لآبد يردون بآچر
سوي نفسك مآ شفتهم ..!
بآلك يحسون آنتَ تذكرتهم !!
آثگل شويه يـ گلبي ..
مره خليهم محطة وآنتَ سآفر !!
آنتَ والدخآن وصبرك والمطر ..
آدري بيك تريد تبجي
آبجي وحدك آنه سآكت ..
..........
مرت الأيام وصار العرس وتم كل شي نيار اختفه من حياتي
إلا أن ب فاتحه حمزه قبل لا أولد ب يوم ورى ما اجيتي أخذتي تليفون مالج
سديت الخط من قيس اندك باب الغرفه
كل ظني كان لــوو حامد لو حسن لان منو ممــكن يكون غيرهم ؟ ، كلت منوو ، محد حجه صحت فوت لأن كنت تعبانه مو مال انو اكوم افتح الباب واشوف منو وهل سوالف
وهم ماكو احد ب البيت بس اخواني ، بس صحت بسرعه نفتح الباب ودخل نيار وسمعت صوت قفل مال الباب
انخطف لوني من شفته بلعت ريكي ب خون ، كانت سرعته ب سده الباب وقفلته تبث الخوف والقلق عند المقابل وهيج صار وياي
حجه ب نبره ما عرفت افسرها اذا كانت انكسار او تهديد او غضب
نيار :- حامل ب ولد حبيبت روحي مووو
ما عرفت شنو احجي انربط الساني ب لحضتها، كلامه يبث بيه الخوف صرت امتمت ، كلمه ما عرفت اجمع وانطقها كدامه من خوفي منه .
نيار :- مو كان لازم يكون هذا طفل مني وابني اني على اتفاقنا ها ؟ وكان لازم هسه انتِ ب غرفتي كاعده وإني وياج دا نعد يوم يوم حتى يجي الهل دنيا وافرح بي وتكون هاي الفرحه ثاني فرحه الي لان اول فرحه كانت ب عرسنا ؟ لــوو اني غلطان
دانيا :- ااا نيار هدي و و وكلشي قسمه ونصيب والله يرزقكك الي تعوضك
نيار :- يعوضني همممم والله يعني كلامج قوه ب الاحساس والخير طبعا يعني غدرتيني وبعتيني وطعنتيني وتزوجتي وتونستي وحبلتي وعلى الحاضر عود تجي وحده تعوض شهل انانيه ولج ما جنت اعرف عمتي هلكد ما تعرف تربي
دانيا :- نيار دا تخوفني افتح الباب واطلع حباب
نيار :- هممم اخوفج
دانيا :- اي حباب اطلع اني هسه متزوجه غيرك وانت الله يسعدك والي دا تسوي ما يصير
نيار :- همم تدرين جنت حالف انو ما يطخ الساني على السانج حتى ب سلام بس هاي اول مره اكسر حلفاني
وهم جنت حالف ماافكر بيج وهم جنت حالف وحالف وحالف هواي هنه بس كسرت حلفاني ب كلهن وكسرتهن بسببج لازم دفعيلي كفاره بنت عمتي وهم لازم ترديلي ديني لان ما لعبت عليج اني وخفت عليج من ظلي ما ردت يطخج وانت كبالي
دانيا :- نيار كل هذا صار ماضي انسه حباب
نيار :- تدرين مشايفج من يوم عقدج وهسه شفتج انتي وبطنج شنو تتوقعين صار بيه همم يلا احزري يلا
كان هوه يحجي واني الخوف سيطر عليه كان مبين علي كلش متأثر وأعصاب بس دا يحاول يتصنع البرود ب حجيه بس باين ب حركه زمخ ب وجهي
نيار :-كولي شصار بيك
دانيا :- نيار لا يجي احد او يسمعون شي حباب
سكت متجاهل كلامي زمخ بيه
نيار :- ردييي
دانيا :- ااا شصار
نيار :- شبت بيه نار وحركتني كلي وصرت رماد بس بعدها ما طافيه بعده رماد مشتعل ب ناره شلون بله شنسوي هسه ؟
دانيا :- نيار فدوه عوفني ب حالي والله دا تخوفني حباب
