الشيخ نور التميمي

حضور الابطال

مساء الخير 😊

هاي شنو بعدني مارحت واشتاقيتلكم 🤷‍♀️

حبيت افرحكم قبل ماروح حتى لا تحزنون راح اكوللكم تميمية ماراح تتخله عن عشقها للكتابة ابداً ابداً 😍

تميمية انسانة عادية مثلكم بس حبت الكتابة زيادة شوي عن الكتاب الباقين وصارت تعشقها ولدرجة تستمتع بكل سطر تكتبه وتعرف واثقة انو هو راح يسعدكم...

وحبت كتاباتها لدرجة صارت تسكن ويه كل ابطالها بكل كعداتهم وبكل نشاطاتهم...وعاشت وياهم الحب والمشاعر بحذافيرها....

حتى طعم الكهوة الي يشربوها حست بمرورته الحلوة الطيبة...كل نظرة حب وعشك من بطل لبطلته...وكل نظرة عشك من بطلة لبطلها...استشعرتها وحست بيها.....

ولامست كل لمسة ايد دافية لكل محبوب لمحبوبه بكل قصة كتبتها..ولمست وجه ونسمة هوى مرت عليهم...هيج تروح بخيالها وياهم...

لا تستغربون وتكولون هاي عايشة بخيالها شكثر وعاطفية زيادة..احنه وين والعاطفة وين...لاااا..لو لا الخيال جان ما عشنه ابداً.....

لوما الخيال مجان تحملنه الم الفقدان...خياااانة..فقدان عزيز..فقدان حب...لوما الخيال مانتحمل حتى يوم هادئ...هواي النه حياة بالخيال...

وتعرفون ليش اختاريت هالسرد دون ذاك السرد الي الكل يستخدمه..لأني احس نفسي مختلفة بي ولا احب اقلد احد ولا اسرق من احد فكرة ابد احب كلشي اسوي يكون مختلف واحب افكاري الخاصة....

وهمين يتيحلي اكون حرة واكتب بلا حدود وكلشي وادق تفصيل مو اتقيد بالبطل والبطلة...وهيج اعيش دورهم اكثر...

وبالقصص الخيالية صدكوني اول ما اسمي الشخصية هي تصنع نفسها بنفسها بقلمي حتى مرات تطلع عن سيطرتي الشخصية....والحوارات وكلشي من غير ما حس تنكتب بشكل سلس وتتناسب وماتجرف ابداً...

ولازم اقرا الكتبته بعد فترة ومرات اتفاجأ شلون هيج الشخصية ماخذة دورها بنفسها وهي الي تحجي عن نفسها...

الكتابة عشق واذا عشقت شي اتقنته..ماكول انو اني تمكنت من كشف اسرار الكاتب وعرفت شلون يتقن زواية مشاعره وافكارة وشلون يضبط ميزان الرواية بحيث تكون واقعية....

بس الي اعرفه انو خيالي وااااااسع ومتتخيلون شكم قصة تمر على بالي باليوم..وافكار اه بويه لو شوي الله يرحمني من الافكار هاي.....

ماعرف والله ليش هالافكار المفرطة ومحتشدة براسي..وخصوص قبل لا انام كل مشهد يجيني على حدا وكل الحوارات تنبع قبل لا اغفه على مخدتي...

واحياناً احلم بوجوه ابطالي وكل تفاصيلهم...وافسم بالله اتلامس مشاعرهم وكأنه بقلبي مو بقلبهم..حتى النبضات احس بيها بالحلم....

اكو بنية كلتلي شلون هيج تفكرين ولج منين تجيج هالافكار اشو بس احط راسي عالمخده وللصبح..ضحكت وكتلها حتى اني ماعرف..بس الأعرفه...