محمد يكوول :-
يا دجلة يا أم الكتب ...
كبريلي جرفچ بعد ...
لمي الضوة الشارد ...
هبي الهوى البارد ...
ما جيتج اريد اشتكي ...
هالمرة جيتج شاب ...
عاشگ و متواعد ...
...........
الولد :- شعدج واكفه بنص الزلم ملاك
درت وجهي كان نفسه الولد الي وي نيار الي هسه ما عرفت اسمه شنو كنت فاقده سيطره على حواسي بــحيث ما ركزت منين يعرف اسمي
ملاك :- اريد أكعد ب سياره ودا ادك على حسن ما يرد
الولد :- هيج تحبين نيار حتى ما تكدرين تشوفي وي خطيبته
انخطف لوني من كال هيجي بلعت ريكي ب خوف بسرعه حاولت انو أنكر هذا شي لأن لو بينت انو كلامه صحيح
راح تنطش السالفة وتنعرف لان معروفه ب مجالهم يحجون هواي واكيد اذا طلعت الحجايه
حتلو الشخص عزيز راح تنطش وتوصل الحسن وحامد وتصير مشكله اني في غنا عنها من بـ؏ــد ما انتهى كلشيي بينه
ملاك :- العفو شنو هذا الكلام ؟ والشنو تريد توصيل يعني لازم تصنعون من الاشي شي
بس حتى طلعون سالفه بله شلون البني ادم مصنوع من حديد لــوو فولاذ ف ملازم حتى يتعب او يمرض !!
وكلش عيب الي حجيته ترا ومره ثانيه لا تفسر كل شي على مزاجك استاذ
الولد :- اها زين يعني راح تاخذيني ب السانج بس كفو ذيبه (حجاها وابتسم تك خد ) عرفتي تفسرين تعبج وتروحين الشكوك بس ترا عندج عثره ف ممــكن من بعد اذنج طبعا
تفسريلي موقع اعيونج الي مليانه دموع وشنو سبب الحزن الي باين بيها ؟!
سكتت ما جاوبت لأن شفت حامد اجا دا يتقرب منه وصل وحط ايده على جتف الولد وكال
حامد :- ها حمودي شصاير هنا شعندك يم اختي مو كلنا اصبر شبيك ما عندك صبر شنو مبين تريده حار ب حار ما تصبر
صفنت على كلام حامد ما فهمت من عنده شي بس فهمت حمودي يعني اسمه لــوو احمد لــوو محمد او ممــكن اسم ثاني لــأ لا هذا الدلع بس الهذني الاسمين
محمد :- ههه شبيك حامد لا تخوفها هسه لا يروح بالك بعيد وداعت شواربك شفتها واكفه
وانتو ماكو وكلها زلم ف كلت صاير شي خاف تحتاج شي ف اجيت اشوفها وانتو ماكو والبنيه ظلت محتاره وطلبت مني اروح أصيح الها حسن لأن دك علي ماكو
حامد كان ما مركز بيه دار وجهه عليه بهت من انتبه بسرعه عاف جتفه وأجا يمي
حامد :-شبيج شو وجهج اصفر سوالج شي هذا
ملاك :-لا ما سوه شي بس كلش تعبت اريد. ارجع
حامد :- شهل اعناد الشايلته رحمه المحمد مو كتلج ابقي ب البيت مريضه انتِ ليش ما تسمعين الكلااام ها
ملاك :- حامد مو وكتها بس جيب مفتاح سياره لأن كلش تعبت جوه لأن هوسه ومن كوه واكفه هسه والله ودايخه جيب المفتاح
حامد :- دايخه دايخه
ملاك :- اي احس الدنيه دا تفتر بيه فر جيب المفتاح
بهت من شافني هيج واني دايخه ومسطوره سطر
حامد :- محمد شوف حسن هذاك يم ابوي روحه بسرعه جيب المفتاح منه هاي هسه توكع يادوب شايله روحها
راح محمد بسرعه جاب المفتاح وفتح السياره كعدت ب الكشن الورى
حامد :- اجيبلج مي ؟
ملاك :- لــأ انت روح يمهم اني راح انام هنا وهي سياره مضلله ما عليه شي
