مساء الخير
تعويض عن اليومين 🙈🙈
والخواطر والاشعار كلها بقلمي حوار القلوب اقصد 🙈🙈
البارت 15
شيخ وأصفن شيوخ وصفنت بيها
رجف كلبي الجلد من نظرة عنيها
تدور وتصد ليغاد من اصد ليها
ماتدري كل اعضاي تعاين عليها......
الكاتبة التميمية...... altmeme313
وكف بنهاية الدرج وشافها هيج كلبه دك حيل وهو يشوفها كباله وصارت حلاله..وشاف صدرها المبين من الفستان..عقد حواجبه...وماحست غير هي مسحوبة من ايدها وشافت نفسها بوسط غرفته....
نور بشويه عصبية:هاي شلابسة..بس لا شافوج واحد من الولد هيج والله لجيب آخرتج
نورسين فهت بوجهه:لاااء ابد مشافني احد..وسكتت وهي تباوع بعيونه الهامت بيهن وهو اقترب عليها شوي...
نور حط اصبعه بخدها وتحسسه:حلو عليج هذا اللون..وهمس الها..نزعي لا يشوفونج الولد ترا اشككه عليج...وخر عنها ودار وجهه...ونزع شماغه حطاه عليها وكلها تستري وروحي طلعي....
ونورسين وجهها شعل نار من العشك الي داخلها اول مرة نور يصير لطيف وياها وميصيح عليها ويتغزل بيها...عضت شفتها اله......
وهمست لنفسها...شنو هالتغير اويلي اليوم نور لطيف وياي شصاير..يالهي احبه بكل ذرة بيه...اححححبكككك نور قلبي انته....وهي تلمس خدها الشعل نار بلمسة ايده...
طلعت وتلحفت بشماغه وشمت عطره بي وحضنته حيل..وراحت اتجهت لغرفة البنات وكلت لأيناس صيحي لعمتج شهد....
بغرفة نور..باوع لأيده شلون تلمس خدها ومن سحبها لغرفته..وجهال والبنات والكل موجودين جان ممكن يشوفه احد...راح يظنون شي ثاني...
نزع محبسه وطلع سبحته من جيبه وحطهن عالميز...حس بداخله ابداً مو سعيد بهذا الزواج ليش المفروض يفرح الي حبها صارت حلاله...
مجرد مشاعر بدون رضا..ليهسة ماتقبل فكرة انو هي مابيها شي ولا راضي يتقبلها ويصدكها بعدما شافها بذاك المكان وهي اكثر المواقف بدون قصد ثتبت على نفسها الشافه...
دخل الحمام وسبح ومايريد يفكر بشي طلع وبدل واتجه لسريره وتغطه عالنص وحضن مخدته يريد ينام اندك الباب..وصاح تفضل...
ام كيان اخته الجبيرة اصغر منه بسنتين...
ام كيان:عمري نور تريد تنام..ماكعدت يمنه حتى مكنالك مبروك
نور كعد على حيله:بعد اخوج تعبت من الكعدة من العصر وانه كاعد
ام كيان:يالله براحتك ياخوي..نوم العافية نام وارتاح...وابتسمتله...بعد هل الأسبوع تصير يمك مريه ماعدت بحدك والله فرحتلك من كلبي ياخوي تستاهل كل خير
نور:بعد عيني خيتي..ربي يسلمج من كل شر
ام كيان عيونها دمعت:من زمان خاطري افرح بيك صار سنين انتظر هذا اليوم..ومسحت دموعها..الله يهنيك هواي تعبت بحياتك
نور كام الها: ام كيان تبجين واخوج حي وكبالج..دموعج غالية يا غالية
ام كيان:والله من فرحتي بيك هاي دموع الفرح..ياريت بعد نفرح بمشتاق العنيد مدري ليش معاند ويه الزواج
نور ابتسم:بربج هو بعده يتعارك ويه نواف لتكول رويسية لو ازوج مطول شهر يمه تشرد
ام كيان ضحكت:وينهم ماكو مشتاقتلهم خصوص لنويف وخويلد
نور:راحو لبيت عمي بهاء كلهم
ام كيان:يالله عمري اخوي نام..وابتسمت..واحلم بعروستك هههه تصبح على خير..ابتسملها وكلها اجمعين...وطلعت وسدت الباب...
ورجع لفراشه وحط راسه وراد ينام غمض وحاول وحاول مكدر تجي بأفكاره نورسين بكلشي يفكر بي تجي هي بنص الأفكار...
كعد واخذ جكايرة وظل يدخن..ماعنده شي غير التدخين الي حرك رئته ويأذي صحته لا اكثر لا يحله عقدة ولا يريح باله وكلبه...
وتأخر بالنومة..ويم البنات سهرن لنص الليل واجو بعدين الولد وصار الضحك بفلس نواف حتى عماته الكبار ميتركهن..وهنه يحبن سوالفه وشقاه...
وقبل لتنام نورسين تفاجئت بخالتها دزتلها وكلتلها راح اصعد طيارتي بهيج ساعة واوصل بهيج ساعة حضري نفسج لأستقبالي...
وهي انخبصت تعرف خالتها جاية تاخذها وخالتها عنيدة...وصار يوم ثاني العصر كلش وصلت الخالة ديانا..ونورسين كلت لنواف يجيبها وراحت هي...
نور مقبل تروح وياه كلتله شلون تعرف نواف خلي اروح وياه..وبعد سكوت قبل تروح..وشافتها وحضنتها خالتها وبس تحجي عن شوقها الها....
وخذوها للبيت وهي طول الطريق ترطن الألماني على نورسين وهي تجاوبها بأختصار وتخاف من عصبيتها هي كبرت وخالتها بجانبها...وتحترمها...
(كلام الفصيح بالأنكلش او الألمانية)
ديانا باوعت لنواف من ورى نظاراتها الطبية ورجعتهن وباوعتله عدل...
ديانا تحجي الماني:ايتها الصغيرة المشاغبة ماذا وجدتي في هذا الفتى الطويل والوسيم واحببته فهو يبدو اصغر سنا منكِ
نورسين بالألماني:خالتي هذا ليش الشخص الذي احبه..بل والده..وطلعت اسنانها بأبتسامة توتر...وغمضت عيونها على صيحة خالتها...
