🌺 ﺑﻌﺪ ﻣﺮﻭﺭ ﺷﻬﺮ 🌺
ﻓﻬﺎﺩ ﺍﻟﻤﺪﺓ ﺗﻄﻠﻘﺎﺕ ﺭﻭﺍﻳﺔ ﺟﻮﻻﻥ ﺑﺎﺳﻤﻬﺎ ... ﻭ ﺣﺘﺎ ﺍﻷﺭﺑﺎﺡ ﺍﻟﻲ ﻛﺎﻧﺖ ﺧﺪﺍﺕ ﺍﻟﻜﺎﺗﺒﺔ ﺭﺟﻌﻮ ﻟﻤﺎﻟﻜﺘﻬﻢ ﺍﻷﺻﻠﻴﺔ ... ﺩﺍﺭ ﺍﻟﻨﺸﺮ ﺍﻟﻲ ﺗﻜﻠﻔﺎﺕ ﺑﺎﻟﺮﻭﺍﻳﺔ ﻓﺎﻷﻭﻝ ﻃﺎﺣﺖ ﺳﻤﻌﺘﻬﺎ ﻟﺤﻀﻴﺾ ... ﻭ ﻛﺎﻧﺖ ﻣﺴﺄﻟﺔ ﻭﻗﺖ ﻗﺒﻞ ﻣﺎﺗﺴﺪ ...
ﺯﻫﻴﺮ ﺑﻌﺪ ﺇﺧﺘﻔﺎﺀﻭ ﻗﺎﺍﻣﺖ ﻋﺎﺋﻠﺘﻮ ﺑﺎﻟﺘﺒﻠﻴﻎ ﻟﻠﺸﺮﻃﺔ ﺑﺎﺵ ﺗﻘﻠﺐ ﻋﻠﻴﻪ ... ﻭ ﻟﺤﺪ ﺍﻟﺴﺎﻋﺔ ﻣﺎﻋﻨﺪﻫﻢ ﺣﺘﺎ ﺧﺒﺮ ﻋﻠﻰ ﻓﻴﻦ ﻛﺎﻳﻦ ... ﻭﺋﺎﻡ ﺗﺠﻤﻌﻮ ﻋﻠﻴﻬﺎ ﺍﻟﻤﺼﺎﺋﺐ ... ﺑﻌﺪﻣﺎ ﺷﺎﻓﺖ ﻧﺠﺎﺡ ﺟﻮﻻﻥ ... ﻗﺎﻟﺖ ﻋﻠﻰ ﺍﻷﻗﻞ ﺯﻫﻴﺮ ﻣﻌﻬﺎ ﻫﻲ ... ﺣﺘﺎ ﺍﺧﺘﻔﻰ ﻓﺠﺄﺓ ...
ﺧﺎﻓﺖ ﺇﻛﻮﻥ ﺩﺍﺭﻫﺎ ﺑﻴﻬﺎ ﺣﺘﺎ ﻫﻲ ﻭ ﺯﺍﺩ ... ﺍﻭ ﺗﻌﺮﻑ ﻋﻠﻰ ﻭﺣﺪﺓ ﺃﺧﺮﻯ ﻭ ﻣﺸﺎ ﻣﻌﻬﺎ ... ﻫﻲ ﻋﺎﺭﻓﺔ ﺍﻟﻲ ﻏﺪﺭ ﻣﺮﺓ ﻳﻐﺪﺭ ﻋﺸﺮﺓ ... ﻃﻮﻝ ﻫﺎﺩ ﺍﻟﻤﺪﺓ ﻭ ﻫﻲ ﻋﺎﻳﺸﺔ ﻓﺎﻟﻌﺬﺍﺏ ... ﻣﺎﺑﻘﺎﺗﺶ ﺩﻳﺎﻫﺎ ﻓﺤﺎﻟﺘﻬﺎ ﻛﻴﻒ ﻛﺎﻧﺖ ... ﻭ ﺭﺟﻌﺎﺕ ﻛﺘﺴﻨﺎ ﺷﻲ ﺧﺒﺮ ﻋﻠﻴﻪ ... ﺭﻏﻢ ﺍﻥ ﻣﺸﺎﻋﺮﻫﺎ ﺍﺗﺠﺎﻫﻮ ﻣﻴﺘﻔﺴﺮﻭﺵ ﻛﺤﺐ ... ﻷﻥ ﺷﻌﻮﺭ ﺳﺎﻣﻲ ﺑﺤﺎﻟﻮ ﻣﻴﻤﻜﻨﺶ ﺍﺷﺨﺎﺹ ﺑﺤﺎﻝ ﻭﺋﺎﻡ ﻳﺨﺘﺎﺑﺮﻭﻩ ..
ﻟﻜﻦ ﻋﻠﻰ ﺍﻷﻗﻞ ﻛﺎﻧﺖ ﺿﺎﻣﻨﺔ ﺭﺍﺟﻞ ... ﻭ ﺍﻟﺸﻌﻮﺭ ﺃﻧﻪ ﻓﻀﻠﻬﺎ ﻋﻠﻰ ﺟﻮﻻﻥ ﺧﻼﻫﺎ ﺗﺤﺲ ﺍﻧﻬﺎ ﺃﺣﺴﻦ ﻣﻨﻬﺎ ... ﺭﻏﻢ ﺍﻟﺼﺪﺍﻗﺔ ﺍﻟﻲ ﻛﺎﻧﺖ ﺑﻴﻨﺎﺗﻬﻢ ﻭﺋﺎﻡ ﻛﺒﺮ ﻟﺤﻘﺪ ﻓﻘﻠﺒﻬﺎ ﺍﺗﺠﺎﻩ ﺻﺪﻳﻘﺘﻬﺎ ... ﺑﺴﺒﺐ ﻣﻮﻫﺒﺘﻬﺎ ﻭ ﺩﺭﺍﺳﺘﻬﺎ ﻭ ﮔﺎﻉ ﺍﻷﺷﻴﺎﺀ ﺍﻟﻲ ﻛﺎﻧﺖ ﻋﻨﺪ ﺟﻮﻻﻥ ﻭ ﻫﻲ ﻣﻌﻨﺪﻫﺎﺵ ... ﺭﺟﻌﻬﺎ ﻋﻤﻴﺔ ﻛﺘﺸﻮﻑ ﻏﻴﺮ ﺭﺍﺳﻬﺎ ... ﺣﺘﺎ ﺍﻥ ﻧﻬﺎﺭ ﻋﺮﻓﺎﺕ ﺯﻫﻴﺮ ﺍﺧﺘﻔﻰ ﻣﺸﺎﺕ ﻋﻨﺪ ﺟﻮﻻﻥ ﻛﺘﺴﻮﻟﻬﺎ ﻋﻠﻴﻪ ... ﻧﻌﺘﺎﻫﺎ ﺑﺨﻄﺎﻓﺔ ﺍﻟﺮﺟﺎﻝ ﻭ ﻛﺘﺒﺮﺍ ﻣﻨﻬﺎ ﺗﺒﻌﺪ ﻣﻨﻮ ...
ﻳﻮﻡ ﺟﺪﻳﺪ ﻓﺎﻗﺖ ﺟﻮﻻﻥ ﺑﺤﻤﺎﺱ ... ﺩﺍﺭﺕ ﺭﻭﺗﻴﻨﻬﺎ ﺍﻟﺼﺒﺎﺣﻲ ﻭ ﺗﻮﺟﻬﺎﺕ ﻻﻓﺎﻙ ... ﻛﻴﻒ ﺩﻭﺯﺍﺕ ﺣﺼﺼﻬﺎ ﺍﺗﺎﺟﻬﺎﺕ ﻟﻠﺸﺮﻛﺔ ... ﻷﻥ ﺑﻬﺎﺀ ﺍﺗﺎﺻﻞ ﺑﻴﻬﺎ ﻭ ﻋﻠﻤﻬﺎ ﺗﺠﻲ ... ﺑﻌﺪﻣﺎ ﺳﻨﺎﺕ ﺍﻟﻌﻘﺪ ﻣﺸﺎﺕ ﻟﻠﺸﺮﻛﺔ ﻣﺮﺓ ﻭﺣﺪﺓ ﻓﻴﻦ ﻛﺎﻥ ﺍﺟﺘﻤﺎﻉ ﺧﺎﺹ ﺑﻔﺮﻳﻖ ﺍﻟﻜﺘﺎﺑﺔ ... ﻛﺎﻧﻮ ﺧﺪﺍﻣﻴﻦ ﻋﻠﻰ ﻋﻤﻞ ﻣﺸﺘﺮﻙ ... ﻭ ﻫﻲ ﺣﻀﺮﺍﺕ ﺑﺎﺵ ﺗﺴﺘﺎﻓﺪ ﻣﻦ ﺧﺒﺮﺗﻬﻢ ... ﻛﺎﻧﺖ ﺗﺠﺮﺑﺔ ﻻ ﺗﻨﺴﻰ ﻟﻴﻬﺎ ... ﺍﻟﻨﺎﺱ ﺍﻟﻲ ﻛﺎﻧﺖ ﺗﺴﻤﻊ ﺑﻴﻬﻢ ﺭﺟﻌﺎﺕ ﺗﻘﺎﺑﻠﻬﻢ ﻭ ﺗﺴﻤﻊ ﺭﺃﻳﻬﻢ ﻋﻠﻰ ﻋﻤﻠﻬﺎ ...
ﺣﻄﻬﺎ ﺍﻟﻄﺎﻛﺴﻲ ﺍﻣﺎﻡ ﺍﻟﺸﺮﻛﺔ ﻫﺒﻄﺎﺕ ﻭ ﻫﻲ ﺗﻢ ﺩﺍﺧﻠﺔ ... ﺇﻟﻴﺎﺱ ﺧﺎﺭﺝ ﻣﻦ ﺍﻟﺸﺮﻛﺔ ﻟﻤﺤﻬﺎ ﻭ ﻫﻮ ﻳﻮﻗﻒ ﺣﺘﺎ ﺗﺬﻛﺮ ﻓﻴﻦ ﺷﺎﻓﻬﺎ ... ﻭﻗﻒ ﻟﻴﻬﺎ ﻓﻄﺮﻳﻘﻬﺎ ﺍﺑﺘﺎﺳﻢ ﻭ ﻣﺪ ﻳﺪﻭ ...
