#هوانا_عراقي
الكاتبه اميره دجله
البارت 3
""""""""""""""""""""""
#الحله
عزام: لك وين فهد فهد اسد
فهد: خيرك شكو
عزام: الحگ يخوي ابن عمنا الافندي همام متعارك مع واحد عنده گلب وضاربه ع گلبه هذا ميت امكانه
اسد: شنوووو
عزام: اي والله واهل الولد ديدورله وان مالگوه ياخذون ثاره من العشيره وخاصتا اقاربه
فهد: بس هوا شدراه عنده گلب يعني ممتقصد يموته
عزام: والله يخوي الجماعه دمهم فاير على ابنهم لذالك خلنا نشوفلنه مكان نروحله لبين ماشويه يبرد دم الولد ونروح نعتذرلهم نشوف شيطلبون
فهد: يمعود هسه وين ننطي وجهنه والنساوين شلون بيهن
عزام: معليك بيهن حسين گال خلي يجن يمنه لبين ماتفض
فهد: وانت شلون تقبلها نخليهم يم الغربه صح حسين ابن عمتنا بس اهله غريبين عنه
اسد: له يخوي تعرف حسين صاحب غيره وواثقين بيه وبعدين هما عد عمتنه مو احسن من خوالك ميحملون احد
اسد :اي والله اني اشهد ب حسين خوش رجال وصاحب غيره.....وگد الامانه
عزام: يله خلنا نحضر ملابسنا بسرعه ...وينجن نوووور ساررره
نور: ها ها يخوي گول شاكو
عزام: صيحي ساره وياج حضرلنا ملابس وتحضرن انتن هم تروحن على بيت عمتج ام حسين
نور: ليش شاكو
عزام: ابن عمج كتله واحد مطلوبين دم يله ستعجلي
نور: هييي 😱يمه خواني وانتو شعليكم خوم مدخليكم بالسالفه
عزام: لعد شلون خو ابن عمنا يصير ..يله اخيتي استعجلي
نور:اوكف خل اصيح ماما
حجو لماما خطيه گامت تبجي خايفه عليهم حضرلنا ملابسنا والاشياء الي نحتاجها شلت هم شون راح نعيش مع حسين اني وياه منتراهم هذا يحب يفرض سلطته واني ماليه خلگه ...اجا حسين ابن عمتي ياخذنه واخواني راحو ودعناهم الطريق كله ماما تبجي
حسين: توكلي بالله خاله ترا مكو شي وهم راحو المكان محد يگدر يوصللهم
ام فهد:والله موبيدي يوليدي خايفه عليهم لايروحون بيها ...وين جانتلهم لاللها ولاعليها من ورا ابن عمهم الافندي يوميه مسويله مشكله
حسين: شسوين خاله هذا امر الله وانشالله ماعليهم شر انتي بس ادعيلهم والله ميردج انشالله
ام فهد: ونعم بالله
حسين: يله انزلو هاي وصلنا
نزلنا اني وماما وساره تلكتنا اسراء خطيه بالهلا والمرحبا وعمتي تلاكن هيا وماما شدن بالبجي اووو شغلنها مناحه
اسراء : هلا والله نورتونه تفضلوو تفضلوو
نور: زاد فضلج الجكمه اشوف الضحكه شاكه حلكج
اسراء: ههه اي والله جان من زمان بلشتو حتى تجين يمي
نور: عابت الناس بالناس والاگرع يمشط الراس
اسراء'ههههههه...وانتي الثانيه صايره دولار محد يشوفج غير دكولين بنت عمتي اسال عليها اشوفها ميته عدله
ساره:يمعوده وين اصحلي شو الدراسه هالكتني تعرفين بيه علمي ومالحك احك شعر راسي
اسراء:والله انتي وجهج وحد من يوم يومج متسالين
لادراسه ولابطيخ
ساره: ديله هسه اني مگابلج راح تبزعين مني الاطرديني
