بارت ..٣٢
#انين_الرووح
كنت في رحه العمر وذكريات الماضي الجميل وصور اهلي المغابت عني ولا حلظه
اصبرت ٩ اسنين مفاركه اهلي ما اعرف اي خبر عنهم ولا شايفتهم
وكنت اشوفهم فقط بحلامي
اذكر اخوتي ولعبنه
وذكر دعاء امي النه
وذكر عصبيه بابا وحبه الي
كانت شريط من الاحداث والمواقف يوميا اتمر في خاطري
وكنت يوميا ادعي الله ان ارجع ولتقي بهلي
واليوم اتحقق هالحلم وصار حقيقه
اني كاعده الان في كافريا المطار انتظر وصول اهلي للعراق وخروجهم من هالباب في اي لحظه
عقلي وقلبي ونظري يترقب شوفت وجه احبابي
واني شارده كيف راح اشوف اهلي وكيف حالهم هسه
اسمعت عمتي اتكول هذاك احمد
مع نظرتي للبوابه وخروج احمد
طلعوا وياه اهلي
واول ما المحت هي امي بحجابها الاببض الناصع مثل بياض كلبها ورقه احساسها
لا شعوريا اركضت من المكان الكاعده بي اني وبلا شعور وكعت مني الجنطه وعبايه الراس وركضت الحضن اهلي
وبكل قوتي ادفع الناس حتى اوصل الحضن امي وشبكه بشوووووووووك
كون ينباع العمر نشتريكم مشتره
انتم عزاز الكلب ماكو اعز منكم ترى
بس صوركم ظلت والرسوم مسطره
ماتحاجينا الصور نشوفها ونشبع قهر.
اباوع عل درب بلكت تجي وارتــاح
وتبرد نار كلبــــــــي وتهده اشواقي
صرت مدمن ابحبك انــــــي للموت
واذا حبك نسيته مـــــــدونه بوراقي
ترى كلمة احبك مـــــو كلام السان
ولا كلمن نطقهه صااااااااار فد راقي
ترى كلمت احبــــــــــك هيه بالروح
يحس بيهه الكلب وســــاكنه اعماقي
تضل جيتك عــزيزه ونتضر ملكاك
واضل طول العمر انـــــي إلك باقي.
اركضت الامي وصحت بعالي حسي
مااااااا😘😘😘ااااااااما
ماااااا❤❤❤اااااااااما
وبلحظه شوك التفتت الي امي
وفتحت ذراعها وصدرها الي
واني اصرخ وهي تصرخ بفرح وبشوك
ونرميت بحضنها الحنين الدافي
حضنتني بقوه وحضنتها بقوه وصارت الدموع والبجيوالضحك سيد الموقف 😭😭😂😂😂😭😭
قوتنه ضعفت وكعدنه بالكاع اثنينه
صرت ابوس امي ابكل مكان
راسها يدها وجها حلكها عيونها
حتى انزلت الرجلها وبستها
اريد اشبع بوس منها ماريد يبقه مكان بيها ما ابوسه
وهي اتبوسني وتبجي 😘😘😭😭
اختلطت مشاعرنه
سوالفنه بطلت تنححي
وسمعت صوت اخويه زيود
ولج كافي انطينه مجال نشوفج ونبوسج
كمنه اثنينه اني وامي من الكاع
وحضنت زيود
من فرحته بيه شالني من الكاع وفتر بيه داير ميدور نفسه
واني فرحانه وضحك 🤣🤣🤣
ضحكتي تنسمع
نزلني من حضنه وظل يبوس بوجهي وراسي
ولج نوره حبيبتي شلونج ياعمري
صوتي ما يرضه يطلع
مختنك لازمتني العبره
والتفتت ع اغلى انسان بحياتي
ع روحي المنحني هالحياه من بعد خلقه الله الي
ع نظر عيني وفرحتي
ابويه الطيب
اركضتله والف اااااااه مخنوكه في صدري
حضنته وحضني ظليت ابوس بوجهه وبصدره ابويه الغالي
رفيق عمري
احببببببببببب❤❤❤❤ببببببببببببك بابا
وبعدين سلمت وبوست مره اخويه شما الي هي اتكون بنت عمي خطاب ابو عمر
وجالهم يخبلون
يزن و زمن اطفال مثل الورود حلوين بشكل ماخذين شكار امي
حيل بيض وعيونهم ملونه عسلي وصفره سبحان الله
عبالك اطفال اجانب شكد حلوين ياربي شنو هالجمال