نيار :-هههه تخافين لعد ما خفتي يوم إلي لعبتي عليه وسويتي المشيه مالتج ب وقت رجعتي
شايفه شنو وضعي شايفه حالتي شلون جانت جن خبر موتي مو عقدج شايفه شصار بيه من اجا مؤمل (أخ نيار ) ياخذني من المطار
اكول اله الاهل وين يكلي بيت عمتك عدهم مشية مال خطوبه اكوله منو انخطبت منووو ما عدهم بنات همه
يضحك ب وجهي ويكولي دانيا صرت مثل المخبل والفاقد عقله اضحك اكوله يا خطبه شارب شي
اكول الاخويه شارررررررب بس حتى اجذب كلاممممه
يكولي والله شبيك اليوم المشيه والعقد مال دانيا
وإني ابوي دزني من عدهم حتى اجي اخذك ب وقتها ما خفتي من ردي حتى هسه تخافين هاااا
ما خفتي من وجعي من قهري او شنو ممــكن اسوي هسه خفتي بس لان سديت الباب هااااا
دانيا :- اااا مو مو اني والله ما كنت أريدك واعرف اذا اجيت راح أنجبر عليك لأن ماكو سبب مقنع للرفض
وهم ما يريدون يخربون علاقتنا وي بيت خالو ف سويت هيجي وهم اني كتلك ما اريدك انت ب وقتها ما اتفهمتني
نيار :- ها ولان ما اتفهمت استحق هيج تغدريني ؟ شهل وكاحه والعرامه الي شايلتها ؟ ب كل عين صلفه حاي تحجين
حجيت ب تهديد عسى ولعل يطلع ويعوفني
دانيا :- راح اصيح نيار اذا ما طلعت من الغرفه
اتجاهل كلامي وحجه
نيار :- تدرين لمن جنت مسافر كل يوم ب الليل سهره للصبح وحفلات ونسه كانن حوليه بنات كومه
كنت اكدر ب أي لحضه أخذ أي وحده تعجبني وفرغ بيها رغباتي واحتياجاتي حالي حال أي واحد وياي
بس اني ما سويت هيجي كنت أكعد ب الساعات وإني سارح افكر بيج حتى كان اكو شرب الكل يشرب ويتونس على اخر حبايه
بس اني بدون شرب جنت اسكر اي اسكر كل ما اتذكرت نظرات اعيونج السود بدون ما اطخه للشرب
شايفتلج واحد يسكر بلا شرب والادهه يسكر من نظره عيون !!
هيج جنت وياج واكوم وأعوف شباب وارجع للفندق واسال نفسي ليش هيجي سويت اني مو جاي اتونس ؟!
كانو وياي ضباط تخابرهم نسوانهن وماليتها الغيره والشك خاف طخو غيرهن
كلت هسه تغار عليه او تشك بيه تخيلي شطولني وشعرضني ادمي الي يوكع بيدي وارجفه ترجف
تاليتي اخاف خاف اذنب ب شي ويصير عندج شك بيه ولمن ارجع تسالين ما عجبتك بنيه ما نمت وي بنيه
واجذب عليج وتعرفين ب هل شي واتاذيني ب زعل منج او فركه جنت اريد اذا سالتي اقسملج
ويكون قسمي حقيقي لأن جنت سكران ب عيونج سكران ب غمضه جف كدام عيني منج
دانيا :- نيار روح منا لا يجي أحد لا ملاك تصعد لو يسمعوك اروحلك فدوه عليك الله اطلع كافييي ما اريدك مااا اريدك ولا ردتك ب يوممم فاهمم واكرهك اكرهككك
كام نيار توجهه للباب فتحه وقبل لا يطلع كال
نيار :- النار الي ب صدري ذبيتي عليها نفط وزدتها وإني بعد ما اتحملها
راح اشمرها الج وراح تحركج وتحرك واحد عزيز على كلبج عود داوي جرحه المثل جرحي
ملاك :- كان يقصدني اني مو ب هذا حجيه قصدني مخطط الكل هذا جان مووو مخطط اله !!!
