ايهاب المالكي يگول ؛
صلفة امنياتي الرادتك
سألتني عنك بس صمت
كلش ولا حاجيتها
گالتلي وينه ؟
وجاوبت ؛
مادري مادليتها .
..............
بسرعه رحت جبت الها جبتها ولبستها الها وطلعنا كان نيار ب الباب واكف وساند ظهره ب سيارته ما انتبهت اله انو ما دخل ويانا هوه من طلعنا
بسرعه رفع رأسه وصارت عينه علينا
حمحم وحجه ب نبره غريبه وهوه عينه على بطن دانيا وهي ضاغطه عليها
نيار :- تولدين ب سلامه بنت عمتي
مشينا صعدنا دانيا ب سياره عدلت كعدتها ورجعت النيار حجيت وياه نبره سريعه
ملاك :- حباب نيار روح جيب ماما وتعال للمستشفى اني ما أ؏ــرف
ذب جكارته ب كاع وداس عليها ب رجله حجه ب نبره جديه
نيار :- هسه اخوتج يجيبوها لــأ تاكلين هم روحي وياها انتِ
ملاك :- مفهمت ليش مو انت بسرعه تروح تجيبها
نيار :- لا تدخلين ب امور ما تعنيلج خوش يحلوه هسه روحي الاختج طلعت روحها علمود ابنها
اتفاجئت من نبرته وكلامه عفته ودرت وجهي ورحت للسياره مال قيس صعدت يم دانيا كانت كاعده ب الكرسي الخلفي
لزمت اديها وهي رايحه روحها بيدي ما اعرف شعوري شنو او شنو لازم اتصرف او اسوي
واني اشوف اختي دا تولد كبال عيني وإني دا اشوفها شلون دا تتوجع و شلون دا تكتم المها وصرخاتها ودموعها الي ما دا توكف
من شده الآلام الخوف احتلني عليها وإني حايره شنو أتصرف او شنو اسوي شلون اساعدها شلون اخفف الوجع عنها
وصلنا للمستشفى نزلتها وإني ساندتها وهي من كوه تمشي
بسرعه جاب الها قيس كرسي متحرك كعدت علي ودكتورتها كانت موجوده
دخلوها القسم الولاده بسرعه وإني بقيت بره ادموعي وي ادموعها خوفي على أخــتي غلبني نساني كلشي الف فكره اجتي ب بالي خاف يصير بيها شي ب اثناء الولاده وهي عمليتها الاسبوع الجاي ليش هيج صار ليــش تقدمت الصار وياها وخلاها تتعب هيج وتتقدم ولادتها !!
صرت امشي ب الممرر ذهاب واياب واني اسمع الصرخات مال الولاده والخوف محلتني وكل صرخه يقشعر جسمي عليها
شفت ماما اجتي من بعيد تعبانه وجهه مخطوف واضح الخوف عليها على دانيا وصلت يمي وهي من كوه تجر النفس
ام حسن :- ها شلونها
ملاك :- ما أ؏ــرف اي شي
ام حسن :- طبيعي لو حولوها عمليه
ملاك :- لــأ طبيعي وما ادري شنو سبب هي دكتورتها مو كالت الها بـ؏ــد سبوع
ام حسن :- تصير هيج امور وكله بلي كاتبه ربج ادعيلها تكوم ب سلامه هي وطفل
ملاك :- ماما حصير خاله
لزمت خدي وطبطب علي
ام حسن :- واجمل خاله هم
بقيت واكفه متوتره واردد اللهم يسر عليها ولا تعسر ارددها ما اعرف شكد مر من الوقت ومحد طلع
دك فوني شفته كان رقم غريب من طبعي ما احب ارد على أي رقم غريب
اول دكه ما شلته ثانيه هم الثالثه صفنت ليــش دا يدك كل ما تخلص الدكه خاف احد من الاهل هذا لو شنو ما معقوله واحد غريب وهيج يلح اكيد احد من اهلي خاف حسن او حامد
كمت من يم امي و ابتعدت شويه عنها رجع دك فتحت الخط ما حجيت أي شي بس صوت انفاسي ينسمع اريد اشوف صوت اعرفه او لا
اجاني صوته من نبرته عرفته هوه
نيار :- ولدت لو بعدها
ملاك :- الناس تسلم ب البدايه استاذ
نيار :- بعدين جاوبيني ب الاول
ملاك :- وعود انت ليش هلكد مهتم شدخلك مو عندك شغل ومكدرت حتى تجيب امي
نيار :- جاوبيني بدون اسئله ولدت لو بعدها
حجاها ب حده بلعت ريكي وجاوبته ب هدوء
ملاك :- بعدها اطول يمكن بس كلي ليش مهتم وداك وانت كلت مشغول وعندي شغل
سمعت صوت أنفاسه قوت وهوه دا يأخذ نفس وصوت طكه الجداحه الي شغل بيها جكاره حجاها ب نبره غريبه وركز ع كلمه الاولى
نيار :- اا اختي دانيا وقلقت عليها
ملاك :- وإني شنو ؟
نيار :- دكي عليه لمن تولد
سد الخط ب وجهي بقانب باهته على سوالي اله شنو معنى سوالي اله ب انو اسئله شنو هي معزتي اله اخت بنت عمه لو شنو
ابتسمت ابتسامه استهزاء على نفسي وإني دا اكل ب نفسي علمود حضرت جنابه شنو وليش وشنو هذا شعور اله !!!