ديانا:ماااااااذذااا والده الفتى يبدو في العشرين فكم عمر والده...وشافت نور اجه بطوله..وهم باوعتله من الطول للطول..ومن هذا الرجل
نورسين:هذا والد هذا الفتى امامكِ
ديانا:ايتها الصغيرة المشاغبة هذا يبدو اصغر مني بعدة سنوات فقط..ماذا جرى لعقلك فهو مجرد رجل طويل وسيم..انتي تشبهين والدتكِ لكما نفس الذوق بالرجال..هل ضاجعته حتى تضطرين للزواج به
نورسين:لا لا ..وباوعت لنور..لا خالتي تعرفين بأنني لا اشبه ادريس انا فتاة متحفظة كما تعلمين مثل والدتي
ديانا بعصبية:ماذا تقصدين بأنني عاهرة ضاجعت خمسة رجال
نورسين:ياللهي..لا خالتي لم اقصد..وضحكت.. الا ترين انهم بدئو يشكون بكلامنا سيظنون بأننا نتكلم عليهم بالسوء...وطلعت اسنانها لخالتها ولنواف....
ديانا وكفت كبال نور:يبدو رجلاً وسيم لا اكثر فهو كبير عليكي ايتها المشاغبة..ايها الطويل لماذا منعت صغيرتي من السفر..سآخذها رغما عنك
نور:شترطنون انتي وخالتج
نورسين بأبتسامة جذب:تكول تريد تاخذني
نور عقد حواجبه:لا الأخت واثقة بنفسها..كليلها ماكو روحه لأي مكان انه صرت مرة متزوجة وبتهم ومارجع لهناك
نورسين بجذب وحجت بالألماني:خالتي يقول بأنه معجب بجمالك تبدين جميلة جداً
ديانا:اووووه شكراً وانته لا بأس بك تبدو رجلاً صلباً ولكن مع ذلك سآخذها ولن ادعها تتزوجك
نورسين:هههه تكول انو هي معجبة هواي بطولك وشخصيتك وتكول خلي عينج عليه ودللي ولتعوفينه
نواف فرط ضحك:اكص ايدي اذا هاي حجيها صحيح شوفيها الا شوي تضرب ابوي.....واجو الكل سلمو عالخالة ديانا وهي تبتسم الهم وتسلم ومايفهمونها ولا تفهمهم...
تفهم شوي عربي مو هواي نورسين علمتها..وظلت تحجي وتتكلم ويه نور ونورسين ترجم كله جذب لنور ومتكله خالتها شتكول...
وحتى غلطت ديانا عليه ونورسين اترجم جذب...نور عرف ترجمتها جذب وزمخ بيها كلها عن الجذب واحجي شتكول عدل...
ونورسين كلتله راح اكلك شتكول وبعد ماعليه..وظلت اترجمله عدل وصارت مشاحنة وعصبت الخالة ونور عصبته بأصرارها على اخذها....
والا شوي يتكافشون...نورسين هدت خالتها وطمنتها انو هو رجال طيب ويحبها ومنعها من السفر لأن يحبها..وبالتواسيل مقتنعة تسد الموضوع هسة..وكالت راح اشوف اذا يستاهلج مامنعج تزوجينه....
وطبخت لخالتها اكل غير عن اكلهم لأن خالتها متاكل هذا النوع من الأكل وهي سعيدة بشوفتها تحبها خالتها هواي...
بعد العشا كعدتها نورسين يمهم وترجملهم كلامها..ونورسين توصل كلامها بالعراقي يضحكون على كلامها...
وتمزح وياهم وتكلهم اريد اتزوج رجل عربي مثل اختي ونواف يكلها راح اشوفلج شيخ همين مو تدللين ونورسين اترجملها وهي طكتها ضحكه شكبرها وتكول حبيت هذا الفتى....
نور اجه دخل للصالة وميباوع على خالة نورسين لأنها بلا حجاب وتلبس قصير يعني بس سيقانها طالعة الباقي كله مستور....
سلم وباوع على نورسين وهي باوعتله وجانت تسولف سكتت..ونواف لاحظهم واحد باوع للثاني..نور استأذن وراح لغرفته...
نواف:الشيخ ماكعد يمنه شبي خاف يريدج تجينه نورسين
نورسين ضحكت:وشيسوي بيه
نواف:مو المفروض مخطوبين ولازم تكعدون واحد يم الثاني
نورسين خربت ضحك:ولا اشوف ابوك مال هالسوالف
ام كيان:هههههه ولك نويف ابوك بشبابه ويه امك ماكعد..تعرف ابوك مال سوالف مخطوبين هههههه
مشتاق:ليش مو بشر هو..كومي بابا صيحي لزوجج وعادي غطو شوي حلالج وحلاله هههههاي
نورسين:هههههههه هنوبه هل مرة يكولون نورسين حامل من نور قبل الزواج هههههههه والله يسويها حظي
كيان: غير خالي يطيح حظهم يحجون عليه وعليج..ماعليج من حجيهم يحجون وبس يدورون نفاق ماعليج بيهم مرت خالي..انتي وردة
نورسين:تسلم ياحلو فديت كلامك الحلو..وابتسمت اله...وكيان ابتسم الها...
نواف:خلي يسمعج الشيخ تتغزلين بهذا الأملح الا يطركم طر انتي وياه
نورسين:هههههه وشكلت تغزلت بي
نواف:لا والله بس ناقص تبوسينه
كيان شمر مخده عليه وطاحت بوجهه ومخاد الجلسة ثكال..نواف رجعها عليه وكسر ركبته ويضحكون عليهم...
هو كيان اكبر من نواف عمره 24 سنة لأن امه تزوجت صغيرة هي اصغر من نور عمرها 40 سنة وعدها بعد بنية اكبر من نواف بسنة وثانية اصغر منه بعمر زهراء...
وكعدو يحششون ويضحكون كلهم وياهم كيان بس مؤدب بوجود البنات ميحجي شي هو عاقل وحباب والوحيدين نور يسمح يختلطون بناته بيهم...
لأنهم خوش ولد هو واخوانه فقرة وعاقلين ابوهم رجال معدل ومربيهم احسن تربية..بس من يجتمعون بنواف يحششون وياه بس بحدود...