ﺇﻟﻴﺎﺱ : ﺩﻳﻚ ﺍﻟﻤﺮﺓ ﺧﺮﺟﺘﻲ ﻭ ﻣﺘﻌﺮﻓﻨﺎﺵ ... ﺃﻧﺎ ﺇﻟﻴﺎﺱ
ﺟﻮﻻﻥ : ﺷﻜﻮﻥ ﺇﻟﻴﺎﺱ ؟
ﺇﻟﻴﺎﺱ : ﻭ ﺷﺘﻴﻲ ... ﺃﻧﺎ ﻋﻘﻠﺖ ﻋﻠﻴﻚ ﻭ ﻧﺘﻲ ﻻ ... ﺧﺎﻳﺒﺔ ﻓﺤﻘﻲ " ﻣﺪ ﻳﺪﻭ ﻭ ﺟﺮ ﻳﺪﻫﺎ ﺻﺎﻓﺤﻬﺎ " ﺗﻼﻗﻴﻨﺎ ﻓﻤﻜﺘﺐ ﺭﺋﺒﺎﻝ
ﺟﻮﻻﻥ : ﺷﻜﻮﻥ ﺭﺋﺒﺎﻝ ؟
ﺇﻟﻴﺎﺱ : " ﺗﻔﺮﺷﺦ ﺑﺎﻟﻀﺤﻚ " ﺣﺘﺎ ﻫﻮ ﻧﺴﺘﻴﻪ ... ﻻ ﻧﺘﻲ ﺑﻮﺣﺪﻙ ﻫﻬﻬﻪ ... ﺩﺍﻙ ﺍﻟﻲ ﻛﻨﺘﻲ ﻣﻌﺎﻩ ﻓﺎﻟﻤﻜﺘﺐ ﻟﻔﻮﻭﻕ ... ﻟﻤﺪﻳﺮ
ﺟﻮﻻﻥ : ﺁﻩ ﻟﻤﺪﻳﺮ ... ﺳﻤﻴﺘﻮ ﺭﺋﺒﺎﻝ ؟
ﺇﻟﻴﺎﺱ : ﻭﻱ ﺳﻤﻴﺘﻮ ﺭﺋﺒﺎﻝ ﻫﻬﻪ ... ﻭﺍﺵ ﻧﺘﻲ ﺧﺪﺍﻣﺔ ﻫﻨﺎ ؟
ﺟﻮﻻﻥ : ﻧﻮﻋﺎ ﻣﺎ ﻫﻬﻪ ... ﺃﻧﺎ ﻛﺎﺗﺒﺔ
ﺇﻟﻴﺎﺱ : ﺍﻣﻤﻢ " ﻛﻴﻨﻌﺖ ﻓﻨﻀﺎﺿﺮﻫﺎ " ﺟﺎﺕ ﻣﻌﺎﻙ ﻫﻬﻪ
ﺟﻮﻻﻥ : " ﺑﻔﺨﺮ " ﺷﻜﺮﺍ
ﺇﻟﻴﺎﺱ : ﻣﺎﻗﻠﺘﻴﺶ ﻟﻴﺎ ﺳﻤﻴﺘﻚ ... ﺑﺎﻳﻨﺔ ﻏﻨﺘﺎﻓﻘﻮ ﺍﻧﺎ ﻭﻳﺎﻙ
ﺟﻮﻻﻥ : ﺳﻤﻴﺘﻲ ﺟﻮﻻﻥ
ﺇﻟﻴﺎﺱ : ﺯﻭﻳﻨﺔ ﺑﺤﺎﻟﻚ
ﺟﻮﻻﻥ : " ﺑﺨﺠﻞ " ﺷﻜﺮﺍ
ﺇﻟﻴﺎﺱ : ﺑﻼﻣﺎ ﻧﻌﻄﻠﻚ ... ﺗﺸﺮﻓﺖ ﺑﻤﻌﺮﻓﺘﻚ ﺁﻧﺴﺔ ﺟﻮﻻﻥ " ﻏﻤﺰﻫﺎ "
ﺧﻼﻫﺎ ﻛﻀﻮﺭ ﻓﻌﻨﻴﻬﺎ ﻭ ﺍﺗﺎﺟﻪ ﻟﺴﻴﺎﺭﺗﻮ ... ﺣﻞ ﻟﺒﺎﺏ ﻭ ﻗﺒﻞ ﻣﺎ ﻳﻄﻠﻊ ﻫﺰ ﻋﻨﻴﻪ ﻟﻔﻮﻕ ﺍﺑﺘﺎﺳﻢ ﻭ ﺭﻛﺐ ... ﺩﺧﻼﺕ ﺟﻮﻻﻥ ﻟﻠﺸﺮﻛﺔ ﻭ ﻛﺘﺒﺘﺎﺳﻢ ... ﻣﺎﻣﻮﺍﻟﻔﺎﺵ ﺷﻲ ﺣﺪ ﻳﺘﻐﺰﻝ ﺑﻴﻬﺎ ﻫﺎﻛﺔ ﻣﺒﺎﺷﺮﺓ ... ﻃﻠﻌﺎﺕ ﻟﻠﻄﺒﻘﺔ ﺍﻟﻲ ﻓﻴﻬﺎ ﺍﻟﻤﻜﺘﺐ ﺍﻟﺨﺎﺹ ﺑﻴﻬﺎ ... ﺩﺧﻼﺕ ﻭ ﺟﻠﺴﺎﺕ ﻓﻤﻜﺎﻧﻬﺎ ﻛﻀﻮﺭ ﺑﺎﻟﻜﺮﺳﻲ ... ﺣﺘﺎ ﺻﻮﻧﺎ ﻟﻔﻴﻜﺲ ... ﻫﺰﺍﺗﻮ ﻭ ﺟﺎﻭﺑﺎﺕ ...
ﺑﻬﺎﺀ : ﻃﻠﻌﻲ ﻋﻨﺪﻱ ﻟﻔﻮﻕ
ﺟﻮﻻﻥ : ﻭﺍﺵ ﻣﻮﺳﻴﻮ ﺑﻬﺎﺀ ؟
ﺑﻬﺎﺀ : ﻭﻱ ... ﻃﻠﻌﻲ
ﻏﻴﺮ ﻗﻄﻊ ﺣﻄﺎﺕ ﺍﻟﺴﻤﺎﻋﺔ ﻭ ﻃﻠﻌﺎﺕ ﻟﻠﻄﺎﺑﻖ ﺍﻷﺧﻴﺮ ... ﻭﺻﻼﺕ ﻟﻤﻜﺘﺐ ﺑﻬﺎﺀ ﻭ ﻗﺒﻞ ﻣﺎ ﺩﺧﻞ ﺷﺎﻓﺖ ﻧﺎﺣﻴﺔ ﻣﻜﺘﺐ ﺭﺋﺒﺎﻝ ... ﻛﺘﺸﻮﻑ ﻓﺎﻟﺰﺍﺝ ﻣﺼﻐﺮﺓ ﻋﻨﻴﻬﺎ ﺯﻋﻤﺎ ﻋﻼﻩ ﺗﻘﺸﻊ ﺷﻲ ﺣﺎﺟﺔ ... ﻣﺒﺎﻥ ﻟﻴﻬﺎ ﻭﺍﻟﻮ ﺩﻗﺎﺕ ﻭ ﺩﺧﻼﺕ ...
ﺭﺋﺒﺎﻝ ﻭﺍﻗﻒ ﻋﻨﺪ ﺍﻟﻨﺎﻓﺬﺓ ... ﺷﺎﻓﻬﺎ ﻓﺎﺵ ﺣﻄﻬﺎ ﺍﻟﻄﺎﻛﺴﻲ ﻭ ﻓﺎﺵ ﻛﺎﻧﺖ ﻛﺘﻬﻀﺮ ﻣﻊ ﺇﻟﻴﺎﺱ ... ﻭ ﺣﺘﺎ ﻭ ﻫﻲ ﺧﺎﺭﺟﺔ ﻣﻦ ﺍﻟﻤﺼﻌﺪ ... ﻭ ﺗﻮﻗﻔﺎﺕ ﻛﺘﺸﻮﻑ ﺟﻬﺔ ﻣﻜﺘﺒﻮ ...
ﺩﺧﻼﺕ ﻟﻌﻨﺪ ﺑﻬﺎﺀ ﻗﺎﻝ ﻟﻴﻪ ﺗﭽﻠﺲ ... ﺣﻞ ﻟﻤﺠﺮ ﻭ ﺟﺒﺪ ﺷﻲ ﺣﺎﺟﺔ ﻣﺪﻫﺎ ﻟﻴﻬﺎ ...
ﺑﻬﺎﺀ : ﻫﺎﺩﺍ ﺷﻴﻚ ﻓﻴﻪ ﻣﺒﻠﻎ ﻣﻦ ﺍﻷﺭﺑﺎﺡ ﺍﻟﻲ ﺣﻘﻘﻬﺎ ﻛﺘﺎﺑﻚ ﻣﻦ ﺍﻟﺪﻓﻌﺔ ﺍﻷﻭﻟﻰ
ﺟﻮﻻﻥ : " ﺧﺮﺟﺎﺕ ﻋﻨﻴﻬﺎ ﻓﺎﻟﻤﺒﻠﻎ " ﺏ ﺑﺎﻟﺼﺢ ﻩ ﻫﺎﺩﺷﻲ ﺩﻳﺎﻟﻲ
ﺑﻬﺎﺀ : ﺩﻳﺎﻟﻚ ﻭ ﺗﺤﻮﻝ ﻟﺤﺴﺎﺑﻚ ﻓﺎﻟﺒﻨﻚ ... ﻷﻥ ﺍﻟﺮﻭﺍﻳﺔ ﺣﻘﻘﺎﺕ ﻧﺠﺎﺡ ﻭ ﺑﺎﻗﻲ ﻋﻠﻴﻬﺎ ﺍﻟﻄﻠﺐ ... ﻏﻴﺘﻢ ﻃﺒﻊ ﺍﻟﺪﻓﻌﺔ ﺛﺎﻧﻴﺔ
ﺟﻮﻻﻥ : " ﺗﻐﺮﻏﺮﻭ ﻋﻨﻴﻬﺎ " ﺃﻧﺎ ﻣﻜﻨﺤﻠﻤﺶ ﻳﺎﻙ " ﺷﺎﻓﺖ ﻓﻴﻪ " ﻫﺎﺩﺷﻲ ﺣﻘﻴﻘﻲ !!
