺔ ﺍﻟﻲ ﺭﺍﺳﻤﺔ ﻋﻠﻰ ﺷﻔﺎﻳﻔﻬﺎ ... ﺗﺠﺎﻫﻞ ﻳﺪﻫﺎ ﺍﻟﻲ ﻣﺎﺩﺓ ﻭ ﻛﻤﻞ ﻋﻠﻰ ﻃﺮﻳﻘﻮ ...
ﺟﻤﻌﺎﺗﻬﺎ ﻭ ﺗﻠﻔﺘﺎﺕ ﻛﺘﺸﻮﻑ ﻓﻴﻪ ﻏﺎﺩﻱ ... ﺑﻐﺎﺕ ﺗﺎﻛﻞ ﺭﺍﺳﻬﺎ ﻋﻠﻰ ﻫﺎﺩ ﺍﻟﺤﺮﮔﺔ ﺍﻟﻲ ﺩﺍﺭ ﻟﻴﻬﺎ ... ﺟﺎﺏ ﺍﻟﻠﻪ ﻣﻜﺎﻥ ﺣﺪ ﺣﺪﺍﻫﻢ ...
ﺣﻞ ﻟﺒﺎﺏ ﺑﺸﻮﻳﺔ ... ﻛﺎﻥ ﺿﻮﺀ ﺧﻔﻴﻒ ﻓﺎﻟﻐﺮﻓﺔ ... ﺷﺎﻑ ﺟﻬﺔ ﺍﻟﺒﺎﻳﺎﺹ ﺑﺎﻧﺖ ﻟﻴﻪ ﺩﺍﻳﺮﺓ ﻟﻠﺠﻬﺔ ﻻﺧﺮﻯ ... ﺳﻤﻊ ﺻﻮﺕ ﺃﻧﻴﻦ ﺧﻔﻴﻒ ... ﻗﺮﺏ ﺑﺨﻄﻰ ﻫﺎﺩﺋﺔ ﺣﺘﻰ ﺗﻮﻗﻒ ﻓﺎﺵ ﺳﻤﻌﻬﺎ ...
ﺟﻮﻻﻥ : " ﺿﺎﺭﺕ ﺟﻬﺔ ﻟﺒﺎﺏ " ﻣﺎﻣﺎ !
ﺑﻘﺎ ﻛﻴﺸﻮﻑ ﻓﻴﻬﺎ ... ﻛﺎﻥ ﺑﺎﻳﻦ ﻣﻦ ﻧﻴﻔﻬﺎ ﻭ ﺷﻔﺎﻳﻔﻬﺎ ﺑﻠﻲ ﻛﺎﻧﺖ ﻛﺘﺒﻜﻲ ...
ﺟﻮﻻﻥ : ﺵ ﺷﻜﻮﻥ ؟
ﺳﻤﻌﺎﺕ ﺧﻄﻮﺍﺕ ﻛﻴﻘﺮﺑﻮ ﻟﻴﻬﺎ ... ﻭ ﺭﻳﺤﺔ ﻣﺄﻟﻮﻓﺔ ﻣﺎﻟﻴﺔ ﺍﻟﻐﺮﻓﺔ ... ﻋﺮﻓﺎﺕ ﺑﺎﻟﻈﺒﻂ ﺷﻜﻮﻥ ﻣﻌﻬﺎ ﻓﺎﻟﻐﺮﻓﺔ ... ﺗﺬﻛﺮﺍﺕ ﺍﻟﻠﺤﻈﺎﺕ ﺍﻟﻲ ﻗﺒﻞ ﻭﻗﻮﻉ ﺍﻟﺤﺎﺩﺙ ... ﻛﻴﻔﺎﺵ ﺣﺘﺎ ﺣﻴﺪ ﺍﻟﺤﺰﺍﻡ ﻭ ﻋﻨﻘﻬﺎ ﻗﺒﻞ ﻣﺎﺿﺮﺑﻬﻢ ﺍﻟﺴﻴﺎﺭﺓ ﻻﺧﺮﻯ ... ﻟﻜﻦ ﻟﻮ ﺍﻧﻬﺎ ﻣﻜﺎﻧﺘﺶ ﻣﻌﺎﻩ ﻓﺎﻟﺴﻴﺎﺭﺓ ﻣﻜﺎﻧﺶ ﻭﻗﻊ ﻟﻴﻬﺎ ﻫﺎﺩﺷﻲ ...
ﺍﺣﺘﻤﺎﻝ ﺗﻜﻮﻥ ﻓﻘﺪﺍﺕ ﺑﺼﺮﻫﺎ ﻭ ﻋﻤﺮﻫﺎ ﺗﺸﻮﻑ ﻣﻦ ﺟﺪﻳﺪ ... ﻭ ﻣﺎﻳﻤﻜﻨﺶ ﻣﺘﺤﻤﻠﻮﺵ ﺟﺰﺀ ﻣﻦ ﺍﻟﻲ ﻭﻗﻊ ... ﺯﻳﺮﺍﺕ ﻋﻠﻰ ﺷﻔﺎﻳﻔﻬﺎ ﺍﻟﻲ ﻛﻴﺮﺟﻔﻮ ... ﻭ ﻭﺟﻬﺎ ﺭﺟﻊ ﺣﻤﺮ ... ﻛﺎﻥ ﺑﺎﻳﻦ ﻋﻠﻴﻬﺎ ﺣﺎﺑﺴﺔ ﺑﻜﺎﺀﻫﺎ ﺑﺼﻌﻮﺑﺔ ... ﻓﺠﺄﺓ ﺷﻬﻘﺎﺕ ﻓﺎﺵ ﺣﺴﺎﺕ ﺑﻴﻪ ﺧﺸﺎﻫﺎ ﻓﺤﻀﻨﻮ ﻭ ﻋﻨﻘﻬﺎ ﺑﻘﻮﺓ ...
