لسان حال ملاك....
غنيلي اعله كــــــد عيني
واشبكنـــي اعله كد جفك
واخلط دمعي بجروحك
ونيمني اعله زنــــــدك ذاك
انه استاهل وطن روحك
^^^^^^^^^
لسان حال حسن
انته يل انواع بيك من الجمال
كَلي هم تنباع حته انه اشتريك
يم المراية الخلكَ توكَف تشوف
وانته المراية تجي تباوع عليك
^^^^^^^
لسان حال حامد
عساها بحضي چه ماعدي حظ وياج
شماله الحظ يبعد ايدي عن يمناج
^^^^^^^^^
لسان حال مريم
انت الغلط
بيدك رحت جان الغلط مو مني
ما تسمع اخباري بـ؏ــد
هالمره مو فنك تجي
انا الارجعلك فني
...............................
سحب ايدي وهوه يبوسها سحب اردان البدله وكعت وصارت بالكاع
صارت ايده على القميص الي جوه بدله سحب السحاب
منه وهوه ينزعه ب ايده كنت مثل الفاصله الهايمه ب عيون معشوكي
شوكت كيف وصلنا لل جربايه وهوه فوكاي يتفنن ب تقبيل شايفي
ويطبع بصماته على كل جسمي إلا أن صرت ملكه قلبا وقالبا
فزيت من نومي وإني بحضنه ضهري ملاصق الصدره وأصابع ايده دا تتلمس فخذ رجلي من جوه البطانيه ب شكل عشوائي ملمس اطراف اصابيعه على فخذي قشعر بدني حجيت ب صوت نعسان
ملاك :- ليش ما نمت نياري
اخذ نفس قوي وحجه بصوت هامس
نيار :- غفيت ورجعت فزيت من شفتج بعد بين ايدي ما هان على كلبي بعد انام وانتِ كبالي وبين ايدي
ملاك :- تحبني
نيار :- اذا اكلج طعم الحب ضكته وياج تصدكيني
ملاك :- شيل عيونك وسحرهن عني
نيار :- خلي يسحرنج حتى تكومين وما تبقيني وحدي كاعد
ملاك :- صاير تحجي ب السحور نيار افندي امشي عيني بعد شو بعد اريد انام مبقه شي ويصير موعد تسليم الغرفة ميته نعاس
سحبني اكثر اله وهوه يضغط ب حضنته راسه صار فوك راسي وحنجه على كتفي راصه
نيار :- شنو بزونتي ما شبعتي نوم تكومي كافي عاد
ملاك :- هممم والله نعسانه حتى ما اكدر افتح عيوني البارحه لو ما رزاله حامد لمن نزل الساعه ب 3 بالليل وطفة النت علينا كان بقينا كاعدين للصبح وي البنات والصبح كاعده من ال 7 وركضه ف تعبت (بنبره طفوليه )
نيار :- همممم هسه مو لازم ازعل عليج
ابتعدت شويه ودرت جسمي صار وجهي مقابيل وجهه وأيدي لازمه البطانيه ب قوه من جهه الصدري
عيونه ركزن على ضغطت ايدي على صدري خجلت من نظراته مديت ايدي ورفعت راسه حتى يبعد هل نظره
ملاك :- ما يحتاج تزعل راحت نومتي بعد ،، صحيح اكول
نيار :- كولي يبعد الكول كله أحــچي عيوني
احس انطعن وجهي حمار من كلامه ضربته ب خفه على صدره العاري
ملاك :- خليني احجي ب حجيك دا تنسيني كل السالفه
نيار :- وهو هذا المطلوب حتىى
ملاك :- نياااار
ضحك ب صوت عالي
نيار :- يلا يلا احجي ( حجاها ب نبره كانُ. دا يحاجي طفله )
عضيت شفتي الجوه بعدم ادراك واني احس مسلوبه العقل يمه
ملاك :- البارحه دشداشه اتخبل عليك حرت وين اضمك عن نظرهم
نيار :- شلون شفتيني هاا وإني البارحه حتى ما خابرت ولا دزيت رساله من ورى الهوسه