ليش اني هيج مهتمه اله ب أدق تفاصيله ليش هالكه نفسي هيج ب تفكير بي ليش ليش تعبت
من تفكير بي شلونه وأكل شدا يسوي تعبت من كل هذا التفكير تعبت من اعجاب مراهقتي الي تعبني وداني الطريق منحدر وخطر مال مشاعر وارهاق
أخذت نفس قوي واني اصبر نفسي واحاول اطفي النار المشتعله ب صدري بس ما طفت لا زادت اكثر
رجعت المكاني واني متوتره واهز ب رجلي مر الوقت طلعت السستر ( الممرضة ) تبشر ب الولاده
... مبروك عيني مبروك اجاكم ولد يخبل على امه يتربه ب عزكم
ماما وام قيس صارو يصلون على نبي والفرحه باينه عليهم بدت الاجرائات ودوها للغرفه لأن احنا بلقسم الخاص ونقلوها جابو الطفل ماما شالته جلده ترف
عجينة احمرر على وردي أدي ناعمة حتى لمن لزمتها خفت لا يتاذه من لزمتي من شده ترافت ايده
الكل ب الغرفه محاوط دانيه اجا على بالي معقوله يهمه امرها وباقي باله يمها ؟!
اي هي اخته وهمه اصدقاء من صغر اكيد لذالك ظال باله كمت وطلعت ب هدوء من الغرفه ابتعدت شويه
ودكيت علي يدك بس ماا يرد ردت اسد الخط اجاني صوته نفسه بدون ما ينطق حرف تمتمت ب هدوء اله
ملاك :- مشغول ؟
نيار :- لا بشري اسمعج
ملاك :- جابت ولد وسمو "أكبر" يوم إلي نشوف ابنك نيار
نيار :- تقبلين بيه ؟
ملاك :- شنو !!
نيار :- تقبلين تتزوجيني
اول ما كالها مي بارد انذب عليه دكات كلبي تعالت ريكي يبس ما عرفت شنو اتصرف بسرعه غلقت الخط
مدري من خوف مدري شنو إحساسي من كثر توتري طفيت الفون بسرعه
رحت للحمامات
أحس نار ب وجهي ما اعرف شنو سببها غسلت وجهي واحاول اخفف هل نار دكات كلبي عاليه خفت اي خفت ما أ؏ــرف شنو سبب خوفي بس خفت بسرعه رجعت للغرفه
أم ملاك :- وين رحتي
تمتمت ب توتر
ملاك :- ها للحمام
أم ملاك :- خابريلي على حسن تليفوني ناسيته واريد أحــچي وياه
ملاك :- ها طافي يمه فوني ما بي شحن قيس وين
أم ملاك :- هسه يجي
ملاك :- أي لمن يجي هوه خابري من عنده
ام ملاك :- وانتِ شبيج وجهج اصفر وتبلعمين
ملاك :- ما بيه شي بس من تعب يمكن او لان ما ماكله
سكتت وبقيت طول الوقت حايره شلون وشنو وليش طلب مني هيج طلب شنو الغايه منى واني اعرف او حاسه بي ما طايقني ولا طايق شوفتي وما اله خلكي بعد ليــش هيج طلب مني شنو يريد ؟؟؟
الخوف وتوتر سيطرن عليه من الي كاله عقلي كله تشوش وتخربط تفكيري من طلبه خاصه انو اني اعرف بي انو يحب وحده ويموت عليها !!!