حامد :- خوش هسه بس انخلص اخلي حسن يرجعج
هزيت ب راسي ب معنى اي راح هوه ومحمد كعدت اني ب سياره
اباوع على الكل الفرحه باينه عليهم
وهمه يشاركونه فوحته كانو الزلم مسوين دائره كل ساع واحد يوكف ب النص يلقي قصيده مدح
ويدبجون ويهوسون ب السلاح خالي واكف يم أبو البنيه والفرحة مرسومه عليه اليوم عقد قرت عينه واول ابن اله
صفنت وضحكت على نفسي من كثر قهري حتى ما باوعت وشفت العروس
الي أخذت مكاني ما شفتها نفس ما وصفوها حلوه لو لا
نمت على الكشن الورى بس حسيت هاهيه تعبت من كلشي حتى تعبت من نفسي والتفكير ااااخ يل تفكير أحس راسي راح ينفجر من كثر ما افكر تهسترت من تفكيري
سمعت شباب يكولون كلمات يمكن تكون عادي بس شبت نار بيه نار
ما طفت ابدا زادت حالتي زادت تفكيري
.... الكوا* نيار ما صدك يخطب لزك جوه فرد لزكه غــير يطلع يشوفنا طوله السرسري
..... تخلي يول انت ترا ورب الكعبة احنا هم جنه مثله بس بعدين لعنه نفسنه الف مره على هل ورطه لتوطناها
...... دحكولو جنو خوش حلاوه لاكيلو جوه
...... اي طبعا خوش حلاوه وترفه قابل يعوفها ويجي يشوف وجوهكم ما يعوفها وحك النبي إلا أن يستفرد بيها ويأخذ منها مقبلات وتصبيره إلا يفك ياخه عنها
كلماتهم خلتني اكل ب نفسي عقلي أحسه راح ينفجر من تفكير هلكني عجبته شلون شكلها شنو فستانها فاضح ومبين جسمها
هسه ورادها لو شنو صحيح ليش ما طلع تهسترت صرت اضرب
على راسي حتى اوكف
هذا تفكير ما اريد افكر ب شي ما اريد ابدا صرت أريد حبايه منوم أريد انام شوكت نرجع تعبت هاهيه تعبتتتت
أريد أخذ شي 2 لو 3 وانام شي أسبوع أو أكثر أريد أخلص
من هذا التفكير أريد أخلص من هذا الحب الي ما حصلت منه بس طيحان الحظ وتعب والغدر منه
بقيت اكل ب اضافري متت أريد يخلص كل هذا تعبت كلش
مر ما ادري شكد من الوقت والكل طلع اجتي امي الفرحه مرسومه على وجهه فرحانه ب عرس ابن اخوها الي دمر بنتها اجتي صعدت شافتني بقت آدردم
أم ملاك :- ها شو ما بيج شي بس اجيتيلي راح اوكع راح اوكع وسويتي روحج مواته الا شويه
ما حجيت أي شي وياها
شفت من بعيد اجا بابا وياه حامد تقرب من جهه الباب مالي فتحه وفتحلي ايده عفت راسي على صدره
وهوه صار يحط ايده على كصتي يتفحص حرارتي حجه ب حنيه
أبو ملاك :- ها باباتي كالي حامد تعبانه شبيج ياروح ابوج وطوايف هله
ملاك :- تعبانه وراسي حينفجر ودايخه
ابو ملاك :- شنو شبيج ناخذج للمستشفى ها باباتي انشوفج مو احسن ؟
ما عرفت شنو اجاوبه بس الدموع اتغلغلن ب عيوني كنت محتاجة حضنه
محتاجته انو يطبط على ظهري ومحتاجه حنيته واجا ب الوقت المناسب حضنته قوي نزلت دمعتي ب سكوت
ابو ملاك :- شبيج باباتي دا تخوفيني عليج ترا أحــچي شي كولي
ملاك :- باباتي ما بيه شي اطمن بس شويه تعبانه اريد ارجع للبيت وارتاح وان شاء الله اكون زينه
أم ملاك :-احنا هسه نريد انروح البيت خالج غــير مسوين حفله !