ﺑﻬﺎﺀ : ﻟﻮ ﺃﻧﻚ ﺗﻌﺎﻣﻠﺘﻲ ﻣﻊ ﺩﺍﺭ ﻧﺸﺮ ﻋﺎﺩﻳﺔ ... ﻣﻜﻨﺘﻴﺶ ﻏﺘﺼﻮﺭﻱ ﺣﺘﺎ ﺭﺑﻊ ﺍﻟﻤﺒﻠﻎ
ﺟﻮﻻﻥ : " ﺑﺎﻣﺘﻨﺎﻥ " ﺷﻜﺮﺍ ﺑﺰﺍﺍﺍﻑ ... ﻣﺎﻋﺮﻓﺖ ﺷﻨﻮ ﻧﺪﻳﺮ ﺑﺎﺵ ﻧﺸﻜﺮﻙ
ﺑﻬﺎﺀ : ﺩﺭﺕ ﻏﻴﺮ ﺧﺪﻣﺘﻲ ... ﻫﺎﺩﺷﻲ ﺑﻔﻀﻞ ﺍﻟﻤﺪﻳﺮ
ﺟﻮﻻﻥ : ﺁﻩ ﺍﻟﻤﺪﻳﺮ ... ﻭﺍﺵ ﻣﻤﻜﻦ ﻧﻤﺸﻲ ﻧﺸﻜﺮﻭ
ﺑﻬﺎﺀ : ﺍﻟﻤﺪﻳﺮ ﻣﺸﻐﻮﻝ ... ﻣﻤﻜﻦ ﺗﻐﺎﺩﺭﻱ
ﺟﻮﻻﻥ : " ﻭﻗﻔﺎﺕ " ﺷﻜﺮﺍ ... ﺷﻜﺮﺍ ﻣﻮﺳﻴﻮ ﺑﻬﺎﺀ
ﺧﺮﺟﺎﺕ ﻭ ﻫﻲ ﻛﺘﺸﻜﺮ ﻓﻴﻪ ﻭ ﺗﻌﺎﻭﺩ ... ﻏﺎﺩﺓ ﻭ ﻛﺘﺸﻮﻑ ﻓﺎﻟﺸﻴﻚ ﻟﻔﺮﺣﺔ ﻭ ﺍﻟﺪﻣﻮﻉ ﻓﻌﻨﻴﻬﺎ ... ﺷﺎﻓﺖ ﺑﺎﺏ ﺍﻟﻤﺼﻌﺪ ﺑﻐﺎ ﻳﺘﺴﺪ ﻭ ﻫﻲ ﺗﺰﺭﺏ ﻭ ﺩﺧﻼﺕ ﺑﺴﺮﻋﺔ ... ﺷﺎﻓﺖ ﺷﺨﺺ ﻭﺍﻗﻒ ﻻﺑﺲ ﺑﺪﻟﺔ ... ﻫﺰﺍﺕ ﻋﻨﻴﻬﺎ ﻭ ﻫﻲ ﺗﻠﻘﺎﻩ ﺭﺋﺒﺎﻝ ...
ﻗﺎﻟﺖ ﺍﻟﺴﻼﻡ ﺣﺪﺭﺍﺕ ﺭﺍﺳﻬﺎ ﻭ ﻭﻗﻔﺎﺕ ﺑﻌﻴﺪ ﻋﻠﻴﻪ ... ﻣﺎﻋﺮﻓﺎﺕ ﻛﻴﻒ ﺗﺼﺮﻑ ﻓﺤﻀﻮﺭﻭ ... ﺑﻘﺎﺕ ﻛﺘﻬﻀﺮ ﻣﻊ ﺭﺍﺳﻬﺎ ﻭﺍﺵ ﺗﻘﻮﻝ ﺷﻲ ﺣﺎﺟﺔ ﻭ ﻻ ﺗﺒﻘﺎ ﺳﺎﻛﺘﺔ ... ﻭ ﻫﻲ ﺳﺎﻫﻴﺔ ﻓﻠﺖ ﻟﻴﻬﺎ ﺍﻟﺸﻴﻚ ﻣﻦ ﻳﺪﻫﺎ ﻭ ﻃﺎﺡ ﻋﻨﺪ ﺭﺟﻠﻴﻦ ﺭﺋﺒﺎﻝ ... ﻏﻴﺮ ﻣﺒﻘﺎﺗﺶ ﺣﺴﺎﺕ ﺑﻴﻪ ﻭ ﻫﻲ ﺗﻮﮔﺾ ... ﻫﺒﻄﺎﺕ ﺭﺍﺳﻬﺎ ﻛﺘﻘﻠﺐ ﻋﻠﻴﻪ ﺷﺎﻓﺘﻮ ﻋﻨﺪ ﺭﺟﻠﻴﻪ ... ﻭ ﻫﻲ ﺗﻘﺮﺏ ﻋﻨﺪﻭ ﻭ ﻗﺮﺿﺎﺕ ﺣﺘﺎ ﻫﺰﺍﺗﻮ ﻋﻠﻰ ﺧﺎﻃﺮﻫﺎ ﻭ ﻭﻗﻔﺎﺕ ...
ﻛﺎﻧﺖ ﻭﺍﻗﻔﺔ ﻗﺮﻳﺒﺔ ﻣﻨﻮ ﻋﺎﻃﻴﺎﻩ ﺑﺠﻨﺐ ... ﺷﻌﺮﻫﺎ ﻋﻨﺪ ﻧﻴﻔﻮ ... ﻟﻠﺤﻈﺔ ﺳﺪ ﻋﻨﻴﻪ ﻭ ﻫﻮ ﻛﻴﺴﺘﻨﺸﻖ ﻫﺎﺩ ﺍﻟﺮﺍﺋﺤﺔ ﺍﻟﻲ ﺗﻐﻠﻐﻼﺕ ﻣﻊ ﻧﻴﻔﻮ ...
ﺟﻮﻻﻥ ﺍﻟﺸﻴﻚ ﺩﺍ ﻟﻴﻬﺎ ﻋﻘﻠﻬﺎ ... ﺑﻘﺎﺕ ﺣﺘﺎ ﻃﻮﺍﺗﻮ ﻋﻠﻰ ﺧﺎﻃﺮﻫﺎ ﻭ ﺧﺸﺎﺗﻮ ﻓﺠﻴﺐ ﺍﻟﺴﺮﻭﺍﻝ ... ﻋﺎﺩ ﺭﺩﺍﺕ ﻟﺒﺎﻝ ﻟﺮﺍﺳﻬﺎ ﻓﻴﻦ ﻭﺍﻗﻔﺔ ... ﺩﻭﺭﺍﺕ ﻭﺟﻬﺎ ﺷﺎﻓﺖ ﺍﻟﻘﺮﺏ ﺍﻟﻲ ﺑﻴﻨﺎﺗﻬﻢ ﻭ ﻫﻲ ﺗﺮﺟﻊ ﺑﺎﻟﻠﻮﺭ ﻭ ﻭﺟﻬﺎ ﺗﺰﻧﮓ ...
ﺟﻮﻻﻥ : ﺱ ﺱ ﺳﻤﺤﻠﻴﺎ
ﺣﺴﺎﺕ ﺑﺎﻟﺴﺨﻮﻧﻴﺔ ﻃﺎﻟﻌﺔ ﻣﻌﻬﺎ ... ﺧﺎﺻﺔ ﺍﻟﺸﻮﻓﺔ ﺍﻟﻲ ﺩﺍﺭ ﻓﻴﻬﺎ ... ﻛﺤﺰﺍﺕ ﺟﻨﺐ ﻭ ﺟﺒﺪﺍﺕ ﻛﻠﻴﻨﻴﻜﺲ ﺩﻭﺯﺍﺗﻮ ﻋﻠﻰ ﻭﺟﻬﺎ ﻭ ﺭﺟﻌﺎﺗﻮ ﻟﺠﻴﺐ ... ﺑﺪﺍﺕ ﻛﻀﺮﺏ ﺑﺮﺟﻠﻬﺎ ﻣﻦ ﺍﻟﺘﻮﺛﺮ ... ﺷﺎﻑ ﺭﺋﺒﺎﻝ ﻓﺮﺟﻠﻬﺎ ﺍﻟﻲ ﻣﺰﮔﺎﺗﺶ ... ﺿﺎﺭ ﺷﺎﻑ ﻓﻴﻬﺎ ﻭ ﺑﺪﺍ ﻛﻴﻘﺮﺏ ﻋﻨﺪﻫﺎ ... ﻟﻤﺤﺎﺗﻮ ﻛﻴﻘﺮﺏ ﻭ ﻫﻲ ﺗﺮﺟﻊ ﺑﺎﻟﻠﻮﺭ ﺣﺘﺎ ﺣﺒﺴﺘﻬﺎ ﻟﺤﺪﻳﺪﺓ ...
ﻭﻗﻒ ﺭﺋﺒﺎﻝ ﻗﺮﻳﺐ ﻟﻴﻬﺎ ﺑﺰﺍﻑ ﻭ ﻋﻨﻴﻪ ﻓﻌﻨﻴﻬﺎ ... ﺣﺘﺎ ﺑﺪﺍﺕ ﻛﺘﺮﻣﺸﻬﻢ ﺑﺴﺮﻋﺔ ... ﻫﺰ ﻳﺪﻭ ﻏﺎﺩﻱ ﺑﻴﻬﺎ ﻋﻨﺪ ﻭﺟﻬﺎ ... ﺣﺴﺎﺕ ﺑﺼﺒﺎﻋﻮ ﻟﻤﺴﻮ ﺟﺒﻬﺘﻬﺎ ﻭ ﻫﻲ ﺗﺴﺪ ﻋﻨﻴﻬﺎ ﻣﺰﻳﺮﺓ ﻋﻠﻴﻬﻢ ...