صرت استذكر الاحداث قبل زواج دانيا ب ايام معدوده نقاش امي وحسن
من امي صاحت على حسن للغرفه صار عندي فضول قاتل حتى اعرف شنو تريد منه هي حتى الامور المهمه تحجيها كدامنا هل مره ليش صاحته !!
رحت وراهم ب هدوء للغرفه وكفت يم الباب وإني اسمعهم يحجون
أم ملاك :- يمه مرت خالك خابرتني طلبتني ب امر
حسن :-خير ان شاء الله اكو شي ؟؟؟
ام ملاك. :- ان شاء الله خيو بس وصلتني اكولك انو بلكت تكدر تقنع نيار انو يتزوج لأن هوه كان قبل فترا يريدها تخطبله وحده بس من رجع من سفرته تغير حاله وتخربط وضعه تكول وهسه ميبس رأس ما يقبل لــأ تخطبه ولا يكلها منو يريد وتريد تعرف شصاير بعد تعرف يا يمه كلب والده على ابنها وتريدله الراحه
حسن :- يمه ما الف وادور عليج وخصم الحجي من الأخير نيار جان يحب وحدة بس لل امانه محد يعرف منو هي او حتى اسمها بس الي فهمنا انو ربج ما قاسمها اله وراحت الحال سبيلها البنيه واتزوجت وجرحه بعده جديد وحامي خلي يطيب وبعيوني أقنعة الها وبيدي ازفه الها واخليها تفرح ب عرسه
امي تبلعمت ب كلام وحجت وهي متوتره
أم ملاك :- ياا هاي يا غمه ما قابله بي ليــش اكو وحده تكدر تبدله
حسن :- يمه كلشي قسمه ونصيب وربج ما قاسمها اله
أم ملاك :- زين هسه شنو اكول الها
حسن :- يمه كولي الها جرح بعدة بحرورته فترا وبعيوني ازوجه الها واخليها تفرح بي
ام ملاك :- هسه نيار وفهمنه علته انتي شنو سالفتك يمه بس لــأ هم عاشك وعايفتك
حسن :- ههههه يمه مو تحولتي عليه لــأ عاشك ولا معيوف ولا شي خليني على راحتي عايش حياتي لا زواج ولا إرتباط ومرتاح بالي احسن من دوخه الرأس
أم ملاك :- يا يمه انت صرت شاب والكل تتمناك وتتمنه كلمه منك شنو الي ناقصك حتى ما تتزوج ونشوفلك وحده حليوه تريحك وتقوم ب واجبك من ترجع من دوامك ويصير عندك طفل ينسيك دنيه وما بيها
حسن :- يمه اني شاكيلج على حالي ؟ خليني على راحتي وان شاء الله من اشوف الي تناسبني بعيوني اجيك واكلج هذيج الي هاويها ورايدها روحي خطبيها الي ها عايل وياج بشي اني ؟
أم ملاك :- ماشي ننتظر ونشوف تاليها شلون راح تصفه وياكم
فزيت من صفنتي على صوت امي وهي تكولي ساعدي اختج واخذي الغراض حتى نطلع أخذت الجنطه الي جايبيها والعلاج وطلعنا
اول ما طلعت من مستشفى هوه بارد ضرب وجهي استنشقته أحس شي بارد ب صدري قشعر جسمي اعيوني رمشن
ب هاي اللحضه خطر على بالي هوه وجكارته الي ما تفارك شفته كل ما اشوفه لازم تكون بين ايده
صعدنا ب سياره ورجعنا للبيت كانت الدنيا المغرب اول ما دخلنا رحت جبت أفراش وكلشي الدانيا فرشت الها ب صاله لان بعدنا ما مجهزين اي شي
كعدت هي وماما وقيس راح بقه شويه وبعدها راح صعدت الغرفتي فتحت الفون واني متوتره عفته على شحن دا اطلع الي ملابس حتى ادخل اخذ حمام وابعد هاي الافكار من راسي
دك فوني باوعت ب نظره خاطفه شفته رقم نيار اتوترت ازيد عفته وما رديت حسيت حرارتي ارتفعت بقه يدك شي 3 مرات
رحت قفلت باب الغرفه ايدي ترجف ارد او لا زين اذا عاد سواله شنو راح يكون جوابي اله دك للمره ال4 فتحت خط
وما حجيت شي بس صوت أنفاسي تنسمع اجاني صوته
نيار :- ليش غلقتي تليفونج ؟؟
حاولت اتضاهر ب القوه
ملاك :- هيجي ليــش عندك مانع ؟
نيار :- ما تريديني
تمتمت ب توتر
ملاك :- الف وحدة تتمناك
نيار :- وانتي من ضمنهم لو لا
ما رديت
نيار :- اعتبر سكوت علامه رضه لو شنو
ملاك :- شنو تريد مني
نيار :- اريدج
ملاك :- بس انت تحب
نيار :- منين جبتي هذا حجي
ملاك :- وهم ردت تخطبها للي تحبها بس ما صارت
نيار :- وانتي تعرفيها منو الي جنت أريدها
ملاك :- لا .