أبو ملاك :- باباتي تكدرين ترحين تتونسين شويه وي البنوتات وتغيرين جو لــوو كلش تعبانه
ملاك :- لا بابا كلش تعبانه أريد ارجع للبيت انام وارتاح
أبو ملاك :-ماشي تكدرين تبقين وحدج ؟ لو لا
ملاك :- اي عادي لان اريد انام بس
ابو ملاك :- خوش باباتي هسه اشوف حامد او حسن يودوج وإني شويه تكف العالم من بيت خالج لان زحمه منهم واجيج
باسني ب راسي راح بابا وسيارات تحركن بقن كم سياره اجا بابا
أبو ملاك :- يلا بابا تعالي امشي السياره حامد يوديج للبيت ارتاحي
كمت سندت نفسي على بابا واني حاضنته كان حيلي مهدود مشيت خطواتي ب ثكل صارت نظراتي علي يمه أصدقائه والابتسامة مرسومه وإني نار موجره بيه
ما يستاهلني ولا يستاهل تعبي وصحتي الي راحت علي ابتسامته كانت كفيله انو تخليني اريد اكرهه وانتزعه من كلبي
صعدت ب سياره وبابا يوصي بيه ادير بالي واي شي احتاج ادك علي سد الباب مال سياره وراح عفت راسي على جامه وإني انتظر حامد اجا هوه ومحمد
كان صاف سيارته ب صف سياره حامد صعد وهوه يحجي وياه
حامد :- ما اتاخر ساعه ساعه ونص واكون يمكم مسافه الطريق خوش
وجهه كلامه الي ب شقه
حامد :- ها ملوكه شنو منيشنه مرضتج وي خطبه نيار الا اليوم
ملاك :- شسوي مثلا ابن ادم ما لازم يمرض شلون بلهههه !
حامد :- شبيج بابا ليش أعصاب هدي هدي دا اشاقه وياج
ملاك :- مصار شي
رجعت راسي على الجامه وحامد سكت ما حجه شي ولا اني حجيت مشت السياره
وإني اباوع على الناس وواباوع بالوجوه إلا أن وصلنا للبيت ذباني حامد
ب الباب وراح لأن حركو تليفون علي ما يكدر يتاخر بـ؏ــد
فتحت البيبان مال البيت ودخلت وقفلتها ورايه كعدت ب الكاع مال المطبخ
ما تحملت ابدا بعد نهاريت أكثر واكثر نزعت الكعب وشمرته
وصعدت للغرفه
نزعت الشال وشمرته ونزعت السترا هم حسيت ب رطوبة ب ملابس
كانت جايتني الدوره الشهريه غيرت ملابس واني اضحك على الي دا يصير بيه وحضنت المخده مالتي واني شبهه سكرانه من كثر التفكير المهلك
حاولت أهرب شكد ما اكدر من التفكير الي دا يعذبني أكثر واكثر وما بي فائده غــير انو دا يهلكني
رحت ب غيبوبة وي أحلام مخربطه ساعه احلم انو اني غركانه لو ميته
ســآ؏ــة احلم ب فيضان احلام كلش مخربطه كانت نهايتها موت !
إلا أن وعيت واني ما اكدر افتح عيوني احس بيهن حركه وثقل مو طبيعي
وراسي مصدع كلش بحيث ما اكدر ارفعه أبدا أريد احرك جسمي ما اكدر
ابدا وجع مو طبيعي ب ظهري وبطني
حاولت افتح عيوني حتى اشوف بيش ساعه اهلي رجعو لا صارلي شكد نايمه ب صعوبه فتحتها كانت الساعه ب 10 ونص صارر كوومه نايمه شلون نمت هل نومه ما اعرف
حاولت شكد ما اكدر انو أكوم اصيح أي أحد يجي يساعدني لان جسمي كله يون عليه كمت وسندت نفسي
على حايط لان احس حيلي رايح كان الباب مردرد بس ما مسدوت طلعت من الغرفه ب صعوبه وتعب صرت اشوف دنيه تفتر بيه واذني بيها وشهه
كنت اريد امي اريد تشوف وضعي وتنطيني علاج بس ما اكدر انزل كانت أقرب غرفه الي هي غرفه حسن
توجهت الها واني دايخه وسانده نفسي على الحايط وصلت وسندت نفسي على قبضه الباب الساني ثكيل
