بارت ...٤٠ والاخيرررررررر
#انين_الرووح
عندما تجد من تحب، فقد وجدت الحياة
. وعندما تجد من يحبك فقد امتلكت الحياة
هيج دارت الدنيا في لحظه محد كان متوقعها
في ظرف مو وقته ابدا
هيج كانت ردت فعلا بسماع الخبر بين الفرح والبكاء 😂😂😂
شعور غريب
شلون وكيف وليش
كلها اسئله ادور في اذهان الجميع
غرامك يا ترف وليه ... ولانه
وبچينه ماكسر گلبك ... ولانه
طبيبي ماعرف علتي ... ولا انا
بسبب فرگاك مدري اصار بيه
جنه كاعدين وسوالف تجر اسوالف
ونطق الاستاذ
اعذروني
اعذرني ابو زيد
اعذرني زيد
عذروني كلكم
اعرف مو وقتها ولا ترهم اهنا حتى
بس ما اكدر بعد اسكت
انتظرت سنتين وساكت وحترك بنار حبي
بس اني المحترك بيها مو غيري
سنين صابر وساكت واكول لازم تكون فديوم اليه
حلمج ماغاب عني ولا يوم
ابو زيد
اني انسان محاميه والحمدلله متمكن
جانت عندي الوالد عايشه الله يرحمها العام ماتت وتركتني وحدي
صح مواليدي جبيره ٧٥ بس مامزوج علمود امي
ماردت احد يأذيها
صرت اني الها الابن والاب والاخت
احنه ثلاث اخوه اثنين مزوجين وطالعين
واني الجبير
اخذت امي يمي وعاشت مرتاحه بال وجسد الحد ما الله ذكرها الله يرحمها
وبقيت بدون زواج لان مصادفتني بنت الحلال
وبيوم شفت بتكم المصون هزت كل عرش جسمي وكلبي
عبالك شفت بيها ريحت وطيبت وكرم امي
اني رجل طبعي فقير واليدلل امه اكيد يدلل زوجته
واليوم شفتها فرصه
واخطب بتكم الي وبرضاكم تكمل فرحتي
باوعت ع زيد وبابا واني مصدومه من طلبه لا والنوب صابر عليه سنتين
شي مستحيل
محد رد ع كلام الاستاذ بالموافقه
اني اعتذر يمكن طلبي ازعجكم ويمكن مو في وقته اجه اصور اسرعت حيل تسمحولي اترخص
شفته كام وصل للباب راد يفتحها
صحت استاذ انتظر
اني موافقه عليك بس بشرط
التفت عليه ونظره عينه بيها استغراب وسؤال
اي اتفضلي
اسمك اتغيره
شنووووو....؟؟؟؟
اسمي ليش اغيره
شلون اغير اسمي تعرفين هالشي صعب اوراق وامور
لا اقصد معايه اتغيره ميكون محمد لان تعرف طليقي جان اسمه محمد
واني اتعقدت من هالاسم حشا اسم الرسول صلوات الله عليه
محمد ..ههههههههه
صار غيري اسمي باليعجبج شنو تردين اني حاضر بس اهم شي انتي اتكونين موافقه بيه وراضيه من كل كلبج
من بعد اذنك بابا واذنك زيد
اني موافقه ع الاستاذ
الاب ...ان شالله حبيبتي ترتاحين وتزوجين رجل يصونج ويحترمج ويقدرج
راح باس راح ابويه وبوس زيد باس يد امي
امي متعرف اتهلهل بس كالت اشويه ككللووشش ضحكنه لان عبالك صوت الهلهوله مال واحد منشول وديغرغر مي بحلكه هههههههه
فعلا اغرب موقف مريت بي ابكل عمري وحياتي
وبعد يومين طلع بابا من المستشفى
واجه الاستاذ علينه وجاب المومن كطعلنه مهر سيد
كعدنه اني وياه بالحديقه
اسمع ياولد
شو ولد
اي الحد ما الكالك اسم غير
اي كولي
شنو رأيك بأسم كذا وكذا وكذا
لا لا نور اشبيج كلها اسماء مال اصغار احسهن
اريد اسم احس بي رجوله مو كيكي
اااااااي لكيته
يا الله شنوه
اسم عمار حيل حلو
اي فعلا حلو عمار بي رجوله
يعني هسه اني اسمي عمار
اي عمار
بس يرادلي وكت حتى اتعود عليه
اخذ كل الوكت الك روح للببت وظل صيح عمار الحد ما تتعود
خوش فكره ست نور 😄😄😄
دخلنه جوه كان زيد موصي ع عشه سفري للبيت
اخبار حلوه
اي كولي نور فرحينه
الاستاذ صار اسمه عمار
الكل اصيحله عمار
شما ...عالخير عليك الاسم الجديد استاذ عمار
خير اليصيبج ورده
زيد ...والله عمار احلى من اسمك الحقيقي
ههههههه شكرا الكم
اتعشينه وصارت الساعه ٩ بالليل
عمار اني اترخص باجر عندي روحه للمحكمه
وان شالله بعد باجر نكطع مهر محكمه
طلع عمار بس اول مره احس اخذ كلبي مني
يمكن بديت احب الاستاذ
رحنه كطعنه مهر بالمحكمه وكان مهري
قران وحج بيت الله
اني حيل افرحت لان حزور بيت الله الحرام وشبع منه
مكنت ناويه اسوي شي مجرد يجي ياخذني البيته
بس عمار اصر نسوي حفله عرس بالقاعه
حاولت الغيها بس هو عاجبه ومصر ع الحفله
عمار شنو العجبك بيه واصريت اله اني