دانيا :- ما ادري والله العظيم ما ادري لأن دومة نيار من يعصب يصير يحجيب الغاز وهم اني خفت لأن كانت نبره صوته وهوه يحجي يبين جديه الي دا يكوله ب وقتها
اني ب وقتها بقيت طول الوقت افكر والخوف سيطر عليه الكل خطر على بالي انو يمكن اياذيني انو يكول الحسن او حامد ،
او ممــكن يسويلي مشاكل وي قيس او اياذي قيس ، بس انتِ انتِ ابدا ما خطرتي على بالي انو يمكن ياذيج ب شعرايه
لان انت بعيده كل البعد عن الي صار ما كان بالي ابدا ولو أ؏ــرف ما اخلي كل هذا يصير والله واني ما عرفت إلا اليوم كاعده
دك عليه رقم مرتين ب 3 رديت اجاني صوت ب البدايه ما عرفته منو ناسيته ومو على بالي ابدا بس بعدين من كلامه وطريقته ب الحجي عرفته هذا نيار
نيار :- احترك عزيز كلبج هسه دورج انتي تحتركين علي وعود داري زين لان شعلت ناره ب ايدي مثل ما انتِ شعلتي ناري
دانيا :- شنو شبيك نيار شنو قصدك فدوه لا تتخبل وتاذي قيس حرام عليك والله
نيار :-ههههههههههههههههههه منو منو هذا الحثاله ممــكن تعرفيني علي حتى المع كرونه زين اله لان مو رجال
دانيا :- احترم نفسك شهل حجي رجال وغصب ما عليك انت الي مو رجال مو هوه فهمت لــوو لــأ احترم نفسك احسلك انطيتك مجال هواي اني وكبرت بايتك
نيار :- ههههه خلي احترامج الج ما يفيدني ردت اكولج انو اختج ملاك هسه ضاكت نفس الكأس الي شربتيني منه بس شربت نصه وبعد نص بعد أيام اشربها ياه بعيوني اغاتي انتِ بـ؏ــد شنو اطلبون مني ؟
اني تخبلت من كال هيجي بسرعه سديت الخط من عنده ودكيت عليج ادك وماكو متت ب دمي من الخوف إلا أن رديتي وإني أعصابي تلفانه اجاني صوتج واني تهسترت يعني كلامه صحيح وجرحج فرفحت روحي على شهكاتج ما عرفت شنو اسوي ما لكيت ونفسي الا مخابره على قيس كتله ضروري تجيني كال ما اكدر راح اكول ال أحمد يوصلج وجابني
كملت كلامها وإني ما اعرف شلون اوصف مشاعري المخربطه
صرت كتله مال نار مشتعلة من غيره وخذلان ونوع من الكره أحس جسمي كله ينتفض ما أ؏ــرف شنو اسوي
ملاك :- عوفيني وحدي
دانيا :- لا شلون اعوفج
ملاك :- كلتلج عوفيني وحدي خل اتحمل اخطائج اطلعي من الغرفه عوفيننننني خلصيننني منججج كل الي صار الي من وررررراج كله من وراج وهسه وا تقبليني تعوفيني وي نفسي عوووفيني
كامت مصدومه من ردي حجت ب نبره هادئه تريد اطمني
دانيا :-مــآشـي اهدي اهدي ملوكتي راح اعوفج بس حكون جوه أي شي تحتاجي بس صيحيني ماشي وتلكيني ثواني يمج تمام
مرديت عليها عافتني وطلعت من غرفه بقيت نايمه وحاضنه المخده أحس عقلي متوقف مدا استوعب أي شي أي شي
اسمع التليفون يدك شفتها منى محتاجه الها من صدك بس هي الي تحس بيه بس هي الي ممــكن تواسيني على الي دا يصيرلي بس هي الي ممــكن تسندني انطيتها رفض وكتبت الها