ﭼﻠﺲ ﺟﻨﺒﻬﺎ ﻭ ﺩﻭﺭ ﻳﺪﻳﻪ ﻋﻠﻰ ﻇﻬﺮﻫﺎ ... ﻋﻨﻘﻬﺎ ﺑﻘﻮﺓ ... ﻭﺟﻬﺎ ﻣﺨﺸﻲ ﻓﺼﺪﺭﻭ ﻭ ﺩﻗﻨﻮ ﻋﻨﺪ ﺭﺍﺳﻬﺎ ... ﺣﺴﺎﺕ ﺑﻘﻮﺓ ﺍﻟﺸﺪﺓ ﺑﺎﺵ ﻣﺰﻳﺮ ﻋﻠﻴﻬﺎ ... ﻭ ﺑﻘﺎﺕ ﻣﺸﻮﺷﺔ ﻟﻠﺤﻈﺔ ﻋﺎﺩ ﺍﺳﺘﺪﺭﻛﺎﺕ ﺷﻨﻮ ﻭﻗﻊ ... ﺣﻄﺎﺕ ﻳﺪﻳﻬﺎ ﻋﻨﺪ ﻛﺮﺷﻮ ﻭ ﺩﻓﻌﺎﺗﻮ ﻣﺤﺎﻭﻟﺔ ﺗﺒﻌﺪ ... ﺣﺲ ﺑﻴﻬﺎ ﻟﻜﻦ ﻣﺒﻌﺪﺵ ﻭ ﺑﻘﺎ ﻣﻌﻨﻘﻬﺎ ...
ﺟﻮﻻﻥ : " ﺑﺼﻮﺕ ﻣﺘﻘﻄﻊ " ﺏ ﺑﻌﺎﺍﺩ ﻉ ﻋﻠﻴﺎﺍ ... ﺑﻌﺎﺍﺍﺍﺩ
ﺻﻮﺗﻬﺎ ﺍﻟﻲ ﻛﺎﻥ ﺷﺒﻪ ﺑﺎﻛﻲ ﺧﻼﻩ ﻳﺮﺧﻲ ﻣﻨﻬﺎ ... ﺑﻌﺪ ﺷﻮﻳﺔ ﻭ ﺷﺎﻑ ﻓﻴﻬﺎ ... ﻋﺮﻓﺎﺗﻮ ﻣﻘﺎﺑﻞ ﻣﻌﻬﺎ ﻭ ﺑﺎﻗﻲ ﭼﺎﻟﺲ ﺟﻨﺒﻬﺎ ... ﺑﻌﺪﺍﺕ ﺷﻮﻳﺔ ﻛﺄﻧﻬﺎ ﻧﺎﻓﺮﺓ ﻣﻨﻮ ﻭ ﻧﻄﻘﺎﺕ ...
ﺟﻮﻻﻥ : ﻋﻼﺵ ﺟﺎﻱ ... ﺑﺎﻏﻲ ﺗﺸﻮﻑ ﺷﻨﻮ ﻭﻗﻊ ﻟﻴﺎ ﺑﺴﺒﺒﻚ ... ﺗﺸﻮﻑ ﺍﻟﺤﺎﻟﺔ ﺍﻟﻲ ﻭﺻﻠﺖ ﻟﻴﻬﺎ ﺑﻌﺪﻣﺎ ﺟﺎﺭﻧﻲ ﺑﺰﺯ ﻧﺮﻛﺐ ﻣﻌﺎﻙ ... ﺣﺎﺱ ﺑﺎﻟﺘﺄﻧﻴﺐ ﻭ ﻻ ﺍﻟﺸﻔﻘﺔ ! ﺃﻧﺎ ﻣﺎﺑﻐﻴﺖ ﺷﻔﻘﺔ ﺣﺪ ... ﺳﻮ ﺑﻠﻴﺰ ﺧﺮﺝ
ﺭﺋﺒﺎﻝ : " ﻭﻗﻒ ﻭ ﺑﻘﺎ ﻛﻴﺸﻮﻑ ﻓﻴﻬﺎ "
ﺟﻮﻻﻥ : ﻗﻠﺖ ﻟﻴﻚ ﺧﺮﺝ " ﺑﺼﻮﺕ ﻋﺎﻟﻲ " ﺧﺮﺭﺭﺭﺭﺝ
ﺗﻠﻔﺖ ﺟﻬﺔ ﻟﺒﺎﺏ ﻓﺎﺵ ﺳﻤﻌﻮ ﺗﺤﻞ ... ﻛﺎﻧﺖ ﺍﻟﻤﻤﺮﺿﺔ ﺩﺍﺧﻠﺔ ﺷﺎﻓﺖ ﻓﻴﻪ ﻭ ﻗﺮﺑﺎﺕ ﻋﻨﺪ ﺟﻮﻻﻥ ...
ﺍﻟﻤﻤﺮﺿﺔ : ﺟﻮﻻﻥ ﻛﻴﻒ ﺣﺎﺳﺔ ؟
ﺟﻮﻻﻥ : ﻭﺍﺵ ﺧﺮﺝ ؟
ﺍﻟﻤﻤﺮﺿﺔ : ﺷﻜﻮﻥ ؟
ﺟﻮﻻﻥ : ﺍﻟﻲ ﻛﺎﻥ ﻓﺎﻟﻐﺮﻓﺔ ... ﻭﺍﺵ ﺧﺮﺝ
ﺩﺍﺭﺕ ﺍﻟﻤﻤﺮﺿﺔ ﻛﺘﺸﻮﻑ ﻓﺮﺋﺒﺎﻝ ﺑﺎﻗﻲ ﻭﺍﻗﻒ ... ﺩﺍﺭ ﻟﻴﻬﺎ ﺇﺷﺎﺭﺓ ﺑﻴﺪﻭ ﺗﻘﻮﻝ ﻟﻴﻬﺎ ﺑﻠﻲ ﻣﺸﺎ ...