وانت رجل ممزوج سابقا
انتي جميله بكل معاني الحياه
طيبه خلوقه مسامحه حنينه
الواحد شيريد بعد
اني ربحان بيج لان لكيتج وعرفتج
واشكر الصدفه الجمعتني بيج
قد يكون اللقاء قدرا ، والصداقة إختيار ، أما البقاء في القلوب فهو لمن هم أكثرهم صدقا ، فالقلوب الصادقة تثمر حبا وتبقي نابضه لا تعرف سوى الوفاء
اشكرك كلامك حلووو يسعدني من اسمعه
اني الاشكرج لان انطيتين حياه حلوه ابوجودج
حددنه موعد للعرس وخابرنه وعزمنه كل معارفنه
اترددت اعزم رشا
بس سويت تحدي النفسي شكد عذبوني وهانوني
اريد اشوفهم كرم ربي عليه
اليصبر ينول ...والحمدلله صبرت ونلت
اجمل واطيب واحن رجل بالكون
اليوم موعد عرسي واني هسه بالصالون مع امي نسوان اخوتي اثنينهم شما و دالي
الكل طلع كيكه احلى حتى من العسل
اجه زيد علينه بالسياره العاليه
طلعنه وصعدنه كلنه سوه
شنووووو هاي يمعودات
منو بيكم العروسه اشو كلكم حلوووووين
😂😂😂😂
خاف عمار يغلط وياخذ وحده منكم لا تطلعون كدامه
ولج شما دير بالج تطلعين
اي اطلع واني اجلب بياخته 🤣🤣🤣
ولج اكص راسج
لاحبيبي ما ابدلك بكنوز الدنيا احبك زيووووودي ابو بيتي وجهالي ❤❤❤
وصلنه للبيت انتظرنه نص ساعه وجتي الزفافه
دخل عمار وجماعته يزفوه
بالعشر دقايق
وبعدها اتحركنه للقاعه كانت جدا راقيه وحلوه
عزفونه سنفونيه وركصنه اسلوه
وبع
ها اشتفل الدي جي وبده الكل يركص وفرحان
كنت كاعده عالاريكه
جوي بنات عمي نزلوني وركصت وياهم
وجتي رشا ركصت ويايه
وباركتلي
اكو اكثير من الاقارب قدمتلي الهدايا
وكانت حلوه
وبعد حدود اربع ساعات من الركص والغنه كملت الحفله والكل بده يطلع
اخذني عمار وصعدنه سيارتنه
وصلنه بيتنه
فتح الباب وكلي ادخلي ياشمعه بيتي
دخلت
وتوجهنه الغرفه النوم
كانت اكثر من روعه
غرفه كهربائيه تشتغل كلها عالرمونت
حتى الثريا شغلها عمار
اطلع موسيقى خلاها لا الهدوء
عمار ...عسى الفرح في دنيتك كل العمر، وعسى الحزن بعيد يا أجمل عروس، اللهم بارك لهما، وبارك عليهما، واجمع بيننا في خير. نوقد الشموع، وننثر الزهور، وتدق الدفوف، احتفالاً بزفافكِ يا أغلى عروس.
نور ...شعور كله حب، وحنان أهديه لأغلى، وأعز إنسان ربي يبارك لمتنه وجمعتنه ويرزقنه بذريه حلوه مثل ضحكتنه
نور ......عمار ..عندي الك خبر يمكن يصدمك محجيت بي لان كنت خجلانه منه
بس اليوم لازم تعرفه حتى انعيش ابكل حب وسعاده
كولي حبي اسمعج
عمار اني صح مزوجه كنت عشر اسنين
بس كنت زوجه عالورق فقط
شلون يعني مفهمت
يعني اني خلال هالسنين كلها مكنت زوجه فعليه الطليقي
اني لحد هاي الحظه ..........اوووو
اني باكر عمار
يعني بنت بنوت
متقربلي ولا شي
اشتحجين انتي
اي عمار مثل ما اسمعت اني باكر
تعاي حبي خلي نعيش يومنه لعد ابكل حب وعشك وهيام
سحبني اله صرت ابقرب صدره
باسني من راسي
اني احبج
باسني من خدي
اني اعشقج
نزل ع ركبتي
اني هابم بيج
نزل ع صدري
اني ميت بيج يانوركلبي
حضنته من ركبته ...هو شالني ومشه بيه للسرير
كعدني فتح سحابتي ونزل البدله عني
وبدت حركات تتجرء وتكون جسره
اني متت خجل لان معايشه هالشي
وبعدها صار الي يصير مع كل اثنين مزوجين
كان شعور حلو اول مره احس بهالشعور
وصرت زوجه العمار قلبا وقالبا
مبروك ياعمري
مبروك علينه اثنينه
حبي اني متت جوع تعالي نتعشه
ما اشتهي
لاكلبي شنو متشتهين من اشوكت اكلتي
من الصبح عالفه باقيه
تعالي كلبي تعاي
كمت عندي الم بسيط
ها حبي متوجعه
اي شويه
تعالي اكعدي اهنا
يأشرلي ع زره
رحت وكعدت ع رجله
وحر شعري اشويه وبده يبوس
هاي شنو
اي خلي ابدي بيج بالاول وبعدين اكل
اكلنه وما قبل امد يدي اني كله هو يوكلني بيده ....لو يخليها بين شفايفه ويكلي اخذيها
اضحك واخذها واني فرحانه
اتمنى هالشعور بالسعاده مينتهي
كمنه ورجعنه للفراش وهم سحبني اله وضمني الصدره بس اني الي بسته بالاول
من ركبته وشتميت عطره وغركت بي
كانت ليله ولا الف ليله وليله
لصبح واحنه كاعدين نسولف ونتحاضن وووووووو............