حاولت انو افتح الباب بس كانت قبضه مال باب صارت ثكيله عليه بحيث ما عندي القوه انو افتحها
حسن سمعني واني احاول افتح الباب
انسحب الباب ب قوه واني سانده نفسي علي حسيت مثل الي اندفعت على الكاع ومنا حيلي مهدود وكعت
بقه حسن صافن على شكلي واني شبهه واعيه
اجا يمي ب سرعه ولونه مخطوف شالني وهوه يحجي وياي يريد يحاول يفهم شنو بيه
حسن :- ملاك شبيج بنيتي ولج هاي شنو حرارتج ملاك سامعتني
صار يضرب على خدي خفيف واني افتح عيونب ب تثاقل لان ادوخ بي افتحهن همست اله
ملاك :- صيح امي
حسن :- أي أي حامد لك حااامد وينننك
طلع حامد سريع ب ايده تليفون عايفه على اذنه باين كان دا يخابر بسرعه اجا وهوه يشوفني بيد حسن
حامد :- ها شكو ولك شبيها ملاك هاي شبيها ليــش هيييج
حسن :- روووح صيح امي ابسرعه بسررررعه راح تموت شوفها يلااا
نزل بسرعه حامد وهوه يهرول ويصيح على امي ساعدني حسن رجعت للغرفه اجتي امي
أم ملاك :- شكو شبيها
حسن كان كلش عصبي لان هوه من طبعه حريص كلش علينه ويخاف نتاذه صيح على امي بدون ادراك
حسن :- والله يمه ما ندري هاي شغلتج انتي لازم تعرفين شبيها هي مو بنتج هااا مو بنتتتج من رجعتي غــير تشوفهاااا شلون صااارت هااا مو كدام عينج تخربطت هناااك
كان صياحهم مثل الوشهه ب اذني وهمه يحجون فوك رأسي ويتعاركون فزيت على البروده الي انحطت على راسي فتحت عيوني ب صعوبه شفتها ماما كاعد تسويلي كمادات
كنت فاصله نهائي كانو مطفين عقلي ومنطيني استراحه من التفكير ب هل مرض
بـ؏ــد مرور يومين
الساعه 9 صباحا
كعدت من النوم عيني على السكف من بـ؏ــد ما كنت مريضه كمت من افراشي بلا روح رحت على الميز مال امرايه وجهي تعبان
ردت اخذ المرطب مال وجهه والشفه وانزل شفت الساعه اي هاي الساعه الي جابها الي هديه اخذتها ب ايدي ورجعت كعدت على افراشي واني اتذكره رجعت ب ذاكرتي الذاك اليوم
تاريخ ميلادي
الساعه 11 ب الليل كنت هسه اريد الم كتبي وانام اجاني صوت امي وهي تصيح عليه استغربت انو ب هذا الوقت كاعده لان ب العاده ب هيج وقت هي نايمه زاد صياحها ب اسمي رحت ب هروله الها
نزلت كان جاي صوتها من الاستقبال رحت الها كان اظلم من وصلت شعلو شعالات مال شموع بقيت واكفه مصدومه وفرحانه من خلصت شعلو الشمعات كانت امي وحسن ونيار حامد ب الدوام وبابا عنده شغل
اباوع الهم واني الفرحه ماليتني اجتي ماما حضنتني
ام ملاك :- كل عام وانتِ بخير بنيتي ان شاء الله تخلصين من السادس واشوفج ب احسن جامعه
اجا حسن من بعدها حضني وعايدني
ونيار بقه واكف
نيار :- عمر النسر بنت عمتي
صرت بس اضحك ب الوجوه واحي فراشات وطايره والفرحه ماليتني ب الواني
رحت وكصيت الكيكه ماما شالت قطعه صغيره منها وكلتني ياها وطلعت علبه ولبستني كلاده على شكل عين نيلي لونها فرحت بيها
حسن :- اني ما لحكت اجيب عادي تسامحيني لــأ ست ملاك
ملاك :- انت اجمل هديه ب نسبه الي ما يحتاج بـ؏ــد هديه
نيار :- ديلا عيني بلا هل غراميات كدامي فوك ما دافع فلوس الكيكه اكعد اصفن عليها تكصيلنا خل ناكل بنت عمتي