وهاي كومة بنات كاعدين وحتى عماته كلهن وكل واحد حاطله مجموعة ويحجون والبنات وحدهن كاعدات يسولفن...وباقين للعرس لأن هل الأسبوع...
ام كيان تسمع كلامهم كله تفشيخ خصوص مشتاق اخوها...
ام كيان:شبيكم مو بنات يمكم لا تحجون زايد وناقص..انته مشتاق عود جبيرهم والله محد مخربهم غيرك نواف وخويلد خرابهم منك
مشتاق: انه شعليه قابل ربيتهم شوفي ابوهم يمكن نويف جان وياهم بكل ليلة رومنسية هو وامهم
نورسين ماتت ضحك:ياسخيف كافي تحجي على نور ترا ماقبل على زوجي هااا
نواف:من فدوة ونذر عساني للتدافع عن اسدها..يعني متغارين عليه من الماضي جان يحبها لأمي...وغمز الها...
نورسين:لا ابد جاي تكول ماضي واثقة بنفسي..مستحيل اغار من شخص لا حول ولا قوة وهي الله يرحمها....
كلهم كالو الله يرحمها..وشوي نزل نور مبدل ماخذله حمام ومبدل دشداشته واجه يكعد يم خواته..والخالة ديانا تباوعله بنص عين...
نور:اسمع ضحكم واصل للشارع خيركم مشتاق وسوالفه لو ولدي السفيهين...وباوع لنورسين يشوف شلابسة يم ولد اخته كيان ومرتضى واحد زغير بعده...
اما الباقين ولد خواته كله مزعطة واكبرهم 12 سنة...
نواف لاحظه يباوعلها:آخخخخ يالعشك شوكت يلوحني حتى لو قردة هم قابل المهم حب..وباوع للمخده مالت الجلسة وحضنها..لا لا لتزعلين تبقين حبي الأول وماستغني عنج ومحد ياخذ مكانج عندي....
كلهم ماتو ضحك والخالة ديانا تسأل نورسين شيكول...
نورسين ترجمت الها بالألماني:يقول بأنه لديه قصة غرام مع الوسادة ولن يحب غيرها
ديانا:هههههه لقد احببت هذا الفتى جداً اخبريه انني ايضاً لديه علاقة غرامية مع وسادتي وطبيب اسناني
نورسين ضحكت:نواف خالتي تكول اني همين عندي قصة حب ويه مخدتي هههههه
نواف:الله يهنيها جا غير هي الكبد والعمر والراحة يمها
شهد:بعد كلبي شكله طاكك الجفاف العاطفي وماكو حب لا منا ولا منا شعجب انته خاب الدنيا كلها
نواف:اي والله ياعمتي الحبيبه شسوي لكلبي ولا وحدة دخلته ولا تعجبني اي وحدة من اهلنه وكلهن فطيرات وماعدهن شخصية مثل فد ناس وشيلي ايدج....
(يقصد بدور 😂)
مشتاق:وبت خالك نصر هههههه
نواف:اسكت صاير بيها عقدة مني من اروح بيت جدي بس تشوفني تشرد وامها تكلها شبيج والله ماشوف حتى غبار الوراها..لتكول شايله على جتافي وامشي
وكلهم طاحوو ضحك..بس نور لاء ماضحك ويباوع لنورسين شلون تضحك والولد كاعدين ماعجبته السالفة...
عسل بت ام كيان وهي الي اكبر من نواف:خالو نور احجينه مثل كل مرة تحجينه عن قبل
نور ابتسم:هاي بنيتي عسل حجت شعجب
عسل خجلت:اي خالو احب سويلفاتك عن ايام قبل هم شايف جن بحياتك
كلهم صاحو اي اي سولفنه عن مواقفك قبل...
نور:وهاي لخاطر بنيتي عسل..قبل من جنه كاعدين يم بيت عمي بهاء وجانو يزرعون كلشي بالبستان وجان اكو خنزير يكرم السامع يخرب عثوك النخل(التمر)وجان عمي ينزعج من هالحالة كل ليلة يدخل ويخرب..كامو يحطون اسلاك كهرباء حتى يكتلونه..وينام عمي فوك الياخور..هذا مثل المخزن يسونه من طين بصف البستان يحطون بي المحاصيل الي يجنونها والمناجل والعكفات مال النخل..مرة نص الليل سمعت صوت طلقة وهوسة طلعت واخذت فانوس بيومها طافية الكهرباء لذلك عمي حط بيده السلاح واعتمد على المنبهات الي حاطهن بالأسلاك..دخلت البستان وبيدي الفانوس وشفت وحدة لابسة عباية عبالي مرت عمي بهاء..صحت عليها مرت عمي
عسل:بس لا جنية عززززااا
نور:حطيت الفانوس بوجهه وانرعبت من شكلها مدري شلون شكلها عيونها ماتنوصف..ماكلكم ماخفت منها وعرفت هي مو بشر طاح مني الفانوس وصار تركيز ضواه على رجليها وحدة حافر حمار يكرم السامع والثانية مسحة الي يعمرون بيها البستان..سميت بس الله وكلت الله واكبر 3 مرات وكلت الله خلقها ليش الخوف بس منه سبحانه..ورفعت الفانوس شفتها اختفت بلحظة بس وين راحت مادري
عسل:متمرضت خالو يكولون الي يشوف جن يتمرض ويصير بي رهبة
نور:ههههه لا بنيتي لا تمرضت ولا شي وهاي كدامج خالج مابي شي
نواف:سبع كدامج هذا الشيخ الأسد ابن الأسد..صدك جدو وينه نايم شكله تعبان اليوم شفته
شهد:ابوي بغرفته مجطول مانايم
نواف:شوفو بيبي شلون تغفه وهي كاعدة ههههههه..بيبي جدي يريدج
ام نور:ها الحجي شيريد
نواف:يريد يصلي بيبي ميريد شي ههههههههه
مشتاق:يصلي ركعة وحدة بس....وضحكو واحد طك ايده بيد الثاني...
والبنات مافهمن شي وهمه يضحكون بس عسل فهمت وكالت انجب نويف صاير سرسري كلش...
