كلشي كيتغفر الا الشرك، الناس لي غادي يقراو لكتاب راه تا حاجة فدنيا مغادي تشفع ليكم عند الله! حيث الشرك من الكبائر
يعني نتا عارف و مشيتي ليه
تال لهاد المرحلة كنت باقي متشبت بالفكرة ديال هادشي لي كيوقعلي غير تهيئات و تخيلات و بلي مرضت راسي بقوة التفكير و الحرب النفسية لي شنها عليا لكتاب، لدرجة أنني كنت كندخل للغروبات و المنتديات لي كتناقش عالم السحر و الدجل و كنبقى نعطي أراء و أطروحات كتنتاقذ و تكذب عالم الغيبيات برغم داكشي لي كنت فيه. و خصوصا أنني بقيت متشبت بالجانب الروحي و الديني ( صلاة و الانصات للقرآن)
تال واحد النهار دخلت فنقاش مع واحد الدكتور نفسي و عرف بلي أنا قاري لكتاب، هاد الدكتور هو من أصل عربي و لكن عايش فاليونان، عاودلي بلي واحد المرة كان فمؤتمر ديال الطب النفسي و فشي ندوة كانو كيناقشو موضوع مرتبط بالازمات النفسية و العلاقة ديالها بالسحر و الشعوذة، و من النقط لي ركزو عليها هيا الكتاب *******
فالأول كان المجرى ديال النقاش كيصب بلي مجمل التعاويذ و الطلاميس لي فالكتاب هيا طرق كثأتر بشكل مباشر على العقل الباطني و الاوعية ديال الانسان! ويعني فحال التنويم المغناطيسي.
و لكن من بعد تصدموا ملي واحد السيد تقدم و جاب معاه ولدو فالعمر ديالو 17 سنة قرى لكتاب و قدر يدير حداهم شي حوايج فشكل!
الدري عمرو قرا شي لغة و فكل مرة كانو كيطلبوا منو يهضر بشي وحدة كان كيهضر معاهم... فدك اللحظة هدر معاهم ب 27 لغة و بأصوات مختلفة!
تعجبوا لدرجة أن النظرية العلمية ديالهم ولات أضحوكة قدام الناس.
هنا! و بقدر ما كنت كنحاول نصبر راسي هاد السيد جمدلي الما فالركابي
فحال لي قالي: بلا متبقى تكذب على راسك
من دك النهار وانا مكننعسش، معرفت باش تبليت، كلشي رجع كيبانلي وطى، مبقيت كنخاف من والو. كيفاش عنخاف؟ كاين شي حاجة كثر من هادشي؟ مرضت ما بقيت كناكول ولا كنشرب، التصرفات ديالي ولات غريبة و بنادم فحال لي ولى كيحس بشي حاجة من جهتي.
باقي عاقل واحد المرة كنت كالس فقهوة شعبية فالحومة وجات سطافيط، دخل المخزن كيهز و يضرب بنادم من الطرف... لدرجة أن كلشي دواه! بقيت غير أنا و دري لمعايا. وقفوا حدانا قالو: سلام عليكم، و زادو! ههه، خونا هاز معاه للحشيش لقيتو مصدوم فيا، حال فمو!
لافاك مبقيتش كنمشي و فالليل ديما الحلم و الرعيف تا جا واحد النهار ديال لخميس، حلفت بالله تا نخرج ليها نيشان. حيت كنت قريت فيه واحد الجملة باقي عاقل عليها " يوم الخميس يلتقي قرني الشيطان و يطفو شره عن الأيمان " يعني بدارجة الخميس ليلة إبليس
شمس المعارف الكبرى
By Aphrodite1978
قصتي مع شمس المعارف الكبرى أو شمس المعارف ولطائف العوارف، كتاب -مخطوط- لأعمال سحر تتعلق بالجن، حرمها دين الإس... More