ﺭﺋﺒﺎﻝ : ﻣﺨﺮﺟﺎﺵ
ﺣﻼﺕ ﻋﻨﻴﻬﺎ ﻭ ﻫﻲ ﺗﺸﻮﻑ ﺑﻴﻦ ﺻﺒﺎﻋﻮ ﻃﺮﻳﻒ ﺻﻐﻴﺮ ﻣﻦ ﻛﻠﻴﻨﻴﻜﺲ ... ﻋﺎﺩ ﻓﻬﻤﺎﺕ ﻟﺒﻼﻥ ﺃﻧﻮ ﺑﻘﺎ ﻻﺻﻖ ﻓﺠﺒﻬﺘﻬﺎ ... ﺣﺴﺎﺕ ﺑﺨﺪﻭﺩﻫﺎ ﻏﻴﻄﺮﻃﻘﻮ ﺑﺎﻟﺴﺨﻮﻧﻴﺔ ﻣﻦ ﺍﻹﺣﺮﺍﺝ ... ﺩﻭﺭﺍﺕ ﺭﺍﺳﻬﺎ ﺷﺎﻓﺖ ﺍﻟﻤﺼﻌﺪ ﻣﺤﻠﻮﻝ ... ﻛﻴﻒ ﺑﻌﺪ ﺭﺋﺒﺎﻝ ﻋﻠﻴﻬﺎ ﻭ ﻫﻲ ﺗﻜﻌﻂ ... ﻏﺎﺩﺓ ﻛﺘﺠﺮﻱ ﻭ ﺗﻌﺎﻳﺮ ﻓﺮﺍﺳﻬﺎ ﺣﺘﺎ ﺧﺮﺟﺎﺕ ﻣﻦ ﺍﻟﺸﺮﻛﺔ ... ﺑﻌﺪﺍﺕ ﺑﺸﺤﺎﻝ ﻋﺎﺩ ﺗﻔﻜﺮﺍﺕ ﺧﺎﺻﻬﺎ ﺗﺎﺧﺪ ﻃﺎﻛﺴﻲ ...
ﭼﺎﻟﺲ ﺑﻬﺎﺀ ﻓﺎﻟﻤﻜﺘﺐ ﻭ ﻗﺪﺍﻣﻮ ﻟﺒﻴﺴﻲ ... ﻛﻴﺸﻮﻑ ﻓﺎﻟﻜﺎﻣﻴﺮﺍ ﺍﻟﻲ ﻓﺎﻟﻤﺼﻌﺪ ... ﺷﺎﻑ ﺷﻨﻮ ﻭﻗﻊ ﻣﻨﻴﻦ ﺩﺧﻼﺕ ﺟﻮﻻﻥ ﻟﻠﻤﺼﻌﺪ ﺣﺘﺎ ﺧﺮﺟﺎﺕ ﻛﺘﺠﺮﻱ ... ﺧﺒﻂ ﻟﺒﻴﺴﻲ ﺳﺪﻭ ﺑﻌﺼﺒﻴﺔ ... ﻭ ﻭﺟﻬﻮ ﺭﺟﻊ ﺣﻤﺮﺭﺭﺭ ﻭ ﺻﺪﺭﻭ ﻛﻴﻄﻠﻊ ﻭ ﻳﻬﺒﻂ ... ﻣﻼﻣﺤﻮ ﻛﻠﻬﺎ ﻏﻀﺐ ﻋﻜﺲ ﻛﻴﻒ ﻛﻴﻜﻮﻥ ﺃﻏﻠﺐ ﺍﻟﻮﻗﺖ ...
ﺷﺪﺍﺕ ﺟﻮﻻﻥ ﺍﻟﻄﺎﻛﺴﻲ ﻟﻠﺪﺍﺭ ... ﻏﺎﺩﺓ ﻓﺎﻟﻄﺮﻳﻖ ﻭ ﻛﺘﻔﻜﺮ ﻓﺎﻟﺘﺼﺮﻑ ﺍﻟﻲ ﺩﺍﺭ ﺭﺋﺒﺎﻝ ... ﻭ ﻛﻴﻒ ﺗﻠﺒﻜﺎﺕ ﻭ ﺑﻘﺎﺕ ﺟﺎﻣﺪﺓ ... ﺍﺳﺘﻐﺮﺑﺎﺕ ﻣﻦ ﺭﺍﺳﻬﺎ ﻋﻼﺵ ﺑﻘﺎﺕ ﺑﺪﻭﻥ ﺣﺮﺍﻙ ... ﻛﺄﻧﻬﺎ ﺗﺸﻠﻼﺕ ﺗﺤﺖ ﺗﺄﺛﻴﺮ ﻧﻀﺮﺍﺗﻮ ... ﻏﻮﺑﺸﺎﺕ ﻏﻴﺮ ﺭﺍﺿﻴﺔ ﻋﻠﻰ ﺷﻨﻮ ﺩﺍﺭ ﺣﺘﺎ ﻟﻮ ﻣﻜﺎﻥ ﻗﺎﺻﺪ ﻓﻴﻬﺎ ﻭﺍﻟﻮ ... ﺑﻘﺎﺕ ﻛﺘﺄﻛﺪ ﻟﺮﺍﺳﻬﺎ ﻣﺘﺒﻘﺎﺵ ﺗﺼﺮﻑ ﻛﻴﻒ ﺍﻟﺒﻠﻬﺎﺀ ﻗﺪﺍﻣﻮ ... ﻋﻼﻩ ﺷﻜﻮﻥ ﺍﻛﻮﻥ ﻫﻮ ﺑﺎﻟﺴﻼﻣﺔ ...
ﺁﻩ ﻫﻮ ﺍﻟﻤﺪﻳﺮ ﺩﻳﺎﻝ ﺍﻟﺸﺮﻛﺔ ... ﻭ ﻣﻦ ﺧﻼﻝ ﺩﺍﻛﺸﻲ ﺍﻟﻲ ﺷﺎﻓﺖ ﺍﻟﻜﻞ ﻣﺤﺘﺎﺭﻣﻮ ﻭ ﻓﺎﺭﺽ ﺷﺨﺼﻴﺘﻮ ﻭ ﺳﻠﻄﺘﻮ ﻋﻠﻰ ﺍﻷﺷﺨﺎﺹ ﺍﻟﻲ ﺿﺎﻳﺮﻳﻦ ﺑﻴﻪ ... ﺣﺘﺎ ﺃﻧﻬﻢ ﻛﻴﺘﺤﺮﻛﻮ ﺑﺪﻭﻥ ﻣﻴﺘﻜﻠﻢ ﻭ ﻛﻴﻨﻔﺪﻭ ﺃﻭﺍﻣﺮﻭ ... ﻭ ﺧﻴﺮ ﻣﺜﺎﻝ ﻋﻠﻰ ﻫﺎﺩﺷﻲ ﺑﻬﺎﺀ ... ﻫﺎﺩ ﺍﻻﺧﻴﺮ ﺍﻟﻲ ﻣﻌﺮﻓﺎﺗﺶ ﻋﻼﺵ ﻛﻴﺘﺼﺮﻑ ﻣﻌﻬﺎ ﺑﻄﺮﻳﻘﺔ ﻏﺮﻳﺒﺔ ﻛﺄﻧﻪ ﻣﺤﻤﻠﻬﺎﺵ ...
ﺣﻄﻬﺎ ﺍﻟﻄﺎﻛﺴﻲ ﻭ ﺩﺧﻼﺕ ﻟﻠﺪﺍﺭ ... ﺑﺎﻧﻮ ﻟﻴﻬﺎ ﻭﺍﻟﺪﻳﻬﺎ ﻓﺎﻟﺼﺎﻟﺔ ﻭ ﺗﻮﺟﻬﺎﺕ ﻟﻌﻨﺪﻫﻢ ﺳﻠﻤﺎﺕ ﻋﻠﻴﻬﻢ ... ﻛﺎﻧﺖ ﻣﺘﺤﻤﺴﺔ ﺗﺰﻑ ﻟﻴﻬﻢ ﺧﺒﺮ ﺣﺼﻮﻟﻬﺎ ﻋﻠﻰ ﺃﻭﻝ ﺧﻠﺼﺔ ﻟﻴﻬﺎ ...
ﺣﻄﺎﺕ ﺣﻔﻴﻀﺔ ﺻﻴﻨﻴﺔ ﺍﺗﺎﻱ ﻣﻊ ﻟﻤﺴﻤﻦ ﻭ ﺷﻮﻳﺔ ﺩﻳﺎﻝ ﺍﻟﺤﻠﻮﺓ ... ﺍﺑﺮﺍﻫﻴﻢ ﻧﺎﺽ ﻳﺘﻮﺿﺎ ﻭ ﻫﻲ ﺑﺪﺍﺕ ﻛﺘﺨﻮﻱ ﻓﺄﺗﺎﻱ ... ﻗﺮﺑﺎﺕ ﻋﻨﺪﻫﺎ ﺟﻮﻻﻥ ﻭ ﺟﺒﺪﺍﺕ ﺍﻟﺸﻴﻚ ﺣﻄﺎﺗﻮ ﻟﻴﻬﺎ ﻓﺤﺠﺮﻫﺎ ﻓﻮﻕ ﺍﻟﺘﺨﻤﻴﻠﺔ ... ﺣﻄﺎﺕ ﺣﻔﻴﻀﺔ ﺍﻟﺒﺮﺍﺩ ﻭ ﻫﺰﺍﺕ ﺍﻟﺸﻴﻚ ﻛﺘﺸﻮﻑ ﻓﻴﻪ ...