ندك جرص الباب 🔔🔔🔔
كام عمار طلعوا اهلي زيد وماما جايبين صينيه من حب كلبك وشتهى
مخليناهم يطلعون اله اكلوا ويانه
بعد ما مشو اهلي فتت للغرفه لبست سيت وردي وطلعت
عمار ...هاي شنو حبي هيج اني ما اتحمل
يعني لازم اكوم واكلج
واذا تبقين هيج حتى لدوام ما اروح بعد
🤣🤣🤣
يستاهل حبيبي كلشي اسويله وقدمله شعندي غير عمار اني فديته وفديت كلبه الحلوووووو😘😘😘
تعالي شالني ورحنه العالمنه
خله راسه بنص صدري
نور المايشم ريحه حبيبه يموت مخنوك
هههههه 😊😊😊 مجنون عمار
مجنون بيج ياكلبي انتي
احبج نور ❤❤❤
اني هم احبك ❤❤❤
واسبوع ما طلعنه اثنينه من البيت حتى تلفوناتنه مغلقه
اليوم السبعه سويتها ابيتي وعزمت ناسي واحبابي
حبيب كلبي مقصر والله العظيم جابلي سبع بدلات كل وحده شكل ولون
حتى من التبديل تعبت
ماما سألتني
اي ماما اني هسه مره صرت اله
احمدالله ماصرت الطليقي وصرت الحبيبي عمار مره قلبا وقالبا
الحمدلله بنتي ...حبيبتي حافظي ع بيتج ورجلج هزوله همه عزوتج بالدنيا
ابد لتفرطين بيهم
نور ...افرط رمان ولا افرط بحبيبي 😂😂😂😂😂😂😂😂😂😂😂😂
عاشر يوم من زواجنه سافرنه للعمره
لان هذا كان وعد عمار الي بعد الزواج نسافر ونعمر
بقينه ١٥ يوم
جبت شغلات الاهلي من مكه
حتى تمر من بستان السيده فاطمه الزهراء بنت الرسول جبت
(سلام الله عليها)
نعكد بالحضره نصلي وندعي نبقه للفجر المنظر اكثر من روعه
وريحه الكعبه مايعلا عليها ريحه
افييييييييييش ياريحه بيت الله
ورجعنه البغداد واول وصولنه البيت اهلي
الذبايح اتوزعت عالجوارين وكم يوم بدت الكرايب تعزمنه
اخوت عمار اثنين اكبر منه واصغر منه مزوجين
عزمونه ابيتهم
عمر عزمنه عمتي رجاء عزمتنه
اهلي اخر الناس عزمونه لان يادوب لحكنه لان حتى صديقاتي عزمونه واصدقاء عمار
شما...نور يمكن انتي حامل
🤔🤔🤔 شلون
شنو اشلون حالج حال البنات شكلج شاحب ومحبتج للحوامض هواي شفتي حالج كم نوميه اكلتي هاي رابع وحده بيدج
بس ماعندي اعراض
مو شرط يمكن ماعندج وحام
اني حجيت هيج لو معدتي كالت اصبري
وبده لعبان النفس و🤮🤮🤮
عمار اتخبل من شاف حالتي
عالسريع اخذني لدكتوره
تحاليل وسونار
وفعلا طلعت حامل صار شهر ونص
طرت من الفرحه حتى بلا شعور كمت اصيح بالعياده واكمز
د...ماما اشبيج انتي حامل شلون اتكمزين
نسيت نسيت دكتور
لاماما لازم تنتبهين ع حالج هيج خطر عالجنين
اي صار دكتوره
طلعت اضحك 😍😍😍 وفرحانه اركضت ع عمار حضنته كدام الناس
حبيبي اني حامل ياعمري
عمار مصدك الخبر فات عالدكتوره يركض
العفو دكتوره المراجعه نور عزام فعلا حامل
اي حامل الف مبروك
طلع فرحان اخذني اتعشينه واشتريت هديه الشما لان هي اول وحده اتبشرني بالخبر