ابوس بيهم وما اشبع
سلمت ع عمر لان كان جاي
وردلي السلام
بابا ..يله خلينه نمشي اني تعبان
نور ..اي بس دقيقه بابا ورجعلكم
امي ..وين رايحه
ماما بس انطي خبر لعيالي لان هم ينتظرون بنتهم ترجع من السفر
ام محمد ..كلنه واكفين ننتظر طلعت المسافرين
وشفت احمد
ردت امشيله وسبقتني نور
عبالي راح تركض عليهم بس شفتها ركضت الغير مكان ودفع بالناس وتصرخ
وماضل شي ما وكع منها جنطه ع عبايه
وهناك شفتها اتحضن ناس وتبوسهم
رحت شلت جنطتها والعبايه
بعد ما بوست جهالي وتحمدت الرشا ع سلامتها
كتلني الفضول اعرف منو هذوله الناس
وهاي الحقيره الجلبه شلون اتعوفنه وتركض عليهم
مشيت بخطوات محسوبه
باوعت وركزت زين اعرفتهم
هذوله اهل نور
اتفوا عليكم وع الساعه الشفناكم بيها
اخذت العبايه وصحت
نوووور
التفتت عليه
اشمرت العبايه
هااااج ستري نفسج يامرت ابني
اسفه عمه ما ادري شلون وكعت من راسي
مره الثانيه انتبهي اكثر ليروح يوكع منج شي ثاني وبعد متكدرين تردي
شنو قصدج عمه من هالكلام
عافتني ومشت حتى ماسلمت ع اهلي ولاسئلتني منو هذوله الناس ولا عبرتهم اي اهتمام
مشيت وراها وصلت الرشا بستها وحضنتها وتحمدت الله ع سلامتها
وسلمت ع احمد ايضا
ياسر ..اكلج هذوله منو
اهلي
شنو رجعوا
اي رجعوا ليش اكو اعتراض
لا بس هذوله الشباب اخوتج
التفتت عليهم باوعت زيد وعمر
بس لا هذا فكس بعمر وعرفه
اي اخوتي هذوله خير تعرفهم انت شي
لا بس مشبه ع واحد
اكلك صارلهم عشر اسنين خارج العراق شنو مشبه ع واحد
ابتعد عنهم احسلك
هاي اشبيج نور ...قابل شعندي وياهم
اي مو دا اكول
عمو عمه اني اترخص منكم اريد اروح ويه اهلي كم يوم ابقه يمهم واشبع من شوفتهم
العمه ...متروحين اخذي راي زوجج بالاول خوما تايهه هي صارت هسه لان شفتي اهلج
العم ..اسكتي يامره ...روحي بنتي حقج اشوفين اهلج صار اسنين محرومه منهم
روحي ابنيتي ومن تردين ترجعين بس
اتصلي بينه واحنه نردج
العمه ...شنو تتصل بينه واحنه نردها شنو خداديم عدها
لا والف لا
مثل ما ااروح لهلها ترد هي الوحدها
عمه لشيلين هم اهلي يرجعوني
ياسر ...نور دكي عليه اني ارجعج
لا شكر متقصر
بس اهلي بعد موجودين وهمه يرجعوني
يله تسمحولي اروح بعد
بوست رشا
حبي عذريني لان حروح يم اهلي ومراح اكدر اشاركج فرحتج
بس صدكي من ارجع اعوضها الج ومن اعيوني
لا حبي روحي اني هم فرحانه لان شفتي اهلج بعد هالغياب الطويل
روحي وسلميلي عليهم
اوك حبي ارجعت بوستها وحضنتها
وعفتهم ومشيت
يله بابا خلي نمشي
هذوله منو ...؟
اعيالي بتهم اليوم رجعت من الهند سوت عمليه
شنو هذوله ميعرفون الاصول
بابا معلينه بيهم خلي نمشي
الاصول مو احنه نطلبها بلسانه الاصول اتكون مزروعه بينه من الولاده
هاي انتي شلون عايشه وياهم
عايشه بابا لشيل هم يله زيد امشي
شنو عجبتكم الوكفه اكبالهم واحدكم يتفرج عالثاني
ماما امشي
وطلعنه من المطار كله تمشي بينه السياره واني حاضنه امي بثنين ايدي وخاله راسي ع كتفها
وهي خاله يدها ع خدي
حسيت في لحظه ارجعت صغيره بعمر ال ١٢ سنه من رحنه سفره لشمال