نواف:انجبي انتي..راح اخذج واكسب بيج اجر معنسة على كلب عمي عيسى مو عمه لو لا
ام كيان ضحكت:اي اخذها فكني منها بس باردة ثلج تموتك قهر
نواف:لا انه حامي على ابوي اريد وحدة حامية مو فاهية وتبط كلبي يالله تكوم تسويلي شي
نور:الا هي راح تموت من وراك انته تبط كلبها..بنيتي عسل عزيزة عليه مابليها بواحد مثلك
نواف:لا يابه عالأقل اصبغ بيه كدام هالملحة..هو ياهو ماخذها اصلاً ابن الشيخ ياخذ هاي السودة الملحة..شوق بوزها جنها قرد
نور باوع لعسل وابتسم:انته بجمال بنيتي اسم على مسمى بويه
نواف:نورسين لزمي زوجج عني ترا ازوجه عليج
نورسين ضحكت بصوت...ونور باوعلها وعقد حواجبه..وهي سكتت..ونواف يكلها هاا خوفج ويضحك...
نور:نورسين يابه كومي سويلي كهوة
نورسين اول مرة نور يكول اسمها وظلت تتلفت:هاي اني عليه مو لو غلطانة
نواف ضحك:ليش متعجبة كال اسمج مكال معشوكتي
مشتاق:بعد عمك اسكت لا تنكتل اسكت بكرامتك احسن
نور:اي عليج اكو هنا غيرج اسمها نورسين
نورسين ابتسمتله:اي من عيوني كوفي وجاي وماي وحتى زهورات شلون تحبها... كلها سادة وراحت للمطبخ تسويها...
نور ميشرب غير الكهوة الكلاسيكية...
نواف:بويه تدري هسة انته متزوج عالنص..متزوج بس من راسك لحد بطنك ويكمل الباقي من يزفونك الها وتصير متزوج بالكامل ههههههههه
نور التفت لأخته ام كيان بصفه:يكعد يمي وميرتاح الا يترزل وينزل قدره هو هيج يحب يطيح حظه
ام كيان ضحكت:خلي يشاقه عادي هنه البنات شفهمهن شيكول جاي يحجي مشفر ههههههه..وذني ثولات ولاهيات كلمن بسوالفها
كيان:خالي يعني انته ماحفظت نواف هاي شقاه هو خالي مشتاق حاط عقله وياه هههههه
نور: اي والله حجيك عدل خالك مشتاق بعده عايش مراهقته ويه هيثم عمره
مشتاق:ايا ابن النعال تحجي عليه..وكام شمر النعال على كيان وهو ضحك ويكله اسف خالي...ونور يكله لا تغلط على الرجال لسانك...
جابتله الكهوة نورسين وباوعت بعيونه وهي تنطي الكوب وهو باوع على نواف يدري بي يراقبه ونواف يحرك حواجبه اله....
ومرت يومين والخالة ديانا بهاليومين نورسين خلتها تغير فكرتها عن نور وتراجع حساباتها عنه..وبعدها تكول لنورسين اذا ماحابة تزوجينه الغي هالزواج وهي تكلها اني سعيدة ومتقبلة الزواج منه واحبه...والخالة ديانا لأن تحبه سكتت...
شهد خذت نورسين اليوم للسوك وتكلها لازم نجهزج واشياء العرس...اول ما ختارو فستان ونورسين علمى عجبها فستان شهد طاحت من التعب...
وجاية وياها خالتها جابتها تفرها بالأسواق تشوفهن وتغير جو مثل السياحة يعني..واجت وياهم ام كيان اخت نور...
شهد:ولج خطية تعبت ندى واني طاح حظي من التعب كافي..وخالتج خطية هي حرمة جبيرة تعبت
ام كيان هي ندى:لا متعبت براحتها خليها تختار على مهلها لمن تتعب هي شورانه
شهد:ولج هاي تتعب لا والله..بعدها كومة شغلات مخذت ملابس داخليه بس خذت ملابس يبوووو تخزي اني صرت حمرة من اشترتهن من الرجال..شنو ناوية اجلطين اخوي بأول ليلة
نورسين:عفية بالضبط هو المطلوب اريده ينجلط كون مايندل طريقة ابداً
شهد:عابت شنو حاقدة على اخوي ليش
ام كيان ضحكت بخفية: بنات اكو جم شغلة اروح اخذهن انتو اخذو راحتكم واتصل عليكم ماشي..وراحت عنهن...
نورسين تحجي علكيف:شوفي نور اعرف مراح يتنازل مستحيل عرفته كلش عدل بهالسنة وياه كلشي ولا كرامته لذلك اعرف مراح يتنازل عن كرامته وياي ومراح يلمسني بهالليلة واني ماريده يلمسني اصلاً لذلك اريد احرك اعصابه هيج واخلي يغلي غلي
شهد:يماااي هيج يفكرن بنات المانيا..اي بعد هتلر يعودلكم احنه المساكين اهلنه ناس فقرة وعلى نياتهم
نورسين:هههههههههههه انتم ناس فقرة وعلى نياتكم اي صدكت
شهد:وجع شهالضحكة خل يسمعج نور هيج اضحكين بمحل الا صوتج يكطعه وحكلج يخيطه
نورسين:يممه فديته وينه اشتاقيتله مووت خلي يجي هسة كون انشوفه بالسوك حلو مو
شهد:نور ميفتر بالسواكه هههه تعرفين الي يجيب كل احتياجات البيت فارس لو مشتاق ونواف كله نواف..نور من يحتاج ملابسه وهالأشياء يجي هو
نورسين:هسة بالله ليش محضرة نفسي اله وللعرس وهو مامعترف بيه..ياترا هو هم محضر نفسه اليه هيج
شهد:اي اكيد يحضر نفسه الج بس بطريقة مختلفة خوما يحضرلج ملابس هههههه..ويالله كافي كركة خل نختار شي منا الرجال شافنه نسولف كام يشك بينه خخخ وندى عافتنه بحدنه لو يعرف نواف الدنيا يكلبها
نورسين:تدرين تعجبني شخصية نواف يشبه ابوه بس على نسخة مرحة وحباب اما حبيبي بس ينطي اوامر
شهد:والكعبة اشوفه بس وياج هيج صار..ويتحكم بيج...وسكتت ونورسين هم سكتت...