نيار :- اذا ما تعرفيها منين جبتي هذا الحجي
ملاك :- قبل شي أكثر من 9 أشهر امك حجت وي حسن حتى يقنعك تتزوج وسمعته كال الها انو تحب بس ما صارت
نيار :- هذا ماضي واحنا ولد اليوم
ملاك :- نيار أني بعدني صغيره كلي خامس والسنه الجايه سادس وأريد أكمل دراسه
نيار :- يعني المختصر
ملاك :- أرفض طلبك
نيار :- ما راغبتني لو لأن صغيره
ملاك :- نيار انت واحد غامض ما مفهوم الي تريده ابدا هاي ما عدا كلامك الي نصه ما أفهم منه شنو معناه اني صريحه ودوم احجي الي ب بالي ما اكذب عليك الف وحدة تتمناك على كلشي بيك
وإني من ضمنهن بس انت مثل اسمك نااار وما أريد اجوي أيدي من هسه وإني ما شايفه شي من حياتي
نيار :- هههه هسه صرت نار واجوي ترا هاي نار اكو سبب الها وإني دا أحاول اطفيها ونار ما تطفه إلا تأخذ حقها
ملاك :- شفت من كتلك تحجي كلام ما واضح ما قبلت هسه فهمني شنو قصدك
نيار :- راح يجي اليوم الي راح تفهمين بي كل كلمه اكولها الج يلا هسه روحي بعدين نحجي
ملاك :- شنو بعدين نحجي منو كالك راح أحــچي وياك بعد!!
سداه ب وجهي ما خلاني احجي صارت عندي صدمه من الي صار وكفت
اكبال المرايه واباوع على نفسي
صدك هاي اني هسه هيج حجيت وياه لو دا احلم عززا شلون هيجي حجيت شلون بينت انو اني هم اريده غبيه غبيه غبيه صرت اضرب نفسي ع خفيف ع غبائي
إحساسي ما اعرف شلون اوصفه خوف على توتر على صدمه من نفسي
أي انصدمت من نفسي
من حجيت وياه اول مرا احجي وي شخص
هيج مع انو اني اجتماعيه كلام وشقه وي الكل ولد وبنات من الأقارب
بس كانت نية صافيه واضحه ف ما اخاف ابدا بس هسه لا نية مو نيت أخت نية غير شي واني كلامي يا الله شهل غباء اني شعندي رديت وصغرت نفسي شعندي 🤦🏻♀️🤦🏻♀️
خلاني اخاف من نفسي ما أنكر اني معجبة بي اي ومن زمان من أول ما بدت مراهقتي معجبه ب أدق تفاصيله بس هسه
لمن صار صدك ويمكن هوه هم مبادلني الإعجاب ويمكن لا عنده غايه ف اختلف الموضع هسه
رجعت تليفون على شحن وأخذت ملابسي ورحت للحمام طلعت ونزلت جوه كعدت يم دانيا كانت دا ترضع ب أبنها
ملاك :- ها شنو وضع
دانيا:-ماكو شي شبيج انتي وجهج اصفر مدري احمر شصاير
ملاك :- شكو شصاير يا ستار ما بيه شي هذا كله من وراج غير ومن ورى صريخج زعت العافيه كلها
دانيا :- أي حقج مو انتي الي اطلكين جنتي والله لو شايفه الوجع ما كنتي حجيتي هيج
ملاك : - أي أي هاي هي سكتت
دانيا :- كومي شوفيلي فوني وين يمكن بغرفتج لو ب صاله الفوك جيبي حبابه
كمت رحت جبت الها فونها ورجعت مدري شنو الي خطر على بالي وسئلت
ملاك :- اكولج
دانيا :-كولي
ملاك :- انتي مو دكتوره كالت انو بعد اسبوع الا تولدين شلون هسه ولدتي
دانيا:- هااا يمكن من صدمه ب وفات حمزه خطيه ولد شاب اشاف من حياته حتى هيج يموت ولو الموت حق وكلنا على هذا طريق بس يمكن انقهرت علي ف تقدمت ولدت والله كاتبلي هيج بس ليش اسئلين