ﺍﻟﻤﻤﺮﺿﺔ : ﻭﻱ ﺧﺮﺝ ... ﺧﺎﺹ ﻧﺼﺎﻭﻧﻲ ﻟﻴﻚ ﺍﻟﺠﺮﺣﺔ
ﺟﺒﺪﺍﺕ ﺍﻟﻤﻤﺮﺿﺔ ﺍﻟﻤﻌﺪﺍﺕ ... ﻳﺎﻻﻩ ﺑﻐﺎﺕ ﺗﻬﺰ ﻟﺠﻮﻻﻥ ﺣﻮﺍﻳﺠﻬﺎ ﺗﺒﺪﻝ ﻟﻴﻬﺎ ﺍﻟﻔﺎﺻﻤﺔ ... ﺗﻠﻔﺘﺎﺕ ﺟﻬﺔ ﺭﺋﺒﺎﻝ ﻭ ﻫﻮ ﻳﺒﺎﻥ ﻟﻴﻬﺎ ﻗﺎﻟﺐ ﻭﺟﻬﻮ ﻛﻴﺸﻮﻑ ﻓﺎﻟﺠﻬﺔ ﻻﺧﺮﻯ ... ﺭﺟﻌﺎﺕ ﻛﺘﺪﺍﻭﻱ ﻟﻴﻬﺎ ... ﻣﺎﻋﺮﻓﺎﺗﺶ ﺷﻨﻮ ﺑﻴﻨﺎﺗﻬﻢ ﻏﻴﺮ ﺃﻧﻬﺎ ﺷﺎﻓﺘﻮ ﺧﺎﺭﺝ ﻏﺮﻓﺔ ﺍﻟﻌﻤﻠﻴﺎﺕ ... ﻓﺎﺵ ﻛﺎﻧﺖ ﻛﺪﻳﺮ ﺍﻟﻌﻤﻠﻴﺔ ﻭ ﻫﻮ ﺃﻭﻝ ﻭﺍﺣﺪ ﺩﺧﻞ ﻋﻨﺪﻫﺎ ...
ﻛﻤﻼﺕ ﻟﻴﻬﺎ ﻗﺎﺩﺍﺗﻬﺎ ﻓﺒﻼﺻﺘﻬﺎ ﻭ ﺿﺮﺑﺎﺕ ﻟﻴﻬﺎ ﺷﻮﻛﺔ ﻟﻠﺤﺮﻳﻖ ... ﻫﺰﺍﺕ ﺩﺍﻛﺸﻲ ﺃﻭﻣﺄﺕ ﺑﺮﺍﺳﻬﺎ ﻟﺮﺋﺒﺎﻝ ﻭ ﺧﺮﺟﺎﺕ ... ﺑﻘﺎ ﻭﺍﻗﻒ ﺑﻌﻴﺪ ﻛﻴﺸﻮﻑ ﻓﻴﻬﺎ ﻭ ﻫﻲ ﻛﺘﻠﻤﺲ ﺍﻟﻀﻤﺎﺩﺓ ﺍﻟﻲ ﻋﻠﻰ ﻋﻨﻴﻬﺎ ... ﺑﻘﺎ ﻣﺮﺍﻗﺒﻬﺎ ﺣﺘﻰ ﺗﻮﻗﻔﺎﺕ ﻋﻠﻰ ﺍﻟﺤﺮﻛﺔ ﻋﺮﻓﻬﺎ ﻏﻔﺎﺕ ... ﻗﺮﺏ ﺑﺸﻮﻳﺔ ﻭﻗﻒ ﻋﻨﺪ ﺭﺍﺳﻬﺎ .. ﺧﺮﺝ ﻳﺪﻭ ﻣﻦ ﺍﻟﺠﻴﺐ ﻭ ﻟﻤﺲ ﺑﻴﻬﺎ ﺷﻌﺮﻫﺎ ...
ﺑﻘﺎ ﻫﺎﺑﻂ ﻣﻊ ﻃﺮﺍﻑ ﺷﻌﺮﻫﺎ ﻟﺠﻬﺔ ﻛﺘﻔﻬﺎ ﺣﺘﻰ ﻟﻤﺲ ﺟﺰﺀ ﻣﻦ ﺭﻗﺒﺘﻬﺎ ... ﺑﻌﺪ ﻳﺪﻭ ﻭ ﺿﺎﺭ ﺧﺎﺭﺝ ﻣﻦ ﺍﻟﻐﺮﻓﺔ ... ﻃﻠﻊ ﻓﺴﻴﺎﺭﺗﻮ ﻭ ﺭﺟﻊ ﻟﻠﺪﺍﺭ ...
ﻣﺮﻭ ﺛﻼﺙ ﺃﻳﺎﻡ ﻋﻠﻰ ﺟﻮﻻﻥ ﻓﺎﻟﺼﺒﻴﺘﺎﺭ ... ﺍﻟﻨﻬﺎﺭ ﻛﺎﻣﻞ ﻛﻴﺪﻭﺯﻭﻩ ﻣﻌﻬﺎ ﻭﺍﻟﺪﻳﻬﺎ ﻭ ﺑﺎﻟﻠﻴﻞ ﻛﻴﻐﺎﺩﺭﻭ ... ﻟﻜﻦ ﻛﻞ ﻟﻴﻠﺔ ﻛﺘﺤﺲ ﺑﻠﻲ ﺷﻲ ﺣﺪ ﻣﺘﻮﺍﺟﺪ ﻣﻌﻬﺎ ﻓﺎﻟﻐﺮﻓﺔ ... ﻛﺘﻌﻴﻂ ﻋﻠﻰ ﺍﻟﻤﻤﺮﺿﺔ ﺗﺴﻮﻟﻬﺎ ﻭ ﻛﻞ ﻣﺮﺓ ﻛﺎﻧﺖ ﻛﺘﻨﻔﻲ ﺍﻧﻮ ﻛﺎﻳﻦ ﺷﻲ ﺣﺪ ﻓﺎﻟﻐﺮﻓﺔ ...