اسراء:لوما سالفه الثار يمكن ماشوف وجهج الاجلح الاملح
ساره: عابت غير احلى منج...گبر شگد غياره
اسراء:يبو اغار من منو قابل نانسي عجرم
ساره: مضغوطه ام خشم الجربه الخايسه 😏😌
اسراء:هاي شنو شو ابيتنا وتحجين عليه يمه
ساره: بيت عمتي والله
اسراء: اگعدي راحه وصيري عاقله ترا اطردج
ساره: لابله خوفتيني
اسراء:لابلتين
نور شبيجن ولجن متعاركات تعالن عاونني بالملابس لاعفتني عالنص خي نرتبهن
اسراء:لاوالله الا مافوك انطيناج غرفه تردين نخدمج هم خاف ماتشتهين
نور:والله اذا ماسكتي هسه اگوم اسحجلج
اسراء:والله يابه هم خطار وهم يدبج عالسطح
نور: اكلج ساره شو تعالي هاي جلدها احكها عالكتله
ساره: عد عيناج اخيتي
اسراء:ياا شبيجن ولجن غير اشاقه الا مافوك ابيتنا تردن تكتلني هم 😓
الدنيا صارت ليل ماما وعمتي گاعدات بغرفه واحنا بغرفه جنا گاعدين نتعلل ونسولف شويه وندگ الباب
اسراء:منو؟
حسين: اني تعالي اسراء احجي وياج
اسراء:ها خويه خوم اكو شي
حسين: لا خويه سلامتج هاي جبتلكم اكل من المطعم. وحلويات كلت خاف جوعانات اخذيهم للبنات
اسراء:فديت اخيي ال يفكر بينا
حسين: يله انه اروح. انام ...لاتسولفن بصوت عالي عيب من الجوارين
اسراء:صار
نور: منو ولج
اسراء: حسين جايبلنا اكل 😁
نور: هههه والله بوكته جوعانه
ساره: ليش انتي شوكت مجوعين شو كل النهار تسحگين
نور: جبي لج عوبه اليوم كلشي ماكلت ضل بالي عالولد
اسراء: هسه انتي شعليج بيها خليها تاكل هوا جا غير حسين جابه كله علمودها
نور: بله متنجبين انتي الثانيه گال علمودي گال.
اسراء:والله شبيج ترا مبين حسين يحبج شو شكد صارلي بهالبيت مابيوم حسين جابلي اكل الا من جيتي انتي
نور: بس لتحللين من كيفج يعني علمود جاب اكل صار احبني
اسراء: بكيفج لصدگين الايام تثبت
.....................
#الناصريه
مره من المرات جان واگف يحجي مع اخوي يم الباب وانه جنت اراقبنه منورا الباب ومندمجه بسوالفه شو ماحس الاالباب انفتح وياگاع انشگي وبلعيني
جابر:شسوين ورا الباب ولج
امنيه: م م م ماسوي شي انه
جابر: متبطلين سوالفج ..حسابج يمي
ايمن: شلونج امنيه
امنيه: الحمدلله بخير انت شلونك
ايمن: ماشين حدر رحمه الله
امنيه: عساك دوم
ايمن: اشوفنج كبرانه
امنيه: چا خو اضلن زعطوطه
ايمن : بله متروحين جيبيلنا مي عطشانين
امنيه: ضجت منه دوم يعاملني على اني جاهله يشوفني ناعمه يمه لان هوا من كد ماخشن جنه وحش بس شنو انه اله ابن ناضم😡 رحت اجيبن مي الهم شو ماشوفن الا گبت هوسه ومصايح طلعنا نشوفن شاكو وانه وثاب ابن نويصر. متعارك معاهم اجو ابوي وعمي وجدي طببوهم جوا
كاضم: ها شبيكم عمي ماعدكم عگل صواتكم واصله للستار
ايمن: اشايفنه عمي ناقصين غيره نشوفنه صاعد للسطح ومتسلط علينه تريد نسكت.
