بارت ...٢١
#انين_الرووح
هاي اشجابك انت
صدك واحد متستحي ولزكه
عاد جاي وحدك لو محمد وياك
جيت وحدي ادري بيج جوعانه
جبتلج هذا العشه اتعشي بي وحدج لتنطين منه الرشا لان متستاهل
والله حتى وكفتج هاي وياها متستاهلها
اني جنت اشوفها شلون اتعاملج جانت
انت ميخصك هي حماتي وتمون عليه
واني كلشي اسوي هو لله عزه وجل ممحتاجه من واحد يشكرني
ونعم بالله بس هيج ناس متستحق حتى الرأفه بيهم
اني لو زوجج والله اسويلج تمثال او تاج وخلي فوك راسي طول العمر
امشي منا ياسر
انت شلون دخلت للمستشفى وبهيج وقت الحرس موكفوك
لتخافين عليه اني كلشي اكد اسوي محد يوكف بوجهي
لا متوهم اني اوكف بوجهك ومنعك وشحدك توصلي
بهاي صدكتي مو لان خايف منج او انتي قويه لا
بس كلبي يحبج وضعيف كدامج ميتحمل نظره منج كبل يسلم امره ويسرح روحه
نور افتهمي تره هذا يأشر بيده ع كلبه
يدك بس الج انتي ساكنه بنصه وما يرضه تطلعين منه وحرامات انتي لمحمد المكسح
ياسر كافي اتخربط بالحجي اخجل اني مره ابن عمتك اخجل منه هو رجال مو تدخل بيته وتاكل من زاده شلون تحجي عليه وكدامي
لج هوه هذا هم اسمي رجال
لج وكفه يخاف يوكف ع رجله ليروح يوكع وينجبح عبالك طفل توه يتعلم زحف
متكليلي اشفتي بي وزوجتي
ههه وشراح اشوف منك عيني التحجي عنه رجال ونص ولوما الحادث الصار جان هسه هو واكف ع رجله وصالب طوله بس الحادث كسره الله يساعده
نور اني شاك حتى بيج يمكن انتي بعدج ابنيه ملامسج محمد
لان من يومها وهوه اسكط اكيد مكدر يوصلج وياخذج
تعالي حبي صيري الي مره وام بيتي
والله اعيشج ملكه ع كل البنات
بس تعالي الحضني وبيتي
انجب ولتحجي هالحجي امشي لا والله اصرخ ولم عليك الحرس يطردوك هسه سحل مثل الطلي
وعيونج محد يكدر يوصلي
ياسر والله حعيط ولم المستشفى عليك
اني رايح وباجر اجي اشوفج يابعد كل هلي وناسي
احبج نور احبج افتهمي حيل حيل احبببببببببببببج❤❤❤❤❤❤
حبتك حيه كون ام راسين عابت منك ومن حبك
حبي ماشي اني
رايده شي اجيبه الج ويايه باجر
روح من راحت روحك كون كول امين
اذا وياج وتروح وانتي بحضني اي اكول امين
بس اذا مو وياي لا والله كون اظل العمر كله عايش حتى لو بس ع اطلالج
😘😘😘باي حبي
راح وله وعاف علاكه عالميز سوده
رحت عليها وفتحتها شفته جايب دجاجه شوي
اني ميته جوع بس اريد لكمه اكلها
نسيت كل كلامه رغم لا كلامه ولا شكله ولا نظرته ارغبلها بس الجوع قاتل واني من مصباح الله مماكله شي
واخذت العلاكه وكعدت عالجربايه اكلت
لان اخاف اخرب اني هم من الصبح مماكله
اكلت والحمدلله شبعت شديت العلاكه والباقي البيها ....وخليتها عالميز
اشويه وندكت الباب
كمت ابساع غسلت وطلعت
العفوا عدكم علاج
اي اتفضل
يعني هسه الساعه ١٢ بليل ماطول اجه المضمد
انطه العلاج الرشا وهي نايمه
العفوا اذا صحت اكدر اوكلها فد لكمه خطيه مماكله شي من الصبح
لا لتوكليها شي احنه ننطيها مغذي وبس
اوك شكرا الك
الباجر الصبح هم ينطوها علاج ويعلكولها مغذي
شكرا
ادللي
.........