ملاك :- تكدرين تجين الي للبيت كلش تعبانه ومحتاجتج
منى :- شصاير ولج عفتج ظهر ما بيج شي خطفتي كلبي
ملاك :- تكدرين تجين لو لا لأن ما اكدر احجي
منى :-ما اكدر هسه اشوف امي أحاول اقنعها والباجر يمكن
اجي مو اكيد لأن تعرفين امي ما تقبل بس شصاير خوفتيني ملاك
ملاك :- بعدين باي
بقت ادز ما اهتميت طفيت شبكه حاولت اشرد من الشي الي عشته عن طريق النوم حاولت انام لا مو حاولت انما جبرت نفسي حتى انام
نمت ما اعرف شنو صار بس أحس نفسي غاركه ب المي وموجه تاخذني وموجه تجيبنياحس نفسي نايمه وما نايمه ما أ؏ــرف شنو وضعي حاولت افتح عيوني ب تثاقل شفت
حسن يم راسي ودانيا وامي غمضت عيوني راسا ما كدرت افتح بعد لان حسيت ب ثقل مو طبيعي من فتحت عيوني
كنت بعدني محتاجه انام نوم عميق يمحيلي كل الي صار وينسيني ياه واكعد كانو ما صارلي شي
كعدت بعد مرور مدري كم ساعه كنت على سيديه ب المستشفى
وأيدي عايفيلها كانونه وشفت بطل مغذي درت راسي على جهه ثانيه شفت امي
كان الساني ثكيل واحس ب وجع ب فكي حجيت ب بطئ
ملاك :- شنو صاير ماما
أم ملاك :- يا عيون امج شلون صرتي
ملاك :-شنو شبيه
أم ملاك :- يمه من البارحه المغرب حرارتج كلش مرتفعه
حاولنا أنزلها ماكو وب 8 صبح ابوج كال لازم نجيبج للمستشفى وحسن جابنا وعلى هل كعده وانتِ فاقده
ملاك :- كل هذا صاير ! شوكت نطلع
أم ملاك :- خل يخلص المغذي ونطلع حبيبتي انتِ
درت وجهي للجهة الثانيه وإني ما اعرف شنو اسوي حتى البجي
ما اكدر ابجي
انعاد كل شي صار البارحه كدام عيني كلشي دموعي من كوه حابستهن ب عيوني اخاف ارمش وتنزل دمعتي واحير شنو راح يكون عذري ؟
مر الوقت خلص المغذي اجا حسن
حسن :- ها ملوكتي خوفتينا عليج هي هاي سالفه تسويها
ابتسمت ب وجهه
حسن :- يلا كومي شدي حيلج حتى نطلع يا روح اخوج
اجا تقربلي وسندني حتى نطلع رجعنا للبيت اجتلي دانيا تريد تحجي وياي مقبلت ابتعدت عني مر الوقت صار العصر اندك الباب كنت كاعده ب الصاله
امي ما تقبل أصعد للغرفه خاف تصعد حرارتي ومحد يدري بيه
اما دانيا لمن شافتني رفضت أحــچي وياها دكت على قيس واجا اخذها
بقيت مذهوله من ردها وبرودها فوك ما كل شي صار وياي بسببها هيج تعوفني وتروح ؟
وأجا حسن
حسن :- • ﭑڪــٰ۫لــٰ۫ﭻ هاي بنيه ب الباب تكول اني صديقه ملاك
ملاك :- هاي منى صديقتي اني كلت آلها البارحه انو تجي الي دخلها فدوه حسون
حسن :- ب الإستقبال أدخلها
ملاك :- لا خل تجي هنا هسه نصعد اني وياها للغرفه مالتي احسن لان مناوي مو غريبه
حسن :- ماشي
راح حسن شويه واجتي منى من شافتني تفاجئت بسرعه شهكت بدون ادراك وكان حسن وراها
منى :- عزا العزاج اي والله وصخام ب وجهي ولج شبيج شصايرلج البارحه جنج قرد بس تحششين شصاير وما بيج شي