كاضم: مايخالف ابني نروح لهله اكيد مراح يقبلون ع ساالفته شنهي تريدون كلشي بالمعارك
ايمن: عمي شني تريد نشد گرون ونكعيد نشوفه يدحكن النسوانه
كاضم: انه ماكتلكم سكتو بس ياابني اكو ديوان نسحبه بيه هوا وابوه نفهمهم السالفه فهمو الخير واهلو مافهمو مااللهم ضله يمنه
ناضم: اي والله صح لسانك يخوي احنا بيت الشيخ جا شكولون علينا العالم يوميا مشكله وعركه مترهملنا
ايمن: والله انه مااتحمل اشوفنه خلني بس اشوفنه انوب هالمره مابيها مجال يعني يقبل انه اصعدن للسطح ونساوينهم گبالي خو نضل حابسين نسوانه علمود ابن نويصير كل النهار عالسطوح
ناضم: يكفي ابني باجر نلم بالديوان ونشوف شلون نرهمها
راحو بقو بس جابر ووثاب يتهامسون بينهم جنا كاعدين اني واختي جنه
يمه فديتنه ابن گويضم الغيور هسه مال اروحن اتغزلن بيه جنه شيخ .....واكفه يمهم هما يحجونون احجي مع روحي واضحك روحي واباوعن بوجه
جابر: وانتي شبيج اشوفنج مبتسمه خاف معاجبيج
امنيه: لا يخوي شيوخ انتم شيوخ
ايمن: شوفي ياامنيه لا اانتي ولا اي وحده اشوفنها برا لبين منشوف لهذا السرسري
امنيه: تامر ابن عمي بعد عندك شي
ايمن: لا اخيتي سلامتج
امنيه: سطرني براشدي بكلمته
اكلج جنه هذا. ايمن مينجرعن
جنه: ليش ولج شفتي عليه
امنيه: احسنه متكبر
جنه:خو شحجى الرجال مسمعتنه حجى شي غلط
امنيه: هيج انه احسنه
.........
#گهوچي_بغداد
نوري: السالفه ومابيها ياجماعه الخير عبوسي مو ابن جبار
مهدي: بلي
ابو سجاد: ايييي
نوري الگهوجي: لاكفينه على سطح الجيران
مهدي: شسوي
ابو سجاد: اكيد ادور نسوان وتسلقيات غير متواعد مع بنت الجيران
مهدي : الله اكبر عليك ابوسجاد لتفوت حضك
نوري الگهوجي :صفي النيه عمي ابو سجاد خو كلها مثلك
ابو سجاد: استغفرك ربي اللهم ديم علينا الدين
نوري: امين ابو سجاد امين ....
مهدي: كمل سالفتك عمي نوري
نوري: اي وعبوسي طايح الحض معندا شي بس حمامته رايحه على بيت الجيران ورايح يجيبها
ابو سجاد: وبالصدفه شاف بت الجيران وعجبته وكال فد مره اكبل معاها
نوري: اوووو ابو سجاد تخلينا نكمل لولا
مهدي: كمل عمي كمل
نوري الگهوجي: ومن نازل يجيبها بنتهم بالصدفه طالعه تشر الملابس ومن شايفته گامت تعيط بعالي صوتها لمت عليه المحله وابو البنيه طلع على صوتها يشوف شكو لمن شافه تعرفون شسوا
ابو سجاد: اكيد رگعه بالطابوگه
نوري الگهوجي: لا عمي لا
ابو سجاد :لعد اكيد شمره من السطح
نوري الكهوجي: لا عمي لا
ابو سجاد: لعد اكيد صطره صطره العباس وداس بخوانيكه وفطس عبوسي
نوري الكهوحي: لا عمي لا
ابو سجاد: شني هاي نوري لعد اكيد زوجه بنته وفضها
نوري; لا عمي لا
ابو سجاد: هايهو فضها نوري لا تخليني اكفر
نوري: نزل جاب البندقيه وراد يقنص عبوس لوما الجيران لازمي وحالفين عليه بضلع الزهره
ابو سجاد: عمي ميحتاج هوا عبوسي بجف يموت شو. من يصعد للسطح ماشوف بس كفشته جنه خيط
مهدي: ههههههخ
نوري: وبالگوه جبار مقنعهم انو نزل للسطح علمود الحمامه
ابو سجاد: ايييي ايييي هم اسويه الحض واروح لسطح الارمله ويزوجها الي غصب
مهدي ;ههههاي عمي انت غيرر حلمان ...حتى اخوانها يجنزوك
