#هوانا_عراقي
الكاتبه/ اميره دجله
بارت 9
،،،،،،،،،،،،،،،،،،،،،،،،،،
#الناصريه
بقت زهراء يمنا يومين وراحت خطيه احسن شويه ارتاحيت نفسيتها وتونست بعدين خابرتني كلتلي حماها ينتضر ردي كتلها مموافقه عليه كامت تحجي عليه ضلي تتعززين الا طيحين حضج والولد ماناقصه شي بيت لوحدج
بس اني جنت مصره على رفضي ممقتنعه بلولد هيا كالتلي براحتج ماريد ادخل باجر يصير مايصر تلوميني
ورا هذا الحجي بشهر تقريبا اجت علينه ام وثاب تعجبنه بجيتها هيا ماتجي علينا ولا مره طبت بيتنا
ام جابر:يااهلا وسهلا كل الهلا بيج خيه
ام وثاب:شلونج خيه اخبارج
ام جابر:بخيرالحمدلله انتم شلونكم ابو وثاب شلونه
ام وثاب';الحمدلله ماشين حدر رحمته
ام جابر:الله يجعلكم
ام وثاب: ويجعلكم خيه ...الصراحه ياام جابر جيتج طلابه
ام جابر:انشاءلله الله يقدرنا على طلبكم ومانردكم
ام وثاب:تسلمين اخيتي ...تعرفين ابني وثاب حل زواجه وانه كلتن اريدن اجوزك يمه وافرح بجهالك فوافق وكلي انتي اخطبيلي البنت التعجبج وانه كتله على امنيه بتكم فرح وانه ماشفتن اخير منكم موش عبن جدامج الله شاهد بناتكم الكل تشهد بااخلاقهن وانه رايدن امنيه بتكم لاابني
ام جابر:والله خيه نتشرف بيكم ومانلكي احسن منكم بس الصراحه الموافقه بيد البنات شوف هنا شيكولن اردلنج خبر
ام وثاب: يله جا انه اترخص راح اروحن وانتي رديلي خبر
ام جابر:يااا شعندج مستعجله ياام وثاب والله متطلعين الاتتغدين
ام وثاب:تسلمين اخيتي بيت عامر انشالله موش جايه اجربنكم.. لتحلفيني لازم اروحن ابو وثاب لوحده ينتضرني
ام جابر: دام هيج مالحن عليج اخيتي اخذي راحتج
ام وثاب: مع السلامه سلميلي عالاهل
ام جابر: الله يسلمج يصل انشالله
جنا كاعدين انه واختي اجت امي كالتلتي ام وثاب حاجتني عليج لاابنها وثاب .....انه بس كالت وثاب طرت من الفرح گبل كلت لاامي موافقه موافقه
ام جابر:يااا شبيج گبل كمزتي جنج مشايفه عالاقل شويه اخجلي كولي افكر بكيفج يمه.. يمه يمه ماضلن مستحه بنات اخر وكت والله كبل جنا من احد يجي يخطبنا نضلن
يومين منشوفن روحنا لالبونا ولالامنا چي نستحي منهم
امنيه: اهوو يمه متريدين تفرحين بيه خو شحجينه لو رافضه ماجان هم سويتيلي محاضره حرنا معاجن انتن الامهات
आप पढ़ रहे हैं
هوانا عراقي
चिक-लिटقصه عراقيه تتكلم عن حب بكل محافظه عراقيه كل محافظه بيها حبها الي يميزها ولهجتها الخاصه بيها قصة منقولة للكاتبة اميره دجله