ملاك :- عندي مصادري وناسي الي يشوفوني كلشي اول باول حتى شوفوني مباشر وشفت الجوبي اروح فدووه الاخواني المترئسي انييي
ثواني وإنكلب نيار وصار فوكايه دكات كلبي تسارعت عيونه مركزه على شفايفي بلع ريكه صدري صار قريب على صدره اكدر احس ب دكات كلبه متسارعه الي بهذلت نفسي ذبلت عيوني من قربه
نيار :- بس اخوانج تروحين الهم فدوه وإني بزونتي
ملاك :- انت الروحي واكو واحد يفدي روحه نياري
كان مركز على شفايفي على كل كلمه انطقها كملت تقرب والتهم شفايفي كانت كلماتي عفويه بسيطه
بس شعلت ناره وما طفت الا ان يرتوي بيه كلماته همساته وي كل لمسه منه كانت توديني الغير عالم
كمل ولمني الضلوعه احب حركته من يعصرني بين ايده ويلمني الصدره احسه يريد يدخلني ب جسمه دكات كلبه اصير احسهن يدكن ب كلبي مو بس كلبه ويبهذلن احوالي
همس واني لامه نفسي على صدره واذني صايره يم شفايفه وراسي ب ركبته
نيار :- كومي بزونتي خل نسبح
ملاك :- اريد انااام حبااب
نيار :- امدد الحجز مال غرفه ؟ شتكولين ؟
كمت ب كسل صار وجهي مقابيل وجهه مديت شفتي الجوه وقدمتها ب حركه طفوليه
ملاك :- اهلي حيجون ب 9 يجيبون الريوك
نيار :- ليــش حبيبتي ما تريكتي ؟ اني تريكت وشلون ريوك دسم يخبللل
ملاك :- نيااار لا تحجي هيج
ضحك ب صوت عالي واني خجلت ضميت راسي ب صدره وكرصته من صدره حتى يبطل ضحك بس ماكو
نيار :- خرب بيج ورمتي صدري ب كرصاتج قابل جذب مو هسه تريكنا لـ؏ــد هذا ما تسمي ريوك اصلاً انتِ ما عندج ذوق هذا ريوك ملكي بس شنسوي
ملاك :- كووم اسبح يلا بين ما الم غراضي
نيار :- ما أ؏ــرف اسبح تعالي ماما ساعديني
ملاك :- اني مو امك يلاااا
نيار :- تعالي سبحيني ما بيه حيل اسبح
ملاك :- نيااار شبيك وياي
نيار :- اني لــوو انتِ ولج شبيججج تريديني اعوف العسل ليــش يا ظالمه
ملاك ؛- راح اكوم اني وانت ابقه
مديتله الساني اله واني اضحك وكمت واني لافه لحاف عليه وركضت للحمام اول ما وصلت الباب عفت اللحاف ب الباب وفتت قفلته اجا هوه فتح الباب مقفوله
نيار :- فتحي الباب ولج شلون تمدين السانج عليه
ملاك :- زوجي وحلالي وبكيفييي
نيار :- لا شلون ما يصير هاي عليها احساب فتحي الباب خل نتحاسب يلا
ملاك :- هههههه ابد والله ولا افتحه روح
نيار :- لج فتحيييي
ملاك :- ماااا روح منا ما عندك خوات
نيار :- لا عندي مره
صرت اضحك وياه وااني اسبح بسرعه فتحت الباب الجكاره بين شفايفه واني ب المنشفه بس لان ما اخذت وياي ملابس بسرعه سحبني من خصري علي جكاره بين شفايفه تفصر بينه ما اعرف شلون يسيطر يبقيها ب حلكه ويحجي
ملاك :- لتحركني ب جكارتك
نيار :- افا عليج اني احركج ما عاش بزونتي
ملاك :- يلا روح اسبح راح نتاخر
نيار :- اريد بعد
عرفت نيته وهوه ياشر ب حواجبه ناحيه سرير كوه فلتت نفسي من بين ايده ودفعته للحمام بسرعه طلعت ملابس وكعدت ابدل قبل لا يجي لميت شعري ونشفته ولبست حجابي
طلع هوه لاف المنشفه على خصره عض شفته الجوه.