تحجي ب ارتباك
ملاك :- لا هيج خطر على بالي ... اني جوعانه راح اكوم اسوي عشه حتى اكل
دانيا :- لا ماما خابرت على حامد راح يجيب مشويات وياه
ملاك :- بعد احسن بس يتاخر لو لا لان كلش جوعانه
دانيا :- لــأ هسه جاي ب طريق
كمت رجعت الغرفتي أخذت تليفوني دكيت على منى
منى :- هلا ب البذاته هلا مو كلنا كل يوميه تخابريني وتنطيني آخر الأخبار وشنو الي يصير ها ولج
ملاك :- صبر صبر خل اجر نفس وانطيج اخرالاخبار واقواهن والتازه
منى :- يمه يمه ولج تعرفيني أحب التازه اني غردي بعد اختج اسمعج
ملاك :- اولها ترا دانيا ولدت
منى :- كللللللللللللللوش يعني صرت مرت خال واخيرااا
ملاك :- مثلا أني كلت الج اجا حسن يخطبج وانتي انطيتيني هل هلهوله مقدما ها ؟
منى :- ما دام اخته رايدتني اله فمن هسه أسجل نفسي ب اسمه وبظهر جنسيته حبيب كلبي
ملاك :- والله مطيه الي قيمه جبيره انتِ اخاف آصدمج بعدين
منى :- اهووو هسه على شنو هذا الكلام هسه يلا تكوليلي بعد شنو عندج اخبار تازه
ملاك :- هممم نيار
منى :- هلا ب خويي الروح والريه والمصارين مال زوجي هذا كوليلي شبي
ملاك :- انوب صار زوجهه أم اعطوب لــچ تهدي علينا
منى :-أي خيه اعرفج تغارين من اعطوبي بس عادي راح اسكت الحد ما تكملين الأخبار التازه العندج وبعدين عود اغرد عليج
ملاك :- كالي تقبلين تزوجيني
ملاك :- يابه الوو وينج وياي
منى :- بنيتي شاربه شي حرارتج مرتفعه كليلي شبيج شنو صايرلج حتى هيج شخطي فرد مره
ملاك :- مع الاسف لا شاخطه ولا شي والكلام الي كلته صحيح
منى :- ووالله وشنو جان ردج اله شكلتي
ملاك :- كلت اله ما اريد اخاف اجوي أيدي
منى :- لا ملاك جديات خل نحجي جد بدون شقه شكلتي اله شجوين شهل حجي مالج
ملاك :- اي شبيج هيج كلت اله باعي منى نيار شي غريب وما مفهوم خاصه لمن يكول بعض كلماته مثل نفس العرامه أو نفس العيون والجساره أو النار شعلت وما تطفه إلا تأخذ حقها الشي الوحيد الي يكدر يطفيها
هاي ما عدا كلام هواي ما مفهوم ولمن أسئل يكول يجي يوم تفهمين بي شنو جنت أقصد ب كلامي
منى :- بس انتي تحبي
ملاك :-هوه شنو الحب حتى أحب ماكو شي اسمه حب بس اوهاام ترا اني اكولج اي عود جد اني معجبه بي وبشخصيته ب كل تفصيل بي معجبه أي ما أنكر بس ما أوصل ولا يمكن أوصل للإدمان بي ونفس ما تكولين للشي الي اسمه حب
منى :- الله يستر من جاي ما مرتاح كلبي من الي دا يصير ولا منه مدري ليش
ملاك :- همم شوفي هسه اني راح اروح دا يصيحون عليه وها دزيلي كل تحاضير مال يومين هذني وإني الأحد اداوم ترا خوش
منى :- أنشاء الله هسه ادز الج
سديت الخط منها ونزلت جوه مر الوقت وكملت يومي وإني اتصفن نياار ما موجود
ثاني يوم كعدتني ماما ب 6 الصبح حتى أنزل ابقه يم دانيا خاف تحتاج شي لأن هي راح تروح للفاتحه