محمد ..شوف بنت الكلب كتلها لتغلقين تلفونج حتى اتصل بيج
بس حقيره مو بيدها
هاي اكيد اعناد برشا غلقته حتى منعرف شديصير برشا
بس بسيطه خل يصبح الصبح واني اعلمج
لك احمد كل اشويه دك ع نور لحد ما اجاوبك
اااااخ الله لو يمي وسوين هالتصرف جان كسرت اسنونج بحلكج
غير يصبح عاد الصبح
.........
نص الليل حست رشا وكامت اتون وتئن ماعرف شسويلها
رشا بشنو حاسه
حاسه جسمي كله يحركني ودياكل بيه رحميني نور
والله ما اعرف شسويلج شنو بيدي عليج اتمنى اساعدح بشي
فدوه نور انطيني شي يهدء الالم والحركه
ماكو شي انطي الج حتى علاج ماكو يمي
روحي نور عالسستر او الدكتور كليله رشا متألمه حيل
رشا ماعرف ابيش الساعه واكيد هسه كلهم نايمين
وكامت اتعيط رشا من شده الالم
كافي يمعوده راح اصحين المرضه بعياطج
دا اكلج راح اموت جسمي يحركني اريد احكه كله اريد شي بارد يطفي روووووووووووووحي نور دوري عالدكتور نووووووووووووور
هسه هسه كافي اعياط راح اطلع ادور عالدكتور بس لظلين اتعيطين
نور ...طلعت امشي بالممر اباوع الغرف من الشباك كلها مضلمه والمرضه نايمه
امشي وتلفت بلكي الكه غرفه دكتور او غرفه المضمد
طلعت من الممر الطويل صار المصعد اكبالي
حرت شسوي ياربي وين اروح هسه اني
خل انزل للاستعلامات بلكي واحد كاعد
نزلت بالمصعد للطابق الاول مشيت المستشفى كلها هدوء هدوءها ياخذ الكلب ويملي رعب
ظليت اقره ايات وامشي بالممر صارت ساعه جداريه اكبالي باوعت عليها
ياااااااا الوكت متاخر حيل هسه منو كاعد
ياربي شلون هالمسكينه ده تتألم
جانت الساعه 3:35 الفجر
وصلت للاستعلامات لكيتها فارغه مشيت حد باب الخروج
اكو غرفه شفت بابها مفتوح
دكيته جان اكو شرطي حارس امدد عالسرير
استحيت من شفته امدد
بس دكيت الباب وبتعدت عن الباب هواي
منو هاي
العفوا اخي لو سمحت لحظه وحده
اتفضلي
عفوا عالازعاج اريد اندل غرفه دكتور او مضمد
عدنه حاله حرك والمحتركه كعدت بس تبجي وصيح من الحروك بلكي اساعدني لو سمحت
شوف تاخذين هذاك الممر اتخلصينه للاخير ع ايدج اليمنه غرفه المساعد او المضمد
بس ماتلكين احد كاعد بهالوكت تعرفين الساعه اشكد هسه
اي شفتها بس شسوي خطيه بلكي ينطوها مسكن وترتاح
شكرا الك اخي واسفه ع ازعاجك
مشيت للممر النهايته شفت الغرفه شباكها اضلم
اكيد نايمين شلون ربي ساعدني
اترددت بالبدايه ادكها بس بعدين جمعت قوتي وسميت باسم الله ودكيتها
مره مرتين تلاثه
منووووو
اسفه اخويه بلكي لحظه لو سمحت
شرايده 😴😴😴
اسفه والله بس اجيت لان عدنه حاله حرك والبنيه صحت وهسه حيل متألمه ودا تبجي وتعيط من شده الالم
شنو منطوها علاج
اي انت اجيت ونطيتها شنو نسيت
هو اني اذكر شنو اسمي هسه حتى اذكر انطيتها لو لا
انتي صاحيه مشوفيني نايم
اسفه والله وحقك بس هي متألمه حيل هسه بس مسكن عالاقل
احد كلج اني اوزع دوه بالمجان