ﺍﻟﻴﻮﻡ ﻓﺎﻗﺖ ﻋﻠﻰ ﺻﻮﺕ ﺃﻣﻬﺎ ﻭ ﺑﺎﻫﺎ ... ﺍﻟﻲ ﻣﻦ ﻧﻬﺎﺭ ﺧﺮﺟﺎﺕ ﻣﻦ ﺍﻟﻌﻤﻠﻴﺔ ﻣﺎ ﻭﺟﻪ ﻟﻴﻬﺎ ﻛﻠﻤﺔ ﻭﺣﺪﺓ ... ﻋﻄﺎﺗﻬﺎ ﺣﻔﻴﻀﺔ ﺗﻔﻄﺮ ﻭ ﺑﻌﺪ ﻟﺤﻈﺎﺕ ﺩﺧﻞ ﺍﻟﻄﺒﻴﺐ ... ﺳﻠﻢ ﻋﻠﻴﻬﻢ ﻭ ﺗﻮﺟﻪ ﻟﻌﻨﺪ ﺟﻮﻻﻥ ...
ﺍﻟﻄﺒﻴﺐ : " ﺣﻂ ﻳﺪﻭ ﻋﻠﻰ ﻛﺘﻔﻬﺎ " ﺟﻮﻻﻥ ﻣﺴﺘﺎﻋﺪﺓ ﻧﺤﻴﺪﻭ ﺍﻟﻀﻤﺎﺩﺍﺕ ؟
ﺟﻮﻻﻥ : " ﺍﻟﺼﻤﺖ "
ﺍﻟﻄﺒﻴﺐ : ﺧﻠﻴﻚ ﻣﺘﻔﺎﺋﻠﺔ ... ﻭ ﺇﻥ ﺷﺎﺀ ﺍﻟﻠﻪ ﻳﻜﻮﻥ ﺧﻴﺮ
ﺟﺎﺑﺖ ﻟﻴﻪ ﺍﻟﻤﻤﺮﺿﺔ ﻟﻤﻘﺺ ... ﻗﻄﻊ ﺍﻟﻀﻤﺎﺩﺓ ﻭ ﺑﺪﺍ ﻛﻴﺤﻴﺪ ﻓﻴﻬﺎ ... ﺣﻴﺪ ﻟﻘﻄﻦ ﺍﻟﻲ ﻋﻠﻰ ﻛﻞ ﻋﻴﻦ ... ﺷﺎﻑ ﻓﺎﻟﺠﺮﻳﺤﺎﺕ ﺍﻟﻲ ﺟﻨﺐ ﻋﻨﻴﻬﺎ ﻭ ﺍﻟﺰﺭﻭﻗﻴﺔ ﺍﻟﻲ ﺿﺎﻳﺮﺓ ﺑﻴﻬﻢ ﻭ ﺗﻜﻠﻢ ...
ﺍﻟﻄﺒﻴﺐ : ﺩﺍﺑﺔ ﺣﻠﻲ ﻋﻨﻴﻚ ﻭ ﻏﻴﺮ ﺑﺸﻮﻳﺔ ... ﺃﻭﻛﻲ ... ﻏﻴﺮ ﺑﺸﻮﻳﺔ ﻋﻠﻴﻚ
ﻛﺎﻧﺖ ﺣﻔﻴﻀﺔ ﻭ ﺯﻭﺟﻬﺎ ﻭﺍﻗﻔﻴﻦ ﻣﺘﺮﻗﺒﻴﻦ ﻭ ﻛﻴﺸﻮﻓﻮ ﻓﺒﻨﺘﻬﻢ ... ﺣﺮﻛﺎﺕ ﺟﻮﻻﻥ ﺟﻔﻮﻧﻬﺎ ﻭ ﺑﺪﺍﺕ ﻛﺘﺤﻠﻬﻢ ﺑﺸﻮﻳﺔ ... ﻓﺘﺤﺎﺗﻬﻢ ﻛﻠﻴﺎ ﻭ ﺩﻭﺯﺍﺕ ﻋﻨﻴﻬﺎ ﻋﻠﻰ ﺍﻟﻐﺮﻓﺔ ...
ﺍﻟﻄﺒﻴﺐ : ﺟﻮﻻﻥ
ﺟﻮﻻﻥ : " ﺭﻣﺸﺎﺕ ﻋﻨﻴﻬﺎ ﻭ ﻛﺘﺸﻮﻑ ﻏﻴﺮ ﻟﻘﺪﺍﻡ "
ﺍﻟﻄﺒﻴﺐ : ﺷﻮﻓﻲ ﻓﻴﺎ
ﺟﻮﻻﻥ : " ﺗﻠﻔﺘﺎﺕ ﻋﻨﺪﻭ ﺗﺎﺑﻌﺔ ﺍﻟﺼﻮﺕ ﻭ ﻧﻄﻘﺎﺕ ﺑﺤﺮﻗﺔ " ﻣﻜﻨﺸﻮﻑ ﻭﺍﻟﻮ
ﺣﻔﻴﻀﺔ ﺷﺪﺍﺕ ﻓﺮﺍﺟﻠﻬﺎ ﻻ ﻃﻴﺢ ... ﺃﻣﺎ ﻫﻮ ﻣﺪﺍﺭ ﺣﺘﻰ ﺭﺩﺓ ﻓﻌﻞ ... ﺍﻟﻄﺒﻴﺐ ﺑﺎﻧﻮ ﻋﻠﻰ ﻣﻼﻣﺤﻮ ﺍﻟﺤﺰﻥ ﻭ ﺍﻟﺘﺄﺳﻒ ... ﺣﻂ ﻳﺪﻭ ﻋﻠﻰ ﻳﺪ ﺟﻮﻻﻥ ﻭ ﻫﻲ ﺗﺴﺤﺒﻬﺎ ﺑﺴﺮﻋﺔ ...