نيار :- عوووبه تريدين بس ترجعين وتشوفين اهلج
ضحكت ب وجهه توجهت للبدله واني المها واعوفها ب جنطتها الي جبتها وياي بين ما بدل كمل طلعنا وسلمنه الغرفه
رجعنا اول ما وصلنا تلكونا ب الباب خالي وكانو اهلي واصلين ماما وبابا ذبحو ذبيحه يم رجلينا وفتنا بسرعه ركضت الحضن امي مشتاقتلها
ابو ملاك :- شنو بس الامج مشتاقه واني شنو هنا
تقربت من عنده واني مستحيه حضنته باس راسي كان جايب وياه علبه فتحها كانت بيها سوارين ذهب ابو ليرات بس كانن ضخمات
باوعتله وضحكت كنت دومي احب قطع الذهب الي بيها ليره من ورى بيبيتي كان ذهبها كله هيجي واني اروح اله اكوله اريد مثل مال بيبي
دمعت عيوني لبسني ياه وحضني بقيت كاعده يمه وشابكته ما هان عليه اعوفه الا ان ترخصو وكامو اول ما طلعو
نيار :- اي عيني نعسانه ونعسانه تالي متالي من لكه اصحابه نسه احبابه
ضحكت خالتي على كلامه
ام نيار :- روحو يمه ارتاحو قبل الظهر لان مسوين عشه اليوم
نيار :- يعني يمه مراح تنطونه مفكه ابد ابددد شلون سالفه هاي
ام نيار :- روحي ملوكه ارتاحي حبيبتي عيونج من كوه مفتحتهن وانت يمه اكعد استريح شويه اخذ نفس
ضحكت على كلامه كمت صعدت للغرفه باردهه وضلمه اول ما شفت منظرها تثاوبت نعست
فتحت شالي ونزعت ثوبي كنت طلعت الي ثوب قصير لون وردي فاتح لبسته وركضت للجربايه
باارده تغطيت ب الغطه ونمت من التعب حسيت علي من اجا وحط راسي على ايده وسحبني من بطني علي حضني ونام رجعت نمت ب تعب
عشت أجمل أيام العمر اني بين ايده ويمه مفاركني وما قصر وياي ب شي دلاله طغه بيه هواي صارت روحي بي ما اكدر ابعد عنه دقيقه وحده وهوه هم فترا ورجع الدوامة
كل ما يرجع اشوف بعيونه اللهفة والاشتياق الي اخذناها عاده اول ما يجي يصعد للغرفه واني حتلو كنت ب قمه انشغالي اصعد وراه او قبله
اول ما يجي يحضني ويلمني لم على صدره صرت ما اتعب نفسي وارفع نفسي على اصابع رجليه لا ابوسه ب صدره وهوه يتخبل على هل حركه كنت اتعمد اسويها حتى اشوف ذبله عيونه واصفن بيهن
من بـ؏ــد دوامه صرت أ؏ــرف العجايب الي تصير وياهم وتعب شغلهم بس هم صرت اعرف سهراتهم وايام السهر مالتهم
صرت اتعمد ب هل يوم ما افاركه ابدا ابقه وياه ثانيه ب ثانيه اشوف اصدقائه مرات يدكون يفتحوله كامره على الاجواء ويطلبون منه يجي يردهم
نيار :- اليوم ليلتي مدلل اني عوفوني
عرفت انُ عرف حيلتي صارت تصرفاتي وياه بعقل وتفكير حتى دلالي اله ب حدود صار من بعد ما صرت اسمع نصائح خاله وهي تكول
ام نيار :- خاله المره الزينه مثل الي تلزم العصه من النص وتسيطر على وضعها
ملاك :- شلون يعني خاله شدخل هاي ب هاي
ام نيار :- شوفي ملوكه لزمه العصه مثل الزواج الرجال ما لازم يدلل زياده ويمل من دلاله ويصير يحس هل دلال يخنك او يحسبه شي روتيني ولا لازم ينقسي علي
ملاك :- شلون ملازم نقسى اذا ما نصير ندلل خاله دوختيني
ام نيار :- يمه يعني كلشي ب حدود ملازم كلش تجافينه وتصيرين لا مهمله ناحيته وما تهتمين لان كلشي يزيد عن حده ينكلب ضده صح لــوو لا
ملاك :- اي صحيح
ام نيار :- اي خاله اتذكر بيبتج الله يرحمها مره جمعتنه وحجت ويانا تنصحنه لان جانت تحبنه مثل بناتها
وجان اكو واحد من خوالج عنده سالوفه نسوان ف مرادت تحرج مرته ف جمعتنا وسولفت صارت مثل احاجيج يا بنتي واسمعج يا جنتي كالت الرجال ب حضن المره مثل الطفل
اذا دللتي زياده يتمرد عليج وما يطيعج ويعذب كلبج وما تاخذين منه لا حق ولا باطل واذا هملتي هواي يصبر ويصبر
مره مرتين تلاثه بس للصبر حدود واكيد راح يجي يوم ويطفش ويدور اهتمام من غيرج هاي اذا ما لكه من البدايه ومحد راح يطلع خسران بس انتِ