اختارن بعد بالسوك جم شغلة وماخذت شي بعد نورسين تكول كل هل الاشياء ما حتاجها مكياج ماخذت عدها اصلاً واشياء بسيطة متحب تحط اطنان...
شهد تكلها انتي ماخذتي احتياجات مثل اي عروس.. كلتلها نورسين شنو يعني تاخذ العروس عددت الها شهد..
نورسين تكلها ولج هاي شنو راح اثث بيت خوما اثث بيت هو زواج يعني اليختلف بحياتج بس رجال راح ينام بصفج...
وماصرفت من المهر وكلتلها شهد وين راح تودينه لا ذهب اشتريتي لا جهزتي كلشي مثلنه..كلتلها ماحب الذهب اكسسوار زايد عليه احب البساطة...
شهد تكلها بعد بت المانيا..بس المهر وين تودينه كلتلها راح ازرعه وضحكت...وخذت خالتها وندى خابرت نواف اجاهم اخذهم ورجعو البيت...
ومضه الأسبوع سريع واجه يوم العرس ونورسين بهل الأسبوع كله محاولت تحاجي نور لوحدهم او شي من هالسوالف مال مخطوبين...
وخوات نور هنه حضرن كلشي همه جانو مراح يسون عرس وفستان ماقبل نور كال ماكو عرس وبدلة وتجيني هيج عادي بس ابو نور اعترض كال شنو انته تزوجت وتظلم البنية تريد عرس جم مرة تعرس هي...
وكله اريد افرح بيكم ثنينكم هي بنيتي وحاب اسويلها عرس ونور سكت ماعترض على حجي ابوه وكال خلي يفرح كلبه نكسر بأخوه..وحنه ماسوو اصلاً نورسين ماتعرف الحنه بس سامعة عنها...
شهد كاعدة من الصبح:نورسين كومي يالله نروح الصالون
نورسين كامت:صالون شنو ولج ليش شكو
شهد:ولج شنو شكو اليوم عرسج عوبه
نورسين:اي ويعني عرسي ماريد صالون وليش الصالون..اني اكدر اعدل نفسي هنا بدون صالون ماحب الصبغ هواي وكل هالسوالف
شهد:هسة اموتها هاي..نروح صالون وانتي كليلها تسويلج كلشي بسيط مو حجزته الج
نورسين:اي ومن الصبح شنو راح ابني بيت شسالفة..الغي الصالون ماريد..ماعلينه بهاي..متوترة من البارحة مانمت
شهد ضحكت:هاااا شو جبنتي ههههههههاي انتي القوية والفاهمة والي تعرفين كلشي..ومو تكولين واثقة مراح يسويلج شي ليش متوترة
نورسين:شوف هاي وين راح تفكيرها يعني العروس الي تتوتر معناها خايفة من العلاقة بين الرجال والمرة..هزت ايدها..ولج متوترة راح اصير زوجة نور الشخص الي حبيته ومو مصدكه راح اصير اله عروس اليوم ومتوترة وخايفة يسمعني حجي يغثني اليوم اريد افرح بي وماريد شي يعكر مزاجي
شهد لزمت ايديها:لتخافين ولتخلين شي يوترج ويضوجج بهذا اليوم راح تصيرين لحبيبج الي انتي تحبينه من اعماق كلبج
نورسين وخرت خصل شعرها وره ذانها:احبه بكل كياني احبه وشايلته بروحي مو بس كلبي ياريت يفهم هالشي بدون ماكول مو هو يحبني بس مو فاهمني ابداً
شهد:ماعليج بهالكلام الليلة ترحين لحضنه وبين ايدينه وراح يشوف نورسين الي تحبه والي ماباعت نفسها ابداً وانو هو اول انسان بحياتج
نورسين:خلينه واقعين شهد بعيد عن الأفلام والأحلام نور مراح يتقربلي ولا راح يحاول حتى صدكيني مراح يتنازل عن كرامته متأكدة
شهد:هاي من يحجي وياج...بس الليلة غير هاي الليلة تمحي كل زعل وكل خصام وكل مشاعر كره هاي الليلة راح يشوفج عروس كدامه وهو يعشقج مستحيل يمنع نفسه منج...
نورسين سكتت وابتسمت ماتريد شي يعكر مزاجها بهاي اليوم وتريد تفرح بعرسها وتكول هي مرة بالعمر راح اتزوج والي احبه هو زوجي خلي افرح...
مشافت نور ابداً وبس بناتهم وهوسة كل اهاليهم خالات نور جايات وحتى الي خذو شهد جاين همه ماتخاربو لأن ابنهم مريض وطلكو شهد بالمعروف...
كون ويه الهوسه صدفه عيني تلمحك
لأن كلبي فاض بي الشووووك كولش صاير عالمحك...
والظهر راحت دخلت الحمام وطلعت واجتها شهد هو محد اكو بالغرفة ايناس وزهراء نايمات البارحة يم عماتهم بغرفة الولد وقسم بغرفة جدهم وبيبتهم والزلم بالديوان حتى نور منام بغرفته البارحة نام يمهم...ولاهيات ويه البنات...
شهد:هااا جاهزة نورسين حبيبتي
نورسين:اي ماعندي شي بس اسوي شعري والبس الفستان
شهد سحبت ايد نورسين:خل نشوف شعرج نظفتي..اممم خفيف واشكر بس هم يرادله سواية
نورسين سحبت ايدها وحضنتها:لاااااء الا شعري ماررريد يوجعني مستحيل..ايديه ورجلي ماسويهن لااااااء
شهد:ولج عوبه لعد ترحيله بشعرج حتى لو ميبين بس شوفي شطلعين من تسوينه..خلي يشوف اخوي الجمال
نورسين:ماااااريد عالأساس راح يشوف شبر شبر بيه وياخذني لحضنه..مستحيييل
شهد باوعتلها بنص عين:اليوم يا انه يا انتي..وهذا الحشيش الناعم اسوي يعني اسوي...وخلتها شهد تسوي غصبن عليها وكل ما تتوجع نورسين شهد تكلها احجي احجي ليش ساكته عادي كولي اشتعلو اهلك نور....
ونورسين تخرب ضحك رغم الألم وتكله مو اهله اشتعلو اشتعل هوا..وشهد ماتت ضحك...