ﺟﻮﻻﻥ : ﺻﺎﻓﻲ ﻣﺎﺑﻘﻴﺘﺶ ﻏﺎﺩﻱ ﻧﺸﻮﻑ ﻣﺰﺍﻝ " ﻧﺰﻻﺕ ﺩﻣﻌﺔ ﻣﻦ ﻋﻨﻴﻬﺎ " ﻏﻨﺒﻘﻰ ﻋﺎﻳﺸﺔ ﻓﺎﻟﻈﻠﻤﺔ ﻃﻮﻝ ﺣﻴﺎﺗﻲ ﻳﺎﻙ ... ﻏﻴﺮ ﻗﻮﻟﻬﺎ ﻋﺎﺩﻱ ... ﻣﻨﻴﻦ ﻗﻠﺘﻲ ﻣﻤﻜﻦ ﻧﻔﻘﺪ ﻟﺒﺼﺮ ﺩﻳﺎﻟﻲ ﺗﻮﻗﻌﺘﻬﺎ ... ﻋﻼﺵ ﺗﻔﺎﺟﺄﺗﻮ ﺍﻧﺎ ﺑﻌﺪﺍ ﻛﻨﺖ ﻣﺘﻮﻗﻌﻬﺎ
ﺍﻟﻄﺒﻴﺐ : ﻣﺎﺗﻘﻮﻟﻴﺶ ﻫﺎﻛﺔ ... ﻏﻨﺮﺟﻌﻮ ﻧﺪﻳﺮﻭ ﻓﺤﻮﺻﺎﺕ ﻭ ﻟﻜﺎﻥ ﺃﻣﻞ ﻭ ﻟﻮ ﺻﻐﻴﺮ ﻏﻨﺤﺎﻭﻟﻮ ﻧﺮﺟﻌﻮ ﻟﻴﻚ ﺍﻟﺒﺼﺮ ﺩﻳﺎﻟﻚ
ﺟﻮﻻﻥ : ﻋﻼﺵ ﻏﺘﺤﺎﻭﻝ ... ﻫﺎﺩﺷﻲ ﺍﻟﻲ ﺗﻜﺘﺐ ﻋﻠﻴﺎ ﻭ ﺃﻧﺎ ﺭﺍﺿﻴﺔ ﺑﻴﻪ ... ﻣﺎﺷﻲ ﺃﻧﺎ ﺃﻭﻝ ﻭﺣﺪﺓ ﺗﻌﻤﻰ ﺃﻭ ﻻ
ﺣﺴﺎﺕ ﺟﻮﻻﻥ ﺑﻤﻬﺎ ﻋﻨﻘﺎﺗﻬﺎ ﻭ ﻛﺘﺒﻜﻲ ... ﺑﻘﺎﻭ ﻳﺪﻳﻬﺎ ﻣﻄﻠﻮﻗﻴﻦ ﻭ ﺍﻟﺪﻣﻮﻉ ﺍﻟﻲ ﻛﻴﻨﺰﻟﻮ ﻭﺣﺪﺓ ﻭﺭﺍﺀ ﻻﺧﺮﻯ ... ﺧﺮﺝ ﺍﻟﻄﺒﻴﺐ ﻭ ﻫﻮ ﻳﺘﺒﻌﻮ ﺍﺑﺮﺍﻫﻴﻢ ...
ﺇﺑﺮﺍﻫﻴﻢ : ﻣﻤﻜﻦ ﺗﺨﺮﺝ ﺍﻟﻴﻮﻡ
ﺍﻟﻄﺒﻴﺐ : ﻭﻱ ... ﺍﻧﺎ ﻏﻨﺴﻤﺢ ﻟﻴﻬﺎ ﺑﺎﺵ ﺗﺨﺮﺝ ... ﻭ ﻣﻨﻴﻦ ﺗﺮﺗﺎﺡ ﻧﻔﺴﻴﺘﻬﺎ ﺷﻮﻳﺔ ﺭﺟﻌﻮﻫﺎ ﻧﺪﻳﺮﻭ ﻟﻴﻬﺎ ﺷﻲ ﻓﺤﻮﺻﺎﺕ ﻭ ﻳﻜﻮﻥ ﺧﻴﺮ ... ﻣﺘﻔﻘﺪﻭﺵ ﺍﻷﻣﻞ
ﺇﺑﺮﺍﻫﻴﻢ : ﻭ ﺍﻟﻔﺎﺗﻮﺭﺓ ... ﻣﻤﻜﻦ ﻧﺪﻓﻊ ﻧﺼﻒ ﺍﻟﻤﺒﻠﻎ ﺣﺘﻰ ﻧﺪﺑﺮ ﻋﻠﻰ ﻟﺒﺎﻗﻲ
ﺍﻟﻄﺒﻴﺐ : ﺍﻟﻔﺎﺗﻮﺭﺓ ! ﻛﻠﺸﻲ ﻣﺨﻠﺺ ﻳﻮﻡ ﺟﺮﺍﺕ ﺟﻮﻻﻥ ﺍﻟﻌﻤﻠﻴﺔ
ﺇﺑﺮﺍﻫﻴﻢ : ﺷﻨﻮ ... ﺷﻜﻮﻥ ﺧﻠﺺ ؟