كنت استمع الها وكلي اذان صاغيه احب نصائحها لان دوم تفيدني وكلامها صحيح
صرت اطبق كلامها ب الحرف الواحد وصرت اشوف الفرق واشوف انُ كلامها كان صحيح ب كل شي يصير وياي
اني صح احبه ومو بس احبه لأن تعديت مرحله الحب بس مكانه ومركزه يخلي الإنسان يتصرف وياه ب عقل مو بمشاعر
بقه شهر ونص ويبدي الدوام هاي السنه سنه اخيره الي بالجامعه اتفقت
وي نيار انو هاي سنه ما نسوي اطفال ونأخذ احتياطنه لأن مرحله أخيره وتعب ومراح اكدر اسيطر على الوضع
كان رده الي وهو يلزم خشمي ويعصره بين اصابعه بضحك
نيار :- ترفه يابه ترفه ما تتحمل ضغط بس تموت على ضغطه ضلوعي
ملاك :- غــير بيتي هههههه شلون لـ؏ــد
حط ايده على حنجه وصفن بيه
نيار :- تحبيني ؟؟
ملاك :- لا منو كال احبك بس احب لمه ضلوعك وحضنك
نيار :- تدرين هيج هيج ب ودي ادخلج اكثر واكثر ب داخلي هيج شعوري كل ما المج اريد هيج تصيرين ب داخلي وارتاح
كمت ورحت علي كان كاعد ب كرسي مقابيلي كعدت على رجله وايدي حاوطت ركبته
ملاك :- ليــش هيج تريد يصير
حجه وجهه رخه كلش
نيار :-ما ادري احس حضنه ايدي مو كافيه اريد ادخلج جوه بين ضلوعي حتى تكفيج
ملاك :- انت مكفيني
نيار :- روحي بعدها ما مكتفيه ب حضنتج
ملاك :- تدري احب ضمتك الي احس نفسي طايره من تلمني لم
نيار :- احسج تختنكين بين ايدي حتى اخاف اقفلج ب حضني
ملاك :- اقفلني اني احب حضنك
لمني بين ايده وقفل عليه حسيت صدك هيج راح اخترقه واصير بين اضلوعه بدت ليلتنه وانتهت واني على صدره
منى وحسن زواجهم قرب ب نهايه الشهر قبل زواجهم ب 4 أيام دكت عليه امي باليل
أم ملاك :- ها يمه شلونج شلونه رجلج
ملاك :- ب خير يمه انتِ شلونج الولد شلونهم
أم ملاك :- الحمدالله يمه كلنا ب خير والولد يسالون عليج ،، اكلج يمه ملاك الباجر اريدج تجين علمود تنظفن البيت كله العرس حسن لأن تعرفين أني ما اكدر اشتغله وما بقه شي اله هم يلا
ملاك :- ماشي يمه بعيوني غالي وطلب رخيص البأجر ورى ما يرجع نيار من دوام اخلي يجيبني الكم وتدللين انتِ وحسوني
أم ملاك :- لا شنو يمه ورى ما يرجع نيار هوه عكب بأجر راح يجن خالاتج
وين تلحكن تريديهن يجن واللبيت ما جاهز بعده
ملاك :- لعد شلون يمه منو يجيبني
أم ملاك :- حسن الباجر تبدي اجازته راح اخلي يجي ياخذج واذا ما كدر فحامد تخلي يجيج لأن بأجر نزلته اذا اجا من وكت ادزه عليج وعلى اختج يجيبجن الصبح
ملاك :- ماشي يمه وإني ما عندي شي دكي عليه قبل لا يجيون عليه حتى البس صايتي واجي
سديت الخط منها كمت جهزت شغلاتي وجنطتي ورتبت غرفتي نزلت خاف خاله محتاجه شي لكيتها متمدده ب غرفتها دا تخابر ب اختها
اخذت حلويات وصعدت وإني افكر بامي رغم كل شي صار وقربها من عدنا بس بعدها خايفه عليه من نيار
وما ترتاح هواي من اروح تكعد سين وجيم خاف مضوجني ب حجايه صارت من خوفها احسها ادور زله علي حتى تبعدني عنه وترتاح من خوفها
انفتح باب الغرفه فات نيار
ملاك :- ها الله يساعدك
نيار :- هلا هلا برزونتي شوفي جبت بقلاوه وكنافه جوه بقن روحي فرغيهن ب مواعين وتعالي واكو موالح هاي مؤمل مشتهيها كولي الامي اذا كانت طالعه من الحمام تنطيهن اله من يجي
اشرت اله ب عيوني طلعت جادر مال صلاه لبسته ونزلت تعاجزت ابدل جبت مواعين وجهزتهن وديت الخالتي الي كانت دا تبدل وكلت الها على موالح
وصعدت بيدي صينيه فتت كان لابس برموده وفاتح سبيكر ودا يحجي وي حسن وبيده اوراق نزعت الجادر
وعفت الصينيه على طبله مال تخم صغير كنت عايفه ب جهه من الغرفه لان كبيره اخذت قطعه مبرومه وكمت عفتها ب حلكه