وخلصتها وجسمها صار احمر وتكلها هسة شلون اودر الحمار ولج شسويتي بيه..كلتلها ماعليج شوي ويروح..تعاي نسوي شعرج...
وسشورته الها بس هي برمته وخلته مفتوح ورتبت وجها بمكياج خفيف وبسيط..شدو جوزي فوك عينها وحطت كحل جوزي وماسكرا وحمرة مات لحمي طوخ شوي...
ولبست الفستان وشهد ثبتت الها الطرحة بشعرها...والفستان يجنن عليها ومن وره ظهره قيطان مو زنجيل...سوته الها شهد...
واجن البنات وتجمعن يمها ويصلن على محمد ويكولن تخبلين..حتى ايناس بوستها وكلتلها مبروك عليج بابا والبنات يكللها هسة صرتي مرت الشيخ
...
نورسين بوستهم كلهن وهي عيونها ادمع فرحة بيهن وطيبة كلبهن وياها..ورادن يصورن مقبلت شهد كالت ميقبل فارس كايل ممنوع الصور اي وحدة جانت...
نورسين خذت مبايلها وخذتلهم سيلفي وياها كلهن ووكلتلهم ادزها الكم كلكم...وشوي طلعن البنات وبقت لوحدها وكفت كبال المراية ورشت العطر التحبه...
التفت يمين ويسار ماكو احد وياها من اهلها لا امها ولا ابوها ولا ادريس..دمعت عيونها ونزلت على خدها وانفجرت بالبجي ولزمت حلكها..وظلت تبجي وشافت الباب انفتح ودخلت خالتها ديانا...
الكلام بالألماني
نورسين بدموعها:خالتي..وحضنتها حيل وتبجي...
الخالة ديانا:ايتها المشاغبة لم البكاء وانتي عروس في هذا اليوم وستزفين للشخص الذي تُحبيه..توقفي عن البكاء..لديه مفاجأة لكي
نورسين بدموع:ابي امي واخي ليسو موجودين كنت دائماً اتمنى وقوف والدي ويمسك يدي ويسلمني بيد الشخص الذي احبه وانا عروس
الخالة ديانا مسحت دموعها ولزمت وجهها بين ايديها:لا تبكي صغيرتي..فأنا موجودة من اجلك والدك ووالدتك حاضرون معك بالتأكيد لكن بقلبكِ..وانظري لدي مفاجأة لكِ...
وانفتح الباب ودخل ادريس توه واصل من السفر وهي لزمت حلكها وعيونها تنزل دموعها وركضت حضنته حيل وتبجي بصوت...
وهو حاضنها حيل ويبوس بيها وخرها ويمسح بدموعها ويبوس جبينها وهو مبتسم ميريد يبجي وياها هو من غير شي كلبه مجمر رجع وراح يواجه نور وزهراء بعد السواه بيها...
رجعت حضنته وتبجي ماتوكف وصدك كلبها طار فرحة هسة وتسأله شلون اجيت ويمته ومكتلي..كلها ماكدرت اعوفج بهذا اليوم...
وبعد حضن طويل وكلام الشوق بيناتهم طلع ادريس ويريد يروح يم الزلم..باوع بين البنات يريد يشوفها يلمحها ولو لمحة مايريد يواجهها بس مشتاقلها...
ومشافها ابداً وخاب ظنه..وطلع راح يم الزلم والولد كلهم فرحو بجيته..وراح سلم على نور وباركله وهاي اصعب شي عنده ومارفع عينه بعين نور خجلان منه...
اما زهراء لمحته من اجه واول ماشافته انهارت ودخلت لغرفة جدها محد بيها البنات كلهم بره وظلت تبجي بصوت وكعدت وره السرير وهي تبجي وحاضنة رجليها وصدفة دخلت الغرفة وحدة من عماتها وشافتها...
واخترعت شافتها تبجي بهالطريقة وراحتلها تشوف شبيها عبالها بسبب زواج ابوها لأن ماجانن قابلات هي وايناس...وكعدت تهديها وتحجي وياها...
ام كيان حجت ويه نور بما انو نورسين مسكنها هنا بيت عمها لذلك كلتله ماتكدر تروح تاخذها من ابوها وابوي هو بأعتبار ابوها لازم تجي انته تصعد وتنزلها من فوك بأعتبار الأصول اصول وهي بتنه...
وافق وكال الأصول اصول وهي بت شيوخ...واجه وياه ابوه وعمامه وصعد الدرج وراح اتجه للغرفة حتى ياخذ بيدها وينزلها....
بعده مافاتح الباب التفت لخواته واكفات مبتسمات وبته ايناس وافتقد زهراء ودورها بعيونه بينهم ماشافها.. لزم بشته بيدينه ومد ايده يفتح الباب وتسارعت نبضاته...
ويكول بنفسه ياترا هذا الزواج هو الخيار الصح لو لا اول مرة بحياتي ماعرف اذا صح او غلط زواجي منها وانه امشي عشيرة كاملة...
شيخ ومن اقرر تمشي العشيرة بهالقرار
واكف عالباب افكر صح غلط هذا الخيار
مدري لويش هالمرة عقلي حييل محتار
لكن كلبي من قربها يرجف وحييل عليها اغار...
فتح الباب وهي من شافته كامت وكفت..ونزلت ايديها وتوترت بشوفته..ما باوعت لشي غير وجهه الي تموت بي...
اقترب منها وكف كبالها ومد ايده الها..وهي رفعت ايدها وحطتها بيده وحست بحرارة دمه بلمسة ايده..وهو قبض ايده قوي على ايدها...وباوع لوجهها طالعة تخبل...
ومن لزم ايدها هنا ثنينهم يحجون بالعيون
هو/جيبي ايدج بين اديه كلبي بلمستهن يطير
هي/هاك ايدي التايهه جنها طفلة وحصلت حبها الكبير
هو/مدري ايدج باردة مدري ايدي حارة وتسعر سعير
هي/ياحرارة ايدك ناااار يمها شي صغير
هو/مو احر من ناار كلبي من اشوفج بهالوضع الخطير ....
واخذها ونزلها يم النسوان جوى وماكعد بس كعدها..وهو طالع سأل البنات على زهراء كلوله بغرفة جدها وهو انشغل باله ليش ماطالعة يمهم...