ملاك :- قرد مشكوره اشكرج ست منى يعني على وصفج الدقيق جدا يعني
منى:- هاي من شوكت صايره عندج مشاعر وتتاثرين وتنجرحين اوي صدمتيني بس تعالي كليلي شبيج وكعتي كلبي ب شوفتج هيج
حضنتها وصارت عيني ب عين حسن انتبه على نفسه عافنه وفات حسيت نظره عليها واكلها اكل ب عيونه وصعد الغرفته
ملاك :- امشي وياي خل نأخذ عصير من المطبخ ونصعد ونحجي محتاجتج منى
منى :- اني يمج يا روحها المنى
اخذت عصير صعدنا للغرفه دخلت الغرفتي رحت دكيت الباب على غرفه حسن
ملاك :- فدوه حسن روحي جيبلي حلويات جباسه ككو هيج مشكل على ذوقك
حسن :- بعيوني كم ملاك اني عندي
ملاك :- سالمة عيونك
رجعت للغرفه
منى :- لج تعالي فهميني شبيج من بارحه ادك وماكو حتى على الرصيد دكيت وانتي ماكو وربي وكع كلبي وقبلها مدري شلون حجيتي خلستيني خلس و اليوم كلت إلماما انو انتي كلش مريضه وكعدت دخيل عليها إلا خلتني اجيوهم قبلت لأن تعرف اهلج لوما هيج ما تخليني اعتب للباب
عفت راسي ب حضنها
ملاك :- منى ما اعرف شنو احجي أو شنو اكول اني اصلن مصدومه بس اذوني هووواي منى وخدعوني
منى :- شنو صاير ؟ منو خدعج ياروحها المنى
ملاك :- نيار ودانيا خدعوني منى
منى :- مفهمت شصاير ؟؟!!!
ملاك :- منى طلع ما يحبني
منى :- شنو شلون فهميني وشدخل منى ب كل هل سالفه وهي وين تعرف ب نيار وعلاقتكم !
ملاك :- حجيت الها كل شي
منى :- عزه العزاني كل هذا صاير وياج واني ما ادري اوووف اووف الله يساعده الكلبج من البارحه لليوم شمتحمل وشصاير بي
ملاك :- ما اعرف بس مردو مرد الكلبي منى دا اياذيني هواي شلون بيه ؟
منى :- اسم الله على كلبج من المرد ،، بيه ولا بيج كون ولج تكومي ما اكدر اشوفج هيج ضعيفه ما اريدج هيجي تضعفين واتعبين أريد عمت جهالي قويه ما يهزها ريح
صفنت ب وجهه
ملاك :- وانتِ حضرت جنابج شوكت صار عندج جهال ومنين جبتيهم انوب من اخويه شلون وشوكت ها ام اعطوب
منى :- ادري ادري تغارين من اعطوبي ومن جهالنا اني واخوج
ملاك :- اييي من حلاتهن هوه سيم مال اماعين واكف وتعالي ولج منين اجوي جهالج من الهوى حبلتي واني ما ادري
منى :- من حسووووووون ملازمييي حبيب كللللبي وروحيييييي
تحجي وتجر الحجايه ب صوت مسموع
اندك الباب
انخطف لونها وبلعت السانها صارت بس عيونها ترمش الي غصيت ب ضحكتي على شكلها همست الها ب مكر
ملاك :- تكومي جيبي الحلويات من أبو جهالج وحبيب كلللبج وروحججج حسوووو كومي مبيه حيل اني
اباوع الها خرطت العافيه وجها كام ينطي الوان رجع اندك الباب من جديد واجا صوت حسن يصيح ملاااك ندستها
ملاك :- كوميييي
كامت منى عدلت ملابسها فتحت الباب وسوت نفسها ثكيله هوه اول ما شافها ضحك وحاول يخفي ابتسامته وهي وجهه منطي الوان من الفشله وتحاول تسوي ماكو شي