واخذت بقلاوه من الخاصكي الاهلي
ورحنالهم
الكل فرح من سمع الخبر والكل كام ينطي اسم
عمار ...😂😂😂 خلي يجي بالاول ونحتار عود بسمه
ومرت الشهور ابساع وحسيت بالولاده
خلال هاي الشهور
احلى حياة عشت
شكد ما اححي واكول عمار رجل بمعنى الكلمه
والله قليل بحقه كل الوصف
مكدرت اجيب طبيعي
عمار سمه الولد ع اسمه والده
وليد
وصار عدنه اول طفل حبيب ماما
خلال هاي الفتره حالي بابا انتكست حيل
اي علاج ياخذه ميفيده
صحته مجاي تتحسن
سيف دز عليه ياخذه للمانيا
بس الدكتور مالته رفض وكال وضعه ميسمح يطع ويسافر
وستمر خطيه ع هالحال اربع شهور
جان متخبل ع وليد كل ما اروح الهم يبقه وليد بحضنه
حتى هو يرضعه الممه بيده
وبيوم جنه ابيتنه وتقريب الساعه ٢ بالليل دك تلفوني
باوعت ماما اني الزمت كلبي
اكيد اكو شي
📞 الووو ماما .....بابا بي شي
📞 اي اخذوه للمستشفى هسه زيد وعمر لان صحته انتهت
📞 انتي وين
📞 بالبيت تعالي اخذيني وخلي نروح للمستشفى صار ساعه من راحوا وما اعرف اي خبر عن ابوج
📞 هسه ماما مسافه الطريق
كعدت عمار
اصحه عمار بابا مو زين وضعه اخذني للبيت ناخذ ماما ونروح للمستشفى
كام عالسريع بدلنه واخذت وليد وطلعنه
وصلنه للبيت انطيت وليد الشما واخذت امي ونطلقنه
وصلنه للميتشفى الطريق كله ادك ع زيد مايرد علينه منعرف شكوووو
وصلنه شفت عمر واكف يم الباب ويبجي
ركصنه عليه
عمار ..خير عمر ليش تبجي
نور ...عمر بابا اشبي
ميحجي
ركضنه للغرفه شفنه الغطه ع وجهه
اني اصرخت
لا لا ....لا بابا مو هسه بابا لتعوفني اترجاك بابا كوم سمعني صوتك 😭😭😭😭😭😭😭😭😭😭😭😭
امي انهارت وكعت عالسديه اتعيط وتبجي
هذا المنه خايف جنت اكلكم
اجه الموت الكدر يبعدني عنكم
ابروني الذمه خاما زعلتكم مو
قصدي الله شاهد جنت احبكم
هم بعدكم يترا ذكروني بخير
انا جوه تراب وبالي يمكم
تركتوني ومشيتو مشيه وداع
وراكم صحت بس مااا سمعتكم
تعالوا اليله وحشه لااا تروحون
وحق العشره ماشبعان منكم
مامرتاح احسكم جااااي تبجون
منو المن بعدي كلكم محد الكم
بذراعي وجع بس مو وجع موت
مضت مده علي ماااانومتكم
بيكم جيه بعد تره شتاكيت
لكن مااريد اشلع كلبكم
نور ..اشم بالثياب وكلبي مهموم بس الصور ضلت والهدوم مابيك رده اليوم
احب ذيج الايام من جنه ع حضنه نكعد ونام ينور البيت بوجودك وبطلتك هيبه جنه نتحزم احزام
لاتغيب يبو ضحكه الحلوه
زيد ..كمل كل الاجراءات واخذو بابا هو وعمر وعمار وكم رجال وياهم يدفنوه بالكرخ
ونصب العزه بالبيت وارواحنه كانت مخطوفه منه
سيف اجه وحده بدون عائلته وما حجيلكم شلون وضع امي
لان الكل يعرف الفاقد عزيز يحس بالذله واليتم
........