ابو سجاد: هاي شنو عمي ابو علي كل عقلك تحجي غير انه ابو سجاد كل العالم تشهدلي بزماني جانت كلها تخاف مني يسموني العگيد
نوري: عوفه عمي عوفه. حما حما
مهدي: ههههههخخخ
*************-*
#مركز_بغداد
ايوته:راحن خالاتي بقيت لوحدي اني وماما وووماما عاد نفتحت عليه بابن اختها كل مره يجن خالاتي ينشلع گلبي ينفتح الموضوع وماما ترد عليه
سوريه: بس لو اعرف على شنو شايفه حالج
ايوته: هاي كله علمود ماارضى باابن اختج
سوريه: اي ضلي ضلي تتعززين لما ترفسين نعمتج باايدج عاد يجيج وين الضال
ايوته: ميخالف المهم اخذ الاحبه ميهمني الشكل
سوريه: ماشي ياايوته ضلي هيج بس خل ابالج اذا ماااخذتي لاابن اختي لا اني امج ولا اني اعرفج
ايوته: ميخالف تردين اني هم بنتج ترجعين ترضين عليه
سوريه: :والله كتلج ابد حتى لتشوفيني وجهج اني شنو الي كسبانه منج يوميه ضغطي صاعد من قهرج لوما اريد مصلحتج مااجبرج بس اعرف ماامن عليج غير عند ابن اختي اعرفه شلون ولد اخلاق وجمال قابل شعندي هوا بس انتي هالوحده
ايوته: اهووو شكد تلحن ترا كلشي قسمه عوفن القدر هوا يقرر لويش متعبات رواحجن
تلاسنا اني وماما ومني كلمه ومنها كلمه اخر شي شفتها مسكت راسها وكامت تتمايل راسا رحت مسكتها
ايوته: ماما فدوه شبيج
سوريه: معرف راسي يوجعني حيل جيبي جهاز الضغط،اشوف ضغطي
ايوته: رحت جبته لجهاز الضغط قست ضغطها طلع صاعد فد مره راسا رحت عصرتلها ليمون ونطيتها حب مدرر ....وراها تعدلت حالتها صارت احسن ...ماما بطلت تحجي معايه عود زعلانه من الحجيته بقينا متقاطعين يومين ..بس فكر بمام لو صايرهلها شي بسببي ومجلوطه جان متت كل شي والا ماما ميهون عليه زعلها قررت اوافق على ابن اختها ..اجيت احجي معاها بستها من راسها وهيا متقبل تحجي معايه
ايوته: هاي شبيج مام كل هالزعل لخاطر ابن اختج اذا علموده فااني موافقه
يتبع
،،،،،،،،،،،،،،،،،،،،،،،،،،،،،،،،،،،
#السليمانيه
#اليائس_البائس 💔
اوراس: كل يوم اطلع اساعد والدي بالبستان نزرعه بنفس الوقت لمن اخلص اجي ادرس صار تفكيري كله بيها... والدي اسمه فخري ووالدتي اسمها اسمهان لمن نكمل شغلنا اني ووالدي نرجع البيتنا
اوراس: ها ماما شنو غدانه
اسمهان:غير تسلم يابو كرش ميهمك غير الاكل
اوراس: انا جوعان ياانسه ياسيده
اسمهان: دقائق يااسيد ويكون الغداء جاهزا
فخري:وما هذه اللغه ياسيد اراك تتكلم اللغه العربيه بفصاحه تامه
اوراس: نعم ياسيدي انني احبها واراها لغه المثقفين
احب اتكلم اللغه العربيه الفصحه واحب اقرى كتب احب اشعار لنزار قباني ومااحب الشعر الجلفي اكثر شي الفصحى
جنا كاعدين اني ووالدي وامي واخواني نتغدا اتصل بيه سامر
اوراس: الو سامر تفضل
سامر: ها ولك وينك
اوراس :انا في البيت جالس على الغداء
سامر: بالعافيه عليك...اليوم وين نروح
اوراس: تعال البيتنا نروح للبستان ورا الغدا
سامر: تمام جايك
اجا سامر سلم على والدي واهلي
سامر: كيف حالك عمو فخري اليوم في البستان سوف اجري
فخري: دربالك خاف ابالك تخمط من البستان ترا اعرفهن حاسبهن شجره شجره
سامر: اين زميلي المحترم
فخري: ذهب للغسيل الان سوف يعود
سامر: حسنا انني انتضره لنذهب سويا
فخري: انتو دومكم سويا جنكم حرمه وزلمتها
سامر ::هههههههه ....
