هوانا عراقي

بارت19

#هوانا_عراقي

الكاتبه/اميره دجلة

بارت19

،،،،،،،،،،،،،،،،،،،،،،

#الحله

نور;بقينه ننتضر شويه وفوتت فهد التفتناله وانو يبجي اني بس شفته احس شي نزل من كلبي

-شاكو فهد،شبيك شصاير

باوع عليه وعلى اسرااء نزل راسه وحجى:اسراء حسين اخوج استشهد

ساره:لمن فهد كال لااسراء ولنور حسين استشهد،جمدن ابمكانهن نور گبل اغمى عليها اسراء بالاول انصدمت مااستوعبت بعدين شافت دموع فهد نجنت كامت تلطم وتصيح:حسسسسسسسسين لا لا ياربييييي ليشششش ياربي ليششش اخذت اخويه راح سندنا هواماعندي غير
هالاخ ليششش ربييييي ...مسكها فهد وحضنها وحجى:علكيفج يروحي المفروض تفرحين اخوج بطل شهيد انتي اخت هذا البطل ....ملخت شعر راسها حالها يبجي الحجر اما نور اخذناها للغرفه رشينه على وجهه مي نريدها تكعد ماكو نضرب على وجهه ونرش ماي شويه وكعدت
تباوع بوجوهنا شافتنا نبجي بس بقت ساكته ماكو لو دمعه متنزل من عينها نحجي معاها نريدها تحجي ماكو بس شارده نريدها تبجي تلطم حتى اطلع النارالبكلبها ماما تبجي وتحجي معاها وهي ولاعباالك جنا كاعدين لتمت الناس علينا شويه ونسمع صياح:ولكككك حسسسسين يمه وين نهجم بيت امك يمه  نهجم بيتي نهجم راح وليدي  ...طلعنه نشوف وانها عمتي  طلعو جايبيها و گبل من شايففتهم سالتهم شاكو تبجون ياستار
عاد فهد بايسها من راسها وهوا يبجي وكايللها حسين استشهد عمه
هيا بس،سمعت جان لاردتو حالها لو شفتوها ملخت روحها تلطم وتصيح وتبجي بحركه ....نور اخذناها عالمستشفى لان فقدت لاتاكل ولاتشرب ولاتحجي الدكتوره كالت داخله بصدمه انطوها ابر منومه بعدها بيومين بدت توعى شويه كامت تبجي وتحجي:ولك وين رحت حبيبي ولك حسين يروحي مو كلت ماعوفج موجنت دكول اريد اشوفج بفستان العرس هاااا وينك شو رحت وعفتني منو راح يخاف عليه من اتمرض ولج يمه راح وعافني يممهههه شلون راح اكمل حياتي بدونه.

نور لحد،هذا اليوم دموعها مابطلن على حسين عمتي،جابوها يمنه تعيش،لان بقت بوحدها خطيه جانت تتامل تشوف احفادها من حسين ونور ويسون عائله ...غرفه حسين ونور لحد الان مثل ماهيه كل يوم نور تروح لبيت عمتي هيا وعمتي تكعد بغرفتهم تضل تبجي وتحضن بملابسه وخطيه عمه من تشوفها تتذكر ابنها وتنهار بالبحي عاد ماما رزلت نور وكلتلها لشوكت تضلين هيج خطيه عمتح مريضه يروح تنجلط من القهر لاتضلين تاخذينها لبيتها تعذبينها ولاتضلين تبجين كدامها خطيه يروح يصيرلها شي عاد نور شويه خفت كامت من تبجي متبجي كدامها يكفيها القهر الي شافته بكل حياتها...كل مره يروحن لكبره يضلن يبجن نور تنام على گبره وتبجي

مااكللكم نسو وبطلو يبجون عليه لاوالله كل يوم يمر عمتي تبجي ونور واسراء كلنا نبحي على بجاهن حسين ترك اثر بحياه كل واحد بينه حسين الكل تحبه  المنطقه كلها نقهرو عليه هوا ماخلى احد يكرهه ...