حسن :- محد كلالك تدفع انت دكيت رجل
ضحكت وعرفته بسمار منه انو اني صاحب الفكره كصيت اله وتقربت من عنده همس الي ب صوت ناصي
نيار :- هديتج موجوده بزونتي
ابتسمت يعني مناسي وذاكرني وجايب هديه هم كعدت ب صف حسن وامي وهمه يتشاقون وياي مر الوقت كام نيار ترخص حتى يروح
طلع واني لميت الغراض وعفت الكيكه ب الثلاجه وصعدت سمعت تليفوني دا يدك رحت بسرعه كان هوه
نيار :- شنو وينج ؟
ملاك :- كنت جوه
نيار :- هدي هدي واخذي نفس
ملاك :- وين هديتي ؟
نيار :- طلعت بزونتي تموت على الهدايه ؟
ملاك :- لــأ بس حسب معزه الي جايبها
نيار :- ها يعني اني عزيز عليج ؟
ملاك :- نياااار وين هديتي
نيار /- الا تحجين
ملاك :- اي عزيز غــير ابن خالي
نيار :- بس هيج ؟
ملاك ؛- اي بس هيجججج وين الهديه
نيار :- همممم خوش
ملاك :- اهووو يلا وين هديتي هسه تطلع جذب ما جايب الي هديه
نيار :- شوفي انزلي جوه وروحي للمطبخ ب الكاونتر رابع خانه على ايدج اليمنه اول ما تفوتين
ملاك :- الكاونتر المعلك لــوو الجوه ؟؟
نيار :- لــأ الجوه
ملاك :- خوش راح اسده واروح اجيبها واجي بسرعه
نيار :- ههههههه خوش يلا
نزلت بسرعه ورحت للمطبخ نسيت يا خانه منهن صرت افتح ب الكاونتر وادور فتحت الخانه الرابعه لكيتها علبه مغلفه دا اطلعها اجاني صوت امي فززني بسرعه سديت الخانه
ام ملاك :- شبيج جنج بزونه شدورين ب الكاونتر
ملاك :- ها لــأ هيج ، انتِ شعجب ما نمتي ؟!
ام ملاك :- منتظره ابوج كال ب طريق هسه
ملاك :- اها خوش
راحت هي واني فتحت الخانه على كيف طلعت الهديه بس بشنو اعوفها حتى ما تشوفها صرت ادور تذكرت علاكه حلويات عندي ب ثلاجه بسرعه طلعتها وعفتها للعلبه ب العلاكه وطلعت هي كاعده ب صاله دا تكلب ب تلفزيون
ام ملاك ؛- هاي شنو الي بيدج ؟
ملاك ؛- علاكه حلويات تريدين ؟
ام ملاك :- لــأ ما اريد وانتِ لــأ تسهرين هواي روحي نامي خوووش ملاك
ملاك :- تمام
عفتها وصعدت بسرعه ركض سديت الباب وطلعت العلبه صرت افتحها ب فرحه وسرعه فتحتها كانت ســآ؏ــة فضيه ناازكه وحلوه اطرافها كانت cc ب لون اوف وايت كلش حلوه
دزلي رساله
نيار :- ها بزونتي عجبتج ؟
ملاك :- تخبللل منين جايبها
نيار :- ترا هاي الاصليه جبتها الج توصاه
ملاك :- شكررا
نيار :- المهم تعجب بزونتي
رجعت ب ذاكرتي ضحكت على نفسي كمت وما همني هاي الساعه شكد نادره وحلوه وغاليه فتحت سله مال زباله وشمرتها بيها
اخذت المرطب مالي ونزلت بديت ب شغلي كملت ورحت للمطبخ بقه اخر شي دا اغسل اماعين الريوك وحامد وامي ب صاله دا يسولفون سمعت كلامهم كله
حامد :- يمه عندي موضوع وياج يخص ملاك
جذبني الموضوع لان بي اسمي
ام ملاك :- كول يمه شبيها ملاك
حامد :- يمه ولد صاحبنه دز ناس حتى يشوفون جوابنه وهوه طالب القرب منا ويريد ملاك
أم ملاك :- بيها الخير يمه بس منو هذولي شنو ما نعرفه ؟
حامد :- والله يمه صار ب الأسبوعين من طلبوها مني بس نسيت كل السالفه من ورى خطبه نيار