اول ماطلع يم الزلم طلع تلفونه من جيبه واتصل على زهراء ويرن وماترد عليه..كاعدة وساكته ودموعها ناشفة على خدها كامت للتلفون وشافته ابوها اصلاً سمعت صوت الهلاهل تعرف هاي ابوها دخل يم نورسين واكيد افتقدها وهسة اتصل عليها...
رجعت دموعها تنزل:ياريت يزفوني للكبر ولا تعرف الي صارلي..شوفه مو انته تفهمني بدون ماحجي شوفه بابا شوفه دمرني اخو مرتك...
دخلت ام كيان واجتها:عمة زهراء شبيج ماما حبيبتي ليش البجي
زهراء ببجي:مابيه شي فرحانة لبابا والله عمة مو زعلانة عليه
ام كيان:جاي يدك عليج ليش متردين..فقدج توه وسأل عنج
زهراء بشهكات:هو وياهم اجه داخل مكدر اطلع
ام كيان بتسائل:منو هو تقصدين منو..كافي بجي بنيتي احجيلي شبيج..حتى مكاشخة ومبدلة مثل البنات ليش هيج
زهراء مسحت دموعها:مابيه شي عمه عمري وماقصد احد..شفتي فد يوم وحدة ركصت بعرس ابوها..وضحكت حتى تضيع السالفة على عمتها..عيب اركص بعرس ابوي
ام كيان:هههه ولج وين العيب وشنو بيها تفرحين لأبوج..بنيتي اعرف ماقابلة بزواجه بس بعد عمتج تعرفينه كضه شبابه بحدة والتهه يربي بيكم ونسه حياته..لزمت وجهها..من حقه يشوفله مرة تهتمله..وانه اشوف الوحيدة تناسبه وتتحمل عصبيته هي نورسين شفتها قويه..لو ماخذ من بنات عمج جان كلما يعصب تلبس عبايتها وتروح لأبوها
زهراء رجعت دموعها تنزل:ليش عبالكم مراضية ومافرحانة اله والله عمه مزعلانة عليه اصلاً فرحتله من كلبي بابا حبيبي وعيوني الاشوف بيهن
ام كيان:لعد ليش هالبجي يمه انتي مو زغيرة وتبجين احد حجه عليج سمعوج حجاية تغث البنات
زهراء:والله عمه مابيه شي..وهاي راح اطلع اركص وياهم لخاطرج بعد شتردين...ام كيان ابتسمت الها بس وره هالأبتسامة انقهرت عليها تدري بحالتها صار هواي تعبانة...
طلعت زهراء واتجهت لنورسين وبوستها وباركتلها..ونورسين كومنها البنات تركص وياهم ومكالت لاء هي اختصاصها كل انواع الحركات...
وكالت مراح اعكر مزاجي بهذا اليوم نور صار الي وجان يكول بقايا كلاب انتي وهذا هو ارتبط بيه بالزواج معناها يحبني لحد الموت ومستعد يتقبلني بكل حالاتي...
وكامت ركصت بحركاتها المتناسقة وهي سعيدة بس فستانها يقيدها..وشهد طلعت تلفونها بدون ماتدري نورسين صورتها مقطع فيديو وماقبلت وحدة تصور كالت فارس يكسر تلفوناتجن والله...
كالت للبنات وخرن عن نورسين لا طلعن بالتصوير وخرن عنها وصورتها مقطع ثاني وهي تركص بحدها وهي تضحك وتصيح لشهد تجي...
ودزت الفيديو المن لنور..وكتبتله الليلة هاي الحاته بغرفتك شيخنه دير بالك عليها بت ألمانيا رقيقة...
وحدة تغني وتركص الليلة كسرج يحمامة..وتظل تعيد بيها خمسة الاف مرة... والثانية تغني الخدود رمان وشفايفها كرز...والي تغني الليلة للصبح ويتلامس معانيها..ترفة والعشك لايك اعليها....
(الهوسات شكد فشلة وعيب انفضحت ياشيخ 😂😁✋ اطشر العرض 😂😂😂
وخصوص الليلة كسرج يحمامة 😁...همج انتم خاف همج😁😂)
وبالجهة الثانية نواف كاعد يم مشتاق...
نواف:ابوي بي مقلب الا بشدة
مشتاق:ماتستحي على شواربك شوكت تكبر وتعقل وبعدك تفكر بالمقالب وشنو من مقلب مسوي لأبوك كلي خل اساعدك ههههههههه
نواف:ههههههه اي عرفتك تموت وتعرف..ابوي الليلة عرسه وراح يحرر منطقة كاملة اكيد ويحتاج محفز..لهسبب جايبله شغله معدله يخلي يصير بقوة عشر اسوود
مشتاق:طاح حظك عبالي مقلب بي خير تعرف ابوك ميحتاجهن هل الأشياء هو ما مستعمل هواي بس 7 سنوات.. ومنا صايم جم سنة لاتزوج ولا عنده سوالف حرام يعني واصل الجفاف لعكاله ههههههه
نواف خرب ضحك:لعد الليلة نخلي يرجع لشباب الثلاثين ههههههههههه...وراح حط حبة بالعصير وداه لأبوه بس ماشربه...
كام يفكر شلون ينطي هالحبوب..نور لزم راسه وكل للولد جيبولي حبوب صداع..لو كهوة راسي صدداع...ونواف استغل الفرصة وراح خله الحبوب بكبسول المسكن وجابها لأبوه...
نور:هذا كبسول مو حبوب صداع
نواف:اي يابه مالكينه حبوب براسيتول جبتلك هالمسكن هم يسكن الم..اخذه خل اروح اسأل البنات على بندول....وهو دار وجهه بالكوة لازم ضحكته...
واجه مشتاق مايدري العصير شنو بي..اخذه يريد يشربه ويكول اوووف شكد حارة بويه انحمست من الحر وتعبت نور ترجعلي التعب بعرسي...
نور:ههههه انته عرس وعيوني الك
نواف:حبيبي عمي البطل مانصحك تشرب العصير..وطلع اسنانه بأبتسامة ويأشرله ويغمزله بس مافاد وشرب العصير كله...