واني يم الشلال وكعت وردت اغرك
وامي عاطت واخوتي جيتوا بالمي يطلعوني
ومن طلعت ضليت بحضن امي كاعده مقبلت بعد انزل من حضنها وحرمتني من المي والشلال
ومن هذك اليوم واني احس امي اتخاف عليه من الهوه
بس ما اعرف شلون كدرنه كل هالسنين عايشين بعيدين واحدنه عن الثاني
اشكرك يا اللهي لان رجعت اهلي الي ورجع حضن امي الي الله يديم فرحتنه
يايمه جنت اضن من يكبر الواحد يعيش ومايحتاج رفيج يكوده
اثاري كلبي طالع عليج رجيج بنار حنيتج تفك باروده
ورثيني اشويه قوه اشويه حيل مو من جلمه ارد ممروده
مو امثل بالقوه كدام الخلك وانه روحي من التعب معكوده
خل اسولفلج ضناج شحس وراج وشكم سجينه نبتت بعضوده
هذا كلبي شكد وكع وشكد عثر محد لفاه
ضال بس يصيح لو بس امي موجوده
خنكه الي مو امه يمه تكون جنه اليموت ويحس ببروده
امي وطن امي كاع ومن عيني كلشي يجرالها
من عيني تعرف بيه مابيه شي
وتضل تدعيلي الحالها
الهل سبب اشما امرض وضيع ما ارضه يدفنوني اله بشالها
وصلنه البيت منظره من بره بناء حديث وراقي
نزل عمر وكال لحد ينزل خليكم بالسياره فتح باب ونزل هوه
راح للبوابه فتحها ورجع صعد بالسياره
دخل السياره بالكراج
وما شاء الله الكراج مالته فعلا يرد الروووووح
منظر الزرع والزهور الماليه المكان بكل الوانها والثيل الديكور والنافوره الوسطيه
روعه روعه روعه
امي ..ما شاء الله الحديقه جدا حلوه عاش ذوقك عمر ع هالبيت الراقي
عمه بعد ما شفتي الداخل
اتصلت بالشركه الذهبيه واثثوه من الخيط للابره اثاث جدا حلو
اتفضلوا
ونطه عمر مفاتيح البيت بيد ابويه
اتقدم ابويه وفتح الباب ودخل ودخلنه وراه
ما احجيلكم ع اندهاشنه بالمنظر
شكد جان بيتنه القديم حلو
هذا احلى منه بضعاف
الديكور الاثاث الترتيب الاناره شكد ما احجي ما انطي حق الشركه لان فعلا ذووووق ولا اروع منه
دخلنه للاستقبال وكعدنه
امي كالت خلي اشوف الثلاجه بيها شي
عمر مسوك
لا عمه الصدك ما مسوك شي لان كلت يخرب انتوا من تجون نروح ونسوك ودللي
التردي انجيبه
لعد هسه شسوي غده جعنه
عمه موصي ع قوزي وسمج مسكوف وراح اروح اجيب امي وخواتي وبطريقي اجيب الغده
شما ..اي عفيه عموري حيل مشتاقه الامي وللبنات
فدوه اخذني وياك
زيد ..وين ياخذج الجهال اتموت من التعب اصبري ساعه همه يجون
عمر ..اني اترخص اجيبهم ورجعلكم
الاب ..روح حبيبي
طلع عمر وكمنه اني وامي وشما نفتر بالبيت ونتفرج عليه
وكعدنه بالغرفه وامي بدت تسولفلي عن حياتهم الجانت في تركيا
وسحبت الجنطه مالتها
تعالي نور اتقربي مني اكثر
اتقربت عليها هاااا ماما
هاج حبيبتي
انطتني علبه مال مجوهرات
افتحتها
تخم من الذهب الابيض وبي ماسه جدا نازكه شكله اكثر من الروعه
هاي الج ياعمري انتي
احضنتها وبديت ابجي 😭😭😭
ليش هالبجي حبيبتي
يعني ماما وانتي اهناك ومانسيتيني وجبتيلي هالطقم
انتي اغله من روحي عليه ماماتي ليش اني شكم نور عندي
اني لوما ابوج واخوتج مجان عفتج ولا عفت العراق
بس غير ابوج خاف ع اخوتج من هالناس المترحم وخاف لا ينكتلون وطلعنه