رحت غسلت اجيت لكيت سامر دينتضرني
سامر :تعالي يامرتي وين جنتي
اوراس :هاي شنو انوب مرتك مال افشخك بتوثيه
سامر: غير ابوك يكول انتو مثل المره ورجالها
اوراس: يلا رجلي خلينا نروح لعد هسه نتاخر
************
#نينوى
امل: من شفت المنضغ حسيت الدنيا كن فترت بيه وبعدها فقدتو مااعغف شنو الي صاغ (مااعرف شنو الي صار)
قعدتو ع صوت ماما
رحاب: قومي اغيد احكي معاكي بسالفه
امل: خيغ اشاكو
رحاب: اجوكي خطابه وقينتضروكي
امل: شنوووو؟؟
رحاب: قومي البسي وترتبي ونزلي ديغشعوكي
امل: شنو يغشعوني منو قللكي اغيد ازوج ماازوج هسه
رحاب: قابل بكيفكي انا شفتونو للغجال وعجبني يبين ابن خيغ ومتدين
امل : قتولكي ماريد اشنو هيا بالغصب
رحاب: انا غاح انزل جوه وانتضركي دخلي متجين الااشوفكي نجوم الضهر
نزلت ماما وانا حتى معغف اشسوي حتى معتز ماعرفتو ليش كان مطعون ضل بالي عليه عدلتو نفسي شلون ماكان ونزلتو قدمتولهم جاي وقعدتني ماما يمها
قامو يحكون ابين عجبتوهم امه قالت يلا نترخص احنا نغوح ننتضر ردكم. شو ماما گبل قلتلم احنا موافقين ننطيكم انا وقفتو مصدومه مااعغف اشسوي تفاجئتو بالي سوته ماما
هما قالو تمام مدام موافقين راح نجي نسلمكم المهر ونريد بسرعه نزوجهم خلصو حكي وغاحو
امل: هاي اشسويتي منو قللكي انا موافقه
رحاب: مابكيفكي دشوفين الاوضاع شون مدهورا البنت ماللها ستر غيغ الزواج وانه رايدلكي الخيغ
امل: اشنو رايدلتي الخيغ وانا ماريد هاكذ خيغ الزواج عشره عمر قابل انتي الي غاح تعيشين معانو
انا حكيتو هاكذ ضربتني راشدي نطبع بوجي على ليش اراددها
امل: ترا انا ماصغيره حتئ تضربيني والله بس خي بابا يجي الا احكيلو الصاغ
رحاب: محد كن خربكي غيغ ابوكي انا غاح افهمو واقنعو
غحتو الغرفتي حبستو روحي يومين ماطلعتو قلتو بلكت تغيغ رايها بس مكو قافله ...ماما قاسيه معاي تعاملني عبالك ضرتها انا احب بابا اكثر منها لان مدللني ويحبني
بدلتو اغيد اغوح للكليه نزلتو شافتني هيا
رحاب: ها وين
امل:وين يعني للدوام
رحاب: ماكو روحه
امل: شنو انوب لاحكتيني ع دوامي
رحاب: قتولكي ماكو .... تزوجين عود عد زوجكي كملي دراسه
امل: قتولكي ماغيد يعالم خوماغصب
رحاب: مكو دوام عبالكي معغف بسوالفكي
امل: اشنو من سوالف
يتبع