ﺍﻟﻄﺒﻴﺐ : ﻣﻤﻜﻦ ﺗﺴﻮﻝ ﻋﻨﺪ ﺍﻹﺳﺘﻘﺒﺎﻝ ... ﻧﺨﻠﻴﻚ ﺑﺎﻗﻲ ﺗﺎﺑﻌﻴﻨﻲ ﻣﺮﺿﻰ ﺁﺧﺮﻳﻦ
ﻣﺸﺖ ﺍﻟﻄﺒﻴﺐ ﻭ ﺑﻘﺎ ﺇﺑﺮﺍﻫﻴﻢ ﻭﺍﻗﻒ ﻓﺎﻟﻜﻮﻟﻮﺍﺭ ... ﻛﻴﺘﺴﺎﺀﻝ ﻋﻠﻰ ﺷﻜﻮﻥ ﺧﻠﺺ ﻣﺒﻠﻎ ﺟﻮﺝ ﻋﻤﻠﻴﺎﺕ ... ﻧﺰﻝ ﻓﺎﻟﻤﺼﻌﺪ ﻭ ﺍﺗﺎﺟﻪ ﻟﻼﺳﺘﻘﺒﺎﻝ ﺳﻮﻟﻬﻢ ... ﻋﺮﻑ ﻣﻨﻬﻢ ﺑﻠﻲ ﺍﻟﻤﺪﻳﺮ ﺩﻳﺎﻝ ﺍﻟﺸﺮﻛﺔ ﻓﻴﻦ ﺧﺪﺍﻣﺔ ﺑﻨﺘﻮ ﻫﻮ ﺇﻟﻲ ﺧﻠﺺ ﺗﻜﺎﻟﻴﻒ ﻋﻼﺟﻮ ﻭ ﺍﻟﻌﻤﻠﻴﺎﺕ ﺍﻟﻲ ﺩﺍﺭﺕ ﺟﻮﻻﻥ ...
ﺭﺟﻊ ﻃﻠﻊ ﺇﺑﺮﺍﻫﻴﻢ ﻟﻐﺮﻓﺔ ﺟﻮﻻﻥ ... ﺣﻞ ﻟﺒﺎﺏ ﺩﺧﻞ ﺑﺎﻧﺖ ﻟﻴﻪ ﺣﻔﻴﻀﺔ ﻛﺘﻌﺎﻭﻧﻬﺎ ﺗﻠﺒﺲ ... ﻧﻄﻖ ﺑﻨﺒﺮﺓ ﺻﺎﺭﻣﺔ ...
ﺇﺑﺮﺍﻫﻴﻢ : ﺳﺮﺑﻲ ﺭﺍﺳﻜﻢ ﺃﻧﺎ ﻛﻨﺘﺴﻨﺎ ﻟﺘﺤﺖ ... ﻧﻤﺸﻲ ﻧﺸﺪ ﻃﺎﻛﺴﻲ ...
ﺩﺍﺭﺕ ﺷﺎﻓﺖ ﻓﻴﻪ ﺣﻔﻴﻀﺔ ﻭ ﻫﻮ ﻏﺎﺩﻱ ... ﻭ ﺭﺟﻌﺎﺕ ﻛﺘﻌﺎﻭﻥ ﺟﻮﻻﻥ ... ﺟﻤﻌﺎﺕ ﻟﻴﻬﺎ ﺷﻌﺮﻫﺎ ﻭ ﺷﺪﺍﺕ ﻓﻴﻬﺎ ...
ﺣﻔﻴﻀﺔ : " ﻛﺘﻤﺴﺢ ﻟﻴﻬﺎ ﺩﻣﻮﻋﻬﺎ " ﺑﺎﺭﻛﺔ ﻣﻦ ﻟﺒﻜﺎ
ﺟﻮﻻﻥ : ﻣﻜﻨﺒﻜﻴﺶ ... ﻣﺎﻋﺮﻓﺘﺶ ﻋﻼﺵ ﺍﻟﺪﻣﻮﻉ ﻣﺒﻐﺎﻭﺵ ﻳﺤﺒﺴﻮ
ﺣﻔﻴﻀﺔ : " ﺑﻌﻨﻴﻦ ﻣﻐﺮﻏﺮﻳﻦ " ﻳﺎﻻﻩ ﺍﺑﻨﺘﻲ ﻧﻬﺒﻄﻮ ... ﺑﺎﻙ ﻛﻴﺘﺴﻨﺎ ﻓﻴﻨﺎ
ﺧﺮﺟﻮ ﻭ ﺣﻔﻴﻀﺔ ﺷﺎﺩﺓ ﻓﺒﻨﺘﻬﺎ ﻭ ﻫﺎﺯ ﺍﻟﺼﺎﻙ ﺑﺎﻟﻴﺪ ﻻﺧﺮﻯ ... ﺟﻮﻻﻥ ﻛﺎﻧﺖ ﻫﺎﺩﺋﺔ ﻟﺪﺭﺟﺔ ﻣﺮﻳﺒﺔ ... ﺣﺘﻰ ﺷﻮﺷﺎﺕ ﻣﻬﺎ ﻋﻠﻴﻬﺎ ... ﺑﺎﻟﻜﺎﺩ ﻛﺘﻬﻀﺮ ﻭ ﺗﺎﺑﻌﺔ ﻏﻴﺮ ﺇﺭﺷﺎﺩﺍﺕ ﻣﻬﺎ ...