والحمدلله هسه رجعنه وان شالله كلشي راح يتحسن ونرجع نلتم من جديد
اي ماما اني فرحانه حيل بشوفتكم بس فرحتي مو كامله لان سيف ماكو ويانه
اني راح اضل الح ع ابوج وخلي يرجعه ويكعد ويانه لان اني هم كلبي طاك عليه شنو بالسنه اشوفه وشوف جهاله مره وحده
والله من يجون حد ما يرحون عيوني متبطل دمع
ماما انتوا ليش خليتوا يسافر المانيا شعجب بابا اقتنع
هو غير لح اله يسافر وشكم مره اتعارك وياه ابوج
بس مفاد اله يسافر وسافر وهاي صارله كم سنه عايش اهناك
يكول حلوه ...الله يسعده
والله ماما حيل مشتاقتله
زين يوم عدكم اتصال بي
اي شلون لعد نتصل عالفايبر والفيس
اي زين انطيني رقمه حتى اتصل بي اني هم
بس مو هسه خليها بالليل اتصل حتى انظل نسولف وياه
شما ..عمه زمن جوعانه
اي عمه حبيبتي هاج انطيها نستله شسوي اذا الثلاجه فارغه
كون عمر ميتأخر
طنننننن طن 🔔🔔🔔
نور ...هاي اكيد اجه عمر
خلي نطلع نستقبله
طلعنه وفاتن البنات وعمتي سلمنه عليهم واخذنه منهم الغده
فرشنه السفره
ومدينه الاكل ع ميز الطعام ماشالله يسد عين الشمس
وبدينه ناكل
كعدت بوسط ابويه وامي
بابا ياكل ويخلي كدامي وماما كذلك
عبالك بعدني الطفله الصغيره المدلله ابوسطهم
وصار الحجي والسوالف وذكريات الماضي كلها حاضره بهالجلسه الحلوه
بعدها شربنه جاي والشرب ببسي وسفن
ظلينه كاعدين بالاستقبال نسولف وسالفه تجر سالفه وضحك وشقه
وهناك عمتي سئلتني
نور شنو ماعندج اطفال شو ما شفت فد طفل يمج
اختنكت وصوتي ضاع حسه
ورديت بعبره خانكتني
لا عمه ماعندي اطفال
عمه وانتي ليش ساكته
لا مساكته راجعت ماكو خلل بس من ربج بعد الطفل هم رزق من الله
ونعم بالله ربي يرزقج بطفل يملي حياتج
و كون يكون حلو مثلج
انتي بصغرج سبيتي المنطقه متوكعين بالكاع من ايد ال ايد
اشكرج عمه ربي يفرح كلبج
وبعدها كلمن اعتزل مع مجموعه شما واهلها
واني وامي وزيد
بس بابا فات للغرفه ينام لان تعب حيل بالسفر
صار العصر
عمر خلي نمشي نطلع زيد نروح للمول
اي عادي يله اجهزو
اني كنت متردده بالطلعه والصدك كنت خايفه
خاف اطلع واشوف ياسر او اعيالي يدرون
ظل التفكير معلك براسي
زيد ..خير نور شو مكمتي بيج شي
لا حبيبي هسه حكوم
خاف متردين تطلعين
لا عادي ياعمري اطلع وين ما تردون نروح
اي خلي اطلع وياهم اني اسنين عايشه ومحبوسه بالبيت محد كلي عفيه عليج ولا احد مدح بيه
كلهم شتايم وغلط
خلي اطلع قابل اني ويامن طالعه ومنو اصلا راح يوصل طلعتي لعيالي
كمت لبست الجبه والشال مالاتي
وغلقت التلفون وخليته بالغرفه لان ماريد احد يعكر مزاجي واني يم اهلي
طلعت عليهم كلهم جاهزين
زيد ..هاي شنووووو ...؟؟؟؟؟؟ نور
شنووو زيد اكو شي
اي اكو..... شنو هذا لبسج
ليش ماعندج غيره لج اتلعبين النفس طالعه بي عبالك مره جبيره عمرها بال ٥٠ سنه
روحي روحي غيري هالبس العليج
زيد مجايبه ملابس ويايه جيت بس بهالفستان
ولج يافستان هاي العبايه اسميها فستان
كومي شما طلعي النور شي حلو تلبسه
خرب حضي اذا اختي الوحيده هيج تلبس
لعد لا عتب عالفقير
عبالك لبس مال مجادي ...الله ينتقم من زوجها المخليها هيج تلبس