رشا ....هاي شنو نور منو ميت الها
رأفت هاي صديقتي رشا ناشره بوستر عزاء
اي خابريها شوفي منو ميت الها
اي راح اتصل
مغلق تلفونها حاولت اكثر من مره
دخلي ع صفحتها وشوفي
اي هم صح نسيت والله
دخلت ع صفحه نور ناشره تعزيه دخلت قريت الافته
لا لا 😭😭😭😱😱😱 رأفت هذا ابوها ميت
حبيبتي هسه اصار بيها سوده عليه نور
رأفت عليك الله اخذني الها فدوه رحتلك
اخلي رفل يم اهلي ونروحلهم
كومي يله
لبست اسود وطلعنه رحت يم اهلي
يوم خلي رفل يمج اني رايحه الفاتحه صديقتي ابوها مات
ريا منو صديقتج
نور ابوها مات
صدك تحجين
اي والله
لعد اوكفي خلي اجي وياج هاي هم صديقتي
لا ريا عذريني متجين ويايه اتريدين انتي روحي الحالج
ليش رشا شكو قابل واذا رحت وياج
كتلج ما اريد تجين ويايه
يله رأفت خل نمشي
انتي ليش مقبلتي تجي اختج ويانه
رأفت عوفك منها ريا انسانه حقيره لشوفها كامت تبجي هسه عليها
ياما سمعت نور كلام عن اهلها
وصلنه دخلت وسلمت سألت ابنيه وين الكه نور
وصلتني الها جانت كاعده تبجي
كعدت يمها هي مشافتني ولا انتبهت عليه
سلمت عليها
البقه بحياتج
حياتج الباقيه بدون مترفع عينها وتعرف منو الحجه وياها
الزمت يدها ودزت وجها عليه
نور كوني قويه
انتبهت عليه وجان اتعيط بصوت عالي
رشاااااااااا ابويه عافني رشااااا😭😭😭
وحظنتني
وجان توكع نور بحضني
ركضو عليها شالوها بس مصحت حيل بقت مدهوره
اجه رجلها واخذها هي وبنيه للمسنشفى
ساعه ورجعوا
هااا نور خيرج
شما ...نور حامل صدك لو كالوا ياخذ واحد ويخلق الف واحد
رشا حضنتها وكامت تبجي مو وكته رشا ماعندي قابليه لطفل
لاحبي لتكولين هيج حرام هذا رزق ربج
ونعم بالله
ريا ...هاي مات ابوها والمسعد الجديد راح يورث كلشي
ماكدرتي تصبرين عليها
راسج والف سيف ازوجين ابنج
صبرتي عشر اسنين ما فتحتي حلكج
من طاب كبل زوجتي
جان هسه احنه المستفادين هاي الفلوس الحلوه حتروح للجديد
واحنه الي تحملناها هالسنين كلها ضاعت من يدنه دجاجه بياضه ذهب
شكول وشدعي عليج يايمه
رشا ...شنو انتي من بشر متخافين الله
لايضربج بشي
ابنيه بدل ما تحتضنيها وتواسيها
متندمه لان عافتكم وشافت حالها
تردين بس ورثها
حشه لله يعرف شنو اوادمه عدل خله البنيه اسنين يمنه بس من صارت ملاكه شالها ونطالها الناس تستحقها
محمد ..ليش طالع صوتج رشا
طبعا يطلع ع اختك الظالمه
انجبي لج شنو ظالمه قابل اني موتت ابوها شو انتي متعرفين تحجين
غير افتهم منو المات ويبطلن مجادل
ريا ...يمعود ابو نور مات كتلهم لو ما مستعجلين بطلاكم جان احنه المستفادين من ورثها ليش راح للغريب
محمد....كافي ريا عيب هالكلام
واني قابل اشكلت كفرت لو سبيت العنب الاسود كل همي انت تستفاد من خيرهم ليش يروح للغريب
كافي
رشا ..عفتهم ورجعت البيتي
ضليت اتواصل مع نور خطيه جان حالتها حيل صعبه وتقهر
صار ع وفاة بابا شهرين بس مكدرت
صحتي مو حيل زينه
حاسه بضعف وخمول وكسل قرر عمار ياخذني لدكتوره جانت بالمنصور
رحنه وكالت عندي فقر دم انطتني مقويات وفيتامينات
وضع الجنين ممتاز ..شهرين ورجعلها
عمار انسان روعه شكد شفت ناس بس مثل اخلاقه واحترامه ما شفت
عايشه وياه بنفس البيت بس عازله فراشه عن افراشي لان حالتي النفسيه متسمحلي اسوي شي كارها كلشي بالدنيا من بعد ما افقدت بابا صغرت الدنيا بعيوني
امي سمعت كلامي ومقبلت عليه
ماما حرام هذا زوجج احق بيج
الملائكه اضل تنعل بيج
ابوج اخذ حقه من الدنيا وراح
خطيه تعبه المرض
لازم انتي هم تاخذين حقج وتنطين الزوجج حقه حرام بنتي الله يحاسبج ع ليله وحده
مو عاد صارلج شهرين لا ماما كافي حتى الاسود ذبي
ابنج صغير يخاف وانتي حامل ميصلح عليكم
نور ..رجعت للبيت واني افكر بكلام امي
بس شلون اكدر وبابا صار ع وفاته بس شهرين
اشبيج حبي شو اليوم مو ع بعضج بس تصفنين من رجعتي من اهلح لحد الان
عمار اني اعتذر منك
ع شنو باكلبي تعتذرين
لان هاملتك وعازله فراشك
لاحبي لتفكرين هيج اني عاذرج ومقدر وضعج
كمت حضنته وبسته وبجيت ع صدره
ومرت الايام والشهور
دخلت بالشهر الخامس من احبالتي
رحنه لدكتوره سوتلي فحص ونبض الطفل
الحمدلله تمام
وطلع الجنين بنوته
عمار ..راح اسميها هبه
لان هي هبه من الله النه منو جان يصدك اني بهذا العمر بعد اكدر اخلف