اخذتهن من حسن
منى :- شكرا
حسن :- ولو ما سوينه شي مو من قدرج هذا
كان يحجي وهوه مدنك راسه احتراما لان هي ب بيتنه رفع رأسه صارت عينه ب عينها بسرعه دنك وضهرت ابتسامه على شفايفه عافها وراح اندارت منى
الابتسامه مرسومه من الخد للخد ابتسمت على منضرها كلمه وحده منه خلتها أطير من الفرحه ابسرعه اتحولت وشمرت نفسها على جربايه وضربت خدها ب قوى كانو اتذكرت الي صار
منى :- بس لــأ سمعني
فطست من ضحك على كلمتها
ملاك :- ابصملج ب العشره كلشي وبصوت واضح سمع وخاصه حسووون سمعها كلش زين ههههههههههه
منى :- صخام ب عينج يا منى على فشلتج راحت سمعتج يم الولد يا مصخمه صخام
تضرب على خدها متاثره واني اضحك مدري شلون صرت اضحك بلا وعي على الي صار
منى :- اضحكي اضحكي مو قبل شويه جنتي تبجين
غصيت ب ضحكتي وغوركت عيوني منى عرفت ب نفسها جفصت
منى :- لــأ لــأ والله مقصدي والله لــأ تبجين ملاك حبيبتي انتِ فدوه لــأ تبجين
حضنتني وعافت راسي ب حضنها وصارت تمسد على شعري وتسولف وياي تحاول تنسيني وتشغل بالي ب السوالف حتى ما ابجي
مر الوقت بسرعه وهي يمي ما حسينه الا ع دكت امها وهي تكول انو ابوها اجا ياخذها
نزلنا وتوادعت وياها وراحت
صعدت الغرفتي حضنت نفسي ب نفسي هسه واحاول اجبر نفسي على النوم ما عرفت شنو هوه هذا السبب الي يخلينا من نتاذه نلتجى للنوم كانو هوه المهرب الكلشي وبوقت فرحنا نهجره
صرت افكر ليــش ب حزنه نهرب اله وبفوحنا نهاجره للنوم وكلشي نهاجره لابد مردنا اله يعني لابد نرد الحزنه لان مراح ينتهي !.
مرت الأيام صار أسبوع على الحادث صرت أحاول انو ما أبين كدام اهلي
انو بيه شي حتى لا الفت نظرهم
بس كنت لمن اصير وحدي وافقد سيطره على نفسي وتهيج عليه مواجعي واتهستر أفقد عقلي وما بيدي شي اسوي غير دموعي الي تعبر عن حالتي
كاعده يم ماما خابرت علي مريم دا تسولف وياي وتكولي شنو جابت
وشنو مخططه لأن بقه سبوعين العرسها دا احجي وياها ودكت أم نيار
على ماما تسالمن وإني مريم تحجي وياي بس بالي مو وياها بالي وي امي وامها خاف يحجن شي عنه وما انتبه الهن بقه تركيزي وياهن فجأ امي
أم ملاك :- اللهم مصلي على محمد وال محمد هاي الاخبار الزينه لازم اذب على هل خبر واهليه يمه انفتحت جبسه ولدنا انشاء الله يوم الحسن وافرح بي ولو نيار مثل ابني واعز هم فرحتله فرحه ما صايره جن حسن والله شاهد عليه
،،،، يااا تدلليين كم نيار عدنا اذا ما نخطبله أجمل وحده ب بغداد الي تكول للكمر كوم خل اكعد بدالك شلون لعد خلي هوه بس يكعد ويدلل علينا
تحجي اني بدون وعي سديت الخط على مريم وسديت شبكه هم بقيت كاعده اسمع امي شنو تكول وإني ارجف ودكات كلبي تزاد شي ورى شي
شنو خطبه شنو احسن البنات كلبي وكع بس لا يريد يتزوج وربي أجن والله أجن ما اتحملل ابدا