عمر ..زيد يمكن ماعدها منين اجيب يعني
عمر اني ما اعتب عليها اعتب عالثور المزوجته
لازم هو يجيب ويخلي اكبالها ويشتريلها احلى الملابس
هاي نور بنت عزام الملياردير هيج تالي ملابسها
حتى مال الباله ارقه من البسته
يله كافي زيد خاف تسمع نور وتنقهر اسكت بعد
لاهسه من نطلع اشتريلها كلشي بنفسها
اختي هاي الوحيده عمر
انطيها عيوني اذا رادت
متقصر ابو يزن ...يله وينكم بنات
عمه انتي لعد متجين
لاحبيبي تعبانه اني وامك راح نبقه يم عمك كاعدين
لان السفر تعبنه
زيد ..امشي يوم ويانه قابل شكو تعالي عالاقل اتفرجي ع بغداد نشوف اصار ما صار بيها خلال هالسنين شنو التغيرات الصارت
اطورت لا
يمه قابل بغداد طايره اول وتالي نطلع ونشوفها غير وكت روح انت والبنات وتونسوا
بس لتنسون اسوك شغلات للبيت
صار يوم تدللين
نور ..اخذتني شما للغرفه
طلعتلي بنطرون وقميص حلوات
لبستهن
بس ماعدها شال لان مو محجبه
رحت ع امي وطلبت منها
كالت بالجنط وتعال وين راح تلكيهن
ارجعت لبست شالي صح مو راهم عالبس بس افضل من الماكو
عبايه ام الراس محد قبل البسها
وطلعت الهم والكل انبهر بطلتي مع العلم زيد شايف هالبس ع شما بس انبهر من شافهن عليه 😳😳😳😳😳😳😳😳👁👁 👁👁
👁👁 👁👁 👁👁
هيج انفتحت عليه العيون حتى خجلت منهم ومن نظراتهم
هاي اشبيكم ليش الكل يباوعلي هيج
👁👁 عبالك اول مره ابدل كدامكم
زيد ..لا حبيبتي بس فعلا بهرتيني بطلتج شكد شايف هالبس ع شما بس ابد ابد مو بجمالج
خجلتني زيودي
اي استاذ زيد يعني طلعت اني مو حلوه مو بهالبس بسيطه راح اشتري شغلات وحرمك من شوفتها
لاكلبي انتي حلوه ودومج حلوه وانيقه بس هذا البس راهم ع نور اكثر منج
عمر ..فضونه راح انظل بالبيت لو شلون
طلعنه وفترينه المنصور شبر شبر حد ما تعبنه
دخلنه للمول افترينه بي
شي جدا حلو وراقي حتى الناس البي راقيه
زيد فات ع محلات هواي وشترالي كومه ملابس وشغلات
واني اكله ماريد وهو يجيب ويخلي كدامي
ترسلي ثلاث علاليك دبل
فتت ع محل للحجاب
اختاريت ححاب راهم ع لبسي هسه
لبسته ونزعت القديم ضميته
وطلعت
زيد ...اي هذا الحجاب روعه عليج وراهم عالبس ابقي بي
اي حبيبي باقيه بي شكرا زيود
لتشكريني نوره تنوره
تعبنه حيل
ردنه طلع بره نتعشه
بس شما والبنات خواتها
رادن ياكلن كومبير بالمطعم الموجود بالمول
كعدنه بالشافعات لكينه طاوله
حتى زيد ضاج حيل لان المكان مزدحم بالناس
وهنه جلبن اله كومبير ياكلون
دخلنه مطعم جه جه وكعدنه
دزينه ع طلبهم واحنه طلبنه بيتزا وبركر
وجانت الكعده جدا حلوه
نزل عمر وزيد اركيله
باوعت شو هاي البنات كلها اتأركل
معقوله هيج التطور
حول البنات وخلاهن ينركله كدام الجميع بدون مستحه وخجل
سبحان الله اذكر بيبيتي ام ابويه الله يرحمها
كانت ادخن جكاير
بالبسكوت تشربها
اتكلي راقبي من يفوت وكليلي
واني جنت مثل الشرطي لازمه حراسه
خاف احد يفوت ويلكف بيبيتي هههههه😄😄😄
والله وكت
بعدها نزلنا لطابق الارضي حتى نشتي شغلات للبيت
وريوكات لصبح
اخذنه خير من الله وطلعنه كانت الساعه حدود ١١ ونص بالليل