نور ...الحمدلله الف مره اني هم كنت مأيسه من وضعي لان عمري جبير ٣٨ سنه مو بسيط هالعمر يخلف ويحبل
موبعيده عن ربج نور الله رزقنه من اوسع ابوابه
الحمدلله حبيبي
يله حبي خلي نروح نتعشه
اريد امر للمول اشتري شغلات وملابس الي والوليد
رحنه للمول افترينه ع كم محل للملابس
وليد كان بالعربانه ابوه يدفع بيه
واني واكفه عجبتني صدريه للحوامل
عمار هاي مو حلوه
لا ام الوردي احلى
والله البيجي احلى عمار
وسمعنه وليد صرخ وكام يبجي
باوعنه طارت النفاخه منه واكو واحد ركض عليها لزمها وجابها
باوعتله وفتحت عيني ع وسعهن 👁👁
هذا اشجابه اهنا
عمار ..بيج شي نور
اي هااااا لا لا
شنو اي وشنو لا
عمار تعرف منو هذا الي جاب النفاخه الوليد
لا منوه
هذا طليقي
ويعني حتى لو كان طليقج اكو شي
عادي حاله من حال هالناس الموجوده بالمول
لتباوعين عليه اتركي
لا بس استغربت اشجابه
عادي حبي خوما المول النه عادي جاي يفتر بي
يله لتهتمين الامره خلي نشتري الفستان
اخذت الفستان الوردي لان عمار حبه
ورحنه كعدنه نطلب اكل
وصار مقابيلي فرق طاولتين محمد
كل ما ارفع عيني اشوفه يباوع عليه
طلعنه من المول ورجعنه البيتنه
نومت وليد
رحت بدلت ولبست سيت حلو
رحت العمار
حبيبي اني بردانه وخايفه اكدر اخذك للغرفه اتنام يمي
عمار..😂😂😂 صايره لوتيه مرتي الحلوه
اي ليش لا اروح وياها وحميها ونومها ع صدري وغطيها بجسمي
سحبت ايده ولزمته من خصره وهو هم لزمني من خصري
وفتنه للغرفه طفينه الاضويه
هاي شنو اليوم كلها فعاليات مرتي
اي حبيبي لان عموري يستاهل
يعني حبيبتي تسمحلي اجر الخيط لو لا
اي اسمحلك ومسلمتك كل جسمها
وغركنه بعالمنه
وركضت بينه الشهور ركض اليوم موعد عمليتي
رحت للمستشفى العصر جبت هبه روح كلبي وثاني يوم طلعت من المستشفى
رحت البيتي لان اخاف ابقه ابيت اهلي علمود جهال زيد وابني يتعاركون هواي
جتي امي يمي ظلت عشرين يوم ورجعت البيتها
ويوميه زيد يجي علينه ومرتين جتي شما
زارني عمر هو وعبير مره وحده
عمار طاير بهبه طيران
بيوم جنت انوم الجهال وراسلني رقم غريب
شكيت بي هذا رقم طليقي
لان اذكر نهايت رقمه 333
دازلي مسج غرام وحب
آنا اللي تمنيت ابوسك ..
وآنا اللي تمنيت اشمك ..
وآنا اللي تمنيت احط راسي اعلى صدرك
بلكي خدي يزيح همك ..
ناري ما تطفى ولا نارك طفت
وعيني قبلك تبجي اذا عينك بجت ..
اليمتى يا حبيب تظل من ايدي تطشر وألمك .. كون يمك ، وأكون يمك ..
اليوم قلبي لبابكم بالليل اخذني ..
واسمع اهلك كلها ملتمين يمك انت يطارف لساني ..
ولا أقدر اصيحك واهلك براحتهم يصيحون باسمك
والله لو تعرف بحالي قلبك اعلى الباب يركض قبل جدمك أذكر ايام اسألتني من يحب محبوبه اكثر ومن اقلك آنا اكثر ..
تنقهر ويفور دمك اذكر أيام على بابي جيتني محمل هموم .. ومن شفتني تبسمت ..
وانزاح همك وهسة جيتك هسة جيتك من دموعي دخيل يمك اليوم روحي تعاندت وياي وتريدك حبيبي ..
بيا طريق اوصل الك وشلون افهمك ..
بيا طريق اوصل الك واشلون افهمك
.😭😭
من هالكلام اتاكدت هذا محمد
بس شكد حقير ونذل فعلا ميستحي شلون يدزلي هالكلام هذا وهو يعرف اني بعد صرت ملك غيره
فعلا فاقد الشيء لا يعطي
وهو فاقد الاخلاق واكيد ميكدر ينطيها
مسحتها كلها
منين جاب هالجبان رقمي بس رشا انطته اله معقوله بس لا
رشا صار اسنين صديقتي ومنطت رقمي لحد
منين جان رقمي هالجبان
ثاني يوم راسلت رشا وحلفت مامطيه رقمي البشر بس مكتلها اخوج راسلني
مره ثانيه هم دزلي بس هالمره شوفتها العمار الرساله شكاتبلي
ها شلونك بعدني احبج #وانتي
اني زينه .. عـال العـال #صحتي
شبيك ساكت العفو باكتني #صفنتي
نفس ضايع رحت جبته خوما #زعلتي
شكو ماكو سهرانه لو توج #كعدتي
لا حبيب ياه حبيبج اظن #كلتي
اي حبيبي وزوجي ?!خابرني مشتاق #لضحكتي
اخ اويلي حسبالي اني اللي #قصدتي
اخ اويلي كمت اصدگها #لجذبتي
صدك واني مو حبيبج وانتي #مرتي
مو عشيقج مو ابـوج وجنتي #بنتي
يلا عادي..روحي ضاعت وي #قسمتي
خاف اموتن.تره ميت عليج #انتي
.. ولو بجيتي .. اگومن من كبري وألم #فاتحتي
.. يلا روحي .. اخريتج يا #شهگتي
اي اروحن .. اخرتني وضاع #وقتي
عود اشوفك..كاشخ بيوم #زفتي
هو كاشخ ثوبي ابيض #يافرحتي.