ﻫﺒﻄﻮ ﺧﺮﺟﻮ ﻣﻦ ﺍﻟﺼﺒﻴﺘﺎﺭ ﻭ ﻃﻠﻌﻮ ﻓﺎﻟﻄﺎﻛﺴﻲ ... ﻭﺻﻠﻮ ﻟﻠﺤﻲ ﻭ ﻫﻤﺎ ﻣﺘﻮﺟﻬﻴﻦ ﻟﺒﺎﺏ ... ﻛﺎﻧﺖ ﺟﻮﻻﻥ ﻛﺘﺴﻤﻊ ﺻﻮﺕ ﺃﻧﺎﺱ ﻛﺘﻌﺮﻓﻬﻢ ... ﻛﻴﺴﻠﻤﻮ ﻋﻠﻴﻬﺎ ﻭ ﻋﻠﻰ ﻭﺍﻟﺪﻳﻬﺎ ... ﻭ ﻛﻴﺘﻤﻨﺎﻭ ﻟﻴﻬﺎ ﺍﻟﺸﻔﺎﺀ ﺑﻨﺒﺮﺓ ﻛﻠﻬﺎ ﺷﻔﻘﺔ ... ﻣﺎﻛﺮﻫﺎﺗﺶ ﻃﻠﻖ ﻣﻦ ﻣﻬﺎ ﻭ ﺗﺠﺮﻱ ﻟﻠﺪﺍﺭ ... ﻟﻜﻦ ﻣﺎﺗﻘﺪﺭﺵ ...
ﻭ ﺃﺧﻴﺮﺍ ﺩﺧﻠﻮ ﻟﻠﺪﺍﺭ ﻭ ﻃﻠﻌﺎﺗﻬﺎ ﺣﻔﻴﻀﺔ ﻟﺒﻴﺘﻬﺎ ... ﺳﺎﻋﺪﺍﺗﻬﺎ ﺗﺠﻠﺲ ﻓﻮﻕ ﺍﻟﻨﺎﻣﻮﺳﻴﺔ ... ﻳﺎﻻﻩ ﺑﻐﺎﺕ ﺗﻘﺎﺩ ﻟﻴﻬﺎ ﻣﻬﺎ ﻟﻐﻄﺎ ﻭ ﻫﻲ ﺗﻨﻄﻖ ...
ﺟﻮﻻﻥ : ﻏﻴﺮ ﺧﻠﻴﻪ ... ﺑﻐﻴﺖ ﻧﺪﺧﻞ ﻟﻄﻮﺍﻟﻴﺖ ﻋﺎﺩ ﻏﻨﺘﻜﻰ
ﺣﻔﻴﻀﺔ : ﻳﺎﻻﻩ ﻧﻮﺿﻲ ﻧﺪﻳﻚ
ﺟﻮﻻﻥ : " ﺣﻴﺪﺍﺕ ﻟﻴﻬﺎ ﻳﺪﻫﺎ " ﻻ ... ﻏﻴﺮ ﺳﻴﺮﻱ ... ﺃﻧﺎ ﻏﻨﻤﺸﻲ ﺭﺍﺳﻲ
ﺣﻔﻴﻀﺔ : ﻏﻴﺮ ﺧﻠﻴﻨﻲ ﻧﻌﺎﻭﻧﻚ
ﺟﻮﻻﻥ : " ﺑﺼﻮﺕ ﻣﺮﺗﻔﻊ " ﻣﺎﻣﺎﺍﺍﺍ ... ﻗﻠﺖ ﻟﻴﻚ ﻏﻴﺮ ﺳﻴﺮﻱ ... ﻫﺎﺩ ﺍﻟﺒﻴﺖ ﻭ ﺍﻟﺪﺍﺭ ﺣﻔﻀﺎﻫﻢ ... ﻭﺍﺧﺔ ﻋﻮﺭﺓ ﻣﻐﺎﺩﻳﺶ ﻧﺘﻮﺿﺮ
ﺣﻔﻴﻀﺔ : " ﺷﺎﻓﺖ ﺑﻨﺘﻬﺎ ﻭﻻﺕ ﻛﻠﻬﺎ ﻛﺘﺮﻋﺪ ﻭ ﻫﻲ ﺗﻨﻮﺽ " ﻭﺍﺧﺔ ﺍﺑﻨﺘﻲ ... ﺃﻧﺎ ﻏﻨﻤﺸﻲ ﻧﻮﺟﺪ ﻟﻴﻚ ﻣﺘﺎﻛﻠﻲ ... ﻻ ﺍﺣﺘﺎﺟﻴﺘﻲ ﺷﻲ ﺣﺎﺟﺔ ﻋﻴﻄﻲ ﻋﻠﻴﺎ
ﺧﺮﺟﺎﺕ ﺣﻔﻴﻀﺔ ﻧﺎﺯﻟﺔ ﻣﻊ ﺍﻟﺪﺭﻭﺝ ﻭ ﻛﺘﻤﺴﺢ ﻓﺪﻣﻮﻋﻬﺎ ... ﺑﻐﺎﺕ ﺩﺧﻞ ﻟﻜﻮﺯﻳﻨﺔ ﻭ ﻫﻮ ﻳﻮﻗﻔﻬﺎ ...