ﺣﻔﻴﻀﺔ : ﺷﻨﻮ ﻫﺎﺩﺍ ﺍﺑﻨﺘﻲ ؟
ﺟﻮﻻﻥ : " ﺑﻔﺮﺣﺔ " ﻓﻠﻮﺱ ﻭ ﻓﻠﻮﻭﻭﺱ ﻛﺜﻴﺮﺓ
ﺣﻔﻴﻀﺔ : ﺗﺨﻠﺼﺘﻲ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ " ﺍﻣﻤﻢ
ﺣﻔﻴﻀﺔ : " ﺣﻘﻘﺎﺕ ﻓﺎﻟﻤﺒﻠﻎ ﻭ ﻫﻲ ﺗﺨﺮﺝ ﻋﻨﻴﻬﺎ " ﺵ ﺷﺤﺎﻝ ﻫﺎﺩﺷﻲ ... ﻭﺍﺵ ﻛﻮﻟﻮ ﺩﻳﺎﻟﻚ ؟
ﺟﻮﻻﻥ : ﺁﻩ ﺍﻣﺎﻣﺎ
ﺣﻔﻴﻀﺔ : ﺍﺑﺮﺍﻫﻴﻢ ﻭ ﺍﺑﺮﺍﻫﻴﻴﻴﻢ
ﺍﺑﺮﺍﻫﻴﻢ : " ﺧﺎﺭﺝ ﻣﻦ ﺍﻟﻄﻮﺍﻟﻴﺖ " ﺷﻨﻮ ﻛﺎﻳﻦ ؟
ﺣﻔﻴﻀﺔ : ﺁﺟﻲ ﺗﺸﻮﻑ ... ﺟﻮﻻﻥ ﺗﺨﻠﺼﺎﺕ ﺍﻟﻴﻮﻡ
ﻗﺮﺏ ﻋﻨﺪﻫﻢ ﻭ ﺧﺪﺍ ﺍﻟﺸﻴﻚ ﻣﻦ ﻋﻨﺪ ﺣﻔﻴﻀﺔ ... ﻛﺎﻥ ﺑﺎﻳﻦ ﻋﻠﻴﻪ ﺗﺼﺪﻡ ﻣﻦ ﺍﻟﻤﺒﻠﻎ ... ﻣﺘﻮﻗﻌﻮﺵ ﺍﻛﻮﻥ ﻋﺎﻟﻲ ﻟﻬﺎﺩ ﺍﻟﺪﺭﺟﺔ ... ﻫﺰ ﺭﺍﺳﻮ ﺷﺎﻑ ﻓﺠﻮﻻﻥ ﻭ ﻣﺪﻭ ﻟﻴﻬﺎ ...
ﺍﺑﺮﺍﻫﻴﻢ : ﺧﺎﺻﻚ ﺗﺤﻄﻴﻬﻢ ﻓﺎﻟﺒﻨﻜﺎ
ﺟﻮﻻﻥ : ﺭﺍﻩ ﻧﻘﻠﻮﻫﻢ ﻟﺤﺴﺎﺑﻲ ﺍﺑﺎﺑﺎ
ﺍﺑﺮﺍﻫﻴﻢ : ﻣﺒﺮﻭﻙ ﻋﻠﻴﻚ
ﺣﻔﻴﻀﺔ : " ﺑﺎﺑﺘﺴﺎﻣﺔ ﻋﺮﻳﻀﺔ " ﺟﻠﺲ ﺗﺸﺮﺏ ﻛﻮﻳﺲ ﺃﺗﺎﻱ
ﺍﺑﺮﺍﻫﻴﻢ : ﺣﺘﺎ ﻧﺠﻲ ﻣﻦ ﺍﻟﺼﻼﺓ
ﺧﺮﺝ ﺍﺑﺮﺍﻫﻴﻢ ﻣﺘﺎﺟﻪ ﻟﻠﺠﺎﻣﻊ ... ﺟﻮﻻﻥ ﺑﻘﺎﺕ ﻣﺘﺒﻌﺔ ﺑﺎﻫﺎ ﻭ ﺣﺎﺳﺔ ﺑﺎﻟﻔﺮﺣﺔ ... ﻭﺍﺧﺔ ﻣﺒﻴﻨﺶ ﻟﻜﻦ ﺷﺎﻓﺖ ﻧﻀﺮﺍﺕ ﺍﻟﺮﺿﺎ ﻭ ﺍﻟﻔﺨﺮ ﻓﻌﻨﻴﻪ ... ﺣﺴﺎﺕ ﺑﻤﻬﺎ ﻋﻨﻘﺎﺗﻬﺎ ﻭ ﺯﻳﺮﺍﺕ ﻋﻠﻴﻬﺎ ...
ﺣﻔﻴﻀﺔ : ﺑﺎﻙ ﺑﺎﻳﻦ ﻓﺮﺡ ﻟﻴﻚ ... ﻏﻴﺮ ﻫﻮ ﺍﻟﻠﻪ ﻳﻬﺪﻳﻪ ﻣﻜﻴﻌﺮﻑ ﻳﻬﻀﺮ ﻭ ﻻ ﻳﻌﺒﺮ ... ﺭﺍﻙ ﻋﺎﺭﻓﺔ ﻟﻌﺴﺎﻛﺮﻳﺔ
ﺟﻮﻻﻥ : " ﺣﺎﻃﺔ ﺭﺍﺳﻬﺎ ﻋﻨﺪ ﺻﺪﺭ ﻣﻬﺎ " ﻋﺎﺭﻓﺔ ﺃﻣﺎﻣﺎ ﻋﺎﺭﻓﺔ
ﺣﻔﻴﻀﺔ : ﺍﻟﻠﻪ ﻳﺮﺿﻲ ﻋﻠﻴﻚ ﺍﺑﻨﺘﻲ ﻭ ﻳﻨﻮﺭ ﻃﺮﻳﻘﻚ
🍃🍃🍃🍃🍃 ؛
ﺗﻮﺍﻟﺖ ﺍﻷﻳﺎﻡ ﻭ ﻛﺎﻧﺖ ﺟﻮﻻﻥ ﻣﺮﻛﺰﺓ ﻋﻠﻰ ﺩﺭﺍﺳﺘﻬﺎ ... ﻷﻥ ﺍﻹﻣﺘﺤﺎﻧﺎﺕ ﻗﺮﺑﻮ ﻭ ﻋﻨﺪﻫﺎ ﺣﺘﺎ ﻟﺒﺤﺖ ... ﺍﻟﻴﻮﻡ ﺭﺍﺟﻌﺔ ﻟﻠﺪﺍﺭ ﻫﻲ ﻭ ﺯﻳﻨﺐ ﺍﻟﻲ ﻏﺘﺒﺎﺕ ﻣﻌﻬﺎ ... ﻛﻴﻒ ﺩﺧﻠﻮ ﻣﻊ ﺍﻟﺤﻮﻣﺔ ﺑﺎﻧﺖ ﻟﻴﻬﻢ ﻭﺋﺎﻡ ﺟﺎﻳﺔ ... ﺷﺎﻓﺖ ﻓﻴﻬﺎ ﺟﻮﻻﻥ ﻣﻜﺎﻧﺶ ﺑﺎﻳﻦ ﻋﻠﻴﻬﺎ ﺍﻟﺤﺰﻥ ﺃﺑﺪﺍ ﻭ ﺧﻄﻴﺒﻬﺎ ﻏﺎﺑﺮ ... ﻏﺎﺩﺓ ﻛﺘﺒﺘﺎﺳﻢ ﻭ ﺗﺸﺎﻟﻲ ﺑﺸﻌﺮﻫﺎ ... ﻟﻤﺤﺎﺕ ﻟﺒﻨﺎﺕ ﻭ ﻗﺮﺑﺎﺕ ﻋﻨﺪﻫﻢ ﺑﻜﻞ ﺟﺮﺃﺓ ...
ﻭﺋﺎﻡ : ﺷﻔﺘﻚ ﻟﻘﻴﺘﻲ ﺍﻟﻲ ﺗﻌﻮﺿﻨﻲ
ﺟﻮﻻﻥ : ﻋﻼﻩ ﺷﻜﻮﻥ ﻧﺘﻲ ﺑﻌﺪﺍ !
ﻭﺋﺎﻡ : ﻫﻬﻬﻪ ﻭﺍﺧﺔ ﻣﺎﺑﻘﻴﻨﺎﺵ ﺻﺤﺎﺑﺎﺕ ﺭﺍﻩ ﺣﻨﺎ ﺟﻴﺮﺍﻥ ... ﻭ ﻗﺮﻳﺐ ﺗﺠﻤﻌﻨﺎ ﺣﺎﺟﺔ ﺃﺧﺮﻯ
ﺯﻳﻨﺐ : ﺷﻔﺘﻚ ﻏﺎ ﻛﺘﻔﺮﻧﺴﻲ ... ﻳﺎﻛﻤﺎ ﻗﻠﺒﺘﻲ ﻋﻠﻰ ﺍﻟﺜﻌﻠﺐ ﺍﻟﻲ ﻛﺎﻥ ﻣﻌﺎﻙ ﻭ ﺑﺎﻥ ﻟﻴﻚ ﻓﺸﻲ ﻭﺍﺣﺪ ﺁﺧﺮ ﻣﺮﺗﺎﺑﻂ ﺣﺘﺎ ﻫﻮ
ﻭﺋﺎﻡ : ﻛﺘﻌﺮﻓﻴﻨﻲ ؟
ﺯﻳﻨﺐ : ﻭ ﺷﻜﻮﻥ ﻣﻴﻌﺮﻓﺶ ﺍﻟﻤﻮﺳﺨﺔ ﺩﻳﺎﻝ ﻫﺎﺩ ﺍﻟﺴﻴﻜﺘﻮﺭ ... ﺭﺍﻩ ﺧﺒﺎﺭﻙ ﻋﻄﺎﺕ
ﻭﺋﺎﻡ : ﺟﻤﻌﻲ ﻓﻤﻚ ﻭ ﻻ ﻣﻐﻴﻌﺠﺒﻚ ﺣﺎﻝ
ﺯﻳﻨﺐ : " ﺑﻐﺎﺕ ﺗﻤﺸﻲ ﻟﻴﻬﺎ ﻭ ﺟﺮﺍﺗﻬﺎ ﺟﻮﻻﻥ "
ﺟﻮﻻﻥ : ﺯﻳﻨﺐ ﺧﻠﻴﻚ ﻣﻨﻬﺎ ... ﺇﻟﻲ ﻓﻴﻬﺎ ﻛﺎﻓﻴﻬﺎ
ﺷﺪﺍﺕ ﺟﻮﻻﻥ ﻓﺰﻳﻨﺐ ﻭ ﺟﺮﺍﺗﻬﺎ ... ﺑﻘﺎﺕ ﻭﺋﺎﻡ ﻭﺍﻗﻔﺔ ﻛﺘﻐﺪﺩ ﻣﻦ ﺍﻟﺘﺠﺎﻫﻞ ﺍﻟﻲ ﺩﺍﺭﺕ ﻟﻴﻬﺎ ... ﻳﺎﻻﻩ ﺑﻐﺎﺕ ﺗﺤﻞ ﺟﻮﻻﻥ ﻟﺒﺎﺏ ﻭ ﻫﻲ ﺗﺴﻤﻊ ﺻﻮﺕ ﻣﺄﻟﻮﻑ ﻛﻴﻨﺎﺩﻱ ﻋﻠﻴﻬﺎ ... ﺿﺎﺭﺕ ﻟﻘﺎﺗﻬﺎ ﺍﻟﺤﺎﺟﺔ ﻣﺸﺎﺕ ﻋﻨﺪﻫﺎ ﻫﻲ ﻭ ﺯﻳﻨﺐ ﻭ ﺳﻠﻤﻮ ﻋﻠﻴﻬﺎ ...