سحبني من خصري واني عاضه شفتي الجوه حتى اضمن ضحكتي عينه ب عيني يبوعن ب مكر بس باله مركز وي حسن كمل سد الخط كرصني من خصري
ملاك :- اييي نيار ليــش هيج هسه تحومر
نيار :- خليها تحومر وتشتعل مثل ما شعليني صبح جنتي ابرد من ثلج هسه ليــش تتحارشين بيه
ملاك :- ماكو شي عجبني عندك مانع
نيار :- لا يابه حاشه اذبحه الي يعترض
ملاك :- ههههه خوش عفيه ،،، اكول ماما دكت عليه تريدني بــآچـر اروح حتى انظف البيت العرس حسن
نيار :- خوش لـ؏ــد الباجر من ارجع اوديج
ملاك :- لا ما يحتاج حسن او حامد صبح يجون ياخذوني
اكل بقلاوه وهز ب راسه ب معنى اي
خلص اليوم كعدت الصبح على منبه نايم ب هوسه ك العاده كمت شغلت الضوه رتبت شعري الي واكف
ورحت يمه اكعد بي كام راح يغسل طلعت اله بدلته وساعته حزام سلاحه ورتبت كلشي راح هوه للدوام بديت اشتغل ب البيت حتى اخلص كلشي
لأن نيار عنده أخت وحده وهي دعاء عن قريب زواجها وهم دا تجهز ومشغوله واخ واحد مومل العام تخرج هندسه معماري
بس هوه ما مهتم الشهادته لأن يداوم ب مضخر أدوية وي خواله وخالي
كملت التنظيف صعدت كان جهازي فوك امي دا دك عليه
أم ملاك "- شو وينج ظل بالي عليج صار ساعه ادك
ملاك :- يمه جنت جوه وتليفون ناسيته فوك وما سمعت
أم ملاك :-ها الحمدالله خوش انتِ جهزي نفسج لأن حسن طلع راح يمر عليج وراها يمر يجيب دانيا خوش يمه
ملاك :- ماشي يمه
سديت الخط منها نزلت جوه كانت ساعه ب 9 خالتي هستوها كاعده
ملاك :- صباح الخير خاله
ام نيار :- صباح العافيه ملوكه رجلج راح للدوام
ملاك :- اي خاله راح واني راح اروح الأهلي
أم نيار :- ليش خاله صاير شي بينج وبين نيار حتى تريدين ترحين ؟؟؟
ملاك :- لا خاله اسم الله ماكو شي بس امي دكت عليه حتى انروح اني ودانيا انظف البيت للعرس لأن بعد انتِ تعرفين محد ب البيت بس امي
أم نيار :- أي صحيح خاله أخذي دعاء وياج اذا تردين تساعدكم حتى تخلصون
ملاك :- لا ما يحتاج خاله يلا من رخصتج أصعد ابدل لأن حسن جاي بالطريق
صعدت جهزت نفسي دك عليه حسن أخذت جنطه بيها غراضي ونزلت طلعت اله صعدت ب سياره رحنا جبنا دانيا ورجعنا
للبيت كانُ جهالها نايمين بسرعه أخذت غراضي وصعدت الغرفتي
فتحت الباب مالتها على حطتها ما متغير بيها شي صرت افتر ب هدوء بيها واعيد ذكرياي
مررت ايدي على الاثاث كانت اكو طبقه مال تراب عليهن لأن صار زمان من تزوجت ومحد منظفها
بسرعه بدلت ملابس ونزلت حجيت ب برود
ملاك :- دانيا انتِ عليج الجوه واني الفوك وهم راح انضف غرفتي
لأن كلها تراب علمود تكعدين بيها انتِ وجهالج ونضم غراضنا بيهن
دانيا :- ماشي اني راح ابدي من هسه ما دام جهال نايمين
ملاك :- على راحتج
أم ملاك :- ملاك ابدي ب البدايه ب غرفه حسن وامسحي الاخشاب زين وب الكاونتر جبت منظفات خاصه الها لأن بيضه اخشابها أريدها تلمع لمع ما اوصيج ملاك
ملاك :- ب عيوني تومرين أمر كم حسونه اني عندي شلون ما انظف غرفه عرسه اطلعها تلمع لمع من هاي العين قبل هاي العين
صعدت عفت ادوات التنظيف ب صاله وبديت بمشواري بديت بغرفه حامد لأن ماما كالت جاي بالطريق
واكيد تعبان يريد اله غرفه نظيفة ومرتبه حتى يرتاح لأن ما شاء الله هو ابدا ما مقصر مسويها غرفه غزوبي حقيقيه ب كل معاني الكلمه بآخر نزلة اله
نظفتها وعطرتها وشغلت السبلت وسديت الباب حتى تبرد وينتشر العطر بيها
وراها بديت ب غرفه العريس على النص وسمعت صوت حامد
صعد طلعت اله وكفت ب باب الغرفه متخوصه
ملاك :- شوف شوف شوف الخاين ما يكول عندي اخت صغيره امر عليها اشوفها شخبارها شحوالها
حامد :- هاي منو منورنا اليوم
اجالي حضني وباس راسي