تعبنه حيل خلينه ورجعنه للبيت حدود ١٢ او وحده ما اذكر بالضبط
الكل ميت تعب
رحت فرغت الغراض مال المطبخ بالثلاجه
ورجعت الامي شفتهم كاعدين بالهول الكل لساعه ٢ اني بعد طفيت حيل كمت اشوف الواحد ازدحام كوه افتح عيني
امي حاجتني بهمس
كومي حبيبتي خلي انام اني هم نعست مثلج
كمنه البنات نامو بالغرفه الموجوده
والولد نامو بغرفه زيد
واني وامي نمه ع سريرها
بابا نام وحده بالاستقبال عالبنكه لان مو زين عليه الهوه البارد حيل
حضنت امي وحضنتني ونمنه سوه ومحسينه اله ع وجه الصبح
الكل صحه اتريكنه وبدينه اني والبنات انرتب الشغلات
صارت عندي غرفه يمهم جدا حلوه
خليت بيها كلشي اشتراه الي زيد
سوينه غده دولمه والكل حاظر ويانه والمه متنوصف من الجمال والمحبه
عمر راح جاب زوجته وجهاله
ولاول مره اشوفني حسيت بيها كبت الغيره مني
لان كل اشويه جايه وسائلتني ع شي
هذا شعرج كرياتين
هاي عيونج عدسات
هاي خدودج نفخ
عبالك احد كايللها اني عوبه وسويت ع روحي تحسين وتعديل بشره وجسم
متدري هذا شكلي اصلا انعدم من ازوجت محمد
وين جنت مثل الورده المفتحه وين هسه مغمضه وذبلانه
اباوع عليها اشوف اعيونها طايره ويه عمر وين ما يروح
فعلا ضحكتني
اني من جان شاب خالي مختلي ما رضيت بي
مو عاد هسه صار عنده عائله والثالث بالطريق
الله يساعدك والله ياعمر ع هاي البلوه
هذا ابتلاء
العنده هيج مره غياره كشره اعتبره ابتلاء
مرض مزمن طول العمر
اووووف الله يبعدني عن هيج حماقه
حلوه الغيره بس اتكون بحدود معقوله مو بخبال
العصر قرروا نروح لزوراء
والكل طلع ويانه حتى ماما وبابا
وكانت طلعه من العمر
وظلينه يوميه نطلع في مكان نفتر بي ونتعشه ونرجع
زيد اشتره سياره عاليه
وهو وعمر ميخلون مكان اذا مياخذونه بي
وهيج عدت الايام الحلوه مع اهلي بضحك وشقه ونسه سوالف حلوه
واهم شي هو الحب والوئام مابينه
شكد بقيت يمهم ابد مغثوني بسالفه
ولا حرجوني بسؤال
حتى امي من كانت تسئل ع حياتي مع زوجي وعيالي ماكنت انطي بيهم
دائما اكول زينين والحمدلله عايشين
ابد ماححيت شي الامي
خابرنه سيف ومصدك من شافني ابيت اهلي وكاعده وياهم ومتونسه
شفت جهاله يجننوا فعلا اتحسيهم اجانب شكر صفر حمر
العيون ملونات والبياض والشعر ذهب
مينوصف شايلين حسن وجمال رباني عظيم
وكال بس اضبط وضعي
احجز للعراق يجي انشوفه
ويبقى فد شهر يمنه
والكل فرح بسماع هذا الخبر
اكثر من مره سويت كيكه للبيت ونكعد بالليل ناكلها اني وزيد
ولج الكيك مالتج يجنن والله اطيب من الجاهز
شتخلين للكيكه وهيج تطلع طيبه
هذا حبيبي سر المهنه ما اكوله 😂😂😂
عابتلج شكد حقيره ولج صايره
لا زيود مو حقيره بس كول خبيثه ما اعلمك حتى تبقى تشتهي تاكل كيكه من ايدي حبيبي
اكيد نورايتي هو اصلا الكيك ميحله اله من يدج
والباجر بعد لازم ارجع لعيالي لان اكيد هسه ناصبين الميز ومسويني لفات كص وموزعيني عالناس
الله اليستر من رجعتي
وصلت البيتهم فتح الباب احمد ودخلت
وبعدني حتى ما مسلمه عليهم ولا رجلي خطت باب المطبخ
استقبلتني عمتي
يتبع