واليوم الثالث والختمه راح يسوها غده نزلت نمت يم دانيا وكل ساع افز على ابنها يبجي الحد ما صارت ب 10 اندكت الباب
كمت وإني طالعه روحي وبس اتافف لأن ما كدرت نام كل ما اغفه افز على صوت أكبر الله يساعد دانيا لعد رحت بسرعه غسلت وجهي وإني الم ب شعري لان صاير هوسه مشيت واني روحي طالعه
فتحت الباب وصارت أم نيار وبيبي أم نبيل (ام امي ) ونيار كبالي
ضليت صافنه عليهم ما مستوعبه هستوني كاعده وصارو كبالي انوب افتهمت وستوعبت انو همه كدامي واني واكفه ب نص طريق فتحت الهم الطريق
حتى يفوتون وإني أسلم ب البدايه بيبي سلمت عليها وبست اديها وراها أم نيار سلمت عليها راحو دخلو بقه نيار برا
نزلت راسي وكلت بنتر
ملاك :- تفوت لو لا
نيار :- فوتي بزونه ومره ثانيه ما تنترين عليه خوش اني رأيح للفاتحه ثيمالا
عافني وراح صعد ب سيارته وإني فاتحه حلكي شلون بسرعه أخذ ميانه ويحاسب بيه شلون أحــچي
انوب يكلي بزونه هذا شارب شي من صبح لــوو متحلم بيه وجاي عليه لــوو هذا حظي اشو اني الي اعرفه
الواحد لمن يرفضو يصير بركان وكبرياء وعزه نفس وهاي اشو هذا عكس العالم يمشي لو شنو موضوعه اشو منشنش وعايش دور العاشك الولهان لوما اعرفه كان كلت ميت عليه
سديت الباب وإني اهز ب أيدي فتت للبيت
أم نيار:- شنو خاله جنتي نايمه
ملاك :- خاله يا نوم والله اول ما اريد اغفه افز على صوت أكبر كل ساع يبجي
أم نيار :- أنشاء الله يجي يوم وتصيرين أم وكل هذا يصير عسل على كلبج بنيتي يا محلا تعب لعيون جهالنا
عفتها ومشيت شنو نيار طاش خبر لو شنو خاف خالتي هيج على نيتها تحجي حتى جايه تنطيني نصيحه
مر الوقت بسرعه صار العصر الكل اجه واجتمع ب الإستقبال بس دانيا نايمه ب غرفه امي
كاعدين الكل يسولفون ب أمور الفاتحه بعدين بقينا نضحك على سوالف أم نبيل لأن مره جبيره وسوالفها حلوه
أم نبيل :- أي يل كروده انت وهوه (نيار وحسن) جا شنهي شوكت تريدون تزوجين ويصير عدكم فريخ ب حضنكم
حسن : بعد وكت حجيه شفنا من حياتنا
أم نبيل :- انت انجعم اشو انجعم اشو ما فد يوم حجيتلك جلمه تريح الفاد جا شنهي شوكت لمن اطبون للعمرين تزوجون هوه منهو يكلبكم بعد
نيار :- ليش حجيه اشو الف وحده تتمنانه
حجيه :- أي الف صخله تتمناكم من حوركم هوه تاليها نزوجكم ونفشل لأن ما ادبرون نومتكم وترد البت الاهلها
هي كالت هيج لو نيار كان دا يشرب مي غص وهوه مشرر عيونه عليه
نيار :- حجيه شبيج انفتحتي مو عيب عدنا بزازين بعدهن صغار ما مفتحات
أم نبيل :- يمه يمه يل عياره مالتكم هل جيل لا تخاف تعلمك وتعلم المرحوم شلون تن****
للقصه تكمله ....
#الكاتبه فاطمه حمود (بنت بغداد )
لا تنسون النجمة ⭐ وآرائكم ب تعليق
والقصه انحذفت علمود بعض تعديلات بسبب طلب ف ارجو تتفهمون الوضع ❤️❤️