وراها مرضها وشغل ما راح من بالي الموضوع ورجع دز ناس يريدن جواب من عدنا وفد استحيت منه
وهوه الولد الله شاهد دره مال الله ينحط على الجرح ويطيب ويانه نفس شغلنا ودا يشتغل ب معامله ترقية مالته
حيصير ملازم أول وهوه ابن ناس اصل وفصل واجاويد
وعائلته محترمه ومعروفة ب سمعتها الطيبه اسم الولد محمد
أم ملاك :- وضعه شنو احواله ؟
حامد :- يمه همه 3 ولد هوه أكبرهم وهم همه صياغ مال ذهب بيت ال ***** معروفين والله الولد ما يتفوت وطالب نسبنه وحاضر الاي شي اطلبه. هي
أم ملاك :- أي عرفتهم اهله مشتريه من عدهم شنو من ناس ادب واخلاق شكو بيها يمه
من بعد مكملو كلام طلعت الهم وأيدي كلها زاهي
ملاك :- حامد رد الخبر للولد ب رفض خويه
أم ملاك :- انجبي هوه ب كيفج شنو افتهمتي هسه انتِ حتى بسرعه رفضتي اكعدي خل نتفاهم
حامد :- ملاك فكري خويه اني الولد لو ما زين ما كان حجيت ب هل موضوع ابدا بس ترا خوش ولد وشاريج
ملاك :- كلت رد طلبه وكله ماكو نصيب ماشي وما عندي اي حجي ب هذا الموضوع
رحت كملت شغلي وصعدت مر الوقت وإني اطلع شغل من جوه الكاع حتى اشتغله وب الليل العب ب تليفون
الحد ما انام بدون ما ادري أحاول ب هاي طريقه ما افكر بس بس كنت بس اضحك على نفسي لأن اني لو كنت ب وسط شده جبيره هوه ولازم يكون ب بالي
مو عاد هسه وإني 24 ساعه افكر انو حجه وياها تغزل وياها سولف وياها راح آلها للبيت شافها
زين هسه شدا يحجون عن شنو هاي الاسئله كلها ب عقلي احاول اقنع عقلي ب كثره الاسئله واثبت الكلبي انو الي حبيته مو الي الي حبيته هنت علي وعافني
يوم ورى يوم مر أسبوع ثاني صار على خطبته سبوعين و 4 أيام واني احس بديت استوعب على البطىء الي صار
مثل طفل شلون يتعلم المشي على البطيء ويعثر ويوكع كان طريقي ب نسيانه وكرهه هيج وكل يوم اعثر واوكع وارجع احاول اكرهه
كاعده ب 10 بليل دا اتابع مسلسل دك رقم غريب مثل كل مرا يدك
مره وبعد ما يدك بس هل مرا الرقم استمر مره مرتين 3 4 إلا أن ب خامسة
عصبت منه لأن روح عليه المسلسل وما فهمت شي من وره كل ما يفصل يرجع يدك من جديد فتحت الخط ونترت بيي ب عصبيه
ملاك :- منووو
محمد :- معقوله ما تعرفين اني منو شكد عيببب
اخذت نفس واني احاول اهدي اعصابي
ملاك :- بلا زحمه عليك ممكن تفضني وتكولي منو حضرت جنابك وتكف بلاك عني وتولي ترا روحت عليه المسلللسلل
محمد :- تمونين ملاكي وعلى هل خشم نرفزتج مني عود اراضيج بعدين
ملاك :- تخلصني وتكول منو انت لو اسد الخط ؟
محمد :- شبيج عصبيه لاحكه على المسلسلللل
ملاك :- وتاااالي
محمد ؛- الله العالي يلا بلا ما اتعبج خل اكلج منو اني اني محمد
حجيت واني اقلد علي
ملاك :- ومنو محمد بلا صغره منك استاااذ ؟
محمد :- محمد الي اجا ب سالفه حامد والي حجه وياج ب خطبه نيار من جنتي منهاااررره
ملاك :- اهووو انت من صدك واحد قليل ادب شلون تخابر عليه ب نص الليل شنو هل جرءه الي عندككك يربي اذا ما وكفو بعينك إخواني وابن خالي الي همه اصدقائك ومثل اخوتك معقوله ما غزر بيك الزاد والملح حتى جاي دا تخابر عليه ب نص ليلل !!