مشتاق:انجب ولك قابل انته دافع من جيبك للعصير
نواف ضحك:بكيفك حبيبي حذرتك
نور بتسائل:ليش شنو بي العصير ولك
نواف:سلامتك بويه هو عصير شنو بي بس حار كلت لعمي مشتاق ميشربه..انه اروح الولد يردوني..وصاح هااا ادريس صحتلي...وشررد...يدري ابوه بسرعة يلكطها...
وخلص العرس واجه وقت الزفة وام كيان صعدت نورسين لفوك لغرفة نور...وهي توترت ماتعرف شلون راح تكضي هالليلة ويه نور...
هاي اول مرة راح تنام يمه بنفس الغرفة..ما توترت خايفة منه لو شي بس متوترة حبيبها راح يكون يمها تحت سقف واحد وشلون راح تتصرف وياه...
ام كيان :انتي قويه وتعرفين كلشي راح يصير مو مراهقة واعلمج مو..وشدو حيلكم سولنه زغيرون من هل الليلة هههههه..وغمزت الها...
نورسين طلعت اسنانها:اصلاً اني وياه متفقين توم نسويلنه بهالليلة مو واحد ههههههههه...
ضحكت ام كيان وطلعت وعافتها وهي حتارت شلون تستقبل حبيبها بأي شكل..كامت سوت اكثر من حركة وماعجبنها...
اخر شي خطرتلها فكرة كعدت عالسرير واتكت على ايدها ونزعت الطرحة تركتها يمها ونزعت الحذاء وخذت سيلفي لنفسها هيج وسمعت صوت الهوسة...كلبها ظل ينبض بقوة...
فتح الباب ودخل للغرفة وهو يحس كلبه راح يوكف من دكاته..وكف كلبه هسة من صدك من منظرها وكعدتها...
كاعدة على سريره بفستانها الأبيض وناثرته على كده ونازعة الطرحة وشعرها المخملي نازل على جتفها.. وحاطة ايدها على السرير ومتكية عليها...
هو من غير شي ميعرف شصارله وظل يعرك من شافها هيج كباله..سد الباب ونزع البشت وظل لازمه بيده واكف مكانه ماتحرك وهو يباوع عليها...
وهي من شافته شالت ايدها وكعدت عدل وهي تتأمله بعيونها الزرق والبيهن كحلة جوزي ويخبلن عيونها طالعات...
تقدم عليها ومايعرف شلون رجلي ودته الها وهي سحبت فستانها وكفت..وهي تكل لنفسها نورسين لا تضعفين كدامه انتي قويه خلي يعرف قدرج وانج غالية مو رخيصة...
خلي يتمنه لزمت ايدج حتى..رجعت شعرها ليورى وهي تشوفه حط البشت على السرير.....
وراد يتقدم عليها اكثر بس تغيرت وجهته وجهه الأحمر يمكن من الجو الحار هو بسرعة يحمر وجهه...شافته تعرق جبينه...
نور دار وجهه:شنو راح تبقين واكفة بمكانج..تحركي وبدلي..ونزع شماغه وحطاه يم البشت وراد يدخل الحمام...
نورسين بجذب:حاولت ابدل مكدرت مالوح قيطان الفستان..تكدر تساعدني تفتحهن اليه..هي جذابة بس عناد بي تريده هو يفتح البدلة حتى تخلي يحترك...
وتدري بي ماراح يلمسها وماتنازل من قبل واعترف بحبه الها انوب يتنازل عن كلامه ويلمسها..تعرفه كرامته كلشي بالنسبة اله....
نور:شلج بهالدروب روحي عني ونزعي ملابسج بنفسج..ودخل الحمام وكلبه راح يوكف ويكول شصارلك يانور شنو صار اليوم بالذات شعلت نار...
سنين بحدك ماصارلك هيج هسة شنو صار معقولة تأثيرها عليه..لا لا البيه مو طبيعي..وتذكر العصير الي جابه نواف انطاه اله وماشربه هنوب الكبسولة الاخذها..مسح على وجهه...
نور:نويف اذا سوالفك هاي راح اشنقك بحبل..هسة شراح يصير ماريد اتنازل عن كرامتي مستحيل المسها وقبلي الله العالم جم واحد لاء مستحيل مو بهالضعف انه...
وفتح الماي وظل يغسل وجهه ومايفيد وظل يصب الماي بصدره وعلى شعره..وشاف ماكو نتيجة..ويكول امووت ولا اتنازل الها...
فتح الدوش ودخل جواه هو ودشداشته وكل ملابسه..وهو يكول ياربي دخيلك ماتخليني اضعف يمها بس شفتها مدري شصارلي لو تنام يمي شيصير...
هسة شلون اروح انام يم الولد لو شنو..بت الذين انوب تريدني انزعها البدلة لا الليلة ماراح تمر على خير...
نزع ملابسه واخذ المنشفة نشف نفسه ولف المنشفة عليه..ويكول راح اطلع هيج..لا انه الليلة راح اجرم بيها جريمة قتل مو جريمة رومنسية...
وطلع وهي بعدها بفستانها وباوعت عليه بس المنشفة على خصره اول مرة هيج تشوفه..وتكول اويلي بابا الحكني شكلي راح اروح بيها...
راح طلع ملابس وهي دارت وجهها وهي عاضة شفتها وتكول والله حلو استفزازك امووت اني بيك...
نور مايباوع عليها ويحس بالرجفة بكلبه:اشوفج مابدلتي
نورسين:غير اكدر انزع الفستان..اريد اخذلي حمام..بعدها ماكملت سحبها من ايدها ودارها وحط ايده بالقيطان وفتحهن وهو ايده ترجف من حالته هاي وكلبه وكلشي بي يكله اخذها لحضنك هي حلالك الك وبس...وعقله فقده ماظل يفكر بشي...
فتح القيطان على كيف مايريد يبتعد عنها وهو جاي يشم عطر شعرها والتفتت لليسار وركبتها من وره كباله تلمع وظهرها نصه طالع...وصار بنظره وجهها عالنص...
فتح القيطان وحط ايده بهدوء بظهرها حست بحرارة ايده وغمضت عيونها..وخر ردان من الفستان عن جتفها...حست بملمس لحيته بجتفها...........يتبع
الكاتبة التميمية...... altmeme313