اختي روحي ورجعي الغرفتج والباجر ينطوها علاج لاتضلين كل ساع جايه ومصحيتني
اخويه اني توني اجيت منين كل اشويه جايتك يمكن هاي غيري
اختي روحي ماعندي علاج خل تتحمل لصبح
زين عرفه الدكتور وين الكاها
عمي درووووووحي لزكه خوما لزكه انتي
وسد الباب بوجهي
طاح حظك شلون اسلوب يحجي بي
بس لا هم حقه نايم واكيد ماعنده علاج قابل شيسويلها او اشينطيها هو كله مضمد خوما دكتور ويفهم الحاله
ارجعت الغرفتنه
رشا ..هاي وين صرتي الخاطر الله
والله جنت ادورلج ع دكتور مضمد ماكو الكل نايم ومحد يقبل يجي
يكلي خليها تتحمل لصبح
لج شتحمل اكلج راح اموت عبالك ابر وتنغز بجسمي
الله يساعدج بس شنو بيدي اكدر اقدمه الج جان قدمته
لج عيني نور اريد شي بارد اخلي ع جسمي نار نار يطلع منه
عبالك بعدني احترك
اووووووف يا رشا ماكدرتي تصبرين ثواني من اطلع اسويلج غده
كافي نور مو وكت عتب اترجاج انتي كلج قصور من راسج الرجليج ارحميني ساعديني
رشي ع جسمي مي خلي يبرد
لا ولج يا مي مو زين غير تسممين وتموتين
ياريت اموت شلي بعد بعمري واني صرت مشوها
لتكولين هيج ذكري الله استغفري حرام هالكلام انت مؤمنه
سبحي بداخلج وحمدي ربج مرارآ وتكرارآ
باوعت بالغرفه ادور ع شي اهفي بي الرشا
ما شفت
صارت بس المخده اكبالي
اخذتها ونزعتها الوجي مالتها وبديت اهفي الرشا بالوجي حتى يجيلها هوه بارد
ااااااااي فدوه شنو هالهوه هذا .....الله دا حس ابروده
استمري نور عفيه ظلي هفي بس كون اقوه اشويه
ظليت احرك ابوجه المخده الحد ما ايدي وكعت من التعب
ارتاحيت اشويه
لا نور ليش وكفتي
تعبت ايدي بس اشويه ارتاح ورجع اهفلج (اهويلج)
وستمريت ع هالحال اهفي اشويه ورتاح اشويه
الحد ما شفت الفجر بده يطلع من خلف الشباك
رشا تره تعبت ايدي حيل ونسطرت خلي انام اشويه فدوه
شلون نور اتعوفيني الوحدي صاحيه
اني اتعبت وانتي هم حاولي نامي
ما اكدر انام جسمي يأذيني
فكري بشي حلو ينسيج المج
ميخالف نامي انتي واني راح اتحمل امري لله والواحد القهار ..قابل اظل اتوسل بيج
هسه لو امي يمي جان معافتني كاعده الوحدي هم اظل عالاقل اسولف ويايه وتنسيني الوجع
رشا تره اني من البارحه صاحيه الحد هاي الحظه
اني هم بشر من دم ولحم اتعب ونهار لازم ارتاح عالاقل فد ساعه وحده الله يخليج
اي اي نامي راح تقريلي اليتيمه ماريد شي منج الباجر رجعي للبيت وخل امي تجي يمي
امج شيجيبها هي هم اصابيعها محتركه وسكر وضغط نامي رشا الله يهديج ويشفيج
عفتها وصعدت السرير وتمددت عليه واول ما خليت راسي عالمخده نمت محسيت بالدنيا بعد
غير ع صوت الباب تندك
كوه فتحت اعيوني شفت الصبح طالع
كمت فتحت الباب
صياح الخير
اهلا صباح النور
وكت العلاج
ليش ابيش الساعه هسه
هسه الساعه 8:15 وين مريضتكم
هاي نايمه
نصب المغذي وضربها ابره بالكانونه
خلص الشفت مالتي