خذاج مني وانتي عني رحلتي
عمار ..هذا خسيس هذوله كلهم عائله رذيله مع الاسف حظري ابد لتردين عليه
واذا ضايقج اكثر غيري رقمج
اي حبيبي اغير رقمي افضل
ع راحتج عمري وله اكلج خلي خل انشوف شرايد منج بالضبط
مع بدايه شهر السابع طهرنه وليد وسوينه حفله جدا حلوه وذبحه لوجه الله تعالى اربع خرفان
وجبنه ملالي ودك وركص
كانت اكثر من روعه الحفله
جنت تعبانه حيل بس اريد انام بس ما اعرف ليش طايره نومه اعيوني يمكن من كثره التعب
لبست السيت الابيض ومددت عالجربايه
دك تلفوني رساله من ريا
استغربت هاي شتريد بهيج وقت ادك عليه لا وين جانت كل هاي الفتره وهسه اذكرتني
طبعا عرفتها ريا
لان هي اول كلامها بالرساله كاتبه اني ريا وياريت اجاوبيني
كمت ورحت العمار جان كاعد بالمكتب عنده قضيه
حبيبي
هاااا ياعمري هاي بعدج كاعده
اي حبيبي مجاني نوم
شو تعالي
رحتله افتريت عن المكتب
صارت اكباله
كعدني ع رجله وشتم شعري ودحس خشمه يم اذني
الله شنو هالعطر هذا ياملاكي
ونزل ع صدري فتح خيط الروب بحلكه
وشتم عطري وبده ببوس اااااخ يانوره عذبتي كلبي
كام وشالني رومني عالقنفه الموجوده بالغرفه
وبده يرفع السيت ومد يده ع رجلي وزري وبطني
اني اغركت بعد بي
ونسيت ع شنو اجيتله مفتحت حلكي بعد لان ذبت وسكرت وياه بدون كاسنه
نور اني احبج
واني اعشقك
اني اموت بيج
واني اسكر بيك
ااااخ نوره كلبي ميتحمل بعد
ورحنه العالمنه
ورجع راسلني محمد ويطلب مني ارجعله وانسى كل الماضي وعود راح يعوضني وبدللني
ميعرف ذيل الجلب ماينعدل ابد
وعباله اني بعدني هذيج نور الفطيره
لو راح اعوف حبيب حياتي وزوجي وابو بيتي
شكد شفت ناس حقيره وخسيسه بس مثل محمد وريا ما شفت ولا راح اشوف في عمري
مع الاسف التقيت بيهم وعاشرتهم وكنت زوجه وجنه البيتهم
دزيت رساله لمحمد رزلته بيها رزاله ناشفه
وبعدها حظرته
وغيرت رقمي اخذت جديد وهالمره منطيته حتى الرشا
لان بعد كافي اني بس حبيت اعرف هالجبان راح يستمر ابحياته او لا وعرفت هو انسان جبان مو ابو مسؤليه وحرامات بنات العالم تنكسر بيده
الله يبعد عن كل ابنيه من هاي النماذج التعبانه
وبعد ما كمنه
عمار قبل ساعه دكت عليه ريا بس مجاوبتها
لجاوبيها هاي انسانه نكسه ومريضه
مثل اخوها شفتي شكد جان يراسلج ميستحي لحد ما حظرتي يلا ارتاحيتي
هاي هم حظريها ورتاحي
اي راح احضرها متستاهل اجاوبها هالحقيره
هاي قصتي حجيتها الكم بالتفصيل
محمد خسر كلشي بحياته لان انسان طماع واستغلالي وميعرف يصرف
ياسر محد يعرب وين ادروبه
رنا خسرت نفسها
رشا صار عدها ٣ اطفال بنات
كاعده اكتب مذكراتي في دفتري وصاحني عمار
.......