حامد :- واني اكول البيت يضوي ضوي طلعتي انتِ موجوده
ملاك :- شوف الحجي المعسل شوف
حامد :- ها ولج تعلمتي من رجلج
ملاك :- ههههههههه يسال عليك مشتاقلك
حامد :- واني هم اليوم هو جاي
ملاك :- والله ما أ؏ــرف ،، نظفت غرفتك وعطرتها كبل للفراش ارتاح
حامد :- كلب والده مو بيدج
باس راسي وراح فتح الغرفه صارت برودتها ب وجهه صاح
حامد :- لــوو هيج الخوات لــوو ما ينرادن
ضحكت ورجعت كملت الشغل كله وكملت الغرفه مالتي كانت ساعه ب 4 نزلت جوه كانت دانيا مكمله الإستقبال والصاله وبس لأن جهالة متعبيها ما مكمله
انطينا جهالها الحسن أخذهم وطلع وبدينا اني وياها ب المطبخ إلا أن كملنا وراها كملنا باقي البيت واني وياها ولا كلمه حجينه بس على تنظيف
مر الوقت صارت ب 12 ب الليل تليفوني ناسيته ب جنطه هستونا كملنا كعدت واني كلش تعبانه أحس ظهري مقسوم قسمين ويون عليه
اندك الباب الخارجي لان الكل ب البيت ف بابا قفل الباب وتجمعنه كلنا كعدنا ب صاله اني وإمي وحسن وحامد ودانيا كاعده ودا تنوم جهالها
طلع حامد يشوف منو دخل وهوه يهز بيده ويضحك وعاف الباب ورى مفتوح
أم ملاك :- يمه منو بالباب
حامد :- يمه نسيبج الكلب بدال ما يسلم عليه صارلي شكد ما شايفه تلكاني يكول وين مرتي بكتو مرتي من حضني حتى ما عنده احترام لك اني اخوووها مو صاحبك
دخل نيار من الباب وهوه يضحك حجه ب صوت مسكين
نيار :- يا ظالمین حتى من اخذتها منكم لحكتوني وتريدوها يمكم انطوني مرتي لا أقدم بلاغ على العريس ويكضي عرسه ب السجن ترا ما مرجيه منج هاي عمه تظلمين ابن اخوج وتاخذين مرته من حضنه
شمر علي حامد المخده
حامد :- لك نغل اهلها احنا شلون تحجي ب الحضونه
نيار :- مررررررررتييييييي عيوني مررررتي هاي
حامد :- بعده يكول مرتي شلون راح اكومله
اجا ونيار كعد يمي حتى يغث حامد وسحبني اله واني وامي نضحك عليهم كانت ساكته من شافت هيج الوضع اخذت جهالها وصعدت ب هدوء
بين سوالف حامد ونيار حسيت امي شويه ارتاحت وطمنت من ناحيته
نيار :- كومي جيبي عبايتج خل نروح وين انطي وجهي ب هل لليل وانتِ مو يمي
حامد :- لك عيب عيب مو احنا اخوتها عوفلنا احترام وقدر شلون راح اكومله
نيار :- خاب تكوم وشسويلكم مرتي واريدها ما تحملت الغرفه وحشة ب دونها اجيت اخذها اياك تدخل
حامد :- ياااابه ما تجي تشوف هذا المهتلف وتسمطه ب عقوبه بداعت اهل النجف تعااال
أم ملاك :- لك عوفه للولد شعندك وياه
نيار :- موت ب قهرك موووت
ملاك :- نيار مبيه حيل اتحرك خطوتين والله مكسره
نيار :- ب السياره انتِ كاعده هي تتحرك انت بس اكعدي
ام ملاك :- بس يمه البأجر يجن عماتك ولازم تبقه هي ب الحالتين لازم تكون موجوده بــآچـر هيه بـ؏ــد ع شنو تاخذها
نيار :- على بختج عمه اني عريس عريس بعدنييي عريس اعتبر اخذتوها مني ليش وين انطي وجهي وليل مسامر العشاق ( كالها وهوه يحرك حواجبه حتى ينرفز حامد )
حامد :- ياااابه تجي تنطي عقوبه لــوو شلون ترا اكومله
بابا يضحك ومغلس عليهم بس نيار طوخها واني بس ضاله اضحك بينهم اني وامي
نيار :- عمه وعد مني الباجر اجيبها الج بس هم ارجع اخذها ب الليل يعني ليلا الي صباحا الكم هيج الجدول
ضل يتلاغه هوه وحامد اشرلي اكوم كمت ب تعب لبست الجبه وطلعنا وإني اضحك على اخباله شكد حاولو انو يخلو يبقيني بس هوه ميبس رأس أخذني يعني أخذني
صعدنا ب السياره
نيار :- ناس غداره مكلفو نفسهم يتصلون يكولون شلونك يابه اكلت لا بس احنا كلوبنا رهيفه ما نكدر على بعدهم
ملاك :- اصلاً تليفوني ما ادري خل اشوفه جايبته او لا ،، والله هسه كملنا وجسمي كله يون عليه بس تلزمني اصيح من الوجع