محمد :-هههه رشاش يربي مو الساااان رشاااش بس ذيبه تعرفين تستفزين شاطرة بهل سالفه بس اني عندي موضوع وياج ما دخله بالتربيه ولا بالزاد والملح هذني السوالف عوفيهن على صفحه
ملاك :- ما عندي اي موضوع حتى احجي وياك واتمنا تمسح رقمي وله اوكف اوكف دقيقه انت منين جبته الرقمي هااا
محمد :- هههههههههه هسه تذكرتي تسالين هذا سوال كان لازم تسالي
من البدايه
ملاك :- منين جبتهههههه !؟؟؟
محمد :- ترا رقمج لا شي اكدر ب عشر دقايق انو اطلعه هاي مقارنه ب الماضي مالج كله الي طلعته ونبشته تنبش من الابتدائيه الحد هسه وهم ترا معدلج عالي انصحج روحي صيدلة اهلي او طب اسنان يلوكلج هل مجال ملاكي
ملاك :- اهووو انت من صدق قليل تربيه وصوجي اني ما سديته ب وجهك من البدايه
ردت اسده بس سبقني ب كلامه
محمد :- لا تسدي هوه سوال واحد أريد جوابه وبعدها في أمان الله في أمان الله ما اخذ من وقت مسلسلج هههه
ملاك :-احجي خل أخلص منك يلاا
محمد :-سبب رفضج الي هي اعيونج المدمعه ب خطبه أبن الخال لو اكو سبب ثاني ؟
ملاك :- ماكو هيج شي سبب رفضي هوه انو أني رافضة فكره زواج حاليا دا اكثر + انو اني وضحت الك انو اني كنت ب وقتها مريضه مو نفس تفكير الي انت فكرته وخلقته من خيالك الواسع استاذ محمددد
محمد :- هممم زين يا خانم انتي سبب مرضج شنو ما عرفت ممــكن توضحيلي
ملاك :- يعني شنو سبب مرضي شنوو مثلا اني مصنوعة من حديد وما لازم أمرض ترا سوالك بلا معنى كللللش
محمد :- لا كله معنى يعني تريدين تقنعيني انو انت مرضتي هيج بدون سبب وب ليلتها وكعتي ب الليل على اهلج وتخبلو من شافوج هيج هم بدون سبب
يعني تمرضين ب يوم خطبه أبن خالج المثل اخوج المتربي وياكم
و24 ساعه يمكم وكل سوالف يمه وب وكعت حامد عاف امه لــأ الله الا الله كلها وبس عليج يتصل ومثلا تكولين مثل اخويه الي مثل وضعج وعلاقتكم الاخوييههههه القريبه كلللش كان لازم تهوس ب هذاك اليوم مو دموعها على خدها ومتخربطههه
ملاك :- يا سالفه الما تخلص يا ربي هسه انت شكووو اذا انت شاك بيه وما دا تصدك كلامي ليش تقدمت احد ضاربك على ايدددك
محمد :-صراحه عجبتيني لا أكثر افتهمتي قصدي لو احجيلج ياها بل خط العريض ؟
ملاك :- انت من صدك واحد قليل ادب وتربيه تعرف اكيد هذا شي اني ما انقهرتمن كلامك ابداا ولا يهز شعره من عندي لأن مبين انت تحكم من المظاهر بس انقهرت على اخواني لأن مصادقين شخص خسيس وناكر للعشره مثلك في أمان الله
محمد :- ههههههههههههه
اسمع ضحكته واغلي سديت الخط وانطيته حظر من صدك قليل تربيه
هل شخص بس عززا شلون مفسر كل شي كانو يعرف كل شي عني
ومراقبني من زمان وربي صرت أشك انو نظراتنا ب هذاك اليوم
كان مخطط الها وكانو نيار حاجي اله كل شي معقوله عزززا
خفت كلش معقوله نيار يحجي اله كل شي كمت اخبط ب تفكيري يعني ماكو غيرها الا هوه حاجي اله
الخوف سيطر عليه انو حاجيله دكيتله بس هل مره تختلف مو مشتاقتله انما اريد أ؏ــرف واطمن انو يعرف ب علاقتنا لــوو شكوك عنده محمد
ملاك :- الوو
نيار :- مخابره تشمتين ترا العلمج كل الي صار مو علمودج علمودي اني
ما فهمت شي من الي كاله
ملاك :- شنو دا تحجي نيار مفهمت ترا اني ملاك مو وحده ثانيه عندي موضوع وياك هسه ما الي خلك كلام فارغ
نيار :- ترا مو جاهل قريت اسمج لمن دكيتي الورقه المحروكه
ملاك :- اكو أحد يعرف ب علاقتي اني وياك ؟؟
نيار :- لا ليش
ملاك :- متاكددد ؟ يعني ما واثق ب واحد من اصدقائك وحاجيله شي ؟
نيار :- أي مو اني طفل حتى احجي هيج موضوع الواحد شبيج كمت تخبطين خبط وترا انتقامي منجن الي وحدي محتفض ب النصر مالته الي بس مو اروح اتفاخر بي يم احد !