سنفورتي وينج
تعال حبي اني بالغرفه انوم هبه
تدري اني اعشق كلمه سنفورتي ابحلكك من اتكولها
اعشق اختلاف طولي وطولك
لان من تحضني اذني توصل الكلبك وسمع دكات كلبك المجنونه اتنادي بسمي
نواره ههههه❤❤❤❤
اني احبج يانور مو لان انتي زوجتي او ام جهالي لا والله
احبج لان شفت بيج كلب والدتي الله يرحمها
اووووف لو عايشه هسه وتشوف احفادها
اله اطير بالسمه حتى مرضها يزول
الله يرحمها بس فعلا انت شعجب مزوجت وهي عايشه حتى زوجتك اداري امك
حبي الناس مو سواسيه منو يكول الي ازوجها في ذاك الوقت راح اتخاف الله بأمي
يمكن جان تعبتها اكثر
امي كانت انسانه عاجزه عن الحركه تماما بس حلكها يشتغل وعيونها
اني كنت جسمها اشيلها اغسللها اوكلها كلشي اني
حتى اخوتي مخليت احد يهتم بيها غيري
زوجتهن اثنينهم وطلعتهم ببيوتهم
وبقيت اني الوحدي اداري امي
ولو الله ماد ابعمرها بعد
هم اظل بدون زواج وظل ارعاها عمري كله
بس حبيبي تره الدنيا بعدها بخير
صح كلامج بس مو كلها تتحمل يمكن لو انتي شايفج بهذاك الوقت يمكن تتحملين بس غيرج لا متتحملها اسبوع
ف ماردت اجيبلها الي اتعبها اكثر
صرت اني ابنها ورجلها واخوها وراعيها
ربي يوفقك بحياتك ياعمري اكيد هذا مسجل في ميزان حسناتك
ماريد ياعمري يسجل لان هي امي واجبي اخدمها ورعاها ...وهم ارعاج لحد ما اتعجزين وتصيرين كركمه وتمشين بعكازه وتكليلي
عمممممممممار يحجي ويكسر صوته مثل صوت الشايب الكبير بالعمر
اريد منك اكلاص مي
عاد اني اكوم اعدل نظاراتي والزم عكازتي وسحل بروحي عالمي وجيبه وخلي كدامج
وانتي جاي تشربين المي ويوكع تخم اسنانج ابنص الكلاص
اوووووع 🤮🤮🤮🤮🤮شنو هاي عمار شهلعبان النفس
اكو واحد تلعب نفسه من نفسه
اي غير انت اتكول اسناني توكع بكلاص المي
وهم ترجعين تشربي
لا عليك الله كافي لعبت روحي 🤮🤮🤮🤮🤮بعد ما اشرب مي
مو اتموتين عطش
خل اموت عطش ولا اشرب واشوف اسناني
اسم الله عليج يا ام جهالي ...يومي قبل يومج
وره يومين سافرنه كلنه الالمانيا لان سيف دزلنه دعوه
نبقه شهر ونرجع
كانت بلده روعه روعه روعه اتونسنه بيها حيل افترينه وطلعنه الكل الاماكن الحلوه واخذنه صور تذكاريه كثير
سيف ..من هسه عمار بنتك محجوزه لبني ادلر
زيد ..ماطول صار هيج الحجي لعد وبنتك امنه لبني يزن
سيف ..شنو هذا ابنك الفطر
زيد ..لا خطيه ابنج النجر ع اساس
وصار الضحك بحضور الجميع مع المه الحلوه
.............🌹🌹🌹🌹🌹🌹.............
لهنا تنتهي حكايتي وياكم واتمنا نالت رضاكم وستحسانكم
ويارب الموفقيه لكل بنت مرت بتجربه قاسيه
احب انصحها ابد لتفقدين الامل بالله عزه وجل
لان الله ميعوف انسان مكسور يمهله فتره من العمر ويفرجها عليه
ابد لتيأسين حاولي انت تبنين نفسج بنفسج لتعتمدين ع احد محد ينفعج غير قوتج وتحديج لظروف
كافحي من اجل هدفج كوني عائله الج مستقله عن الجميع
لتكونين محطه استراحه ابد ويضيع عمرج ومتلحكين عليه
كوني اقوى من زمانج كوني مصره ع طلبج
حققي حلمج وستمري بالعطاء
انتي قويه انت هي المجتمع كله بدونج الحياة مدوم
مالها طعم
انت الام والاخت والحبيبه والصديقه
انتي كنز واعجوبه من كنوز وعجائب الدنيا السبع
ابد لتجعلين من روحج وشخصيتج ضحكه او لعبه لرجل
ابد لتخسرين اهلج لرجل
ابد لتكسرين حلمج لرجل
كوني انت فقط
هاي كانت قصتي وياكم احبابي شكد نسمع مظاليم بالسجون
خارج السجن اكو اكثر ظلم للمرءه وللطفل
ضاعت حقوقنه
صرنه نسمع اكثير من الحوادث المخيفه
ع رجل حرك زوجته او عذب زوجته او قتل زوجته
لا لتسمحين لاي شخص يمسج
اكو قانون التجئي اله هو ياخذلج حقج من كل شخص اذاج
اتمنى من الله عزه وجل قد اتمكنت من وصول صوت نور لجميع البنات والنساء
طاب يومكم بالحب والحنان والعشك
صديقتكم دوم مو يوم
الكاتبه انين الرووح احبكم 😘😘😘