ﺟﻮﻻﻥ : ﺟﺪﺓ ... ﻫﺎﺩﻱ ﻫﻲ ﺯﻳﻨﺐ ﺍﻟﻲ ﻋﺎﻭﺩﺕ ﻟﻴﻚ ﻋﻠﻴﻬﺎ
ﺍﻟﺠﺪﺓ : ﻣﺘﺸﺮﻓﻴﻦ ﺍﺑﻨﺘﻲ ... ﺍﻟﺤﺎﺝ ﺳﻮﻟﻨﻲ ﻋﻠﻴﻚ ﺍﻟﺼﺒﺎﺡ ﻗﻠﺖ ﻟﻴﻪ ﺭﺍﻩ ﻋﻨﺪﻫﺎ ﺍﻹﻣﺘﺤﺎﻧﺎﺕ ﺩﺍﻛﺸﻲ ﻋﻼﺵ ﻏﺎﺑﺮﺓ
ﺟﻮﻻﻥ : ﺍﻧﺪﺧﻞ ﻧﺴﻠﻢ ﻋﻠﻴﻪ
ﺍﻟﺠﺪﺓ : ﺩﺧﻠﻮ ... " ﻛﺘﻨﺎﺩﻱ ﻋﻠﻴﻪ " ﺍﻟﺤﺎﺍﺍﺝ ﺍﻟﺤﺎﺍﺍﺝ ﺭﺑﺎﺏ ﺟﺎﺕ ﺗﺸﻮﻓﻚ
ﺯﻳﻨﺐ : " ﺑﺼﻮﺕ ﻣﻨﺨﻔﺾ " ﺷﻜﻮﻥ ﺭﺑﺎﺏ ؟
ﺟﻮﻻﻥ : ﺷﻮﻭﻭ ... ﻣﻦ ﺑﻌﺪ ﻭ ﻧﻌﺎﻭﺩ ﻟﻴﻚ
ﺑﻌﺪﻣﺎ ﺧﺮﺟﻮ ﻣﻦ ﻋﻨﺪﻫﻢ ﺩﺧﻠﻮ ﻟﻠﺪﺍﺭ ... ﺗﻌﺸﺎﻭ ﻭ ﻃﻠﻌﻮ ﻟﺒﻴﺖ ﺟﻮﻻﻥ ... ﻣﺪﺍﺕ ﻟﺰﻳﻨﺐ ﭘﻴﺠﺎﻣﺔ ﻣﻦ ﺩﻳﺎﻭﻟﻬﺎ ... ﺟﺒﺪﻭ ﺍﻟﺴﻘﺎﻃﺔ ﺍﻟﻲ ﺷﺮﺍﻭ ﻭ ﺟﻠﺴﻮ ﻓﻮﻕ ﺍﻟﻔﻮﻃﻮﻱ ﺍﻟﻲ ﺟﻨﺐ ﺍﻟﺸﺮﺟﻢ ...
ﺯﻳﻨﺐ : " ﻛﺘﺎﻛﻞ ﻓﺎﻟﺸﻴﺒﺲ " ﻗﺒﻴﻠﺔ ﺩﻳﻚ ﺍﻟﻤﺮﺍ ﻋﻴﻄﺎﺕ ﻋﻠﻴﻚ ﺭﺑﺎﺏ ... ﻭﺍﺵ ﺗﻐﺎﻟﻄﺘﻲ ﻟﻴﻬﺎ ﻣﻊ ﺷﻲ ﻭﺣﺪﺓ ؟
ﺟﻮﻻﻥ : " ﺑﻨﻀﺮﺓ ﺣﺰﻥ " ﺍﻟﺤﺎﺟﺔ ﻭ ﺍﻟﺤﺎﺝ ﻓﻘﺪﻭ ﺑﻨﺘﻬﻢ ﻫﺎﺩﻱ ﺃﻛﺜﺮ ﻣﻦ 30 ﺳﻨﺔ ... ﻟﺤﺪ ﺍﻟﺴﺎﻋﺔ ﻣﺰﺍﻝ ﻣﺎﻋﺮﻓﻴﻦ ﻭﺍﺵ ﻣﻴﺘﺔ ﻭ ﻻ ﺣﻴﺔ ... ﻫﻲ ﺍﻟﻲ ﻛﺎﻧﺖ ﻋﻨﺪﻫﻢ ﻭ ﺍﺧﺘﻔﺖ ... ﺳﻤﻴﺘﻬﺎ ﺭﺑﺎﺏ ... ﺷﻔﺖ ﺻﻮﺭﺗﻬﺎ ... ﻛﺎﻧﺖ ﺯﻭﻳﻨﺔ ﻭ ﺑﺎﻗﺔ ﺻﻐﻴﺮﺓ ... ﻛﻴﺒﻘﺎﻭ ﻓﻴﺎ ﺣﻴﻨﺖ ﻫﻲ ﺍﻟﻲ ﻛﺎﻧﺖ ﻋﻨﺪﻫﻢ ﻭ ﺗﺤﺮﻣﻮ ﻣﻨﻬﺎ
ﺯﻳﻨﺐ : ﺍﻛﻴﺪ ﻏﺘﻜﻮﻥ ﻣﺎﺗﺖ ... ﺷﻜﻮﻥ ﻫﺎﺩﻱ ﺍﻟﻲ ﻏﺘﻐﻴﺐ ﻫﺎﺩ ﺍﻟﻤﺪﺓ ﻛﻠﻬﺎ ﻭ ﻭﺍﻟﺪﻳﻬﺎ ﻣﺰﺍﻝ ﻓﺎﻟﺤﻴﺎﺓ
ﺟﻮﻻﻥ : ﻣﺎﻋﺮﻓﺘﺶ ... ﻋﺎﻧﺎﻭ ﺑﺰﺍﻑ ﻣﺴﺎﻛﻦ ... ﺑﺎﺑﺎ ﻋﺎﻭﺩ ﻟﻴﻨﺎ ﻋﻠﻰ ﺷﻨﻮ ﺩﺍﺯ ﻋﻠﻴﻬﻢ ﻭ ﺷﺤﺎﻝ ﻗﻠﺒﻮ ﻋﻠﻴﻬﺎ ... ﺑﺎﺑﺎ ﻛﻴﻌﺮﻓﻬﺎ ﻣﺰﻳﺎﻥ ﻣﻊ ﺟﺪﻱ ﺑﺎﺑﺎﺕ ﺭﺑﺎﺏ ﻛﺎﻥ ﺑﻤﺜﺎﺑﺔ ﺍﻻﺏ ﻟﻴﻪ ﻭﺍﺧﺔ ﻛﺎﻥ ﻗﺎﺻﺢ ... ﻛﺎﻧﺖ ﺻﻐﺮ ﻣﻨﻮ ﺑﺴﺖ ﺳﻨﻴﻦ ﻭ ﻛﺘﻘﺮﺍ ﻣﺰﻳﺎﻥ ﺩﻳﻤﺎ ﻫﻲ ﺍﻷﻭﻟﻰ ... ﺩﻳﺎﻫﺎ ﻏﻴﺮ ﻓﻘﺮﺍﻳﺘﻬﺎ ﻭ ﺣﺪﻭﺩﻳﺔ ﻣﻜﺘﻬﻀﺮ ﻣﻊ ﺣﺪ
ﺯﻳﻨﺐ : ﻣﺴﺎﻛﻦ ﻛﻴﻘﻄﻌﻮ ﻓﺎﻟﻘﻠﺐ
ﺟﻮﻻﻥ : ﻓﺎﻷﻭﻝ ﺍﺳﺘﻐﺮﺏ ﺣﻴﻨﺖ ﻣﺮﺓ ﻣﺮﺓ ﻛﻴﻌﻴﻄﻮ ﻋﻠﻴﺎ ﺑﺎﺳﻤﻬﺎ ... ﺣﺘﺎ ﻗﺎﻝ ﻟﻴﺎ ﺑﺎﺑﺎ ﺭﺍﻩ ﻛﻨﺸﺒﻪ ﻟﺒﻨﺘﻬﻢ
ﺯﻳﻨﺐ : ﺑﺎﻳﻨﺔ ﻧﺘﻲ ﻋﺰﻳﺰﺓ ﻋﻠﻴﻬﻢ
ﺟﻮﻻﻥ : ﺍﻧﺎ ﻛﻨﻌﺘﺎﺑﺮﻫﻢ ﻋﺎﺋﻠﺘﻲ ... ﺭﺍﻩ ﻛﺒﺮﺕ ﻭﺳﻄﻬﻢ
ﻛﻤﻠﻮ ﺟﻤﻌﺎﺗﻬﻢ ﻭ ﻣﺎﻧﻌﺴﻮ ﺣﺘﺎ ﻟﻮﻗﺖ ﻣﺘﺄﺧﺮ ﻣﻊ ﺻﺎﺑﺢ ﺍﻷﺣﺪ ... ﻛﻴﻒ ﺻﺒﺢ ﺍﻟﺤﺎﻝ ﻓﻄﺮﻭ ﻭ ﺧﺮﺟﻮ ... ﺟﻮﻻﻥ ﻛﺎﻥ ﺧﺎﺻﻬﺎ ﺗﺸﺮﻱ ﺷﺤﺎﻝ ﻣﻦ ﺣﺎﺟﺔ ... ﺧﺪﺍﺕ ﺣﻮﺍﻳﺞ ﻋﻠﻰ ﺣﺴﺐ ﺳﺘﻴﻠﻬﺎ ﻭ ﺃﺷﻴﺎﺀ ﺃﺧﺮﻯ ﻛﺎﻧﻮ ﺧﺎﺻﻴﻨﻬﺎ ... ﺑﻌﺪﻣﺎ ﺩﻭﺯﻭ ﺍﻟﻴﻮﻡ ﺗﺴﻮﻕ ﻭ ﺿﻮﺭﺍﻥ ﻛﻼ ﺭﺟﻌﺎﺕ ﻟﺪﺍﺭﻫﻢ ...