ملاك :- ها خوش
نيار :- ليش تسالين
ما اعرف شنو خطر على بالي بس حبيت انو اشوف رد فعله
ملاك :- لا ماكو شي بس اكو شخص كللش مودب وخلووق وكلش صديق الك كلش وهم للولد
زمخ عليه
نيار :- منو هذا الكلب وشلون تحجين ب سيره الولد مدامي شو انتِ صايره وحده ادبسزز وبلا تربيه
ملاك :- شبيك قابل حاجيه ب سيره واحد غريب قابللل دا احجي بسيره واحد ان شاء الله عن قريب كول امين اصير زوجته بس هوه تقدملي
وأريد أوافق لان كلش مقتنعه بي خوووش ولدددد بس كلت خل اتأكد انو انت ما طاش سالفه انو أخذت انتقامك من بنات عمتك حتى اعيش حياتي ب راحه باال
نيار :- هذا يا كلب جايج ولج ملااااك وشلون تحجين هيييج حجي كداميييي على واحد كوا* من انعل ابو ساسه لابو الجابه هم وأنتِ شلون ما تكولين الي اكو واحد من الولد متقدملج هااااا شللللون
ملاك :- اني مو ورقه محروكه وانت شفت حياتك وما بقالك بس تحدد موعد العرس وتنزف اكبالي اشو فكرت كلت اني هم خل أعيش حياتي قابل شنو عبالك راح ابقه طول العمر انتظرك لــأ داده اتزوج واتونس واعيش حياتي
نيار :- تحلمين تعيشين حياتج وخلي هذا زين ب بالج بعده خوووووش
شغلي ما مخلص وياج لمن يخلص عود ب وقتها عيشيها بس روح بدون جسد
سده ب وجهج وهوه شايط والبتسامه نورت على وجهي والله يا محمد طلعت بيك فائده هههههه خليتني احرك كلبه وابرد كلبي شويه
ثاني يوم كعدت اول يوم من بعد هذيج الأيام كلي نشاط كملت تنظيف وصبينا غده وكملنا صعدت فوك خابرتني مريم
استغربت اتصالها ب هذا وقت ساعه ب 2 ونص مو من عوايدها دك هيج وقت
ملاك :- الو هلو يحلو انت شلونج مريوم
مريم :- اهئ اهئ
ملاك :- يا يا شبيج ولج ليــش دا تبجين
مريم :- ولج موتني هذا الكلب علي اااااه ربي يحرك كلبه مثل ما حرك كلبي
ملاك :- يا يا شبيج ولج شصاير
مريم :- ولج عيرني وضربني وخابرت على ضرغام يجي ياخذني
وهسه هوه ب طريق بس ما كتله شكله ولج هسه منو يأخذ حكي شكووول الهم شحجيييي كليللي
ملاك :- عزا العزاني ولج لا تروحين ال اهلج تعالي ألي خل افتهم
خل نحلها اني وياج احسن ما تروحين تصخمينا وننفضح ولج مريممم
مريم :-ماشي اجا ضرغام هسه اكول اله يذبني يمكم بس حامد موجود
ملاك :- طالعين اليوم مدري شعدهم شغل وهيج
مريم :- ماشي جايه الج اني
سديت الخط من عدها وإني حايره ما ادري شنو صاير هاي سالفه
منين طلعت النا عززا صحيح كالت ضاربها بس لا علي مصخمها كلش ومورم وجهه تصير مصيبه اذا هيج صاير
نزلت لكيت ماما دا تتحضر
ملاك :- ماما مريم جايه الي
أم ملاك :- اني وابوج طالعين شوفي شنو تريدين حتى نجيب الج قبل لا نروح مو بـ؏ــدين دكين عليه
ملاك :- ليش وين رايحين انتو
أم ملاك :-رايحين البيت البنيه نعتذر منهم
ملاك :- يا ابنيه مفهمت
أم ملاك :- حقج يمه حقج قرت عيني بيج ما تدرين ب دنيه طاشه لو راشه ب غير عالم انتِ فاصله بعد امج غير عين الما صلت على النبي علينا ابن خالج فسخ خطبته ورايحين نعتذر على دوسه البيت وهاي السوالف
ملاك :-يا ابن خال ؟ مدا افهم عليج
ام ملاك :- ملاك لــأ تشغليلي غبائج نيااار قابل كم ابن خال عندج خاطب واني ما ادري ؟
ملاك :-
للقصه تكمله .....
#الكاتبه_فاطمه حمود
لا تنسون النجمة ⭐ وآرائكم ب تعليق