كاعده وأكل ب اضافري من توتر إلا أن امي سدت الخط مدري شلون طلعت الكلمه مني
ملاك :- هايمه فرحيني وياج منو يريد يخطب
أم ملاك :- نيار ابن خالج انفتحت جبسته يريد يتزوج انشاء الله يوم الحسن كولي امين
حجيت ب متمته ب صعوبه واني احاول اصبر بنفسي
ملاك :- ا ا أم آمين ،،،زين يمه
أم ملاك :- ها
ملاك :- هوه حاط وحدة اباله يريدها
أم ملاك :- لا كايل الامه بكيفج بس هوه علي يرروح يشوفها تعجبه لو لا ومرت خالج عاجبتها وحدة تكون أقارب صديقتها وتريد نروح نشوفها والله والله للف بغداد لف علموده واخطبله ست البنات واجملهن وبت اصل وفصل وحسب ونسب
نار أشعلت ب صدري فقدت عقل كمت قبل لا تنتبه امي عليه وعلى مصيبتي الي اني بيها صعدت الغرفتي بدون عقل بسرعه خابرت علي اول مره ما رد ب ثانيه رد واني كلبي مشتعلللل ب نااااره
نيار :- الوو خير شرايده
ملاك :- صدك تريد تتزوج
نيار :- هههههههههه
ملاك :- لا تضحك وكولي لــأ تخبلللني نيااار
نيار :- شبسرعه وصلج الخبر ابشرج أي ناري وانطفت هسه اجا دوري أعيش حياتي مثل ما غيري عاشهااا
ملاك :- زين وإني
نيار :- انتي شنو
ملاك :- لك اني احبك والله حتى ب تفكير ما فكرت انو اخونك شنو ذنبي تسوي بيه هيجي
نيار :- ذنبج
ملاك :- أي ذنبي شنو تعيشني ب حبك ودلالك وفجئه كل شي يطلع جذب
نيار :- ذنبج انو انتي اختها وعزيزه على كلبي
ملاك :- لا تزوج
نيار :- اتزوج واخليهم يزفوني كبال عينج وعين اختج حتى تشوفج
شلون تنهارين وتشربين النص الثاني مال الكأس الي اختج شربتني يااه
ملاك :- ماااكو ما تزوجج انت مااالتي ماااالتي فااااهم ممنوع تصير الغيررري فاهم عليه
نيار :- انطيني مده شهر واصير الغيرج وتصير ب بيتي وب حضني متوسده
فقدت أعصابي من كلامه يعني انهياري ملذه اله دا احجي وياه وروحي شايغه كتله هاي كلامات وسديت الخط
ملاك :- تستلذذ انت ب عذااابي يل ظالم عقلك مالي ب افكاركك السوده والانتقااام لك ما الي ذنب اني وحوبتي تعثر وجعه كلبي توجع وتكسرك كسرر دا تحركني حرك ب نااارك هيج تريدددد هيييج روح مودعتك عند ربي كون بجاه سابع سمه ما تلكه يوم راحه وفرح وكون يلي حركت كلبي ب نارك من تعب التعب وما تتهنه ب شي وان شاء الله وي كل وجعه كلب مني وي كل ليله اموت ب دموعي عليك تنسد الدنيه ب وجهك بكد شوغتي اعليك وربك ما ينسه عبده الي لــأ حول ولا قوه وحسبي الله ونعم الوكيل بيك حسبي الله
ما خليته يحجي يس أحس ب أنفاسه انو معصب كلشي
سديت وإني دا اتولع ب نار حبه الي حركني كلي وما رفله
جفن ما اعرف شلون دعيت علي كلبي عصرني ربي لا تستجيب دعائي يا الله
كانت هاي آخر مرا احجي وي نيار وبهل مره شاغت روحي وحسيتها وصلت الربي من الوجع الي احسه شلون هيج صار بيه شلون وصل الهل مرحله ب حبي اله تمنيت الموت ولا وجع كلبي