🌸 ﻳﻮﻡ ﺟﺪﻳﺪ 🌸
ﻧﺰﻻﺕ ﺟﻮﻻﻥ ﻣﻦ ﺍﻟﻄﺎﻛﺴﻲ ﺍﻟﻲ ﺣﻄﻬﺎ ﻗﺪﺍﻡ ﺍﻟﺸﺮﻛﺔ ... ﺩﺍﺭﺕ ﺻﺎﻛﻬﺎ ﻓﻜﺘﻔﻬﺎ ﻭ ﺗﻤﺎﺕ ﺩﺍﺧﻠﺔ ... ﻓﺠﺄﺓ ﺗﻮﻓﻔﺎﺕ ﻭ ﻫﻲ ﻛﺘﺸﻮﻓﻬﺎ ﻗﺪﺍﻣﻬﺎ ... ﻭﺍﻗﻔﺔ ﻻﺑﺴﺔ ﻛﻼﺹ ﺟﻴﺐ ﻣﻊ ﻃﻮﺏ ﻗﺼﻴﺮ ... ﻃﺎﻟﻘﺔ ﺷﻌﺮﻫﺎ ﻭ ﺩﺍﻳﺮﺓ ﻣﺎﻳﻜﺎﭖ ﻛﻴﻒ ﻣﻮﺍﻟﻔﺔ ... ﻣﺮﺳﻮﻣﺔ ﻋﻠﻰ ﺷﻔﺘﻴﻬﺎ ﺍﺑﺘﺴﺎﻣﺔ ﻣﺴﺘﻔﺰﺓ ﻭ ﻛﺘﺸﻮﻑ ﻓﺠﻮﻻﻥ ...
ﻭﺋﺎﻡ : ﻗﻠﺖ ﻟﻴﻚ ﻏﺎﺩﻱ ﺗﺠﻤﻌﻨﺎ ﺣﺎﺟﺔ ﺃﺧﺮﻯ ﻫﻬﻬﻪ
ﺟﻮﻻﻥ : ﺷﻨﻮ ﻛﺎﺩﻳﺮﻱ ﻫﻨﺎ ؟
ﻭﺋﺎﻡ : ﻫﺎﺩﻱ ﺍﻟﻲ ﻗﺪﺍﻣﻚ ﻫﻲ ﻟﻤﺎﻳﻜﺎﭖ ﺍﺭﺗﻴﺴﺖ ﺍﻟﺠﺪﻳﺪﺓ ﺍﻟﻲ ﺍﻧﻀﺎﻣﺎﺕ ﻟﻔﺮﻳﻖ ... ﻭ ﺭﺍﻙ ﻋﺎﺭﻓﺔ ﻣﻌﺎﻣﻦ ﻛﻨﺨﺪﻣﻮ " ﺷﺎﻓﺖ ﻓﺎﻟﺸﺮﻛﺔ " ﺃﺷﻬﺮ ﺍﻷﺭﺗﻴﺴﺖ ﻣﺠﻤﻮﻋﻴﻦ ﻫﻨﺎ ... ﺷﻜﻮﻥ ﻗﺎﻝ ﺣﻠﻤﻲ ﻳﺘﺤﻘﻖ ﺑﻬﺎﺩ ﺍﻟﺴﺮﻋﺔ
ﺟﻮﻻﻥ : ﻣﺒﺮﻭﻭﻙ ... ﺣﺎﻭﻟﻲ ﺗﺤﺎﻓﻀﻲ ﻋﻠﻴﻬﺎ ... ﻻﻃﻴﺮ ﺑﺎﻗﻲ ﮔﺎﻉ ﻣﻔﺮﺣﺘﻲ ﺑﻴﻬﺎ
ﻭﺋﺎﻡ : " ﻓﻬﻤﺎﺕ ﻗﺼﺪﻫﺎ " ﺧﺘﻚ ﻣﻜﺘﺮﺑﻴﺶ ﺍﻟﻜﺒﺪﺓ ﺑﺤﺎﻟﻚ
ﺗﺴﻤﻊ ﺻﻮﺕ ﺳﻴﺎﺭﺓ ﻣﺠﻬﺪ ﻭ ﻓﺮﺍﻥ ﺳﻴﻚ ... ﻭﻗﻔﺎﺕ ﺑﻮﺭﺵ ﻛﺤﻼ ﻭ ﻧﺰﻝ ﻣﻨﻬﺎ ﺳﻨﻤﺎﺭ ... ﻻﺑﺲ ﺟﻴﻨﺰ ﻭ ﺗﺮﻳﻜﻮ ﮔﺮﻱ ... ﺩﻳﻤﺎ ﻟﺒﺎﺳﻮ ﻛﺎﺟﻮﺍﻝ ﻭ ﻗﻠﻴﻞ ﻓﻴﻦ ﻛﻴﻠﺒﺲ ﺍﻟﺮﺳﻤﻲ ... ﻭﺋﺎﻡ ﺷﺎﻓﺘﻮ ﻭ ﻫﻤﺎ ﻳﺘﺰﺍﮔﻠﻮ ﻟﻴﻬﺎ ﻋﻨﻴﻬﺎ ... ﻫﺎﺩﻱ ﺍﻭﻝ ﻣﺮﺓ ﺗﺸﻮﻓﻮ ﻣﺒﺎﺷﺮﺓ ... ﺭﺩﺍﺕ ﺷﻌﺮﻫﺎ ﻭﺭﺍ ﻭﺫﻧﻬﺎ ﻭ ﻣﺘﺒﻌﺎﻩ ﺑﻌﻨﻴﻬﺎ ... ﺳﻨﻤﺎﺭ ﺩﺍﻳﺰ ﻣﻦ ﺣﺪﺍﻫﻢ ...
ﺷﺎﻑ ﺟﻬﺘﻬﻢ ﻟﻤﺢ ﺟﻮﻻﻥ ﺍﻟﻲ ﻛﺎﻧﺖ ﺑﺪﻭﺭﻫﺎ ﻛﺘﺸﻮﻑ ﻓﻴﻪ ... ﺍﺑﺘﺎﺳﻢ ﻟﻴﻬﺎ ﻭ ﺗﻢ ﺩﺍﺧﻞ ... ﺃﻛﻴﺪ ﻋﺎﻗﻞ ﻋﻠﻴﻬﺎ ﺷﻜﻮﻥ ... ﻟﺒﻨﺖ ﺍﻟﻲ ﺷﺎﻓﻮ ﻓﻤﻜﺘﺐ ﺭﺋﺒﺎﻝ ﻣﻴﻤﻜﻨﺶ ﻳﻨﺴﺎﻭﻫﺎ ﺑﺴﻬﻮﻟﺔ ... ﺧﺎﺻﺔ ﺷﻜﻠﻬﺎ ﻳﻮﻧﻴﻚ ﻭ ﻣﺘﻤﻴﺰ ... ﻛﻴﻒ ﺑﻘﺎﺕ ﺟﻮﻻﻥ ﻣﺼﺪﻭﻣﺔ ... ﻭﺋﺎﻡ ﻣﻜﺎﻧﺘﺶ ﻗﻞ ﻣﻨﻬﺎ ... ﺗﺰﻳﺮﺍﺕ ﻭ ﺗﻤﺎﺕ ﺩﺍﺧﻠﺔ ﻛﺘﺰﺭﺏ ...
ﻛﻀﻮﺭﻫﺎ ﻓﺮﺍﺳﻬﺎ ﻳﺎﻙ ﺟﻮﻻﻥ ﻣﺠﺮﺩ ﻣﻮﺿﻔﺔ ... ﺷﻨﻮ ﻋﻼﻗﺘﻬﺎ ﺑﺴﻨﻤﺎﺭ ﻭ ﻓﻴﻦ ﻛﺘﻌﺮﻓﻮ ... ﺍﻛﻴﺪ ﻫﻮ ﻣﻐﻴﻜﻮﻧﺶ ﻛﻴﻌﺮﻑ ﺟﻤﻴﻊ ﺍﻟﻤﻮﺿﻔﻴﻦ ﺍﻟﻲ ﻓﺎﻟﺸﺮﻛﺔ ... ﺗﻌﺼﺒﺎﺕ ﻷﻧﻪ ﻣﺸﺎﻓﺶ ﺟﻬﺘﻬﺎ ﻛﺄﻧﻬﺎ ﻣﻜﻴﻨﺎﺵ ...
