شنو الذنب لي درت فحياتي باش نستاهل هادشي ؟ كل نهار كنسول راسي نفس السؤال واش أنا ماشي بشر ممكن نغلط ومن حقي نتوب... كيفاش أنا لي كنت كنضحك على أي واحد كيهضر على الجن و هاد العالم رجع الضحك فيا ! خايف نعاود هادشي للناس و يسحابلهم وليت حمق .... أكبر مشكل كان عندي هو كيفاش نفاليدي فالقراية دابا وليت باغي غير نبقى بعقلي كلسني حداه موحى و بقا كيهدئني و عطاني ميساج بلي هادشي عندو مخرج واحد تا إيال بقيت عايش عمري مغنكون طبيعي فحال الناس ... و بلي مهما وصلت بي الأمور خصني نصبر و نتحمل العواقب ديال الأخطاء ديالي ... هضرنا و تناقشنا فبزاف ديال المواضيع و عاودلي قصص د ناس حطو يدهم فالسحر من باب المعرفة تا كالهم الطمع و لقاو راسهم وسط بحر من المصايب ! سيد صدمني ماشي بالخلعة و لكن بالمستوى الثقافي لي عندو رغم أنه ولد البادية و التعليم ديالوا بسيط ... تناقشنا فالعديد ديال الأمور و كيفاش أن الأنظمة الأجتماعية و الحضارات المتقدمة كتحاول تركب على هاد العالم ديال الماورائيات و تخليه معتم و تصوروا للناس أنه مجرد خزعبالت و زوبعة في فنجان بالرغم من أن العلم الحديث و التقدم التكنولوجي فشل فتفسير د بزاف د الحاجات و هادشي كامل من أجل جذب الثقة و الطاعة العمياء للانظمة االنسانية فقط ! استفدت منو بزاف دك العشية و لكن ديما بقات فبالي الفكرة ديال كيفاش بنادم كيصدق هاد الخزعبالت ؟ واش باقي بنادم كيسحابلو غادي يقرى كتاب فيه تخربيقات و حروف غادي يخربق حياتو ؟ حنا فزمن الملموس ... واش نتيق واش نجمع حوايجي و نمشي لشي بالصة بعيدة ميلقاني حد كملنا الهضرة و خرجنا بخالصة بلي الحل لوحيد لي عندي هو المساعدة ديال شي دجال قاطع يدو من يد الرحمن ...مشرك فحالي ! هو لي غادي يكون كيتعامل معاهم و يقدر يقنعهم بلي داكشي لي درت مجرد خطئ و عن غير قصد " واخا هوما فحال التران اللي خرج من المحطة مكيوقفش " هاكا قالها موحى ! لفقيه الصغير حط الكتاب و دخل معانا فالنقاش و قال بلي كاين سيد واحد لي دارس الكتب كاملين ديال هادشي و يقدر يكون قاري تا هاد كتاب #فولاني و هوا الوحيد لي يقدر يعاونا ....و غادي يمشي لعندو يجيبو من الخميسات ! خدى الأرقام ديالنا و قال غادي يعيطلنا ف أقرب وقت ... تعشينا دك الليلة و قراو ما تيسر من القرآن و ناضوا يمشو فحالهم ... بقاو كيدعيو معايا بال ميقربولي ولا يمسوني ... خرجت معاهم و بقا موحى كيوصيني بلي خصني نصبر هاد الأيام و منخرجش بزاف من الدار تا نلقاو الحل ... و بلي من اللحظة لي لي قررنا نواجهوا هادوك ... تا هوما أيحاولو ينتاقمو مني و خصوصا العائلة د هاديك أيديرو المستحيل باش نبقى معاها ... خداو 2500 درهم دك النهار منها فلوس المركوب ديال سيد لي غادي يجي من الخميسات
YOU ARE READING
شمس المعارف الكبرى
Horrorقصتي مع شمس المعارف الكبرى أو شمس المعارف ولطائف العوارف، كتاب -مخطوط- لأعمال سحر تتعلق بالجن، حرمها دين الإسلام، وينسب تأليفه إلى أحمد بن علي البوني المتوفى سنة 622 هـ. وقد تم طباعتها حديثاً مع حذف وتحريف ببعض مواضيعه، ولكن ما يزال الكتاب يتناول ال...