نمت واني الغصه بيه
من هل يوم صرت أحاول إلهي نفسي شكد ما اكدر حتى ما انعزل وي نفسي وأفكر بي صرت اروح يم مريم
من صبح لليل إلا اجي اساعدها ب غراضها وتجهيزاتها
أما حامد ااخ يا حامد لمن حددو موعد زوجها المريم واليوم
راد يسافر يروح يحجز بس حسن ما قبل انو يسافر ب وقتها
استغربت ليش ما قبل انو يسافر سالته
ملاك :- حسن ليش ما خليت حامد يسافر
حسن :-شوفي اذا سافر راح يتعذب هواي وراح يكون وحده ويمكن يلعب شيطان ب عقله وي سوي نفس الي سواه بيوم رفضته ويمكن يتهور ويصير شي أما إذا بقه هنا صح راح يتعذب وهوه يشوفها
كبال عينه تنزف بس ما راح يكون وحده لا راح نكون كلنا يمه وراح نحاول نخفف عليه ونهون علي ولو مراح تهون اخوج عاشكها والعاشك مو بسهوله يطيب جرحه
كان جوابه منطقي ب نسبه الي
مشت الأيام اليوم الأربعاء كعدت ب 6 صبح بعد ليله من انهياري الي حرفيا فقدت عقلي بيها وصلت المرحله اضرب نفسي حتى اكتم شوغاتي باوعت الشكلي ب المرايه زندي بنفسي لونه عيوني مورمه كلش تذكرت مصيبتي
اليوم راح يرحون يشوفون البنيه الي راح يخطبوها النيار
وبنفس الوقت اليوم مريم مسويه حفله بس للبنات وصديقاتها حسيت هل حفله اجت ب وقتها حتى تشغلني وتنسيني تفكر الي يهلكني
ووهم عندي هواي شغل بقيت نص ساعه ب فراشي بعد ما كان كلبي مقبوض
مدري ليش كمت ب كسل وإني جسمي مكسر تكسير مشيت
نزلت جوه دخلت للمطبخ شفت امي اكبالي
ملاك :- خير ماما شنو مكعدج
أم ملاك :- انتي شنو مكعدج وعيونج ليش هيج مورمه
ملاك :- مدري شبيهن يمكن كارصتني حشره شي وكعدت
من وكت لأن تعرفين مريم اليوم مسويه حفله بس للبنات
وتريدني ب 12 يمها وعندي هواي شغل هم يلا الحك اكمل
أم ملاك :- هاي البنيه مدري شبيها شعدها ب هاي الهوسه مو بأجر مسويلها حنه ب قاعه
ملاك :- يمه مو الكل يكدر يجي وهم تفرق من تكون حفله بس بنات وحفله للكل
أم ملاك :- لا والله هاي بس عياره من عدها على ابو شوفوني لــأ اكثر
ملاك :- هسه شعلينا احنا وصحيح يمه كالو انو يمكن بأجر نتائج
أم ملاك :- أنشاء الله خير
ملاك :- زين يمه ما كلتيلي شنو صاير ليش كاعده انتِ
أم ملاك :- ليش هوه احنا اصلن نمنه
ملاك :- ليش ما نمتو بيكم شي ؟
ام ملاك :- حقج يمه انتِ شتدرين ما تدرين ب دنيه شبيها ما بيها اوف اوف عين الما صلت على نبي غــير وصابتنا
ملاك :- شصاير يا ستار يمه خوفتيني
أم ملاك :- غير نيار بعد عيني العريس البارحه صاير وياه حادث وكلبي نار علي
ملاك :-
للقصه تكمله ....
ملاحظه :- حساب الإنستكرام مالي الي يحب يتابعه انشر بي مشاهد عن قصه في بعض الأحيان
هذا اليوزر baghad__20
#الكاتبه فاطمه حمود
لا تنسون النجمة ⭐ وآرائكم ب تعليق