نيار :- عمت عينك حتمد مفصخ مرتي تفصخ ويريدني ابقيها
ضحكت وصلنا للبيت كان اظلم الكل نايم صعدت على كيف اجا ورايه لزمني من خصري
وهوه يصعدني نزعت جبتي كنت هسه ماخذه حمام بيت اهلي فتحت شعري وغيرت ملابس رحت يمه لمني بين ضلوعه ونمت
وصدك ثاني يوم دز مومل عليه وداني لبيت اهلي ب الليل الكل مجتمع مخلو ياخذني وبقه يتحلف الي مرت هاي الايام
واليوم عرس حسن
كاعده ب الطاوله ويمي نيار ايده ماليه فراغات اصابيع ايدي وضاغط عليهن انفتح باب القاعه دخلت منى وهي لازمه كف ايد حسن
وتمشي ب حسنها وهدوء على اقل من مهلها على بساط الأحمر الكل انبهر ب جمالها وحسنها خاصه عيونها لأن ما مخليه عدسات الكل يحاول يميز يا لون هذا ب عينها
عيونها كانن لون بني فاتح كلش وحولين الفص الأسود خطوط ملونه تحير الإنسان ب منظرهن ولونهن ان كانن خضر او زرك ينعكس لونهن حسب لبسها
ما تحملت منظرهم دمعت عيني واني اصلي على نبي وكفت ونيار يمي
كنت لابسه فستان ردن وطوله محير كان بسيط من كل النواحي من يم الخصر كلوش واكف كان تصميم بسيط بس الفاخر بي كان قماشه هوه الي منطيه جمالية
مرت لحضات السعاده وإني اشوف اول سند الي اليوم زفته ومن اعز صديقاتي كل ساع اروح الها واني اشوفها طايره من الفرح واصلي على النبي
حسن يمها وطاير بيها كل ساع يحجيلها كلمه همس وهي تضحك ب خجل وهوه يتخبل على خجلها
الا ان خلص العرس رجعنا احنا الأقارب للبيت بعد ما انتهت حفله القاعة علمود نزف العرسان حسن ما يحب يغير اماكن نومه ابدا ف لذلك مراد فندق ومنى المطيعه اله
صعدت منى الغرفتها الكل طلع بقيت اني يمها عدلت بدلتها وهي ترجف
حاولت اهديها سمعت صوت الشباب على درج بوستها وطلعت بسرعه
كانت هوسات شباب المعروفه ب هيج لحضه
عريس وربع يزفونه عريس وربع يزفونه
زوجنا وخلصنه منه وبإجر دور الأصغر منه
صاح حامد جيبولي مره وزفوني يلا
الكل ضحك صاحو وهمه يوصلون حسن للغرفه ب غمزات بيناتهم كانت مثل الالغاز لان كلهم نفس المهنه ويفهمون على بعض
وجبنالك برنو فوت ب زودك طب أعلي وجبنالك برنو ما ملعوب ب سركيها
وي ضحكاتهم الي تتعاله وهمه يهوسون ويتغامزون تقرب حسن الهم مدري شكال ب صوت ناصي ضحك الكل
عافهم وركع الباب وصاح عليهم من ورى الباب
يلا خلصت فلوسكم طشوو النسوانكم
صارت اصوات ضحكاتهم تتعاله اكثر واكثر وي هلاهلنا الي هزت أركان البيت تعبر عن فرحه اول ولد النا
نزلو الولد نيار اجا سحبني من خصري
نيار :- اخوج كال خصلت فلوسكم يعني هاي هي بـ؏ــد ترجعين لمت اضلوعي البيتج والمكانج
مديت ايدي واني العب ب دكم قميصه احاول اتلاعب علي حجيت ب صوت ناصي
ملاك :- الكل راح خل انبات هنا اني وياك ب غرفتي
باوعلي ب نظره ماكره
نيار :- يعني الليله ثنين يعرسون ب هذا البيت
حجاها وغمزلي
ضربته ب خفه على صدره
ملاك :- اكعد راحه استاذ عيب
نيار :- وعيونج ما اكدر لــوو اكدر كان من زمان كعدت راحه ،، هسه شلون اريد ارتوي مثل اخوج
باوعتله ب جرءه صار 3 ايام ما متقربتله فتت للغرفه اخذت جنطتي كنت مجهزتها وطلعت تقربت يمه ورفعت نفسي على اطراف اصابيعي
ملاك :- امشي البيتنا ولمني بلمه ضلوعك
اخذ الجنطه وهوه يضحك نزلنا كانُ الكل دا يطلعون رجعنا للبيت
مرت الأيام يوم ورى يوم بده الدوام وقرب التخرج مالتنا
تخرجنا من آخر سنه دراسيه تخرجنا بعد تعب ودراسة دامت 16 سنه
حقق كل إنسان حلم بعد ما صبر ونال وجاهد حتى يوصل للي وصل اله
ب آخر أشهر من انتهاء الدراسه فرحنا ب خبر اول طفل
راح ينور البيت منى حامل كانت الفرحه للكل وخاصه الحسن الي صبر ونال
مرت الأيام نجحنا وخلصنا كليه وصلنا شهاده الي نريدها .
