رتيبة: أية بنتي نوضي راكي خمرتي
اية: راني نضت عمتي صباح الهير شابة تاعي واش شيخ راهو هنا
رتيبة: صباح النور وي راه يستقهوا هيا اغسلي وجهك و أهبطي
غسلت وجهي و درت روتين لبشرتي الجذابة مزية سمعت لفجر و صليتوا إنطلقت بسرعة سونيك للكوزينة
محمد: ايي بلعقل على الجيران صباح الخير بنتي
اية: صباح الخير بابي شباب لي كل مايكبر في العمر يصغار فلوجه بابا الأمير الوسيم حلم كل الفتيات
محمد: بابابابا هذي قاع شيتة شحال تسحقي
اية: ربعمياتالف(4000da) برك
محمد: شدي و يوصلك أسامة اوكي
اسامة: أوكي خالوا ايا اطلعي تبدلي و إلحقيني لطونوبيل
راحت لبيتي لبست روبة كاحلة فيها حزام بيض مع خيمار و باسكات بيضا و ساك ماغون كلاغ وايت حكيتلكم عليا أنا أية في عمري 22 سنة نقرأ إدارة أعمال أنا من النوع لي نحشم و نخاف عاقلة كيما يقولولي
رتيبة: أية غاولي دوك يروح بلا بيك
أسامة: لوكان زدتي شويا نروح ونخليك
اية: أوسي ماتزعفش ماتوليش شباب سمحلي دوك نروحوا لشوبينغ
باينة مانقدرش بلا غنا درت لغنية تاع سولكينغ مالين( مانعرفش اسمها) و قعدت اشطح بيديا و نضرب اسامة و نشنشفوا من شعروا
أسامة: أية هاكا خربتيلي شعري أحمدي ربي راني نسوق صينو راحت عليك لمفيد اية ماتخفيش هذو شوفات لي راكي تشوفيهم حاجة نورمال و بالعكس حاجة مليحة بزاف رانا نتقدموا في العلاج ماحبيتش نهدر قدام خالي باش ميخفش عليك
أية: مي أوسي نخاف و راصي يوجعني و مانقدرش نتنفس كي يجواني دايمن يا نوم طفلة مانعرفش يا نشوفها في كل بلاصة
دونت ستاي اوي فور تو لونج (صونات تاع اية) ألو سافا خالو حمد الله وي لازم ليوم إن شاء الله دوك نشوف أي باي
اسامة: واش كاين أية
اية: خالي قالي نحتاجك توصلني أمبعد
أسامة: هذيك طفلة عزيزة عليك أية مع لوقت تفهمي كلش أي وصلنا أهبطي
دخلنا لسونتغ لكبير دخلت حوايج تاع روبات شريت روبة ليا و لرورو( رتيبة) و دوك نزيد نشوف واحدخر نشري باسكات مسكين أوسي راه يدعي عليا داخليا ساعة و حنا نضوروا شريت غير زوج روبات
اسامة: خلاص عيت هوليك حانوت نشوفوا عندو و نروحوا نفطروا فريسطو
أنا كي دخلت قابلوني زوج بنات كانوا يقيسوا و يتمهبلوا و يضحكوا فرحت قعدت نشوف فيهم و نتفكر هذيك طفلة تاع لمنام رفدت باسكات و ليكات و قستهم
oussma prv~
مي خالو هذي ماشي عقلية راك تهدملها مستقبلها
محمد: ماتخافش وليدي بنتي و نعرف صلاحها
خالو مافهمتنيش هكا راك تعرض صحة تاعها لخطر كثر
رتيبة: واش تقصد وليدي
والو يما ديروا ليساعدكم مي كاش مايصرا ماتحملونيش المسؤولية
prv end
اية: هي هي واش غست في جمالي الأخاد
اسامة: لا واثقة من نفسيها كملتي هي نروحو نفطرو جعت
قعدت مع أوسي ديموندينا زوج تاكوس و كوكا كنا قاعدين في أمن الله حتى شفت وليد خالي علاء
علاء؛ واش تعرضونا و لا نعرضوا روحنا
اسامة: راك فت قعدت
اية: اسسامة مديريش عليه وليد خالي واش تأكل
علاء: راني شبعان برك جيت نهدر زوج حاجات و نروح كي يهدر معك بابا خمي مليح وردي لجواب و هذي لخرجة نحيها
اسامة: كملت ماعندو مدخلك راهي خارجة معيا وراني نعسها نتا ماعندو مادخلك* وراح علاء*
أية: اوسي زعما زعف كي هدرت معه هاكا( قولتها و عوجت شواربي)
اسامة: ماسمعتيش واش كان يهدر مكلاه تبكي هو لغالط أيا لدار خالك نعرفوا واش يسحق
وصلت أية لدار خالها قبل ما تخرج سقستني إذا نهبط معاها قالتلها لالا عندي شغل حليت لبيسي و بديت
( عرض حصري مزال مدوهاش اديه يا مدام ماترطيش يعرف يغسل لماعن و مايكولش اللحم بالمختصر راجل تاع دار)
أنا أسامة 27 سنة وليد عمة أية مور الموت تاع بابا و حنا عايشين مع خالي أنا طبيب نفسي جاي مجوار لي يضحك و يتمهبل صاح مزال مالقيت الزوجة الصالحة مي مزالني شباب(لطلب أو الإستفسار أكتب في الكومنت)
قعدت نهدر مع مريضة عندي ابال فيديو
عند ايوش♡
زينب: أهلا بنتي واش راكي
اية: لابأس طاطا برك خوفني خالي كي قالي حاجة امبوغتونت غير لخير
حميد: تفضلي اشربي حاجة منبعد نهدروا
اية شديت كأس تاع جو شربت منو شوية و شفت في خالي باش يهدر
حميد: ليكي بنتي نتي عاقلة و رزينة و طفلة و عليها لكلام و زيد بنت ختي حبيت نخطبك لعلاء
مشوك طحلي الكأس باغدون دوك نرفدوا
زينب: خليه أنا لموا
اية: خالي مي علاء ديرتوا كي خوياو مانحبوش مرانيش حابة
حميد: خمي و رديلي بالخبر راني نسنا
زينب: بنتي لحب ماشي لازم مع الوقت توالفوا بعضكم هذاك هو الصح
خرجت من دار خالي و دمعة في عيني بديت نبكي بشهقة دخلت و غلقت باب الطونوبيل
أسامة: واشبيك واش صرا
اية: اسامة راسي خلاص حيترتق أسامة راهو يسطر اي ماحملتش_بصوت عياط رايح في تاع بكية-
اسامة: بلعقل هاكي لكاشي أشربي راكي مليحة
اية: شويا تعيش ردني لدار عيت
أسامة: واش صرا غير لخير
أية: خالي حب يخطبني لعلاء
اسامة: واشنوووو غير هوا لي مايديكش مريض هذا
في بلاصة خلاف في هذيك دار لكبيرة لي والت شبه فارغة و الفرحة فيها معدومة غير الحيوط لي ساترة معنتهم مي هكاك حمدين ربي
.....: يما هذي السمانة تفرا لحكاية
إلهام: وي وليدي ياك قولت نفريهلك دوك لازم نروح نشوفها في سبيطار نتلقوا في وقت لعشا
___________________________
أول حاجة نسقسي عليكم واش راكم
تاني حاجة رأيكم بصراحة
و حاجة القصة قصتي أفكاري لا أسمح للسرقة أو الأخد أو النقل
واش تتوقعو راح يصرا في لبارت لجاج