ﺟﻮﻻﻥ ﺣﺘﺎ ﻫﻲ ﺩﺧﻼﺕ ﻭ ﻃﻠﻌﺎﺕ ﻟﻤﻜﺘﺒﻬﺎ ﻣﺒﺎﺷﺮﺓ
ﺟﺎﻟﺲ ﺭﺋﺒﺎﻝ ﻓﺎﻟﻤﻜﺘﺐ ﺣﺘﺎ ﺟﺎﻩ ﺍﺗﺼﺎﻝ ... ﺣﻂ ﺩﺍﻛﺸﻲ ﺍﻟﻲ ﻓﻴﺪﻳﻪ ﻭ ﻧﺎﺽ ... ﺧﺮﺝ ﻣﻦ ﺍﻟﻤﻜﺘﺐ ﻟﻤﺤﻮ ﺑﻬﺎﺀ ﻭ ﺗﻢ ﺟﺎﻱ ﻋﻨﺪﻭ ...
ﺑﻬﺎﺀ : ﺧﺎﺻﺎﻙ ﺷﻲ ﺣﺎﺟﺔ ؟
ﺭﺋﺒﺎﻝ : ﻏﺎﺩﻱ ﻟﻠﺪﺍﺭ ... ﺟﺪﺓ ﻋﻴﺎﻧﺔ
ﺑﻬﺎﺀ : ﻧﺘﺎﺻﻞ ﺑﺎﻟﻄﺒﻴﺐ
ﺭﺋﺒﺎﻝ : ﻻ ﻣﺎﺷﻲ ﻟﺪﻳﻚ ﺍﻟﺪﺭﺟﺔ ... ﻏﻨﻤﺸﻲ ﻧﺠﻠﺲ ﻣﻌﻬﺎ ﺷﻮﻳﺔ ... ﻟﻐﻲ ﺑﺎﻗﻲ ﺍﻟﻤﻮﺍﻋﻴﺪ
ﺑﻬﺎﺀ : ﺍﻭﻛﻲ ﻣﻮﺳﻴﻮ
ﺗﻢ ﻏﺎﺩﻱ ﺭﺋﺒﺎﻝ ﻓﺎﻟﻜﻮﻟﻮﺍﺭ ﻭ ﻛﻴﺴﺪ ﺻﺪﺍﻓﻲ ﺍﻟﭭﻴﺴﺖ ... ﻭﻗﻒ ﻗﺪﺍﻡ ﺍﻟﻤﺼﻌﺪ ﻭ ﺿﻐﻂ ﻋﻠﻰ ﺍﻟﺰﺭ ... ﺗﻠﻔﺖ ﺟﻨﺐ ﻛﺎﻧﺖ ﻗﺎﻋﺔ ﺍﻻﺳﺘﺮﺍﺣﺔ ﻓﺂﺧﺮ ﺍﻟﺮﻭﺍﻕ ... ﻟﻤﺢ ﺟﻮﻻﻥ ﻭﺍﻗﻔﺔ ﻋﻨﺪ ﻟﻤﺎﺷﻴﻦ ﺩﻳﺎﻝ ﺍﻟﻘﻬﻮﺓ ... ﺑﺎﻧﺖ ﻟﻴﻪ ﻫﺰﺍﺕ ﺍﻟﻜﻮﺏ ﻭ ﺩﺍﺗﻮ ﻟﻔﻤﻬﺎ ... ﺑﻌﺪﺍﺗﻮ ﺩﻏﻴﺎ ﻭ ﺧﺮﺟﺎﺕ ﻟﺴﺎﻧﻬﺎ ﻛﺘﻨﺶ ﻋﻠﻴﻪ ﺑﻴﺪﻫﺎ ﻭ ﺗﻨﻘﺰ ﻓﺒﻼﺻﺘﻬﺎ ... ﻻﺣﻈﺎﺕ ﺑﻠﻲ ﺍﻟﻘﻬﻮﺓ ﺗﻜﻔﺤﺎﺕ ﻟﻴﻬﺎ ﻓﻠﺮﺽ ... ﺧﺮﺟﺎﺕ ﻋﻨﻴﻬﺎ ﺣﻄﺎﺕ ﻟﻜﻮﺏ ﻭ ﻣﺸﺎﺕ ﻛﺘﺠﺮﻱ ﺟﻬﺔ ﺍﻟﻄﻮﺍﻟﻴﻄﺎﺕ ...
ﺭﺋﺒﺎﻝ ﺑﻘﺎ ﻭﺍﻗﻒ ﻛﻴﺸﻮﻑ ﺑﺘﻌﺎﺑﻴﺮ ﻏﺮﻳﺒﺔ ﻋﻠﻰ ﻭﺟﻬﻮ ... ﻟﺪﺭﺟﺔ ﻣﻨﺘﺎﺑﻬﺶ ﻟﻠﻤﺼﻌﺪ ﺍﻟﻲ ﺗﺤﻞ ﻭ ﺗﺴﺪ ﺷﺤﺎﻝ ﻣﻦ ﻣﺮﺓ ... ﺣﺘﺎ ﺍﺧﺘﻔﺖ ﻋﻠﻰ ﻧﺎﻇﺮﻳﻪ ﻋﺎﺩ ﺭﺟﻊ ﺿﻮﺭ ﻭﺟﻬﻮ ... ﺿﻐﻂ ﻋﻠﻰ ﺍﻟﺰﺭ ﻭ ﺩﺧﻞ ... ﻫﺎﺩﺷﻲ ﻛﻮﻟﻮ ﺩﺍﺯ ﻗﺪﺍﻡ ﻋﻨﻴﻦ ﺑﻬﺎﺀ ... ﺍﻟﻲ ﻛﺎﻥ ﻭﺍﻗﻒ ﺑﻌﻴﺪ ... ﻛﻴﻒ ﺩﺧﻞ ﺭﺋﺒﺎﻝ ﻟﺴﺎﻧﺴﻮﺭ ﺍﺗﺎﺟﻪ ﻫﻮ ﻟﻠﻤﻜﺘﺐ ﺩﻳﺎﻟﻮ ...
ﺳﺪ ﻟﺒﺎﺏ ﻋﻠﻰ ﺍﻟﺠﻬﺪ ﻭ ﺑﻘﺎ ﻏﺎﺩﻱ ﺟﺎﻱ ... ﺭﺧﺎ ﺭﺑﻄﺔ ﺍﻟﻌﻨﻖ ﻭ ﺣﻞ ﺍﻟﺼﺪﻓﺔ ﺍﻷﻭﻟﻰ ... ﺷﻲ 5 ﺩﻗﺎﻳﻖ ﻭ ﻫﻮ ﻛﻴﺘﻤﺸﺎ ﻓﻮﺳﻂ ﺍﻟﻤﻜﺘﺐ ﻭ ﻛﻴﺰﻓﺮ ﺑﺎﻟﺠﻬﺪ ... ﭼﻠﺲ ﻭ ﺣﻞ ﻟﻤﺠﺮ ... ﺟﺒﺪ ﺍﻟﺼﻮﺭﺓ ﺍﻟﻲ ﻛﺎﻧﺖ ﻣﻘﻠﻮﺑﺔ ... ﺑﻘﺎ ﻛﻴﺸﻮﻭﻭﻑ ﻓﻴﻬﺎ ﺷﺤﺎﺍﺍﻝ ... ﺣﻄﻬﺎ ﻓﻮﻕ ﺍﻟﻤﻜﺘﺐ ﻭ ﺧﺮﺝ ﻣﺴﺮﻉ ...
ﺟﻮﻻﻥ ﺑﻌﺪﻣﺎ ﻣﺴﺤﺎﺕ ﻟﻔﻀﻴﺤﺔ ﺍﻟﻲ ﺩﺍﺭﺕ ... ﻫﺰﺍﺕ ﺷﻲ ﻭﺭﺍﻕ ﻭ ﺗﻮﺟﻬﺎﺕ ﻟﻤﻜﺘﺐ ﺑﻬﺎﺀ ... ﻭﻗﻔﺎﺕ ﻛﺪﻕ ﻣﺠﺎﻭﺑﻬﺎ ﺣﺪ ﻭ ﻛﺎﻧﺖ ﺭﺍﺟﻌﺔ ... ﺗﻔﻜﺮﺍﺕ ﺑﻠﻲ ﺃﻛﺪ ﻋﻠﻴﻬﺎ ﺗﺠﻴﺐ ﻟﻴﻪ ﺩﺍﻛﺸﻲ ﺍﻟﻲ ﻛﺘﺒﺎﺕ ﻟﺤﺪ ﺍﻟﺴﺎﻋﺔ ... ﻭ ﻫﻮ ﺧﺎﺻﻮ ﻏﻴﺮ ﺍﻟﺴﺒﺐ ﻓﻴﻦ ﺍﻧﻔﺎﺟﺮ ﻓﻮﺟﻬﺎ ... ﻗﺎﻟﺖ ﻟﻤﻜﺎﻧﺶ ﺗﺨﻠﻴﻬﻢ ﻟﻴﻪ ﻓﻮﻕ ﺍﻟﻤﻜﺘﺐ ...
ﺣﻼﺕ ﻟﺒﺎﺏ ﻭ ﺩﺧﻼﺕ ... ﻣﻨﻴﻦ ﻣﺒﺎﻥ ﻟﻴﻬﺎ ﺣﺪ ﻣﺸﺎﺕ ﺣﻄﺎﺕ ﻟﻮﺭﺍﻕ ﻓﻮﻕ ﻣﻜﺘﺒﻮ ... ﻳﺎﻻﻩ ﺑﻐﺎﺕ ﺿﻮﺭ ﻟﻔﺘﺎﺕ ﺍﻧﺘﺒﺎﻫﺎ ﺍﻟﺼﻮﺭﺓ ﺍﻟﻲ ﻣﺤﻄﻮﻃﺔ ﻓﻮﻗﻮ ... ﻫﺰﺍﺗﻬﺎ ﻛﺘﺸﻮﻑ ﺍﻟﺸﺨﺺ ﺍﻟﻲ ﻓﻴﻬﺎ ... ﻛﺎﻧﺖ ﺻﻮﺭﺓ ﻟﺮﺋﺒﺎﻝ ... ﻛﻴﺒﺎﻥ ﻓﻴﻬﺎ ﺷﺒﻪ ﻣﺒﺘﺎﺳﻢ ... ﺑﻘﺎﺕ ﻛﺘﺤﻘﻖ ﻓﻴﻬﺎ ﺣﺘﺎ ﻗﻔﺰﻫﺎ ﺻﻮﺗﻮ