الساعه ١٢ الظهر عدها علاج تنطي الها ام علي السستر الظهر اتبلش دوام
اكلج انتي مو الفجر اجيتي الغرفتي
اي جنت محتاجه مساعده
اختي احنه وره الساعه ١٢ باليل مننطي اي علاج بعد
وانتي ابد لتنزلين هيج وكت جوه
تعرفين حرس وامن وناس مترحم متخافين ع حالج
شسوي غير شفتها تتألم ركضت عليكم حتى اساعدوها
ماكو مساعده خيتي لتنزلين هيج وكت الناس مترحم لتكولين حرس وامن الله وكيلج كلها اذيابه
العنده وجع يتحمله لصبح خووووش افتهمتي ...؟
اي اني اشكرك عالنصيحه
مع السلامه خيتي
مع السلامه
تقريبا وره نص ساعه افترو علينه يوزعون صمونه وكلاص جاي وجبن واحد مثلثات
رشا ...ااااخ يمه وينج
هااا رشا حاسه بشي
اي نور كل ما يروح مفعول الدوه يرجع جسمي يحركني
نور جوعانه
والله ميصير اوكلج لازم تبقين بس عالمغذي اصبري اشويه رشا
اووووف اوووف يانور لشوكت هالصبر
حتى الصبر جزع مني
مرحبا
اهلا
شنو حالتكم
حرق
هااا شكرا
اهلا
رشا ..منو هاي
طلاب طب يفترون عالمرضه حتى يدرسون حالتهم ويمتحنون بيها
صدك يعني همه هيج يدرسون
اي نظري وعملي
هسه نظري مجرد سؤال ع حاله المريض
وعملي بالمختبر ع جثه والله اعلم
رشا ..لا عفيه ماريد من اموت يدرسون ع جثتي والله اكوم اكسرهم
هههههههه شلون اتكومين وانتي ميته بس لا اكيد اهلج ميقبلون بتشريحج
اشبيج رشا ذكري الله مو وكت موت
اكلت الفه وشربت الجاي
اكلج خلي اطلع اشوف الغرفه البصفي بالكي عدهم شاحنه جهازي طافي
واكيد اهلج ظل بالهم عليج
اي روحي بس لتتاخرين عليه نور
لا ما اتاخر هي الهاي الغرفه البصفنه ماروح بعيد
مرحبه
منو عنده شاحنه كلكسي
هاي عندي بس شحني جهازج اهنا عفيه
اي عادي بس فدوه ديري بالج ع الجهاز
خليته عالشحن وطلعت رجعت الرشا
شفت داخل يمها طالب كاعد يدرس حالتها
مرحبه
اهلا
انتي اختها
لا مره اخوها
محتاج كم سؤال لو سمحتي
اي اتفضل هي هم اجاوبك
اي اكيد
وظل يسئل الطالب الدكتور واني ورشا انجاوب اخر شي فرح رشا ابخبر حلو
الطالب ..اتكدرين اتقدمين ع مساعده طبيه من قبل اللجان الطبيه
ويمنحوج فرصه استفرين ع حساب الدوله لاجراء عمليه العينج والجسمج
طبعا هي حيل فرحت
وطلع الطالب من عدنه وهو فرحان
شلونكم
التفتت شفت محمد وياسر واحمد
بخير الحمدلله
انتوا شلونكم
محمد ..شلونج رشاوي حبيبتي
مو زينه محمد الحرك يحركني
اي حبيبتي لازم اشويه تتحملين
محمد اريد اسافر حتى اتعالج خوما اظل هيج هم عيني وهم جسمي مشوهات تره راح اتخبل صدك
لاحبي اني راح اسئل وشوف نكدر انسفرج
اي هسه الدكتور كال قدمي ع اللجان الطبيه يساعدوج عن طريق منظمه الفلانيه
اوك اروح وسأل
المهم انتي هسه حاسه بشي
اكله داموت جسمي كله يحركني
منطوج علاج
نور ..نطوها ساعه ٨ الصبح وبعد عدها الساعه ١٢ الظهر
اكلج انتي حيوانه شنو 😠😠😠 ليش غالقه تلفونج
شكتلج رشا هسه كبل يجي ويتهمني
