الكاتبه/اميره دجله#هوانا_عراقي
الكاتبه/اميرة دجلة
بارت25 الاخير
،،،،،،،،،،،،،،،،،،،،،،،،،
#الناصريه
صعدت بالسياره قبله هوا هم صعد الطريق كله ساكتين محجينه شي هوا هم احسه مايحجي علمود ميوترني يخاف عالطفل وكفنا مقابيل عماره مكتوب عليها المحكمه مااعرف ليش من شفتها نزلن دموعي
-شمالج بويه لويش تبجين بس لامتريدين نطلك
التفتتله وكتله-لا بويه بالعكس دموع الفرح هاااااي
-يله يالله ننزل
اجيت انزل فتحت الباب هوا كبل جرني وكام يضحك
-شكو شبيك تضحك
- اششش لااجرم بيج
-شبيك غير تفهمني خل ننزل ليروح الوكت
شغل السياره ودار يرجعنه
-ايمن شبيك ترا والله طفرتني شتريد مني لاتقبل نطلك ولاتقبل تسامحني
-شش ولا كلمه خل نصل البيت ونتفاهم
-ماريد نتفاهم يله وديني لهلي
-لتتوترين مو زين للطفل
-وانت كل همك الطفل لعد اني شنو ها؟
ـ اخاف عليكم ثنينكم
-جذاب لو تخاف عليه معفتني لوحدي شهر كامل متسال عليه
-لان ضوجتيني
-كلمه وكلتها واعترف غلطت بس مو لهاي الدرجه
-امنيه خل نصل البيت ونتفاهم زين
-ماريد كبل وديني لهلي
-مكو متروحين اذا مانتفاهم
-شنو ماروح داكلك ماريدك اصلن كرهتك
-بكيفج تكرهيني
-جا بكيفك
-اي بكيفي شوكت ماريد اخليج تحبيني وشوكت ماريد،اخليج تكرهيني
-حيل واثق بروحك
وصلنا البيت اني كبل نزلت علمود اروح لهلي هوا اجا ركض جرني وطببني كوه للبيت
-عوفني ايمن شنو كوه كتلك ماريدك
-بالله كليلي انتي صدك تردين نطلك
-قابل مجذبه عليك
-هااااا؟
ـ اييي
-شو تعالي اليوم راح اطلع بيج كل قهري
-عوفني ايمن ايمممممننن
اخذني احضنه وباسني من راسي وكلي: حبيبتي انتي غلطتي وانه غلطت خل نفتح صفحه حديده وننسى كلشي
-لا ماسامحك ابد هاي هيه نتهينه
-جا بكيفج بس انه كلت اجيج بالزين واخذ اذن منج
-لا ايمن اكعد راحه شبيك تخبلت
-بويه متروحين انه كوه جنت مصبر روحي ع نج اليوم اطلع كل ايام الي جنت بيها بعيد عليج
-كتلك لاتجي يمي ايمن
-شووو تعالي ....
--ايمننننن
ووووو الخ...
سامحته لاايمن صار عندي بنت وولد منه لليوم ايمن حبه الي يزيد ماينقص واني هم مثله احبه وحبي اله يزيد يوم بعد يوم عمو ناضم فرحان بينه لان صرنه عائله وهوا صار جد حاولنه نقنعه يزوج بس ماقبل كال من بعد ام ايمن ماتحلى بعيني مره حقه يعني لو اني مطلكه من ايمن مجان ازوجت غيره خاصتا لمن واحد يحب من كلبه مستحيل ولابيوم تخيلت حياتي مع واحد غير ايمن جنت دائما اتخايله هوا زوجي وصار زوجي بالفعل الحمدلله بفضل الله
أنت تقرأ
هوانا عراقي
ChickLitقصه عراقيه تتكلم عن حب بكل محافظه عراقيه كل محافظه بيها حبها الي يميزها ولهجتها الخاصه بيها قصة منقولة للكاتبة اميره دجله