ﺇﺑﺮﺍﻫﻴﻢ : ﻓﺨﺒﺎﺭﻙ ﺍﻟﻤﺪﻳﺮ ﺩﻳﺎﻟﻬﺎ ﻣﺨﻠﺺ ﻛﻠﺸﻲ ... ﻭ ﻫﻮ ﻣﻌﺎﻣﻦ ﻛﺎﻧﺖ ﺭﺍﻛﺒﺔ ﻓﺎﺵ ﻭﻗﻌﺎﺕ ﻟﻴﻬﻢ ﻛﺴﻴﺪﺓ
ﺣﻔﻴﻀﺔ : ﺷﻨﻮ ﺑﺎﻏﻲ ﺗﻘﻮﻝ
ﺇﺑﺮﺍﻫﻴﻢ : ﻳﺎﻙ ﻛﻨﺖ ﻣﺎﻧﻊ ﻋﻠﻴﻬﺎ ﺗﺨﺮﺝ ... ﻭ ﻫﻲ ﺩﺍﺭﺕ ﺍﻟﻲ ﻗﺎﻝ ﻟﻴﻬﺎ ﺭﺍﺳﻬﺎ ... ﺧﺮﺟﺎﺕ ﻭ ﻋﻠﻢ ﺍﻟﻠﻪ ﻓﻴﻦ ﻛﺎﻧﺖ ... ﻭ ﺯﻳﺪﺍﻫﺎ ﺭﺍﻛﺒﺔ ﻣﻊ ﻫﺪﺍﻙ ... ﺧﺎﺹ ﻧﻄﻠﻊ ﻧﺴﻮﻟﻬﺎ
ﺣﻔﻴﻀﺔ : " ﺷﺪﺍﺕ ﻓﻴﻪ " ﻓﻴﻦ ﻏﺎﺩﻱ ... ﻣﺎﺷﻔﺘﻴﺶ ﺷﻨﻮ ﻭﺍﻗﻊ ﻓﻴﻬﺎ ... ﻛﺎﻧﺖ ﺑﻌﻮﻳﻨﺎﺗﻬﺎ ﺣﺘﺎ ﻭﻻﺕ ﻋﺎﺟﺰﺓ ... ﻛﻴﻒ ﻏﺘﻜﻮﻥ ﻧﻔﺴﻴﺘﻬﺎ ﻓﻨﻈﺮﻙ ... ﻭ ﻧﺘﺎ ﺑﺎﻏﻲ ﻃﻠﻊ ﻋﻨﺪﻫﺎ ﺗﺴﺘﻔﺴﺮ ﻋﻠﻰ ﺷﻨﻮ ﻭﻗﻊ ... ﻫﺎﺩﻳﻚ ﺍﻟﻲ ﻟﻔﻮﻕ ﺑﺘﺘﻨﺎ ﻭ ﺗﺮﺑﻴﺔ ﻳﺪﻳﻨﺎ ... ﻻ ﻧﺘﺎ ﻣﺜﺎﻳﻘﺶ ﻓﻴﻬﺎ ﻭ ﺃﻧﺎ ﺍﺳﻴﺪﻱ ﻛﻨﺜﻴﻖ ﻓﺒﻨﺘﻲ
ﺇﺑﺮﺍﻫﻴﻢ : " ﺑﺼﻮﺕ ﻋﺎﻟﻲ " ﻋﺼﺎﺕ ﻛﻼﻣﻲ ﻭ ﺧﺮﺟﺎﺕ ﻭ ﻫﺎﻫﻲ ﺍﻟﻨﺘﻴﺠﺔ
ﺣﻔﻴﻀﺔ : ﺃﻧﺎ ﺍﻟﻲ ﺧﻠﻴﺘﻬﺎ ﺗﺨﺮﺝ ... ﻭ ﺍﻟﻲ ﻭﻗﻊ ﻭﻗﻊ ... ﻣﺎﺷﻲ ﺗﺰﻳﺪ ﻋﻠﻴﻬﺎ ﺑﻬﻀﺮﺗﻚ ... ﻳﻜﻔﻲ ﺍﻧﻚ ﻣﺎﻗﻠﺘﻲ ﻟﻴﻬﺎ ﺣﺘﻰ ﻛﻠﻤﺔ ﻭﺣﺪﺓ ... ﻛﻴﻔﺎﺵ ﺣﺘﻰ ﻣﻘﺼﺢ ﻗﻠﺒﻚ ﻟﻬﺎﺩ ﺍﻟﺪﺭﺟﺔ
ﺑﺪﻭﻥ ﻣﻴﺠﺎﻭﺑﻬﺎ ﺧﺮﺝ ... ﺩﺧﻼﺕ ﺣﻔﻴﻀﺔ ﻟﻜﻮﺯﻳﻨﺔ ﻛﻄﻴﺐ ﻭ ﻗﻠﺒﻬﺎ ﻃﺎﻳﺐ ﻋﻠﻰ ﺑﻨﺘﻬﺎ ... ﻫﻲ ﺍﻟﻮﺣﻴﺪﺓ ﺍﻟﻲ ﺣﺎﺳﺔ ﺑﻴﻬﺎ ... ﻋﺎﺭﻓﺔ ﺑﻨﺘﻬﺎ ﺣﺴﺎﺳﺔ ﻭﺍﺧﺔ ﺷﺨﺼﻴﺘﻬﺎ ﻗﻮﻳﺔ ... ﻟﻜﻦ ﻫﺎﺩﺷﻲ ﺍﻟﻲ ﻭﻗﻊ ﺑﺰﺍﻑ ﻋﻠﻴﻬﺎ ﺗﺤﻤﻠﻮ ... ﺣﻴﺎﺗﻬﺎ ﻋﻤﺮﻫﺎ ﺗﺮﺟﻊ ﻛﻴﻒ ﻛﺎﻧﺖ ...
ﺷﺎﻓﺖ ﻣﺪﻯ ﺍﻧﺰﻋﺎﺝ ﺑﻨﺘﻬﺎ ﻭ ﻫﻲ ﻛﺘﻌﺎﻭﻧﻬﺎ ﻓﺄﺑﺴﻂ ﺍﻟﺤﻮﺍﻳﺞ ... ﻭ ﻣﻜﺎﻳﻨﺶ ﻛﻴﻒ ﺩﻳﺮ ﺗﻬﻮﻥ ﻋﻠﻴﻬﺎ ... ﺣﺘﻰ ﺣﺎﺟﺔ ﻣﺎﻳﻤﻜﻦ ﺗﺨﻔﻒ ﻋﻠﻴﻬﺎ ﻓﻬﺎﺩ ﺍﻟﻮﺿﻊ ...