رشا ..لامحمد مغالقته بس هو خلص شحن ونطفه
خلي اروح اجيبه
محمد ...ليش وين موديته
يم ابنيه كتلها تشحنه
عفيه تلفوني
اتفضلي بس تره بعده شحنه قليل
تسلمين حبي هاي ٢٠ واصل يكفي شكرا ورده
ادللي
احمد ...هاي شنووووو نور مضبطه وضعها
محمد ...شكوووو .....؟
احمد...مشتريه دجاجه شوي
هاي شحني ٢٠ هم ميكفي... للظهر يطفه
محمد ..تعاي هاي اشوكت طلعتي ومنين جبتي هالدجاجه
لا طلعت ولا رحت
هاي ياسر جابها الي انتوا عفتوني بلا فلس ولا لكمه هو من حاله اجه وجابها
وليش مكتيلي
هذا هو كدامك اسئله كله ليش مكتلي راح اتروح حتى اجي وياك
محمد ...ليش ياسر مامريت عليه
والله شفتكم تعبانين والكل مخبوص لان امك وخوانك محتركات
كلت اني اوديلها عشه لان فكرت ماكو عشه الها وماكو فرق ان شالله بيناتنه
تسلم متقصر يسوري فعلا ماكو فرق ابينه انت هم اخوي
نور ..حجيت في نفسي وعوجعت حلكي 😏😏😏
كرت عيني بيك هاي بدل ما اترزله وتكله لسويها بعد مر عليه ونجي اثنينه بس شحجي شكول الماعنده احساس منين اجيبله احساس اشتريله يعني
يله احنه ماشين وراح ادزلج الشاحنه ويه احمد
هاج هاي خليها جوه يدج خاف تحتاجون شي مو اطلعين من المستشفى اكو حانوت ونزلي بالعبايه افتهمتي
اي افتهمت
نور ..وجتي عيني ع ياسر
هوه ابتسملي وغمزلي😊😊😉😉
فعلا كشت روحي منه
طلعوا بعد ما باس محمد رشا
ما اوصيج عليها
صار
يله مع السلامه
الله وياكم محمد لتنسه الشاحنه دزها لان تلفوني ينغلق شحنه بس ٢٠
صارت الساعه ١٢ جتي السستر ام علي
عيني خلي ناخذها عدها تنظيف
اخذوها الغرفه التضميد
رشا ...نور وين راح ياخذوني
لتخافين رشاوي بس يضمدولج الحروق
راح يأذوني نور
لا لا ماكو شي بخدروج
اخاااااف نور تعالي ويايه
هو اني جايه وياج لتخافين ما اعوفج
دخلوها بس مخلوني ادخل
وخطيه اسمع تصرخ اصياحها يجيب التايه
وره ساعه طلعوها مضمده في مناطق ومناطق مكشوفه لان الحرك بيها قوي
رجعنه للغرفه وعلكولها المغذي ونطوها ابره بالكانونه
خطيه نامت وي اتون ودموعها بعيونها
هاج نور
هاااا حمودي منو جابك
ياسر وظل منتظرني بالسياره
هاج هاي الشاحنه
يله خلي اروح لان كلي لتتأخر
شكرا حمودي
ادللي نوره
خليت جهازي عالشحن واخذت علاكه الدجاجه وبديت اكل بيها لان جعت وصار وكت الغده
واني اكل صفنت وجتلي وساويس ابراسي كومه
اشعجب ياسر مصعد ويه احمد اكيد عنده فد مكيده لازم اكون حذره منه
هذا راح ينتهز فرصه اني وحدي بالمستشفى ويظل كل اشويه طالعلي
لازم اكون حيل حذره منه
ومشه الوكت وتلفوني انشحن الحمدلله ورشا بين نايمه وبين اتون من المها
فتحت تلفوني شفت كومه محمد داك عليه البارحه ودازلي رسائل كومه
اطلعت من الرسائل رحت ع لعبه عندي خازنتها العب بيها في وقت فراغي
اسمها كاندي كراش
واصله مرحله ٣٠٩ بس حيل متعبه من تنلعب
ونرج تلفوني هاي شنووووو
رقم غريب منو هذا اليدك عليه
يتبع