بعد مرور سنتين .....
ب هاي السنتين تغير حالنا هواي منى جابت ابنيه سمتها قمر
اما اني ملاك فعانيت من سالفه الأطفال بسبب ضعف ب البويضات
بقيت ب هاي سنتين اعالج إلا أن شاء ربي انُ انرزق من رزقه
واحمل ب احشائي طفل يخلط دمي ودمه ♡♡
كاعده بالغرفه ب حضني ماعون الليمون وملح دا اكل وامطك نيار جوه عنده شغل وي خالي دا يتناقشون واني صعدت مديت ايدي على بطني واني اتلمسها
سرحت ب بالي الذاك اليوم كانت نفسيتي كلش تعبانه سنه دوام اماجلين الحمل وسنتين اتعالج وماكو الكل يسمعني حجي ويغثوني واني اسكت
صار يومين تعبانه وخامله وما اشتهي اكل شي تلعب نفسي نايمه ب الفراش مطفيه كل الاضويه وصافنه انفتح باب الغرفه واشتغل الضوه اجا سحب الغطه من عندي وكف فوك راسي
نيار :- وتالي وياج اني شلون
ملاك :- نيار والله تعبانه عوفني
نيار :- صار يومين ما ماكله ب طرك وجبهه لــچ لا تخبليني كومي واهلي يسالون عليج ضال بالهم
ملاك :- ما اشتهي حبيبي
وسحبت الغطه من ايده رجع سحبه
نيار :- شنو ما تشتهين تكومي يلا كومي
كمت من مكاني واني ادردم اباوع صارت وشه ب اذني والكاع خوشت صرت اتلمس حوليه الا ان رجعت للجربايه حتى اكعد قبل لا اوكع اجا هوه بسرعه نزل المستوايه
نيار :- شبيج ملاك شدا تحسين
رفع راسي ب ايده واني وجهي صاير اصفر
ملاك :- ما ادري دايخه
نيار :- شوفي وجهج وشوفي حالج كومي كومي خل اروح احلل دمج هاي اكيد فقر دم رجعلج كوومي
ملاك :- ما بيه حيل ما اريد
نيار:- كووومي يا ما بيج حيل خل نتلاحك بسرعه مو نرجع المثل قبل وكل ساع دايخه من ورى فقر الدم كومي
طلع الي جبتي لبستها ب ملل ونزلني كال الاهله وطلعنا وصلنا المختبر نزل نيار كان ابو المختبر صديقه المومل ف يعرفنا وكل فتره كنت اجي اسوي تحاليل
سحب دمي وكعدنا ننتظر طلع التحليل نسبه الدم طبيعيه
نيار :- ياسر شلون طبيعيه وهي رجعت الها اعراضه دايخه وجهه اصفر وما تاكل
ياسر :- هي حامل ؟
صفن نيار ب وجهه وندار عليه يريد يتاكد مني انُ ماكو هيج شي صفنت شهريه موعدها 20 ب الشهر اليوم راح نصير 29 ب الشهر وهي ماكو معقوله !
حجيت ب رجفه
ملاك :- يعني هي هاي الاعراض احتمال تكون اعراض حمل ؟؟
ياسر :- اي اعراض اعتياديه هاي وتصيب المره الحامل
باوعت على نيار
ملاك :- اسوي تحليل ؟
صفن ب وجهي ما يعرف شنو يسوي كلت الياسر انُ اريد اسوي تحليل حمل سويت وكعدت انتظر نتيجه نيار منطق ولا حرف واحد كاعده على اعصابي انتظر معقوله !! يصير
طلع ياسر وهوه يضحك عرفت نتيجه تحليل من ضحكته غمضت عيوني ب فرح راني شفايفي ترجف
ياسر:- ها يابه شراح تسمو للطفل
صفن ب وجهه وياسر خاف من صفنه نيار عباله حجه شي غلط ضحك وهوه ما مستوعب وباوعلي
نيار :- يعني انتِ حامل
للقصه تكمله ...
الكاتبه فاطمه حمود
ساعتين او 3 وتنزل التكمله ❤️